lot_reg/42-MRK.usfm

\id MRK
\ide UTF-8
\h Marko
\toc1 Marko
\toc2 Marko
\toc3 mrk
\mt Marko
\c 1
\cl Angati 1
\p
\v 1 Ara ana etteri sayyo hun oyiji’to huno Yesu Kristo Lonyi Hollum.
\v 2 Igyoroni nya ibuk ono eyani sayyo Isaya ojo, Ojo Hollum jo, “Efak ni eyani sayyo hoŋ ikyomoro ahosyere hoi. Ihuhumyo adi inyi nekoi hoi.
\q
\v 3 Iloŋo obo atulo to mur, Ette jaran, Ihuhumana nekoi Hobu, Itabisana nekota honyi ’tor.”
\p
\v 4 Oleyo nya Yoane Batista to mur. Ittittoyo inyi aati ojo, Oŋida isi iloiti atajya hosi ette ifwotuna batisimo ette Hollum busana eyyata hosi.
\v 5 Adahatye aati daŋ hutta fau Yudea iko hutto miji Yerusalem jihonyi. Iruhi laati eyyata hosi ette inyi batisyo isi ihari Yordano.
\v 6 Iyyafatyo Yoane aboŋojin hun ihuhumi to nofir konnikonni bwo etodit an ara’to amuhunyo iyyafak lihuluk honyi. Oŋiyo bwo fe inyi nebeyo iko nesyo.
\v 7 Ette inyi ittittoyo ojo, Ihalu hoŋ ottu adi lobo ol ogol agalik ani. Abeŋ ni asiru lihouniere amuha honyi.
\v 8 Ebatisyo ni itai ta aari ati ibatisyo adi inyi itai to Oloyiri ol Olibo.
\p
\v 9 To noŋitek hwa ottu Yesu to miji Nasaret lifau Galilea, attati Yoane ibatis inyi ihari Yordano.
\v 10 Ninya lattu Yesu addi to hari kokwak igonyu inyi nedou obwanya bwo Oloyiri ol Olibo ette isuruna t’edou jihonyi ihwa awolo.
\v 11 Ette inyi itaniŋuna nekyana t’edou on ojo, “Iye Lonyi hoŋ, al amuno ni bebe.”
\v 12 Teyya kokwak ette Oloyiri ol Olibo iyaro inyi limur.
\v 13 Ette inyi itoŋo dia oŋitek atomwana aŋwan iko narwejin atomwana aŋwan hun isusuyere Sitan inyi. Owoni bwo fe acaŋi dia attati anjelohyen lwak inyi.
\p
\v 14 Ninya ifitani Yoane libabus ette Yesu leten ifau Galilea ittiyeniere asayyo hun oyiji’to huno Hollum.
\v 15 Ojo inyi, Attuba noloŋ bwo fe ilyaha olobye ono Hollum. Iloitoto atajya hatai, iruhoto asayyo hun oyiji.
\p
\v 16 Hadaha Yesu ilotifor hari Galilea ette inyi igonyuna Simone iko Andrea illanyi hul ibirotyai aboyo hosi ihari, nyo arai isi ahayafohok.
\v 17 Ojo Yesu jihosi, Ifwanna ikoŋ, ehanak adi ni itai ahellilloŋok wati.
\v 18 Teyya teyya ette isi busana aboyo hosi ette jifaru inyi.
\v 19 Holo inyi kai alamarai ette igonyuna Yakobo iko illanyi Yoane lonyirok Sebedeyo. Owoni isi itogol hosi hul ihuhumye aboyo.
\v 20 Teyya kokwak iloŋo inyi isi, ette isi busana monyosi Sebedeyo itwa togol iko legyamak honyi ette jifaru Yesu.
\p
\v 21 Teyya ette isi jiŋana imiji Kapernaum. Al ottu sabato, u teyya ette inyi leten ihaji imojit ette itteryo ittiyenio.
\v 22 Illillihai laati bebe ta nettiyenita honyi. Ittiyenio inyi isi ihwa atulo eleittok obyaŋara ihwa legyorok.
\v 23 Jyo noloŋ nya owon obo atulo ihaji imojit ol owon iko ajok on orroho’to.
\v 24 Ilulwo inyi ette jaran, Yesu Anasaretanani, anyo hiram iwak iye jihohoi? Ittu iye itarroho hohoi? Amijak ni iye, iye Aliboroni olo Hollum.
\p
\v 25 Ette Yesu iŋere jihonyi ojo, Odwai, obusak inyi, ilo addi.
\v 26 Attati ajok on orroho’to ihanana ahwe jihonyi, ette jiŋuna addi on olwaha.
\p
\v 27 Illillihai laati bwo fe ahahayai ta ahwatek hosi hama ojori, Anyo hiram ana? Anyo ettiyenio aŋejuk ana? Ifuhak inyi ajok on orroho’to ania ihwa atulo eleittok, ette inyi niŋyo inyi.
\v 28 Teyya kokwak ohu eram honyi imisihi daŋ jyo aŋati nya ono afau Galilea.
\p
\v 29 Hobusak Yesu aji imojit afwoi isi iko Yakobo ojo Yoane ihaji Simone iko Andrea.
\v 30 Teyya oŋwai hamoni Simone iko anahan hwan ette feryoro ijotit. Ette isi iramana inyi jyo Yesu kokwak.
\v 31 Ette inyi leten jihonyi, ette nef aani honyi ette itadet inyi. Attati anahan hwan honyi ’turoro kwak ette inyi itteryo igyama aŋiyo hosi.
\p
\v 32 Ta akikai liddorro oloŋ, iyaŋunie laati jihonyi aŋwak iko omuk hul owoni iko ajohin hun orrohoji’to.
\v 33 Ottubanie aati daŋ hutto miji ikat haji.
\v 34 Itaŋida inyi aŋwak arryai hul owoni iko neŋwati hosi hun olufaji. Ifuhak inyi ajohin arryai hun orrohoji’to. Ati obeŋ inyi iruk isi ikyanai nyo omijani isi inyi.
\p
\v 35 Ta amotye hanyik beryen, ohenyu inyi ette leten ihidyofo imojori dia.
\v 36 Ati Simone iko mottyarak honyi ottittifyai inyi.
\v 37 Teyya onyurani isi inyi ette jaran jihonyi, Ottifyai laati iye daŋ.”
\p
\v 38 Itarraŋ inyi jihosi ojo, Efwo jyo omuk amisihi hun ilyahai’to ittiyeniere isi bwo fe. Nyo ara te eram ana an attuniere ni dini.
\v 39 Teyya ette inyi leten itwa misihi daŋ huno Galilea ittiyeniere ihasik imojiti hosi iko ifuhatari ajohin hun orrohoji’to addi jyo laati.
\p
\v 40 Teyya ottu atulo ’tallulu jihonyi ette rigoŋi, ette mojo jihonyi ojo, Al iwak iye iremik iye itaŋida ani.
\p
\v 41 Attati ataji Yesu mehino ette ihanana aani jihonyi ette ’tir inyi ette jaran, Awak ni, toŋidara.
\v 42 Ette attallulu ono atulo alya ’turoro kwak, ette nahwan honyi libori.
\v 43 Attati Yesu ifuhara inyi addi.
\v 44 Bwo fe ette jaran, Imijye, heramak obo atulo eram ana ’tuŋ. Ilo, itahutak ahwan hoi jyo ehumani bwo fe isyarak ehumi ono aŋidari hoi ihwa iramak nya Mose jo oŋida laati ihanie ihwa etamijani.”
\v 45 Ati olo inyi itteryo itisarrahina neram ania jyo laati daŋ. Tania obeŋ Yesu ojiŋak jyo obo amiji ololeyo, ati adaha inyi ta atwa matta bwo laati adahatye motye motye ta aŋaco daŋ jihonyi.
\c 2
\cl Angati 2
\p
\v 1 Ihalu omuk oŋitek acaharu Yesu limiji Kapernaum ette laati itayiruna jo inyi atta haji honyi.
\v 2 Teyya ette laati arryai ’tubanio jihonyi dia, tania ette amaji byaŋan jyo hul omuk, dwadi hutteger ikat haji. Ittiyenio inyi ettiyenita honyi,
\v 3 attati omuk aati aŋwan fwanna hul akafunie atulo ol ogolyo hwan.
\v 4 Ta nalwaji wati obeŋi isi iyarai atulo alya many jyo Yesu tania ette isi ’tulonia ettulit tohide haji, tohide maji an itoŋori Yesu, ette isi ililyofonia ekafit iko atulo ol ogolyo hwan.
\v 5 Al igonyu Yesu neruk hosi ojo inyi jyo atulo ol ogolyo hwan, Illaŋ, ahohinie eyyata hoi.
\p
\v 6 Owoni bwo fe omuk egyorok dia hul igigiloi ta atajya hosi jo,
\v 7 Nyo ikyana atulo alya ihwania? Omoryo inyi Hollum. Obeŋ tulo oremik hohina eyyata arari Hollum fe abotye.
\p
\v 8 Teyya ette Yesu mijana egigilita hosi ette ifiyo ojo, Nyo igigiloti tai ihwania ta atajya hatai?
\v 9 Anani an ilyaha’to, ajaran hoŋ jyo atulo ol ogolyo hwan jo, Ahohinie eyyata hoi, kuyya ajaran hoŋ, Totte, obubunak ejotit hoi, tadahai?
\v 10 Ati oŋida itai imijana jo owon nadwaran jyo Lonyi tulo ihohiniere eyyata wati hutta fau. Tania ojo inyi jyo atulo ol ogolyo hwan,
\v 11 Ajo ni jihoi, totte, obubunak ejotit hoi, ilo ihaŋ.
\p
\v 12 Teyya ette inyi dyoto kwak ette bubunana ejotit honyi ette leten tohosyere hosi alet. Tania ette isi daŋ illilliha, ette itahabuyo Hollum ojori, Ebeŋ nya hohoi egonyu obo ariŋ ihwa ana.
\p
\v 13 Obusak inyi amiji ette caharu ilotifor hari Galilea. Ofwonni aati jihonyi bwo inyi fe ittiyenio isi.
\v 14 Hadaha inyi ette inyi igonyuna Levi lonyi Alufayo. Itoŋo inyi lihaji on odumarik amusuru ette Yesu jaran jihonyi, Ijifunie ani. Ette inyi dyoto ette jifaru inyi.
\p
\v 15 Lihalu oŋiyo Yesu ihaji Levi iko leyiyanak honyi. Owoni fe dia latamonok arryai iko lamojok musuru bwo leyyak hul ijifatye inyi.
\v 16 Al igonyuni legyorok hulo Farisei Yesu oŋiye iko leyyak bwo fe iko lamojok musuru ojori isi jyo leyiyanak honyi jo, Nyo oŋiyo inyi iko lamojok musuru bwo fe iko leyyak?
\p
\v 17 Itayiru Yesu ana ette jaran jihosi, Laati hul oŋidari’to obeŋi awahi afwatan jyo akim, ati hul oŋwai’to ofwoi isi jyo akim. Abeŋ ni attu iloŋori ayijok, ati attu ni iloŋori eyyak.
\p
\v 18 Teyya oferutai leyiyanak hulo Yoane iko Farisei ette omuk aati fwanna ette fiyo Yesu, Nyo oferuni leyiyanak Yoane iko Farisei bwo hulohoi obeŋi oferuni, nyo?
\p
\v 19 Itarraŋ Yesu jihosi ojo, Oferutai mottyarak hayamani al itoŋoi isi ikonyi? Obeŋi isi oferutai al itoŋoi isi iko layamani, obeŋ.
\v 20 Ofwonni adi oŋitek hun iyarik layamani t’ehiji hosi addi, bwo to noloŋ to nya ette adi isi feruna.
\p
\v 21 Obeŋ obo orifak ettafit boŋo aŋejuk jyo egwasit boŋo imarwani. Kuyya ihanio obo ihwo nya ogwasaru adi ettafit aŋejuk to boŋo amarwani addi ette egwasit bolori agalik odwo.
\v 22 Obeŋ obo ijuhok abalu aŋejuk itwa ihulo amarwani. Kuyya ihanio inyi ihwania obor adi abalu ehulo ette abalu iko ehulo byaŋan. Abalu aŋejuk oŋida ijuhoni itwa ihulo aŋejuho.
\p
\v 23 Teyya to noloŋ sabato addaddaharai Yesu iko leyiyanak honyi ta atwa matta hima. Hadahai isi itwa matta ette leyiyanak itteryo gila nema.
\v 24 Teyya ette Farisei jaran jihonyi, Imijye, nyo ihanie isi ariŋ on odwa’to ihaniere to noloŋ sabato?
\p
\v 25 Itarraŋ inyi jihosi, Ibyaŋata tai ihenuna erre hunya ihanio Davide iko laati laniamai isi?
\v 26 Alo nya inyi lihaji Hollum hara Abiatara ehumani ol obolo’to ette inyi ŋiyo emunio hun odwari’to hun obeŋ tulo oŋiyo arari ehumak hama oŋiye, bwo fe isyo Davide nomuk jyo laati honyi.
\v 27 Ette inyi iramana jihosi, Isyori nya sabato jyo laati, ati obeŋi isyori laati to sabato.
\v 28 Ihwania ara Lonyi tulo Hobu dwadi olo sabato.
\c 3
\cl Angati 3
\p
\v 1 Ette Yesu inyyak leten litwa haji imojit. Owon dia obo atulo ol oye hani honyi.
\v 2 Ette isi kikorihina jyo Yesu imijaniere kuyya itaŋida inyi atulo alya to noloŋ sabato nyo awahi isi rasana Yesu.
\v 3 Ojo Yesu jyo atulo ol oye hani, Waŋ dini.
\v 4 Attati inyi ifiyo isi, Oyyu ehanio jyo aati on oyyu to oloŋ sabato, kuyya ehanio jihosi on orroho? Anani on oyyu’to etahoruna atulo kuyya attohoro? Ati odwahinie isi.
\v 5 Omijo Yesu jihosi te eloŋojita bwo ijiriŋa inyi ta nabyaŋan tajya wati hulya mehino. Ette inyi jaran jyo atulo alya, Onitok aani hoi. Ette inyi nitonia ette aani honyi ŋidari kwak.
\v 6 Teyya ofwoi Farisei alet ette isi ’tubana ahwattek hosi iko Erodiahyen ette itteryo iwwaha ojori, Efwo ’tohoro Yesu.
\p
\v 7 Tania ette Yesu iko leyiyanak honyi fwatan ihari eneittok, bwo eluluŋ wati arryai hutto Galilea ijifarai inyi. Ofwonni aati to fau Yudea,
\v 8 to miji Yerusalem, to fau Idumea, iko to ŋati hari tolya ono Yordano, bwo fe ofwonni laati huttotwa misihi Turo iko Sidon. Ofwonni jihonyi laati hul olwaji arryai nyo itayiruni isi anyo ihanio inyi.
