lpx_reg/47-1CO.usfm

\id 1CO
\ide UTF-8
\h 1 Korinto
\toc1 1 Korinto
\toc2 1 Korinto
\toc3 1co
\mt 1 Korinto
\c 1
\cl ŋati 1
\p
\v 1 Paulo, lafa eliloŋu Yesu Kristo anyar ara efahati to wahan no Hollum ojo Sostene halasi hohoi.
\v 2 Egiorok iyyohoi to iluluŋ no heruhok ilo owuon to Korinto, illo ehumak Kristo ahaliborok, anyar eliloŋo hiyyo ahaliborok, iko illo eliloŋo bi daŋ fure no Habu Yesu Kristo to misihi daŋ, Habu lo hosie iko lohoi.
\p
\v 3 Isiara hamehini iko himwara hotowuana ta hatai tara Hollum Monye hohoi ojo Habu Yesu Kristo.
\p
\v 4 Esio nayya humo to Hollum lalaŋ te itai holoŋitek daŋ, nyo ta hamehini no Hollum nafa esio Yesu Kristo tohoi.
\v 5 Esio inyia tohoi ibariti tokoi ariai, to hirorita ojo iko to ofioroho.
\v 6 Esio inyia tohoi ibariti, ofe iyya hituhuti no ojo Kristo inyia lara ille dede to hiji hatai.
\v 7 Hidofe, obe itai eremik puahan he innak hisiorita inno oyiri iyya nia etilari itai ta Habu lohoi Yesu Kristo anyar oliew.
\v 8 Etigol iso inyia itai man to hicuŋi, anyar itai obe ara a hepalak to holoŋ no Habu lohoi Yesu Kristo.
\v 9 Ara Hollum lo olibo, ille ellilloŋu itai anyar ettuba iko Lonyi honyie, Yesu Kristo Habu lohoi.
\p
\v 10 Attana nayya itai halasirak iko hanasirak hanaŋ, to fure na Habu lohoi Yesu Kristo, hijo anyar itai eruk wati innahatai, ojo hotobiaŋa nobo higigiala owuon to hiji hatai. Ero nayya hijio anyar ettubahini itai nobotie to hosi innahatai ojo te iwahiti innahatai.
\v 11 Elimak illak ta nayya ta haŋ ho Klu hijo, owuon bwanya to hiji hatai halasirak hanaŋ.
\v 12 Etiru nayya hijo, ojio lobo tara hatai hijo, “Ara nayya ahejufutani la Paulo,” ojo lobo ojo, “Ara nayya ahejufutani la Appolo,” ojo lobo ojio, “Ara nayya ahejufutani lo Peturu, ojo lobo enyiak hijo, “Ara nayya ahejufutani lo Kristo.”
\v 13 Hobwanya Kristo? Hara mahu Paulo lafa esiyohini to kuruce te itai? Efwotu ifa itai batisimo to fure no Paulo?
\v 14 Esio nayya humo to Hollum nyo, obe nayya ifa etifotok batisimo to lobo tuŋani ara ifa to Krispas iko Gayos hame.
\v 15 Ettaluk lobo hijo, efotu ifa itai batisimo to fure nanaŋ.
\v 16 (Dede etifwoto ifa nayya hilahaŋ no Stifen. Ati, ettaluk nayya egigilu lobo tara hatai le etifotok nayya batisimo to honyie.)
\v 17 Obe ifa Kristo efahu nayya etifotori ati anyar attu nayya hitiyena sayye inno olibo no obe ara to ofioroho inno tuŋani, hotobiaŋa ye no Kristo to Kuruce obe owuon ho nobo golon.
\p
\v 18 Ara sayye no Kuruce ahibolit to hiyyo illo oyeyeta, ati to hiji illo etilahu Hollum, ara golon no Hollum. Iyya egioro hijio,
\v 19 “Etihar iso nayya ofioroho inno faimak; ojo etihar iso naŋ hitirita ino owuon to hiyyo leferejok.”
\p
\v 20 Tahu ati tuŋani le elefere? Tahu hetiyanani lo hifahita? Tahu hegigilok inno faimak ina? Hobe ara Hollum emak hibolit to ofioroho inno fau ina?
\v 21 Man to beren, to ofioroho inno Hollum lafa etik hiyyo amijahini inyia to ofioroho inno hosie. Ati etilohu Hollum heruhok to sayyejin inno ettitto iyyohoi, hunno ojo hiyyo hijio ara, “Hirro asai.”
\v 22 Efia Judei iduariti inno hitihututa ojo Girik osiaha ofioroho.
\v 23 Ati etiyana iyyohoi sayye no hesiohini no Kristo, isia sayye inne eyyik Judei hidofe ara ahirro asai to Girik.
\v 24 Ati, te ilia ellilloŋini to hiji ho Judei iko Girik, ara sayye nia to hosie Kristo, lara to golon iko ofioroho tara Hollum.
\v 25 Nyo, sihin no oliew iyya hibolit no Hollum agalik ofioroho ino tuŋani, ojo hilik no Hollum agalik golon no tuŋani.
\p
\v 26 Toriŋai to hililoŋo nahatai, halasirak. Obe ara itai daŋ ara leferejok iya ojo wan. Obe ara itai daŋ egol. Obe ifa itai era a hiyyo hullo obis man to hesini nahatai.
\v 27 Ati, onyimu Hollum hiro inno bolitok inno fau huno anyar esio irri to leferejok anyumu Hollum. Onymu hilik tafau ina anyar esio iri ta hagolok.
\v 28 Onyimu Hollum hirro inno ofiak inno fau inna iko hirro inno obe ara-anyar etifiak hirro inno olibo inno fau inna,
\v 29 Anyar obe lobo tuŋani etidara to hosiere honyie.
\v 30 Ati te inyia awuana itai to Yesu Kristo, lo ottu te iyyohoi to ofioroho tara Hollum- lara ibisiti inohoi, libe nohoi, iko hetilahani.
\v 31 Ati, iyya egioro: “Idek lia etidara wan hetidarai ta Habu.”
\c 2
\cl ŋati 2
\p
\v 1 Nafa awoun naŋ ikatai, halasirak, nafa awoŋ nayya ta hatai, abe nayya ifa attu iko hirro inno ogol kuyya ofioroho iyya elimak naŋ ta hatai ofioroho inno Hollum.
\v 2 Ati abe nayya awak innak hirro iyya nafa awuanari nayya ika itai arari Yesu Kristo hame iko ye nohonyie to kuruce
\v 3 Ati attu nayya ifa ta hatai to fiahaji iko ta baŋi nettok.
\v 4 Sayye nanaŋ iko hitiyana nanaŋ obe ifa ara iko lofiorojok ojo duaran iko hetihutek golon no Oyiri no Hollum ta hatai.
\v 5 Anyar hotobiaŋa hiruk nahatai oyiri to ofioroho inno tuŋani, ati to golon no Hollum.
\p
\v 6 Ati, ero nayya sayye no hilofere to hiji ho hiyyo illo obolo, ati obe ara ofioroho inno hilahaji no hekumok hullo he iyyania, illo obe afanu egiamari innak hirro.
\v 7 Obe, etiyana nayya ofioroho inno Hollum, huno agalik ofioroho inno hiyyo, inne eŋofo, innafa otiorok Hollum te iyyohoi holobe ŋasi inno lohuo nohoi.
\v 8 Obe lobo tara lettaha hullo ha ŋasi hunna oyyen ofioroho, nara no etiru isia to holoŋ nafa nia, nobe isia esihok Habu lo kwatan.
\v 9 Ati iyya egioro, hijo, “Hirro inno obe nobo honyek egonyu, obe lobo hiyok ne etiru, obe nobo hoo no ogilu, hirro inno otiorok Hollum to hiyyo illo omuno inyia.”
\p
\v 10 Hirro niyya hunna etihutek Hollum tohoi to Oyiri. Nyo osiaha Oyiri hirro bidaŋ, man to hirro inno Hollum hunna ogol.
\v 11 Ŋai to hiji ho hiyyo oyyen higigilita inno tuŋani aracie Oyiri no tuŋani nolowuon to hotwai honyie? Daŋ ania, obe tuŋani oyyen higigilita inno Hollum aracie Oyiri no Hollum.
\v 12 Ati obe iyyohoi emoju Oyiri na fau, ati Oyiri no Hollum, hijo anyar iyyohoi emijak hirro inne esio Hollum to hoi asai.
\v 13 Erro iyyohoi hirro inno etuhutek Oyiri iyyohoi, inno obe ofioroho inno hiyyo etiyana, eloitok Oyiri hirro inno Oyiri to ofioroho inno Oyiri.
\v 14 Ati tuŋani lo obe owuon iko Oyiri obe inyia orumu hirro inno Oyiri no Hollum, nyo ara isia hirro inno ifiahajiti to honyie.
\v 15 Lia lo owuon iko Oyiri oŋot hirro daŋ, ati obe ara hijo anyar oŋoto inyia hirro inno illak.
\v 16 “Ŋai oyyen hoo na Habu, hijo anyar etuhutek inyia?” Ati ewuon iyyohoi iko hoo no Kristo.
\c 3
\cl ŋati 3
\p
\v 1 Ajo anaya, abe nayya aremik hiro ta hatai iyya hiyyo illo owuon iko oyiri, ati ero nayya ta hatai iyya hiyyo hullo owuon iko higigilita ino fau, iya era itai idoliaha to Kristo.
\v 2 Etimata nayya itai to lee, abe ara ŋiria nologol, tahati ebe itai ewak, hata inyania olobe itai adaha ŋiria.
\v 3 Nyo helerasa itai iko higigilita inno fau. Lo owoun hayini iko ŋalafa to hiji hatai, ebe mahu itai ewuon iko higigilita inno wan? Ebe mahu itai elot iyya hiyyo?
\v 4 Nyo ojo lobo hijo ejufa naya Paulo, ojo hidofe lobo ojo nayya Apolo, ebe iso itai ara iyya hiyyo illo fau?
