See in Reader
1359 lines
127 KiB
Plaintext
1359 lines
127 KiB
Plaintext
\id ACT
|
||
\ide UTF-8
|
||
\h Ehanita
|
||
\toc1 Ehanita
|
||
\toc2 Ehanita
|
||
\toc3 act
|
||
\mt Ehanita
|
||
\c 1
|
||
\cl Angati 1
|
||
\p
|
||
\v 1 Tiofilo, jyo abuk hoŋ etabotye legyorok ni ehanita huno Yesu daŋ iko ettiyenita honyi many t’etteri,
|
||
\v 2 many jyo noloŋ ninya akafarik inyi lidou, bwo inyi latuhok esyarana ifahita to Oloyiri ol Olibo jyo lefahatb honyi hinya onyimu inyi.
|
||
\v 3 Bwo fe ihalu ittigemita honyi, italeyehi nya inyi ahwan honyi al isu jihosi te etamijanita arryai, to oŋitek atomwana aŋwan bwo iramyo inyi erre huno olobye Hollum.
|
||
\p
|
||
\v 4 Ati to obo oloŋ, ninya hetoŋoi inyi ikosi, ittittoyo inyi isi ojo, Hefwatta addi to Yerusalem, ati itilati ecorit ono Monyoŋ. Ojo inyi, Inyi ana ecorit inya itaniŋuna tai jihoŋ.
|
||
\v 5 Nyo ahode batisimo ono Yoane ara ta aari ati ihalu omuk oŋitek kai ibatisye adi itai to Oloyiri ol Olibo.
|
||
\p
|
||
\v 6 Ninya lattubanie isi ifiye isi inyi ojori, Hobu, ilo attadi iye ihwania inyyahina nolobye jyo Israele?
|
||
\v 7 Ojo inyi jihosi, Ibyaŋata tai iremehina mijana asahyen iko noŋitek hun oŋotok Monyoŋ ta awahan honyi.
|
||
\v 8 Ati ifwotuna adi itai adwaran al attu Oloyiri ol Olibo jihatai bwo fe irata adi itai ahetamijanak hoŋ limiji Yerusalem bwo Yudea iko Samaria bwo fe ifauhyen hun omuk daŋ.
|
||
\v 9 Ninya latuhok inyi nekyanita huna bwo isi harasai yadari jihonyi igonyuni isi inyi lakafi ahide, bwo fe nedis ette raŋuna inyi ette inyi litohina to hoŋite hosi.
|
||
\p
|
||
\v 10 Ati hekikorihini isi lidou ta aleten honyi, kwak teyya igonyuni isi lomuk laati arrihai awotyai iger hosi iko aboŋojin hun obwori.
|
||
\v 11 Ojori isi, Itai, hulo Galilea hulo. Nanyo en ibonnatyati tai ette yadari ahide idou? Yesu lodwo al akafarai jihatai ahide idou, ocohuno adi orrijo ihwa an akafarik inyi ania idou.
|
||
\p
|
||
\v 12 Teyya, acaharai isi Yerusalem to doŋe an ifurani Oliveto an ilyaha’to imiji Yerusalem.
|
||
\v 13 Ninya lajiŋani isi lihaji ette isi icul ittugul on owon’to ihide haji on ottubatyerek isi toloŋi; arai nya isi: Petro, Yoanne, Yakobo, Andrea, Filipo, Tomaso, Bartolemeo, Matteyo, Yakobo lonyi Alufayo, bwo fe Simone Selotc iko Yuda lonyi Yakobo.
|
||
\v 14 Owoni nya isi daŋ iko egigilo hosi abotye bwo odulori isi amojo arabotye iko aŋorwo bwo Maria honye Yesu, iko illarak honyi.
|
||
\p
|
||
\v 15 To oŋitek hwa owotya Petro ihiji illarak honyi ikyanari. Owon nya neluluŋ wati hul arai esiha abotye iko atomwana arrihai.
|
||
\v 16 Ojo Petro jihosi, Illarak hoŋ, oŋida itasiruni egyerita hunya igyoroni hun ikyana Oloyiri ol Olibo to hutuk Davide te eram ono Yuda latadihoni heniafak Yesu.
|
||
\v 17 Nyo ara nya inyi aholohoi bwo aharani nya inyi ligyamari ikohoi.
|
||
\p
|
||
\v 18 Inyyaŋu nya Yuda amana te edumiti hunya itinyyaŋaniere inyi Etalahani ette inyi kwaharo dia ette fodoho tehiji ette amonyit honyi idwoŋ.
|
||
\v 19 Tania omijani aati Yerusalem daŋ ette ifurana amana ana te ekyana hosi ojo, Akedama on ojo, amana ewot hoto.
|
||
\p
|
||
\v 20 Ati igyoroni ibuk ono afureta huno Davide ojo, “Hetera amaji ana amura Bwo fe hetelaha tulo amanya dia.” Igyoroni bwo fe, “Ijara obo hotorutak egyama honyi.”
|
||
\p
|
||
\v 21 Osiru dwo obo orutak amaji nya irari ahetamijanani ikohoi ono nebuhuna Yesu.
|
||
\v 22 Oŋida inyi ara olo hulo hunya ewon’to ikohoi ta asahyen daŋ hunya edahatyere hohoi iko Hobu Yesu many ibatisyere Yoane inyi many acahari inyi idou.
|
||
\p
|
||
\v 23 Ojo teyya ette isi nyimuna aati arrihai, Mattia bwo Yosefo al ifurani Barsaba, bwo afure honyi abotye anya Justo.
|
||
\v 24 Tania omojoi isi ojori, Monye, ihwo imijak bwo iye atajya wati daŋ, itahutak alali oŋida hohoi enyimu jyo aati hulo arrihai hulo irari alefahata ikohoi,
|
||
\v 25 oŋida orutak amaji inya onyimoni jyo Yuda igyamari, nyo lalo Yuda addi, imaji honyi.
|
||
\v 26 Tania ikilai isi ette ikiluna Mattia ette inosonia inyi iluluŋ ono lefahat hulo ’tomon habotye.
|
||
\c 2
|
||
\cl Angati 2
|
||
\p
|
||
\v 1 Ninya lidwoŋ oloŋ ono Pentikoste, ottubanie eruhok daŋ eluluŋ imaji abotye.
|
||
\v 2 Teyya kwak ottu netiri oyyami on obolo t’edou ette itufut aji ninya itoŋorik isi.
|
||
\v 3 Ojo teyya otte aŋadyef hima leyo jihosi, ette wulori lihosi hosi ababo.
|
||
\v 4 Tania ette isi ifut iko Oloyiri ol Olibo otte isi daŋ itteryo ikyana omuk ekyanita hun olufaji ihwa aharak Oloyiri ol Olibo isi ikyanari.
|
||
\p
|
||
\v 5 To ninya amanyai lomuk hulo Yudea Yerusalem, arai isi awati hul omijani eram Hollum hul ofwonni to fauhyen daŋ.
|
||
\v 6 Ninya litaniŋuni isi etiri ania ofwonni eluluŋ wati bwo illillihai isi bebe nyo itayiruni isi lefahat ikyanai te ekyanita hosi gele gele.
|
||
\v 7 Illillihai isi bebe bebe ette jaran, Obyaŋara adi hulo Galilea hul ikyanai’to hulo?
|
||
\v 8 Ati aŋai eremik hohoi itaniŋuna ta nekyanita hutto misihi hohoi?
|
||
\v 9 Bwo amisik hohoi huna daŋ, Partia, Media, Elama, Mesopotamia, Yudea, Kapadosa, Ponto, iko Asia,
|
||
\v 10 Frigia, Pamfilia, Masir, Libia, Cirene, bwo hulo Roma, Yudea iko paganohyen hul iruhi emohiti huno Yudea,
|
||
\v 11 hulo Kreto, iko Arabia; ikyanai laati hulo jihohoi ehanita Hollum hun obolori’to ati etaniŋu hohoi daŋ te ekyanita hohoi gele gele.
|
||
\v 12 Illillihai isi daŋ bwo fe ayadari ette ifiyo illarak hosi ojori, Anyo eram dia?
|
||
\v 13 Ati omorye omuk ojori, Kuyya orumai adi isi.
|
||
\p
|
||
\v 14 Teyya owotya Petro iko hulo ’tomon habotye bwo ikyana jyo eluluŋ wati on okwat ojo, Itai laati hulo Yudea iko laati lamanyak Yerusalem, itaniŋyete jyo ekyanita hoŋ, bwo oŋida imijana erre huna.
|
||
\v 15 Obeŋi laati hulo orumai ihwa ijatta tai nyo hara saa hottoŋwan otto motye.
|
||
\v 16 Ati inyi eram ninya ikyana eyani sayyo Jole ojo,
|
||
\v 17 “Ihwa ojo Hollum, Ejuhok adi ni Oloyiri hoŋ iwati jyo noloŋi nesidita. Tania ikikilai adi onyirok hatai iko ŋarryok hatai. Bwo fe monyomiji igonyuni adi neleyiti hun ofwonni’to jyo Hollum, Bwo irigyai adi lamarwak hatai arigyai.
|
||
\v 18 Jyo laati legyamak hoŋ iko aŋorwo egyamak hoŋ To oŋitek hwa ejuhok adi ni Oloyiri hoŋ, Bwo ikilai adi isi erre hun ofwonni’to.
|
||
\v 19 Tania etahutak adi ni ellillihita hutto hide idou Bwo etamijanita hutta fau Ihwa nooto iko eema bwo afuro.
|
||
\v 20 Hobeŋ noloŋ eneittok’on ono Hobu ottu, Oyito adi oloŋ emoli Bwo nayafa ahoto.
|
||
\v 21 Bwo fe al iloŋo’to afure ono Hobu italahuni adi.”
|
||
\p
|
||
\v 22 Itai aati hulo Israele, itaniŋyete ekyanita huna. Yesu olo Nasaret, inyi latulo al itahutaniere Hollum adwaran honyi te ellillihita iko etamijanita bwo egyamita hun obolori’to ihiji hatai ihwa imijana tai ta ahwattek hatai.
|
||
\v 23 Isyarana tai inyi ihas wati hul orrohoji’to isihonierek inyi bwo fe ette ’tohoro ihwa oŋot nya Hollum to ofyoro honyi.
|
||
\v 24 Ati itubuhu Hollum inyi bwo fe ohohi inyi to ye nyo obeŋ naye oremik gotyere inyi.
|
||
\p
|
||
\v 25 Ihwa ojo nya Davide tenyi, “Egonyutta ni Hobu oŋitek daŋ ihosyere hoŋ, Nyo owon inyi ihani iŋet hoŋ tania abeŋ ni ajo elafuho.
|
||
\v 26 Tania omuno ataji hoŋ bebe bwo fe ikyana aŋadyef hoŋ etahabuyo. Bwo owon adi ahwan hoŋ iko eyihina.
|
||
\v 27 Nyo ibeŋ adi iye ibusak oloyiri hoŋ imaji hayak, Bwo fe ibeŋ adi iye iŋatak lya ol olibo’to omuyak.
|
||
\v 28 Iye ani itahutak ekota huno nesu. Ta awanan hoi ikoŋ itufutak adi iye ani ta namuno.”
|
||
\p
|
||
\v 29 Hotto hulo, ekyana ni jihatai ahode jyo hohonyi hohoi Davide ol oye nya ette nuhana bwo fe many jyo oloŋ ana ahana owon elume honyi ikohoi.
|
||
\v 30 Ati ara Davide aheyani sayyo bwo omijak inyi jo ocorok nya Hollum te ellama jihonyi jo etadetu adi inyi obo lobu jyo lonyirok honyi.
|
||
\v 31 Omijak Davide neram ana bwo ikyana inyi te ebuhuna ono Kristod al ojo inyi, “Obeŋ nya inyi arasa imaji hayak bwo fe obeŋ nya ahwan honyi omuyak.”
|
||
\p
|
||
\v 32 Yesu inyi alya inya itubuhu Hollum to ye bwo era hohoi ahetamijanak honyi.
|
||
\v 33 Itubuhuni inyi litoŋori ihani iŋet ono Hollum bwo fe ette ifwotuna Oloyiri ol Olibo jyo Monye ihwa inya ocoronierek. Inyi Oloyiri al isyarani ihwania jihohoi ihwa iremehina tai igonyuna bwo itaniŋuna.
|
||
\v 34 Nyo obeŋ nya Davide odok idou ati ojo inyi ta ahwan honyi jo, “Ojo Hobu Hollum jyo Hobu hoŋ, Itoŋoi oŋyatai hoŋ,
|
||
\v 35 Many ehananiere ni amyorok hoi ebalori hejek hoi.”
|
||
\p
|
||
\v 36 Ijara laati Israele daŋ omijani ahode jo, Yesu olo, linya isihonia tai, ihanak Hollum inyi a Hobu bwo fe a Kristo.
|
||
\p
|
||
\v 37 Ninya litaniŋuni aati nekyanita huna omiji atajya hosi ette ijiriŋa bebe ette ifiyo jyo Petro iko lefahat hul omuk jo, Hotto hulo, ehan ’tadi hohoi aŋai?
|
||
\v 38 Ojo Petro jihosi, Oŋida itai iloitoto atajya hatai ette ifwotuna batisimo ta afure ono Yesu Kristo. Tania obusak adi Hollum eyyata hatai ittata adi itai ifwotuna esyoryo ono Oloyiri ol Olibo.
|
||
\v 39 Nyo ara ecorit ana tetai iko aduri hatai bwo fe to hya hul alamaji’to iko to hya hul iloŋu Hollum ahulonyi.
|
||
\v 40 Bwo fe itamijanak Petro isi te ekyanita arryai ette ittittoyo isi ojo, Italahuna ahwattek hatai to ’rohoji on ottu adi jyo laati hulo.
|
||
\p
|
||
\v 41 Tania hinya iruhi ekyanita honyi ifwotuni batisimo, arai nya isi laati esiha atomwana hunihoi.
|
||
\v 42 Attati isi golihina jyo ettiyenita huno lefahat, ette ’ryahino ikosi ta abenyo imunio iko ta namojo.
|
||
\p
|
||
\v 43 Ottu abaŋi on obolo jyo laati daŋ nyo ihanie efahat etamijanita iko ellillihita arryai.
|
||
\v 44 Amanyai nya eruhok eluluŋ bwo fe ette ’tubana asaŋ hosi arabotye.
|
||
\v 45 Itinyyaŋari isi asaŋ hosi daŋ lihohoryere jyo eruhok daŋ ihwa awahi isi.
|
||
\v 46 Adahatye isi oŋitek daŋ ihaji imojit eneittok bwo fe oŋiyetye isi arabotye lihaŋitek hosi ta namuno on obolo,
|
||
\v 47 litahabuyere Hollum, ette laati daŋ muno isi. Attati Hobu fonihita jihosi oŋitek daŋ aati lomuk hul italahuni.
|
||
\c 3
|
||
\cl Angati 3
|
||
\p
|
||
\v 1 Adahatye nya Petro iko Yoane ihaji imojit eneittok imojori ta asaa hunihoi otto otoryai nyo inyi asaa ono amojo.
|
||
\v 2 Owon nya obo atulo ol oŋura many t’esiuniere. Oŋitek daŋ iyaŋutai isi inyi ihaji imojit eneittok jyo ekat an ifurani Ilaman, ifiyere agurusi jyo hul ojinani’to dia.
|
||
\p
|
||
\v 3 Igonyu inyi Petro iko Yoane hul ojori ojiŋani ihaji imojit eneittok ette inyi ifiyo isi to obo esyoryo.
|
||
\v 4 Ette Petro iko Yoane yadari jihonyi ette jaran, Ikemijye jihohoi.
|
||
\v 5 Otte inyi mijo jihosi ta neyihina ifwotuniere obo ariŋ jihosi.
|
||
\v 6 Ojo Petro jihonyi, Obeŋi omuk agurusi jihoŋ ati ariŋ on owon’to jihoŋ esyarak adi ni jihoi. Ta afure Yesu olo Nasaret, tadahai.
|
||
\v 7 Ette Petro inef inyi ta aani iŋet ette itadet ahide. Teyya kwak ette ellohi hejek honyi golon.
|
||
\v 8 Bwo ollwa inyi ahide ette wotya ette itteryo adaha. Teyya ojiŋari isi ikonyi ihaji imojit eneittok. Olluta inyi ’luta ta adaha honyi itahabuyere Hollum.
|
||
\p
|
||
\v 9 Igonyuni aati daŋ inyi adaha bwo arasa itahuyo Hollum,
|
||
\v 10 omijani isi jo inyi alya lemimojoni al itoŋotyo’to ikat an ifurani Ilaman, ette isi illilliha bebe ta naŋidari hwan honyi.
|
||
\v 11 Henef inyi Petro iko Yoane, ette aati daŋ hinya illillihai’to bebe ŋyoron jihosi ihiloŋoni an anya’to eloŋoni ono Solomone.
|
||
\p
|
||
\v 12 Ligonyu Petro nellilliha hosi ette jaran jihosi ojo, Itai laati hulo Israele, nyo illillihati tai jyo atulo olo? Nyo iyadarata tai jihohoi? Ijatta tai ta nadwaran hohoi kuyya bu ta ayiji hohoi adaha atulo olo?
|
||
\v 13 Hollum olo Abramo iko Isako bwo Yakobo, Hollum olo hohonyok hohoi, inyi alya al itahabu’to apit honyi Yesu, inya isyatta tai jyo Pilato, ittata tai ihara dwadi awak Pilato hohina inyi.
|
||
\v 14 Ihara nya itai lya ol olibo’to bwo fe obis, ittata igula ta attohoni oŋida ohohini jihatai.
|
||
\v 15 Bwo ittohoro tai Hobu olo nesu. Ati itubuhu Hollum inyi to ye. Tania era hohoi ahetamijanak honyi.
|
||
\v 16 Ta neruk ifure honyi itaŋidari atulo olo ihwa igonyuna tai bwo fe imijana. Ahode ahode, ara ta neruk jyo Yesu an isyarak aŋidari jyo atulo olo ihomomite hatai daŋ.
|
||
\p
|
||
\v 17 Ihwania illarak amijak ni jo ihaniete tai on orroho jyo Yesu ta abyaŋan mijana ihwa ihanie eleittaha hatai.
|
||
\v 18 Ati itahutak nya Hollum te ekyanita huno eyak sayyo jo ittigemye adi lonyimoto honyi. Ihwania itasiruni egyerita.
|
||
\v 19 Tania iloitoto atajya hatai bwo irwejata jo oŋida eyyata hatai ifufusunie addi ette Hollum isyarana jihatai egigilita aŋejuho.
|
||
\v 20 Bwo ifahu adi inyi Kristo linya onyimoni jihatai al anya Yesu.
|
||
\v 21 El itoŋo’to lidou many ottubari asaa an ihuhumierek erre hutta fau. Ihwa ikyana nya Hollum te etuhe huno eyak sayyo hul olibori’to.
|
||
\v 22 Ojo nya Mose, “Itadetu adi Hollum Hobu eyani sayyo t’ehiji illarak hatai ihwa inya itadetuniere inyi ani. Bwo oŋida itaniŋyete tai daŋ erre hun iramak inyi jihatai.
|
||
\v 23 Ottohori adi aati daŋ addi hul obeŋi’to itaniŋye jyo eyani sayyo alya.”
|
||
\v 24 Eyak sayyo hinya ikyanai’to, to oŋitek huno Samwele iko huttehalu honyi, iramye nya isi daŋ oŋitek huna.
|
||
\v 25 Itai laati hul itaniŋuna’to bwo fe irutana ecorit inya ocorok Hollum jyo hohonyok hatai, iramak nya inyi ahosyere jyo Abramo jo, “To woyo hoi itajahinie adi aati daŋ hutta fau.”
|
||
\v 26 Onyimu Hollum apite honyi ette ifahina inyi jihatai ahosyere itirwejere itai daŋ t’eyyata hatai ittata tai nyurana amuno.
|
||
\c 4
|
||
\cl Angati 4
|
||
\p
|
||
\v 1 Hekyanai Petro iko Yoane jyo laati ette ehumak iko eleittok olo oseŋer hutto haji imojit eneittok bwo Saducehyen fwanna jihosi.
|
||
\v 2 Nyo iloŋojitai isi te ettiyenio ono ba Petro laati te ebuhuna ono Yesu to ye.
|
||
\v 3 Ette isi inef isi ette ihanana ibabus itilauniere amotye nyo ara nya akikai.
|
||
\v 4 Ati iruhi lomuk arryai hinya itaniŋuni’to ekyanita, arai nya isi alif miet.
|
||
\p
|
||
\v 5 Nya motye ottubanie eleittaha hosi iko amarwak bwo egyorokf daŋ imiji Yerusalem,
|
||
\v 6 iko Anas ehumani ol obolo’to bwo Kaifa, Yoane iko Alesandro bwo omuk hutta haŋ ba ehumani ol obolo’to.
|
||
\v 7 Itawojihini isi lefahat hulya ihosyere hosi ette ifiyo isi jojo, Anaŋai adwaran kuyya anaŋai afure an ihaniete tai ariŋ ana?”
|
||
\v 8 Tania Petro el efut iko Oloyiri ol Olibo itarraŋ jihosi ojo, Itai eleittaha iko lamarwak,
|
||
\v 9 kuyya ifiyete tai ta nayiji an ihani jyo latulo oloŋura olo, bwo fe aŋai oŋida atulo olo, asayyo ati huna tetai;
|
||
\v 10 oŋida imijana tai daŋ iko laati hutto Israele jo ta afure ono Yesu Kristo olo Nasaret owotya atulo olo ihosyere hatai ol ogol. Inyi Yesu alya inya isihonia tai ikruce bwo itubuhu Hollum inyi to ye.
|
||
\p
|
||
\v 11 “Ara inyi amorwog inya irwoŋori aduhok addi on ottu’to rahan amorwo etteri lohitir.” Bwo irata tai ihwa aduhok hya.
|
||
\v 12 Ati obeŋ etalahuna jyo obo, nyo obeŋ obo afure to fauhyen daŋ an isyori jyo aati en eremehiniere hohoi italahuniere.
|
||
\p
|
||
\v 13 Ninya litaniŋuni isi neŋere ono Petro iko Yoane bwo omijani isi jo arai isi laati hul obeŋi omijani awaraga illillihai isi ette mijana jo owoni nya lefahat hulya iko Yesu.
|
||
\v 14 Ninya ligonyuni isi bwo fe atulo al itaŋidari owotyai ikosi obeŋi isi itarraŋi omuk erre.
|
||
\p
|
||
\v 15 Tania ifahini isi lefahat hulya ilet ette isi iwwaha hama.
|
||
\v 16 Ojori isi, Ehan adi hohoi aŋai aati hulo? Nyo itaniŋuni aati daŋ hutto Yerusalem ehanio hosi nadwaran on obolo’to ana tania ettallik hohoi monio inyi.
|
||
\v 17 Ati heramana isi hotobyaŋahi inyyahi ikyana ta afure Yesu nyo ŋadi eram ana isarrahi jyo laati.
|
||
\v 18 Teyya iloŋuni isi lefahat hulya bwo ifahini isi hotobyaŋahi inyyahi ikyana, ara dwo bu ittiyenio ta afure ono Yesu.
|
||
\p
|
||
\v 19 Ati itarraŋi Petro iko Yoane jihosi jojo, Oŋocete ta ahwattek hatai, anani on oyyu’to ihosyere Hollum, oŋida hohoi efaha jihatai kuyya jyo Hollum?
|
||
\v 20 Ati jihohoi ebeŋ hohoi eremik busana ekyana te erre hun egonyu hohoi bwo fe etaniŋu.
|
||
\p
|
||
\v 21 Tania iŋerejanie isi jihosi ette hohina lefahat hulya hetefwahi nyo obeŋi isi oremehini rumana obo ekoi ibahyere isi, nyo itahabuye laati Hollum te eram ana.
|
||
\v 22 Nyo arai aŋasi huno atulo al itaŋidari olo atomwana aŋwan.
|
||
\p
|
||
\v 23 Ninya lahohini isi ette isi fwatan jyo mottyarak hosi ette iramana nerre daŋ hyodwo ojori ehumak eleittaha iko lamarwak.
|
||
\v 24 Itaniŋuni isi ana ette isi daŋ itakwat amojo hosi jyo Hollum jojo, Iye Hobu al igalik daŋ, iyyeu iye edou iko afau, aari iko erre daŋ hun owoni’to dia.
|
||
\v 25 To Oloyiri ol Olibo ikyana nya iye te etuk Davide apit hoi al ara’to hohonyi hohoi jo, “Anyo iloŋojitai paganohyen? Bwo fe nyo igigiloi laati erre hun obeŋi isi oremehini ihanio?”
|
||
\v 26 Ottubanie hobwok hutta fau iko eleittaha Bwo irumitai ette iturumoro ahwattek hosi jyo Hollum iko jyo Kristo onyimoto honyi.”
|
||
\p
|
||
\v 27 Jyo amiji ana ottubanie Erode, Pontio Pilato, bwo paganohyen iko laati hutto Israele jyo apit hoi ol olibo’to, inyi Yesu linya inyimu iye.
