lpx_reg/49-GAL.usfm

\id GAL
\ide UTF-8
\h Galatia
\toc1 Galatia
\toc2 Galatia
\toc3 gal
\mt Galatia
\c 1
\cl ŋati 1
\p
\v 1 Paulo efahati-obe ara efahati tara hiyyo obe ara tara tuŋani, ati ara tara Yesu Kristo iko Hollum Monye lafa etibuhu inyia to ye.
\v 2 Iko halasira hanaŋ bidaŋ, ajonaŋ to kelesiahian inno Galatia.
\v 3 Hamelehini ta hatai ojo himwara tara Hollum Monye hohoi iko Habu lohoi Yesu Kristo.
\v 4 Le esio wan nohonyie to hiyyata inohoi, hijo anyar etilahu inyia iyohoi tara ŋasi, to niyya innafa ho sitan, ara to wahan no Hollum Monye hohoi
\v 5 To honyie isiara kwatan hotowanai tulaŋ tulang. Amen.
\p
\v 6 Eliliha naŋ nyo eyito itai kokwak toro honyie lafa elilongu itai to nyalami no Kristo. Eliliha naŋ toyito nahatai ade to sayye ellie olufa,
\v 7 Obe ara hijo owoun nobo sayye no olufa, ati owuon illak hiyyo ille etihara awak isia hitihar sayye no Kristo.
\v 8 Ati lara iyyohoi, kuya anjlo to ido, elima itai sayye tara inna elimak iyyohoi ta hatai anyar ititor inyia.
\v 9 Iyya ejo iyyohoi ifa beren, ojo iyiania enyiak naŋ hijo, “lelimu lobo tuŋani ta hatai nobo sayye tara nafa nobotie eruk itai, itittor inyia.”
\v 10 Asiaha naŋ iyyania hiruk no hiyyo kuyya no Hollum? Harasa naŋ wahan hitumuno hiyyo? Ladule naŋ hitumuno hiyyo, abe naŋ ara hegiamani lo Kristo.
\p
\v 11 Awak naŋ anyar eyyen itai, halasira, sayye no elima naŋ obe ara no hiyyo.
\v 12 Abe naŋ amoju inyia tara tuŋani, obe ifa naya etiyenu, Ati ara to hetuhutek no Yesu Kristo ta hanaŋ.
\p
\v 13 Etiru itai manya nafa hanaŋ ho beren no Judei, nafa itigiamari naŋ kelesia no Hollum to icemiti inno obore agalik at acem nayya hijo etihor.
\v 14 Etiŋoya naŋ ifa imohiti inno Judei man agalik nayya hiyyo illo hilahaji hanaŋ. Ehuma ifa naŋ te imohiti inno monyie hanaŋ bino.
\v 15 Ati ifa anyimu Hollum, nayya to hotwe ho hosehe no hotonyie hanaŋ, atta ellilloŋu nayya to hamehini to nohonyie atta mune.
\v 16 Hijo anyar etilik ta hanaŋ Lonyi honyi, anyar ero naŋ inyia to hiji ha haŋulak. Abe ifa naŋ awak hifia tara hiriŋo iko to hoto.
\v 17 Ajo naŋ abe ifa au a Yerusalem te illafa ara lefahat to hosiere hanaŋ. Ati au ifa naŋ Arabia atta naŋ aciahari a Damasika.
\v 18 Ati ta halu ha ŋasi hunik atta naŋ eno aYeruselem oriŋari Kefa atta naŋ hittole ho inyia holoŋi tomon ho miet.
\v 19 Ati abe naŋ egonyuilak efahat arari Yakobo, halasi Habu.
\v 20 To hirro daŋ innia egiorok naŋ ta hatai abe naŋ awak teleri.
\v 21 Niya atta naŋ eno adoŋe ho Syria iko ho Silisia.
\v 22 Holobe ifa hiyyo eyyen nayya to kelesiahian inno Judea innafa owuon to Kristo.
\v 23 Ati etiru ifa isia, “Inyia lie lafa etigiama iyyohoi iyyania elima sayye no olibo nyia nafa etihara inyia,”
\v 24 Atta isia hitihabwo Hollum to nayya.
