See in Reader
199 lines
18 KiB
Plaintext
199 lines
18 KiB
Plaintext
\id GAL
|
||
\ide UTF-8
|
||
\h Galatia
|
||
\toc1 Galatia
|
||
\toc2 Galatia
|
||
\toc3 gal
|
||
\mt Galatia
|
||
\c 1
|
||
\cl Angati 1
|
||
\p
|
||
\v 1 Ani Paulo efahata, ati abeŋ ni ara alefahata wati kuyya bu jo obo atulo ani enyimu, ati ara ni alefahata to Yesu Kristo iko Hollum Monye linya itubuhu’to inyi to ye.
|
||
\v 2 Egyoro ni iko illarak hoŋ hul ewon’to ikoŋ jyo eklesyahyen hutto Galatia.
|
||
\v 3 Ijara amehino hatawana jihatai iko nelik taji on ottu’to jyo Hollum Monye iko jyo Hobu hohoi Yesu Kristo.
|
||
\v 4 Nyo inyi nya alya al isyo’to ahwan honyi te eyyata hohoi, italahuniere hohoi t’ehiji wati hul orrohoji’to hulo, nyo ara nya ana awahan ono Hollum Monye hohoi.
|
||
\v 5 Tania ijara akwatan hatawana jihonyi fur tulaŋ. Amen.
|
||
\p
|
||
\v 6 Ellilliha ni bebe nyo ibusana tai kwak Hollum linya ilongu’to itai ta amehino ono Kristo, ittata tai iyitoro jyo asayyo hun olufaji’to.
|
||
\v 7 Ati emijak hohoi jo obeŋi omuk asayyo hun oyiji, ati owoni laati hul awahi’to itipalyo itai bwo fe awahi isi iloico asayyo huno Kristo.
|
||
\v 8 Ati ara dwadi bu hohoi kuyya anjelo ette dou al ittittoyo jihatai asayyo hun olufaji’to jyo hunya ettittoyo hohoi jihatai, ijara inyi hotoye.
|
||
\v 9 Ihwa ekyana nya ni, enyyak ni idas; kuyya ittittoyo obo atulo jihatai asayyo hun olufaji’to jyo hunya ifwotuna tai, ijara inyi hotoye.
|
||
\v 10 Igigiloti tai jo attifya ni amuno wati kuyya attifya ni amuno Hollum? Attifya ni itamunoyere laati? Kuyya dwo awak ni itamunoyere laati abeŋ dwo ni ara ahegyamani Kristo.
|
||
\p
|
||
\v 11 Illarak hong awak ni itai imijana jo asayyo hun ettiyenio ni obyaŋara isi asayyo wati.
|
||
\v 12 Nyo abeŋ ni efwotu isi jyo obo atulo, obeŋ bwo fe ara nya obo atulo ittiyenak ani, ati Yesu Kristo nya ani etaleyehi asayyo huna.
|
||
\p
|
||
\v 13 Nyo itaniŋuna nya itai amanya hoŋ beryen to ninya ejifatyere ni ettiyenita wati Yudea. Bwo fe itaniŋuna nya itai jo ettigemyo ni eklesyae ono Hollum te efiriwa bwo fe awak nya ni itattur inyi.
|
||
\v 14 Ara nya ni olofiriwa bebe ta neruk wati Yudea agalik atta haji hoŋ nyo attifya ni bebe ijifatyere emohiti huno hohonyok hohoi.
|
||
\v 15 Ati onyimu Hollum ani ta awahan honyi hobeŋi ani isiuni ette inyi iloŋuna ani ta namehino honyi,
|
||
\v 16 italeyehiniere Lonyi honyi itwa hoŋ, jo oŋida ani ettiyenio inyi ihiji paganohyen. Iholoŋ nya ebeŋ nya ni ewwaha iko obo atulo.
|
||
\v 17 Abeŋ bwo fe alo Yerusalem jyo hya hul arai’to nya jihoŋ alefahat ahosyere, ati alo nya ni ifau Arabia bwo teyya acaharo ni Damasko.
|
||
\v 18 Ihalu aŋasi hunihoi alo nya ni Yerusalem imijyere Kefaf bwo etoŋo ni ikonyi oŋitek ’tomon homiet.
|
||
\v 19 Ati abeŋ nya ni egonyu lefahat omuk arari Yakobo illa Hobu.
