lpx_reg/46-ROM.usfm

\id ROM
\ide UTF-8
\h Roma
\toc1 Roma
\toc2 Roma
\toc3 rom
\mt Roma
\c 1
\cl ŋati 1
\p
\v 1 Nayya Paulo, pit lo Yesu Kristo lafa onyimu Hollum hatara lefahata ta sayye innohonyie.
\v 2 Sayye hunna innafa otiorok Hollum beren to higierita inno olibo, isia sayye innafa esio inyia hijio herara hekilak illohonyie.
\v 3 Ara sayye hunna hiram no Lonyi honyie lafa ottu to woyyo ba Davide iyya egioro ania.
\v 4 Ara inyeja Lonyi Hollum to golon no Oyiri to nohonyie no olibo. Nyo etiliek ifa inyia to duaran no ebuhuni honyie to ye, ara inyie Yesu Kristo Habu lohoi.
\v 5 Te inyia, emoju iyyohoi hamehini iko rahan alefahat neyyani baŋi iko hiruk to hiji to hiyyo daŋ illo owuon ta fau, to fure nohonyie.
\v 6 Hidofe elliloŋini ifa itai to hiji ho hiyyo daŋ ta fau nyo era itai illo Yesu Kristo.
\v 7 Egiorok naŋ ta hatai daŋ hiyyo illo Roma, hullo omuno Hollum, ojo hidofe elliloŋo itai hiyyo hullo halibok. Isiara hamehini iko hilik na tajia ojo himwara nottu tara Hollum Monye hohoi ojo hidofe ara Habu Yesu Kristo.
\p
\v 8 Ahosiere, esio naŋ humo to Hollum hanaŋ to fure no Yesu Kristo daŋ te itai, nyo erarari hiyyo hiruk nahatai ta fau daŋ.
\v 9 Ara Hollum asut hanaŋ, to higiama hanaŋ to honyie to oyiri ettitori naŋ sayye inno Onyi honye, nyo adule naŋ hilioto itai holoŋitek.
\v 10 Efia naŋ hijio anyar bahati aŋa Hollum hikoi ta hanaŋ hebarie ta hatai na anyar to wahan to no Hollum iyya amojo naŋ holoŋitek daŋ.
\v 11 Nyo egigilo naŋ no no hijio anyar attu naŋ hiwolo itai, hesiarari ta hatai iluahiti inno loyirihien hatai hetigolori itai;
\v 12 hijio anyar ogol tajia innahatai to hiruk nanaŋ, ojio hidofe hiruk nanaŋ ogol te innahatai.
\v 13 Halasira hanaŋ, awak naŋ anyar liyyen itai hijio egigilo ifa hijio attu iso ta hatai, ati eti ifa hikoi man iko iyyania. Ati awak ifa naŋ arrumek illak hinyomo to hiji hatai iyya awak hidofe naŋ illak to hiji ho paganohien.
\v 14 Ara naŋ a tuŋani lohoros to hiyyo illo Grik ojo ta hatamonok, hullo elofere ojo hullo lobe elofere.
\v 15 Ati ta hanaŋ, awak naŋ hittito sayye inno olibo ojo hidofe ta hatai hiyyo illo Roma.
\p
\v 16 Tonia, abe naŋ eloriri to sayye inno olibo, nyo ara sayye golon no Hollum netilohini hiyyo daŋ ille eruk, etiara to Yudea man to hiyyo illo Grik.
\v 17 Nyo etuhutek Sayye hunna olibo nottu tara Hollum to hiruk to hiruk, iyya egiorohini ifa, “Amanya iso haliboni to hiruk.”
\p
\v 18 Nyo ejoria Hollum te ido to hullo lobe eruk to honye, ojo hidofe daŋ to hullo harwuok ille etihita hiram inna dede te irruti innohosie.
\p
\v 19 Ejoria inyia nyo etuhutek inyia to hosie hirro hunna oremik hitiyyen isia Hollum
\v 20 Man to hitieri no ayyeuni na fau etiliek hiyyeti innohonyie wuana nohonyie a Hollum iko duan nohonyie inna holobe lobo tuŋani egonyu. Tonia obe illak hiyyo iko illak ilieti.
\v 21 Hara ta hido hijio oyyen isia Hollum, ati obe isia esio etihabwuo inyia iyya Hollum, obe hidofe esiara to honyie humo. Ati etibolit isia tajia innohosie iko higigilita innohosie ojo hidofe tajia innohosie oriok.
\v 22 Ojio elofere isia, ati efittaŋa isia.
\v 23 Hidofe eloit isia kwatan no Hollum lo obe oye hatara a rijori no tuŋani lokoluni to hita, kuyya cieŋi, kuyya ciaŋi hahonyak, ojo ciaŋi inno oreta ta fau.
\p
\v 24 Tonia ebusak Hollum isia iyya awak taji innohosie atta isia hitturru watik innohose to hirro inno somon.
\v 25 Tonia eloit isia bisan no Hollum teler, atta hitihabuo ojo hidofe egiama to hiyyeti ta mai ho tuŋani hayyani, inyia Hollum lia letihabuo mak. Amen.
\p
\v 26 Atta Hollum ebusak isia assai afarari iyya awak tajia innohosie nyo eloito ŋorwo imohiti innohose e ifariti. Hidofe, ehuma liawa daŋ iyya isia.
\v 27 Ebusak isia fioro iko ŋorwo innohose atta ihuma ifariti inno wati innohosie. Niyya te irruti innohosie daŋ, amoju isia baha no osiru te isia. Iyya ebo isia Hollum to higigilita innohosie, ebusak Hollum isia hegigile hirro inno orru hidofe ehuma rori inno obe olibo.
\p
\v 28 Iyya ebo isia Hollum to higigilita innohosie, ebusak Hollum isia hegigile hirro inno orru hidofe ehuma rori inno obe olibo.
\v 29 Efut isia iko irruti, somon, daya, liwa, hain, toho, ŋalafa, hinyaba, hilomiorok, muaŋa, hamuana, hahaya.
\v 30 Efut isia hidofe iko haliwari Hollum, higiso, hitidara, hitahuo no wan, adule no hiyya, miasa no hesiok.
\v 31 Obe isia owuon ho hiyyen; obe isia enyiak hira ho hullo eruk hiyyo to hosie, obe enyiak wuana ho mune, biaŋan no hamehini.
\v 32 Oyyen ida hido isia ifahita inno Hollum, nojo, lia ille odule hihuma rori iyya hunna, ehuma osiru ye hosie. Ati ehuma isia hiyyata hunna ojo hidofe omuno hiyyo ille ehuma isia.
\c 2
\cl ŋati 2
\p
\v 1 Niya, obe itai ewuon he hilieti, iyye tuŋani, iyye le iŋoto, inne iŋotok iyye to lobo eŋotok iyye ta wan hoi.
\v 2 Ati eyyen iyyohoi iŋotit no Hollum ara dede la ahuyik to liyya ille ehuma hirro innia.
\v 3 Ati itiyyen inna, iyye tuŋani, itai ille eŋoto hiyyo ille ehuma hirro hunna, ejio itai hidofe egiama hirro inia daŋ. Heruat iso itai tara ŋoto no Hollum?
\v 4 Kuyya hidofe egigigilo itai te ibariti inno libe nohonyie, ŋoto nohonyie ne elliŋa, iko dihan nohonyie? Obe itai eyyen hijo anyar eyari libe nohonyie itai to yite?
\v 5 Ati ara man to golon no hoi iko to golon na taji hoi iko to biaŋan nohoi yite tara hiyyata atta iyye yita to wan hoi jore ta far no jore, ta far no etiliek libe no ŋoto no Hollum.
\p
\v 6 Odumak iso inyia hiyyo daŋ to higiemita innohosie:
\v 7 Te ilia lara to huruk no hosie, okwat igem no lo libo to mojo, baŋi, ojo hitirwo manya no lobe hisidi.
\v 8 Ati te ilia osiaha wati, illo obe abaŋ hirro huna lara dede ati atta baŋi hipalita, ottu iso jore iko ŋalafa nettok,
\v 9 ojo baŋi ho hilafuho, to loholio no hiyyo bidaŋ ille etiyana johin, to Yudea ahosiere, ojo hidofe to Grik.
\v 10 Ati hitihabuo, baŋi, ojo himwara iso atta ha woŋ to hiyyo bidaŋ illo ille ehuma, to Yudea ahosiere ojo hidofe to Grik.
\v 11 Obe nobo higigiala tara ho Hollum. To hiyyo ilia arriai owuon ho hiyyata obe lowuon ho hifahita onuhari iso obe hifahita,
\v 12 ojo iyya ariai illo lowuon ho hiyyata to baŋi no hifahita oŋot iso hiyyo te hifahita.
\v 13 Obe lara haitirak ho hifahita lara habisak do hosiere ho Hollum, ati ara he giemak ho hifahita iso le tibisak hifahita.
\v 14 Ifa lojio Jentails illo lobe lowuon ho hifahita, egiem hirro inno hifahita te iwahit hosie, te biaŋan no hosie lowuon ho hifahit ara hifahita to wati illohosie.
\v 15 To nia etuhutek isia hijio higiemita inno lawak hifahita egioro ta tajia hosie, to nia etuhutek tajia inno hosie ho higigilita hijio orru higiemita ino hosie kuya hidofe elibo.
\v 16 Ta far nyia iso le eŋot Hollum imoŋiti inno hiyyo bidaŋ, iyya ojio sayye, to Yesu Kristo.
\p
\v 17 Ati le ejio iyye hijo ara iyye lo Judei atta iyye yiri to hifahita ehio hidofe etidara to Hollum,
\v 18 atta iyye hiyyen wahan nohonyie man eruk hidofe hirro inno olibo nyo etiyenu ifa iyye tara hifahita;
\v 19 ojo le eruk iyye ta wan nohoi hijo ara iyye hetidihoni lo oŋodo, ejio hidofe era cialai te ilia illo owuon te idumele, hetuhutani
\v 20 lo bolitok, ahetiyanani lo durre hullo hittiŋi, ejio hidofe ewuon to hifahi ofioroho iko bisan, horemik iso nia hiloit hikoi ne emanyari iyye manya nohoi?
