lpx_reg/41-MAT.usfm

\id MAT
\ide UTF-8
\h Metteyo
\toc1 Metteyo
\toc2 Metteyo
\toc3 mat
\mt Metteyo
\c 1
\cl ŋati 1
\p
\v 1 Egioro to buk no fureta inno hohonyiok Yesu Kristo, lonyi Davide, ara ifa Davide lonyi
\v 2 Abramo. Ara ifa Abramo monye Isako, monye Yakobo, monye Yuda, iko ilasira honyie.
\v 3 Ara Yuda monye Perese iko Sera oŋorwuo Yuda Tamara, ara Perese monye Hesrone, monye Ram.
\v 4 Ram monye Amminaddaba, monye Nasona, monye Salmone.
\v 5 Ara Salmone monye Boas ojio oŋorwo honye Rahaba ara Boas monye Abede ojio oŋorwo honye Ruta, ojio obede ara monye Yese.
\v 6 Ara hidofe Yese monye habu Davide. Ara Davide monye Salamone ho oŋorwo honyie Uriah.
\v 7 Ara Salamone monye Rehobom, ojio Rehobom ara monye Abiyah, Abiyah monye Asa.
\v 8 Asa monye Yosefata, ojio Yosefata ara monye Yoram ojio Yoram ara monye Usiah.
\v 9 Usiah monye Yotama, Yotama monye Ahas, Ahas monye Hesekiya.
\v 10 Hesekiah monye Manase, Manase monye Amon, Amon monye Yosiah.
\v 11 Ara Yosiah monye Yekona iko ilasira honyie to holoŋ nafa etuwotori Babilonia hiyyo illo Isaraile a Yuda.
\p
\v 12 Ta halu etuwotori nohosie a Babilonia, era ifa Yekonia monye Salatiele, Salatiele hohonyie Serubabel.
\v 13 Serubabel monye Abiuda, Abiuda monye Eliakima, Eliakima monye Asara.
\v 14 Asara monye Sadoka, Sadoka monye Akim, Akim monye Eliuda.
\v 15 Eliuda monye Eleasara, Eleasara monye Matana, ojio Matana ara monye Yakobo.
\v 16 Ara Yakobo monye Yosefu oliawa Maria, inyia hotonye Yesu, lia lellilloŋo Kristo.
\p
\v 17 Tonia daŋ, ara ifa hilahajik tomon haŋwan tara Abramo man to Davide man to holoŋ nafa etuwotori Babilonia hilahajik tomon ha aŋwan daŋ, man eba to Kristo.
\p
\v 18 Ara ifa hesiu no Kristo iyya inna, eruk ifa hotonye honyie Maria Yosefu, ayama inyia ati obe isia ottirohini wati innohosie, Owodi ifa inyia to Oyiri lo libo.
\v 19 Ojio oliawa honyie Yosefu, apiahari tara honyie dee nyo ara ifa inyia tuŋani la abaŋ Hollum, obe hidofe inyia awak hisio Maria irri.
\v 20 Egigilo ifa inyia hirro hunna ta harie, ottu ifa anjilo la Habu to honyie to riga atta hijo, “Yosefu, lonyi Davide, baŋa abaŋeyari Maria hatara oŋorwo hoi, nyo hiito lia owodi inyia, owodi inyia to Oyiri lo Olibo.
\v 21 Esiu iso inyia hiito, ejio iso itai efurek inyia Yesu, nyo etilohu iso inyia hiyyo illohonyie tara hiyyata innohosie.”
\v 22 Edoŋ hirro innia daŋ hetisiruni hiro na Habu nafa ero hekilani hijio,
\v 23 “Owodi iso hoduoti atta esiu lonyi, ellilloŋo iso fure nohonyie, “Immanuele” --No ojio, “Owuon Hollum iko hoi.”
\v 24 Ocieŋu Yosefu atta hihuma iyya efak anjilo la Habu inyiaa atta eyyari inyia hatara oŋorwo honye.
\v 25 Ati obe ifa inyia otirohini ho Maria man esiuni Maria lonyi honye, atta efurek inyia Yesu.
\c 2
\cl ŋati 2
\p
\v 1 Ifa esiuni Yesu to doŋe no Betlehem no Yudea to holoŋitek inno habu Erode, afanu ifa lofiorojok to hidwoŋi no holoŋ man Yerusalem atta hijo, “Tahu Habu lia lo Yudea lia hetek esiuni?
\v 2 Nyo egonyu iyyohoi haheri no honyie te idoŋi no holoŋ atta iyyohoi afanu hitihabwo inyia.”
\p
\v 3 Nafa etiru habu Erode hirro innia, atta taji nohonyie hilafuho daŋ iko hiyyo illo Yerusalem.
\v 4 Ottubak ifa Erode fadirihien iko hegiorok daŋ illo honyie atta hifi isia hijio, “Esiu iso hiyyo Kristo aji?”
\v 5 Etirraŋ isia to honyie hijio, “Esiuni iso inyia to Betlehem no Yudea, nyo egiorok ifa hekilani hijio,
\v 6 ‘Iyye Betlehem, doŋe no Yuda, ebe iso iyye era halu tohiji ho doŋe nia, obolo doŋe no Yuda, nyo ottu iso hekumoni tara hatai lia lottu hirribita hiyyo illallaŋ Isaraile.”
\p
\v 7 Ellilloŋu Erode fiorojok hame atta hifia isia hijio, “Oliew haheri ifa anu
\v 8 Atta inyia efahak isia a Betlehem hijo, “Ifeti, itisiahai hiito. Larumek itai inyia, iyani ta hanaŋ hiram, anyar awu naya hitihabwo inya.”
\p
\v 9 Ifa etiru isia hirro inno habu, atta isia efi hikoi nohosie ojio haheri nafa egonyu isia beren atta eno to hosiere hosie man ebarari to hide ta mai nafa owuanari hiito,
\v 10 Omuno ifa fiorojok no no to hegonyu nohosie haheri.
\v 11 Ajiŋak isia a haji atta egonyu hiito iko hotonye honye Maria. Origoŋo isia atta hitihabwo hito. Ata isia hiŋa sienuhi inohosie, atta hisiara to honyie hisiorita huna ara yiel iko atagoŋ inno oŋuo girgir.
\v 12 Attati Hollum hisor isia to rigai, hijo hotobiaŋa isia aciahari te Erode, atta isia efie hikoi no olufa adoŋe hose.
\p
\v 13 Ta halu ho hirro innia, oliew anjilo la Habu to Yosefu toriga atta hijio, “Tette, iyari hiito iko hotonye honyie to hosiere afau na Masir. Itolojo dia man elimahini naŋ iyye, nyo awak Erode atohoi hito.
\v 14 ”Ta tari to nyia, odioto Yosefu atta eyari hiito iko hotonye honyie afau Masir. Amanya isia dia man oyeri Erode. Anyar etisiru hiram na Habu nafa ero hekilani, “Ellilloŋo naŋ lonyi hanaŋ ta fau ho Masir.”
\v 15 Amanya isia dia man oyeri Erode. Anyar etisiru hiram na Habu nafa ero hekilani, “Ellilloŋo naŋ lonyi hanaŋ ta fau ho Masir.”
\v 16 Eloŋojita ifa Erode no no nyo etiru inyia hinyaba no fiorojok atta inyia hijoria no no. Atta inyia efahak hiyyo hotottohoi dure liawa daŋ to Betelehem iko illo owuon ta massik daŋ ile ara ŋasi ino honye arik, man to hulo hetek hiyyo esiu iyya lojio fiorojok.
\v 17 Niya etisiru hiro no hekilani Yeremia, hijio,
\v 18 ”Etiru ifa hiyyo hutuk oyyio to doŋe no Rama, oyyo ojio hidofe tariha obolo, oyyo Rakele to durre innohonyie atta hibo hitudua nyo olita ifa isia.”
\p
\v 19 Nafa oye Erode, oliew ifa anjilo la Habu to riigiai to Yosefu ta fau na Masir atta hijio,
\v 20 ”Tette iyari hiito iko hotonye honyie, iticahari afau ho Isarail, nyo oye lia llafa osiaha wuaran no hiito.”
\v 21 Teyya, odioto Yosefu atta eyari hiito iko hotonye honyie afau he Isaraile.
\p
\v 22 Ati abaŋ Yosefu aciahari a Yudea nyo etiru ifa inyia hijo arutak Arukelo mai no monye honyie Erode, atta inyia baŋi eno adde. Tonia atta inyia eno afau Galilea iyya etuhutek Hollum to honyie to riga.
\v 23 Eba inyia dia atta manya to doŋe ha Nasarit. Hijio anyar etisiru hiro no hekilak, hijio ellilloŋo iso inyia la Nasarit.
\c 3
\cl ŋati 3
\p
\v 1 To holoŋitek innafa niyya atta Yoani Batista awoŋ mojo to waha no Yudea hijio
\v 2 ”Ifanu itimitu hiyyata innahatai nyo eliaha obie no Hollum.”
\v 3 Inyia illeŋ lafa ero Isaya hekilani, “Eyyoro lobo to waha, ‘Ihumak hikoi nalanyar na Habu; Ihumak hikoi nohonyie nolobis.’”
\p
\v 4 Iyyania, eciefita ifa Yoani boŋojin inno owuon ho hofir inno konikoni ojio ittodit neluro te ihuluk no honyie ojio ŋiria no honyie ara ifa imagaha ojio hisio no hilofiri.
\v 5 Atta Yerusalem bidaŋ ojio Yudeya ojio misihi bidaŋ ino ekol hari no Yordano efie ade honyie.
\v 6 Atta isia arrumu batisimo ta hari no Yordano atta ŋamitu hiyyata innohosie.
\p
\v 7 Atti nafa egonyu Yoani Batista Farisei arria ojio Sadusien afanu to honyie ebatisori, atta inyia hijio to hosie, “Ittai durre inno hiyyeri no munok, ŋai elimak itai heruata tara jore ina nia ohu wan awoŋ?
\v 8 Iŋarak haŋer huna oremik etuhutek hiloito
\v 9 Ojio ibaŋa egigilo hiro to wati innahatai, “Ewuon iyyohoi ha Abramo monye hohoi.” Atti elimak naŋ ta hatai hijio oremik Hollum hitidet durre illa Abramo tara moru huna.
\v 10 Owuana beren tolu aŋati ha hade inno yani. Ati yani inna obe eŋarak haŋer ohu aŋutori ade atta erwoŋohini tohotwai hima.
\p
\v 11 Ebatiso nayya itai to hifioŋ anyar ehou itai hiyyata innahatai. Atti lia lohu wan awoŋ agalik nayya ajo naya obe asiru eciofok hamuha inohonyie. Ottu inyia hibatiso itai to Oyiri no Olibo ojio hima.
\v 12 Owuon inyia ho higillii ta hani honyie ne ohuyeri inyia hegilliari to ruat atta efiforu ŋama hunna olibo wati atta emak to mugu. Ati ohu inyia aswahak hafuot ho hima inna obe oremik dunyai.”
\p
\v 13 Atta Yesu awoŋ ta Galilea ahari no Yordano hijio anyar ebatis Yoani inyia.
\v 14 Ati etiwet Yoani ifa inyia hijio, awak naŋ iyye hebatiso nayya, ettu iyye ta hanaŋ?”
\v 15 Etiraŋ Yesu atta hijio to honyie, “Taŋatak nayya iyyania, nyo obis tohooi te ŋejufak ibisiti.” Atta Yoani aŋatak inyia.
\p
\v 16 Odioto Yesu kwak to hotwai hari atta amoju batisimo atta ido bwanya to honyie. Hidofe atta inyia egonyu Oyiri lo Hollum esuru te ido iyya wolo le edia do honyie.
\v 17 Atta hiro awoŋ te’ido nojio, “Lonyi hanaŋ ille lamuno naŋ binno.”
\c 4
\cl ŋati 4
\p
\v 1 Attati Oyiri lo Olibo arihori Yesu ahotwai mur atta hetisiahani la ara fure Sitan hiciem inyia.
\v 2 Oferu inyia holoŋitek tomwana aŋwan iko hariejin tomwana aŋwan atta inyia wode.
\v 3 Ottu hesusuani atta hijo to honyie, “Lera iyye onyi Hollum, iloito moruo hatara imune.”
\v 4 Etirraŋ Yesu atta hijio to honyie, “Egioro hijio, ‘Obe tuŋani owuar to ŋiria hame, ati owuar iso inyia to hiro nottu to hutuk no Hollum.’”
\v 5 Atta hetisiahani eyari inyia ahotwai haŋ, etittolojik inyia Yesu to hide haji imojit nettok,
\v 6 atta hijio to honyie, “Lera iyye Onyi Hollum, ibire wan nohoi tenni aŋolon, nyo egioro hijio, ‘Efahu iso Hollum anjilohien illohonyie heriria iyye,’ ojio hidofe, ‘Ettarau iso isia iyye ta hass te innohosie anyar ebe iyye ebosok heju nohoi to morwo.”’
\v 7 Attati Yesu hijio to honyie, “Egioro hidofe hijio, ‘Hotobiaŋa iyye eciem Habu Hollum lohoi.”’
\p
\v 8 Atta hetisiahani eyari inyia a hide doŋe ne esaga, atta etuhutek inyia obiehien daŋ inno owuon ta fau he ibariti innohosie.
\v 9 Atta inyia hijio to honyie, “Esio iso naŋ tohoi hirro hunna lerigoŋo iyye ta fau hetihabwori nayya.”
\v 10 Atta Yesu hijo tohonye, “Ino adde Sitan, egioro hijio, “Anyar etihabwo iyye Habu Hollum lohoi hame, hidofe, igiamai to honyie hame.”
\v 11 Tonia, ebusak hetisiahani inyia, atta anjilohien afanu haluahari inyia.
\p
\v 12 Etiru ifa Yesu hijio efitahini Yoani to kijan atta inyia eno afau ha Galilea.
\v 13 Ebusak inyia Nasarit atta eno Kapernum, nolowuon aŋati ha hari no Galilea nowuon ta fau no Sebulun iko Naptali.
\v 14 Etisiru nia hiro nafa erarari hekilani Isaya hijio,
\v 15 ”Ettole hiyyo illa amanya ta fau no Sebulun iko Naptali te idumele atta isia egonyu cialai no obolo.
\q
\v 16 Isia hiyyo hullo amanya aŋati ha hari oger no Yordano, iko Galilea hullo pagani. Egonyu hiyyo illo owuon te idumele calai nettok, iyya ilia ille ettole to hidis no ye, to egonyu to nohosie cialai atta ebuhu.”
\p
\v 17 To okit to nyia, etiara Yesu hittito atta hijio, Itimitu hiyyata innahatai nyo eliaha obie ne ido.”
\p
\v 18 To nobo holoŋ, nafa olotori Yesu to otifor na hari no Galilea, atta inyia egonyu ilasira lohorik, Simone lara fure nohonye Peturu, iko ilasi honye Anerea, ille ebiro hirririehita innohosie ahotwe hari, nyo ara isia hegalak.
\v 19 Atta Yesu hijo to hosie, “Ifanu, ijufutai nayya, ajo nayya atta ehumak itai hegalak illo hiyyo.”
\v 20 Teyya atta isia ebusak imutuhi innohosie atta isia ejufari inyia.
\p
\v 21 Owu inyia adde kai tara hosie, atta inyia egonyu halasirak lohorik, Yokobo onyi Sebedeo, iko Yoani ilasi honyie. Owuon ifa isia ho Sebedeo monye hosie lo orifa imutuhi hiyafohita to hotwe ho togoli. Atta Yesu ellilloŋu isia,
\v 22 ojio isia kwak atta ebusari togoli nohose iko monye hose atta ejufari inyia.
\p
\v 23 Olot ifa Yesu to hotwai doŋiok inno Galilea hetiyenari isia ta hajik imojiti innohosie ettitori sayye inno obie, atta hitinyarra irruti iko iŋweti daŋ inno hiyyo.
\v 24 Etiru ifa hiyyo to doŋiok daŋ inno Siria hiram nohonyie, atta isia eyyani to honyie hiyyo daŋ illo oŋwai iko iŋweti gele gele, iko illak illo odiaha wati innohosie, eyyani isia to honyie daŋ hiyyo illo owuon ho miniaŋa iko hohwe iko illak ille eyyokie wati. Atta Yesu hitinyar isia daŋ.
\v 25 Ejufari iluluŋ no hiyyo inyia toGalilea, Dekapolis, Yerusalem, Yudea ta mai nalama tara Yordano.
\c 5
\cl ŋati 5
\p
\v 1 Nafa egonyu Yesu iluluŋ no hiyyo, atta inyia eno ahide doŋe. Ifa lahunye inyia tafau, afanu heyiyanak to honye.
\v 2 Aŋa inyia hutuk nohonye atta hitiyyen isia, eijo inyia,
\v 3 ”Isiara jaha hotowuana iko lociaŋak illo Oyiri nyo, ara iso obie no Hollum nohose
\v 4 Isiara jaha hotowuana iko ilia illa atariha, nyo orrumek iso isia hitiliha na tajia.
\q
\v 5 Isiara jaha hotowuana iko nyalamak, nyo orutak iso isia fau.
\q
\v 6 Isiara jaha hotowuana to hiyyo illo owodo ojio hidofe eboto te ibisiti, nyo etufutak iso Hollum isia.
\q
\v 7 Isiara jaha hotowuana to hiyyo illo omelehini, nyo orrumu iso isia hamehini.
\q
\v 8 Isiara jaha hotowuana to hiyyo hullo olibo tajia, nyo egonyu iso isia Hollum.
\q
\v 9 Hotowuana jaha to hetumwarak, nyo ara iso isia onyirok ho Hollum.
\q
\v 10 Hotowuana jaha to hiyyo illo orrumu hitigiama to hiram no bisan, nyo ara iso obie ne ido nohosie.
\q
\v 11 Itumune lo omoro hiyyo ojio hidofe etigiama itai, kuya hidofe ero hirro inno orru to teler tohoi to fure nanaŋ.
\v 12 Tomunei ojio towuanai bolioŋ, nyo obolo iso duma nahatai te ido. Tekoi tonia, etigiama ifa hiyyo hekilak illafa amanya to hosiere hatai.
\p
\v 13 Era itai liŋ na fau, atti lenyai liŋ holodua, jai iso enyak inya duan? Obe enyak libe te inak hiro ara ebire hijo anyar ebire ade, ojio hejek inno hiyo eririo. Era itai cialai na fau.
\v 14 Obe bore na gala nettok no oduhohini to doŋe eŋofo
\v 15 Obe hiyyo ediek lomo atta ettek ta fau ho gufa ati anyar efiyak to hiyihit ho lomo atta inyia hidia to hiyyo bidaŋ to hotwe haji.
\v 16 Isiara lomo nohoi hotodule hidia to hosiere ho hiyyo anyar egonyu hiyyo higiemita innohooi inno olibo anyar etihabuo monye hatai lia lowuon te ido.
\p
\v 17 Hotobiaŋa itai egigilo hijio attu naŋ hitiwet hifahita kuya hekilak; Abe naŋ attu hitihar isia, atti attu naŋ hitifut isia.
\v 18 Dede ajo naŋ ta hatai hijio man olita ido arik ho fau ade, obe iso hirro inne egiorohini to hifahita olita man otuhohini hirro bidaŋ.
\v 19 Ati lia ohu wan hiwur hifahi ile lobotie ojo etiyana lomuk hegiamai iyya inyia, ofi iso hillilloŋ inyia letiŋ to obie ne ido. Ati lo ottunak hifahita ojio hidofe etiyana isia ohu iso hira lettok to lobie ne ido.
\v 20 Ati ajio naŋ ta hatai hijio manla agalik bisan nahatai bisan no hegiorok arik ho na Farisei, ibe iso itai eremik ajiŋak obie ne ido.
\p
\v 21 Etiru ifa itai hijo ejio ifa hiyyo beren to hosie, ‘Baŋa ottohoi,’ ojio, ‘Lia lottohoi ohu wuana to yeyoro no hikumo.’
\v 22 Ati ajio naŋ ta hatai tuŋani le ohu hijoria to hilasi honyie ohu wuana to yeyoro no hikumo; ojio lia ohu wan hijio to hilasi honyi, ibe iyye ira tuŋani ille esiru!’ ohu wuana to yeyero no otubari no ettaha; ojio lia ohu wan hijio, ‘Iyye oriifak,’ ehu iso iyye wuana to yeyero no hima no odule mak
\v 23 Ati lesiara iyye hisiorita innohoi ta falaciar ati anyar eyyen iyye hijio owuon ilasi hoi he innak hirro hunna obe owahari iyye,
\v 24 ibusak hisiorita innohoi dia to hosiere ha altari, atta iyye eno ikoi nohoi; to hitieri imwarai he ilasi hoi, atta ati iyye awoŋ hisio hisiorita innohoi.
\v 25 Iruho ha harrossoni hoi tawak, ejio itai helot tekoi amai ho kikoi; hotobiaŋa inyia eyyari iyye ta haŋotoni ho hirro, ojio iso hidofe haŋatoni eyyari iyye to tuŋani ille efitita hiyyo atta ebirok iyye to kijan.
\v 26 Dede ajio naŋ ta hatai, ibe iyye eremik ahoni teyya man edumahini iyye hicuŋuta ilo arobia.
\p
\v 27 Etiru ifa itai hijio ejio ifa hiyyo, ‘Ibaŋa eyau ho oŋorwo no lobo.’
\v 28 Atti elimak naŋ itai hijo, tuŋani lo oriŋa tahalu honobo hiito noŋorwo toktok eyyau inya ta taji nohonyie.
\v 29 Ati lara honyiek ne inyiet etuhuye iyye togolohotu inyia ade atta iyye ebire inyia ade tara hoi; nyo olibo lobe nobo kal no wan nohoi agalik wan nohoi bidaŋ hebirori ade to hima. Kuyya egiem hani nohoi ne iyyata, toŋutu inyia ade atta iyye ebire inyia ade.
\v 30 Olibo tohoi hotobiaŋa hani nobotie agalik wan nohoi bidaŋ heno ahima.
\p
\v 31 Ojio ifa hijio, “Lobo tuŋani lo opiaha ho oŋorwo honyie, anyar esio inyia to honyie waraga no piaha.”
\v 32 Ati ajo naŋ itai hijio lobo tuŋani lo opiaha arik ho oŋorwo honyie, kuyya to hiram to ne olocie hiito noŋorwo holobo hiito oliawa hamai tara oliawa honyie, eyyau inyia hirro inno somon.
\p
\v 33 Inyak itai etiru hijo ojo ifa to hiyyo illafa hoberen, ibaŋa hetuŋo to teler to hilifo, ati ottoŋori hilifita innohoi ta Habu.’
\v 34 Ati ajo naŋ ta hatai ibaŋa hettuŋo bidaŋ, kuyya to fure ne ido, nyo ara ettolojori no Hollum;
\v 35 ibaŋa hidofe hettuŋo to fau nyo ara hiriet no hejek innohonyie; kuyya hidofe to Yerusalem, nyo ara bore na gala ne ettaha hullo hittaha.
\p
\v 36 Ojio hidofe ibaŋa elifo to hosi innahatai nyo ebe itai eremik ehumak hofir innahatai hotoriohokuyya hidofe hotobuorro.
\v 37 Ati isiara hiro nahatai hotoso ee, ee,’ kuyya Obe, obe.’ Hirro innak inna agalik inna ara tara orrute.
\p
\v 38 Etiru ifa itai hijio ojio ifa hijio, honyiek ho honyek, ojio halati ha halati.’
\v 39 Ati ajio naŋ ta hatai hijio ibaŋa ebo tuŋani lo owuon ho hirro inno somon, le naŋ wan iyye to oŋul henyiet, iloyitok to honyie nobotie daŋ
\v 40 Lawak lobo tuŋani eno okiko daŋ hoi ojio eyari boŋo nohoi, isiara inyia hidofe heyari boŋo nohoi.
