See in Reader
44 lines
2.5 KiB
Plaintext
44 lines
2.5 KiB
Plaintext
\id PHM
|
|
\ide UTF-8
|
|
\h Filimon
|
|
\toc1 Filimon
|
|
\toc2 Filimon
|
|
\toc3 phm
|
|
\mt Filimon
|
|
\c 1
|
|
\cl ŋati 1
|
|
\p
|
|
\v 1 Naya Paulo babus to Yesu Kristo iko Timoteo ilasi hohoi. Egiorok iyohoi to Filimona le emuno iyohoi iko motyera oyo hegyama,
|
|
\v 2 Apphia inasi hohoi iko to Archippus osengeri iko to kelesia naa owon tahaji hoi.
|
|
\v 3 Isyara hamehini hotawana tahatai iko helik nataji no ottu toro Hollum Monye hohoi iko Habu Yesu Kristo.
|
|
\p
|
|
\v 4 Esyo nang humo to Hollum lalang oholingitek dang teyiye lamojo nang.
|
|
\v 5 Nyo ettiru nang mune no hoi ojo huruk nohoi to Hobu Yesu iko to hiyo illo Hollum dang.
|
|
\v 6 Amojo nang anyar huruk nohoi iyaani to hiyo hiyen no hirro dang inno anyar inno afaanu toro Kristo.
|
|
\v 7 Awon nang iko munee no lobolo, assan tajaa ino hiyo illo Hollum ello etilik hiyaba nohoi.
|
|
\p
|
|
\v 8 Tonia, hata aremik nang hingere hefahahini iye to Kristo hegiamari no lolibo,
|
|
\v 9 elalyaa nang tohoi to mune, nyo nayaa Paulo marwani iko babusiti to Yesu Kristo.
|
|
\v 10 Efyee nang iyee to lonyihanang Onesimo, lafaa etamu nang tani ta babus.
|
|
\v 11 Oruu ifaa inya ta hatai ati iyania olibo inya tahatai ojo hidofe tahanang.
|
|
\p
|
|
\v 12 Efahu nayaa inya to hoi. Itimoju inyaa iyaa lonyi hanang tomunee,
|
|
\v 13 Awak idaa nang inyaa narasa ikanang anyar legyama hotolwa nayaa iyaa hala won nang tababus to hiram tono sayyee ino olibo:
|
|
\v 14 Aati abeng nang awak higyama nobo sehinai ajo iyee ebeng enyin. Obeng nang awak nyaru nohoi hatara to igyem, aati anyar araa to wahana,
|
|
\v 15 Kuyya opiahari ifaa inya torohoi ati anyar acohinii tohoi tulangtulang.
|
|
\v 16 Obeng inya ara, ati agalik inya pit, ara inya illasi elee amuno nang binono. A muno nang inya, ojo hidofe bino to hoi, to wyaha nohonyi iko to huruk honyi Habu.
|
|
\p
|
|
\v 17 Legigilo iye hijo ara nang loriahati lohoi, ifwotu inya iyaa nayaa.
|
|
\v 18 Kuyya apal ifaa inya, kuyya owoni horosi inohoi ikonyi, onoto hero nia tahanang.
|
|
\v 19 Nayaa, Paulo, egiorok wara inna ta haani nanang, aduma iso nayaa. I'ee hero to heram no horosi enanang ikohoi, ara inya iyaa wan nanang!
|
|
\p
|
|
\v 20 A'ee illasi, anyar itimuno iye nayaa to afure na Hobu, itiliha taji nanang to fure no Kristo.
|
|
\p
|
|
\v 21 Egiorok nang tohoi nyo amijak nang dede hifaha nohoi, hidofe eremik iye higyam na agalik to inno elimak nang tohoi.
|
|
\p
|
|
\v 22 Anya iina nihuhurnak iye mai tahanang hamanyari, nyo tomojo to nohoi, a cohini iso nang to hoi.
|
|
\p
|
|
\v 23 Etifonya Epafro iye, motte hanang le owan tababus to Yesu Kristo.
|
|
\v 24 Itifonyai Marko, Aristarchus, Demas, and Luke, ilasira hanang hegyamak.
|
|
\v 25 Lsyara hamehini no Hobu lohoi Yesu Kristo hotowana holoyiri lohoi. Amen.
|