\v 21 Letiyana hidofe iyye illak, hibe iyye itiyana wan nohoi? Iyye le etiyana hijio baŋa he hahala, he hahala iyye?
\v 22 Iyye le ejio baŋa hesom, hibe iyye isom? Iyye le ibe ewak rijiorihien inno jiohin, heremik iyye hahala omojori?
\v 23 Iyye illeŋ le etihabwo hitidara to hifahita, himiana iyye Hollum to hitibisa no hifahita?
\v 24 Nyo “omiana hiyyo ille obe ara Yudea fure no Hollum to itai,” Iyya nafa egiorohini.
\p
\v 25 Osiru gotoi dede lebaŋ iyye hifahita, ati lera iyye hetiharak ho hifahita, atta gote nyia halara gote dede.
\v 26 Hidofe, le efiyak tuŋani le ebuha ho gote iwahiti inno hifahita, hobe iso hibuha no gote oremik hira iyya gote?
\v 27 Hobe lobo lobotie lia arasa hibuha ho gote, letufut inijia hifahita, hiŋot iyye, ŋai le to Bibia ojio to gotoi lara hetirwoni ho hifahita?
\v 28 Nyo lobe inijia ara lo Yudea lia ara lobo asai tabali; ŋara hidofe gotoi nyi ara asai to wan honyie.
\v 29 Atti ara inyiaa lo Yudea lia lobotie to hotwai, ojio gotoi nyia ara na taji, to Loyiri, obe ara to waraga. Mojo no tuŋani iyya lia obe ottu tara ho hiyyo otu tara ho Hollum.
\c 3
\cl ŋati 3
\p
\v 1 Atti nyo ilibiti owon ho Yudea? Ojio ara libe no goto nyo?
\v 2 Agalik ina to ikotin daŋ. To hitieri, eruk ifa isia to hitilieta tara Hollum.
\v 3 Ojio ŋa lobe ifa illak illo Yudea owuon ho hiruk? Oremik biaŋan no huruk no hosie ehumak heruhok ilo Hollum hoto biaŋa eruk?
\v 4 To biaŋan no hikoi, isiara Hollum hoto rumehini dede hara era hido ho telerok. Iyya nafa egiorori inyia, “Anyar oremik iyye etituhutek ibisiti inno hirorita inohoi, ojio hidofe oremik golon awoŋ iyye amai ho oŋotori.”
\p
\v 5 Atti ojio iso biaŋan no ibisiti innohoi etuhutek bisan no Hollum, egiem iso iyyohoi nyo? Obe Hollum ara lo oru, iyye lia hitidia jore, ara inyia? Ero nayya iyya to higigilita inno hiyyo.
\v 6 Hoto biaŋa inyia. Ati oŋot iso Hollum fau jai?
\v 7 Ati iyya ojio dede no Holum to iteleriti inne naŋ ibusak to ohuo nohonyie, nyo oŋot inyia nayya eyyani?
\v 8 Nyo obe inya ojio, iyya etelerik iyyohoi ŋelimak hijio, iyya to hirro innafa eijo iyyohoi “Hegiamai irruti, anyar afanu bahati ilibiti?” Olibo ŋoto nohosie.
\p
\v 9 Nyo ati? Ebusak iyyohoi wati inno hoi? Obe luŋa. Ati etisiahak iyyohoi daŋ to Yudea iko Grik, to hosie daŋ, to wuana no hosie ho hiyyata,
\v 10 Iyya nafa egiorori inyia, obe lobo lobotie lo obis.
\v 11 Obe lobo le etiiru. Obe lobo le ejufuta halu no Hollum.
\p
\v 12 Oyyitoi isia daŋ ade, atta isia daŋ ŋahariai obe lobo le egiem ilibiti, obe, obe luŋa oso ariai agalik lo botie.
\q
\v 13 Atta hidofe ogoloho inno hosie ŋa iyya ilumioho. Innafa enyieb ŋadiafa innohosie.
\q
\v 14 Ojio hiyyeri no munu owuon to ogieri inno hutuhe inno hosie. Ojio hutuhe inno hosie efut ho ittoriti ojio hitidiehita.
\q
\v 15 Ojio hejek innohosie olot kwak-kwak ejuhori hoto ade.
\q
\v 16 Hitiharita iko hitabanita wuana te ikotin inno hosie.
\q
\v 17 Obe isia oyyen hikoi no wuaran.
\q
\v 18 Obe nobo baŋi no Hollum to honyiehite innohosie.”
\p
\v 19 Iyyania eyyen iyyohoi hijio ojio hitimanyita nyo, ero inyia to liyya owuon ho hitimanyita, to hitieri hijio, anyar mahu esionohini hutuhe innohosie. Ojie Hollum atta hitiraŋ hirorita innohosie bi daŋ.
\v 20 Ara inna iyya lobe lobe wan ne etuhutek to higiemita inno hifahita inno egonyu inyia. To hifahita afanu ofioroho inno hiyyatta.
\p
\v 21 Ati iyyania to biaŋan no hifahita inno obis eyyen ifa iyyohoi Hollum, inne loyyen hifahita ojio hekilak.
\v 22 Iyyania, to bissan no Hollum to hiruk to Yesu Kristo to hiyyo ilafa daŋ eruk. Ojio nobo higigiala obe.
\v 23 Ette isia daŋ ŋeyau ojio afanu ilo osuk to Kwatan no Hollum,
\v 24 to hahehini to hamehini ania to hitiluaha inno owuon to Yesu Kristo.
\v 25 Esio Hollum Yesu Kristo anyar ara hetilahani to hiruk no hoto no honyie; esio inyia Yesu iyya hetihutani lo bisan no honyie iko to ŋeno no honyie to hiyyata innafa to hitilik no honyie taji.
\v 26 Eduoŋ inia daŋ to hitiyaha no bissan no honyie to no ena, to honyie anyar etuhutek wan no honyie to bisan, ojio hidofe etuhutek hijio inyia to wan to no honyie ara hetilahani to hatai daŋ iyya to hirruk no Yesu.
\p
\v 27 Aji ifa owuon hitidara? Obe ofonihini. Ta masik innari? To egiamari? Obe, Ati ta masik inno hiruk.
\v 28 Atta iyyohoi eticuŋik teyya hijio etuhutek tuŋani to huruk ojio obe ara to egiem no hifatihita.
\v 29 Ati hara Hollum Hollum loYudea hamai? Ojio hidofe inyia obe ara Hollum lo GJntails? Dede, lo Jentails hidofe.
\v 30 Ara Hollum dede lobotie, anyar etuhutek inyia goto to hiruk, ojio ile obe ogoto iko hiruk.
\v 31 Efuhai iso iyyohoi bisan to hiruk? Obe iso inyia oremik, iyya ettoŋita iyyohoi hitimanyita.
\c 4
\cl ŋati 4
\p
\v 1 Nyo iso enyiak iyyohoi hijo Abramo, hohonyiok hohoi illafa orrumu wati innohosie?
\v 2 Lara ifa Abramo lobis te igem nohonyie no owuon ifa hidofe iyya iko higigilolo no hitidara, ati nobe arra to hosiere ho Hollum.
\v 3 Hojo higierita inno Baibol nyo? “Eruk Abramo to Hollum, ojio ehianahini to honyi bisan.”
\v 4 Iyyania to honyie ille egiama, hadumahini obe ehianahini iyya nyalami, ati arra iyya lolowu duma.
\v 5 Ati to honyie ille obe egiama ati eruk tolobo ille arra hebisani no illamuk hullo obe arra heruhok, ehianahini iso huruk to honyie bisan.
\v 6 Eliotok hidofe Davide jaha nohonyie to tuŋani le ehianak Hollum to honyie bisan obe higiemita.
\q
\v 7 Ojio inyia, “Hotomune tuŋani le ebusahini hiyyata innohonyie, ojio hidofe hiyyata innohonyie emuhohini.
\v 8 Hotomune tuŋani lo obe Hollum ehianak to honyie hiyyata.”
\p
\v 9 Hara mahati jaha innaŋ hame te illia hullo ara hagotok, ojio mahati te illia hullo obe ogoto? “Nyo ejo iyyohoi hijo, ehianahini ifa huruk to Abramo to bisan.”
\v 10 Hehianahini ifa jai? Nafa owuanari Abramo lo goto, ojio hidofe owuon lo goto? Obe ifa ara togote, ati to biaŋan no gote.
\v 11 Orumu ifa abramo hituhututa no goto, ahitihi no bisan no huruhi no honyie nafa oyita inyi beren holobe inyia gote, anyar ara amonye lo hullo illia eruk, obe ida hido isia ogoto-ojio inyi bisan ehianahini to hosie.
\v 12 Anyar ara inyia amonye lo hullo illia ogoto illia afauna obe ara to goto hame, ati hullo ejufak to huruk naba monye hohoi Abramo - huruk nafa oyita inyie holobe ogoto.
\p
\v 13 Nyo ati obe ifa ara hame teibisit ne itierit nafa esiarari ta Abramo ojo to onyirok illo honyie hijo ara iso isia harutak illo fau, ati ta bisan no huruk.
\v 14 Nyo lara illia habisak ara harutak, obe iso nobo huruk ojo hidofe hatiorohini atta puahan.
\v 15 To bisan eyyani jore norru, ati tame inna obe bisan, obe iso hidofe biaŋan na baŋi.
\v 16 Nyo to higigilo nia ara to huruk, anyar oyiri itierit to hamehini hatara hituhuti to onyirok illa Abramo, obe iso te ilamuk hullo oyyen bisan hame, ati ara iso te illia hulo ara heruhok ta Abramo, (Ille arra monye lohosie bidaŋ,
\v 17 iyya egiorohini, “Ehumak nayya iyye amonye lo hiyyo daŋ”). Owuon ifa Abramo to hiji honyie lia lafa eruk inyia, inyia nia, esio Hollum wuaran to ye atta hillilloŋ hirro innafa obe owuon ta manya hatamanyai.
