See in Reader
152 lines
14 KiB
Plaintext
152 lines
14 KiB
Plaintext
\id 1PE
|
||
\ide UTF-8
|
||
\h 1 Peturu
|
||
\toc1 1 Peturu
|
||
\toc2 1 Peturu
|
||
\toc3 1pe
|
||
\mt 1 Peturu
|
||
\c 1
|
||
\cl ŋati 1
|
||
\p
|
||
\v 1 Nayya Peturu lefahati lo Yesu Kristo ta hatai lonyimot hullo hame hame illo esarik ta fau no Kapadosia, Asia, ojo Bithinia.
|
||
\v 2 Illafa onyimu Hollum monye lohoi to lofioroho inno honyie man beren to bolo no igem no Oyiri no olibo, nia eruhori to Yesu Kristo, ojo to hubuluca to hoto no honyie. Isiara mune iko himwara hotowuana ta hatai nettok.
|
||
\p
|
||
\v 3 Isiara lohwo hotowuana to Hollum iko Monye la Habu lohoi Yesu Kristo. To hamehini nohonyie inna hitok, enyiak iyyoho esiuni ŋejuho to honyie to ŋere ne iruta no hebuhu no Yesu Kristo to yie -
|
||
\v 4 ojo to iruta inna obe oye, obe iso halitek iko rumai. Ottunehini te idou ta hatai.
|
||
\v 5 To golon no Hollum, erriria to huruk nohoi iko hetilahu nia lowu awoŋ to hucuŋi.
|
||
\v 6 Itimune to hunna, ara ta hido iyyania, anyar ida egigilo itai te icemiti arai.
|
||
\v 7 Anyar eyyen hijio owuon hicemiti to huruk nohoi, ati hiruk inna ara nettok ojo hidofe olibo agalik yiel, ebirohini ida hido to hima. Edwoŋ hido hijo anyar oremik hiruk nahatai heyyani hitihabuwo, kuatan, iko baŋi to haleu no Yesu Kristo.
|
||
\v 8 Obe itai egonyu inyia, ati omuno itai inya. Obe iso itai egonyu inya iyyania, ati eruk iso to honyie ojo hido itai iso emuno binno ahiyyo hullo obe ero to mune nelefut to kwatan.
|
||
\v 9 Ati iyyania, amoju itai to wati ilahatai huruk, te hetilahu no oholiohien innahatai.
|
||
\p
|
||
\v 10 Etufa ifa hekikilak atta arumek to hiriria no hetilahu, iyya to hamehini inna ara nahatai.
|
||
\v 11 Awak isia hiyyen hijo ŋari hetilahu nia lottu ifa. Awak ifa isia hiyyen hijo nari holoŋ iso ero Oyiri no Kristo to hotwajin hosie. Owuon ifa hiram nya ifa elimak inyia to hosie ahosiere hijo hitaban no Yesu Kristo iko hitahabwo inna ejufak inyia.
|
||
\v 12 Oleu ifa to hekikilak hijo egiama isia to hosie, ati obe ara to hosie. Ojo ta hatai to helimak no hirro hunna eyyani sayye ta hatai to Oyiri lo Olibo inna efahu te ido, hriro hunna awak anjilohien hijo halieu.
|
||
\p
|
||
\v 13 Anyar ida etibis itai hosi innahatai. Ihumak higigilo nohoi nala nyar. Heyiyik to hamehini no haleo no Yesu Kristo.
|
||
\v 14 Iyya durre inna abaŋ, hotobiaŋa hiyyo orrumu hipali ta hatai iyya obe ofioroho ta ra hatai.
|
||
\v 15 Ati iyya odua tuŋani lia ille ellilloŋu itai to oholio, hatai ituwuana no olibo te imanyiti innahatai.
|
||
\v 16 Ati egioro hijo “Heti libe, to nyo ara naŋ ahaliboni.”
|
||
\p
|
||
\v 17 Ojo le ellilloŋ itai hijo “Monye” ojo to lia ekumo to higiemita inno tuŋani lobotie, esok inyia holoŋ nya to hicielita.
|
||
\v 18 Eyyen ifa itai hijo obe ifa ara to yeli iko hiro hunna omura--iyya nafa etilwahini itai to hipalita inno imanyiti hunna etiyenini tara Monye hohoi.
|
||
\v 19 Ati, enyiaŋini ifa itai to hoto no Yesu Kristo, inna ara iyya hiito lo ker ille obe owuon iko hafore.
