See in Reader
155 lines
14 KiB
Plaintext
155 lines
14 KiB
Plaintext
\id JAS
|
||
\ide UTF-8
|
||
\h Yakobo
|
||
\toc1 Yakobo
|
||
\toc2 Yakobo
|
||
\toc3 jas
|
||
\mt Yakobo
|
||
\c 1
|
||
\cl Angati 1
|
||
\p
|
||
\v 1 Ani Yakobo, apit olo Hollum iko Hobu Yesu Kristo, efonyo ni awoi ’tomon harrihai hul isarrahini’to.
|
||
\p
|
||
\v 2 Illarak hoŋ, omunoti al ofwonni esusuta gele gele jihatai,
|
||
\v 3 nyo imijana tai jo iyaŋuno akemyo ono neruk hatai adihan tajya.
|
||
\v 4 Bwo ijara adihan hototuhok egyama honyi on oyyu jo oŋida itai daŋ iyijoto bwo ibyaŋata iwahata obo ariŋ.
|
||
\p
|
||
\v 5 Ati kuyya owon obo alatai ol obeŋ’to iko ofyoro ijara inyi omojo jyo Hollum bwo isyori adi jihonyi. Nyo isyo Hollum jyo aati daŋ te emorot, obyaŋara te eŋuŋunita.
|
||
\v 6 Ati oŋida inyi omojo ta neruk bwo obeŋ ikuyya, nyo lya al ikuyya’to ara inyi ihwa afolyahita hari on ohuco oyyami folyak folyak.
|
||
\v 7 Helaha atulo alya igigilo jo efwotu adi inyi omuk erre jyo Hobu.
|
||
\v 8 Nyo atulo ol owon iko atajya arrihai iparaŋa inyi te ehanita honyi daŋ.
|
||
\p
|
||
\v 9 Ijara eruhoni al ilocaŋ’to hotomunoi ta abolori honyi ihosyere Hollum.
|
||
\v 10 Bwo ijara abarani hotomunoi ta amutari honyi, nyo otuhunie adi oŋitek honyi ihwa ayaburita huno amiyaŋ.
|
||
\v 11 Nyo al idwoŋ oloŋ on onok’to bebe ette itayoho amiyaŋ, bwo ororwouni ayaburita honyi bwo elamanita honyi ette litohina. Ara adi ihwania jyo abarani nyo oye adi inyi hottifya inyi ebariti honyi.
|
||
\p
|
||
\v 12 Ijara atulo al odihu’to ettigemyo hotomunoi, nyo al agalik inyi esusuyo ifwotu adi inyi egorya ono nesu an ilaman’to iyyafaniere ihou, on ocorok Hobu jyo hulya hul omunoi’to inyi.
|
||
\p
|
||
\v 13 Al ottu esusuyo jyo obo atulo helaha inyi ojo, Hollum ani esusuyo nyo obeŋ inyi isusuyo obo atulo, bwo ittallik arrohoji isusuyo Hollum.
|
||
\v 14 Ati arai ewahiti huno ahwan hun isusuye’to laati daŋ ababo ette iyaro isi jyo arrohoji.
|
||
\v 15 Iyaŋunie ewahiti huno ahwan eyyau, bwo iyaŋuno eyyau naye.
|
||
\p
|
||
\v 16 Illarak hoŋ hul amuno ni, henyobyete ahwattek hatai.
|
||
\v 17 Ofwonni esyorita daŋ ababo hun oyiji’to iko hun olibori’to to hide bwo odetunie isi jyo Monye olo afaŋan. Ittallik inyi lufaji bwo fe obeŋ abali jihonyi.
|
||
\v 18 Isyo inyi nesu aŋejuk jihohoi ta awahan honyi hama bwo ta nekyana ono nelahode tania era hohoi oloŋehwa ihiji hirre hun oyyeu inyi.
|
||
\p
|
||
\v 19 Illarak hoŋ hul amuno ni, omijana erre huna. Ijara laati daŋ ababo itaniŋuni kwak. Helaha isi ikyanai kwak. Helaha isi iloŋojitai kwak.
|
||
\v 20 Nyo obeŋ neloŋojita iyaŋuno abisan ono Hollum.
|
||
\p
|
||
\v 21 Tania iyara addi ebotita daŋ iko arrohojita hun agalihini’to bwo ifwotuna nekyana ono Hobu ta anyalami, nyo ara ekyana honyi an idulani itajya hatai on oremik’to italahuna oloyirihyen hatai.
|
||
\v 22 Irata ahefahak ikyana bwo herata ahetaniŋok asai hul inyobyete ahwattek hatai.