|
||
\v 20 Ihwania erre hun egyoro ni jihatai, ahode ihosyere Hollum abeŋ ni agesem.
|
||
\v 21 Ihalu alo ni ifau ono Sirya iko Silisya.
|
||
\v 22 Bwo obeŋi laati hutto klesyahyen huno Kristo ifau Yudea omijani omom hoŋ,
|
||
\v 23 ati itaniŋuni isi hama jo, Lya inya ittigemyo’to hohoi, ihwania ittittoyo inyi neruk inya awak inyi itattur.
|
||
\v 24 Ette isi itahabuyo Hollum toni.
|
||
\c 2
|
||
\cl Angati 2
|
||
\p
|
||
\v 1 Ihalu aŋasi ’tomon haŋwan enyyak ni leten Yerusalem iko Barnaba, eyaro ni iko Tito.
|
||
\v 2 Alo ni dia nyo iramak Hollum ani ilari. Eramak ni eleittaha hama asayyo hun ettiyenio ni jyo paganohyen, jo oŋida isi omijani ettiyenita hoŋ ŋadi isi igigiloi jo agesem ni.
|
||
\v 3 Ati obeŋi isi ojori oŋida Tito ifwotu aŋoto, g dwadi ara inyi olo Grik.
|
||
\v 4 Ati ilunyani omuk illarak enyabak jihohoi imijyere ehanita hohoi jyo Yesu Kristo, jo kuyya ejifatyo hohoi efahita kuyya obeŋ. Nyo awahi isi inefuna hohoi te efahita.
|
||
\v 5 Ati ebeŋ hohoi eruk esusuyo hosi dwadi ara ta asaa abotye, jo oŋida isi obosye lonyirok hosi. Jo oŋida nelahode ono asayyo hun oyiji odulori wanan jihatai.
|
||
\v 6 Bwo fe abeŋ ni egigilo te elaballok hya hul ojori laati arai isi eleittaha, nyo obeŋ alufaji to hosyere Hollum. Ajo ni obeŋi eleittaha hya ofonihini omuk erre jyo ettiyenita hoŋ.
|
||
\v 7 Ati igonyuni isi jo isyori jihoŋ ittiyeniere asayyo hun oyiji jyo paganohyen, ihwa isyori jyo Petro ittiyeniere asayyo hun oyiji jyo laati Yudea.
|
||
\v 8 Nyo lya al igyama’to on oyyu itwa Petro irari alefahata jyo laati Yudea, igyama inyi bwo fe on oyyu itwa hoŋ ittiyeniere paganohyen.
|
||
\v 9 Bwo fe al igonyuni Yakobo iko Kefa bwo Yoane, hul arai eleittaha, jo isyo Hollum jihoŋ ittiyeniere, inefuni isi ahas hoŋ iko Barnaba irryahari ikosi. Ojori isi oŋida hohoi efwo jyo paganohyen bwo isi jyo laati Yudea.
|
||
\v 10 Ariŋ abotye an ifahini isi hohoi jo oŋida hohoi egilu alocaŋak bwo ara inyi ariŋ an awak ni ihanio.
|
||
\p
|
||
\v 11 Ati inya ottuniere Kefa Antioka etaŋalafyo ni inyi nyo orrohoji ehanita honyi.
|
||
\v 12 Nyo inya hobeŋi mottyarak Yakobo ofwonni, oŋiyo Kefa iko paganohyen ati inya afwonni isi oyito inyi ette busana aŋiyo iko paganohyen nyo ta abaŋ honyi aati Yudea.
|
||
\v 13 Bwo ihanie nya Yudea omuk ihwa ihanio Kefa, dwadi ara dwo bu Barn aba, ijifatyo inyi etamijani Kefa on orroho.
|
||
\v 14 Ati inya egonyu ni jo obeŋi isi adahai on obis ijifatyere nelahode ono asayyo hun oyiji, eramak ni jyo Kefa ihosyere hosi daŋ ojo, Kuyya imanya iye al ara olo Yudea ihwa amanyarik paganohyen bwo ibeŋ iye ijifatyo efahita huno Yudea, nyo iwak iye ’rosonia paganohyen ijifatyere isi?