|
||
\v 20 Anyimini ifa Kristo holobe ya na fau, ati iyyania to hucuŋi inno holoŋitek niyya, alieu ifa inyia ta hatai.
|
||
\v 21 Heruho to Hollum to inyia, hijo etidietu Hollum inyia to ye iko lia esio hitihabuwo to hiruk iko to heyyik to Hollum.
|
||
\p
|
||
\v 22 Ati alibei itai to oholio no baŋi no dede hijo anyar ida owuon ahilasirak hullo omuno, hetimune wati inno hoi ta taja.
|
||
\v 23 Enyiak ifa itai esini, obe ara to haŋer hunna oye, ati ta haŋer hunna obe oye, to manya iko to hirro inno Hollum.
|
||
\v 24 Ati “Ara wan iyya miyaŋ daŋ, ojo hitihabuo ara itai turiana no miyaŋ. Lotei miyaŋ ojo turiana haruruni,
|
||
\v 25 ati ojo hikenita inno Hollum odule tulaŋ.” Hifahita inafa hasaie inia elimahini ta hatai.
|
||
\c 2
|
||
\cl ŋati 2
|
||
\p
|
||
\v 1 Ibusak liwa, hinyiaba, telleri, hayini, iko mwaŋa daŋ.
|
||
\v 2 Iyya idoliaha hullo hesini bi aŋejuk, itudule siaha lee inno oyiri, hijo anyar ida ebolo itai to hetilahini,
|
||
\v 3 le eciem itai hijo olibo hada Habu.
|
||
\p
|
||
\v 4 Ifanu to honyie ille amanya iyya moruo lafa ebo hiyyo haduhok, ati anyimu Hollum inyia, ati owuon anohonyie.
|
||
\v 5 Ara iso itai iyya moru hunna amanya anyar eduhori haji to oyiri, anyar ida ewuon iyya olibo lo hetimojok hullo esiara hisiorita to oyiri hunna eruk Hollum to wuana no Yesu Kristo.
|
||
\v 6 Egioro hijo, “Ihuma riŋa, etiara naŋ duho gul no Zion to moruo, anyimuni ojio hidofe olibo. To tuŋani leleruk to honyie obe iso owuon iko irri.
|
||
\p
|
||
\v 7 Itai hullo eruk itibanŋa. Ati, “to moruo iko ibak inna ebo haduhok, ara hiduhit no gul”
|
||
\v 8 ojo moruo inna etigiama to haduhok. “Etigiama, ojio hidofe omiasa to hirro inno Hollum, te innafa eruk isia.
|
||
\p
|
||
\v 9 Ati era tai hiyyo onyimot, ahegiamak illo Habu. Hotobiaŋa itai era iluluŋ no hiyyo illo obe olibo, ati hetira ahiyyo illo Hollum luŋa, ojo anyar ida etileu itai higiemita hunna olibo iyya inno hellilloŋoni hatai ade to idumele man to cialai no honyie inna olibo binno.
|
||
\v 10 Holobeŋ ifa itai era ahiyyo, ati era itai ahiyyo illo Hollum. Holobeŋ ifa itai efotu hamehini, ati iyyania efwotu itai hamehini no Hollum.
|
||
\p
|
||
\v 11 Itai illo amuno nayya ayo nayya ta hatai ilia hewuotok iko hatamonok hijo anyar itai ebusak iwahiti inno watik, inna hatai nyo orrem hirro innia iko loyirihen innahatai.
|
||
\v 12 Itimune no osiru to hiji ho paganohien nero ida hido isia hiro inno orru ta hatai, egonyu iso isia higiemita inno olibo, iko hitihabwo Hollum to holoŋ nya ottuni inyia.
|
||
\p
|
||
\v 13 To fure na Habu, Hotoniŋe hekumok daŋ inno hiyyo ara to hido ta habu lia ara etok.
|
||
\v 14 Kuyya ara ettok le efahu hijo anyar abahari hepalak iko haliwari hijo anyar etihabwori hegiamak ho hirro inno olibo.
|
||
\v 15 Nyo ara hirro inno Hollum, hijo anyar etiduwek hiyyo hatumok to higima no hirro inno olibo.
|
||
\v 16 Hetimanye iyya hiyyo hullo ahoni iko hetihok ho hipalita, ati anyar ida era apiti illo Hollum.
|
||
\v 17 Hetibaŋa Hollum, Habu iko hiyyo daŋ. Hetimune hilasirak hohoi.
