See in Reader
152 lines
15 KiB
Plaintext
152 lines
15 KiB
Plaintext
\id 1PE
|
||
\ide UTF-8
|
||
\h 1 Petro
|
||
\toc1 1 Petro
|
||
\toc2 1 Petro
|
||
\toc3 1pe
|
||
\mt 1 Petro
|
||
\c 1
|
||
\cl Angati 1
|
||
\p
|
||
\v 1 Ani Petro efahata olo Yesu Kristo, egyoro ni jyo onyimot hul itisarrahini ifauhyen Ponto, Galatia, Kapadosia, Asia, iko Bitinia.
|
||
\v 2 Onyimu nya Hollum Monye itai to ofyoro honyi bwo fe ittaŋu Oloyiri itai iniŋyere Yesu Kristo ta arwasyo hoto honyi. Ijara amehino iko nelik tajya ofonihino jihatai.
|
||
\p
|
||
\v 3 Ijara etahabuyo hatawana jyo Hollum Monye olo Hobu hohoi Yesu Kristo. Ta amehino honyi on obolo’to itisiu inyi hohoi inyyak tania esu hohoi ta neyihina nyo ibuhu nya Yesu Kristo to ye.
|
||
\v 4 Bwo fe ottunak inyi orutat hatai idou. Arai isi orutat hun obeŋi’to omuyahi, hun obeŋi’to iboti, hun odulori’to fur.
|
||
\v 5 Bwo irrirrya adwaran ono Hollum itai te eruk many italeyehinierek etalahuna on oleyo adi te esidu fau.
|
||
\v 6 Te eram ana imunoti tai bebe, dwadi ihwania ijiriŋati tai do te ettigemita arryai.
|
||
\v 7 Itahutani ettigemita jo ara neruk hatai ahode bwo oyyu inyi agalik nayyel on oremik turotyo al okemye ihima. Ta nayiji ono neruk hatai ifwotuna adi itai etahabuyo iko akwatan iko etahuyo iholoŋ an italeyehinierek Yesu Kristo.
|
||
\v 8 Dwadi ibyaŋata nya itai igonyuna inyi, imunoti tai inyi. Bwo fe dwadi ibyaŋata tai igonyuna inyi ihwania, iruhoto tai jihonyi ittata tai muno bebe iko namuno on obolo agalik bwo fe on owon iko akwatan.
|
||
\v 9 Ifwotuna tai esidi ono neruk hatai an ara’to etalahuna ono oloyirihyen hatai.
|
||
\p
|
||
\v 10 Ottifyai nya eyak sayyo bebe inyuraniere awoyo hiram ono etalahuna ania, bwo fe ikilai nya isi jo, ottu adi amehino jihatai.
|
||
\v 11 Ottifyai isi alali tulo kuyya anani saa an ihanierek erre huna, nyo ara Oloyiri olo Kristo ’totwajin hosi al ikilu ettigemyo ono Kristo iko etahabuyo honyi.
|
||
\v 12 Italeyeuni jihosi jo igyamai isi erre huna jihatai obyaŋara ta ahwattek hosi ninya ittittoyerek ettiyanak jihatai asayyo hun oyiji to Oloyiri ol Olibo ol ottu’to t’edou. Bwo fe awahi anjelohyen imijyere erre hunia.
|
||
\p
|
||
\v 13 Tania itagoloto egigilita hatai bwo ihumata irrirrya bwo fe iyihina ta atajya hatai daŋ jyo namehino on ottu adi jihatai te etaleyeuna ono Yesu Kristo.
|
||
\v 14 Hemohina jyo ewahiti hatai hunya beryen hebyaŋata tai imijana omuk erre, nyo irata tai aduri hul oniŋye’to.
|
||
\v 15 Ihwa olibo Hobu al iloŋo’to itai, oliboroto bwo fe te ehanita hatai daŋ.
|
||
\v 16 Ihwa igyoroni jo, “Oliboroto nyo alibo ni.”