\v 18 Ofe tara hirro innafa oliu dang, eruk Abramo Hollum ta taji nohonyie daŋ, hijo anyar ara inyia monye lo hiyyo daŋ nia, iyya owuon ifa
\v 19 to hirori, “Nyo ara iso bi to onyirok hoi.” Hotobiaŋa elik to huruk, egigilo ifa Abram hijo awuana inyia bi ahayoni-eliaha ifa inyia bi iko ŋasi hisihai nobotie-ojio hidofe eruk hijo enyie Sara horemik hisie.
\v 20 Ati to itierit no Hollum, obe ifa Abramo etigolo hijo ebo inyie huruk, ati etigol ifa inyia to huruk, ojio hidofe etihabuo to Hollum.
\v 21 Eruhu ifa inyia hatiorok no Hollum.
\v 22 Inyia nafa ehianahini to honyie bisan.
\p
\v 23 Iyyania obe ifa egiorohini anyar orrumu inyia illak hirro, anyar mahati ehianahini to honyie,
\v 24 ati to hoi hidofe, ta ŋai anyar ehianahini, iyya iyyohoi hullo eruk to honyie inyia lia lafa etidietu Yesu Habu lohoi to ye.
\v 25 Yesu, lafa orre ahide te irruti innohoi, ojo ebuhu nyo anyar etibisak iyyohoi.
\c 5
\cl ŋati 5
\p
\v 1 Iyya ebis iyyohoi to huruk, ewuon iyyohoi iko himwara iko Hollum ta Habu lohoi Yesu Kristo.
\v 2 Te inyia errumu iyyohoi huruk to hamehini inna ne ewuetari iyyohoi. Emuno iyyohoi to golon ne esiara Hollum te iyyohoi to mwoi, golon ne efu iyyohoi hihor to lohuo no Hollum.
\v 3 Obe ara inna hame, ati emuno iyyohoi to hitigiemita innohoi.
\v 4 Eyyem iyyohoi hijo eyyani hitigiama dihan. Ojio dihan eyyani, ojio dihan eyyani golon no mwoi.
\v 5 Obe hiyyen no mwoi etiŋarijok, nyo ejuhohini ifa mune no Hollum ta tajia innohoi to Oyiri lo Olibo, lafa esio iyyohoi.
\p
\v 6 Nafa he elik iyyohoi, oye ifa Kristo to hiyyo illo obe ara heruhok to Hollum.
\v 7 Ati obe ifa lobo tuŋani eruk ye to hiyyo. Inyia tuŋani lo oremik ye to tuŋani lo olibo.
\v 8 Ati etuhutek Hollum mune nohonyie te iyyohoi, hera iyyohoi heyyak, oye Kristo te iyyohoi.
\v 9 Ati binno iyyania, ebis iyyohoi to hoto nohonyie, etilohini iso iyyohoi te inyia tara jore no Hollum
\v 10 Man helara iyyohoi miorok, atta iyyohoi emwarahini to Hollum to ye no Lonyi honyie, ta halu ho himwara nohoi to honyie, nafa etilohini iyyoho to manya nohonyie.
\v 11 Obe ara te inna hame, ati emuno iyyohoi to Hollum ta Habu lohoi Yesu Kristo, te inyia efwotu iyyohoi himwara nohoi.
\p
\v 12 Iyyania, to tuŋani lobotie, ojiŋu hiyyau ta fau, ojio to hikoi nia, ojiŋu ye afau to hiyyata. Atta ye esarik to hiyyo daŋ, nyo eyyau hiyyo daŋ ta fau.
\v 13 Man ottuni hifahita, owuon ifa iyyau ta fau, ati obe nobo ŋoto no hiyyau holobe hifahita.
\v 14 Odule ifa ye hikumo man ta Adam man to Musa, man to hiyyo illo obe eyyau iyya Adam, la ara iyya inyia lafa ottu.
\v 15 Ati obe hisiori ara iyya hipali. La ara to hiyyau to tuŋani lobotie nia oyeri hiyyo arria, attati hamehini no Hollum iko hisiori to hamehini no tuŋani lobotie, Yesu Kristo, esio to hiyyo arria.
\v 16 Obe hisiori ara iyya hirro inno tuŋani le eyyau. Ojio to hikoi nobo, atta ŋoto no ye awoŋ to hiyyau no tuŋani lobotie. Ati to nobo hikoi, hisiori ne eyyani bisan ta halu no heyyau no hiyyo arria.
\v 17 La ara to hiyyau nobotie, ottu ye to tuŋani lobotie, obore iso hiyyo ille efwotu hamehini nettok iko hisiori no bisan ne eniefita manya no Yesu Kristo.
\p
\v 18 Iyyania, iyya to hipali nobotie orrumu hiyyo ye, ara iso hidofe ania to libe no tuŋani lobotie, ottu hitibisa no manya to hiyyo daŋ.
\v 19 Iyya to hipali no tuŋani lobotie, atta hiyyo arria hira heyyak, to huruk no tuŋani lobotie, atta hiyyo arria arrumu bisan te inyia.
\v 20 Ati ottu hifahita iko hiyyau, hijo anyar egiama hipali, ati ta mai ne egiamari iyyau, odule iso hidofe hamehini no obolo.
\v 21 Eba hirro inia, hijo iyya eniefita ye iyyau, eniefita hidofe iso hamehini to bisan to manya no osio fur ta Habu lohoi Yesu Kristo.
\c 6
\cl ŋati 6
\p
\v 1 Anu efu iso iyyohoi hijo? Hedule iso iyyoho te iyyau hijo anyar odule hamehini?
\v 2 Hotobiaŋa hido ara ania. Iyyohoi illafa eye te iyyau, No nyo edule iyyohoi wuana dia?
\v 3 Holobe itai eyyen hijo iyya ebatisohiniifa hiyyo arria to Yesu Kristo, ebatisohini hidofe isia daŋ to ye nohonyie?
\v 4 Enuhahini ifa iyyohoi daŋ he inyia to batisimo to ye nohonyie. Eba hirro inia dede hijo iyya nafa ebuhuni Kristo tara hayok to lohuo no Monye, anyar hidofe elot iyyohoi ta manya ŋejuk.
\v 5 Le ettubahini iyyohoi he inyia to rijori iko to ye nohonyie, ettuba iso iyyohoi he inyia to hebuhu nohonyie.
\v 6 Eyyen iyyohoi hijo, esihohini ifa tuŋani maruani lohoi he inyia, hijo anyar orrun wan no iyyau. Edoŋ hirro inia hijo hotobiaŋa iyyohoi epito te iyyau.
\v 7 Tuŋani lafa oye, etibisahini inyia haliboni to hiram ne iyyau.
\v 8 Ati la aye iyyohoi iko Kristo, eruk iyyohoi hijo efu iso hidofe iyyohoi manya daŋ he inyia.
\v 9 Eyyen hidofe iyyohoi hijo ebuhu ifa Kristo tara hayok, enyie inyia halara ahayoni. Enyie ye heleniefita inyia.
\v 10 Ta nafa oyeri inyia, oye ifa inyia inyiahi nobotie hawurori golon no hiyyau. Ati iyyania amanya inyia, amanya inyia to lohuo no Hollum.
\v 11 To hikoi nia, anyar hidofe emanya itai ta wati innahatai hayok te iyyau, ejio itai era hawuarak to Hollum to Yesu Kristo.
\v 12 Hotobiaŋa iyyau eniefita wan nohoi hijo anyar egiama iyye iwahiti innohonyie.
\v 13 Baŋa esio nobo wan nohoi hatara hepitoni te iyyau, hotobiaŋa ara igemi ne irruti no hirro inne ebwot. Ati isiara masik inno wan nohoi to Hollum hatara igemita inne egiamari te igem no obis.
\v 14 Hotobiaŋa iyye ebusak iyyau hatara ettok to wan nohoi. Obe iyye ewuon to golon no hifahita, ati ewuon iyye to hamehini.
\p
\v 15 Nyo ati? Edule iso iyyohoi te iyyau to biaŋan nohoi wuana to hifahita, ati to hamehini?
\v 16 Hotobiaŋa ara ania. Obe itai eyyen hijo era itai piti to hirro inne ewak itai, tuŋani le ebaŋ itai? Eremik iyye hira pit te iyyau, ne eyyani ye, kuyya hidofe eremik iyye anyimu baŋi Hollum, ne eyyani manya no obis iko Hollum.
\v 17 Ati humo to Hollum! Nafa beren era ifa itai piti ille iyyau, ati iyyania, ebaŋ itai ta tajia innahatai daŋ hitiyana inna nafa esio iyyohoi ta hatai.
\v 18 Iyyania, ahehini itai bolioŋ tara iyyau, atta itai hira hegiamak illo hirro inno obis inno Hollum.
\v 19 Ero nayya iyya tuŋani to run no wati innahatai. Iyya nafa esiarari itai wati innahatai apiti to hirro inne ebwot iko inno orru, te ikoi nia iyyania, isiara wati innahatai piti te ibisiti inno olibo.
\v 20 Nafa hera itai piti ille iyyau, ewuon ifa itai bolioŋ tara hirro inno obis inno Hollum.
\v 21 Hara ifa libe nohosie nyo? Ewuon itai iyyania he irri to hirro innafa egiama itai, innafa ecuŋ to ye.
\v 22 Ati iyyania awuana itai bolioŋ tara iyyau atta itai hira piti to Hollum, egiama itai iyyania hirro inia inne eyari itai to hirro inno olibo atta eyyani manya no osio fur.
\v 23 Ara idumuti inne iyyau ye, ati ara hisiori no Hollum manya no osio fur, to Yesu Kristo Habu lohoi.
\c 7
\cl ŋati 7
\p
\v 1 Holobe itai eyyen, (ero nayya to hiyyo ille eyyen hifahita), hijo eniefita hifahita tuŋani ta manya nohonyie daŋ?
\v 2 Efita hiito noŋoruo na ayama to hifahita to oliawa halamanya oliawa honyie, ati lo oye oliawa honyie, ebusahini inyia to hifahi no hiyama.
\v 3 Ojio halamanya oliawa honyie, le eno hiito noŋoruo manya ho lobo hiito oliawa, atta inyia hira esomo. Ojio lo oye oliawa, atta inyia wuana ho bolioŋ tara hifahi, obe inyia enyiak hira esomo le eno inyia manya ho lobo tuŋani.
