See in Reader
70 lines
6.8 KiB
Plaintext
70 lines
6.8 KiB
Plaintext
\id TIT
|
|
\ide UTF-8
|
|
\h Tito
|
|
\toc1 Tito
|
|
\toc2 Tito
|
|
\toc3 tit
|
|
\mt Tito
|
|
\c 1
|
|
\cl ŋati 1
|
|
\p
|
|
\v 1 Paulo, hegiamani lo Hollum ojo hidofe ara efahati lo Yesu Kristo, to huruk no hiyyo illo onyimu Hollum iko to ofioroho inno obis ojo hidofe erri iko hirro inno Hollum,
|
|
\v 2 to huruk ta manya no wuaran inna osio fur no Hullum, ille obe oteler, nafa otiorohini man beren.
|
|
\v 3 Ati to holoŋ no obis, etuhutek inyia hirorita innohonyie to hiram inna esio inyia ta hanaŋ hesiarari. Ne egiem ifa nayya inna to helimak no Hollum hetilahani lohoi.
|
|
\v 4 To Tito, hiito ille dede to hiruk nohoi. Hamehini iko himwara tara Hollum Monye, iko Yesu Kristo hetilahani lohoi.
|
|
\v 5 Nyo to higigilo nia edek ifa nayya iyye to Krito, hijo anyar mahati etiara iyye hiro inia innafa obe wati esahahini, ejo hidofe eniafak ilia hittaha to doŋiok iyya elimak nayya iyye.
|
|
\v 6 Hotobiaŋa ettok owuon iko nobo hipali, oliawa lo owuon iko hiito noŋorwo nobotie, iko durre hullo ara heruhok hotobiaŋa ara hetiharak kuya hidofe hamiasak.
|
|
\v 7 Olibo te ettok le ikelesia la awak inyia hira heniefitani la haji no Hollum, hotobiaŋa nobo hipali owuon to honyie, hotobiaŋa hidofe inyia ara heyyoritani. Hotobiaŋa hidofe inyia ara hejoriani, hotobiaŋa ara harumani lo balu, hotobiaŋa ara hetiŋalafani, hotobiaŋa hidofe ara tuŋani laŋaru.
|
|
\v 8 Ati hatara iso atuŋani le emorot, hatara amote no hiro inno anyar. Hatara hidofe lobo ile omijak higigilo, hotobisa, atuŋani lo owuon ho baŋ to Hollum, ojo hidofe tuŋani le eniefita wan nohonyie.
|
|
\v 9 Isiara inyia heniafa hiram no obis na anyar nafa eyiyenu inyia, anyar esiŋ inyia illak to hitiyenita inno olibo anyar etibisak hiyyo ille ebo hiram nohonyie.
|
|
\p
|
|
\v 10 Nyo emonya hiyyo hullo ara hamiasak, emiata ilia hullo oŋot wati. Obe hirorita inno hosie oluak. Ara isia henyiabak ojo hidofe eyari hiyyo tokoi inno obe obis.
|
|
\v 11 Awak luŋa hitiwet isia. Nyo etiyana isia hirro hunna awak isia hijo anyar eyyani to hosie irri hunna oremik isia hitattur woyojin.
|
|
\v 12 Lobo tara hosie, olefere lo hiyyo, ojo, “Ara hiyyo illo Kreto telerok, orru ojo hidofe oyeyer iyya ciaŋi, hiyyo hullo halanak.”
|
|
\v 13 Ara hirori nia dede, tonia itibisak isia nanyar hotowuana mahati iko hiruk no olibo.
|
|
\v 14 Baŋa enyiak hitira obiliwari inno hiyyo illo Yudei iko to hitimiesita inno hiyyo hullo oyitok horuoŋitek to hirro hunna obis.
|
|
\v 15 To ilia hulo ara halibok, isiara hirro hotolibe daŋ. Ati to ilia hullo ara hamurak ojo hidofe obe ara heruhok, obe oremik nobo sihin to hosie no olibo. Nyo ebwot higigilita iko ofioroho innohosie.
|
|
\v 16 Elima isia hiyyo hijo eyyen isie Hollum, ati orisa isia inyia to higiemita te innohosie. Ara isia hebwatak ojo hidofe ara hamiasak. Obe isia osiru to nobo igem no olibo.
|
|
\c 2
|
|
\cl ŋati 2
|
|
\p
|
|
\v 1 Ati iyye, irara hirro hunna obis to hitiyana no heruhok.
|
|
\v 2 Hotobiaŋa hiyyo hullo hittaha orrua to hiro nohosie, isiara hatara hiyyo hullo obis, hegigile na anyar to huruk, to mune, iko to dihan.
|
|
\v 3 Isiara ŋorwo hunna hittaha hidofe daŋ hotodule hituhuta wati innohosie no obis, hotobiaŋa emumuaŋa. Hotobiaŋa hidofe amata balu no. Isiara hetiyanai hirro inno olibo
|
|
\v 4 anyar etiyen isia ŋorwo hunna ha ara nyarhalu anyar omuno liawa iko durre illohosie.
|
|
\v 5 Isiara hetiyana isia anyar egigilo isia no obis, to libe, ojo hidofe hatara heniefitak inno hajik innohosie na anyar hijo anyar efaha isia to liawa illohosie. Isiara isia hehuma hirro innia anyar obe hiyyo omor hiram no Hollum.