|
||
\v 15 Hohoi hul era awati Yudea hul ebeŋ era aheyyak hulo pagahonyen,
|
||
\v 16 emijak hohoi jo obeŋi itimwarani obo atulo te egyamita huno efahita, ati ara ta neruk jyo Yesu Kristo. Ara dwadi bu hohoi, eruk hohoi jyo Yesu Kristo jo oŋida hohoi elibo ta neruk jyo Kristo obyaŋara te egyamita huno efahita, nyo obeŋ obo atulo olibo te egyamita huno efahita.
|
||
\v 17 Ati hohoi hul ettifya’to alibori to Kristo, kuyya era hohoi amyosok ifahita, ilak ’tadi ana ojo iyaŋuno Kristo eyyau? Obeŋ ’tuŋ.
|
||
\p
|
||
\v 18 Nyo kuyya enyyak ni itagol efahita hunya etarrohojo ni, ara ni aheyyani.
|
||
\v 19 Nyo te eram ono efahita aye ni jyo efahita, jo oŋida ani esu jyo Hollum.
|
||
\v 20 Isihoni nya ahwan hoŋ iko Kristo ati esu ni, ati obyaŋara ani al esu’to nyo Kristo amanya itwa hoŋ. Bwo nesu en eswori ni ihwania ta ahwan hoŋ, esu ni ta neyihina jyo Lonyi Hollum ol omuno’to ani bwo isyarak ahwan honyi toni.
|
||
\v 21 Abeŋ ni etapwak amehino ono Hollum, nyo kuyya ottu alibori te efahita, ara naye ono Kristo asai.
|
||
\c 3
|
||
\cl Angati 3
|
||
\p
|
||
\v 1 Aii, itai aati Galatia hul ibuyaŋati’to, ŋai itai inyob? Nyo iruhoto nya itai esihonia ono Yesu Kristo.
|
||
\v 2 Tania eram ana abotye an awak ni ifiyere itai, Ifwotuna nya itai Oloyiri te egyamita huno efahita kuyya ta neruk jyo asayyo hun oyiji?
|
||
\v 3 Ibuyaŋati tai ahode? Itteryete tai daha ta adwaran ono Oloyiri, ati idahati tai ihwania te ewahiti huno ahwattek?
|
||
\v 4 Idihuna nya itai ettigemita arryai asai? Kuyya obyaŋara asai.
|
||
\v 5 Al isyo Hollum jihatai Oloyiri bwo igyamatyo edwariti ihiji hatai, ihanio inyi nyo ifahati tai? Obeŋ ’tuŋ. Ihanio inyi ta neruk hatai jyo asayyo hun oyiji.
|
||
\p
|
||
\v 6 “Ta neruk ono Abramo jyo Hollum ihyanani jihonyi abisan.”
|
||
\v 7 Tania imijana tai jo hul owoni iko neruk arai isi lonyirok Abramo.
|
||
\v 8 Bwo fe ikiluni egyerita jo ihenu adi Hollum abisan jyo paganohyen ta neruk, tania iramak inyi Abramo eram ono asayyo hun oyiji ojo, “Ottu adi ayiji jyo paganohyen daŋ teye.”
|
||
\v 9 Tania ottu ayiji jyo hul iruhi’to arabotye iko Abramo leruhoni.
|
||
\v 10 Nya laati daŋ hul iyihini jyo egyamita huno efahita ifwotuni adi epito. Nyo igyoroni jo, “Laati daŋ hul obeŋi’to ogolihini bwo fe hul obeŋi ihanie efahita daŋ hun igyoroni ibuk ono efahita, ijara ipitani isi.”
|
||
\v 11 Ihwania emijak hohoi jo obeŋi adi ihenuni obo atulo ahaliboroni ihosyere Hollum te efahita, “Nyo amanya lya ol olibo’to ta neruk.”
|
||
\v 12 Obeŋi efahita arai ihwa neruk nyo ojori efahita jo, “Atulo al ihanio efahita isu adi lya tesi.”
|
||
\p
|
||
\v 13 Italahu Kristo hohoi te epito ono efahita nyo ifwotu inyi epito an ara’to tohohoi. Ihwa igyoroni nya jo, “Lya ol oyihani iyyani ijara inyi ipitani.”
|
||
\v 14 Tania ottu ayiji ono Abramo jyo paganohyen to Yesu Kristo jo oŋida hohoi efwotu Oloyiri ta neruk ihwa ninya ocoronierek.
