lot_reg/47-1CO.usfm

\id 1CO
\ide UTF-8
\h 1 Korinto
\toc1 1 Korinto
\toc2 1 Korinto
\toc3 1co
\mt 1 Korinto
\c 1
\cl Angati 1
\p
\v 1 Ani Paulo inya iloŋuni ta awahan ono Hollum irari alefahata olo Yesu Kristo, iko Sosetena illa hohoi.
\v 2 Egyoro hohoi jyo eklesyav ono Hollum otto miji Korinto; jyo laati hul ittaŋani jyo Yesu Kristo bwo fe iloŋo inyi isi irari awati honyi, iko laati daŋ imasik daŋ hul iloŋoi ta afure ono Yesu Kristo Hobu hohoi iko Hobu hosi.
\p
\v 3 Ijara amehino hatawana jihatai iko nelik taji on ottu’to jyo Hollum Monye hohoi iko jyo Hobu Yesu Kristo.
\p
\v 4 Ajo ni humo jyo Hollum hoŋ oŋitek daŋ tetai ta amehino ono Hollum an isyori jihatai to Yesu Kristo,
\v 5 nyo ofonik inyi jihatai ofyoro daŋ iko ekyanita ikyanari on oyyu.
\v 6 Tania imijana tai ta atajya hatai jo ara eram ono Kristo ahode.
\v 7 Bwo fe ibyaŋata tai ipwahitati omuk esyorita huno Hollum al itilati tai te etaleyehina ono Hobu hohoi Yesu Kristo.
\v 8 Bwo fe itagolyo inyi itai many isidi, jo oŋida obeŋi onyurani epali jihatai iholoŋ ono Hobu hohoi Yesu Kristo.
\v 9 Obeŋ Hollum itapwak ecoriti honyi jihatai bwo fe iloŋo nya inyi itai irryahiniere iko Lonyi honyi Yesu Kristo Hobu hohoi.
\p
\v 10 Elolya ni jihatai illarak hoŋ ta afure ono Hobu hohoi Yesu Kristo, jo oŋida itai ikyanati ta ataji abotye bwo fe oŋida obeŋ abwanya ihiji hatai. Oyyu kuyya inosoniete tai arabotye iko ataji abotye bwo fe te egigilo abotye.
\v 11 Nyo illarak hoŋ, iramani hutta haŋ ba Kloi jihoŋ jo owon aŋalafa ihiji hatai.
\v 12 Bwo ara ana eram an ekyana ni nyo ijatta tai daŋ ababo ojo, Ani ejifani olo Paulo, bwo obo ojo, Ani ejifani olo Apolo kuyya bu olo Kefa, w bwo obo ojo, Ani ejifani olo Kristo.
\v 13 Owon abwanya jyo Kristo aŋaco? Isihoni nya Paulo tetai? Ibatisye itai ta afure Paulo? Obeŋ.
\v 14 Ajo ni humo jyo Hollum nyo abeŋ ni ebatisyo omuk hulatai arari Krispo iko Gaio,
\v 15 ŋadi obo ojo efwotu inyi batisimo ta afure hoŋ.
\v 16 Bwo fe ebatisyo nya ni hutta haŋ ba Setefano ati egigilo ni abeŋ nya ni esyo batisimo jyo obo.
\v 17 Obeŋ nya Kristo ani ifak ibatisyere ati ifak inyi ani ittittoyere asayyo hun oyiji, obyaŋara te ekyanita huno ofyoro ati ara ta adwaran ono naye Kristo ikruce.
\p
\v 18 Nyo arai asayyo huno naye Kristo ikruce etabuyaŋyo jyo laati hul ofwoi ihima, ati jihohoi hul italahuni ara inyi adwaran ono Hollum.
\v 19 Ihwa igyoroni ojo, Etapwak ni olofyoro huno alofyorok Bwo fe etabeŋ ni amijana ono amijanak hirre.”
\p
\v 20 Tali alofyorojoni? Tali legyoroni? Tali attifyani olo ofyoro huno nelahaji ana? Itisita Hollum ofyoro huno aati hutta fau ana.
\v 21 Ihwa ocorok Hollum beryen, ittallihi aati hutta fau mijana Hollum to ofyoro hosi. Tania omuno Hollum italahuniere hul iruhi’to te ettiyenio on ojori laati ibuyaŋa.
\v 22 Nyo ottifyai aati Yudea etamijanita bwo aati Grik ottifyai ofyoro
\v 23 ati ettittoyo hohoi eram Kristo inya isihoni, al ara ihwa amorwo an ikosotyarik Yudea, bwo ara neram honyi ihwa erre sita jyo Grik.
\v 24 Ati jyo hul iloŋuni, kuyya Yudea kuyya Grik, ara Kristo adwaran ono Hollum iko ofyoro honyi.
\v 25 Nyo dwadi igigiloi aati jo isita Hollum, agalik inyi ofyoro wati. Bwo fe dwadi igigiloi aati jo ilik Hollum, agalik inyi agolon wati.
\p
\v 26 Illarak hoŋ igigiloti te eloŋuna hatai, nyo obeŋ Hollum iloŋo laati arryai hul ilofyoroji’to te erre hutta fau ana. Obeŋ inyi iloŋo laati arryai hul arai ahobwok. Obeŋ inyi iloŋo laati arryai hul arai eleittaha.
\v 27 Ati onyimu nya Hollum aati hul isitaji’to te erre huno afau ana itiloririjyere hul ilofyoroji’to. Onyimu Hollum bwo fe hul ilihi’to jyo afau ana itiloririjyere hul ogoli’to.
\v 28 Onyimu Hollum aati hul arai’to asai jyo afau ana bwo fe hul omyanai laati. Onyimu inyi bwo fe hul ofyahaji’to itatturyere hul ogoli’to.
\v 29 Tania ittallik obo atulo itadara ihosyere Hollum.
\v 30 Ati tenyi iwanata tai itwa Yesu Kristo, nyo ihanak Hollum inyi irari ofyoro hohoi iko abisan hohoi iko alibori hohoi ojo etalahuna hohoi,
\v 31 ihwa igyoroni igyerita, “Alya al itadara’to ijara inyi itadara to Hobu.”
\c 2
\cl Angati 2
\p
\v 1 Bwo ani illarak hoŋ, ninya attuniere ni jihatai abeŋ ni attu ikyanari asayyo huno Hollum te ekyanita huno olofyoro.
\v 2 Nyo abeŋ ni awak ikyanari omuk erre ihiji hatai arari eram ono Yesu Kristo linya isihoni.
\v 3 Awon nya ni ikatai ta nelihi, iko ta abaŋi, bwo ekikiro on obolo.
\v 4 Bwo fe obeŋi nya ekyanita hoŋ iko ettiyenita hoŋ arai ahuno olofyoro wati, ati itahutani isi Oloyiri iko adwaran,
\v 5 jo oŋida obeŋ neruk hatai owotya to olofyoro wati, ati ta adwaran ono Hollum.
\p
\v 6 Ati ekyana hohoi ekyanita huno olofyoro ihiji wati hul obolo neruk hosi, ati obeŋi bu isi arai olofyoro huno afau ana kuyya bu huno eleittaha hulo afau ana nyo oyei adi isi.
\v 7 Ati ekyana hohoi ofyoro huno Hollum hunya idimani. Isi hunia, jo many t’etteri fau awak Hollum italahuniere hohoi.
\v 8 Obeŋi nya eleittaha hulo afau ana omijani eram ana, kuyya omijani nya isi, obeŋi nya bu isi isihoni Hobu olo akwatan.
\v 9 Ati ihwa igyoroni, “Obeŋ obo onyek igonyu bwo obeŋ obo eyyok itaniŋu, Bwo obeŋ obo ataji igigilo Erre hun ihuhumak Hollum to hya hul omunoi’to inyi.”
\p
\v 10 Ati italeyeu Hollum isi jihohoi to Oloyiri honyi, nyo ottifya Oloyiri erre daŋ dwadi erre hun ogoli’to huno Hollum.
\v 11 Nyo ŋai tehiji wati ol omijak’to egigilita tulo arari oloyiri tulo on owon itwa honyi? Ihwo nya obeŋ tulo omijak egigilita huno Hollum arari Oloyiri olo Hollum.
\v 12 Ebeŋ bwo fe hohoi efwotu oloyiri ono afau ati efwotu hohoi Oloyiri ol ottu’to jyo Hollum jo oŋida hohoi emijak esyorita arryai hun isyo Hollum jihohoi.
\v 13 Ekyana hohoi erre huna te ekyanita hun itahutak hohoi Oloyiri obyaŋarai isi ekyanita huno ofyoro wati, jo oŋida laati hul owoni iko Oloyiri omijani erre huno Oloyiri.
\v 14 Ati atulo ol obeŋ’to owon iko Oloyiri obeŋ bu inyi ifwotu erre huno Oloyiri olo Hollum, nyo arai isi erre hun ofyahaji’to jihonyi. Obeŋ bwo fe inyi oremik mijana isi arari Oloyiri itahutak isi jihonyi.
\v 15 Ati alya ol owon’to iko Oloyiri oremik mijana erre huna daŋ ati obeŋ tulo omijak erre hutto taji honyi.
\v 16 Nyo ihwa igyoroni, “Ŋai ol omijak’to egigilita huno Hobu? Ŋai al ittiyenio inyi obo ariŋ?” Ati ewon hohoi iko egigilita huno Kristo.
\c 3
\cl Angati 3
\p
\v 1 Ati illarak hoŋ, abeŋ ni aremik ikyana jihatai ihwa laati hul owoni iko Oloyiri, ati oŋida ekyana ni jihatai ihwa laati hul owoni iko egigilita huno afau. Irata dwadi itai ihwa olodolyo jyo Kristo.
\v 2 Etamaco ni itai ta ale, abeŋ ni esyo jihatai eriŋo nyo ittallihoto tai ifwotuna inyi many iko ihwania.
\v 3 Nyo herasati tai iko egigilita huno afau. Kuyya al awon ahaini iko aŋalafa ihiji hatai, ibyaŋata tai iwanata so iko egigilita huno afau? Ibyaŋata tai idahati ihwa laati?
\v 4 Nyo al ojo obo jo, Ani olo Paulo, bwo obo ojo, Ani olo Apolo, ibyaŋata so itai irata ihwa laati hutta fau?