|
||
\v 23 Nyo kuyya ara obo atulo ahetaniŋoni asai ono nekyana bwo obeŋ inyi ara ahehanani, ara inyi ihwa atulo ol omijo’to omom honyi to miraya,
|
||
\v 24 nyo iŋiŋyala inyi omon honyi ette leten addi, ette gworo kokwak omom honyi odwo omijo inyi.
|
||
\v 25 Ati kuyya odulo obo atulo ihenio efahita huno Hollum hun oremehini ihohiniere, isyarak adi Hollum emuniti jihonyi te ehanita honyi, nyo obeŋ inyi ara ahetaniŋoni ol ogworo’to, ati ara inyi ahehanani al igyama’to.
|
||
\p
|
||
\v 26 Kuyya owon obo ihiji hatai al igigilo jo ara inyi atulo Hollum ati obeŋ inyi itik aŋadyef honyi, inyobyo inyi ataji honyi bwo ara neruk honyi jyo Hollum asai.
|
||
\v 27 Eruhoni al ara’to ahode bwo fe olibo ihosyere Hollum Monye hohoi, inyi alya al adaha’to jyo ahohyo iko ehidahi ilwahyere isi te ettigemyo hosi bwo fe irrirrya inyi ahwan honyi t’ebotita hutta fau.
|
||
\c 2
|
||
\cl Angati 2
|
||
\p
|
||
\v 1 Illarak hoŋ, itai hul iruhoto jyo Hobu hohoi Yesu Kristo, Hobu olo akwatan, helaha neruk hatai owon iko egigya wati.
|
||
\v 2 Nyo kuyya ottu obo atulo iklesya hatai iko ahatim ono nayyel iko aboŋojin hun ilamani bwo fe ottu obo olocaŋ iko aboŋojin hun orrohoji’to,
|
||
\v 3 ibyaŋata so itai igigyati laati al ititoŋonia tai ol oyiji boŋojin imaji on oyyu bwo ititoŋonia olocaŋ ifau?
|
||
\v 4 Obyaŋara egigiya wati ania? Ibyaŋata so itai irata ahaŋotok hirre hul owoni iko egigilita hun orrohoji’to?
|
||
\v 5 Illarak hoŋ hul amuno ni, itaniŋyete. Onyimu Hollum alocaŋak hutta fau ana irari ahabarak ta neruk hosi bwo aharutak hulo olobye on ocorok inyi jyo hulya hul omunoi’to inyi.
|
||
\v 6 Ati imyanati tai alocaŋak? Obeŋi so itai abarak ittigemye bwo oyatarai itai jyo aŋotok?
|
||
\v 7 Obeŋi so isi omorye afure on oyyu’to an iloŋorik itai?
|
||
\v 8 Ati ihaniete adi itai on oyyu kuyya ihaniete tai efahi ono Hobu ihwa ojori egyerita jo, “Omunoti hutto lonyihari hatai ihwa ahwattek hatai.”
|
||
\v 9 Ati iyyauna tai al igigyati tai laati, bwo oŋot efahi ania itai ihwa leyyak.
|
||
\p
|
||
\v 10 Nyo lya al ihanio efahita daŋ ati omesyo efahi abotye hama, itarroho inyi hun omuk daŋ.
|
||
\v 11 Nyo lya ol ojo’to, “Heroto,” inyi ol ojo bwo fe, “Hettoho.” Ati kuyya ibeŋ iye iroto, ati ittoho iye, ira iye ahamyosoni ifahita.
|
||
\p
|
||
\v 12 Tania ikyanati bwo ihaniete ihwa laati hul oŋoti te efahita hun oremehini ahohiniere.
|
||
\v 13 Iholoŋ ono aŋoco obeŋ adi amehino jyo lya ol obeŋ’to itahutak amehino, ati agalik amehino ono Hollum aŋoco.
|
||
\p
|
||
\v 14 Illarak hoŋ, anyo adi ayiji kuyya ojo obo atulo awon inyi iko neruk ati obeŋi egyamita honyi oyiji? Oremik neruk ania italahuna inyi?
|
||
\v 15 Kuyya owoni illa hoi iko hanie hoi aŋaturoi bwo obeŋ aŋiyo jihosi toloŋi,
|
||
\v 16 bwo obo alatai ojo jihosi, Ifwatta ta nelik tajya, iyyafana aboŋojin ta acoro, ifoŋata ta aŋiyo on obolo, bwo ibyaŋata tai isyatta erre hun awahi ahwattek hosi, anyo adi ayiji?
|
||
\v 17 Ihwa ania, neruk on obeŋ’to ihanio egyamita hun oyiji, ara inyi asai.
