lpx_reg/44-JHN.usfm

\id JHN
\ide UTF-8
\h Yoani
\toc1 Yoani
\toc2 Yoani
\toc3 jhn
\mt Yoani
\c 1
\cl ŋati 1
\p
\v 1 Man to hitieri owuon ifa hiram, ojo hiram owuon iko Hollum, ojo hiram ara Hollum.
\v 2 Arania daŋ nobotie, hijo owuon ifa hiram man to hitieri iko Hollum.
\v 3 Oyeuni hiro daŋ tara honye, lobe ifa inya nobe ifa hiro oyeuni inafa oyeuni.
\v 4 To honyi owuon ifa manya, ojo manya nya ara cialai no hiyo bi daŋ.
\v 5 Owulo cialai to idumele, ojo idumele obe oremik hitudun inya.
\p
\v 6 Owuon ifa lobo tuŋani lafa efahu Hollum, Ara ifa fure nohonyie Yoani.
\v 7 Ottu ifa inyia elimak hiram no cialai, hijo anyar eruk to honyi.
\v 8 Ati, obe ifa Yoani ara cialai, ati ottu inyia hetihutek cialai.
\v 9 Ara ifa lia cialai dede lafa ottu ta fau anyar edia to hiyyo bi daŋ.
\p
\v 10 Owuon ifa inya tafau, ojo fau ifa oyeini tara honyi.
\v 11 Ottu ifa inya to hiro innafa ara inohonyie, ojo hiyyo ilo honyi obe omoju inya.
\v 12 Ati emonya ilia hulo omoju inya, ilia hullo eruk tofure nohonyie, to nia esio inya isia hafanu adure ilo Hollum.
\v 13 Iia ilafa esini, ati obe ara to hoto, obe hidofe ara to hiwak nolobo ati ta wahan no Hollum
\v 14 Iyania awoŋ hiram atuŋani ata manya to hiji hohoi. Egonyu iyohoi ohwo nohonyi ohwo inna owuon no olufa tara innak hamai tuŋ ilia afanu tara Monye, efut iko nyalami ojo dede.
\p
\v 15 Elimak Yoani hijo inyia ojo oyyo hijo, Inyia lafa ile lafa ile ajo nayya, ile lafa afanu ta halu hanaŋ owuon iko hagalik holobe nayya, nyo owuon ifa inyia holobe nayya.’”
\v 16 To mune nohonyi emoju iyohoi hamehini asai ta halu honyie.
\v 17 Nyo te ibisiti inafa esiarahini to Musa, ojo hamehini iko dede ottu tara Yesu Kristo.
\v 18 Obe ifa lobo tuŋani egonyu Hollum to nobo holoŋ. Inyia alobotie ojo tuŋani, ile ara Hollum. Lia ile owuon to suhe ho Monye, ehumak inya hotoyyen.
\p
\v 19 Iyyania hituhuti no Yoani inna, lafa efahu Yudea to honye to Yerusalem hetimojoni iko ettaha ilo kelesia anyar efi inyia, “ŋai iyye?”
\v 20 Atta inyia apulok dede, ojo obe orisa, ati etiraŋ Abe nayya ara Kristo.
\v 21 Teyya atta isia hifi inyia, “Era iyye anyo ati, Era iyye Elija, ojo hijo abe nayya ara, ojo isia ata hijo ara iye hekilani, ojo inyia atta hitiraŋ, “Obe.”
\v 22 Teyya ejo isia tohonyi, Iyye ŋai, anyar esio iyyohoi hitiraŋi te ilia efahu iyyohoi? Hejo iyye jai to wan nohoi, ejo inyia hijo,
\v 23 Ara nayya lobo lia ille ayio wan to tim. Ihuhumak hikoi nolobis ta Habu ofe iyya Isaiah hekilak ojo.”
\p
\v 24 Atta isia efahak illak tara farisei.
\v 25 Teyya atta isia hifi inyia hijo, “Nyo ati ebatiso iyye lobe iyye era Kristo iko Elija kuya hidofe hekilani?”
\v 26 Etiraŋ Yoani isia hijo, “Ebatiso nayya to hifioŋ ojo hidonyi to hiji hatai owuon lobo ille ebe itai eremik ahieru.
\v 27 Inyia lia ille ottu wan ta halu hanaŋ. Abe nayya asiru ahou hamuha innohonyie.”
\p
\v 28 Hirro innia daŋ egiamahini ifa to Betani to ŋati nono tololo ho Yordano nafa ebatisori Yoani.
\p
\v 29 Ifa holoŋ hitarihi egonyu Yoani Yesu ottu to honyie atta hijo, “To wolo owuon ker lo Hollum ille eyari hiyyata ade tafau!
\v 30 Inyia lia lafa ajo naŋ hijo lia ille ottu tahalu hanaŋ agalik nayya. Nyo owuon ifa inyia holobe naya.
\v 31 Abe nayya ahieru inyia ati ara iyya nia nafa owu inyia alieu to Israile hijo attu nayya hibatiso to hifioŋ.
\p
\v 32 Elimak Yoani, “Egonyu nayya Oyiri ollu iyya irige te ido, na arasa tohonyi.
\v 33 “Abe naŋ ahieru inyia.” Ati inyia lia ille efahu nayya hijio anyar ebatisok nayya to hifioŋ ojo ta hanaŋ tohonyie egonyu iso itai Oyiri olu atta arasa tohonyie, inyia lia ille ebatiso to Oyiri lolibo.”
\v 34 Egonyu nayya ajo hidofe elimak hijio inyia lia Lonyi Hollum.”
\p
\v 35 Edas, to motie nohonyie, ojo Yoani owueta iko heyiyanak ohorik,
\v 36 egonyu isia Yesu olot, ojo Yoani atta hijo “Toriŋai, lia Ker lo Hollum!”
\v 37 Etiru heyiyanak ilia lohorik Yoani ejo inia, atta isia ejufak Yesu,
\v 38 Teyya ewolo Yesu atta egonyu isia ejufuta inyia atta hijio to hosie “Hewak itai nyo?” Ojo isia atta hitiraŋ “Hetiyenani, ille ara hetiyanani, “Hemanya iyye ta narimai, ojo inyia atta hijio tohosie,
\v 39 “Ifanu ituwolo, ojo isia atta afanu hiwolo hamanya ifa inyia aji?” Amanya isia iko inyia to holoŋ nya teyya ara ifa hitattomoni no holoŋ.
\p
\v 40 Lobotie tara illafa ohorik ilia etiru Yoani ero ojo nia ejufari Yesu iko Anerea, ilasi Simone Peturu,
\v 41 Etieru ifa inyia arrumu ilasi honyi dia atta hijio to honyie, “Arrumu iyyohoi Masiya,” (lafa ara Kristo)
\v 42 Atta eyyani inyia to Yesu ojo Yesu atta hiwolo to honyi atta hijo, “Ara iyye Simone onyi Yoani Eliloŋo iso iyye Kefas” (na ara Peturu,)
\v 43 To holoŋ nobo, awak ifa Yesu eno a Galilea atta inyia arumu Filipo atta hijio ijufak nayya.
\v 44 Teyya ottu ifa Filipo to Beteseda doŋe naba Anerea iko Peturu.
\v 45 Arrumu Filipo Nataniele atta hijo tohonyi, “Lobo lia lafa ojo Musa to ibisit iko to higieri no hikilita arrumu iyyohoi inyia Yesu onyi Yosefu ta Nasarit.”
\v 46 Ejo Nataniele to honyi, “Howuon iso illamuk hirro illo afanu hullo olibo teyya to Nasarit?” Ejo Filipo to honyie woŋ towolo.”
\v 47 Atta Yesu egonyu Nataniele ottu to honyi atta hijo, igonyu ille Isaraili dede to honyie obe hinyaba.
\v 48 Ejio Nataniele to honyie hetu iyye hiyyen naya jai?” Ojo Yesu atta hitiraŋ atta hijo to honyie holobe Filipo hillilloŋ inyia, “Nafa ewuanari iyye to hitto ho yani egonyu ifa nayya iyye.”
\v 49 Eitiraŋ Nataniele, “Hetiyenani, era iyye Onyi Hollum! Ara iyye Habu lo Isaraile!
\v 50 Ojo Yesu atta hitiraŋ hijo tohonyi, iyya nia ajo nayya tohoi hijo egonyu naya iyye to hitto yani.’ Heruk iso iyye, egonyu iso iyye hirro hunna agalik tara innia.
\v 51 Ejo Yesu, “Dede, ajo nayya tohoi egonyu iso iyye ido aŋa ojo anjilohien illo Hollum ore, ojo hidofe olu to Onyi Tuŋani.”
\c 2
\cl ŋati 2
\p
\v 1 To hitahunihi no holoŋ, owuon ifa hiyama ta Kana no Galilea, ojo ifa hotonye Yesu owuon dia.
\v 2 Ellilloŋo ifa hiyyo Yesu iko heyiyanak illohonyie to hiyama nyia.
\v 3 Nafa enyie balu, ejio hotonye Yesu te inyia, “Enyie balu tara hosie.”
\v 4 Etiraŋ Yesu, tuŋani innaŋ, Nyo hidofe hiram nanaŋ iko nia? Holobe holoŋ nanaŋ awoŋ”
\v 5 Ejio hotonye honyie to hegiamak, “Lejio inyia ta hatai igiama, anyar egiem itai.”
\v 6 Ati owuon ifa mocio inno moru ile dia innafa oduleri Yudea ellillari lo owuana karamat innohosie, oremik ciama sofiyaha arik iko hunik.
\v 7 Ejio Yesu to hosie, “Itufutak hifioŋ tohosie.” Ati etifutak isia mocio nia bel bel.
\v 8 Teyya atta inyia elimak hegiamak, “Itiwuohu inak ade iyyania iyiari to hegiamani lia hittok.” Atta isia higiem.
\v 9 Eniŋ hegiamani lia hitok hifioŋ ino edualaŋa ati obe inyia oyyen hijo edoŋ balu nia tai? (Ati oyyen hegiamak illafa owohok wati hifioŋ nia). Atta inyia hillilloŋ hiito oliawa hayamani.
\v 10 Atta hijo to honyie, ititek balu nia odua wan doo ati ta halu ho rumai nohosie isiara nia ofiak wuan. Ati anyar etunak iyye lia odua wan man iyania.”
\v 11 Etiara ifa duaran nohonyie ta Kana no Galilea ojo ifa ara hitierita inno hituhututa ino iduariti, innafa egiem Yesu, hetuhutahini lohuo nohonyie, man eruk heyiyanak illohonyie to honyie.
\p
\v 12 Tahalu teyya eno Yesu, a Kapernaum, iko hotonye honyie, halasirak honyie, ojo heyiyanak illohonyie, ojo teyya atta isia hittole holoŋitek kai.
\p
\v 13 Nafa awoŋ holoŋ no laŋan no hituduara ilo Yudea, atta Yesu enno a Yerusalem.
\v 14 Orumek inyia hiyyo etinyaŋa tamoti illo husuŋ, kioro ojo hohoron to omojori. Ettole ifa hidofe hetittobok ha arobia dia.
\v 15 Teyya adumu inyia hali atta hibak isia ojo efuhai isia adde ta haji imojit, daŋ iko kioro ojo tamoti illo husuŋ. Atta inyia asulai adde arobia inno hiyyo illo eloito arobiya, terefejeha innohosie ta fau.
\v 16 To hetinyaŋak ho hohoron, ejio inyia, “Iyari hirro hunna daŋ adde teni. Ibaŋa emak haji no Monye hanaŋ etinyaŋari nahatai.”
\v 17 Egigilu efahat illohonyie hijo egioro ifa nia, “Hitihi no haji nahatai iso esok nayya.”
\p
\v 18 Teyya atta hekumok ilo Yudea hitiraŋ tohonyie hijo, “Nari hituhuti iso nia etihutek iyye iyyohoi to nyo egiama iyye hirro hunna?”
\v 19 Etiraŋ Yesu, “Esiaha omojori nia, ati to holoŋitek hunik attohok iso nayya.”
\v 20 Teyya ejio hekumok illo Yudea, “Eyari te iyyohoi ŋasi tomwuana aŋwan he ile, ati etidietik iso iyye inyia ahide to holoŋitek hunik?”
\v 21 Ati ero ifa inyia omojori no wuan nohonyie.
\v 22 Ati teyya tahalu, nafa owuarini inyia to ye, egigilu heyiyanak illohonyie hijo ejio inyia nia, ati eruk isia to higierita ojo to hirorita innafa ero Yesu.
\p
\v 23 Nafa owuanari inyia to Yerusalem to holoŋ no laŋan no hitudwuara, to holoŋ no karama, eruk arria to fure nohonyie, nyo egonyu isia hituhututa inno iduariti innafa egiem inyia.
\v 24 Ati, obe Yesu eruk wan nohonyie tohosie nyo oyyen inyia hiyyo daŋ
\v 25 ojo obe awak lobo tuŋani hetuhutek hirro inno fau daŋ. Oyyen inyia to wan nohonyie nyo ifa owuon to hirro inno fau daŋ.
\c 3
\cl ŋati 3
\p
\v 1 Iyyania owuon ifa lobo la Farisei fure nohonyie Nikodemus, ara ifa inyia etok lo Yudea.
\v 2 Ottu tuŋani lia tara Hollum to tiŋ na harie atta hijio to honyie, “Hetiyenani, eyyen iyyohoi hijo ara iyye hetiyanani ille ettu tara Hollum ati obe lobo tuŋani lo oremik higiem hituhutita nia egiem iyye kuya mahati lowuon Hollum he inyia.”
\v 3 Etiraŋ Yesu inyia, “Dede, dede, kuya mahati esini lobo inyiak, obe inyia egonyu obie no Hollum.”
\v 4 Ejio Nikodemo tohonyie, oremik iso tuŋani ille emaruak wan esini jai? Obe inyia oremik ajiŋak hinyak ahotuai ho hotonyie honyie atta esini, oremik iso inyia?
\v 5 Etiraŋ Yesu, “Dede, ilo esini inyia to hifioŋ ojo to Oyiri, obe inyia oremik ajiŋak to obie no Hollum.
\v 6 Lia lesini wan to tuŋani ara tuŋani, ojo lia esini wan to Oyiri ara Oyiri.
\v 7 Baŋa elafuho to hirro inia ajo nayya tohoi, ‘Anyar enyiak iyye esini aŋejuk.’
\v 8 Ohut oyyami amai na awak inyia hutan. Etiru iyye hiyorro nohonyie, ati obe iyye eyyen hijio ottu inyia tai ojo owu inyia aji. Ati esini hiyyo bi daŋ to Oyiri.”
\v 9 Atta Nikodemo hitiraŋ hijio, “Owuon iso hirro hunna jai?”
\v 10 Etiraŋ Yesu inyia, hera iyye hetiyanani lo Isaraile, ejio iyye ettumo hirro hunna?
\v 11 Dede, ero iyyohoi ania huna eyyen iyyohoi, ati eruk iyyohoi to ino egonyu iyyohoi. Ati obe itai eruk hitihutita innohoi.
\v 12 Iyya elimak Nayya ta hatai ho hiyyo hirro inno fau ta ojo hidofe itai obe eruk, eruk iso itai jai lelimak Nayya itai hirro nia te ido?
\v 13 Obe lobo to ore ahide ido ilo inya hame lia ollu te ido, Lonyi Tuŋani.
\v 14 Iyya nafa ekaf Mose munu ahide to waha, ati hidofe akafa iso Lonyi Tuŋani hidofe
\v 15 anyar mahati lia eruk daŋ wuana ho manyia no osio fur.
\p
\v 16 Nyo omuno Hollum fau, atta inyia hisio Lonyi honyie lobotie, hijio lia leruk to honyie obe iso oye ati owuon iso ho wuaran no osio fur.
\v 17 Obe Hollum efahu lonyi honyie afau hijo anyar etipala, ati anyar etiluahini fau te inya.
\v 18 Obe iso inyia etipal lia eruk tohonyie. Lia obe ara heruhoni ara isia hepalak luŋa anyar obe inya eruk to fure no Lonyi Hollum.
\v 19 Hiram nyia oŋot Hollum nia, hijio awoŋ cialai afau, ojio tuŋani omuno idumele tara cialai anyar orru ifa higiama nohosie.
\v 20 Iyya to huwo lia egiama irruti obe awak cialai ojo obe awak afanu to cialai hijo anyar obe higiemita innohonyie mahati etiliehini.
\v 21 Ati, lia egiama ilibiti ottu acialai hijo anyar mahati egonyini higiemita innohonyie ojo hidofe isia eyyani to baŋi no Hollum.”
\p
\v 22 Ta halu, eno Yesu iko heyiyanani illohonyie afau ho Yudea. Teyya ohitole ifa inyia iko isia ojo etifoto isia.
\p
\v 23 Teyya etifoto ifa hidofe inyia Yoani to Aenon a ŋati ho Salim nyo owuon ifa hifioŋ inno obore dia. Afanu ifa hiyyo to honyie ojo ifa hidofe etifotohini,
\v 24 ati holobe ifa Yoani ebirohini ahotuai kijan.
\v 25 Ati teyya odioto ŋalafa to heyiyanak illo Yoani iko Yudea tamai ho karama.
\v 26 Efie isia to Yoani atta hijo to honyie, “Rabbi, lafa owuon iko hoi aŋati ha hari no Yordano, talafa etihutehini iyye, owolo, etifoto inyia, ojo nia bi daŋ ofu to honyie.”
\v 27 Etiraŋ Yoani, “Obe lobo tuŋani orumu inak hirro ille hesiarahini mahati to honyie te ido.
\v 28 Itai to wati innahatai aremik hiruk rori inne ero nayya ta hatai, obe ‘Nayya ara Kristo, ati iyya nia ajo nayya,’ ‘Attu ifa nayya to hosiere honyie.’
\v 29 Lia lowuon iko hiito noŋoruo ne heletek ayemuni inyia hayamani. Ati oriaha hayamani lia letole iko inyia hidofe etira to honyie omuno binno letiru inyia hirorita ha hayamani. Iyyania efut naŋ iko imuniti.
\v 30 Hotokwuata fure no Yesu binno ojio nanaŋ odicio binno.
\p
\v 31 Lia ottu te ido, obolo inyia agalik daŋ, ati lia lottu ta fau inyia la fau. Hidofe ero inyia to hirro inna fau. Lia ottu te ido, inyia agalik daŋ.
\v 32 Elimak inyia hituhutita to hiro ino etiru inyia hidofe egonyu ati obe lobo omoju hituhutita innohonyie.
\v 33 Lia omoju hituhutita innohonyie, eruk inyia to hillama hijio ara Hollum dede.
\v 34 To lia lefahu Hollum erro hirorita inno Hollum. Nyo etufutak Hollum inyia to Loyiri lo olibo.
\v 35 Omuno Monye Lonyi honyie hidofe esio ta hani nohonye hirro daŋ.
\v 36 Le eruk to Lonyi honyie, owuon iso ho wuaran no osio fur, ati lia lomiasa inyia obe iso egonyu wuaran, ati ejoria iso Hollum to honyie fur.”
\c 4
\cl ŋati 4
\p
\v 1 Ifa eyyen Yesu hijio etiru Farisei hijio obolo iluluŋ nohonyie ojio hidofe Yesu ebatiso heyiyanak arria agalik illo Yoani,
\v 2 (obe ifa Yesu ebatiso nobo, ati heyiyanak illohonyie ifa ehuma),
\v 3 atta inyia ebusari Yudea atta eno Galilea.
\v 4 Iyyania ara ifa nia luŋa hijio anyar owu inyia a Samaria.
\v 5 Teyya awoŋ inyia abore gala no Samaria, ne ellilloŋo hijio Sikar, eliaha ho bur no Yakobo nafa esio inyia to onyi honye Yosefu.
\v 6 Owuon ifa Yokobo dia nalanyar. Ettaban ifa Yesu holoton atta ahunye aŋati ha hari. Ara ifa holoŋ iŋalio.