\v 4 Iyyania, halasira iko hanasira hanaŋ, aye ifa itai to golon no hifahita nafa eyeri itai iko Kristo. Ati iyyania attube itai iko tuŋani lafa ebuhu to ye. To nia, eremik iyyohoi eŋarak igemita inno olibo to Hollum.
\v 5 Nafa helewuon iyyohoi to wati innohoi, egiama ifa iwahiti inno wati innohoi, etidioto ifa hifahita iwahiti hunna orru man eŋarak igemita inno orru man eyyani ye te iyyohoi.
\v 6 Ati iyyania ahehini iyyohoi bolioŋ tara hifahita. Aye iyyohoi te inyia nafa efit iyyohoi. Hijo anyar egiama iyyohoi to hirro hunna ara ŋejuho to Loyiri, obe ara to hirro maruahi inne egioro to hifahita.
\p
\v 7 Enyiak iso iyyohoi hijo jai? Hara mahu hifahita ta wati te innohosie iyyau? Hotobiaŋa ara ania nobo. Na abe ifa nayya ayyen iyyau, nobe ifa ara to hifahita. Na abe ifa nayya ayyen daya no obe ifa hifahita ojio, “Hotobiaŋa iyye edaya.”
\v 8 Ati ojio iyyau atta eyari mai nohonyie tara hifahita atta eyyani ta hanaŋ daya. No obe hifahi, no oye iyyau
\v 9 Ifa beren, awuar ifa nayya holobe hifahi, ati ifa awoŋ hifahi, atta iyyau wuaran, ajo nayya aye.
\v 10 Hifahi nafa eyyik hiyyo hijo eyyani iso wuaran, oyite enyiak eyyani ye ta hanaŋ.
\v 11 Eyari iyyau nayya, atta hinyieb nayya. To hifahita, atta attohe nayya.
\v 12 Ati odua hifahi, ojio hidofe olibo, obis ojio hidofe owuon na anyar.
\p
\v 13 Atta sihin nafa olibo hira ye ta hanaŋ, Hotobiaŋa ida ara ania. Horemik iso hidofe hifahi no olibo heyyani ta hanaŋ ye? Obe nobo! Egiamari iyyau libe heyyanini ta hanaŋ ŋoto no ye. Iyyania, egonyu iyyohoi run ne iyyau. Egiamari hifahita inno olibo inno Hollum heturuori igem no Hollum.
\p
\v 14 Obe nobo hipali to hifahi, egiama hirro inno Hollum ojio hidofe olibo. Nayya lia awuon iko hipali, adule naŋ hira atuŋani le epito te iyyau.
\v 15 Nyo hirro inne egiama nayya, abe nayya ehum hiyyen. Abe naŋ egiem hirro inna awak nayya higem,
\v 16 Ojio hirro inna aliwari nayya, egiama nayya isia. Ojio le egiem nayya hirro inna abe nayya awak, eruk nayya daŋ hijo olibo hifahita.
\v 17 Ati iyyania, obe ara nayya lia enyiak higiama, ati iyyau na amanya ta hanaŋ.
\v 18 Ayyen nayya hijo obe nobo sihin no olibo na amanya ta hanaŋ, owuon wahan hegiamari hirro inno olibo ta hanaŋ, ati abe naŋ aremik higem isia.
\v 19 Awak nayya higem sihin no olibo, ati abe naŋ egiem.
\v 20 Abe nayya awak higem nobo sihin no orru, ati arrumu nayya wan nanaŋ egiama inyia, ati iyyau na amanya ta hanaŋ.
\v 21 Arrumu nayya nobo sihin ne egiama ta hanaŋ na awak higiama no olibo, ati odule orrute wuana ta hanaŋ.
\v 22 Etidara nayya to hifahita inno Hollum to tuŋani lo owuon ta hanaŋ.
\v 23 Ati egonyu nayya innak hirro inne egiama ta wan hanaŋ. Etiŋalafa luŋa imohiti hunna ŋejuho to hoo hanaŋ. Odule hiniefita nayya te imohiti inne iyyau nia owuon ta wan hanaŋ.
\v 24 Nayya tuŋani le epala! Ŋai iso oremik etuluahu nayya to wan inna oye?
\v 25 Ati humo hidofe binno to Hollum to Yesu Kristo Habu lohoi! Nayya ta wan egiama to hifahi no Hollum iko to higigilo nanaŋ daŋ. Ati la ara ta wahan no wan nanaŋ, atta nayya higiama to wahan ne iyyau.
\c 8
\cl ŋati 8
\p
\v 1 Teyya, enyie nobo ye no oŋot hiyyo te ilia illo owuon to Yesu Kristo.
\v 2 Te imanyiti inno Oyiri no wuaran to Kristo Yesu ahek inyia nayya tara manya ne iyyau iko ye.
\v 3 Nyo ehum Hollum sihin no obe hifahita oremik hihum nyo elik watik innohosie. Atta inyia efahu Lonyi honyie iyya heyyani hijo hatara ahisiorita ne iyyau. To nia atta inyia attohe iyyauno to wan nohonyie.
\v 4 To nia eremik iyyohoi hifaha ifahita, iyyohoi hullo ebe elot te iwahiti inno duaran ati to duaran no Oyiri lo Olibo.
\v 5 Nyo ilia illo olot te iwahiti inno wan, egigilo isia te imuniti inno wati innohosie. Ati ilia illo olot te iwahiti inno Oyiri ne egigilo isia to hirro inno Oyiri.
\v 6 To koi inno egigilo tuŋani iyya ye, ati to koi inne egigilori Oyiri inyia wuaran iko himwara,
\v 7 nyo to koi inno tuŋani eyyani hira mereni to Hollum, ati obe olibo te imanyiti inno Hollum, kuya ara iso iyya.
\v 8 Ilia arra to tuŋani obe oremik hitimuno Hollum.
\v 9 Ati te inyia, obe iyye emanya to tuŋani ati to Oyiri, lara dede hijo amanya Oyiri no Hollum to hoi. Ati lobo tuŋani lolobe iko oholio na Habu, obe inyia ara tuŋani lo honyie.
\v 10 Lowuon Habu tohoi, oye wan to hiyyata, ati owuar Oyiri te ibisiti.
\v 11 Owuon Oyiri no honyie nolia ille etidietu Yesu to ye amanya to hoi, inyia lia ille etidietu Kristo tara ye esio iso hidofe manya nolowuar to wati tara Oyiri no honyie, na amanya tohoi.
\p
\v 12 Ilasira hanaŋ iyyania, era iyyohoi ahiyyo illo horos ati ebe iyyohoi era ahiyyo illo horos no wati hejufutari imanyiti inno wati.
\v 13 Nyo ejufuta itai imanyiti inno wati ati eye iso itai, ati lattohe itai hihumita inno wati to Oyiri, ewuar iso itai.
\p
\v 14 Nyo ille edihori Oyiri lo Hollum, ara isia onyirok ho Hollum.
\v 15 Obe itai ara apiti hullo obe abaŋ, ati ara itai lonyirok ho Hollum to Loyiri ne esio Hollum ta hatai, atta iyyohoi hillilloŋ, “Monye hohoi.”
\v 16 Oyyen Oyiri to wan no honyie hijo era iyyohoi durre illo Hollum.
\v 17 Ara durre, ojo hidofe harutak, harutak illo Hollum iko hani nobotie, ojo ottubahini ho harutak iko hani nobotie iko Kristo, ara dede hijo etaban iyyohoi iko inyia, ati etahuo iso hidofe iyyohoi he inyia.
\p
\v 18 Iyya egigilo nayya hijo hitaban ne iyyania obe ara nolibo anyar eticelik iko kwatan noleu tohoi iso.
\v 19 To hiwak no hitila iko heyyik ne hetiliek no onyirok ho Hollum.
\v 20 Elohitohori run iyyeti daŋ, obe ifa ara to wahan nohosie,
\v 21 ati ara ifa to wahan no Hollum lia ara a Habu lohosie, ati owuon iyyeti iko heyihini hijio ohek iso isia hifita no run atta afanu manya to kuatan no durre illo Hollum.
\v 22 Eyyen iyyohoi man iko iyyania hijio esuduta iyyeti daŋ hidofe eburaŋita iyya hiito noŋoruwo na awak hitado.
\v 23 Obe ara iyyeti hame, ati hisuduta nohoi ta tajia innohoi, ŋefwotu ida iyyohoi Oyiri nafa ara hiiteri no hisiorita inno Hollum.
\v 24 Esuduta iyyohoi ejo hidofe etila holoŋ no omojuni iso Hollum iyyohoiadure illohonyie na lara hahohini na wati innohoi. Nyo etilohu iyyohoi to heyihinin. Iyyania heyihini no oleu obe ara heyihini, ŋai lia eyyik to hirro inne egonyu inyia?
\v 25 Ati le eyyik iyyohoi to hirro huna ebe iyyohoi egonyu, ati etila iyyohoi to dihan dee.
\p
\v 26 To hikoi lobotie, oluak Oyiri hidofe to hilik no hoi. Ojo iyyohoi obe eyyen hijo emojo iso iyyohoi jai, ati ojo Oyiri to wan no honyie oluaha te iyyohoi te idiehiti.
\v 27 Inyia lia etufa tajia oyyen ofioroho inno Oyiri no Olibo, nyio oluaha inyia to fure no heruhok iyya to wuaran no Hollum.
\p
\v 28 Eyyen iyyohoi hijio egiama Hollum to hirro daŋ anyar eyyani libe to liya hullo omuno inyia, ojo ille ellilloŋo inyia to wahan to nohonyie.
\v 29 Illafa oyyen Hollum, onyimu ifa inyia isia hehuhumari iyya Lonyi honyie hijio anyar lara Lonyi honyie aloŋieu te ilasira honyie illo oluŋa.
\v 30 Ellil, oŋu inyia lia illafa ociorohini daŋ. Te ilia hullo ellilloŋu inyia, etimworik hidofe te ilia hullo etimworik inyia esio inyia kuatan nohonyie to hosie.
\p
\v 31 Ejio iso hidofe iyyohoi nyo to hirro huna? Ara Hollum lo hoi, ŋai lia obe awak iyyohoi?