\p
\v 5 Ŋai ati Apolo? Ojo ŋai hidofe Paulo? Ara iyyohoi hegiamak hidofe egiama iyyohoi to wati te innohoi iyya esio Habu to hohoi ojo to hitiyenita innohoi eruk itai.
\v 6 Edula ifa nayya ojo Apolo ejuho hifioŋ, ati ara Hollum le etibolo isia.
\v 7 To nia obe hitihabuo owuon to hedulani, kuya hidofe to lia hejuhoni ho hifioŋ, ati owuon to Hollum lia etibolo isia.
\v 8 Iyyania hedulani iko hejuhoni ho hifioŋ egiama nobotie, ojo iso isia daŋ omoju idumuti innohosie to higiama nohosie.
\v 9 Ara iyyohoi hegiamak ilo Hollum. Era itai mana no Hollum, itai haji no Hollum.
\p
\v 10 Iyya esio Hollum hamehini ta hanaŋ, ara ifa nayya ahaduhoni le etiarak hitieri no ohitiir, ojo lobo atta aduhok to hide honyie. Ati itai hiyyo daŋ ihuma riŋa hijo efu iso itai eduhok to hide honyie.
\v 11 Nyo obe lobo tuŋani oremik aduhok hitieri no ohitir aracie nafa oduhohini. Ara ifa Yesu Kristo iyya hitieri no ohitiir.
\v 12 Iyania loduhok lobo tuŋani to hide holohitiir to yeli, kuyya to bilet, kuyya to honoron hunna opipiak kuyya to bau, kuyya to hujuti, kuyya to bahala.
\v 13 To holoŋ hoŋoto oliew iso ilibiti inno higiemita inno hiyyo, oliew iso isia to hima, nyo ociem iso hima higiemita inno hiyyo nobotie nobotie harriŋari hijo ara iso isia iyya nyo.
\v 14 Kuyya arasa higiema nolobo tuŋani le egiama tohide ho lohitir hitieri omoju iso inyia idumut.
\v 15 Kuyya lasuwahari higiama no lobo tuŋani olita iso idumut nohonyie, ati etilohini iso inyia to hima.
\p
\v 16 Holobe itai eyyen hijo ara itai haji no Hollum ojo hidofe Oyiri no Hollum amanya ta hatai?
\v 17 Letattur lobo tuŋani haji no Hollum, etattur iso Hollum inyia. Nyo olibo haji no Hollum ŋai ati itai.
\p
\v 18 Hotobiaŋa lobo tuŋani enyieb wan nohonyie. Kuya egigilo lobo to hiji hatai hijo elefere taŋasi hunna, isiara inyia hatara lobolit.
\v 19 Erifaha ofioroho inno fau inna to honyehite inno Hollum. Nyo egiorohini hijo, “Enief inyia leferejok to ofioroho innohosie.
\v 20 Egioro hidofe hijo, “Oyyen Habu higigilita inno leferejok hijo ara isia asai.”
\p
\v 21 To nia hotobiaŋa lobo tuŋani etidara to hiyyo! Nyo esio Hollum hirro daŋ innahatai,
\v 22 Kuya inyia Paulo iko Apolo ojo Kefas, kuya fau daŋ iko wuaran ojo ye iko hirro hunna iyyania, kuyya hido inno afanu iso, ara isia daŋ innahatai,
\v 23 era itai Kristo, ojio Kristo ara Hollum.
\c 4
\cl ŋati 4
\p
\v 1 Oremik tuŋani hijo tohoi tiji, ara iyyohoi piti illo Kristo ojo hidofe herrirriak no hiŋofo no dede no Hollum.
\v 2 To hiram nia, awak anyar osiru herrirriak te igem nohosie.
\v 3 Ati ta hanaŋ ara sihin letiŋ no ta hatai haŋotori hiram nanaŋ kuyya to okiko holobo tuŋani. Abe naŋ aŋot towan nanaŋ.
\v 4 Abe nayya egonyu nobo hiloito ne ehumahini ta nayya, ati obe nia etuhutek hijo abe naŋ ara hepalani. Hollum lia oŋot nayya.
\v 5 Ati baŋa lo ŋoto innak hirro holobeŋ far nyia awoŋ, holobeŋ Habu awoŋ. Ohu inyia eyyani ciala hirro innafa eŋofo te idumele ojo hidofe etiliew hiram no taji. Ati orumu iso hiyo daŋ hitahuo nohonyie tara Hollum.
\p
\v 6 Iyyania, halasirak, ehuma naŋ higiemita hunna to wan nanaŋ ojo Apolo to hiram nahatai, hijo anyar etiyenu itai hijo hero hiyebita hunna nyo tara hohoi, “Ibaŋa agal hirro inne egiorohini.” Anyar obe lobo ojo agalik inyie lobo
\v 7 tuŋani. Ŋai egonyu ilufuti innohoi to hiji ha baŋai? Hara nyo nia owuon to honye ino obe iyye erumek asai? Lemoju iyye asai, nyo ati etidara iyye iyya ebe iyye emoju asai?
\p
\v 8 Awuana itai ho hirro bi daŋ inne ewak itai! Asaman itai! Etiara iye toŋita ahabwe, attta itai hiwuoto tara hohoi! Dede, awak naŋ itai hotottoŋitai, anyar ettoŋita iyyohoi iko hoi ahabwe.
\v 9 Ati egigilo naŋ hijo ehumak Hollum iyohoi efahat halu to hibili te igem ojo hidofe iyya hiyyo illo esio hiyyo to ye. Era iyyohoi bi iyya manaraha irriŋiti ta fau, illa anjilohien iko to hiyyo.
\v 10 Era iyyohoi bolitok to hiram no Kristo, ati ejo itai elefere to Kristo. Elik iyyohoi, ejo itai egol. Abaŋ hiyyo itai, ojo hiyyo obe abaŋ
\v 11 iyyohoi. Man to holoŋ inna he ena ewodo iyyohoi ojo hidofe eboto, eciefita iyyohoi boŋojin inno orru, abak hiyyo iyyohoi no lorru, ojo ebe iyyohoi ewuon iko haŋitek.
\v 12 Egiama iyyohoi no, hegiamari ta has innohoi. Nafa omorori hiyyo iyyohoi, ejok iyyohoi.
\v 13 Nafa etigiamari hiyyo iyyohoi, ejo iyyohoi edik. Nafa etifittaŋari hiyyo iyyohoi, ejo iyyohoi ero to nyalami. Afanu iyyohoi hira, ojo iyyohoi erasa hira hiyyo illo ebo fau iyya hirro inno omura agalik hirro bi daŋ.
\p
\v 14 Abe naŋ egiorok hirro hunna hetilorijori itai, ati hesiŋari itai iyya durre illallaŋ illo amuno naŋ.
\v 15 Nyo ewuon ida hido tai ho hetiyanak alif tomon to Kristo, ebe itai ewuon ho monyie arria, ati ara naŋ monye hatai to Yesu Kristo to sayye inno olibo.
\v 16 Ati alia naŋ ta hatai hijo anyar ejufuta itai nayya.
\v 17 Inyia nia efahak naŋ itai to Timoteo, durre illo amuno naŋ iko heruho illo Habu. Ara ida hido etiyana naŋ isia to masik bi daŋ iko te ikelesia.
\p
\v 18 Iyyania arasa illak illahatai tume hirro, hegiamari iyya abe ifa naŋ attu ta hatai.
\v 19 Ati attu iso nayya ta hatai kwak, awak Habu. Attu naŋ hiye obe ara hiro no ele etidara, ati ahu naŋ hiwolo golon no hosie.
\v 20 Obe obie no Hollum ara to hiro hame ati to golon.
\v 21 Golon. Hewak itai nyo? Anyar attu naŋ ta hatai ta hali kuyya to mune iko ta nyalami na taji?
\c 5
\cl ŋati 5
\p
\v 1 Etiru iyohoi hijo owuon somon to hiji hatai ara somon no oru binno, nobe oremik wana to hiji ho paganohien, nyo amanyari lobo oŋorwo monye honyie.
\v 2 Eyaruta itai. No obe ida itai etariha man eyari tuŋani lehuma hiram nia to hiji hatai ade.
\v 3 Abe ida hido naŋ to hiji hatai to wan nanaŋ, awuon naŋ ikaitai to Oyiri,
\v 4 Latubai itai to fure tono Habu lohoi Yesu, awon naŋ ikatai loloyiri, ojo golon na habu lohoi Yesu owon,
\v 5 isiara tuŋani hijo ilie to sitan to hetihar no wahiti, anyar etilohini Oyiri nohonyie to holoŋ na Habu Yesu.
\p
\v 6 Obe hitidara nahatai olibo. Ebe itai eyyen hijo ahabwok letiŋ etipwasa imune daŋ?
\v 7 Iyari ahabwok marwani ade anyar era itai imune ŋejuk, nobe ahabwok dede. Nyo Kristo, oye ifa te iyyohoi inyia ker, hiluti lohoi.
\v 8 Iyyania hetidahai daha na karama to mune, obe ara to habwoka ina marwaini, ahabwok ne iyani liwa iko emanyiti ino oru. Ati, to huruk no obe ahabwok hamanya to dede.
\p
\v 9 Egiorok naŋ ta hatai waraga nanaŋ hijo hotobiaŋa itai ettuba ho hiyyo ilo ehuma hiro ino somon.
\v 10 Ati abe naŋ ero tohiyo harwak ilo fau, iko ŋarujok, iko paganohien ile ehuma hiro ino somon, ojo ille etihabuo rijorihien; Iya hetolojori adee torohosi anyar ewaun efwo itai ade ta fau.
\v 11 Ati egiorok naŋ iyyania ta hatai hijo, hotobiaŋa lobo lojo ara iya halasi ojo inyia odule ihuma hiro ino somon, kuya eŋaru, kuya hetihabwani ho rijorihien, kuya hamuroni hohiyo, kuya harumak, kuya hetipalani. Hotobiaŋa edaha ŋirya ikonyie.