\v 9 Tania ette inyi iramana leyiyanak honyi iyaunie obo atogol tenyi nyo ŋadi eluluŋ wati osulari inyi.
\v 10 Nyo itaŋida inyi laati arryai, attati laati hul owoni iko eŋwati ifufudaro ittiryere inyi.
\v 11 Al igonyuni ajohin hun orrohoji’to inyi ette isi kwahatyo lifau liger hejek Yesu. Ilulwoi isi ette jaran, Iye Lonyi Hollum.
\v 12 Ati isiŋyo Yesu isi ojo, Heramana jo ani ŋai.
\p
\v 13 Ette Yesu leten idoŋe iloŋuniere hul onyimu inyi ette hulya fwanna jihonyi.
\v 14 Onyimu inyi ’tomon harrihai jo oŋida isi itoŋoi ikonyi bwo fe inyi ifahita isi ittiyeniere.
\v 15 Owoni isi bwo fe iko nadwaran ifuhari ajohin hun orrohoji’to.
\v 16 Leyiyanak hul onyimu inyi isi; Simone al ifurak inyi Petro,
\v 17 Yakobo lonyi Sebedeyo, Yoane illa Yakobo, ifurak inyi isi Boanerge on ojo lonyirok hul arai’to ihwa ahilai,
\v 18 iko Andrea, Filipo, Bartolomeo, Matteyo, Tomaso, Yakobo lonyi Alufayo, Tadeyo, Simone Selot,
\v 19 iko Yuda Iskariote letinyyaŋani Yesu.
\p
\v 20 Ette Yesu leten miji. Ette eluluŋ wati arryai ’tubanio dia tania obeŋi Yesu iko leyiyanak honyi oremehini ŋiyo.
\v 21 Al itayiruni illarak honyi eram ania ette isi fwanna inyyahuniere inyi nyo ikyanatye laati jo isita inyi.
\p
\v 22 Bwo legyorok hunya ofwonni to Yerusalem ikyanatye jo owon inyi iko Belsebuliy bwo fe ifuha inyi ajohin addi ta afure hobu olo ajohin.
\p
\v 23 Ette inyi iloŋuna laati jihonyi ette itteryo ikyana jihosi ta arryamara on ojo, Aŋai oremik Sitan fuhara ahwan honyi?
\v 24 Al orryomonie laati hutto lobye ta ahwattek hosi obeŋ adi nolobye ania itoŋo.
\v 25 Al aŋalafai aati hutta haŋ ta ahwattek hosi obeŋi adi isi itoŋoi arabotye.
\v 26 Al ihiharak Sitan adwaran honyi obeŋ adi inyi itoŋo. Otuhuno adi inyi.
\v 27 Ahode obeŋ obo oremik jiŋana ihaji lottir liyari asaŋ honyi hobeŋ inyi ifitak olottir alya ahosyere bwo ihalu otuhoro adi inyi erre ta haji honyi.
\v 28 Eramak ni itai ahode jo ohohinie adi eyyata wati daŋ bwo fe nemoriti daŋ hun omoryerek isi Hollum.
\v 29 Ati jyo alya ol omoryo’to Oloyiri ol Olibo obeŋ adi Hollum omehino jihonyi, ati odulo eyyau ania jihonyi tulaŋ.
\p
\v 30 Ikyana Yesu ihwania nyo arasai laati ikyana jo, Owon inyi iko ajok on orroho’to.
\p
\v 31 Attati illarak Yesu iko honyonyi fwanna ette wotya ilet ette ifahina lefahata heteloŋo inyi.
\v 32 Teyya itoŋoi eluluŋ wati ikonyi ette isi iramana inyi, Imijye, honyohoi iko illarak hoi owotyai ilet. Awahi isi mijo iye.
\p
\v 33 Itarraŋ Yesu jihosi, ngai iyaŋ iko illarak hoŋ?
\v 34 Ette inyi mijo jyo aati hul itoŋoi’to ikonyi ette jaran, Heyaŋ huna iko illarak hoŋ.
\v 35 Hul ihanie’to awahan ono Hollum arai hya illarak hoŋ iko haniarak hoŋ ojo iyaŋ.
\c 4
\cl Angati 4
\p
\v 1 Inyyak fe Yesu itteryo ittiyenio ilotifor hari. Attubanie aati daŋ arryai hul ikoloni inyi ihiji, tania ette inyi jiŋana itwa togol, ette itoŋo dia ilyaha ilotifor bwo fe laati daŋ ilyeri ilotifor hari.
\v 2 Itteryo inyi ittiyenio isi ta narryamarita arryai. Te ettiyenio honyi ikyana inyi ihwania ojo.
\v 3 Itaniŋyete, olo obo atulo yehina enyomo honyi.
\v 4 Ninya layehi inyi ette omuk enyomo fodoŋoro ikoi bwo aheny ette fwanna ikubuna isi.
\v 5 Bwo fe omuk ette fodoŋoro ihiji morwoi. Obeŋi isi onyurani aboro hun olwaji, ette isi isuruna kokwak nyo obeŋ amaji hosi ojon.
\v 6 Al onok noloŋ ette itayoho afarawa hosi daŋ nyo obeŋi nadde hosi isuri ifau.
\v 7 Ofodoŋonie omuk bwo fe ihiji hikwa ette nekwa hwa isuruna arabotye ikosi ette itabunara isi. Obeŋi isi oŋerihini.
\v 8 Okwahinie omuk jyo aboro hun oyiji’to ette isuruna, bwo fe ette buturi ette obo ŋerihina ema atomwana hunihoi bwo fe obo atomwana ille bwo obo esiha abotye.
\v 9 Ojo Yesu, Lya ol owon iko ayyaha ijara inyi hetaniŋu.
\p
\v 10 Al owon Yesu hama, ofwonni laati iko leyiyanak ’tomon harrihai ifiyere inyi ta narryamara ana.
\v 11 Ojo inyi jihosi, Italeyehi Hollum jihatai nelahode ninya idimani ono olobye honyi. Ati jyo lomuk iramani jihosi nerre hwa ta narryamara.
\q
\v 12 Tania omijye isi mijo ati obeŋi igonyuni, bwo fe itayirye isi itayiryo ati obeŋi itaniŋuni ŋadi isi iloiti atajya hosi ette eyyata hosi hohino.
\p
\v 13 Bwo fe ifiyo inyi isi ojo, Ibyaŋata tai itaniŋuna narryamara ana? Aŋai ’tadi itaniŋuna tai omuk narryamarita hoŋ?
\v 14 Oyehi layani hinyomo nekyana Hollum.
\v 15 Nenyomo hutte koi isi laati hul itayiruni’to ette Sitan ’tuna kwak ihwania ihwania ette kwararu nekyana to tajya hosi addi.
\v 16 Nenyomo hun ofodoŋonie hutto morwoi isi laati hul itayiruni’to nekyana bwo fe iruhi ihwania ta amuno.
\v 17 Ati obeŋi nadde jihosi. Iruhi do ati al ofwonni ettigemita kuyya netahawayo ta neram Hollum ette isi ipal addi.
\v 18 Nenyomo hun ofodoŋonie ihiji hikwa isi laati hul itayiruni
\v 19 ati ihawwai isi te nerre hutto haŋitek, kuyya ottohoroi isi egigilo te ebariti hosi, kuyya adayai isi ta nerre ette nekyana Hollum bunaro jihosi. Obeŋi ati oŋiji.
\v 20 Hun okwahinie liboro hun oyiji isi laati hul itayiruni’to nekyana bwo fe omojuni isi itajya hosi ette ŋerihina aŋer hosi, atomwana hunihoi, bwo obo atomwana ille bwo obo esiha abotye.
\p
\v 21 Ette inyi ifiyo isi ojo, Iyaŋuno atulo allomo itwa haji ette ifihana iwoyo jotit kuyya bu iwoyo gufa? Obeŋ adi inyi oyihak allomo?
\v 22 Onuhani laati omuk erre jo oŋida ihalu inyyahi bwahuna. Imuhoni laati erre jo oŋida ihalu inyyahi isi duhuna.
\v 23 Lya ol owon iko ayyaha ijara inyi itaniŋu.
\p
\v 24 Bwo inyi ojo jihosi, Ihumata igigilo erre hun itaniŋuna tai. Te efahita hun iŋot iye obo atulo oŋot adi Hollum bwo fe iye agalik.
\v 25 Lya ol owon iko omuk erre ofonik adi Hollum omuk jihonyi. Lya ol obeŋ iko omuk erre iyari adi jihonyi addi dwadi hun omutari hun owoni’to jihonyi.
\p
\v 26 Bwo fe Yesu ette jaran, Orrijo olobye Hollum ihwa atulo ol oyehi’to enyomo honyi ifau.
\v 27 Bwo fe ojotoro inyi ta arwe bwo omijo to noloŋ. Ette nenyomo isuruna ette bolori ati obeŋ inyi omijak aŋai isuruni isi.
\v 28 Isuruni nema to fau, ahosyere abahala, ihalu nosi, bwo ihalu ema hun aŋidari’to.
\v 29 Al odori ema iduhu inyi ademi ette dyoŋori ema.
\p
\v 30 Inyyak Yesu ikyana jihosi, Etarrijohi adi hohoi olobye Hollum iko anyo? Anani narryamara an etarrijohi hohoi iko olobye Hollum?
\v 31 Orrijori inyi iko aŋeryo bule an oyehini. Omuta inyi agalik daŋ.
\v 32 Ati al oyehini ifau obolo agalik ayyanio daŋ, bwo owoni iko atanata arryai hun oremehini aheny duhori asik hosi.
\p
\v 33 Ta narryamarita ihwa hunia hun olwaji iramata Yesu nettiyenita honyi jyo laati ihwa oremehini isi itaniŋuna.
\v 34 Obeŋ inyi iramak isi omuk erre arari ta arryamara hama, ati al owon inyi iko leyiyanak honyi hama itahutak inyi isi awoi hirre daŋ.
\p
\v 35 Oloŋ ania to otoryai, ette inyi jaran jyo leyiyanak honyi ojo, Efwo aŋati hari tole.
\v 36 Tania ette isi busaro eluluŋ wati ette iyaro atogol an itoŋori Yesu. Owoni dia atogoli bwo fe.
\v 37 Ette asiŋit on obolo bebe dyoto. Attati aari ifolyahita itwa togol ette atogol ilyaha nefut.
\v 38 Ette inyi joto al iluro itwa togol. Ette isi itahenyuna inyi ette jaran jihonyi, Hettiyanani, ibeŋ iye igigilo ta aye hohoi?
\p
\v 39 Attati inyi dyoto ette ifahina oyyami hotodwahi ette jaran jyo aari, Odwai. Ette asiŋit dwa ette aari ŋettyo dee.
\v 40 Ette inyi ifiyo isi, Anyo ibaŋata tai? Hobeŋ neruk jihatai?
\p
\v 41 Ati abaŋi isi bebe bwo fe ikikyanai ta ahwattek hosi hama ojori, Anyo tulo olo ol oniŋye oyyami iko aari inyi?
\c 5
\cl Angati 5
\p
\v 1 Attati isi fanyan ilotifor hari tole lifau Gerasa.
\v 2 Ihwania al isuru Yesu to togol ottu obo atulo te lumyo jihonyi ol owon iko ajohin hun orrohoji’to.
\v 3 Ette inyi imanyatyo ihiji lumyo, bwo fe obeŋ obo oremik ifitana inyi ara dwo bu ta aririk.
\v 4 Nyo oŋitek arryai ifitani inyi ta aririk bwo isyahini abilat ihejek honyi. Bwo inyi ofut aririk bwo aŋany abilat. Obeŋ tulo oremik bwarana inyi ta arrama.
\v 5 Ta arwejin iko noloŋi daŋ itoŋo inyi ihiji lumyo iko idoŋyok. Iwuwoŋita inyi dia bebe bwo fe oŋoco ahwan honyi ta namorwoi.
\v 6 Ninya igonyu inyi Yesu hottu alamarai, oŋer inyi jihonyi ette rigoŋi ihosyere honyi.
\v 7 Bwo fe oyyo inyi bebe ette iwaha jihonyi ojo, Yesu Lonyi Hollum, Eleittok, anyo hiram iwak iye jihoŋ? Ta afure Hollum amojo ni jihoi hettigemyo nani.
\v 8 Nyo ikyana dwo Yesu jihonyi ojo, Itai, ajohin hun irrohojata’to, ifwanna addi jihonyi.
\p
\v 9 Ifiyo Yesu atulo olosita ojo, Ngai afure hoi? Bwo inyi itarraŋ ojo, Afure hoŋ Legon on ojo elwaja hohoi arryai bebe.
\v 10 Omojoi isi jyo Yesu bebe oŋida obeŋ inyi ifuha isi alamarai jyo amaji ana.
\v 11 Ihwania owoni eluluŋ bataha hun olwaji hun oŋiye amiyaŋ itwa doŋe.
\v 12 Tania olwahai ajohin jyo Yesu ojori, Ifuha hohoi ihiji bataha oŋida ejiŋak hohoi itwajin hosi.
\v 13 Bwo fe iruk inyi isi hetefwahi. Bwo ajohin hun orrohoji’to ette fwan addi totwa tulo ette jiŋana itwajin bataha. Ette neluluŋ bataha ŋyoron ilotifor, hutu, hutu, hutu, ette kwahino itwa hari ette dyoro bwo fe ette ye iko dia. Arai isi alif arrihai.
\p
\v 14 Ihwania ofuhoi leyyak bataha bwo fe iramani laati hutto miji bwo laati hutteger miji daŋ. Attati laati fwanna mijo anyo ihanie isi dia.
\v 15 Al afwonni isi jyo Yesu igonyuni isi atulo odwo isita’to ta ajohin hun orrohoji’to itoŋo ifau. Iyyafak inyi aboŋojin bwo fe obeŋ isita ette isi baŋi bebe.
\v 16 Laati hyodwo igonyuni’to eram ania iramani isi eram ono atulo odwo isita’to. Bwo fe iramani isi eram ono abataha.
\v 17 Tania ifuharai laati Yesu to fau hosi addi.
\p
\v 18 Al isurok inyi itwa togol ifiyo atulo odwo isita’to Yesu lifwatari ikonyi.
\p
\v 19 Ati obeŋ Yesu iruk afwatan ikonyi ati ojo inyi jihonyi, Ilo imiji hatai, iramak mottyarak hoi erre hun obolori’to hun ihanio Hobu jihoi bwo fe amehino honyi jihoi.
\v 20 Attati inyi leten ette itteryo iramana laati daŋ hutto misihi ’tomon erre hun ihanio Yesu jihonyi, attati laati daŋ hul itaniŋuni’to illilliha.