\v 41 Lo orosok lobo iyye heno mai na alama, ino daŋ ikonyi alohorik.
\v 42 Isiara to tuŋani le efi wan tohoi, baŋa hido oyitok to tuŋani le awak alwahu tara hoi.
\p
\v 43 Ŋetiru ifa itai hijo, “Efu iso itai mune tuŋani ille onyiha daŋ hoi ejio iyye eliwari mioroni lohoi.’
\v 44 Ati ajio naŋ ta hatai itimune miorok illahatai ijio itai imojo to hiyo ile etigiama itai, anyar era itai dure illo Monye hatai lia owuon te ido.
\v 45 Nyo emak inyia holoŋ nohonyie heduoŋo to ruun ha haliborok, ojio efahu hai to habisak ojio te illia obe obis.
\v 46 Lemuno itai hiyyo illo omuno itai, innari hisiorita iso innia errumek itai? Obe hamojok ho musuru egiama hirro innia daŋ?
\v 47 Ojio lefony itai halasirak hatai hamai, nyo ne egiem itai agalik illak? Obe hiyyo illo obe eruk to Hollum egiama ania?
\v 48 Ati anyar edule itai ahabisak, iyya odule Monye hatai lia te ido bisan.
\c 6
\cl ŋati 6
\p
\v 1 Ihuma riŋa hijio hotobiaŋa itai ehuma hirro innahatai inno olibo to hosiere ho hiyyo hijio anyar egonyu isia. Lehuma itai ania obe iso Monye hatai lia te ido oduma itai.
\v 2 Lesio itai iluahiti to lociaŋak ibaŋa esio iyya tuŋani lo ohut ikakan hijio anyar egonyu inyia. Ehuma henyiabak iyya nia ta hajik ino imojiti ojio hidofe te ikota hijio anyar etihabuo hiyyo isia. Elimak naŋ itai hijio amoju isia hisiorita innohosie.
\v 3 Ati lesio itai iluahiti, anyar esio itai ne eŋofo hijio hotobiaŋa hani ne ihorroŋ oyyen nyo nia ehuma hani inyiet, anyar itai esio hisiorita innahatai to hiŋofo
\v 4 Atta iso Monye hatai lia lorriŋa hirro inne eŋofohini duma itai.
\p
\v 5 Lemojo itai hotobiaŋa itai ehuma iyya hetimiyahak, nyo omuno isia hawetari ojo hidofe omojo ta hajik imojiti ojo hidofe to ipiehiti inno koi hijio anyar hiyyo egonyu isia. Dede, elimak naŋ itai hijio efwotu iso isia hisiori nohose.
\v 6 Atilemojo itai, itijiŋak ahotwe haji. Isionok ikat ojo hidofe, itimoje to Monye hatai lo obe oliew. Nia atta Monye hatai lorriŋa rori inno obe oliew, duma iso itai.
\v 7 Lamojo itai, hedassa rori arria to biaŋan no higigilo iyya hirorita inno paganohien, nyo egigilo isia hijio etiru iso Hollum isia to hirorita hunna emonya.
\v 8 Ibaŋa ehuma iyya egiama isia nyo oyyen Monye hatai rori hunna ewak itai holobe itai efia inyia.
\v 9 Itimoje tiji: ‘Monye hohoi ille owuon te ido, hotokwata fure nohoi.
\q2
\v 10 Hawoŋ obie nohoi, isiara hehuma iyya wahan nohoi ta fau iyya egiama te ido.
\q2
\v 11 Isiara te iyyohoi ena daha nohoi inna to holoŋi.
\q2
\v 12 Ibusak horosi innohoi iyya ebusahini iyyohoi hiyyo illo horosi illohoi.
\q2
\v 13 Baŋa eyari iyyohoi to hususua, ati tohou iyyohoi tara lorrute.’
\p
\v 14 Lebusak itai hiyo hiyyata innohosie, ebusak iso Monye hatai lia te ido hiyyata innahatai.
\v 15 Ati lobe itai ebusak hiyyo horosi innohosie, obe iso Monye hatai ebusak hiyyata innahatai.
\p
\v 16 Ati lefer itai, hejiriŋa iyya henyiabak hullo ejiriŋa to homomite innohosie hijio anyar hiyyo oyyen hijio oferu isia. Dede, elimak naŋ ita hijio, owuon isia he hisiori nohosie.
\v 17 Ati laferu itai, iyalak hossi innahatai ejio hidofe ellilla homomite innahatai.
\v 18 Hijio anyar hiyyo obe oyyen hijio aferu itai, ati egonyu Monye hatai lobe oliew. Hidofe Monye lia egonyu rori hunna obe oliew, oduma iso itai.
\p
\v 19 Hettunak ibariti innahatai ta fau inna nyo esok iso hiyyu iko ohitido isia, kuyya ojiŋak iso hahalak ahahalari isia.
\v 20 Ati itittunak ibariti innahatai te ido no obe iso hiyyu iko ohitido oremik hitihar isia ojo hidofe no obe hahalak oremik huwur atta ŋahahalari isia.
\v 21 Nyo ta mai no owuanari ibariti innohoi, owuon iso taji nohoi dia.
\p
\v 22 Ara honyek iyya cialai no wan. Tonia, locialai inyia na anyar atta wan daŋ hifut iko cialai.
\v 23 Ati lorrun honyek oriok iso wan daŋ, tonia kuyya lorru cialai, hobolo iso idumele iyya nyo.
\p
\v 24 Obe tuŋani oremik higiama te ettaha lohorik, nyo oliwari iso inyia lobotie atta hidofe mune lobotie, kuyya lawak iso inyia lobotie, anyar omiana inyia lobotie. Obe itai eremik higiama to Hollum iko te ibariti.
\p
\v 25 Tonia, elimak naŋ itai hijio, hehawua to manya nahatai, to hirro hunna edaha itai, hidofe hunna emata itai ara ta hido to rori hunna eciefita itai. Obe iso wuaran agalik daha? Ojio wati innahati obe agalik boŋojin?
\v 26 Ituwolo cieŋ innia efiritato hide. Obe isia oyek ojio obe hidofe odieŋu, hidofe ottubak hirro te ibatiha, ati etidaha Monye hatai lia te ido isia. Obe itai egalik isia?
\v 27 Ŋai lia tohiji hatai loremik hitibolo wan nohonyie to hihauwa nohonyie?
\p
\v 28 Nyo ehauwa itai to boŋojin? Itiwolo to turiana inno owuon ta mana, obe isia egiama, obe hidofe isia ecio.
\v 29 Ati ajio naŋ ta hatai hijio, obe ifa boŋojin inno Solomone elahaman iyya turiana hunna, ati elahaman isia binno.
\v 30 Kuyya leticiofo Hollum turiana hunna esur ta fau ena, ojio motie atta ebirori to hima, obe iso inyia eticiofok itai no olibo agalik, aai, itai hiyyo hullo odicio hiruk?
\v 31 Tonia, ibaŋa ehauwa ejio hidofe egigilo hijio, ‘Hedaha iso mahu iyyohoi nyo?’ kuyya, ‘emata iso iyyohoi nyo?’ kuyya ‘Eciofok iyyohoi nyo?’
\v 32 Nyo osiaha paganohien rori hunna daŋ, ati oyyen Monye hohoi te ido hijio ewak itai hirro innia.
\v 33 Ati isiahai to hosiere obie nohonye iko hitiyenita innohonye ojio iso hirro inne atta afonihini ta hatai.
\v 34 Ati, ibaŋa ehauwa to rori hunna afanu motie, nyo motie afanu iso rori inak huna ewak itai. Oremik iruti inno holoŋ nobotie to holoŋ nia.
\c 7
\cl ŋati 7
\p
\v 1 Heŋot lobo tuŋani ojio iso hidofe Hollum obe oŋot itai.
\v 2 Le eŋot itai lobo, oŋot iso hidofe Hollum itai. Ojio te icemit ne eciamari itai, aciamari iso itai daŋ.
\v 3 No nyo eriŋa iyye to shehin letiŋ no owuon to honyek he ilasi hoi, ijo iyye ibe ewolo to nia no owuon to honyiek hoi?
\v 4 Jai eremik iyye hiro to ilasi hoi hijio hadi akuadu naya sehin nia to honyek hoi ade?
\v 5 Itai hetiyahak! Tokuado hita nia hittok to honyiek hoi hosiere attati iso iye aremik egonyu ojo akuadu shin nya owon to honyek helasihoi.
\p
\v 6 Baŋa esio hiro hunna odwa to ŋohe ojio hebirok honoron huna obwor wati ta bataha hotobiaŋa isia eririek honoron inia to hejek inohosie atta yite ohonyari itai.
\p
\v 7 Ifia, ata iso Hollum hesio ta hatai. Tosiahai ata iso itai erumu. Ikokoho, aŋa iso to hatai.
\v 8 To nyo le efia wan to Hollum omoju iso. Lia losiaha wan orrumu iso, ojio hidofe le enninaŋa wan ikat aŋa iso ikat to honyie.
\p
\v 9 Obe iso lobo tuŋani esio onyi honyie morwo lomojo inyia ŋiria?
\v 10 Kuyahidofe omojo onyi honyie hami atta hisio to honyie munu?
\v 11 Itai illia ille erru wati kuyya eyyen itai hisiara no hirro hunna olibo wati to durre inna hatai? Obe iso Monye hatai lia te ido esio hirro hunna olibo wati binno to hiyyo hullo efia wati inyia?
\p
\v 12 Hirro daŋ hunna iwak itai hijio hehumai hiyyo ta hatai, anyar ihuma itai ino ocialari to hosie. To nyo egiorohini huna to ifahita ojo hegierita ino hekilak.
\p
\v 13 Itijiŋak te ikat nia otida, to nyo alat hikoi nia edihori hiyo to ye, inya nia emonya halocitak te koi to nia.
\v 14 Ati otida ikat ne edihori hiyo to wuaran inya nia eduhucio hiyo ilo orumu inya.
\p
\v 15 Ihuma riŋa hekilak hullo enyaba hiyo, to nyo olot isia ta hatai iya kioro, ati ta taja hose, ara isia iyya ewuoho huna oniama wati.
\v 16 Eyen iso itai isia to haŋer huna hihumita inohosie. Dede ettalu hiyo ahoru haŋer ina ajalaŋi tara hukwa, ojo hidofe ettalu hiyyo ahoru haŋer ino ŋaboli tara ilaŋi.
\v 17 Yani daŋ huna olibo wati eŋarak iso haŋer inohosie huna olibo, ojo huna oru eŋarak iso haŋer huna oru wati.
\v 18 Ati obe iso yani ina olibo oremik eŋarak haŋer ino oru wati. Ojo yani ina oru obe oremik eŋarak haŋer ino olibo.
\v 19 Oŋutu iso hiyo yani inna eŋarak haŋer inno obe olibo daŋ ade ata ebirohini to hima.
\v 20 Ati efanu iso itai hiyen isia to haŋer inohosie.
\p
\v 21 Obeŋ iso ara hiyo bi daŋ hulo ojo ta hanaŋ, Habu, Habu, ojiŋak to obie nya tedo, ati ojiŋak iso lia lehuma wahan no Monye hanaŋ lia te idou.
\v 22 Hiyo ariai ojo iso ta hanaŋ toholoŋ nya, Habu, Habu, ebe ifa iyohoi ekikila to fure tonohoi, to fure to nohoi efuhak ifa iyohoi jiohin, to fure to nohoi ebe ehuma ifa iyohoi hihumita ariai huna obolo wati?’
\v 23 Ata ati nayya hijio to hosie, abe naya ayen itai! Ifeti ade tara hanaŋ, itai hulo ihuma hiro huna oru!’
\p
\v 24 Hiyo daŋ hulo etiru watie hiro hanaŋ ojo oniŋe hirorita inanaŋ ara iso isia iyya olofere ile oduhok haji nohonye to hide moru.
\v 25 Asa hai, ohut oyami, ojo hifioŋ onyeta, ata hai nia hibak haji, obe haji nia ahuyai nyo oduhok inya to moruo.
\v 26 Hiyo daŋ ilo etiru hisiŋita inanaŋ ojo obe oniŋie hiro niyaa ara isia iyya osita ile oduhok haji nohonyie to siŋata.
\v 27 Asa hai ojo oyami ohut ojo hifioŋ onyieta, ata hai hibak haji, atta haji nia ahuyai ata hitihare.
\p
\v 28 Otu ifa nia ifa latohu Yesu hiro inia, ata iluluŋ nohiyo ifa heliliha to hitiyenita inohonye,
\v 29 nyo etiyana inya iya tuŋani lo owon hogolon, obe inya etiyana iya hegiorok ilohosie.
\c 8
\cl ŋati 8
\p
\v 1 Nafa awaŋ Yesu to hide doŋe, ejufari ifa iluluŋ no hiyyo inyia.
\v 2 Ati dia ottu ifa lobo tuŋani lo talulu to honyie, atta rigoŋo to hosiere honyie, atta hijio, “Habu, le ewak iyye hitilibo nayya, eremik iyye hitilibo nayya.”
\p
\v 3 Ifa atirok Yesu hani nohonye to tuŋani lia atta hittoŋ inyia, atta hijo, “Aremik naya. Tolibe.” Ati olibe ifa tuŋani lia ha talulu.
\v 4 Ati ojo ifa Yesu to honyie, “To riŋe enni, baŋa elimak lobo tuŋani hirro inia. Ino to hikoi nohoi, ino ituhutek wan nohoi to fadirihien ojo hidofe isiara hisiorita inafa esio Musa hatara hituhuti to hosie.”
\p
\v 5 Ifa lajiŋak Yesu a Kapernaum, ottu ifa lobo eittok to honyie atta hifi inyia,
\v 6 hijio, “Habu, lia pit lalaŋ ofer ta haji lo oŋura etaban iko diahai bi nono.”
\p
\v 7 Ati Yesu hijo to honye, “atu naya hitilibo inya.”
\p
\v 8 Etiraŋ etok to honyi hijo, Habu obe osiru ta hanaŋ hijio anyar etu iyye ahaji hanaŋ, ati irara hijo olibo iso pit lallaŋ.
\v 9 Nyo aniŋe naya ettok lalaŋ ojo hidofe oseŋer illallaŋ oniŋe nayya. Elimak naya to lobo hijo, ino, atta inyia ŋeno, “Kuya ajo naya to lobo woŋ, atta inya awoŋ” Ojo lajo naŋ to pit lalaŋ hijio, igiama niyya, atta inyia higem.
\p
\v 10 Ifa etiru Yesu, eliliha inya atta hijo to hejufutak, “Dede elimak naya itai hijo, ara ida man to Isarail, abe naya arumu nobo huruk no obolo iyya ina te Isarail.
\v 11 Elimak naya ta hatai, afanu iso ariai ta hidoŋi ojo te esut, ojo isia otiro to terefeja iko Abramo, Isako, ojo Yokobo, to lobie ne ido.
\v 12 Ati ebirori iso durre illo obie ahotwai idumele nabali, mai no owuanari hiyo ojo hirita no hala.
\v 13 Ojo Yesu te ettok lo oseŋer, “Ino! Iyya eruk iyye, nia isiara hegiama tohoi,” ojo hegiama ata libe to far nafa nya.
\p
\v 14 Ifa awoŋ Yesu ahaji ho Peturu, egonyu ifa inyia hamoni Peturu lofer no loŋuwai iko nohon no wan.
\v 15 Ata Yesu hitir hani nohonye, ata nohon no wan biaŋan. Atta inya diote ata higiama to honye.
\p
\v 16 Nafa era iŋalio, eyani isia hiyo ariai ilo oŋuwai iko miniaŋa to Yesu. Efuhai Yesu miniaŋa to hirro nohonye etinyar inya haŋuwak daŋ.
\v 17 Ehuma inya hijo anyar etisiru hiro ino Isaya hekilani, hijo, “Inya to wan to lohonyi, eyari iŋwueti hidofe etinyar iyohoi.”
\p
\v 18 Ifa egonyu Yesu iluluŋ ekolok inya, atta inya hisio hituhutita hahuye otifor no wor no Galilea tololo.
\v 19 Atta hegioroni awoŋ to honye atta hijo, “Hetiyanani, ejufari naŋ iyye amai no ehuye iyye.”
\p
\v 20 Ojo Yesu to honye, “Owuon obeyohi ho ittuloho, ojo cieŋ inno ido owuon ho hajik, ati obe Lonyi tuŋani owuon ho lobo mai le etiferihini inya ho nohonye.”
\p
\v 21 Ero ifa lobo efahati to honye, “Habu, aŋatak naya doo heno hanuhahini monye hanaŋ.”
\p
\v 22 Ati ojo Yesu to honyie, “Ijufuni nayya, ibusak hayok hotonuhak wati innohosie.”
\p
\v 23 Ifa ajiŋak Yesu atogoli, atta hejufutak ilohonye ejufak inya ahotwai togoli.
\v 24 Nia odiote oyyami nettok to hide hahari nettok, nia etihok hifaliahita togoli, ati ojoto ifa Yesu.
\v 25 Afanu hejufutak to honye atta hitidiet inyia ahide, atta hijo, “Toluak iyyohoi, Habu, efi iyyohoi ye!”
\p
\v 26 Ojio Yesu to hosie, “Nyo nia ebaŋ itai, odicio huruk na hatai.” Atta inyia diote ahide atta hitiwet oyyami iko hari hotonyietai dee. Ati oduwai oyyami daŋ.
\p
\v 27 Ellilliha hiyyo illia daŋ hijo, “Lari tuŋani lia abaŋ oyami iko hifioŋ inya?”
\p
\v 28 Nafa ellaŋ Yesu hari akal ho Gerasa, Eruwaŋ inya iko hiyyo ohorik hullo owuon iko miniaŋa. Afanu ifa isia to hotwai helumioho hidofe ara asitajak, obe ifa hiyyo olot to hikoi nyia.
\v 29 Ati oyio isia hijio, “Lonyi Hollum, ewak iyye iyyohoi hegiama nyo tohoi? Ejo iyye ettu higiama iyyohoi holobeŋ holoŋ nohoi ottube?”
\v 30 Owuon ifa iluluŋ na bataha dia ino adaha, obe ifa alama toro hosie.
\p
\v 31 Oluaha ifa miniaŋa to honyie hijo, “Lejo iye efuhai iyyohoi ade, hadi ati iyohoi efu ajiŋak a hotuwajin ha bataha.”
\p
\v 32 Ati ojo Yesu to hosie hijio, “Ifeti!” tara, ajiŋu miniaŋa ade atta ajiŋak to bataha. Atta iluluŋ nafa ha bataha daŋ hinyior aŋati ha hari atta ahuyik ta hari ojo hidofe atta ayek to hotwai hari.
\v 33 Ofuhe heribitak ilafa eribita bataha ata ajiŋak to hotwai haŋ ata isia elimak hirro inafa egonyu isia daŋ ojo tono sitajak ilafa owuon iko miniaŋa.
\v 34 Ati afanu ifa hiyyo daŋ to hotuwe haŋ to Yesu atta isia hifia inyia hijo inya heno ade ta fau nohosie.
\c 9
\cl ŋati 9
\p
\v 1 To nobo far, orrek Yesu togoli, ata hilaŋ hari ata ajiŋak to nobo bore na gala.
\v 2 Eyani ifa hiyo to honye lobo tuŋani lofer ojo eyyokie. Ifa egonyu Yesu hiruk nohosie, atta hijo to tuŋani le eyyokie wan hijo, “Hiito itigolo wan nohoi, ahohini hiyata ino hoi.”
\p
\v 3 Atta ilak hegiorok ta wati te inohosie hijo, “Omoro tuŋani ileŋ iyyohoi.”
\v 4 Ati oyyen ifa Yesu higigilita innohosie daŋ atta hijo to hosie hijo, “Nyo egigilo itai noloru ta tajaa inahatai ania?
\v 5 Nari nia eliaha, to hijo nanaŋ hijo, ‘ahohini hiyyata innohoi, kuyya hidofe te hijo to nanaŋ hijo, ‘Tette, toloto.
\v 6 Ati anyar eyyen itai hijo owuon golon to Lonyi tuŋani na agalik inohonye hiyyata ino hiyo ta fau. Attati inya hijo to tuŋani lia eyyokie wan, “Tette, odumu ijotit nohoi, ino a haŋ hoi.”
\v 7 Teyya atta tuŋani lia diote ahide atta eno ahaŋ a haŋ honyie.
\v 8 Nafa egonyu iluluŋ no hiyyo ariai hiram nyia atta isia baŋi atta isia hitahabwo Hollum lesio duaran inya to tuŋani.
\p
\v 9 Nafa awoŋ Yesu teyya, atta inyia egonyu lobo tuŋani fure nohonyie Metteyo. Ettole ifa inyia ta haji no odumari hiyyo musuru, atta Yesu hijo to honyie, “Ijufuni nayya.” Odiote ifa Metteyo atta ejufari inya.
\v 10 Ifa lahunyia Yesu ta fau hoi haji adahari ojo ilak hamojok homusuru ojo hiyak afanu ata daha he inya ŋiria ojo lefahat.
\p
\v 11 Ifa egonyu Farisei, ata isia hijo te lefahat ilohonye, “Nyo adaha hetiyenani lahatai iko heduduhak musuru ojo heyak?”
\p
\v 12 Ati etiru Yesu hiram nia atta hijo, “Obe hiyyo ilo olibo ojo ogol watie oremik asiahari akim, ati ara hiyo ilo oŋwai.
\v 13 Ifeti egigile mana no hiram nia: Awak naya hamelehini obe ara hisiorita.’ Abe naya atu hililoŋo hanyarak, ati atu naya elilloŋori heyak.”
\p
\v 14 Niya, afanu hejufutak ilo Yoani to Yesu atta hijo, “Nyo iyohoi iko Farisei edihiŋa, Ejo itai hejufutak obe eferu?”
\p
\v 15 Etirraŋ Yesu to hosie hijo, “oremik motiarak ilo hayamani hijiriŋa ojo hayamani owuon daŋ ikosie? Afanu iso holoŋitek ino eyari hiyo hayamani to hiji hosie ade, ati holoŋ nia atta iso isia aferu.
\p
\v 16 Obe lobo tuŋani oremik arifak ittafit no boŋo ŋejuk te igwasit no boŋo marwani. Nyo ogwasa iso ittafit ŋejuk tara boŋo marwani ade, atti obolo iso igwasit nia agalik nara.
\v 17 Hidofe obe iso lobo oremik ejuhok fino ŋejuk to rokuo marwani. Ati lejuhok lobo, obwor iso fino nia rokuo man obiaŋari nobo rouo. Ati ijuhok finno ŋejuk to rokuo ŋejuk atta isia rassai daŋ.”
\p
\v 18 Nafa hero Yesu hiro inia to hosie, awoŋ lobo etok rigoŋi to hosiere atta hijo to honyie hijo, “Heletek ŋani hanaŋ yee iyania, woŋ ino otirok hani nohoi anyar owar inyia.”
\v 19 Odiote Yesu atta ejufari inya daŋ, ojo hejufutak ilohonye ofwo ta halu lohonye.
\v 20 Ottu nobo hiito noŋorwo nafa odule hosehe nohonye pule ŋasi tomon harik atta hitir halu no boŋo no Yesu.
\p
\v 21 Nyo ejo ifa inyia beren hijo, “Lettir naya boŋo nohonyie aremik iso naŋ libe.”
\p
\v 22 Ati oyito Yesu to honye atta egonyu inya atta hijo to honye, “Hito, itigolo taji nohoi. Etilibo naya huruk nohoi iyia.” Kwak tamanya, ata hito noŋorwo nya libe.