\c 2
\cl ŋati 2
\p
\v 1 Ta halu ha ŋasi tomon ha aŋwan atta naŋ aciahari iko Barnaba a Yeruselem, eyyari iyyohoi Tito ikohoi
\v 2 Ahu naŋ nyo etuhutek hidofe otoriohini sayye no olibo to lufajak. Etuhutek naŋ sayye nyia nafa etiyana naŋ ta hatamonok. Ero ifa naŋ hamai to ilia ille lara lettaha, hijo hotobiaŋa naŋ anyieta-kuyya hido anyior-naŋ assai.
\v 3 Ati obe ifa ara Tito, lafa owuon kanaŋ lafa ho Grik, lafa lorrosok hiyyo hotogotoi.
\v 4 Odioto ifa hiram inna te ilasira talerok illafa lafanu loriŋari anyar lofwo etisiahak hiro to tubai nohoi nyia ayita iyyohoi to Kristo Yesu. Awak ehumak iyyohoi apiti.
\v 5 Ati obe iyyohoi erywok to tubai nohoi to hosie far nobo, hijo anyar arasa dede inno sayye inno olibo hotobiaŋa eloito ta hatai.
\v 6 Ati liyya illafa lojo hiyyo ara ettaha obe egiama ida hido isia hirro daŋ, ara inia daŋ assai ta hawaŋ. Obe Hollum eruk higigiala no tuŋani. Lia ara etaha, obe ofonik inak hirro tahanŋ.
\v 7 Ati, ewolo isia hijo awuon naŋ ifa iko hitiyana asayye to ilafa obe ogoto, Iyya nafa ohuyere Peturu hituhuta sayye illafa ogoto.
\v 8 Iyya nafa egiamari Hollum to Peturu a lefahat te ilafa ogoto, egiama daŋ ta hanaŋ la halufak.
\v 9 Ifa Yakobo, Kefas ojo Yoani, illafa abaŋ hiyyo hijo isia leniefita, oyyen hamehini nafa esio ta hanaŋ, atta isia hisio hani nenyiat no tubai ta Barnaba ikanaŋ. Eruk isia iyyohoi efi ta halufak, ojo issia ofu to hagotok.
\v 10 Awak isia anyar egilu lociaŋak. Sehin nafa awak naŋ higem.
\p
\v 11 Ati nafa awoŋ Kefas ana Antiok, ebo ifa naŋ inyia to homom honyie ecak owonifa inya tohipali.
\v 12 Ifa afanu illak hiyyo tara Yakobo, Kefas adaha ifa ara botie iko halufak. Ati ifaa afanu hiyyo lia, atta inyia hitiwet atta eno ade tara halufak. Abaŋ ifa inyia hiyyo illo awak goto.
\v 13 Hidofe, atta hiyyo ilo Jews attubahini to hitimiyaha. Ejufak ifa Barnaba hitimiyaha nohosie.
\v 14 Ati ifa awolo naŋ hijo obe manya nohosie ejufuta dede na sayye, no olibo, atta naŋ hijo to Kefas to hosiere hosie bidaŋ, “Lira iye a Jew ati emanya iyya lolufa, ati amanyai iyya lo Jew, jai isio eremik iyye harrosok olufa hatamanyai iyya lo Jew?”
\v 15 Iyyohoi ilia era Judei to hesiu obe ara “halufak heyyak,
\v 16 Itiyyen hijo obe lobo eremik bisan to igemita inno ifahita. Ati to huruk to Yesu Kristo. Efanu iyyohoi to huruk no Kristo Yesu hijo anyar ebis iyyohoi to hiruk to Kristo obe ara te igemita inno hifahita. Nyo lara te igemita inno ifahita obe iso nobo obis.
\v 17 Ati, lesiaha iyyohoi Hollum hetibisak iyyohoi to Kristo, atta iyyohoi hidofe ahieru wati innohoi aheyyak, oremik iso Kristo hira a hegiamani lo hiyyau? Obeŋ ara ania!
\p
\v 18 La adule naŋ duho hitigolo no hifahita, Etuhutak naŋ wan hijo ara naŋ hawuroni lo hifahita.
\v 19 To hifahita aye nayya to ifahita, anyar amanya naŋ to Hollum.
\v 20 Esihohini ifa naŋ ho Kristo. Obe ara naŋ amanya, ati Kristo amanya ta hanaŋ, wuaran inna iyyania amanyari naŋ amanya naŋ to hiruk to Lonyi Hollum, lo omuno nayya atta hisio wan nohonyie ta hanaŋ.