\p
\v 21 Allaŋ Yesu aŋati hari tolya ta atogol ette wotya ilotifor hari. Ofwonni eluluŋ wati hul olwaji bebe ette kolonia inyi ihiji.
\v 22 Attati lobo atulo ’tuna, afure honyi Yario, inyi eleittok olo aji imojit. Igonyu inyi Yesu ette rigoŋi jihonyi.
\v 23 Ette inyi mojo bebe ojo, Ojo ŋarri hoŋ aye. Waŋ ilo iyyabak aani hoi jihonyi oŋida odyoto ette su.
\v 24 Ette inyi leten ikonyi. Ijifatye eluluŋ wati inyi ette susularo inyi.
\p
\v 25 Bwo fe ottu nobo aŋotte on owouno hoto to hwan honyi ta aŋasi ’tomon harrihai.
\v 26 Bwo ottohoro inyi ittigemyo iko aŋwai honyi. Adaha inyi jyo akimi arryai bwo fe otuhok inyi agurusi honyi, ati obeŋ inyi oŋida, arasa inyi ŋwai.
\v 27 Itaniŋu nya inyi ta neram ono Yesu ette ’tuna te eluluŋ wati ihorwoŋ Yesu ette ’tir aboŋo honyi.
\v 28 Nyo igigilo inyi ta atwa honyi ojo, Ara dwo bu attir ni aboŋo honyi hama attadi ni ŋidari.
\v 29 Teyya teyya ette nooto honyi wotya bwo fe omijak inyi jo aŋida ahwan honyi.
\p
\v 30 Omijak Yesu ihwania itaŋida adwaran honyi aŋotte ette inyi yito orwaŋai ihiji wati ette ifiyo ojo, Ŋai ottir aboŋo hoŋ?
\p
\v 31 Ati ojori leyiyanak jihonyi, Igonyu iye eluluŋ wati osusularai iye bwo fe iye ifiyo, Ngai ottir ani?
\v 32 Ati ofyalatyo Yesu oŋida igonyu inyi ŋai dwo ihanio ariŋ ania.
\p
\v 33 Ihwania omijak aŋotte ariŋ an ihanio jihonyi. Dwadi abaŋ inyi bwo fe ikikiro, ottu inyi t’ehiji wati addi, ette rigoŋi ihosyere hejek Yesu ette iramana jihonyi erre daŋ.
\v 34 Bwo fe ojo Yesu jihonyi, Hanioŋ, itaŋida neruk hoi iye. Ilo ta nelik taji, hotoŋidara ahwan hoi ta aŋwai hoi.
\p
\v 35 Hekyana inyi ihwania ofwonni omuk laati to haji Yario ojori, Aye ŋarri hoi. Nyo inyyak iye iloŋo ettiyanani?”
\p
\v 36 Ati obeŋ Yesu ihum igigilo ta nekyana ania ati ikyana inyi jo eleittok olo aji imojit ojo, Hebaŋ, iruho hama.
\v 37 Obeŋ inyi iruk obo ofwoi ikonyi arari Petro iko Yakobo bwo illanyi Yoane.
\v 38 Al afanyi isi ihaji leittok olo aji imojit, igonyu Yesu eluluŋ wati hul oyyoi’to bwo fe ilulwoi bebe.
\v 39 Attati inyi jiŋara itwa haji ette jaran jihosi, Anyo iwuwoŋitati tai bwo fe iyyoti? Obeŋ eito ania oye, ojoto joto.
\v 40 Ette isi suhotyo bebe. Ifuhak inyi isi daŋ alet. Iyaro inyi monye hito iko honyonyi iko leyiyanak hul ofwonni dwo ikonyi. Bwo fe ojiŋari isi imaji on oferyori neito.
\v 41 Ette inef aani honyi bwo fe ojo jihonyi, Talita kumi, on ojo, Ŋarri hoŋ, ajo ni jihoi odyotoi.
\v 42 Teyya attati neito dyoto ette itteryo adaha nyo arai aŋasi honyi ’tomon harrihai. Teyya teyya ette isi illilliha bebe.
\v 43 Attati inyi ifahina isi ta agolon jo oŋida obeŋi iramani obo atulo eram odwo, bwo fe iramak inyi isi hetesyaraniehe eito obo naŋiyo.
\c 6
\cl Angati 6
\p
\v 1 Obusak Yesu amaji ania ette caharu imiji hosi bwo fe leyiyanak honyi ijifarai inyi.
\v 2 Ninya lattu sabato ette inyi itteryo ittiyenio ihaji imojit, ette laati illilliha bebe al itaniŋuni isi inyi. Ojori isi, Orumak inyi ettiyenita hunia aja? Aŋai omijak atulo alya erre huna? Aŋai ihanio inyi edwariti hun obolori’to?
\v 3 Obeŋ ara inyi ehuhumani bau, lonyi Maria, bwo fe illarak honyi Yakobo, Yose, Yuda iko Simone? Bwo fe obeŋi haniarak honyi amanyai aŋati jihohoi? Ette isi ihara inyi.
\p
\v 4 Attati Yesu jaran jihosi ojo, Owon etahabuyo jyo eyani sayyo, ati imiji hosi bwo fe ihaŋ hosi obeŋ etahabuyo.
\p
\v 5 Obeŋ inyi oremik ihanio obo ariŋ dia ati ottirok inyi ahas honyi jyo aŋwak kai ette isi ŋidari.
\v 6 Ette inyi illilliha ta abyaŋan hosi iruk. Attati inyi leten jyo amisihi hutteger ittiyeniere.
\p
\v 7 Attati inyi ikyana jyo leyiyanak honyi ’tomon harrihai ette ifahina isi arrihai arrihai imisihi bwo fe isyo jihosi nadwaran daŋ ababo igalihiniere ajohin hun orrohoji’to.
\v 8 Iramak inyi isi hobyaŋahi iyarai obo ariŋ ta adaha hosi arari elluhi hama; obeŋ aŋirya, obeŋ akis, obeŋi agurusi itwa jafi hosi.
\v 9 Oŋida isi ofwoi ta amuha hama hutto hejek bwo fe obeŋi iyarai agamisi arrihai.
\v 10 Ette inyi inyyak iramana omuk jihosi ojo, Al itoŋoti tai jyo obo aji arasati dia many ibusaniete tai amaji nya.
\v 11 Kuyya ihari omuk laati jyo obo amaji efonyo itai, bwo fe ihari isi itaniŋuna ekyana hatai, al ibusana tai amaji nya iddiddyaŋata attuduha to hejek hatai hetera etamijani jihosi.
\v 12 Attati leyiyanak fwatan ittittoyo aati jo oŋida isi iloiti atajya hosi t’eyyata hosi.
\v 13 Bwo fe ifuhari isi ajohin hun orrohoji’to bwo fe itaŋidari laati hul oŋwai’to te eyali an iyalyerek isi.
\p
\v 14 Itaniŋu hobu Erode te eram Yesu nyo elyece laati daŋ afure honyi. Attati isi jaran, Yoane Batista ibuhu to ye bwo fe ihanio Yesu nedwariti honyi.
\v 15 Bwo fe ikyanai omuk ojori, Ara inyi Elija. Bwo fe omuk ojori, Ara inyi aheyani sayyo ihwa eyak sayyo hinya beryen.
\p
\v 16 Ati ninya itayiru Erode erre huna ojo inyi, Yoane alya linya oŋotuni ahou addi, inyi al ibuhu’to alya to ye.
\p
\v 17 Nyo inyi Erode alya inya ifak’to oseŋer inefuniere Yoane ette ifitana inyi ibabus. Ihanio inyi ihwania itamunoyere Erodia, ŋorwoi illanyi Filipo, nyo ayama Erode inyi.
\v 18 Nyo ojo nya Yoane jyo Erode, Obeŋ oyyu jihoi imanyari iko ŋorwoi illa hoi.
\v 19 Attati Erodia iloŋojita jihonyi bwo fe awak ’tohoro inyi ati obeŋ inyi onyurak obo ekoi ittohori.
\v 20 Ati abaŋ Erode Yoane nyo omijak inyi ara inyi atulo ol oyyu’to bwo fe odwa. Attati Erode isiyo Yoane. Al itayiru inyi nekyana Yoane ette inyi ijiriŋa bebe, ati awak Erode itayiryo nekyanita honyi.
\p
\v 21 Attati neyom ’tuna ono oloŋ ninya isiunierek Erode, bwo fe ihuhumak inyi aŋiyo jyo hobwok iko oseŋer honyi bwo fe jyo eleittaha hulo Galilea.
\v 22 Attati ŋarri Erodia jiŋana ette hya ihiji hosi, attati inyi itamuno Erode iko hul itoŋoi’to ikonyi. Ette Erode jaran jyo odwoti, Ifiye ani to omuk erre hun iwak iye. Esyo adi ni jihoi.
\v 23 Attati inyi coronia ettuŋo honyi ojo, Esyo adi ni iye erre daŋ hun ifiyo iye dwadi aŋati ono olobye hoŋ.
\p
\v 24 Ette odwoti leten ilet ette ifiyo honyonyi ojo, Anyo riŋ adi efiyo ni jihonyi? Itarraŋ honyonyi ojo, Ijara awak ni ahou Yoane Batista.
\p
\v 25 Attati inyi caharo kokwak jyo hobu Erode ette jaran jihonyi, Awak ni iye ihwania isyo ani ahou Yoane Batista itwa sahan.
\v 26 Attati hobu jiriŋa bebe ati obeŋ inyi iha odwoti nyo acorok dwo bu inyi te ettuŋo bwo atamonok itaniŋuni.
\v 27 Teyya teyya attati inyi ifahina obo oseŋeritanani hetelo iyauno ahou Yoane. Attati lya leten ette ŋut ahou Yoane ’totwa babus.
\v 28 Attati iyaŋuno ahou honyi itwa sahan, attati inyi isyo jyo odwoti bwo odwoti ette isyo jyo honyonyi.
\v 29 Itaniŋuni leyiyanak hulo Yoane ette isi fwana ette iyaro ahwan honyi ette nuhana ilume.
\p
\v 30 Ocohunie lefahatz jyo Yesu ette iramana jihonyi erre daŋ hun ihanie isi bwo fe ittiyenie.
\v 31 Attati inyi jaran jihosi, Efwo ikoŋ ta ahwattek hatai, efwo jyo amaji on oyur’to iyiryari kai. Nyo adahai laati arryai dia bwo fe obeŋ asaa jihosi iŋiyere aŋiyo hosi.
\v 32 Ihwania attati isi dahina itwa togol ette fwatan jyo amaji on oyur’to.
\v 33 Ati igonyuni laati arryai isi ofwoi ette isi ŋyoron to misihi daŋ ilotifor hari ette fanyan aŋati tole ahosyere Yesu.
\v 34 Ninya isuru Yesu iko leyiyanak honyi totwa togol igonyu inyi eluluŋ wati owotyai. Omehino ataji honyi tesi nyo arai isi ihwa akyoro hun obeŋi heyyahani, ette inyi itteryo ittiyenio isi erre hun olwaji.
\p
\v 35 Al ilyaha oloŋ eddorro ette leyiyanak honyi fwanna jihonyi ette jaran, Amur ana bwo fe ilyaha noloŋ eddorro.
\v 36 Ifak eluluŋ wati imatta iko imisihi inyyaŋari erre hun oŋiye isi.
\p
\v 37 Ati itarraŋ inyi jihosi ojo, Isyatta isi aŋiyo. Attati isi jaran jihonyi, Iwak ati iye hohoi efwo iyaŋuno emunio ta arobia omuk hun olwaji oŋida esyo jihosi hotoŋiyehe?
\p
\v 38 Attati inyi ifiyo isi ojo, Omukaja emunio jihatai? Ifwatta imijata. Al ihenie isi ette isi iramana inyi ojo, Arai emunio miet bwo aham arrihai.
\v 39 Attati inyi iramana isi hetetoŋohi ifau jyo amiyaŋ en egara.
\v 40 Attati isi itoŋo ifau te eluluŋi esiha abotye bwo omuk atomwana miet.
\v 41 Attati inyi iduhuna emunio miet bwo aham arrihai ette ibonno ahide ette jaran humo jyo Hollum, attati ibibeny emunio ette isyarana jyo leyiyanak honyi hataharaniehe jyo laati. Attati inyi harana bwo fe aham arrihai jihosi.
\v 42 Oŋiye isi daŋ ette ifoŋ.
\v 43 Attati isi suduhana ofitot imunio iko aham hun oremehini ta afejin ’tomon harrihai hun ifuti.
\v 44 Arai aati hul oŋiye alyawa esiha atomwana miet.
\p
\v 45 Teyya teyya ifak inyi leyiyanak honyi hatadahiniehe itogol hatallaŋahi aari, many imiji Beteseda ahosyere honyi, attati inyi ifahina eluluŋ wati addi.
\v 46 Ifony inyi isi bwo ihalu olo inyi idoŋe imojori.
\v 47 Ta attari ette atogol wanan ihiji hari attati Yesu wanan ilotifor, inyi hama.
\v 48 Igonyu Yesu isi ittigemye te eguryo hari nyo ohuco oyyami bebe. Ninya ilyaha ataŋatye motye ette inyi leten jihosi al adaha ta ahide hari. Ojo inyi agalaru atogol.
\v 49 Ati al igonyuni isi inyi adaha ta ahide hari, igigiloi isi jo kuyya ara inyi aŋarri jok ette isi ilulwo.
\v 50 Igonyuni isi daŋ ette isi baŋi bebe. Ati teyya ette inyi ikyana jihosi ojo, “Itagoloto atajya hatai! Ani alya! hebaŋata!”
\v 51 Attati inyi leten jihosi ette dahina itogol attati oyyami dwa. Ihwania ette isi illilliha bebe,
\v 52 ati obeŋi isi omijani awoyo hiram ono emunio nyo ogoli atajya hosi.
\p
\v 53 Ninya allaŋi isi aŋati hari tole ifau Jenesaret ette isi ifitana atogol.
\v 54 Isuruni isi to togol ette aati mijana daŋ Yesu.
\v 55 Ette isi ŋyoron ihaŋitek ikafuniere aŋwak te ekafiti hosi jyo amaji an itaniŋuni isi jo owon Yesu dia.
\v 56 Ninya adaha inyi imisihi iko imatta wati daŋ, itaferehitai isi aŋwak ikoi ette isi mojo inyi ijara hotottirohe eger boŋo honyi bwo fe aati daŋ hul ottiri’to aboŋo honyi aŋidari.
\c 7
\cl Angati 7
\p
\v 1 To obo oloŋ ofwonni Farisei iko legyorok to Yerusalem jyo Yesu.