\p
\v 23 Nafa awoŋ Yesu ta haji hetok, egonyu inya hahutak ilo ikakan iko iluluŋ no hiyo eyoro bino.
\v 24 Atta inya hijo, “Ifeti adde, holobe hito ina oye, ati ojoto inyia bi.” Ati ellohitari ifa isia inya to hittaduho.
\v 25 Nafa efuhak hiyyo iluluŋ abali, ojiŋak inyia to hiji ho hiyo a hotwai haji man owu hittoŋ hiito nya ta hani, atta hito nyia diote ahide.
\v 26 Esarehini ifa sayye inohonye to missihi niya.
\p
\v 27 Nafa eno Yesu teya adde, ejufari ifa ilak haŋodok lohorik efuhari inya. Odule ifa isia hiro ilo ewuoloŋita hijo, “Tomehini te iyohoi, Lonyi Davide!”
\v 28 Nafa eba Yesu to hotwai haji, afanu haŋodok to honyie. Atta Yesu hijo to hosie, “eruk itai hijo aremik naya higiem inna?” Atta isia hijo to honyie, “Eruk iyyohoi dede Habu,
\v 29 Atta Yesu hittir honyiehite innohosie atta hijio, “Isiara hatara ania ta hatai iyya ewuon itai ho huruk.”
\v 30 Atta honyehite innohosie ŋa. Ati ojio Yesu to hosie hijo, “Itiyyen hijo hotobiaŋa lobo tuŋani oyyen hiram nia.”
\v 31 Ati efie ifa hiyo lohorik lelimahini hiram nia to doŋe nya bi daŋ.
\p
\v 32 Iya ofwo ifa hiyo lohorik lia adia, eyani ifa hiyo lobo tuŋani to Yesu lafa etuduek miniaŋati.
\v 33 Nafa efuhari miniaŋa nia ade tara honye, atta tuŋani lo odwa lia hiro. Oduehini ifa iluluŋ no hiyyo atta hijio, “Holobe ifa inak hirro eba man beren to doŋe ne Isaraile!”
\p
\v 34 Ati odule ifa Farisei hiro hijio, “Efuhai inyia miniaŋa adde to golon nettok no miniaŋa.”
\p
\v 35 Olot ifa Yesu a missihi iko a doŋiok ino bore na gala. Odule ifa inya hitiyena to sinagog, letiyena sayye inno obie no Hollum, ojio hidofe etilibo iŋweti daŋ tamai.
\v 36 Omehini ifa taji nohonyie te iluluŋi inno hiyo daŋ, nyo elafuho ojo oŋuŋusia ifa isia bino. Ara ifa isia iya kioro ino obe heyohoni.
\v 37 Ojio inyia to hejufutak ilohonyi hijo, “Obolo mana odioŋoti ati oduhucio hegiamak.
\v 38 Kwak, hetimoje ta Habu lo mana, hijio anyar efahak hegiamak a mana odieŋu.”
\c 10
\cl ŋati 10
\p
\v 1 Atta Yesu ellilloŋu hejufutak ilohonye hullo tomon holohorik atta hisio to hosie golon na agalihini isia oyirihien inne ebwot, no oremik efuhari ade, ojo hetilibori iŋweti gele gele.
\v 2 Ara ifa fureta inno efahat tomon harik lia. Hitieri lohosie ifa, Simone (lafa elliloŋo inyi hijo Peturu), iko Andrea ilasi honyie; Yokobo onyi Sebedeyo, iko Yoani ilasi honyie;
\v 3 Filipo iko Batulumeyo; Tomaso, iko Metteyo heduduhani ho musuru, Yokobo onyi Alfeyo, iko Tedeyo;
\v 4 Simone lafa omuno Hollum, iko Yuda Iskariote, lafa ottu etinyaŋai inyia.
\p
\v 5 Atta Yesu efahak hejufutak ade. Etuhutek inyia isia atta hijo, “Ibaŋa ofuo amai no owuanari halufak, ibaŋa hidofe ojiŋak abore gala no Samaria.
\v 6 Ati ifeti ahaji no olitari ker ne Isarail;
\v 7 Ojo iya tehefe nahatai, itiyanai ata itai hijo, ‘Awoŋ obie te ido aŋati.’
\v 8 Itilibo haŋwak, ituwaru hayok, itilibo haŋwak ino talulu, atta itai efuhai miniaŋa adde. Emoju itai assai, isiara hidofe assai.
\v 9 Ibaŋa eyari inak nyahuo, iko yiel ojo copper to kulosien inahatai.
\v 10 Ibaŋa eyari rokuo to loton nahatai, boŋo, iko hamuha iko inak hiro, nyo osiru hegiamani hadahari ŋiria nohonye.
\v 11 Lajiŋak itai to nobo haŋ iko doŋe, itirumu tuŋani no osiru teyya, atta itai hittole dia man ebusari itai mai nyia.
\v 12 Lajiŋak itai ta haji, ifonya inyia.
\v 13 Losiru haji nyia, ibusak himwara nahatai dia. Ati lobe osiru, isiara himwara nahatai hawoŋ ta hatai
\v 14 Ati to lia ilo obe omoju itai ojio hidofe obe etira to hitiyana nahatai, ituturok tuduha nya te hejek hatai adee le ebusak itai doŋe nya.
\v 15 Dede elimak naya itai, eyak iso ta fau no Sodoma iko Gomora ta far no ŋoto na agalik doŋe nya.
\p
\v 16 Itiwolo, efahak nayya itai iyya kioro to hiji he ewuoho, anyar egeny itai iyya munok ojo hidofe ebe erifaha iya wolosien.
\v 17 Ihuma riŋa to hiyyo! Ofu iso isia hisio itai te iluluŋi, atta isia baha itai to sinagohien.
\v 18 Atta iso hidofe isia hisio itai ahosiere iko ettaha iko habwok to hiram nanaŋ, hatara ahituhuti to hosie iko to halufak.
\v 19 Le esio isia itai to hosie, ibaŋa abaŋ to hiro ino efu itai hiro ojo hidofe efu iso itai hijo jai, esiarahini iso hiro ino efu itai hiro ta saa nya.
\v 20 Obe ara iso itai efu hiro, ati ero iso Oyiri no Monye hatai ta hatai.
\v 21 Esio iso ilasi, ilasi honye to ye, ojio hidofe monye hiito lohonyie. Odioto iso dure no oru to hesiok hosie atta hisio isia hotoyoyo.
\v 22 Oliwari iso hiyyo daŋ ta mai itai to fure nanaŋ. Ati lo odik man to hucuŋi, etilohini iso tuŋani lia.
\v 23 Letigiama isia itai to doŋe inya, irwata adde anobo mai, dede ajo naya ta hatai, obe iso itai eremik ebusari doŋiok inno Isaraile holobe Lonyi Tuŋani awoŋ.
\p
\v 24 Obe hejufutani oremik agalik hetiyanani lohonye, obe hidofe hegiamani ara nettok tara ettok lohonye.
\v 25 Oremik iso hejufutani hatara iyya hetiyanani lohonye, ojio hidofe hegiamani iyya ettok lohonye. Lellilloŋ isia ettok la haji Belsebul, orru iso binno te ilia ilo eliloŋo isia amotiarak ilo haji nohonye!
\p
\v 26 Iyania, ibaŋa abaŋ isia, obe iso nobo sihin ne eŋofo no obe oliew, obe hidofe iso nobo sihin ne eŋofo nobe oyyen.
\v 27 Hiro ene elimak nayya itai ta mai no oriok, irara ta far, le etiru itai inak hiro bolioŋ to yohee inahatai, ihuma elimak bino ta hajik hatai.
\v 28 Ibaŋa abaŋ ilia ilo oremik attohe wan ati ilo obe oremik attohe oholio. Ati, itibaŋ tuŋani lo oremik atohe oholio iko wan atta ebirok to hima.
\v 29 Hobe iso cieŋ lohorik oremik etinyiaŋari ta arobiya kai? Obe lobo oremik ahuyik ta fau lo obe Monyehatai oyyen.
\v 30 Ati essok inyia ta hihen hofir inno hosi innahatai.
\v 31 Ibaŋa abaŋ. Elibo itai egalik cieŋ
\v 32 Leruhok lobo tuŋani nayya to hosiere ho hiyyo, eruhok iso nayya inyia daŋ to hosiere ho Monye hanaŋ lo owuon te ido.
\v 33 Ati lorisa nayya to hosiere ho hiyyo, arisa iso nayya inyia daŋ to hosiere ho Monye hanaŋ lia te ido.
\p
\v 34 Ibaŋa egigilo hijo eyyani nayya himwara ta fau. Abe nayya attu eyyani himwara, ati fere.
\v 35 Attu nayya esutak tuŋani haliwari monye honyie, ojio hiito oliwari hotonye honyie, ojio hiito na ara a hamoni oliwari homoni honyie.
\v 36 Ara iso miorok illo tuŋani hiyyo lia ta haŋ honyie.
\v 37 Lia lomuno monye honyie iko hotonye honyie agalik nayya, obe osiru ta hanaŋ; lomuno lobo onyi honyie iko ŋani agalik nayya obe osiru ta hanaŋ.
\v 38 Lobe lobo akafu kuruce atta ejufari nayya obe osiru ta hanaŋ.
\v 39 Losiaha lobo wuaran nohonye, etilitek iso inya. Ati lia letilitek wuaran nohonye ta nayya orumu iso inyia.
\p
\v 40 Lia lomoju itai omoju inyia nayya, ojo lia lomoju nayya omoju iso hidofe inyia lia efahu nayya.
\v 41 Lia lomoju hekilani hijo ara inyia hekilani, efwotu iso inyia hisiori no hekilani, ojo lia emoju tuŋani habisani to hira nohonye tuŋani habisani emoju iso inyia hisiorita no tuŋani habisani.
\v 42 Lesio lobo to ilia hitiŋi hifioŋ inne elik hatamat, nyo ara inyia hejufutani, dede ajo nayya ta hatai, obe iso inya oremik hidiak hisiorita inohonye.”
\c 11
\cl ŋati 11
\p
\v 1 Ifa esiahak Yesu elimak hiro te hejufutak ilohonye tomon ho lohorik, ata inya eno etiyanari abore gala.
\p
\v 2 Nafa etiru Yoani hiro ine egiem no Kristo, ata inya efahak efahati tara hejufutak ilohonyi.
\v 3 Ata hijo to honyi ino tojio, “Ira iye lafa ojo otu? Wala anyar etila iyyohoi lobo hamai?”
\p
\v 4 Atta Yesu hitiraŋ hijo, “ifeti ilimak to Yoani hiro inno egonyu ittai ojo inno etiru ittai.
\v 5 Oriŋai haŋodok, oloton haŋurak, olibe hiyo illo oŋuai arik ho johin ino oru, etira hatuhok, ebuhu hayok, etiru heruhok sayejin ino olibo.
\v 6 Hotowuana jaha to tuŋai lobe ekuya hiram nanaŋ.”
\p
\v 7 Nafa aciahari hiyyo ilia atta Yesu elimak te iluluŋi ino hiyyo hiram no Yoani, ifa teya atta hifi isia hijio, “Efi ifa ittai awaha tonyio? Yani no ohut oyyami?
\v 8 Efi ifa ittai riŋa nyio? Tuŋani le eciefita boŋojin inno olibo? Dede hiyyo ille eciefita boŋojin inno olibo amanya tahaji ha Habwok.
\v 9 Atti efi ifa ittai oriŋari nyo? “Hekilani? Ee, ajo naya ta hatai, ajo hidofe naya agalik hekilani.
\v 10 Ilohoi tuŋani lafa egiorohini te inya, ‘itiriŋai, hayitani ha sayye inanaŋ ahosiere hatai le owu ehuhumak hikoi to hosiere hatai.’
\p
\v 11 Dede elimak nayya ta hatai, to hiyo ilo esini tara ŋorwo obe lobo agalik Yoani Hebatisoni. Atti owuon lobo la agalik inya to obie to nohonye te ido.
\v 12 To holoŋitek inafa ho Yoani Hebatisoni man iyania, orumu obie ne ido hitaban no Iŋalafiti, ojo hiyo ilo omuno ŋalafa ete eyari to golon.
\v 13 Odule ifa hekilak iko hifahita ino hikila man to holoŋitek innafa ho Yoani Hebatisoni.
\v 14 Eremik iyye amoju inyia, Elia lafa ojio ottu iso.
\v 15 Lowuon ho yohe hetirari isiara inyia hetiru.
\p
\v 16 Etirijik iso nayya hilahaji ina iko nyo? Ara iya dure hulo eramita to etinyaŋari ille ettole atta hililoŋo wati ilo hosie.
\v 17 Atta hijo, ehuta iyohoi ciwali ta hatai ejo itai ebe ecia. Ewuon iyohoi ho twari ejo itai ebe eyo.
\v 18 Nafa ottuni Yoani obe adaha imune, obe amata balu, ejio ittai atta hijio owuon inyia ho miniaŋa.
\v 19 Nafa ottuni Onyi Tuŋani adaha inyia imune ojio hidofe amata atta isia hijio ituwolo, arra inyia ahadahani ojio hidofe ara harumani, amote ho hemimojok ho musuru iko heyyak!’ Atti etibisahini iso hilofere to higiemita inohonyie.”
\p
\v 20 Atta Yesu hitiara hitiyana borejin inno gala innafa obolori igiem no honyi nyo holobe isia oyyite.
\v 21 Oru iso ta hatai Korasin, orru iso ta hatai Beteseda! Nara ida igiem no Hollum iyya ne egiamari inyia to Taiyre iko Sidon to hatai acahari ifa itai beren, atta itai emak siwal iko otuala.
\v 22 Atti elimak naya ta hatai hijo olibo iso to Taiyrea iko Sidone to holoŋ no ŋoto agalik na hatai.
\v 23 Ittai Kaparnum egigilo ittai hijo eremik iso itai efie ahide ido? Obe, ebirori iso itai amai no oru. Hara ida igiem nya egiem Hollum to Sodoma iya ta hatai ida harasa ida man ena.
\v 24 Atti ajio nayya ta hatai hijo ofiak iso to holoŋ no oŋotori Hollum agalik nia hatai.
\p
\v 25 To holoŋ nyie etiraŋ Yesu hijio, “Eti habwou naya iye, Monye, Habu lo ido iko fau, nyo etuhutek iyye hirro to ofioroho ojo to tuŋani lo oyyen etilau isia to hullo holobe etiyenu to dure hullo hitiŋi.
\v 26 Ee, Monye olibo ifa to honyehite hoi toriŋe esio.
\p
\v 27 Esio ifa Monye hanaŋ hiro daŋ ta hanaŋ; obe lobo tuŋani oremik hiyen Onyi aracie Monye, obe lobo tuŋani oremik hiyen Monye aracie Onyi, iko to tuŋani lo onyimu Onyi hetiliek to honye.
\v 28 Ifanu ta nanaŋ itai ille egiama ejio hidofe ekafita hirro inno odiŋ, esio iso nayya ta hatai yiri.
\v 29 Iyari hiyeni hanaŋ ejio ittai eyiyenu tara hanaŋ, nyo anyalam nayya ojio taji nanaŋ olibo, ati orrumu iso oholioho innahatai yiri.
\v 30 Nyo olibo hiyeni nanaŋ ojo hiram nanaŋ ehauwa.
\c 12
\cl ŋati 12
\p
\v 1 To nobo far owu ifa Yesu to holoŋ no Sabato iko hotwe na mana, nafa oniamai efahat illo honyie atta riaja ŋama.
\v 2 Nafa egonyu Farisei ania, atta isia hijo to Yesu, “Toriŋai, egiama efahat illohoi hirro inno obe olibo to holoŋ no Sabato.”
\p
\v 3 Atti ojio Yesu to hosie, “Obe itai ehien hirro inne egiem Davide, nafa oniamai inyia iko hiyyo illafa owuon iko inya?
\v 4 Nyio owu inyia ahaji Hollum atta daha imune nafa esiarahini to hosiere ho Hollum no obe osiru to honyi ojio hiyyo illafa olot iko inya atti ogol to fadirihien.
\v 5 Iyya egiorohini to hifahita hijo to holoŋ no Sabato opwak higiemita to holoŋ no Sabato, to haji imojit, atti obe isia epal?
\v 6 Elimak nayya itai hijo, owuon lobo inni la agalik haji ne imojit.
\v 7 Etumo itai hitieri no hiram no hiro ino ojo hijo, “Asiaha nayya hiyyo ilo omelehini wati, obe arra ille esio higiemita” Atti eyyen itai hirro inia, ati ebe itai ekum hiyyo ilo egiema no orru.
\v 8 Nyo arra Onyi Tuŋani a Habu lo Sabato.”
\p
\v 9 Atti ata Yesu ebusak mai nya ata ajiŋak a sinagog no hosie.
\v 10 Owuon ifa lobo tuŋani loye hani no honyie. Efia ifa Farisei Yesu atta hijo, “Holibo iso hetinyarari tuŋani to holoŋ no Sabato?” Awak ifa isia arosok Yesu hipali.
\p
\v 11 Etirraŋ Yesu do hosie, “Iya owuon lobo lahatai ho ker lobotie ja, attati ahuyek to iwudo to Sabato. Heremik iso iyye ebusak inyia dia? Obe ati! Enief iyye atta iye epihu inya ade kwak. Hara ker lagalik tuŋani.
\v 12 Anyar tuŋani binno agalik ker! Anyar egiem to hiyyo na lanyar to holoŋ na Sabato.”
\v 13 Teyya eijo Yesu to tuŋani lia, “Itibisa hani nohoi.” “Etibis halaŋ lia hani nohonyie nafa ogulo, atta hani nya honyie libe iyya hani nobotie.
\v 14 Odioto Farisei atta efie adde to kelesia. Osiaha isia hikoi no lojo ettohori isia Yesu.
\p
\v 15 Oyyen ifa Yesu hirro hunna atta inyia ebusak mai nyia. Ati ejufari iluluŋ no hiyo inya, atta inya hitinyar isia daŋ.
\v 16 Efahak inyia isia hijo, anyar obe isia elimak hiram nohonye to hiyo.
\v 17 Anyar etisiru hirorita inno Hollum inafa ero hekilani lia sayye hijo,
\v 18 ”Itiwolo, hegiamani lo anyimu naŋ ile, inya lia lomuno taji nanaŋ bino. Esio iso naŋ Oyiri nanaŋ to honyie, hidofe ettito iso inyia hiro no ŋoto to halufak.
\q
\v 19 Obe iso inyia aŋalafa iko hiyyo, obe hidofe eyyorrita.
\q
\v 20 Obe iso lobo etiru hutuk nohonyie to hikoi. Obe iso inyia owur siholoti no oboina, Hidofe obe iso inyia etudun lomo nofuri man agalihini inyia to ŋoto no obis.
\q
\v 21 Atta iso ati halufak eyik to fure to nohonye.”
\p
\v 22 Eyani isia to honye tuŋani lo oŋodo, obe inya oremik hiro. Atati Yesu hiti libo tuŋani lia ata inya hiro ojo oriŋa.
\v 23 Eliliha ifa iluluŋ no hiyo ata hijo, “Hara tuŋani lia dede Onyi Davide?”
\p
\v 24 Etiru Farisei ata hijo, “Obe tuŋani lia efuhai miniaŋa to fure no Belsebuli, habu lo miniaŋa.”
\p
\v 25 Ati oyyen ifa Yesu higigilo nohosie atta hijo to hosie, “Lo orrem hiyyo illo obiehin to wati te innohose, etattur iso lobie nia, hidofe la aŋalafa hiyyo illo owuon ta haji nobotie, kuyya hidofe liyya to doŋe to wati te innohose, obe iso isia ettole nobotie.
\v 26 Lefahu Sitan hegiamak ilohonyie, oriomori iso inya hamai, to nia. Jai iso oremik obie nohonyie weta?
\v 27 Kuyya efuhai naŋ miniaŋa adde to fure no Belsebuli, ta nari fure efuhutari hejufutak isia? Tonia ara isia ahaŋotok hatai.
\v 28 Atti kuyya efuhai nayya miniaŋa adde to Loyiri to no Hollum, ottu obie no Hollum ta hatai.
\p
\v 29 Hojiŋak iso lobo tuŋani jai ahaji ho lotir heyari saŋ inohonyie holobe inya efitak lotir ahosiere? Ata ahahalari hiro inohonye adde ta haji honye.
\p
\v 30 Lia lo obe egiama iko naŋ ara inyia mioroni lalaŋ, ati lia obe osuduha ikanaŋ ara hetisarani.
\p
\v 31 To nia, ajio nayya ta hatai hijio, “Ebusak iso Hollum hiyyata daŋ inno hiyyo iko imoriti innohosie, ati lia omoro Oyiri lo Olibo, obe iso Hollum ebusak inyia.
\v 32 Lia le ero nolorru to Lonyi Tuŋani, ebusak iso Hollum inyia. Ati lia lero nolorru to Oyiri no olibo obe iso orumu hebusahini no hiyata, ara ta hido ta fau te ina, kuya to nyia ottu.
\p
\v 33 Eŋarak yani na lanyar haŋer ino anyar. Ojo yani no loru eŋarak haŋer ino oru. Tonia, oyen hiyo yani to haŋer inohonyie.
\v 34 Era itai iya munok, obe itai eyen hiro ino olibo nyo oru taja inahatai. Nyo ero hutuk hiro ina afanu ta taji.
\v 35 Ojiŋu hiro ino olibo ta taji no tuŋani lo olibo, ojo hiro ino oru ojiŋu ta taji ho tuŋani lo oru.
\v 36 Elimak naŋ ta hatai hijo, “To holoŋ no ŋoto, oŋot iso Hollum hiyo to hirorita daŋ inafa erarari isia assai.
\v 37 Nyo to hirorita inahatai, erumu iso itai hahohini no hiyata, ojo to hiro assai ino ero itai, errumu iso itai ŋoto.”
\p
\v 38 Ojo ilak Farisei iko hegiorok to honye hijio, “Hetiyenani, ewak iyyohoi egonyu nobo hitimijani tara hoi.”
\p
\v 39 Etirraŋ inyia to hosie hijio, “Orru hilahaji inna, hidofe omiasa isia Hollum. Osiaha isia hitimijanita, ati obe iso etuhutek to hosie nobo hitimijani aracie hitimijani no hekilani ha sayye Yona.
\v 40 Nyo iyya nafa owuanari Yona holoŋitek hunik iko harijin hunik to hosehe ha hami, owuon iso hidofe Lonyi Tuŋani holoŋitek hunik iko hariejin hunik to hotwai ho ilume.
\v 41 Odioto iso hiyo liya to doŋe ho Ninefa haŋotori hilahaji inna nyo eloit hiyyo Ninefa tajia innohose innafa ettitori Yona to hosie. Ati itiriŋai, owuon iso lobo lagalik Yona.
\v 42 Odioto iso Habu to kal ho ihorroŋ haŋotori hilahaji ina nyo ottu ifa inya ta fau na alama hetirari lofioroho inno Solomone, ati itirriŋe, owuon lobo inni lagalik Solomone.
\p
\v 43 Lebusak jiok nolorru tuŋani olot inyia hasiahari mai no oyiriari inya, ati obe inya orumu nobo.
\v 44 To nia ejo inya hijo, aciahari iso naya ahaji hanaŋ nafa atuni naya acahari inya. Ifa leba inya dia, orumu inya haji no nolibo bino.
\v 45 To nia owu inya arumu inak jiohin hattarik ino oru agalik inya, ata isia ajiŋak to hotwai ho tuŋani lia atta manya dia. Toria, oriam to tuŋani lia agalik nafa to hosiere. Iyania awoŋ iso run to hiyo ilo oru hulo ho hilahaji ina.”
\p
\v 46 Nafa helero Yesus te iluluŋ no hiyo, owueta hotonye honyie iko ilasira honyie ta bali nyo awak isia hirro to honyie.