\v 21 Abe naŋ amiana hamehini no Hollum, lowuon ifa bisan to hifahita, nara ifa ye no Kristo assai.
\c 3
\cl ŋati 3
\p
\v 1 Galatia rifahak! Ŋai ehumak himimwolita tahatai? I To hosiere honyiehite innahatai obe ifa ara Yesu Kristo le esihohini to kuruce?
\v 2 Sehin lobotie hamai, awak naŋ etiyenu tara hatai: Efwotu ifa itai Loyiri to higiemita no hifahita, walo to hiruk no etiru itai?
\v 3 Erifaha itai bi? Itia rari to Loyiri, enyiak isio itai iyyania efie esahak to wati innahatai?
\v 4 Erumu itai hitigiemita daŋ arriai assai, lara ara dede assai?
\v 5 Lia lesiara Loyiri ta hatai ojo hidofe egiama nologol to hiji hatai, egiem inyia to igemita inno hifahita walo to hitira no hiruk?
\p
\v 6 Iyia nafa ha Abramo, “Eruk inyia Hollum atta hidofe hira to honyie bisan.”
\v 7 To hikoi nia, itiyen, hijo te ilia leruk ara adure ilo Abramo.
\v 8 Oyyen ifa higierita hijo etibisak iso Hollum halufak to hiruk. Ero ifa sayye no olibo beren ta Abramo: “To iyye ajaha iso doŋiok daŋ ta fau.”
\v 9 Nia, ajaha iso illo owuon ho huruk ha Abramo, lafa owuon ho huruk.
\v 10 Illo etila to higemita inno ifahita owuon isia iso to ipita. Nyo egiorohini hijo, “Epitahini tuŋani lobe eruk hirro daŋ inno egiorohini to buk no hifahita, hidofe egiama isia daŋ.”
\v 11 Iyyania etuhutek dede hijo obe lobo obis to Hollum to ifahita, “Amanya iso habisak to huruk.”
\v 12 Obe hifahi ara no huruk, ati, “Tuŋani le egiama hirro no hifahi amanya iso to isia.”
\p
\v 13 Kristo etilahu iyyohoi tara ipit no hifahi ifa era inyia a pit to iyyohoi. Nyo egioro hijo, “Epitahini tuŋani loloyiha to yani.”
\v 14 Anyar ottu jaha no Abramo to hiyyo halufak to Kristo Yesu, anyar efwotu iyyohoi icorit no Loyiri to huruk.
\p
\v 15 Halasirak, iko ero naŋ to hirorita inno tuŋani. Etiwetihini manya ho hifahi, obe lobo tuŋani ebusak ade kuya hidofe afonik to honyi.
\v 16 Iyyania elimahini ifa icoriti Abram iko hito ohonyie. Obe lojo, “To durre,” hijo ero to hiyyo arria, ati ero to lobotie, “To onyi hoi,” lara Kristo.
\v 17 Iyyania ajo naŋ tiji. Hifahi nafa ottu halu ho ŋasi 430, obe ataŋe himwara nafa ehumak Hollum anyar etihar icorit.
\v 18 Leremik ruta awoŋ to hifahi, atta enyie lotu to icorit. Ati esio Hollum ta Abramo assai te icorit.
\p
\v 19 Nyo, ati, ifa egiem hifahita? Ofonihini ifa inyia to hiram no hiyyata, man ottuni onyi Abramo toro lafa otiorok to icorit. Onyimok ifa anjilohien hifahi ta hani no ohe.
\v 20 Iyyania, etuhutek hijo obore Ohee ara to hiyyo aria. Ati ara Hollum lobotie.
\p
\v 21 Ebo hifahita icorit inno Hollum? Obe ara ania! Lo owuon ifa hifahi no oremik eyyani wuaran, nottu ida bisan to hifahi inyia.
\v 22 Ati efitak hiro no Hollum hirro daŋ to hiyyata. Anyar efotu heruwo icorit to huruk nolowuon to Yesu Kristo hijo anyar esio to ilia leruk inyia.
\v 23 Ati holobe huruk aŋawoŋ, efita ifa iyyohoi to hifahi man ottuni huruk.
\v 24 Niya ara ifa hifahi heririani hohoi man ottuni Kristo, hijo anyar ebis iyyohoi to huruk.