|
||
\v 28 Ottubanie isi ihaniere erre hunya iŋot iye ta adwaran iko awahan hoi.
|
||
\p
|
||
\v 29 Ihwania Hobu, imijye jyo eŋerejita hosi bwo isyarak eŋere jyo apiti hoi ittittoyere asayyo hoi.
|
||
\v 30 Ijara aani hoi itaŋidaryo aati bwo fe hetehanie edwariti iko etamijanita ta afure ono apit hoi ol olibo, inyi Yesu.
|
||
\p
|
||
\v 31 Homojoi isi ette amaji an itoŋorik isi ikikiro. Ette isi daŋ ifut iko Oloyiri ol Olibo ette ittiyenio ekyana ono Hollum te eŋere.
|
||
\p
|
||
\v 32 To ninya to nya itoŋoi eluluŋ heruhok ta ataji abotye bwo fe egigilo hosi arabotye. Obeŋ obo olosi ojo asaŋ honyi arai ahunonyi hama, ati ottubani isi asaŋ hosi daŋ arabotye.
|
||
\v 33 Ta adwaran itamijanani lefahat nebuhuna ono Hobu Yesu ette amehino ono Hollum itoŋo ikosi daŋ.
|
||
\v 34 Obeŋ obo olosi awak obo ariŋ nyo hul owoni’to iko asik kuyya amatta itinyyaŋari isi erre hosi addi bwo isyarani agurusi hwa jyo lefahat.
|
||
\v 35 Ati aharatai lefahat oŋitek daŋ agurusi jyo hul iratai’to.
|
||
\p
|
||
\v 36 Tania Yosefo, al iloŋoi lefahat Barnaba, on ojo etilihani,
|
||
\v 37 itinyyaŋak nya amana honyi ette iyaŋuno agurusi isyaraniere jyo lefahat. Ara inyi to woyo ba Levi bwo amiji hosi Ciporo.
|
||
\c 5
|
||
\cl Angati 5
|
||
\p
|
||
\v 1 Ati owon nya obo atulo, afure honyi Anania bwo ŋorwoi honyi Safira, itinyyaŋak nya amana hosi.
|
||
\v 2 Ati omwanak nya latulo olo agurusi omuk bwo ette isyarana lefahat ofitot bwo omijak nya ŋorwoi honyi.
|
||
\p
|
||
\v 3 Ati ojo Petro jihonyi, Anania, nyo itufutak Sitan ataji hoi igyosomori jyo Oloyiri ol Olibo ette mwanana anus huno agurusi hun inyyaŋarik amana?
|
||
\v 4 Hebeŋ iye itinyyaŋak amana ana, obeŋ nya inyi ara ahonohoi? Bwo litinyyaŋak iye, obeŋi agurusi hunia arai ahunohoi ihaniere ihwa iwak iye? aŋai igigilo iye itaji hoi ihaniere ihwania? Ibeŋ iye igesem jyo laati ati jyo Hollum luŋa.
|
||
\v 5 Ninya litaniŋu Anania ekyanita huna, akwaharo inyi ifau ette ye. Attati abaŋi on obolo jiŋana itajya wati hul itaniŋuni’to eram ana.
|
||
\v 6 Odyotoi monyomiji ette bubunana inyi ette iyaro ilet inuhaniere.
|
||
\p
|
||
\v 7 Ihalu asahyen hunihoi afany ŋorwoi honyi on otimo jo anyo idwoŋ jyo habi honyi.
|
||
\v 8 Ojo Petro jihonyi, Iramak ani, itinyyaŋana tai amana ta agurusi huna kuyya obeŋ? Itarraŋ inyi ojo, Afe, ta agurusi hunia.
|
||
\v 9 Ojo Petro jihonyi, Aŋai igigiloti tai arabotye iryafyere Oloyiri olo Hollum? Imija aati anuhak habi hoi hutte kat. Eyarai iye ahana.
|
||
\v 10 Kwak teyya akwaharo inyi ihosyere hejek Petro ette ye. Ania, ette monyomiji fwanna nyurana inyi laye ette iyaro inyi ilet linuhaniere iger habi honyi.
|
||
\p
|
||
\v 11 Attati abaŋi on obolo bebe ’tuna jyo eklesyah daŋ iko jyo aati daŋ hinya itaniŋuni’to erre hunia.
|
||
\p
|
||
\v 12 Ihwania ihanie lefahat etamijanita iko edwariti arryai ihiji wati bwo ottubanie isi ihiloŋoni ono Solomone.
|
||
\v 13 Bwo aati omuk abaŋi ifwonniere jihosi nyo itahabuye aati isi bebe.
|
||
\v 14 Ette aati ifwonnitta hul iruhi jyo Hobu ittubari ikosi, alyawa iko aŋorwo arryai.
|
||
\v 15 Akafattai isi aŋwak te ejotiti hosi ikoi jo oŋida el elor Petro tolya kuyya ara bati hottirok inyi abali hwan honyi jihosi.
|
||
\v 16 Bwo fe aati hutto misihi hutteger Yerusalem ette fwanna iyaŋunie iko aŋwak hosi iko hul oŋiye ajohin ette isi daŋ ŋidari.
|
||
\p
|
||
\v 17 Ati ahain ehumani ol obolo’to bebe iko laati honyi hul anyai’to Saducehyen,
|
||
\v 18 ette isi inefuna lefahat ette ifitana isi ibabus.
|
||
\v 19 Ati ta arwe ottu anjelo olo Hollum ette ŋa ekatin babus bwo iyaŋuno isi ilet ette jaran jihosi,
|
||
\v 20 Ifwatta ihaji imojit eneittok ittata wotya dia ittiyeniere ekyanita huno nesu.
|
||
\v 21 Tania ta amotye hanyik ojiŋani isi ihaji imojit eneittok ittiyeniere. Attati ehumani ol obolo’to fwanna iko aati honyi ette iloŋuna eleittaha hulo aati Israele bwo ifak oseŋer ibabus iyaŋuniere isi.
|
||
\v 22 Afanyi oseŋer dia, onyurani isi abeŋi, ette isi caharu ette jaran,
|
||
\v 23 Enyurak hohoi ababus ihyana bwo errirryak owotyai ikatin ati al eŋa hohoi ekatin enyurak hohoi labeŋ tulo ’totwa.
|
||
\v 24 Ninya litaniŋu eleittok olo oseŋer iko ehumani ol obolo’to ekyanita huna ette isi illilliha ojori, Aŋai idwoŋi erre huna?
|
||
\v 25 Ati ottu obo iramaniere isi ojo, Aati hyoŋole ifitana tai ibabus ittiyenie aati ihwania ihaji imojit eneittok.
|
||
\v 26 Attati eleittok iko oseŋer honyi fwatan iyaŋuniere isi ati obyaŋara ta agolon nyo abaŋi isi ŋadi aati irwoŋye isi.
|
||
\p
|
||
\v 27 Iyaŋunie isi lefahat ette itawojihina isi ihosyere hewwak hirre ette ehumani ol obolo’to ifiyo jihosi ojo,
|
||
\v 28 Eramak nya hohoi itai jo, hettiyeniete ta afure ana, ati itufutana tai Yerusalem te ettiyenita hatai bwo fe iwahata ŋotonia naye ono atulo alya jihohoi.”
|
||
\v 29 Ati itarraŋi Petro iko lefahat jojo, Oŋida eniŋyo hohoi Hollum agalik aniŋyo laati.
|
||
\v 30 Hollum olo hohonyok hohoi inyi itubuhu Yesu linya ittohoro tai te esihonia hatai inyi ikruce.
|
||
\v 31 Itubuhu Hollum inyi ette ititoŋonia inyi ihani iŋet honyi bwo fe ihanak inyi Eleittok iko ahetalahani olo Israele isyoryere jihosi eloico ono ataji iko ahohina ono eyyata hosi.
|
||
\v 32 Era hohoi daŋ iko Oloyiri ol Olibo ahetamijanak hulo nerre huna nyo isyo Hollum Oloyiri jyo hul oniŋye’to inyi.
|
||
\v 33 Itaniŋuni isi hunia ette isi iloŋojita bebe bebe ette jaran ettoho isi.
|
||
\p
|
||
\v 34 Ati owon nya obo dia olo Farisei afure honyi Gamalio. Ara inyi ahettiyanani bwo fe ohu nya nafure honyi jyo laati. Ette inyi wotya bwo ifak lefahat ofwoi do ilet.
|
||
\v 35 Ofwoi isi ette inyi jaran jyo hul iwwahai eram ania ojo, Itai aati Israele, ihumata mijo anyo ihaniete tai jyo aati hulo.
|
||
\v 36 Nyo imijana tai oŋitek hunya odyotori Tadeo linya ojo’to jo ara inyi eleittok bwo fe ijifatye nya aati esiha aŋwan inyi, ati oye inyi bwo aati honyi ette isarrahina.
|
||
\v 37 Bwo ihalu odyoto Yuda olo Galilea to oŋitek hunya ihenierek aati. Ijifatye omuk laati inyi ati laye inyi ette aati honyi isarrahina.
|
||
\v 38 Tania eramak ni itai te eram ana, idehina aati hulo. Nyo al igyamai isi ta awahan ono aati isarrahi adi eram hosi asai.
|
||
\v 39 Ati kuyya igyamai isi ta awahan ono Hollum ibyaŋata adi itai iremehina itihuna isi. Bwo fe ihumata igigilo ŋadi irata amyorok hulo Hollum.
|
||
\v 40 Tania iruhi isi ekyanita honyi. Attati iloŋuna lefahat ette ifodok isi ifodok bwo iramani isi jo oŋida isi obeŋi inyyahi ittiyenio ta afure Yesu, ette isi hohina isi hefwahi.
|
||
\p
|
||
\v 41 Obusani isi eleittaha ta amuno nyo osiru jihosi idihuniere ettigemita ta afure ono Yesu.
|
||
\v 42 Bwo oŋitek daŋ ittiyenie isi ihaji imojit eneittok iko ihaŋitek daŋ jo ara Yesu olonyimoto olo Hollum.
|
||
\c 6
|
||
\cl Angati 6
|
||
\p
|
||
\v 1 To oŋitek hunia nyo alwaji leruhok, iŋuŋunitai omuk hulo Grik jyo hulo Ebrei nyo ojori isi abeŋi obiloŋi hosi ifwotuttai aŋiyo on oremik al ahorye lefahat to oŋitek hwa daŋ.
|
||
\p
|
||
\v 2 Tania ette hulya ’tomon harrihai hul anyai’to lefahat, iloŋuna eruhok daŋ bwo ojori jihosi, Obeŋ osiru jihohoi idehiniere ettiyenio eram Hollum ligyamari ta neram ŋiyo.
|
||
\v 3 Tania hotto hulo, onyimuna tehiji hatai aati hattarik hul oyiji bwo ifuti iko Oloyiri bwo olofyoro ligyamari egyama ana.
|
||
\v 4 Bwo etoŋo adi hohoi ahamojok bwo fe ahettiyanak hiram Hollum.
|
||
\p
|
||
\v 5 Omunoi eruhok daŋ te ekyana ana ette isi nyimuna Setefano, atulo ol obolo neruk honyi bwo fe ifut iko Oloyiri. Bwo fe onyimuni isi Filipo, iko Prokoro, Nikano, Simone, Parmona iko Nikolao olo Antioka.
|
||
\v 6 Iyaŋunie isi lonyimot hulo ette itilyoronia isi ihosyere lefahat ette isi mojo tesi bwo iyyabani ahas hosi jihosi.
|
||
\p
|
||
\v 7 Tania oboboloruno nekyana Hollum bwo fe olwalwajunie eruhok honyi bebe imiji Yerusalem bwo ofwonni ehumak arryai liniŋyere jyo nelahode.
|
||
\p
|
||
\v 8 Ifut nya Setefano iko namehino bwo nadwaran ette inyi ihanio ellillihita iko etamijanita ihiji wati.
|
||
\v 9 Tania omuk aati hul ifurani Libertino iko omuk hulo afau Cirene, Alesandria, Silisia, bwo Asia aŋalafai ikonyi.
|
||
\v 10 Ati obeŋi nya isi oremehini itarraŋuna nekyana honyi nyo ikyana inyi to ofyoro iko to oloyiri.
|
||
\p
|
||
\v 11 Tania odumai isi omuk laati irrosyere inyi jo, Etaniŋu hohoi amoryo honyi Mose iko Hollum.
|
||
\v 12 Tania iloŋojitai aati hutto miji iko amarwak bwo legyorok. Ette inefuna inyi liyaŋuniere inyi ihosyere hewwak hirre.
|
||
\v 13 Ette isi iloŋuna etamijanak irrositi hinya ojori jo, Odulo atulo olo moryo amaji on odwa’to ana iko efahita huno Mose.
|
||
\v 14 Nyo etaniŋu hohoi ekyana honyi jo, Itattur adi Yesu olo Nasaret amaji ana bwo iloit adi inyi emohiti hunya isyo Mose jihohoi.
|
||
\p
|
||
\v 15 Ikikorihini hul iwwahai’to jyo Setefano bwo igonyuni isi omom honyi liyyalarai iko ono anjelo.
|
||
\c 7
|
||
\cl Angati 7
|
||
\p
|
||
\v 1 Ojo ehumani ol obolo’to jyo Setefano, Arai erre hunia ahode?
|
||
\v 2 Itarraŋ Setefano ojo, Itai illarak hoŋ iko monyye hoŋ, itaniŋyete jihoŋ. Oleyo nya Hollum olo akwatan jyo hohonyi hohoi Abramo howon inyi ifau Mesopotamia, hobeŋ inyi ottu imiji Haran.
|
||
\v 3 Bwo ojo Hollum jihonyi, “Obusak ahaŋ iko afau hatai, ilo jyo afau en etahutak adi ni iye.”
|
||
\p
|
||
\v 4 Tania obusak inyi afau Kaldea bwo ottu imanyari imiji Haran. Ihalu aye monyonyi, iyauno Hollum Abramo to fau ania many jyo afau ana an imanyati tai ihwania.
|
||
\v 5 Ati obeŋ Hollum isyo jihonyi obo amaji dwadi amaji on omuta bebe, ati ocorok Hollum jo esyo adi inyi afau ana jyo lonyirok honyi dwadi obeŋ obo eito jihonyi.
|
||
\v 6 Bwo fe ojo Hollum to aati hutto woyo honyi jo amanyai adi isi jyo obo afau bwo ittigemye adi aati isi dia ta aŋasi esiha aŋwan.
|
||
\v 7 Ati ojo Hollum, “Aŋot adi ni aati hulo afau an itilopico’to isi ette adi isi fwan addi litahabuyere ani jyo afau ana.”
|
||
\v 8 Isyo Hollum bwo fe jyo Abramo efahi ono aŋoto. Ara nya Abramo monye Isako bwo oŋot inyi lonyi honyi to oloŋ itahottohunihi. Ara nya Isako monye Yakobo bwo Yakobo monye hohonyok hohoi hinya hulo ’tomon harrihai.
|
||
\p
|
||
\v 9 Attati hohonyok hohoi haini jyo Yosefo ette isi itinyyaŋana inyi ifau Masir. Ati arasa Hollum irrirriyo inyi.
|
||
\v 10 Ette italwahuna inyi t’ettigemita honyi bwo itilofere inyi ihosyere Faro hobu olo Masir ette Faro muno inyi bwo ihanak inyi eleittok olo ahaŋ honyi iko afau Masir daŋ.
|
||
\p
|
||
\v 11 Ninya lattu ahure iko eŋwati ifau Masir bwo Kanana, obeŋ aŋiyo jyo hohonyok hohoi.
|
||
\v 12 Itaniŋu Yakobo jo owoni ema ifau Masir ette inyi ifahina hohonyok hohoi dia edahit etteri.
|
||
\v 13 Jyo edahit etarrihi italeyehi Yosefo ahwan honyi jyo illarak honyi ette itahutana hutta haŋ hosi daŋ jyo Faro.
|
||
\v 14 Ojo teyya ette Yosefo itasaruna monyonyi Yakobo bwo aati daŋ hutta haŋ hosi; arai nya isi awati atomwana hattarik homiet.
|
||
\v 15 Olo Yakobo Masir ette ye dia iko hohonyok hohoi.
|
||
\v 16 Bwo lonyirok hosi inyyaharai nahwattek hosi limiji Sekama linuhaniere isi lilume ninya inyyaŋu Abramo ta agurusi jyo lonyirok Hamora imiji Sekama.
|
||
\p
|
||
\v 17 Al ilyaha asaa ono ecorit ono Hollum on ocorok nya inyi jyo Abramo, alwalwajunie nya aati to fau Masir.
|
||
\v 18 Odyoto nya hobu lobo olo Masir ol obeŋ nya omijak Yosefo.
|
||
\v 19 Inyob inyi hohonyok hohoi bwo ittigemyo isi ette ifahina isi hetebirorohi olodolyo hosi daŋ addi.
|
||
\p
|
||
\v 20 To oŋitek huna isiuni Mose bwo ilaman inyi jyo Hollum. Tania amanya nya inyi ayafajin hunihoi ihaji monyonyi.
|
||
\v 21 Bwo inya ifihani isi inyi ilet, onyurak ŋarri Faro inyi ette iyaro inyi ihaji honyi ihwa lonyi honyi.
|
||
\v 22 Ittiyenu nya Mose olofyoro daŋ huno aati Masir ette ilofyoro te ekyanita iko te ehanita honyi.
|
||
\p
|
||
\v 23 Inya arai aŋasi honyi atomwana aŋwan igigilo inyi ilari imijyere illarak honyi, lonyirok Israele.
|
||
\v 24 Igonyu inyi obo olo Masir ihanio on orroho jyo olo Israele ette inyi lwak olosi ette bak Amasiritanani inienuniere.
|
||
\v 25 Igigilo inyi jo omijani adi illarak honyi jo ifak Hollum inyi ilwahyere isi ati obeŋi isi itaniŋye.
|
||
\v 26 Ottu inyi to obo oloŋ ette inyyak fe nyurana omuk hulo Israele hul aŋalafai isi arrihai, ati awak nya inyi itimwarana isi ette jaran jihosi, Hulo, anyo ihaniete tai on orroho? Ibyaŋata tai imijana jo irata tai illarak?
|
||
\v 27 Ati lepalani osula inyi addi ette jaran, Ŋai ihanak iye eleittok hohoi bwo fe ahaŋotoni hiram hohoi?
|
||
\v 28 Iwak iye ani ’tohoro ihwa olo Masir oŋole ittoho iye ŋoleŋole?
|
||
\v 29 Itaniŋu Mose nekyana ana ette ifuho ette leten many lifau Midiana bwo dia ayama inyi ŋorwoi honyi ninya isihi’to inyi laduri arrihai.
|
||
\p
|
||
\v 30 Ihalu aŋasi atomwana aŋwan oleyo anjelo jihonyi to mur ilyaha idoŋe ono Sinai bwo oleyo te eema on owulo iyyani.
|
||
\v 31 Ninya ligonyu Mose ana illilliha inyi ette leten limijyere. Halama inyi kai, ette ekyana ono Hobu ’tuna on ojo,
|
||
\v 32 “Ani Hollum olo hohonyok hoi, Hollum olo Abramo, olo Isako, olo Yakobo.” Tania ikikiro Mose bebe ette baŋi amijo adia.
|
||
\v 33 Ojo Hobu jihonyi, “Ohou amuha to hejek hoi addi nyo ara amaji an iwotyari iye ania amaji on odwa.
|
||
\v 34 Egonyu ni ettigemyo ono aati hoŋ ifau Masir bwo etaniŋu ni etudeta hosi, tania inyi an attuniere ni litalahuniere isi. Waŋ, efak ni iye lifau Masir.”
|
||
\p
|
||
\v 35 Mose alya linya ihari laati Israele ojori, Ŋai ihanak iye eleittok iko ahaŋotoni hiram? Ifak nya Hollum inyi irari eleittok bwo fe ahetalahani ta alwahyo ono anjelo ol oleyo’to ’totwa ’yani.
|
||
\v 36 Orihu nya Mose isi addi te ehanio honyi edwariti iko etamijanita ifau Masir. Allaŋi isi aari on odo ette isi itunyita limur aŋasi atomwana aŋwan.
|
||
\v 37 Inyi Mose alya linya ojo’to jyo aati Israele jo, “Itadetu adi Hollum t’ehiji illarak hatai obo eyani sayyo jihatai ihwa ani.”
|
||
\v 38 Inyi fe Mose alya linya owoni’to iko laati imur ette anjelo ikyana jihonyi iko jyo hohonyok hohoi ’totwa doŋe Sinai bwo isyarak jihonyi efahita isyaraniere hohoi.
|
||
\p
|
||
\v 39 Ati ihari nya hohonyok hohoi aniŋyo inyi. Igigiloi nya isi ta atajya hosi icahari Masir.
|
||
\v 40 Ojori isi jyo Arone jo, “Ihuhumak jihohoi omuk ajohin oŋida orihotye hohoi, nyo Mose linya orihuno’to hohoi to fau Masir, ebeŋ hohoi emijak anyo anya inyi.”
|
||
\v 41 Ette isi ’yeuna arrijori tawo to oŋitek hwa ette isyarana ehuma jihonyi nyo omunoi nya isi ta neyyet otto has hosi.
|
||
\v 42 Oyuhorok nya Hollum isi ette busana isi itahabuyere ajohin hosi hutta fau ihwa igyoroni ibuk ono eyak sayyo, “Itai lonyok Israele, ara ati inyi jihoŋ An isyatta nya itai acaŋi hun oŋoti iko ehumita Ta aŋasi atomwana aŋwan to mur?
|
||
\v 43 Iyatti nya itai aji ono ajok Molok Bwo fe elelyef ono ajok Repan; Isi arrijorihyen hun ihuhumata tai Ittata tai itahabuyo isi. Tania eyaru adi ni itai addi litallaŋari itai amiji Babolona.”
|
||
\p
|
||
\v 44 Hohonyok hohoi owoni nya iko aji ono Hollum limur, an ihuhumani nya isi ihwa ikyana nya Hollum jyo Mose ette itahutana inyi arrijori honyi.
|
||
\v 45 Iyaŋunie hohonyok hohoi inyi iko Yosua, ninya ofwonnierek isi imanyari imisihi hun isyo Hollum jihosi lihalu itatturyo hosi aati teyya. Amanyai nya isi dia many oŋitek hunya ilettohori Davide.
|
||
\v 46 Omuno Hollum Davide tania awak Davide ihuhumana naji to Hollum olo Yakobo.
|
||
\v 47 Ati lara nya Solomone loduhok haji nya.
|
||
\p
|
||
\v 48 Ati obeŋ Hollum al agalik’to daŋ oremik manya lihasik hun ihuhumani ta ahas ihwa igyorok nya eyani sayyo,
|
||
\v 49 “Ojo Hobu, Ara edou ihwa akurus hoŋ Bwo afau ihwa amaji ibalori hejek hoŋ. Anani haji ’tadi ihuhumana tai jihoŋ? Anani maji ’tadi an ayiryari ni?
|
||
\v 50 Obeŋ ara nya aani hoŋ ihuhum erre daŋ?”
|
||
\v 51 Itai aati hul ogoli osi bwo arai ayyaha hatai iko atajya hatai ihwa huno paganohyen, iduloro tai daŋ etihotyo Oloyiri ol Olibo. Ihaniete tai ihwa ihanie nya hohonyok hatai.
|
||
\v 52 Ngai olo eyak sayyo inya obeŋi hohonyok hatai ittigemye? Bwo ottohori nya isi eyak sayyo hinya iramye’to isi attuna ono lya ol olibo. Inyi alya al itinyyaŋana tai bwo ittohoro.
|
||
\v 53 Itai luŋa lefwotok ifahita jyo anjelohyen, ati iduloro tai mesyo.
|
||
\p
|
||
\v 54 Itaniŋuni isi ekyanita hunia ette isi iloŋojita bebe bebe ette hony aala hosi jihonyi.
|
||
\p
|
||
\v 55 Ati ifut Setefano iko Oloyiri ol Olibo bwo ikikorik inyi idou ette igonyuna akwatan ono Hollum iko Yesu ol owotya oŋyatai Hollum.
|
||
\v 56 Bwo ojo Setefano, Imijyete, egonyu ni edou obwanya bwo Lonyi tulo owotya oŋyatai Hollum.
|
||
\p
|
||
\v 57 Ati iwuwoŋitai isi on okwat bwo ottuhoni isi ayyaha hosi ette ŋyoron jihonyi daŋ arabotye.
|
||
\v 58 Ette isi pihoro inyi addi to miji bwo irwoŋye inyi ta amorwoi. Attati ettigyamak honyi hohina aboŋojin hosi ette ibironia ihejek huno obo atulo afure honyi Saulo.
|
||
\v 59 Ninya lirwoŋye isi Setefano omojo inyi ojo, Yesu Hobu, ifwotu yo oloyiri hoŋ.
|
||
\p
|
||
\v 60 Origoŋ inyi ette lwaha on okwat ojo, Hobu, heŋotok eyyau ana jihosi. Ninya lilyet inyi ana ette inyi ye.
