See in Reader
28 lines
1.7 KiB
Plaintext
28 lines
1.7 KiB
Plaintext
\id 2JN
|
|
\ide UTF-8
|
|
\h 2 Yoani
|
|
\toc1 2 Yoani
|
|
\toc2 2 Yoani
|
|
\toc3 2jn
|
|
\mt 2 Yoani
|
|
\c 1
|
|
\cl ŋati 1
|
|
\p
|
|
\v 1 Tara howiti, to hiito noŋorwo na ara onyimoti ho durre innohonyie, hunna amuno naŋ to bisan, obe ara hidofe nayya hame,
|
|
\v 2 ati iko daŋ illo oyyen ibisiti, to bisan nafa odule tohoi owuon iso iko hoi mak.
|
|
\v 3 Hamelehini, hamehini, owuon iso himwara iko hoi tara Hollum Monye ojo tara Yesu Kristo, Lonyi Monye, to bisan ojo to mune.
|
|
\p
|
|
\v 4 Amuno naŋ bino hijo arrumu naŋ durre hoi ilak olot to bisan iyya nafa efwotuni iyyohoi hifahi inna tara Monye.
|
|
\p
|
|
\v 5 Iyyania, efia naŋ iyye hito noŋorwo, obe ara iyya egiorok naŋ hifahi ŋejuk do hoi, ati nyia nafa owuon iko hoi man to hitieri, hijo anyar emuno iyyohoi wati.
|
|
\v 6 Inyia ne mune inna, hijo anyar elot iyyohoi to hifahita innohonyie. Hifahi inna, etiru ifa hido itai beren, hijo anyar idule itai loton ejio itai emuno.
|
|
\p
|
|
\v 7 Esarai henyiabak afau, ojo isia ebo huruk hijo ottu ifa Yesu Kristo tara to wan. Henyabani lia ojo hidofe ara mereni lo Kristo.
|
|
\v 8 Itiriŋai wati innahatai hijo hotobiaŋa itai etilitek hirro innafa egiemu itai daŋ, ati anyar efwotu itai hisiori nefut.
|
|
\v 9 Leno lobo ahosiere ojo inyie obe odule to hitiyena no Kristo, obe owuon ho Hollum. Ojo lia lodule to hitiyena honyie, owuon daŋ ho Monye ho Lonyi.
|
|
\v 10 Lawoŋ lobo tuŋani ta hatai obe eyyani hitiyena inna, ibaŋa efwotu inyia ta haŋitek innahatai, ibaŋa efony inyia.
|
|
\v 11 Lefony lobo inyia, otuba inyia to higemita innohonyie inno lorru.
|
|
\p
|
|
\v 12 Owuon hirro arria inno lawak naŋ egiorok ta hatai ati abe naŋ lawak egiorok isia to waraga ojo to hifioŋ inno galam. Ati awak naŋ awoŋ ta hatai anyar ero to homomite, anyar efut mune nohooi.
|
|
\v 13 Efonya durre inno hanasi hatai itai nafa onyimuni.
|