|
||
\p
|
||
\v 15 Illarak hoŋ, etahutak ni jihatai arryamara ono amiji, kuyya igyoro obo atulo orutat honyi, al igyoro inyi afure honyi obeŋ obo atulo iloit kuyya bu afonihina dia omuk erre.
|
||
\v 16 Ihwania ocorok nya Hollum ecoriti hunia jyo Abramo iko awoyo honyi. Ati obeŋ inyi ojo jyo awoi arryai ihwa arai isi aati arryai, ati ojo inyi jyo awoyo abotye, inyi Kristo.
|
||
\v 17 Ajo ni, ofwonni efahita ihalu aŋasi esiha aŋwan iko atomwana hunihoi, ati obeŋi isi itarrohoji kuyya itapwahi ecoriti hunya ocorok Hollum beryen.
|
||
\v 18 Nyo kuyya ofwonni orutat te efahita obeŋi isi ofwonni te ecorit, ati isyo nya Hollum isi jyo Abramo te ecorit.
|
||
\p
|
||
\v 19 Anyo ’tadi awoyo hiram ono efahita? Isyori nya isi itahutaniere eyyata many ottuniere lya inya isyarani ecorit. Bwo fe isyori efahita jyo anjelohyen hul isyori jyo etimwarani.
|
||
\v 20 Kuyya owon etimwarani oŋida owoni laati arrihai hul iruhi nekyana, ati Hollum abotye ocorok ecoriti.
|
||
\p
|
||
\v 21 Tania itapwahi efahita ecoriti huno Hollum? Obeŋ ’tuŋ. Nyo ara dwo al owon obo efahi an isyarani jyo laati on oremik italahuna isi, eremik hohoi jaran jo ottu alibori te efahita.
|
||
\v 22 Ati ojori egyerita jo ifitani laati daŋ te eyyata, jo oŋida isyaranierek erre hun ocoroni jyo hul iruhi’to jyo Yesu Kristo.
|
||
\v 23 Hobeŋ neruk ottu, ifitani hohoi te efahita. Efita nya hohoi many italeyehinierek neruk.
|
||
\v 24 Tania arai nya efahita ahettiyanani hohoi many ninya ottuniere Kristo, jo oŋida hohoi italibori ta neruk.
|
||
\v 25 Ati ihwania ottu neruk bwo obeŋ ettiyanani inyyak itamanyo hohoi.
|
||
\p
|
||
\v 26 Nyo itwa Yesu Kristo irata tai daŋ lonyirok hulo Hollum ta neruk.
|
||
\v 27 Nyo itai daŋ hunya ifwotuna batisimo itwa Kristo, ifwanna tai rahan ihwa inyi.
|
||
\v 28 Nyo itwa Kristo obeŋ obo ara olo Yudea kuyya olo Grik, obeŋ obo ara apit bwo obo obeŋ ara apit, obeŋ obo ara alle bwo obo aŋotte, nyo itwa Yesu Kristo inosoni itai daŋ arabotye.
|
||
\v 29 Bwo kuyya irata tai ahulo Kristo irata tai aduri hulo Abramo, bwo aharutak honyi ihwa inya ocoronierek.
|
||
\c 4
|
||
\cl Angati 4
|
||
\p
|
||
\v 1 Awoyo hiram honyi ara ihwa ana, al ara arutani ahito orrijori inyi iko apit, dwadi ara inyi amonye hirre daŋ.
|
||
\v 2 Itamanyaye eleittaha iko abusuti inyi many ottubarik aŋasi honyi ihwa inya ikyana monyonyi.
|
||
\v 3 Era hohoi ihwo nya, inya hera hohoi aduri, era hohoi apiti jyo efahita huno afau.
|
||
\v 4 Ati al attubai oŋitek, ifak Hollum Lonyi honyi hesiuniehe jyo obo aŋotte bwo hesiuniehe Ayudetanani,
|
||
\v 5 jo oŋida inyi ohou hul ifitani te efahita, tania eremik hohoi fwanna rahan olonyirok.
|
||
\v 6 Ihwania nyo era hohoi lonyirok ifak Hollum Oloyiri olo Lonyi honyi itwa tajya hohoi al iloŋo, Monyoŋ.
|
||
\v 7 Tania ebeŋ hohoi era apiti ati era hohoi olonyirok, bwo fe nyo era hohoi olonyirok era hohoi aharutak ta amehino ono Hollum.