\v 7 Ottu ifa hiito noŋoruo no Samaria owohori hifioŋ, atta Yesu hijo to honyie, “Isiara nayya ilak hifioŋ amat.”
\v 8 Nyo efi heyiyanak illeti ade abore gala enyiaŋari lobo ŋiria.
\v 9 Atta hiito noŋorwo Samaritanani hitirraŋ hijio to honyie, “No nyo emojo iyye hifioŋ amatat ta hanaŋ, iyye Yudetani ajo naŋ ara a Samaritani?” Nyo oliwa Yudea iko hiyyo illo Samaria.
\v 10 Atta Yesu hitirraŋ hijio, “Leyyen ida iyye hisiori no Hollum, ŋai lia lojo tohoi hijio, ‘Isiara naya amatat.’ Nefi ida iyye inyia atta ida inyia hidofe hisio iyye hifioŋ inno owuar.”
\v 11 Atta hiito noŋorwo nia hijio, “Ettok obe nobo iwohit to hoi, ojo hidofe hirri nia owudo binno. Errumek iso iyye hifioŋ inno owuar aji?
\v 12 Ebe iyye egalik hohonyi hohoi Yokobo, lafa esio dohooi hirri inna, ojo hidofe amata inni ta wan nohonyie daŋ iko onyirok honyie ojo hanyahanya innohonyie?”
\v 13 Atta Yesu hitirraŋ to honyie hijio, “Tuŋani lamata hifioŋ hunna, enyiak iso hiboto agalik,
\v 14 Ati lemat lobo hifioŋ innia esioŋ naŋ to honyie, obe iso inyia hidas hiboto. Nyo, odule iso hifioŋ ino esio naŋ inyia iyya otilik nobe otte neyyani to honyie wuaran no osio fur.”
\v 15 Atta hiito noŋorwo nia hijio to honyie, “Ettok, isiara nayya hifioŋ innia anyar naŋ abe hinyiak hiboto, ojo hidofe abe enyiak loton inni owohori.”
\p
\v 16 Atta Yesu hijio to honyie, “Ino, illilloŋo oliawa hoi, iticiohini eni.”
\v 17 Etirraŋ hiito noŋorwo nia hijio, “Obe nayya oliawa.” Ojio Yesu atta hijio tohonyie, “Ebis iyye to hijio tonohoi hijio obe iyye lobo hiito oliawa,’
\v 18 nyo ewuon ifa iyye iko liawa miet, oliawa lowuon iko hoi iyyania, obe ara nobo oliawa hoi. Ara hiro nara ero iyye dede!”
\p
\v 19 Atta hiito noŋorwo hijio, “Ettok, ewolo nayya hijo era iyye a hekilani.
\v 20 Etihabuwo ifa hohonyiok hohoi to doŋe inna, ati ejo itai hiyyo illo Yudea hijio, etihabwo itai to Yerusalem, doŋe netihabwori hiyyo daŋ Hollum.”
\v 21 Atta Yesu hitirraŋ to honyie hijio, “Hanasi hanaŋ, iruho nayya, nyo ottu iso holoŋ nebiaŋari iyye eremik hitihabuwo Monye to doŋe inna, kuyya hidofe to Yerusalem.
\v 22 Itai hiyyo inno Samaria, etihabuwo itai sihin nebe itai eyyen. Etihabuwo iyyohoi sihin neyyen iyyohoi, nyo ottu etilohini to Yudea.
\v 23 Ottu iso saa, ati iyyania eba inni, nofwo hetihabwok hitihabwuo Monye to oyiri iko to bisan, nyo osiaha Monye hiyyo iyya hullo hatara hetihabwok illohonyie.
\v 24 Ara Hollum Oyiri, ojio hiyyo ille etihabuwo inyia, hetihabwoi inyia to oyiri iko to bisan.”
\v 25 Ojio hito noŋorwo tohonyie, “Ayyen naŋ hijio ottu iso Onyimoti lia leliloŋo Kristo. Lawoŋ inyia elimak iso inyia iyyohoi hirro daŋ.”
\v 26 Atta Yesu hijio to honyie, “Nayya lia ero tohoi, nayya lia.”
\p
\v 27 Halarasa inyia hiro ho tuŋani nia, afanu heyiyanak illohonyie, atta hilliliha hijio no nyo ero inyia iko hiito noŋorwo nia, ati obe ifa lobo oremik hijio, “Ewak iyye nyo?” kuyya hidofe lobo lojio, “No nyo ero iyye he inyia?”
\p
\v 28 Niya, atta hiito noŋoruo nia ŋebusak moti no hifioŋ, atta aciahari ahaŋ man owu hiro to hiyyo, hijio,
\v 29 “Ifanu, itiwolo tuŋani lelimak nayya hirro daŋ innafa ehuma nayya beren. Obe ille luŋa ara Kristo, hara mahu inyia Kristo lafa?”
\v 30 Odioto isia atta ebusari bore gala atta afanu oriŋari inyia.
\p
\v 31 Hafanu isia ta haŋ kwak, atta heyiyanak hijio tohonyie, “Hetiyenani, woŋ adaha do ŋiria.”
\v 32 Ati ojio inyia to hosie, “Owuon ŋiria hanaŋ, nebe itai eyyen.”
\v 33 Atta heyiyanak hiro to wati innohosie hijio, “Holobe lobo tuŋani eyyani to honyie nobo daha, eyyani ati mahu hiyyo?”
\v 34 Atta Yesu hijio to hosie, “Ara daha nanaŋ hihuma wahan no lia lafa efahu naŋ hegiamari igem nohonyie.
\v 35 Obe itai ero hijio, ‘Ebuhari yafajin aŋwan atta mana iso libe to dioŋo’? Elimak naŋ itai, itiwolo mana, nyo odon atta hidofe aremik to dioŋo!
\v 36 Omojuta hadioŋoni idumuti inno haŋer atta hidofe ettutubu wuaran, hijio anyar omuno hadioŋoni iko hayani lo hinyomo daŋ nobotie.
\v 37 To hiram nia, obis hiram nojio dede, ‘Oyek lobo, ojio lobo odieŋu.’
\v 38 Efahak naŋ itai odioŋori mana nobe itai egiama. Egiemu hilak, ejio itai ta wati te innahatai ejiŋak te igem nohosie.”
\p
\v 39 Eruk hiyyo arria illo Samaria to honyie to bore gala nyia nyo elimak ifa hiito noŋorwo isia hirro bi daŋ, “Elimak inyia nayya hirro innafa egiem naŋ daŋ ifa beren.”
\v 40 Nafa afanu Farisei to honyie, awak ifa isia Yesu hetolojo he isia holoŋitek hunik.
\v 41 Tonia enyiak hiyyo arria hiruk hiram nohonyie.
\v 42 Ojio ifa isia to hiito noŋorwo, “Eruk iyyohoi, obe ojio ara hiram nohoi hame, ati etiru iyyohoi to wati te innohoi, eyyen hidofe iyyohoi dede ara inyia hetilahani lo huwo daŋ ta fau.”
\p
\v 43 Ta halu ho holoŋitek arik, owu Yesu teyya a Galilea.
\v 44 Nyo Ero Yesu to wan to nohonyie hijio obe hekilani orrumek nobo baŋi to doŋe hosie.
\v 45 Nafa eba inyia ta Galilea, omuno ifa hiyyo illo Galilea atta amoju inyia. Nyo egonyu ifa isia hirro innafa egiem Yesu daŋ to Yerusalem ta far nafa eyyomori hiyyo, nyo ofu ifa isia amai eyomori dia.
\v 46 Tonia enyiak inyia awoŋ adoŋe Kana na Galilea, mai nafa eloitori inyie hifioŋ inna ajalaŋi inne eruatiŋo. Owuon ifa lobo dafit loŋwai onyi honye ta Kapernum.
\v 47 Etiru ifa inyia hijio, lia Yesu ebusari Yudea, enyiak acahari a Galilea, owu inyia to Yesu efiari hijio anyar owu hitilibo onyi honye, nyo eliaha ifa inyia ye.
\v 48 Ojio Yesu to honyie, lobe itai egonyu hituhutita iko iduwariti, ebe itai eruk.”
\v 49 Atta dafit lia hijio to honyie, Habu, woŋ, efie kokwak holobe hiito nanaŋ oye.”
\v 50 Ati ojio Yesu to honyie hijio, “Ino, owuar lonyi hoi.” Niyya, eruk tuŋani lia hirro daŋ inne ero Yesu to honyie, atta inyia eno hikoi nohonyie.
\v 51 Nafa holot inyia to hiikoi, atta inyia eboŋohini ho hegiamak illohonyie, ille elimak inyia hijio, howuar onyi hoi.
\v 52 Atta tuŋani lia hifia isia hitieri no holoŋ na anyarruni inyia. Atta isia hitirraŋ do honyie hijio, “Ebusak nohon na wan nia inyia saa hattarik iŋole ŋole te iŋalio.”
\v 53 To nia, atta monye agilu hijio, saa nyia nia noŋole erarari Yesu to honyie hijio, “Owuar onyi hoi.” Atta inyia hiruk ta wan nohonyie daŋ iko woyyo nohonyie daŋ.
\p
\v 54 Hitarrihi no hituhuti no Yesu nia ne egiem inyia nafa ottuni inyia ade tara Yudea no Galilea.
\c 5
\cl ŋati 5
\p
\v 1 Ta halu ho hirro innia owuon ifa hiyyom no Yudea ojio Yesu ohu man Yerusalem.
\v 2 Ati to nobo tafar to Yerusalem ne eliaha te ikat ho hine. Efurek Eberei inyia Beteseda Owuon inyia iko massik inne elik miet.
\v 3 Ta massik hunna eftifioro isia hiyyo haŋuak inno emonya, haŋodok, haŋurak, iko illo eyyokie hetilari hifoliahita no hifioŋ.
\v 4 Nyo olocita ifa anjilo la Habu to nobo holoŋ atafar hetifoliahari hifioŋ. Ta halu ho hifoliahita no hifioŋ lia lesurok to hotwai ho hifioŋ ahosiere atta nyarru tara ŋuai to nohonyie.
\v 5 Ati owuon ifa lobo tuŋani dia lo oŋuai ŋasi tomwana hunik hohottohunik.
\v 6 Nafa egonyu Yesu inyia ofer dia ojio inyia oyyen hijio owuon inyia dia beren, ojio to honyie, “Hewak iyye nyarru?”
\v 7 Atta tuŋani lia hitirraŋ to honyie hijio, “Habu, obe tuŋani la akafak nayya ahotuai ho hifioŋ lefoliahita. Lajio naŋ esurok to hifioŋ atta lobo esurok to hosiere hanaŋ.”
\v 8 Ojio Yesu to honyie, “Te'tte, akafu ijotit nohoi, ino.”
\v 9 Kokwak atta tuŋani lia nyarru atta inyia akafu ijotit nohonyie atta eino. Ara ifa holoŋ nyia holoŋ na Sabato.
\v 10 To nia ojio Yudei to tuŋani le etinyar Yesu hijio, “Ara ena holoŋ no Sabato, to nia odua tohoi ha akafini ijotit nohoi.
\v 11 Atta inyia hitiraŋ hijio, “Tuŋani le etinyar nayya le elimak nayya hijio, “Takafu ijotit nohoi ino.”
\v 12 Efia isia inyia hijio, “ŋai tuŋani lia lojio tohoi hijio, ‘Takafu ijotit nohoi, ino?”
\v 13 Ati obe tuŋani lara etinyar Yesu oyyen hijio ŋai lia nyo eno Yesu ade nyo owuon iluluŋ no hiyyo ta mai nya.
\p
\v 14 Ta halu orrumek Yesu inyia ta haji imojit inna hittok atta hiro to honyie hijio, “Torriŋai, anyarruu iyye baŋa lenyak eyyau nyo iso nobo sihin nolorru agalik ottu tohoi.
\v 15 Ohu tuŋani le elimak Yudea hiji, Yesu hara lara etinyar nayya.
\v 16 Tonia, atta Yudea hitiara hitigiama Yesu nyo ehuma inyeja hirro hunna to Sabato.
\v 17 Ati elimak Yesu to hosie hijio, “Holodule Monye hanaŋ higiama man iko ena ojio hidofe naŋ adule higiama.”
\v 18 To hiram inna osiaha Yudea binno hattohori inyia nyo obe ara to huturuo nohonyie Sabato hamai, ati hidofe nyo ellilloŋo inyia Hollum Monye honyie heticalari wan nohonyie iko Hollum
\v 19 Atta Yesu hitirraŋ too hosie hijio, “Dede, elimak naŋ itai hijio, obe Lonyi oremik hihuma nobo sihin to wan to nohonyie ara legonyu inyia sihin ne ehuma Monye. Nyo hirro ta hunna ehuma Monye, ehuma iso hidofe Lonyi honyi.
\v 20 Nyo to munoi no Monye Lonyi, etuhutek inyia hirro daŋ hunna ehuma inyia to wan nohonyie. Hidofe etuhutek iso Monye hirro hunna obolo agalik hunna hijio anyar elliliha itai.
\v 21 Nyo iyya etubuhu Monye hayok atta hinyiak hisio wuaran, atta hidofe hisio Lonyi wuaran te illo onyimu inyia.
\v 22 Obe Monye oŋot nobo no lobo tuŋani ati esio inyia ŋoto no hirro daŋ to Lonyi honyie,
\v 23 hijio anyar etihabuo hiyyo daŋ Lonyi honye iyya etihabuo isia Monye. Lia lo obe etihabuo Lonyi honye, obe inyia etihabuo Monye le efahu Lonyi.
\v 24 Dede, elimak naŋ itai hijio letiru hirorita innanaŋ ojio hidofe eruk do lia le efahu naŋ, owuon iso iko wuaran no odule fur. Obe iso Hollum oŋotok ye to honyie tuŋ ati aluai inyia to ye to wuaran.
\p
\v 25 Elimak naŋ ta hatai dede hijio, ottu holoŋ, eba hara holoŋ ne etiruni hayok hirorita inno Lonyi Hollum ojio liya ille etiru owuar iso.
\v 26 Iyya owuon Monye iko wuaran to wan honyie to nia esio inyia Lonyi wuaran hotowuana to wan nohonyie,
\v 27 Ojio Monye atta hisio Lonyi duaran haŋotori hirro nyo ara inyia Lonyi Tuŋani.
\v 28 Ibaŋa ellilliha to hirro inia nyo ottu iso holoŋ ne letirarari illo te ilumioho hiro nohonyie, attati afanu ade te ilumioho.
\v 29 Liya ille ehuma no olibo, afanu to hebuhuni no wuaran, ojio hidofe lia ehuma holoŋi daŋ no lorru afanu iso to hebuhu no ŋoto ho hirro.
\v 30 Abe naŋ aremik hihuma nobo sihin to wan nanaŋ. Aŋot naŋ iyya etiru naŋ hidofe obis ŋoto nanaŋ.
\p
\v 31 Nyo abe naŋ asiaha wahan nanaŋ ati wahan no lia lafa efahu nayya. Lelimak naŋ ta wan to nanaŋ, obe iso eruk hijio ara dede.
\v 32 Ati owuon lobo lo ero to fure nanaŋ ajio naŋ ayyen hijio nyo lero inyia ara dede.
\v 33 Efahak ifa itai hilak hiyyo to Yoani ojio inyia elimak inyie hilosut inna ara dede.
\v 34 Ati abe naŋ eruk hilosut no lobo tuŋani. Ero naŋ iyyania hijio anyar etilohini itai.
\v 35 Ara ifa Yoani iyya lomo ne etuwulek atta wule, nyo emuno ifa itai hettolojori to cialai honye.
\v 36 Ati awuon naŋ iko hilosut no obolo agalik no Yoani, nyo ara igiem ne esio Monye hanaŋ asut hijio efahu Monye nayya.
\v 37 Ojio Monye le efahu nayya ara asut to wan nohonyie ta nayya. Holobe lobo lahatai etiru hirorita innohonyie man ifa beren.
\v 38 Obe hirorita innohonyie to hotuaijin hatai nyo ebe itai eruk lia le efahu inyia.
\v 39 Ehiana itai higierita nyo egigilo itai hijio errumek iso itai wuaran no losio fure.
\v 40 Ati ibe itai efanu ta hanaŋ harrumuni wuaran.
\p
\v 41 Abe naŋ eruk hitahuo no hiyyo,
\v 42 ati ayyen naŋ itai hijio obe itai emuno Hollum ta tajia te innahatai.
\v 43 Attu nayya to fure no Monye hanaŋ. Ibe itai erriehu nayya kuyya ottu lobo to fure nohonye ejio itai atta arriehu lia.
\v 44 Jiai eremik itai hiruk le esiaha itai hitahuo no hiyyo, ejio itai ibe esiaha hitahuo no lottu tara Hollum?
\p
\v 45 Ibaŋa egigilo hijio etisiahak iso nayya itai to Monye. Mose inyia hetisiahani lahatai eijo itai eyyik to honyie.
\v 46 Nyo leruk itai Mose dede attati itai iso hiruk nayya egioro ifa inyia ta nayya.
\v 47 Ati le ebe itai eruk higierita innohonyie, jiai iso eruk itai hirorita innanaŋ?”
\c 6
\cl ŋati 6
\p
\v 1 Ta halu ho hirro innia, atta Yesu eno otifor na hari nettok no Galilea, ne efurek hijio Hari no Tiberio.
\v 2 Ejufuta ifa iluluŋ no hiyyo inyia nyo egonyu ifa isia iduariti inno obolo hunna ehuma inyia to haŋuak.
\v 3 Atta Yesu hirre a nobo doŋe atta hitole dia iko heyiyenak illohonye.
\v 4 Iyyania eliaha ifa hiyyom na laŋan nettok no hiyyo illo Yudea.
\v 5 Ofiala ifa Yesu atta egonyu hiyyo arria illa afanu to honyie atta inyia hijio to Filipo, “Enyiaŋu iso iyyohoi imuniaha tai anyar hiyyo hullo adaha?”
\v 6 Ero Yesu iyyania haciamari Filipo, nyo oyyen ifa inyia nyo nia owu inyia higiem.
\v 7 Etiraŋ Filipo inyia hijio, “Ara da hido arobiyaha inno obore iyya nyo, obe oremik to hiyyo hullo bi daŋ, ebubun ida hido hiyyo kai kai.”
\v 8 Atta lobo heyiyenani lohonye lara fure Anerea ilasi Simone Peturu hijio,
\v 9 “Lobo hiito ille owuon iko imuniaha miyet ojo ham arik, horemik iso ati innia jai te iluluŋ no hiyyo illia?”
\v 10 Atta Yesu hijio, “Ilimak hiyyo hetolojo, obolo miyaŋ ta mai nia. Atta hiyyo hitole ta fau, ara ifa iluluŋ no hiyyo nia alif miyet.
\v 11 Atta Yesu adumu imuniaha, atta hisio humo, atta hisio to liyya illafa etole. Atta inyia aharak ham iyya awak isia.
\v 12 Nafa afoŋi isia, atta Yesu elimak heyiyenak illohonyie, “Itusuduhak ofitok ino ofitini tara hosie hotobiaŋa isia omuria.”
\v 13 Atta isia asuduhak man enyiak etufutak ofitok lur to gufasien tomon harik tara liyya ebusak to daha nohose.
\p
\v 14 Nafa egonyu isia duaran nettok nafa ehum Yesu, Ojio hiyyo lia hijio, “Dede ara tuŋani ille hekilan lafa eyyani sayye lafa ojio ottu iso afau.”
\v 15 Nafa egonyu Yesu hijio afanu iso isia eniefu inyia to golon hatara inyia a habu, atta inyia hilunya adoŋe hame to wan nohonyie.
\p
\v 16 Nafa era iŋalio atta heyiyenak illohonye efie ahari nettok.
\v 17 Teyya atta isia arrek togoli, atta laŋan a hari a Kapenam. (Era ifa iŋalio, ati holobe ifa Yesu awoŋ do hosie.)
\v 18 Etiara ifa oyyami ne efiriwa, man efoliahita ifa hari no orru.