|
||
\p
|
||
\v 17 Kuyya iloŋoti tai inyi Monye bwo imijana tai jo obeŋ egigya jihonyi nyo oŋot inyi laati daŋ ababo te egyamita hosi, tania adahati ta abaŋi oŋitek daŋ hun imanyati tai ifau.
|
||
\v 18 Imijana tai jo inyyaŋuni nya itai ihohiniere te emohiti hun ofyahaji’to huno monyyatai. Obeŋi inyyaŋuni itai te erre hun otuhunie adi ihwa agurusi kuyya bu nayyel.
|
||
\v 19 Ati inyyaŋuni itai ta nooto on oyyu’to, an ara’to ihwa lonyo ker ol obeŋ iko obo aforoi bwo olibo inyi bebe; ara inyi nooto ono Kristo.
|
||
\v 20 Inyi alya linya onyimuni hobeŋi afau oyyeuni ati oleyo inyi to oŋitek huna te eram hatai.
|
||
\v 21 Tenyi irata tai aheruhok jyo Hollum linya itubuhu’to inyi to ye ette isyarana jihonyi etahabuyo, jo oŋida neruk hatai iko neyihina hatai odulori jyo Hollum.
|
||
\p
|
||
\v 22 Omunoti illarak hatai bebe ta atajya hatai, nyo italiboroto nya itai oloyirihyen hatai ta aniŋyo elahode imunori illarak hatai.
|
||
\v 23 Nyo isiuni nya itai inyyak ta nekyanita huno Hollum hun isui’to bwo fe odulori adi fur. Arai nekyanita hwa ihwa enyomo hun obeŋi adi oyei.
|
||
\v 24 Ihwa igyoroni igyerita, “Arai laati daŋ ihwa amiyaŋ, Bwo fe ilamani isi ihwa ayaburita miyaŋ. Oyoho adi amiyaŋ bwo fe odouni adi ayaburita,
|
||
\v 25 Ati odulori adi nekyanita huno Hobu tulaŋ.” Bwo fe arai nekyanita hunia asayyo hun oyiji hun ittittoye jihatai.
|
||
\c 2
|
||
\cl Angati 2
|
||
\p
|
||
\v 1 Tania obusana aliwa daŋ iko enyobita daŋ, agesemita, ahaini, bwo fe amwaŋa daŋ.
|
||
\v 2 Ihwa awahi olodolyo ale, itai bwo fe ottifyati ale hun olibori’to huno oloyiri jo oŋida itai iboboloroti jyo etalahuna,
|
||
\v 3 nyo imijana tai amehino ono Hollum.
|
||
\p
|
||
\v 4 Ifwanna jihonyi al ara’to Amorwo an isu’to inya ihari laati ati onyimu Hollum inyi ette muno inyi.
|
||
\v 5 Itai bwo fe, irata tai amorwoi hun isui’to hun oduhorik naji ono oloyiri. Bwo fe irata tai ehumak hul olibori’to, hul isyori ehumita huno oloyiri hun osiruni jyo Hollum to Yesu Kristo.
|
||
\v 6 Nyo igyoroni igyerita ojo, “Imijyete, ehanak ni amorwo etteri lohitir imiji Sion, Inyi amorwo on onyimuni on oyyu’to agalik, Bwo lya al iruk’to jihonyi obeŋ adi iloriri ’tuŋ.”
|
||
\p
|
||
\v 7 Itai hul iruhoto’to, oyyu inyi jihatai agalik, ati jyo hya hul ihari’to ikyanai egyerita jo, “Amorwor ninya ihari aduhok, Ottu ratan etteri lohitir.”
|
||
\p
|
||
\v 8 Bwo fe igyoroni igyerita, “Ara inyi amorwo an itikosyo’to laati Iko nebak an itakwahyo’to laati.” Ikosoroi laati nyo omesye isi nekyanita Hollum nyo onyimuni isi ihaniere.