|
||
\p
|
||
\v 8 Ninya hetimoti tai Hollum, irata tai apiti hulo ajohin hun obeŋi arai Hollum.
|
||
\v 9 Ati ihwania, imijana tai Hollum bwo fe omijak inyi itai, tania aŋai icahati tai jyo efahita hun ofyahaji’to bwo fe hun aŋariji, irari apiti hosi inyyak?
|
||
\v 10 Itadwarati tai oŋitek iko ayafajin iko aŋasi.
|
||
\v 11 Abaŋ ni tetai ŋadi egyama ninya egyamari ni bebe ihiji hatai ara asai.
|
||
\v 12 Illarak hoŋ, elolya ni jihatai, irata ihwa ani nyo lara ni ihwa itai. Ibyaŋata nya itai ihaniete on orroho jihoŋ.
|
||
\p
|
||
\v 13 Imijana tai jo ara nya te eram ono aŋwai hoŋ an aremehiniere ni ittiyeniere asayyo hun oyiji jihatai te etteri.
|
||
\v 14 Bwo dwadi orroho aŋwai hoŋ ihomomite hatai ibyaŋata tai ani iliwati kuyya bu imyanati, ati ifwotuna tai ani ihwa anjelo olo Hollum, ihwa Yesu Kristo luŋa.
|
||
\v 15 Tani namuno inya owon’to jihatai? Nyo amijak nya ni kuyya iremehina tai ihanio, igolotuna adi itai oŋite hatai isyoryere jihoŋ.
|
||
\v 16 Ihwania attu ni ratan amyotononi hatai nyo ekyana ni jihatai nelahode?
|
||
\v 17 Itahuye ettiyanak enyabak hulya itai ati obeŋ ara te eram on oyyu. Awahi isi iloicere atajya hatai iruhori jihosi bwo ibusaniere hohoi.
|
||
\v 18 Ara inyi ariŋ on oyyu’to itahabuyere atulo te eram on oyyu’to bwo ta ataji on obeŋ inyobyo, obyaŋara al awon ni ikatai hama.
|
||
\v 19 Aduri hoŋ, enyyak ni iburaŋatyo tetai ta adyaha, jo oŋida Kristo isu itajya hatai.
|
||
\v 20 Tania awak ni bebe wanan ikatai ihwania iloicere ekyana hoŋ nyo elafuho ni tetai.
|
||
\p
|
||
\v 21 Iramana ani, itai hul iwahata’to ijifatyo efahita, ibyaŋata tai imijana efahita?
|
||
\v 22 Nyo igyoroni jo owon nya Abramo iko lonyirok arrihai; ara olobotye lonyi ŋotte apit, bwo olobotye lonyi ŋotte on ohohini.
|
||
\v 23 Isiuni nya lonyi ŋotte apit ta awahan ono ahwan, ati isiuni nya lonyi ŋotte on ohohini te ecorit.
|
||
\v 24 Ara ana arryamara. Arai aŋorwo huna ihwa ecoriti arrihai. Ara ecorit ebotye efahita hunya isyarani idoŋe. Ara ecorit ania ihwa aŋotte an anya Agara bwo aduri honyi daŋ arai apiti.
|
||
\v 25 Ara Agara ihwa adoŋe Sinai ifau Arabia bwo orrijori inyi iko Yerusalem nyo ara inyi apit iko aduri honyi daŋ.
|
||
\v 26 Ati Yerusalem on owon’to ihide ara inyi ihwa aŋotte on ohohini, bwo inyi honye hohoi.
|
||
\v 27 Nyo igyoroni jo, “Omunoi, iye an ibeŋ’to nya iyedu. Idoloi bwo ililyai, iye an ibeŋ’to nya iburaŋatyo ta nesyo, Nyo ottu adi aŋotte an iholofi’to wanan iko aduri arryai Agalik inyi on owon’to iko alle.”
|
||
\p
|
||
\v 28 Ihwania illarak hoŋ, irata tai aduri hulo ecorit ihwa Isako.
|
||
\v 29 Lya al isiuni ta awahan ono ahwan ittigemyo adi lya al isiuni ta awahan ono Oloyiri. Ihanie isi ahana orrijo ihwa ninya beryen.