\v 25 Iyyania awoŋ huruk nyia, enyie iyyohoi helewuon to heririani.
\p
\v 26 Era itai daŋ onyirok ho Hollum to huruk to Kristo Yesu.
\v 27 Itai daŋ illafa errumu batisimo to Yesu Kristo eciofok itai Kristo to wati innahatai daŋ.
\v 28 Obe nobo hinyiak hira lo Judei kuyya hidofe lo Grik, pit kuyya, lettole bolioŋ, hiito oliawa, ho hiito noŋorwo, era itai daŋ nobotie to Kristo Yesu.
\v 29 Lera itai illo Kristo, itai daŋ hira durre illa Abramo, harutak iyya lojo icorit.
\c 4
\cl ŋati 4
\p
\v 1 Ajo naŋ hijo lara lorutati ara lia hito, obe inyia olufa tara pit, ara ida hido inyia amonye haŋ daŋ.
\v 2 Odule inyia wuana to heririak iko hatoŋitak honyie man to holoŋ no onyimu monye honyie.
\v 3 Nafa hera iyyohoi durre, efita ifa iyyohoi to hujufuta inno fau.
\v 4 Ati ifa eba holoŋ nyia, atta Hollum efahu Lonyi honyie, lesiu hiito noŋorwo, lesiuni to hifahi.
\v 5 Egiem inyia inna anyar etilahu ilia owuon to hifahi, hijo anyar efwotuni etimohini olonyirok.
\v 6 Nyo era itai lonyirok, efahu ifa Hollum Loyiri no Lonyi honyie ta tajia innohoi, Loyiri neleliloŋo hijo, “Abba, monye.”
\v 7 Nia ebe itai enyiak hira a pit ati alonyi, lera iye a lonyi, atta hidofe iye hira a harutni to Hollum.
\p
\v 8 Atti Iyya tassa tonya, holobe itai eyyen Hollum, era ifa itai hepitok tolia illo obe ara towati innohose hogolon, obe ara johin.
\v 9 Ati iyyania, eyyen itai Hollum, ojo hidofe Hollum oyyen itai, nyo ati enyiak itai aciahari to imohiti inno elik ojo hidofe obe osiru? Ewak itai hidas hira a hepitok daŋ?
\v 10 Eriŋa itai holoŋitek iko yafajin ŋejuho ho sahen, ojo ŋasi.
\v 11 Abaŋ naŋ te itai iyya hegiama nanaŋ ikatai tonobo okit ikatai ara assai.
\v 12 Efia naŋ itai, halasira, etira iyya naŋ, nyo era naŋ iyya tai. Ebe itai egiem ta hanaŋ nolorru.
\p
\v 13 Ati eyyen ifa itai hijo etiyana ifa naŋ sayye no olibo to hitieri to ŋwai nafa hanaŋ.
\v 14 Ebe itai ebo nyaya ta nafa aŋwari naŋ to hiji hatai. Atti efwotu ifa itai nayya iyya anjilo lo Hollum, iyya ara ifa naŋ Kristo Yesu to wan nohonyie.
\v 15 Tahu jaha nyia owuon ta hatai? Ero naŋ ta hatai hijo, leremik ida itai agorotu honyiehite innahatai ade atta itai hisio ta hanaŋ.
\v 16 Era ati naŋ, mereni lahatai to hirro dede inno elimak naŋ itai?
\v 17 Owoun isia hahayini hijo anyarafanu intai tohosie, Ati obe ara to libe. Awak isia atihok itai adee hijo abe itai a hanyin tohosie.
\v 18 Ati anyar era hanyinuk to hirro inno olibo, obe ara hijo lawuon naŋ ikatai.
\v 19 Durre ilalaŋ, awoun naŋ hodiahai no hitado nodure man oyiehini Kristo ta hatai.
\v 20 Awak naŋ wuana ikatai daŋ anyar eloit naŋ hirori no hutuk nanaŋ, nyo obe itai aremik hiyyen naya nalanyar.
\p
\v 21 Elimak naya, itai ille ewak manya to hifahi, ebe itai etiru hifahi?
\v 22 Iyya nyia eigiorohini hijo, owuon ifa Abramo ho lonyirok lohorik, lobotie tara hiito noŋorwo nara piti, lobotie tara hiito noŋorwo nolobe epito.