|
||
\p
|
||
\v 9 Ati irata tai awoi wati hul onyimuni, hul arai’to ehumak hulo Hobu. Irata tai eluluŋ wati hul olibori, hul arai’to awati Hollum luŋa, jo oŋida itai italeyehina ehanita hun obolori huno lya al iloŋo’to itai t’edumele many jyo afaŋan honyi on oyyu’to bebe.
|
||
\v 10 Beryen irata nya itai awati asai, ati ihwania irata tai awati Hollum. Beryen ibyaŋata nya itai amorwoAra amorwo ania Kristo. Inyurana amehino, ati ihwania inyurana tai amehino.
|
||
\p
|
||
\v 11 Itai hul amuno ni, elolya ni jihatai hul irata’to ewatak iko atamonok jo oŋida itai ihara ewahiti huno ahwattek hatai nyo orrem erre hunia iko oloyirihyen hatai.
|
||
\v 12 Amanyati on osiru ihiji paganohyen, jo dwadi ikyanai isi on orroho tetai, igonyuni adi isi ehanita hatai hun oyiji ette isi itahabuyo Hollum iholoŋ on ottuniere inyi.
|
||
\p
|
||
\v 13 Ta afure Hobu oniŋyete okumahyen daŋ huno laati ara dwo bu jyo hobu al ara’to eleittok,
|
||
\v 14 kuyya bu jyo mandiri hul ifahini ibahyere arrohojak bwo fe ilwahyere ayijok.
|
||
\v 15 Nyo ara awahan ono Hollum tetai jo te ehanita hatai hun oyiji’to iremehina tai itadwayere abuyaŋak hul otimoi’to erre.
|
||
\v 16 Amanyati ihwa laati hul ohohini bwo hemuhonia arrohojita hatai ta ahohina hatai, ati amanyati ihwa apiti hulo Hollum.
|
||
\v 17 Itahabuyete laati daŋ. Omunoti illarak hulo eklesya. Abaŋata Hollum. Itahabuyete hobu olo okuma.
|
||
\p
|
||
\v 18 Apiti, ifahati ta abaŋi eleittaha hatai hul oyiji’to iko hul anyalami’to ati ifahati bwo fe eleittaha hul orrohoji’to.
|
||
\v 19 Nyo oyyu ana al odihu atulo te eram ono Hollum ettigemita hun obeŋi osiruni jihonyi.
|
||
\v 20 Tani ati ayiji al idihuna tai ettigemita iko abahyo te eyyata hatai? Ati kuyya inyurana tai abahyo te ehanita hatai hun oyiji bwo idihuna tai ettigemita hunia, oyyu ana ihosyere Hollum.
|
||
\v 21 Inyi ana inya iloŋunierek itai, jo odihu nya Kristo ettigemyo tetai isyaraniere etamijani jihatai ijifatyere.
|
||
\v 22 Inyi alya ol obeŋ nya iyyau bwo fe obeŋ obo enyobyo to hutuk honyi.
|
||
\q1
|
||
\v 23 Al omorye laati inyi obeŋ inyi omoru isi. Al ittigemye isi inyi obeŋ inyi ikyana, ati iyihi inyi jyo aŋotoni ol obis’to.
|
||
\q1
|
||
\v 24 Inyi alya ol odihu nya eyyata hohoi ta ahwan honyi ihitoi jo oŋida hohoi eye jyo eyyata ette manya ihaniere alibori. Ta atoŋos honyi inyurana tai aŋidari.
|
||
\v 25 Isyabara nya itai addi ihwa akyoro, ati ihwania icohuniete tai jyo Leyyahani iko Errirryani olo oloyirihyen hatai.
|
||
\c 3
|
||
\cl Angati 3
|
||
\p
|
||
\v 1 Aŋorwo, ifahati habiak hatai jo dwadi obeŋi isi oniŋye nekyanita huno Hollum ofwonni adi isi iruk, obyaŋara ta nekyanita ati te ehanita huno aŋorwo hosi,
|
||
\v 2 nyo igonyuni isi ehanita hatai hun oyiji iko aniŋyo hatai.