\v 19 Nafa egurori isia alamarai to hiji ha hari, egonyu ifa isia Yesu olot to hide hifioŋ lottu to hosie, abaŋi ifa isia binno.
\v 20 Attati inyia hijio hijio to hosie, “Hebaŋ! Nayya lia.”
\v 21 Atta isia ehutu to honyie to togoli hotorrek he isia. Kwak, atta togoli hiba to otifor na hari no ofuyere isia.
\p
\v 22 Ifa motie nohonyie, egonyu iluluŋ no hiyyo illafa arrasa to otifor na hari toolo togoli nobotie no owueta dia nafa ho Yesu, atta isia hiyyen hijio holobe hada Yesu eno iko heyiyanak illohonye, ati heyiyenak hafa hame ofwo ade ta wati illohosie.
\v 23 Afanu innak togolisien to Tiberia aŋati ta mai nafa adahari isia imune ta halu ho hisio na Habu humo to Hollum.
\v 24 Nafa egonyu iluluŋ no hiyo hijio obe Yesu iko heyiyenak ilohonye tara, atta isia arrek to togolisien atta asiahari Yesu A Kapenum.
\p
\v 25 Nafa orrumuni isia inyia aŋati hari nettok tololo, atta isia hijio to honye, “Hetiyenani, anu iso ettu iyye eni?”
\v 26 Atta Yesu hitirraŋ isia hijio, “Elimak naŋ itai hijio, esiaha itai nayya dede, obe ara hijio egonyu ifa itai iduariti, ati esiaha itai idahiti iyya innafa enya itai atta itai efoŋi.
\v 27 Ibaŋa egiama to daha no oremik murai ati igiamai ŋiria ne esio Lonyi Tuŋani nafa itai, nyo esihok Hollum Monye wuaran to honyie.”
\p
\v 28 Atta isia to honyie hijio, “Hegiem iso iyyohoi nyo anyar egiama iyyohoi igiemita inno Hollum?”
\v 29 Etirraŋ Yesu to hosie hijio, “Ara igem no Hollum tiji: iruho to lia lafa efahu inyia.”
\v 30 Ati ejio isia to honyie, “Nari iduarit iso nia egiem iyye ne eremik iyyohoi egonyu ejio iyyohoi atta hiruk iyye? Hegiem iso iyye nyo?
\v 31 Adaha ifa hohonyiok hohoi ŋiria nafa ottu te ido to waha iyya egioro ifa hijio, “Esio ifa do hosie imune te ido hatadahai.”’
\p
\v 32 Atta Yesu hitirraŋ to hosie hijo, “Dede, obe ifa ara Musa esio ta hatai imune te ido, ati Monye hanaŋ esio ta hatai imune inna dede te ido.
\v 33 Nyo ara imune no Hollum nottu afau te ido, atta hisio wuaran nohonye ta fau.”
\p
\v 34 Niyya, atta isia hijio to honyie, “Habu, todule hisiara iyyohoi imune nia holoŋitek.”
\v 35 Atta Yesu hijio to hosie, “Nayya imune lo wuaran, ati lawoŋ lobo tuŋani ta hanaŋ, obe iso inyia enyiak wode, ojio hidofe, leruk lobo da hanaŋ obe iso inyia enyiak hiboto.”
\v 36 Ati iyyania elimak naŋ itai, egonyu itai nayya ejio itai ebe eruk.
\v 37 Hiyyo daŋ ille esio Monye hanaŋ ta hanaŋ, afanu iso ta hanaŋ ojio hidofe lottu ta hanaŋ abe iso naŋ efuhai inyia adde.
\v 38 Abe naŋ attu te ido afau egiamari wahan nanaŋ ati attu naŋ egiamari igem no lia lefahu naŋ.
\v 39 Wahan no tuŋai le efahu nayya inna, hijio hotobiaŋa naŋ etilitek illia ille esio inyia da hanaŋ, ati anyar etubuhu naŋ isia to holoŋ ne esidori fau.
\v 40 Wahan no Monye hanaŋ inna; illia illo oriŋa to Lonyi ojo hidofe eruk to honye, owuon iso isia iko manya no owuon mak, ajio hidofe naŋ atta etubuhu isia to holoŋ ne edisori fau.
\p
\v 41 Nia atta Yudei hitiara hiŋuŋunita to hiram ne ero inyia, nyo ojo inyia hijio, “Ara naŋ imune nottu te ido.”
\v 42 Atta isia hijio, “Obe ara Yesu ille lonyi Yosefu? Ile leyyen iyyohoi monye iko hotonye honyie? No nyo ojio inyia hijio “Attu inya te ido’?’”
\v 43 Atta Yesu hitirraŋ to hosie hijio, “Ibusak hiŋuŋunita nia hatai.
\v 44 Obe lobo tuŋani oremik awoŋ ta hanaŋ aracie Monye lia le efahu naŋ iso oremik arihini inyia, ajio iso naŋ etubuhu inyia te icuŋi no holoŋ.
\v 45 Nyo egiorok ifa hekilak hijio, ‘Etiyena iso Hollum isia. ‘Tuŋai letiru tara hanaŋ ojio hidofe etiyenu tara Monye Hanaŋ, ottu iso tahanaŋ.
\v 46 Obe lobo tuŋai oremik egonyu Monye, aracie lia lo ottu tara Hollum, egonyu inyia Monye.
\v 47 Dede, dede, lia le eruk, owuon iso ho manya no odule mak.
\v 48 Ara naŋ imune no wuaran.
\v 49 Adaha ifa monyie hatai ŋiria ta waha, atta ye.
\v 50 Oremik hiyyo daha imune inna, ati obe iso isia oye. Imune inna ottu a fau te ido.
\v 51 Nayya imune no wuaran nottu te idou afau. Lenya lobo imune inna, owuar iso inyia mak, nyo ara wan nanaŋ imune ne esio naŋ to wuaran no hiyyo illa fau.”
\p
\v 52 Attati Yudei hitiara hijoria to wati innohosie atta rija hijio, “Jai iso oremik tuŋani ille hisio wan nohonye hatadahai hiyyo?”
\v 53 Atta Yesu hijio to hosie, “Dede, dede, man enya itai wan no Onyi Tuŋani ejio hidofe emat hoto nohonyie, obe iso itai errumek ho wuaran to wati innahatai.
\v 54 Lenya lobo wan nanaŋ ojio hidofe amat hoto nanaŋ, orrumek iso inyia wuaran no odule mak, ajio iso hidofe naŋ etubuhu inyia to hucuŋi no holoŋ.
\v 55 Nyo ara wan nanaŋ ŋiria inna dede, ojio hoto nanaŋ ara amatat dede.
\v 56 Lenya lobo wan nanaŋ ojio hidofe amat hoto nanaŋ, odule iso ta hanaŋ, ajio naŋ iso do honyie.
\v 57 Iyya efahu Monye lo owuar nayya, iyya amanya hidofe naŋ to Monye, lia la anya nayya, amanya iso inyia to nayya.
\v 58 Ara naŋ imune nottu te ido afau, nafa adaha monyie atta ye. Tuŋani la anyar imune inna, amanya iso mak.”
\v 59 Ero ifa Yesu hirro inne ta haji imojit ta nafa etiyena inyia ta Kapernaum
\v 60 Nafa etiru heyiyenak illo Yesu ania, atta isia hijio, “Ogolo hitiyena inna; ŋai iso oremik hiruk.
\v 61 Nafa etiru Yesu to wan nohonyie hijio eŋuŋunuta heyiyenak illohonyie to hirro inne, atta inyia hijio to hosie, “Hodiaha sihin nia ta tajia hatai?
\v 62 Ŋa le egonyu itai Onyi Tuŋani orre amai honye nafa ottuni inya ifa beren?
\v 63 Esio Oyiri wuaran. Ojo wan atta hira assai. Ara rori inne ero naŋ ta hatai oyiri, ojo hidofe ara wuaran.
\v 64 Ati, holobe illak illahatai eruk.” Nyo oyyen ifa Yesu man beren to hitieri hijio ŋai lia lobe eruk man owu etinyiaŋai inyia.
\p
\v 65 Atta inyia hijio, “Inyia nia ajio ida naŋ ta hatai hijio obe lobo tuŋani ottu ta hanaŋ lobe Monye hanaŋ ebusak inyia.”
\p
\v 66 Ifa ta halu, atta heyiyenak illohonyie arria aciahari ahalu tara honyie, ojio hidofe atta hibo loton he inyia.
\v 67 Atta Yesu hiro hullo tomon ho lohorik, “Obe itai ewak aciahari daŋ, ewak itai?”
\v 68 Atta Simone Peturu hitirraŋ inyia, “Habu, efi iso mahu iyyohoi ta ŋai?
\v 69 Ewuon iyyohoi iko hiro no wuaran no osio mak, afanu iyyohoi hiruk ejio hidofe eyyen hijio, era iyye Lonyi Hollum lo Odua.”
\v 70 Atta Yesu hijio to hosie, “Abe ifa naŋ anyimu itai tomon ha arik? Atta lobotie tara hatai hira hetisiahani?”
\v 71 Iyania ero ifa inyia to Yuda onyi Simone Iskariote, nyo ara Yuda lobo tara hullo tomon ha arik lottu etinyiaŋai Yesu.
\c 7
\cl ŋati 7
\p
\v 1 Ojo tahalu ho hirro inia owu ifa Yesu a Galilea, nyo obe ifa inyia awak eno a Yudea nyo osiaha ifa Yudei inyia hijo ettohe inyia.
\v 2 Iyyania omuno ifa Yudei, mune no hajik, nafa eliaha.
\v 3 Teyya ejo ilasira honyi to honyi hijo, “Ibusak mai inna ifie a Yudea, anyar mahati egonyu heyiyanak illohoi igiem nia egiama iyye.
\v 4 Obe lobo lobotie egiama inamuk hirro hame kuyya lawak inyia hijo anyar oyyen hiyyo inyia. Kuyya legiama iyye hirro inia, ituhutek wan nohoi ta fau.”
\v 5 Nyo ara ida hido ilasira obe ifa eruk inyia nobo.
\v 6 Ejo Yesu tohosie hijo, “Holobe holoŋ nanaŋ awoŋ, ati ara okit nahatai itiwanai dia.
\v 7 Obe iso misihi ebo itai, ati obe iso awak nayya nyo etihutek nayya inamuk higiemita inno sitan.
\v 8 Ifeti itai to mune; Abe naya awu to mune nia nyo holobe holoŋ nanaŋ hiba to okit nohonyi.
\v 9 Ifa lejo inya hiro inia to hosie, atta inya hitole to Galilea.
\p
\v 10 Teyya, tahalu efie ilasira honyi ahide to mune, tia eno hidofe inya ahide, hamai.
\v 11 Osiaha ifa Yudei inya ta mai nyia homune ojo, “Tahu inyia?”
\v 12 Owuana ifa hitirija nobolo tohiji heluluŋ te inyia. Ojo ilamuk hijo, “Ara inyia tuŋani lolibo.” Ojo ilak hijo, “Obe, Etidihori inyia iluluŋ to hipalita.”
\v 13 Ati obe ifa lobo le ero etiru hiyyo to inyia nyo abaŋ ifa isia Yudei.
\p
\v 14 Ifa eliaha mune hisaha, eno Yesu ahaji etiyanari atta hitiara hitiyana.
\v 15 Elafuho ifa Yudei ojo, “Homijak tuŋani lia jai? Ojo inyia obe ara tuŋani ille obe ehien.”
\v 16 Ojo Yesu atta hitiraŋ isia ojo, “Obe hitiyana nia ara nanaŋ, ati ara no lia le efahu nayya.
\v 17 Kuya lawak lobo higiama igiem no Hollum, oyyen iso inya hitiyana, hijo ottu iso tara Hollum, kuya hidofe nayya aremik hirro towan nanaŋ.
\v 18 Lia ile ero to wan nohonyi osiaha inyia kwatan nohonyi, ati lia ille osiaha kwatan no lia ile ifahu inyia, ara iso tuŋani lia ille dede, obe hidofe nobo hipali tara honyie.
\v 19 Obe ifa Musa esio itai hifahita? Ati obe itai egiamari hifahita inia. Nyo ewak itai attohe nayya?”
\p
\v 20 Etiraŋ iluluŋ, eyita iyye miniaŋati. Ŋai awak attohe iyye?”
\v 21 Etiraŋ Yesu hijo to hosie, egiem ifa nayya nobo igiem nobotie, atta itai hilafuho tonia.
\v 22 Esio ifa Musa ta hatai ŋoto (obe ojo ara tara Musa, ati ara tara hohonyok), ojo to Sabato eŋoto itai hiyyo.
\v 23 Kuya lomoju lobo tuŋani ŋoto to sabato hijo anyar obe ibisiti inno Musa ouro, nyo ejoria itai ta hanaŋ hijo etilibo nayya tuŋani nalanyar to holoŋ no Sabato?
\v 24 Baŋa oŋot to hilahaman no haliew, ati oŋot te ibisiti.”
\p
\v 25 Ejo ilamuk illohosie illafa to Yeruselem hijo, “Hobe ara inyia lia ille lafa osiaha isia hijo ettohe?
\v 26 Ojo towolo, ero inyia to hiticelita ojo isia obe ojo illak hiro tohonyi. Obe iso ara nia hijo hekumok oremik hiyyen hijo Kristo lia, iso mahu?
\v 27 Ati eyyen iyyohoi hijo ottu tuŋani lia tai, ati lawoŋ Kristo, obe iso lobo oyyen hijo ottu iso inyia tai.”
\p
\v 28 Oyo ifa Yesu te etiyanari, etiyana hijo, “Eyyen itai daŋ nayya ojo hidofe eyyen hojo attu nayya tai; ati abe nayya attu ta wan nanaŋ, ati inyia lia ille efahu nayya ara ille dede, ille ebe itai eyyen.
\v 29 Ayyen nayya inyia nyo attu nayya tara honyi ojo inyia efahu nayya.”
\p
\v 30 Awak ifa isia eniefu inyia, ati obe lobo lotirok hani tohonyi nyo holobe ifa holoŋ nohonyi tubai.
\v 31 Tonia, obure ifa iluluŋ neruk tohonyi. Ojo isia hijo, “Lawoŋ Kristo, egiem iso inyia hitihutita ariai tara inia egiem tuŋani lia?
\v 32 Etiru Farisei iluluŋ nia omwaŋa hiro inia hijo Yesu, atta fadiri lahabuok iko Farisei efahak oseŋer hijo anyar eniefu inyia.
\p
\v 33 Ejo Yesu hijo, “Kai iyyania arasa iso nayya wuana ikatai, teyya awu iso nayya tohonyi lia ille efahu nayya.
\v 34 Esiaha iso itai nayya ejo itai ebe eremik arumu nayya; Mai nyia awuye nayya, ebe iso itai eremik hiba dia.”
\v 35 Ojo Yudei atta hiro to watik illohosie hijo, “Hou iso tuŋani lia eno aji amai nyia inna ebe iyyohoi eremik arrumu inyia? Hou iso mahu inyia eno to hiji ho Grik atta hitiyana Grik?
\v 36 Hojo hirorita innohonyie ŋarinyo, ‘Esiaha iso itai nayya ati ebe itai eremik arrumu nayya; Mai nyia awuye nayya, ebe iso itai eremik hiba dia’?”
\p
\v 37 Iyyania to hucuŋi no holoŋ, nafa nia obolo holoŋ no mune, owueta Yesu atta yo, ejo, “Kuya lowuon lobo ille eboto ho hure. Isiara inyia hawoŋ ta hanaŋ anyar amat.
\v 38 Inya lia ile eruk ta naya, iyya ojo to buk, onyieta iso hifioŋ ino wuaran to hosehe nohonyie.”
\v 39 Ati ejo inyia inia inno Oyiri, te ilia hullo eruk to honyi hijo omoju iso, holobe ifa Oyiri esiarahini nyo holobe ifa Yesu awoŋ to lohwo nohonyie.
\p
\v 40 Nafa etiru iluluŋ, atta isia hijo, “Ara inyia dede hekilani.”
\v 41 Ejo ilak, “Inyia lia Kristo.” Ati ejo ilamuk, “Nyo, hara Kristo, loremik awoŋ ta Galilea?
\v 42 Hobe ara buk ojo hijo “Ottu iso Kristo tara hiyyo illo Davide iko to Bethlehem, ŋati nafa owuanari Davide?
\v 43 Teyya odioto ifa bwanya teluluŋ te inyia.
\v 44 Awak ilak illohosie eniefu inyia, ati obe lobo lotir inyia.
\p
\v 45 Teyya aciahari curukali te ettaha iko to Farisei, ejo isia to hosie, “Nyo ebe itai eyyani inyia?”
\v 46 Etiraŋ curukali hijo, “Holobe lobo tuŋani le ero iyya tuŋani lia man beren.”
\v 47 Etiraŋ Farisei to hosie, “Henyeb ifa mahati inyia itai?
\v 48 Howuon ifa ilamuk ilo hekumo hullo eruk to honyi, kuyya ilamuk illo Farisei?
\v 49 Ati obe iluluŋ inna oyyen hifahi, nyo owuon isia to ipit.”
\p
\v 50 Ejo Nikodemo to hosie hijo, (lia ille lafa ottu to Yesu beren, ara iso iyya lobo lo Farisei),
\v 51 Obe ibisiti innohoi oremik hiŋot tuŋani ati ewak iyyohoi etiru do tara honyi ejo hidofe ewak hiyyen hegiem inyia ŋari nyo?”
\v 52 Etiraŋ isia hijo to honyi, “Ara hidofe iyye daŋ la Galilea? Tosiek ejo hidofe ewolo hijo obe lobo hekilani enyiak awoŋ to Galilea.”
\p
\v 53 (Teyya atta hiyyo daŋ efie ahaŋitek innohosie.
\c 8
\cl ŋati 8
\p
\v 1 Eno Yesu adoŋe Oliveto.
\v 2 Ifa to motie beren enyiak inyia aciohini omojori, ojo hiyyo bidaŋ atta afanu do honyie; atta ahunyie inyia ta fau atta hitiyana isia.
\v 3 Ojo hidofe hegiorok iko Farisei atta eyyani hiito noŋorwo inna orrumu isia oroto iko lobo tuŋani, atta isia etiwejik inyia to hiji ho hiyyo.
\v 4 Atta isia hijo to Yesu, “Hetiyanani, hiito noŋorwo inna eniefu iyyohoi oroto iko lobo tuŋani.
\v 5 Iyyania ojio to hifahita inno Musa hijo anyar iyyohoi erwoŋ inyia to moru; ojo to hoi, “Hejo iyye jai te inyia?”
\v 6 Ojo isia iyyanyia hijo anyar elohu isia Yesu te innak hirro hunna errosok do honyie, ati origoŋi Yesu atta egiorok ta hafiala ta fau.
\v 7 Nafa efudak isia hifia Yesu, odioto inyia ahide atta hijo do hosie. “Isiara lia lobe ara heyyani hitiara hipuda inyia.”
\v 8 Enyiak Yesu asodorrohini, atta egiorok ta hafialai honyie ta fau.
\v 9 Ifa letiru isia hirro innia, etiara isia efie adde lobotie lobotie man edehini Yesu iko hiito noŋorwo nyia hamai.
\v 10 Odioto Yesu atta hijo do honyie, “Tuŋani innaŋ, tahu harrosok hoi hullo? Obe da lobo oŋot hiram no hoi?”
\v 11 Ojo inyia, “Habu, obe da lobo.” Ejo Yesu, “Abe iso hidofe naŋ aŋat hiram nohoi, Ino ikoi no hoi; man ena ahosiere baŋa enyiak eyyau.”)
\p
\v 12 Teyya enyiak Yesu hiro to hosie hijo, “Ara naŋ calai na fau; lia lejufuta naŋ, obe iso olot te idumele ati orrumo iso calai inna mak.”
\v 13 Ojo Farisei to honyie, “Era iyye sut to wan no hoi; obe suti illohoi eroita dede.”