\v 5 Ŋai ati Apolo? Bwo ŋai Paulo? Era hohoi legyamak bwo egyama hohoi ababo ihwa isyo Hobu jihohoi bwo te ettiyenita hohoi iruhoto tai.
\v 6 Edulak nya ni bwo ijuhok Apolo aari, ati ara Hollum al itabolororo’to isi.
\v 7 Tania obeŋ etahabuyo owon jyo lya al idulak’to, kuyya bu jyo lya al ijuhok’to aari, ati owon jyo Hollum al itabolororo’to isi.
\v 8 Ihwania edulani iko ejuhoni hari igyamai arabotye, bwo ifwotuni adi isi daŋ ababo edumit hosi on osiru te egyama hosi.
\v 9 Nyo era hohoi ahegyamak arabotye iko Hollum bwo irata tai ihwa amana Hollum. Irata tai bwo fe ihwa aji ono Hollum.
\p
\v 10 Ihwa isyo Hollum amehino jihoŋ, aduhok nya ni etteri lohitir to ofyoro ati oduhok obo atulo ihide honyi. Ijara laati daŋ ihumi mijo aŋai oduhoi isi.
\v 11 Nyo obeŋ obo atulo oremik duhonia obo etteri lohitir arari ninya oduhoni. Ara Yesu Kristo ihwa etteri lohitir ania.
\v 12 Oremik atulo duhonia ihide etteri lohitir ta ayyel, kuyya abilat, kuyya onoroi hun opipyahi’to, kuyya abau, kuyya ejuti, kuyya abahala.
\v 13 Oleye adi egyamita wati ababo iholoŋ ono aŋoco. Oleye adi isi te eema nyo okemyo adi eema egyamita wati ababo imijyere arai isi ihwa anyo.
\v 14 Kuyya arasa egyama ono obo atulo an igyama inyi ihide etteri lohitir, ifwotu adi inyi edumit.
\v 15 Ati kuyya oswaharo egyama ono obo atulo, olitohi adi edumit honyi. Italahuni adi atulo alya ati ara ihwa ottu inyi to hima.
\p
\v 16 Ibyaŋata tai imijana jo irata tai aji ono Hollum bwo amanya Oloyiri olo Hollum itwajin hatai?
\v 17 Kuyya itarroho obo atulo aji ono Hollum itattur adi Hollum inyi. Nyo olibo aji ono Hollum bwo irata tai aji ania.
\p
\v 18 Helaha obo atulo inyobyo ahwan honyi. Kuyya igigilo obo ihiji hatai jo elofyoro inyi te erre huno afau ana, ijara inyi hetera do olosita bwo ihalu ottu rahan atulo ofyoro.
\v 19 Ibuyaŋai ofyoro huno afau ana to hoŋite Hollum. Nyo igyoroni ojo, “Inef inyi alofyorojok to ofyoro hosi.”
\v 20 Igyoroni bwo fe jo, “Omijak Hobu egigilita huno alofyorojok jo arai isi asai.”
\p
\v 21 Tania helaha obo atulo itadara ta laati, nyo isyo Hollum erre daŋ jihatai.
\v 22 Isyo inyi Paulo iko Apolo bwo Kefa ittiyeniere itai. Isyo inyi afau daŋ iko nesu bwo naye iko erre huno ihwania, kuyya bu hun ofwonni adi, arai isi daŋ ahunatai.
\v 23 Bwo irata tai ahulo Kristo bwo ara Kristo olo Hollum.
\c 4
\cl Angati 4
\p
\v 1 Ijara laati igigiloi tohohoi jo era hohoi legyamak hulo Kristo bwo ahettiyanak hirre hunya idimani huno Hollum.
\v 2 Oŋida bwo fe ettiyanani ihanio egyama honyi daŋ on oyyu.
\v 3 Ati obeŋ obo eram jihoŋ kuyya iŋocete tai ani kuyya okikoi oŋoti ani. Abeŋ bu ni aŋotoro ahwan hoŋ hama.
\v 4 Nyo dwadi abeŋ ni amijak obo arrohoji jihoŋ, ettallik ni jaran jo alibo ni, nyo Hobu inyi aŋotoni hiram hoŋ.
\v 5 Tania heŋocete obo hobeŋ Hobu ocohuno. Nyo ottu adi inyi nwohyo erre hun idimani ihwania idumele, bwo italeyehi adi inyi ewahiti huno atajya wati, tania ifwotuni adi laati daŋ amuno ono Hollum ihwa osiru jihosi.
\p
\v 6 Ihwania illarak hoŋ, ani iko Apolo era hohoi ahetamijanak jihatai te erre huna. Ihumata igigilo te erre hun igyoroni jo oŋida ibyaŋata itahuyete obo ettiyanani agalik obo.
\v 7 Aŋai igalihina tai illarak hatai? Anyo riŋ on obeŋ Hollum isyo jihatai? Kuyya ifwotuna tai erre daŋ, aŋai itadarati tai ihwa obeŋi isi arai esyorita?
\v 8 Ihwania igigiloti tai jo ifwotuna tai erre daŋ hun iwahata tai. Igigiloti tai jo irata tai ahabarak bwo fe ahobwok bwo ihara tai hohoi. Kuyya irata dwo itai ahobwok ahode amuno adi ni bwo fe eleittok dwo hohoi ikatai.
\v 9 Egigilo ni ihanak Hollum hohoi hul era efahat awati hul emuta ihwa laati hul oŋoti aye ihosyere wati. Iŋiŋyalai aati daŋ hutta fau iko anjelohyen hohoi.
\v 10 Ojori aati era hohoi abuyaŋak ta afure Kristo ati irata tai alofyorojok to Kristo. Elik hohoi ati igoloto tai. Itahabuye laati itai ati omyanai isi hohoi.
\v 11 Many iko ihwania eniama hohoi bwo fe ebwoto. Ebeŋ hohoi ewon iko aboŋojin, abahye isi hohoi bwo fe obeŋ amaji jihohoi imanyari.
\v 12 Egyama hohoi egyama ta ahas hohoi. Al omorye isi hohoi, emojo hohoi Hollum ihaniere on oyyu jihosi. Al ittigemye isi hohoi, edihu hohoi.
\v 13 Al itisyahai isi hohoi, etarraŋ hohoi ta anyalami. Era hohoi ihwa eboti ono afau bwo fe eboti on oryeye laati many iko ihwania.
\p
\v 14 Abeŋ ni egyoro erre huna itiloririjyere itai, ati esiŋyo ni itai ihwa aduri hoŋ hul amuno ni.
\v 15 Nyo dwadi iwanata tai iko ettiyanak alif ’tomon hulo Kristo, ara ni abotye monyatai. Nyo to Yesu Kristo attu ni rahan amonye hatai ta asayyo hun oyiji’to.
\v 16 Elolya ni jihatai, jo oŋida irata ahejifak hoŋ.
\v 17 Te eram ana efak ni jihatai Timoteo al ara’to lonyi hoŋ to Hobu, ol obi hwan, al amuno ni. Ottu adi inyi itagiluniere itai ehanita hoŋ to Kristo, ihwa ettiyenio ni imasik daŋ bwo iklesyahyen daŋ.
\p
\v 18 Itadarai omuk hulatai hul ojori jo abeŋ ni attu.
\v 19 Ati kuyya ara awahan ono Hobu attu adi ni kokwak. Attu adi ni mijana kuyya owon adwaran jyo etadarak hulya, kuyya bu arai ekyanita hosi asai.
\v 20 Nyo obeŋ olobye ono Hollum owotya te ekyanita ati owotya inyi ta adwaran.
\v 21 Anyo an inyimuna tai? Attu adi ni jihatai iko alyoto kuyya bu ta namuno iko ta anyalami taji?
\c 5
\cl Angati 5
\p
\v 1 Ahode ojori owoni erre somon ihiji hatai bwo ara asomon on orroho bebe on obeŋ onyurani ihiji paganohyen, nyo amanya obo atulo iko ŋorwoi monyonyi.
\v 2 Bwo itadarati tai. Ati ibyaŋata tai itarihati many iyarik lya al ihanio’to ariŋ ana t’ehiji hatai addi.
\v 3 Nyo dwadi abeŋ ni ikatai ta ahwan hoŋ awon ni ikatai to oloyiri hoŋ, bwo fe ta afure ono Hobu Yesu aŋot ni eram ono atulo alya ihwania ihwa awon ni ikatai.
\v 4 Al ittubati tai arabotye bwo owon oloyiri hoŋ ikatai iko adwaran ono Hobu Yesu,
\v 5 oŋida isyatta atulo alya ihas Sitan hetetatturo ewahiti hwan honyi, jo oŋida oloyiri honyi italahuni iholoŋ ono Hobu Yesu.
\p
\v 6 Obeŋ etadara hatai oyyu. Ibyaŋata tai imijana jo abula hun omutari’to itayafuni emune daŋ?
\v 7 Iyara abula amarwahi addi jo oŋida irata tai emune aŋejuk on obeŋi bula ahode. Nyo oŋoti nya Kristo tohohoi, inyi aker olo ehuma hohoi.
\v 8 Tania ijara hohoi daŋ eŋiyo akarama ta namuno, obyaŋara ta abula hun imarwahi hun arai ihwa aliwari iko arrohoji ati te emune on obeŋi bula an ara ihwa ayiji iko nelahode.
\p
\v 9 Egyoro ni jihatai ta awaraga hoŋ jo hebalati iko aati eruhok hul ihanie erre somon.
\v 10 Ati abeŋ ni ekyana jo, hebalati iko paganohyen hul ihanie erre somon iko hul iŋaruji’to, iko hul ohorotye’to, bwo hul itahabuye arrijorihyen; nyo kuyya ibyaŋata tai itoŋoti iko laati ihwo hulo obeŋ obo amaji jihatai ifau.
\v 11 Ati egyoro ni jihatai ihwania jo kuyya owon obo ol ojo ara inyi aheruhoni bwo ihanio inyi erre somon, kuyya iŋaru inyi, kuyya itahabuyo inyi arrijorihyen, kuyya omoryo inyi laati, kuyya oruma inyi, kuyya ohorotyo inyi, oŋida ibyaŋata tai ibalati ikonyi bwo fe heŋiyete ikonyi.
\v 12 Ara inyi eram hoŋ iŋocere laati ilet? Obeŋ. Ara eram hatai iŋocere laati huttotwa klesya.