|
||
\p
|
||
\v 18 Ojo adi obo atulo jo, Iwon iye iko neruk, bwo ni awon iko egyamita. Itahutak ani neruk hoi on obeŋ’to iko egyamita bwo etahutak adi ni iye neruk hoŋ te egyamita hoŋ.
|
||
\v 19 Al iruk iye jo owon Hollum abotye, ittenu iye. Iruhi bwo fe ajohin ette isi ikikiro ta abaŋi.
|
||
\v 20 Ati iye olobuyaŋa, ibeŋ iye imijak jo neruk on obeŋ’to ihanio egyamita hun oyiji ara asai?
|
||
\v 21 Obeŋ so nya Hollum ihenio Abramo monye hohoi ahabisani te egyamita honyi, inya isyarak inyi lonyi honyi Isako ihwa ehumi ihide itityek?
|
||
\v 22 Tania emijak hohoi jo inosok inyi neruk honyi iko negyamita honyi bwo fe te egyamita honyi itasiru inyi neruk honyi.
|
||
\v 23 Ihwania itasiruni egyerita hun ojori, “Iruk nya Abramo jyo Hollum, tania ihyanani inyi ahabisani”; bwo iloŋoi nya inyi amotte Hollum.
|
||
\v 24 Tania igonyuna tai jo ihenio Hollum atulo ahabisani te egyamita, obyaŋara ta neruk hama.
|
||
\v 25 Bwo ihwo nya, obeŋ nya Hollum ihenio Rahaba ahabisani te egyamita honyi dwadi ara nya inyi ahasomoni? Nyo ifwotu nya inyi elilomok ette ifahina isi to obo ekoi.
|
||
\p
|
||
\v 26 Nyo ahwan on obeŋ’to iko oloyiri ara inyi ahayani, ihwo nya neruk on obeŋ’to ihanio egyamita hun oyiji ara asai.
|
||
\c 3
|
||
\cl Angati 3
|
||
\p
|
||
\v 1 Illarak hoŋ, hotobyaŋahi hulatai arryai arai ahettiyanak nyo imijana tai jo ifwotuni adi ettiyanak aŋoco on obolo.
|
||
\v 2 Nyo epal hohoi daŋ te erre arryai. Kuyya owon obo atulo ol obeŋ’to ipal ta nekyana honyi, ara inyi atulo ol obis bwo fe oremik inyi itihotyere ewahiti hwan honyi daŋ.
|
||
\v 3 Imijyete, kuyya efitak hohoi ofi imuto husuŋ oniŋye isi hohoi bwo eremik hohoi iloit ahwattek hosi daŋ.
|
||
\v 4 Ikemijyete bwo fe atogol, dwadi obolo inyi bebe, bwo ohutaro oyyami on ogol’to inyi ati te eguri on omuta bebe iloiti inyi ihwa awak eguroni iyaro inyi.
|
||
\v 5 Tania bwo fe ara aŋadyef aŋati hwan on omuta’to bwo ikyana inyi erre hun obolori’to. Imijyete, otuk eema ol omuta’to adoŋe on obolo.
|
||
\p
|
||
\v 6 Bwo fe ara aŋadyef ihwa eema. Orroho aŋadyef bebe agalik aŋaco hwattek hohoi daŋ, bwo itarroho inyi ahwan daŋ. Inak inyi eema on oswahyo’to laati te lesiuniere many oyerik isi, bwo oswak eema on obeŋ’to odunya inyi.
|
||
\v 7 Oremehini laati itamohuna awoi caŋi daŋ iko aheny ojo erre hun oretyai’to iko erre huttotwa hari, bwo itamohye nya aati isi beryen,
|
||
\v 8 ati obeŋ obo atulo oremik itik aŋadyef. Orroho inyi bebe nyo obeŋ itoŋo dee bwo fe ifut inyi iko eyyeri ono naye.
|
||
\v 9 Tenyi etahabuyo hohoi Hobu Monye bwo tenyi epico hohoi aati hul oyyeuni itiyyalaruniere Hollum.
|
||
\v 10 Ofwonni etahabuyo iko epico to hutuk abotye. Illarak hoŋ, oŋida erre huna obeŋi arai ihwo nya.
|
||
\v 11 Oŋeruni aari hun odwari’to iko hun ilihi’to to lotilik abotye?
|
||
\v 12 Illarak hoŋ, oremik aŋaboli ŋijuna acahai, kuyya ajalaŋi oremik ŋijuna aŋaboli? Obeŋ bwo fe olotilik on odwa oremik itaŋeruna aari hun ilihi.