\v 2 Igonyuni isi leyiyanak honyi oŋiye hul hobeŋi ofiniai.
\v 3 Nyo Farisei iko laati Yudea omuk obeŋi oŋiye hobeŋi isi ofiniai ihwa omohoroi isi jyo hohonyok hosi.
\v 4 Bwo fe al ofwonni isi to suk obeŋi isi oŋiye do hobeŋi isi illillai erre. Bwo fe owoni omuk emohiti hun ijifatye isi, isi huna: ellillayo kosi iko ehulo iko atobohin.
\p
\v 5 Attati Farisei iko legyorok ifiyo inyi, Nyo obeŋi leyiyanak hoi ijifatye nemohiti hunya beryen? Nyo oŋiye isi do hobeŋi ofiniai?
\p
\v 6 Ette inyi itarraŋ jo, Igyoro nya eyani sayyo Isaya on oyyu tetai enyabak ojo, “Itahabuye aati hulya ani te etuhe hosi, Ati alamaji atajya hosi jihoŋ.
\q
\v 7 Ara etahabuyo hosi jihoŋ asai. Ittiyenie isi nefahita wati ihwa arai isi nefahita huno Hollum.”
\p
\v 8 Idehina tai nefahita huno Hollum jo oŋida igotyete tai nemohiti wati ihwa ellillayo kosi iko ehulo bwo omuk erre arryai ihwa hunia.
\v 9 Attati Yesu jaran jihosi, Ahode ihara tai nefahita huno Hollum jo oŋida igotyete tai nemohiti hatai.
\v 10 Nyo ojo Mose, “Itahabuyete monyatai iko honyatai,” bwo fe, “Atulo ol omoryo’to monye iko honye ijara inyi hotoye.”
\v 11 Ati ijatta tai jo, Oremik obo atulo jaran jyo monye kuyya honye ojo, Agurusi hun iwahata tai mojuna jihoŋ arai isi Korban on ojo arai isi esyoryo jyo Hollum.
\v 12 Al ihaniete tai ihwania ihara tai inyi ilwahyere monye iko honye.
\v 13 Tania itapwahata tai nekyanita huno Hollum ta nemohiti hunya beryen bwo fe owoni omuk nemohiti jihatai ihwo huna.
\p
\v 14 Bwo fe inyyak inyi iloŋuna neluluŋ wati jihonyi ojo, Itayiryete daŋ jihoŋ bwo fe itaniŋyete.
\v 15 Obeŋ obo ariŋ on ojiŋak itwa tulo to let oremik itarroho inyi ati erre hun ojiŋuni’to to taji tulo alet oremehini isi itarroho inyi.
\v 16 Lya ol owon’to iko ayyaha ijara inyi hetaniŋu.
\p
\v 17 Labusaro inyi eluluŋ wati attati leten ihaŋ honyi, ifiye leyiyanak honyi inyi awoyo hiram ono arryamara ania.
\v 18 Attati inyi itarraŋ jihosi, Itai bwo fe ibyaŋata tai itaniŋuna? Ibyaŋata tai imijana jo obeŋ obo ariŋ on ojiŋak’to itwa tulo to let oremik itarroho inyi?
\v 19 Nyo obeŋ aŋiyo ojiŋak itwa taji honyi ati itwa hohe honyi ijai attati irrituna alet. Ta nekyana ana ojo inyi oyiji naŋiyo daŋ.
\v 20 Bwo fe ojo inyi, Ariŋ on ojiŋu’to to taji tulo alet inyi ariŋ an itarroho’to inyi.
\v 21 Nyo to taji tulo ojiŋuni egigilita hun orrohoji’to, arai isi aroto, ahoho, attohyo,
\v 22 asomon, adaya, aliwari, enyobyo, ahaini, amwaŋa, etadara, iko ecaforo.
\v 23 Asaŋ hun orrohoji’to huna ofwonni totwa tulo ette itarrohojuno atulo.
\p
\v 24 Attati inyi busana amaji ania ette leten ifau Turo iko Sidon. Ette inyi jiŋana itwa haji nyo obeŋ inyi awak obo omijak awanan honyi dia ati obeŋ inyi oremik idimana ahwan honyi.
\v 25 Owon obo aŋotte iko ŋarri honyi on odiha on owon iko ajok. Ninya itaniŋu inyi attuna Yesu ette inyi leten jihonyi ette rigoŋi ihosyere honyi.
\v 26 Ara inyi apagano. Ikyana inyi ekyana Grik; isiuni inyi to fau Surofenisa. Attati inyi lwaha bebe jyo Yesu ojo ijara hetefuhai ajok jyo ŋarri honyi addi.
\v 27 Ette Yesu jaran jihonyi, Ijara aduri hotoŋiyehe ahosyere. Obeŋ oyyu iduhuniere aŋirya duri ette rwoŋonia jyo aŋohe.
\p
\v 28 Attati aŋotte itarraŋ jihonyi ojo, Afe Hettiyanani, ati oŋiye aŋohe ebenyiti ŋirya huttowoyo teremeja hul itadohini aduri.
\p
\v 29 Attati Yesu jaran jihonyi, Al ijo iye ihwania ilo ati imiji hatai, obusak ajok on orroho’to ŋarri hoi.
\v 30 Attati inyi leten ihaji honyi ette nyurana ŋarri honyi ijotit ette mijana jo obusak ajok on orroho’to inyi.
\p
\v 31 Attati inyi busana nafau Turo ette galaru Sidon ette cul te ehiji fau ono amisihi ’tomon many ilotifor hari Galilea.
\v 32 Attati laati iyaŋuno jyo Yesu atulo ol ottuho’to bwo fe obeŋ ikyana. Attati isi mojo inyi hotottirok ahas honyi jihonyi.
\v 33 Attati Yesu iyaro inyi hama t’eluluŋ wati attati ’tuhonia afyala honyi iyyaha lya ol ottuho’to ette mitana amilak ette ’tir aŋadyef honyi ta amilak.
\v 34 Attati Yesu ibonno ahide ette yirita ette jaran jihonyi, Efata, on ojo ijara hataŋai.
\v 35 Bwo fe ayyaha honyi hataŋahi bwo fe aŋadyef honyi hetekyanai ette inyi itteryo ikyana on obis.
\p
\v 36 Attati inyi iramana isi hotobyaŋahi iramani obo atulo eram ana. Ati iramani isi laati arryai.
\v 37 Attati aati daŋ illilliha bebe ette ikyana ojori, Ihanio inyi erre hun obolori’to. Aŋa inyi ayyaha wati hun ottuhoi’to bwo fe itaŋida aŋadyefa hun obeŋi’to ikyanai.
\c 8
\cl Angati 8
\p
\v 1 Jyo oŋitek hwa al attubanie eluluŋ wati bwo fe obeŋ naŋiyo jihosi, iloŋo Yesu leyiyanak honyi jihonyi ette jaran jihosi,
\v 2 Omehino ataji hoŋ jyo laati hulo nyo itoŋoi isi ihwania jihoŋ oŋitek hunihoi bwo fe atuho naŋiyo hosi.
\v 3 Kuyya efak ni isi ihaŋitek hosi hobeŋi isi oŋiye oniamai adi isi ka ahure nyo alamaji amisihi omuk.
\p
\v 4 Ati itarraŋi leyiyanak honyi jihonyi ojori, Orumani ’tadi emunio aja hun oremehini ta aati hulo jyo edyofo ana?
\p
\v 5 Attati inyi ifiyo isi ojo, Omukaja emunio jihatai? Bwo isi itarraŋi, Arai hattarik.
\p
\v 6 Tania ette inyi iramana eluluŋi wati hetetoŋohi ifau. Attati inyi iduhuna emunio hattarik ette jaran humo jyo Hollum. Ibibeny inyi isi ette isyo jyo leyiyanak honyi hataharaniehe jyo aati attati isi harana.
\v 7 Bwo fe owoni isi iko omuk aham hul omutari, attati inyi jaran humo jyo Hollum, ette inyyak harana jyo leyiyanak isyaraniere jyo aati.
\v 8 Oŋiye isi ette ifoŋ. Attati isi iddudduhuna ofitot hun oremehini ta afejin hattarik hun ifuti.
\v 9 Aati hul oŋiye’to arai isi esiha atomwana aŋwan.
\v 10 Attati inyi ifahina isi addi. Teyya teyya attati Yesu dahina itwa togol iko leyiyanak honyi ette ’laŋan aari many jyo afau Dalamanuta.
\p
\v 11 Ette omuk Farisei fwanna jihonyi ette ifiyo inyi itahutaniere etamijani on ottu’to t’edou oŋida okemyerek inyi.
\v 12 Attati Yesu yirita bebe ta ataji honyi ette jaran, Nyo ottifyai laati to oŋitek huna etamijani? Ahode ahode eramak ni itai obeŋ obo etamijani an itahutani jyo laati to oŋitek huna.
\v 13 Attati Yesu busana Farisei ette inyyak dahina itwa togol ette ’laŋan aŋati hari tole.
\v 14 Attati leyiyanak gworo eyaro emunio ati owon emune abotye ijai itwa togol.
\v 15 Attati inyi ittittoyo isi ojo, Ihumata mijo. Heruhoto abula Farisei bwo fe huno Erode.
\p
\v 16 Attati isi ikikyana ta ahwattek hosi ojo, Obeŋ emune jihohoi.
\p
\v 17 Attati Yesu mijana ana ette ifiyo isi ojo, Nyo ikikyanati tai jo obeŋ emune jihatai? Hebyaŋata tai itaniŋuna? Odwari atajya hatai?
\v 18 Iwanata tai iko ayyaha ati ibyaŋata tai itayiriete? Ibyaŋata tai igotyete?
\v 19 Ninya abenyere ni emunio miet jyo aati esiha atomwana miet, omukaja afejin huno ebenyiti munio hun iduhuna tai? Ojori isi, ’Tomon harrihai.
\p
\v 20 Bwo fe emunio hattarik jyo aati esiha atomwana aŋwan, omukaja afejin huno emunio hunya iduhuna tai? Ojori isi, Hattarik.
\v 21 Attati inyi ifiyo isi ojo, Ibyaŋata tai itaniŋuna?
\p
\v 22 Attati isi fanyan imiji Beteseda ette laati iyaŋuno atulo oloŋodo’to jyo Yesu ette ilolya jihonyi ijara hotottiro inyi.
\v 23 Attati Yesu rihoro inyi ta naani ette iyaro inyi iler miji. Attati mico ihoŋite honyi ette itafana ahas honyi ihoŋite loŋodo attati ifiyo inyi ojo, Igonyu iye obo ariŋ?
\p
\v 24 Attati inyi ibonno ette itarraŋ ojo, Egonyu ni aati hul adahai ati oleye isi ihwa ayyanio.
\v 25 Ati inyyak Yesu itafana ahas honyi ihoŋite loŋodo attati inyi ŋidari ette itteryo mijo bebe. Oremik inyi igonyuna erre daŋ.
\p
\v 26 Tania ette Yesu ifahina inyi ihaŋ ette iramana inyi ojo, Oŋida ibeŋ iye idaha jyo obo amiji ihwania.
\p
\v 27 Attati Yesu iko leyiyanak honyi busana Galilea ette fwatan imishihi iger fau Cesarea Filipi. Hadahai isi ifiyo inyi leyiyanak honyi ojo, Ojori laati ani ŋai?
\v 28 Ette isi itarraŋ jihonyi, Ojori omuk iye Yoane Batista. Bwo omuk ojori iye Elija. Ojori omuk ira iye eyani sayyo.
\p
\v 29 Attati inyi inyyak ifiyo isi ojo, “ati ijatta tai ta ahwattek hatai ani ŋai?” Attati Petro itarraŋ jihonyi ojo, “Ira iye Kristo.”
\p
\v 30 Ati iramak inyi isi hotobyaŋahi iramani eram ana jyo omuk aati.
\p
\v 31 Attati inyi itteryo ittiyenio isi ojo, Odyaha adi ahwan Lonyi tulo te ettigemita wati bwo fe ihari amarwak iko ehumak eleittaha bwo legyorok inyi. Ottohori adi aati inyi bwo fe ihalu oŋitek hunihoi ibuhu adi inyi.
\v 32 Bwo fe obeŋ inyi omwanak obo eram. Attati Petro iyaro inyi alamarai kai ette itteryo isiŋyo inyi ta nekyana ania.
\v 33 Ette Yesu yito attati mijo jyo leyiyanak honyi hul omuk ette isiŋyo Petro ojo, Ihuto tehalu hoŋ addi Sitan nyo negigilita hoi obeŋi ofwonni jyo Hollum ati arai ihwa huno aati.
\p
\v 34 Attati inyi iloŋuna neluluŋ wati jihonyi iko leyiyanak honyi ette jaran, Al awak obo ijifatyo ani ijara inyi hetehai ahwan honyi, hotolororo akruce honyi, hetejifatye ani.
\v 35 Al awak obo atulo italahuna nesu honyi italitohi adi inyi. Ati lya al isyo nesu honyi te eram hoŋ bwo fe ta asayyo hun oyiji, italahuni adi inyi fur.
\v 36 Anyo adi ayiji honyi al opocou obo atulo erre daŋ hutto fau bwo nesu on osyo fur olitohi?
\v 37 Ta anyo itinyyaŋak obo atulo nesu honyi?
\v 38 Atulo al iloriri’to jihoŋ bwo fe jyo nekyanita hoŋ ihiji wati hul orrohoji’to, iloriri adi Lonyi tulo jihonyi al ottu inyi iko anjelohyen honyi hul olibori ta nakwatan ono Monye.
\c 9
\cl Angati 9
\p
\v 1 Ette inyi jaran jihosi, Ahode eramak ni jihatai, itoŋoi omuk dini hul obeŋi adi igonyuni naye many igonyunierek isi olobye ono Hollum ottu ta nadwaran.
\p
\v 2 Ihalu oŋitek ille iyaro Yesu Petro, Yakobo iko Yoane t’ehiji wati hama ihide doŋe attati inyi lufaji to homomite hosi.
\v 3 Attati aboŋojin honyi bwaran bwo fe opipyahi. Obwori isi agalihini aboŋojin hun illillaye.
\v 4 Teyya teyya oleye Mose iko Elija hul ikyanai iko Yesu.
\v 5 Ojo Petro jyo Yesu ojo, Hettiyanani, oyyu jihohoi iwanari ini. Eduhok hohoi akukuhyen hunihoi, obo jihoi obo jyo Mose, bwo fe obo jyo Elija.
\v 6 Nyo obeŋ inyi omijak ojo adi inyi aŋai nyo abaŋi isi daŋ bebe.
\p
\v 7 Attati edis ’tuna ette tihonia oloŋ, ette nekyana ’tuna totwa idis on ojo, “Lonyi hoŋ olo al amuno ni bebe, itayiryete jihonyi.”