\v 13 Bwo oŋot adi Hollum laati hutto let. Tania ifuhara atulo ol orroho’to t’eluluŋ hatai addi.
\c 6
\cl Angati 6
\p
\v 1 Kuyya owon obo atulo iko obo eram jyo illanyi, aŋai, obeŋ inyi abaŋ ilari ilokiko ihosyere wati hul orrohoji, obyaŋara jyo laati Hollum?
\v 2 Ibyaŋata tai imijana jo arai laati Hollum ahaŋotok fau? Bwo kuyya iŋocete adi itai afau, ittallihoto tai ŋoco erre hun omutari’to?
\v 3 Ibyaŋata tai imijana jo era hohoi ahaŋotok hulo anjelohyen? Tania ebeŋ so hohoi eremik ŋoco erre huno nesu ana?
\v 4 Tania kuyya owoni erre ihiji hatai, nyo ifwatta tai jyo laati hutto let iŋocere?
\v 5 Ekyana ni ihwania itiloririjyere itai. Obeŋ obo al ilofyoro tehiji hatai ol oremik’to ŋot erre tehiji hatai?
\v 6 Ati itiwwahyo illa illanyi, bwo ara ana ihosyere wati hul obeŋi’to iruhi.
\p
\v 7 Ati orroho bebe al iwanata tai iko olokikohyen ihiji hatai. Nyo ibyaŋata tai idihuna arrohoji? Nyo ibyaŋata tai idihuna enyobyo?
\v 8 Ati itai ta ahwattek hatai ihaniete tai on orroho jyo illarak hatai bwo inyobyete tai isi.
\p
\v 9 Ibyaŋata tai imijana, jo obeŋi adi laati hul orrohoji’to orutani olobye ono Hollum? Ati henyobyete atajya hatai. Obeŋi adi laati hul ihanie erre somon, kuyya hul itahabuye arrijorihyen, kuyya arotok, kuyya afarak,
\v 10 kuyya ahahalak, kuyya hul adayai’to erre daŋ, kuyya arumak, kuyya hul omorye laati, kuyya ahorok, obeŋi adi isi orutani olobye ono Hollum.
\v 11 Bwo omuk hulatai ihanie nya erre huna. Ati illilla nya Hollum itai, bwo ittaŋu inyi itai bwo ihenio inyi itai ahabisak ta afure ono Hobu Yesu Kristo bwo fe to Oloyiri olo Hollum hohoi.
\p
\v 12 Aremik ni ihanio erre daŋ ati obeŋi isi daŋ olwahye ani. Aremik ni ihanio erre daŋ ati abeŋ ni awak rahan apit hosi.
\v 13 Ara aŋiyo to ohe bwo ohe ta aŋiyo ati itabeŋ adi Hollum isi daŋ arrihai. Obeŋ ahwan ara te erre somon ati ara inyi ono Hobu, bwo Hobu tenyi.
\v 14 Itubuhu nya Hollum Hobu bwo fe itubuhu adi inyi hohoi ta adwaran honyi.
\p
\v 15 Ibyaŋata tai imijana jo arai ahwattek hatai aŋaco huno Kristo? Eduhu ati ni aŋaco huno Kristo ette inosonia isi iko huno asomok Obeŋ ’tuŋ.
\v 16 Ibyaŋata tai imijana jo lya al inosoi’to iko asomoni arai isi ahwan abotye? Ojo Hollum, “Ofwonni adi isi arrihai rahan ihwa ahwan abotye.”
\v 17 Ati lya al inosoi’to iko Hobu arai isi ihwa oloyiri abotye.
\p
\v 18 Ofuhoti jyo erre somon addi. Ati eyyata hun omuk daŋ hun ihanio atulo obeŋi isi arai ahuno ahwan, ati lya al ihanio erre somon iyyau inyi jyo ahwan honyi luŋa.
\v 19 Ibyaŋata tai imijana jo arai ahwattek hatai asik hun olibori huno Oloyiri ol Olibo ol owon itwajin hatai al isyo Hollum jihatai? Obeŋi ahwattek hatai arai ahunatai,
\v 20 nyo inyyaŋuni nya itai te edumit. Tania itahabuyete Hollum ta ahwattek hatai.
\c 7
\cl Angati 7
\p
\v 1 Ihwania ekyana ni te erre hunya igyoroti tai jihoŋ. Oyyu al obeŋ atulo ayama aŋotte.
\v 2 Ati ihanie laati arryai erre somon tania oŋida aati ababo ayamai aŋorwo ababo bwo oŋida aŋorwo owoni iko habiak hosi ababo.
\v 3 Oŋida habi isyo jyo ŋorwoi honyi erre hun osiruni jihonyi bwo fe ŋorwoi isyo jyo habi honyi.
\v 4 Nyo obeŋ ŋorwoi ilettohori ahwan honyi ati ara habi eleittok honyi. Bwo fe obeŋ habi ilettohori ahwan honyi ati ara ŋorwoi eneittok.
\v 5 Hehara enosonia ahwattek hatai do arari al iruhoto tai arabotye isyoryere ahwattek hatai ta amojo, ati ihalu inyyahata inosonia ahwattek hatai ŋadi Sitan isusuyo itai.
\p
\v 6 Ekyana ni ihwania nyo aŋatak Hollum ani ikyanari ati obeŋ ara efahi.
\v 7 Hara dwo arai laati daŋ ihwo ani amuno dwo ni. Ati owoni laati daŋ iko esyorita hosi hun olufaji hun isyo Hollum jihosi ababo.
\p
\v 8 Ati ajo ni jyo hul obeŋi’to ayamai iko obiloŋi, oyyu itoŋori abotye ihwa ani.
\v 9 Ati kuyya obeŋi isi oremehini itoŋori ababo oremehini isi yama. Oyyu ayama agalik itoŋori te ewahiti huno ahwan.
\p
\v 10 Ati jyo hul ayamai’to esyo ni efahi, obyaŋara ani esyo ati Hobu isyo, jo oŋida aŋotte obeŋ opyaharo jyo habi honyi.
\v 11 Ati kuyya opyahai isi ijara inyi itoŋo abotye arari al acaharo inyi jyo habi honyi. Bwo fe oŋida habi obeŋ opyaharo jyo ŋorwoi honyi.
\p
\v 12 Bwo fe jyo hul omuk ekyana ni, obyaŋara Hobu ikyana, jo kuyya owon obo iko ŋorwoi on obeŋ’to iruk jyo Yesu bwo iruk ŋorwoi itoŋori ikonyi oŋida inyi obeŋ opyaharo jihonyi.
\v 13 Kuyya owon obo aŋotte iko habi ol obeŋ’to iruk jyo Yesu bwo awak habi amanya ikonyi, helaha aŋotte opyaharo jihonyi.
\v 14 Nyo alle ol obeŋ’to iruk jyo Hollum itaniŋu adi jyo ŋorwoi honyi, bwo fe labeŋ ŋorwoi iruk itaniŋu adi inyi jyo habi honyi. Kuyya opyahai isi obeŋi adi aduri hosi itaniŋuni eram Hollum, ati abeŋi isi opyahai itaniŋuni isi.
\p
\v 15 Ati kuyya lawak lya ol obeŋ’to iruk jyo Yesu apyaha, ijara inyi hetelo. Ihwo jo eruhoni, kuyya ara inyi aŋotte kuyya alle, oŋida inyi obeŋ orrosok ebotye itoŋori ikonyi nyo iloŋo Hollum hohoi itoŋori ta nelik tajya.
\v 16 Aŋotte, imijak iye hara bwo hetalahu adi iye habi hoi? Alle, imijak iye hara bwo hetalahu adi iye ŋorwoi hoi?
\v 17 Ijara laati daŋ adahai ihwa aharak Hobu jihosi idahari bwo fe ihwa iloŋo Hollum isi. Ara ana efahi hoŋ iklesyahyen daŋ.
\v 18 Kuyya iloŋo Hollum obo atulo inya oŋoto’to, x helaha lya igigilo jo orroho aŋoto. Kuyya iloŋo Hollum obo atulo olo hobeŋ’to oŋoto, helaha inyi ottifya aŋoto.
\v 19 Nyo ara aŋoto ariŋ asai bwo fe abyaŋan ŋoto ara ariŋ asai, ati lifahari jyo efahita huno Hollum ara ariŋ on obolo.
\v 20 Ijara laati daŋ odulori manya ihwa amanyai nya isi iholoŋ an iloŋori Hollum isi.
\v 21 Kuyya ira nya iye apit iholoŋ inya iloŋori Hollum iye, obeŋ eram. Ati kuyya owon asiruna miji jihoi ihouniere ahwan hoi oyyu ifwotuniere ahohina.
\v 22 Nyo apit al iloŋo Hobu, ara inyi ihwa ol ohohino’to jyo Hobu; bwo ol ohohino al iloŋo Hollum, ara inyi apit olo Kristo.
\v 23 Inyyaŋuni nya itai te edumit tania heyitoti irari apiti wati.
\v 24 Tania illarak hoŋ, oŋida itai daŋ ababo iduloro manya ihwa imanyati nya itai iholoŋ an iloŋorik itai, bwo oduloro jyo Hollum.
\p
\v 25 Ihwania te eram ono nodwo hun hobeŋi ayamai, obeŋ Hobu isyo ani obo efahi ati eramak ni itai egigilita hoŋ, nyo efwotu nya ni amehino ono Hobu ikyanari on obis.
\v 26 Egigilo ni te eram ono ettigemita hun ofwonni’to, oyyu kuyya odulo atulo ihwa owon inyi.
\v 27 Kuyya iyamuna tai aŋorwo hettifyati apyaha. Kuyya hebyaŋata tai iyamati hettifyati aŋorwo.
\v 28 Ati kuyya iyamati tai obeŋ ana ara eyyau. Bwo fe kuyya obo ayama odwoti obyaŋara ana eyyau. Ati hul ayamai owoni adi iko ettigemita huno afau, bwo ajo ni etik ettigemita jihatai.
\p
\v 29 Illarak hoŋ ajo ni jo omutari oŋitek. Tania ijara hul ayama’to amanyai ihwa obeŋi isi ayamai.