|
||
\v 3 Ijara aŋorwo obeŋi igigiloi te elamani hosi, ta ayeo hofir, kuyya aŋata ta ayyel, kuyya bu ta aboŋojin,
|
||
\v 4 ati ijara atajya hosi ilamani ta anyalami iko abiji nyo odulo adi elamani ana fur bwo fe itamuno Hollum.
|
||
\v 5 Nyo nya beryen iyihitai aŋorwo hun oyiji jyo Hollum ette iyyafana elamani ihwa ania. Ifahai isi bwo fe habiak hosi.
|
||
\v 6 Ifaha nya Sara Abramo te ekoi ana bwo iloŋo inyi Abramo hobu. Irata adi itai ŋarryok Sara al ihaniete tai on oyyu ati obyaŋara ta abaŋi.
|
||
\p
|
||
\v 7 Bwo fe habiak, amanyati iko aŋorwo hatai to ofyoro bwo fe irrirryu aŋotte ihwa atulo on ofyaha’to nyo irata tai daŋ aharutak huno amehino ono nesu. Al ihaniete tai ihwania obeŋi adi itihi emojiti hatai jyo Hollum.
|
||
\p
|
||
\v 8 Te ettubit itoŋoti daŋ te egigilo abotye, omehiniete, omunoti illarak, itoŋoti ta atajya hun anyalami iko egigilita hun obeŋi itadarai.
|
||
\v 9 Hehaniete on orroho jyo hul itarrohojye’to itai, hemoryete hun omorye’to itai, ati omunoti isi nyo iloŋoi itai irutaniere ayiji.
|
||
\v 10 Nyo igyoroni igyerita, “Lya al awak’to inyuraniere ayiji ta nesu ana Bwo fe igonyuniere oŋitek hun oyiji, Ijara inyi itik arrohoji to ŋadyef honyi Iko enyobyo to hutuk honyi.
|
||
\q
|
||
\v 11 Ijara inyi oyito addi jyo arrohoji ette ihanio ayiji. Ijara inyi ottifya nelik taji inefuniere inyi.
|
||
\q
|
||
\v 12 Nyo igonyuni oŋite huno Hobu abisak Bwo fe itaniŋuni ayyaha honyi emojiti hosi, Ati ijorya omom Hobu jyo laati hul ihanie arrohoji.”
|
||
\p
|
||
\v 13 Ŋai ol oremik’to itarroho itai al ijifatyete tai te efiriwa erre hun oyiji?
|
||
\v 14 Ijara itai imunoti dwadi inyurana tai ettigemyo te ehanita hatai hun oyiji. Hebaŋata eŋerejanio hosi bwo fe helafuhoti.
|
||
\v 15 Ati itahabuyete Kristo itajya hatai ihwa Hobu. Ihumata itarraŋ ta asahyen daŋ jyo hul ifiye’to itai te eram ono neyihina on owon’to itwajin hatai. Ikyanati jihosi ta anyalami iko ta abaŋi,
|
||
\v 16 bwo fe ta atajya hun oyiji’to, jo dwadi omorye isi itai, iloririji adi amorok hulya ta amanya hatai on obis’to itwa Kristo.
|
||
\v 17 Al ittigemye laati itai te ehanita hatai hun oyiji, oyyu ana agalik ettigemyo hosi itai te ehanita hatai hun orrohoji, kuyya ara ana awahan ono Hollum.
|
||
\v 18 Nyo odihu nya Kristo ettigemita ette ye enyyahi abotye te eyyata iyaŋuniere hohoi jyo Hollum. Oye labisani ta leyyak. Oye ahwan honyi ati isu oloyiri honyi.
|
||
\v 19 Bwo alo nya Kristo to oloyiri honyi ittittoyere oloyirihyen hutto babus.