\v 8 Teyya teyya ette isi fyalatyo ati obeŋi isi igonyuni obo atulo arari Yesu hama.
\p
\v 9 Ninya isuruni isi to doŋe iramak Yesu leyiyanak honyi hotobyaŋahi iramani erre hun igonyuni isi many ibuhuniere Lonyi tulo to ye.
\v 10 Ifahai isi efahi ania bwo fe ifiye isi ta ahwattek hosi awoyo hiram ono ebuhuna to ye.
\p
\v 11 Ette isi ifiyo inyi, Aŋai ojori legyorok jo ottu adi Elija ahosyere?
\p
\v 12 Attati inyi itarraŋ ojo, Ottu adi Elija ahode ahosyere, ihuhumaniere erre daŋ. Ati obeŋi igyoroni to Lonyi tulo jo odihu adi inyi ettigemita hun obolori bwo fe laati ihari inyi?
\v 13 Ati eramak ni itai ottu nya Elija bwo ihanie nya isi jihonyi ihwa awahi isi, ihwa igyoroni tenyi.
\p
\v 14 Al afwonni isi jyo leyiyanak hul omuk igonyuni isi eluluŋ wati ikoloni isi, ati itarisai egyorok ikosi.
\v 15 Ninya ligonyuni laati Yesu illillihai isi ette ŋyoron ifonyere inyi.
\v 16 Ette inyi ifiyo leyiyanak honyi, Anyo itarisati tai ikosi?
\p
\v 17 Itarraŋ obo t’eluluŋ ojo, Hettiyanani, eyaŋuno ni lonyi hoŋ jihoi, nyo owon inyi iko ajok on obeŋ’to ikyana.
\v 18 Inef ajok inyi ette bwarana inyi ifau, ette obulal ’tuna to hutuk, ette inyi itisyahina aala ette ahwan golyoro. Ekyana ni jyo leyiyanak hoi hetefuha ajok addi ati obeŋi isi oremehini fuhara.
\p
\v 19 Itarraŋ Yesu jihosi ojo, Aii, itai aati hul obeŋ iko neruk. Many baya adi etoŋo ni ikatai? Many baya adi adik ni itai? Iyaŋunie inyi jihoŋ.
\v 20 Tania ette isi iyaŋuno eito jihonyi. Ninya igonyu ajok Yesu ette inyi ihanana ahwe jyo eito ette inyi kwaharo ifau ette ibalaŋatyo, attati olobulal ’tuna to hutuk.
\v 21 Attati Yesu ifiyo monye, Nya baya itteryo inyi aŋwai? Itarraŋ inyi ojo, Hara inyi ahito.
\v 22 Enyyahita arryai obwarata inyi ihima bwo fe ihari jo oŋida inyi attoho, ati kuyya iremik iye itaŋida inyi, omehinie jihohoi. Tolwaha hohoi.
\p
\v 23 Ojo Yesu jihonyi, Nyo ikuyya iye? Oremehini erre daŋ jyo atulo al iruk’to.
\p
\v 24 Teyya teyya ette monye hito ilulwo ojo, Hobu eruk ni ahode. Ofonik neruk jihoŋ.
\p
\v 25 Igonyu Yesu eluluŋ wati omuk oŋeruni ajihonyi ette inyi ifuhara ajok on orroho’to ojo, Iye ajok an ibeŋ’to ikyana bwo fe ittuho, waŋ jihonyi addi. Efak ni iye oŋida ibeŋ inyyak jiŋana itwa honyi.
\p
\v 26 Attati ajok ilulwo bebe ette ihanana ahwe hun orrohoji bebe jyo eito ette ’tuna addi totwa honyi ette eito mijo ihwa atulo ol oye’to, tania ojori aati arryai aye inyi.
\v 27 Attati Yesu inef inyi ta naani attati itadet inyi ahide ette itawojihina inyi.
\p
\v 28 Ninya afany Yesu itwa haji ette leyiyanak honyi ifiyo inyi hama ojori, Nyo ebeŋ hohoi eremik ifuhara inyi addi?
\p
\v 29 Ette Yesu itarraŋ ojo, Oremehini ifuhara ajok ihwa ana ta amojo hama.
\p
\v 30 Obusani Yesu iko leyiyanak honyi amaji ania ette cul te ehiji fau Galilea ati obeŋ inyi owak obo atulo omijak jo inyi adia.
\v 31 Nyo iramak inyi leyiyanak honyi ojo, Itinyyaŋani adi Lonyi tulo ihas wati, ottohori adi isi inyi ati ihalu oŋitek hunihoi ibuhu adi inyi.
\v 32 Ati obeŋi isi itayiruni ana bwo fe abaŋi isi efiyo inyi awoyo hiram ana.
\p
\v 33 Attati isi fanyan imiji Kapernaum bwo ojiŋak Yesu itwa haji ette ifiyo leyiyanak ojo, Anyo itarisati tai ihiji koi?
\v 34 Ati odwahinie isi nyo itarisai dwo isi daŋ likoi ojo alali adi eleittok.
\v 35 Tania itoŋo inyi ifau ette iloŋuna leyiyanak honyi ’tomon harrihai, ette jaran jihosi, Al awak obo ’tuna ratan eleittok ijara inyi hetera do ehalu bwo fe ehegyamani wati daŋ.
\v 36 Attati Yesu iduhuna eito on odiha’to attati ititoŋonia ihiji hosi ette kafuna inyi ihas honyi ette jaran jihosi,
\v 37 Atulo al ifwotu’to eito on odiha’to ihwa ana ta afure hoŋ, ifwotu inyi ani. Bwo fe atulo al ifwotu’to ani, obeŋ inyi ifwotu ani hama ati ifwotu inyi lya al ifahu’to ani.
\p
\v 38 Ojo Yoane jihonyi, Hettiyanani, egonyu dwo hohoi obo atulo al ifuha’to ajohin hun orrohoji’to ta afure hoi ette hohoi itik inyi nyo obeŋ inyi ara olohoi.
\p
\v 39 Attati Yesu itarraŋ jihonyi, Hetihoto inyi, nyo obeŋ obo oremik ihanio edwariti ta afure hoŋ bwo ihalu ikyana erre hun orrohoji’to toni.
\v 40 Ati ol obeŋ’to ara amyotononi ara inyi amotte hohoi.
\v 41 Ahode eramak ni itai jo atulo al isyo’to jihatai akos ematit hari nyo irata tai ahulo Kristo obeŋ adi edumit honyi olitohi.
\p
\v 42 Kuyya itipalyo obo atulo eito an iruk’to jihoŋ, osiru ifitani amorwo on obolo’to imurut honyi ette irwoŋonia ihari.
\v 43 Kuyya itipal aani hoi iye liyyata, oŋotoi addi. Oyyu adi jihoi ijiŋaniere lisu iko aani abotye, agalik aleten hoi iko ahas arrihai ihima on obeŋ’to odunya.
\v 44 Limaji on obyaŋarik ahuru oyerik bwo fe eema obeŋ odunya.
\v 45 Kuyya itipal eju hoi iye liyyata, oŋutoi addi. Oyyu adi jihoi ijiŋaniere lisu iko eju abotye, agalik aleten hoi ihima iko ejek arrihai.
\v 46 Limaji on obyaŋarik ahuru oyerik bwo fe eema obeŋ odunya.
\v 47 Kuyya itipal onyek hoi iye liyyata, ogolotu addi. Oyyu adi jihoi ijiŋaniere ilobye Hollum iko onyek abotye agalik irwoŋoniere iye lihima iko oŋite arrihai.
\v 48 Limaji on obyaŋarik ahuru oyerik bwo fe eema obeŋ odunya.
\p
\v 49 Okemye adi aati daŋ te eema.
\v 50 Oyyu amile ati kuyya ilik amile, aŋai adi inyyak iye eŋolito honyi? Iwanata iko amile. Itoŋoti iko laati omuk te elik tajya.
\c 10
\cl Angati 10
\p
\v 1 Labusak Yesu amaji nya allaŋ inyi jyo aŋati tole ono Yordano attati jiŋana lifau Yudea. Attati eluluŋ wati inyyak irwaŋanio ikonyi ette ikolonia inyi. Attati inyi itteryo ittiyenio isi ihwa motye motye.
\v 2 Ette bwo fe omuk Farisei fwanna jihonyi ikemyere inyi ette ifiyo inyi ojori, Oyyu jyo atulo al apyahai iko ŋorwoi honyi?
\p
\v 3 Ette inyi itarraŋ ojo, Ifak nya Mose jihatai aŋai?
\p
\v 4 Itarraŋi isi, Ifak nya Mose ojo, Atulo al awak’to apyaha iko ŋorwoi honyi oŋida isyo awaraga ono apyaha jihonyi bwo fe ette busana inyi.
\p
\v 5 Ati ojo Yesu, Isyo Mose itai nefahi ania nyo odwari atajya hatai,
\v 6 ati t’etteri ’yeti oyyeu Hollum alle iko aŋotte.
\v 7 Ta eram ana obusak adi alle monyonyi iko honyonyi ette manya iko ŋorwoi honyi,
\v 8 attati isi arrihai ratan ihwa ahwan abotye. Ihwania obeŋi isi inyyahi rahan arrihai ati arai isi ihwa ahwan abotye.
\v 9 Hul inosok Hollum arabotye helaha obo itapek.
\p
\v 10 Lafanyi isi itwa haji inyyahi leyiyanak ifiyo Yesu ta neram ana.
\v 11 Bwo inyi ette jaran, Atulo ol opyahai’to iko ŋorwoi honyi ette yama obo aŋotte oroto inyi roto.
\v 12 Bwo fe al apyahai aŋotte iko habi honyi bwo ette obo atulo yama inyi, oroto aŋotte ania roto. Amuno Yesu
\p
\v 13 Ihwania iyaŋunie aati aduri hun odihara’to jyo Yesu oŋida Yesu ottiryo isi ati itihi leyiyanak isi.
\v 14 Iloŋojita Yesu al igonyu inyi leyiyanak honyi ihanie ihwo nya, ette jaran, Obusana aduri ofwonni jihoŋ. Hetihoto isi nyo ara Hollum a Hobu hosi.
\v 15 Ahode eramak ni itai jojo ol obeŋ’to iruk Hollum irari a Hobu honyi ihwa an iruhori eito on odiha’to, obeŋ adi bu inyi ojiŋak ilobye Hollum.
\v 16 Attati inyi kafuna isi ihas honyi bwo fe iyyabak ahas honyi jihosi ababo, ette mojo jyo Hollum jo oŋida omuk erre hun orrohoji’to obeŋi ofwonni jihosi.
\p
\v 17 Ninya itteryo Yesu adaha, oŋer obo atulo many jihonyi ette rigoŋi ihosyere honyi ette ifiyo inyi ojo, Hettiyanani ol oyyu, anyo adi ehanio ni irumaniere nesu on osyo fur?
\p
\v 18 Ojo Yesu jihonyi, Anyo iloŋo iye ani ol oyijo? Obeŋ obo oyyu arari Hollum hama.
\v 19 Imijak iye efahita: “Hettoho, hehanio erre somon, hehoholyo, henyobyo, hemumunio, itahabuye monyohoi iko honyohoi.”
\p
\v 20 Ette inyi jaran jihonyi, Hettiyanani, efaha ni nefahita huna daŋ, hara ni ahito many iko ahana.
\p
\v 21 Attati Yesu mijo jihonyi, ette muno inyi ette jaran jihonyi, Owon ariŋ abotye an ipwak iye. Ilo itinyyaŋak asaŋ hoi daŋ, isyara agurusi jyo alocaŋak bwo fe owoni adi ebariti hoi idou. Ihalu waŋ, ijifatye ani.
\v 22 Tania ette inyi ijiriŋa bebe ette leten addi nyo owoni ebariti arryai jihonyi.
\v 23 Attati Yesu fyala ette jaran jyo leyiyanak honyi, Ogol bebe jyo hul owoni iko ebariti ijiŋaniere ilobye ono Hollum.
\v 24 Attati leyiyanak illilliha bebe te ekyana ania. Ette Yesu inyyak mijo jihosi ette inyyak jaran jihosi, Illarak hoŋ, ogol bebe jyo hul iyihini’to ibariti hosi ijiŋaniere ilobye Hollum.
\v 25 Ogol bebe jyo labarani ijiŋaniere ilobye ono Hollum agalik ajiŋana konnikonni ittulit libira.
\p
\v 26 Ette isi illilliha bebe ette jaran jihonyi, Ngai ’tadi al italahuni?
\p
\v 27 Attati Yesu mijo jihosi ette jaran, Obeŋi aati oremehini italahuna ahwattek hosi ati oremik Hollum, nyo oremik inyi ihanio erre daŋ.
\p
\v 28 Attati Petro jaran jihonyi, Ebusak hohoi erre hohoi daŋ ette jifatyo iye.
\p
\v 29 Ojo Yesu, Eramak ni itai ahode, atulo ol obusak’to aji honyi, illarak honyi, haniarak honyi, honyonyi, monyonyi, aduri honyi, kuyya amatta honyi ta afure hoŋ bwo fe ta asayyo hun oyiji’to,
\v 30 ifwotu adi inyi erre enyyahita esiha abotye ta nesu ana. Orumak adi inyi asik iko illarak, haniarak, honyye, aduri iko amata iko nettigemita ta nesu ana, bwo fe ihalu nesu on osyo fur.
\v 31 Ati laati arryai huttohosyere ofwonni adi ehalu bwo huttehalu ofwoi adi ahosyere.
\p
\v 32 Hadahai isi likoi on olo’to imiji Yerusalem attati Yesu daha tohosyere ette leyiyanak honyi illilliha bebe ati abaŋi omuk hul ijifatye’to inyi. Inyyak inyi iyaro leyiyanak honyi ’tomon harrihai aŋati ette iramana jihosi erre hun ihanie adi jihonyi.
\v 33 Ette jaran, Imijyete, efwo hohoi Yerusalem. Isyarani adi Lonyi tulo jyo ehumak eleittaha iko egyorok, ette ŋot aye jihonyi ette isyo inyi jyo paganohyen.
\v 34 Osuhotye adi isi inyi ette mita, ette bahyo inyi ette ’tohoro inyi. Ihalu oŋitek hunihoi ette inyi ibuhuna.
\p
\v 35 Ette Yoane iko Yakobo lonyirok Sebedeyo fwanna jihonyi ette jaran, Hettiyanani, ewak hohoi iye ihanio jihohoi ariŋ en efiyo hohoi jihoi.
\p
\v 36 Ojo inyi jihosi, Anyo riŋ iwahata tai ehanio ni jihatai?