\v 47 Elimak lobo tuŋani inyia hijio, “Torriŋe, owueta hotonye hoi iko ilasira hoi ta bali, nyo awak isia hiro tohooi.”
\p
\v 48 Ati ojo Yesu to lia lafa elimak inyia hijo, “ŋai iyaŋ? Haŋai ilasira hanaŋ?”
\v 49 Atta inyia ehalamak hani nohonyie to hejufutak ilohonyie atta hijo, “Iyaŋ iko ilasira hanaŋ hullo!
\v 50 Lia lehuma wahan no Monye hanaŋ te ido ara inya ilasi hanaŋ iko inasi hanaŋ ojo iyaŋ.”
\c 13
\cl ŋati 13
\p
\v 1 To holoŋ nia, ojiŋu ifa Yesu ta haji atta hittole to otifor nahari.
\v 2 Atta iluluŋi nohiyo afanu ariai to honye, ata inya arek to togoli ete ata ahunya kaii arasa iluluŋ weta to otifor otifor ahari.
\v 3 Teya ata Yesu hitiyana hiro ariai to hosie to iceliti. Ata inya hijo, “Owu haromoni ata ayek hinyomo.
\v 4 Iya ayek inya, ohuyik hinyomo ina onyik hohikoi, ojo cieŋ atta ekukubu isia.
\v 5 Ojo hinyomo inak ahuyik to hide ho moru, mai no obe owon hohuron ino olibo. Ati esuru isia kokwak nyo obe mai nohosie ehum bwaha afau.
\v 6 Ati lonohon holoŋ, ata fara inohosie atoye nyo obe hadde to hosie, ata ŋama inia atoye.
\v 7 Ojo hinyomo innak atta ahuyik to hiji ho hukwa. Atta isia daŋ esuru iko hukwa ojo hukwa atta agore isia.
\v 8 Ati to hinyomo huna ohuyik to huron inno olibo esuru isia atta afanu eŋarak ŋama hinyahita hisihai nobotie, ojo innak hinyahita tomwana ile ojo hidofe hinyahita tomwana hunik.
\v 9 Lia lowoun ho yohe, tojo inyia hetiru.”
\p
\v 10 Afanu hejufutak to honyie atta hifia inyia hijo, “Nyo etiyena iye iluluŋ no hiyyo to hicelita?”
\p
\v 11 Etiraŋ Yesu to hosie hijo, “Etiliek Hollum obie no honyie ta hatai nafa eŋofo, ati obe oremik etiliek to hosie hiro niyya.
\v 12 Nyo to lia lo owuon ho hiro, ofonihini iso innak aria, ojo iso inyia atta adule rumuta. Ati to lia lobe owuon iko hirro, eyari iso hirro tara honyie adde iko huna owuon to honyie.
\v 13 Inya nia erarari naya to hosie to hiticielita, nyo oriŋa ida hido isia, obe isia egonyu dede, etira ida hido isia, obe isia etiru ojo hidofe obe oyyen. Etisiru isia hikikila nafa ojo Isaya hijo,
\v 14 ”Etira iso itai dede ati ebe iso ita etiru; eriŋa iso itai ejo iso itai ebe egonyu. Ati obe itai eremik hiyen.
\p
\v 15 Nyo oye tajia inno hiyyo hullo, ojo yohe innohosie omiŋa to hitira, ojo isia emutak honyehite innohose; Kuyya obe isia ehum egonyu to honyehite innohose, etiru to yohe innohose, ehum hiyyen to tajia innohose, atta hinyiak yitei, ajo nayya atta hitilib isia.’
\p
\v 16 Ati ajak iso honyiehite inna hatai, hijio hotoriŋe isia; ojo yohe inna hatai, etira iso isia.
\v 17 Elimak naŋ itai dede hijio hekikilak arria iko hiyyo habisak owuon iko wahan no hegonyu hirro huna egonyu itai, ejo itai ebe egonyu isia, ojo hetiru no hiro huna etira itai, ejo itai ebe etiru isia.
\p
\v 18 Itira to hiticelita ino hayani ho hinyomo.
\v 19 Letira lobo to hirorita ino lobie no Hollum ojo obe ehumak ta taji, otu iso sitan akwarari hirorita inafa oyehini ta taji honye adde. Ara ta lia lafa oyehini to oger ho hikoi.
\v 20 Ojo lia lafa loyehini to moruarari ara inyia lia letiru hiram atta hiruk kokwak to mune;
\v 21 Obe inyia owuon iko hadde ati ociamak ilamuk kai. Eruk inyia ati lafanu hitigemita kuya hihawa to hiram no Hollum, atta inya ahuye tara hiruk nohonyie adde.
\v 22 Ojo lia oyehini to hiji ho hukwa, inya tuŋani lo etiru hiram, ati higigilita iko ibariti ina fau atidai hiram no Hollum tara honyie, atta inya biaŋan owuon hahaŋer ino oŋii.
\v 23 Ati lia lafa loyehini to huron hunna olibo, inyia tuŋani le etiru hiram no Hollum atta ehumak ta taji; inyia lia ille eŋarak haŋer atta aromok isia; oŋijak hinyahita hisihe nobotie, ojo innamuk hinyiahita tomwana ille, ojo inamuk hinyiahita tomwana hunik iya inafa edulahini.”
\p
\v 24 Enyiak Yesu eyyani nabo hiticeli to hosie; ojio inyia, “Ara lobie nyia te ido iyya tuŋani lo oyek hinyomo inno olibo ta mana honyie.
\v 25 Ati holojoto hegiamak, ottu mioroni lohonyie atta hidofe ayek abali to geme, atta eno.
\v 26 Lesuru ŋama man eŋarak haŋer innohosie, ojo abali hidofe atta alliew daŋ.
\v 27 Afanu hegiamak ho monye mana hifia ettok atta hijio, ‘Ettok, obe ifa mahu iyye eyek hinyomo ino lolibo ta mana hoi? Nyo esuru isia iko abali?’ Etiraŋ inya to hosie hijo, ‘Mioroni ehumak inya.
\p
\v 28 Ejo hegiamak to honyie, ‘Ewak iyye hijo anyar erutu iyyohoi isia adde?’
\p
\v 29 Ojo inya to hosie, ‘Obe, lejo itai efu ruto abalie ŋaso itai erutu iko geme. Ibusak isia hebibolori daŋ man to holoŋ no dioŋo. Ati to holoŋ no dioŋo elimak iso naŋ ta hadioŋok hijo,
\v 30 ”Ittieru arutu abalie adde atta itai efifitak abubuŋi at itai esuahak, ati ejo itai geme etubak to ibati hanaŋ.””
\p
\v 31 Enyiak Yesu eyyani nobo hitarriji to hosie. Ojo inyia, “Ara obie no ido iya haŋeri lo bule ille eyari tuŋani owu edulak ta mana honyie.
\v 32 Odicio haŋeri lia bino tara haŋeri no bule daŋ. Ati lobolo inya, ata agalik yani inia tohotwai mana daŋ ata hira a yani netok, ina oduhori cieŋ ino efirita hajik ino hosie to sana honyie.”
\p
\v 33 Enyiak Yesu elimak to hosie nobo hitarriji hijo. “Ara lobie nyia te ido iyya ahabuok iko bula inno odumu hitonoŋorwo ariomok ta balu hotopwase.”
\p
\v 34 Elima Yesu hiro huna daŋ to iluluŋ to hiticielita; ojo lobe hitirijita obe inya elimak hinak hiro to hosie.
\v 35 Nyo anyar etisiru hiram no hekilani nafa ojo inyia hijo, “Ero iso naŋ to hitirijita; elimak iso naya hiro inafa eŋofo man to hitieri na fau.”
\p
\v 36 Nia ebusari Yesu iluluŋ no hiyo ata ajiŋak ahaji. Ati afanu hejufutak to honye efiari hijo, “Ituhutek iyyohoi hiram na abalie nia esuru ta mana.”
\p
\v 37 Etiraŋ Yesu to hosie hijo, “Lia lo oyek hinyomo ino olibo ara inya lonyi tuŋani.
\v 38 Ara mana fau; ara hinyomo illo olibo, lonyirok illo obie. Ara hidofe abalie lonyirok illo heturruoni;
\v 39 ojo mioroni ara tuŋani lo oyek abalie ara inyia hetisiahani. Ojo dioŋo iyya hisidi na fau, ojo hadioŋok ara anjilohien.
\v 40 Iya, odueni iso abali atta asuahak to hima, ara iso nia to hicuŋi na fau.
\v 41 Efahak iso Lonyi tuŋani anjilohien ilo honye hatagaranyai adde niya daŋ ino epala to obie nohonyi.
\v 42 Atta iso isia ebirok isia to hima ina onok. Owuon iso yio iko hirita na hala.
\v 43 Edia iso liborok iyya holoŋ to lobie no Monye hosie. Lia lo owuon iko yohe tojio inyia hetiru.
\p
\v 44 Ara lobie no ido iya ibariti ino eŋofo ta mana; larumu lobo ata eŋofok isia. To mune nohonyie, owu inya etinyaŋe hiro ino honye adde, hijo anyar atu enyaŋini mana nya.
\p
\v 45 Ara obie no Hollum iya hapoconi ille etufa honoro no obwor ojo hinyaŋita inno honyie ogol.
\v 46 Owu tuŋani lia etinyaŋe innamuk hiro ino honyie daŋ. Attati arumu hinyaŋita, atta inyia awoŋ enyaŋu honoro nia.
\p
\v 47 Ara obie ne ido iyya higali no ebirok hagalak a hotwai hari, atta emietu enefu ham to woyyojin.
\v 48 Ehumu heririahak isia otifor hahari atta egigelu huna olibo wati atta ehumak to fedito, ata isia ebire ino oru adde.
\v 49 Ara iso to hisidi na fau iya nya; afanu iso anjilohien egigelu hiyo ilo oru tara ho hiyyo ilo olibo,
\v 50 Ebirohini iso isia hiyyo illia oru to hima ina onok, owuon iso yio ojo hirrita na hala.
\p
\v 51 Ehum mahu itai etiru hiro inia daŋ?” Atta hejufutak hitiraŋ hijo, “Ee, etiru iyyohoi”
\v 52 Ata Yesu hijo to hosie hijo, “Iyania ara hegiorok daŋ a hiyo ilo etiyana hiram no obie no ido iya monye haji, ile odumu hiro marwak iko ŋejuho te ibati honye.
\p
\v 53 Nafa atuhok Yesu hiticelita inia, atta inyia eno ta mai to nyia adde.
\v 54 Nafa eba Yesu ta fau honye, atta inya eno a haji imojit etiyanari. Ellilliha ifa hiyyo hijo “Horrumu inyia ofioroho iko idwariti innia ogol aji?
\v 55 Hobe ara lonyie hesisihoni ille habauhien lia? Hobe Maria ara hotonye honye? Obe mahu halasira honyie ara, Yokobo, Yosefu, Simone iko Yuda?
\v 56 Obe mahu hanasira honyie owuon daŋ to hiji hohoi? Horrumu mahu inyia hirro innia daŋ aji?”
\p
\v 57 Ejoria ifa isia to Yesu. Ati ero Yesu to hosie hijo, “Ebo hiyo hitihabuo hayitani ha sayye kuya hilahaŋ iko doŋe no hosie hitihabuo inya.”
\v 58 Obe inyia egem innak idwariti dia to biaŋan no huruk nohosie.
\c 14
\cl ŋati 14
\p
\v 1 Toholoŋ nafa nya, Erode etiru hiram no Yesu.
\v 2 Atta inyia elimak to hegiamak illohonyie hijo,” Yoani Hebatisoni; ebuhu inya to ye. Iya nia egiama iduariti inia to honyie.”
\p
\v 3 Nyo eniefu ifa Erode Yoani, ata etifitak inya, ata itijiŋa to kijan, to hiram no oŋoruwo halasi honye Pillipo.
\v 4 To hiro no Yoani te Erode hijo, “Oduwa to hoi hawuanari iko inyia oŋoruwo hoi”
\v 5 Ejo Erode awak attohe Yoani, ati abaŋ ifa inyia hiyyo, nyo eruk ifa hiyyo hijo ara inyia hekilani.
\p
\v 6 To holoŋ nafa ehuhumari hiyo mune ta haŋ ho Erode holoŋ nafa esioni hiyo inya, acia ŋanini Erodia ata Erode mune bino,
\v 7 to he tiraŋi, elima to hodwoti nia to hilifo hijo esio iso naya iye hiro daŋ ino ewak iye.
\v 8 Atta hodwoti nia eno hifia hotonye honyie hijo, “Hawu iso naŋ hifia inyia hesiera nayya nyo? Atta hotonye hijo, “Tojo isiara nayya hoo no Yoani Hebatisoni to hiduti ina” Ata hodwoti nia hijo iyya ojo hotonye honyie.
\v 9 Ejiriŋa habu lia, atta inyia baŋi hirro innafa elimu inyia ojo hodwoti iko hatamonok etira. Ejo inyia, isiara hirro innia awak inyia.
\v 10 Atta inyia efahak lobo hegiamani lohonyie heno akijan hotoŋutuni hoo no Yoani.
\v 11 Eyyani tuŋani lia hoo nia atta hisio to huduti no hiito nia, ojo hiito nia atta eyari to honye honyie.
\v 12 Ojo hejufutak illo Yoani atta afanu akafari wan no Yoani onuhari. Tia ofuyye elimahini to Yesu.
\v 13 Nafa etiru Yesu hirro innia, atta inyia etuhutu wan tara to togoli anabo mai hamai. Nafa etiru iluluŋ nia, atta atifori Yesu to bore gala amai nyia.
\v 14 Nafa awoŋ Yesu ahosiere hosie egonyu inya iluluŋ nia edoŋ atta inya amehini to hosia, ata hitilibo haŋwak ino hosie.
\p
\v 15 Nafa era iŋalio, afanu hejufutak hijo to honyie, “Ara mai inna amur, ojo holoŋ eliaha aswori, itatturok iluluŋ nia hefie amisihi hosie anyar ofuo arrumu daha nohosie.”
\p
\v 16 Ati, ojo Yesu tohosie, “Hotobiaŋa isia ofuo adde. Isiara to hosie innak hirro hatadahai isia.”
\p
\v 17 Atta isia hijo to honyie hijo, “Ewuon iyyohoi iko imuniaha miet ojo ham ohorik.”
\p
\v 18 Ata Yesu hijo, “Iyani ta hanaŋ.”
\v 19 Ojo Yesu atta etihunyik hiyyo ta fau to hide ho miyaŋ. Atta inya adumu imuniaha miyet iko ham ohorik, ata hibono ahide ido ata inya hijok ata hibubun imuniaha atta hisio to hejufutak hesiara to hiyo.
\v 20 Adaha isia daŋ man oruma. Ati eduduhu heyiyanak ofitot inno imuniaha lur to gufat tomon harik.
\v 21 Ara ifa iluluŋ no liawa hame alif miet, ojo ŋorwo iko durre.
\p
\v 22 Kokwak atta inyia etuhunyik hejufutak ilohonyie ahotwai ho togoli nafa owuon to otifor hahari, ojo inya ta wan nohonyie atta efuhak iluluŋ no hiyyo adde.
\v 23 Ta halu no hetaturok no honye iluluŋ, atta inyia hire a doŋe inya hamai omojori. Ifa iŋalio odule inyia dia daŋ.
\v 24 Ati eba ifa togoli to hiji ha hari nettok, nyo ohut ifa oyami bino ojo hidofe ebo hitiho nyo efiriwa ifa oyami bino.
\v 25 Ifa era harie, atta Yesu awoŋ aŋati hosie, lolot to hide ho hifioŋ.
\v 26 Nafa egonyu isia Yesu olot ho hide ho hifioŋ, atta hejufuta baŋi ata hijo, “jok nia,” oyio ifa isia ta baŋi.
\v 27 Atti ero Yesu to hosie teyya hijo, “Itigolo! Nayya lia! Ibaŋa abaŋ.”
\p
\v 28 Etirraŋ Peturu to honyie hijo, “Habu, lara iye lia, ililoŋo naya hawoŋ to hoi to hide ho hifioŋ.”
\p
\v 29 Ojo Yesu, “Woŋ.” Ata Peturu alu to togoli ata eno to Yesu to hide ho hifioŋ.
\v 30 Ati nafa ewolo Peturu oyyami, atta inyia baŋi; atta inya adiori ahotwai hari, atta inyia yio hijo, “Habu, itiluwahu naya.”
\p
\v 31 Ifa teya ata Yesu ehalamak hani no honyie, ata hinief Peturu, ata Yesu hijo, “Iye ille odicio hiruk, nyo ekuya iye?”
\v 32 Ifa arrek Yesu iko Peturu a togoli, ojo oyyami atta aduehini.
\p
\v 33 Atta hejufutak ilafa etole to togoli hitihabuo Yesu hijo, “Era iyye dede Lonyi Hollum.”
\p
\v 34 Nafa ellaŋ isia tololo, atta isia allu to Genesaret.
\v 35 Nafa aheru hiyo illo mai nya Yesu, atta isia efahak sayye to masik niyya ta mai to nyia, heyani haŋwak innohosie daŋ to Yesu.
\p
\v 36 Attana isia inyia hedek haŋwak inno hosie hototir ŋolon no boŋo nohonyie, iluluŋ no haŋuak illafa otir inyia olibe.
\c 15
\cl ŋati 15
\p
\v 1 Atta illak Farisei iko hegiorok afanu to Yesu to Yerusalem. Ejio isia,
\v 2 ”No nyo owur hejufutak illohoi imohiti inno ettaha? Obe isia elila has innohose la adaha isia.”
\p
\v 3 Atta inyia hitirraŋ atta hijo to hosie, “No nyo hidofe ewur itai hifahi no Hollum to hiram no imohiti innahatai?
\v 4 Nyo ojo Hollum hijo, ‘Abaŋa monye hoi iko hotonyo hoi,’ Ojo tuŋani le ero noru to hotonye iko monye honyie, oye iso inya.’
\p
\v 5 Ati ejio itai, ‘Lejio lobo to monye honyie iko to hotonye honyie hijo, “Le luak lobo itai, omoju inyia tara hanaŋ hatara a hisiori to Hollum,”’
\v 6 hotobiaŋa tuŋani lia abaŋ monye honyie. To hikoi nia, eturru itai hiram no Hollum to imohiti innahatai.
\v 7 Itai henyabak! Ekilu ifa Isaya te itai ta nafa ojitari inyia hijo,
\v 8 ‘Abaŋ hiyyo hullo nayya to hutuhen innohosie hame, ati alama tajia innohose tara nayya.
\v 9 Etihabuo isia nayya assai, nyo etiyana isia imohiti innohosie iko hifahita inno hiyyo.”’
\p
\v 10 Atta inyia hililoŋ iluluŋ to honye atta hijo to hosie, “Itira ejio hidofe eyyien.
\v 11 Obe nobo sihin no ojiŋak ahutuk ho tuŋani oremik hiturru tuŋani. Ati, sihin netihar tuŋani inyia sihin no ottu to hutuk ho tuŋani.”
\p
\v 12 Atta hejufutak afanu to honyie atta hijo to Yesu, “Heyyen iyye hijo ejoria ifa Farisei to hetiru nohosie hiro nohoi?”
\v 13 Etirraŋ Yesu atta hijo, “Orutuni iso yani no obe Monye hanaŋ lia to ido edulak.
\v 14 Ibusak isia hame, ara isia haŋodok hetuhutak. Orihita oŋodo lobo tuŋani, ohuyek isia daŋ ewudo.”
\p
\v 15 Etirraŋ Peturu atta hijo to Yesu, “Iko ihuma elimak te iyyohoi icelit nia.”
\p
\v 16 Ojo Yesu, Holobe itai daŋ ehum etiru na anyar?
\v 17 Holobe itai hiyen hijo le eba nobo sihin to hutuk, owu eno ahosehe atta hidofe ebirori ahotwe iwudo?
\v 18 Ati hirro inno afanu adde to hutuk, afanu ta taji. Isia hirro inne eturru tuŋani.
\v 19 Ojo hidofe ta taji afanu igigilita inne ebwot, toho, roto, somon, hoho, roso, iko teler.
\v 20 Isia innia inne etihar tuŋani. Ati daha ojo has obe elila, obe oremik hitibwot tuŋani.”
\p
\v 21 Atta Yesu eno adde teyya adoŋiok inno Tire iko Sidona.
\v 22 Ottu nobo hiito noŋorwo no Kanan adde to fau nyia. Eyyorro inyia atta hijo, “Tomehini ta hanaŋ Habu Lonyi Davide! Iniefita ŋani hanaŋ miniaŋa.”
\p
\v 23 Ati obe Yesu etiraŋ to honye lobo hiram. Atta hejufutak ilohonye afanu to honyie atta tana inyia hijo, “Ifuhai inyia adde, eyyorrita inyia toohoi.”
\p
\v 24 Ati atta Yesu hitirraŋ atta hijo, “Abe ifa nayya attu te illak hame ati to kioro inno olita ta haji no Isarail.”
\p
\v 25 Ati ottu inyia atta rigoŋo ta fau to hosiere honye, atta hijo, “Habu, toluak nayya.”
\p
\v 26 Atta inyia hitirraŋ atta hijo, “Obe olibo heyari imune no durre atta ebirok to ŋohe hullo hittiŋi.”
\p
\v 27 Atta inyia hijo, “Habu, ati adaha hido kuyyuhi ŋiria no odek tara teremejaha inno ettaha illohose.”
\p
\v 28 Atta Yesu hitirraŋ atta hijo to honyie, “Inna tuŋani, obolo huruk nohoi; isiara hegiamai to hoi iyya ewak iyye.” To saa to nyia atta ŋani ho tuŋani nyia libe.
\p
\v 29 Atta Yesu ebusari mai nyia atta eno aŋati hari nettok no Galilea. Teya ata inya eno adoŋe ata hitole dia.
\v 30 Otu iluluŋ netok to honye. Eyani isia daŋ haŋurak, haŋodok, hattuhok, iko inne eyyokie, he innak daŋ innafa oŋwai. Esio isia daŋ to hejek inno Yesu, atta inyia hitilib isia.
\v 31 Eliliha ifa iluluŋ nafa egonyu isia hattuhok ero, iko haŋurak illo olot, haŋodok orriŋa. Omuno isia to Hollum lo Isarail.
\p
\v 32 Ata Yesu hililoŋ heyiyanak ilohonye atta hijo, “Amehini nayya binno te iluluŋ nia, obolo hittole nohosie inni holoŋitek hunik obe isia anya illak hirro. Abe naŋ awak efuhai isia adde holobe isia enya lobo daha, hotobiaŋa isia ofu huyuta to hikoi.”
\p
\v 33 Ojio hejufutak to honye, “Herumu iso iyohoi imuniaha inno oremik iluluŋ inna aji ta mai ina ara awaha tiji?”
\v 34 Ojo Yesu to hose, “Ara imuniaha inno owuon ta hatai jai?” Atta isia hijo, “Hatarik iko ilak ham kai.”
\p
\v 35 Ata Yesu elimak iluluŋ hotohunya ta fau.
\v 36 Odumu inyia imuniaha hatarik iko ham, ta halu ho hisio nohonyie humo, atta inyia hiwur imuniaha atta hisio to hejufutak hatadahai. Atta hejufutak hisio te iluluŋ.
\v 37 Atta hiyyo daŋ daha man ofoŋi. Atta isia eduduhak inafa ofitini man enyiak hilur to gufa.
\v 38 Ara ifa liawa ila adaha alif aŋwan tara ŋorwo iko dure.
\p
\v 39 Atta Yesu efahak iluluŋ adde tara honye ata inya arerk ahide togoli atta eno afau ho Magadan.