\v 23 Esiuni ifa lobotie tara hepitoni iyya owak ifa wan, ati lak esiu ifa tara hiito noŋorwo iya ojo icorit.
\v 24 Eremik iso hiyyen hirro inia to hiticelita, ara ŋorwo hunna iyya himorita arik. Ara nobotie to doŋe no Sinai. Esio durre ille ara hepitok. Inyia Hagar.
\v 25 Iyyania ara Hagar doŋe no Sinai nyia lowuon to Arabia. Ocelu inyia Yerusalem, owuon inyia iyyania hepito ho durre elo honyie ohorik.
\v 26 Ati Yerusalem nyia lowuon to hide owuon bolioŋ, ara nyia hotonye hohoi.
\v 27 Nyo egioro hijo, “Tomune, iyye iholofi no ŋorwo, nolo obeŋ esie; toyee hidofe iyyorita to mune, itai inno ebe eyyen diahai nohitado; emonya durre inno holofijok, agalik inno niyya owuon ho hiito oliawa.”
\p
\v 28 Ati itai, halasira, iyya Isako, era itai durre illo icorit.
\v 29 Ta saa tonya lafa esiu to wahit no wan, etigiama ifa lafa esiuni to Loyiri. Arasa daŋ iyyania.
\v 30 Hojo hirro no Hollum nyo? Ifuhak ade hiito noŋorwo hepitoni ho lonyi honyie. Obe lonyi hiito noŋorwo nara hepitoni oremik arutak ho lonyi ho hiito noŋorwo nolobe ara hepitoni.”
\v 31 Nia, halasira, obe iyyohoi era durre ilo hiito noŋorwo hepitoni ati ilo hiito noŋorwo nobe ara hepitoni.
\c 5
\cl ŋati 5
\p
\v 1 Ara tahahek no Kristo iyyohoi nia ewanari iyyohoi bolioŋ. Itiwetai nologol, iyyania, ati ibaŋa enyia hidas ahuyek to hikoi no piti.
\v 2 Itiriŋai, nayya Paulo, ajo naŋ ta hatai hijo ebaŋa esio watye toŋoto nowatye, obe Kristo enyiak asiru ta hatai to nobo hikoi.
\v 3 Enyiak naŋ hidas to hiyyo daŋ illo ogoto hijo anyar odik ta baŋi hifahi tamai daŋ.
\v 4 Abwanyari itai daŋ tara Kristo letibisahini itai to hifahi. Ebe itai nyiak hilaŋ hamehini.
\v 5 To Loyiri, to huruk, ewak iyyohoi hitila heyik no bisan.
\v 6 To Kristo Yesu obe tuŋani logoto ho lobe ogoto alufa. Ati huruk hamai egiama to mune.
\p
\v 7 Enyieta ifa itai nanyar. Ŋai etik itai tara haniŋe no dede?
\v 8 Obe hitigiama otu ara tuŋani lafa ellilloŋu itai!
\v 9 Etipwasa ahabwok letiŋ imune daŋ.
\v 10 Eruk naŋ ta Habu hijo ebe itai efu higigilo te inak hiro ino olufa. Lia etihara itai orrumu iso ŋoto, ara ida hido inyia ŋai.
\v 11 Halasira, larasa naŋ erro goto, nyo ati adule naŋ to hitigiama? Lara ati ania, hitihadoŋo no kuruce ofuluhori.
\v 12 Iyya to lieya etigiama itai, anyar ida noŋot watye innohosie!
\p
\v 13 Eliloŋini itai to bolioŋ, halasira. Ati ibaŋa eminiŋari hiliobolioŋ nahatai man ehumak ahikoi no wan. Ati igiama to wati innahatai to mune.
\v 14 Ottubahini hifahi nia daŋ hiro noboti; hijo “Anyar emuno itai lonyihari hatai iyya wati innahatai.”
\v 15 Ati lehonya itai watye hidofe etoho watye innahatai, ihuma riŋa hijo hotobiaŋa itai esok watye innahatai hame.
\p
\v 16 Ajo naŋ, itiloto to Loyiri, atta itai biaŋan akafita iwahiti inno wan.
\v 17 Oliwari iwahiti inno wan Loyiri, ojo iwahiti inno Loyiri oliwari wan. Oliwari isia daŋ wati innohose any ibe itai egiema hiro inno lewak itai.