|
||
\p
|
||
\v 18 Hegiamak, hetibaŋa to hiyyo illohoi hullo hittaha iko to hulo oru daŋ do higema, do hifaha, iko ta nyalami.
|
||
\v 19 Nyo, olibo hadihu tohoni hitigemita huna obe esuru to hiram no Hollum to honyie?
|
||
\v 20 Tahu ati libe nya hahadihu no hitigema iko baha to hiyyata inna hatai? Ati kuyya errumek itai baha to hitigemita inna hatai hunna olibo, ojo ta hadihu no hitigema innahatai, olibo to hosiere ho Hollum.
|
||
\v 21 Iyya nafa ellilloŋori inyia itai, hijo odihu ifa Kristo hitigema te' tai hesiarari iyyeniti ta hatai no hujufuta.
|
||
\v 22 Inyia lia ille obe eyyau, ojo hidofe obe enyiaba to hutuk nohonyie.
|
||
\q1
|
||
\v 23 Omoro hiyyo inyia, ati obe inyia omoru nohonyie. Etigema hiyyo inyia ati obe inyia ero, ati egigilo ifa inyia ta haŋotoni lolo'bis.
|
||
\q1
|
||
\v 24 Inyia to wan lohonyie lafa odihu hiyyata innohoi to yani, hijo anyar oye hiyyata innohoi ojo hehumari hirro ino olibo.
|
||
\v 25 To horroŋoni nohonyie, arumek itai libe. Esiabai ifa itai ade iyya kioro, ati iyya aciohini itai te Heyyohoni iko Heririani lo oyirihien hatai.
|
||
\c 3
|
||
\cl ŋati 3
|
||
\p
|
||
\v 1 Ŋorwo ijufutai hirro inno liawa hatai obeŋ ida hido illamuk illohose eruk to Hollum, afanu iso isa hiruk. Obe ati ara to hirro, ati ara to higemita inno ŋoruo innohosie.
|
||
\v 2 Egonyu isia higiemita innahatai inno olibo to hiruk nahati hirro.
|
||
\v 3 Hotobiaŋa ida ŋoruo egigilo to libe no wati innohosie inne etilahamanari isia wati te iŋotiti iyya yeli, ya no hofir iko hiciofo no'lolibo,
|
||
\v 4 isiara ida itai hotodule tajia innohose hilahaman to nyalami, anyar odule hilahaman to hosiere Hollum.
|
||
\v 5 Heruhok innafa ho'beren olibo ifa isia to Hollum atta hitilahaman wati to hitilahamanita iyya inno omunori isia liawa innohosie.
|
||
\v 6 Ara ifa Sarai nolo'omuno Abramo atta hillilloŋ inyia habu nohonye. Era isio itai ŋaniok ha Sara lehuma itai nolibo hidofe obe ara ta baŋi inno hiro.
|
||
\p
|
||
\v 7 Itai liawa hidofe anyar emanya itai ho ŋoruo innahatai nolobis ta baŋi inno wati, ara hiito ŋoruo nolodicio golon nohonyie. Iririeu ŋoruo iyya tuŋani no ofiahai nyo era itai daŋ aharutak inno hamehini no wuaran lehuma itai daŋ ania, obeŋ iso imojiti etiho to Hollum.
|
||
\p
|
||
\v 8 To hucuŋi no honye, anyar ewuon ha taji no obotie iko higigilo; Hetolojo to mue iyya halasira to nyalami iko mune no wati.
|
||
\v 9 Helienyu lia lehum noloru ta hatai, lo omoro itai, itudule jaha, to hiram nia ifa ellilloŋini itai, hijo anyar erutak itai ijohiti.
|
||
\v 10 Iyya egioro to Bibia: lia awak munoi manya no lolibo hidofe egigilo hegonyini holoŋitek inno olibo, anyar ebusak teler iko hihumita inno lorru.
|
||
\q
|
||
\v 11 Hotoyite ade to iruti, ati hegiamai higiemita inno olibo. Hetisiahai taji no bolioŋ.
|
||
\q
|
||
\v 12 Orriŋa Habu to ilia habisak, hidofe hetire mojo nohose, ati hebwara rutejok.
|
||
\p
|
||
\v 13 Ŋai lia iso lo oremik hitihar itai lejufuta itai to golon no hirro inno olibo?
|
||
\v 14 Ati, itai ilia erumek hitigiemita to bisan, erumek iso itai ijohiti. Baŋa labaŋ hirro hunna abaŋ isia ojo hidofe baŋa elafuho.