\v 30 Ijara hul atarihai’to amanyai ihwa obeŋi isi atarihai bwo fe hul omunoi’to ihwa obeŋi isi omunoi. Ijara asamak amanyai ihwa atulo ol obeŋi hirre,
\v 31 bwo hul opocouni erre hutta fau ana, ijara hawanahi ihwa obeŋi isi opocouni hirre. Nyo otuhuno adi afau ana.
\p
\v 32 Awak ni jo oŋida imanyati tai ta abyaŋan ihawwa. Atulo ol obeŋ’to ayama igigilo inyi te erre huno Hobu iko te ekoi itamunoyere Hobu.
\v 33 Ati al ayama’to igigilo inyi te erre huno afau nyo awak inyi itamuno ŋorwoi honyi.
\v 34 Tania igigilo inyi te erre arrihai. Ati aŋotte an hobeŋi oyemuni kuyya bu odwoti, igigiloi isi te erre huno Hobu bwo ottifyai isi imanyari hun olibori ta ahwattek hosi iko oloyirihyen hosi. Ati aŋotte on oyemuni igigilo te erre hutta fau nyo awak inyi itamuno habi honyi.
\v 35 Ekyana ni ihwania ilwahyere itai obyaŋara itihotyere itai, nyo awak ni itai imanyati on obis itamunoyere Hobu bwo fe igyamari jihonyi ta ataji abotye.
\p
\v 36 Ati kuyya igigilo obo atulo jo ehanio inyi on orroho jyo ŋarri honyi nyo allaŋi aŋasi honyi, ijara inyi ihanio ihwa awak inyi bwo haŋatak odwoti iruhori lya al awak inyi. Obeŋ ana ara eyyau.
\v 37 Ati kuyya onyimu monye hito ta ataji honyi, obyaŋara te esuswa ati ta awahan honyi jo oŋida ŋarri honyi obeŋi ayamai, ihanio inyi on oyyu bwo fe.
\v 38 Tania lya al isyo ŋarri honyi oyemuni ihanio on oyyu, ati lya ol obeŋ isyo ŋarri honyi oyemuni ihanio on oyyu agalik.
\p
\v 39 Itihok efahi aŋotte jyo habi honyi al hesu inyi, ati kuyya oye habi honyi oremik inyi iruk obo al awak inyi kuyya ara alya Akristyani.
\v 40 Ati egigilo ni jo omuno adi inyi agalik kuyya itoŋo inyi ahania, bwo egigilo ni jo ara ana awahan ono Oloyiri olo Hollum.
\c 8
\cl Angati 8
\p
\v 1 Ihwania ekyana ni te eram ono eriŋo an isyori laati te ehuma jyo arrijorihyen. Emijak hohoi jo ewon hohoi daŋ iko ofyoro, bwo iyaŋunie ofyoro etadara ati iyaŋuno amuno agolon tajya.
\v 2 Kuyya igigilo obo atulo jo amijak inyi erre daŋ ati hobeŋ inyi omijak on oyyu ahode.
\v 3 Ati kuyya omuno obo atulo Hollum omijak Hollum atulo alya.
\p
\v 4 Tania te eram ono ahonya eriŋo an isyori te ehuma jyo arrijorihyen, emijak hohoi jo obeŋi arrijorihyen arai a Hollum nyo ara Hollum abotye hama.
\v 5 Ati owoni omuk erre idou iko lifau hun iloŋoi laati ajohin, owoni bwo fe ajohin arryai iko hobwok arryai.
\v 6 Ati jihohoi owon Hollum abotye inyi Monye, bwo fe jihonyi ofwonni erre daŋ bwo esu hohoi tenyi. Owon bwo fe Hobu abotye inyi Yesu Kristo bwo esu hohoi iko erre daŋ tenyi.
\p
\v 7 Ati obeŋi laati daŋ omijani erre huna, bwo omuk hulosi hul iruhi nya jyo arrijorihyen ohonyai isi eriŋo ihwa ara inyi ehuma jyo ajok al isu’to, bwo itarrohoji isi atajya hosi nyo obeŋ agolon jihosi.
\v 8 Ati obeŋ Hollum ifwotu hohoi te eram ono aŋiyo. Obeŋ orroho kuyya eŋiyo hohoi bwo obeŋ orroho kuyya ebeŋ hohoi eŋiyo.
\v 9 Ati ihumata ŋadi egigilita ihwa huna itipalari obo ol obeŋ’to iko agolon.
\v 10 Nyo kuyya igonyu obo atulo illanyi al ilofyoro, itoŋo iteremeja ihaji ono arrijori ottu adi inyi bwo fe ihonyari eriŋo an isyori jyo arrijori, ati ikuyya adi inyi ta ataji honyi.
\v 11 Tania itarroho amijana hoi atulo alya ol obeŋ iko agolon, bwo ara inyi illa hoi nyo oye nya Kristo tenyi.
\v 12 Tania ta neyyau hoi jyo illarak hoi bwo fe te etarrohojo hoi atajya hosi hun obeŋi ogoli, iyyau iye jyo Kristo.
\v 13 Tania kuyya itipal eriŋo illaŋ, abeŋ adi ni enyyak honya eriŋo ’tuŋ, ŋadi ani etipal illaŋ.
\c 9
\cl Angati 9
\p
\v 1 Ani lefahata. Abeŋ ni ara apit olo obo atulo. Egonyu nya ni Yesu Hobu hohoi bwo fe irata tai egyama hoŋ to Hobu.
\v 2 Kuyya abeŋ ni ara alefahata jyo omuk, ati jihatai ara ni alefahata nyo irata tai etamijani hoŋ ono egyama hoŋ to Hobu.
\p
\v 3 Ara ana etarraŋi hoŋ jyo hul awahi’to itisyahyo ani.
\v 4 Abeŋ so ni aremik ŋiyo bwo amata?
\v 5 Kuyya ayama ni aŋotte, abeŋ so ni aremik iyaro inyi ta adaha hoŋ ihwa ihanie lefahat omuk iko illarak Hobu bwo Kefa?
\v 6 Oŋida ani iko Barnaba hama egyama ta agurusi itamanyere ahwattek hohoi?
\v 7 Ŋai al igyama’to egyama ono oseŋer bwo inyi inyyaŋa erre honyi ta agurusi honyi? Ŋai ol oromo’to amana bwo obeŋ oŋiyo ema hwa? ngai al iyyahatyo anyanya bwo obeŋ amata ale hosi?
\v 8 Abeŋ ni ekyana ihwa igigiloi laati hama. Obeŋi so igyoroni erre huna ifahita?
\v 9 Nyo igyoroni ifahita huno Mose ojo, “Hefitata etuk hiteŋ al igisa’to ema.” Igigilo so Hollum te esuŋ hama?
\v 10 Obeŋ so honyi ikyana ihwania tohohoi? Afe, tohohoi igyoroni ihwania nyo jo oŋida lya ol oromo’to hotoromoi te eyihina bwo fe lya al igisa’to hetegisai te eyihina jo ifwotu adi inyi.
\v 11 Kuyya ettiyenio hohoi erre huno oloyiri jihatai, ara inyi eram on obolo al efwotu hohoi erre huno ahwattek to has hatai?
\v 12 Kuyya ifwotuni ettiyanak omuk erre huna jihatai, ebeŋ adi hohoi eremik ifwotuna agalik? Ati ebeŋ hohoi ettifya omuk erre jihatai. Edihu hohoi erre daŋ jo oŋida hohoi ebeŋ etik asayyo huno Kristo.
\v 13 Ibyaŋata tai imijana jo hul igyamai egyama ihaji imojit eneittok ifwotuni aŋiyo hosi teyya? Bwo hul igyamai’to itityek ono ehuma aharani ehumita jihosi iŋiyere?
\v 14 Ihwania ifak nya Hobu jo hul ittiyenie asayyo hun oyiji, ifwotuni adi isi erre huno ahwattek hosi ta asayyo hun oyiji.
\p
\v 15 Ati abeŋ nya ni eyaro omuk erre bwo abeŋ ni egyoro erre huna ifwotuniere omuk erre. Nyo oyyu jihoŋ iyeri ta ahure, ŋadi obo atulo itafyaha etahabuyo hoŋ asai.
\v 16 Nyo kuyya ettittoyo ni asayyo hun oyiji abeŋ ni aremik itadara nyo inef Hollum ani ittittoyere. Tania orroho jihoŋ bebe kuyya abeŋ ni ettittoyo asayo hun oyiji.
\v 17 Nyo kuyya ettittoyo ni ta awahan hoŋ owon edumit hoŋ, ati dwadi abeŋ ni awak ettittoyo oŋida ani egyama egyama ana.
\v 18 Anyo adi edumit hoŋ? Ara ihwania jo, amuno ni ittittoyo asayyo hun oyiji ta abyaŋan idumit, dwadi aremik ni ifwotuna edumit te egyama hoŋ.
\p
\v 19 Dwadi ohohi Hollum ani to homomite wati, esyarak ni ahwan hoŋ ihwa apit jyo laati daŋ, jo oŋida ani arrehu hul omuk agalik.
\v 20 Jyo laati Yudea ara ni ihwa Ayudetanani jo oŋida ani arrehu omuk hulo Yudea. Jyo hul adahai te efahita, adaha ni bwo fe te efahita dwadi obeŋi ifitani ani te efahita jo oŋida ani arrehu hul adahai te efahita.
\v 21 Jyo hul obeŋi omijani efahita adaha ni ihwa atulo ol obeŋ’to omijak efahita, dwadi amijak ni efahita nyo adaha ni te efahita Kristo, jo oŋida ani arrehu hul obeŋi’to omijani efahita.
\v 22 Jyo laati hul ilihi attu ni rahan ihwa al elik, jo oŋida ani arrehu hul ilihi’to. Attu ni rahan ihwa aati daŋ te erre daŋ jo oŋida ani etalahu hul omuk.
\v 23 Ehanio ni erre daŋ ilwahyere asayyo hun oyiji jo oŋida ani iko hul iruhi’to eŋiŋarak emuniti daŋ.
\p
\v 24 Ibyaŋata tai imijana jo al arracari omuk laati oŋeri isi daŋ ati irwat abotye bwo ifwotu inyi esyoryo honyi? Oŋyoroto bebe jo oŋida ifwotuna tai esyoryo.
\v 25 Laati daŋ hul oŋeri’to, irrirryai isi ahwattek hosi te erre daŋ. Ihanie isi ihwania ifwotuniere edumit on otuhuno adi, ati jihohoi owon edumit an arasa’to fur.