|
||
\c 8
|
||
\cl Angati 8
|
||
\p
|
||
\v 1 Tania iruk Saulo hotottohorohi inyi. To oloŋ ania itteryo ettigemyo on obolo jyo eklesya imiji Yerusalem bwo itisarrahini eruhok daŋ ifau Yudea iko Samaria, arari lefahat hama.
|
||
\v 2 Omuk hulo eruhok iyarai Setefano inuhaniere ette isi ihanana atwari tenyi.
|
||
\v 3 Ati itattur Saulo eklesya. Ojiŋak inyi asik daŋ bwo ipihuta alyawa iko aŋorwo ihanata ibabus.
|
||
\p
|
||
\v 4 Attati hul itisarrari ittittoyo ekyana ono Hollum.
|
||
\v 5 Alo nya Filipo limiji obo ono Samaria ette ittittoyo jihosi eram Kristo.
|
||
\v 6 Bwo eluluŋ wati ette fwanna arabotye jyo Filipo. Itaniŋuni isi ekyanita honyi bwo fe igonyuni isi etamijanita hun ihanio inyi.
|
||
\v 7 Ta nelulwo, ofuhorutai nya ajohin hun orrohoji’to addi jyo laati hul isitaji’to, bwo hul ogolyori hwattek iko aŋurak ette ŋidari.
|
||
\v 8 Tania owon nya amuno on obolo jyo amiji ania.
|
||
\p
|
||
\v 9 Ati owon obo atulo dia afure honyi Simone al ara ahebwanani bwo odemyo inyi, attati laati illilliha bwo ojori jo ara inyi atulo eleittok.
|
||
\v 10 Bwo fe iruhi isi jihonyi jo, Atulo olo, ara inyi ol odwara olo Hollum.
|
||
\v 11 Iruhi isi inyi nyo igonyuni isi amuroyo honyi many beryen.
|
||
\v 12 Ati al itaniŋuni isi Filipo ittittoyo asayyo hun oyiji huno olobye Hollum iko ta afure Yesu, iruhi isi ette ifwotuna batisimo, alyawa iko aŋorwo daŋ.
|
||
\v 13 Attati Simone bwo fe iruk ette ifwotuna batisimo bwo adahai inyi iko Filipo igonyuniere etamijanita iko edwariti hun ihanio inyi. Ette inyi illilliha bebe.
|
||
\p
|
||
\v 14 Ninya litaniŋuni lefahat hutto Yerusalem jo ifwotuni laati Samaria ekyanita huno Hollum ette isi ifahina Petro iko Yoane dia.
|
||
\v 15 Lafanyi isi dia ette isi mojo ta aati, oŋida ifwotuni Oloyiri ol Olibo.
|
||
\v 16 Nyo hobeŋ nya inyi ottu jihosi, ati ibatisye nya isi ta afure ono Hobu Yesu.
|
||
\v 17 Tania iyyabani isi ahas hosi jyo laati itifwotuniere isi Oloyiri ol Olibo.
|
||
\p
|
||
\v 18 Ninya ligonyu Simone jo isyori Oloyiri te eyyabana lefahat ahas hosi, awak inyi inyyaŋa adwaran jihosi ta agurusi,
|
||
\v 19 bwo ojo inyi jihosi, Isyatta bwo fe ani adwaran ana oŋida bwo fe lya el eyyabak ni ahas hoŋ jihonyi ifwotu Oloyiri ol Olibo.
|
||
\p
|
||
\v 20 Ati ojo Petro jihonyi, Olitohina iko agurusi hoi ihima on osyo fur, nyo igigilo iye inyyaŋari esyoryo ono Hollum ta agurusi.
|
||
\v 21 Obeŋ amaji jihoi dini te egyama ana nyo orroho ataji hoi to hosyere Hollum.
|
||
\v 22 Iloito ataji hoi to ’rohoji bwo omojoi jyo Hollum ibusaniere ewahiti hoi hun orrohoji’to hunia.
|
||
\v 23 Nyo egonyu ni ahaini otto taji hoi bwo ifitani eyyata hoi ihwania iye.
|
||
\p
|
||
\v 24 Itarraŋ Simone ojo, Omojoi jyo Hobu toni jo hetebyaŋahi erre hun ikyana iye hunia idwoŋi jihoŋ.
|
||
\p
|
||
\v 25 Ihwania ninya latuhoni Petro iko Yoane iramana neram Hollum iko netamijanita hosi, acaharai isi Yerusalem bwo ittittoye asayyo hun oyiji’to jyo aati hutto misihi omuk daŋ huno Samaria.
|
||
\p
|
||
\v 26 Ati ojo anjelo olo Hollum jyo Filipo, Otte, ilo te ekoi otto hani iŋet, inyi ekoi on ottu’to to Yerusalem many Gasa. Owon ekoi ania litwa mur.
|
||
\v 27 Odyoto Filipo ette leten. Ihwania owon obo atulo olo Abasa, egyamani olo Kandase nobu an ara Abasetanani. Ara inyi aherrirryani gurusi daŋ. Ottu nya inyi Yerusalem imojori.
|
||
\v 28 Attati inyi caharu. Ninya hetoŋo inyi litoromile honyi, ihenio nya inyi ekyana ono Hollum ninya igyorok eyani sayyo Isaya.
|
||
\p
|
||
\v 29 Ojo Oloyiri jyo Filipo, Ilo, adak jyo atoromile ania.
|
||
\p
|
||
\v 30 Oŋer Filipo jihonyi bwo itaniŋu inyi lya ihenio ekyanita huno eyani sayyo Isaya. Ette ifiyo inyi jo, Itaniŋu iye ekyanita hun ihenio iye hunia?
|
||
\v 31 Itarraŋ atulo alya ojo, Aŋai etaniŋu ni bwo tulo ani ebeŋ etahutak? Attati inyi iloŋuna Filipo hotojiŋu itoromile itoŋori ikonyi.
|
||
\p
|
||
\v 32 Ekyanita huna hun ihenio inyi ojo, “Orihoroi nya inyi ittohori ihwa aker ol ofwoi ’tohoro. Obeŋ nya inyi ikyana omuk erre ihwa lonyo ker ol obeŋ amala ihosyere herrirryabani honyi.
|
||
\q
|
||
\v 33 Iholoŋ on omoryerek laati inyi obeŋ aŋoco honyi obis. Bwo ŋai adi igonyu awoyo honyi? Nyo iyari isi nesu honyi addi to fau.”
|
||
\p
|
||
\v 34 Ojo atulo alya jyo Filipo, Arai ekyanita huno eyani sayyo alya tenyi kuyya ikyana inyi to obo atulo?
|
||
\v 35 Ette Filipo ikyana jihonyi ette itter jyo ekyanita hodwo iramaniere inyi asayyo huno Yesu.
|
||
\p
|
||
\v 36 Ninya hadahai isi likoi afanyi isi jyo obo aari bwo ojo atulo alya jyo Filipo, Imijye aari ana. Aremik ni ifwotuna batisimo?
|
||
\v 37 Ojo Filipo jihonyi, Iremik iye al iruk iye ta ataji hoi daŋ luŋa. Itarraŋ inyi ojo, Eruk ni jo ara Yesu Kristo Lonyi Hollum.
|
||
\v 38 Ette inyi itawoj atoromile. Ette isi isuruna litwa hari ette Filipo ibatis inyi.
|
||
\v 39 Lafwoni isi totwa hari inef Oloyiri olo Hobu Filipo ette iyaro inyi addi bwo obeŋ atulo lya inyyak igonyuna inyi. Bwo olo inyi imiji hosi ta namuno on obolo.
|
||
\p
|
||
\v 40 Ati idwoŋ nya Filipo imiji Asoto ette inyi leten ittittoyo asayyo hun oyiji imisihi daŋ many Cesarea.
|
||
\c 9
|
||
\cl Angati 9
|
||
\p
|
||
\v 1 Ati arasa nya Saulo igigilo ibahyere bwo ittohyere leyiyanak hulo Hobu. Teyya olo inyi jyo ehumani ol obolo’to,
|
||
\v 2 ifiyere awaraga jyo laati hulo asik imojiti hutto miji Damasko, ojo inyi jo al anyurak inyi omuk laati dia hul ijifatye ekoi ono Hollum hul arai alyawa kuyya bu aŋorwo, efituno adi inyi isi Yerusalem.
|
||
\p
|
||
\v 3 Ninya lafany inyi iger Damasko, teyya kwak ette afaŋan t’edou itafaŋ amaji ania.
|
||
\v 4 Attati inyi kwaharo ifau ette itaniŋuna ekyana on ojo, Saulo, Saulo, nyo ittigemyo iye ani?
|
||
\v 5 Itarraŋ inyi ojo, ngai iye, Hobu? Bwo inyi ette jaran jihonyi, Ani Yesu al ittigemyo iye.
|
||
\v 6 Ati otte, ojiŋak imiji bwo iramani adi jihoi anyo adi ihanio iye.
|
||
\v 7 Ati laati hunya adahai’to ikonyi owotyai bwo obeŋi ikyanai nyo itaniŋuni isi ekyana ati obeŋi isi igonyuni obo atulo.
|
||
\v 8 Odyoto Saulo bwo aŋai oŋite honyi ati obeŋ inyi igonyu obo ariŋ. Orihoroi inyi teyya ta aani many Damasko.
|
||
\v 9 Attati inyi itoŋo oloŋodo to oŋitek hunihoi bwo obeŋ oŋiyo ara dwo bu amaco obo ariŋ.
|
||
\p
|
||
\v 10 Owon nya obo leyiyanani imiji Damasko afure honyi Anania. Attati Hobu leyehino jihonyi ette jaran, Anania. Itarraŋ inyi ojo, Ani olo Hobu.
|
||
\v 11 Bwo Hobu ojo jihonyi, Otte, ilo jyo ekoi an ifurani Ibisa bwo ittittifa aji ono Yuda. Owon obo atulo dia olo Tarasa afure honyi Saulo, lyo hodulo omojo.
|
||
\v 12 Bwo igonyu inyi to rigya honyi obo atulo afure honyi Anania ottu iyyabana ahas honyi jihonyi isyoryere inyi amijo.
|
||
\p
|
||
\v 13 Ati itarraŋ Anania ojo, Hobu, etaniŋu nya ni enyyahita arryai eram ono atulo lya. Ihanio nya inyi arrohoji on obolo jyo aati hoi hutto Yerusalem.
|
||
\v 14 Bwo fe ottu inyi dini iko nefahi ono ehumak eleittaha ifitaniere hul ilyece’to afure hoi.
|
||
\p
|
||
\v 15 Ati ojo Hollum jihonyi, Ilo, nyo ara inyi ahegyamani al anyimu ni itisarrahiniere afure hoŋ jyo paganohyen iko hobwok bwo jyo aati Israele.
|
||
\v 16 Bwo fe etahutak adi ni inyi ettigemita hun odihu adi inyi ta afure hoŋ.
|
||
\p
|
||
\v 17 Tania olo Anania ette jiŋana ihaji ania. Iyyabak inyi ahas honyi jyo Saulo ette jaran jihonyi, Saulo, illaŋ, Hobu Yesu oŋole oleyo’to jihoi te ekoi hettu iye, ifahu ani oŋida iye inyyak mijo bwo oŋida iwon iko Oloyiri ol Olibo.
|
||
\v 18 Teyya kwak okwahunie omuk asaŋ to hoŋite honyi ihwa abohonyita hwan ette inyi mijo. Odyoto inyi ette ifwotuna batisimo.
|
||
\v 19 Attati inyi ŋiyo ette ahwan honyi golon. Arasa Saulo dia imiji Damasko iko leyiyanak to omuk oŋitek.
|
||
\p
|
||
\v 20 Attati inyi leten ihaji imojit ittittoyere ta afure Yesu ojo, ara inyi Lonyi Hollum.
|
||
\v 21 Ati hya hul itaniŋuni’to nekyana honyi illillihai bwo ojori, Obyaŋara atulo olo etatturoni wati hul ilyece’to afure Yesu imiji Yerusalem? Bwo obeŋ nya inyi ottu dini iyari aati ifitaniere ihosyere hehumak leittaha?
|
||
\v 22 Ati oboboloruno nya agolon ono Saulo to oŋitek hwa bwo itadwahi inyi Yudea hul amanyai’to Damasko itahutaniere jihosi jo ara Yesu a Kristo.
|
||
\p
|
||
\v 23 Ihalu omuk oŋitek igigiloi Yudea ittohori Saulo.
|
||
\v 24 Ati itaniŋu Saulo jo arratye isi ikatin ta arwe bwo fe ta afanni ittohori inyi.
|
||
\v 25 Attati leyiyanak honyi iyaro inyi ta arwe ette itusuronia inyi otto lohitir ta agufa.
|
||
\p
|
||
\v 26 Ninya lafany Saulo Yerusalem awak inyi itoŋo iko leyiyanak ati abaŋi isi inyi nyo obeŋi isi iruhi arahan honyi aheyiyanani.
|
||
\v 27 Ati iyaro Barnaba inyi jyo lefahat ette iramana isi aŋai nya igonyu Saulo Hobu te ekoi al ikyana jihonyi, bwo fe aŋai ittiyenio nya Saulo te eŋere ta afure Yesu imiji Damasko.
|
||
\v 28 Tania adaha nya inyi ihiji hya hutto Yerusalem,
|
||
\v 29 ittiyeniere te eŋere ta afure Hobu. Bwo fe ittittoyo inyi ette itiwwahyo laati Grik bwo isi ette jaran ettoho inyi.
|
||
\v 30 Ninya lamijani leyiyanak eram ania ette isi iyaru Saulo limiji Cesarea bwo ifahini inyi teyya Tarasa.
|
||
\p
|
||
\v 31 Tania ahayimai nya eruhok hutto Galilea iko hutto Yudea dee, ette boboloruno. Tania olwaji nya laati bwo adahai isi ta abaŋi Hobu iko ta etalwahuna ono Oloyiri ol Olibo.
|
||
\p
|
||
\v 32 Ihwania al adaha Petro ihiji heruhok daŋ afany inyi many jyo aati hul olibori’to hutto miji Lida.
|
||
\v 33 Owon obo atulo dia afure honyi Aneya, al iluro amaji abotye al arrohoja ta aŋasi hottohunik.
|
||
\v 34 Ojo Petro jihonyi, Aneya, itaŋida Yesu Kristo iye ihwania. Otte bwo obubuna ejotit hoi. Teyya kwak ette inyi dyoto.
|
||
\v 35 Bwo aati daŋ hul amanyai’to Lida iko Saron igonyuni inyi ette isi iloit atajya hosi jyo Hobu.
|
||
\p
|
||
\v 36 Ihwania owon bwo fe imiji Jopa obo aŋotte eyiyanani, afure honyi Tabita, an iloŋoi aati Grik inyi Dorka on ojo ’lyawa. Oyiji nya ehanita honyi nyo olwahyo inyi aati.
|
||
\v 37 To oŋitek hunia inef oŋwai inyi ette inyi ye. Illillai nya isi ahwan honyi bwo itaferehini inyi ihaji on oduhoni ihide hanie.
|
||
\p
|
||
\v 38 Owon amiji Lida iger Jopa bwo al itaniŋuni leyiyanak jo owon Petro dia, ifahini isi aati arrihai dia iloŋuniere inyi ojo, Waŋ jihohoi kwak.
|
||
\v 39 Tania odyoto Petro ette fwatan ikosi. Ninya lafanyi isi dia iyarai isi inyi jyo aji ania. Owotyai ayyok aŋati; isi obiloŋi ŋorwo. Itahuce isi aboŋojin hunya ikaico Dorka hesu inyi.
|
||
\v 40 Ati ifak Petro isi daŋ alet ette rigoŋi imojori. Oyito inyi jyo ahwan ŋotte ania ette jaran, Tabita, otte. Ette inyi ŋa oŋite honyi. Al igonyu inyi Petro ette inyi dyoto.
|
||
\v 41 Inef Petro aani honyi bwo itadet inyi. Iloŋu inyi eruhok iko obiloŋi ŋorwo ette isyarana inyi jihosi an isu.
|
||
\v 42 Isarrahi eram ana imiji Jopa daŋ bwo iruhi aati arryai jyo Hobu.
|
||
\v 43 Itoŋo Petro imiji Jopa oŋitek arryai ihaji Simone egyamani ’yoni.
|
||
\c 10
|
||
\cl Angati 10
|
||
\p
|
||
\v 1 Imiji Cesarea owon nya obo atulo afure honyi Kornelio bwo fe ara inyi akomodal olo blatun Italya.
|
||
\v 2 Ara inyi atulo al ifut iko amuno, bwo abaŋi nya hutta haŋ honyi ikonyi daŋ Hollum. Isyarak inyi esyorita arryai ta afure Hollum jyo laati bwo fe omojotyo inyi oŋitek daŋ jyo Hollum.
|
||
\p
|
||
\v 3 Obo oloŋ saa hunihoi otto otoryai oleyo anjelo olo Hollum jihonyi bwo ojo, Kornelio.
|
||
\p
|
||
\v 4 Ayadar inyi jihonyi ta abaŋi on obolo ette jaran, Hollum, nyo? Ojo anjelo jo, Afanyi emojiti iko esyorita hoi jyo Hollum ette inyi muno.
|
||
\v 5 Ihwania ifak omuk laati imiji Jopa iyaŋuniere atulo afure honyi Simone al iloŋoi Petro.
|
||
\v 6 Amanyai inyi iko obo atulo afure honyi Simone al ara ahegyamani ’yoni. Owon nya aji honyi liger hari.
|
||
\v 7 Ninya latuhunie nekyanita huna, ette anjelo leten bwo Kornelio ette iloŋuna lomuk egyamak honyi arrihai iko obo olo oseŋer ol omuno’to Hollum.
|
||
\v 8 Ette inyi iramana isi erre hunia daŋ ette ifahina isi Jopa.
|
||
\p
|
||
\v 9 Nya motye lafanyi isi liger miji, olo Petro ihide haji imojori, ara nya saa ’tomon harrihai.
|
||
\v 10 Oniama inyi ette itila to obo aŋiyo, ati hetila inyi laati lemak irigya inyi,
|
||
\v 11 ette igonyuna edou labwanya bwo obo ariŋ ihwa amilaya on obolo isuru teyya an ililyefuni ta arukuni honyi aŋwan.
|
||
\v 12 Itwa honyi owoni amunok iko aheny bwo awoi caŋi arryai.
|
||
\v 13 Ati ottu obo ekyana jihonyi on ojo, Petro, otte, abaha obo, oŋiye.
|
||
\p
|
||
\v 14 Ati ojo Petro, Hobu, abeŋ ni aŋiyotyo obo acaŋ on odwa’to jihohoi ’tuŋ.
|
||
\p
|
||
\v 15 Ati ottu nekyana jihonyi enyyahi etarrihi on ojo, Erre hun italibo Hollum ittallik iye jaran jo odwari isi.
|
||
\v 16 Ihanie nya ariŋ ana enyyahita hunihoi ette inyi inyyaharu lidou.
|
||
\p
|
||
\v 17 Ihwania hegigilo Petro ta awoyo hiram ono arigya ana, teyya kwak attati aati hul ifahu Kornelio ittittifyere aji Simone owotyai ikat haŋ.
|
||
\v 18 Ifiye isi ojori, Owon Petro dinia?
|
||
\v 19 Bwo Petro arasa igigilo ta arigya honyi ette Oloyiri jaran jihonyi, Imijye, ofwonni aati hunihoi hul ottifyai iye.
|
||
\v 20 Otte, isuro ifonyere isi. Ifwatta ikosi kwak nyo ani efak isi.
|
||
\p
|
||
\v 21 Attati Petro isuruna jyo laati hulya ette jaran jihosi, Ani olo al ittifyati tai. Ifwanna tai inyo?
|
||
\v 22 Ojori isi, Kornelio, komodal olo oseŋer, ifahu hohoi, bwo ara inyi atulo ol oyyu al abaŋ Hollum bwo omunoi aati hulo Yudea daŋ inyi. Ati iramak anjelo inyi oŋida inyi iloŋu iye ilari lihaji honyi bwo itaniŋyo adi inyi ekyanita hoi.
|
||
\v 23 Tania iloŋu inyi isi iyiryari ihaji honyi. Nya motye odyoto Petro ette fwatan ikosi bwo omuk eruhok hulo Jopa ofwoi ikosi.
|
||
\p
|
||
\v 24 Nya motye afanyi isi imiji Cesarea. Itila nya Kornelio isi ette ’tubanio amottyarak honyi iko illarak hul iloŋu Kornelio ihaji honyi.
|
||
\v 25 Ninya lajiŋak Petro, orwaŋanie inyi iko Kornelio ette Kornelio rigoŋi jihonyi ette itahabuyo inyi.
|
||
\v 26 Ati itadet Petro inyi ahide ette jaran jihonyi, Otte, ara ni atulo ihwo iye.
|
||
\p
|
||
\v 27 Ette isi jiŋara atwa haji bwo harasai ikyana ette nyurana aati arryai dia.
|
||
\v 28 Ojo Petro jihosi, imijana tai jo odwa jihohoi Yudea irryahari kuyya ibalari iko aati hul arai paganohyen. Ati itahutak Hollum ani ojo oŋida abeŋ ni eloŋ obo atulo jo orroho kuyya bu etafyahajo.
|
||
\v 29 Tania al iloŋo iye ani attu ni, abeŋ ni eha, bwo efiyo ni iye, ta anyo iloŋu iye ani?
|
||
\v 30 Ojo Kornelio, Ihwania allaŋi oŋitek aŋwan inya amojori ni to saa hunihoi, bwo teyya owotya obo atulo lihosyere hoŋ al iyyafak aboŋo on opipyak.
|
||
\v 31 Ojo inyi jihoŋ, Kornelio, itaniŋu Hollum namojo hoi bwo ogotyere inyi esyorita hoi ta afure honyi.
|
||
\v 32 Tania ifak obo imiji Jopa liloŋuniere lobo latulo afure honyi Simone al ifurani bwo fe Petro. Itoŋo inyi ihaji Simone al ara ahegyamani ’yoni. Owon aji honyi iger hari eneittok.
|
||
\v 33 Tania efak ni aati jihoi kwak bwo imehino nya iye jihohoi ette ’tuna dini. Ettubanio hohoi ihwania ihosyere Hollum itaniŋuniere erre hun ifak Hobu jihoi ikyanari.
|
||
\p
|
||
\v 34 Itteryo Petro ikyana ette jaran, Ahode egonyu ni jo obeŋ alufaji wati tohosyere Hollum.
|
||
\v 35 Ati jyo afauhyen daŋ al abaŋ obo inyi bwo odulo ehanio on oyyu ifwotu adi Hollum inyi.
|
||
\v 36 Imijana bu itai ekyana ninya ifak inyi jyo aati Israele ette ittittoyo asayyo hun oyiji jihosi jo, ottu ihwania nelik tajya ta neruk jyo Yesu Kristo nyo ara inyi Hobu olo aati daŋ.
|
||
\v 37 Asayyo huna hunya ittittoyerek lifau Yudea daŋ itteryo inyi ifau Galilea al ittittoyo Yoane awoyo hiram ono batisimo honyi.
|
||
\v 38 Bwo ihalu isyo Hollum Yesu olo Nasaret Oloyiri ol Olibo iko adwaran ette inyi dahatyo imisihi ihaniere ayiji bwo itaŋidaryere hul ifitak ajok nyo irrirrya Hollum inyi.
|
||
\p
|
||
\v 39 Bwo era hohoi ahetamijanak hulo erre daŋ hunya ihanio inyi ifau Yudea bwo fe imiji Yerusalem. Attati isi isihonia inyi ikruce.
|
||
\v 40 Ihalu oŋitek hunihoi, itubuhu Hollum inyi italeyehiniere jihohoi.
|
||
\v 41 Obeŋ nya inyi oleyo jyo aati daŋ ati jihohoi hul onyimu Hollum ahetamijanak, bwo lihalu ibuhuna honyi eŋiyo nya hohoi bwo fe emata ikonyi.
|
||
\v 42 Ati ifak inyi hohoi iramaniere aati bwo fe iko itamijananiere jo inyi fe Yesu alya al ihanak Hollum ahaŋotoni hiram heswok iko layak.
|
||
\v 43 Bwo fe inyi alya al itamijananierek eyak sayyo daŋ jyo aati ababo jojo, Al iruk’to jihonyi ifwotu adi inyi ahohina ono eyyata ta afure honyi.
|
||
\p
|
||
\v 44 Hekyana Petro neram ana ette Oloyiri ol Olibo isuruna jyo hulya daŋ hinya itaniŋye’to ekyana honyi ania.
|
||
\v 45 Bwo illillihai eruhok hyodwo ofwonni’to iko Petro nyo isyarani esyoryo ono Oloyiri ol Olibo jyo hya dwadi arai isi apaganohyen.
|
||
\v 46 Nyo itaniŋuni isi laati hya ikyanai te ekyanita omuk hun olufaji itahabuyere Hollum. Tania ojo Petro,
|
||
\v 47 Iyimo obo atulo aari ibatisyere aati hulo hul ifwotuni Oloyiri ol Olibo ihwa efwotu nya hohoi?