\v 32 Iyye lia obe ewuon ho saman iko hawuanari ho hiito lohoi ati isiara inyia ade te iyyohoi daŋ, obe iso inyia hidofe iko inyia ania hisio iyyohoi hirro daŋ?
\v 33 Ŋai lia oremik arrosok nobo hiram to lonyimot illo Hollum? Etimorik ifa Hollum isia.
\v 34 Ŋai lia oremik enyiak aŋotok to honyie? Obeŋ lobo. Ara Yesu Kristo lafa oye hidofe ebuhu atta hittole ta hani inyiet no Hollum, lia omojo te iyyohoi.
\v 35 Ŋai iso lia etipiek iyyohoi ade tara mune no Kristo? Hara hitigiama, kuya hiŋa, kuya aŋatture, kuya irruti, kuya hitilafuho iko demi iso?
\v 36 Iyya le egioro hijio, “Te ilibiti innahatai, ottohe hiyyo iyyohoi daŋ to holoŋ nafa nya. Ati ewuon iyyohoi iyya kioro hunna ara oŋotot.”
\v 37 Ati eyyale iyyohoi hirro hunna daŋ to lia omuno iyyohoi daŋ.
\v 38 Nyo ayyen naŋ hijo obe nobo sihin oremik hitipiek iyyohoi to mune no honyie; obe, ara ida hido ye, wuaran, anjilohien, letaha ilo johien, iduwariti, hirro huna oyiif, hirro hunna afanu, igoliti inno johen,
\v 39 hirro niyya te idou, hirro hunna ta fau, kuya nobo sihin te iyyeti daŋ; to hirro hunna daŋ, obe nobo oremik hitipiek iyyohoi to mune no Hollum no lowuon to Yesu Kristo Habu lohoi.
\c 9
\cl ŋati 9
\p
\v 1 Ero naŋ dede to Kristo, ta taji nanaŋ etuhutek hijo owuon Oyiri lo Olibo ika naŋ,
\v 2 nyo obolo diahai ta taji nanaŋ ojo hidofe higigilo nobolo te'tai halasira hanaŋ hullo te Isarail.
\v 3 Aremik naŋ wahan hapiahari tara Kristo ade amai no hima ta mai ne ilasira hanaŋ. Ara isia hiyyo ille Isarail.
\v 4 Ellilloŋo Hollum isia lonyirok honyie. Etahwo isia, esio imuniti, hifahita, hituhutita ojo hitieriti.
\v 5 Owuon hohonyiok hose illafa esuruni Yesu Kristo. Tojio hetihabwe Hollum ille agalik hirro daŋ tulaŋ. Amen.
\p
\v 6 Abe naŋ ajo hijo, opwak iso itieriti inno Hollum. Nyo ille esuru te Isarail obe isia daŋ ara lonyimot illo Hollum.
\v 7 Ojo hidofe daŋ ille esuru tara Abramo obe isia daŋ ara lonyirok honyie, nyo otiorok ifa Hollum hijo, “Ehenuni iso illa afanu tara Isako hame.”
\v 8 Etuhutek innaŋ hijo obe durre illo wan ara adurre illo Hollum. Ati ehiana Hollum lonyirok illo otiorit honyie hame.
\v 9 Nyo otiorok ifa Hollum hijo, lottubai holoŋitek: Atiorok iso naŋ ta far inna attu iso naŋ, ojo iso Sara orrumu hiito.”
\v 10 Hidofe, owodi ifa Rebeka lonyirok illohonyie lohorik to hohonyi hohoi Isako.
\v 11 Holobe ifa turet illia esini, onyirok Hollum isia to koi inno lafanu isia amanyari. Obe ifa ara te igem nia onyimuni isia, ati Hollum lia ara aheliloŋoni lawak.
\v 12 “Elimak ifa Hollum to Rebeka hijo, “Ottu iso lettok hira a hegiamani to letiŋ.”
\v 13 Iyya nia egioro hijo, “Amuno naŋ Yokobo, ati aliwari naŋ Isau.”
\p
\v 14 Hejo iso iyyohoi jai? Obe Hollum obis? Hotobiaŋa ara ania.
\v 15 Iyya nafa erarari inyia to Musa hijo, “Amehini iso naŋ to lia awak naŋ amehini, ajo iso hidofe naŋ egiem nalanyar to lia owuon himorot ta hanaŋ to honyie.”
\v 16 Obe ara to wahan no tuŋani iko to higiama honyie na anyar omehini Hollum, ati ara to wahan no Hollum.
\v 17 Nyo ojo higierita hijo ta Faro, “Eniefiak ifa naŋ iyye ahabu lettok hijo anyar etuhutek naŋ to hoi golon nanaŋ iko kuatan no fure nanaŋ ellur fau daŋ.”
\v 18 Omehini Hollum hullo awak inyie hamehini ojo etik hullo awak inyie hitik ojo hidofe etidefer illa awak inyia hitidefer tajia.
\p
\v 19 Ojo iso lobo lahatai ta hanaŋ, ojo ati Hollum nyo odule hitipala iyyohoi? Ojo ŋai ebo hiram nohonyie?
\v 20 Ŋai nyi iyye do. Libe no tuŋani enyiak iyye hiro to Hollum. Horemik iso sihin inna no oyyeu hayyani hijo to monye lara hayyani hijo, “No nyo eyyeu iyye nayya tiji?”
\v 21 Hobe mahu monye ho modie oremik hehumak modie nohonyie iyya awak inyia, atta hidofe ayyari hirro inno olibo to honyie, ojo nobo ihulo owuon ne egiamari hiyyo holoŋitek daŋ?
\v 22 Ŋa ladumu Hollum atta ŋetuhutek jore nohonyie ojo hifiriwa hotoliew, ottuni inyia hiram no jore nohonyie bi ne ehuhum inyia hetiruori.
\v 23 Ŋa legiem inyie hidofe ania hetatturori lohuo no hamehini nohonyie, nafa ehumak inyia ahosiere ano lobie nohonyie.
\v 24 Ojo hidofe iyyohoi, illafa ellilloŋu inyia, obe ara to Yudei ati iko illo Jentail?
\v 25 Iyya ojo inyia to Hosea. “Ellilloŋo iso naŋ isia hiyyo illallaŋ illafa obe ara ahiyyo illallaŋ, ojo illafa abe naŋ amuno. Amuno iso naŋ.
\p
\v 26 Ojo ifa Hollum to paganohien, ebe itai era a hiyyo illallaŋ. Ati iyyania ellilloŋo isia alonyirok illo Hollum hawuarani.”
\p
\v 27 Oyio ifa Isaya to hiyyo ille Isarail, “Obore ida hido durre illo Isarail iyya siŋata no hutuk na hari, eduhucio iso ille etilohini.
\v 28 Nyo oŋot iso Habu hirro inno hiyyo kokwak to golon nohonyie inna ta fau.
\p
\v 29 Iyya ojo ifa Isaya beren, “Kuyya nobe ida Hollum esio iyyohoi lonyi honyie, hera da iyyohoi iyya Sodoma iko Gomora. Hibo no hiyyo ille Isaraile sayye.”
\p
\v 30 Eijo iso iyyohoi jai? Paganohien illafa obe egigilo to hijufuta hilibiti, hunna leniefu hikoi no libe to huruk.
\v 31 Ati Isaraile illafa etufa hikoi no olibo opwahan obe orrumu hifahi no bisan.
\v 32 Nyo ati obe isia orrumu, obe isia orrumu nyo obe isia etufa to huruk. Ati etufa isia te igem atta arrutari to moro ne'rrut.
\v 33 Iyya egioro to higierita hijo, “Itirriŋai, ettek naŋ moru to doŋe no Sion nele'rrut hetarrutai hiyyo. Ati ille eruk wan to honyie obe iso orrutari.
\c 10
\cl ŋati 10
\p
\v 1 Halasira hanaŋ, awak nayya isia bi nono tataji neti ajo hidofe nayya amojo to Hollum to hetilohini nohosie.
\v 2 Nyo arrumek nayya hijo owuon isia iko iduwanyit no Hollum, inna obe ara to ofioroho.
\v 3 Obe isia oyyen ilibiti no Hollum, ati awak isia higiama hijo anyar etiwetik ilibiti innohoise to Hollum. Obe isia effaha to ilibiti inno Hollum.
\v 4 Nyo eyyani Kristo hisidi no hifahita no libe to heruhok hullo eruk to libe.
\p
\v 5 Nyo egiorok ifa Musa hijo, “Iyye tuŋani le errumu libe to hifaha no hifahita, ewuar iso iyye to hifahita inno olibo.”
\v 6 Ati ero libei nia ottu to huruk hijo, “Baŋa lero ta taji nohoi, ‘ŋai iso mahu orre edo?’ (etihutek hijo, le eyyani Kristo enni afau).
\v 7 Baŋa lero hijo, ‘ŋai iso lohu etidietu Yesu to ye?”’
\v 8 Ati hojo sihin nia nyo? “Eliaha hirro ta hatai, to hutuhe hatai iko ta ta tajia hatai.” Inyia hirro no hiruk, inna etiyana iyyohoi.
\v 9 Kuyya to hutuhe inna hatai emijak itai hijio ara Yesu Habu, ojo hidofe itai eruk ta tajia hijio etibuhu ifa Hollum inyia to ye, ati etilohini iso itai.
\v 10 Ta taji eruk tuŋani te ilibiti, ojo to hutuk eruk inyia hetilohini.
\v 11 Nyo ojo Baibol hijo, “Iyye lobo tuŋani leruk to honyi ebe iso iyye eloliri.”
\v 12 Obe nobo lufai to Yudea iko Grik. Ati ara Habu lia Habu lo hosie daŋ, owuon inyia to hiyyo illo ellilloŋo to honyie.
\v 13 Nyo lia ellilloŋo to fure na Habu ohu iso inyia hetiluwahini.
\p
\v 14 Hofu iso isia hillilloŋo jai to honyi lia ille obe isia eruk? Ofu iso isia huruk to honyi lia obe isia etiru? Ojo hofu iso isia etiru lobe herarani?