\v 14 Etiraŋ Yesu to hosie, “Ara da hido naŋ a sut to wan hanaŋ, elosut naŋ dede. Ayyen naŋ mai na attuni naŋ iko hidofe mai na awuyie naŋ, ati ebe itai liyyen mai na attuni naŋ kuya hidofe mai na lawuyie naŋ.
\v 15 Eŋoto itai hipalita inno hiyyo ajo naŋ abe aŋot lobo tuŋani.
\v 16 Ati leŋot naŋ, ara ŋoto nanaŋ dede, nyo abe naŋ awuon hame, ati awuon naŋ iko Monye lia efahu naŋ.
\v 17 Ati to hifahita inna hatai egiro hijo oso hiram no hiyyo illia ohorik dede.
\v 18 Nayya ara a sut ta wan nanaŋ, iko Monye lia lefahu naŋ owuon asut hanaŋ.”
\p
\v 19 Atta isia hijo to honyie, “Tahu monyo hoi?” Atta Yesu hitiraŋ, “Ibe itai eyyen nayya iko Monye hanaŋ; leyyen itai nayya, eyyen itai monye hanaŋ.”
\v 20 Ero ifa inyia hirorita hunna aŋati ta mai no ottunari hiyyo arobiaha etiyana inyia ta haji imojit inna hittok, obe ifa lobo tuŋani eniefu inyia teyya nyo holobeŋ ifa holoŋ nohonyie awoŋ.
\p
\v 21 Enyiak Yesu hirro to hosie, “Leno naŋ teni; etufa iso itai naŋ man eye itai iko hiyyata inahatai. To mai nyia lawuye naŋ, ebe iso itai eba dia.”
\v 22 Nia etiraŋ Yudei hijo, “Hottohoi iso mahu inyia wan nohonyi? Inyia nia ojari inyia hijo, “Ta mai nyia lawuye naŋ, obe lobo tuŋani eba dia?”
\v 23 Ojo Yesu do hosie, “Era telle ŋolon, ajo naŋ telle to hide. Ara itai illo fau inna; ajo naŋ abe ara a lo fau ina.
\v 24 Inya nia ajiatari naŋ hijo eye iso itai iko hiyata hatai. Nyo lebe itai eruk hijo nayya Kristo lonyimoti lo Hollum, eyye iso itai iko hiyyata innahatai.”
\p
\v 25 Ejo isia to honyie, “Iyye ŋai?” Etiraŋ Yesu to hosie hijo, “Elimak ta naŋ itai to hitieri.
\v 26 Owuon hirro ariai ta hanaŋ herotari kuya haŋotori hiram na hatai. Lia efahu naŋ obis inyia; ojo hirro inia etiru naŋ tara honyie, elimak naŋ ta fau daŋ.”
\p
\v 27 Ati obe isia oyyen hijo erota ifa inyia to hosie to hiram no Monye.
\v 28 Ejio Yesu, “Lehaf itai Lonyi Tuŋani ahide, efanu iso itai hiyyen hijo naŋ lia, ejo iso itai eyyen hijo abe naŋ egiem nobo sihine to wan hanaŋ. Iyya etiyen Monye nayya, ero naŋ hirro hunna.
\v 29 Ati lia lefahu naŋ owuon ikanaŋ. Obe inyia ebusak naŋ hame, nyo holoŋitek daŋ ehuma naŋ hirro hunna etimuno inyia.
\v 30 Nafa ero Yesu hijo hirro hunna, eruk hiyyo aria to honyie.
\p
\v 31 Teyya ejo Yesu to Yudei illafa eruk to honyie hijo, “Legol itai to hirro hanaŋ, atta itai hira aheyiyanak illallaŋ dede;
\v 32 Eyyen iso itai bisan, ojo iso bisan atta ahek itai.”
\v 33 Etiraŋ isia to honyie, “Era iyyohoi to woyyo naba Abramo ati ifa holobe iyyohoi ipito to lobo tuŋani; nyo nia ejo iyye hijo, “Ehohini iso itai?”
\v 34 Etiraŋ Yesu isia hijo, “Dede, elimak naŋ itai hijo, tuŋani daŋ ille ara heyyani ara pit lo hiyyau.
\v 35 Obe pit arasa da haji mak, ati odule lonyi mak.
\v 36 Nia, lahek lonyi itai, aheni itai dede.
\v 37 Ayyen naŋ hijo era itai to woyyo na Abramo; etufa itai hijio ettohoi naŋ nyo obe hirorita innanaŋ ojiŋak ta hatai.
\v 38 Ero naŋ hirro hunna egonyu naŋ tara Monye hanaŋ, ejo hidofe itai etiru hirro inno etiru itai tara Monye hatai.”
\p
\v 39 Etiraŋ isia to Yesu hijo, “Ara Abramo monye hohoi?” Ejo Yesu to hosie hijo, “Lera itai durre illo Abramo, negiama itai higiemita inno Abramo.
\v 40 Ati, iyyania ejo itai ettohoi naŋ, ajo naŋ elimak itai hirro dede inno etiru naŋ tara Monye hanaŋ. Obe ifa Abramo ehuma iyya itai.
\v 41 Ihuma hirro innafa egiama monye hatai.” Atta isia hijo to Yesu, “Obe iyyohoi ifa esini to hirro inno somon; ewuon iyyohoi iko Monye lobotie, inyia Hollum.”
\v 42 Ejio Yesu to hosie, “Nara ida Hollum amonye hatai nemuno ida itai naŋ nyo ebusuni ifa naŋ Hollum attuni naŋ enni. Obe lara naŋ attu to wan hanaŋ ati Hollum efahu naŋ. Jai ebe itai etiru hirorita inanaŋ?
\v 43 Nyo ebe itai eremik hitira rori innanaŋ.
\v 44 Itai illia lonyirok ho sitan, ejo itai ewak higiama hiro ino monye hatai. Ara ifa inyia ahatohoni man to hitieri ati obe inak hirorita honyie inno lobis, nyo obe inyia ero hirro hunna dede. Lateleru inyia ara ateler no honyie, nyo ara inya a loteler hidofe ara monye lo telerok.
\v 45 Ati ebe itai eruk ta hanaŋ, nyo erota naŋ hunna dede.
\v 46 Ŋai to hiji hatai orrumu nayya ara a heyyani? Lerota naŋ dede, nyo lobe itai eruk ta hanaŋ?
\v 47 Lia lara lo Hollum etira to Hollum; ebe itai etira isia nyo ebe itai era illo Hollum.”
\p
\v 48 Atta Yudei hitiraŋ to Yesu hijo, “Atienu ida iyyohoi hijo era iyye lo Samaria ebe iyye dede era lo Yudea, ojo hidofe miniaŋa owuon to hoi!”
\v 49 Etiraŋ Yesu hijo, “Abe naŋ awuon iko miniaŋa! Etihabwo nayya Monye hanaŋ, ejo itai emoro naŋ!
\v 50 Abe naŋ etufa hijo hetihabwe hiyyo naŋ; owuon lia etufa huan hidofe owuon ahaŋotoni.
\v 51 Dede elimak naŋ itai lotoŋ lobo hiram hanaŋ, obe iso inyia oye.”
\p
\v 52 Ejo isia to Yesu, “Iyyania eyyen iyyohoi hijo ewuon iyye iko miniaŋa. Oye ifa Abramo iko hekilak; ati ejo iyye, ‘Letoŋ lobo hirorita hanaŋ obe iso oye.’
\v 53 Egalik iyye hohonyi hohoi Abramo lafa oye? Ojo hidofe hekilak illafa oye. Egigilo iyye hijio era iyye ŋai?”
\v 54 Etiraŋ Yesu hijo, “Letihabwuo naŋ wan nanaŋ ara hitihabwo hanaŋ assai. Monye hanaŋ hamai lia etahwo naŋ lia ejo itai ara a Hollum hatai.
\v 55 Holobe itai eyyen inyia, ati ayyen naŋ inyia. Lejio naŋ abe naŋ ayyen, ara naŋ ahenyabani lo huan hanaŋ. Ati ayyen naŋ inyia hidofe naŋ agocie hirorita honyie.
\v 56 Omuno ifa monye hatai Abramo hegonyuni holoŋ na attuni naŋ; le gonyu inyia holoŋ hanaŋ atta inyia mune binno.”
\p
\v 57 Ejo isia to Yesu, “Holobe ŋasi hoi hira tomwana miet, egonyu ifa iye Abramo jai?”
\v 58 Ejo Yesu to hosie, “Dede elimak naŋ itai, awuana ifa naŋ beren holobe Abramo esini.”
\v 59 Ohurro isia moru hijo erwoŋo Yesu, ati eŋofak Yesu wan atta ajiŋu ade to hiji imojit.
\c 9
\cl ŋati 9
\p
\v 1 Ojiŋu Yesu atta inyia egonyu tuŋani lo oŋodo man te esiori honyie.
\v 2 Efia heyiyanak inyia hijio, “Hetiyenani, ŋai ifa eyyau, tuŋani ille, kuyya hesiok honyie, esiuni inyia oŋodo?”
\v 3 Etirraŋ Yesu hijio, “Obe ara tuŋani ille iko hesiok honyie eyyau, edoŋ hirro hunna iyya ania anyar etuhutari igem no Hollum.
\v 4 Anyar iyyohoi egiama igem no lia lehafu naŋ ojio holoŋ ara far. Ottu iso tari nobiaŋari tuŋani enyiak higiama.
\v 5 Hawuon naŋ ta fau inna, ara naŋ cialai na fau.”
\p
\v 6 Ta halu ho hirro nohonyie hirro inne, omitak inyia hamilak ta fau, atta inyia enutu modie, atta eyalak to honyehite ho oŋodo.
\v 7 Eijo inyia do honyie, “Ino, illila ta tafar no Siloma (no ojio ‘ifahak’).” Niya eno oŋodo lia adde, atta hillila honyehite, atta acohini lo oriŋa.
\v 8 Iyyania, ero onyihari illohonyie illafa egonyu hitilieŋita nafa honyie ho beren hijio, Obe ara tuŋani ille etilieŋita to holoŋitek daŋ, le ettole ojo hidofe emimojo?”
\v 9 Atta illak hijio, “Inyia lia,” ojio illak arasa hijio, “Obe, ati owuon iyya inyia.” Ati odule loŋodo lia hiro hijio, “Nayya lia.”
\v 10 Atta isia hijio do honyie, “ŋai aŋa honyehite innohoi?”
\v 11 Etirraŋ inyia tohosie hijio, “Tuŋani ille ara Yesu enutu modie atta eyalak honyehite innanaŋ atta hijio ta hanaŋ, ‘Ino a tafar ho Siloma atta iyye hillila.’ Nia atta naŋ eno hillilla man arriŋari naŋ.”
\v 12 Atta isia hijio to honyie, “Tahu ati inyia.” Ojio loŋodo lia atta hijio, “Abe naŋ ayyen.”
\p
\v 13 Teyya, eyyani isia tihoni lafa oŋodo to Farisei.
\v 14 Ojio to holoŋ nia, ara ifa nia far na Sabato ne enutuni Yesu modie etinyarrari loŋodo lia.
\v 15 Teyya etiara Farisei hifia tuŋani lia, “Jai errumek iyye riŋai no honyehite innohoi?” Atta inyia hitirraŋ do hosie hijio, “Efufusok inyia modie to honyehite hanaŋ, atta naŋ ellilau, man arriŋari naŋ.”
\v 16 Eijio ilak illo Farisei hijio, “Obe tuŋani ille ottu tara Hollum nyo obe inyia etiduara holoŋ no Sabato.” Arasa hilak hijio, “No nyo ehuma tuŋani lara heyyani iduariti iyya hunna?” Owuon ifa bwanya to hiji hosie.
\v 17 Enyiak isia hifia loŋodo lia hijio, “Hejio iso iyye nyo nia iyya etinyarari inya honyehite inohoi?” Atta loŋodo hitirraŋ hijio, “Ara inyia hekilani.”
\p
\v 18 Holobe ifa hiyyo illo Yudea eruhok hirro inno oŋodo lia hijio arrumek oŋodo lia riŋa atta isia elliloŋu hesiok inno oŋodo lia.
\v 19 Atta isia hifi hesiok hijo, “Onyi hatai ille lafa eijio itai oŋodo man beren? Ati oriŋa inya nyo iyania?”
\v 20 Etirraŋ hesiok honye hijio, “Eyyen iyyohoi hijio lonyi hohoi illeŋ lafa esini lo oŋodo.
\v 21 Ati obe iyyohoi eyen jai oriŋa inya, eijo hidofe iyyohoi ebe eyyen hijio, ŋai lesio tohonyie riŋai. Ifia tohonyie. Obolo inyia. Oremik inyia hiro ta wan to nohonyie.”
\v 22 Ero hesiok innohonye annia nyo abaŋ isia hiyyo illo Yudei. Nyo eŋut ifa Yudei hijio lejio lobo hijio ara Yesu Kristo, efuhari iso inyia adde ta haji hemojit imojit.
\v 23 Inya nia lojo hesiok honye hijio, “Obolo inyia, ifia inyia.”
\p
\v 24 Niya enyiak ofe Yudei illia hilliloŋ oŋodo lia atta hijio te inyia, “Isiara lohuo nohoi to Hollum nyo, eyyen iyyohoi hijio ara tuŋani lia a heyyani.”
\v 25 Etirraŋ loŋodo lia hijio, “Obe naŋ ayyen hara inyia a heyyani. Ayyen naŋ sihin nobotie hijio: Aŋodo ifa naŋ, ati iyyania arriŋa naŋ.”
\v 26 Eijio isia tohonyie hijio, “Hegiem inyie nyo to hoi? Haŋa inyie honyehite innohoi jai?”
\v 27 Atta inyia hitirraŋ hijio, “Elimak ida naŋ itai, ejio itai ebe etira hirro innanaŋ! Nyo ati nia ewak itai etiru? Ebe itai ewak hira heyiyanak illohonyie daŋ, ewak itai?
\v 28 Atta isia hijio to honyie, “Era iyye heyiyanak lohonyie, ati era iyyohoi heyiyanak illo Mose.
\v 29 Eyyen iyyohoi hijio ara Musa lefahati lo Hollum lottu hiro toohoi, ati ta hallaŋ ile, ebe iyyohoi eyyen hottu inyie ta nari mai.”
\v 30 Atta tuŋani lia hitirraŋ to hosie hijio, “Ebe ittai eyyen mai nottuni inyie, hiram no olibo inna, ebe itai eyyen mai nottuni inyia, inyia lia aŋa honyehite innanaŋ.
\v 31 Eyyen iyyohoi hijio obe Hollum etira to heyyak, ati etira inyia to lia letihabuo Hollum ojio hidofe ehuma wahan honye, etira iso Hollum do honyie.
\v 32 Man to hitieri na fau holobe ifa lobo tuŋani etinyar honyehite inno tuŋani lesiuni lo oŋodo.
\v 33 Lobe ida tuŋani lia ottu tara Hollum, nobe ida inyia egiem hirro inia.”
\v 34 Etirraŋ isia to honyie atta hijio, “Esihini ifa iyye to hiyyata, ati ejio iyye etiyena iyyohoi? Atta Farisei efuhai inyia ade to haji imojit.
\p
\v 35 Etiru ifa Yesu hijio efuhai ifa Farisei inyia ade ta haji ne imojit. Orrumek Yesu inyia atta hijio, “Heruk iyye to Onyi Hollum?”
\v 36 Atta tuŋani lia hitirraŋ hijio, “ŋai lia, Habu, anyar eruk naŋ to honye?”
\v 37 Atta Yesu hijio to honyie, “Egonyu iyye inyia, inyia lia lero iko hoi.”
\v 38 Atta tuŋai hijio, “Habu, eruk naŋ.” Niya atta inyia hitihabuo inyia.
\p
\v 39 Atta Yesu hijio, “Attu naŋ afau oŋotori, anyar illo obe orriŋa, hotorriŋai, ojio hidofe etiŋodo illo ojio erriŋa isi.”
\v 40 Atta hilak Farisei illafa owuon iko inya ojo hidofe etiru atta hifi inyia, “Eŋodo iyyohoi daŋ?”
\v 41 Atta Yesu etirraŋak to hosie hijio, “Leŋo ida itai nobe ida itai ewuon iko hiyyata. Ati iyyania, ejio itai hijio, “Erriŋa itai, arasa hiyyata ta hatai.
\c 10
\cl ŋati 10
\p
\v 1 Dede, ajo nayya ta hatai, lia lo obe ojiŋai tekat ahotwai bore, atta eno tokoi nobo, ara iso tuŋani lia lohoho ojo hidofe ara hepihoni.
\v 2 Ojo lia lo ojiŋai tekat ara iso heribitani lo kioro.
\v 3 Aŋa iso heririani le ikati to honyie ikat. Etiru iso kioro hiro nohonyi, ojo iso inyia atta hililoŋ kioro innohonyie to fureta atta hitidik isia ade.
\v 4 Ifa le eyyani inyia ade innohonyie, owu iso inya holobe isia, ojo kioro ejufak inya, nyo oyyen isia hiro nohonyie.
\v 5 Obe iso oremik ejufak olufa ati egier iso isia nyo obe isia oyyen hiro no olufa.”
\p
\v 6 Ero Yesu hitimiyahita inia to hosie, ati obe isia oremik hiyyen hijo hara hiro inia ŋarinyo innafa inia ojo inyia.
\v 7 Teyya edas Yesu hijo tohosie, “Dede, dede, ajo nayya tahatai, ‘Ara nayya ikat no kioro.
\v 8 Ilafa ilia afanu to hosiere hanaŋ, ara isia hahalak iko harujok, ati obe iso kioro etira to hosie.
\v 9 Ara nayya ikat. Kuya lowuon lobo lo jiŋu ahotwai tara naya, etilohini iso inya; owu iso inyia ahotwai iko abali atta arumu miyaŋ.
\v 10 Ottu lohoho ahahalari, ottohori, iko eturuori. Attu nayya hijo anyar mahati lowuon isia iko wuaran no obolo.
\p
\v 11 Ara nayya heribitani ille alibo. Esio heribitani manya nohonyie to kioro innohonyie.
\v 12 Hegiamani lo ojuruni ta arobiyaha obe ara heribitani, obe oluŋu kioro, legonyu huwaru ottu ebusak kioro innohonyie atta hirwata. Ojo huwaru atta eyari isia ade. Ojo isia atta esarai.
\v 13 Erwat inyia ade nyo ara inyia hegiamani ille ojuruni hiyyo ta arobiyaha nyo obe inyia eriria kioro inia nalanyar.
\v 14 Ara nayya heyyohoni la alibo, ajo nayya ayyen inanaŋ, ojo inanaŋ oyyen nayya.
\v 15 Oyyen Monye nayya, ajo nayya ayyen Monye hanaŋ, ajo nayya esio wan nanaŋ to kioro inanaŋ.
\v 16 Awuon naŋ iko inamuk kioro hunna obe ara inno bore innanaŋ. Aremik nayya eyyani isia, hijo anyar hidofe isia oremik etiru hiro nanaŋ anyar owuon kioro inia nobotie iko heyyohoni lobotie.
\v 17 Inyia nia omuno Monye hanaŋ nayya: Esio nayya wuaran nanaŋ inna aremik nayya hinyiak eyari.
\v 18 Obe lobo lobotie oremik eyari tara nayya, ati esio nayya wuaran nanaŋ ta fau. Awuon naŋ ho golon hesiarari manya nanaŋ, ajo hidofe nayya awuon iko golon hinyak eyari. Amoju nayya hifahi inna tara Monye hanaŋ.”
\p
\v 19 Enyak ofe bwanya hidoŋ to hiji ho Yudei to hirorita inia.
\v 20 Obore illohosie illo ojo, “Oyita inyia miniaŋa ojo hidofe esita. No nyo etira itai tohonyie?”
\v 21 Ojo ilamuk atta hijo, “Obe hirorita inia ara illo lobo ile owuon iko miniaŋa. Oremik tuŋani lo miniaŋa hiŋa honyehite inno loŋodo?”
\p
\v 22 Teyya awoŋ holoŋ no hiyyom no dioŋo to Yerusalem.