|
||
\v 48 Ette inyi ifahina isi ifwotuniere batisimo ta afure ono Yesu Kristo. Bwo ifiye isi inyi itoŋori ikosi to omuk oŋitek.
|
||
\c 11
|
||
\cl Angati 11
|
||
\p
|
||
\v 1 Ihwania itaniŋuni lefahat iko eruhok daŋ hinya owoni’to ifau Yudea jo ifwotuni paganohyen ekyana Hollum.
|
||
\v 2 Tania alo Petro imiji Yerusalem ette aati hul ijifatye’to efahi ono aŋoto itaŋalafyo inyi jojo,
|
||
\v 3 Nyo ilo iye jyo hulo hobeŋi’to oŋotoi bwo iŋiyete ikosi?
|
||
\v 4 Ati iramak Petro eram ana jihosi ojo,
|
||
\v 5 Awon nya ni imiji Jopa. Hamojo ni dia ette ni igonyuna ta arigya obo ariŋ ihwa amilaya an ililyefuni ta arukuni aŋwan ette fanyan jihoŋ.
|
||
\v 6 Ajo ni ami atwa ette ni igonyuna acaŋi iko anyanya, bwo amunok iko aheny.
|
||
\v 7 Bwo ottu obo ekyana jihoŋ on ojo, Petro, otte, abaha obo bwo oŋiye.
|
||
\p
|
||
\v 8 Bwo ni ette jaran, Hobu obeŋ, nyo nya beryen many iko ahana abeŋ ni alimok obo ariŋ on odwa kuyya bu on ofyaha ihutuk hoŋ.
|
||
\p
|
||
\v 9 Inyak nekyana ’tuna t’edou ojo, Erre daŋ hun italibo Hollum hejo odwari isi.
|
||
\v 10 Ihanie nya ana enyyahita hunihoi bwo inyyahi pihoro asaŋ hunia daŋ idou.
|
||
\p
|
||
\v 11 Ta asaa ania afanyi aati hunihoi ihaji en etoŋori ni hinya ifahuni jihoŋ to miji Cesarea.
|
||
\v 12 Ojo Oloyiri jihoŋ, Ilo itihata ikosi, hetila. Ette ni fwatan iko illarak hoŋ hulo ille ette hohoi jiŋana ihaji Kornelio.
|
||
\v 13 Bwo itahutak inyi hohoi egonyuna honyi anjelo linya owotya’to lihaji honyi ette jaran jihonyi, ifak omuk aati imiji Jopa iloŋuniere Simone al ifurani Petro.
|
||
\v 14 Bwo iramak adi inyi asayyo jihatai hun italahuni adi itai, iye iko aati daŋ hutta haŋ hatai.
|
||
\v 15 Hetteryo ni ekyana jihosi ette Oloyiri ol Olibo isuruna jihosi ihwa jihohoi tetteri.
|
||
\v 16 Bwo fe ette ni giluna ekyana ono Hobu on ojo, Ibatisyo Yoane ta aari ati ebatisyo adi ni itai to Oloyiri ol Olibo.
|
||
\v 17 Ati ihwania, kuyya isyo Hollum jihosi esyoryo ihwa ninya isyaraniere inyi jihohoi te eruk hohoi jyo Hobu Yesu, aremik attadi ni itik Hollum?
|
||
\v 18 Itaniŋuni laati hutto Yerusalem eram ana ette isi dwahino bwo itahabuye Hollum ojori, Ahode, isyo bwo fe Hollum jyo paganohyen eloico tajya.
|
||
\p
|
||
\v 19 Owoni nya aati arryai hul ofuhoi’to ettigemita hun itterye ta naye Setefano. Ofuhoi isi many jyo afau ono Fenisia, iko Ciporo iko Antioka ette isi iramana asayyo hun oyiji jyo aati Yudea hama.
|
||
\v 20 Ati ofwoi omuk eruhok, isi aati hulo Ciporo iko Cirene, afanyi nya Antioka ette isi ikyana jyo paganohyen asayyo huno Hobu Yesu.
|
||
\v 21 Bwo fe owon adwaran ono Hobu jihosi ette aati arryai iruk ette iloit atajya hosi jyo Hobu.
|
||
\p
|
||
\v 22 Tania ofodoŋunie asayyo huno laati hulya many jyo eklesya otto Yerusalem. Teyya ifahini isi Barnaba many imiji Antioka.
|
||
\v 23 Al afany inyi dia igonyu inyi amehino ono Hollum jyo aati hulya ette inyi muno bebe bwo odulo ittittoyo isi ojo, Itagoloto atajya hatai igolihiniere jyo Hollum.
|
||
\v 24 Bwo ara nya Barnaba atulo ol oyyu al ifut iko Oloyiri ol Olibo bwo neruk, ette laati arryai fwanna inosoniere iko Hobu.
|
||
\p
|
||
\v 25 Ihalu olo Barnaba imiji Tarasa ittifyari Saulo,
|
||
\v 26 ette rumana inyi ette iyaŋuno inyi Antioka. Ittiyenie isi dia aati hutte klesya iko omuk arryai te eŋa abotye. Ati to miji Antioka itterye laati iloŋo eyiyanak a Kristyanohyen.
|
||
\p
|
||
\v 27 To oŋitek hunia ofwonni omuk eyak sayyo to Yerusalem many Antioka.
|
||
\v 28 Ette obo abotye dyoto afure honyi Agabo ette ikila ta adwaran ono Oloyiri ol Olibo ojo, Ottu adi ahure on obolo ifauhyen daŋ. Idwoŋ nya ania to ninya arari Klaudia eleittok.
|
||
\v 29 Tania ojori eyiyanak, Efak adi hohoi esyorita ihwa eremik adi hohoi ilwahyere illarak hohoi hutto Yudea.
|
||
\v 30 Ihanie isi ihwania ette ifahina Barnaba iko Saulo isyoryere esyorita hosi jyo eleittaha hulo eklesya.
|
||
\c 12
|
||
\cl Angati 12
|
||
\p
|
||
\v 1 To oŋitek hunia iniafatyo hobu Erode omuk hulo eklesya ta agolon.
|
||
\v 2 Ottoho inyi Yakobo illa Yoane ta afere.
|
||
\v 3 Ninya ligonyu Erode jo omunoi Yudea nehanio honyi ania, ette inyi bwo fe inefuna Petro. Arai nya oŋitek huno neyom ono emune on obeŋi bula.
|
||
\v 4 Inefu Erode Petro ette itifitana inyi ibabus bwo ihanak eluluŋ oseŋer aŋwan irrirryari inyi, oŋida iyaŋunie inyi jyo laati ihalu eyom ono Allaŋan Anjelo.
|
||
\p
|
||
\v 5 Tania itoŋo Petro ibabus bwo odulo eklesya mojo bebe jyo Hollum tenyi.
|
||
\v 6 Ta arwe an alari Erode iloŋori Petro, hojoto inyi al ifita ta aririk arrihai ihiji oseŋer arrihai, bwo omuk oseŋer irrirrya ekat babus.
|
||
\v 7 Teyya oleyo anjelo olo Hollum ette itafaŋ ababus. Anaŋ inyi Petro oloho itahenyere inyi ette jaran, Otte, kwak, ette aririk douna to has honyi.
|
||
\v 8 Attati anjelo jaran jihonyi, Iyyafak aboŋojin hoi iko amuha. Ihanio Petro ihwa ojo inyi. Ette inyi jaran, Agamak aboŋo hoi bwo waŋ te ehalu hoŋ.
|
||
\v 9 Attati inyi leten alet bwo Petro ette jifaro inyi. Ati obeŋ nya Petro omijak jo arai erre hunia ahode. Ati arai jihonyi ihwa arigya.
|
||
\v 10 Ninya allaŋi isi amaji etabotye ono errirryak bwo fe etarrihi, afanyi isi jyo ekat otto bilat on olo’to itwa miji, ette inyi ŋa hama. Ojiŋari isi ilet bwo ofwoi ikoi ette anjelo busana inyi.
|
||
\v 11 Ihwania omijak Petro jo arai erre huna ahode ette jaran, Ihwania amijak ni jo ifak Hollum anjelo honyi litalahuniere ani to has Erode iko erre hun igigiloi Yudea jo ehanio adi isi jihoŋ.
|
||
\p
|
||
\v 12 Ninya howon inyi iko negigilo ana ette inyi leten ihaji Maria honye Yoane al ifurani bwo fe Marko. Ottubanie aati arryai dia hul omojoi.
|
||
\v 13 Illilloŋo inyi te ekat haŋ attati obo odwoti negyamani ’tuna, afure honyi Roda.
|
||
\v 14 Oheru inyi etuk Petro ette muno bebe ati obeŋ inyi aŋa ekat. Acaharo inyi jyo laati hya iramaniere isi jo Petro lyo owotya ikat haŋ.
|
||
\v 15 Ojori isi jihonyi, Isita iye. Ati ojo inyi, Inyi lya ahode. Ojori isi, Kuyya ara anjelo honyi.
|
||
\v 16 Ati odulo Petro illilloŋo. Ati ninya aŋai isi ekat, ette igonyuna inyi ette isi illillihai bebe.
|
||
\v 17 Ati itadwa inyi isi ta aani honyi ette iramana isi aŋai iyauno Hobu inyi to babus. Ette jaran, Ifwatta iramana Yakobo iko illarak hohoi hul omuk daŋ. Ette inyi leten jyo obo amaji.
|
||
\p
|
||
\v 18 Al afaŋ amotye ihawwai oseŋer jo, anyo idwoŋ jyo Petro.
|
||
\v 19 Itiloŋo Erode inyi bwo obeŋi isi onyurani inyi tania ifiyo inyi errirryak ette ifahina omuk hottohorohi errirryak hulya. Attati inyi leten addi to Yudea many Cesarea ette rasahino dia.
|
||
\p
|
||
\v 20 To oŋitek hunia iloŋojita Erode jyo aati hutto Turo iko Sidon. Ette isi fwanna jyo Erode ifiyere inyi te etoŋo dee nyo inyyaŋai aati hutta fau hosi aŋiyo hosi jyo hobu. Ette isi fwanna itanyalamuniere Blasto legyamani olo hobu.
|
||
\v 21 To obo oloŋ on onyimu Erode iyyafak inyi aboŋojin honyi huno imiri ette itoŋo iseger honyi ette ikyana jyo laati.
|
||
\v 22 Iwuwoŋitai isi ojori, Etuk Hollum ania, obyaŋara ono atulo.
|
||
\v 23 Teyya kwak ette anjelo olo Hollum ibak inyi nyo obeŋ inyi itahabuyo Hollum ette inyi ye ka ahuru.
|
||
\p
|
||
\v 24 Ati ihuhut nekyana ono Hollum ette bolori.
|
||
\p
|
||
\v 25 Ojo teyya, ocohunie Barnaba iko Saulo to Yerusalem ninya atuhi isi erre hunya ifahinierek isi, bwo iyaŋunie isi Yoane al ifurani Marko.
|
||
\c 13
|
||
\cl Angati 13
|
||
\p
|
||
\v 1 Owoni nya eyak sayyo iko ettiyanak iklesya otto Antioka, isi: Barnaba iko Simione al ifurani Nigere, Lucia olo Cirene, Saulo iko Nanana egyamani hobu Erode.
|
||
\v 2 Homojoi isi jyo Hollum bwo fe oferunij ojo Oloyiri ol Olibo jihosi, Aharana Barnaba iko Saulo te egyama an eloŋok ni isi.
|
||
\v 3 Tania omojoi isi ette feruna bwo iyyabani ahas hosi jyo Barnaba iko Saulo ette ifahara isi hetefwahi.
|
||
\p
|
||
\v 4 Teyya al ifak Oloyiri ol Olibo isi igyamari, ofwoi isi many Selucia bwo teyya allaŋi isi aari ta atogol many lifau Ciporo.
|
||
\v 5 Ninya lafanyi isi Salama ittittoye isi ekyana ono Hollum ihasik imojiti huno Yudea. Bwo fe owon Yoane ikosi ahalwahani hosi.
|
||
\p
|
||
\v 6 Latuhi isi adaha imasik daŋ huttotwa ful, afanyi isi jyo amiji Paposa bwo onyurani dia obo addyamani, ebwanani ol orroho olo Yudea afure honyi Bar Yesu.
|
||
\v 7 Adaha nya inyi iko mandir olo amiji ania, Sergo Paulo, inyi atulo ofyoro. Iloŋo inyi Saulo iko Barnaba litaniŋuniere ekyana ono Hollum.
|
||
\v 8 Ati Elyama al ara’to ahaddyamani (nyo ara ania awoyo hiram ono afure honyi), itik isi, bwo fe okemyo inyi itihoniere mandir addi to hiruk jyo Yesu.
|
||
\v 9 Ati Saulo al ifurani bwo fe Paulo, ifut inyi iko Oloyiri ol Olibo ette ikikorihina jyo addyamani,
|
||
\v 10 ette jaran, Iye lonyi Sitan bwo ira iye amyotononi olo alibori, ifut iye iko enyobyo bwo arrohoji. Ibeŋ adi iye idehi eloico nelahode ono Hobu agesemi?
|
||
\v 11 Ihwania imijye, ottirok adi Hollum aani honyi jihoi bwo iŋodo adi iye ette bwo fe ibeŋ adi iye igonyu oloŋ to omuk oŋitek. Teyya kwak ette neriri iko nedumele imuluhana noŋite honyi ette inyi ’tifya obo irihotyere inyi ta aani.
|
||
\v 12 Tania al igonyu mandir anyo idwoŋ jihonyi iruk inyi bwo illilliha jyo ettiyenio ono Hobu.
|
||
\p
|
||
\v 13 Ihalu ofwoi Paulo iko aati hul owoni’to ikonyi ta ababur many Paposa bwo afanyi isi imiji Perga ifau Pamfilia. Attati Yoane busaro isi ette caharo Yerusalem.
|
||
\v 14 Ati allaŋi isi Perga bwo afanyi imiji Antioka obo, ifau Pisidia. Bwo fe ta sabatok ojiŋani isi ihaji imojit ette itoŋo dia.
|
||
\v 15 Ihalu iheni eleittaha to buk ono efahita iko eyak sayyo ojori isi jihosi, Illarak hohoi, kuyya al owoni omuk ekyanita hun iwahata tai ikyana jyo laati, ikyanati.
|
||
\p
|
||
\v 16 Odyoto Paulo ette kaf aani honyi ahide otte jaran jihosi: Aati hulo Israele ikatai hul ebaŋata’to Hollum, itaniŋyete.
|
||
\v 17 Onyimu nya Hollum olo aati Israele hohonyok hohoi bwo itaboloru isi ta aŋasi hun itoŋorik isi ifau Masir bwo fe ta aani honyi orihu nya inyi isi addi jyo afau ania.
|
||
\v 18 Ta aŋasi atomwana aŋwan odik inyi isi to mur.
|
||
\v 19 Bwo fe itattur nya inyi awoi hattarik hutta fau Kanana ette isyo jyo laati honyi amanyai dia ta aŋasi esiha aŋwan iko atomwana miet.
|
||
\v 20 Lihalu isyo inyi aŋotok hirre many arari Samwele aheyani sayyo.
|
||
\v 21 Attati isi ifiyo Hollum to obo hobu bwo isyo Hollum jihosi Saulo lonyi Kisi otto woyo ba Benjamino. Ilohobwori nya inyi isi aŋasi atomwana aŋwan.
|
||
\v 22 Ninya latuhuno jihonyi isyo Hollum Davide jihosi irari ahobu hosi. Bwo fe ojo Hollum, “Lanyurak ni Davide lonyi Yese, inyi atulo al itamunoyo’to ataji hoŋ bwo ihanio inyi awahan hoŋ.”
|
||
\p
|
||
\v 23 To woyo ba Davide isyo Hollum jyo Israele Etalahani, inyi Yesu ihwa ocorok nya inyi.
|
||
\v 24 Ninya hobeŋ Yesu ottu, ittittoyo nya Yoane jyo aati Israele ojo, Iloitoto atajya hatai t’eyyata ittata adi itai ifwotuna batisimo.
|
||
\v 25 Bwo ninya ilyaha naye ono Yoane ojo inyi, Igigiloti tai jo ani ŋai? Obyaŋara ani lya; ati inyi lya ol ohottu tehalu hoŋ, ati abeŋ ni asiru houna amuha honyi.
|
||
\p
|
||
\v 26 Illarak hoŋ, onyirok Abramo, bwo fe itai hul ibaŋata’to Hollum, iramani jihohoi asayyo huna huno etalahuna.
|
||
\v 27 Nyo aati hul amanyai’to Yerusalem iko eleittaha hosi obeŋi nya isi omijani Yesu bwo fe obeŋi nya isi itaniŋuni ekyanita huno eyak sayyo ninya lihenuni isi to oloŋ sabato. Ette isi ŋotonia aye jihonyi itasiruniere egyerita.
|
||
\v 28 Obeŋi isi onyurani obo epali jihonyi on osiru iyeri, ati isyori isi inyi jyo Pilato ittohori.
|
||
\v 29 Ninya lihanie isi erre daŋ hunya igyoroni tenyi, odutuni isi inyi to kruce ette itaferehina ilume.
|
||
\v 30 Ati itubuhu Hollum inyi to ye.
|
||
\v 31 Bwo to omuk oŋitek arryai italeyehi nya inyi ahwan honyi jyo hinya ofwonni’to ikonyi to Galilea many Yerusalem. Bwo arai isi ihwania ahetamijanak honyi.
|
||
\v 32 Tania eyak hohoi itai asayyo hun oyiji hunya ocorok Hollum jyo hohonyok hohoi.
|
||
\v 33 Itasiru inyi asayyo hunia jihohoi lonyirok hosi te etubuhuna honyi Yesu. Ihwa igyoroni jyo Afure ono Davide etarrihi jo, “Iye lonyi hoŋ, Ahana attu ni rahan amonyohoi.”
|
||
\p
|
||
\v 34 Bwo fe te ekiluna jo itubuhu adi inyi Yesu to ye bwo fe obeŋ ahwan honyi omuyak ojo inyi, “Esyo adi ni jihoi emuniti hun olibori Hunya acorok ni jyo Davide.”
|
||
\v 35 Ojo inyi bwo fe jyo obo amaji, “Ibeŋ iye iŋatak ahwan ono alya ol olibo’to omuyak.”
|
||
\v 36 Nyo igyama nya Davide jyo Hollum ihiji wati, ette ye bwo onuhani nya inyi iko hohonyok honyi ette nahwan honyi muyahi.
|
||
\v 37 Ati lya al itubuhu Hollum, obeŋ ahwan honyi omuyak.
|
||
\p
|
||
\v 38 Illarak hoŋ, oŋida imijana tai jo ara ta atulo olo al efwonni hohoi ittittoyere abusana ono eyyata jihatai.
|
||
\v 39 Bwo fe aati daŋ hul iyihini’to jihonyi ohohini adi isi to hirre hun obeŋi efahita huno Mose oremehini hohina.
|
||
\v 40 Ihumata mijo ŋadi erre idwoŋi jihatai ihwa hunya ikyanarik eyak sayyo ojo,
|
||
\v 41 “Imijyete, itai hul imyanati’to, illillihati ittata ye. Nyo ehanio ni ihwania obo nehani lilahaji hatai Ittata tai byaŋan iruhoto Dwadi iramak obo itai.”
|
||
\p
|
||
\v 42 Hojiŋuni Paulo iko Barnaba ilet ihwania bwo omuk aati arryai ette idwoŋ jihosi hul omojoi jihosi jo oŋida inyyahi isi ikyana erre hunia to sabato on ottu’to.
|
||
\v 43 Ofwoi aati ilet to haji imojit, aati Yudea arryai iko hul iruhi’to ettiyenio ono Yudea, ijifarai Paulo iko Barnaba, ette isi isiŋyo laati ojori, Adahati te ekoi ono amehino ono Hollum.
|
||
\p
|
||
\v 44 Sabato on ottu’to ottubarai aati hutto miji daŋ itaniŋuniere ekyana Hollum.
|
||
\v 45 Ati al igonyuni Yudea eluluŋ wati, ahaini isi bebe ette itaŋalafyo Paulo ette moryo inyi.
|
||
\v 46 Ati ikyanai Paulo iko Barnaba te eŋere ojori, Osiru dwo jihohoi ekyana nekyana ono Hollum jihatai ahosyere. Ati te ehara hatai itahutana tai jo ibyaŋata tai isiruna ifwotuniere nesu on osyo fur. Tania imijyete, eyitoro hohoi ihwania jyo paganohyen.
|
||
\v 47 Nyo ifak Hobu hohoi ojo, “Efak ni itai irari afaŋan jyo paganohyen Bwo fe ahetamijanak hulo etalahuna iŋaco daŋ hutta fau.”
|
||
\p
|
||
\v 48 Ninya litaniŋuni paganohyen ana omunoi isi ette itahabuyo ekyana ono Hollum bwo fe hul onyimu nya Hollum ifwotuniere nesu on osyo fur, iruhi.
|
||
\v 49 Teyya isarrahi nekyana ono Hobu imasik daŋ.
|
||
\p
|
||
\v 50 Ati itamorye Yudea omuk aŋorwo abarak hun iruhi jyo Hollum iko aati eleittaha miji ette isi fwanna itigemyo Paulo iko Barnaba bwo iturwatari isi addi to misik hosi.
|
||
\v 51 Ati teyya iddiddeŋuni isi attuduha to hejek hosi hetera etamijani jihosi ette fwatan imiji Ikonio.
|
||
\v 52 Teyya ifuti nya leyiyanak iko namuno on obolo iko Oloyiri ol Olibo.
|
||
\c 14
|
||
\cl Angati 14
|
||
\p
|
||
\v 1 Imiji Ikonio ojiŋani isi lihaji imojit ono Yudea ette ikyana jyo laati attati eluluŋ on obolo ono Yudea iko paganohyen omuk daŋ iruk.
|
||
\v 2 Ati Yudea hul ihari’to itamoryo paganohyen ette itarroho negigilita hosi jyo Paulo iko Barnaba.
|
||
\v 3 Tania itoŋoi isi dia fur ikyanari te eŋere ta amehino ono Hobu, ette Hobu itasiruna ekyanita hosi te etamijanita iko te ellillihita hunya ihanie isi ta nadwaran honyi.
|
||
\p
|
||
\v 4 Ati owoni nya aati hutto miji iko egigilita arrihai, iruhi omuk jyo Yudea bwo omuk jyo lefahat.
|
||
\v 5 Ati awahi omuk paganohyen iko Yudea bwo eleittaha ittigemyo isi, ette jaran erwoŋyo lefahat ta amorwoi.
|
||
\v 6 Itaniŋuni Paulo iko Barnaba neram ana ette fuho many lifau Licania jy o amisihi Darba bwo Listara.
|
||
\v 7 Ati jyo afau ania ittittoye isi asayyo hun oyiji.
|
||
\p
|
||
\v 8 Imiji Listara owon nya obo atulo al iluro ifau nyo obeŋ nya inyi oremik daha. Orrohoja nya inyi many t’esyori honyi.
|
||
\v 9 Itaniŋu inyi Paulo ikyana, ati ikikorik Paulo jihonyi nyo omijak inyi jo owon inyi iko neruk lifwotuniere naŋidari.
|
||
\v 10 Iloŋ Paulo inyi on okwat ojo, Otte te ejek hoi. Ette inyi ’lwara ahide ette daha te ejek honyi luŋa.
|
||
\p
|
||
\v 11 Teyya ligonyu eluluŋ wati nedwarit ana an ihan Paulo iwuwoŋitai isi bebe te ekyana hosi ojori, Isuruni ajohin hulo jihohoi ihwa aati.
|
||
\v 12 Ifurani isi Barnaba Seo bwo Paulo Herme nyo ikyana inyi agalik.
|
||
\v 13 Attati eleittok olo aji Seo ninya owon’to ihalu miji, iyaŋuno esuŋ iko ayaburita likatin lihumyere laati.
|
||
\p
|
||
\v 14 Ati al itaniŋuni Barnaba iko Paulo neram ana ogwasi isi aboŋojin hosi ta ajore bwo ette ŋyoron ilet ihiji iluluŋ wati ette jaran,
|
||
\v 15 Hulo nyo ihaniete tai ihwania? Era hohoi awati ihwa itai. Efwonni hohoi dini iyaŋuniere asayyo hun oyiji’to jo oŋida iyituniete tai addi jyo erre hun ofyahaji’to hunia ittata iruk jyo Hollum leswoni, ayyani idou iko afau ojo aari bwo erre daŋ hun owoni’to jihosi.
|
||
\v 16 Ati abusak nya inyi laati hatadahahi te ekota hosi gele gele.
|
||
\v 17 Ati isyo nya inyi etamijani honyi nyo isyo inyi jihatai ahide t’edou bwo ette nema iko naŋer ŋijan. Isyo inyi bwo fe namuno itajya hatai ta naŋiyo on obolo.
|
||
\v 18 Hekyanai isi ihwania ette isi itik aati ta agolon hul awahi’to ihanio obo ehuma jihosi.
|
||
\p
|
||
\v 19 Ati ofwonni Yudea to Antioka iko Ikonio hul isusui laati irwoŋyere Paulo ta amorwoi ette ’yatara inyi addi to miji nyo igigiloi isi jo aye inyi.