\v 18 Ati ledihita Oyiri itai, ibe itai ewuon to toŋolon ho hifahita.
\p
\v 19 Iyyania lieu higiemita inno wan iyya sut: somon, hibwoti, daya, iruti,
\v 20 hitihabwo no rijorihien, himumwala, hidefer, ŋalafa, haini, jore, liwa, hitihara, higigiala,
\v 21 Hiŋar, rumai, iko inamuk hirro iyya huna. Asor naŋ itai iyya nafa asarari naŋ itai hosiere, hijo ilia egiam hiro inia obe arutak obie no Hollum.
\v 22 Ati haŋer inno Oyiri inya mune, himwara, wananodee, nyalami, libe, huruk,
\v 23 ojo hitilik na taji, iko iriria nowan; Obe nobo hifahi nolobe awak hirro inia.
\v 24 Ojo illo are ilo Kristo Yesu esihok imuniti iko watye innohosie he iwahiti innohonyie inno orru.
\p
\v 25 Lemanya iyyohoi to Loyiri, anyar hidofe elot daŋ to Loyiri.
\v 26 Hotobiaŋa era a hetidarak, atta hidofe hitijoria wati, kuyya daya no hirro.
\c 6
\cl ŋati 6
\p
\v 1 Halasira, lenefini lobo tuŋani to nobo iyyau, eijo itai ille elibo to Oyiri anyar eyahu tuŋani lie to nyalami no loyiri. Itiriŋai hidofe wati innahatai, hijo hotobiaŋa itai ehuyik to hisusuta.
\v 2 Itihaf igoliti inno hatai anyar itufutak itai hifahi no Kristo.
\v 3 Legigilo lobo hijo ara inyie lobo ojo inyie ara assai, enyiaba inyia wan nohonyi.
\v 4 Isiara ai tuŋani daŋ hotociem igemita inohosie, iko wahan hitidara nolowoun tohonye hamai hotobiaŋa etirijo wan nohonyie to lobo tuŋani.
\v 5 Akafi iso hiyyo hitabanita innohosie ta wati innohosie.
\p
\v 6 Tuŋani lo etiyenu hiro anyar abwan hirro daŋ inno olibo iko hetiyanani.
\v 7 Hotobiaŋa itai eruk hinyiaba. Obe hiyo oremik elohitari Hollum. Hirro inno edulak tuŋani isia innia ottu hidofe inyia adieŋu.
\v 8 Lia edulak hinyiomoti no wan nohonyi ottu adieŋu to wan nohonyi hitihara, ati lia edulak hinyiomoti to oyiri, odieŋu iso waran no osio fur tara oyiri.
\v 9 Hotobiaŋa iyyohoi elafuho higiama hirro inno olibo, efanu iso iyyohoi adieŋu ta far nyia lobe iyyohoi ehorok.
\v 10 Ati iyyania, ewuon iyyohoi ha mai, anyar egiama iyyohoi no olibo to hiyyo bi daŋ. Anyar ati egiema iyyohoi binno nalanyar to illo lowuon to huruk.
\p
\v 11 Itiwolo waragat inno egiorok naŋ ta hatai to hani nanaŋ.
\v 12 Illo lawak ihituhuta wati innohosie oroso itai hijo anyar egoto itai. Ehuma isia nia hijo hotobiaŋa isie ewuon to hitigiama no kuruce no Kristo.
\v 13 Obe hidofe illafa logoto eremik hijufuta hifahi. Ati awak isia hijo anyar egoto itai nyo awak isia hitidara watie inohotai.
\v 14 Hotobiaŋa naŋ etidara ati to kuruce na Habu lohoi Yesu Kristo. Ara ifa to inyia nafa esiyohini to fau ta hanaŋ ajo naŋ ta fau.
\v 15 Ara goto iko biaŋan no goto assai, ati olibo heyani ŋejuk.
\v 16 To illa amanya to bisan, isiara himwara iko hamehini hotowuana to hosie, ojo to Isarail illo Hollum.
\p
\v 17 Iyyania ahosiere hotobiaŋa lobo tuŋani hetigiamai naya, nyo ayita naŋ ihieriti ino Yesu to wan hanaŋ.
\p
\v 18 Isiara hamehini na Habu lohoi Yesu Kristo hotowuana ho oyiri innahatai, halasira, Amen.