\v 23 Ara ifa hameyu, ojo Yesu olot to hotwai etiyanari ta haji ho Solomone.
\v 24 Teyya eba Yudei atta elurok inyia atta hijo tohonyie, “Man anu edule iso iye toŋita iyyohoi tiji ania? Kuya lera iyye Kristo, ilimak iyyohoi nalanyar.”
\v 25 Ojo Yesu atta hitiraŋ isia, “Elimak nayya itai, ati ebe itai eruk. Higiemita hunna egiama nayya to fure no Monye hanaŋ, ero inna hetihutek to nayya.
\v 26 Ati ebe itai eruk nyo ebe itai era kioro inanaŋ.
\v 27 Etiru kioro inanaŋ hiro nanaŋ; ayyen nayya isia, ojo isia ejufak nayya.
\v 28 Esio nayya to hosie wuaran no osio fur; obe iso isia oremik ye, ojo hidofe lobo obe oremik akwaru isia ade tahani hanaŋ.
\v 29 Monye hanaŋ, le esio isia tahanaŋ, obolo inyia tara ilia ilamuk, obe lobo oremik akwaru isia ade ta hani ho Monye hanaŋ.
\v 30 Nayya iko Monye hanaŋ era iyyohoi nobotie.”
\p
\v 31 Teyya adumu Yudei moru atta hipuda inyia.
\v 32 Etiraŋ Yesu isia, “Etuhutek nayya ta hatai higiemita ariai hunna olibo tara Monye. Nari igiem nia honyie ewak itai epudari nayya?”
\v 33 Atta Yudei hitiraŋ to honyie hijo, “Ebe iyyohoi epuda iyye te igiem nobo nolibo, ati to biaŋan nohoi baŋi, nyo iyye, tuŋani, ehumak wan nohoi Hollum.”
\v 34 Etiraŋ Yesu isia, “Hobe mahati egioro to hifahi nahatai, ‘Ajo nayya, era itai johin’”?
\v 35 Ile eliloŋ inya isia ajohin, to tuŋani ottuni hiram no Hollum (ojo to higierita huna obe oremik wuro),
\v 36 hejo itai hijo inyia lia lafa odumu Monye atta efahak afau, ‘Era iyye heturuoni, ‘nyo ajo nayya hijo, Ara nayya Lonyi Hollum’?
\v 37 Labe nayya egiama higiemita inno Monye hanaŋ, ibaŋa eruk nayya.
\v 38 Tonia, kuya legiama nayya isia, ara ida hido hijo ebe itai eruk nayya, iruho te igiem anyar mahati eyyen itai hijo anyar eremik hetiru hijo awuon Monye ta hanaŋ ajo hidofe nayya owuon to Monye.”
\p
\v 39 Enyiak ifa isia hikol Yesu, ati enno ifa inyia ade tahas innohosie.
\p
\v 40 Enyiak Yesu eno ade alamarai ho Yordano amai nafa ebatisori Yoani to hitieri, atta inya hitole dia.
\v 41 Obore hiyo hulo afanu to Yesu. Odule ifa isia hijo, “Obe Yoani dede egiem nobo hituhuti, ati ara hiro inafa ero inya to tuŋani ile dede.”
\v 42 Obore ifa hiyyo illo eruk to Yesu dia.
\c 11
\cl ŋati 11
\p
\v 1 Iyania oŋwai ifa lobo tuŋani lefurek hiyyo Lasaru. Ara ifa inyia lo Betani doŋe nafa ba Maria iko hanasi honyie Marta.
\v 2 Inyia Maria nafa eyol Habu Yesu to hiyali atta hifufus hejek innohonyie to hofir, ilasi honyie ifa Lasaru lafa oŋwai.
\v 3 Efahak ifa hanasira honyie to Yesu hiram atta hijo, “Habu torriŋe, lia lafa emuno iyye lia oŋwai.”
\v 4 Etiru Yesu hiram nia atta hijo, “Obe iso ŋwai nia oremik attohoi inyia, ati etihabwo iso Lonyi Hollum te inya.”
\v 5 Iyyania omuno ifa Yesu Marta iko hanasi honyie ojo Lasaro.
\v 6 Tanafa etirini inyia hijo oŋwai Lasaro atta inyia rassa ta mai nafa oŋwari Lasaro holoŋitek arik.
\p
\v 7 Ta halu atta inyia elimak to heyiyenak illohonyie hijo, “efie aciahari a Yudea.”
\v 8 Atta heyiyenak honyie hijo do honyie, “Hetiyenani, hetek Yudea hiwak hatohoi iye, hidofe eijo iyye ewak aciahari ade?”
\v 9 Ati etiraŋ Yesu to hosie hijo, “Obe sahien inno far ara tomon harik? Ati lolot lobo tihoni ta far obe iso oremik hekosok heju, nyo egonyu isia cialai na fau ta far.
\v 10 Ati lolot lobo ta tari ekosori iso inyia, nyo obe cialai to honyie.”
\p
\v 11 Ojo Yesu hirro hunna da halu, atta inyia to hosie, “Afire mote hohoi Lasaro, ati hawu naŋ eticieŋu inyia a hide.”
\v 12 Etiraŋ heyiyenak to honyie hijo, “Habu, lajotori inyia, ocieŋu iso hame.”
\v 13 Iyyania ero ifa Yesu to ye to nohonyie ati egigilo ifa isia hijo ero mahu inya hiram no jote no oyiri tuŋani bi.
\v 14 Niya elimak ifa Yesu to hosie dede hijo, “Oye Lasaro.
\v 15 Ojo hidofe to hiram ta nahatai, amuno naŋ hijo abe naŋ awuon he itai dia hijo anyar eruk itai. Ifanu efi to honyie.
\v 16 Teya odioto Tomaso lafa efurek isia hijo Didimo, atta inyia hiro to heyiyenak, “efie anyar efi ye daŋ ho Yesu.”
\p
\v 17 Nafa eba Yesu, orrumek inyia Lasaro to hotwai heilume holoŋitek aŋwan.
\v 18 Eliaha ifa Betania ho Yerusalem.
\v 19 Teyya afanu hiyyo arria to Yudea to twari ta Maria to ye ne ilasi hosie.
\v 20 Nafa etiru Marta hijo awoŋ Yesu, eno inyia heboŋori he inyia, ati arasa ifa Maria hitole ta haji.
\v 21 Atta Marta hijo to Yesu, “Habu, lewuon iŋole iyye inni, nobe ifa halasi hanaŋ oye.
\v 22 Ati iyyania, ayyen naŋ hijo, lefi iyye tara Hollum nobo sihin, oremik inyia hisio iyye.”
\v 23 Ati ojo Yesu to honyie hijo, “Ebuhu iso halasi hoi.”
\v 24 Ati etiraŋ Marta to honyie, “Ayyen naŋ hijo ebuhu iso inyia to holoŋ hucuŋi nafa fau nebuhuni hiyyo daŋ. Ojo Yesu to honyie,
\v 25 “Ara naŋ hebuhu iko wuaran; Tuŋani leruk ta hanaŋ, oye ida hido inyia owuar iso inyia,
\v 26 hidofe lowuar ojo hidofe eruk ta hanaŋ, obe iso inyia oye. Eruk iyye inna?”
\v 27 Atta Marta hijo do honyie, dede Habu, eruk ifa naŋ hijo ara iyye Kristo Lonyi Hollum, illo ottu afau.
\p
\v 28 Nafa attohu inyia hiro, atta inyia eno heliloŋini hanasi honyie Maria atta elimak to honyie hijo eba hetiyenani ati eliloŋo inyia iyye.
\v 29 Teyya nafa etiru Maria, odioto inyia kwak atta eno to honyie
\v 30 Nyo holobe Yesu eba to hotwai na haŋ, halarasa inyia ta mai nafa eboŋohini inyie ha Marta.
\v 31 Ati odioto Yudea illa ara owuon to twari kwak nafa ewolo isia inyia odiotori, ojo hidofe isia atta ejufari inyia. Egigilo ifa isia hijo owu inyia elume oyyori.
\p
\v 32 Nafa ebarari Maria ta mai nafa owuanari Yesu atta inya egonyu Yesu atta ahuyek to hejek inno atta hijo do Yesu, “Habu, lewuon iŋole iyye inni nobe ifa halasi hanaŋ oye.”
\v 33 Nafa egonyu Yesu Maria oyyo ojo hidofe Yudea illafa enyamini inyia daŋ oyyo, atta taji nohonyie diahai binno ojo hidofe daŋ omehini; atta inyia hijo,
\v 34 “Aji enuhak itai inyia.” Etiraŋ isia atta hijo, Habu woŋ towolo.”
\v 35 Atta Yesu Yio.
\v 36 Atta hiyyo illo Yudea hijo, “Itiwolo, omuno hada Yesu inyia binno.
\v 37 Ati atta hilak ilohosie hijo, “Esio ifa tuŋani ileŋ riŋa to oŋodo.” Iyyania, obe iso inyia oremik etihu Lasaro to ye.
\p
\v 38 Niya eniyak hidofe daŋ taji no Yesu diahai binno atta eno e ilume na ara hinom no ottuho to moru.
\v 39 Atta Yesu hijo, “Itudumu moru ade.” Atta Marta hanasi hayoni hijo to Yesu, “Habu, iyyania omurai nyo era holoŋi innohonyie aŋwan iyyania te ilume.”
\v 40 Ojo Yesu do honyie, “Abe ida naŋ elimak iyye hijo, le'ruk iyye egonyu iso iyye lohwo no Hollum?”
\p
\v 41 Teyya atta isia etubuluŋai morwo nafa ade, ojo Yesu atta hibono to honyehite te innohonyie ahide atta hijo, “Monye, ajo naŋ to hoi humo nyo etira iyye tahanaŋ.
\v 42 Nyo ayyen naŋ hijo etira iyye ta hanaŋ holoŋitek daŋ. Ati to hiram ne iluluŋ no hiyyo no oweta inni, ero naŋ iyyania hijo anyar eruk isia hijo efahu ifa iyye nayya.”
\v 43 Tahalu no hiro nohonyie hirro hunna, oyio inyia wuoŋ, wuoŋ, nojo, “Lasaro, woŋ ade!”
\v 44 Atta hayoni awoŋ lo obubuna has, hejek, homom ojo wan nohonyie daŋ to boŋo. Atta Yesu hijo, “Itiho inyia
\v 45 Eruk Yudea illa ara afanu daŋ ho Maria legonyu isia hiram ne egiem Yesu.
\v 46 Atta hilak efie ta Farisei elimahini to hosie hirro daŋ innara egiem Yesu.
\v 47 Otuba ifa ettaha iko Farisei ojo haŋotok ho hiro, eijo isia, “Efi iso iyyohoi higiem nyo? Egiama tuŋani le idwariti arria.
\v 48 Lebusak iyyohoi inyia hamai ania, ofwu iso hiyyo daŋ huruk to honyie; man afanu iso hiyyo illo Roma eyari massik innohoi ojo doŋe nohooi.”
\p
\v 49 Attati lobo lohosie la ara fure Kaifas ettok lafa to hiŋa to nyia, ojo to hosie hijo, “Ebe itai eyyen inak hirro tuŋ hada.
\v 50 Ebe itai eyyen egigilo hijo olibo ye no tuŋani lobotie tara to hiyyo arria agalik hitaturo no hiyyo daŋ to doŋe?
\v 51 Obe ati inyia ero rori inne to hoo to nohonyie hame.” Nyo ara inyia hehuma lobolo binno to hiŋa inna, omoju inyia rori inne tara Hollum hijo, oye iso Yesu to hiyo ilo Yudea bi daŋ.
\v 52 Obe ara to hiyyo ile hame ati anyar ottubak inya iluluŋ ino dure ilo Hollum ile esio.
\v 53 Teya to holoŋ to nya ewuaha isia hijo jai iso eremik isia inyia.
\p
\v 54 Tonia obe Yesu enyiak loton loliew to hiji a Yudea ati eno teyya adde man eliaha to mur to nobo doŋe nefurek hijo Efraim atta rasa dia iko hejufutak ilo honye.
\p
\v 55 Niya eliaha ifa hiyyom no Yudea nefurek hijo laŋan na Anjilo. Ofwo ifa hiyyo arria to misihi inno Yerusalem to hosiere ho hiyyom nyie hehuhumari wati innohosie.
\v 56 Odule ifa isia siaha Yesu ojo hidofe ero to wati innohosie ojo isia hetole ta haji imojit nettok atta hijo, obe iso inyia ottu ta mai no hiyyom?
\v 57 Iyyania efahak ifa Farisei iko ettaha hiram hijo, loyyen lobo owuon inyia aji anyar elimak tohoi hijo anyar eremik iyyohoi eniefu inyia.
\c 12
\cl ŋati 12
\p
\v 1 Arasa ifa holoŋitek ile inno laŋan, atta Yesu hiba to Betania to doŋe nafa etubuhuni inyia Lasaru to ye.
\v 2 Atta isia hisio to honye daha nafa efo Marta, atta Lasaru daha daŋ he isia to terefeja ho Yesu.
\v 3 Teyya atta Maria adumu hiyali inna ogol to hinyiaŋa bino inna ociama hiyo ikohoi nobotie. Atta inyia ejuhok to hejek innohonyie atta hifufus to hofir innohonyie. Oŋwo ifa haji girigir binno.
\p
\v 4 Ati Yuda Iskariote, hetiyanani ille ottu iso ŋetinyaŋai Yesu ojio,
\v 5 “Nyo ibe itai itinyaŋai ria inna ta arobia hisihai hunik atta itai aluahari lociaŋak?
\v 6 Obe dede inyia egigilo to lociaŋak to hiro nohonyie ati ara inyia lohoho: ojio hidofe inyia ara ahatunani ha arobiyaha ati esio hiyo to honye ata inya eyari ilamuk ille esio hiyyo to honye.
\v 7 Atta Yesu hijio, “Ibusak inyia, ejuhok inyia nara ehuhumari inyia ta far no onuhari hanaŋ.
\v 8 Ewuon iso itai ho lociaŋak holoŋitek daŋ, ati abe iso naŋ ettole daŋ hatai fur.”
\p
\v 9 Atta iluluŋ no Yudea hiyen hijio owuon Yesu dia, atta isia afanu, obe ara to Yesu hamai ati afanu hidofe isia hiwolo Lasaru lafa etibuhu Yesu to ye.
\v 10 Ati ewaha ifa etaha hijio, efi hidofe isia iso atohoi Lasaru;
\v 11 to nyo, hiram nohonyie ne ebuarari Yudei ariai iyyohoi ojio atta eruk Yesu.
\p
\v 12 Ifa motie etiru ariai ne iluluŋ inafa afanu wati to hiyyom no laŋan hijio ottu Yesu a Yerusalem,
\v 13 Ata isia yafa sana ino yani atta efie hiboŋ iko Yesu, ewuwuoŋita isia hijo, “Hosana! Hotomune lia lo ottu to fure na Habu, Habu lo Isaraile.”
\v 14 Atta Yesu ŋarumu sigira atta ŋahunyai to hide honyie iyya nafa egiorohini hiyyo,
\v 15 “Hebaŋ ŋani Sion; towolo Habu lohoi awoŋ etole to horwuoŋ ho sigira,”
\v 16 Obe ifa hetiyanak illohonyie etiru hirro inne to hosiere ati nafa etihabuo hiyo Yesu atta isia agilu hijio egiorohini hafa iso hirro inne te inya, ojio hidofe isia ehuma iyya egiorohini ifa te inya.
\p
\v 17 Ojio hidofe iluluŋ no hiyyo innafa owuon ho Yesu to holoŋ nafa ellilloŋori inyia Lasaru te ilume atta etubuhu inyia to ye atta elimak te innafa innak hijio egonyu isi ifa dede.
\v 18 Hiram ne emak hiyyo ariai hatara inyia to nyo etiru isia hituhuti nafa ehuma Yesu.
\v 19 Atta Farisei hijio to wati innohosie, itiriŋai ebe iyyohoi eremik hihuma nobo sihin; ituwolo, ejufuta hiyyo daŋ tahalu honyie.”
\p
\v 20 Owuon ifa illak illo Grik dia hullo afanu omojori hiyyo na laŋan.
\v 21 Afanu ifa liyya to Filipo to Betseda doŋe no Galilea, hijio anyar efi isia inyia hijio, “Eitok ewak iyyohoi hiwolo Yesu.
\v 22 Eno Filipo atta elimak Anerea atta isia efi elimak Yesu.
\v 23 Atta Yesu hitiraŋ hijio, “Awoŋ holoŋ inna etukuatari hiyyo Lonyi tuŋani.
\v 24 Elimak naŋ ta hatai dede hijio lobe ŋamari odou afau atta ye, arasa iso inyia ta wan nohonye hamai; ati lo oye inyia, esiu iso haŋer inohonyie arria.
\v 25 Lo omuno lobo manya nohonyie, owu iso inyia ŋetilitek; ojio lia lobe wan egigilo to manya to na fau inna ottunak iso nohonyie ta manya inna osio fur.
\v 26 Lawak lobo tuŋani higiama ta nayya anyar odule inyia hijufita nayya ojio ta mai na awuanari nayya anyar owuon hegiamani lalaŋ dia. Legiama lobo tuŋani ta nayya, etukuat iso Monye inyia
\v 27 Iyania odiaha taji nanaŋ: Ajo iso naŋ nyo? ‘Monye, itulwahu nayya to holoŋ tena.’ Ati to hiram nia atunieri nayya to holoŋ inna.
\v 28 Monye, isiara fure nohoi hoto kwata.” Teyya atta hiro awoŋ te ido no ojio, Etukuat ifa nayya ati tahalu enyiak iso nayya hutukuat inyia.”
\v 29 Teyya atta iluluŋ no hiyyo nafa owuon de ŋetiru atta hijio, emedek hide nia, ojio illak hijio “Ero anjilo to honyie.”
\v 30 Atta Yesu hitiraŋ hijio, “Obe hiro nia ottu ta nayya, ati ottu to hiram to nahatai.
\v 31 Iyyania era ŋoto no fau inna ati ebirori iso habu la fau inna adde.
\v 32 Ojio le ehaf hiyyo nayya ta fau inna, arihu iso naŋ hiyyo daŋ ta hanaŋ”
\v 33 Ojio inyia ania hijio anyar etihutek hijio jai ahu iso inyia ye.
\p
\v 34 Atta iluluŋ no hiyyo hitiraŋ hijio, etiru iyyohoi to hifahita hijio amanya iso Yesu Kristo tulaŋ. Nyo nia ejio iyye hijio akafari iso hiyyo Lonyi tuŋani ahide’? Ŋai Lonyi Tuŋani le?”
\v 35 Atta Yesu hijio to hosie, halarasa calai to hiji hatai. Itiloto helewuon itai to cialai anyar abe idumele etihok itai. Lia lolot te idumele obe oye hijio aja ahu inya.
\v 36 Helewuon itai to calai, anyar iruk itai cialai hijio anyar ira itai onyirok ha cialai.” Tahalu ho hikienita hunna atta Yesu eno ade tara hosie oŋofori.
\v 37 Hegiem ida hido Yesu hitihutita ariai to homomite hosie arasa isia biaŋan hiruk to honyie
\v 38 anyar etisiru hiro nafa ho hekilani ho Isaya inna ojio: “Habu ŋai eruhok hiro nohoi? Ojio ta ŋai lia etihutek dwaran na Habu?”
\v 39 To hiram nia obe isia eruhok nyo ojio ifa Isaya atta hinyiak hidas’
\v 40 “Etiŋodo Hollum honyiehite innohosie, ojo etigol tajia inohosie; Anyar lobe egonyu to honyiehite innohosie, obe hidofe etiru to yohe innohosie, atta aciohini ta hanaŋ ajio naŋ atta hitilibo isia.”
\p
\v 41 Ero Isaya hirro innia nyo egonyu inyia lohwo no Yesu atta inyia hiro te inyia.
\p
\v 42 Ati to hirro nia eruk ettaha ariai to Yesu, ati obe isia elimak to lobo tuŋani nyo abaŋ isia Farisei hijio hotobiaŋa efuhai isia tahaji imojit ade.
