See in Reader
136 lines
11 KiB
Plaintext
136 lines
11 KiB
Plaintext
\id COL
|
|
\ide UTF-8
|
|
\h Kolose
|
|
\toc1 Kolose
|
|
\toc2 Kolose
|
|
\toc3 col
|
|
\mt Kolose
|
|
\c 1
|
|
\cl ŋati 1
|
|
\p
|
|
\v 1 Paulo, efahati lo Yesu Kristo to wahan to no Hollum, iko Timoteo halasi hohoi,
|
|
\v 2 to heruhok illo Hollum' iko halasira to Yesu liyya to Kolose. Hotowuana hamehini ta hatai, iko humwara no Hollum Monye hohoi.
|
|
\p
|
|
\v 3 Esio iyyohoi humo to Hollum Monye la Habu lohoi Yesu Kristo, ejo iyyohoi edule mojo ta hatai
|
|
\v 4 Etiru iyyohoi hiruk nahatai to Yesu Kristo ojo mune no eyita itai to hiyyo illafa ellilloŋu Hollum.
|
|
\v 5 Ewuon itai iko mune nyo owuon nobo sihin nahatai te ido. Etiru itai ifa beren hiram no Hollum no obis,
|
|
\v 6 notu ta hatai. Etilieu hiram no Hollum haŋer ojo hidofe obolo ta fau daŋ. Egiama ifa nia ta hatai man to holoŋ nafa etirini itai hamehini no Hollum to bisan.
|
|
\v 7 Sayye inna nafa etiyenu itai tara Epafro, hegiamani lohoi la anyar, lara hegiamani lo Kristo te iyyohoi.
|
|
\v 8 Etuhutak Epafro te iyyohoi mune nahatai to oyiri.
|
|
\p
|
|
\v 9 To mune nia, many to holoŋ nafa etirini iyyohoi hiram nahatai, holobe iyyohoi etuwet mojo nohoi te itai. Ewak iyyohoi hijo anyar efut itai ho ofioroho innohonyie daŋ tamai ojo hiyyen no hiram no Hollum.
|
|
\v 10 Emojo ifa iyyohoi hijo anyar elot itai to iyya awak Habu. Emojo ifa iyyohoi hijo anyar esiu itai haŋer inno olibo inno etibolo itai to hiram no Hollum.
|
|
\v 11 Emojo iyyohoi hijo anyar egol itai to golon no ohwo nohonyie to dihan iko hitila daŋ.
|
|
\v 12 Emojo hidofe iyyohoi hijo esio iso itai humo to Monye to mune, lesio itai mai to hiji ho heruhok ta cialai.
|
|
\p
|
|
\v 13 Nyo etulwahu inyia iyyohoi tara obie no idumele atta hidofe etiŋatai iyyohoi to obie no Lonyi honyie lomuno inyia.
|
|
\v 14 Errumu iyyohoi etilohini to Lonyi honyie, ojo hahek no hiyyata.
|
|
\v 15 Ara Lonyie a rijori no Hollum lobe oliew. Ara inyia oŋiew no hirro innafa oyyeu Hollum daŋ.
|
|
\v 16 Oyyeuni ifa hirro daŋ te inyia, ilia te ido ojo ilia daŋ ta fau, inno oliew ojo inno obe oliew. Kuyya hitolojita inno habwok, hilohittok, kuyya hidofe okumahien ojo ettaha, oyyeuni ifa hirro daŋ te inyia ojo hidofe daŋ to honyie.
|
|
\v 17 Owuon inyia to hosiere ho hirro daŋ, ojo to honyie ottuba hirro daŋ nobotie.
|
|
\v 18 Ojo inyia ara hidofe ahoo no wan, to ikelesia. Ara inyia hitieri ojo oŋiew tara hayok daŋ, owuon mai nohonyie to hosiere tara hirro daŋ.
|
|
\v 19 Omuno ifa Hollum hijo amanya iso hiso to honyie golon nohonyie,
|
|
\v 20 hijo anyar etumwarak hirro daŋ nobotie to wan nohonyie to onyi honyie. Eyyani Hollum himwara to hoto no kuruce nohonyie. Etumwarak Hollum hirro daŋ inno owuon ta fau ojo hirro inno owuon te ido to honyie.
|
|
\p
|
|
\v 21 Ejo hidofe itai ifa era hatamonok to Hollum ojo era hidofe miorok illohonyie to ofioroho ojo te irruti inno higiemita.