\v 15 Hero iso isia jai, lobe isia efahu? -- Iyya nia egiorohini, “Elahaman hejek inno ilia hullo hayitak ho sayyie inno olibo!”
\v 16 Ati obe isia etira daŋ to sayye. Ero Isaya hijo, “Habu, ŋai lia eruk to hirro innohoi?”
\v 17 Ati ottu huruk tara hitira to hirro no Kristo.
\p
\v 18 Ati ero nayya hijo, “Obe isia etira?” Etiru ifa isia dede. Etirini ifa hiwoloŋita innohosie man ta fau, ojo hirorita inohosie atta hiba to hucuŋi na fau.”
\p
\v 19 Ati ero nayya hijo, “Hobe ifa Israil oyyen?” Ero ifa Musa to hosiere hijo, “Etifitaŋ iso nayya itai to hayini ne illulluŋ inna obe ara hiyyo inno doŋe. Te iluluŋ no hiyyo iko to biaŋan no hitira, ahu iso nayya hitifitaŋ itai hijo anyar ejoria itai.”
\p
\v 20 Ero ifa Isaya toŋere hijo, To hiyyo hullo obe osiaha nayya orrumu iso isia nayya. Etiliek iso naŋ wan nanaŋ hiyyo illo obe efia nayya.”
\p
\v 21 Ati to hiyyo inno Isarail, ero inyia hijo, “Ahu iso nayya adule hihalama has innanaŋ to hiyyo hullo omiasa iko to illo odua tajia.”
\c 11
\cl ŋati 11
\p
\v 1 Ejio nayya ati, hebo Hollum hiyyo illohonyie? Isiara hotobiaŋa oso. Iyya nayya ara nayya le Isarail, to orrutati la Abramo, to woyyo to no Benjamin.
\v 2 Obe Hollum ebo hiyyo illohonyie, illo oyyen inyia beren. Eyyen itai higierita inne Bibia inne lero Elijah, ho lia inyia jai ho Hollum ne obiaŋari isia awak Isarail?
\v 3 “Hollum, attohe isia hekilak illohoi, ŋawurok isia to fau altarihien inno hoi, ojio nayya anobotie ebusahini, ojio isia awak attohe nayya.”
\v 4 Ati hojio hitiraŋi no Hollum nyo to honyie? “Ŋattunak nayya hiyyo lomuk to wan to nanaŋ alif hattarik illo lobe origoŋo ta Baal.
\v 5 “Ati ta saa inna owuon hidofe lomuk ofitu fere illafa onyimu Hollum ta ŋamelehini.
\v 6 Ati kuya lara ta ŋamelehini, enyiei halara to higiama. Atta amelehini enyie ha lara amelehini.
\p
\v 7 Nyo ati? Hirro inne osiaha Isarail, obe I sarailorrumek, ati arrumu ille onyimu Hollum, ojio ifa lomuk atta hittuk tajia.
\v 8 Ara iyya nafa egiorohini, “Esio Hollum to hosie tajia hunna obe egigilo, honyiehite anyar lobe isia oriŋa, yohe anyar obe isia etira, te inna holoŋitek daŋ”
\v 9 Atta Davide hijio, “Isiara ŋiria no hosie hatara ofidik hilohit anyar eniefu isia.
\q
\v 10 Isiara honyiehite inno hosie hotorioho anyar lobe isia egonyu; isiara horuoŋite innohosie hotokude holoŋitek daŋ.”
\p
\v 11 Eijo nayya ati, “Ekosori itai hijio anyar ehuyai?” Obe tuŋ. Ati, to hitaluk negiem, awoŋ ati wuaran to Jentail, anyar etidiek isia he joriai.
\v 12 Ati iyyania lara wuaran no hosie isamiti inne fau, ojio biaŋan ara isamiti inne Jentail, hobolo iso mahu jai tuhe no hosi?
\p
\v 13 Ati iyyania ero nayyia hatatai Gentiles. Ha lawon nayya efahati lo paganihien, etidara nayya to igem te inna.
\v 14 Ati ahu nayya hitidiek man ejoria lomuk hulloŋ ociala daŋ iyya nayya, ajio nayya atta etuluahu lomuk illo hosie.
\v 15 Ati ara hibo na pagani to himwara no fau, hara iso ŋefwotu no hosie nyo manya to ye? Olibo ŋama innafa edieŋu itai ahosiere, ara ati imune nia na ŋama nuhe.
\v 16 Ojio lo owueta hade inno yani no olibo, atta sana wueta daŋ no olibo.
\p
\v 17 Baŋa hetidara to hide hasana ne ho yani ne osio wan.
\v 18 Ati itidara iyye, obe lara iyye itigolo hade, ati hade inne etigolo iyye. Ojio le etidara iyye, obe ara iyye etigolo hade, ati hade inia etigolo iyye.
\v 19 Ihu iyye hijio, “Ogwanyini ifa sana ade atta naŋ asihini de.”
\v 20 Dede! Ati biaŋan no huruk tara hosie, atta isia agwanyini ade, Ati ewueta iyye to huruk no hoi. Baŋa hegigilo bi no to wan to no hoi, ati tabaŋa.
\v 21 Ati lobe Hollum ofitu sana inne lowuon berren to yani, obe inyia ohu ebusak itai.
\p
\v 22 Itiwolo enni, ati, te kotia inia anyalam ojio inne efiriwa inno Hollum. To nobo hikoi, ottu hifiriwa to Yudea hullo ahuye, ati to nobo hikoi, nyalami no Hollum ottu ta hatai, le erasa itai ta nyalami no honyie. Ati ŋaso itai egwanyini ade.
\v 23 Ojio hidofe, lobe isia odule to biaŋan no hiruk, ofu iso isia agwanyini ade. Ati owuon Hollum ho golon ne enyiahahini isia hinyak.
\v 24 Ati la ŋaŋutuni ifa iyye ade to yani no owueta inna esuru wan to tim, obe ara iyya ne esuru wan to tim atta agwanyini atta edulahini to wati inna olibo, hara iso mahu Yudea hulloŋ jai, hullo ara sana inne owuon to yani beren, hinyiak edulahini to yani no oliveto?
\p
\v 25 Ati abe nayya awak itai ho to tumwe, halasira, ille egiamari inna, anyar ibe itai ebis to higigilo na hatai: owuana hibo no Hollum te Isarail, man ottuhuni Hollum eyyani Paganihien atta ati Yudea afanu hiruk Hollum.
\v 26 Teyya etulwahini iso Isarail bi daŋ, iyya nafa egiorohini hijo: Ottu iso hetuluahani to Sion. Ottu iso inyia adumu ade paganihien tara Yakobo.
\p
\v 27 Ojio iso innaŋ ara himwara neti daŋ hosie, le ŋeno nayya eyyari hiyyata inno hosie ade.”
\p
\v 28 To hibo to ne Yudea sayye inno olibo, atta isia hirra amiorok to Hollum, ati ta anyimu no Hollum, omuno Hollum isia nyo otiorokk ifa inyia to hohonyiok ilo hosie.
\v 29 Nyo obe hisiorita ojio hillilloŋo no Hollum eloyyito.
\v 30 Era ifa ita miorok to Hollum, ati iyyania, amoju itai hamehini to hidefer nohosie. To hikoi nia, edefer ifa hiyyo illo Judei.
\v 31 To hamelehini nafa etuhutahini to hosie hijo anyar omoju hidofe isia hamelehini.
\v 32 Esionok Hollum hidefer ta mai daŋ, hijo anyar etuhutak iso inyia mahati hamelehini to hiyyo daŋ.
\p
\v 33 Dede, bolo no Hollum te ibariti daŋ inne hilifere ojio ofioroho inno Hollum! Ŋai oremik hiyyen iŋotiti inno honyie, ojio ikotia hunna agalik!
\v 34 “Ŋai lo oyyen higigilo no Hollum? Kuyya ŋai hidofe lia lo ottu ifa ehesiŋani honyie?
\v 35 Kuyya ŋai le esio ifa hosiere hirro nomuk to Hollum”? Anyar enyiahak hiyyo to honyie?
\p
\v 36 Ati to honyie, ojio tara honyie, ojio to honyie, ara hirro bi daŋ. Hotowuana ohuo to honyie. Amen.
\c 12
\cl ŋati 12
\p
\v 1 Hidofe elimak naŋ ta hatai, halasira, ta nyalami to no Hollum, isiara wati innahatai a hisiori no lowuar, inno olibo, heruho Hollum, na lara igem nahatai.
\v 2 Hotobiaŋa itai era iyya hiyyo hullo ta fau, ati anyar eloito higigilita innahatai. Igiamai ania anyar eyyen sihin no olibo ojio hidofe obis to hosiere ho Hollum
\v 3 Ajo nayya, to hamehini nafa esiarahini ta hanaŋ, hijo hotobiaŋa illak hiyyo to hiji hatai egigilo binno ta watik innohosie agalik illak. Ati isiara isia hegigile to hiko no obis, iyya nia esiarahini Hollum to tuŋani huruk nohonyie.
\v 4 Iyya ewoun iyyohoi iko ŋacio arria to wan nobotie, ati obe iso ŋacio inia owuon he igem nobotie,
\v 5 iyyohoi inne ewuon arria to wan nobotie to Kristo, ejio hidofe ewoun iko ŋacio ta wan nobotie.
\v 6 Ewuon iyyohoi he hisiorita inno olufa te liboi ta nafa esiarahini hini te iyyohoi. Iyya ara hisiori no lobo hikila, egiemai iyya awak huruk no honyie.
\v 7 Iyya lara hisiori no lobo lwaha, ibusak inyia hotoluahai. Iyya lowuon lobo iko hisiori no hisiŋa, isiara inyia hesiŋa.
\v 8 Lara hisiori no lobo hittitto, isiara inyia hettitto; iyya lara no lobo hisiara, isiara inyia hegiemai nobotie, hegiemai to bisan; iyya lara hisiori no lobo na nyalami, isiara hegiemai to mune;
\v 9 Isiara mune hotowuana obe hinyiaba. Iyyalai hirro inno orru, iniafa hirro inno olibo.
\v 10 To hiram no mune na halasira, itimune wati innahatai, to hiram no baŋi, itibaŋ wati innahatai.