\v 26 Tania te eram ania abeŋ ni aŋer asai. Abeŋ ni aluhyo ihwa atulo ol oluhyo’to oyyami asai.
\v 27 Ati abak ni ahwan hoŋ bwo ette hanana inyi apit hoŋ, ŋadi ihalu ettittoyo hoŋ laati omuk, iha Hollum ani.
\c 10
\cl Angati 10
\p
\v 1 Illarak hoŋ, abeŋ ni awak itai itimoti jo, adahai nya monyye hohoi daŋ iwoyo idis bwo allaŋi isi daŋ te ehiji hari.
\v 2 Ibatisye nya isi daŋ te edis iko aari ijifatyere Mose.
\v 3 Oŋiye isi daŋ emune ono oloyiri,
\v 4 bwo amatai isi daŋ aari huno oloyiri. Nyo amatai isi daŋ te ebak ono oloyiri an ijifatyo’to isi bwo ara nya ebak ania Kristo.
\v 5 Ati obeŋi nya omuk hulosi arryai itamunoi Hollum bwo itattur inyi isi to mur.
\p
\v 6 Arai erre huna ihwa iramani nya jihohoi jo oŋida hohoi ebeŋ epolo ihaniere eyyata ihwa opolori nya isi.
\v 7 Bwo fe helaha hohoi etahabuyo arrijorihyen ihwa ihanie nya omuk hulosi. Nyo igyoroni igyerita jo, “Itoŋoi laati iŋiyere bwo imatari ette isi dyoto ihyari itahabuyere arrijori.”
\v 8 Oŋida hohoi ebeŋ ehanio erre somon ihwa ihanie nya omuk hulosi bwo to oloŋ abotye oyei isi alif atomwana arrihai hohunihoi.
\v 9 Helaha hohoi bwo fe ekemyo Hobu ihwa ihanie nya omuk hulosi attati amunok ’tohoro isi.
\v 10 Helaha hohoi eŋuŋunita jyo Hollum ihwa ihanie nya isi bwo ottoho attohoni isi.
\p
\v 11 Ihanie nya erre huna jihosi te etamijani iramyere hohoi, bwo igyoroni igyerita isiŋyere hohoi, nyo ilyaha esidi fau.
\v 12 Tania ijara lya al igigilo’to jo awotya inyi, ihum irrirrya ŋadi inyi okwaharo.
\v 13 Obeŋ obo esusuyo ottu jihatai an agalik agolon wati, ati obis Hollum bwo obeŋ adi inyi aŋatak obo esusuyo ottu jihatai an agalik adi agolon hatai, ati al attu obo esusuyo isyo adi inyi jihatai obo ekoi irisari jo oŋida iremehina tai idihuna.
\p
\v 14 Tania, itai hul amuno ni, ofuhotyete etahabuyo ’rijorihyen.
\v 15 Ekyana ni jihatai ihwa laati aloferejok. Oŋocete ekyanita hoŋ ta ahwattek hatai.
\v 16 Al etahabuyo hohoi Hollum ta akos ono emuniti, y? ebeŋ so hohoi erryaha iko Kristo ta nooto ono naye honyi? Bwo al ebeny hohoi emune, ebeŋ so hohoi erryaha iko Kristo ta ahwan honyi?
\v 17 Dwadi elwaja hohoi era hohoi ihwa ahwan abotye nyo owon emune abotye bwo eŋiyo hohoi emune ania.
\p
\v 18 Imijyete laati Israele. Obeŋi so laati hul oŋiye ehumita orryahai arabotye te eram ono etityek?
\v 19 Anyo awoyo hiram? Ara aŋiyo an isyori te ehuma jyo arrijorihyen ariŋ on odwa’to? Kuyya arrijori, ara inyi ariŋ an isu’to?
\v 20 Obeŋ. Ati ajo ni jo, isyorye paganohyen ehumita jyo ajohin bwo obyaŋara jyo Hollum, tania abeŋ ni awak itai irryahati iko ajohin.
\v 21 Ibyaŋata tai iremehina matari ta akos ono Hobu iko ta akos ono ajohin. Ibyaŋata tai iremehina ŋiyo iteremeja ono Hobu iko iteremeja ono ajohin.
\v 22 Ettadduhyo so hohoi Hobu iloŋojitari? Egol hohoi egalik inyi?
\v 23 Oremehini laati ihaniere erre daŋ ati obeŋi erre hunia olwahye isi. Oremehini laati ihanio erre daŋ ati obeŋi erre hunia itaboloruni isi.
\v 24 Helaha obo ottifya erre hun oyiji ta ahwan honyi hama, ati oŋida inyi ottifya erre hun oyiji te illanyi.
\v 25 Oŋiyete erre hun itinyyaŋai laati isuk bwo te eram ono atajya hefiyete jo ofwonni isi tai.
\v 26 “Nyo ara afau daŋ ahono Hobu iko erre daŋ hun owoni’to dia.”
\v 27 Kuyya ojo obo jihatai ol obeŋ’to iruk, Ifwanna eŋiyo, bwo iwahata tai fwatan iŋiyere ikonyi, oŋiyete erre hun isyo inyi jihatai bwo hefiyete jo iyaŋunie isi tai te eram ono atajya.
\v 28 Ati kuyya ojo obo jihatai, Isyori dwo ana te ehuma, heŋiyete, te eram ono lya al iramak’to itai bwo te eram ono atajya.
\v 29 Obyaŋara ta atajya hatai ati ta ataji ono lya al iramak’to itai. Ati ifiyete tai jo, Nyo oŋida hohoi ebusak ehanio erre hun igigilo obo itaji honyi jo orrohoji isi?
\v 30 Kuyya eŋiyo hohoi ta ahumo, nyo omoryo obo hohoi te erre hun eŋiyo hohoi ta ahumo?
\v 31 Tania kuyya iŋiyete tai kuyya bu imatati bwo fe te erre daŋ hun ihaniete tai ihaniete itahabuyere Hollum.
\v 32 Hehaniete obo ariŋ itipalyere laati, kuyya Yudea, kuyya Grik, kuyya eklesya ono Hollum.
\v 33 Ati ihaniete ihwa ehanio ni itamunoyere laati daŋ te erre daŋ, nyo abeŋ ni attifya erre hun olwahye ani ati hun olwahye laati arryai, jo oŋida isi italahunie.
\c 11
\cl Angati 11
\p
\v 1 Ijifatyete ani ihwa ejifatyo ni Kristo.
\p
\v 2 Ajo ni jihatai oyyu bebe nyo igiluna tai ani te erre daŋ bwo ijifatyete tai ettiyenita hunya ettiyenio ni jihatai.
\v 3 Ati awak ni itai itaniŋuna ahode jo ara Kristo ahou lyawa daŋ bwo ara alle ahou ŋotte bwo ara Hollum ahou Kristo.
\v 4 Kuyya imuhok obo atulo ahou honyi al omojo inyi kuyya bu ittiyenio, iyaŋuno inyi ariri ihou honyi.
\v 5 Ati kuyya omojo obo aŋotte kuyya bu ittiyenio, bwo obeŋ imuhok ahou honyi, iyaŋuno inyi ariri ihou honyi, orrijo ihwa ogit inyi ofir honyi.
\v 6 Nyo kuyya obeŋ aŋotte awak imuhonia ahou honyi ijara inyi ogit ofir honyi. Kuyya ara ariri jyo aŋotte on oŋer kuyya ogit ofir honyi, ijara inyi imuhok ahou honyi.
\v 7 Oŋida alle obeŋ imuhok ahou honyi nyo ara inyi arrijori iko akwatan ono Hollum ati ara aŋotte akwatan ono alle.
\v 8 Nyo obeŋi nya alle oyyeuni ta aŋotte ati oyyeuni aŋotte ta alle.
\v 9 Obeŋi bwo fe oyyeuni alle ilwahyere aŋotte ati oyyeuni aŋotte ilwahyere alle.
\v 10 Te eram ana oŋida aŋotte imuhok ahou honyi bwo fe igonyuni adi anjelohyen.
\p
\v 11 Ati itwa Hobu obeŋ aŋotte itoŋo hama, bwo obeŋ alle itoŋo hama.
\v 12 Nyo ihwa oyyeuni nya aŋotte to ’le, isiuni bwo fe alle jyo aŋotte bwo ofwonni isi daŋ jyo Hollum.
\v 13 Oŋocete ta ahwattek hatai, oyyu jyo aŋotte imojori jyo Hollum iko ahou on obeŋ imuhonio?
\v 14 Ibyaŋata tai imijana te erre hutta fau jo ara ariri jyo alle al ohodori ofir honyi, ati ara akwatan jyo aŋotte?
\v 15 Nyo isyori ofir jyo aŋotte imuhoniere inyi.
\v 16 Ati kuyya awak obo atulo etarisa te eram ana, ara ana emohit jihohoi iko iklesyahyen huno Hollum daŋ.
\p
\v 17 Esiŋyo ni itai te eram ana, abeŋ ni etahabuyo itai, nyo al ittubati tai ibyaŋata tai ihaniete on oyyu ati ihaniete tai on orroho.
\v 18 Nyo ahosyere etaniŋu ni jo al ittubati tai iklesya owon aŋalafa ihiji hatai bwo egigilo ni ara ahode.
\v 19 Nyo oŋida owon aŋalafa ihiji hatai jo oŋida hul oyiji oleye tehiji hatai.
\v 20 Al ittubati tai ta ahwattek hatai ibyaŋata tai iremehina ŋiyo iteremeja ono Hobu
\v 21 nyo itterye laati omuk aŋiyo hosi kokwak, tania oniama obo bwo obo oruma.
\v 22 Nyo ihaniete tai ihwania? Obeŋi asik jihatai iŋiyere bwo imatari? Imyanati tai eklesya ono Hollum bwo iyaŋuniete eloriri jyo alocaŋak? Ajo adi ni anyo jihatai? Etahabuyo adi ni itai? Abeŋ ni etahabuyo itai.
\p
\v 23 Nyo efwotu ni jyo Hobu erre hun esyarak ni itai jo inya ta attari an isyaranierek Hobu Yesu iyeri, iduhu inyi emune,
\v 24 ojo inyi humo jyo Hollum ette beny ette jaran, Ara ana ihwa ahwan hoŋ on owuro’to tetai. Ihaniete ihwania igiluniere ani.