\v 12 Jai iso aremik naŋ hiŋot hiram nohiyo ilo obe own to Kelesia? Ne, ŋoto itai hiram no liya ilo owuon to ikelesia?
\v 13 Ati Hollum iso oŋot hiyo lia owuon ta bali. “Ifuhai tuŋani loloru ade to hiji hatai.”
\c 6
\cl ŋati 6
\p
\v 1 Lowuon illamuk illo aŋalafa, oremik iso iyya eno ekumori holobe hiruk toŋoto, ojo hidofe holobe awoŋ to hiyo ilo Hollum?
\v 2 Ebe itai eyyen hijo oŋoto iso hiyyoilo Hollum fau? Ojo lara itai haŋotoni hafau, ebe itai eremik hitibis hiro huna ofiak?
\v 3 Obe itai eyyen hijo eremik iyohoi hiŋot anjilohien? Hara iyya ŋari nyo binno, teyya, ebe iyohoi eremik hiŋot rori ino wuaran nia?
\v 4 Lewak ifa itai ehihuma ŋoto nia odule to manya, nyo ati ebusak itai rori tohosyere holia ilo obe oweta to ikelesia?
\v 5 Ajo naya ania anyar ewon itai he iri. Obe lobo tohiji hatai le lelefere oremik hetilik iŋalafiti inia owuon to hiji helasira?
\v 6 Ati etiwuaha iliasi ilasi, ara ina to hosiere hoyiyo obe ara heruhoni!
\p
\v 7 Dede owuon ifa iŋalafiti beren to hiji ho Kristianohien inafa eya itai. Nyo ebe atti itai edihu hitigiama tara hipali? Nyo esio itai watie ino hatai to hinyiaba?
\v 8 Ati itai towatie inahatai epala itai ejo hidofe enyiabahiyo ilo ara ilasira!
\p
\v 9 Hebe itai eyyen hijo ilo ebe obis obe oremik aruta obie no Hollum? Ibaŋa eruk hinyaba: To hiro ino hasomok, ta hamojok ho rijorihien, to harotok inno oŋoruo, to liawa hulo ofirie, ojo liwa ilia hullo egiama hiram no somon,
\v 10 hahala, iko ŋarujok, harumak, hesusutak iko harosok ino hiro ino hiyo, to ilia daŋ obe isia oremik arutak obie no Hollum.
\v 11 Ara ifa ilak ania to hiji hatai. Ati alibe ifa itai, ati emak ifa inyia itai ahabisak, ati etibisak ifa inyia itai to fure no Habu Yesu Kristo ojo to Oyiri no Hollum lohoi.
\p
\v 12 “Ara hirro hunna ta hanaŋ iya ojo hifahita,” ati obe hirro daŋ olibo ta hanaŋ. “Ara hiro hunna ta hanaŋ iya ojo hifahita,” ati abe hiro daŋ eyani libe ati abe iso hiro inia ekum naya.”
\v 13 Ara ŋiria no hosehe, ojo hosehe ara no ŋiria,” - ati eyari iso Hollum isia daŋ ade. Ati obe wan ara no somon, ati ara wan na Habu, ojo Habu isio to wan.
\v 14 Ojo Hollum etibuhu Habu ojo iso hidofe etibuhu iyyohoi ahide to golon nohonyie.
\p
\v 15 Ebe itai eyyen hijo ara wati innahatai ino Kristo? Aremik iso nayya eyari iluluŋ no Kristo atta nayya attubak isia to somojok? Hotobiaŋa ara ania!
\v 16 Ebe itai eyyen hijo lia ottubahini to isomo ara isio nobotie iko inyia? Iyya ojio Baibol, “Ara arik iso wan nobotie.”
\v 17 Ati lia ottubak to Habu ara isio Oyiri nobotie iko inyia.
\p
\v 18 Irruata ade tara hirro inno somon! Hiyyata ino eyyau tuŋani obe ara to wan nohonyie, ati tuŋani ara losomo eyyau inyia to wan nohonyie.
\v 19 Hettumo iye hijo ara wan nohoi haji no Oyiri lo Olibo, lo amanya to hoi, inna erumu iye tara Hollum? Etimo iye hijo obe ara iye hamai to wan nohoi?
\v 20 Enyiaŋini ifa itai te edumoti. Iyania itukwata Hollum ta wan nohoi iko to oyiri nohoi na ara no Hollum.”
\c 7
\cl ŋati 7
\p
\v 1 Iyyania ero nayya to hirro innafa egiorok itai ta hanaŋ: “Olibo to hitololiawa hoto biaŋa otir noŋoruo”
\v 2 Ati to eciemiti ariai ino iruti, anyar owuon hito loliawa ho oŋorwo honyie, ojio hito noŋorwo owuon ho oliawa honyie.
\v 3 Anyar esio hiito oliawa to oŋorwo honyie wan nohonyie no oremik asiru to honyie, ojio hidofe oŋorwo esio to oliawa honyie wan nohonyie.
\v 4 Obe hiito no ŋorwo oremik wana iko hilohitok to wan no honyie, ara oliawa a letok lohonyie. Ojio hidofe, obe oliawa oremik wana iko hilohitok to wan no honyie, ati ara oŋorwo eletok.
\v 5 Ibaŋa ebo attubak wati innahatai leruk itai ara nobotie hisio wati inahatai to holoŋitek niyya eruk itai, anyar edule itai mojo holoŋitek daŋ ino ebe itai etubari. Ati ta halu atta itai afanu daŋ nobotie, anyar obe Sitan oremik hisusut itai to biaŋan no hiriria nowan.
\p
\v 6 Ati ero nayya hirro inia ta hatai arriai to nyo aŋatak Hollum nayya herara ojio obe ara to hifahi.
\v 7 Nara ida hiyo daŋ iyya nayya. Ati owuon hiyyo daŋ ho hosiorita inohosie toro Hollum. Owon lobo iko esiorio nohonyie ojo lobo honohonyi.
\p
\v 8 Ojo toŋorwo huna holobeŋ ayama, iko ino oye liawa hosie, ajo naŋ olibo tohosie hitolojori obe liwia.
\v 9 Ati lobe isia oremik hittole obe ŋorwo, oremik isia yama. Olibo to hosie hayamari agalik hitaban iko iwahiti inno wan.
\p
\v 10 Ati to hiyyo ille ayama esio nayya hifahi inna- obe ara nayya, ati Habu: “Anyar obe oŋorwo opiahari tara oliawa honyie.”
\v 11 (Ati kuyya opiahari inyia tara oliawa, anyar obe inyiak yama kuyya hidofe anyar emwarahini iko oliawa honyie). Ojio, Hotobiaŋa oliawa opiaha ho oŋorwo honyie.
\p
\v 12 Ati to illak ajo daŋ-, nayya, obe ara nayya Habu-hijo lowuon lobo halasi ho oŋorwo honyie inna ara pagani ojio inyia eruk hittole iko inyia, anyar lobe inyia opiahari tara honyie.
\v 13 Ojio lowuon nobo hiito noŋorwo ho oliawa honyie ilo ara pagani ojio inyia awak manya ho oliawa honyie, anyar lobe inyia opiahari tara honyie.
\v 14 Ati to liawa ilo obe eruk etaŋari iko oŋorwo honyie, ojo oŋorwo ino obe eruk etaŋahini iko elasira. Atta dure inohosie hibwot, ati lobe isia opiaha etiyu sio.
\p
\v 15 Ati lawak lia obe eruk Yesu Kristo apiaha, isiara inyia heno. Iya to hiram to nia, obe halasira kuya hanasi orosok wati inohosie. Ellilloŋo Hollum iyyohoi hetolojo to hilik natajia.
\v 16 Eyyen iso iyye jai, hitonoŋorwo, anu isio itilwahu iyye oliawa hoi? Kuyya eyyen iso iyye jai, hitololiawa, anu isio etilahu iye oŋorwo hoi?
\p
\v 17 Isiara hiyyo daŋ hatamanyai ta manya nafa aharak Hollum to hosie, ojio hidofe iyya ellilloŋo Hollum isia. Ara inaŋ hifahi nanaŋ to kelesiahien.
\v 18 Oŋoto ifa lobo nafa eliloŋoni hiyo isia to hiruk? Hotobiaŋa ocem halieu ŋoto. Oŋoto ifa lobo nafa eliloŋi inya to huruk? Hotobiaŋa inyia osiaha ŋoto.
\v 19 Ati obe ara ŋoto iko biaŋan no ŋoto ara asai. Nyo ara bino inyia baŋi no hifahita ino Hollum.
\v 20 Isiara hiyyo bidaŋ hotodule manya iyya nafa amanyari isia to holoŋ nafa ellilloŋori Hollum isia to hiruk.
\v 21 Era ifa itai piti to holoŋ nafa ellilloŋori Hollum itai? Ibaŋa egigilo to hiram nai.
\v 22 Tuŋani le eliloŋu Habu ara iya pit le ohek Habu. Ara iyya ilo ohoni tara Habu ara inyia apit lo Kristo.
\v 23 Enyiaŋini ifa itai to idumut, hotobiaŋa itai enyak hira apiti ilo hiyo.
\v 24 Ati halasirak, anyar imanya itai daŋ to imanyiti inna eliloŋori Hollum itai to hiruk, ati itidule to Hollum iya nafa nya.
\p
\v 25 Ati to hiram no hiyyo illo obe ayama, obe Habu esio ta hanaŋ nobo hifahi, ati elimak nayya itai higigilo nanaŋ to nyo efwotu ifa nayya amehini no Habu erara nayya no lobis.
\v 26 Egigilo nayya hiram no hitigiema nia otu, olibo odule tuŋani rasai iyya owuon inyia.