\v 11 Ta hiram ne igem, ibaŋa etibasa igem. To hiram no Loyiri ibaŋa etibasa. To hiram na Habu, igiamai to honyie.
\v 12 Itumune to hiyyen nahatai inyia. Itidiha to hitigiemita innahatai. Itudule mojo.
\v 13 Itubwan iko heruhok hirro inna agalik ta hatai. Itirrumu nobo hikoi ne eremihini itai etuhutari himorot nahatai.
\v 14 Itijok hiyyo illetigiama itai; tojok, hotobiaŋa itai epit.
\v 15 Itimune iko liyya illo omuno; itiye he ilia illo oyio.
\v 16 Ituwuana iko higigilo na hatai nobotie. Ibaŋa egigilo to ikoi no hitidara, ati iruho hiyyo illa ara assai. Ibaŋa elofere to higigilita innohoi.
\v 17 Baŋa odumak irruti iko irruti. Igiamai hirro inno olibo to honyehite ho hiyyo daŋ.
\v 18 Lo olibo, iyya egonyu itai, itiwuanai ho hiyyo, bidaŋ na lanyar.
\p
\v 19 Ibava elienyuta wati te innahatai, halasira, ibusak hikoi to jore no Hollum. Egioro hijo, “Ara hilionyo nanaŋ; aduma iso nayya,’ ojio Habu.”
\v 20 “Ati lo owodo mioroni lia, isiara to honyie daha. Le eboto inyia iko hure, isiara to honyie hifioŋ hatamat. Le egiem iyye ania, efurok iso iyye iluluŋi inno hima to hoo honyie.”
\v 21 Hotobiaŋa run odilok itai, ati itigalik run to libe.
\c 13
\cl ŋati 13
\p
\v 1 Tojo hiyyo daŋ hatabaŋa hiyyo illo owuon to hosiere, nyo obe nobo hilohittok owuon to lobo tuŋani aracie nyia no ottu tara Hollum. Hollum onyimu hiyyo illo owuon ettaha ta hatai.
\v 2 To nia, tuŋani le edefer to okuma nia, edefer hidofe inyia to Hollum omita; ojo ilia illo omitta hirro inno okuma nia, eyyani iso isia ŋoto ta wati innohosie.
\v 3 Hotobiaŋa ettaha etibaŋa hiyyo ille egiama na anyar, ati isiara hetibaŋa hiyyo ille egiama no orru to hiyyo. Hewak itai manya obe hitibaŋa ne ettaha ta hatai? Igiamai hirro inno obis, ojio iso isia atta bai itai.
\v 4 Ara ettaha hegiamak illo Hollum, illafa onyimuni to libe nahatai. Ojio le egiama itai no orru, dede anyar ati ebaŋ itai, owuon isia iko golon ha abahari itai. Ara isia hegiamak illo Hollum, illafa efahu inyia ha abahari hiyyo ille ehuma no orru.
\v 5 Anyar ebaŋ itai isia, obe ara hijo hotobiaŋa isia abaha itai, ati to higigilo no olibo.
\v 6 Nyo to nia inyia nia edumari itai musuru. Nyo ara ettaha a hegiamak illo Hollum, awak hegiamak illo okuma idumuti innohosie.
\v 7 Todumai to hiyyo daŋ ille eyau iyye horosi to hosie: musuru to hiyyo illa awak musuru; hidumiti to hullo hetudumak; baŋi te ilia awak baŋi.
\p
\v 8 Baŋa lewuon iko horos ho lobo tuŋani, aracie mune no wati. Ojo to lia ille lomuno onyihari honyie inyia etufutak hifahita.
\v 9 Ojio hifahita hunna tomon hijo, “Baŋa ehuma hirro inno somon. Baŋa ottohe. Baŋa lahahala. Baŋa ladaya.” Ojo lowuon nobo hifahi no Hollum, ottubahini iso to higierita hunna: “To mune onyihari hoi iyya nia emunori iyye wan nohoi.”
\v 10 Obe mune oremik hitihar onyihari ho lobo. To nia, ara mune a hitufuti no hifahita.
\p
\v 11 Nyo to nia, eyyen iyye sa, hijo era hada sa no hoi no hacieŋuni to jio. Ati iyyania eliaha etilohini nohoi to nafa leruk iyyohoi.
\v 12 Eno harie ojo far atta hawoŋ aŋati. To nia hebusak oko oger igemita inne idumele, heciofok irremiti inno cialai
\v 13 Hetilote no lobis, iyya to holoŋ, obe ara to hitihabuo iko hiboto; hotobiaŋa, iyyohoi edule loton to hirro inno somon, iko daya no hirro, obe ara to ŋalafa iko haini.
\v 14 Ati anyar edule itai wuana to hosiere ho Yesu Kristo, hotobiaŋa itai egigilo hesiarari wati innahatai te iwahiti inno wan.
\c 14
\cl ŋati 14
\p
\v 1 Ifwotu tuŋani lobe huruk nohonyie ogol, ibaŋa etirisa iko isia to hiram ne epal iko no obis.
\v 2 Owuon lobo le egigilo hijo aremik inyie daha sihin no oliew, ojio lobo heruhoni atta hijo, adaha jiacio hame.
\v 3 Isiara tuŋani la adaha hirro daŋ hotobiaŋa inyia omiana tuŋani lo obe adaha isia daŋ; isiara hidofe tuŋani lo obe adaha hirro daŋ hotoŋot tuŋani la adaha hirro bi daŋ. Eruk Hollum inyia.
\v 4 Iyye ŋai, iyye le eŋot hegiamani ho lobo tuŋani? Owueta iso inyia te ettok lohonyie lo oremik hiŋot inyia. Oremik iso Habu etiwetik inyia.
\p
\v 5 To hikoi nia, egigilo illak hijo olibo far nobo agalik nobo. Ojo lobo egigilo hijo erri holoŋi inia bi daŋ. Anyar eyyen itai hijo erri holoŋitek inia daŋ nobotie.
\v 6 Ilia ille etihabuo Habu ta far no olibo, ehuma isia ania hetihabuori Habu; Ilia illa adaha, adaha isia etihabuori Habu, nyo esiara inyia humo to Hollum. Tuŋani lo obe adaha, ebo hidofe inyia daha ta Habu, esiara hidofe inyia humo to Hollum.
\v 7 Hotobiaŋa lobo tuŋani tara hohoi amanya to wan nohonyie hame, ojio hidofe hotobiaŋa oye ta wan nohonyie hame.
\v 8 Ojio le emanya iyyohoi, emanya iso iyyohoi ta Habu, ojio la aye iyyohoi, eye iyyohoi ta Habu.
\v 9 Inyia nia oyeri Kristo atta manya inyiak, hijo anyar ara inyie Habu lo hayok iko ilia illa amanya.
\p
\v 10 No nyo eŋotok iyye ilasi hoi? No nyo erriŋa iyye no orru te ilasi hoi? Efu iso iyyohoi daŋ wueta to hosiere ho hittoloji no Hollum.
\v 11 Nyo egioro hijo, “Iyya a manya nayya,” ojio Hollum, “Ta hanaŋ origoŋo huŋuta daŋ ta fau, ojo ŋadiafa daŋ esio humo to Hollum.”
\p
\v 12 Efu iso iyyohoi bi daŋ etuhutek to Hollum hirro inne egem iyyohoi to Hollum.
\p
\v 13 Iyyania, hotobiaŋa iyyohoi enyiak hiŋot lobo tuŋani, ati anyar obe iyyohoi emak lobo tuŋani hotohuye te iciemiti hunna ta fau.
\v 14 Ayyen nayya binno ta fure na Habu Yesu hijo, obe nobo sihin ne ebwot ta wan nohonyie ta daha. Ati le eruk inyia ania ta wan nohonyie hijo, orru, orru iso to honyie.
\v 15 La ara to hiram no ŋiria nia odiahari ilasi hoi, enyie iyye helot to to mune. Baŋa etihari to hiram no ŋiria nohoi mune nafa oyeri Kristo te ilasi hoi.
\v 16 Baŋa ebusak hirro inne emuno hijo olibo hotojo hiyyo hijo orru.
\v 17 Obe obie no Hollum ara ŋiria iko mata hame, ati ara ibisiti inno Hollum, himwara, ojio mune to Loyiri lo Olibo.
\v 18 Le egiama iyye to Kristo ania, etumuno iso iyye Hollum atta illak hiyyo huruk iyye.
\p
\v 19 Iyyania hetisiahai hirro inno himwara iko hirro inne etidioto iyyohoi ahide daŋ nobotie.
\v 20 Ibaŋa etihar igem no Hollum to hiram no ŋiria. Olibo hirro bi daŋ, ati orru to tuŋani la adaha atta ilasi honyie hotohuye.
\v 21 Obe olibo ha adahari hiriŋo, ojio hidofe ha amatari balu, iko innak hirro inno oremik hisio jore te ilasi hoi.
\v 22 Egigilo mahu iyye hijo obenobo sihin no orru ne egiama iyye, ati ottunak tohoi hame iyye iko Hollum lohoi. Isiara jaha hotowuana to tuŋani lo obe oŋot wan nohonyie to hirro inne eruk inyia hijo olibo.
\v 23 Ojio le ekuyya iyye to hirro inne ebe iyye ewak daha, nyo obe obis to huruk nohoi. Ojio lo obe obis to huruk nohoi, era iyye heyyani la adaha iyye.
\c 15
\cl ŋati 15
\p
\v 1 Iyyania iyyohoi hullo era firiwajak anyar edi iyyohoi hitigiemita inno hiyyo ille elik, Hotobiaŋa iyyohoi egigilo to wati innohoi agalik.
\v 2 Hetiluak illak hegiamai hirro inno obis, anyar etidiet isia ahide nobotie.
\v 3 Obe ifa Kristo etumuno wan no honyie. Ati ara iyya nyia nafa egiorohini, “Imoriti inno liyya inne illafa omoro itai, ohuyek ta hanaŋ.”
\v 4 Innafa egiorohini beren, egiorohini te iyyohoi, hijo anyar ewoun iyyohoi iko dihan, to hisiŋa ne errumu iyyohoi to hiram nohonyie.