|
||
\v 15 Hehumak Kristo ta taja innohoi, etihabuwo inyia a habu. Ihuma hitira daŋ ta sayye, itai ilia awak hifia heyihini nolowuon ta tajia hatai.
|
||
\v 16 Ihuma elimak tohosie ta nyalami iko to baŋi. Ihumai ta nyalami no baŋi. Ihumak higigilita inna hatai inno obis, hijo lo omor itai, ilia ero noloru ta' hatai lolibo manya nahatai a hejufak ilo Kristo, ofuo iso hiloriri to hirro niyya ero isia.
|
||
\v 17 Anyar lerumu hitigemita hehumari nololibo, lara inno wahan no Hollum, baŋa egiamari irruti.
|
||
\v 18 Odihu ifa Kristo hitigemita, attati ye hinyiahi nobotie to hiyyata, anyar eyyani iyyohoi to Hollum. Oye habisani to heyyak. Loye wan nohonyie ojo Loyiri nohonyie owuar,
|
||
\v 19 wuana nohonyie ho loyiri eno ifa Kristo ettitori loyirihin innafa to kijan.
|
||
\v 20 Ara ifa hunna oholioho inno hiyyo illafa omiasa to Hollum ta nafa etilari to hilik na taji to holoŋitek innafa oduhori Noah togoli. Hiyyo kai illafa etilahini ta hari, ara ifa isia hotohunik jia.
|
||
\v 21 Ara inna hitiriji no Batisimo ne etilihu itai, to ‘hebuhuni no Yesu Kristo. Obe ara to hillilla no hibwoti no wan, ati etihutek inyia taji no osiaha Hollum harumuni libe.
|
||
\v 22 Aciahari ifa Kristo idou, ati ettole inyia ta hani inyiet no Hollum, oniŋie anjilohien iko habollok ojo iduariti to honyie.
|
||
\c 4
|
||
\cl ŋati 4
|
||
\p
|
||
\v 1 To hitigiama nafa orrumu Yesu to wan nohonyie, iciofok ta wati innahatai higigilo ne erri iyya nohonyie. La arrumu lobo hitigiama ta wan, owueta inyia tara hiyyau.
|
||
\v 2 Enyiei tuŋani ille hamanya te iwahiti inno wan, ati te iwahiti inno Hollum- to hicuŋi na manya nohonyie.
|
||
\v 3 Ajo naŋ ta hatai ania nyo obolo manya nahatai ta fau inni iyya hiyyo hullo obe ara heruhok- ara iwahiti hunna hirro inno somon, daya, ruma, hijoria, hiŋiŋalafa ta masik inno hiyyom, hitihabuo no rijorihien.
|
||
\v 4 Elafuho isia binno hijo no nyo ebe itai ehuma hirro inne daŋ hosie, atta isia hirro ne ebuot te itai.
|
||
\v 5 Ofu iso isieja etuhutek to Hollum haŋotoni la hayyok iko hiyyo hullo amanya.
|
||
\v 6 To hiram to ne etiyenari hiyyo sayye no Hollum to hiyyo illafa oye, oŋot ida hido Hollum isia to wati innohosie to hira nohosie hiyyo, hijo hatamanyai isia to Hollum to oyiri nohonyie.
|
||
\v 7 Awoŋ hucuŋi no hirro. Iyyania, igigile na anyar, anyar egigilo itai to hiram no mojo nahatai.
|
||
\v 8 Holobe hinak hirro, itumune watie innahatai, nyo obe mune awak etileu hiyyata inno hilak.
|
||
\v 9 Ituhutek himorot to mune, hotobiaŋa itai elahana.
|
||
\v 10 Iyya efwotu itai hisiori gele gele, igiamari ejio hidofe eluahari watie innahatai iyya era itai hattunak illo hisiorita inno Hollum arria.
|
||
\v 11 Lero lobo, isiara hatara iyya Hollum ero, lara lobo a hegiamani, isiara igem nohonyie hawoŋ tara golon ne esiara Hollum, to hirro inne daŋ ohu iso fure no Hollum to Yesu Kristo. Nyo ara ohuo iko golon innohonyie mak man fur. Amen.
|
||
\v 12 Halasira, ibaŋa eyari iciemiti inno owulo ahima hunna afanu hicem itai to hikoi no olufa, iyya ara mahu nobo sihin no olufa edoŋ ta hatai.
|
||
\v 13 Ati iyya eba hirro inne arria ta hatai iyya eba ifa to Kristo, itumune, anyar honyie emuno la lieu ohuo nohonyie.