\c 16
\cl ŋati 16
\p
\v 1 Farisei iko Sadusei afanu isia hiciem Yesu ata hifi inya hetuhutek isia hituhuti no otu te ido.
\p
\v 2 Ati etiraŋ inya to hosie, “Lera iŋalio, ata itai hijo, ‘olibo iso holoŋ ina nyo odon ido.’
\v 3 Ojo hidofe to motie beren lo odon ido ojo hidofe owuon he idis, ‘Ottu iso hai ena.’ Eyyen itai hiloito no ido, ati ebe itai eremik hiloit hituhututa inno holoŋitek hunna.
\v 4 Awak hilahaji no’rru hituhutita, ati obe iso nobo hituhuti to hosie, ati hituhuti no Yona.” Ebusak Yesu isia atta eno adde tara hosie.
\p
\v 5 Nafa eba hejufutak ilohonyie otifor na hari tololo, agilu isia imuniaha.
\v 6 Ata Yesu hijo to hosie, “ihuma riŋa ibaŋa eruk bula ino Farisei iko ino Sadusien.”
\p
\v 7 Ata hejufutak hiro ta wati inohose hijo, “nyo ebe iyohoi ayani he imune.”
\p
\v 8 Oyen ifa Yesu hiram nia atta hijo, “Itai hulo odicio hururk, nyo nia edule itai hiro to biaŋan nahatai eyani imune?
\v 9 Holobe itai daŋ eyyen? Ebe itai egilu imuniaha miet inafa ho hiyo ilafa hisihai tomwana miet? Hara gufat ino imuniaha jai inafa eduduhu itai?
\v 10 Kuya imuniaha hatarik ino hiyo sihai tomwana aŋan.
\v 11 Jai ebe itai etiru hijo abe naŋ ero to hiram no imune? Ihuma riŋa bino hiram no bula inno Farisei iko Sadusien.
\v 12 Ata isia agilu hijo obe inya etito isia to bula ino imune na Farisei, ati ero inya to hiram no etiyana Farisei iko Sadusien.
\p
\v 13 Nafa eba Yesu ta fau no Kesaria Filipi atta inyia hifia hejufutak ilohonye hijo, “Hojo hiyyo ŋai Lonyi Tuŋani?
\p
\v 14 Atta isia hijo, “Ojo ilak Yoani hebatisoni; ojo ilak, Elia; arasa ilak hijo, Yeremia, kuya lobo hekilani.
\p
\v 15 Attati inya hijo tohosie, “Ati eijo itai ara naŋ ŋai?”
\p
\v 16 Atta Simone Peturu hitirraŋ to honyie hijo, “Ira iyye Kristo, onyi Hollum lowar.”
\p
\v 17 Atta Yesu hitiraŋ to honyie hijo, “Simone lonyi Yona, obolo iso jaha tohoi nyo obe lobo tuŋani etuhutek nia tohoi, ati Monye hanaŋ te’ido etuhutek iyye.
\v 18 Hidofe ajo naŋ tohoi hijo, iye Peturu, to hide ho moruo inia aduhok iso naŋ kelesia nanaŋ. Nolobe golon no ikati ino iferno oremik agalik.
\v 19 Esio iso naŋ tohoi iŋanyiti no obie no Hollum nya te ido ojo hidofe lefit iye hiro daŋ teni ta fau, efitahini iso daŋ te ido. Hiro daŋ ino ehohi iye ta fau, oho iso daŋ te idou.
\v 20 Atta Yesu elimak hejufutak ilohonyie hijo hotobiaŋa elimak ilak hiyo hijo ara inya Kristo.
\p
\v 21 Ta far nyia etiara Yesu hituhuta hejufutak ilohonyie hijo ahu iso inya a Yerusalem, etigiama iso marwuak iko habwuok ojo fadirihen iko hegiorok, Atta atohoi inya ati ebuhu iso inyia to manya ta halu ho holoŋitek hunik.
\v 22 Nia eyari Peturu inya kai oger atta hiro hijo, “Habu; isiara hirro inne ero iyye hotobiaŋa eidoŋ to hoi.”
\p
\v 23 Ati oyito Yesu to Peturu, “Ihuto ade Sitan ta haluhanaŋ! Ira iye morwo hetihadoŋoni hanaŋ nyo ebe iye egigilo hiro ino Hollum, ati egigilo iye hiro ino hiyo.”
\p
\v 24 Atta Yesu to hejufutak honye hijo, “La awak lobo tuŋani hijufuta naya isiara inya hotorisie wan nohonyie, hakafari kuruce nohonyie atta hujufuta naya.
\v 25 Lawak lobo tuŋani etuluwahu manya nohonyie, etilitek iso inya, tuŋani etilitek manya nohonyie to hiram nanaŋ orumek iso.
\v 26 Nyo libe nohonyie larrumu tuŋani ibariti inna fau daŋ atta etilitek manya nohonyie?
\v 27 Nyo otu Onyi Tuŋani to lohwo no Monye honyie ha anjilohien ilohonyie. Oduma iso inya hiyo daŋ to igemita inohosie.
\v 28 Dede elimak naŋ itai hijo, eweta illak inni iyyania illo obe iso oremik egonyu ye man egonyuni iso isia Lonyi Tuŋani awoŋ to obie nohonyie.”
\c 17
\cl ŋati 17
\p
\v 1 Tahalu ho holoŋitek ile eyari Yesu iko inyia Peturu, Yokobo ojo Yoani halasi honyie, atta eyyani isia man ahide ho doŋe to wati innohosie.
\v 2 Eloito ifa inyia to hosiere hosie. Onito homom nohonye iya holoŋ, ojo boŋojin inno honyie atta buorro no no iyya cialai.
\v 3 Teya, edwuoŋ Mose iko Elijah to hosiere hosie ojo erro iko isia.
\v 4 Etiraŋ Peturu atta hijo to Yesu, “Habu, holibo iso te iyyohoi hamanyiari inni, lewak itai, ehumak iso nayya hajik hunik inni - nobotie nohoi, nobotie no Mose, ojo nobotie to Elija.”
\p
\v 5 Iya nafa arasari inye hiro, teya, ata ohidis no itiran no obuor etiyok isia, ojo teya, owuon ifa hiro no ero hijo, “Onyi hanaŋ la amuno nayya ille, to inya amuno Naŋ bi no no. Itire to honyie.”
\v 6 Ifa etiru hejufutak, eruŋok isia homomite inohosie ata baŋi bi no.
\p
\v 7 Teya awoŋ Yesu hitir isia atta hijo, “Itidiote ahide ibaŋa labaŋ.”
\v 8 Atta isia hiwolo ahide ati obe egonyu lobo tuŋani aracie Yesu Kristo hame.
\p
\v 9 Iya nafa alu isia afau to doŋo, elimak Yesu to hosie, hijo, “Ibaŋa elimak hiram inia tolobo tuŋani man ebuhuni Onyi Tuŋani to ye.”
\p
\v 10 Efi hejufutak ilohonyie inyia, hijo, “Nyo hidonye ojo hegiorok hijo anyar otu Elija ahosiere?”
\p
\v 11 Etirraŋ Yesu atta hijo, “Ottu iso Elija dede anyar ottu enyahu hiro daŋ.
\v 12 Ati elimak naya ta hatai, awoŋ Elija, ati obe isia oheru inya; ati, egiem isia tohonye iya owak isia. To hikoi to nia, daŋ etigiama iso isia Onyi Tuŋani ta has hosie.”
\v 13 Teya ata hejufutak etiru hijo ero ifa inya to hosie to Yoani hebatisoni.
\p
\v 14 Nafa afanu isia a iluluŋ, awoŋ lobo tuŋani tohonyie atta rigoŋi to hosiere honyie, atta hijo,
\v 15 ”Habu, omelehini to onyi hanaŋ, oyeyeta inya iko hahwe bi no no. Odule inya huyita to hima ojo to hifioŋ.
\v 16 Eyani Naya inya to hejufutak ilohoi, ati obe isia oremik hitinyar inya.”
\p
\v 17 Etiraŋ Yesu atta hijo, “hiyo ilo obe owoun hohuruk ojo ara hetiharak to hilahaji nia, man anu iso etole naya ikaitai? Man anu iso adik naya itai? Iyani inya tahanaŋ.”
\v 18 Ata Yesu hetudwek miniaŋa, atta efie ade tara honyie; olibe oŋeye lia ta saa tonya.
\p
\v 19 Teya afanu hejufutak to Yesu hamai hamai ata hijo, “Nyo obe iyohoi eremik efuhai miniaŋa inia adde?
\p
\v 20 Ejo Yesu to hosie; “odicio hiruk nahatai, adede ajo naya ta hatai, lewuon ida itai ho hiruk ara ida hido odicio kai iya haŋeri, eremik itai hijo to doŋe ina, “Itihute wan nohoi teni alamare, ati hihuto. Obe iso inak hiro ino agalik inahatai.”
\v 21 Ati obe miniaŋa inia oremik efie adde ara to mojo iko to hitiru hamai.
\p
\v 22 Nafa etolojori isia to Galilea, ojo Yesu te hejufutak ilohonyie, “Esiarahini iso Onyi Tuŋani ta has ho hiyo;
\v 23 Otohe iso isia inya, ati to holoŋ hitahunihi, ebuhu iso inya to ye.” Atta heyiyanak hijiriŋa.
\p
\v 24 Nafa afanu isia a Kapernaum, atta hiyyo illafa eduduha musuru afanu to Peturu atta hijo, “Obe mahati hetiyanani lohoi oduma musuru?”
\v 25 Ejo inya, “Dede.” Ati nafa eno Peturu ahaji, ero Yesu to honye hijo, “Hegigilo iye nyo, Simone? Tara ŋai omojori habwok ilo fau musuru? Tara onyirok hosie wolo tara lufajak?”
\p
\v 26 “Tara lufajak,” etiraŋ Peturu, Ejo Yesu to honye, “Ati hotowania dure bolioŋ.
\v 27 Ati ebaŋa ehumak heduduhak ho musuru eo eyau, ino ahari netok, ibirok hiririehi, ata iye iririehu hami lo ottu hitieri; aŋa hutuk nohonyie, erumu iso iye arobia dia. To dumu ojo isiara to heduduhak ho musuru ta nayya ojo te iyye.”
\c 18
\cl ŋati 18
\p
\v 1 Ta far to nyia, afanu hejufutak to Yesu ata hijo, “ŋai ara etok to obie no ido?”
\p
\v 2 Ellilloŋu Yesu nobo hiito nettiŋ atta emak inyia to hosiere hosie, atta hijo, “Dede,
\v 3 elimak naŋ itai hijo, lebe itai eloito iyya durre inno hitiŋi, ebe iso itai ejiŋak to obie ne ido.
\v 4 Niya, lia, lenyiak wan nohonye iya hito letiŋ, ara iso inyia nettok to obie ne ido.
\v 5 Tuŋani lomoju hito letiŋ iya ile to fure nanaŋ amoju inya naya.
\p
\v 6 Ati lorrosok lobo iŋeye ne eruk ta hanaŋ to hiyata, osiru hefitak no moruo netok honye atta ebirok inya ahari hotodiori.
\v 7 Oru iso ta fau to hiro ino etipala! Afanu iso hitipalita dede, ati oru iso bino to tuŋani leyani hipalita!
\v 8 Lara hani iko heju nohoi iso iye to hiyatta, toŋute adde ata iye ebire adde. Olibo hajiŋahini ta manya leŋura agalik ebirohini wan nohoi iko has inohoi arik ojo hejek to hima.
\v 9 Leyari honyek nohoi iye to hiyata, ogolotu atta iyye ebire adde. Olibo tohoi hajiŋahini ta manya iko honyek nobotie agalik ebirohini to hima iko honyehite arik.
\p
\v 10 Ihuma riŋa hijo hotobiaŋa itai emiana dure ilo odico iya hulo. Nyo elimak naŋ itai hijo oriŋa anjilohien homom no Monye hanaŋ lia te idou.
\v 11 Nyo ottu Lonyi Tuŋani hetilahari illo olita.
\v 12 Hegigilo itai jai? Lo owuon tuŋani iko kioro hisihai nobotie ojo nobotie atta litai, obe iso inye ediahari tomwana hotoŋwan ho hotoŋwan to doŋe atta asiahari lara olita?
\v 13 Dede, elimak naŋ itai hijo larrumu inya lara olita obolo iso mune nohonyie binno agalik kioro innara tomwana hotoŋwan ho hotoŋwan inno obe olita.
\v 14 Obe hidofe Monye hohoi lia te ido awak lobo tara dure hotoyo.
\p
\v 15 Leyau halasi hoi to hoi ino ilimak hiyau nohonye to honyie. Leruk inyia hiram nohoi, ariehu iye inya amote hoi.
\v 16 Ati lebo inyia hitira to hoi, illiloŋu lobo tuŋani lobotie kuyya lohorik hatara asuti ilohoi, hijo hetiru hiyo hiro nahatai.
\v 17 Ati lebo inya hitira to hosie, ilimak hiram nya to hosiere ho kelesia. Larasa inya hibo hitira hiram no kelesia, isiara inya hatara ta hatai iya pagano ojo hatara iya heduduhani ho musuru.
\v 18 Elimak naŋ itai dede, hijo hirro daŋ ino efitak itai ta fau, efita iso daŋ te ido. Ojo hiro ino ehek itai ta fau, ohehini hidofe daŋ te ido.
\v 19 Enyiak naŋ elimak itai dede hijo, leruk hiyo lohorik nobotie to nobo sihin nawak isia, esio iso Monye hanaŋ lia te ido to hosie.
\v 20 Nyo lotubahini hiyyo lohorik kuyya hidofe lohunik to fure hanaŋ awuon iso naŋ to hiji hosie.”
\p
\v 21 Ata Peturu awoŋ ata hijo to Yesu, “Habu, Hara inyahita jai ino ebusak iso naŋ halasi hanaŋ leyyau ta hanaŋ? Hara iso inyahita hatarik?”
\p
\v 22 Ati ojo Yesu to honyie, “Abe naŋ ajo to hoi hinyahita hatarik, ati tomwana hatarik ha hatarik.
\v 23 Ara obie ne ido iyya lobo habu lawak etibisak horos nohonye iko piti ilohonyie.
\v 24 To hosiere, eyyani ifa hiyo to honyie tuŋani lafa omoju arobiya tara honye alif tomon.
\v 25 Ati obe arobiya tara honyi ilo odumari horos nohonyie, atta ettok lohonyie elimak hijo hetinyaŋak hiyo inya ho oŋorwo honye ojo dure iko hiro inohonye daŋ, anyar oremik idumuti inafa esok inya.
\v 26 Atta pit lia rigoŋi ta fau to hosiere ho honye lohonye, atta hijo, “Etok, odik do, aduma iso naŋ hiro inohoi daŋ.’
\v 27 Omehini ifa taji nettok atta inya a hek tuŋani lia atta ebusak inyia to horos.
\v 28 Eno pit lia atta eboŋohini iko lobo lafa egiama, lafa owuon ho dinari hisiha nobotie. Eniefu inyia lohoros lohonyie atta higor inya to murut atta hijo, “Todumai horos hanaŋ.’
\p
\v 29 Ati ohuyek hegiamani lia ta fau atta hifia hijo, ‘Ibusak nayya, nyo aduma iso naya iye.’
\v 30 Ati ebo ifa hegiamani lia. Atta inya eno ete etijiŋa inya to basu man odumari dain inafa eyari inya.
\v 31 Ifa legonyu motierak honyi hiram nya, ejiriŋa ifa isia. Atta isia afanu elimak te etok lohosie hiro inia daŋ.
\p
\v 32 Ellilloŋu ifa ettok lo hegiamani lia inyia, atta hijo do honyie hijo, ‘Iyye pit lorru binno. Nafa eloliari iyye ta hanaŋ abusak ifa naŋ horos nohoi.
\v 33 Nyo ibe iyye ebusak horos no ohoros lohoi iyya ebusahini naŋ iyei?’
\v 34 Ejoria ifa ettok lohonye to honye bino atta hisio inyia to bolis hatabak inyia man odumari inyie horos nohonyie daŋ.
\v 35 Egiem iso Monye hanaŋ ta hatai daŋ ania lobe itai ebusak halasira hatai ta tajia inna hatai.”
\c 19
\cl ŋati 19
\p
\v 1 Nafa esahak Yesu hirorita hunna, eno inyia to Galilea, atta awoŋ afau no Yudea no owuon ahosiere ho hari no Yordano.
\v 2 Ejufari ifa iluluŋ nettok inyia, atta inyia hitilibo isia teya.
\p
\v 3 Afanu Farisei to honye, ociamari inya, ata hijo tohonyi “Holibo to tuŋani hapiahari iko oŋoruo honye to nobo hiram?”
\p
\v 4 Etiraŋ Yesu hijo, “Ebe itai ehienu hijo inyia lafa oyyeu isia man to hitieri oyyeu isia hiito oliawa iko hiito noŋoruo?
\v 5 Ojo hidofe inyia lafa oyyeu isia hijo, ‘To hiram to nia owu hiito oliawa ebusak monye iko hotonye honyie atta atubahini to oŋoruo honyi, atta arik hira wan no botie?’
\v 6 Nia obe isia enyiak hira arik, ati wan no botie. Hotobiaŋa lobo obwan hiro ino otubak Hollum nobotie.”
\p
\v 7 Atta isia to honye, “No nyo ati elimak Mose iyohoi hesiara waraga no piaha ata efuhai inya adde?”
\p
\v 8 Ojo inyia to hosie, “To golon no tajia inahatai aŋatahini Mose itai hotopiahai ho ŋoruo inahatai, ojo man ifa to hitieri obe ifa ara to hikoi nia.
\v 9 Ajo nayya ta hatai, tuŋani lo opiaha ho oŋoruo honye to hiram no obe ara no somon, atta yama nobo, eyyau ho oŋoruo tuŋani ojo hiito oliawa lia owu yama hiito noŋoruo nia opiaha eyyau inyia.”
\p
\v 10 Ojo hejufutak to Yesu, “Lera hiram no hito oliawa iko hiito noŋoruo daŋ ania, obe hada olibo hayamari,”
\v 11 Ati ojo Yesu to hosie, obe ara hiyyo bidaŋ oremik huruk hiro nia, ati ara ja no hiyo ilo esiarahini to hosie aŋatak inya.
\v 12 Owuon illo obe awak yama man to hotwajin ho hotonye hosie. Owuon illak illo ehumak hiyyo hotobiaŋa ayama, Owuon hidofe illo obe awak yama to hiram no lobie no ido. Lia lo oremik amoju hitiyana nia, isiara inyia hotomoju.”
\p
\v 13 Nia eyyani hiyo ilak durre ilo hittiŋi to honye anyar atanyiak inya has innohonyie to hosie atta mojo, ati eriŋ hejufutak isia.
\v 14 Ati ojo Yesu, “Idek durre illo hittiŋi, hotobiaŋa itai efuhai isia hafanini ta hanaŋ, nyo ara obie ne ido to ilia ara ania.”
\v 15 Atta atirok has inno honyie to hosie, atta eno teyya adde.
\p
\v 16 Nafa nia, awoŋ lobo tuŋani to Yesu atta hijo, “Hetiyanani, hara ŋari hirro inno olibo iso inia egiem naŋ hijo anyar arrumu naŋ manya no osio fur?”
\p
\v 17 Ojo Yesu to honyie, “Nyo etitifa iyye ta nayya hirro inno olibo? Ara tuŋani lo olibo lobotie hame, ati lewak iyye ajiŋak to wuaran, ottunak hifahita.”
\p
\v 18 Atta tuŋani lia hijo to honyie, “Hifahita inari?” Atta Yesu hijo, “Baŋa ottohe, baŋa eyau ho oŋoruo tuŋani, baŋa ahahala, baŋa oteler,
\v 19 Ta baŋa monye hoi iko hotonye hoi, ejio hidofe iyye emuno onyihari illohoi iyya wan nohoi.”
\p
\v 20 Ojo tuŋani lia to honye, eruk naya hiro nia daŋ; arasa naŋ wahan nyo?”
\p
\v 21 Ojo Yesu to honye, “Lewak iyye bisan, ino, itinyaŋai bariti ino owuon to hoi, atta iyye hisio to locaŋak, atta iso iye wuana he ibariti te ido. Woŋ, ijufak nayya.”
\v 22 Ati nafa etiru inya hiro inia tara Yesu, atta inya eno ade le ejiriŋa, nyo owuon ifa inya he ibariti aria.
\p
\v 23 Ojo Yesu to hejufutak ilo honye, “Dede ajo naŋ ta hatai, ogol to tuŋani la abara hajiŋahini to lobie ne ido.”
\v 24 Enyiak naŋ hijo ta hatai, ofiak to konikoni hajiŋari to honyiek ho itidit, agalik ta habarani hajiŋahini ahotwai ho obie no Hollum.”
\p
\v 25 Nafa etiru hejufutak rori niyya, eliliha ifa isia no atta hijo, “ŋai iso lia oremik hetilohini?”
\p
\v 26 Owolo Yesu to honye atta hijo, “To hiyo obe ofiak, ati to Hollum ofiak hiro bidaŋ.”
\p
\v 27 Ata Peturu hitira ata hijo to honye, “Towolo ebusak iyohoi hiro bidaŋ atta iye; nyo iso nia erumu iyohoi?”
\p
\v 28 Ojo Yesu to hosie, “Dede ajo naŋ ta hatai, to hiŋa ŋejuk lawoŋ Onyi Tuŋani ahunyia to hilohitok nolohwo nohonye, itai ilo ejufuta naya, efu iso itai ahunye to hittolojita tomon harik haŋotori woyojin inno Isarail tomon harik.
\v 29 Ilafa bidaŋ ebusak hajik, halasirak, hanasirak monyie, hotonyie, dure ojo fau to fure nanaŋ, omoju hinyahita hisihai nobotie, ojo orutak manya no osio fur.
\p
\v 30 Ati ariai ilo ara hosiere afanu hira halu, ojo ilia ara halu ofu hira hosiere.
\c 20
\cl ŋati 20
\p
\v 1 Ara obie ne ido iyya monye fau, ille ewuan to motie beren osiahari hegiamak illo mana nohonye.
\v 2 Nafa eruk inyia iko hegiamak arobia idumuti anobotie to holoŋ lobotie, atta inyia efahak isia amana honyie.
\v 3 Atta inyia hinyak eno abali ta saa hunik atta egonyu ilak hegiamak owueta to etinyaŋari asai.
\v 4 Atta inyia elimak isia hijo, “Ifeti daŋ, amana, lo owuon innak hiro inno olibo esio iso nayya ta hatai,” ojo hegimak. Atta isia efie te igem.
\v 5 Enyiak inyia eno ta saa ile ojo hidofe enyiak ta saa hotoŋwan, atta higiem iyya nya.
\v 6 Enyiak ofe inyi eno ta saa tomon holobtie abali atta arrumu illak oweta asai. Atta inya hijo to liyya, ‘Nyo eweta itai inni asai far daŋ? Ojo isia atta hitirraŋ to honyie hijo, ‘Obe hido lobo tuŋani lo ejo iyohoi igiem.”
\p
\v 7 Ojo inya atta hijo to hosie, “Ifeti daŋ amana.’
\p
\v 8 Nafa era iŋalio, atta monye mana hijo ta hatoŋitani lohonyi, ‘Ililoŋo hegiamak daŋ odumak higiemita ino hosie, itiarai to hucuŋi man to hitieri.’
\v 9 Nafa afanu hegiemak ilafa egiama daŋ man ta saa tomon holobotie, ohoru tuŋani daŋ arobia nobotie.
\v 10 Nafa afanu hegiemak illafa ho hosiere, egigilo ifa isia hijo ehoru iso isie ariai, ati ohoru isia daŋ nobotie nobotie.
\v 11 Nafa ahoru isia idumuti innohosie, ejullumori isia to monye mana.