|
||
\p
|
||
\v 13 Ŋai ol owon’to iko ofyoro bwo amijana hirre ihiji hatai? Ta amanya honyi on obis itahutak inyi egyamita hun oyiji ta abiji taji iko ofyoro.
|
||
\v 14 Ati kuyya iwanata tai iko adaya hirre iko ahaini an itadwa’to atajya hatai, hetadarati bwo hegesemoto jyo nelahode.
|
||
\v 15 Obeŋi erre huna ofwonni t’edou, ati arai isi ofyoro huno afau, ofwonni isi ta awahan ono ahwan iko ono etisyahani.
|
||
\v 16 Nyo al awon ahaini iko adaya hirre owon bwo fe eharuto iko egyamita hun orrohoji’to.
|
||
\v 17 Ati ofyoro hun ofwonni’to t’edou, ahosyere olibori isi bwo ihalu owoni isi iko nelik tajya, anyalami, etaniŋuna kwak, ifuti isi iko amehino, bwo aŋer hun oyiji’to, obeŋi isi ikuyyai, bwo fe obeŋi inyobye.
|
||
\v 18 Lya ol owon’to iko nelik taji oyehi adi inyi aŋer huno nelik tajya bwo ette adi inyi deŋuna abisan.
|
||
\c 4
|
||
\cl Angati 4
|
||
\p
|
||
\v 1 Aŋai ofwonni erremiti iko ebahita ihiji hatai? Obeŋi isi ofwonni t’ewahiti hutto ŋaco hwattek hatai hun aŋalafai?
|
||
\v 2 Iwahata tai erre ati ibyaŋata tai inyurana, tania ittohyete tai laati. Idayati tai erre ati ibyaŋata tai inyurana, tania iŋalafati tai bwo ibahyete laati. Ibyaŋata tai iwanata iko erre nyo ibyaŋata tai ifiyete.
|
||
\v 3 Ifiyete tai ati ibyaŋata tai ifwotuna, nyo ifiyete tai on orroho, nyo iwahata tai tuhoro isi te ewahiti hwattek hatai.
|
||
\p
|
||
\v 4 Itai arotok, ibyaŋata tai imijana jo hul omunoi’to afau arai isi amyorok hulo Hollum? Lya al awak’to ratan amotte olo afau ara inyi amyotononi olo Hollum.
|
||
\v 5 Igigiloti tai jo ikyanai negyerita asai al ojori isi jo, “Oloyiri al amanya’to itwajin hohoi, omuno inyi hohoi ta awahan an ara’to ahaini?”
|
||
\v 6 Ati isyo inyi amehino an agalik. Tania ojori egyerita jo, “Iha Hollum etadarak ati omehino inyi jyo anyalamak.”
|
||
\p
|
||
\v 7 Oniŋyete Hollum, ihara etisyahani bwo ofuho adi inyi addi jihatai.
|
||
\v 8 Ihutonia olyahai jyo Hollum, bwo ihutu adi Hollum jihatai aŋati. Italiboroto ahas hatai itai leyyak, italiboroto atajya hatai itai hul irryahai tajya.
|
||
\v 9 Itajiriŋata atajya, atarihati, bwo oyyoti; oŋida asuhotyo hatai oyito atariha, bwo amuno hatai oyito ataji on odiŋ.
|
||
\v 10 Itamutarata ahwattek hatai ihosyere Hobu bwo itabolo adi inyi itai.
|
||
\p
|
||
\v 11 Illarak hoŋ, hemwaŋati obo atulo. Lya ol omwaŋa’to illanyi kuyya oŋot inyi, ikyana inyi on orroho te efahita bwo oŋot inyi efahita. Ati kuyya iŋot iye efahita ibeŋ iye ira ahehanani ifahita ati ira iye ahaŋotoni hosi.
|
||
\v 12 Owon esyarani ifahita abotye al ara’to ahaŋotoni, inyi alya ol oremik’to italahuna bwo oremik ’tohoro. Ati, ŋai iye al ira’to ahaŋotoni hutto lonyihari hoi?
|
||
\v 13 Igigiloti ihwania itai hul ijatta’to jo, Ahana kuyya motye efwo adi hohoi jyo obo amiji, bwo emanya adi hohoi dia eŋa abotye itinyyaŋaniere erre bwo fe ipocouniere.
|
||
\v 14 Ati ibyaŋata tai imijana anyo adi ottu motye. Ara nesu hatai ihwa anyo? Ara inyi ihwa eriri on oleyo’to kai ette ihalu byaŋarana.
|
||
\v 15 Oŋida ijatta tai jojo, Kuyya awak Hollum esu adi hohoi bwo ehanio adi hohoi ihwa ana kuyya ihwa nya.
