See in Reader
87 lines
9.0 KiB
Plaintext
87 lines
9.0 KiB
Plaintext
\id 2PE
|
|
\ide UTF-8
|
|
\h 2 Peturu
|
|
\toc1 2 Peturu
|
|
\toc2 2 Peturu
|
|
\toc3 2pe
|
|
\mt 2 Peturu
|
|
\c 1
|
|
\cl ŋati 1
|
|
\p
|
|
\v 1 Nayya Simone Peturu, ille pit iko hejufutani lo Yseu Kristo, ta hatai hullo efwotu hiruk nafa efwotu naŋ, hiruk to bisan no lowuon to Hollum lohoi iko to Hetilahani inyia Yesu Kristo.
|
|
\v 2 Isiara hamehini no hiruk hotowuana ika tai; isiara himwara hoto bolo to ofioroho inno Hollum iko to inno Habu lohoi Yesu.
|
|
\p
|
|
\v 3 Ara hirro daŋ to duaran no wuaran, ojo hitumuno nesio doohoi ara hiyyen no Hollum, ellilloŋo lia iyyohoi to ohuo nohonyie iko tolibe.
|
|
\v 4 To hirro inia, esio inyia te iyyohoi itieriti inno obolo ojo hidofe olibo. Ehum Inyia hijo anyar era isia ahabwanyak inno libe nyia nafa hoberen, iyya nia ebusak itai hiŋaru no iwahiti inno fau hunna loru.
|
|
\p
|
|
\v 5 Ati inni, iticem hiruk na hatai anyar ofonik libe iko hiyyen na hatai ofioroho.
|
|
\v 6 To hiyyen na hatai, hitigolo no wan, iko hitigolita he itai wati, dihan no wati innahatai, imuniti.
|
|
\v 7 To imuniti innahatai, hilasirak hatai iko mune no ilasirak hatai.
|
|
\v 8 Lo wuana hirro innia ta hatai ojo hidofe obolorik ta hatai, obe iso itai era aholofijok to hiyyen na Habu lohoi Yesu Kristo.
|
|
\v 9 Ati lia obe wan owuon iko hirro innia, egonyu hirro huna aŋati, ara inyia oŋodo. Aguwe inyia mai no elilari hiyyata innafa honyi hoberen.
|
|
\v 10 Ati teni, itai ilasirak hanaŋ, itigolo bii inna no to hililoŋo iko ta hanyimini nafa hatai. Nyo kuyya ehuma itai hirro innia, ati ebe iso itai ehuye tuŋ.
|
|
\v 11 Iyya ta hatai, esio iso da hatai hajiŋari to mune to obie no lobe owuon iko hicuŋi. Ara inyia obie na Habu lohoi Yesu Kristo Hetalahani.
|
|
\p
|
|
\v 12 Ati adule iso nayya hitigolo itai to hirro hunna emijak itai isia iko golon no dede nia owuon ta hatai.
|
|
\v 13 Ati itiyyen hijo obis ta hanaŋ heticeŋini itai iko helimahini itai hirro hunna, iyya halawuon naŋ to hihel na haji no musiama.
|
|
\v 14 Ayyen naŋ hijo adutu iso naŋ musiama nia hanaŋ ade, iyya nia etihutehini Habu lohoi Yesu Kristo ta hanaŋ.
|
|
\v 15 Ati ehum iso naŋ etigilu itai hijo anyar itai edule agocie hirro innia to holoŋitek daŋ ta halu ho ye hanaŋ.
|
|
\p
|
|
\v 16 Iyya nafa elimahini to hohoi itai hijo duaran iko hawoŋ na Habu lohoi Yesu Kristo, ebe ifa iyyohoi ejufuta hunna hinyebita, ati egonyu ifa iyyohoi Kwatan no honyie to honyehite inno hoi.
|
|
\v 17 Nyo efwotu ifa inyia hitihabuwo iko kwatan no Hollum Monye hohoi iyya nafa etirini inyia hikenita inno haduarani lo kwatan hijo, “Lonyi hanaŋ lia ille amuno naŋ bi nono.”
|
|
\v 18 Etiru ifa iyyohoi to wati ilohoi hirro nyia nafa te ido nafa ewuanari iyyohoi iko inyia to hide doŋe inna oduwa.
|
|
\v 19 Ati ewuon iyyohoi iko hiram no hekilani ne ero hijo anyar itai ehum hitira man acialari motie iko man edoŋori haheri inna haŋati no motie ta tajia hatai iyya lomo inna owulo te idumele.
|
|
\v 20 Ati itiyyen do to hosiere hijo, obe higierita inno hekilani ottu tara higigilo no hekilani ta wan nohonyie hame.