|
||
\v 20 Ati al ikoloni leyiyanak inyi odyoto inyi ette leten litwa miji. Nya motye ette isi fwatan iko Barnaba many imiji Darba.
|
||
\v 21 Ittittoye isi asayyo hun oyiji jyo amiji ania ette italwajana leyiyanak arryai. Teyya acaharai isi limisihi Listara, Ikonio, ojo Antioka,
|
||
\v 22 itagolyere atajya heyiyanak te ettittoyo hosi jojo, Oduloro daha ta neruk hatai nyo ijiŋaniere lilobye Hollum ara te ettigemita arryai.
|
||
\v 23 Bwo fe liklesyahyen daŋ, onyimuni isi eleittaha attati ittaŋuna isi jyo Hobu hosi ta amojo iko aferuna.
|
||
\p
|
||
\v 24 Allaŋi isi Pisidia bwo afanyi Pamfilia.
|
||
\v 25 Ittiyenie nya isi imiji Perga bwo ette fwatan Atalya.
|
||
\v 26 Ette jiŋana ababur icahari Antioka amiji inya ifahunierek isi ta amehino ono Hollum igyamari egyama an atuhi isi ania.
|
||
\v 27 Ninya lafanyi isi dia, ottubanie isi iko aati hutto klesya daŋ ette iramana isi erre daŋ hun ihanio Hollum tesi bwo fe aŋai aŋahi inyi ekat ono neruk jyo paganohyen.
|
||
\v 28 Ette isi itoŋo iko leyiyanak fur.
|
||
\c 15
|
||
\cl Angati 15
|
||
\p
|
||
\v 1 Ati ofwonni omuk laati to Yudea ette ittiyenio eruhok jojo, Kuyya ibyaŋata tai ifwotuna aŋoto ihwa ojori emohiti hunya isyo Mose jihohoi, ibyaŋata adi itai iremehina italahuno.
|
||
\v 2 Itaŋalafye Paulo iko Barnaba isi bebe, tania onyimuni eruhok Paulo iko Barnaba bwo omuk lifwarri Yerusalem jyo lefahat iko eleittaha te eram ana.
|
||
\p
|
||
\v 3 Tania ninya ifahini aati hutto iklesya isi, allaŋi isi afau Fenisia iko Samaria iramaniere laati aŋai iloiti paganohyen atajya hosi ette isi itamuno laati bebe.
|
||
\v 4 Ninya lafanyi isi Yerusalem arraŋuni aati hutto klesya isi iko lefahat iko eleittaha ette isi iramana isi erre daŋ hun ihanio Hollum tesi.
|
||
\p
|
||
\v 5 Ati omuk eruhok ejifak Farisei odyotoi ette jaran, oŋida dwo paganohyen ifwotuni aŋoto bwo fe ijifatye nefahita huno Mose.
|
||
\p
|
||
\v 6 Ottubanie lefahat iko amarwak iwwahari eram ana.
|
||
\v 7 Iwwahai isi fur ette Petro dyoto ette jaran jihosi, Illarak hoŋ, imijana tai jo onyimu nya Hollum ani tehiji hatai jo oŋida paganohyen itaniŋuni asayyo hun oyiji’to to hutuk hoŋ bwo fe heteruhohi.
|
||
\v 8 Bwo fe Hollum ol omijak’to atajya wati daŋ ette isyo Oloyiri ol Olibo jihosi te etamijani ihwa inya isyaraniere inyi jihohoi.
|
||
\v 9 Bwo fe obeŋ alufaji ihiji hosi ikohoi ati italibo inyi atajya hosi ta neruk.
|
||
\v 10 Ihwania, nyo igigiloti tai ikemyere Hollum iryataniere eyeni imutto heyiyanak en ebeŋ hohoi eremik dihuna iko hohonyok hohoi?
|
||
\v 11 Ati eruk hohoi jo etalahuno hohoi ihwa isi ta amehino ono Yesu Hobu.
|
||
\p
|
||
\v 12 Attati eluluŋ wati dwa liŋ liŋ ette itaniŋyo jyo Barnaba iko Paulo te eramyo hosi etamijanita iko edwariti hunya ihanio Hollum jyo paganohyen tesi.
|
||
\p
|
||
\v 13 Ninya latuhoni isi ekyana ojo Yakobo, Illarak hoŋ, itaniŋyete jihoŋ.
|
||
\v 14 Iramak nya hohoi Simone jo aŋai ottu nya Hollum inyimuniere paganohyen ta afure honyi.
|
||
\v 15 Bwo fe ikiluni nya eyak sayyo eram ana ihwa igyoroni ojori,
|
||
\v 16 “Ihalu acohuno adi ni Bwo fe aduhok adi ni aji ono Davide an akwaharo’to. Enyyak adi ni inyi imaji honyi.
|
||
\v 17 Oŋida aati hul arasai’to ottifyai Hobu Bwo paganohyen daŋ hul iloŋuni ta afure hoŋ.
|
||
\v 18 Ikyana Hobu eram ana bwo itahutak inyi erre huna daŋ many beryen.”
|
||
\p
|
||
\v 19 Tania aŋotok ni jihatai jo, helaha hohoi ettigemyo paganohyen hulo hul iloiti’to atajya hosi ajyo Hollum.
|
||
\v 20 Ati ijara hohoi egyorok jihosi awaraga jo oŋida isi ihari erre huno ajohin iko huno arrijorihyen hosi bwo erre somon, bwo fe acaŋi hun obuni bun, bwo fe oŋida isi ihari nooto.
|
||
\v 21 Nyo many beryen owotyai aati imisihi daŋ ittittoyere efahita huno Mose bwo fe ihenie nya isi to buk honyi esabiti daŋ ihasik imojiti.
|
||
\p
|
||
\v 22 Ihalu igigiloi lefahat iko amarwak bwo eklesya daŋ jo oyyu dwo inyimuniere aati omuk ifahiniere isi Antioka iko Paulo bwo Barnaba. Onyimuni isi Sila iko Yuda al ifurani Barsaba, arai nya isi eleittaha.
|
||
\v 23 Attati isi ifahina laati iko awaraga on ojo: Hohoi eruhok bwo lefahat iko amarwak efonyo hohoi itai bebe, itai illarak hohoi hul irata’to apaganohyen hutto Antioka, Sirya iko Silisia.
|
||
\v 24 Etaniŋu hohoi jo owoni omuk laati hul ofwoi t’ehiji hohoi ette ittigemyo atajya hatai te ettiyenita hosi ati ebeŋ hohoi efak isi.
|
||
\v 25 Tania egigilo hohoi dini arabotye inyimuniere omuk laati ifahiniere jihatai iko Paulo bwo Barnaba hul emuno hohoi bebe.
|
||
\v 26 Bwo isi laati hul arai aŋerejak bebe te ettittoyo hiram ono Hobu hohoi Yesu Kristo dwadi awahi aati isi ’tohoro.
|
||
\v 27 Tania efak hohoi Yuda iko Sila iramaniere itai ta ahwattek hosi erre huna.
|
||
\v 28 Nyo itahutak nya Oloyiri ol Olibo hohoi jo oyyu al ebeŋ hohoi ettigemyo itai to omuk efahita agalihini huna hun ogoli’to.
|
||
\q1
|
||
\v 29 Oŋida ibyaŋata tai iŋiyete erre hun ihumarik jyo ajohin kuyya bu nooto iko erre hun obuni bun. Hehaniete bwo fe erre somon. Al ifahati tai efahita huna oyyu adi jihatai. Ogoto daŋ.
|
||
\p
|
||
\v 30 Attati ifahina isi Antioka bwo ottubanie isi dia iko aati hutte klesya ette isi ihyanana awaraga ania jihosi.
|
||
\v 31 Ninya itaniŋuni isi, itamuni ekyanita huna isi bebe.
|
||
\v 32 Bwo ikyanai Yuda iko Sila ekyanita omuk jihosi itagolyere atajya hosi nyo arai isi aheyak sayyo.
|
||
\p
|
||
\v 33 Ihalu omuk oŋitek ifahini eruhok isi icahari ta nelik tajya jyo mottyarak hosi.
|
||
\v 34 Ati awak nya Sila itoŋo dia.
|
||
\v 35 Ati arasai Paulo iko Barnaba Antioka ittiyeniere nekyana ono Hobu iko laati omuk arryai.
|
||
\p
|
||
\v 36 Ihalu omuk oŋitek ojo Paulo jyo Barnaba, Waŋ, efwo imijuno illarak hohoi hutto misihi hunya ettiyanak hohoi ekyanita huno Hobu.
|
||
\v 37 Ati awak nya Barnaba iyaro Yoane al anya’to Marko ikosi.
|
||
\v 38 Ati igigilo Paulo jo obeŋ oyyu iyari inyi nyo obusak nya inyi isi lifau Pamfilia bwo fe ebeŋ nya inyi adaha ikosi ligyamari.
|
||
\v 39 Attati isi ŋalafa bebe ette pyaha. Iyaro Barnaba Marko ette fwatan Ciporo ta atogol.
|
||
\v 40 Bwo Paulo onyimu Sila ette fwatan ta amehino ono Hobu bwo fe omojoi nya illarak hosi tesi.
|
||
\v 41 Attati isi daha ifau Sirya bwo Silisia litagolyere eklesyahyen daŋ.
|
||
\c 16
|
||
\cl Angati 16
|
||
\p
|
||
\v 1 Afany Paulo imisik Darba iko Listara. Owon nya obo leyiyanani dia afure honyi Timoteo. Ara honyonyi ono Yudea an ara aheruhoni bwo fe ara nya monyonyi olo Grik.
|
||
\v 2 Attati eruhok hulo Listara iko Ikonio muno Timoteo.
|
||
\v 3 Awak nya Paulo iyaro inyi ikonyi, ati oŋot inyi Timoteo do ahosyere nyo owoni Yudea arryai imasik hunia hul omijani inyi jo ara monyonyi olo Grik.
|
||
\p
|
||
\v 4 Hadahai isi limisihi, iramani isi laati efahita huno lefahat iko amarwak hutto Yerusalem.
|
||
\p
|
||
\v 5 Attati eklesyahyen daŋ golon ta neruk bwo ofonihitai laati jihosi oŋitek daŋ.
|
||
\p
|
||
\v 6 Agalarai nya isi afau Frigia iko Galatia nyo itik Oloyiri ol Olibo isi likyanari lifau Asia.
|
||
\v 7 Ninya lafanyi isi ikori miji Misya awahi nya isi afwatan ifau Bitinia ati Oloyiri olo Yesu obeŋ aŋatak isi ofwoi.
|
||
\v 8 Tania amani isi Misya ette fwatan Trosa.
|
||
\v 9 Irigya nya Paulo ta arwe ette igonyuna obo atulo olo Masedonia owotya ihosyere honyi ol ojo, Waŋ ifau Masedonia ilwahyere hohoi.
|
||
\v 10 Lihalu rigya honyi ettifya nya hohoi ekoi an efwari hohoi Masedonia nyo egigilo hohoi jo awak Hollum hohoi ettittoyo asayyo hun oyiji’to jihosi.
|
||
\p
|
||
\v 11 Teyya efwo nya hohoi to Trosa many Samotrase ta ababur, bwo nya motye efwo hohoi Nipolisa.
|
||
\v 12 Ati ihalu efany hohoi Filipi. Inyi obo amiji ninya obolo’to lifau Masedonia. Bwo ilettohorik nya laati Roma isi. Etoŋo nya hohoi dia to omuk oŋitek.
|
||
\p
|
||
\v 13 To oloŋ sabato efwo nya hohoi iler miji many ilotifor hari nyo egigilo hohoi jo owon adi amaji emojit dia. Attati hohoi itoŋo daŋ ifau, ette ikyana jyo aŋorwo hunya ofwonni’to dia.
|
||
\v 14 Obo jyo aŋorwo hunia hunya itayirye’to jihohoi afure honyi Lidia, amiji hosi Tiatira. Ara inyi ahetinyyaŋani boŋojin hun emoliha bwo fe itahabuyo nya inyi Hollum. Attati Hollum iŋa ataji honyi iniŋyere ekyanita huno Paulo.
|
||
\v 15 Ninya lifwotu inyi batisimo iko aati hutto haŋ hosi, omojo inyi jihohoi ojo, Al igigiloti tai ahode jo eruk ni jo Hobu, ifwanna itoŋoti ihaji hoŋ. Ette inyi mojo bebe jihohoi ette hohoi fwatan dia.
|
||
\p
|
||
\v 16 To ninya efwatari hohoi imaji imojit erwaŋanio hohoi iko obo nodwoti apit on owon iko ajok an ikila. Opocohita nya inyi agurusi arryai jyo eleittaha honyi te ekila honyi.
|
||
\v 17 Attati inyi ijifatyo Paulo ikohoi bwo ikyana on okwat ojo, Aati hulo arai ahegyamak hulo Hollum al agalik daŋ. Itahutani isi jihatai nekoi ono netalahuna.
|
||
\p
|
||
\v 18 Ihanio nya inyi ihwania to oŋitek arryai. Ati omiratyo nya inyi Paulo ati iloit inyi ahwan honyi ette jaran jyo ajok, Efuha ni iye ta afure ono Yesu Kristo, ilo addi jihonyi. Ette inyi jiŋara jyo odwoti addi ta asaa ania.
|
||
\v 19 Ati ninya igonyuni eleittaha honyi jo atuhuno ekoi on opocohitari inyi isi agurusi, inefi isi Paulo iko Sila ette ipihoro isi imargas ihosyere gala.
|
||
\v 20 Bwo ninya afanyi isi jyo gala ojori isi, Aati hulo arai Yudea bwo itarrohojye isi amiji hohoi.
|
||
\v 21 Ittiyenie isi omuk emohiti hun ebeŋ hohoi aati Roma eremik ifaha.
|
||
\v 22 Attati eluluŋ wati iŋere jihosi ette gala gwasuna aboŋojin huno Paulo iko Sila addi ette ifahina oseŋer hatabahyehe isi te elluhi.
|
||
\v 23 Ninya atuhuno abahyo hosi ette isi ibironia Paulo iko Sila libabus ette jaran jo olo polis, Ihuma irrirrya isi bebe.
|
||
\v 24 Itaniŋu inyi ania ette inyi ifitana isi ihaji babus on owon ihiji daŋ, ette ifit ejek hosi ta aririk.
|
||
\p
|
||
\v 25 Ati ihiji harwe omojoi Paulo iko Sila ette idolo itahabuyere Hollum ette babus itaniŋyo daŋ.
|
||
\v 26 Teyya teyya ottu olokitik ette ohitir iko afau haji ono ababus ikikiro bebe. Aŋai nya ekatin daŋ ette aririhi daŋ douna to has babus.
|
||
\v 27 Ninya lahenyu lerrirryani babus igonyu inyi ekatin aŋai ette inyi inef afere honyi ette jaran acuhoro ahwan honyi, nyo igigilo inyi jo afuhoi babus daŋ.
|
||
\v 28 Ati ikyana Paulo on okwat ojo, Hecuk ahwan hoi, hohoi hulo daŋ.
|
||
\v 29 Iloŋo inyi laati iyaŋuniere allomo ette jiŋana libabus ette rigoŋi al ikikiro ihosyere Paulo iko Sila,
|
||
\v 30 ette iyaŋuno isi ilet ette jaran, Hulo, ehanio adi ni anyo inyuraniere netalahuna?
|
||
\v 31 Ojori isi, Iruho jyo Hobu Yesu bwo italahunie adi iye iko aati hutta haŋ hoi.
|
||
\p
|
||
\v 32 Ette isi iramana ekyana ono Hobu jihonyi iko aati hutta haŋ daŋ.
|
||
\v 33 Ta arwe ania iyaro inyi isi illillayere atoŋos hosi, ette inyi ifwotuna batisimo iko aati hutta haŋ honyi daŋ.
|
||
\v 34 Ihalu iyaro inyi Paulo iko Sila ihaji honyi ette isyo aŋiyo jihosi bwo omuno inyi bebe iko aati hutta haŋ honyi daŋ nyo iruhi isi jyo Hollum.
|
||
\p
|
||
\v 35 Ninya lafaŋ amotye, ifahini gala oseŋer hotohouniehe aati hulya.
|
||
\p
|
||
\v 36 Iramak errirryani babus ekyanita huna jyo Paulo ojo, Ojori gala ohohina itai, tania ifwanna oŋida ifwatta ta nelik tajya.
|
||
\p
|
||
\v 37 Ati ojo Paulo jihosi, Abahi isi hohoi asai ihomomite wati ati era hohoi ahulo Roma, bwo fe ifitani hohoi ibabus bwo ihwania awahi isi hohoi itulunyana hohina. Obeŋ oyyu. Ijara isi hetefwanniehe iyaro hohoi ta ahwattek hosi.
|
||
\v 38 Iramani oseŋer gala ekyanita huna ette isi baŋi al itaniŋuni isi jo arai isi hulo Roma.
|
||
\v 39 Attati gala fwanna jihosi ette ramana isi jo, Epal hohoi, ette iyaro isi ilet bwo ilolyahini jihosi hefwahi.
|
||
\v 40 Tania al ohounie isi to babus ofwoi isi itoŋori iko Lidia, ette isi ittittoyo eruhok ette fwatan.
|
||
\c 17
|
||
\cl Angati 17
|
||
\p
|
||
\v 1 Allaŋi isi Ampipolisa iko Apolonia ette fanyan Tesalonika bwo owon nya aji imojit ono Yudea dia.
|
||
\v 2 Attati Paulo jiŋana dia nyo lamohitari inyi toloŋi, ette iwwaha ikosi te ekyana ono Hollum esabiti hunihoi.
|
||
\v 3 Bwo itahutak Paulo jihosi jo oŋida nya Kristo odihu ettigemita bwo fe oŋida ibuhu to ye. Bwo ojo inyi, Yesu alya ihwa eramak ni itai, inyi alya Kristo.
|
||
\v 4 Ati iruhi omuk hulosi ette inosonio jyo Paulo iko Sila ihwa ihanie Grik arryai iko nomuk naŋorwo hun eittaha.
|
||
\p
|
||
\v 5 Ati ta nahaini Yudea omuk, iloŋuni isi aati hul orrohoji’to ette ’tubana eluluŋ wati on obolo. Itiwuwoŋye isi aati arryai hutto miji bwo ette itarroho aji ono Jasono iyaŋuniere Paulo iko Sila jyo aati.
|
||
\v 6 Ati obeŋi isi orumani isi tania ette inefuna Jasono iko omuk eruhok bwo ipihunie isi ihosyere gala ette jaran, Arai aati hulya ahetarrohojak fau daŋ, ati ihwania afwonni bwo fe ini.
|
||
\v 7 Bwo hulo ette ifwotuna isi, bwo omesye isi daŋ efahita huno hobu Cesare ojori owon obo Hobu, inyi Yesu.
|
||
\v 8 Ninya itaniŋuni aati iko gala neram ana ette isi ihawwa.
|
||
\v 9 Attati isi mojuna edumiti jyo laati hulya iko jyo Jasono ette hohina isi.
|
||
\p
|
||
\v 10 Attati eruhok ifahina Paulo iko Sila addi kwak ta arwe ania imiji Berea. Ninya lafanyi isi dia ette isi jiŋana lihaji imojit.
|
||
\v 11 Ati Yudea hulya oyiji isi agalihini hulo Tesalonika. Ifwotuni nya isi ekyanita ta namuno attati isi ’tifya egyerita huno Hollum oŋitek daŋ imijyere kuyya arai erre hunia ahode.
|
||
\v 12 Tania olwaji nya hulosi hul iruhi iko hulo Grik bwo aŋorwo hun eittaha.
|
||
\p
|
||
\v 13 Ati ninya litaniŋuni Yudea hulo Tesalonika jo ittittoyo Paulo ekyana Hollum imiji Berea, ofwoi isi dia ette ititaŋusiyo laati hya itarrohojyere atajya hosi.
|
||
\v 14 Attati illarak ifahina Paulo addi kwak many ihari. Ati arasai Sila iko Timoteo dia.
|
||
\v 15 Iniamani isi Paulo many Atena. Ette Paulo ifahina isi hatacaharahi jyo Sila iko Timoteo ojo, Hetefwonniehe jihonyi kwak.
|
||
\p
|
||
\v 16 Ihwania itila Paulo isi imiji Atena ette inyi ijiriŋa bwo fe iloŋojita nyo igonyu inyi arrijorihyen arryai hun omojorik laati.
|
||
\v 17 Attati inyi iwwaha iko Yudea bwo omuk laati hinya awahi’to itaniŋyo ekyana Hollum oŋitek daŋ to suk.
|
||
\p
|
||
\v 18 Dia owoni nya bwo fe omuk aloferejok hulo Epikurina iko Stoika. Bwo ojori isi, Ikyana olohutuk alya anyo? Bwo itarraŋi omuk ojori, Ittiyenio inyi erre huno ajohin omuk. Nyo ittiyenio Paulo eram Yesu iko nebuhuna honyi.
|
||
\p
|
||
\v 19 Attati isi inefuna inyi ette iyaru inyi jyo amaji ono lokiko an ifurani Arepoga. Ojori isi, Iramak hohoi ettiyenio aŋejuk ana an ittiyeniere iye.
|
||
\v 20 Nyo iyaŋuno iye omuk nasayyo hun olufaji jihohoi bwo fe ewak hohoi itaniŋuna awoi hirre hosi.
|
||
\v 21 Nyo aati hutto Atena iko atamonok hul amanyai’to dia ikikyanai isi bwo fe itayirye ta asahyen daŋ erre aŋejuho.
|
||
\p
|
||
\v 22 Tania owotya Paulo imaji lokiko an ifurani Arepoga ette jaran, Hulo, aati hulo Atena, egonyu ni jo igigiloti tai ta ajohin bebe.
|
||
\v 23 Nyo ta naddiddaha hoŋ imiji ana egonyuta ni arrijorihyen arryai hun omojorik aati bwo fe anyurak ni nobo naji ono nehuma an igyoroni dia ojo, Jyo ajok obo al etimo hohoi. Inyi alya el ibyaŋata tai imijana el eeramyo ni jihatai.
|
||
\p
|
||
\v 24 Inyi Hollum ol oyyeu’to afau iko nerre daŋ hun owoni’to ifau. Inyi Hobu olo nedou iko nafau ati obeŋ inyi amanya lihasik hun oduhoni aati.
|
||
\v 25 Bwo fe obeŋi aati oremehini ilwak inyi to omuk erre. Obeŋ inyi awak omuk erre nyo inyi ta ahwan honyi isyo nesu iko oloyiri iko erre daŋ jyo aati.
|
||
\p
|
||
\v 26 Oyyeu nya inyi to tulo abotye awoi wati daŋ hul amanyai’to lifau bwo oŋotok nya inyi aŋasi hun isworik aati bwo fe afauhyen emanyiti hosi.
|
||
\v 27 Oŋida isi ottifyai Hollum bwo heteyihiniehe jo erumak adi isi inyi, nyo obeŋ inyi alama jihohoi daŋ ababo.
|
||
\v 28 Nyo, Esu hohoi tenyi, eddiddaha bwo fe emanya tenyi. Ihwa ikyanai omuk aloferejok hatai jojo,
|
||
\v 29 Tania ta arahan hohoi aduri honyi helaha hohoi bwo fe egigilo jo ara Hollum ihwa arrijori ono ayyel kuyya abilata, kuyya bu amorwo an ihuhum atulo te egigilo honyi.
|
||
\v 30 Inya obyaŋarik aati omijanierek omuk erre omehino Hollum jihosi ati ihwania ifak inyi aati hutto fauhyen daŋ jo oŋida isi iloiti atajya hosi t’eyyata hosi.
|
||
\v 31 Nyo onyimu Hollum oloŋ on oŋocere adi inyi aati daŋ ta alibori bwo aŋotoni inyi alya ol onyimu nya Hollum, bwo fe itamijanak Hollum inyi jyo laati te etubuhuna honyi inyi to ye.
|
||
\p
|
||
\v 32 Ninya litaniŋuni aati Atena eram ono ebuhuna to ye osuhotye omuk bwo omuk ojori, Etaniŋu adi hohoi iye inyyak ikyana eram ana obo oloŋ.
|
||
\v 33 Tania ette Paulo leten addi t’ehiji hosi.
|
||
\v 34 Ati omuk laati adahai ikonyi bwo fe iruhi, afure obo Dionisyo olo Arepoga iko nobo aŋotte, afure honyi Damaria iko omuk bwo fe.
|
||
\c 18
|
||
\cl Angati 18
|
||
\p
|
||
\v 1 Ojo lihalu, ninya labusak Paulo Atena, ette inyi leten imiji Korinto.
|
||
\v 2 Orumak inyi dia lobo olo Yudea, afure honyi Akwila olo Ponto ol ottu’to to fau Italya, iko ŋorwoi honyi Prisila nyo ojo nya Klaudio jihosi oŋida Yudea daŋ obusani Roma. Attati Paulo leten ifonyere isi,
|
||
\v 3 ette itoŋo ikosi bwo fe ette igyama ikosi nyo orrijo nya egyama hosi. Arai nya isi daŋ ahehuhumak musyamahyen.