\v 27 Ayemu iye hitonoŋoruo? Baŋa osiaha piaha. Kuya holobe itai yama, baŋa osiahari hitonoŋorwo.
\v 28 Ati kuyya ayama itai, obe ara iyyau. Ati kuyya ayama lobo obe inyia eyyau. Ati illa ayama wati owuon iso ho hitigiemita ta manya no hosie, ajo nayya awak adihu hitigiemita daŋ tara hatai.
\p
\v 29 Ati ajio nayya ta halasirak: Eduhocio holoŋitek hulloŋ. Iyyania man ahosiere, isiara hiyyo illa ayama wati ho manya iyya hiyyo illo obe wati ayama.
\v 30 Isiara ille atariha wati hotowuanai iyya obe oyo; ojio illo omuno wati, hotowuana iyya obe omuno; ojio illo opocio wati, hotowuanai iyya obe isamiti,
\v 31 ojio illo opocio wati hirro inno fau hunna, isiara hotowuanai iyya obe isia owuon ho hirro, nyo owuon hicuŋi no hirro to fau.
\p
\v 32 Awak nayya itai hata manya to biaŋan no hilafuho. Tuŋani lo obe ayama egigilo inyia to hiro ino Habu, ojio hikoi to nia etimuno inyia Habu.
\v 33 Ojio tuŋani lo oyama wan egigilo to hiro to inia fau, hijo aremik inyia hitumuno oŋorwo honyie jai.
\v 34 Obwanya inyia. Ati tuŋani no lobe hiyyo oyemu kuyya hidofe hodwoti egigilo inya to hirro inna Habu, ojio isia osiaha hijo anyar emanya isi no olibo to wati innohosie ho Oyiri innohosie. Ati tuŋani inna ayama egigilo inyia to hirro inna fau, ojio; hetimuno iso inyia oliawa honyie jai.
\v 35 Ero nayya ina hijo anyar olwak itai, obe ara hijo anyar etihita itai, ati to hiro ino obis, anyar itimuno itai Habu ojio hidofe egiama to honyie ta tajia ara nobotie.
\p
\v 36 Ati le egigilo lobo hijo etirwo inyia oŋorwo honyie inna aciorok elaŋ ŋasi inohonyie, isiara inyia hatayamai inyia awak ifa inyia. Obe ara iyyau.
\v 37 Ati kuyya owuon inya ho higigilo hijo hotobiaŋa inya ayama, ojio nobo hitisiaha obe, ojio inyia oremik hidas munoi, egiem iso na anyar lobe inya ayama hodwoti inna ocior inya.
\v 38 Ati la ayama wan hiito oŋorwo inna ocor inya, egiem na anyar, ojio ille obe onyimu hiito oŋorwo ocor egiem hidofe no olibo.
\p
\v 39 Efitak hifahi hitonoŋoruo to oliawa honyie holowar inya. Ati kuyya lo oye oliawa, oremik inyia yama lobo tuŋani illa awak inyia yama, ati anyar ara to Habu.
\v 40 Ati to higigilo nanaŋ anyar omuno inyia agalik ojio hidofe amanya inyia ania. Ati egigilo nayya hijo awuon nayya ho Oyiri no Hollum.
\c 8
\cl ŋati 8
\p
\v 1 Iyania ŋiria nia esiarahini to rijorihien. Eyyen iyyohoi hijo ewon iyohoi daŋ iko ofioroho ino oriew ahide, ati mune oduhok ahide.
\v 2 Legigilo lobo hijo ayien inye obe tuŋani lia oyen.
\v 3 Ati lo omune lobo tuŋani Hollum, oyien Hollum tuŋani lia.
\p
\v 4 Iyania, to hiram no daha ŋiria no esio hiyo to rijorihien: eyen iyohoi hijo tafu ina rijorihien ara asia, nyo obe lobo Hollum ati ara Hollum lobotie.
\v 5 Leyen iyohoi hijo owuon saŋ inia eliloŋo hiyo hijo johin inni ta fau kuya te ido. Owuon johin inia iko habwok arriai.
\v 6 Ojo iyohoi ara Hollum lobotie jia monye lo fauu ojo hiro daŋ iko wuaran nohoi tara honyie. Ojo hidofe Habu lohoi Yesu Kristo, ille ara wuaran to hoi jo hiro daŋ tohonye.
\p
\v 7 Ati, obe ofioroho inia owon to hiyo, hee giama isia hiro ino etihabwori hiyo rijorihien, adaha isia ŋiria nia atta hijo esio isia hisiorita to rijorihien. Ati etihar isia tajia innohosie to higigilita inia, elik isia.
\v 8 Ati etaluk ŋia etihutari iyyohoi to Hollum, obe iyohoi erru to biaŋan nohoiedaha kuyya hidofe obe iyohoi agalik ta daha.
\v 9 Ati ihuma riŋa ŋaso higigilita hunna etipal lobo lo obe owuon iko golon no hiruk tara itai.
\v 10 Kuyya legonyu lobo iye, iyye lia ewuon iko ofioroho, ta adahari ho ŋiria ta haji himojit no rijorihien, ekuyya mahu hijo, nyo adaha nayya hisiorita hunna ho rijorihien?
\v 11 Niyya, etihar itai tuŋani lia obe golon no hamijak to honye, hilik na halasi iko no hanasi hoi nafa oyori Kristo to inya.
\v 12 Le eyyau iyye te ilasi hoi to hikoi nia, etihar iyye golon na tajia nohoi. Eyyau iyye daŋ to hosiere ho Kristo.
\v 13 Ati kuyya lara honya nanaŋ hiriŋo etipal te hilasi hanaŋ, abe iso naŋ enyiak honya hiriŋo hijo tuŋ, anyar ebe etipal halasi hanaŋ.
\c 9
\cl ŋati 9
\p
\v 1 Abe nayya awan ania? Abe naya ara lefahati? Alabe naŋ egonyu Yesu Habu? Ebe itai era hegiamak ilalaŋ to Habu?
\v 2 Kuyya labe naŋ ara efahani te ilak hiyo, ati ta hatai ara nayya ehafahani. Nyo era itai to igem nanaŋ ta Habu.
\p
\v 3 Ara ina hici nanaŋ to ilia awak cama nayya.
\v 4 Hebe iyohoi ewon hobisiandahari iko mata?
\v 5 Hebe iyohoi ewon hobisian heyariri ikohoi hito noŋoruo na ara heruhoni, iya ilak efahat, iko halasira ha Habu ojo Kefa?
\v 6 Ara ati Barnaba ikanaŋ anyaa legiama hamai?
\v 7 Ŋai lia egiama iya oseŋer to arobiyaha inno honyi? Ŋai lia oromok mana ojo obeŋ adaha ŋama nia? Ŋai lia eyohita husuŋ ojo obe amata le toro husuŋ?
\p
\v 8 Ero naya hiro inia hijo to hilohittok no hiyo? Obe hifahita hidofe hero ania?
\v 9 Nyo egioro to hifahitta inno Mosa, “Baŋa efitak hutuk no hitteŋ loduha ŋama.” Ati hara mahu hiteŋ nia eriria Hollum?
\v 10 Obe mahu inyia ero to hohoi? Egiorok ifa to hohoi, nyo lia oromo anyar oromo tomoi, ojo to lia oduha ihidek hotoduk tomoi no bwanya na ŋama todioŋo.
\v 11 Letiyana iyyohoi hiro ino oyiri tohiji hohoi, No nyo ati ebe iyyohoi eremik adieŋu hirro arria tara hatai?
\v 12 Lorumu hetiyanak lia hiro tara hatai, ebe iyohoi eremik arumu ina agalik? Ati ebe iyohoi esiaha inamuk hiro. Edihu iyohoi daŋ hijo anyar ebe iyohoi etik sayye no Kristo.
\v 13 Ebe itai eyyen hijo ilia egiama igem ta haji imojit omoju daha nohosie dia? Obe itai eyen lia egiama to altari orumu isia ŋiria nohosie tara hihumita?
\v 14 Tohikoi tonia, esio Habu hifahaita nolo ojo ilia etiyana sayye ino olibo, anyar orumu isia waran nohosie tara sayye no olibo.
\p
\v 15 Ati abe ifa nayya eyyari inak hiro ojo hidofe abe ifa naŋ egioro hiro huna hijo anyar egem inamuk hirro ta hanaŋ.
\v 16 Nyo kuyya etito nayya sayye inno olibo, abe naŋ awon hohitidara, asan anyar egiama naŋ igiam. Ara eyau tahanaŋ lo be naŋ etiyana sayye ino olibo!
\v 17 Legiama naŋ to wahan, awon naŋ iko esorio. Ati lobeŋ wahan, arasa naya wana hohelohito esio tahanaŋ hegiamari.
\v 18 Nyo iso esorio nanaŋ? Ara le lahitiyana naya, hitiyana no sayye ino olibo to biaŋan ne idumuti, abe ida hido nayya etifut hegiamari sayye inno olibo.
\p
\v 19 Ohek ida hido nayya tara hiro daŋ, esio nayya wan nanaŋ apit to hiyyo daŋ hijo anyar eyani nayya illamuk agalik.
\v 20 To hiyyo illo Yudea ara naŋ iyya lo Yudea hijo anyar arihu nayya ilak Yudea. To hiyyo ille olot to hifahita, ara nayya iyya tuŋani lo ejufuta hifahita, na ayyen ida hido naŋ hifahita nyo alot naŋ to hifahita inno Kristo, hijo anyar eyani naŋ illo obe oyyen hifahita.
\v 21 Tohiyo ilo obe oyen hifahita, ara iso nayya iyya lia obe oyen hifahita, nara ifa hijo abe naŋ awuon to hifahita inno Hollum to wan nanaŋ, ati to hifahita inno Kristo. Egiem naŋ hijo anyar eyani naŋ lia obe owuon to hifahita.
\v 22 To hiyyo illo obe ogol, era naŋ tuŋani la abe agol, hijo anyar eyani hiyo illo obe ogol. Atu naŋ hira iyya hiyyo daŋ to hirro daŋ hijo anyar ahou nayya ilak.