|
|
\v 21 Nyo obe ifa nobo hikila no ottu to wahan nolobo tuŋani ati ero hiyyo illo Hollum iyya nia elimahini Oyiri no Olibo illafa ero to Hollum.
|
|
\c 2
|
|
\cl ŋati 2
|
|
\p
|
|
\v 1 Afanu ifa telerok illo hekilak te Isarail, afanu iso hidofe telerok illo hetiyenak ta hatai. Eyyani iso isia ta hatai hitiyenita inno teler, atta rissai ettok lafa enyaŋu isia. Adumu isia to wati innohosie hitihara kuak kuak.
|
|
\v 2 Ejufuta iso iluluŋ no hiyyo hinyebita innohose, te isia etilitek atta hidofe iso himor hikoi no bisan.
|
|
\v 3 To hiŋaru to nohose, emumunu iso ibariti to hirorita innohosie inno teler. Ottu iso ŋoto to hose kuak; obe hitihara nohose elliŋa.
|
|
\p
|
|
\v 4 Obe ifa Hollum ofitok anjilohien illafa eyyau. Ati esio ifa inyia isia to Tartaru lottoŋita isia ta haririk ta mai neriok a hotwai man ottuni ŋoto.
|
|
\v 5 Obe hidofe inyia ofiitok fau nafa ho beren. Ati afiitok inyia Noah, lafa ero rori inno ibisiti, iko illak to heyyani nohonyie hifioŋ nebul fau no hiyyo illo obe eruk daŋ.
|
|
\v 6 Atta Hollum hinyak doŋe no Sodoma iko Gomora ahalu man ara ottuala atta aŋotok to hosie hitihara, hatara hutuhuti nottu iso to hiyyo illo obe eruk to Hollum.
|
|
\v 7 Ati nafa egiem inyie ania, atta inyia etuwuaru Lot, lafa etaban riŋa mura no huwo illo obe amanya to hifahita.
|
|
\v 8 To tuŋani haliboni lia, odiaha ifa taji nohonyie hettolojori holoŋitek daŋ to hiji ho huwo liyya atta oholio nohonyie diahai binno to hirro innafa egonyu inyie ojo hidofe etiru.
|
|
\v 9 Iyyania, oyyen Habu hetiluahu hiyyo illohonyie ade tara icemiti ojo hidofe atta eniefu hiyyo illo obe oyyen inyia atta hibak isia to holoŋ no oŋotori inyia hiyyo.
|
|
\v 10 Otten hiram inna dede to hiyyo illo odule te iwahiti innohose inne ebuot atta hidofe himor golon. Eŋere isia hihuma iwahiti innohosie. Obe isia abaŋ moro hegiamak illo Hollum.
|
|
\v 11 Owuon anjilohien iko golon na agalik no hiyyo daŋ, ati obe isia eyyani to honyie imoriti inno ŋoto to hosie ta Habu.
|
|
\v 12 Hiyyo ilia ille etiyena rori to teler-owuon iyya ciaŋi inno obe egigilo iyya iyyohoi. Obe oyyen hirro inno omoro isia.
|
|
\v 13 Etihar iso Hollum isia. Eriafini iso isia to hisiorita innohosie inno orru. Amanya isia to mune ta far. Ara isia iyya hibwotita ojo hidofe ettutubo. Omuno isia imunuti inno teler la adaha isia he itai.
|
|
\v 14 Efut honyehite innohosie iyya honyehite inno ŋoruo hasomok; obe isia oremik foŋi iyyau. Enyiob isia oholioho inno obe owueta no ogol atta etuhuye isia to hipalita, etuhutek isia tajia innohosie daya, atta hillama durre.
|
|
\v 15 Ebusak isia hikoi no obis. Eppalari isia adde atta ŋejufari hikoi no Balaam onyi Beor, lafa omoju idumuti to hipalita.
|
|
\v 16 Ati arrumu inyia hiriŋa to hipalita innohonyie. Etuwet sigira nafa odua ŋuai no hekilani atta hiro iyya tuŋani.
|
|
\p
|
|
\v 17 Ara hiyyo hullo iyya hari inna obe oremik ajurak. Ara isia iyya itiran no ohut oyyami. Etiho idumele anohose.
|
|
\v 18 Ero isia to hiŋere. Epiho huwo to daya no wati innohosie. Epiho isia hiyyo illa awak hurruat tara illia illa owuon iko hipali.
|
|
\v 19 Otiorok isia manya bolioŋ to hosie, ati ara isia ta wati te innohosie hemumunak. Ara tuŋani ahepitoni la agalik nobo sihin inyia.