|
||
\v 20 Isi laati hinya omesye’to bwo odihu Hollum isi fur to oŋitek huno Noa ol oduho’to atogol. Italahuni nya laati hun omutari’to to hari, arai isi laati hottohunik ijai.
|
||
\v 21 Ara ana etamijani ono batisimo an italahu itai, ta nebuhuna ono Yesu Kristo. Obyaŋara ana te ellillayo ono eboti hwan, ati itahutak inyi ataji on ottifya’to Hollum inyuraniere alibori.
|
||
\v 22 Acaharu nya Kristo lidou ati ihwania itoŋo inyi oŋyatai Hollum, bwo fe oniŋye inyi anjelohyen iko abolok bwo edwariti.
|
||
\c 4
|
||
\cl Angati 4
|
||
\p
|
||
\v 1 Tania, ihwa odihu nya Kristo ettigemita ihwan honyi, ijara egigilo ihwa ana hatawana jihatai jo, lya ol odihu’to ettigemita ihwan honyi, obeŋ eyyau inyyak ilettohori inyi.
|
||
\v 2 Tania to oŋitek huno harasai’to jihonyi amanya adi inyi ta awahan ono Hollum obyaŋara te ewahiti hutto hwan honyi.
|
||
\v 3 Beryen ihaniete nya itai ewahiti huno paganohyen itatta tai daha te esomiti, te ewahiti hwattek, ta aruma, ta abala asai, te ecaforo, bwo fe iko litahabuyere arrijorihyen.
|
||
\v 4 Ati ihwania illillihai paganohyen nyo ibyaŋata tai ibalati ikosi te erre hun orrohoji’to, tania ikyanai isi on orroho tetai.
|
||
\v 5 Ati ofwoi adi isi lyauna hunosi jyo lya ol oŋot’to adi leswok iko layyak.
|
||
\v 6 Nyo te eram ana ittittoye nya asayyo hun oyiji jyo laati ara dwo bu jyo layyak, dwadi oŋot Hollum ahwattek hosi amanyai adi isi to oloyiri ihwa Hollum.
|
||
\v 7 Ilyaha esidi hirre daŋ, tania igigiloti on obis bwo fe ihumata irrirrya ahwattek hatai limojori.
|
||
\v 8 Bwo fe agalik daŋ, oduloro amuno illarak hatai, nyo oremik namuno imuhonia eyyata arryai.
|
||
\v 9 Olwahata illarak hatai ta amuno.
|
||
\v 10 Ihwa ifwotuna tai esyorita ababo jyo Hollum oŋida itai ilwahata illarak hatai te esyorita hunia ihwa abusi hul oyiji’to hulo amehino Hollum.
|
||
\v 11 Al ittittoyo obo atulo, ijara inyi ittittoyo efahita huno Hollum. Al olwak obo atulo obo, ijara inyi ihanio ta agolon an isyo Hollum jihonyi, jo oŋida erre daŋ itahabuye Hollum to Yesu Kristo. Ijara akwatan iko adwaran hatawana jihonyi tulaŋ. Amen.
|
||
\v 12 Itai hul amuno ni hellillihati te ettigemyo on obolo’to on owon ihiji hatai ikemyere itai ihwa idwoŋi erre hun olufaji’to jihatai.
|
||
\v 13 Ati omunoti al irryahati tai iko Kristo te ettigemita honyi, bwo fe imunoti adi itai agalik ta aleyo ono akwatan honyi.
|
||
\v 14 Oŋida itai imunoti al omorye laati itai ta afure Kristo nyo itoŋo Oloyiri olo akwatan jihatai, inyi Oloyiri olo Hollum.
|
||
\v 15 Helaha obo alatai odihu ettigemyo ta attohyo, kuyya bu ta ahoho, kuyya ta arrohoji, kuyya te edyefer.