\v 23 Ehuma naŋ hirro daŋ to haluwahari sayye inno olibo hijo anyar eŋiŋar naŋ to ijohiti ino hiyi.
\p
\v 24 Obe itai eyen hijo lonyieta hiyo daŋ ata le erwatik, lia lobotie omoju esorio inohonyi? Inyoru arumuni esorio.
\v 25 Hanyetak daŋ etigol isia watye to hiro daŋ. Ehuma isia ania anyar omojuni idumuti inno oremik hisaha, ati ehuma eyohoi harumuni idumuti hunna odule mak.
\v 26 Iyania, abe daŋ anyor asai kuya habahari oyami.
\v 27 Ati enyak nayya wan nanaŋ apit, hijo lattohu naŋ etiyanak daŋ te ilak, naya towan tananaŋ anyar labe naŋ apuak.
\c 10
\cl ŋati 10
\p
\v 1 Abe naya awak hijo anyar ebe itai eyen, halasira, hijo monyie hohoi owon ifa tafau holohidis atta isia hilaŋ to hiji hahari nettok.
\v 2 Ebatiso ifa isia daŋ to hidis no Muse iko thahari nettok.
\v 3 Anya ifa isia ŋiria no oyiri.
\v 4 Daŋ mata isia amatat ino oyiri. Nyo amat ifa isia tara morio no oyiri nafa ejufari isia, ojo moruo nia inya Kristo.
\v 5 Ati obe ifa Hollum omuno isia bedaŋ, atta watye inohosie etisarrik to tim.
\p
\v 6 Inyania ara hiro huna hitiriamita tohoi, anyar ebe iyohoi ejufuta hiro ino sitan iyya nafa hosia.
\v 7 Hotobiaŋa era hetihabuok, horijorihien iya ehuma ifa illohosie. Ara ina iya egiorohini, “Ettole hiyo atta daha ojo amata, atta diote atta cia.”
\v 8 Hotobiaŋa iyohoi eyau tosomon, iya nafa ehumari isia. Toholoŋ tonobotie, oye ifa isia alif tomwana arik hohunic hiyo olo oyee to hiram nia.
\v 9 Hotobiaŋa iyohoi ehuma Kristo tocama, iyya ehuma ifa ilohosie atta munok attohe isia.
\v 10 Idofe hotobiaŋa iyohoi hiŋuŋunita, iya ehuma isia ifa atta anjilo lo ye atohe isia.
\p
\v 11 Iyania, edoŋ hirro hunna to hosie ahitihuta te iyyohoi. Ati egiorohini isia esiŋari iyyohoi, lia eliaha hisidi na awaŋ.
\v 12 Tonia isiara tuŋani legigilo hijo awueta inyi hehuma hirira hijo hotobiaŋa inyia ohuye.
\v 13 Obe ciama oremik awaŋ tahatai na no obe owuon to hiyo. Ati olibo Hollum. Obe inya oremik ebusak nobo hisusuta nottu ta hatai na agalik golon nahatai, lawoŋ nobo hisusuta esio iso inyia ta hatai nobo hikoi no efuho itai hijo anyar edihu itai inya.
\p
\v 14 Tonia, itai huna amuno naŋ, irwuata ade tara hitihabwo no rijorihien.
\v 15 Ero naŋ ta hatai iyya hiyyo hullo etira. Itiŋot hiro innanaŋ to wati te innahatai.
\v 16 Ikobo inna ejahari iyyohoi, obe ati nia ara bwanya no hoto no Kristo? Imune no ebwanya iyyohoi, obe ati inya ara bwanya no wan to Kristo?
\v 17 Nyo owuon imune nobotie, era iyyohoi nobotie emonya ida hido iyyohoi. Edaha iyohoi imune nobotie daŋ arabotie.
\p
\v 18 Itiwolo to hiyo ino Isarail. Obe ara isia ila adaha hibulucita ojoegiama ta altari?
\v 19 Nyo nia ero naya ania? Ara rijori iya nobo sihinai asai? Hoŋiria nya esio hiyo to rijori ara sihinai asai?
\v 20 Ati ajo naŋ hero ino esio paganohien hihumita to johin, esio isia to johin obe ara to Hollum. Abe naŋ awak itai hotorriahai iko johin.
\v 21 Ebe itai eremik himat to ikobo na Habu iko te ikobo no johin. Ebe itai eremik daha to teremeja na Habu iko to teremeja no miniaŋa.
\v 22 Etijoria iyohoi Habu hijo hatahaino? Egol iyohoi agalik inyia?
\p
\v 23 “Hero daŋ odwaa,” ati obe are hiro inia olwuak isia. “Hero daŋ odwaa,” Obe ara hiro naŋ etibolo hiyo ahide.”
\v 24 Hotobiaŋa lobo osiaha libe nohonye. Ati anyar losiahai inya libe no onyihari lohonyie.
\v 25 Eheder itai daha hiro huna etinyiaŋa hiyo to suk, ibaŋa efia higigilita inahatai.
\v 26 Nyo “Ara fau na Habu iko hirro daŋ inno owuon dia.”
\v 27 Lellilloŋu lobo lobe ara heruhoni itai to nobo ŋiria, eijo itai ewak efi, itidihai hirro ino esio isia to hosiere hatai eijo itai ebe efia hifiita inno higigilita.
\v 28 Ati lojo lobo tuŋani ta hatai, “Ara daha ina ne esio hiyo to rijori,” ibaŋa adaha, ara nia to hiram no tuŋani lelimak itai, ojo to hiram no higigilo.
\v 29 Abe naŋ ero to hiram to higigilo, ati to hiram no lobo. To hiram no nyo eŋot itai hiram no loboto higigilo na hati?
\v 30 Ladaha naŋ to mune, no nyo omoro hiyo naya to hiram nia ajo naŋ esio humo?
\p
\v 31 Tonia kuyya edaha itai eijo hidofe emata, ati to hirro ino egiama itai, igiama daŋ to ohwo no Hollum.
\v 32 Itiwania bolioŋ to Yudea iko to Grik, ojo to Kelesia ho Hollum.
\v 33 Iticiem iyya aciem naŋ hitumuno Hollum to hirro bi daŋ. Abe naŋ asiaha iwahiti innanaŋ, ati inne iluluŋ. Egiama naŋ hijo anyar etilohini isia.
\c 11
\cl ŋati 11
\p
\v 1 Ijufutai naya, iya ejufuta naŋ Kristo.
\p
\v 2 Iyania amuno naŋ itai nyo egigilu itai naya to hiro inafa etiyana naŋ ta hatai. Amuno naŋ itai nyo aweta itai to amanyiti iya inafa ebusak naya tahatai
\v 3 Iyania awak naŋ anyaa eyen itai hijo ara Kristo hito loliawa lo hiyo daŋ, ojo hito loliawa ara letok toro hito noŋoruo, ojo Hollum ahosiere ho Kristo.
\v 4 Lomojo lobo tuŋani ojo hoo nohonyie emuho eyani iyya irri tohoo honyie.
\v 5 Ati lomojo nobo hiito noŋoruo kuyya ekila ojo hoo nohonyie obe emuho eyyani inyia irri to hoo honyie. Nyo ara sihin nia iya ogita hoo nohonyie.
\v 6 Lobe hito noŋoruo etihok hoo no honyie, anyar ogit hofir ino honyie hotosuho. Kuyya ara eri to hito noŋoruo hagitini hofir ade kuyya to honye hesusumari hoo no honyie, tojo hemuho inyia hoo no honyie.
\v 7 Hotobiaŋa hiito oliawa emuhok hoo no honyie, nyo ara inyia rijori iko ohuo no Hollum. Ati hiito noŋoruo ara ohuo no hiito loliawa.
\v 8 Obe ifa hiito oliawa oyyeni tara hiito noŋoruo, ati oyeni hito noŋoruo tara hito loliawa.
\v 9 Obe ifa hiito oliawa oyyeni to hito noŋoruo, ati hito noŋoruo to hito loliawa.
\v 10 Inya nia owuon hito noŋoruo ho hutuhuti no hilohitok to hoo honyie, nyo ta anjilohien.
\p
\v 11 Ati, ta Habu, obe hiito noŋoruo ettole hamai tara hiito loliawa, hidofe obe hiito oliawa ettole hamai tara hiito noŋoruo.
\v 12 Iyya ottu hiito noŋoruo tara hiito oliawa, ottu hidofe hiito oliawa tara hiito noŋoruo. Ojo hirro bidaŋ afanu tara Hollum.
\v 13 Toŋot to wan nohoi: olibo to hiito noŋoruo hotomoje Hollum ojo hoo no honyie obe emuho?
\v 14 Ebe itai emijak hijo esaga hofir ino hito oliawa eyyani irri to honyie?
\v 15 Obe itai etiyenu hijo lowana hito noŋoruo ho hofir ino esaga, ara ohuo? Ara hofir innohonye hitihita.
\v 16 Ati lawak lobo tuŋani hitirisa tonia, obe iyyohoi ewuon iko innak hitiyenitaiko to Kelesiahien ho Hollum.
\p
\v 17 To hiram nia, abe naŋ etahwo itai, nyo latubai itai aranobotie, obe ara to libe ati to run.
\v 18 To hitieri, etiru naŋ hijo latubahini itai to kelesia, owuon higigiala to hiji hatai, ajo naŋ eruk hijo ara dede.
\v 19 Anyar owuon ŋasio to hiji hatai, anyar orumuni hijo ilo olibo tara hatai.
\v 20 Lafanu itai arabotie, obe ara ŋiria na Habu nya edaha itai.
\v 21 Ladaha itai, anyar adaha lobo ŋiria nohonyie holobeŋ ilara ilak anaha inohosie. Owodo lobo, ojo illak oruma.