\p
\v 37 Itarraŋi isi jihonyi, Aharak hohoi itoŋori ilobye hoi, obo ihani iŋet hoi bwo fe obo ihani ihorroŋ hoi.
\p
\v 38 Ojo Yesu jo, Ibyaŋata tai imijana anyo ifiyete tai. Iremehina tai mata ta akosb an amatari adi ni? Kuyya iremehina tai ifwotuna batisimoc ihwa an efwotu ni?
\p
\v 39 Itarraŋi isi jihonyi, Eremik hohoi. Ette Yesu jaran, Imatati adi itai ta akos an amatari ni. Ibatisye adi bwo fe itai ta batisimo an efwotu ni.
\v 40 Ati itoŋori oŋyatai hoŋ iko arraŋai hoŋ obeŋ ara onoŋ isyoryere. Ihuhumak Hollum amaji ania to hya hul onyimu inyi.”
\p
\v 41 Itaniŋuni leyiyanak ’tomon nekyana ana ette isi itteryo iloŋojita jyo Yakobo iko Yoane.
\v 42 Tania ette Yesu iloŋuna isi jihonyi ette jaran, Imijana tai jo ilettohorik hobwok hulo paganohyen laati hosi, bwo fe eleittaha hosi ittigemye isi.
\v 43 Ati obeŋ ara ihwania jihatai. Al awak obo alatai ’tuna ratan eleittok ijara hetera do ahegyamani hatai.
\v 44 Al awak’to ratan a hobu ijara hetera do apit jyo laati daŋ.
\v 45 Ihwa ottu Lonyi tulo, obeŋ inyi ottu oŋida aati igyamai jihonyi ati ottu inyi igyamari jyo aati bwo fe isyo inyi nesu honyi idumari ta laati arryai.
\p
\v 46 Attati Yesu iko leyiyanak honyi bwo eluluŋ wati fanyan imiji Yeriko. Obusani isi Yeriko, ette isi igonyuna oloŋodo otileŋita iger ikoi, afure honyi Bartimeo lonyi Timayo.
\v 47 Itayiru inyi jo ottu Yesu olo Nasaret ette iloŋo ojo, Yesu lonyi Davide, omehinie jihoŋ.
\v 48 Itterye aati arryai isiŋyo inyi ette iramana inyi hotodwai, ati arasa inyi iloŋo bebe ojo, Lonyi Davide, omehinie jihoŋ.
\p
\v 49 Attati Yesu wotya ette iloŋo inyi ojo, Iramana hetettu. Tania ette isi iloŋo oloŋodo ojo, Hebaŋ, itagolo ataji. Otte, iloŋo inyi iye.
\v 50 Attati inyi busana aboŋo honyi ette lwara te ejek honyi ette ’tuna jyo Yesu.
\p
\v 51 Attati Yesu ifiyo inyi, Anyo iwak iye oŋida ani ehanio jihoi? Attati oloŋodo itarraŋ ojo, Hettiyanani ol oyyu, awak ni mijo.
\p
\v 52 Ojo Yesu jihonyi, Ilo, itaŋida eruk hoi iye. Teyya teyya amijo inyi ette itteryo ijifaro Yesu.
\c 11
\cl Angati 11
\p
\v 1 Lafanyi isi imisik Betfaje iko Betania hutteger doŋe Oliveto, ilyaha Yerusalem attati Yesu ifahina leyiyanak honyi arrihai,
\v 2 ette iramana isi, Ifwatta limiji on owon ihosyere hatai, inyurana adi itai nobo aŋarri sigirya dia an ifitani, on hobeŋ nya obo atulo itoŋo ihorwoŋ honyi. Ohouniete inyi, iyauniete dini.
\v 3 Al ifiyo obo itai ojo, Anyo ihaniete tai?, itarraŋata ojo, Hobu awak inyi, ati inyyahuno adi inyi jihoi kwak.
\p
\v 4 Tania ette isi fwatan ette rumana aŋarri sigirya iryatani likoi iger ikat haji ette isi houna inyi.
\v 5 Attati laati hul owoni’to dia ifiyo isi ojori, Anyo ihoyete tai asigirya ania?
\v 6 Ette isi itarraŋ ihwa iramak dwo Yesu isi ette laati hya ŋatana isi ofwoi.
\p
\v 7 Attati isi iyaŋuno aŋarri sigirya jyo Yesu attati isi fyatana aboŋojin ihorwoŋ honyi ette Yesu itoŋo dia.
\v 8 Attati laati arryai fyatana aboŋojin hosi ikoi bwo omuk ofyatani atanata ’yanio hun oyefuni isi ’totwa matta.
\v 9 Hul ofwoi’to ahosyere honyi bwo fe hul ofwonni’to tehalu ojori, Itahabuyete Hollum. Hotomunoi lya ol ottu’to ta afure ono Hobu.
\v 10 Hotomunoi olobye on ottu’to ono Hobu hohoi Davide. Ijara etahabuyo hatawana idou.
\p
\v 11 Ojiŋak Yesu Yerusalem ette jiŋana ihaji imojit eneittok, ette mijo erre dia. Ihalu ette inyi leten imiji Betania iko leyiyanak honyi ’tomon harrihai.
\p
\v 12 Nya motye acaharai isi to Betania Yerusalem ette Yesu niama.
\v 13 Igonyu inyi aŋaboli alamarai iko abene arryai ette inyi leten mijo kuyya arumak adi inyi omuk aŋer dia. Lafany inyi iwoyo honyi ette rumana abene ijai nyo obyaŋara ayafa nya on oŋerihiniere aŋaboli.
\v 14 Ette Yesu jaran jihonyi, Ijara obo hotobyaŋa inyyak ŋiyo omuk aŋer jihoi tulaŋ. Ette leyiyanak honyi itayiruna nekyana ania.
\p
\v 15 Ette isi fanyan Yerusalem ette inyi leten ihaji imojit eneittok. Itteryo inyi ifuhara laati hul itinyyaŋai’to iko hul inyyaŋai’to asaŋ hosi ihaji ania. Ette inyi sulara ateremejahyen huno atobok gurusi kwalalaŋ, iko akurusi huno etinyyaŋak wolosin.
\v 16 Ati obeŋ inyi iruk obo iyaro omuk erre tehiji haji.
\v 17 Ette inyi ittiyenio laati ojo, Igyoroni ahode jo, “Ifurani adi aji hoŋ ahaji imojit ono aati daŋ, ati iloitoto tai inyi ahinom hahalak.”
\v 18 Itayiruni ehumak eleittaha iko egyorok inyi ikyana ette isi ’tifya ekoi ittohori inyi ati abaŋi isi inyi nyo illillihai laati daŋ ta nettiyenita honyi.
\v 19 Ninya ara akikai ette isi fwatan addi to miji ania.
\p
\v 20 Agalarai isi ta amotye ette igonyuna aŋaboli inor many jyo nadde honyi.
\v 21 Ogotyere Petro erre hoŋole ette jaran jyo Yesu, Hettiyanani imijye, ayyani oŋole ipitak iye aye.
\p
\v 22 Itarraŋ Yesu jihosi ojo, Iruhoto jyo Hollum.
\v 23 Ahode ajo ni jihatai atulo ol ojo’to jyo adoŋe ania, Otte, irwoŋok ahwan hoi itwa hari, bwo fe obeŋ adi ikuyya ta ataji honyi ati iruk inyi ihwa ikyana inyi, ihanie adi.
\v 24 Tania eramak ni itai jo, erre hun ifiyete tai ta amojo bwo iruhoto tai jo ifwotuna adi itai, ifwotuna adi.
\v 25 Al imojoti tai ati iwanata tai iko obo eram jyo obo atulo, obusana inyi, tania monyatai ette dou obusak adi eyyata hatai.
\v 26 Al ibyaŋata tai ibusana obo atulo obeŋ adi monyatai ette dou obusak eyyata hatai.
\p
\v 27 Ette isi inyyak caharo Yerusalem. Hadaha Yesu ihaji imojit eneittok ofwonni ehumak eleittaha iko egyorok iko amarwak jihonyi.
\v 28 Ette isi ifiyo inyi ojori, Ta anani elaballok ihanio iye erre huna? Ŋai isyo jihoi elaballok ihaniere isi?
\p
\v 29 Ojo Yesu jihosi, Efiyo ni itai obo nefi, kuyya itarraŋata tai jihoŋ eramak adi ni itai ta anani elaballok an ehanio ni erre huna.
\v 30 Ottu elaballok ono Yoane an ibatisyere inyi laati tai? Jyo Hollum kuyya to wati?
\p
\v 31 Attati isi itarisa ta ahwattek hosi ojori, Al ejo hohoi, Ottu elaballok honyi jyo Hollum, ojo adi inyi, Nyo ibyaŋata tai iruhoto inyi?
\v 32 Ati al ejo hohoi, Ottu elaballok honyi to wati, ebaŋ hohoi aati nyo iruhi aati daŋ ara Yoane aheyani sayyo.
\v 33 Tania itarraŋi isi jyo Yesu ojori, Ebeŋ hohoi emijak. Attati Yesu jaran jihosi, Ani bwo fe abeŋ ni eramak itai ta anani elaballok en ehanio ni erre huna.
\c 12
\cl Angati 12
\p
\v 1 Attati Yesu itteryo ikyana jihosi to omuk arryamarita. Idulak nya obo atulo ajalaŋi imana honyi attati ikolonia amariŋ ette bohyo ewure imocere aari haŋer ajalaŋi, attati bwahina olobele dia. Oduma inyi omuk laati icyari imana honyi, ette inyi leten jyo obo afau.
\v 2 Al attu ayafa on odyarik aati aŋer ajalaŋi, ette lamonye mana ifahina apit jyo ecyak mana imojuniere omuk aŋer ajalaŋi.
\v 3 Ette isi inef inyi ette bahyo inyi ette ifuhara inyi ahania.
\v 4 Attati inyi inyyak ifahina obo apit jihosi ette isi bak lya ahou ette ihanio omuk erre hun orrohoji jihonyi.
\v 5 Ette lamonye ifahina obo ette isi ’tohoro inyi. Ette inyi ifahina omuk arryai ette isi bahyo omuk, bwo omuk ottohori.
\v 6 Arasa jihonyi lonyi honyi ol omuno inyi bebe ifahiniere. Ette inyi ifahina inyi ehalu jihosi nyo igigilo inyi jo abaŋanie adi isi lonyi hoŋ.
\v 7 Ati ojori ecyak mana hya ta ahwattek hosi, Arutani al attu lya. Hattohoro inyi oŋida hohoi erutak erre honyi.
\v 8 Tania ette isi inefuna inyi ette ’tohoro inyi attati irwoŋoro ahwan honyi to mana addi.
\v 9 Anyo adi ihanio lamonye mana? Ottu adi inyi ’tohoro ecyak hulya attati isyarana amana jyo omuk.
\v 10 Ibyaŋata tai iheniete igyerita? Ojo inyi, “Amorwod inya ihari aduhok Ottu ratan moi etteri lohitir.
\v 11 Ara ana ariŋ an ihanio Hobu, En ellilliha hohoi bebe.”
\p
\v 12 Awahi laati hul itayiruni’to nekyanita iniafatyo Yesu ati abaŋi isi eluluŋ wati nyo omijani isi ahode ikyana inyi arryamara ana tesi. Tania ette isi busana inyi ette fwatan ilet.
\p
\v 13 Ette isi ifahina omuk Farisei iko Erodiahyen jihonyi inyobyere inyi to omuk ekyanita.
\v 14 Tania al ofwonni isi ette isi jaran, Hettiyanani, emijak hohoi jo ibeŋ iye igesem bwo fe ibeŋ iye ibaŋ obo atulo bwo fe ibeŋ iye iwak itamuno obo atulo agalik obo. Ati ittiyenio iye nekoi ono Hollum ahode. Oyyu idumari amusuru jyo hobu Cesare kuyya obeŋ?
\p
\v 15 Eduma adi hohoi kuyya obeŋ? Ati omijak inyi enyobita hosi, ette jaran, Ikemyete tai ani nyo? Iyaŋuniete jihoŋ arobia, ami ni inyi.
\v 16 Ette isi iyaŋuno. Ette inyi jaran, Anaŋai arrijori ana iko nafure ana? Itarraŋi isi, Huno Cesare.
\p
\v 17 Ojo Yesu, Isyatta jyo Cesare erre Cesare bwo fe jyo Hollum erre huno Hollum. Illillihai isi jihonyi.
\p
\v 18 Ofwonni omuk Saducehyen jihonyi, isi aati hul ojori obeŋ nebuhuna ette isi ifiyo inyi ojori,
\v 19 Hettiyanani, ittiyenio hohoi Mose ojo, “Kuyya oye illa lobo bwo idyaharu ŋorwoi on obeŋ hito jihonyi oŋida illanyi ojuŋori aŋotte isiuniere aduri te illanyi.”
\v 20 Owoni nya illarak hattarik. Oyemu oloŋeu aŋotte ette ye obeŋi duri.
\v 21 Bwo fe etarrihi ayama inyi ette ye obeŋi duri. Ihanio etahunihi bwo fe ihwo nya.
\v 22 Isi daŋ hattarik owoni ikonyi. Oyei daŋ, obeŋi duri. Bwo lihalu hosi oye aŋotte.
\v 23 Al ibuhuni aati, ottu adi inyi itoŋo ŋorwoi ŋai? Nyo isi daŋ hattarik ojuŋorik inyi.
\p
\v 24 Itarraŋ Yesu jihosi, Ipalata tai nyo ibyaŋata tai imijana egyerita kuyya bu nadwaran ono Hollum.
\v 25 Al ibuhuni aati to ye obeŋi inyyahi yama ati arai adi isi ihwa anjelohyen hutte dou.
\v 26 Ati ta neram ono nebuhuna to ye, ibyaŋata tai iheniete ibuk ono Mose aŋati on ojo ikyana Hollum jihonyi to ’yani on owulo’to? Ojo inyi, “Ani Hollum olo Abramo, Hollum olo Isako bwo fe olo Yakobo.”
\v 27 Obyaŋara inyi Hollum olo layak ati ara inyi olo leswok nyo dwadi oyei isi, isui isi. Ipalata tai bebe.
\p
\v 28 Ottu obo olo egyorok al itaniŋu’to isi itarisai. Attati inyi itaniŋuna jo itarraŋ Yesu jihosi on oyyu, tania ifiyo inyi Yesu ojo, Anani efahi on obolo’to jyo efahita daŋ?
\p
\v 29 Ati itarraŋ Yesu jihonyi, Efahi on obolo’to daŋ ana, “Itaniŋyete laati Israele, Hollum Hobu hohoi inyi Hollum abotye.