\p
\v 12 Atta isia hijo, ‘Hegiamak hulo hahalu esok isia saa lobotie te igem, ati etirik itai idumuti inohosie daŋ iko inohoi, iyohoi hulo edik hitaban na far iko nohon no holoŋ.’
\p
\v 13 Ati etirraŋ monye mana atta hijo to lobo lohosie, Illa, abe nayya egiem ta hatai noloru. Obe ifa itai eruk ikanaŋ idumuti arobia lobotie?
\v 14 Omoju, ino ara innohoi atta iyye eno hikoi nohoi; Ara munei nanaŋ hesiarari to hegiamak illo halu iyya ta hatai daŋ.
\p
\v 15 Hobe olibo ta hanaŋ hesiarari ibariti inanaŋ to tuŋani la awak nayya? Ehayin itai to libe nohimorot hanaŋ?’
\v 16 Ati ara iso halu hosiere, ojo hosiere halu.”
\p
\v 17 Iyya nafa eno Yesu man a Yeruselem, eyari ifa inyia iko efahat tomon harik, ati to hikoi ojo inyia to hosie,
\v 18 ”Itiwolo, efu man Yeruselem, ati owu iso Onyi Tuŋani esiarahini to ettaha illo fadirihien iko hegiorok. Ofu iso hikum inya hotoyo.
\v 19 Ofu iso hisio inyia to halufak anyar eramitari inyia, abak inyia, atta esihok inyia. Ati to holoŋ hitahunihi etidietu iso inya ahide.”
\p
\v 20 Teyya, atta hotonye onyirok inno Sebedeyo awoŋ iko onyirok honyie to Yesu; origoŋo inyia to hosiere honyie atta hifi innak hirro tara honyie.
\v 21 Ojo Yesu to honyie, “Ewak iyye nyo.” Ojo inyia to honye, tojo onyirok hanaŋ hulo ohorik hotohunye lobotie ta hani he inyiet ojo lobotie ta hani he ihorroŋ to lobie hoi.”
\p
\v 22 Ati etirraŋ Yesu atta hijo, “Obe iye eyen hiro ino etitifa iyye. Eremik iyye himat ikobo inna eliaha naŋ himat?” Ojo isia to honye, “Eremik iyyohoi.”
\p
\v 23 Ojo inyia to hosie, “Emat iso itai dede ikobo nanaŋ. Ati hahunyei ta hani ho inyiet hanaŋ iko ta hani he ihorroŋ hanaŋ obe ara nanaŋ hesiarari. Ati ara no ilo ehuhumak monye hanaŋ to hosie”
\v 24 Nafa etiru hejufutak ilak tomon daŋ ania, obe ifa isia omuno iko halasirak ilia ohorik.
\v 25 Ati eliloŋ Yesu isia to honye atta hijo, “Eyyen itai hijo emumuna efahat ilo olufa isia, ojo ettaha illohosie ekumo isia.
\v 26 Ati to hiji hatai hotobiaŋa ara ania, ati, tuŋani lawak hira etok to hiji hatai anyar ara hegiamani;
\v 27 tuŋani hidofe lawak hira hosiere to hiji hatai anyar ara hegiamani lahatai;
\v 28 Iyya obe Onyi Tuŋani ottu hijo anyar egiema hiyo to honyi, ati otu egiemari, ojo hidofe esio manya no honyie iyya huluti no hiyo arria.”
\p
\v 29 Nafa efie isia ade to Yeriko, ejufari iluluŋ nolobolo inya.
\v 30 Etole ifa haŋodok ilak lohorik to oger ho hikoi; nafa etiru isia hijo lia Yesu owu teya aŋati, eyoro isia ata hijo, “Habu, Onyi Davide, tomehini to iyohoi.”
\v 31 Eriŋ iluluŋ isia, atta elimak isia hotoduai. Ati ojo isia arasa yio nohijo, “Habu, Onyi Davide, tomehini iyohoi.”
\p
\v 32 Nia oweta Yesu atta eliloŋ isia ata hiyo, “Ewak itai anyar egiem nayya nyo ta hatai?”
\v 33 Atta isia hijo to honyi, “Habu, anyar ida oriŋa honyehite inohoi.”
\v 34 Nia tomune no Yesu, atta Yesu hitan honyehite inohosie. Teyya atta isia hison riŋai atta ejufak inyia.
\c 21
\cl ŋati 21
\p
\v 1 Eba ifa Yesu ho heyiyenak illohonyie to Betfaji aŋati ho Yerusalem to doŋe no Oliveto, efak ifa Yesu heyiyenak illohonyie lohorik atta
\v 2 hijo to hosie, “Itijiŋak to doŋe nia nolowon to hosiere hatai, errumek iso itai nobo sigira ne efita iko ŋani honyie. Itihou atta itai eyyani isia ta hanaŋ.
\v 3 Lefia lobo tuŋani itai inak hirro, itirraŋak to honyie hijo, ‘Awak Habu isia,’ ojo iso tuŋani lia atta efahu isia he itai.”
\p
\v 4 Owuon hirro innia ania hijo anyar etisiru hiro no heyani sayye lafa ojo,
\v 5 ”Ilimak ŋani Siona hijo, Toriŋai, ottu Habu lohoi tohoi, la anyalam lettole to horuoŋ ha ŋani sigira.”
\p
\v 6 Atta hejufutak efie hihuma iyya elimak Yesu isia.
\v 7 Eyani isia sigira iko ŋani honyie atta afiatak boŋojin inohosie to horuoŋ no sigira ata Yesu hittole dia.
\v 8 Ofiatak ifa hiyyo ariai boŋojin inohosie to hikoi ojo illak atta ayefu sana inne yanik atta ŋafiatak isia te ikoi.
\v 9 Ata hiyo innafa owuon to hosiere iko inna halu daŋ hitiara hidolo fure no ojo,
\v 10 ”Hosanna to onyi Davide! Hotomune lia lottu to fure na Habu. Isiara hitihabuo hotowuana hitihabuo te ido.”
\p
\v 11 Nafa ajiŋak inya to Yerusalem, eliliha ifa hiyo daŋ atta hijo, “ŋai lia?” Ojo ifa iluluŋ no hiyo hijo, “Yesu lia, heyani sayye lo Nasaret no owuon ta Galilea.”
\p
\v 12 Ojiŋak ifa Yesu ta haji imojit nettok atta efuhai hiyo daŋ ilafa etinyaŋa iko ilafa etinyaŋa hirro inohosie ta haji nia. Atta inya asulai terefejahien inno ettok la arobiya, hittolojita daŋ inno hetinyaŋani lo irigioho.
\v 13 Atta inyia hijo tohosie, “Egioro hijo, ‘Eliloŋo iso haji hanaŋ hatara a haji imojit,’ ati eloitok itai inya hatara inya ahinom na hahalak.”
\p
\v 14 Afanu haŋodok iko haŋurak to honyie ta haji imojit nettok ojo inya hitilibo isia.
\p
\v 15 Eloŋojita ifa hiyyo ilo hitaha iko hegiorok legonyu isia hiro inafa ehuma inya ojo hidolo no durre inafa etihabwo ta haji he imojit nettok to hijo nohosie, “Hosanna to onyi Davide,”
\v 16 Atta isia hijo to honyie, “Hetiru iyye hiro ino ero isia?” Etirraŋ Yesu to hosie hijo, “Eee” Ibe itai ehiana hijo, “To hutuhien ho dure iko tara idoliaha, erumek iso iyye hitihabwo no libo?”
\p
\v 17 Ediahari ifa Yesu isia ata eno teya a doŋe no Betania ojiotori.
\p
\v 18 To motie beren acahari Yesu a doŋe Yerusalem atta inyia wode.
\v 19 Owolo inyia nobo ŋaboli nowuon to oger ho hikoi ati eba inyia to yani nia atta arrumu fara hame innohonyie. Atta inyia hijo to yani nia, “Hotobiaŋa innak haŋer enyiak afanu tara hoi.” Teyya, atta yani nia toyyo kwak ta halu honyie.
\p
\v 20 Nafa egonyu heyiyenak yani nia otte, eliliha ifa isia atta hijo, “Henor ŋaboli nia daŋ kokwak jai?”
\p
\v 21 Etirraŋ Yesu to hosie hijo, “Elimak naŋ ita dede hijo, ‘lewuon itai ho huruk nobe ekuya, eremik itai hihuma iya naŋ to yani nia. Ati obe ara nia hame. Lero ida hido itai to doŋe ina hijo, ‘Todiote, ibirok wan nohoi ta hari nia, oniŋo iso inya itai.
\v 22 Nyo lefia itai hiro daŋ to mojo jo to huruk, emoju iso itai.”
\p
\v 23 Ojiŋak ifa Yesu a haji imojit nettok ojo ettaha ilo kelesia ojo marwak afanu daŋ to honye atta hifia inya ata hijo, “Ta nari golon nia ehumari iye hiro hunna? Ŋai esio do hoi hilohitok nia?”
\p
\v 24 Ojo Yesu ata hitiraŋ isia hijo, “Etiraŋ iso naŋ itai hifii nobotie. Lelimak itai tahanaŋ, elimak iso naŋ itai ta nari golon nia egiamari naŋ hiro huna.
\v 25 Hottu hilohittok no Yoani tai nebatisori inyia hiyyo? Hottu tara Hollum ama tara tuŋani?” Ati atta isia rija ta wati te innohosie hijo,
\v 26 ”Lejo iyyohoi, ottu tara idou.’ Atta inyia hijo toohoi, nyo ati ibe itai eruk inyia?’ Ati lejo iyyohoi, ottu tara tuŋani,’ ebaŋ iyyohoi iluluŋ, nyo oyyen isia hijo ara Yoani hekilani.”
\v 27 Niya atta isia hitirraŋ Yesu atta hijo, “Ebe iyyohoi eyyen.” Hidofe enyiak inyia hijo to hosie, “Abe iso naŋ elimak hottu golon negiamari naŋ hirro innia taji.
\p
\v 28 Ati egigilo itai nyo to hiram nia? Owuon ifa lobo tuŋani ho lonyirok illohonyie lohorik. To nobo far, eno inyia to oŋiew lohonyie atta hijo, ‘Hito, ino enna amana egiamari.’
\p
\v 29 Ojo hiito atta hitirraŋ hijo, ‘Abe naŋ awak.’ Ati ta halu atta inyie hiloit hoo nohonyie
\v 30 atta hijo, ‘Olibo awu naŋ.’ Enyiak hidofe monye eno hiro to lonyi honyie ille hitarrihi. Etirraŋ lonyi honyie lia atta hijo, ‘Olibo, awu naŋ,’ attati hibo ta halu.
\v 31 Lari hito lia to hiji hosie awak monye? Etiraŋ isia to honye hijo oŋieu.”’ Ojo Yesu to hosie, elimak naŋ itai dede, le ara hamojoni homusuru arik ho somojok ofi ajiŋak to lobie no Hollum do hosiere hatai hilibe itai igiem.
\v 32 Nyo ottu ifa Yoani ta hatai le ejufuta to hirro hifahita inno Yesu atti ibe itai eruk to honye; ojo hamojo ho ho musuru arik ha hasomok eruk to honyie. Ojio itai, egonyu ifa itai hiro ino edoŋ, hotobiaŋa itai iloyit tajia inahatai hijo anyar eruk itai to honye.
\p
\v 33 Itirai to nobo hiticeli. Owuon ifa lobo tuŋani, ara ifa inya amonye mana. Edulak ifa inyia mana ata alik mariŋ, ata abwahak iwudo to hotwai honye, obwahak obele dia, atta hisio te ilak heciok. Atta inya eno anabo doŋe.
\v 34 Nafa eliaha yafa no dioŋo, ata monye mana efahak ilamuk piti to hiyyo ilia eco wati mana no honye hijo anyar odieŋini ŋama.
\v 35 Ati eniefu heciok ha mana piti ilo honye, ata hibak lobotie, ata atohe lobo, ojo lobo atta hipud to moru.
\v 36 Edas inya efahak piti ariai tara ilafa hosiere, atti ata hecok hidas higiem to piti liya iya nafa egiem isia te ilafa hosiere.
\v 37 Tahalu, efahak inyia lonyi honye to hosie, hijo, ‘Anyar abaŋ isia lonyi honye.’
\p
\v 38 Ati nafa egonyu heciok liya lonyi honye, ata isia hiro to wati inohosie hijo, ‘Ilohoi harutani. Ifanu etohoi inya anyar erutak hiro inohonyie.’
\v 39 Enief isia inya ata epihori inya ade to mana ata atohe.
\v 40 Lawoŋ monye mana, hehum iso inyia nyo te eciok liyya?
\p
\v 41 Ejo isia to honye, “Otohe iso inya harwuok lia to hikoi no’rru atta hisio mana nohonye te illak heciok, hiyo ilo oremik duma haŋer lo odon.”
\p
\v 42 Ojo Yesu to hosie, “Ibe itai ehiana higierita? ‘Egioro ifa hijo, “Ottu iso morwo nafa ebo haduhok hira hitieri to ohitir; nyo ara inna hiram nia ehuma Habu, nelliliha iyyohoi binno to honyehite innohoi?’
\p
\v 43 Nyo elimak naŋ ta hatai hijo, ‘Orujuni iso obie no Hollum adde tara hatai atta hisio to hiyyo ille eŋarak haŋer innohonyie.
\v 44 Tuŋani lo ohuyek to morwo nia, owuro iso inyia; Ati lesiak morwo nia tuŋani, attad iso wan nohonye.”
\p
\v 45 Nafa etiru ettaha illo ikelesia iko Farisei iceliti innia tara Yesu, atta isia hiyyen hijo ero Yesu te isia.
\v 46 Ati awak ifa isia eniefu inyia, ati abaŋ ifa isia iluluŋ no hiyyo, nyo oyyen ifa hiyyo hijo ara inyia hekilani sayye.
\c 22
\cl ŋati 22
\p
\v 1 Etirraŋ Yesu atta hinyak hiro to hiticelita to hosie hijo,
\v 2 ”Obie no ido ara iyya lobo letok ille ehumak mune no hiyama to lonyi honyi.
\v 3 Efahak inyia hegiamani lohonyie anyar eliloŋ ilia hullo awak hafanu to mune no hiyama, ati obe isia awak afanu.
\v 4 Enyak ofe habu efahak lobo hegiamani, ojo, “Ilimak isia hullo awak nayya, “Towolo, ediara nayya hirro adahat; attohe nayya hiteŋ tamot, ojo hirro ottubahini. Ifanu amune hiyama.”’
\v 5 Ati obe hiyo ilia awak hitira nalanyar, efie ilamuk amata hosie, ojo ilamuk acahari amasik inno igemita innohosie.
\v 6 Ojo ilamuk eniefu hegiamak, ata hihum isia noru atta attohe isia.
\v 7 Ati ejoria ifa habu atta efahak oseŋer ilo honyie, atta attohe hattohok ilia, atta hidofe aswahak doŋe nohosie.
\v 8 Teya ojo inyiaa to hegiamak ilohonyie, ‘Ohidier hiyama, ati obe ilia ellilloŋ iyohoi osiru.
\v 9 Tonia ino ahikoi anyar eliloŋ hiyo iluluŋ hulo eremik iye arumu hafanu to mune no hiyama.’
\v 10 Efie hegiamak ilia adia ahikoi ata eduduhu hiyo anobotie hulo orumu isia, ilo orru iko hulo anyar. Teya efut ifa hiyama gin iko hatamonok.
\v 11 Ati ifa lawoŋ habu hiwolo hatamonok, egonyu inya tuŋani ile obe ecofo boŋojin ino hiyama.
\v 12 Ejo habu to honyie, ‘Ila, hetu iye enni jai ejio iye ebe ewuon iko boŋojin ino hiyama?’ Obe ifa tuŋani lia enyiak hiro nobo.
\v 13 Teya ejo habu to hegiamak hijo, ‘Ifitak has iko hejek ino tuŋani ilia, atta iye asulai inya amai nia oriok, nia nafa owuanari yo iko hirita na hala.’
\v 14 Nyo eliloŋini ifa hiyo ariai, ati eduhucio hulo onyimuni.”
\p
\v 15 Teya efi Farisei higigilo hijo hehum iso isia jai anyar mahati elohu isia Yesu to hirorita inohonyie.
\v 16 Teya efahak isia to honye hejufutak ilo honye, anobotie iko hiyo ilo Erodia. Ojo isia ata hijo to Yesu, “Hetiyanani, eyen iyohoi hijo ara iye ile dede, ejo iye ebe eremik wahan inamuk hirorita tara lobo, ejo iye ebe egigiala hiyo.
\v 17 Iyania ilimak iyohoi, hegigilo iye ŋarinyo? Hobis iso mahati hadumari musuru to Kesari?”
\p
\v 18 Ati oyyen ifa Yesu hijo obe isia oremik hitira na lanyar atta hijo, “Nyo eciama itai nayya, ara itai hullo eteler?
\v 19 Ituhutek nayya arobiyaha.” Teyya eyyani isia yel to honyie.
\v 20 Ojo Yesu to hosie, na ŋai rijori iko fure inna?
\p
\v 21 Ejo isia to honyie, “No Kesari.” Ojo Yesu atta hijo to hosie, “Isiara hirro inno Kesari to Kesari ojo hirro inno Hollum to Hollum.”
\v 22 Ifa letiru isia daŋ ania, eliliha isia. Atta isia efie ade ediahari inyia.
\p
\v 23 To holoŋ nafa nya afanu ilak Sadusahien to honyie, ilafa ojo hijo obe nobo hebuhu. Efi isia inya,
\v 24 Hijo “Hetiyanani, ojo Musa hijo, ‘Loye lobo tuŋani, obe owuon ho dure, isiara ilasi honye hotoyemu oŋorwo honye anyar owuon iko dure te ilasi honye.”
\v 25 Owuon ifa ilasira hatarik. Ayama lohosiere ojo atta ye, obe obusari durre. Ebusak inyia oŋoruo honyie to ilasi honyie.
\v 26 Teyya atta hidofe ilasi hitarihi igiem iyya nafa tara ilasi lia, teyya man te ilasi hitahunihi, eba bi daŋ man hinyahita hatarik.
\v 27 Tahalu hosie daŋ, oye hiito noŋorwo nia.
\v 28 To hebuhu, hara iso hiito noŋorwo nia ne ilasira ilia hatarik? Nyo ayemu ifa isia inya bi-daŋ.”
\p
\v 29 Ati etirraŋ Yesu atta hijo to hosie, “Epal itai, nyo ebe itai eyyen hirro hunna egioro to buk kuyya hidofe to ŋolon no Hollum.
\v 30 Nyo to hebuhu, obe iso isia oremik yama. Ati ofu iso isia hira iyya anjilohien te ido.
\v 31 Ati to hiram no hebuhu no hayoni, obe itai ehien innafa ero Hollum ta hatai, hijo,
\v 32 Ara nayya Hollum lo Abramo, Hollum le Isako, ara nayya Hollum lo Yokobo’? Obe Hollum ara Hollum lo hayok, ati ara lo hawuarak.”
\p
\v 33 Ifa letiru iluluŋ inia, ellilliha ifa isia to hitiyana nohonyie.
\p
\v 34 Ati ifa letiru Farisei hijo etudwek Yesu Sadusahien, eduduhak isia wati inohosie anobotie.
\v 35 Ata lobo lohose, ara haŋotoni, ifi inya, to icemiti to honye-
\v 36 ”Hetiyanani, hara nari hifahi na agalik to hifahi?”
\p
\v 37 Ojo Yesu to honye, “Tomune Habu Hollum lohoi to taji nohoi daŋ, iko oholio nohoi daŋ, iko to higigilita inohoi daŋ.’
\v 38 Ara ina hitieri ojo ara hifahi netok.
\v 39 Ojo hefahi hitarihi ara tiji- ‘Tomune onyihari hoi iya emuno iye wan nohoi.
\v 40 Owueta hifahita ta mai daŋ iko hekilak te ina.”
\p
\v 41 Iya harasa ifa Farisei hududuha wati inohosie anobotie, efi Yesu isia.
\v 42 Ejo inyia hijo, “Hejo itai ara Kristo ŋai? Ara inya lonyi ŋai?” Ejo isia to honye, “Lonyi Davide.”
\p
\v 43 Ejo Yesu to hosie, Nyo mahu ati enyak Davide hililoŋ inyia to Oyiri hijo Habu, hijo,
\v 44 ‘Ojo Habu lalaŋ to Habu lalaŋ, “Ohunye ta hani henyet hanaŋ, man ehumahini nayya miorok ilohoi ahittoloji nohoi”’?
\v 45 Leliloŋ Davide Kristo Hijo Habu, ‘Jai ara inya lonyi Davide?”
\v 46 Obe ifa lobo loremik hitirraŋ inya to hiro, Obe lobo tuŋani oremik hifi inya inak hifiita ariai man to holoŋ nafa nya ahosiere.
\c 23
\cl ŋati 23
\p
\v 1 Atta Yesu hiro te iluluŋ iko to heyiyanak illohonyie.
\v 2 Ojo inyia, “Ettole hegiorok iko Farisei ta mai ho Musa.
\v 3 Le limak isia itai innak hirro hegiama itai, igiamai hirro niyya ejio itai eriŋa isia na anyar. Ati ibaŋa etimiyaha igemita innohosie, nyo ero isia hirro ati obe isia egiamari isia.
\v 4 Ee, efitak isia hirro inno odiŋ inno ogol to hafita atta ahafak isia to ohohoho inno hiyyo. Ojo isia ta wati te innohosie obe oremik hituhut hafialai ha ciamari hafita isia.
\v 5 Egiama isia hirro daŋ anyar egonyu hiyyo. Etilat isia waragaha innohose ojo hidofe isia etilat hucuŋita inno boŋojin innohose.
\v 6 Omuno isia hittolojia inno hosiere ta masik inno karamat iko hittolojita inno hosiere to sinagogi,
\v 7 iko hifonyita inno okwat ta massik inne etinyiaŋari hiyyo, hijo anyar ellilloŋo hiyyo isia ‘Hetiyanak.’
\v 8 Ati hotobiaŋa hiyo eliloŋo ita hijo ‘Hetiyanak,’
\v 9 ewuon hetiyanani lahatai lobotie, ejo itai daŋ era halasira. Ibaŋa eliloŋo lobo tuŋani ta fau amonye hatai, nyo ewuon itai ho Monye hatai lobotie, owuon inyia te ido.
\v 10 Hotobiaŋa hidofe hiyyo ellilloŋo itai ‘hetiyanani,’ ewuon itai iko hetiyanani lobotie, inyia Kristo.
\v 11 Ati lia lara lettok ta hatai, inyia tuŋani la ara hegiamani lahatai.
\v 12 Le ehaf lobo wan nohonyie, enyiahini iso inyia afau, ojo le enyiak wan nohonye ahafa iso inyia ahide.
\p
\v 13 Oru iso ta hatai, hegiorok iko Farisei, henyabak! Esionok itai obie ne ido tara hiyo. Ejo itai ebe ejiŋak ta wati inahatai iko hiyo daŋ ila awak ajiŋak.
\v 14 ”Orru iso ta hatai hegiorok iko Farisei, henyabak! Etattur itai hajik inno ihidahi, ejo itai etisaga mojo nahatai. Erumu iso itai ŋoto tara Hollum.
\p
\v 15 Orru iso ta hatai, hegiorok iko Farisei, henyabak! Ellaŋ itai hari nettok iko fauhien heloitori hiyo, ojo lera lobo lahatai, atta itai emak inyia lonyi him iya itai.
\p
\v 16 Orru iso ta hatai, itai hetuhutak haŋodok, itai ille ejo hijo, ‘Ille ettuŋo to haji imojit, ara asai. Ati le ettuŋo lobo to yiel no haji imojit, efita inyia to hilifo nohonye.’