|
|
\v 22 Ati iyyania, etumwarak inyia itai ta wan nohonyie ojo hidofe to ye nohonyie. Egiem inyia ania nyo awak inyia hiso itai ahosiere ho Hollum ille elibo obe nobo hipali, ojo hidofe ille ewuon ahabisak to hosiere honyie,
|
|
\v 23 le edule itai to huruk, ejo itai esihohini, ejo hidofe egol, ebe itai ehut ade tara hitila na sayye nafa etiru itai. Sayye nafa ne ogiofohini to hiyyo daŋ illafa oyyeuni. Sayye nyia nia nafa ara naŋ a hegiamani, nayya Paulo.
|
|
\p
|
|
\v 24 Iyyania etihabwo naŋ to hitigemita innanaŋ te itai. Adumu naŋ ta wan hanaŋ hitigemita inno Kristo to hiram no wan honyie, ikelesia.
|
|
\v 25 Ara naŋ a hegiamani iyya mosulia nafa esiarahini Hollum ta hanaŋ to hiram no Kelesia hijo anyar etufutak naŋ hiram no Hollum.
|
|
\v 26 Sir inna no obis nafa eŋofohini man to hilahajisien. Ati iyyania, etuhutahini to hiyyo illo eruk to honyie.
|
|
\v 27 Ara to ilia illa awak Hollum etuhutak ibariti inno ohuo no bisan to hiji ho halufak. To wuana no Kristo ta hatai, heyik no ohuo no moi.
|
|
\v 28 Inyia le ledule iyyohoi giofo. Esor iyyohoi hiyyo, ojo hidofe iyyohoi etiyana hiyyo to ofioroho daŋ, hijo anyar etuhutek hiyyo daŋ illo efut to Kristo.
|
|
\v 29 Adik naŋ higiama ajo hidofe anyieta to golon nohonyie no owuon te igem ta hanaŋ to golon.
|
|
\c 2
|
|
\cl ŋati 2
|
|
\p
|
|
\v 1 Awak naŋ hijo anyar eyen itai obolo ifa igem nanaŋ ta hatai, to ilia to Laodesia, ojo illak arria holobe egonyu homom nanaŋ.
|
|
\v 2 Egiama naŋ hijo anyar ogol tajia innohosie ojo hidofe ottuba to mune ojo te ibariti inne efut iko hiyyen no ofioroho no bisan inno Hollum, inyiaa Kristo.
|
|
\v 3 Eŋofo ibariti ojo ofioroho daŋ to honyie.
|
|
\v 4 Ero naŋ ania hijo hotobiaŋa lobo enyieb itai to hirro assai.
|
|
\v 5 Obe ida hido naŋ awuon he itai to wan, ati awuon naŋ iko itai to oyiri. Amuno naŋ hijo attu iso naŋ egonyu manya nahatai nalanyar ojo golon no huruk nahatai to Kristo.
|
|
\p
|
|
\v 6 Iya emoju itai Kristo Habu, itiloto te inyia.
|
|
\v 7 Ihuma edulahini to honyie, ihuma ayiek to honyie, ihuma esihok huruk nahatai iyya nafa etiyanahini ta hatai, ihuma hinief hisiara humo.
|
|
\p
|
|
\v 8 Itiriŋai hijo hotobiaŋa lobo eniefu itai to ofioroho ojo teler nobe ibisiti te imohiti inno hiyyo, to hijufuta inno fau inno obe ara inno Kristo.
|
|
\v 9 Efut manya tamai daŋ to Hollum to wan nohonyie.
|
|
\v 10 Eremik itai te inyia. Inyia ara hoo no golon ojo hilohittok.
|
|
\v 11 Errumu ifa itai ŋoto tara honyie, nobe ara ne igem no lobo tuŋani ta hani nohonyie no oŋotuni hiriŋo ade, ati to ŋoto no Kristo.
|
|
\v 12 Enuhahini ifa itai iko inyia to batisimo. Ojo hidofe edioto ifa itai te inyia ahide to huruk no golon no Hollum, letidietu inyia ade tara hayok.
|
|
\v 13 Eye ifa itai to hiyyata innahatai ojo to wati innahatai inno obe oŋoto, etuwaru inyia itai nobotie iko inyia atta ahek hiyyata innohoi daŋ.
|
|
\v 14 Efufuse inyia horosi ojo hifahita innafa etigiama iyyohoi. Adumu inyia isia daŋ tamai atta esihok to kuruce.
|
|
\v 15 Efuhai inyia golon ojo ettaha inno orru. Etiliew inyia isia atta edihori isia etihabuori to hagalik nohonyie to kuruce.