|
||
\v 4 Ati iwwaha nya inyi iko laati lihaji imojit esabiti daŋ bwo ittittoyo nya inyi Yudea iko Grik ette isi iruk.
|
||
\p
|
||
\v 5 Ninya lafanyi Sila iko Timoteo to fau Masedonia onyurani isi Paulo igyama bebe te ettittoyo itamijaniere Yudea jo ara Yesu olonyimoto olo Hollum.
|
||
\v 6 Ninya lihari isi inyi bwo fe ette moryo inyi illillik inyi aboŋojin honyi ette jaran, Kuyya ottu aŋoco ono Hollum jihatai ara eram hatai, obyaŋara onoŋ. Ihwania alo ni jyo paganohyen.
|
||
\v 7 Obusak inyi amaji ania ette leten lihaji ono obo atulo afure honyi Tito Justo al iruk’to nya jyo Hollum. Owon nya aji honyi iger haji imojit.
|
||
\v 8 Bwo iruk nya Krispo, eleittok olo aji imojit jyo Hobu iko aati hutta haŋ hosi daŋ. Bwo fe al itaniŋye aati hutto Korinto arryai, iruhi isi bwo ifwotuni batisimo.
|
||
\p
|
||
\v 9 Ati ninya liharwe ikyana Hobu jyo Paulo ta arigya ojo, Hebaŋ, bwo fe hedwa, ikyanai,
|
||
\v 10 nyo errirriyo ni iye bwo obeŋ adi iye tulo ebak nyo aati hoŋ huttono amiji ana olwaji bebe.
|
||
\v 11 Tania itoŋo inyi dia eŋa abotye iko omuk ayafajin ille ittiyeniere ekyana ono Hollum jihosi.
|
||
\p
|
||
\v 12 Ati ara nya Galio eleittok olo Akaya tania iŋereji Yudea jyo Paulo ette iyaŋuno inyi lilokikoi ette jaran,
|
||
\v 13 Isusuyo atulo alya aati itahabuyere ajok obo ol obeŋ’to oleyo te efahita.
|
||
\p
|
||
\v 14 Ati ninya lajo Paulo alyau hunonyi ojo Galio jyo aati Yudea, Al ara ana eram ono ehanio honyi on orroho’to kuyya to obo eyyau, etaniŋyo adi ni jihatai aati Yudea.
|
||
\v 15 Ati al ara ihwania te eram ono ekyanita bwo fe afureta, ojo efahita hatai, oŋocete eram ania ta ahwattek hatai. Abeŋ ni aŋototyo erre hun arai’to ihwo hunia.
|
||
\v 16 Ette inyi ifuhara isi addi to lokiko.
|
||
\v 17 Teyya inefuni isi Sostono eleittok olo aji imojit ette bahyo inyi ihosyere lokiko, ati obeŋ Galio igigilo te erre hunia.
|
||
\p
|
||
\v 18 Ihalu ana itoŋo Paulo fur oŋitek arryai. Attati teyya, imalayo nya inyi eruhok, ette leten ifau Sirya ta ababur iko Prisila bwo Akwila. Ati ninya howon Paulo imiji Cencere oŋer inyi nofir honyi te eram ono ellama.
|
||
\v 19 Ninya lafanyi isi Efisa obusak Paulo isi dia, ette leten ihaji imojit iwwahari iko Yudea.
|
||
\v 20 Ninya lifiye isi inyi itoŋori ikosi do, ette inyi ihara, ati ninya lalo inyi ojo inyi jihosi,
|
||
\v 21 Acohuno adi ni al aŋatak Hollum ani. Ette inyi busana Efisa ette leten ta ababur.
|
||
\p
|
||
\v 22 Ninya lafany inyi Cesarea olo inyi ahosyere lifonyere eklesya bwo ihalu ette leten Antioka.
|
||
\p
|
||
\v 23 Itoŋo inyi dia to omuk oŋitek kai ette dyoto teyya ette leten limasik omuk daŋ huno Galatia iko Frigia itagolyere atajya heyiyanak.
|
||
\p
|
||
\v 24 Ihwania, owon nya obo olo Yudea afure honyi Apolo, bwo ara inyi olo Alesandria. Ottu inyi Efisa. Inyi nya atulo ol omijak ekyana bebe bwo fe omijak inyi ekyanita huno Hollum hutto buk honyi bebe.
|
||
\v 25 Nyo iyiyana nya inyi eram ono Hollum bebe bwo fe ifiriwa inyi te ekyana hiram Hollum. Ittiyenio inyi eram ono Yesu on oyyu, ati omijak inyi batisimo ono Yoane hama.
|
||
\v 26 Itteryo nya inyi ettiyenio ihaji imojit te eŋere. Ati ninya itaniŋuni Prisila iko Akwila inyi, iyarai isi inyi ette ittiyenio inyi ekoi ono Hollum on obis.
|
||
\p
|
||
\v 27 Ihalu al awak inyi leten Akaya itagoli nya eruhok ataji honyi ette igyoronia jyo leyiyanak hulo amaji nya ifwotuniere inyi. Ninya lafany inyi dia, olwak inyi eruhok bebe.
|
||
\v 28 Nyo itadwahi inyi Yudea te ewwaha ihosyere wati itahutaniere isi jo ara Yesu olonyimoto olo Hollum.
|
||
\c 19
|
||
\cl Angati 19
|
||
\p
|
||
\v 1 Howon nya Apolo imiji Korinto ati allaŋ Paulo amisik huttohide ette fanyan Efisa. Onyurak inyi omuk leyiyanak dia.
|
||
\v 2 Attati inyi ifiyo isi, To ninya holoŋ iruhoti tai, ifwotuna nya itai Oloyiri ol Olibo? Ojori isi, Obeŋ. Hebeŋ hohoi etaniŋu jo owon Oloyiri ol Olibo.
|
||
\p
|
||
\v 3 Ojo Paulo, Anani batisimo inya ifwotuna tai? Ati ojori isi, Batisimo ono Yoane.
|
||
\p
|
||
\v 4 Ojo Paulo jihosi, Ibatisyo nya Yoane jo ijara aati iloiti atajya t’eyyata hosi bwo oŋida iruhoto jyo lya ol ottu’to adi ihalu honyi, inyi Yesu.
|
||
\v 5 Itaniŋuni isi neram ana ette ifwotuna batisimo ta afure Hobu Yesu.
|
||
\v 6 Ninya iyyabak Paulo ahas honyi jihosi ottu Oloyiri ol Olibo jihosi ette isi ikyana ekyanita gele gele bwo fe ikilai.
|
||
\v 7 Arai nya aati ’tomon harrihai.
|
||
\p
|
||
\v 8 Attati Paulo jiŋana ihaji imojit ette ikyana te eŋere bwo fe ette itiwwahyo laati bwo ittiyenio isi neram ono nolobye Hollum ta ayafajin hunihoi.
|
||
\v 9 Ati itagoli omuk atajya hosi bwo fe ihari ekyana. Attati isi ikyana on orroho ihomomite wati te ekoi ono Hobu. Ette Paulo busana isi ette leten iko lomuk leyiyanak ittiyeniere jyo obo aji eneittok ono Tirana.
|
||
\v 10 Attati Paulo itiwwahyo aati dia oŋitek daŋ ta aŋasi arrihai bwo aati daŋ hul amanyai’to ifau Asia itaniŋuni ekyana ono Hobu, isi Yudea iko Grik.
|
||
\p
|
||
\v 11 Ihanio Hollum edwariti hun obolori ta ahas huno Paulo.
|
||
\v 12 Tania al iyarai aati amaniri kuyya aboŋojin hutto hwan Paulo jyo aŋwak ette adi isi ŋidari nyo ofuhoi ajohin hun orrohoji’to jihosi addi.
|
||
\p
|
||
\v 13 Tania owoni omuk amurok hulo Yudea bwo itterye isi illilleco afure Hobu Yesu jyo ajohin hun orrohoji’to ojori, Efuhu ni iye ta afure Hobu Yesu jyo ajohin hun orrohoji’to ojori, Efuha ni iye ta afure Yesu al ittittohitta Paulo.
|
||
\v 14 Owon nya bwo fe obo ehumani olo Yudea afure honyi Seva iko lonyirok honyi hattarik hul ihanie ihwo nya.
|
||
\p
|
||
\v 15 Ati ajohin hun orrohoji’to itarraŋi jihosi jojo, Emijak hohoi Yesu bwo fe emijak hohoi Paulo, ati, haŋai itai?
|
||
\v 16 Attati lya ol owon iko ajohin hun orrohoji’to ’luhina jihosi ette itarramayo isi ette inyi iyyalara isi daŋ. Ofuhoi isi addi to haji ette busuno aboŋojin hosi nyo adyahai ahwattek hosi.
|
||
\v 17 Ninya amijani aati hulo Efisa daŋ neram ana ette isi baŋi bebe bwo fe ette itahabuyo afure Hobu Yesu, isi Yudea iko Grik.
|
||
\p
|
||
\v 18 Ofwonni nya omuk eruhok iwwahari eyyata hosi iko erre hun orrohoji’to hunya ihanie isi.
|
||
\v 19 Iyaŋunie amurok abuhi hosi amurotya ette isi swahina isi ihosyere wati. Ninya liheni isi abuhi hun oswahini arai enyyaŋita hosi daŋ arobia esiha atomwana miet.
|
||
\p
|
||
\v 20 Tania itisarrahini ekyana ono Hobu ette galihina erre daŋ.
|
||
\p
|
||
\v 21 Ihalu erre huna igigilo Paulo to Oloyiri jo allaŋ inyi Masedonia iko Akaya ati inyi acaharo adi Yerusalem. Bwo ihalu ana oŋida inyi egonyu Roma.
|
||
\v 22 Ette inyi ifahina egyamak honyi, Timoteo iko Erasto ifau Masedonia ati hetoŋo inyi ifau Asia kai.
|
||
\p
|
||
\v 23 Ihwania ikikyanai laati bebe te ekoi ono Hobu.
|
||
\v 24 Nyo owon obo atulo afure honyi Dimitro, inyi egyamani bilat al ihuhumyo arrijorihyen huno ajok Artema. Obolo egyama honyi bebe bwo fe jyo legyamak honyi.
|
||
\p
|
||
\v 25 Tania iloŋu nya inyi omuk egyamak ehuhumak bilat ette jaran jihosi, Hulo, imijana tai epocou hohoi agurusi arryai te egyama ana.
|
||
\v 26 Imijana tai bwo fe itaniŋutati jo obo atulo afure honyi Paulo itiruk aati arryai ette isi iloit atajya hosi, dini imiji Efisa iko ifau Asia daŋ. Ojo inyi jojo obeŋi arrijorihyen hun ihuhumi ta ahas arai ajohin ahode.
|
||
\v 27 Tania ebaŋ hohoi jo ofwonni adi laati myana egyama hohoi. Ati obyaŋara hohoi hama, ati omyanai adi bwo fe aji ono ajok hohoi on obolo, inyi Artema, bwo otturo adi akwatan honyi. Inyi ajok an itahabuye aati hutta fau Asia iko laati hutta fau daŋ.
|
||
\p
|
||
\v 28 Ninya itaniŋuni isi nekyana ana ette isi iloŋojita bebe ette jaran, Odwa bebe Artema ono aati Efisa.
|
||
\v 29 Tania iwuwoŋitai aati hutto miji daŋ ette ŋyoron kwak ipihuniere Gaio iko Aristarko imargas. Arai isi hulo Masedonia hul adahai iko Paulo.
|
||
\v 30 Awak Paulo jiŋana ihiji wati ati obeŋi leyiyanak aharani inyi.
|
||
\v 31 Owoni nya omuk laati, arai nya amottyarak Paulo hul igyamai jyo okuma. Ifahini nya isi ekyana jihonyi jojo, Hejiŋa imargas.
|
||
\p
|
||
\v 32 Bwo iwuwoŋitai laati arryai bebe. Ikikyanai isi gele gele nyo olwaji hulosi hul obeŋi omijani ta nanyo ottubai isi dia.
|
||
\v 33 Iloŋoi omuk Alisandro linya iyaŋunie Yudea ette inyi kaf aani honyi ikyanari jihosi.
|
||
\v 34 Ati igonyuni isi jo ara inyi olo Yudea iwuwoŋitai isi arabotye ta asahyen arrihai jojo, Odwa Artema ono aati Efisa.
|
||
\p
|
||
\v 35 Ati obo olo egyamak okuma itadwa eluluŋ wati ette jaran, Itai aati hulo Efisa, omijani aati daŋ jo ara amiji Efisa amaji ono aji ono Artema bwo fe ono amorwo on odwa on odou nya t’edou.
|
||
\v 36 Emijak hohoi jo arai erre huna ahode bwo obeŋ obo oremik risa, tania oŋida itoŋoti ol okwai bwo hehaniete obo ariŋ on orroho.
|
||
\v 37 Iyaŋuniete tai aati hulo dini bwo isi obeŋi arai awati amyanak kuyya bu amorok jok hohoi.
|
||
\v 38 Tania kuyya awahi Dimitro iko legyamak honyi ’rosyo obo atulo, owoni okikohyen iko hobwok. Ijara isi hetekyanahi errositi dia ta ahwattek hosi.
|
||
\v 39 Ati kuyya ittifyati tai omuk erre, oŋida oŋoti al ottubanie monyomiji.
|
||
\v 40 Nyo ŋadi gala hohoi ahana oŋoti te edyefer asai nyo obeŋ obo elyat jihohoi. Ikyana inyi huna ette ifahina isi addi.
|
||
\c 20
|
||
\cl Angati 20
|
||
\p
|
||
\v 1 Ninya latuhuno edyefer itasar Paulo leyiyanak ette ittittoyo isi nyo ojo inyi alo ifau Masedonia.
|
||
\v 2 Adahatyo inyi iŋaco daŋ itagolyere atajya hosi ette inyi fanyan many jyo Grik.
|
||
\v 3 Itoŋo inyi dia ayafajin hunihoi. Ilyaha aleten honyi ifau Sirya ati itaniŋu inyi jo awahi Yudea ’tohoro inyi ette inyi caharo ifau Masedonia.
|
||
\v 4 Adahai nya Paulo iko laati hulo; Sopato lonyi Piro olo Berea, Aristako iko Sikundo hulo Tesalonika, Gaio olo Darba, Timoteo, bwo Tikiko iko Trofimo hulo Asia.
|
||
\v 5 Ofwoi hulo ahosyere ette itilauna hohoi to miji Trosa.
|
||
\v 6 Ihalu hiyom ono emune on obeŋi bula efwo nya hohoi to Filipi ta ababur. Ati ihalu oŋitek miet efany hohoi jihosi imiji Trosa ette hohoi itoŋo dia oŋitek hattarik.
|
||
\p
|
||
\v 7 To oloŋ etteri ono esabit al ettubanio hohoi iŋiyere emune, ikyana Paulo jyo laati nyo ojo inyi edehi amaji ania nya motye. Ikyana inyi fur many arari aharwe.
|
||
\v 8 Etoŋo nya hohoi itugul on owon ihide haji bwo owoni allomohyen dia arryai.
|
||
\v 9 Owon nya obo leito horwoŋ, afure honyi Eutiko, el itoŋo ittulit haji. Ette inyi ibunyita dia nyo ikyana nya Paulo fur. Ojo gaa ette inyi kwahuno t’ettulit haji many lifau. Attati laati hya kafuna inyi bwo isi igigiloi jo aye inyi.
|
||
\v 10 Ati isur Paulo ette irrafa jihonyi bwo fe ette toŋ inyi ta ahas honyi ette jaran, Hebaŋata isu inyi.
|
||
\v 11 Acaharu inyi ihide ette ŋiyo emune bwo ikyana jyo aati fur many arari amotye hanyik, ette inyi leten.
|
||
\v 12 Ette isi iyaro eito odwo alya addi al isu bwo fe ilihi atajya hosi bebe.
|
||
\p
|
||
\v 13 Teyya ecaharo hohoi ibabur ette fwatan imiji Aso nyo egigilo hohoi irwaŋaniere iko Paulo dia ihwa ikyana dwo inyi jo adaha inyi te ejek.
|
||
\v 14 Ninya afany inyi Aso eyaro hohoi inyi ta ababur many Mitaline.
|
||
\v 15 Bwo teyya efany hohoi ta amotye iger Cio, bwo nya motye imiji Samo, bwo fe nya motye obo amiji ono Milito.
|
||
\v 16 Nyo awak nya Paulo galaro Efisa jo oŋida abeŋ inyi etoŋo ifau Asia fur, nyo awak nya inyi fanyan Yerusalem to oloŋ ono Pentikoste.
|
||
\p
|
||
\v 17 To miji Milito itasara nya inyi jyo laati Efisa iloŋuniere eleittaha hulo eklesya ifwonniere jihonyi.
|
||
\p
|
||
\v 18 Al afwonni isi ojo inyi jihosi, Imijana tai jo oŋitek daŋ hunya etoŋori ni ihiji hatai, to noloŋ etteri inya attuniere ni ifau hatai Asia,
|
||
\v 19 egyama ni jyo Hobu ta abijon hwan bwo fe ta neyyo iko ettigemita hunya ofwonni’to jihoŋ te ewahiti huno Yudea.
|
||
\v 20 Bwo fe abeŋ nya ni etik erre daŋ hun oyiji jihatai al ettiyenio ni ihiji wati bwo fe ihasik hatai.
|
||
\v 21 Etamijanak nya ni jyo Yudea iko paganohyen jo oŋida isi iloiti atajya hosi t’eyyata hosi bwo fe heteyihiniehe jyo Hobu Yesu Kristo.
|
||
\p
|
||
\v 22 Ihwania imijyete, halo ni Yerusalem iniŋyere Oloyiri ol Olibo bwo abeŋ ni amijak anyo adi idwoŋ jihoŋ dia.
|
||
\v 23 Ati ninya heddiddaha ni imisihi itahutak Oloyiri ol Olibo ani jo owon adi efita iko ettigemita jihoŋ.
|
||
\v 24 Ati abeŋ ni egigilo jo ara nesu hoŋ ihwa ariŋ on ogol te enyyaŋa jo oŋida ani errirrya inyi bebe, ati awak ni ituk adaha hoŋ iko egyama an efwotu nya ni jyo Hobu Yesu, ittiyeniere asayyo huno amehino ono Hollum.
|
||
\v 25 Ihwania imijyete, amijak ni jo itai daŋ hunya ettiyenio ni eram ono nolobye Hollum, ibyaŋata adi itai igonyuna omom hoŋ inyyak.
|
||
\v 26 Tania eramak ni jihatai ahana etamijani hoŋ jo kuyya ottu aŋoco ono Hollum jihatai ara eram hatai, obyaŋara onoŋ.
|
||
\v 27 Nyo abeŋ nya ni apwak ettiyenio jihatai ekyanita huno Hollum daŋ.
|
||
\v 28 Ihwania ihumata irrirrya ahwattek hatai bwo fe aati daŋ hul isyo Oloyiri ol Olibo jihatai. Bwo fe ittiyeniete isi nyo arai isi eklesya ono Hobu an inyyaŋu nya inyi ta nooto honyi.
|
||
\v 29 Amijak ni jo ihalu leten hoŋ ofwonni adi elewwom hun orrohoji ihiji hatai ittatturyere aati.
|
||
\v 30 Bwo fe tehiji hatai ikyanai adi omuk aati erre hun ipali’to irihotyere leyiyanak ihalu hosi.
|
||
\v 31 Tania ihumata mijo bwo fe ogiluna jo, ta aŋasi hunihoi adulo nya ni oŋitek daŋ iko arwejin hosi esiŋyo itai ta neyyo.
|
||
\p
|
||
\v 32 Ihwania abusak ni itai jyo Hollum iko amehino honyi on oremik itaboloruna itai bwo fe isyo jihatai nemuniti ihiji wati hul olibori’to.
|
||
\p
|
||
\v 33 Abeŋ nya ni attifya agurusi kuyya ayyel kuyya aboŋojin.
|
||
\v 34 Imijana tai ta ahwattek hatai jo, ta nahas huna egyama nya ni te erre hun awak ni iko laati hul edaha’to ikoŋ.
|
||
\v 35 Te erre hunia daŋ etahutak ni itai jo, te egyama oŋida hohoi elwak laati hul ilihi’to bwo fe oŋida hohoi egilu ekyanita huno Hobu Yesu jo, Oyyu esyarana hirre agalik efwotuna isi.
|
||
\p
|
||
\v 36 Ninya ikyana inyi ihwania origoŋ inyi ette mojo ikosi.
|
||
\v 37 Ette isi daŋ iyyo bwo otoŋi Paulo ta ahas hosi ette jur omon honyi.
|
||
\v 38 Nyo ijiriŋai isi bebe agalik te ekyana honyi jo obeŋi adi isi inyyak igonyuna omom honyi to obo oloŋ. Ette isi iniamaro inyi ibabur.
|
||
\c 21
|
||
\cl Angati 21
|
||
\p
|
||
\v 1 Ninya ebusak hohoi isi, efwo nya hohoi ta ababur many Kos bwo fe nya motye Rode, bwo teyya many Patara.
|
||
\v 2 Dia enyurak hohoi ababur obo an allaŋ’to aari many Fenisia attati hohoi jiŋana itwa honyi ette fwatan.
|
||
\v 3 Hegonyu hohoi afau Ciporo ette busana inyi ahani ihorroŋ attati hohoi fanyan ifau Sirya ette hohoi isuruna to babur imiji Turo nyo owotya ababur ibusaniere asaŋ dia.
|
||
\p
|
||
\v 4 Enyurak hohoi eyiyanak dia ette itoŋo ikosi oŋitek hattarik. Ta adwaran ono Oloyiri iramani isi Paulo ojo, Helo Yerusalem.
|
||
\v 5 Ninya ottubai oŋitek hohoi dia, ebusak hohoi isi ette fwatan. Bwo iniamarai isi hohoi daŋ iko aŋorwo ojo aduri many iler miji. Erigoŋ hohoi ilotifor hari ette mojo dia ette imalayo isi.
|
||
\v 6 Ejiŋak hohoi ibabur ette isi caharu imiji.
|
||
\p
|
||
\v 7 Ninya ebusak hohoi Turo ette hohoi fanyan imiji Tolomo. Efonya hohoi iko illarak hohoi bwo fe etoŋo ikosi oloŋ abotye.
|
||
\v 8 Nya motye ebusak hohoi isi ette fanyan imiji Cesarea. Ejiŋak hohoi dia ihaji Filipo ettittoni sayyo hun oyiji. Ara nya inyi olo hulya hattarik. Etoŋo hohoi ikonyi.
|
||
\v 9 Owon inyi iko ŋarryok aŋwan hun ikilai erre hun hofwonni’to.
|
||
\p
|
||
\v 10 Etoŋo hohoi dia omuk oŋitek ette obo eyani sayyo ’tuna to Yudea, afure honyi Agabo.
|
||
\v 11 Ette inyi inefuna agas ono Paulo ette fitaru ahas honyi iko ejek. Ojo inyi, Ikyana Oloyiri ol Olibo jo, Ihwa ana ifitani adi Yudea hutto Yerusalem monye agas ana ette isyarana inyi jyo paganohyen.
|
||
\p
|
||
\v 12 Etaniŋu hohoi ania elolya hohoi iko laati jo oŋida Paulo obeŋ olo Yerusalem.
|
||
\p
|
||
\v 13 Ati itarraŋ Paulo ojo, Nyo iyyoti tai bwo itamijata ataji hoŋ bebe? Nyo ehuhuma ni ta ababus dwadi bu iyeri imiji Yerusalem ta afure Hobu Yesu.
|
||
\p
|
||
\v 14 Egonyu hohoi jo obeŋ adi inyi iruk ekyanita hohoi tania edehi hohoi inyi ette jaran, Ijara awahan ono Hobu hetehaniehe.
|
||
\p
|
||
\v 15 Ihalu oŋitek huna ehuhumyo hohoi ahwattek hohoi ifwarri Yerusalem.
|
||
\v 16 Efwo hohoi iko omuk leyiyanak hulo Cesarea hul edaha nya ikohoi bwo isi ette iyaru hohoi ihaji Masona olo Ciporo obo leyiyanani many beryen. Etoŋo hohoi dia.
|
||
\p
|
||
\v 17 Ninya lefany hohoi Yerusalem arraŋuni hohoi illarak ta namuno.
|
||
\v 18 Nya motye efwo hohoi iko Paulo jyo Yakobo bwo amarwak hulo eklesya.
|
||
\v 19 Ette Paulo ifony isi bwo ittittohi isi erre daŋ ababo hun ihanio nya Hollum ihiji paganohyen te ettiyenita honyi.
|
||
\v 20 Itaniŋuni isi ania ette itahabuyo Hollum. Bwo fe ojori isi, Imijye illa, owoni Yudea hul olwaji bebe esiha arryai hul iruhi bwo fe ifiriwaji bebe jo efahita hunya beryen.
|
||
\v 21 Iramani isi jo ittiyenio iye aati Yudea hul amanyai iko paganohyen jo oŋida isi obusani efahita huno Mose iko aŋoto bwo emohiti hohoi.