\v 25 Ninya atuhuno aŋiyo iduhu inyi bwo fe akos ette jaran, Ara ana ihwa nooto hoŋ an itagol ecorit aŋejuk. Amatati igiluniere ani.
\v 26 Nyo al iŋiyete tai emune ana bwo imatati ta akos itahutana tai naye ono Hobu many ocohuniere inyi.
\p
\v 27 Tania lya ol oŋiyo emune bwo amata ta akos ono Hobu ta abyaŋan igigilo owon aŋoco ono ahwan iko nooto Hobu jihonyi.
\v 28 Ati ijara atulo hotottifyai erre taji honyi bwo ihalu oremik inyi ŋiyo emune bwo amata ta akos.
\v 29 Nyo lya ol oŋiyo bwo amata ati obeŋ ihum igigilo ta ahwan Hobu, iyauno inyi aŋoco ihwan honyi ta aŋiyo iko amata honyi.
\v 30 Te eram ana ilihi omuk bwo omuk oŋwai ihiji hatai bwo omuk oyei.
\v 31 Ati kuyya ettifya hohoi erre tajya hohoi obeŋ adi aŋoco jihohoi.
\v 32 Ati oŋot Hobu hohoi bwo fe abak hohoi jo oŋida hohoi ebeŋ enyurak aŋoco ihwa ono laati hutta fau.
\p
\v 33 Tania illarak hoŋ, al ittubaniete tai iŋiyere, itilati laati omuk.
\v 34 Kuyya oniama obo ijara inyi oŋiyo ihaŋ honyi, jo oŋida attubanio hatai arabotye obeŋ iyaŋuno aŋoco. Ekyana adi ni erre omuk al attu ni.
\c 12
\cl Angati 12
\p
\v 1 Illarak hoŋ abeŋ ni awak itai itimoti eram ono esyorita huno Oloyiri.
\v 2 Imijana tai jo inya herata tai paganohyen ijifatyete nya itai arrijorihyen hun obeŋi’to ikyanai ihwa orihotye isi itai.
\v 3 Tania ajo ni jihatai jo obeŋ obo atulo al ikyana ta adwaran ono Oloyiri olo Hollum oremik ipico Yesu, bwo obeŋ obo oremik jaran jo ara Yesu Hobu arari ta adwaran ono Oloyiri ol Olibo.
\p
\v 4 Ihwania owoni esyorita hun olufaji bwo Oloyiri abotye isyoryo isi.
\v 5 Owoni bwo fe egyamita hun olufaji ati ara Hobu hohoi abotye.
\v 6 Owoni bwo fe ekota hun olufaji igyamari ati ara Hollum abotye al igyama’to erre daŋ jyo laati daŋ.
\p
\v 7 Ati isyori jyo laati daŋ ababo Oloyiri ilwahyere omuk.
\v 8 Isyo Oloyiri jyo obo atulo olofyoro ikyanari, bwo jyo obo amijana hirre.
\v 9 Isyo Oloyiri jyo obo neruk, bwo jyo obo etaŋidaryo wati.
\v 10 Isyo inyi jyo obo ihaniere edwariti, bwo jyo obo ettittoyo, bwo jyo obo amijana oloyirihyen hun oyiji’to iko hun orrohoji’to. Isyo inyi jyo obo ikyanari ekyanita hun olufaji, bwo jyo obo itahutaniere awoi hiram ono nekyanita hwa.
\v 11 Ati igyama Oloyiri abotye erre huna daŋ, bwo aharak inyi jyo laati daŋ ababo ihwa awak inyi.
\p
\v 12 Nyo ihwa owon ahwan abotye ati owoni jihonyi aŋaco arryai, bwo aŋaco arryai hunia inosoni isi ahwan abotye. Ara ihwania jyo Kristo.
\v 13 Nyo to Oloyiri abotye ibatisye hohoi itwa hwan abotye, dwadi era hohoi Yudea kuyya Grik, kuyya apiti, kuyya ebeŋ era apiti, ewon hohoi daŋ iko Oloyiri abotye.
\p
\v 14 Nyo obeŋ ahwan ara aŋati abotye ati ara inyi aŋaco arryai.
\v 15 Kuyya ojo eju jo, Abeŋ ni ara aŋati hwan ana nyo abeŋ ni ara ahani. Tania obeŋ inyi ara aŋati hwan ahode?
\v 16 Kuyya ojo eyyok jo, Abeŋ ni ara aŋati hwan ana nyo abeŋ ni ara ahonyek. Tania obeŋ inyi ara aŋati hwan ahode?
\v 17 Kuyya ara ahwan daŋ ahonyek, aŋai adi itaniŋyo inyi? Kuyya ara ahwan daŋ ahiyyok, aŋai adi iŋwada inyi?
\v 18 Ati ihwania ihanak Hollum aŋaco daŋ huno ahwan ihwa awak inyi.
\v 19 Kuyya arai isi daŋ aŋati abotye, owon adi ahwan aja?
\v 20 Tania ihwania owoni aŋaco arryai ati ara ahwan abotye.
\v 21 Obeŋ onyek oremik jaran jyo aani jo, Obeŋ eram hoi ikoŋ. Obeŋ bwo fe ahou oremik jaran jyo eju jo, Obeŋ eram hoi ikoŋ.
\v 22 Ati ewak hohoi aŋaco huno ahwan hun ilihi’to.
\v 23 Bwo aŋaco huno ahwan hun obeŋi oleye, ewak hohoi isi agalik, bwo aŋaco hun obeŋi ilamani, emuhok hohoi isi.
\v 24 Aŋaco hwan hun ilamani obeŋi awahi emuhonio. Ati inosok Hollum ahwan arabotye jo oŋida aŋaco hun obeŋi’to ilamani ifwotuni etahabuta agalik,
\v 25 jo oŋida obeŋ abwanya ihwan, ati oŋida aŋaco daŋ olwak obo obo.
\v 26 Kuyya odyaha aŋati abotye, odyahai aŋaco hwan daŋ ikonyi. Kuyya itahabuye aŋati abotye omunoi adi isi daŋ.
\p
\v 27 Ihwania irata tai ihwa ahwan Kristo, bwo irata tai daŋ ihwa aŋaco huno ahwan honyi.
\v 28 Tania onyimu Hollum laati igyamari iklesya; ahosyere lefahat, etarrihi ettittok, etahunihi ettiyanak. Onyimu inyi bwo fe hul ihanie edwariti, etaŋidarak, alwak, aŋotok hirre, iko laati hul ikyanai ekyanita hun olufaji.
\v 29 Arai isi daŋ alefahat? Arai isi daŋ ahettittok? Arai isi daŋ ahettiyanak? Arai isi daŋ ahegyamak edwariti?
\v 30 Oremehini laati daŋ itaŋidaryo aŋwak? Ikyanai isi daŋ ekyanita hun olufaji’to? Oremehini isi daŋ iloico ekyanita?
\v 31 Ati ottifyati on ogol esyorita hun oyiji’to agalihini. Bwo etahutak ni jihatai ekoi on oyyu’to agalik.
\c 13
\cl Angati 13
\p
\v 1 Dwadi ekyana ni te ekyanita daŋ huno laati iko anjelohyen ati kuyya labeŋ ni amuno aati ara ni ihwa eromi bilat kuyya nabaha himeri.
\v 2 Dwadi aremik ni ikiluna, bwo amijak erre daŋ hun idimani, bwo fe awon iko ofyoro daŋ; dwadi awon ni iko neruk on obolo on oremik’to ituhut adoŋyok, ati kuyya abeŋ ni amuno aati ara adi ni ariŋ asai.
\v 3 Dwadi esyo ni aŋiyo hoŋ daŋ jyo alocaŋak iŋiyere, bwo fe esyo ahwan hoŋ iswahiniere ihima, ati kuyya abeŋ ni amuno aati arai adi hunia daŋ asai.
\p
\v 4 Lya ol omuno’to aati odik adi inyi fur bwo fe omehita. Obeŋ inyi owon iko ahaini, obeŋ inyi itabolo ahwan honyi bwo fe obeŋ itadara.
\v 5 Obeŋ inyi iko elyerere, obeŋ ottifya itamunoyere ahwan honyi, obeŋ ijorya kwak, bwo fe obeŋ igigilo ta arrohojita.
\v 6 Obeŋ lya ol omuno’to aati osuhotyo te eyyata wati ati omuno inyi nelahode.
\v 7 Odihu inyi erre daŋ, iruk inyi erre daŋ, iyihi inyi te erre daŋ bwo odihita inyi te erre daŋ.
\p
\v 8 Obeŋ esidi jyo namuno. Ati opwahini adi ekilita ’tuŋ; otuhunie adi ekyanita hun olufaji’to; bwo fe opwahini adi ofyoro ’tuŋ.
\v 9 Nyo emijak hohoi aŋati hirre ijai bwo fe ettiyenio aŋati hirre.
\v 10 Ati al afwonni erre daŋ atuhuno adi aŋati hirre.
\v 11 Ninya hara ni ahito ekyana nya ni ihwa eito, amijak erre ihwa eito bwo egigilo ihwa eito; ati ihwania labolo ni atuhunie nerre iloduri.
\v 12 Ihwania eŋiŋyala hohoi ta amiraya an ittalara, ati egonyu adi hohoi erre ihwa egonyu hohoi omomite wati. Ihwania amijak ni anus hirre ati iholoŋ ania attu adi ni mijana daŋ ihwa omijak Hollum ani.
\v 13 Tania odulori erre hunihoi; neruk, neyihina, iko namuno. Ati obolo amuno agalik isi daŋ.
\c 14
\cl Angati 14
\p
\v 1 Ijifatyete namuno, bwo ottifyati esyorita huno Oloyiri ati an agalik daŋ ottifyati ittiyeniere laati.
\v 2 Nyo lya al ikyana’to nekyana on olufa obeŋ inyi ikyana jyo laati ati ikyana inyi jyo Hollum, nyo obeŋ tulo itaniŋu, ati to Oloyiri ikyana inyi erre hun idimani.
\v 3 Bwo lya al ittiyenio’to, ikyana inyi jyo laati itagolyere isi bwo ittittoyere isi iko itilihyere isi.
\v 4 Lya al ikyana te ekyana on olufa itagol inyi ahwan honyi hama, ati lya al ittiyenio’to itagol inyi eklesya.