|
|
\p
|
|
\v 16 Iyyania, hotobiaŋa lobo oŋot itai ladaha kuya emata itai to yafa ŋejuk to holoŋitek inno Sabato.
|
|
\v 17 Ara inno ohidis inno hirro inno ofu afanu, ati Kristo ara dede.
|
|
\v 18 Hotobiaŋa lobo etilitek idumut nohonyie to wahan nyalami ojo to hitihabuo no anjilohien. Ojiŋak tuŋani lia to hirro hunna egonyu inyia atta hitidara to hirro inno wan.
|
|
\v 19 Obe inyia eniefu to hoo. Afanu hirro inno wan daŋ tara hoo nyo ettula wan iko hirro nobotie, obolo inyia ho bolo nesio Hollum.
|
|
\p
|
|
\v 20 La aye itai nobotie ho Kristo to hirro inno fau, nyo ati enyiak itai manya iyya hiyyo hullo ta fau:
|
|
\v 21 “Ibaŋa enief, kuyya eniŋ, kuya etir”?
|
|
\v 22 Ara hirro innia daŋ inno himumuna, iyya ara isia hutuhutita ojo hitiyenita inno hiyyo.
|
|
\v 23 Owuon hifahita inia ho ofioroho inno imojiti ojo inyalamiti inno wan. Ati obe isia oremik hitik itai to hujufuta no iwahiti no wan.
|
|
\c 3
|
|
\cl ŋati 3
|
|
\p
|
|
\v 1 Le etubuhu ati Hollum itai iko Kristo, itisiaha hirro inno owuon to hide, mai ne etolojori Kristo ta hani ne inyiet no Hollum.
|
|
\v 2 Igigile to hirro inno hide, obe ara hirro inno fau.
|
|
\v 3 Eye ifa itai, atta wuaran nahatai eŋofohini iko Kristo to Hollum.
|
|
\v 4 Alieu Kristo, la ara wuaran nahatai, ejo hidofe itai elieu iso iko inyia to ohuo.
|
|
\p
|
|
\v 5 Itittohe daŋ iwahiti inno fau; ara nobo, hirro inno somon, ofioroho inno ebot, daya, iwahiti inno ebwot, ojo hiŋaru, inyia hitihabwo no rijori.
|
|
\v 6 Ottu iso huturwo no Hollum to onyi inno hamiasani to hirro innia.
|
|
\v 7 Emanya ifa itai daŋ beren to hirro inno ejo hidofe elot te isia.
|
|
\v 8 Ati iyane, ibusak hirro hunna daŋ ta mai, huturwo, jore, higigilita inno ebot, himimoro, ojo hiro no ebwot nottu to hutuhen inno hatai.
|
|
\v 9 Ibaŋa oteler to lobo, nyo ebire ifa itai tuŋani lafa maruani ade iko igemita innohonyie.
|
|
\v 10 Iciofok tuŋani ŋejuk, iyya etiŋejuk Monye lafa oyyeu inyia to rijori nohonyie nyo etiŋejuk ofioroho innohonyie itai.
|
|
\v 11 To ofioroho inno, obe Grik ojo Judei, hagotok, ojo illo obe ogoto, illo barbari, Skitian, piti, illo obe efita, ati ara Kristo hirro bi daŋ ojo to hirro daŋ.
|
|
\p
|
|
\v 12 Iciofok iyya durre illo onyimu Hollum, halibok ojo hidofe illa anyar, to monyiet inno hamehini, nyalami, ojo hitila.
|
|
\v 13 Itidi wati innahatai. Itimehini te illak hiyyo. Lo owuon lobo ho nobo hiram ho mote honyie, ibusak iyya inna obusahini Habu itai.
|
|
\v 14 Na agalik hirro daŋ, ituwuana iko mune, nyo ara nia ikoi no ottubari hiyyo daŋ.
|
|
\p
|
|
\v 15 Isiara himwara no Kristo hetiliha tajia innahatai. Ettuba itai nobotie to himwara nafa enyimuni itai. Itumune.
|
|
\v 16 Isiara hiram no Kristo hatamanyai ta hatai. To ofioroho daŋ etiyana ejo hidofe esor illak to hidolita ojo fureta inno imojiti. Idole to mune ta tajia innahatai to Hollum.
|
|
\p
|
|
\v 17 Ojo legiama itai innak hirro, kuyya to hiro ojo te igemita, igiamai daŋ to fure na Habu Yesu. Isiara humo to Hollum Monye tara inyia.