\v 43 Nyo omuno isia hitahuo no ottu tara hiyyo agalik hitahuo no ottu tara Hollum.
\p
\v 44 Atta Yesu yio binno no okwat atta hijio, “Le eruk lobo ta hanaŋ, obe inyia eruk ta hanaŋ hame, ati eruk to lia efahu wan nayya.
\v 45 Ojio le egonyu nayya, egonyu hidofe inyia lia le efahu nayya.
\v 46 Attu nayya afau iyya cialai hijio le eruk ta hanaŋ obe iso arasa te idumele.
\p
\v 47 Ojio le etiru hikienita innanaŋ obe ejufuta isia, abe nayya aŋot inyia. To nyo abe nayya attu oŋotori hiyyo ati attu naŋ etilohini fau.
\v 48 Le ebo wan nayya atta hidofe hibo amoju hikienita innanaŋ owuon inyia ha haŋotoni lohonyie, hiro ne ero nayya ena ottu iso hiŋot inyia to hisidi ha fau.
\v 49 Ati abe naŋ ero to wahan nanaŋ ati Monye hanaŋ to wan to lohonyie lia efahu nayya, esio ta hanaŋ hifahi arik ho hikienita inne erarari naŋ.
\v 50 Ayyen naŋ hijio hikienita innohonyie ara wuaran no osio fur. Ati ero nayya, ero nayya iyya elimak Monye hanaŋ, ero nayya.”
\c 13
\cl ŋati 13
\p
\v 1 Holobe ifa hiyom no Laŋan. Eyyen ifa Yesu hijo eliaha saa nohonyie hebusari fau inna anyar awu inya to Monye. Tomune to nohonye hehejufutak ilohonyie ilafa owuon ta fau, omuno ifa inyia isia man to hucuŋi.
\v 2 Iyyania ehumak ifa Sitan ta taji no Yuda Iskariote, lonyi Simone, anyar etinyiaŋai Yesu.
\v 3 Oyyen inyia hijo esio ifa Monye honyie to honyie hirro ta has honyie nyo ottu ifa inyia tara Hollum ojio hidofe enyiak aciahari to Hollum.
\v 4 Odioto inyia ta mai ho ŋiria atta ahou boŋo nohonyie. Atta inyia adumu hipotit atta elurok ta wan honyie.
\v 5 Atta inyia ejuhok hifioŋ to hilai atta hitiara hillilla hejek inno heyiyanak atta hidofe hifufus isia to hifufusi nara elurok inyia to wan honyie.
\p
\v 6 Atta inyia awoŋ to Simone Peturu, atta Peturu hijo to honyie, “Habu, hewu iso iyye hillilla hejek innanaŋ?”
\v 7 Etiraŋ Yesu to honyie hijo, “Hiro ino egiama nayya iyyania, ebe iyye eyyen, ati eyyen iso iyye ta halu.”
\v 8 Atta Peturu hijo to honyie, “Obe eremik hillilla hejek innanaŋ.” Atta Yesu hitiraŋ inyia hijo, “La abe naŋ ellilla iyye, obe iyye ewuon ettuba ikanaŋ.”
\v 9 Atta Simone Peturu hijo to honyie, “Habu, baŋa ati ellilla hejek innanaŋ hame, ati illilla hass innanaŋ iko hoo nanaŋ.”
\v 10 Atta Yesu hijo to honye, “Obe tuŋani lo okuo enyiak wahan, ati awak inyia hillilla hejek innohonyie, ati olibe inyia; alibe iyye ati hebuha illak.”
\v 11 (Oyyen ifa Yesu tuŋani lo ohu etinyiaŋai inyia; inyia nia ojio inyia, “Ebe itai ta mai daŋ elibo.”)
\p
\v 12 Nafa ellilla Yesu hejek innohosie atta eyari boŋojin innohonyie atta ahunyie ta fau, atta inyia hijo to hosie, “Heyyen iyye hijo nyo nia egiem nayya ta hatai?
\v 13 Ellilloŋ itai nayya ‘hetiyanani’ iko ‘Habu,’ ejio hidofe itai ero ille ebis, to nia ara nayya.
\v 14 Le era nayya, Habu iko Hetiyanani, atta hillilla hejek innahatai, illilla hidofe hejek inno lobo.
\v 15 Etuhutek nayya itai hitimijani anyar egiem itai iyya inna egiamari naŋ ta hatai.
\v 16 Dede, dede elimak naŋ ta hatai, obe hegiamani agalik ettok lohonyie; obe hidofe lefahati agalik tuŋani le efahak inyia.
\v 17 Le eyyen itai hirro inia, errumu iso itai jaha le egiama itai isia. Abe naŋ ero te itai daŋ;
\v 18 Ayyen nayya hiyyo illa anyimu nayya, egiem nayya ania hijo anyar otten hiram no Hollum: ‘Tuŋani la ahaf imune nohonyie ahaf inyia heju nohonyie ta hanaŋ.
\p
\v 19 Elimak nayya itai iyyania holobe hirro innia hijo anyar eyyen itai holobe isia eba, hijo anyar eruk itai Nayya.
\v 20 Dede elimak nayya itai, le efotu lobo tuŋani ille efahu nayya, efotu inyia nayya, ojio tuŋani le efotu nayya, efotu tuŋani le efahu nayya.”
\p
\v 21 Nafa attohu Yesu hiro hirro inia, atta oyiri nohonyie hitigiama. Ero inyia ta wan nohonyie hijo, “Dede elimak naŋ itai hijo etinyiaŋak iso lobo nayya.”
\v 22 Oriŋa heyiyanak to wati illohosie, ilia ekuyya hijo hero mahu ta ŋai.
\v 23 Ofer ifa lobo heyiyanani lafa omuno Yesu aŋai to oger ho terefeja aŋati ho Yesu.
\v 24 Oŋuŋusia ifa Simone Peturu atta elimak to lobo heyiyanani hefia hijo, “Ifia inyia ŋai lia ero inyie.”
\v 25 Atta inyia hinyiak aciek wan nohonyie to Yesu atta hijo to honyie, “Habu, ŋai lia?”
\v 26 Atta Yesu hitiraŋ, “Inyia tuŋani le edutok ikanaŋ imune atta naŋ hisio to honyie.” Nafa edutok inyia imune atta inyia hisio to Yuda lonyi Simone Iskariote.
\v 27 Ta halu ho daha nohosie atta Sitan ajiŋak to honyie, atta Yesu hijo to honyie, “Hehuma iyye nyo, torruk hirro innohoi kwak.”
\v 28 Iyyania, obe lobo tuŋani tara llafa ocio ta fau iko to terefeja oyyen hirro ino ero inyia to honyie.
\v 29 Ogilo ifa illak hijo oyita ifa Yuda kullo na arobia, atta Yesu hijo to honyie, “Inyiaŋu hirro ino ewak iyyohoi to holoŋ no hiyyom,” Kuyya hidofe e esio ida inyia nobo sihin to lociaŋak.
\v 30 Nafa efotu Yuda imune, atta inyia arruhari kokwak adde tara hosie. Ara ifa harie.
\p
\v 31 Nafa eno Yuda, atta Yesu hijo, “Iyyania etahuo Lonyi Tuŋani, ojio hidof Hollum etahuo to honyie.
\v 32 Etahuo iso Hollum inyia to wan nohonyie, ojio iso inyia etahuwo inyia kwak.
\p
\v 33 Durre illo hitiŋi, hawuon naŋ ikatai to saa lo odico. Esiaha iso itai nayya, iyya nafa ajitari nayya to Yudei, ‘Ta mai na awuye nayya, ibe itai eremik hafanu.’ Iyyania enyiak iso naŋ elimak ta hatai.
\v 34 Esio nayya ta hatai hifahi ŋejuk, hijo anyar emuno itai wati innahatai; iyya nia amunori nayya itai, itumune daŋ illak.
\v 35 To nia oyyen iso hiyyo hijo era itai heyiyanak illallaŋ, le ewuon itai ho mune to wati innahatai.”
\p
\v 36 Atta Simone Peturu hijo to honyie, “Habu, ewu iyye aji?” Etiraŋ Yesu atta hijo, “Obe iyye eremik ejufari nayya iyyania, ati ejufun iso ta halu.”
\v 37 Atta Peturu hijo to honyie, “Habu, nyo ati abe nayya aremik ejufari iyye iyyania? Esio iso nayya manya nanaŋ te iyye.”
\v 38 Atta Yesu hitiraŋ, “Esio iso iyye manya nohoi ta nayya? Dede ajo nayya to hoi, erisa iso iyye nayya hinyiahita hunik holobe hohoro ellok.”
\c 14
\cl ŋati 14
\p
\v 1 “Hotobiaŋa tajia innahatai odiaha. Iruho to Hollum; iruho hidofe daŋ ta hanaŋ.
\v 2 To hotwai haji ho Monye hanaŋ obore massik inne emanyari, nobe ifa ara ania, nia elimak ida naŋ ta hatai, ati ahu naŋ atiorok mai ta hatai.
\v 3 Leno naŋ atiorok mai da hatai, enyiak iso naŋ aciohini atta naŋ awoŋ eyari itai ta hanaŋ hijo ta mai na awuanari naŋ ewuon iso itai daŋ.
\v 4 Eyyen itai ikoi ne lawuye naŋ.”
\p
\v 5 Ejo Tomaso to Yesu, “Habu, ebe iyyohoi eyyen hijo aji ehu iyye; jai iso eyyen iyyohoi ikoi?”
\v 6 Ejo Yesu to honyie, “Ara naŋ hikoi, ho bisan, ojo wuaran, obe lobo lo lotu to Monye aracie ta nayya.
\v 7 Ati leyyen itai naŋ, eyyen iso hido fe itai Monye hanaŋ daŋ; iyyania man ahosiere eyyen itai inyia ejo hido fe egonyu inyia.”
\p
\v 8 Ejio Fillipo to Yesu, “Habu, ituhutek iyyohoi Monye, atta iso nia aremik toohoi.”
\v 9 Ojo Yesu to honyie, “Obolo wuana nanaŋ ikatai inni, ejo iyye holobe eyyen naŋ, Fillipo? Iyye ille egonyu nayya, egonyu Monye; jai ejio iyye, ‘Ituhutek te iyyohoi Monye’?
\v 10 Holobe iyye eruk hijo awuon naŋ to Monye, ojo Monye owuon ta hanaŋ? Hirro inia ero naŋ to hoi; ero naŋ obe ara to wahan hanaŋ; ati, inyia Monye lia lamanya ta hanaŋ egiama igem nohonyie.
\v 11 Iruho naŋ, hijo awuon naŋ to Monye, ojo hidofe Monye tahanaŋ; kuya hidofe iruho nayya to higemita inia egiem naŋ.
\v 12 Dede, dede, ajo naŋ ta hatai, lia le leruk ta hanaŋ, egiama iso inyia higemita hunna egiama nayya; ojo iso inyia hidofe egem higiemita hunna agalik nyo eno naŋ to Monye.
\v 13 Le efia itai to fure hanaŋ, egiem iso naŋ, anyar okwat iso Monye To Lonyi.
\v 14 Lefi itai illak hirro to fure nanaŋ, egiem iso naŋ.
\p
\v 15 Lemuno itai naŋ, eniefita iso itai hifahita innanaŋ,
\v 16 Ajo iso naŋ amojo to Monye, ojo iso inyia esio itai lobo hesiŋani anyar iso lodule daŋ he itai tulaŋ,
\v 17 Loyiri no bisan. Obe iso fau efotu inyia nyo obe egonyu obe hidofe oyyen inyia. Ati, eyyen itai inyia, nyo ettole inyia he itai ojo hidofe odule iso wuana ta hatai.
\v 18 Abe naŋ ledek itai hame; acohini iso naŋ ta hatai.
\v 19 Ati iso kai, obe iso fau egonyu naŋ inyak, ati egonyu iso itai. Nyo amanya naŋ, emanya iso hidofe itai.
\v 20 To holoŋ nyia eyyen iso itai hijo awuon naŋ to monye hanaŋ ojo itai ta hanaŋ, ajo hidofe awuon naŋ tahati.
\v 21 Tuŋani lo owuon ho hifahita innanaŋ atta hitoŋ isia, inyia lia lo omuno nayya; ojo lia lomuno nayya omuno iso Monye hanaŋ inyia, ajo iso naŋ amuno inyia ajo iso nayya etuhutek wan nanaŋ to honyie.”
\p
\v 22 Yudas (obe lara Iskariote) ojo to Yesu, “Habu, nyo nia iso etuhutek iyye wan nohoi te iyyohoi obe ara ta fau daŋ?”
\v 23 Etiraŋ Yesu atta hijo to honyie, “Lomuno lobo nayya, otoŋ iso inyia hiro nanaŋ. Omuno iso Monye hanaŋ inyia, atta iso iyyohoi afanu to honyie ojo iso iyyohoi atta emak haŋ ne emanyari iyyohoi he inyia.
\v 24 Tuŋani lobe omuno nayya obe eniefita hiro nanaŋ. Hiro nia etiru itai obe ara tara hanaŋ ati ottu tara Monye lia efahu nayya.
\v 25 Ero ifa naŋ hirro hunna ta hatai, nafa halamanya naŋ to hiji hatai.
\v 26 Ati, hetilihani, Loyiri ille olibo, lia lohu Monye iso efahu to fure hanaŋ, etiyen iso itai hirro daŋ atta iso eyyani to higigilo nahatai daŋ hunna ajo naŋ tahatai.
\v 27 Himwara ediahari naŋ ta hatai; esio naŋ himwara nanaŋ ta hatai. Abe naŋ esio inyia iyya esio fau. Ibaŋa ebusak tajia innahatai hotodiahai, ibaŋa labaŋ.
\p
\v 28 Etiru itai hijo ajo naŋ ta hatai, ‘Eno naŋ adde, ajio iso naŋ aciohini tahatai.’ Lemuno ifa itai naŋ, ewuon iso itai iko mune nyo eno naŋ to Monye, nyo agalik Monye nayya.
\v 29 Iyyania elimak ifa naŋ itai holobe isia eduoŋ anyar, leduoŋ inya, eremik itai hiruk.
\v 30 Abe iso nayya adule hiro ikatai binno, nyo awoŋ hekumoni la fau inna, obe inyia owuon ho golon agalik nayya,
\v 31 anyar oyyen fau hijo amuno naŋ Monye, ehuma nayya iyya elimak Monye hanaŋ nayya. Hetidiote efie tenni ade.”
\c 15
\cl ŋati 15
\p
\v 1 Naya yani ojo Monye hanaŋ ara ahedulani ha yani.
\v 2 Esisalu inyia sana inanaŋ inno obe eŋarak haŋer ojo inya esisala sana daŋ inne eŋara hijio anyar enyiak eŋarak haŋer arria.
\v 3 Iyyania alibe itai to hiro ne le ero naŋ ta hatai.
\v 4 Itigololik ta hanaŋ ajo naŋ agolik ta hatai. Iya obe sana ino yani oremik eŋarak haŋer inno honyie hame ojo ta ajalaŋi obe lobo lahatai oremik eŋarak man egolihini itai ta hanaŋ.
\p
\v 5 Ara nayya ajalaŋi ejo itai ara sana. Lo ogolik ta hanaŋ ajo naŋ to honyie eŋara inyia haŋer arria. Nyo elama itai tara hanaŋ ebe itai eremik hihum nobo sihin.
\v 6 Obe lobo ogolik ta hanaŋ, eruwoŋori inyia adde iyya sanai hijio hototoyo. Sana inia agaranyu inyia atta ebirok to hima hijo hotosuwahari.
\v 7 Lagolik itai ta hanaŋ ojo hiro nanaŋ ogolik ta hatai, ifia hiro ino ewak itai ati efu iso itai arrumu.
\v 8 Okwat fure no Monye hanaŋ, le eŋarak itai haŋer ariai atta hidofe etuhutek dede hijo era itai heyiyanak illallaŋ.
\p
\v 9 Iyya omuno Monye hanaŋ nayya, amune hidofe nayya itai. Itudule to mune hanaŋ.
\v 10 Lagolik itai hinefita hifahita innanaŋ egolik iso itai to mune nanaŋ iyya nia agocie naŋ hifahita inno Monye hanaŋ iyya omuno Monye hanaŋ itai ajo naŋ amuno itai, itigolik to mune nanaŋ.
\v 11 Elimak naŋ itai hirro hunna hijo anyar arasa mune nanaŋ ta hatai hidofe anyar efut nahatai.
\v 12 Hifahi nanaŋ innaŋ, itumune halasira hatai iyya inna amunori nayya itai.
\v 13 Obe lobo tuŋani owuon ho mune agalik inna, hijo esio inyia wan nohonyie to motiarak illohonyie.
\v 14 Era itai motiarak hanaŋ lehuma itai igem ne elimak naŋ itai.
\v 15 Abe iso naŋ ellilloŋo itai apiti, nyo obe pit oyyen hijio nyo nia ehuma ettok lohonyie, ati ellilloŋo naŋ itai halasira nyo anyar etihutek naŋ ta hatai hirro daŋ innafa eyiyenu naŋ tara ho Monye hanaŋ, etuhutek nayya ta hatai.
\v 16 Obe ifa ara itai enyimu nayya, ati nayya anyimu itai atta efahak hijo anyar efu itai eŋarak haŋer ojio hidofe anyar arasa haŋer to hiro daŋ inne efia itai tara Monye hanaŋ to fure nanaŋ, esio iso inyia ta hatai.
\v 17 Hifahai nanaŋ inna ta hatai, hijo anyar emuno itai wati inna hatai.
\p
\v 18 Laliwari ilamuk hiyyo itai, itigilu hijo oliwari isia nayya to bere tara hatai.
\v 19 Ŋera ida itai ahiyyo hullo ha fau inna, nomuno ida hiyyo hullo itai iyya halasira hosie, ati obe itai ara ahiyyo hullo ha fau inna nyo anyimu nayya itai ta fau inna, inyia nia oliwari ilamuk hiyyo itai.
\v 20 Ihuma hinief hirro inne elimak naŋ ta hatai, obe pit agalik lettok honyie. Letigiama isia nayya, etigiama iso hidofe isia itai. Kuyya lehum isia hinief hiro nanaŋ ehum iso hidofe isia hinef hiro nahatai.
\v 21 Ehuma iso isia hirro innia daŋ ta hatai to fure nanaŋ nyo obe isia oyyen lia lafa efahu nayya.
\v 22 Ŋabe ifa nayya attu hidofe hiro to hosie, hobe isia ida owuon iko hiyyatta innohosie; ati iyyania obe innak ilieti inno hiyyatta innohosie.
\v 23 Lia oliwari nayya oliwari hidofe inyia Monye hanaŋ.
\v 24 Ŋabe ifa nayya ehuma higiemita hunna holobeŋ lobo tuŋani hihum to hiji hosie, nobe ifa isia owuon iko hiyyata innohosie, ati iyyania egonyu isia daŋ ojo hidofe oliwari nayya daŋ iko Monye hanaŋ.
\v 25 Iyyania, etisiru hiro nafa egiorok nayya to hifahita innohosie, hijo, oliwari isia nayya asai.’
\p
\v 26 Lawoŋ hesiŋani, le efahu naŋ ta hatai tara Monye hanaŋ, inyia lia, Oyiri lo bisan, lo ohu tara Monye hanaŋ, ottu iso inyia hiro ta nayya.
\v 27 Ero hidofe itai nyo ewuon ifa itai ikanaŋ man to hitieri.
\c 16
\cl ŋati 16
\p
\v 1 Ero nayya hirro hunna ta hatai hijo hotobiaŋa itai ehuyuta.
\v 2 Efuhak iso isia itai ade ta hajik inno imojiti; dede awoŋ holoŋ nafa egigilori hatohok hatai hijo egiama inyia igiem na lanyar to Hollum.
\v 3 Egiama isia hirro inia nyo obe isia oyyen Monye kuya nayya.