\v 22 Ebe itai ewuon hahajik ino edahari itai ejio hidofe ematari dia? Etifittaŋa itai Kelesia no Hollum ejo hidofe etifittaŋa itai lia ilo obe owuon hohiro? Ajo iso naŋ nyo ta hatai? Anyar amuno naŋ itai? Abe naŋ aremik mune itai to nia!
\p
\v 23 Amoju naŋ tara Habu hiro ino etuculak naŋ ta hatai, hijo Habu Yesu, ta harie nafa etinyiaŋari hiyo inya, odumu imune.
\v 24 Ati nafa esio inyia humo, ata inya hibun ata hijo, “Wan nanaŋ innaŋ, na ara nahatai. Igiamai inna anyar egigilori nayya.”
\v 25 Iyania nia atta inya odumu ikobo, atta hijo, “Ikobo ina ara himwara ŋejuk to hoto nanaŋ. Itudule higiama ina iya egigilu itai, egigilori ta nayya.”
\v 26 Nyo to holoŋ ne edahari itai imune ejo hidofe emata to ikobo ina, atta itai hitiyana ye no Habu man ociohini inyia.
\p
\v 27 La anya lobo imune atta himat te ikobo na Habu to hikoi no obe osiru, owu hira heyyani to wan iko to hoto na Habu.
\v 28 Isiara tuŋani hotohier wan nohonyie do, to hikoi to nia isiara inyia hatanya imune ojo hidofe amat to ikobo.
\v 29 To tuŋani la anya ojo hidofe amat ojo inyia obe oher wan nohonyie, anya ojo hidofe amat ŋoto to wan nohonye.
\v 30 Inya nia elik illak ojo oŋwai to hiji hatai, ojo illak tara hatai ojoto.
\v 31 Ati le eher iyyohoi wati innohoi obe iso ŋoto tara hohoi.
\v 32 Ati leŋot Habu iyyohoi, etiniŋ iyyohoi, hijo anyar ebe iyyohoi eye iko fau nobotie.
\p
\v 33 Ati, halasirak, lafanu itai daha arabotie, itilai wati innahatai.
\v 34 Lowodo lobo, isiara inyia hatadahai ta haŋ, anyar afanu itai nobotie hotobiaŋa ara ŋoto. Iko innak hiro ino egiorok iyye, attu naŋ etuhutek la awoŋ naŋ.
\c 12
\cl ŋati 12
\p
\v 1 Halasira hanaŋ, awak naŋ hijo hotobiaŋa itai ettumo hiram no hisiorita inno Oyiri.
\v 2 Eyyen ifa itai hijo, ta nafa hera itai paganohien, ejufuta ifa itai rijorihien inno obe ero iyya orihita ifa isia itai.
\v 3 Ajo naŋ ta hatai hijo obe lobo tuŋani le'ero to Oyiri no Hollum oremik hijo,” orose ifa isia Yesu.” Obe lobo ojo, “Yesu Habu,” aracie to duaran no Oyiri lo' Olibo.
\p
\v 4 Iyyania owuon hisiorita inno olufa ati ara tara Oyiri lobotie.
\v 5 Owuon hidofe higiemita inno olufa ati ara Habu lobotie.
\v 6 Owuon hidofe koi ino egiam ino olufa, ati ara Hollum lobotie le'egiama hiro to hiyo daŋ.
\p
\v 7 Ati esiarahini to hiyyo daŋ hamai hamai Oyiri hijo hotoluak iluluŋ.
\v 8 Esio Oyiri to lobo helefere, ojo hidofe to lobo ofioroho no hiro to Oyiri nobotie.
\v 9 Esio inyia to lobo huruk, ojo to lobo esiorio no hitilibo no haŋwak to Oyiri nobotie.
\v 10 Ojo to lobo esio esiorio no idwariti, ojo to lobo esorio no hikila. Ojo to lobo esio hiyen no Oyirihien ino olibo iko ino oru. Esio inyia to lobo hirori no olufa ojo to lobo hiloito to ŋadiafa.
\v 11 Ati egiama Oyiri lobotie hirro hunna daŋ, hidofe atta aharak to hiyo gele gele iya awak inya.
\p
\v 12 Iyya ara wan nobotie, ati owuon ŋacio arria, ojo ŋacio inia arria ottuba to wan nobotie. Ara isia daŋ iyyania inno Kristo.
\v 13 Nyo to Oyiri lobotie efotu iyohoi batisimo to wan nobotie, kuyya Yudea ojo Grik, kuya piti, kuya obe era piti, ewuon iyohoi daŋ iko Loyiri lobotie.
\p
\v 14 Nyo obe wan ara ŋati nobotie, ati ara inyia ŋacio arria.
\v 15 Kuyya ojo heju hijo, obe naŋ ara ŋati no wan inna nyo abe naŋ ara hani. Obe ati inyia ara ŋati no wan dede?
\v 16 Kuyya ojo hiyyok hijo, abe naŋ ara ŋati no wan nyo abe naŋ ara honyek. Obe ati inyia ara wan no ofiak?
\v 17 Kuya lara ida wan daŋ tamai honyek, etira iso inya jai? Kuya lara ida wan daŋ hiyok, heŋuada iso inya jai?
\v 18 Ati iyyania, ehumak Hollum ŋacio daŋ inno wan iyya awak inyia.
\v 19 Lara isia daŋ ŋati nobotie, howuon iso wan aji?
\v 20 Iyyania, owuon ŋacio arria ati ara wan nobotie.
\v 21 Obe honyek oremik hijo ta hani hijo, “Obe nobo igem nanaŋ iko hoi.” Obe hidofe hoo oremik hijo to heju hijo “Obe naŋ awoun he igem iko hoi.”
\v 22 Ati ewak iyyohoi ŋacio inno wan inne elik.
\v 23 Ojo hidofe, iyohoi ewak ŋacio ino wan ino oliew agalik, ojo iso iyohoi esio baŋi netok to hosie.
\v 24 Obe ŋacio inne oliew ino wan awak hiriria neto, ati attubak Hollum wan nobotie hijo anyar efwotu ŋacio ino obe oliew hitahabuta agalik.
\v 25 Egiam inya ina hotobiaŋa bwanya owuon ta wan, ati anyar olwuak ŋati nobo to igiemi no tubai.
\v 26 Lodiaha ŋati nobotie, odiaha ŋacio inno wan daŋ tamai, lo omune nobo ŋati, ojo ŋacio daŋ atta hitihabwo arabotie.
\p
\v 27 Iyyania, era itai wan no Kristo, hidofe era itai daŋ ŋacio ino wan no honyie.
\v 28 Onyimu ifa Hollum hiyyo ilo egiama te ikelesia; lefahat to hosiere, hitarihi hekilak, ojo hetahunihi hetiyanak, ojo ojo hulo owan amanya nologol, ojo esorio no hetilibo, haluahak, haŋotok ho hiro, ojo ilo ero daŋ ta ŋadiefa ino olufa.
\v 29 Hara isia daŋ lefahat? Hera iso iyohoi daŋ a hetiyenak? Hera iyohoi daŋ hekilak? Hera iyohoi daŋ a hegiamak iko iduariti?
\v 30 Howon iso hiyo daŋ hitilib haŋuak? Heremik iso mahu iyyohoi hiro daŋ ta ŋadiefa? Heremik iso mahu iyyohoi daŋ tamai hiloit ŋadiefa?
\v 31 Dee itisiahai hisiorita ino golon anyar agalik. Ati itituhutek iso naŋ itai hikoi no'olibo agalik.
\c 13
\cl ŋati 13
\p
\v 1 Lero nayya to hirori no nohiyo ojo na anjilohien. Ati kuya abe nayya awon homuno, ara naya iya kwatan no bilet kuya iya baha no himeri.
\v 2 Kuya aremik nayya ho esorio nohekila ojo hamijak nohiro daŋ huna dede ino eŋofohini, iko ofioroho, kuya awon naŋ iko hiruk no obolo no oremik hitihuut doŋiok. Ati kuya abe naya awon homune, ara naya asai.
\v 3 Kuya esio naya ibariti inanaŋ hetidahari lociaŋak, ojo hidofe esio naŋ wan nanaŋ hotoswahak. Ati abe naŋ awon homune, ara nia asai.
\p
\v 4 Ara mune dihan iko nyalami. Obe mune ara hayini iko hitidara. Obe ara hijoria.
\v 5 Obe emodiŋ. Obe ara hegiama to wantonohoi. Obe ejoria kuwak, obe otunak hiro ino hipalita.
\v 6 Obe omuno te irruti. Ati omuno inya hiro hunna ara dedde.
\v 7 Mune Odihu rori daŋ, eruk inya rori daŋ, eyik inya to rori daŋ, ojo odihu hiro bii daŋ.
\p
\v 8 Obe mune ecuŋ. Ati lowon hikilita, ofu iso hikikilita ade. Lowon hirorita huna olufa, epitak iso isie. Ojo lowan ofioroho, ofuo iso ade.
\v 9 Nyo eyen iyohoi ŋati ojo iyohoi ekila taŋacio.
\v 10 Ati la fanu hiro ino obis, nya obewan otuba owu iso ade.
\v 11 Nafa hara nayya ahiito, ero naŋ iyya hiito, egigilo naŋ iya hito, ojo hidofe ero nayya iyya hiito. Ifa abolo naŋ, ebusak naŋ hiro ino oŋeyahai adde.
\v 12 Iyania eriŋa iyohoi to miraya, ati hegonyu homomite iko homomite. Iyania amijak naŋ ŋacio, Ati amijak daŋ iyya nia omijahini naya.
\v 13 Ati iyania arasa saŋ hunik: hiruk, higigilita no moi iko mune. Ati nobolo agalik inya mune.
\c 14
\cl ŋati 14
\p
\v 1 Ijufutai mune ojo anyar ahayin to isorio ino oyiri, agalik nya aheder itai hekilari.