\p
\v 5 Oyyu al ikyanati tai daŋ te ekyanita hun olufaji, ati oyyu agalik ittiyeniere. Bwo obolo lya al ittiyenio’to agalik lya al ikyana te ekyanita hun olufaji, arari al iloit inyi ekyanita itagolyere eklesya.
\p
\v 6 Ati ihwania illarak, kuyya attu ni jihatai ikyanari te ekyanita hun olufaji, alwak adi ni itai aŋai? Oŋida ani ettiyenio bwo fe ettittoyo jihatai erre hun italeyehi Hollum jihoŋ iko hun amijak ni.
\v 7 Kuyya obeŋi laati ohuti acawali kuyya bu obeŋi irribye olokeme on oyyu, aŋai adi imijana tai edolo hosi?
\v 8 Nyo kuyya obeŋ atulo otik edoŋ on oyyu, ŋai adi ihuhumak ahwan honyi ta arrem?
\v 9 Ihwania jihatai bwo fe, ŋai omijak anyo an ikyanati tai kuyya ibyaŋata tai ikyanati te ekyana an itaniŋuni laati? Nyo ara ihwa ikyanati tai jyo oyyami asai.
\v 10 Egigilo ni owoni ekyanita arryai ifau, bwo owoni isi daŋ iko awoi hiram hosi gele gele.
\v 11 Tania kuyya abeŋ ni etaniŋu nekyana ono lya, ara ni atamononi al alufa jihonyi bwo ara inyi atamononi jihoŋ.
\v 12 Tania al iwahata tai bebe esyorita huno Oloyiri, ottifyati isi hun itaboloruni adi eklesya.
\p
\v 13 Tania ijara lya al ikyana ekyana on olufa omojo to ofyoro iloicere nekyana.
\v 14 Nyo kuyya amojo ni te ekyana on olufa, omojo oloyiri hoŋ ati obeŋ egigilo hoŋ omijak ekyanita.
\v 15 Anyo attadi? Amojo adi ni to oloyiri hoŋ iko te egigilo hoŋ. Edolo adi ni to oloyiri hoŋ, iko te egigilo hoŋ.
\v 16 Tania kuyya itahabuyo iye Hollum to oloyiri, aŋai adi omijak obo atulo itahabuyere ikoye? Nyo isyo iye ahumo to oloyiri, bwo otimo inyi ekyanita hoi.
\v 17 Nyo ahode isyo iye ahumo on oyyu ati obeŋ olwak lya.
\v 18 Ajo ni humo jyo Hollum nyo ekyana ni te ekyanita hun olufaji agalik itai daŋ.
\v 19 Ati al awon ni iklesya awak ni ikyanari ekyanita kai hama hun itaniŋuni laati agalik ekyanita arryai te ekyana on olufa nyo obeŋi isi olwahi obo.
\p
\v 20 Illarak, herata ihwa aduri te egigilita hatai ati oŋida irata tai ihwa odolyo jyo eyyata. Ati te egigilita oŋida irata tai ihwa alyawa hul ilofyoroji.
\v 21 Igyoroni ifahita jo, “Ojo Hobu, Ekyana adi ni jyo laati hulo te ekyanita hun olufaji bwo te etuhe tamonok. Ati dwadi ara ihwania obeŋi hya itaniŋuni ekyanita hoŋ.”
\p
\v 22 Tania arai ekyanita hun olufaji etamijani jyo hul obeŋi’to iruhi, obyaŋara jyo eruhok. Ati ara ettiyenio te eruhok, obyaŋara to hul obeŋi’to iruhi.
\v 23 Ati kuyya ottubai eklesya daŋ bwo ikyanai isi daŋ te ekyanita hun olufaji bwo ofwonni omuk laati hul otimoi kuyya obeŋi iruhi, obeŋi adi isi ojori isitajata tai?
\v 24 Ati kuyya ittiyenie aati daŋ bwo ottu obo ol obeŋ’to iruk bwo otimo, itahutani isi inyi eyyata honyi, bwo ijiriŋa adi inyi tesi.
\v 25 Oleye bwo fe erre hunya idimak inyi itaji honyi. Tania origoŋ adi inyi ette itahabuyo Hollum bwo ojo, Owon Hollum ihiji hatai ahode.
\p
\v 26 Illarak hoŋ anyo adi? Al ittubaniete tai arabotye ijara laati daŋ ababo ofwonni iko afureta, kuyya ettiyenita, kuyya etaleyehina, kuyya ekyanita hun olufaji, kuyya eloico ono ekyanita. Ihaniete erre daŋ itaboboloryere laati.
\v 27 Kuyya awak obo atulo ikyana te ekyana on olufa, ijara inyi ikyana, kuyya arai isi arrihai dwadi bu hunihoi, ati oŋida isi ikyanai ta amaji hosi ababo, bwo ijara obo iloit ekyanita hwa.
\v 28 Kuyya obeŋ obo teyya ol oremik iloit ekyanita, ijara isi odwai ’totwa klesya. Ijara isi ikyanai itajya hosi hama iko jyo Hollum.
\p
\v 29 Ijara hul ittiyenie’to hetekyanahi ababo, kuyya arai isi arrihai kuyya hunihoi bwo hul omuk hetetaniŋyehe jihosi.
\v 30 Ati kuyya italeyo Hollum ekyanita jyo obo al itoŋo dia ijara etteri hotodwai.
\v 31 Nyo iremehina tai daŋ ittiyenio ababo jo oŋida laati daŋ ittiyenuni, bwo itilihi ettiyenita atajya hosi.
\v 32 Oniŋye oloyirihyen huno ettiyanak jyo ettiyanak jo oŋida isi ikyanai ababo.
\v 33 Nyo obeŋ Hollum ara a Hollum olo eharuto ikyana ati ara inyi olo nelik taji. Ihwa ihanie eklesyahyen daŋ,
\v 34 oŋida aŋorwo hotodwahi ’totwa klesya nyo obeŋi aŋatani jihosi ikikyanari, ati ihwa ikyana efahi ijara aŋorwo hotoniŋyehe.
\v 35 Kuyya awahi isi mijana omuk erre ijara isi ifiye habiak hosi ihaŋitek, nyo ara ariri jyo aŋorwo ikyanari iklesya.
\v 36 Anyo adi? Oleyo nekyana ono Hollum tetai hama? Kuyya ottu inyi jihatai hama?
\v 37 Al igigilo obo atulo jyo ara inyi aheyani sayyo kuyya bu ifut inyi iko Oloyiri, ijara inyi ihum igigilo te erre hun egyorok ni jihatai nyo arai isi efahita huno Hobu.
\v 38 Ati kuyya iha obo atulo efahita hunia iha adi bwo fe Hollum inyi.
\p
\v 39 Tania illarak hoŋ ottifyati bebe ittiyeniere, ati hetihoto hul ikyanai te ekyanita hun olufaji.
\v 40 Ati ihaniete erre daŋ on obis, obyaŋara te eharuto.
\c 15
\cl Angati 15
\p
\v 1 Ihwania illarak hoŋ, awak ni itagiluniere itai asayyo hun oyiji hunya ettiyenio ni bwo fe hunya ifwotuna tai ittata tai wotya tesi.
\v 2 Bwo fe italahuni adi itai kuyya igolihina tai ta asayyo huna hunya ettiyenio ni, arari al ara eruk hatai asai.
\p
\v 3 Nyo esyarak ni jihatai ahosyere eram inya efwotu ni ojo, Oye nya Kristo te eyyata hohoi itasiruniere egyerita.
\v 4 Onuhani nya inyi bwo oloŋ itahunihi ibuhu inyi to ye itasiruniere egyerita.
\v 5 Oleyo bwo fe inyi jyo Kefa iko jyo lefahat hulo ’tomon harrihai.
\v 6 Ihalu inyyak inyi leyo to obo oloŋ jyo omuk laati hul olwaji agalihini esiha miet, bwo arasai omuk hul olwaji, ati ayei omuk.
\v 7 Ihalu oleyo inyi jyo Yakobo iko jyo lefahat daŋ.
\v 8 Bwo ihalu hosi daŋ, oleyo inyi jihoŋ ihwa leito alahalu.
\v 9 Nyo ara ni alahalu jyo lefahat daŋ bwo obeŋ dwadi bu osiru ani iloŋori alefahata nyo ettigemyo nya ni eklesya ono Hollum.
\v 10 Ati ara ta amehino ono Hollum an awanari ni ihwa awon ni ahana, bwo obeŋ amehino honyi ara jihoŋ asai. Nyo egyama ni bebe agalik isi daŋ, obyaŋara ani ati amehino ono Hollum on owon’to jihoŋ.
\v 11 Tania kuyya ara ani al ettiyenio’to kuyya bu isi, ettiyenio hohoi daŋ bwo itai iruhoto.
\p
\v 12 Ihwania kuyya ettiyenio hohoi jo ibuhu Kristo to ye, aŋai ojori omuk hulatai jo obeŋ etubuhuna ono ayak?
\v 13 Ati kuyya obeŋ ebuhuna ono ayak obeŋ nya bwo fe Kristo ibuhu.
\v 14 Kuyya obeŋ nya Kristo ibuhu, ara ettiyenio hohoi asai, ara adi bwo fe neruk hatai asai.
\v 15 Kuyya obeŋi adi ayak ibuhuni bwo obeŋ nya Kristo ibuhu, era hohoi ahetamijanak hul egesem te eram ono Hollum, nyo ettiyenio hohoi jo itubuhu nya Hollum Kristo.
\v 16 Nyo kuyya dwo obeŋi ayak ibuhuni obeŋi dwo bwo fe itubuhuni Kristo.
\v 17 Kuyya obeŋ nya Kristo ibuhu ara neruk hatai asai bwo irasati tai iyyata hatai.
\v 18 Bwo fe hul oyei nya itwa Kristo, olitohini adi tulaŋ.
\v 19 Kuyya ta nesu ana hama eyihi hohoi jyo Kristo, orroho jihohoi bebe agalik laati daŋ.
\p
\v 20 Ati ihwania ahode, ibuhu nya Kristo to ye bwo ara inyi etteri wati hul ibuhuni adi to ye.
\v 21 Nyo ihwa ottu nya naye ta atulo, ottu bwo fe ebuhuna to ye ta atulo.
\v 22 Nyo ihwa oyei aati daŋ huttotwa Adam, bwo fe isui hulya daŋ hulo Kristo.