|
|
\v 20 Leruat adde tara hibwotita inno fau to ofioro inno Habu iko Hetilahani Yesu Kristo, atta aciahari to hibwotita innia inyiak, owuon iso nia arun to hosie agalik no owuon ida isia ania iyya nafa hosiere.
|
|
\v 21 Olibo lo owuon ida isia obe oyyien hikoi no libe, ojo hidofe orru no to hiyyen atta hirruat ade tara hifahita inno olibo innafa esiarahini to hosie.
|
|
\v 22 Obis hitimiyahi inna to hosie dede: “Aciahari iŋohu te isetiti innohonyie. Aciahari batak lafa olibo wan attadaha.”
|
|
\c 3
|
|
\cl ŋati 3
|
|
\p
|
|
\v 1 Iyyania, egiorok naŋ ta hatai, halasira, waraga inna hitarrihi hijo anyar odioto higigilita innahatai,
|
|
\v 2 anyar egilu itai rori innafa ho beren innafa ero hekilak halibok ojo hidofe hifahi na Habu iko hetilahani lohoi te efahat illahatai.
|
|
\p
|
|
\v 3 Itiyyen inna ahosiere, hijo afanu iso henyabak to holoŋitek hucuŋita ille enyinyaba itai, illo ehuma hirro te iwahiti innohosie,
|
|
\v 4 ojo hidofe ero hijo, “Tahu ati hutuhuti na ŋacohini nohonyie? Oye ifa monyie hohoi, ati arasa hirro ania inno obe eloyito man to hayyeuni na fau.”
|
|
\v 5 Ague isia daŋ hijo etiwetihini ifa ido ha fau tara hifioŋ ojo hidofe to hifioŋ,
|
|
\v 6 to hiram no Hollum, hijo to hiram to nohonyie ojo hifioŋ iko fau to holoŋ to nyia, no oworori, ojo hidofe no oremik hitihar fau.
|
|
\v 7 Ati iyyania, ofitohini ido iko fau to hiram to nyia hatara no hima, ebusahini to holoŋ no ŋoto iko hitihara no hiyyo illo obe ara heruhok.
|
|
\v 8 Hotobiaŋa hiram inna erruat adde tara hatai, halasira, hijo ara far nobotie ta Habu iyya ŋasi alif arria, ojo ŋasi alif arria iyya far nobotie.
|
|
\v 9 Obe Hollum olot dee te itieriti innohonyie, iyya ehianak illak huwo hijo eliŋa Hollum to hirro innohonyie te iyye. Obe inyia awak lobo hotoyo, ati awak inyia ebusak huwo daŋ hotoyite do honyie.
|
|
\v 10 Ati, ottu iso far na Habu iyya lohoho. Olita iso ido to oyyami ne eyyorro. Osuahahini iso rori daŋ to hima, ojo higemita inno owuon dia daŋ atta ŋalieu.
|
|
\p
|
|
\v 11 Iyya ofuo hirro hunna daŋ hitihara to hikoi nia, era iso itai hiyyo iyya nyo? Itimanya no olibo manya no Hollum.
|
|
\v 12 Itilai da far no ociohini Hollum. Ta far nyia, etihara iso ido to hima atta hirro inno owuon daŋ emuadahini to nohon no hima.
|
|
\v 13 Ati te itieriti nohonyie, etila iyyohoi te ido ŋejuk iko ta fau ŋejuk, nefutari libe iko hiyyo illohonyie.
|
|
\p
|
|
\v 14 Iyyania halasira, iyya etila itai hirro inne, igiamai hirro innahatai inno olibo hijo hotobiaŋa nobo bel iko hipali owuon anyar afanu itai wuana ho himwara he inyia.
|
|
\v 15 Iruhu dihan na Habu lohoi hatara hetilohini, iyya nafa egiorohini Paulo ta hatai, iyya to ofioroho innafa esiarahini dohonyie.
|
|
\v 16 Ero Paulo hirro hunna ta waragaha innohonyie, ojo hinak ogol to hiyyien. Etihar hiyyo illo obe abaŋ ojo hidofe hosi innohosie ehauwa atta hitihar hirro hunna, iyya egiama isia te innak higierita, etihara isia wati innohosie.
|
|
\v 17 Iyyania, halasira, iyya eyyen itai hirro hunna, irririai wati innahatai hijo hotobiaŋa lobo lobe eruk to hifahita enyabari itai atta itai hidiak huruk.
|
|
\v 18 Ati itudule to rori hunna oremik hitibolo itai ta hamehini iko ofioroho inno Habu lohoi iko Hetilahani Yesu Kristo. Isiara ohuo hatara nohonyie iyyania man fur. Amen!
|