|
||
\v 16 Ati ihwania itadarati tai te erre hun ihaniete tai; orroho etadara ihwa ana.
|
||
\p
|
||
\v 17 Tania alya ol omijak’to ehanio on oyyu ati obeŋ inyi ihanio, iyyau inyi.
|
||
\c 5
|
||
\cl Angati 5
|
||
\p
|
||
\v 1 Ihaniete ihwania itai abarak, oyyoti bwo ilulwoti te ettigemita hun ofwonni adi jihatai.
|
||
\v 2 Amuyahi ebariti hatai bwo fe atuk neyyu aboŋojin hatai.
|
||
\v 3 Ilarryoŋoloq nayyel iko agurusi hatai, bwo elarryoŋolo hosi ara etamijani jihatai bwo oŋiye adi ahwattek hatai ihwa eema. Ittunana tai ebariti hatai to oŋitek huno nesidi.
|
||
\v 4 Imijyete, oyyoi legyamak hul odyoŋoi’to amatta hatai te edumiti hosi, nyo idumati tai isi ta ahoho, bwo afany ayyo ono adyoŋok many jyo Hobu olo alwajak.
|
||
\v 5 Imanyati tai ta nemuniti hutta fau bwo ijifatyete ewahiti hwattek hatai, itaŋiyete tai atajya hatai many iholoŋ ono attohyo.
|
||
\v 6 Iŋototo tai aye jyo abisani ittata tai ’tohoro inyi bwo obeŋ inyi iha itai.
|
||
\p
|
||
\v 7 Illarak hoŋ, itilati ta adihan attuna ono Hobu. Imijyete, itila aromoni adyoŋo, itila inyi ta adihan aŋer hun awak inyi bebe many ottu ahide etteri iko ette halu.
|
||
\v 8 Itai bwo fe odihuna bwo itagoloto atajya hatai nyo ilyaha attuna ono Hobu.
|
||
\v 9 Illarak hoŋ, hemwaŋati obo atulo iko obo, ŋadi aŋoco ottu jihatai. Imijyete, aŋotoni ol owotya ikat.
|
||
\v 10 Illarak hoŋ, imijyete adihan ono eyak sayyo hulo Hobu hinya odihuni’to ettigemita.
|
||
\v 11 Imijyete, ejo hohoi jo omunoi laati hinya odihuni’to ettigemita. Itaniŋuna tai adihan ono Yobu bwo igonyuna tai esidi an iyaŋuno Hobu jihonyi, nyo ifut Hobu iko anyalami bwo amehino.
|
||
\p
|
||
\v 12 Illarak hoŋ, eram an agalik’to daŋ ana jo, hettuŋoti; kuyya te edou, kuyya ta afau, kuyya bu to obo ellama. Ati al ijatta tai Afe, ijatta Afe, kuyya al ijatta tai Obeŋ, ijatta Obeŋ, nyo ŋadi aŋoco ottu jihatai.
|
||
\p
|
||
\v 13 Owon obo alatai ol odyaha? Ijara inyi hotomojoi. Owon obo ol omuno? Ijara inyi hetedoloi afureta.
|
||
\v 14 Owon obo alatai ol oŋwai? Ijara inyi heteloŋo eleittaha hulo eklesya, bwo omojoi adi isi tenyi ette iyal inyi ta eyali ta afure Hobu.
|
||
\v 15 Attadi amojo ono neruk italahuna aŋwani, bwo itadet adi Hobu inyi to loŋwari, bwo kuyya owoni eyyata jihonyi ohohinie adi isi.
|
||
\v 16 Tania iramana eyyata hatai jyo illarak hatai bwo omojoti tesi jo oŋida itai iŋidarata. Igyama amojo ono abisani bebe, al omojo inyi te efiriwa.
|
||
\v 17 Owon nya Elija iko ewahiti ihwa hohoi, ati omojo inyi te efiriwa itihyere ahide, bwo ta aŋasi hunihoi iko ayafajin ille obeŋ nya ahide asayo ifau.
|
||
\v 18 Attati inyi inyyak mojo, bwo ette ahide asayo bebe, attati afau ŋijuna aŋer.
|
||
\p
|
||
\v 19 Illarak hoŋ, kuyya ipal obo alatai t’ekoi ono nelahode, bwo inyyahu obo atulo inyi,
|
||
\v 20 oŋida inyi omijak jo, lya al inyyahu eyyani t’ekoi an ipalari inyi, italahu adi inyi oloyiri honyi to ye, bwo imuhok inyi eyyata arryai.
|