\p
\v 5 Isiara Hollum lo hitila iko hisiŋa hesiara ta hatai higigilo nobotie iyya ojio hiram no Yesu Kristo.
\v 6 Atta itai daŋ nobotie hisio hitahuo mune iko lohuo nahatai to Hollum, Monye la Habu lohoi Yesu Kristo.
\p
\v 7 Iyyania iruho wati innahatai iyya inna eruhuni Yesu Kristo itai, to mune no Hollum.
\v 8 Itiyyen hijo ottu ifa Kriso a hegiamani to Judei hetuhutahini hijo harasa Hollum bisan te itieriti innafa esio inyia to monyie hohoi,
\v 9 iko to hiyyo illo olufa hesiara lohuo to Hollum to hamelehini nohonyie. Iyya egiorohini hijo, “Esio iso nayya to hoi mune to hiji ho hiyyo illo olufa ajo hidofe edolo mune to fure nohoi.”
\v 10 Enyiak hidofe hijo, “Itumune itai hiyyo illo Jentail, iko hiyyo illohonyie.”
\v 11 Atta itai hinyiak hijo, “Itihabue Habu, itai daŋ hiyyo illo Jentail; isiara hiyyo daŋ hetahuo inyia.”
\v 12 Enyiak isaiya hijo “Owuon iso hadde illo Yesu, ojo inija lie odioto iso eleitok la hatamonok. Do honyi owuon iso hatamonok to golon do honyi.”
\p
\v 13 Iyyania, isiara Hollum lo hiyyen hetufutak itai ho mune daŋ iko himwara to huruk nahatai, anyar edule itai to hiyyen, to golon no Loyiri lo Olibo.
\p
\v 14 Ayyen nayya ta wan nanaŋ, halasira iko inasria hanaŋ, hijo efut itai ho libe. Eyyen itai hirro inia, itiyanai wati innahatai to hirro inia. Ehum hidofe nayya daŋ hiŋere egiorohini ta hatai hijo anyar esiŋ itai wati innahatai.
\v 15 Ati egiorok nayya ta hatai to golon te innak hirro hijo anyar etigilu nayya itai, to hisiori nafa esio Hollum ta hanaŋ.
\v 16 Awak ifa Hollum hijo anyar ara nayya hegiamani lo Yesu Kristo le efahahini to hiyyo illo Jentail, anyar esio nayya sayye inno Hollum iyya fadiri. Anyar egiama nayya inna hatara ahisiori ne eruk inyia, ne esio Loyiri lo Olibo.
\p
\v 17 Owuon mune nanaŋ to Kristo iko to hirro inno Hollum.
\v 18 Abe nayya awak hiro te innak hirro binno, ati ero iso nayya to hirro inne egiemini ta nayya hijo anyar obe hiyyo illo Jentail omiasa. Isia hirro inne egiemini to hiro iko te igem,
\v 19 Ojio to golon no hituhutita iko iduariti, ojo to golon no Oyiri lo Olibo. Ara inna ania, hijo anyar eyari hiyyo illo Yerusalem, man Ilirikam, sayye inno Kristo.
\v 20 Awak ifa nayya hiro sayye inno Yesu, ati obe ara ta mai ne etiruni hiyyo Kristo to fure hame, hijo hotobiaŋa nayya aduho to hitieri no lobo tuŋani.
\v 21 Iyya egioro hijo: “Egonyu iso hiyyo illafa holobe elimahini to hosie, ojio illafa holobe etiru inyia oyyen.”
\p
\v 22 Awak ifa nayya hiba ta hatai inyiahita arria, ati obe ifa hikoi ta hanaŋ hawoŋ ta hatai.
\v 23 Ati iyyania, enyie nayya halawuon iko nobo mai to doŋiok niyya, ajo nayya awak awoŋ ta hatai ta ŋasi innafa ho beren.
\v 24 Le eno nayya Spain, awak nayya hiwolo itai dia, ajo hidofe awak anyar efahak itai nayya, la attohu daŋ loton he itai.
\v 25 Ati iyyania, ahu nayya a Yerusalem hegiamari to heruhok dia.
\v 26 Olibo binno ta Masedonia iko Aciaya hesiarari iluahiti innohosie to lociaŋak inno owuon to hiji heruhok inno Yerusalem.
\v 27 Dede, ara ifa mune nohosie, iko to hiyyo illa awak tara hosie iluahiti. Lo ottubai hiyyo illo Jentail te iluahiti inno oyirihien innohosie, isiara hidofe isia hototubahini to hirro inno oremik hiluak wati innohosie.
\v 28 Le esahak nayya igem inna ojo hidofe ayyen hijo efwotu isia iluahiti innafa ettuttubak hiyyo, atta nayya iso eno Spain hefonyari itai to hiko inna.
\v 29 Ayyen nayya hijo la awoŋ nayya ta hatai, eyyani iso naŋ ta hatai mune iko jaha no Kristo.
\p
\v 30 Iyane efia nayya itai, halasirak ta habu lohoi Yesu Kristo, ojo to mune to no Oyiri, hijo anyar edule itai ika naŋ nobotie to mojo no Hollum ta nayya.
\v 31 Itimoje hijo anyar etuluahini nayya tara hiyyo illo omiasa hiram no Yesu to Yudea, anyar eruk hiyyo igem nanaŋ to heruhok niyya to Yerusalem.
\v 32 Itimoje hijo anyar attu nayya to mune iko ta wahan no Hollum, anyar arrumu hidofe nayya ika tai daŋ yiri.
\v 33 Isiara Hollum lo himwara hotowuana daŋ hatai bi daŋ. Amen.
\c 16
\cl ŋati 16
\p
\v 1 Eliotok nayya ta hatai Fobe inasi hohoi, na ara hegiamani te ikelesia hohoi to Censiria,
\v 2 anyar mahai efwotu itai inyia ta Habu. Igiama na anyar hetisiru hira nahatai heruhok, ejio hidofe ewueta he inyia to hirro bi daŋ inna awak inyia luaha tara hatai. Ara hidofe inyia ta wan nohonyie haluahani no hiyyo arria, ojio hidofe eluak nayya binno.
\p
\v 3 Itifonyak Prisila iko Akuila, hiyyo hegiamak innafa egiama iko nayya to Yesu Kristo,
\v 4 Innafa esio manya nohosie ta nayya. Esio nayya humo to hosie, obe hidofe ara nayya hame, ati efonya ikelesiaha inno Jentail bi daŋ.
\v 5 Itifonyak ikelesia inia lowuon ta haji hose. Itifonyak Epaeneto ille amuno nayya, lafa ara haŋeri hitieri to Asia to Kristo.
\v 6 Itifonyak Maria, nafa egiama binno te itai.
\v 7 Itifonyak Androniko iko Junia, hullo ara ilasira hanaŋ, ojo hidofe hiyyo ilia ara babusi, hullo ara illo hittaha to hiji helefahat, illafa owuon beren to Kristo holobe nayya.
\v 8 Itifonyak Ampliato, ille ara heruhoni ta Habu.
\v 9 Itifonyak Urbano, hiyyo illohoi hullo egiama to Kristo, ojo Stacy, inna amuno nayya.
\v 10 Itifonyak Apelle, ile ara heruhoni to Kristo. Itifonyak ilia hullo ara hamanyak ta haji no Aristobulo.
\v 11 Itifonyak Herodiom, ille ara onyiharai lohoi, Itifonyak ilia illo owuon ta haji no Narckisio, hullo owuon ta Habu. Itifonyak Trifena ojo
\v 12 Trifesa, inne egiama no ta Habu, Itifonyak Persis ille amuno nayya, ille egiama binno ta habu.
\v 13 Itifonyak Rufo, ille onyimu Habu, iko hotonye honyie ojo hotonyie hanaŋ.
\v 14 Itifonyak AsinKrito, Flegon, Hermas, ojo ilasi ille owuon iko isia.
\v 15 Itifonyak Philologus iko Julia, Nereus ojo inasi honyi, ojo Olympas, iko ilia hulo obolo tomojo ilafa owon iko isia.
\v 16 Itifonyak watie inahatai dang tonyaru nomune. Iko Ekelesiat ino Kristo itifonyak iyi.
\p
\v 17 Iyyania awak nayya hiro ta hatai, ilasira, ille egigiala ejio hidofe ilia hullo eyyani bwanya. Ellaŋ isia hitiyenita innafa etiru itai. Baŋa etira te isia.
\v 18 To hiyyo hullo obe egiama iko Habu Kristo, ati hosehen innohosie hame, nyo to hinyiebita inno hirori innohosie enyieb isia hiyyo hullo anyalam tajia innohosie.
\v 19 Anyar eyyen itai baŋi ne eba to hiyyo bi daŋ. Amuno nayya, te itai, ati awak nayya hijo anyar elofere itai to hirro inno olibo, ejio hidofe ebo hirro inne ebwot.
\v 20 Etihar iso Hollum lo himwara kwak Sitan to hejek innahatai. Isiara hamehini na Habu lohoi Yesu Kristo hotowuana daŋ ta hatai.
\p
\v 21 Efonya Timeteo, hegiamani lalaŋ itai, ojo Lucio, Jasone iko Sosipita, hiyyo illo woyyo nohoi.
\v 22 Efonya nayya, Tertio, ille egiorok waraga inna.
\v 23 Efonya Gaiyo, hattoŋitani hanaŋ ojo hidofe ikelesia itai. Efonya Erasto, hattunani lo doŋe inna itai iko Kwarto ilasi honyie.
\v 24 Isiara hamehini na Habu lohoi Yesu Kristo he itai daŋ.
\p
\v 25 Iyyania isiara lohuo hatara nohonyie, tuŋani lo oremik etiwetak iyye iyya to sayye nanaŋ iko to hitiyana no Yesu Kristo, iyya oliew hirro innafa eŋofohini man beren,
\v 26 ati aliew isia, to hikila no higierita, aliew to hiyyo bi daŋ, iyya to hiro no Hollum lo odule tulaŋ, to baŋi no huruk.
\v 27 Isiara kwatan hotodule to Hollum ille agalik to hilofere, iko to Yesu Kristo, tulaŋ. Amen.