|
||
\v 22 Anyo ’tadi ehanio hohoi? Itaniŋuni adi isi jo ifany iye dini.
|
||
\v 23 Ihwania oŋida iye ihanio ihwa eramak hohoi iye. Owoni dini laati aŋwan hul owoni iko ellama.
|
||
\v 24 Ifwatta ikosi bwo fe italiboro ahwan hoi ikosi bwo fe odumai edumiti hosi oŋida isi ogiti osi hosi. Tania omijani adi laati daŋ jo obeŋi ekyanita hunia arai ahode, ati iye ta ahwan hoi ihanio erre huno efahita daŋ.
|
||
\v 25 Ati jyo paganohyen hul iruhi, efak nya hohoi awaraga jihosi iramaniere isi aŋoco hohoi jo oŋida isi ihari erre hun isyori te ehuma jyo ajohin, iko nooto, bwo erre hun obuni bun, iko erre somon.
|
||
\v 26 Teyya iyaro Paulo aati bwo nya motye italibo inyi ahwan honyi ikosi. Ette inyi leten ihaji imojit eneittok itahutaniere jyo laati jo itadwari isi oŋitek huno alibori bwo latuhuno isyori isi ehuma tesi daŋ ababo.
|
||
\p
|
||
\v 27 Ninya ilyahai oŋitek hattarik hwa attuba, igonyuni omuk Yudea hulo Asia Paulo ihaji imojit eneittok ette isi itamoryo eluluŋ wati bwo ette inef inyi ette iloŋo jo,
|
||
\v 28 Aati Israele, olwahata hohoi, nyo atulo olo ittiyenio aati imasik daŋ jo orrohoji efahita iko aati bwo amaji ana. Bwo fe iyaŋuno inyi omuk Grik itwa haji ana ette inyi itarroho amaji on odwa.
|
||
\v 29 Nyo igonyuni nya isi Paulo imiji iko Trofimo olo Efisa bwo fe isi ette igigilo jo ara dwadi heyaro Paulo inyi ihaji imojit eneittok bwo fe.
|
||
\v 30 Tania iwuwoŋitai aati hutto miji daŋ. Oŋeri isi arabotye ette inef Paulo bwo fe ipihoroi inyi addi to haji imojit eneittok ette ihyanana ekatin.
|
||
\p
|
||
\v 31 Ojori isi ettoho inyi ati itaniŋu eleittok olo oseŋer jo iwuwoŋitai aati daŋ hutto Yerusalem.
|
||
\v 32 Ette inyi ŋyoron kwak iko oseŋer honyi jihosi. Igonyuni isi eleittok iko oseŋer ette isi busana abahyo hosi Paulo.
|
||
\p
|
||
\v 33 Inef eleittok Paulo ette ifahina oseŋer ifitaniere inyi ta aririk arrihai. Attati eleittok ifiyo aati ojo, ŋai ati atulo olo, bwo, Ihanio inyi anyo.
|
||
\v 34 Iwuwoŋitai isi daŋ gele gele many obyaŋari eleittok oremehiniere nyuraniere awoyo hiram an iwuwoŋitarik laati daŋ bebe. Ihwania ifak inyi oseŋer heteyaŋuniehe Paulo ikorokon.
|
||
\v 35 Ilyahinie isi ikat bwo oseŋer ette kaf Paulo nyo iloŋojitai aati bebe jihonyi.
|
||
\v 36 Bwo fe iwuwoŋitai aati arryai jojo, Ijatta so hotoye.
|
||
\p
|
||
\v 37 Ninya afanyi isi likat ette Paulo jaran jyo eleittok ojo, Awak ni ikyana jihoi omuk erre. Itarraŋ inyi ojo, Imijak iye ekyana Grik?
|
||
\v 38 Ibeŋ iye ira olo Masir el hetek’to itamoryo laati ette iyaro isi daŋ imur, awati esiha atomwana aŋwan hatarahahi ahattok wati?
|
||
\v 39 Ojo Paulo, Ani olo Yudea olo amiji Tarasa lifau Silisia, inyi amiji on obolo, bwo fe amojo ni jihoi awak ni ikyana jyo laati hulo.
|
||
\v 40 Aŋatak inyi Paulo likyanari ette inyi wotya iger ikat ette itadwa aati ta aani honyi. Attati isi daŋ dwa ette Paulo itteryo ikyana jihosi te ekyana Ebrei.
|
||
\c 22
|
||
\cl Angati 22
|
||
\p
|
||
\v 1 Ojo Paulo, Illarak hoŋ iko monyye hoŋ daŋ, itaniŋyete iko itayirata obo ekyana hoŋ ana.
|
||
\v 2 Ninya itaniŋuni isi inyi ikyana te ekyana Ebrei ette isi dwa liŋ liŋ. Attati inyi jaran:
|
||
\v 3 Ani olo Yudea, amiji hohoi an isiunierek ani inyi Tarasa otto fau Silisia. Ettiyenu nya ni jo namiji ana, jyo ettiyanani Gamalio, efahita daŋ hun ogoli huno hohonyok hohoi. Bwo fe efiriwa nya ni te efahita huno Hollum ihwa itai.
|
||
\v 4 Ettigemyo nya ni ejifak hulo Hobu dwadi many ottohyerek isi. Etifitak nya ni alyawa iko aŋorwo ibabus,
|
||
\v 5 ihwa omijak ehumani ol obolo’to iko amarwak miji daŋ. Isyori nya isi awaraga jihoŋ liyari limiji Damasko lifitaniere hul owoni’to dia iko iyaŋuniere isi Yerusalem ibahyere.
|
||
\p
|
||
\v 6 Ati ninya lattu ni many liger Damasko, idwoŋ nya nafaŋan on obolo t’edou jihoŋ ta afanni.
|
||
\v 7 Ette ni kwaharu lifau ette itaniŋuna ekyana on ojo, Saulo, Saulo, nyo ittigemyo iye ani?
|
||
\v 8 Ettaraŋ nya ni ojo, ngai iye Hobu? Ojo inyi jihoŋ, Ani Yesu olo Nasaret al ittigemyo iye.
|
||
\p
|
||
\v 9 Igonyuni hunya ewon’to ikoŋ afaŋan ati obeŋi itaniŋuni ekyana an ikyanai jihoŋ.
|
||
\v 10 Bwo ni ette inyyahina jihonyi ojo, Ehanio adi ni anyo, Hobu? Ojo inyi jihoŋ, Otte, ilo imiji Damasko bwo dia iramani adi jihoi nerre hun awak ni ihanio iye.
|
||
\v 11 Ati abeŋ nya ni aremik mijo nyo ta anico faŋan bebe tania orihoroi nya ani ta aani many limiji Damasko.
|
||
\v 12 Ottu obo atulo, afure honyi Anania, inyi atulo al ijifatyo’to efahita bwo fe ikikyanatye nya Yudea daŋ hutto miji jo oyyu inyi.
|
||
\v 13 Owotya inyi liger hoŋ ette jaran, Saulo, illaŋ, omije. Bwo ta asaa ania amijo ni ette igonyuna inyi.
|
||
\v 14 Ojo inyi jihoŋ, Onyimu Hollum olo hohonyok hohoi iye limijaniere nawahan honyi bwo fe ligonyuniere anyarani honyi iko litaniŋuniere netuk honyi.
|
||
\v 15 Ati ira adi iye ahetamijanani honyi jyo aati daŋ te erre hun igonyu iye bwo fe iko hun itaniŋu iye.
|
||
\v 16 Ihwania itila iye anyo? Otte, ifwotu batisimo bwo fe illillaunie eyyata hoi addi te eloŋo hoi afure honyi.
|
||
\p
|
||
\v 17 Ninya acaharu ni Yerusalem, amojo nya ni to obo oloŋ lihaji imojit eneittok,
|
||
\v 18 ette ni igonyuna Hobu ta arigya al ikyana jihoŋ ojo, Obusak Yerusalem kokwak nyo obeŋi adi isi ifwotuni ekyanita hoi toni.
|
||
\v 19 Ajo ati ni jihonyi, Hobu omijani isi ta ahwattek hosi jo eniafatyo nya ni aati daŋ hul iruhi’to jihoi ihasik imojiti daŋ ette bahyo isi ette itifitana isi libabus.
|
||
\v 20 Hara dwo bu ihwa ninya owouno nooto ono etamijanani hoi Setefano awotya nya ni dia bwo fe ette ni iruk jo ijara inyi hotottohorohi.
|
||
\v 21 Ati ojo Hobu jihoŋ, Ilo ati, nyo efak adi ni iye alamarai bebe jyo paganohyen.
|
||
\p
|
||
\v 22 Itaniŋuni nya isi ekyanita honyi many ekyana ana attati isi iwuwoŋitai jojo, Ottohoro atulo alya, obeŋ inyi osiru iswori.
|
||
\p
|
||
\v 23 Ati iwuwoŋitai isi bebe ette igwas aboŋojin hosi ette kur iko aboro ahide.
|
||
\v 24 Ifak eleittok olo oseŋer heteyaŋuniehe Paulo itwa korokon ikemyere inyi ta abahyo inyuraniere awoyo hiram an iwuwoŋitarik laati jihonyi.
|
||
\p
|
||
\v 25 Ati al ifiti isi inyi to ofito, ojo Paulo jyo oseŋeritanani, Obeŋi itihi jihatai ibahyere atulo olo Roma hobeŋi oŋoti eram honyi?
|
||
\v 26 Al itaniŋu oseŋeritanani alya ana olo inyi jyo eleittok hosi ifiyere inyi ojo, Ihanio adi iye anyo jyo atulo olo? Ara dwadi olo Roma.
|
||
\p
|
||
\v 27 Tania ottu eleittok jihonyi ette jaran, Iye olo Roma? Ojo Paulo, Afe.
|
||
\p
|
||
\v 28 Ojo oseŋeritanani, Aduma nya ni agurusi arryai irari olo Roma, bwo Paulo ette jaran, Ati isiuni nya ani to Roma.
|
||
\v 29 Tania hinya daŋ ojori’to ekem inyi ette busana inyi kwak. Abaŋ bwo fe eleittok jo etifitak inyi atulo olo Roma.
|
||
\p
|
||
\v 30 Ati nya motye awahi isi mijana errosit ono Yudea inyi attati eleittok houna inyi bwo ette iramana ehumak eleittaha iko lewwak hiram ittubaniere ahwattek hosi. Ette inyi iyaŋuno Paulo ette itawojihina lihosyere hosi.
|
||
\c 23
|
||
\cl Angati 23
|
||
\p
|
||
\v 1 Ikikorik Paulo jihosi ette jaran, Illarak hoŋ, olibo amanya hoŋ ihosyere Hollum many iko ahana.
|
||
\v 2 Attati Anania, ehumani ol obolo’to, ifahina hinya owotyai’to liger Paulo hatabahyehe inyi lihutuk.
|
||
\p
|
||
\v 3 Ati ojo Paulo jihonyi, Abak adi iye Hollum. Ira iye ihwa olohitir an ibuyai. Ijo iye iŋot ani te efahita ati ibak iye ani asai, ariŋ on ojori efahita hehaniete.
|
||
\p
|
||
\v 4 Hul owotyai’to iger honyi ette jaran, Imoryo iye ehumani ol obolo’to olo Hollum?
|
||
\v 5 Ojo Paulo, Illarak hoŋ, abeŋ dwo bu ni amijak jo ara inyi ehumani ol obolo’to nyo igyoroni jo, “Oŋida ibyaŋata tai ikyanati on orroho jyo eleittok hatai.”
|
||
\p
|
||
\v 6 Ati ninya igonyu Paulo jo arai lomuk ahulo Saducehyen bwo omuk ahulo Farisei ojo inyi jihosi, Illarak hoŋ, ani Afariseitanani nyo ara monyoŋ olo Farisei. Amijak ni jo ara te eyihina en eyihiniere hohoi ta nebuhuna layak on okemyerek isi ani lilokikoi ana.
|
||
\v 7 Ninya likenu inyi erre huna ette Saducehyen ŋalafa iko Farisei ette isi bwanya.
|
||
\v 8 Nyo ojori Saducehyen jo obeŋ nebuhuna, bwo fe jo obeŋi anjelohyen, bwo fe ojori nya isi jo obeŋ oloyiri, bwo Farisei fe iruhi huna daŋ.
|
||
\p
|
||
\v 9 Tania owon nya newuwoŋita on obolo bwo omuk hulo egyorok hulo Farisei owotyai ette jaran, Ebeŋ hohoi enyurak obo ariŋ on orroho jyo latulo olo. Hara hekyana dwadi obo oloyiri kuyya anjelo jihonyi.
|
||
\v 10 Attati naŋalafa on obolo bebe dyoto, ette eleittok olo oseŋer baŋi jo lafwonni adi hotto hya ’tohoro Paulo, ette inyi ifahina oseŋer hetefwahi iyaro inyi t’ehiji hosi ikorokon.
|
||
\p
|
||
\v 11 Nya motye owotya Hobu ihosyere Paulo ette jaran, Itagolo ataji hoi nyo ihwa iramak iye etamijanita toni imiji Yerusalem, iramak adi iye bwo fe imiji Roma.
|
||
\p
|
||
\v 12 Ninya afaŋ amotye ottubanie omuk Yudea ette illama jo, Ebeŋ adi hohoi enyyak ŋiyo kuyya emata many ettohori hohoi Paulo.
|
||
\v 13 Owoni nya laati atomwana aŋwan hul ikyanai ihwania.
|
||
\v 14 Ofwoi isi jyo ehumak eleittaha iko amarwak ojori, Ellama hohoi jyo ebeŋ adi hohoi ettir obo aŋiyo many ettohori hohoi Paulo.
|
||
\v 15 Tania ifahina nekyana jyo eleittok olo oseŋer jo, heteyaŋuniehe Paulo jihohoi oŋida hohoi enyyak kemyo inyi. Al adaha inyi ikoi, ettoho adi hohoi inyi.
|
||
\p
|
||
\v 16 Ihwania lonyi hanie Paulo itaniŋu eram ana ette inyi leten ikorokon iramaniere Paulo.
|
||
\v 17 Iloŋ Paulo oseŋeritanani ojo, Iyaro eito olo jyo eleittok hatai nyo owon obo eram jihonyi an awak inyi ikyana.
|
||
\v 18 Ihwania iyaro inyi leito alya jyo eleittok olo oseŋer ette inyi jaran, Eloŋu ani Paulo el ifitani ojo jihoŋ, iyaro eito olo jyo eleittok hatai nyo awak inyi ikyana omuk erre jihoi.
|
||
\v 19 Orihu eleittok olo oseŋer leito alya ta aani jyo obo aŋati, ette jaran, Anyo riŋ an iwak iye iramana ani?
|
||
\v 20 Itarraŋ inyi, Ojori Yudea jo efiyo adi isi iye iyaŋuniere Paulo ilokiko motye, ihwa awahi isi ittifya eram honyi.
|
||
\v 21 Ati heruk ekyanita hosi nyo arrai laati atomwana aŋwan hul ocoroni’to jo, ebeŋ adi isi eŋiyo kuyya emata, hebeŋ isi ettoho Paulo. Ihwania itilai isi iye iyaŋuniere inyi.
|
||
\v 22 Attati eleittok ifahina leito alya addi ojo, Heramak obo atulo jo iyaŋuno iye asayyo huna jihoŋ.
|
||
\p
|
||
\v 23 Ette inyi iloŋuna oseŋer arrihai ette jaran jihosi, Saa hottoŋwan ta attari iyarai oseŋer esiha arrihai iko hul owoni iko akusani atomwana hattarik iko omuk esiha arrihai hul owoni iko afyara. Oŋida isi iyarai Paulo many Cesarea.
|
||
\v 24 Bwo fe oŋida isi iyaŋunie akusani hun anyalami ikafari Paulo jyo mandir Filice.
|
||
\v 25 Ette inyi igyoro awaraga jyo Filice ojo.
|
||
\v 26 Ani Klaudio Lisia, egyoro ni jyo mandir hohoi Filice, efonyo ni iye bebe.
|
||
\v 27 Inefuni nya Yudea atulo olo bwo fe ojori isi ettoho inyi ati attu ni iko oseŋer hoŋ itahoruniere inyi nyo amijak nya ni jyo ara inyi olo Roma.
|
||
\v 28 Ati attifya nya ni errositi hosi bwo fe eyaŋuno ni inyi ihosyere lokiko hosi.
|
||
\v 29 Ihwania anyurak ni arrasani isi inyi to omuk erre huno efahita hosi ati obeŋ obo arrasak inyi obo eram an itasiru aye kuyya ababus.
|
||
\v 30 Ihalu iramani jihoŋ omuk laati hul awahi ’tohoro inyi tania efak ni inyi jihoi bwo efak ni arrasak honyi hefwahi ’rosyo inyi ihosyere hoi.
|
||
\p
|
||
\v 31 Tania ifak eleittok oseŋer hya iko Paulo ta arwe ette isi fwatan ette iyaro inyi many imiji Antipatra.
|
||
\v 32 Nya motye acaharai omuk oseŋer ikorokon bwo adahai hul owoni iko akusani hosi iko Paulo.
|
||
\v 33 Ninya lafanyi isi Cesarea isyori isi awaraga jyo mandir bwo iyaŋunie isi Paulo ihosyere honyi.
|
||
\p
|
||
\v 34 Ihenio inyi awaraga ette ifiyo amiji ba Paulo. Itaniŋu inyi jo ottu inyi to Silisia ette inyi jaran,
|
||
\v 35 Amijo adi ni eram hoi al afanyi arrasak hoi. Bwo ifak inyi Paulo itoŋori ikorokon ono Erode bwo irrirryai oseŋer inyi.
|
||
\c 24
|
||
\cl Angati 24
|
||
\p
|
||
\v 1 Ihalu omuk oŋitek miet ottu Anania ehumani ol obolo’to iko omuk amarwak bwo fe obo enyaluhoni, afure honyi Tertulo. Ette isi iwwaha errositi hosi jyo Paulo ihosyere hobu.
|
||
\v 2 Ninya liloŋuni isi Paulo itteryo Tertulo ’rosyo inyi ojo: Iye Filice, eleittok ol oyyu, nyo teye etoŋo hohoi iko nelik tajya bwo fe te ekyanita hoi efwotu hohoi egyamita hun oyiji to fau hohoi.
|
||
\v 3 Esyo hohoi jihoi ahumo on obolo te erre huna daŋ.
|
||
\v 4 Ati itayirye jihohoi do, owoni omuk ekyanita kai.
|
||
\v 5 Enyurak hohoi atulo alya ol orroho bebe. Itamoryo inyi atajya Yudea ifauhyen daŋ bwo fe ara inyi eleittok olo omuk laati hul ipali’to hul ijifatye’to Anasaretanani lya.
|
||
\v 6 Ojo nya inyi etarroho aji imojit eneittok ati enef hohoi inyi. Ette hohoi jaran eŋot inyi te efahita hohoi.
|
||
\v 7 Ati ottu Lisia, eleittok olo oseŋer, bwo inyi ette iyaro Paulo ta agolon,
|
||
\v 8 ette ifahina arrosok honyi ifwannari iwwahari jihoi. Al ikemyo iye inyi inyurak adi iye erre omuk daŋ hun errasak hohoi jihonyi.
|
||
\v 9 Bwo fe Yudea hul owoni’to ikonyi ojori arai ekyanita honyi ahode.
|
||
\p
|
||
\v 10 Ninya aharak mandir Paulo ikyanari, ojo inyi: Amuno ni bebe iwwahari eram hoŋ jihoi nyo ira iye ahaŋotoni hirre hohoi ta aŋasi arryai.
|
||
\v 11 Imijak iye ihwania allaŋi oŋitek ’tomon harrihai hama jo noloŋ inya alari ni Yerusalem imojori.
|
||
\v 12 Obeŋi nya bu isi onyurani ani etaŋalafyo obo atulo kuyya itiwuwoŋyo neluluŋ wati ihaji imojit eneittok, ara dwo bu kuyya ihaji imojit iko itwa miji.
|
||
\v 13 Bwo fe ihwania obeŋi isi oremehini italeyuna nelahode ono errositi hosi jihoi.
|
||
\v 14 Ati eramak ni iye ana jo etahabuyo ni Hollum olo hohonyok hohoi te ekoi on ojori laati orroho, ati eyihi ni bwo fe efahita iko egyerita huno eyak sayyo daŋ.
|
||
\v 15 Bwo fe eyihi ni jyo Hollum ihwa en iyihinierek isi jo owon adi ebuhuna ono ayijok wati iko arrohojak.
|
||
\v 16 Tania ehuhumyo ni ataji hoŋ oŋitek daŋ’jo heteliha jyo Hollum iko jyo laati.
|
||
\v 17 Ihwania ihalu omuk aŋasi, attu ni Yerusalem iyaŋuniere esyorita jyo aati hoŋ.
|
||
\v 18 Ninya ehanio ni ihwania onyurani isi ani ol olibo ihaji imojit eneittok bwo obeŋ eluluŋ wati jihoŋ bwo obeŋi ewuwoŋita ati ofwonni nya omuk Yudea hulo Asia.
|
||
\v 19 Oŋida dwo isi owoni dini irrosyere ani ihosyere hoi al owoni omuk erre itajya hosi.
|
||
\v 20 Ikefya hulo, kuyya onyurani nyadi isi obo ariŋ on orroho jihoŋ to ninya awotyari ni ihosyere monyomiji.
|
||
\v 21 Owon nya ariŋ abotye hama an elyet nya ni jihosi ninya awotyari ni ihosyere hosi jo, ta neram ono nebuhuna ono layak iloŋuna tai ani ihosyere hatai ahana.
|
||
\p
|
||
\v 22 Ati omijak Filice eram ono ekoi ono Hobu attati itilliŋyeo isi ojo, Al attu Lisia eleittok olo oseŋer aŋot adi ni eram hoi.
|
||
\v 23 Attati isyarana efahita jyo oseŋer jo oŋida irrirryai inyi ati ohouna inyi bwo fe aharana mottyarak honyi iyaŋunie nerre hun iyahini isi inyi.
|
||
\p
|
||
\v 24 Ihalu omuk oŋitek ocohuno Filice iko ŋorwoi honyi Durusila an ara’to ono Yudea. Ati itasaru inyi Paulo itaniŋuniere eram ono neruk honyi jyo Yesu Kristo.
|
||
\v 25 Ninya itaniŋu inyi ekyanita huno Paulo te eram ono ayiji bwo atehyo taji iko aŋoco on ottu’to, abaŋ Filice ette inyi jaran, Ilo do, kuyya al awon asiruna miji jihoŋ eloŋo adi ni iye.
|
||
\v 26 Attati inyi igigilo jo kuyya itulunyak adi Paulo inyi agurusi, tania iloŋuta inyi Paulo ikyanari ikonyi enyyahita arryai.
|
||
\p
|
||
\v 27 Ninya allaŋi aŋasi arrihai, orutak nya Porco Festo amaji ono Filice bwo awak inyi itilik Yudea ette Filice busana Paulo ibabus.
|
||
\c 25
|
||
\cl Angati 25
|
||
\p
|
||
\v 1 Ninya afany Festo ifau ania ihalu oŋitek hunihoi olo nya inyi to Cesarea many Yerusalem.
|
||
\v 2 Nyo iramani ehumak eleittaha iko eleittaha hulo Yudea eram ono Paulo jihonyi bwo ilolyahini jihonyi,
|
||
\v 3 iloŋuniere Paulo many Yerusalem. Nyo igigiloi isi ifwarri irrari inyi ikoi ittohori.
|
||
\v 4 Ati itarraŋ Festo jihosi ojo, Ifita Paulo ifau Cesarea bwo awak ni leten ihwania dia.
|
||
\v 5 Ette inyi jaran jihosi, Ijara omuk eleittaha hatai efwo ikoŋ. Kuyya owon obo eram jyo atulo olo oremehini isi ’rosyo inyi.
|
||
\p
|
||
\v 6 Ihalu omuk oŋitek hottohunik kuyya ’tomon, olo inyi Cesarea ilokikoi. Nya motye itoŋo inyi imaji lokiko ette iloŋuna isi heteyaŋuniehe Paulo jihonyi.
|
||
\v 7 Ninya ottu inyi ette Yudea hul ofwoi’to to Yerusalem wotya ihosyere honyi irrasaniere inyi erre arryai hun obeŋi’to italeyehini nelahode.
|
||
\p
|
||
\v 8 Ojo Paulo, Abeŋ ni amesyo efahita Yudea kuyya amyana aji imojit eneittok, ara bu amoryo Cesare, obeŋ ’tuŋ.
|
||
\p
|
||
\v 9 Ati awak Festo itilik atajya Yudea ette jaran jyo Paulo, Iwak iye leten Yerusalem iwwahari eram hoi dia ihosyere hoŋ?
|
||
\v 10 Ati ojo Paulo, Awotya ni ihwania ilokiko ono Cesare. Oremik ana. Imijak iye abeŋ ni ehanio obo ariŋ on orroho jyo Yudea.