\v 4 Ero nayya hirro hunna ta hatai hijo lawoŋ holoŋ nafa nia ta hatai, eremik iso itai egigilu isia iyya nafa nia elimahini nayya itai hiram nohosie isia. Abe nayya elimak itai hijo hirro inia man to hitieri nyo awuon ifa nayya iko inyia.
\p
\v 5 Iyyania, awu nayya to honyie lia ille efahu nayya; ati obe lobo lahatai efi nayya, ‘Hewu iyye aji?
\v 6 Ati ajo nayya hirro hunna to hatai, efut iso mijan ta tajia hatai.
\v 7 Iyyania, elimak nayya itai dede: anyar iso ta hatai leno nayya ade; nyo lenyai nayya hawu ade, obe iso hesiŋani ottu; ati kuya leno nayya, efahu iso nayya inyia ta hatai.
\v 8 Lawoŋ inyia, ottu iso hesiŋani etuhutek hijo epal fau to hiram no hiyyata, ibisiti ojo ŋoto
\v 9 hiyyata, nyo obe isia eruk to nayya;
\v 10 to higigilo no bisan, nyo eno nayya to Monye, ejo itai ebe enyiak egonyu nayya nobo;
\v 11 to higigilo no ŋoto, nyo oŋoto ifa hekumoni lafau inna.
\p
\v 12 Ayita nayya hirro ariai hunna aremik nayya hijo ta hatai, ati ebe itai eremik hetiru isia na lanyar iyyania.
\v 13 Tonia, ifa inyia, oyiri lo bisan, awoŋ, etidihita iso iya itai to bisan; nyo obe iso ero towan nohonyi; ati etiru iso hiro bi daŋ, ero iso inya hiro inia; ojo iso inyia opulok ta hatai hiro ino afanu iso.
\v 14 Etihabwo iso inyia nayya, nyo eyari iso inyia hirro innanaŋ atta inyia elimak ta hatai.
\v 15 Hirro bi daŋ inno Monye ara bi daŋ inanaŋ; Tonia, ajo nayya hijo eyari iso oyiri hirro inanaŋ atta apulok isia ta hatai.
\p
\v 16 Kai iyyania, ebe iso itai enyiak egonyu nayya; ta halu kai enyiak iso itai egonyu nayya.”
\v 17 Ero ilamuk heyiyanak illohonyi ta wati innohosie, “Hojo inyia nyo tohoi to hiro nohonyie, “Kai iyyania, ebe iso itai enyiak egonyu nayya,’ ojo kai hidofe atta itai hinyiak egonyu nayya,’ nyo awu nayya to Monye?”
\v 18 Ejo isia, Hara ŋari nyo nia ojio inyia, hijo kai iyyania? Ebe iyyohoi eyyen hiro innia ojo inyia.”
\p
\v 19 Egonyu Yesu hijo owuon isia iko wahan hefiari inyia, ojo inyia atta hijo to hosie, “Efia itai wati innahatai to hiram inna, nia ejo nayya ‘Lobo kai, ebe iso itai enyiak egonyu nayya; ojo ta halu enyiak iso itai egonyu nayya?
\v 20 Dede, ajo nayya ta hatai, eyio iso itai ejo hidofe elalia, ati omuno iso fau; ejo itai iso ewuon iko hijiriŋa, ati oyito iso hijiriŋa nahatai amune.
\v 21 Owuon iso hiito noŋoruo iko hijiriŋa lawahan inyia hitado nyo awoŋ holoŋ nohonyie no hitado hiito, obe iso inyia enyiak hiyyen diahai nyo to mune nohonyie hijo esini hiito ta fau.
\v 22 Ewuon iso itai iko hijiriŋa iyyania, ati attu iso nayya hinyiak hiwolo itai; ojo tajia inna hatai atta wuana iko mune, obe iso lobo tuŋani oremik eyari ade mune nahatai tara hatai.
\v 23 To holoŋ nya ebe iso itai eremik hifi nayya. Dede, dede, ajo nayya ta hatai, kuya efia itai innak hiro to Monye hanaŋ, esio iso inyia ta hatai to fure nanaŋ.
\v 24 Man iyyania ebe itai efia innak hirro to fure nanaŋ; ifia ejo itai emoju anyar mahati ewuon homune nahatai ne efut.
\p
\v 25 Ero ifa nayya hirro hunna ta hatai to hirori no hitihuti, ati awoŋ holoŋ inna abe iso nayya aremik hidas hiro ta hatai to hirori inno hitirijita ati awu iso nayya elimak ta hatai nolibo to Monye.
\v 26 To holoŋ nya efie iso itai to fure nanaŋ, ajo naya abe elimak ta hatai hijo awu iso naya mojo to Monye te itai;
\v 27 nyo omuno Monye hanaŋ itai hijo emuno itai nayya ejo hidofe itai eruk hijo atu nayya tara Monye.
\v 28 Attu nayya tara Monye, ajo nayya attu iso afau; Eno naŋ ebusak fau ajo nayya awu to Monye hanaŋ.”
\p
\v 29 Ejo heyiyanak illohonyie hijo, “Towolo, iyyania ero iyye nolibo; ero iyye to hirorita inno hitihuta.
\v 30 Iyyania eyyen iyyohoi hijo eyyen iyye hirro bi daŋ, ejo iyye ebe ewak lobo hefia iyye. Nyo to innia, eruk iyyohoi hijo ettu iyye tara Hollum.
\p
\v 31 Etiraŋ Yesu isia, eruk itai iyyania?”
\v 32 Towolo, ehutu holoŋ, ee, awoŋ luŋa dede, nefu itai esisarahini, lobo daŋ ta haŋ honyie, atta itai ebusak nayya lobotie. Ati abe nayya awuon hame nyo owuon Monye iko nayya.
\v 33 Ero nayya hirro hunna ta hatai hijo ta nayya anyar mahati ewoun itai iko himwara. Ta fau inia ewuon iso itai hitigiemita arria ati anyar ebe itai ebaŋ: Agalik nayya fau.”
\c 17
\cl ŋati 17
\p
\v 1 Ta halu ho hirro hunna, ebonno Yesu ahide atta hijo, “Monye hanaŋ, awoŋ saa hanaŋ; Itahwo nayya a Lonyi hoi anyar etahwo Lonyi hoi iyye.
\v 2 Nyo esio ifa iyye naŋ hilohittok hagalihini hiyyo daŋ hijo anyar esio naŋ ille esio iyye ta hanaŋ manya no osio fur.
\v 3 Manya no osio inna, hijo anyar oyyen isia iyye, hijo iyye Hollum ille lobotie dede iko Yesu Kristo lafa efahu iyye.
\v 4 Etahwo naŋ iyye ta fau, Atuhok naŋ igem nafa esio naŋ hegiama.
\v 5 Iyyania, Monye, etahwo naŋ daŋ iko hoi ho hitahwo nafa owuon man beren ta nafa eyyeuni iyye fau ho hirro daŋ inno owuon ta fau.
\p
\v 6 Etuhutek nayya fure nohoi to hiyyo daŋ illafa esio ta hanaŋ ta fau. Ara ifa isia illohoi; atta iyye hisio isia ta hanaŋ, ojo isia odule hiniefita hiram nohoi.
\v 7 Iyyania oyyen isia hijo lesio iyye nayya innak hirro, afanu hirro niyya tara hoi,
\v 8 esio naŋ to hosie rori innafa esio iyye ta hanaŋ. Amoju isia ojo hidofe oyyen dede hijo afanu tara hoi, man eruk hijo efahu iyye naŋ.
\v 9 Amojo naŋ te isia. Abe naŋ amojo ta fau ati to ilia illafa esio iyye naŋ, nyo ara isia illohoi.
\v 10 Ara hiro inanaŋ daŋ inohosie, ojo inohoi daŋ ara inneti, etihabwo naŋ te isia.
\v 11 Abe naŋ iyyania enyiak wana ta fau, ati owuon hiyyo illia ta fau, ajo naŋ attu to hoi. Monye lolibo, ogocie isia to fure nohoi hijo esio iyye isiea ta hanaŋ anyar ottuba isia nobotie, iyya era iyyohoi nobotie.
\v 12 Nafa halawuon naŋ he isia, adule naŋ hiniefita isia to golon no fure nohoi innafa esio iyye ta hanaŋ, eriria naŋ isia, ati obe lobo lebusari ade, aracie lonyi henyabani, hijo anyar otuba higierita.
\p
\v 13 Iyyania awoŋ naŋ to hoi; ati ero naŋ hirro hunna ta fau hijo efut mune nanaŋ to hosie.
\v 14 Esio naŋ to hosie hiram nohoi; Aliwari fau isia nyo obe isia ara illafa fau, iyya abe naŋ hidofe awuon ta fau.
\v 15 Abe naŋ amojo hijo anyar eyari isia adde ta fau ati anyar eriria iyye isia tara henyabani.
\v 16 Obe isia ara illo fau, iyya abe hidofe naŋ ara la fau.
\v 17 Igialak isia hatara illohoi te ibisiti; nyo obis hiram nohoi.
\v 18 Iyya nafa efahahini iyye nayya afau, efahak hidofe nayya isia a fau.
\v 19 Esio nayya wan nanaŋ to hoi te isia hijo anyar esio hidofe isia wati innohosie to hoi te ibisiti.
\p
\v 20 Abe naŋ amojo te isia hame ati to ilia ille eruk ta hanaŋ to hiro nohosie.
\v 21 Hijo anyar otuba isia nobotie, Monye iyya nia ewuanari iyye ta hanaŋ, awuon nayya tohoi. Amojo naŋ hijo hotowuana isia tohoi hijo anyar eruk fau hijo efahu iyye nayya.
\v 22 Hitahwo nafa esio iyye ta hanaŋ--Esio naŋ to hosie, hijo hotubai isia, iyya inna etubari nobotie-
\v 23 Ajo nayya to hosie, eijo iyye ta hanaŋ, anyar olibo isia nobotie; ojo fau atta hiyyen hijo efahu ifa iyye nayya dede, atta mune isia iyya nia emunori iyye nayya.
\p
\v 24 Monye, awak naŋ ille esio iyye ta hanaŋ, anyar owuon isia ika naŋ tamai na awuanari naŋ anyar egonyu isia lohwo nanaŋ, nafa esio iyye ta hanaŋ: Emuno ifa iyye beren holobe hitieri na fau.
\p
\v 25 Monye lolo odua, obe ida hido hiyyo oyyen iyye, ati ayyen naŋ iyye, oyyen hullo hijo efahu iyye nayya.
\v 26 Etuhutek nayya fure nohoi to hosie, ati enyiak iso hidofe nayya etuhutek fure nohoi hijo hotowuana mune nemunori iyye nayya owuon ta tajia innohosie.”
\c 18
\cl ŋati 18
\p
\v 1 Tahalu ho hiro no Yesu, eno ifa inyia iko heyiyanak illohonyie afohor hari no Kidro no Yeruselem, nafa owuanari mana nafa ojiŋahini inyia iko heyiyanak.
\p
\v 2 Yudas, inyia tuŋani lafa ohu etinyiaŋai Yesu, omijak hidofe inyia mai nafa nyia oduleri Yesu alocie iko heyiyanak illohonyie.
\v 3 Nafa amoju Yudas iluluŋ no oseŋer iko ettaha tara hetimojok illo habu iko Farisei, edieni ifa isia to hima no ruwai iko to lomosien, illo ottoŋita iko feria inno hosie.
\v 4 Ojo Yesu, ara tuŋani loyyen hirro innafa orru to honyi daŋ, ohu ifa inyia ade ahosiere hosie atta hifi isia, “ŋai lia etufa itai?”
\v 5 Etiraŋ isia to honyi, hijo, “Yesu lo Nasarit.” Ati, etiraŋ ifa Yesu to hose, “Nayya illeŋ.” Atta ati Yudas, lafa hetinyiaŋani honyie, oweta ifa inyia daŋ iko oseŋer.
\v 6 Ifa ero inyia to hosie, “Nayya illeŋ.” Atta isia aciahari atta ahuyik ta fau.
\v 7 Ati enyiak ifa inyia hifia isia hijo, “ŋai ati lia etufa itai?” Edas isia hitiraŋ hijo, “Yesu lo Nasarit.”
\v 8 Ati etiraŋak Yesu to hosie hijo, “Elimak ida nayya itai hijo, nayya illeŋ; letufa ida itai nayya, ibusak hiyyo ilak hefiye.”
\v 9 Ati ara ifa hijo anyar hirorita osiru iyya to hiro nafa nyia. Iyya to hiyyo ille esio itai ta hanaŋ obe iso lobo lobotie olita to hiji hosie.
\p
\v 10 Ati owuon ifa Simone Peturu iko demi no honyi no obolo. Asutu inyia demi atta hiyef hiyyok no lobo pit ille ehuhuma ettaha. Asalu ifa inyia hiyyok ne inyiet no tuŋani lia. Ara ifa pit lia Malko.
\v 11 Ojo Yesu atta hiro to Peturu hijo, “Inyiahak demi nia hoi to sohobo. Egigilo iyye hijo abaŋ mahu naŋ mata to kos nia esio Monye hanaŋ ta hanaŋ?
\p
\v 12 Eniefu iluluŋ no oseŋer iko ettaha illo hosie ho Yudei Yesu. Efit ifa isia Yesu atta arihori inyia teyya ta Anas,
\v 13 nyo ara Anas ahomoni to Kaipas lafa hittok to Yudea ifa beren.
\v 14 Ati ara ifa Kaipas hesiŋani lo Yudei hijo osiru to tuŋani lobotie hayori te iluluŋ no hiyyo.
\p
\v 15 Ejufak ifa Simone Peturu Yesu, ojo illamuk heyiyanak atta ejufak iyya inyia. Ati oyyen ifa hiyyo heyiyanani lia bi nono man to ettaha hullo hetimojok, ajiŋe ifa inyia daŋ ho Yesu ahotuwe haji ne ettok ewuahari no hetimojok;
\v 16 ati arasa ifa Peturu wueta te ikat na bali. Heyiyanani lafa oyyen ettaha illo hetimojok eno abali to hiito noŋoruo inna pit heririani he ikat, ero to honyie hijo iyyani Peturu enni ahotuwe.
\v 17 Ohifia hiito noŋoruo nia eriria ikat Peturu hijo, “Iyye hidolia lobo heyiyanani lo honyie, hebe iyye ara?” Etiraŋ inyia hijo “Obe naŋ ara lobo lohonyie.”
\v 18 Oweta ifa herirani he ikat iko ettaha aŋati honyi dia. Enahak ifa isia hima hijo anyar etinohori wati innohosie nafa elik hilik. Ati oweta ifa Peturu iko isia daŋ to osujari ho hima.
\p
\v 19 Ohifia ifa hetimojok hullo hittaha Yesu to hiram no heyiyanak iko hitiyana no honyi.
\v 20 Etiraŋ Yesu to hosie hijo, “Ero ifa naŋ daŋ to hosiere ho fau hijo; Etiyana ifa nayya holoŋitek daŋ to haji emojit inna hittok iko to omojori no omojori Yudei. Abe if naŋ ero hame.
\v 21 Nyo nia edas itai hifia nayya? Ifia to hiyyo lia illafa etira to hiro nafa ero naŋ. Oyyen hiyyo hirro nafa ero naŋ.”
\v 22 Nafa attohu Yesu hiro, odiote ettok lafa hosie ahide atta hinnaŋ Yesu ta hani no honyie atta hijo, “Hara hitiraŋi nia hoi nia daŋ ania to fadiri lettok?”
\v 23 Ojo Yesu atta hitiraŋ to honyie hijo, “Iyya leroru nayya innak hiro inno orru, ati ilimu hido itai hipali nya epal nayya. Ojo hidofe lelimak naŋ to hoi inno olibo, no nyo ennaŋ iyye nayya?”
\v 24 Ifa teyya efahak Annas Yesu to Kaipas hetimojoni lettok.
\p
\v 25 Ati osuja ifa Simone Peturu hima lo oweta bi iko isia. Ojo ilak hiyyo atta hiro to honyie hijo, “Iyya ara iyye lobo heyiyanani lohonyie?” Ero ifa inyia lo orisa bii hijo, “Abe nayya teyya.”
\v 26 Odiote lobo lo woyyo laba Malko lafa oŋotu Peturu hiyyok nohonyie atta hiro hijo, “Owuon iyya egonyu ida nayya iyye ta mana iko inyia?”
\v 27 Ati orisa Peturu hijo abe nayya ayyen, ojo hohoro atta hillok
\v 28 Ifa teyya edihori isia Yesu ade tara ho Kaipas adiya ahaji inna ara fure Pretero ifa to motie beren, obe ifa isia ojiŋak ade ho Pretero hijo ŋoso isia ebe enyiak daha hiyyom no Laŋan.
\v 29 Otu ifa Pilato ade hosie atta hiro hijo, “Owuon inak irositi inohonyie ino hipalita ino eyyani itai ta hanaŋ?”
\v 30 Etiraŋ isia to honyie hijo, “Obe ida inya ara hepalani, nobe ida iyyohoi eyyani inyia to hoi.”
\v 31 Ati ero ifa Pilato to hosie hijo, “Iyari iyya ewak itai inyia, ojo hidofe itiŋot hiram no honyi te iwahiti innahatai.” Ati ojo ifa Yudei to honyie hijo, “Obe ati innak hirro etik iyyohoi hattohori lobo tuŋani.”
\v 32 Ati ero ifa isia hijo, anyar lo siru hiro nafa ho Yesu, ati ohu iso hirro inno honyi etuhutek iyet no oyori inyia.
\p
\v 33 Enyiak ifa Pilato ajiŋak ahaji ho Pretero atta eliloŋu Yesu hidofe efi inyia hijo, “Ara iyye ahabu lo Yudei?”
\v 34 Atta Yesu hitiraŋ to honyie hijo, “Efia iyye hiram nia hijo iyye ero ta taji nohoi, kuya lobo tuŋani elimak tohoi hijio efia nayya?”
\v 35 Ati etiraŋak Pilato to honyie hijo, “Abe naŋ ara lo Yudei, ara mahu naŋ? Hiyyo iko habuwok illohoi, isia eyyani iyye enni hanaŋ; Hegem iyye nyo?”
\v 36 Etiraŋ ifa Yesu to hosie hijo, “Obe ahabue nanaŋ ara na fau. Ojo lara ida ahabuwe inna hanaŋ ŋati na fau inna, kuya ne ŋalafa ida itai iko hegiamak ille egiama ika naŋ hijo hotobiaŋa itai Yudea eyari nayya. “Ati dede, obe ahabuwe inna hanaŋ ottu tenni ta fau.”
\v 37 Enyiak ifa Pilato hifi inyia hijo, “Era iyye habu lo Yudea?” Etiraŋ ifa Yesu to hosie hijo, “Iyya ejo iyye ara nayya habu. Ati esini ifa nayya to hiram nia, ajo hidofe attu to hiram nia attuni nayya enni afau hijo anyar attu nayya helimak hirro inno oso dede. Tuŋani lo owuon to bisan etira iso hutuk nanaŋ.”
\v 38 Ojo Pilato to honyie, “Nyo nia lara bisan?” Nafa attohu inya hiro, enyak inya ajiŋe abali to Yudea atta elimak to hosie hijo, “Abe naŋ arumek nobo hipali to honyie.
\v 39 Ati ewuon itai iko imohiti inahati huna awak hijo anyar naya ebusu tuŋani lobotie ta hatai to hiyyom no Laŋan. Ewak itai nayya hebusu ta hatai Habu lo Yudea?”
\v 40 Ati enyiak isia hiyyorrita hijo, “Obe lara tuŋani lia ille, ewak iyyohoi Barabbas.” Ojo Barabbas ara ifa tuŋani lohoho.
\c 19
\cl ŋati 19
\p
\v 1 Nia eyari Pilato Yesu atta hisio hatabak hiyyo.
\v 2 Atta oseŋer ayiru ihita no hukwa. Atta ehumak to hoo honyie' ojo eticiofok inyia boŋo no ara iŋiri.
\v 3 “Moŋ Habu lo Yudea!” atta hinnaŋ inyia ta has hosie.