\v 17 Itai rifahak illo haŋodok! Nari nia agalik no, hara yiel, kuyya hidofe haji netudwa yiel?
\v 18 Ojo ‘Lelifo to huluti, ara daŋ asai. Ati le elifo lobo tuŋani to hisiori no owuon to haji imojit, efita iso inyia to hilifo nohonye.’
\v 19 Itai haŋodok illo hiyyo! Nari nia agalik, hara mahu hisiori, kuyya huluti ne ehumak hisiori no odua.
\v 20 Le lifo lobo tuŋani to huluti, isiara inyia helife te inyia daŋ iko hirro inno owuon dia.
\v 21 Isiara hidofe tuŋani le lifo to haji imojit, helife te inyia iko to tuŋani la amanya dia,
\v 22 ojo lelifo te ido, isiara helife to hittoloji no Hollum iko te inyia lettole dia.
\p
\v 23 Orru iso binno ta hatai he hegiorok iko Farisei, ara itai henyiabak! Nyo esio itai ŋati hitatomoni inno idumuti innahatai ojo amak iko hanyim. Ati etipwuak hirro inno odiŋ inno hifahita. Isia innia ŋoto no obis iko hamehini ojo hiruk. Anyar ehien hirro hunna daŋ iko inara.
\v 24 Itai hetuhutak haŋodok, ehum itai hijufuta hifahita inno obe olibo, ejo itai edilo konikoni!
\p
\v 25 Orru iso binno ta hatai hegiorok iko Farisei, era itai henyiabak! To nyo elila itai horwuoŋ no kubaya iko sahan ati efut hotuajin innohosie iko hiŋaru iko daya.
\v 26 Itai haŋodok illo Farisei! Ilila do hotuai ne imatiti iko hudututa, anyar olibo bali nohonyie.
\p
\v 27 Orru iso bi no ta hatai hegiorok iko Farisei era itai henyiabak! Nyo era itai iyya ilumioho inno eyala horuoŋitek to foroŋo, olibo isia ta bali ati efut hotuajin innohosie iko het inno hayok iko hirro hunna ebwot.
\v 28 Ojo to homwoŋite ho hiyyo ara itai hiyyo illo oniŋe Hollum, ati efut tajia innahatai ho hinyebita iko hiyyata.
\p
\v 29 Orru iso bino ta hatai hegiorok ik Farisei, era itai henyiabak!
\v 30 Nyo eduhok itai ilumioho inno hekilak ojo hidofe eyol ilumioho inno halibok. Ejio ifa itai hijo ‘Nemanya ifa iyyohoi to holoŋitek inno monyie hohoi, nobe ifa iyyohoi etuba iko isia to woo no hoto no hekilak.’
\v 31 Dede, itai to wati te innahatai eruhu hijo era onyirok illo hiyyo illafa ottohe hekilak.
\v 32 Etufutak hidofe itai mai no hiyyata no monyie hatai.
\v 33 Itai munok, itai durre inno mirinyaŋi, erruat iso itai jai to ŋoto no hima?
\v 34 Ati, itiwolo, efahu nayya ta hatai hekilak, leferejok, ojo hegiorok. Ettohe iso itai illak illohosie atta itai esihok; ati ebak iso itai illak no no to omojori nahatai ojo efuhai isia to bore na gala man anobo.
\v 35 Ara ilieti hituhututa inno honyie tara hatai ati ottu iso hoto no olibo to fau inna, to hoto no Abel ille obis man to hoto no Sakariya lonyi lo Barakiya, lafa ettohe itai to huluti.
\v 36 Dede ajio nayya ta hatai, afanu iso hirro hunna daŋ to hilahaji inna.
\p
\v 37 Yerusalem, Yerusalem, itai ilia hatohok illo hekilak iko herwoŋok ho efahat illo efahu Hollum ta hatai! Man iso anu eduduha nayya durre innahatai iyya hohoro ne emuhok ikiyehi inno honyie to huwa ejo itai obe eruk!
\v 38 Towolo, ebusak Hollum ta hatai haji nahatai.
\v 39 Ati ajo naŋ hijo, obe iso itai enyiak egonyu nayya man ahosiere, ati man to holoŋ no ettuni itai hijo, ‘Hotomune lia lo ottu to fure na Habu.”’
\c 24
\cl ŋati 24
\p
\v 1 Eno ifa Yesu to haji imojit atta eno hikoi nohonyie. Afanu ifa lefahat illo honyie atta etuhutek to honyie haji imojit.
\v 2 Ati etiraŋ inya atta hijo to hose, “Hebe itai egonyu hinro inia daŋ? Dede ajo nayya ta hatai, obe iso nobo moruo nobotie nebusak hiyo no to nobo nobe oremik guasa.”
\p
\v 3 Nafa lahunye inyia to doŋe no Oliveto, afanu heyiyanak to honyie atta hijo, “Ilimak iyyohoi, anu iso eba hirro innia? Ara iso ŋarinyo etihutek hawoŋ nohoi iko hucuŋi na fau?”
\p
\v 4 Etiraŋ Yesu ojo to hosie, “Anyar eriria na lanyar hotobiaŋa lobo etidihori itai to hipali.
\v 5 Nyo obore iso illo afanu to fure nanaŋ; ojo iso isia hijo, ‘Ara nayya Kristo,’ atta etidihori ariai to hipalitaadde.
\v 6 Etiru iso itai riem iko sayejin inno riem; Itiwolo hijo ebe iso itai ebaŋ, ibusak hirro innia hidioŋo; ati holobe hucuŋi.
\v 7 Nyo oyitohini iso misihi innamuk misihi, ojo Lobie oyitohini obie. Owuon iso hiŋa ojo okitik tamasik hamai hamai.
\v 8 Ati ara hirro innia bi daŋ hitierita inno diahai no hisie.
\p
\v 9 Teyya eyari iso isia itai man to hitigiemita atta ottohe itai.’ Obe iso misihi awak itai daŋ to fure nanaŋ.
\v 10 Teyya obore iso hullo ohuye ojo hidofe enyeb wati innohosie, ojo iso hidofe obe awak wati innohosie.
\v 11 Obore iso hekilak hullo ero teler hotorre ahide atta etidik ariai to hipalita.
\v 12 Nyo ofonihi iso hiyyata, elik iso mune no hiyyo arria.
\v 13 Ati lia lo odik man to hucuŋi, orrumu iso inyia etilohini.
\v 14 Etiyana iso sayye no obie ta fau daŋ hatara hutuhuti to misihi daŋ; atta iso hucuŋi awoŋ.
\p
\v 15 Teyya, legonyu itai irruti inno hitihara, innafa eroru Daniele hekilani, owuetari ta mai inna odwa” (isiara hehianani hetiru na lanyar),
\v 16 ”ibusak ilia owuon to Yudea hefie adoŋe,
\v 17 Idek inya lia ille owuon to hide haji hotobiaŋa owu afau ŋoso eyari ade inamuk saŋ inno lowuon ta haji honyie,
\v 18 Idek lia owuon to hotwai mana hotobiaŋa ociohini ŋoso eyari boŋo nohonyie.
\v 19 Ati orru iso te ilia hullo owuon iko durre ojo te ilia hullo etidaha iŋeyyaha to holoŋitek nia!
\v 20 Tomoje hijo hotobiaŋa loton nahatai owuon ta hameyu, kuya hidofe to sabato.
\v 21 Nyo owuon iso hitigiemita nobo inna obe ifa man to hitieri na fau man iyyania, kuya hidofe enyiak hidas.
\v 22 Aracie lo osuhon holoŋitek niyya, obe iso lobo oremik etiluahini. Ati to ilia illo onyimuni, oremik iso holoŋitek inia suhon.
\p
\v 23 Teya kuya lojo lobo ta hatai, ‘Itiriŋai, illohoi Kristo!’ kuya hidofe ojo, ‘Lia teteŋ Kristo!’ baŋa leruk.
\v 24 Nyo afanu iso telerok to Kristo iko hekilak iko etuhutek hiticelita hunna obolo, anyar oremik etidihori to hipalita, iko hiyyo hullo onyimuni.
\v 25 Itiwolo, elimak ifa nayya itai beren.
\v 26 Niyya, kuya lojo isia ta hatai, ‘Itirriŋai, owuon Kristo to hotwai tim,’ ibaŋa lofuo atim nya; kuya, ‘Itiwolo, owuon inyia to hotwai hajik.’ Ibaŋa leruk.
\v 27 Iyya emedek hila to hidioŋi no holoŋ atta hiticala hikoi man tesut no holoŋ,
\v 28 Ara iso hawoŋ no Lonyi Tuŋani. Iyya ciaŋ inna oye, dia etutubahini iso taruha.
\p
\v 29 Ati kokwak teyya ta halu ho hitigiama inno holoŋitek innia oriok iso holoŋ, ojo yafa obe esio cialai nohosie, ojo haher ohuyu to hide ido, ojo golon ne ido ekikiro.
\v 30 Teya olieu iso hituhuti no Onyi Tuŋani to hide ido, ojo ŋacio inno fau ara iso suhiana inno hosie. Egonyu iso isia Lonyi Tuŋani ottu te itiran te ido iko golon to kwatan.
\v 31 Efahu iso inyia anjilohien illohonyie to kwatan no obolo no ikakan, ojo iso isia eduduwahini daŋ anobotie onyimot illohonyie ta massik aŋwan, to hide anobo.
\p
\v 32 Iyiyenu hirro tara yani no ŋaboli. Lo obulu sana inno yani atta emak fara, eyyen itai hijo eliaha tahas.
\v 33 Legonyu itai hirro innia daŋ, anyar eyyen itai hijo eliaha inyia, te ikatin.
\v 34 Dede ajo nayya ta hatai, obe iso hilahaji inna olita man edoŋori hirro hunna.
\v 35 Olita iso ido iko fau, ati obe iso hiram nanaŋ olita.
\p
\v 36 Ati to hiram na far nyia iko saa nyia no obe lobo oyyen, obe anjilohien ille ido iko Lonyi oyyen, aracie Monye.
\v 37 To holoŋitek innafa ho Noah, ara iso hawoŋ no Lonyi Tuŋani.
\v 38 Nyo to holoŋitek innafa holobe hibula no hifioŋ hiba adaha ifa hiyyo ojo hidofe amata, ahayamak, man to holoŋ nafa ojiŋahini Noah to togoli,
\v 39 Obe ifa isia oyyen illak hirro man ebarari igura no hifioŋ nafa eyari isia ade-ara iso hawoŋ no Lonyi Tuŋani.
\v 40 Owuon iso hiyyo lohorik to hotwai mana; eyari iso lobo, ojo lobo arasa ta halu.
\v 41 Eria iso ŋorwo arik to hiriai; eyari iso nobotie, ojo nobotie arasa.
\v 42 Tonia anyar ewuon le eriria, nyo ebe itai eyyen nari holoŋ iso mahu nia otuniere Habu lahatai.
\v 43 Ati itiyen tiji, hijo loyen ida monye haji hijo ta nari holoŋ otu lohoho, no oremik ida inyia wuana le riria no obe ida oremik hisio haji nohonyi hoto hohol ohoho.
\v 44 Tonia anyar ewuon itai ile etila, nyo otu iso Lonyi Tuŋani to saa ina obe itai eremik hiyen.
\p
\v 45 Lia ille ara heruhoni, ara iso hegiamani ille elofere, lia lafa odumu etok atta hisio haji, anyar esio isia ŋiria nafa hosie to saa nolobis?
\v 46 Hotomune hegiamani ille orumu etok lohonyie egiama lawoŋ inyia.
\v 47 Dede ajo nayya ta hatai hijo ebusak iso ettok hirro bi daŋ hunna hatara innohonyie.
\v 48 Ati lojo heyani ille ara hegiamani ta taji nohonye, ‘Eliŋa etok lalanaŋ,’
\v 49 ata hitiara baha hiyo ilara egiama daŋ he inya, adaha ojo amata iko harumak;
\v 50 ojo etok lohonye ata awoŋ ta far no obe hegiamani lohonye oyen.
\v 51 Ojo ettok lohonye atta hiŋuŋut inyia to hiji atta emak inya iya lobo henyabani, ta mai no owuon hululuo iko hirita no hala.
\c 25
\cl ŋati 25
\p
\v 1 Ara iso obie ne ido iya hoduo hunna eyari lomohien inohosie atta efie haruaŋahini iko hayamani.
\v 2 Erifaha ifa miet tara hosie ojo miet tara hosie daŋ elofere.
\v 3 Ifa leyari rifahak lomosien inohosie, obe ifa isia eyari nobo hiyali iko isia.
\v 4 Ati eyari ifa lofiorojok ihuloho ino yali he isia iko lomosien inohosie.
\v 5 Ifa leliŋa hayamani, afire ifa isia ata ajotori.
\p
\v 6 Ati ifa harie owuana yo, ‘Itiriŋai, to hayamani! Ifeti abali anyar erwaŋahini iko inya.’
\v 7 Odiote hoduo niyya ahide atta hinyiak lomohien innohosie hotowule kai.
\p
\v 8 Ojo ino obe elofere hijo to inia elofere, ‘Isiara iyohoi lobo hiyali ehumak iyohoi to lomo nyo esaha hiyali nohoi.’
\v 9 Ati etiraŋ inia elofere hijo, ‘Obe iso oremik tohoi iko tahatai, ifeti inyaŋu tara ilia etinyaŋai ta hatai.’
\v 10 Ifa efie isia ade enyiaŋari, awoŋ hayamani, ojo ilia ilafa ediarak wati inohosie ata efie iko inya to muno no hiyama, ata ikat higafulo.
\p
\v 11 Ta halu nia afanu hoduo inara ata hijo, ‘Etok, etok, aŋa te iyohoi.’
\v 12 Ojo inya ata hitiraŋ hijo, ‘Dede ajo naya ta hatai, abe naya ayen itai.’
\p
\v 13 Ihuma riŋa hijo, nyo ebe itai eyyen holoŋ iko saa.
\p
\v 14 Ara iyya tuŋani ille awak eno anobo doŋe; ellilloŋ inyia hegiamak illohonyie atta hisio to hosie ibariti innohonyie.
\v 15 To lobo esio inyia arobiyaha miet, ojo tolobo esio inyia arik, to lobo esio arobiya lobotie. Omoju lobo inno honyie iyya to ofioroho innohonyie, atta tuŋani lia eno hikoi nohonyie.
\v 16 Atta tuŋani lafa omoju innohonyie miet emak innohonyie to suk atta inyiak etidietu innak arobiyaha miet.
\v 17 Atta lafa omoju innohonyie arobiyaha arik atta hinyiak arrumu innak arik.
\v 18 Ojo hegiamani lafa omoju nohonyie nobotie atta hibwok iwure atta eŋofok nohonyie te ettok lohonyie.
\p
\v 19 Ta halu honyie acohini ettok lo hegiamak liyya ehuhumari hirro inno arobiyaha he isia.
\v 20 Awoŋ hegiamani lafa omoju innohonyie miet atta afonik arobiyaha miet to hide he innafa esio ettok to honyie. Atta inyia hijo, ‘Ettok, esio ifa iyye nayya arobiyaha miet. Torriŋai, arrumu nayya ifoniti innohosie miet.’
\p
\v 21 Atta ettok lohonyie hijo to honyie hijo, ‘Egiem iyye na anyar, hegiamani lo olibo! Ehum iyye hinief hirro hullo hitiŋi na anyar. Ehumak iso nayya iyye heniefitani lo hirro arria. Tojiŋak to mune no ettok lohoi.’
\p
\v 22 Atta hegiamani lafa efwotu arobiyaha arik awoŋ atta hijo, ‘Ettok, esio ifa iyye nayya arobiyaha arik. Towolo, afonik nayya arik te innia.’
\p
\v 23 Ejo ettok to honyie hijo, Anyar binno, olibo iyye hegiamani le libo! Iyye heniefitani lo hirro hullo hittiŋi; esio iso nayya iyye igem no hirro ariai. Tojiŋak to mune no lettok lohoi.’
\p
\v 24 Teya awoŋ hegiamani lafa omoju arobia lobotie atta hijo, ‘Ettok, ayyen nayya hijo ara iyye tuŋani le egol no; edieŋu iyye tara hunna ebe iyye eyehi, ojo iyye hidofe edieŋu hunna ebe iyye etisarek.
\v 25 Abaŋ ifa nayya, atta nayya eŋofok arobiyaha innohoi ta fau. Towolo, ara inna nohoi.’
\p
\v 26 Ati etirraŋ ettok atta hijo to honyi, Erru iyye ejo hidofe ara hegiamani la ahalan, Eyyen iyye hijo adioŋo nayya tara mai inna abe nayya ayek ajo hidofe adioŋo ta mai inna abe nayya arwasak.
\v 27 Ne esio ifa iyye arobiyaha innia hanaŋ to ottunari, ojo ta hawoŋ nanaŋ na aremik ida nayya efwotu isia he ifoniti innohosie.
\v 28 Todumu iyari arobiyaha tara honyie isiara to hegiamani lo oyita arobiyaha tomon.
\v 29 To tuŋani lo oyita, esio iso hiyyo to honyie arria. Ojo lo obe lobo owuon he innak hirro, odumu iso hiyyo tara honyie adde no owuon to honyie.
\v 30 Ibirok hegiamani lo obe osiru ta mai no oriok, ta mai no owuon yio iko hirrita no hala.’
\p
\v 31 Ifa lawoŋ Lonyi Tuŋani to ohwo nohonye ojo Anjilohien daŋ iko inyia, etole iso inyia to ohwo nohonyie.
\v 32 Eduduhahini iso misihi bi daŋ to hosiere honyie, obwany iso inyia hiyyo hamai hamai iyya obwany heyohoni kioro tara hine.
\v 33 Efiyak iso inyia kioro oko hani inyiet, ojo hine oko hani ihorroŋ.
\p
\v 34 Ojo iso Habu to ilia illo owuon ta hani he inyiet honyie hijo, ‘Ifanu, itai illafa errumu jaha tara Monye hanaŋ, iturutak obie nahatai nafa ehuhumahini man to hitieri na fau.
\v 35 Awodo ifa nayya atta hision nayya daha; eboto ifa nayya ejo itai atta hisio nayya amatat; ara ifa nayya ahatamononi atta itai hisio nayya haji,
\v 36 alot ifa nayya aŋatturre atta itai eticiofok nayya; aŋwai ifa nayya eijo itai atta riŋa nayya; awoun ifa nayya ta babus atta itai fanu ta hanaŋ dia.’
\p
\v 37 Atta iso halibok hitirraŋ atta hijo, ‘Habu, anu ifa egonyu iyyohoi iyye le eniama atta iyyohoi hitidaha iyye?
\v 38 Any ifa eboto itai iko hure atta iyyohoi hisio iyye amatat? Anu ifa egonyu iyyohoi iyye ahatamononi atta iyyohoi hisio to hoi haji?
\v 39 Anu ifa egonyu iyyohoi iyye aŋatturre atta iyyohoi eticiofok to hoi boŋo?’
\p
\v 40 Ojo iso Habu atta hitirraŋ atta hijo to hosie, ‘Dede ajo nayya ta hatai, le egiem itai to lobo ilasi hanaŋ ille hittiŋ, egiem itai ta hanaŋ.’
\p
\v 41 Teya ejo inyia to ilia owuon toko hani ihoroŋ, ‘Ifeti ade tara naya, itai illia epitahini to hima no losio fur nafa odiarahini to Sitan iko anjilohien illo honyie,
\v 42 nyo awodo ifa naya ati ebe itai esio nayya ŋiria; eboto ifa naya ati ebe itai esio naya hifioŋ;
\v 43 Ara ifa naya hatamononi ati ebe itai eyari naya ahotwai; awuon ifa naya aŋature ati ebe itai esio naya boŋo; aŋwai ifa naya to babus, ati obe lobo lo oriŋa ta hanaŋ naya.’
\p
\v 44 Teya etirraŋ iso isia hijo, ‘Habu, anu ifa egonyu iyohoi iye le ewodo, kuya le eboto iko hure no hifioŋ, kuya le ewuon iyya lolufa kuyya aŋatturre, kuya le eŋwai, kuyya le efita to babus, ejo iyohoi ebe eremik hiluak iyye?
\p
\v 45 Teyya etirraŋ inyia isia hijo, ‘Dede ajo naya ta hatai, le ebe itai egiem to lobo letiŋ tara ilia, ebe itai egiem to nayya,
\v 46 Ofu iso inia adde to hitigiama no hima no osio fur, ojo halibok to manya no osio fur.”
\c 26
\cl ŋati 26
\p
\v 1 Nafa esahak Yesu hiro nohonyie, ojo inyia to heyiyanak illo honyie,
\v 2 Eyyen itai hijo ta halu ho holoŋitek arik owuon hiyyom no laŋan, esiarahini iso Lonyi Tuŋani to hesihok illohonyie.”
\p
\v 3 Atta fadirihien ho marwak illo hiyyo attubahini ta haŋ ho fadiri ile hitok, lara fure Kaifa.
\v 4 Ewuaha ifa isia hijo eniefu Yesu to hinyaba hattohori inyia.
\v 5 Nyo ojo ifa isia, “Obe olibo to hiyom nettok ŋaso hiwuoloŋita odioto tara hiyyo.”
\p
\v 6 Ifa holowuon Yesu to Betania ta haji ho Simone tuŋani la talulu, haladaha isia,
\v 7 awoŋ hiito noŋorwo to honyie ho kirijaja no hiyali inna ogol binno to hinyiaŋa, atta ejuhok to hoo ho Yesu.
\v 8 Ifa egonyu heyiyanak honyie inyia, ejoria isia atta hijo, “Nyo etiharak inyia hiyali nia ania?
\v 9 Oremik nia hetinyiaŋari to arobiaha ariai atta hisio to lociaŋak.”
\p
\v 10 Ati eyyen ifa Yesu higigilo nohose daŋ, atta hijo to hosie, “No nyo etigiama itai tuŋani inna? Egiem inyia no olibo ta hanaŋ.
\v 11 Edule itai wuana ho lociaŋak holoŋitek daŋ, ati ebe iso itai edule wuana iko nayya.
\v 12 Ejuhok inyia hiyali inna to wan hanaŋ, egiem inya to onuhari hanaŋ.
\v 13 Dede elimak naya itai, ta massik daŋ ne etiyanari hiyo sayye no olibo, egigilu iso hiyo tuŋani ina to hiro ine egiem inya.”
\p
\v 14 Atta lobo lo tomon harik, lara fure Yuda Iskariote, eno ta fadirihien
\v 15 Atta hijo, “Esio iso itai nyo ta hanaŋ lesio naŋ inyia ta hatai? Atta isia akiamak bilata hulo amamak tomwana hunik do.
\v 16 To holoŋ to nya etufa Yuda mai ne etuhutari inya Yesu to hosie.
\p
\v 17 Ifa to holoŋ hitieri no hiyyom no imune afanu hejufutak to Yesu atta hijo, “Nari mai nia ewak iyye ehuhumari iyohoi to hoi hiyom no laŋita?”
\p
\v 18 Ojo inya, “Ifeti a bore gala to lobo tuŋani itijo to honyie, ‘Ojo hetiyanani hijo, “Eliaha holoŋ nanaŋ; adaha iso nayya ho heyiyanak hanaŋ to hiyyom no laŋita ta haji hoi.””
\v 19 Egiem hejufutak iyya elimak ifa Yesu to hosie, atta isia hihuhuma daha no hiyom.
\p
\v 20 Nafa era eŋalio, ahunyie inyia ta fau ha adahari iko heyiyanak illohonyie tomon harik.
\v 21 Ta adahari hosie, atta inyia hijo, “Dede ajo naŋ ta hatai tuŋani lobotie to hiji hatai owu etinyaŋai nayya.”