\v 23 Ibuhuni adi isi daŋ ihalu, nyo ibuhu nya Kristo ahosyere bwo ihalu ta attuna honyi ibuhuni hul arai’to ahulo Kristo.
\v 24 Ottu adi esidi hirre al isyo inyi olobye jyo Hollum Monye, ihalu honyi itatturyo eleittaha iko okumahyen bwo edwariti daŋ.
\v 25 Nyo oŋida Kristo ilettohori afau many ihananiere inyi amyorok honyi daŋ iwoyo hejek honyi.
\v 26 Ara naye amyotononi an itattur inyi te esidi.
\v 27 Nyo ihanak Hollum erre daŋ iwoyo hejek Yesu, ati al ojo inyi jo, Ihanani erre daŋ iwoyo hejek honyi, emijak hohoi jo obeŋ inyi ikyana to Hollum al ihanak’to erre iwoyo hejek honyi.
\v 28 Bwo al ihanani erre daŋ iwoyo hejek Yesu, ottu adi inyi bwo fe iruk jyo Hollum jo oŋida Hollum agalik erre daŋ.
\p
\v 29 Kuyya obyaŋara ihwania, ihanie adi isi anyo hul ifwotuni’to batisimo ta ayak? Kuyya obeŋi ayak ibuhuni, nyo ifwotuni laati batisimo tesi?
\v 30 Nyo ilyaha naye jihohoi asahyen daŋ?
\v 31 Illarak hoŋ, ettuŋo ni ta amuno hoŋ jihatai to Yesu Kristo Hobu hohoi jo ayetyo ni oŋitek daŋ.
\v 32 Ekyana ni ihwa atulo, anyo adi ayiji jihoŋ kuyya errem ni iko acaŋi imiji Efisa? “Kuyya obeŋi itubuhuni ayak, haŋiyete bwo fe hamatati nyo motye eye adi hohoi.”
\v 33 Ara eram ana ahode jo, itarrohojye laati hul orrohoji’to ayijok.
\v 34 Imijyete te egigilita hun obisi’to bwo heyyauna, nyo owoni omuk hul otimoi Hollum.
\p
\v 35 Ati ojo adi obo, Itubuhuni adi ayak aŋai? Ofwonni adi isi iko hunani hwattek?
\v 36 Isitaji efita hunia. Aŋer hun idulak iye, obeŋi adi isi isui kuyya obeŋi isi obuli ahosyere.
\v 37 Bwo ibeŋ iye idulak ahwan honyi ihwa an isuru adi, ati aŋer hama, kuyya ara inyi emai kuyya obo aŋeryo.
\v 38 Ati isyo Hollum jihonyi ahwan ihwa awak inyi, bwo jyo aŋer daŋ ababo owoni ahwattek hosi.
\v 39 Obeŋi ahiri hwattek daŋ orrijori, ati owon eriŋo hwan abotye ono atulo bwo eriŋo hwan obo ono acaŋ, bwo owon eriŋo hwan obo ono ahenyi bwo obo ono ahami.
\v 40 Owoni elelyefi iko ayafa bwo oloŋ ihide bwo laati ifau, ati ara elamani jyo huttohide abotye bwo fe jo hutta fau owon hama hama.
\v 41 Owon afaŋan obo jyo oloŋ bwo afaŋan on olufa jyo ayafa bwo afaŋan obo jyo elelyefi. Olufa elamani ono elelyef abotye jyo hanie.
\p
\v 42 Ara ihwania te ebuhuna ono ayak. Onuhani ahwan on omuyak ati ibuhu on obeŋ oremik muyahi.
\v 43 Onuhani ahwan ono ariri ati ibuhu ahwan ono akwatan. Onuhani ahwan an ilik ati ibuhu adi on owon iko adwaran.
\v 44 Onuhani ahwan tulo ati ibuhu adi ahwan ono oloyiri. Kuyya owon ahwan an amanya’to ifau ana, owon bwo fe ahwan an ara’to oloyiri.
\p
\v 45 Ihwa igyoroni jo, “Atulo etteri inyi Adam ol ottu nya rahan atulo al isu’to.” Ottu nya Adam esidiz rahan Oloyiri al isyo’to nesu.
\v 46 Ati obeŋ ahwan ono oloyiri ottu ahosyere ati ottu ono atulo ahosyere, bwo ihalu ono oloyiri.
\v 47 Oyyeuni atulo etteri ta aboro hutta fau ati ottu atulo etarrihia t’edou.
\v 48 Hul arai’to ahulo afau arai isi ihwa atulo alya olo afau. Bwo fe hul arai’to ahulo edou arai isi ihwa lya olo edou.
\v 49 Ihwa eyyalaro hohoi iko atulo otto fau, oŋida bwo fe hohoi eyyalaro iko atulo ette dou.
\p
\v 50 Ihwania illarak hoŋ, eramak ni itai jo obeŋ neriŋo iko nooto orutani olobye ono Hollum, bwo fe ariŋ on omuyak’to obeŋ adi orutak ariŋ on obeŋ’to omuyak.
\v 51 Imijyete, eramak ni itai eram ninya idimani. Ebeŋ adi hohoi daŋ eye ati iloiti adi ahwattek hohoi aŋejuho.
\v 52 Kokwak kokwak ihwa arifok honyek, al okwat aforojo esidi itubuhuni adi ayak iko ahwattek hun obeŋi omuyahi bwo iloiti adi ahwattek hohoi.
\v 53 Nyo oŋida ahwan ana on omuyak’to iloiti ahwan on obeŋ omuyak. Bwo oŋida ahwan ana on oye iloiti ahwan on obeŋ oremik ye.
\v 54 Ati al iloiti ahwan on omuyak ahwan on obeŋ omuyak, bwo al iloiti ahwan ana on oye ahwan on obeŋ oremik ye, iholoŋ ania idwoŋ adi ekyana on ojo, “Iyyala Kristo naye.”
\q1
\v 55 “Jai naye, tani eyyala hoi? Jai naye, tani adyaha hoi?”
\v 56 Ara adyaha ono naye, neyyau; bwo ottu adwaran ono neyyau te efahita.
\v 57 Ati humo jyo Hollum al isyo jihohoi neyyalara to Hobu hohoi Yesu Kristo.
\p
\v 58 Tania illarak hoŋ hul amuno ni, owotyati on ogol bwo hehutoto. Oŋitek daŋ ifutata te egyama ono Hobu bwo omijana jo, obeŋ egyama hatai ara asai jyo Hobu.
\c 16
\cl Angati 16
\p
\v 1 Ihwania te eram ono eddudduha gurusi hatai ifahiniere jyo aati Hollum, ihaniete ihwa efak ni jyo eklesyahyen hutto Galatia.
\v 2 To oloŋ etteri ono esabit ijara laati daŋ ottunie aŋati gurusi ihwa opocouni isi te esabit ania. Tania al attu ni anyurak adi ni agurusi daŋ attubai.
\v 3 Bwo al afany ni jihatai esyo adi ni awaraga jyo laati hul inyimuna tai iyari esyorita hatai Yerusalem.
\v 4 Kuyya oyyu jihoŋ, alo adi bwo fe ni, bwo edaha adi isi ikoŋ.
\p
\v 5 Bwo attu adi ni jihatai al acohuno ni to Masedonia. Alo adi ni Masedonia ahode.
\v 6 Kuyya etoŋo adi ni ikatai ta ayafajin huno acoro jo oŋida ilwahyete tai ani ta adaha hoŋ jyo amaji an alari ni.
\v 7 Nyo abeŋ ni awak wotya ikatai ihwania nyo ecul ni. Ati kuyya aŋatak Hobu ani, etoŋo adi ni ikatai do.
\v 8 Ati arasa adi ni Efisa many iholoŋ ono Pentikoste.
\v 9 Nyo aŋa ekat an alat on osiru jihoŋ igyamari, bwo olwaji amyorok arryai.
\p
\v 10 Al ottu Timoteo ihumata ifwotuna inyi ŋadi inyi itoŋo jihatai ta abaŋi, nyo igyama inyi egyama ono Hobu ihwa an ehanio ni.
\v 11 Tania helaha obo omyana inyi. Ati olwahata inyi te ekoi jo oŋida inyi ocohuno jihoŋ ta nelik taji, nyo etila ni inyi iko mottyarak hoŋ hul ofwonni ikonyi.
\p
\v 12 Te eram ono illa hohoi Apolo ekyana nya ni jihonyi bebe jo oŋida inyi olo jihatai Korinto iko illarak hohoi ati obeŋ inyi awak leten ihwania. Ottu adi inyi jihatai al owon asiruna ono amiji jihonyi.
\p
\v 13 Ihumata mi. Owotyati ta neruk hatai. Itagoloto atajya hatai ihwa alyawa, bwo owotyati ta agolon.
\v 14 Ihaniete erre daŋ imunori laati.
\p
\v 15 Imijana itai bo Stifanas iko aati hutto haŋ honyi; isi nyia etterita waati ta Akaya hunyia oyitoi 'to a Kristiani. Atuhoni isi ahuattek hosi 'daŋ igiamari ta aati Hollum. Illarak iko haniyarak hoŋ, attana ni itai jio,
\v 16 ijifatiete arihok ihuo hulia, iko aati 'daŋ hulle igiamai 'to ikosi.
\v 17 Amuno ni ta afanyan ono Setefano iko Fortunato bwo Akaiko, nyo olwahye isi ani imaji hatai.
\v 18 Bwo olwahye isi ataji hoŋ iko hunatai. Omijana jo oyiji laati ihwo hulo.
\p
\v 19 Itifonyai eklesyahyen hutta Asia itai. Bwo itifonyai Akwila iko Prisila itai ta afure Hollum arabotye iko eklesya on owon ihaji hosi.
\v 20 Itifonyai illarak daŋ itai. Ifonyana bwo fe illarak hatai ta ahas.
\p
\v 21 Ani Paulo, efonyo ni itai ta afure hoŋ en egyoro ni ana.
\v 22 Kuyya owon obo ol obeŋ omuno Hobu ijara inyi hotoye. Ottu adi Hobu hohoi.
\v 23 Ijara amehino ono Hobu Yesu Kristo hatawana jihatai.
\v 24 Owon amuno hoŋ jihatai daŋ to Yesu Kristo. Isi hunia.