\v 2 Tuŋani le ero ta ŋadief obe inyia ero to hiyyo ati ero inyia to Hollum. Ati obe iso lobo tuŋani oremik hiyyen inyia le ero inyia, nyo ero inyia hirro hunna eŋofo to Oyiri.
\v 3 Ati to tuŋani le ekila, ero inya to hiyyo oduk isia na anyar, hijo anyar etigol inya isia ojio hidofe ettito isia.
\v 4 Tuŋani le ero to ŋadief, oduho inyia wan nohonyie, ati tuŋani le ekila, oduho inyia ikelesia.
\p
\v 5 Iyyania, egigilo idda nayya hijo ne ero ida itai daŋ to ŋaadiefa. Ati na agalik nia, awak ida nayya hijo ne ekila ida itai. Agalik tuŋani le ekila tuŋani le ero to ŋadiefa (olibo ida le eloito lobo hiro nohonyie anyar eyiyenu kelesia tara honyie).
\p
\v 6 Ati iyyania, halasira, la awoŋ nayya ta hatai atta nayya hiro ta hatai to ŋadiefa, ho luak iso hiro nanaŋ itai jai? Abe nayya aremik hiluak itai, man etuhutahini nayya ta hatai hirro inne ero nayya, kuyya to ofioroho, hikila, iko to hitiyana.
\v 7 Ledolo hitidolita no olibo-iya ciwali, iko hodori, obe isia oremik ehumu nobo hidoli no olufa, horemik iso lobo tuŋani hiyen hijo olufa tara hodori?
\v 8 Lohuto furuju to nobo ihutut no olufa, hoyen iso lobo tuŋani jai hijo eba saye?
\v 9 Ara daŋ ania ta hatai. Le eroru itai inak hiro ino obe obis, jai iso oremik lobo tuŋani hiyen hirro inne eroru iye? Ero iso iye, ojo hijo obe etiru hiram nohoi.
\v 10 Owuon hirorita ino hiyo ta fau aria, obe hirorita inia owuon obe hamana nohosie.
\v 11 Ojio la abe nayya ayyen imana no hirori nyia, atta iso nayya hira ahatamononi to herarani, ojio herarani ara hidofe ahatamononi ta hanaŋ.
\v 12 Eri ikatai. Iyya esiaha itai igemita inno Oyiri, itisiahai inno oremik huluak ikelesia atta higol itai bi daŋ.
\p
\v 13 Lamojo lobo to ŋadief no olufa, isia inyia heloito ta halu ho mojo nohonyie.
\v 14 Ojio la amojo naya ta ŋadief no olufa, omojo hidofe oyiri nanaŋ, ojio higigilo nanaŋ obe egigilu hiro niya.
\v 15 Hegiem iso nayya nyo? Amojo iso nayya to loyiri nanaŋ, ati ojo naŋ hidofe amojo tohegigilo nanaŋ. Edolo iso naya to loyiri nanaŋ, ajo naya hidofe edolo to higigilo nanaŋ.
\v 16 Ati letihahuo iye Hollum to Loyiri, hojo iso hiyo ilo olufa jai “Amen” le esiara iye humo ojo inya obe oyyen hiro ino ero iyye?
\v 17 Eremik iyye hisio humo binno na anyar, ojio tuŋani lara obe eyiyenu tara hoi obe oduhohini.
\v 18 Esio nayya humo to Hollum hijo ero nayya ta ŋadiefa inno olufa agalik itai bi daŋ.
\v 19 Ati to kelesia, aremik naya ero hirorita miet iya ahiyen naŋ anyar etuhutek nayya te ilak, agalik hirorita hisihai tomon ta ŋadief
\v 20 Halasira, hotobiaŋa itai era iyya durre to higigilita innahatai. Ati to hiram no run, ituwuana iyya idoliaha. Ati to higigilo nahatai, igigile iyya maruak.
\v 21 Egioro to hifahita hijo, “To hiyo ilo olufa iko to ŋadiefa ojo to hutuhe inno hatamonok, ero iso nayya to hiyyo hullo. Ati obe isia oremik etiru nayya,” ojio Habu.
\p
\v 22 Ati, ara ŋadiafa ahituhutita, obe ara te heruhok, ati ara to hiyo ilo obe eruk. Ati ara hikila no hituhuti, obe ara no hiyo ilo obe ara heruhok, ati nohiyo heruhok.
\v 23 Ati, tonia, kelesia bi daŋ anya afanu arabotie atta hiro ta ŋadiefaa, ojo hatamonok iko hiyo ino obe eruk hafanu ahotwai, obe iso isia ofu hijo ebolit itai?
\v 24 Ati lekila itai daŋ ta mai, atta ati tuŋani lo obe eruk awoŋ kuyya hidofe lobo lo olufa ottu, oremik iso inyia ta wan nohonyie huruk to hirro inne etiru inyia. Oremik iso inyia hiŋot hirro ino etiru inya atta huruk hiram nahatai.
\v 25 Oliew iso hiro ino eŋofo ta taji honyie. To hiro ino etiru inyia, oremik iso inyia ahuyek ta fau atta hitihabuo Hollum. Oremik inyia hiŋut ta wan nohonyie hijo owuon hada Hollum to hiji hatai.
\p
\v 26 Iyyania, halasira hanaŋ, la afanu itai nobotie, oremik lobo hidol fure, hitiyyen, etuhutek hirro inno oliew, hiro ta ŋadief ojo hidofe lobo oremik hiloito hirorita. Igiamai hirro inia daŋ anyar etigolori kelesia.
\v 27 Lero lobo ta ŋadief, isiara ilak ohorik kuyya ohuhnik, anyar eloit lobo hiro no ero isia.
\v 28 Ati obe lobo oremik hiloit, isia hotoduehini to kelesia. Isiara lobo herara to wan nohonyie hamai to Hollum.
\p
\v 29 Isiara hekilak lohorik kuyya lohunik herara, ojo ilak daŋ etira to herorita hijo ero hiyo nya.
\v 30 Ojio owuana lobo iko hiro ino eitiru inyia tara Loyiri ojo inyia ettole to hiji ho igem no kelesia, isiara lara ero wan hotoduehini.
\v 31 Eremik itai bi daŋ hikila obotie obotie anyar oremik lobo tara hatai daŋ eyiyenu atta hiyyo daŋ arrumu golon.
\v 32 Owuon oyiri no hekilani daŋ to hekilak.
\v 33 Obe Hollum ara Hollum le etihara, ati ara inya lo humwara.
\v 34 Isiara ŋoruo hotoduehini to kelesiaha daŋ. Hotobiaŋa isia ero. Ati isiara hotoduehini ta baŋi, iyya ojio hidofe hifahita.
\v 35 Lowuon nobo sihin na awak isia hiyyen, isiara isia hefia to liawa hosie ta haŋ. Ara irri to hiito noŋoruo herarari te ikelesia.
\v 36 Ottu ifa hiro no Hollum tara hatai? Ara itai hamai otir hiram no Hollum?
\v 37 Le egigilo lobo ta wan nohonyie hijo ara inya ahekilani kuyya hidofe a tuŋani lo oyiri, isiara heruho hijo ara hirro inia egiorok nayya inno Habu.
\v 38 Ati lobe lobo tuŋani oheru ina, hotobiaŋa hidofe oheru inyia.
\p
\v 39 Itai halasira, itisiahai hijo anyar ekila itai, hotobiaŋa itai eyyumo lobo tuŋani herara to ŋadiefa.
\v 40 Ati anyar egiama itai hirro inno obis iko to bsan.
\c 15
\cl ŋati 15
\p
\v 1 Iyania elimak naya itai, halasia, to sayye ino olibo inia etiyana naŋ ta hatai, inia amoju itai ejo itai ewuetari,
\v 2 ara to hiram to nia nafa etilohini itai, legocie itai hiro nafa elimak naŋ ta hatai, ara iso huruk nahatai assai.
\p
\v 3 Elimak naŋ ta hatai ifa hosiere hiro nafa etiru naŋ: hijo oye Kristo to hiyata inohoi iya ojo higierita,
\v 4 onuhak ifa hiyyo inyia, atta inyia ebuhu to hitahunihi no holoŋ iyya egioro to higierita.
\v 5 Oliew ifaKristo to Kepas, atta hidofe aliew to efahat tomon ho lohorik;
\v 6 Ata aliew te eluluŋ na agalik hisihai tomwana meyet halasira to okit nobotie. Helemunya hawuarak inohosie, ati ilak ilohosie afiria.
\v 7 Niya ata oliew to Yakobo, ojo te efahat daŋ.
\v 8 Hucuŋi nohonyie daŋ, oliew ta hanaŋ, iya ifa esiu hito holobeŋ okit tobai.
\v 9 Nyo ara naŋ hucuŋi lo efahat. Abe naŋ asiru heliloŋoi hiyo naya lefahati, nyo etigiama ifa naŋ Kelesia no Hollum.
\v 10 Ati to hamehini no Hollum, inya nia aracie naŋ eina elefahati. Ojo hamehini nohonye ta hanaŋ obe ara assai. Ati egiama ifa naŋ bino agalik isia bi daŋ.
\v 11 Iyania ara ida naya wulo isia, etiyana iyohoi ajo itai eruk.
\p
\v 12 Lelimak iyohoi hijo ebuhu Kristo to yee, aŋai enyak elak ilahatai hijo obe ebuhuni to ye?
\v 13 Ati lobe ebuhuni to ye, etuhutek hijo obe hafa Kristo ebuhu to ye;
\v 14 Lobe Kristo ebuhu to ye, ara hitiyana nohoi assai, ojo hiruk nahatai ara assai.
\v 15 Hidofe, atta iyohoi hira suti telerok to hiram no Hollum, nyo eru iyohoi hijo etubuhu Hollum Kristo toye. Ati lobe inya etibuhu inya, ojo lara dede hijo obe hayok ebuhu.
\v 16 Ojo lobe hayok ebuhu, obe hidofe Kristo oremik ebuhu.