\v 30 Oŋida imunoti Hollum Hobu hatai ta atajya hatai daŋ, ta nesu hatai daŋ, te egigilita hatai daŋ, iko ta nagolon hatai daŋ.” Efahi on obolo’to ana.
\v 31 Efahi etarrihi ana, “Omunoti hutto lonyihari hatai ihwa ahwattek hatai.” Obeŋ obo efahi agalik huna.
\p
\v 32 Ojo olo egyorok jihonyi, Hettiyanani, itarraŋ iye on oyyu, ijo iye ahode jo Hollum inyi abotye, bwo fe obeŋ obo arari inyi.
\v 33 Oyyu bwo fe imunori inyi ta atajya hohoi daŋ, te egigilita hohoi daŋ, iko ta agolon hohoi daŋ, bwo fe imunori hutto onyihari ihwa ahwattek hohoi. Oyiji erre huna agalihini ehuhumita hun isyori jyo Hollum.
\p
\v 34 Itaniŋu Yesu jo itarraŋ inyi al ilofere bwo ojo jihonyi, Ibeŋ iye ilama to lobye ono Hollum. Ihalu ana abaŋi isi daŋ ifiyere inyi omuk erre.
\p
\v 35 Hettiyenio Yesu ihaji imojit eneittok ifiyo inyi aati ojo, Aŋai ojori legyorok ara Kristo lonyi Davide?
\v 36 Ikyana Davide al ifut iko Oloyiri ol Olibo ojo, “Ojo Hobu Hollum jyo Hobu hoŋ, Itoŋoi oŋyatai hoŋ, Many ehananiere ni amyorok hoi ebalori hejek hoi.”
\v 37 Iloŋo Davide inyi ta ahwan honyi Hobu, tania aŋai ara inyi o lonyi honyi? Ihwania omunoi eluluŋ wati itaniŋyo nekyana Yesu.
\p
\v 38 Hettiyenio inyi, ette inyi jaran, Ihumata mijo egyorok hul adahai’to ta aboŋojin hun ohodori’to, awahi isi laati hutto suk ifonyai isi ta abaŋi.
\v 39 Bwo fe awahi isi itoŋori jyo amasik huno etahabuyo ihaji imojit. Awahi isi amasik hun oyiji’to bebe itoŋori al oŋiye isi akarama.
\v 40 Ohoruni isi asaŋ to hasik obiloŋi ati omwanani isi arrohojita hosi te emojiti hun obolori’to. Ifwotuni adi isi abahyo on obolo bebe.
\p
\v 41 Itoŋo Yesu ifau ihosyere senuk imojit gurusi imijyere aati hul ifihye agurusi hosi itwa senuk imojit gurusi. Bwo fe abarak arryai isyori agurusi hun olwaji.
\v 42 Ati ottu elocaŋ ihidahi ette itadohina atarifa itwa senuk.
\v 43 Iloŋo Yesu leyiyanak honyi ette jaran jihosi, Ahode ajo ni jihatai jo obolo esyoryo elocaŋ ihidahi ana agalik daŋ hul ifihani’to agurusi hosi itwa senuk.
\v 44 Nyo isyori isi daŋ t’ebariti hosi ati t’elocaŋ honyi isyarak inyi daŋ hun owoni’to jihonyi.
\c 13
\cl Angati 13
\p
\v 1 Ninya labusak Yesu aji imojit eneittok ojo obo olo leyiyanak honyi jihonyi, Imijye Hettiyanani, obolori amorwoi huna bwo fe ilamani asik huna.
\v 2 Ojo Yesu jihonyi, Igonyu iye asik hun obolori’to huna? Obeŋ adi obo amorwo arasa ihorwoŋ obo. Itatturi adi isi daŋ ifau.
\p
\v 3 Hetoŋo inyi idoŋe Oliveto an owon ihosyere haji imojit eneittok, ofwonni Petro, Yakobo, Yoane iko Andrea, isi hama, ette isi ifiyo inyi,
\v 4 Iramak hohoi baya adi ihanie nerre hunia? Anyo adi etamijani an itahutak hohoi jo ihanie nerre hunia?
\p
\v 5 Itteryo Yesu ikyana jihosi jo, Ihumata irrirrya, helaha obo atulo itisyaba itai.
\v 6 Ofwonni adi laati arryai ta afure hoŋ hul ojori, Ani alya Kristo, bwo itisyabari adi isi aati arryai.
\v 7 Al itaniŋuna tai jo owon narrem bwo fe itaniŋuna tai aati ikyanai jo errem adi hohoi, helafuhoti, nyo oŋida erre huna daŋ ofwonni ati hobeŋ esidi fau.
\v 8 Nyo ofwoi adi laati hutto miji obo jyo obo irryomoniere, bwo fe laati hutto lobye obo jyo obo. Ikikiro adi afau imasik hun olufaji bwo fe ottu adi ahure on obolo’to, ati arai erre huna etteri ono ettigemita hun obolori.
\p
\v 9 Ihumata ahwattek hatai, iyarai adi itai ilokikoi bwo fe abahye adi itai ihaji imojit. Iyaŋunie adi itai bwo fe ihosyere mandiri iko hobwok ta afure hoŋ iramaniere neruk hatai.
\v 10 Ati ihosyere esidi fau oŋida iramani asayyo hun oyiji’to jyo laati daŋ hutta fau daŋ.
\v 11 Al iyarai isi itai ilokikoi helafuhoti jo anyo adi ikyanati tai ati ikyanati ihwa isyori jihatai ta asaa nya ikyanari. Nyo obeŋ ara ekyana hatai ati ara ekyana ono Oloyiri ol Olibo.
\v 12 Isyo adi obo illanyi iyeri bwo monye lonyi honyi, bwo arrasani aduri monyye hosi naye.
\v 13 Oliwarik adi itai aati daŋ ta afure hoŋ ati ol odihu’to many isidi italahuni adi.
\p
\v 14 Al igonyuna tai arrohoji an itamura’to amaji on owotya jyo amaji on obyaŋari inyi owotyari, oŋida hul owoni’to Yudea ofuhoi lidoŋyok. Ijara lya al ihenio hetetaniŋu.
\v 15 Ijara lya ol owon’to lihide haji hotobyaŋa isuru ifau iduhuniere obo ariŋ ta haji honyi.
\v 16 Bwo fe ijara lya ol owon’to limana hotobyaŋa acaharu iyamari aboŋo honyi.
\v 17 Orroho bebe jyo aŋorwo hun oyeduri’to iko hun itadasye’to to noŋitek hwa.
\v 18 Omojoti jo oŋida oŋitek hwa obeŋi ofwonni to oŋitek hacoro.
\v 19 Nyo to noŋitek hwa owoni adi ettigemita hun obolori hun agalihini ettigemita daŋ t’etteri ’yeuna fau many iko ahana. Ahode obeŋi adi omuk ettigemita agalihini isi.
\v 20 Kuyya obeŋ dwo Hobu ihanak oŋitek hunia hun omutari obeŋ dwo tulo italahuno, ati ihanani adi isi hun omutari nyo to hya hul onyimuni.
\v 21 To oŋitek hunia al ojo adi obo jihatai, Imijyete Kristo olo, kuyya bu ojo, Kristo lya, heruhoto.
\v 22 Nyo odyotoi adi Kristohyen lenyabak iko ebwanak lenyabak hul ihanie adi netamijanita hun obolori iko nedwariti ikemyerek hul onyimuni itisyabari isi.
\v 23 Ihumata ’rirrya, eramak ni itai erre huna daŋ hobeŋi isi ofwonni.
\p
\v 24 Ihalu ettigemita huno noŋitek hunia, oye adi oloŋ bwo fe nayafa ette ilak faŋan.
\q1
\v 25 Ottoi bu elelyefi douna t’edou, bwo fe ikikiroi adi negoliti hutte dou.
\v 26 Attati laati igonyuna adi Lonyi tulo, al isuru t’edou lihide idisi iko nadwaran bwo nakwatan on obolo.
\v 27 Ifak adi inyi anjelohyen hotottubaniehe lonyimot honyi hutto ŋaco aŋwan huno oyyami hutta fau daŋ.
\p
\v 28 Omijana awoyo hiram to ŋaboli. Al ofwonni atanata hony janan bwo fe oyisuni abene, imijana tai jo ilyaha atahas.
\v 29 Ihwania bu al igonyuna adi itai nerre huna daŋ idwoŋi, omijana jo ilyaha attuna honyi.
\v 30 Ahode ahode ajo ni jihatai jo obeŋi adi nelahaji ana oyei many ihanierek erre huna daŋ.
\v 31 Nyo obyaŋarani adi nedou iko nafau ati obeŋi adi nekyanita hoŋ olitohini ’tuŋ.
\v 32 Ati to oloŋ ania iko asaa on ottuniere inyi obeŋ obo omijak, dwadi bu anjelohyen hutte dou iko Lonyi Hollum, obeŋ obo omijak arari Monye hama omijak.
\v 33 Ihumata mijo, ihumata ’ra. Ibyaŋata tai imijana baya adi ottu inyi.
\v 34 Ara ihwa atulo ol obusak ahaŋ honyi bwo addaddaharu, ati ahosyere isyo inyi jyo legyamak honyi egyama ababo ette inyi iramana errirryani ijara omijo.
\v 35 Tania ihumata mijo nyo ibyaŋata tai imijana baya adi ottu eleittok hatai. Kuyya ottu adi inyi ta akikai, kuyya bu ta attari, kuyya ottu inyi ilok ohohoro, kuyya bu ta amotye.
\v 36 Ihumata ŋadi ilunyu inyi lunyuna bwo orumak itai ijototi.
\v 37 Erre hun ekyana ni jihatai ekyana ni jyo aati daŋ, ihumata mijo.
\c 14
\cl Angati 14
\p
\v 1 Ihwania al allaŋi oŋitek arrihai ottu neyom an ifurani Allaŋan ono Anjelo bwo fe neyom on oŋiyerek isi emune on obeŋi bula. Attati ehumak eleittaha iko legyorok itteryo attifya aŋai inefuni Yesu ta nenyobyo ittohori.
\v 2 Ojori isi obeŋ oyyu inefuni inyi ta neyom eneittok ŋadi laati iwuwoŋitai bebe.
\p
\v 3 Owon Yesu imiji Betania ihaji Simone atulo ’tallulu. Hoŋiye isi ette aŋotte ’tuna iko akarajaja on owon eyali itwa on ogol enyyaŋa honyi bebe. Ette inyi bor akarajaja ette juhonia eyali ihou Yesu pul, pul.
\v 4 Ati ikyanai omuk atomonok hul owoni’to dia te eloŋojita ojori, Nyo ijuhoni eyali ana asai?
\v 5 Oremik arya ana itinyyaŋaniere ta arobia esiha hunihoi bwo agurusi olwahyerek alocaŋak. Ette isi iŋuŋunita jihonyi.
\p
\v 6 Ati ojo Yesu, Obusana inyi. Nyo ittigemyete tai inyi? Ihanio inyi ahode ariŋ on oyyu’to jihoŋ.
\v 7 Nyo iwanata tai iko alocaŋak oŋitek daŋ bwo fe iremehina tai itahutana isi amehino al iwahata tai, ati abeŋ adi ni etoŋo ikatai fur.
\v 8 Ihanio aŋotte ania ihwa oremik inyi bwo fe ijuhok inyi neyali ana ihwan hoŋ ihuhumaniere ani ta anuhana.
\v 9 Ahode ajo ni jihatai. Imasik daŋ hun ittittoyerek asayyo hun oyiji’to huna iramani adi bu odwo hiram an ihanio aŋotte ana itagiluniere inyi.
\p
\v 10 Ette Yuda Iskariote lobo olo ’tomon harrihai leten jyo ehumak eleittaha itinyyaŋaniere Yesu jihosi.
\v 11 Omunoi isi al itaniŋuni isi nekyana ana bwo fe ocoroni jihonyi aduma. To noloŋ nya ottifyatyo Yuda amaji an isyoryere inyi Yesu jihosi.
\p
\v 12 To oloŋ etteri ono neyom an oŋiye isi emune on obeŋi bula, inyi oloŋ ono ettohit ker ono neyom, ifiye leyiyanak inyi ojo, Anani maji an iwak iye hohoi ehuhumyo teye iŋiyere ta neyom ono Allaŋan Anjelo?
\p
\v 13 Attati inyi ifahina omuk arrihai hulo leyiyanak honyi ette iramana isi, Ifwatta imiji. Irumana adi itai atulo al iwwahatyo atobok hari.
\v 14 Ijifati inyi many jyo aji an alari inyi jiŋaniere. Ijatta jyo amonye haji jo, Ojo ettiyanani, Tani aji tamonok oŋida ani aŋiyere ta neyom iko leyiyanak hoŋ?
\v 15 Itahutak adi inyi itai aji an alat iko nerre daŋ huno neyomita bwo ihuhumana aŋiyo tohohoi.
\v 16 Tania ofwoi leyiyanak addi. Lafanyi isi imiji orumani isi erre daŋ ihwa iramak dwo Yesu isi. Tania ihuhumani isi aŋiyo ta neyom ono Allaŋan Anjelo.
\v 17 Ninya ara attari ottu Yesu iko leyiyanak honyi ’tomon harrihai.
\p
\v 18 Hoŋiye isi ojo Yesu, Ahode ahode eramak ni itai jo obo alatai adi itinyyaŋak nani. Inyi alya el eŋiyo’to ikoŋ.
\p
\v 19 Tania itterye isi ijiriŋa ette isi daŋ ababo ifiyo inyi ojori, Ani adi alya?
\p
\v 20 Itarraŋ Yesu jihosi ojo, Inyi olo ’tomon harrihai. Inyi alya el eduto’to ikoŋ arrany abotye.
\v 21 Oye adi Lonyi tulo ihwa igyoroni nya tenyi. Orroho ati jyo atulo lya bebe al itinyyaŋa’to Lonyi tulo. Obeŋi dwo isiuni inyi oyyu dwo jihonyi.
\p
\v 22 Hoŋiye isi iduhu Yesu emune ette jaran humo jyo Hollum ette beny, bwo fe ette isyo jihosi ojo, Hibetina, ara ana ihwa ahwan hoŋ.
\v 23 Ette inyi iduhuna akos ette jaran humo jyo Hollum ette isyo jihosi, ette isi daŋ mat tenyi.
\v 24 Bwo inyi ojo jihosi, Ara ana ihwa nooto hoŋ on owouno’to addi ta aati hul olwaji. Itagol nooto hoŋ ecorit aŋejuk.
\v 25 Ahode ajo ni jihatai, abeŋ adi ni enyyak mat aari ajalaŋi many iholoŋ an amatari adi ni aari ajalaŋi aŋejuho ilobye ono Hollum.
\v 26 Tania idoloi isi afure itahabuyere Hollum, ette isi fwatan many idoŋe Oliveto.