|
|
\v 6 To hikoi nia, isiŋai liawa nyarhalu hulo hegigile na anyar.
|
|
\v 7 To hirro inia isiara wan nohoi ahitihuti negiem nolibo; letiyana iyye, itihutek bisan, baŋa iko hira atuŋani lo obis.
|
|
\v 8 Irara hirro inno obis no obe hipali, anyar adaha irri tuŋani lo obe awak iyye, nyo obe iso inyia oremik wuana he innak hirro inno orru to hoi.
|
|
\v 9 Isiara hepitok daŋ heruho hirro daŋ inno ojio ettaha illohosie. Isiara hetumuno isiara, hotobiaŋa orrija iko isia.
|
|
\v 10 Hotobiaŋa ahahala hirro tara hosie kaikai. Ati isiara isia hetuhutek daŋ to huruk no olibo, hijo anyar etihabwo isia hitiyana nohoi to hiram no Hollum iko hetilahani lohoi.
|
|
\p
|
|
\v 11 Nyo oliew hamehini no Hollum nia eyani iluahiti to iyyohoi.
|
|
\v 12 Odule hitiyana iyyohoi harisari hirro inno obe ara inno Hollum iko iwahiti inno fau. Etiyana iyyohoi hamanyari to bisan, iko to libe iko to hirro inno Hollum to hilahaji inna,
|
|
\v 13 erriŋa iyyohoi ahosiere hijo anyar efwotu iyyohoi heyik na ajaha, haliew no ohuo no Hollum iko hetilahani lohoi Yesu Kristo.
|
|
\v 14 Esio Yesu wan nohonyie te iyyohoi anyar enyiahu iyyohoi tara hiyyata innohoi ojo efahak iyohoi hefie tara hitaban atta hitilibo iyyohoi, nyo ara iyya, hatunani lo hiyyo ilia hullo egiama hirro inno olibo.
|
|
\p
|
|
\v 15 Irara hisiŋa, isiara hituhuti nohoi to hilohittok. Hotobiaŋa lobo ebo iyye.
|
|
\c 3
|
|
\cl ŋati 3
|
|
\p
|
|
\v 1 Todule hilima isia anyar esio isia wati to hekumok iko te ilia illo owuon to hide, hotobiaŋa omiasa to hosie.
|
|
\v 2 Ilimak isia hotobiaŋa ero no orru to lobo tuŋani, isiara hebusak rija, anyar esio illak herara higigilita innohosie anyar etuhutek nyalami to hiyyo daŋ.
|
|
\p
|
|
\v 3 Nyo lenyai iyyohoi hewoun iko higigilo to wati inno hoi ejo hidofe emiasa. Ejufuta ifa iyyohoi to hikoi inno oru ojo hidofe esio iyyohoi hatara apiti to hirro inno lowuon hame hame ojo etumono iyyohoi. Emanya ifa iyyohoi to run iko ta hayini. Ebwot ifa iyyohoi ejo hidofe eliwari wati innohoi.
|
|
\v 4 Ati ifa leba nyalami no Hollum hetilahini lohoi ojo mune nohonyie olieu to tuŋani.
|
|
\v 5 Etilwahu inyia iyyohoi to hillilla no hesini ŋejuk iko hitiŋejuk no Oyiri lolibo, obe ara to igiem inna egiem iyyohoi te ibisiti, ati to hamehini nohonyie.
|
|
\v 6 Ejuhok Hollum Oyiri lo Olibo te iyyohoi hetilahani lohoi Yesu Kristo.
|
|
\v 7 Egiem inyia nia anyar eyyani tohoi bisan to hamehini nohonyie, hijo anyar era iyyohoi harutak to huruk no osio fur.
|
|
\p
|
|
\v 8 Ara hirorita hunaŋ dede. Awak nayya iyye herara to hiyyen hijo hiro hunna, hijo anyar ille eruk to Hollum ehuma hirro inno olibo to hosiere ho hiyyo. Olibo hirro hunna ojio hidofe obis to hiyyo bidaŋ.
|
|
\v 9 Ati ibusak hitihedieŋita iko hiro no hilahajik, rija iko iŋalafiti to hiram no hifahi. Obe hirro inia osiru ojio hidofe obe eyyani libe.
|
|
\v 10 Ibwara tuŋani la awak eyyani to hiji hatai bwanya, ta halu ho hisor nahatai inyia,
|
|
\v 11 itiyyen hijo ebo inyia hirro inno olibo, atta inyia adule hiyya atta hidofe attohe wan nohonyie.
|
|
\p
|
|
\v 12 Ifa lefahak naya Artemos kuya Tychiko to hoi, oruhuni atta iyye awoŋ ta hanaŋ to Nikopolis nafa ajori nayya hijo awu iso nayya wana dia ta hameyu.
|
|
\v 13 To ruhuni atta iyye efahak Senas, ille oyyen hifahita, ojo Apollo, inna obe nobo sihin olitari isia.
|
|
\v 14 Isiara hiyyo innohoi daŋ heyiyenu higiama hirro inno olibo inno oremik hiluak iwahiti inno hiyyo ojo hidofe hotobiaŋa isia ettole ania obe egiama innak hirro.
|
|
\p
|
|
\v 15 Efonya hullo daŋ owuon ikanaŋ itai. Ifonyak ilia illo omuno iyyohoi to huruk. Isiara hamehini daŋ hotowuana he itai.
|