|
|
\p
|
|
\v 18 Ŋoruo, itibaŋa liawa illahatai, iyya osiru ta Habu.
|
|
\v 19 Liawa, itumune ŋoruo innahatai, ibaŋa ejoria tohosie.
|
|
\p
|
|
\v 20 Durre, itibaŋa honyie iko monyie hatai to hirro daŋ, nyo olibo nia ta Habu.
|
|
\v 21 Monye, ibaŋa etijoria durre innahatai, hijo hotobiaŋa isie oŋuŋusia.
|
|
\p
|
|
\v 22 Hepitok, itibaŋa ettaha illahatai iyya ojo hifahi. Obe ara to loriŋa tuŋani itai, kuyya hidofe to hitumuno no hiyyo, ati ta taji no olibo. Itibaŋa Habu,
|
|
\v 23 Legiama itai innak hirro, igiamai ta tajia iyya egiama itai ta Habu obe ara to hiyyo.
|
|
\v 24 Eyyen itai hijo emoju iso itai tara Habu hisiori.
|
|
\v 25 Nyo Egiama itai to Habu Kristo. Legiama lobo tuŋani to hipali omoju iso inyia baha to hipali ne egiem inyie, obe nobo higigiala.
|
|
\c 4
|
|
\cl ŋati 4
|
|
\p
|
|
\v 1 Ettaha, isiara to hepitok nolobis ojo hidofe nalanyar. Nyo eyyen itai hijo owuon hidofe ettok lahatai te ido,
|
|
\v 2 Itidule to mojo. Ihuma genyian te inyia ejo itai esio humo.
|
|
\v 3 Itimoje nobotie te iyyohoi hidofe hijo hataŋa ikat to hiram nanyar ojiŋak hiram no Kristo. To hiram ne, efita naya.
|
|
\v 4 Amojo naya hijo anyar attenu naya to hiro.
|
|
\p
|
|
\v 5 Itiloto to ofioroho to liya ara hatamonok, ejo itai ehum egiamari holoŋ nahatai.
|
|
\v 6 Isiara hiro nohoi daŋ hotowuana ho hamehini. Isiara isia hotowuana ho mile anyar eyyen itai hetiraŋari hifiita inno hiyyo.
|
|
\p
|
|
\v 7 To hirro innanaŋ, elimak Ticiko itai. Ara inyia ilasi lo libo, ara hidofe inyia hegiamani ojo hidofe ara ahepitoni la Habu.
|
|
\v 8 Efahak naya inyia ta hatai, hijo anyar eyyen itai hirro inno eba te iyyohoi, hijo hetigolo inyia tajia innahatai.
|
|
\v 9 Efahak naya inyia ta hatai iko Onesimo, ilasi lolibo lia, tara hatai. Afanu iso isia elimak ta hatai hirro daŋ inno owuon inni.
|
|
\p
|
|
\v 10 Efonya Aristako itai le efita iko naŋ ta babus, iko Marko, soni la Barnaba lafa etiru itai hifahi tara honyie, “Lawoŋ inyia ta hatai, itimoju inyia,”
|
|
\v 11 ojo hidofe Yesu lellilloŋo hijo Justo. Ara hiyyo illo ogoto ille heigiamak ikanaŋ to obie no Hollum. Ara ifa isia hetigolok hanaŋ.
|
|
\v 12 Efonya Epafro itai. Odule inyia mojo te itai to mojo nohonyie, hijo anyar ewueta itai nanyar to wahan no Hollum.
|
|
\v 13 Ayyen naya igem nohonyie, nyo egiama ifa inyia binno te itai te lia to Laodesia ojo to ilia to Hierapolis.
|
|
\v 14 Efonya ilasi hatai dictor Luka daŋ iko Demas itai binno.
|
|
\p
|
|
\v 15 Itifonyak halasira lia to Laodesia, ojo Nimha, ojo kelesia nyia owon ta haji honyie.
|
|
\v 16 Ehianak waraga nia ta hatai, ihianak hidofe daŋ to kelesia no Laodesia, itiwolo daŋ anyar honyie ehien itai waraga nyia tara Laodesia.
|
|
\v 17 Tojo ta Aricpo hijo, “Toriŋai igem nafa emoju itai tara Habu, anyar etufutak itai.”
|
|
\p
|
|
\v 18 Ara hifonya inna ta hani nanaŋ, Paulo. Itigilu haririk innanaŋ. Isiara hamehini hotowuana he itai.
|