|
||
\v 30 Ati ojori egyerita anyo? Ojori isi, “Ifuhak aŋotte apit iko lonyi honyi addi, nyo obeŋ adi lonyi ŋotte apit orutak erre arabotye iko lonyi ŋotte on ohohini.”
|
||
\v 31 Tania illarak hoŋ, ebeŋ hohoi era aduri ŋotte an ara’to apit ati era hohoi aduri ŋotte on ohohini.
|
||
\c 5
|
||
\cl Angati 5
|
||
\p
|
||
\v 1 Tania nyo ehohi hohoi Kristo owotyati on ogol bwo henyyahata iruk efita apiti.
|
||
\v 2 Imijyete, ani Paulo al ajo jihatai jo, kuyya ifwotuna tai aŋoto ara eram ono Kristo jihatai asai.
|
||
\v 3 Nyo ajo ni jyo laati daŋ hul ifwotuni aŋoto, oŋida isi ifahai efahita daŋ.
|
||
\v 4 Itai hul ittifyati alibori te efahita, ara eram ono Kristo jihatai asai, bwo ikwahati tai addi to mehino.
|
||
\v 5 Nyo ara ta adwaran ono Oloyiri bwo fe ta neruk an etila hohoi bwo fe eyihi hohoi jo elibo adi hohoi to homom Hollum.
|
||
\v 6 Nyo obeŋ aŋoto kuyya abyaŋan ŋoto owon iko adwaran jyo hul owoni’to itwa Yesu Kristo, ati owon adwaran jyo neruk an igyama’to ta namuno.
|
||
\p
|
||
\v 7 Idahati nya itai on oyyu. Ngai itik itai ifahari nelahode?
|
||
\v 8 Obeŋ epali ana ottu jyo Hollum nyo inyi iloŋu itai.
|
||
\v 9 Itayafui abula hun omutari’to emune daŋ.
|
||
\v 10 Ati eyihi ni jyo Hobu jo ibyaŋata adi itai ifahati obo ettiyenio arari onoŋ. Bwo fe ottu adi aŋoco jyo lya al ittigemyo’to itai. Ngai ati inyi?
|
||
\v 11 Ati illarak hoŋ, kuyya arasa ni ittiyenio aŋoto, nyo ittigemye isi ani? Kuyya ettiyenio ni aŋoto ahode abeŋ ni ettiyenio eram ono akruce.
|
||
\v 12 Awak ni jo oŋida hya hul ittigemye’to itai oŋoce ahwattek hosi luŋa on orroho.
|
||
\p
|
||
\v 13 Tania illarak hoŋ iloŋuni nya itai ihohiniere, ati hejatta jo ta ahohina hohoi eremik hohoi ehanio ewahiti huno ahwattek hohoi, ati igyamati jyo laati omuk ta namuno.
|
||
\v 14 Nyo ottubani efahita daŋ jyo efahi abotye ana on ojo, “Omunoti hutto lonyihari hatai ihwa ahwattek hatai.”
|
||
\v 15 Ati kuyya iŋalafati tai ihwa aŋohe hun ohonye’to ahwattek hosi, ihumata ŋadi ifuhara illarak hatai.
|
||
\p
|
||
\v 16 Ajo ni, adahati ta adwaran ono Oloyiri bwo fe hehaniete ewahiti huno ahwattek hatai.
|
||
\v 17 Nyo orryemonie ewahiti huno ahwan iko Oloyiri, bwo orryemonie ewahiti huno Oloyiri iko huno ahwan, tania ta arrem hosi ittallihoto tai ihanio ihwa iwahata tai.
|
||
\v 18 Ati kuyya itadihoro Oloyiri itai, ibyaŋata adi itai irata apiti hulo efahita.
|
||
\p
|
||
\v 19 Ihwania oleye egyamita huno ahwan ihwa huna: asomon, eboti, arrohoji,
|
||
\v 20 etahabuyo arrijorihyen, abaŋi johin, aliwari, arrem, ahaini, ajore, attifya ewahiti hwan, aŋalafa, abwanya,
|
||
\v 21 adaya, aruma, adaha on orroho, iko erre ihwa huna. Ajo ni jihatai ihwa ajo nya ni beryen jo, laati hul odulori ihanio erre huna obeŋi adi orutani olobye ono Hollum.