|
||
\v 14 Lemor hiyyo itai to fure no Kristo, arrumu itai jaha, nyo owuon Oyiri no ohuo iko Oyiri no Hollum da hatai.
|
||
\v 15 Ati hotobiaŋa lobo lahatai orrumu hitigiama iyya hattohoni, iyya lohoho, iyya lorrute, iyya hetiharani.
|
||
\v 16 Ati larrumu lobo hitigiama to hira nohonyie a heruhoni, hotobiaŋa inyia eloriri, ati isiara inyia hetihabuo Hollum to fure nyia.
|
||
\v 17 Ottubai to holoŋ no ohuye Hollum aŋotori, etiara ta haji no Hollum. Letiara he iyyohoi, heidoŋ iso nyo to luha illo obe etira sayye inno Hollum?
|
||
\v 18 Ojo “letilohini tuŋani lo olibo to hitigiemita, heidoŋ iso nyo to tuŋani lobe oyyen Hollum iko heyyani?”
|
||
\p
|
||
\v 19 Iyyania, isiara ilia illo orrumu hitigiama iyya awak Hollum hesiara oholioho innohosie to Hayyani lo olibo ojo isia odule higiama ilibiti.
|
||
\c 5
|
||
\cl ŋati 5
|
||
\p
|
||
\v 1 Ero naŋ te eittaha illo owuon to hiji hatai, ille etiyana iluluŋ no heruhok, nayya, ara hidofe nayya daŋ ettok ojo hidofe ara asut inno hitigiemita inno Kristo, ajo hidofe ara lobo lohu iso egonyu ohuo no ohu aliew.
|
||
\v 2 Iyyania, ero naŋ ta hatai, ettaha, ihuma riŋa iluluŋ no kioro no owuon to hiji hatai. Itirriŋe to hosie, obe ojio hijo, anyar erriŋa itai to rosso, ati to wahan nahatai, iyya awak Hollum. Itirriŋe to hosie, hotobiaŋa ara to wahan na arobiya, ati wahan to bolioŋ.
|
||
\v 3 Ibaŋa ehuma iyya ettok to hiyyo illa ara illahatai. Ati anyar era itai a hutuhuti to kioro.
|
||
\v 4 Lalieu herribitani lo kioro, efotu iso itai ohuo na tamu nobe wule nohonyie oremik hissaha.
|
||
\p
|
||
\v 5 Iyyania, ero ta hatai nyarhalu, anyar eruk etira itai to hiyyo illo hittaha. Isiara heruhok daŋ hehuma te hilak hiyyo ta nyalami iyya egiama to hosie. Nyo ebo Hollum hetidarak, ati esiara inyia hamehini ta hanyalamak.
|
||
\p
|
||
\v 6 Iyyania, inyaha wati innahatai ahalu to golon na hani no Hollum hijo anyar ahaf inyia itai ahide to okit nohonyie.
|
||
\v 7 Isiara daŋ hilafuhita innahatai to honyie, nyo eriria inyia itai.
|
||
\p
|
||
\v 8 To holoŋi daŋ, ihuma riŋa, nyo oreta sitan heturuoni, iyya emie aŋati, osiaha hijo anyar etihar isieja lobo.
|
||
\v 9 Ituwetai no ogolo hefuhari inyia. Itigolo huruk nahatai. Itiyyen hijio odi halasirak illahatai ilia owuon ta fau hitigiemita inia daŋ.
|
||
\v 10 Le esaha hitigiama nahatai, ehuhumak iso Hollum la hamehini, lafa ellilloŋu itai to ohuo nohonyie nobe hucuŋi no owuon to Kristo, atta iso essihok itai, ojio hidofe etigol itai.
|
||
\v 11 Amojo naŋ hijio hatara golon nohonyie ahosiere man fuur. Amen.
|
||
\p
|
||
\v 12 Ayyen naŋ hijo ara Silvano a tuŋani le elim binno, egiorok ifa naŋ ta hatai te inyia. Ero naŋ ta hatai ajo hidofe etuhuta itai hijo ara rori innafa egiorok naŋ ta hatai hamehini no obis no Hollum. Ituwetai te innia.
|
||
\p
|
||
\v 13 Nyie lowuon ta Babilonia, nafa onyimuni he itai, efonya itai iko Marko, lonyi hanaŋ, efonya itai.
|
||
\v 14 Ifonya wati innahatai daŋ to mune. Isiara mune daŋ hotowuana ta hatai ille ewuon to Kristo.
|