|
||
\v 11 Kuyya ehanio ni on orroho bwo fe osiru jihoŋ aye, abeŋ ni afuho. Ati kuyya orrosi isi ani asai obeŋ tulo oremik itujulumonia ani jihosi. Ati ejulum ni jyo Hobu Cesare.
|
||
\p
|
||
\v 12 Inyyak Festo iwwaha iko ewwak hirre hama ette jaran jyo Paulo, Ijo iye iyaro adi iye eram hoi jyo Cesare, ilo ati jyo Cesare.
|
||
\p
|
||
\v 13 Ihalu omuk oŋitek ofwonni Hobu Agripa iko ŋorwoi honyi Bernika many Cesarea irraŋuniere Festo.
|
||
\v 14 Arasai nya isi dia oŋitek arryai attati Festo iwwaha eram ono Paulo jyo hobu Agripa jo, Owon obo atulo ol obusak nya Filice ibabus.
|
||
\v 15 To ninya awanari ni Yerusalem, iramani ehumak eleittaha iko aati eleittaha hulo Yudea inyi jihoŋ ojori, ijara ani aŋot eram honyi.
|
||
\v 16 Ajo nya ni jihosi jo, abeŋ ni aremik isyarana inyi jihatai nyo obeŋ efahi ono Roma ojo oŋida isyori obo atulo jyo aati horos honyi hobeŋi iwwahai eram honyi ihomomite hosi bwo inyi itarraŋ erositi hosi.
|
||
\v 17 To ninya ottubarik isi dini abeŋ nya ni elliŋya ati nya motye alo ni imaji lokiko bwo etiloŋu ni inyi.
|
||
\v 18 Ninya owotyai arrosok honyi obeŋi isi arrasani inyi omuk erre hun orrohoji ihwa egigilo ni.
|
||
\v 19 Ati aŋalafai isi ikonyi ta neruhita hosi bwo fe iko to obo atulo afure honyi Yesu linya oye’to, bwo ojo Paulo, isu inyi.
|
||
\v 20 Ati abeŋ nya ni amijak aŋai aŋot adi ni neram ania, attati ni ifiyo Paulo kuyya awak inyi ijulum many jyo olokiko eneittok otto Yerusalem.
|
||
\v 21 Ati olwaha nya Paulo jihoŋ lirrirryari inyi libabus many eyari inyi eram honyi jyo hobu Cesare. Ania, efak ni lomuk loseŋer lirrirryari inyi many ifahinierek inyi jyo Cesare.
|
||
\v 22 Ojo Agripa jyo Festo, Awak ni itaniŋuna nekyana ono atulo alya ta ahwan hoŋ. Ojo Festo, Itaniŋu adi yo motye.
|
||
\p
|
||
\v 23 Ojo nya motye, ofwonni Agripa iko ŋorwoi honyi Bernika te etahabwo on obolo ette jiŋana ihaji ono lokiko iko oseŋer arryai ojo eleittaha hul omuk. Attati Festo ifahina heteyaŋuniehe Paulo.
|
||
\v 24 Ojo Festo, Hobu Agripa, ikatai daŋ hul afanyi’to dini, imijyete atulo lya olo. Inyi alya inya iwuwoŋitarik laati Yudea jihoŋ dini bwo fe Yerusalem jo, ijara inyi hotoye.
|
||
\v 25 Ati abeŋ ni anyurak omuk erre jihonyi hun itasiruni’to aye tenyi. Bwo fe inyi ihwania ta ahwan honyi awak ijulum jyo Cesare bwo fe ajo ni efak inyi dia.
|
||
\v 26 Ati abeŋ ni amijak anyo adi egyorok ni jyo hobu tenyi. Tania eyaŋuno ni inyi jihoi, hobu Agripa, oŋida iye bwo fe ikyem inyi linyuraniere neram honyi an aremehiniere ni igyoroniere jyo Cesare.
|
||
\v 27 Nyo obeŋ oyyu ifahiniere ababus ihwo olo jyo hobu bwo ebeŋ egyorok nerre hun ojori ihan inyi.
|
||
\c 26
|
||
\cl Angati 26
|
||
\p
|
||
\v 1 Ojo Agripa jyo Paulo, Ikyanai huno hoi. Attati Paulo ikaf aani honyi jyo hobu ette jaran:
|
||
\v 2 Esiru ani amjii bebe, hobu Agripa, nyo aremik ni ahana ikyana jihoi te errositi daŋ huno Yudea jihoŋ.
|
||
\v 3 Nyo imijak iye emohiti iko emanyiti daŋ huno Yudea. Tania itaniŋye jihoŋ.
|
||
\p
|
||
\v 4 Omijani Yudea emanyiti hoŋ daŋ ninya hara ni ahito limiji hohoi iko limiji Yerusalem.
|
||
\v 5 Omijani isi bebe kuyya ikyanai isi nelahode, jo amanya nya ni te efahita hun ogoli huno Farisei.
|
||
\p
|
||
\v 6 Bwo fe ihwania awotya ni ilokiko dini te eram ono ecorit inya ocorok Hollum jyo hohonyok hohoi.
|
||
\v 7 Iyihini awoi hohoi ’tomon harrihai daŋ te ecorit ana, bwo fe omojotye isi ta afanni iko ta attari. Bwo fe te eram ana lerrosoni nya ani Yudea.
|
||
\v 8 Nyo igigiloti tai jo ogol bebe jyo Hollum itubuhuniere atulo to ye?
|
||
\v 9 Egigilo nya ni jo oŋida ehanio ni erre arryai itihotyere afure Yesu olo Nasaret.
|
||
\v 10 Etahawwayo nya ni isi to miji Yerusalem bwo fe etifitatta nya ni aati Hollum arryai ibabus te ekyana ono ehumak eleittaha. Iyarai nya isi littohori ette bwo fe ni aŋot isi jo hoyehi.
|
||
\v 11 Etabahyo nya ni isi enyyahita arryai ihasik imojiti jo oŋida isi ihari Yesu bwo fe te ejorya on obolo ettigemyo ni isi many ifauhyen omuk daŋ.
|
||
\p
|
||
\v 12 Tania adaha nya ni to obo oloŋ ikoi Damasko te ekyana ono ehumak eleittaha.
|
||
\v 13 Attati ni igonyuna ta afanni afaŋan an afaŋ’to bebe agalik oloŋ. Itafaŋ nya inyi ani iko aati hunya edaha’to ikoŋ.
|
||
\v 14 Ette hohoi daŋ kwaharu ifau ette ni itaniŋuna obo ekyana te ekyana Ebrei on ojo, Saulo, Saulo, nyo ittigemyo iye ani? Odyaha ataji hoi ania te ettigemita.
|
||
\p
|
||
\v 15 Ati ajo ni, ngai iye Hobu? Bwo ojo Hobu jihoŋ, Ani Yesu al ittigemyo iye.
|
||
\v 16 Otte ati te ejek hoi, nyo aleyo ni jihoi te eram abotye. Anyimu ni iye igyamari jihoŋ irari ahetamijanani te egonyuna hoi ani bwo fe iko to omuk erre hun etaleyehi adi ni ta ahwan hoŋ jihoi.
|
||
\v 17 Etalahu adi ni iye to has wati bwo fe jyo paganohyen. Nyo efak ni iye jihosi,
|
||
\v 18 litahutaniere nelahode jihosi liloicere atajya hosi te dumele lifaŋan bwo fe to dwaran Sitan jyo Hollum. Ette adi isi nyurana nabusana ono eyyata hosi iko amaji lihiji wati hul italibori ta neruk hosi jihoŋ.
|
||
\p
|
||
\v 19 Tania hobu Agripa, abeŋ ni amesyo netamijani on ottu’to t’edou.
|
||
\v 20 Ati eramak nya ni laati hutto Damasko ahosyere bwo lihalu hulo Yerusalem, bwo ati hutta fau Yudea daŋ iko paganohyen, jo oŋida isi iloiti atajya hosi jyo Hollum bwo fe hehaniehe ehanita hun osiruni’to jyo laati hul oniŋye’to.
|
||
\p
|
||
\v 21 Te eram ana inefuni Yudea ani to haji imojit eneittok ette jaran ettoho ani.
|
||
\v 22 Ati olwak Hollum ani jyo noloŋ nya many iko ahana. Tania etoŋo ni dini ihwania litamijananiere laati daŋ erre hunya ikiluni eyak sayyo iko Mose jo ofwonni adi isi.
|
||
\v 23 Ojori nya isi jo, ittigemye adi laati Kristo bwo fe ara adi inyi letteri wati daŋ libuhuniere to ye ette adi inyi itahutana nafaŋan jyo laati hohoi iko jyo paganohyen.
|
||
\p
|
||
\v 24 Ninya hekyana inyi ihwania attati Festo ikyana on okwat jihonyi ojo, Paulo, ahode isita iye. Isita iye ta amijana hoi erre arryai.
|
||
\v 25 Ati ojo Paulo jihonyi, Festo, illaŋ, abeŋ ni esita, ati ekyana ni nelahode ahode.
|
||
\v 26 Nyo omijak hobu nerre huna daŋ bwo fe aremik ni ikyana isi daŋ jihonyi nyo amijak ni jo obeŋi isi itidimye. Omijani laati daŋ isi.
|
||
\v 27 Hobu Agripa, ibeŋ iye iruk nekyanita huno leyak sayyo? Amijak ni luŋa jo iruk iye.
|
||
\v 28 Ojo Agripa jyo Paulo, To oloŋ ono ahana igigilo iye jo ituruk iye ani a Kristyano?
|
||
\v 29 Ojo Paulo, Ahode ihosyere Hollum awak ni iye iko laati hulo daŋ ifwanna ratan ihwa ani luŋa arari hama ta naririk huna.
|
||
\v 30 Attati hobu dyoto iko Festo iko Bernika bwo laati daŋ hinya itoŋoi’to ikosi.
|
||
\v 31 Ofwoi isi daŋ aŋati, ette jaran, Obeŋ atulo olo ihanio omuk erre hun itasiruni’to naye kuyya dwo bu ababus.
|
||
\p
|
||
\v 32 Ati ojo Agripa jyo Festo, Aremik dwo ni houna inyi hara dwo obeŋ inyi ojo jo ejulum inyi many jyo Cesare.
|
||
\c 27
|
||
\cl Angati 27
|
||
\p
|
||
\v 1 Ninya lawon adaha Italya ta ababur eyarai nya Paulo iko lomuk ababus jyo eleittok olo oseŋer hulo Agusto, afure honyi Julio.
|
||
\v 2 Ejiŋak hohoi jyo ababur ninya ottu’to to Adramito bwo ojo nya inyi alo jyo omuk amisihi hutta fau Asia ilotifor hari. Tania ebusak nya hohoi olotifor ette fwatan ta ababur iko lobo latulo olo Tesalonika ifau Masedonia, afure honyi Aristako.
|
||
\v 3 Nya motye efany hohoi Sidon. Ati omehino nya Julio jyo Paulo ette harana inyi hetelo jyo mottyarak honyi liŋiyere.
|
||
\v 4 Ninya ebusak hohoi amaji ania edaha hohoi ta ababur iwoyo Ciporo nyo ohuco oyyami bebe.
|
||
\v 5 Ette hohoi ’laŋan aari etteger Silisia iko Pamfilia ette fanyan jyo Mira ifau Licea.
|
||
\v 6 Dia onyurak eleittok olo oseŋer ababur obo ono Alesandria on olo Italya ette itajiŋana hohoi dia.
|
||
\v 7 Edaha nya hohoi kai kai to omuk oŋitek ati efany hohoi Cindo ta nettigemyo on obolo. Ninya arasari oyyami hucere bebe ebeŋ hohoi eremik fanyan dia ati edaha hohoi iwoyo Kreto iger Solomone.
|
||
\v 8 Ta nettigemyo ono oyyami edaha hohoi kai ette fanyan jyo amaji an ifurani amaji yiri ilyaha amiji ono Lasea.
|
||
\p
|
||
\v 9 Nyo allaŋi oŋitek arryai bwo fe oyeyer nya adaha hosi, allaŋi bwo fe oŋitek huno aferuna. Ihwania ojo Paulo jihosi,
|
||
\v 10 Hotto hulo, egigilo ni orroho adi jihohoi el efwo hohoi ihwania. Olitohi adi ababur iko erre daŋ huttotwa bwo fe ara heye hohoi.
|
||
\v 11 Ati eleittok olo oseŋer obeŋ itaniŋu ekyanita huno Paulo ati oniŋyo inyi ekyanita huno monye babur.
|
||
\v 12 Iwwahai isi ette jaran, Oyyu adi lefwo hohoi kwak nyo orroho amaji ania itoŋori ta ameyu. Kuyya el efany adi hohoi Finis, amiji ono Kreto ottohide, oyyu adi itoŋori dia ta ameyu.
|
||
\v 13 Ninya al ottu oyyami kai to wor ojori isi oyyu adi adaha ihwania ette isi busana amaji ania ette fwatan ilyahari olotifor ono Kreto.
|
||
\v 14 Ati ihalu kai odyoto oyyami on obolo’to bebe an ifurani Erekilo.
|
||
\v 15 Attati inef ababur ette iloit inyi ette iyaro addi.
|
||
\v 16 Iyaro oyyami hohoi kokwak ilyaha ilotifor ono obo aful an ifurani Kauda ette hohoi ifitana atogol ono ababur.
|
||
\v 17 Okemye isi ihuhumaniere atogol on ogol, ati ihalu al ohuco oyyami bebe bebe abaŋi isi jo ŋadi isi esyak amorwoi ette isi houna aboŋo ono ababur bwo oyyami ette hutaru isi hama.
|
||
\v 18 Nya motye, nyo eyaro oyyami ababur bebe, ette isi itteryo ibiryo hirre hun iyatye isi ihari.
|
||
\v 19 Ihalu amotye nya inyyahi isi ibirotya asenuhi iko nerre hutto babur.
|
||
\v 20 To oŋitek arryai obeŋ nya oloŋ afaŋ kuyya bu elelyefi nyo obolo asiŋit attati aati byaŋan inyyak igigilo ta nesu.
|
||
\p
|
||
\v 21 To oŋitek arryai obeŋi isi oŋiye, attati Paulo dyoto ’tehiji hosi ette jaran, Hotto hulo, oyyu dwo kuyya itayiryete nya itai ani. Kuyya erasa nya hohoi Kreto ebeŋ dwo hohoi enyurak ettigemita ihwo huna.
|
||
\v 22 Ati itagoloto atajya hatai nyo obeŋ adi obo alatai oye. Olito adi ababur hama.
|
||
\v 23 Nyo ta arwe ana owotya anjelo olo Hollum ihosyere hoŋ, inyi Hollum al ara’to a Hobu hoŋ el etahabuyo ni.
|
||
\v 24 Ojo inyi, Paulo, hebaŋ, nyo iwotya adi iye ihosyere Cesare bwo fe italahu adi Hollum aati daŋ hul ledahati’to ikoye.
|
||
\v 25 Ihwania itagoloto atajya hatai nyo eyihi ni jyo Hollum jo idwoŋ adi ihwa ikyana nya inyi jihoŋ.
|
||
\v 26 Ati oŋida hohoi dwo ewotya jyo obo aful.
|
||
\p
|
||
\v 27 Ihalu oŋitek ’tomon haŋwan iyaro oyyami hohoi ta arwe ihiji hari an ifuri Adria. Ihiji harwe igigiloi aati hul igyamai’to ababur jo elyaha hohoi jyo obo olotifor.
|
||
\v 28 Tania okemye isi awudori hari ette nyurana inyi ayardahyen atomwana aŋwan. Ihalu kai inyyahi isi kemyo awudori ette nyurana ayardahyen atomwana hunihoi.
|
||
\v 29 Abaŋi nya isi jo ŋadi isi esyak amorwoi ette isi itadohina abilat aŋwan hun iryatani ta aririk hun odiŋi ’tehalu babur hun inefi’to ababur ifau ette isi mojo jo ijara afaŋan hetettu.
|
||
\v 30 Bwo fe ojori omuk hulosi efuho to babur itwa togol on odiha. Itusuruni isi atogol ania itwa hari, ojori efwo adi isi inefuna omom ono ababur ta abilata iko ta aririk.
|
||
\v 31 Ojo Paulo jyo eleittok olo oseŋer iko oseŋer, Al obeŋi aati hulo daŋ arasai itwa babur obeŋi adi itai italahuni.
|
||
\v 32 Tania oŋoti oseŋer ofi huno atogol ette atogol leten addi itwa hari ahania.
|
||
\p
|
||
\v 33 Ninya ilyaha afaŋan motye, ojo Paulo jihosi, Iŋiyete obo aŋiyo nyo ara ahana oŋitek ’tomon haŋwan an ibyaŋata tai iŋiyete ta abaŋi.
|
||
\v 34 Ihwania iŋiyete aŋiyo itagolyere ahwattek hatai nyo obeŋ obo ofiti to hosi hatai olito.
|
||
\v 35 Ojo inyi ana ette iduhuna emunio ette jaran humo jyo Hollum ihosyere hosi ette ibibeny ette ŋiyo.
|
||
\v 36 Attati isi daŋ itagol atajya hosi ette ŋiyo bwo fe.
|
||
\v 37 Era nya hohoi daŋ awati esiha arrihai iko omuk atomwana hattarik heille itwa babur.
|
||
\v 38 Ninya ifoŋi isi daŋ ibironi isi ema daŋ itwa hari jo oŋida ababur itawwaha.
|
||
\p
|
||
\v 39 Ninya afaŋ amotye igonyuni isi olotifor ati obeŋi isi omijani ara inyi afau anani. Ati igonyuni isi obo egu iko asuluŋayo ette isi jaran eruharo ababur dia.
|
||
\v 40 Teyya ohouni isi abilat iko aririk ’totwa hari ette kafana aboŋo ono oyyami ette ruharo ababur ilotifor.
|
||
\v 41 Ati ninya ilyaha olotifor, isyak ababur asuluŋayo iko amaji on obeŋ owudo. Iryet awoyo otto homom babur isuluŋayo bwo ehalu babur ette wuro te epipoŋi hari iko oyyami.
|
||
\p
|
||
\v 42 Ojori oseŋer ettoho ababus ŋadi omuk riŋyarai itwa hari many ilotifor ette fuho.
|
||
\v 43 Ati itik eleittok isi nyo awak inyi italahuna Paulo. Iramak inyi hul omijani ariŋita ihari oŋida isi olluhini ihari iriŋyari ilotifor.
|
||
\v 44 Bwo hul omuk inefuni abauhyen iko omuk asaŋ hun owurunie’to to babur ette fwatan ilotifor tesi. Ihwania efany hohoi daŋ ilotifor.
|
||
\c 28
|
||
\cl Angati 28
|
||
\p
|
||
\v 1 Eris hohoi daŋ ifau, enyurak hohoi afure ono aful ana inyi Melita.
|
||
\v 2 Omehinie laati hulo Melita jihohoi bebe. Inahini isi neema jihohoi isujari nyo asayo ahide bwo fe ihacoro jihohoi bebe.
|
||
\v 3 Iduhu Paulo omuk eyek ette ihanana ihima ati ottu epakidaŋ totwa ette illullur aani Paulo.
|
||
\v 4 Ninya igonyuni laati amunu ania illullur aani honyi, ette isi jaran ta ahwattek hosi, Ahode ara atulo olo ahattohoni. Dwadi iris inyi to hari oŋoti aye jihonyi.
|
||
\v 5 Attati Paulo illillihana amunu itwa hima bwo aani honyi obeŋ odyaha.
|
||
\v 6 Itilai aati ette ikikorihina jihonyi nyo igigiloi isi oyejak adi naani honyi kuyya oye adi inyi kwak. Ati gaa igonyuni isi obeŋi omuk erre jihonyi, ette isi jaran ara inyi ajok.
|
||
\p
|
||
\v 7 Owoni amatta hun ilyahai jyo amaji ania huno hobu olo aful ania afure honyi Pubilo. Iloŋu inyi hohoi ihaji honyi ette isyo hohoi aŋiyo ta oŋitek hunihoi.
|
||
\v 8 Attati monye Pubilo ŋwai bebe iko ayoti bwo fe onok ahwan honyi bebe. Alo Paulo jihonyi ette mojo ette iyyabana ahas honyi jihonyi ette inyi ŋidari.
|
||
\v 9 Ninya itaniŋuni laati ehani ana ette aŋwak daŋ hulo aful ania fwanna jyo Paulo ette inyi itaŋida isi daŋ.
|
||
\v 10 Isyori isi esyorita arryai jihohoi bwo fe al efwo hohoi ta ababur obo ifihani isi erre daŋ hun ewak hohoi itwa babur.
|
||
\p
|
||
\v 11 Ihalu omuk ayafajin hunihoi ebusak hohoi aful ania ta ababur obo an itoŋotyo dia ta ameyu. Inyi ababur ono Alesandro on owon iko arrijori ono aturot ihide honyi.
|
||
\v 12 Ninya efany hohoi ifau Siraco ette hohoi rasa dia oŋitek hunihoi.
|
||
\v 13 Ihalu efany hohoi imiji Rejuma ette oyyami inyyak ’tuna to wor. Ihalu omuk oŋitek arrihai efany hohoi imiji Puteli.
|
||
\v 14 Enyurak hohoi dia omuk illarak ette itoŋo ikosi oŋitek hattarik. Ihalu efany hohoi Roma.
|
||
\p
|
||
\v 15 Itaniŋuni illarak hya teyya jo efwonni hohoi ette isi fwanna irraŋuniere hohoi many amaji lokiko ono Apio bwo fe jyo akulubi hunihoi. Ninya igonyu Paulo isi ojo inyi humo jyo Hollum bwo itagol ataji honyi.
|
||
\v 16 Teyya efany hohoi Roma ette Paulo itoŋo iko oseŋeritanani abotye ihaji abotye.
|
||
\p
|
||
\v 17 Ihalu omuk oŋitek hunihoi iloŋo Paulo eleittaha hulo aati Yudea hul owoni dia ifwanniere jihonyi. Ette inyi jaran jihosi, Hotto hulo, abeŋ nya ni ehanio obo ariŋ on orroho jyo laati hohoi kuyya emohiti huno hohonyok hohoi ati ifitani nya isi ani ibabus Yerusalem ette isyo ani jyo aati Roma.
|
||
\v 18 Iwwahai isi neram hoŋ bwo fe awahi isi hohina ani nyo obeŋi isi onyurani obo ariŋ on osiru’to ittohori ani.
|
||
\v 19 Ati ihari Yudea hohina ani attati ni jaran ejulum ni eram hoŋ jyo Cesare ati abeŋ ni arrasak laati Yudea obo ariŋ.
|
||
\v 20 Ihwania eloŋo ni itai ikyanari jihatai nyo ifitani isi ani te eram lya al iyihini Israele.
|
||
\p
|
||
\v 21 Ojori isi jihonyi, Ebeŋ hohoi efwotu obo awaraga to Yudea te eram hoi bwo illarak hohoi hul ofwonni dini obeŋi ikyanai omuk erre hun orrohoji teye.
|
||
\v 22 Ati ewak hohoi etaniŋuna to hutuk hoi eram ana nyo etaniŋu hohoi jyo laati daŋ jo orrohoji laati hul iruhi’to ihwania.
|
||
\p
|
||
\v 23 Tania ojori isi efwonni adi isi to obo oloŋ attati isi fwanna ihaji Paulo iko laati arryai. Ette inyi ittittoyo isi te eram ono olobye Hollum ta amotye many arari attari itahutaniere isi eram Yesu to buhi huno Mose iko eyak sayyo.
|
||
\v 24 Ati iruhi nya omuk ekyanita honyi bwo omuk ihari.
|
||
\v 25 Hofwoi isi ette isi ŋalafaru ta ahwattek hosi te ekyanita huno Paulo jihosi hun ojori, Ahode ikyana nya Oloyiri nelahode ibuk ono eyani sayyo Isaya ninya ojari inyi jyo hohonyok hatai jo:
|
||
\v 26 “Ifwatta jyo laati hulo ikyanari jo, Itayirutati adi itai ahode ati ibyaŋata tai itaniŋuna. Imijyete adi itai ahode ati ibyaŋata tai igonyuna.
|
||
\v 27 Nyo odwari atajya wati hulo Bwo fe ottuhoi ayyaha hosi. Imuti isi oŋite hosi. Ŋadi isi igonyuni to oŋite hosi. Kuyya itayiruni ta ayyaha hosi, Kuyya itaniŋuni ta atajya hosi, Attadi isi cohuno jihoŋ ifwotuniere aŋidari.”
|
||
\p
|
||
\v 28 Ihwania imijyete, ahode, ifak Hollum etalahuna honyi jyo paganohyen, bwo fe oniŋye adi isi.
|
||
\v 29 Ninya likyana inyi ihwania ette Yudea caharu bwo aŋaŋalafarai te ekoi.
|
||
\p
|
||
\v 30 Ihalu erre huna amanya Paulo aŋasi arrihai ihaji honyi hama ette rehuna aati daŋ hul ofwonni jihonyi.
|
||
\v 31 Ittittoyo inyi te eŋere jihosi daŋ attuna ono olobye Hollum bwo fe eram ono Hobu Yesu Kristo ati obeŋ obo atulo itik inyi.
|