\p
\v 4 Enyiak Pilato eno abali atta hijo to hiyyo, “Itiwolo, eyyani naŋ tuŋani ille ta hatai abali hijo anyar egonyu itai hijo obe naŋ arumu nobo hipali to honyie.”
\v 5 Nia awoŋ Yesu abali; eciefita ifa inyia ihita no hukwa iko boŋo iŋiri. Atta Pilato hijo to hosie, “Itiwolo, ille tuŋani lia!”
\p
\v 6 Nafa egonyu lettaha illo hetimojok iko hegiamak Yesu, oyio isia atta hijo, “Isihok inyia, isihok inyia!” Atta Pilato hijo to hosie, iyari inyia to wati innahatai ifeti isihok, abe naŋ arrumu nobo hipali to honyie.”
\v 7 Etiraŋ Yudei Pilato, “Ewuon iyyohoi ho hifahi, ojo to hifahi nyia ara inya atohoti nyo ehumak inyia wan nohonyie Lonyi Hollum.”
\p
\v 8 Nafa etiru Pilato hiro nia hosie.
\v 9 Atta inyia baŋi nno atta inyia hinyiak ajiŋak ahotwe haji atta hijo to Yesu, “Hetu iyye tai, ati obe Yesu etiraŋ inyia.
\v 10 Atta Pilato hijo to honyie, “Obe iyye ewak hiro ta hanaŋ? Obe iyye eyyen hijo awuon naŋ ho golon hahehini iyye, iko golon no hesihohini iyye?”
\q
\v 11 Etiraŋ Yesu inyia, “Obe iyye ewuon ho nobo golon to hanaŋ man lesio Hollum to hoi. Nyo tuŋani lo etuhutek nayya ta hatai owuon he iyyau no lobolo.”
\p
\v 12 To hitiraŋi nia, atta Pilato hijo nahou inyia, ati oyio Yudei atta hijo, “Lahek iyye tuŋani lia, obe iyye era mote Kesari: Hiyyo bidaŋ illo ehumak wati illohosie ahabuok obe awak Kesari.”
\p
\v 13 Nafa etiru Pilato hiro nia, atta inyia eyyani Yesu abali atta ahunyia to mai he iŋotit tamai inna ellilloŋo hiyyo hijo hutuhuti, ati to Ebrei, ara Gabata.”
\p
\v 14 Ara ifa far no ehuhumari hiyyo far no Laŋan, to sahien ile. Atta Pilato hijo to Yudei, “Ituwolo Habu lahatai ille!”
\p
\v 15 Oyio isia atta hijo, “Iyari inyia ade, iyari inyia ade; isihok inyia!” Atta Pilato hijo to hosie, “Anyar esihok naŋ Habu lahatai?” Etiraŋ habu lo hetimojok, “obe iyyohoi ewuon holobo habu ati Kesari.”
\p
\v 16 Nia atta Pilato eloitok Yesu to hosie hesihok.
\p
\v 17 Eyari isia Yesu, ojo esio inyia hatahafitai kuruce no honyie to wan no honyie, amai nobo no eliloŋo isia hijo mai nohet, ojo eliloŋo hijo Gologota to Ebrei.
\v 18 Esihok isia Yesu dia iko ilak hiyyo lohorik, lobotie toko hani ho ihorroŋ, lobotie toko inyiet ojo Yesu to hiji.
\p
\v 19 Egiorok ifa hidofe Pilato hutuhuti atta ehumak to kuruce: YESU LO NASARIT, HABU LO YUDEA.
\v 20 Yudea aria ehina hutuhuti nia nyo mai nafa esihohini isi Yesu eliaha ifa iko bore na gala nettok. Egioro ifa hutuhuti nia to Ebrei, to Latin ojo to Girik.
\p
\v 21 Atta lettok lo hetimojok lo Yudea hijo to Pilato, “Baŋa egiorok hijo, ‘Habu lo Yudea,’ ati nojo inyia, “Naya Habu lo Yudea.’”
\p
\v 22 Etiraŋ Pilato, “ino egiorok naŋ egiorok naŋ.”
\p
\v 23 Tahalu nafa esihok oseŋer Yesu, atta isia adumu jolofiya no honyi atta huŋuŋut amasik aŋwan, atta hisio abotie abotie to oseŋer illafa lia, ojo hidofe gemis daŋ. Obe gemis owuon iko higierita inno obiaŋarik isie man to hide man aŋolon.
\v 24 Atta isia hijo to wati innohosie, hotobiaŋa ida egugwas inna, ati hetibak mwaŋa hijo hara iso ŋai ohu eyari.” Ara hijo anyar etufut higierita hunna ojo, “Ebubwanyak isia boŋojin innanaŋ to wati innohosie ojo gamis nanaŋ abaha isia mwaŋa.”
\p
\v 25 Egiem oseŋer iyya egioro. Hotonye Yesu, hanasi hotonye honyie, Maria oŋoruo kolopas, ojo Maria Madalina-isia inafa oweta aŋati ho kuruce no Yesu.
\v 26 Nafa egonyu Yesu hotonye honyi iko heyiyanak hullo omuno inyie oweta aŋati honyie, atta inyia hijo to hotonye honyie, “Tuŋani inna, towolo, onyi hoi ille!”
\q
\v 27 Atta hidofe hijo to heyiyanak, “Itiwolo, nia hotonye hatai nia!” Ta saa nyia atta heyiyanak eyari inyia ahaŋ honye.
\p
\v 28 Tahalu ho hirro inia daŋ, nyo oyyen inyia hijo esaha hirro bidaŋ, hetuhutehini higierita hatara dede. Atta Yesu hijo, “Eboto naŋ.” Owuon ifa moti ne efut ho balu na yani
\v 29 dia, atta isia awohu gin to fede atta akafak ahide to hutuk honyie.
\v 30 Nafa emat Yesu, atta inia hijo, “Esaha.” Atta eruŋok hoo no honyie atta hisio Oyiri no honye. 
\p
\v 31 Atarak isia hijo hotobiaŋa wati inia arasa to kuruce man toholoŋ no Sabato (ara Sabato holoŋ nololibo binoo), etitif Yudei Pilato hijo awak efie huwur hejiek lia esihohini, atta etulu wati innohosie afau.
\v 32 Nia atta oseŋer afanu huwur heju no tuŋani hitieri iko hitarihi inno hiyyo illafa esihohini iko Yesu.
\v 33 Nafa afanu isia to Yesu, egonyu isia hijo oye inyia beren, nia enyai isia holour hejek innohonyie.
\v 34 Ati, ocuk lobo lo oseŋer inyia to fere, atta hoto iko hifioŋ hidoŋ teyya.
\v 35 Tuŋani lia egonyu ara inyia asut, ojo hilosut no honyie ara dede. Oyyen inyia hijo inia egonyu inyia ara dede anyar hidofe eruk itai.
\p
\v 36 Afanu hirro inia daŋ hijo anyar etuhutek hirro inafa egiorohini, “hijo obe iso lobo heito lohonyie lobotie ouro.”
\v 37 Enyiak ofe nobo higioro hijo, “Afanu iso isia riŋa to honyie lia ocuk isia.”
\p
\v 38 Tahalu ho hirro inia Yosefu lo Arimatea, efahati lo Yes, aliabari to baŋi no Yudei, atta hifi Pilato hijo awak inyi eyari wan no Yesu. Ojo Pilato ata huru to honyie. Nia atta Yosefu awoŋ eyari wan no honyie.
\v 39 Awoŋ hidofe Nikodemo, inia lafa ottu hiteri to Yesu tatari. Eyani inyia attagoŋi iko innak yanik inno oŋuo girgir oremik hulur to icemit no ara hisihai nobotie.
\v 40 Eyari isia wan no Yesu atta isia hububun wan no honyie to boŋo iko hitiŋuojita, ara ifa imohit no Yudei hanuhahini tuŋani.
\v 41 Owuon ifa mana tamai nafa esihohini hiyyo inyia; ojo dia to hotwai mana owuon ifa ilume ŋejuk inna holobeŋ lobo tuŋani anuhahini dia.
\v 42 Nyo ara ifa holoŋ nafa ehuhumaru Yudei far no Sabato ojo hidofe eliha ifa ilume nia dia aŋati, etiferik isia Yesu dia.
\c 20
\cl ŋati 20
\p
\v 1 To holoŋ nafa hitieri ne isabit, ifa to motie, ottu Maria Madalina elume; egonyu inyia moru abuluŋari ade to ilume.
\v 2 Anyieru inyia atta eno to Simone Peturu iko ilak heyiyanak hullo omuno Yesu, atta inyia hijo to hosie, “Eyari isia Habu ade te ilume, obe iyyohoi eyyen hijo onuhak isia inyia aji.”
\p
\v 3 Atta Peturu iko ilak heyiyanak efie ade, ojo ofu eilume.
\v 4 Enyior isia bi daŋ arabotie; atta efahat lia erwuatik Peturu atta hiba te ilume to hosiere.
\v 5 Oweta inyia atta hiwolo ilume, atta inyia egonyu boŋojin ibubuniti arasia dia, ati holobe inyia eno ahotuei.
\p
\v 6 Nafa eba Simone Peturu ta halu honyie atta eno ahotuai ilume.
\v 7 Atta inyia egonyu ibubuniti inno boŋojin owuon dia. Ojo boŋo nafa owuon tohoo. Obe ifa owuon iko hunna to wan atta abubunari ahide to wan nohonyie.
\v 8 Nafa efie ilak heyiyanak ahotuai hidofe, lafa eba hitieri te ilume; egonyu inyia atta eruk.
\v 9 Iyya ta nafa inyia halarasa isia biaŋan oyyen Bibia hijo ebuhu Yesu inyiak to ye.
\p
\v 10 Aciahari heyiyanak ade hinyiak ahaŋitek hosie.
\v 11 Ati, oweta ifa Maria aŋati he ilume atta yio; iyya nafa oyiori inyia, atta inyia diote atta hiwolo ahotwe ilume.
\v 12 Egonyu inyia anjilohien ohorik ille eciefita boŋojin boŋi etole, lobotie te iko hoo, ojo lobotie te iko hejek, tamai nafa onuhari Yesu.
\p
\v 13 Ojo isia atta hijio to honyie, “Tuŋani innaŋ, eyyo iyye nyo?” Ejio inyia to hosie, “Nyo eyari isia Habu hanaŋ ade, ati obe nayya ayyen hijo efiyak isia aji.”
\v 14 Nafa ejio inyia ania, atta inyia yite ahalu atta egonyu Yesu oweta dia, ati obe inyia oyyen hijo Yesu lia.
\q
\v 15 Ejio Yesu te inyia, “Tuŋani innaŋ, eyyo iyye nyo? Ŋai lia esiaha iyye? Egigilo inyia hijo ara inyia ifa haramoni, ati ejio inyia to honyie, “Ettok, eyari iyye inyia ade, ilimak ta hanaŋ mai ne enuhahini itai inyia, ajo iso naŋ ahu eyari inyia ade.”
\p
\v 16 Ejio Yesu to honyie, “Maria.” Atta inyia yite, atta hijio tohonyie ta Aramaik, “Rabboni,” iyya ejio iyye, “Hetiyanani.”
\q
\v 17 Ejio Yesu to honyie, “Baŋa otir nayya, holobe nayya hirre to Monye hanaŋ; ati inno ta halasirak hanaŋ ino ilimak isia hijo ohu naŋ hirre to Monye hanaŋ iko to Monyie hatai, ojo Hollum hanaŋ iko Hollum lahatai.”
\q
\v 18 Awoŋ Maria Madalina atta elimak to heyiyanak, “Egonyu nayya Habu,” Teyya ojo inyia hirro hunna to honyie.
\p
\v 19 Nafa era iŋalio, no holoŋ nyia, to holoŋ no hitieri ne isabit, iyya nafa esionori ikatin nafa owuanari heyiyanak iko baŋi to Yudei, awoŋ Yesu weta to hiji hosie atta hijo to hosie, “Isiara himwara hotowuana ikatai.
\v 20 Nafa ejio inyia ania, atta inyia etihutek isia has innohonyie iko mari innohonyie. Ati nafa egonyu heyiyanak Habu, atta isia mune.
\p
\v 21 Enyiak Yesu hijo to hosie, “Owuon iso himwara ikatai. Iyyania efahini Monye hanaŋ nayya, efahak iyya efahak naŋ itai.”
\v 22 Nafa ejio Yesu daŋ ania, atta inyia eyyiek to hosie atta hijo to hosie, “Itirumu Oyiri no Olibo.
\v 23 Iyya leyyau lobo hirro innohoi ibusak, ibusak isia te isia; iyya leyyau lobo hiro innohoi oŋwai ade, atta isia afitini tara hiyyata.”
\p
\v 24 Tomaso, lafa hitatomoni ha arik, lafa ara Didimo, obe owuon iko isia nafa awoŋ Yesu.
\v 25 Ejio ilak heyiyanak ta halu honyie, “Egonyu iyyohoi Hobu.” Ejio inyia to hosie, “Man egonyini nayya ituliti inno gusumari ta has honyie, ajio nayya aciamak hafialai lalaŋ te ituliti inno gosumari, ajio naŋ emak hani nanaŋ ta mari honyie, obe nayya eruk.”
\p
\v 26 Tahalu ho holoŋitek hotohunik, owuon ifa heyiyanak illohonyie to hotwe, ojo Tomaso owuon iko isia. Awoŋ Yesu ojo ikatin esiono, atta weta to hiji hosie, ata hijo, “Hotowuana himwara ikatai.”
\q
\v 27 Atta inyia hijo to Tomaso, “Ibara inni to hafialai lohoi, ejo ewolo has innanaŋ; ibara inni to hani nohoi, ejio iyye ehumak hani nohoi ta mari hanaŋ; hotobiaŋa hiruk nohoi olita, ati iruho.”
\q
\v 28 Etiraŋ Tomaso atta hijio to honyie, “Habu lalaŋ iko Hollum lalaŋ.”
\q
\v 29 Ejio Yesu to honyie, “Iyya egonyu iyye inyia, iruho. Ajaha iso lia obe egonyu, ati eruk isia.”
\p
\v 30 Iyyania nia egiem Yesu hitihutita ariai to hosiere ho heyiyanak illohonyie, obe hituhututa nia egiorohini to hotwe ho Bibia;
\v 31 Ati egiorok hunna olibo anyar eruk itai to Yesu Kristo, hiito lo Hollum, ati iyyania eruk iyye, ewuon iso iyye ho manya to fur nohonyie.
\c 21
\cl ŋati 21
\p
\v 1 Tahalu etiliek ifa Yesu wan nohonyie to heyiyanak ta hari no Tiberia, etuhutek inyia wan no honyie tiji:
\v 2 Owuon ifa Simone Peturu ojo Tomasu lo ililoŋo hiyo hijo Didimo inna etuhutek hijo ‘Ituret, ojo Nataniele to Kanan no Galilea, iko durre ohorik illo Sebedeyo ojo ilak heyiyanak illohonyie lohorik.
\v 3 Ojo Simone Peturu to hosie, “Eno naŋ egalari ham.” Atta isia hitiraŋ hijo, “Efi daŋ, atta isia alik ahotwe togoli, atta efie egallari. Egalla isia harie daŋ ati obe isia egalau lobo.
\p
\v 4 Ati nafa aciale motie oweta Yesu totifor hahari, ati obe heyiyanak oheru hijo Yesu lia.
\q
\v 5 Ojo Yesu to hosie, “Ilasirak hanaŋ, owuon ilak hirro ilo edaha itai?” Etiraŋ isia to honyie hijo, “Obe.”
\q
\v 6 Atta inyia hijo to hosie, “ibirok imutuk iyafohit nahatai ahani he inyiet ho togoli, ati errumek iso itai.” Atta isia ebirok imutuk nyia hosie, ati obe ifa isia oremik epihu imutuk ahotwai togoli nyo emunyia ifa ham dia arie.
\v 7 Atta heyiyanak hullo omuno Yesu hijo to Peturu hijo, “Habu lia.” Nafa etiru Simone Peturu hijo habu lia, atta adumu boŋojin atta eciofok nyo obe gamis tara honyi atta esurok ahotwai hari.
\v 8 Atta heyiyanak illafa ilak afanu to togoli illo epiho imutuk iyafohit ne efut iko ham nyo obe ifa otifor nahari alama.
\v 9 Alu isia to hotwai togoli, egonyu isia hima oulo to otifor ojo ham omuda dia iko imune
\v 10 Ata Yesu hijo to hosie, “Iyyani ham inia eniefu itai.”
\v 11 Atta Simone Peturu eno ahide atta epihu boi otifor ahari, nefut ho ham, 153. Obore ifa ham ati obe ifa boi oremik futo.
\p
\v 12 Atta Yesu hijio to hosie, “Ifanu adaha, obe lobo le heyiyanak le eŋere inyia hijo, ‘ŋai iyye? Nyo oyyen isia hijio Habu lia.”
\v 13 Ata Yesu eno adumu imune iko hami atta hisio to hosie.
\v 14 Ara inna hinyiahi hitahunihi netiliehini Yesu wan nohonyie to heyiyanak ta halu he hebuhuni nohonyie to ye.
\p
\v 15 Esok isia daha ŋiria, efi Yesu Simone Peturu hijio, “Simone, lonyi Yoani, hemuno iyye nayya agalik hirro hunna? Ojio Peturu to honyie hijo, ‘Eee Habu, eyyen iyye hijo amuno nayya iyye.’
\p
\v 16 Atta Yesu hijio to honyie, “Irribitai kioro innanaŋ.” Enyiak Yesu hifia inyia hitarrihi hijio, “Simone, lonyi Yoani, ‘Emuno iyye nayya?’ Atta Yoani hitirraŋ hijo, “Eee Habu, eyyen iyye hijio amuno nayya iyye.”
\p
\v 17 Efia Yesu inyia hitahunihi hijio, “Simone lonyi Yoani, ‘Emuno iyye nayya dede?’ Ejiriŋa ifa Peturu to hifii hitahunihi nefiari inyia hijio, “Emuno iyye nayya dede? Attati inyia hitirraŋ hijio, ‘Lettok, eyyen hirro daŋ hidofe eyyen iyye hijio amuno naŋ iyye.’ Ojio Yesu, “Irribitai kioro innanaŋ.”
\p
\v 18 Elimak nayya iyye dede, dede, naffa helera iyye hiito, eciefita ifa boŋo nohoi hidofe elocie amai ne ewak iyye; ati lahimaruak iyye, erriomok iso iyye has innohoi ojio lobo eticiofok iyye boŋo to hoi atta eyari iyye anobo mai nobe iyye ewak awuye.”
\v 19 Ojio inyia inna hetahutahini ye no Peturu ne etihabuo iso Hollum. Ta halu ojio inyIa to honyie, “Ijufutai nayya.”
\p
\v 20 Atta Peturu yitoi hidofe egonyu heyiyenani lo omuno Yesu arrasa hijufuta. Inyia heyiyenani lafa otirok wan to Yesu ta adahari, hidofe efia hijo, “Habu ŋai iso lia letinyaŋak iyye?”
\v 21 Egonyu Peturu inyia atta hijio to Yesu, “Habu, hara mahu ille?”
\p
\v 22 Atta Yesu hijio to honyie, “Kuyya anyimu nayya hijo anyar arasa inyia man attuni nayya, hara ati inyia to hoi anyo?”
\v 23 Essarik hiro te ilasira hijo anyar lobe heyiyenani lia oye. Ati obe Yesu ojio, obe iso inyia oye, ati ojio inyia, kuyya anyimu nayya hijo arrasa inyia man attuni nayya, “Hara ati inyia to hooi anyo?”
\p
\v 24 Inyia heyiyenani ille le etuhutek hitimijani to hirro hunna hidofe egiorok isia, atta iyyohoi hiyyen hijio, ara hitimijani nohonyie dede.
\p
\v 25 Owuon hiro ino emonya inafa egiema Yesu. Negioro ifa hiro hunna daŋ, egigilo naya hijo, obe fau inna oremik atubu hirro ino egioro to buhi.