|
||
\v 22 Ati arai aŋer huno Oloyiri ihwa huna: amuno Hollum iko laati, amuno taji, nelik taji, adihan ittigemyo, amehino, ayiji, neruk,
|
||
\v 23 anyalami, errirrya hwan. Agalihini erre huna efahita.
|
||
\v 24 Hul arai ahulo Yesu Kristo isihoni isi ahwattek hosi iko ewahiti hosi daŋ.
|
||
\p
|
||
\v 25 Kuyya emanya hohoi ta adwaran ono Oloyiri oŋida hohoi bwo fe edaha to Oloyiri.
|
||
\v 26 Helaha hohoi etadara kuyya ehain jyo obo atulo kuyya bu ettadduhyo obo atulo.
|
||
\c 6
|
||
\cl Angati 6
|
||
\p
|
||
\v 1 Illarak hoŋ, kuyya iyyau obo atulo, itai hul idahati to Oloyiri itabisana inyi ta anyalami. Irrirryati atajya hatai ŋadi bwo fe esusuyo ottu jihatai.
|
||
\v 2 Olwahyete illarak hatai al owon ettigemyo jihosi bwo itafutana tai efahi ono Kristo.
|
||
\v 3 Nyo kuyya igigilo obo atulo jo abolo inyi bwo ara inyi atulo asai, inyobyo inyi ahwan honyi.
|
||
\v 4 Ati ijara laati daŋ okemye egyamita hosi bwo oremehini isi itadara ta ahwattek hosi hama bwo obeŋi igigiloi te egyamita huno obo atulo.
|
||
\v 5 Nyo oŋida laati daŋ ababo iwwahatye erre hosi hun odiŋi.
|
||
\p
|
||
\v 6 Ijara lya al ifwotu’to ettiyenita huno ekyana Hollum olwak ettiyanani honyi te erre daŋ hun oyiji.
|
||
\v 7 Henyobyete ahwattek hatai. Obeŋ tulo inyobyo Hollum, nyo erre daŋ hun oyehi atulo ottu adi inyi deŋuna.
|
||
\v 8 Lya ol oyehi’to te ewahiti huno ahwan honyi ottu adi deŋuna arrohoji ono ahwan honyi. Bwo lya ol oyehi’to to Oloyiri ottu adi deŋuna nesu on osyo’to fur to Oloyiri.
|
||
\v 9 Helaha hohoi eyuho ihaniere erre hun oyiji, nyo efwonni adi hohoi deŋuna kuyya ebeŋ hohoi eyuhorok.
|
||
\v 10 Tania oŋida hohoi ehanio erre hun oyiji jyo laati daŋ al ewon hohoi iko asiruna miji, bwo fe agalik daŋ oŋida hohoi ehanio on oyyu jyo hul arai aheruhok.
|
||
\p
|
||
\v 11 Imijyete, egyorok ni jihatai egyerita hun obolori ta naani hoŋ luŋa.
|
||
\v 12 Laati hul ojori oŋida itai ifwotuna aŋoto ihanie isi itadarari ta ahwattek hosi bwo fe igigiloi isi obeŋi adi isi onyurani ettigemyo ta akruce ono Kristo.
|
||
\v 13 Nyo dwadi hya hul ifwotuni aŋoto obeŋi ifahai efahita, awahi isi itai ifwotuna aŋoto jo oŋida isi itadarai te efaha hatai isi.
|
||
\v 14 Ati helaha ani etadara arari ta aye ikruce ono Hobu hohoi Yesu Kristo, nyo tenyi isihoni erre daŋ hutta fau jihoŋ bwo fe isihoni ani jyo erre hutta fau.
|
||
\v 15 Nyo obeŋ aŋoto ara eram on obolo kuyya bu abyaŋan ŋoto ati ara ataji aŋejuk eram on obolo.
|
||
\v 16 Ijara nelik taji iko amehino hatawana jyo laati daŋ hul ifahai’to efahi ana bwo fe jyo hul arai Israele hulo Hollum.
|
||
\p
|
||
\v 17 Helaha obo atulo ettigemyo ani nyo owoni aforo ihwan hoŋ te ettiyenio hoŋ eram ono Yesu.
|
||
\p
|
||
\v 18 Illarak hoŋ, ijara amehino ono Hobu hohoi Yesu Kristo hatawana jyo oloyirihyen hatai. Isi hunia.
|