|
||
\v 16 Ati kuyya odihu obo ettigemyo ta arahan honyi aheruhoni hetebyaŋa inyi iloriri, ati ijara inyi itahabuyo Hollum ta afure Kristo.
|
||
\v 17 Nyo idwoŋ asaa an itteryere Hollum ŋocere aati honyi. Bwo fe kuyya itteryo inyi ikohoi, anyo adi esidi ono hya hul obeŋi’to oniŋye asayyo hun oyiji huno Hollum?
|
||
\v 18 Ojori egyerita, “Al agol bebe italahuniere abisak, Ehan ’tadi aŋai jyo hul otimoi’to Hollum iko leyyak?”
|
||
\v 19 Tania ijara hya hul odihuni’to ettigemyo ta awahan Hollum heteyihiniehe atajya hosi jyo lya ol oyyeu’to isi bwo fe hetehaniehe on oyyu.
|
||
\c 5
|
||
\cl Angati 5
|
||
\p
|
||
\v 1 Tania ettittoyo ni itai amarwak klesya. Ara ni amarwani klesya ikatai, bwo fe etamijanani olo ettigemita Kristo. Bwo fe erryaha adi ni iko akwatan on oleyo adi.
|
||
\v 2 Irrirryati anyanya Hollum hun isyori jihatai irrirryari. Ihaniete ta awahan hatai ihwa awak Hollum, on obeŋ ara ta arrosonia kuyya bu ta agurusi ati ta amuno.
|
||
\v 3 Helettohoti ta agolon laati hul isyori jihatai irrirryari, ati irata ahetamijanak jihosi.
|
||
\v 4 Al aleyo Leyyahani Eleittok’on ifwotuna adi itai egorya ono akwatan an ilaman an iyyafaniere ihou bwo odulo adi inyi fur.
|
||
\p
|
||
\v 5 Bwo fe itai monyomiji, oniŋyete jyo amarwak hatai. Bwo itai daŋ luŋa, iyyafana anyalami ilwahyere illarak hatai, nyo ojori igyerita, “Iha Hollum etadarak ati omehino inyi jyo anyalamak.”
|
||
\p
|
||
\v 6 Itamutarata ahwattek hatai ihosyere Hollum bwo itadet adi inyi itai ta asaa honyi.
|
||
\v 7 Isyatta ehawwata hatai daŋ jihonyi nyo omuno inyi itai.
|
||
\p
|
||
\v 8 Ihumata mijo, ihumata ’ra, nyo oretya amyotononi hatai, al ara’to ahetisyahani, ihwa elemye al amala’to ittifyari lya ol oremik inyi hony.
|
||
\v 9 Ihara inyi ta agolon ono neruk hatai, nyo imijana tai jo owoni ettigemita ihwa hunia jyo illarak hatai hul owoni ifau.
|
||
\v 10 Ati itabisak adi Hollum olo amehino daŋ itai ta ahwan honyi. Itagolyo inyi itai bwo fe itawoj inyi itai al attuhuno ettigemyo hatai. Inyi Hollum inya iloŋo’to itai jyo akwatan honyi on odulo’to fur to Kristo.
|
||
\v 11 Ijara adwaran hatawana jihonyi fur tulaŋ. Amen.
|
||
\p
|
||
\v 12 Egyorok ni jihatai kai ta naani Silivano bwo amijak ni jo ara inyi illa hohoi ol obi hwan. Egyorok ni isiŋyere itai bwo fe itamijaniere itai jo ara ana amehino ono Hollum ahode. Owotyati on ogol tenyi.
|
||
\p
|
||
\v 13 Itifonya aŋottet on owon’to imiji Babolona itai. Onyimuni nya inyi ikatai. Bwo fe itifonya lonyi hoŋ Marko itai.
|
||
\v 14 Itifonyana illarak hul owoni’to ihiji hatai ta namuno. Ijara nelik tajya hatawana jihatai daŋ hul iwanata’to itwa Kristo.
|