\v 17 Ojo lobe ifa Kristo ebuhu, ara hiruk nahatai assai ejo itai erasa hohiyata.
\v 18 Ojo hiyo ilo loye to Kristo ata hitaban.
\v 19 Lara ida higigilo ina hohoi to heyik nohoi to Kristo, amuriai ati iyohoi agalik hiyo daŋ
\v 20 Ojo iyyania dede, ebuhu Kristo to ye ahitieri lo haŋer illafa oye.
\v 21 Iyya nafa ottuni ye tara tuŋani lobotie efi iso hidofe iyyohoi arrumu hebuhu tara tuŋai lo oye.
\v 22 Iya ta Adam oyee hiyo daŋ, ojo hidofe to Kristo owar iso hiyo.
\v 23 Orumu iso tuŋani lobo inohonyie: Kristo, la ara haŋeri hitierita, ojo liya ilo ara ilo Kristo arumu wuaran lacohini nohonyie.
\v 24 Ata hisio hira hisidi, lesio inya lobie to Hollum la ara Monye, ottu inya hitipwak hifahi ho hilohitok iko hidwariti.
\v 25 Ottu iso inya hilohittok man ehumahini inya miorok ilohonyie atta ariek ta fau.
\v 26 Hucuŋi lo mereni lohonyie lottu inya hitattur inya ye.
\v 27 Nyo “ariek inyia hiro daŋ to hejek honyie.” Ati lejo inya hijo esohini hiro daŋ to honyie. Etuhutek hijo obe ara lia otuhok hirro daŋ to hejek innohonyie.
\v 28 Ati lowuana hirro bi daŋ to honyie, Nia atta Lonyi honyie to wan nohonyie ehumak hiro bi daŋ to inya. Owuon iso Hollum wana to hiro bi daŋ ta mai.
\p
\v 29 Iyania, lobe ida hebuhu, hehum iso ilia orumu batisimo to ye no Yesu hijo nyo? Lobe ida hayok ebuhu nyo ida orumu isia batisimo to isia?
\v 30 Nyo ewon iyohoi hohitaban tasahahin daŋ?
\v 31 A ye naya holoŋitek daŋ! Ara nia iya dede iya hitidara nanaŋ te inya, to Yesu Kristo Habu lohoi
\v 32 Harumu iso naŋ nyo, to hegigilo tono tuŋani, iya arem naŋ iko sitani nia te Efisa, lobe hayok ebuhu? “Hetidahai iko hetimatai, nyo motie eye iyohoi.”
\v 33 Hotobiaŋa itai eruk hinyiaba: Nyo “Etihar iluluŋ no' oru imanyiti ino olibo.”
\v 34 Itiriŋai! To higigilita ino olibo! Hedule hiya nyo owuon hiyyo illo ottumo Hollum. Ajo naŋ ania anyar esio itai iri.
\p
\v 35 Ati ojo iso lobo, “Ebuhu iso hayok jai,” iko nari sihil nowan iso afanu isia?”
\v 36 Itai hatumok! Hiro ino edulak iyye, obe iso oremik esuru man oyeri.
\v 37 Obe hiro ino edulak iye ara wan notu iso hira, ati hinyomoti. Oremik hira a bali kuya nobo sihin no olufa.
\v 38 Ati Hollum iso esio to honyie wan iya awak inya. Ojo esio ino hinyomo watye hamai hamai.
\v 39 Obe wan ocalari. Ara wan no tuŋani nobotie, ojo nobo no ciaŋi, ojo nobo no cieŋ, ojo nobo na hami.
\v 40 Owun wati ino ido ojo ino fau. Ati owuon ohwo no ido hamai tara ohwo na fau.
\v 41 Owuon ohwo no holoŋ, ojo na yafa owuon, ojo na haher. Olufa ohwo na haheri nob tara inamuk.
\p
\v 42 Ara holoŋ ne ebuhu daŋ na hayok daŋ ania. Omura hiro ino edulahini ojo inno odioto obe omura.
\v 43 Edulahini wan, atta ebuhu homune. Edulahini to hilik, ata diote to golon.
\v 44 Edulahini wan; ata ebuhu to wan noholio, Lowon wan, owon hidofe wan noholio.
\p
\v 45 Egioro hidofe ifa, tuŋani hitieri Adam, amanya to oholio. Ati Adam lafa halu anya inya to oyiri.
\v 46 Ati obe ifa manya no oyiri ottu to hosiere ati manya to wan, atta ati manya no oyiri awoŋ ta halu.
\v 47 Oyyeuni ifa hitieri lo tuŋani lafau to modie. Ojo tuŋani hitarrihi ottu te ido.
\v 48 Ara tuani to oyyami to modie, era iya ilia oyeuni to modie. Ara tuŋani to ido are hidofe iya hiyo ilo ido.
\v 49 Iyania ecielu iyohoi tuŋani to esini to modie anyar hidofe ocialari ho tuŋani lia te ido.
\p
\v 50 Itai halasira, elimak naŋ itai hijo obewan iko hoto orutak obie no Hollum. Ojo sihin no omura, obe oremik arutak sihin nobe omura.
\v 51 Itirriŋai, elimak naŋ itai hirro innafa obe oliew. Ebe iso iyyohoi eye ati eloito iso wati innohoi.
\v 52 Eloito iso iyohoi kwak, inya rifok no honyek lohuta mowoo. Ohuta iso furuji, ata hayok ebuhu ilo obe omura, ata iyohoi higayira.
\v 53 Etubuhu iso wan no mune iko wati inohosie ino obe omura ojo wati huna oye i atta hiloit wati hunna obe oremik ye.
\v 54 Ati leloito wan no omura awan ina obe omura ojo wan no eloito awan nobe oye, teya otu hiro no lojo, “adilori ye to mune.”
\q1
\v 55 “Yee, tahu golon nohoi? Yee, tahu iŋorit nohoi?”
\p
\v 56 Ara hiŋorit no ye iyau, ojo golon no iyau hifahi.
\v 57 Ati humo to Hollum, le esio tohoi hagalik ta Habu lohoi Yesu Kristo!
\p
\v 58 Iyania, ta hatai halasira hanaŋ, anya awaita itai nalanyar togolon. Holongitek naŋ ititubai te egiam na Habu, iya eyen itai hijo obe igem nahatai ta Habu ara assai.
\c 16
\cl ŋati 16
\p
\v 1 Iyania to hiram no hiduduha no hiyo ilo Hollum: iya elimak naŋ to kelesiahien ino Galatia, anyar ehuma itai.
\v 2 To holoŋ no hitieri ine isabit, isiara hiyo daŋ hototunak elak saŋ olore iŋofuk iya eheder itai. Ihuma ina anyar obe nobo heduduha lawoŋ naŋ.
\v 3 Iso leba naya esio iso naŋ waragat to hiyyo ilia enyimu itai anyar efahak isia iko hisiorita inahatai aYerusalem.
\v 4 Ojo olibo ta hanaŋ hawoye, ofu iso isia kanaŋ.
\p
\v 5 Ati attu iso naŋ ta hatai laciohini naya Masedonia. Nyo ahu iso naŋ eno a Masedonia.
\v 6 Kuya ettole iso naŋ ikatai tatahas, anyar elwak nayya to loton nanaŋ ta massiok inna ahuyere naŋ.
\v 7 Nyo abe naŋ awak wana ikatai iya nia nyo eculak iso nayya. Ati kuyya laŋatak Habu nayya, ettole iso nayya daŋ ikatai.
\v 8 Ati arasa iso naŋ to Efisio man to holoŋ no Pentikoste.
\v 9 Nyo ikat nalalat aŋa ta hanaŋ, obore miorok.
\p
\v 10 Lawoŋ Timoteo ihuma efwotu inyia, itiwolo hijo hotobiaŋa inyia ettole ta hatai ta baŋi nyo egiama inyia igem na Habu iya ina egiema naŋ.
\v 11 Hebusak lobo tuŋani hotomianai inyia. Ati itilwuak inyia to hikoi no' olibo, anyar ottu inyia ta hanaŋ to hilik na taji, nyo etila naŋ inya iko ilasira hanaŋ.
\p
\v 12 To hiram no ilasi hohoi Appolo. Etigol naŋ to hijo anyar ottu inyia hiwolo itai iko halasira. Ati obe ara to wahan hijo anyar otu inya iyania. Ati, ottu iso inya lolibo okit.
\p
\v 13 Ihuma riŋa, itiwuetai nogol to huruk, ihuhuma wati iya liawa, itigolo.
\v 14 Isyara egiema hiro bi daŋ to mune.
\p
\v 15 Eyyen itai haŋ ba Stefano, hullo ara heruhok hitierita ilo ta fau ha Acaya, esio isia watye ino hosie to egiem no hiyo ilo Hollum. Iyyania, efia naŋ itai halasira,
\v 16 anyar etira itai to hiyo ilia, to hiyyo illia daŋ oluaha to igem atta higiama ikohoi.
\v 17 Amuno naŋ to hiba no Stefano iko Fortunato ojo Akaiko. Eluak isia nayya tamai nahatai.
\v 18 Ati oluak isia oyiri nanaŋ iko innahatai, Iyania, itibaŋa hiyo ilo ara iya isia.
\p
\v 19 Etifonya kelesiahien ino Asia itai. Akwilla iko Prisilla etifonya itai ta Habu, ojo kelesia nya owuon ta haŋitek hosie.
\v 20 Ojo halasira bidaŋ etifonya itai. Efonyak wati innahatai to hifonya no olibo.
\p
\v 21 Naya, Paulo, egioro naya ina ta hani nanaŋ.
\v 22 Kuya lobe lobo omuno Habu, isiara ipit hotowuana to honyie. Habu lohoi, awaŋ!
\v 23 Isiara hamehini na Habu Yesu Kristo hotowuana ta hatai.
\v 24 Mune nanaŋ hotowana ikatai to Yesu Kristo. Amen.