\p
\v 22 Omehini isia atta hififia inyia hame hame, “Dede obe ara nayya Habu?”
\p
\v 23 Etirraŋ inyia, “Tuŋani ille oriomok hani nohonyie ikanaŋ to huduti nobotie inyia owu etinyaŋai nayya.
\v 24 Owu Lonyi Tuŋani eno, iyya egiorohini te inyia; ati orru binno to Tuŋani lia etinyaŋai Lonyi Tuŋani! Olibo nobe ifa tuŋani lia esini.”
\v 25 Ejo Judas lia awak etinyiaŋai inyia, “Egilo iyye nayya?” Ejo Yesu to honye, “Iyya ejo iyye to wan to nohoi.”
\p
\v 26 Nafa hadaha isia, odumu Yesu imune, atta hijak, atta hubun, atta hisio to heyiyanak atta hijo “Itinyia wan nanaŋ nia.”
\v 27 Atta inyia adumu ikobo atta hisio humo, atta hisio to hosie atta hijo, “Itimat bidaŋ;
\v 28 hoto nanaŋ nia no humwara nafa ejuhohini to hiyyo arria to hebusak no hiyyata.
\v 29 Ati ajo nayya ta hatai, abe nayya enyiak himat iso haŋer na ajalaŋi; man ta far nyia amatari naŋ inyia aŋejuk ikatai to lobie no Monye hanaŋ.”
\p
\v 30 Nafa edol isia fure, atta isia efie adoŋe ho
\v 31 Oliveto, Atta Yesu hijo to hosie, “Efu iso itai ahuye bidaŋ ta tari inna ho ena ta nayya, egioro hijo, ‘Abak iso nayya heyohoni atta iluluŋ no kioro hisarra.
\v 32 Ati la diote naŋ ahide, au iso naŋ to hosiere hatai a Galilea.”
\p
\v 33 Ati ojo Peturu to honyie, “Lahuye hiyyo bidaŋ adde tara hoi, abe iso nayya ahuye adde.”
\p
\v 34 ”Atta Yesu hijo to honye, “Dede ajo naŋ tohoi, ta tari inna he ena holobeŋ hohoro hillok, errisa iso iyye nayya hinyahita hunik.”
\p
\v 35 Atta Peturu hijo to honyie, “Ara ida hido hijo aye nayya ikohoi, abe naŋ arrisa iyye.” Ojo liyya ilak ero daŋ nobotie iyya Peturu.
\p
\v 36 Nafa eno Yesu iko isia anobo mai na ara fure Getesemani atta hijo to heyiyanak illohonyie, “Ituhunye inni kai ajo naŋ au adde omojori.”
\v 37 Atta eyari Peturu iko durre illo Sebede lohorik iko inyia atta hitiara hijiriŋita iko hitigiemita.
\v 38 Atta inyia hijo to hosie, owuon oholio nanaŋ binno iko hijiriŋa man to ye. Itirasai inni itirriŋai ikanaŋ.”
\v 39 Eno inyia alamarai kai atta erruŋok homom no honyie atta mojo; atta inyia hijo, “Monye hanaŋ, leremik iyye isiara ikobo inna hatallaŋ tara hanaŋ; to hirro bidaŋ, obe ara iyya ajo naŋ, ati iyya ejo iyye.”
\v 40 Acohini inyia to heyiyanak illohonyie, arrumu inyia isia ojioto, atta inyia hijo to Peturu, “Nyo obe itai eriŋa ikanaŋ nobotie?
\v 41 Itiriŋai ejo hidofe itai emojo hijo anyar ebe itai ejiŋak, to ciama. Awak oyiri dede, ojo wan omiasa.”
\p
\v 42 Atta inyia acahari hitarihi lomojori; ojo inyia, “Monye hanaŋ, lebe iyye eyari ikobo inna tara hanaŋ ati amat naŋ, isiara wahan nohoi hegiamai.”
\p
\v 43 ”Enyiak ofe inyia acohini atta arrumu isia holojioto, ojio honyehite innohose emwoŋita.
\v 44 Enyiak inyia ebusak isia, atta eno adde; omojori hitahunihi no mojo, enyiak inyia hidas hirorita liyya.
\v 45 Nia awoŋ Yesu to heyiyanak illohonyie atta hijo to hosie, “Helerasa itai jiote, erasa hidofe itai yiri? Itirriŋai, ottubai far ta hanaŋ, afanu hetinyaŋak isia etinyaŋak Lonyi Tuŋani ta has ho heyyak.
\v 46 Ititte efie, eliaha tuŋani le etinyiaŋai nayya.”
\p
\v 47 Nafa halarasa inyia hiro, atta Judas awoŋ, lafa owuon to hiji he efahat hullo tomon harik. Afanu hiyyo ariai tara ettok la fadirihien iko maruak illo hiyyo. Afanu isia ho demio iko fatigioho.
\v 48 Atta tuŋani hetinyiaŋani ho Yesu hisio to hosie hutuhuti, hijo, “Tuŋani lo aunaŋ hujur, inyia lia. Iniefu inyia.”
\v 49 Kokwak, atta inyia awoŋ to Yesu atta hijo, “Ogolo hetiyanani!” atta hujur inyia.
\p
\v 50 Atta Yesu to honye, “Illa, igiama hirro innara ettu iyye higiama.” Atta isia afanu attirok has to Yesu atta eniefu inyia.
\v 51 Nia, ati odiote hidofe lobo to hiji he illafa owuon ho Yesu, adumu demi nohonyie atta aŋute hiyyok no lobo ilo habu lo fadirihien.
\v 52 Atta Yesu hijo to honye, “Inyahak demi nohoi tamai honye, ilia daŋ illo odumu demio oye iso isia to demi.
\v 53 Egigilo iyye hijo abe iso nayya eliloŋ Monye hanaŋ, ata inyia efahu ta hanaŋ iluluŋ na anjilohien illo emonya tara tomon harik?
\v 54 Ati iyyania hetuhutek iso jai, hijo ofu iso hirro innia aliew jai?”
\p
\v 55 Ta sa nyia ojio Yesu te iluluŋ, “Afanu itai ho demio iko fiara he eniafari nayya iyya lohoho? Adule nayya daŋ hitiyana to hotwe haji imojit, ejio itai ebe eniefu nayya.
\v 56 Ati edoŋ hirro innia hijo anyar osiru hiro nafa hekilak.” Atta heyiyanak daŋ liyya huruata adde ebusari inyia.
\p
\v 57 Atta hiyyo illafa eniefu inyia eyari inyia to Kaifa, ettok la fadirihien ta mai no ottubari maruak iko hegiorok nobotie.
\v 58 Ojio Peturu atta ejufari inyia man ta mai na alama amai no fadiri le ettok. Owu inyia ahotwe ettolojori iko herririak orriŋari hucuŋi nohonyie.
\p
\v 59 Osiaha ifa ettaha iko iluluŋ nohosie hikoi harrosohini to Yesu hipalita, anyar ettohori isi Yesu.
\v 60 Ati obe ifa isia oremik arrumu nobo hipali, ta nafa orrosori isia inyia. Ta halu afanu illak lohorik ahosiere
\v 61 atta hijo, “Ojio tuŋani lia hijo, ‘Aremik inyie hitattur haji no Hollum atta inyi hinyiak aduhok to holoŋitek hunik.”’
\p
\v 62 Odioto fadiri le ettok ahide atta hijo to honyie, “Obe iyye ewak hitirraŋ? Nyo nia orrosok isia to hoi?”
\v 63 Ati oduahini ifa Yesu. Enyiak ettok la fadirihien hijo to honyie, “Ero nayya tohoi to Hollum lo amanya, ilimak iyyohoi lera iyye Kristo Onyi Hollum.”
\p
\v 64 Atta Yesu hitirraŋ to honyie hijo, “Atienu iyye ta wan nohoi. Ati elimak nayya iyye, iyyania man ahosiere, egonyu iso itai Lonyi Tuŋani ettole ta hani he inyiet no Golon, lo ottu te itiran ne ido.”
\p
\v 65 Nia egwas ettok lo fadirihien boŋo no honyie atta hijo, “Elimu inyia hiro imoriti! Nyo nia enyiak iyyohoi wahan suti? ‘’Itiriŋai, etiru itai daŋ imoriti inohonyie.
\v 66 Hegigilo itai nyo?” Etirraŋ isia atta hijo, “Osiru inyia hatohori.”
\v 67 Ata isia amitak hamilak to homom honye ojo ollum inya,
\v 68 ata hibak inya ta has inohose, ata hijo, “Ikilu to hoi, iye hido Kristo. Ŋai abak iye?”
\p
\v 69 Ettole ifa Peturu ta bali no fuara nya, ojo nobo hito na ara hegiamani awoŋ to honye ata hijo, “Ewuon ifa iye daŋ iko Yesu la Galilea.”
\p
\v 70 Ati orisa ifa inya daŋ to hosiere hose, atta hijo, “Abe naya ayen hiro inia ero iye.”
\p
\v 71 Nafa eno inyia te ikat na bali, ojio nobo hoduoti egoŋu inyia atta hijo te illafa owuon dia hijo, “Owuon ida tuŋani lia iko Yesu lo Nasarit.”
\p
\v 72 Enyak ofe inya risai to giata hijo, tuŋ abe naŋ ayen tuŋani lia!”
\p
\v 73 Afanu hiyyo illafa oweta aŋati atta hijo to Peturu, “Dede era iyye lobo daŋ le ewuon he isia, nyo etuhutek hiro nohoi hikoi.”
\p
\v 74 Atta inyia hitiara giata ojo hidofe elifo, “Abe nayya nobo ayyen tuŋani lia,” teyya atta hohoro hillok.
\p
\v 75 Atta Peturu agilu rori innafa ero Yesu hijo, “Holobe hohoro ellok, errisa iso iyye nayya hinyahita hunik.” Atta inyia eno abali lo oyyio binno.
\c 27
\cl ŋati 27
\p
\v 1 Nafa acialai motie, ewuaha fadirihien illo hittaha daŋ iko maruak illo hiyyo anobotie hattohori Yesu.
\v 2 Efit isia inyia. Eyari inyia, atta hisio Yesu to mandir Pilato.
\p
\v 3 Ifa egonyu Juda lafa etinyiaŋai Yesu hijo, aŋotohini ye to Yesu, atta inya hiloit tajia nohonyie to hijiriŋa atta enyiahari arobiyaha tomwana hunik te etok la fadirihien iko maruak,
\v 4 atta hijo, “Eyau nayya nyo etinyaŋai naya lia lobe owuon iko hiyyata.” Ati etiraŋ isia hijo, “Obe ara hiram nohooi nia? Towolo iye ta wan to nohoi.”
\v 5 Ata inya ebirok arobiyaha ta fau ta haji imojit netok, ata eno agore wan nohonye hamai.
\p
\v 6 Ahuru fadirihien hulo hitaha arobiyaha ata hijo, “Obe anyar hatubahini arobiyaha iko ino haji imojit ina hitok nyo ara isia idumuti inno ye.”
\v 7 Ewuaha isia ata hinyiaŋa ta arobiyaha innia, mai nafa obuahari modie nyo awak isia hanuhari hatamonok.
\v 8 To nia, to holoŋ nya man iko ena, eliloŋo mai nya, “Owoori no hoto.”
\p
\v 9 Atati hiro no hekilani Yeremiya etisiru nolojio, “Eyari isia orobiyaha tomwana hunik henyaŋari mai nafa obuahari modie
\v 10 nyo ara isia idumit inafa oŋotori onyirok he Isaraile iya etuhutek Habu ta hanaŋ.”
\p
\v 11 Etiwetik isia Yesu to hosiere ho Mandir ata Mandir hifia hijo, “Ira iyye Habu lo Yudea?” Ata Yesu hitiraŋ hijo, “Iya ejo hido iye.”
\p
\v 12 Ati orosita fadirihien ilo hitaha iko maruak inyia hirro ariai ati obe inya etiraŋ nobo sihin.
\p
\v 13 Atati Pilato hijio do honye hijo, “Ebe iyye etiru irositi ariai hunna orosok isia iye?”
\v 14 Ati odua inya liŋliŋ, to nia eliliha mandir bino.
\p
\v 15 Ta far no hiyom netok ohou mandir lobo lefita iyya awak iluluŋ no hiyo.
\v 16 Ifa to holoŋi niya owuon lobo haboloni to kijan la ara Baraba.
\p
\v 17 Nafa otubai hiyo daŋ ta mai nobotie, ojo Pilato to hose hijo, “Hewak itai hijo hahek naya ŋai ta hatai? Baraba kuya Yesu le eliloŋo Kristo?”
\v 18 Nyo oyen Pilato hijo eyani ida isia Yesu ta haini.
\p
\v 19 Heletole Pilato to kurus iŋotit, efahak noŋoruo honye hiro to honye hijo “Baŋa ehum nobo sihin to tuŋani la anyar, nyo ena eriga nayya norru binno te inyie.”
\p
\v 20 Esusuta fadirihien illo hittaha hiwo daŋ hefiari Pilato hijo hotohek inyia Baraba, ojo hidofe hotottohoi ida Yesu.
\v 21 Efia mandir to hosie hijo, “Hahek iso naŋ lari ta hatai?” Ojio isia “Baraba.”
\p
\v 22 Ojio Pilato atta hijo to hose hijo, “Hehum iso naŋ nyo to Yesu ille elliloŋo Kristo?” Ojio isia daŋ atta hitirraŋ daŋ to honyie hijo, “Isihok inyia”
\v 23 Ojio mandir atta hitirraŋ to hosie hijo, “Nyo nia lorru ne ehum inyia?” Ati eyyorro ifa isia binno hijo, “Isihok inyia.”
\p
\v 24 Ewolo Pilato hijo etalik inya hihum nobo sihin nyo ewuwuoŋita hiyo bino. To nia amoju inyia hifioŋ atta hilila to hosiere ho hiyo ata hijo, “Abe naŋ aremik hiŋot ye no lobo tuŋani lobe owuon iko hipali. Itiwolo ati itai ta wati te inahatai.”
\p
\v 25 Etirraŋ hiyyo daŋ hijo, “Isiara hotoŋot yee nohonye to hoi iko to durre illohooi.”
\v 26 To nia atta Pilato ahek Baraba to hosie, ati esio inyia Yesu habahari iko hesihohini.
\p
\v 27 Ata oseŋer ilo mandir eyari Yesu a haji ina hitok ata otubahini iluluŋ no oseŋer.
\v 28 Ohou isia boŋojin inohonye ata eticiofok boŋo nobo hamai.
\v 29 Oyyir isia ihita no hikua atta esihok to honye ata hisio fatige ta hani he inyiet nohonye. Origoŋo isia to hosiere honye atta ellohitari inya hijo, “Habu lo Yudea, odule manya ahosiere!”
\v 30 Omita isia hamilak to honye atta baha hoo nohonyie to fatigel.
\v 31 Nafa atuhok isia elohitari isie, ahou isia boŋo nara nafa iticiofuk isia ata eticiofok boŋojin inohonyie tohonye, ata isia eyari inya hesihohini.
\p
\v 32 Ifa ajiŋu isia abali, ata hiboŋ iko lobo tuŋani lo Sirene lara fure nohonyie Simone, lafa orosok isia hotolorori kuruce.
\v 33 Eba isia ta mai nara fure Gologota, nara mananohonye, “Mai no nohohit in hoo.”
\v 34 Esio isia tohonye balu no nolodua. Ati ifa leniŋ inya, ata inya hibo himat.
\v 35 Nafa esihok isi inya, atta isia hibwan boŋojin innohonyie to baha no muaŋa.
\v 36 Attati isia hitole heririari inyoa ta mai nya.
\v 37 Hidofe, egiorohini to hide ho kuruce nohonyie to hiro inno irositi innohonyie nojio, “Yesu ille, ara inyia a habu lo Yudea.”
\v 38 To holoŋ nia esihohini inyia iko hahalak lohorik, lobotie ta hani he inyiet, ojio lobotie ta hani he ihorroŋ nohonyie.
\v 39 Omoro hiyyo illo olot Yesu atta huta inyia to hafiala hijo,
\v 40 ”Iyye le ejio hijo etattur naŋ haji imojit nettok, enyiak duho to holoŋi hunik, itihoru wan nohoi, hidofe isuru iyyania to kuruce kuyya lera iyye dede Lonyi Hollum!”
\p
\v 41 Ellohitari hidofe fadirihien illo hittaha, hegiorok iko maruak inyia hijo,
\v 42 ”Etilohu ifa inyia ilak, ettallik iso inyia etilohu wan nohonye. Inyia habu le Isarail. Tonia tojio to honyie isuru iyyania to kuruce, atta iso iyyohoi huruk to honyie.
\v 43 Eyyik hido inyia to Hollum. Tojio Hollum hetilohu inyia iyyania iyya awak inyia nyo ojio ifa inyia hijo, “Nayya Lonyi Hollum.”
\v 44 Atta hahalak illafa esihohini iko inyia moro inyia ania.
\p
\v 45 Ta saa ille, no holoŋ iko iŋalio, orioho fau daŋ edumele tiir tiir,
\v 46 da saa hunik, elliloŋo Yesu nolokuat binno hijo, Eli Eli, lama sabaktani?” nojo hijo, “Hollum lalaŋ, Hollum lalaŋ, nyo ebusak iyye nayya?”
\v 47 Nafa etiru hiyyo illafa oweta dia atta isia hiro hijo, “Ellilloŋo inyia Elija.”
\v 48 Onyior hidofe lobo lohosie atta erutok hani nohonyie atta adumu boŋo atta eduttok a hotwai ho hifioŋ inne edualaŋa atta ehumak to hide ho siholo anyar etimatari isia.
\p
\v 49 Ojo illak, “Ibusak hoi inyia hame. Itirriŋe, kuyya ottu iso Elia hetihoru inyia.”
\v 50 Edas Yesu yio no okuat binno to hutuk atta ebusak oyiri nohonyie.
\v 51 Atta boŋo na haji imojit nettok guasa hame masik arik to hide man afau. Ojio fau ekikiro, atta moruo buara.
\v 52 Ojio hidofe ilumioho aŋa ojo hiyyo halibok illafa oye beren atta ebuhu.
\v 53 Ta halu hebuhu no Yesu, afanu isia adde te ilumioho atta ajiŋak a bore gala no odua, egonyu hiyyo arria isia.
\p
\v 54 Abaŋi ettok ho oseŋer iko hiyyo honyie hullo eriria Yesu, nafa egonyu isia hirro innafa edoŋ atta isia baŋi atta hijo, “Dede ara hada inyia Lonyi Hollum.”
\p
\v 55 Owuon ifa ŋoruo ariai dia ino eriria alamarai, ejufuta ifa isia Yesu ta Galilea haluahari inyia.
\v 56 To hiji hose, owuon ifa Mariya Madalina, hidofe, Mariya hotonye Yakobo iko Yosefu ojio hotonye lonyirok Sebedeyo.
\p
\v 57 Nafa era kaikai, ottu habarani to doŋe na Arimatea lara fure Yosefu. Ara ifa inyia heyiyenani lo Yesu.
\v 58 Owu ifa inyia to Pilato hefiari wan no Yesu, atta Pilato efahak hiyyo hesiarari wan no Yesu to honye.
\v 59 Eyari Yosefu wan atta abubunak inyia to boŋo nololibo,
\v 60 Atta etiferik inyia te ilume honye inna ŋejuk nottulahini te ibak. Ettaborok inyia moruo nettok to hutuk he ilume atta eno adde.
\v 61 Ettole Mariya Madalina iko Mariya nobo hame to oger he ilume.
\p
\v 62 To far na sabato afanu fadirihien iko ettaha iko Farisei to Pilato
\v 63 atta hijio, “Habu, agilu iyyohoi hiji, ojio ifa henyabani lia nafa ho owuar inyia hijio, “Ta halu ho holoŋitek hunik ebuhu iso nayya.
\v 64 Tonia ifahak oseŋer hetigolori ilume man to holoŋ hitahunihi, ŋaso heyiyenak illohonye afanu ahahalari wan nohonyie adde, ŋaso isia afanu hijio to hiyyo hijo, ‘Ebuhu inyia to ye, hidofe orru iso hinyaba nia agalik.”
\p
\v 65 Ojio Pilato to hose hijo, “Ewuon itai iko oseŋer, ifeti itigolo ilume iyya eremik itai.
\v 66 Attati isia efie etigolori ilume to moruo no otiohok dia, arasa oseŋer hiriria.
\c 28
\cl ŋati 28
\p
\v 1 To motie beren ta far na Sabato, ottu Maria Madalina iko Maria nobo oriŋari ilume to hitieri ne isabit.
\v 2 Ekikiro ifa fau binno nyo esuru ifa anjilo la Habu te ido obwarari morwo nafa ottuho to hutuk he ilume adde atta hittole to hide honyie.
\v 3 Opipiak ifa wan nohonyie iya hila, ojo boŋojin inohonye obwor.
\v 4 Abaŋ ifa heririak ilo ikat man atta hitole iya hayok.
\p
\v 5 Ati ero anjilo to ŋorwo hijo, “Ibaŋa abaŋ, nyo ayen naŋ hijo esiaha itai Yesu loŋole esiho to kuruce.
\v 6 Obe inya teni nyo ebuhu inya iya nafa erarari inya. Ifanu itiwolo mai noŋole etiferihini hiyyo inyia.
\p
\v 7 Hidofe ifeti kokwak ilimak to heyiyanak illohonyie hijo, ‘Ebuhu inyia to ye. Itiwolo, lia eno to hosiere hatai a Galilea. Efi iso itai egonyu inyia dia.’ Ituwolo, elimak nayya itai.”
\p
\v 8 Ofwo ŋorwo kokwak adde tamai he’ ilume ta baŋi iko to mune no obolo atta isia hinyor elimari hejufutak ilohonye.
\v 9 Ati eboŋ Yesu he isia ata hijo, “Itigolo daŋ.”
\v 10 Ehutu ŋorwo to honye ata hidofe rigoŋi hatirori hejek inohonyie atta hitihabwo inya. Ojo Yesu to hosie, “Ibaŋa abaŋ. Ifeti ilimak halasira hanaŋ anyar ofwo a Galilea. Ofwo iso isia hiwolo naya teya.”
\p
\v 11 Hofwo ŋorwo tiji ania, ojo hidofe oseŋer ofwo abore gala atta heririak elimak te etok la fadirihien hiro daŋ ino edoŋ.
\v 12 Otuba ifa eittaha ile kelesia daŋ ho marwak herarari he isia hiram nia ata isia hisio arobiyaha ariai to oseŋer, atta isia hijo to hosie,
\v 13 ”Ilimak to hiyo hijo afanu ida hejufutak ilohonye ta harie ini ata ahahalari wan nohonyie ejo iyohoi ida efer.’
\v 14 Kuya hidofe letiru mandir hiram ina, etilik iso iyohoi hiram ina hijo anyar obe inya ohu hibak itai.
\v 15 Eyari isia arobiaha ata elimak hiyo iya efahahini ifa isia. Man iko iyane, ero hiyo ilo Yudea ania.
\p
\v 16 Ati ofwo hejufutak hulo tomon ho lobotie a Galilea adoŋe nafa etuhutek Yesu to hosie.
\v 17 Nafa egonyu isia inya, ata isia hitihabwo inya, ojo ilak arasa hikuya.
\v 18 Ati otu Yesu to hosie atta elimak isia hijo, “Ara golon ne ‘ido iko na fau daŋ innanaŋ.
\v 19 Ifeti iyane daŋ etiyenari hiyo daŋ ta fau. Ibatiso isia to fure no Monye, iko Lonyi ojo no Oyiri lo’libo.
\v 20 Itiyanai isia hehuma hirro daŋ innafa elimak nayya ta hatai. Tuwolo, awuon naŋ itai holoŋitek daŋ, man to hisidi na fau.”