\p
\v 27 Ojo Yesu jihosi, Ibaŋata adi itai daŋ te eram hoŋ nyo igyoroni jo, “Ojo Hollum jo, Attoho adi ni leyyahani bwo isarrahini adi akyoro daŋ.”
\v 28 Ati ihalu ebuhuna hoŋ alo adi ni Galilea ahosyere hatai.
\p
\v 29 Itarraŋ Petro jihonyi, Ara dwo bu ofuhoi hulo daŋ ta neram hoi abeŋ adi ni afuho ’tuŋ.
\p
\v 30 Ojo Yesu jihonyi, Eramak ni iye ahode jo ahana ta arwe ana, hobeŋ ahohoro ilok enyyahita arrihai iha adi iye ani eharita hunihoi.
\p
\v 31 Ati ittuŋo Petro bebe ojo, Dwadi bu ottohori nani ikoye abeŋ adi ni eha iye ’tuŋ. Ikyanai isi daŋ ihwo nya.
\p
\v 32 Attati isi fwatan jyo amaji an ifurani Jetsemani, ette Yesu jaran jyo leyiyanak honyi ojo, Itoŋoti do, hamojo ni.
\v 33 Tania iyaro inyi Petro, Yakobo iko Yoane. Itteryo Yesu ijiriŋa bebe bwo fe ataji honyi odyaha.
\v 34 Ette inyi jaran jihosi, Ijiriŋa ataji hoŋ bebe, ajo ni aye. Owotyati dini, bwo fe omijyete.
\v 35 Attati inyi ihut alamarai kai ette ruboho ifau ette mojo, Al oremik ijara asaa ono adyaha allaŋ jihoŋ.
\v 36 Ojo inyi, Monyoŋ iremik iye ihanio erre daŋ, iyai akose ana addi jihoŋ. Ati obeŋ ara ihwa ani awak ara ihwa iwak iye.
\v 37 Tania ottu inyi rumana leyiyanak honyi ojotoi ette jaran jyo Petro ojo, Simone, ijoto iye? Ittallik iye mijo ta asaa abotye?
\v 38 Itai daŋ imijyete bwo omojoti jo oŋida itai ibyaŋata iruhoto nesusuyo. Ogol ataji ati ofyaha ahwan.
\v 39 Tania inyyak Yesu caharu ette idasyo emojiti hodwo omojori inyi.
\v 40 Inyyak Yesu cohuno jihosi, onyurak isi daŋ ojotoroi nyo ijoŋitai isi bebe. Obeŋi isi omijani anyo adi ojori isi jihonyi.
\v 41 Ottu inyi edasi etahunihi ette jaran jihosi, Herasati tai joto bwo fe heyiryata tai? Aremik, attu asaa. Imijyete, itinyyaŋani Lonyi tulo ihas heyyak.
\v 42 Ottena, hafata. Imijyete, itinyyaŋani hoŋ al attu lya.
\p
\v 43 Hekyana inyi, ottu Yuda lobo olo ’tomon harrihai iko eluluŋ wati arryai iko afyara bwo nelluhi. Isi laati hul ifahini ehumak eleittaha, egyorok, iko lamarwak miji.
\v 44 Letinyyaŋani Yesu iramak eluluŋ wati netamijani ojo, Al ajur ni omom honyi, inyi lya, inefuna inyi bwo fe iyati inyi ati hebabahati inyi.
\v 45 Tania ihutok fe Yuda jyo Yesu kwak ette jaran, Hettiyanani, ette jur omom honyi.
\v 46 Teyya ette laati inefuna inyi ’tid ette iyaro.
\v 47 Ati abotye jyo hul owoni’to iko Yesu osutu ademi honyi on obolo to sohobo ette yef lobo lapit olo ehumani ol obolo’to ette isaluna neyyok honyi.
\p
\v 48 Ikyana Yesu jihosi ojo, Ifwanna tai iko nafyara bwo nelluhi inefuniere ani ihwa olohoho?
\v 49 Bwo oŋitek daŋ awon nya ni ikatai ihaji imojit eneittok ittiyeniere, bwo itai ibyaŋata inefuna ani. Ihanie nerre huna daŋ itasiruniere egyerita.
\p
\v 50 Teyya teyya obusarai leyiyanak daŋ inyi, ette fuho.
\v 51 Ijifaro obo eito horwoŋ inyi al iyyafatyo aboŋo abotye an alat ihwan honyi ette laati inefuna inyi.
\v 52 Ati obusak inyi aboŋo ette fuho aŋaturoi.
\p
\v 53 Orihoroi isi Yesu jyo ehumani ol obolo’to bwo ottubanie ehumak eleittaha iko egyorok bwo lamarwak miji dia.
\v 54 Ijifatyo fe Petro Yesu alamarai, many lihiloŋoni haji ono ehumani ol obolo’to. Itoŋo inyi dia iko oseŋer osujai eema.
\v 55 Ehumak eleittaha iko lewwahak daŋ ottittifyarai bebe lomuk hul arrasani’to Yesu nobo neram on oŋocerek isi naye jihonyi ati obeŋi isi orumani obo.
\v 56 Ofwonni aati arryai hul ikyanai nerre nerrositi ati ogesemi isi.
\v 57 Owotyai omuk irrosyere inyi ojori,
\v 58 Etaniŋu nya hohoi inyi ojo, Etattur adi ni aji imojit eneittok ana on oduhoni ta ahas, ati ihalu oŋitek hunihoi aduk adi ni obo on obeŋi oduhoni ta ahas.
\v 59 Ara bu nerrositi hosi obeŋi orryamarai.
\p
\v 60 Tania odyoto ehumani ol obolo’to t’ehiji hosi ette ifiyo Yesu ojo, Ibeŋ iye itarraŋ errositi hosi hun arrasani isi iye?
\v 61 Ati odwahino Yesu, obeŋ itarraŋ. Inyyak ehumani ol obolo’to ifiyo ojo, Iye Kristo Lonyi Hollum?
\p
\v 62 Itarraŋ Yesu ojo, Afe, ani alya, bwo igonyuna adi itai Lonyi tulo al itoŋo ihani iŋet ono Adwarani bwo fe igonyuna adi itai inyi al attu inyi ihide idisi huno edou.
\p
\v 63 Tania ette ehumani ol obolo’to gwas aboŋo honyi ette ŋiŋanya ojo, Anyo nyi ettifya hohoi etamijanak omuk?
\v 64 Hetehata bu itai itaniŋuna agesemita honyi. Igigiloti tai anyo jihonyi? Ette isi daŋ itarraŋ ojori, Osiru naye jihonyi.
\p
\v 65 Itterye omuk imimico amilak jihonyi bwo fe ifitani aboŋo ihoŋite honyi ette naŋyo inyi ojori, Ottenu ŋai al anaŋ’to iye? Ifwotuni oseŋer inyi ette bahyo.
\p
\v 66 Hetoŋo Petro ihiloŋoni ottu nobo negyamani ono ehumani ol obolo’to.
\v 67 Ette igonyuna Petro osuja eema. Omijo inyi jihonyi ette jaran, Iwon dwo bu iye iko Yesu Anasaratanani.
\p
\v 68 Ati orisa inyi ette jaran, Abeŋ ni amijak nanyo ikyana iye bwo fe abeŋ ni etaniŋu. Hojiŋa inyi te ekat ette ahohoro ilok.
\p
\v 69 Inyyak egyamani igonyuna inyi bwo fe inyyak itteryo iramana aati hul itaniŋye’to ojo, Inyi alya obo olo leyiyanak.
\p
\v 70 Inyyak inyi risa. Ojo gaa, ette laati hul owoni’to dia jaran jyo Petro, Ahode iye lobo, nyo iye olo Galilea.
\p
\v 71 Ette inyi ipitaro ta nahwan honyi bwo fe ittuŋo ojo, ’Tuŋ, ahode, abeŋ ni amijak atulo lya al ikyanati tai.
\p
\v 72 Teyya teyya ilok ahohoro enyyahi etarrihi. Tania ogilu Petro ekyanita hodwo ikyana Yesu jihonyi ojo, Hobeŋ ahohoro ilok enyyahi etarrihi iha adi iye ani eharita hunihoi. Ette inyi ’yo bebe.
\c 15
\cl Angati 15
\p
\v 1 Ninya afaŋ amotye iwwahai ehumak eleittaha iko amarwak bwo egyorok iko lewwahak daŋ, ette isi iyaru Yesu al ifita ette isyo inyi jyo hobu Pilato.
\v 2 Ifiyo Pilato inyi ojo, Ira iye Hobu olo Yudea? Itarraŋ Yesu ojo, Ihwa ijo iye.
\v 3 Ati ehumak eleittaha arrasatai inyi erre arryai.
\v 4 Ette Pilato ifiyo inyi, Ibeŋ iye itarraŋ hunia? Imijye, olwaji errositi arryai hun arrasani iye.
\v 5 Ati obeŋ bu inyi itarraŋ nobo eram, tania ette Pilato illilliha.
\p
\v 6 Aŋasi daŋ to neyom eneittok ohou mandir obo el efita, ihwa awahi laati.
\v 7 Owon nya obo atulo al ifitani ibabus al anya’to Baraba. Owon nya inyi iko omuk laati hul iŋereji’to okuma bwo ottohye aati.
\v 8 Tania ofwonni eluluŋ wati jyo Pilato ifiyere inyi ihaniere ihwa toloŋi.
\v 9 Itarraŋ Pilato jihosi ojo, Iwahata tai ani ahohi Hobu olo Yudea?
\v 10 Nyo omijak fe Pilato iyaŋunie dwo isi Yesu ta nahaini.
\v 11 Isusuye ehumak eleittaha aati daŋ jo oŋida Pilato ohou Baraba.
\v 12 Itarraŋ Pilato jihosi ojo, Ehan ’tadi ni aŋai jyo Yesu al iloŋoi Hobu olo Yudea?
\p
\v 13 Ati isi iwuwoŋitai ojori, Ijara isihoni inyi.
\p
\v 14 Itarraŋ Pilato ojo, Anyo ariŋ on orroho’to an ihanio inyi? Ati isi iwuwoŋitai an agalik ojori, Isihonia inyi.
\v 15 Tania awak Pilato itilihyo eluluŋ wati ette houna Baraba jihosi ette isyo Yesu al abahi isihoniere.
\p
\v 16 Attati oseŋer iyaru inyi iŋati haji ono mandir an ifurani Pratoryo, bwo fe ottubanie eluluŋ oseŋer jihonyi daŋ.
\v 17 Bwo fe ette itiyyafana inyi aboŋo en emoli bwo fe oyyiri isi egorya hikwa ette isihonia lihou honyi.
\v 18 Tania ette isi itteryo ifonyo inyi ojori, Moŋ, Hobu olo Yudea.
\v 19 Abahye isi ahou honyi ta nelluhi bwo fe omitai jihonyi ette rigoŋi jihonyi.
\v 20 Latuhi isi asuhotyere inyi, bwo isi ette houna nodwo boŋo ette itiyyafana aboŋojin honyi ette iyaru inyi isihoniere ikruce.
\p
\v 21 Ninya ajiŋari isi orwaŋanie isi iko obo Acirenetanani al anya’to Simone ol ottu’to to mana. Inyi monye Alisandro iko Rufino. Orrosoni isi inyi hotolororo akruce an ofwoi isi isihoniere Yesu.
\v 22 Iyarai isi inyi imaji an ifurani Golgota on ojo amaji hou.
\v 23 Ette isi itamatana inyi aari ajalaŋi hun iharrwahini iko ayyani an ifurani mura, ati iha inyi amata.
\v 24 Tania isihoni isi inyi bwo fe awahi isi horyo aboŋojin honyi ette isi baha ogumar ojo ŋai adi al iyaro’to isi.
\p
\v 25 Isihoni isi inyi saa hottoŋwan otto motye.
\v 26 Igyoroni ihide honyi nekyana ono nerrositi honyi ojo, Hobu olo Yudea.
\v 27 Isihoni bu ikonyi ahahalak arrihai, abotye etteŋet bwo fe abotye ettehorroŋ honyi.
\v 28 Tania itasiruni egyerita hun ojori, “Ihyanani inyi arabotye iko leyyak.”
\v 29 Omorye fe adahak Yesu ette huco inyi ta afyala ojori, Iye al ijo’to etattur ni aji imojit eneittok bwo fe inyyak duhonia to noŋitek hunihoi,
\v 30 itahoru bu nahwan hoi. Isuru ihwania to kruce.
\p
\v 31 Ihwania bu ehumak eleittaha iko legyorok osuhotye inyi ta ahwattek hosi ojori, Italahu nya inyi lomuk, ittallik ati inyi italahuna nahwan honyi.
\v 32 Ihwania iye Kristo, Hobu olo Israele isuru to kruce, oŋida hohoi emijo iye bwo fe eruk. Hul isihoni ikrucehyen ikonyi imimorye inyi.
\p
\v 33 To saa ’tomon harrihai many saa hunihoi iryok afau daŋ edumele ’tir ’tir.
\v 34 Ninya ta asaa hunihoi ette Yesu itakwat nekyana honyi bebe ojo, “Eloi, Eloi, lama sabacani?” on ojo, “Hollum hoŋ, Hollum hoŋ, nyo ibusak iye nani?”
\p
\v 35 Itayiruni aati hul owotyai’to dia nekyana honyi ette jaran, Itaniŋyete, iloŋo inyi Elija.
\p
\v 36 Oŋer bwo fe lobo olosi ette lutonia aboŋo litwa hari hun irwatiŋoi ette ihanana ihide osiholoti itamataniere inyi ette jaran, Idehi so, hamijyete, kuyya ottu adi Elija itahoruniere inyi.
\v 37 Inyyak fe Yesu iloŋo on okwat bebe ette ye.
\v 38 Teyya teyya ette aboŋo ono aji imojit eneittok gwasa hama aŋaco arrihai tohide many ifau.
\p
\v 39 Eleittok oseŋer ol owotya dia irrirryari, igonyu inyi Yesu laye ette jaran, Ahode atulo olo, inyi Lonyi Hollum.
\v 40 Owoni fe dia aŋorwo hun irrirryai alamarai. Ihiji hosi owoni Maria Madalena iko Salome bwo Maria honye Yakobo ol odiha’to iko Yose.
\v 41 Ijifatye aŋorwo huna Yesu to Galilea ilwahyere inyi. Ofwonni aŋorwo omuk arryai to Yerusalem bwo fe.
\p
\v 42 Ara akikai ono oloŋ an ihuhumyerek isi aŋiyo ono sabato.
\v 43 Ette Yosefo ’tuna to miji Arimatea. Ara inyi eleittok olo lewwahak hirre bwo fe itila inyi olobye Hollum. Ette inyi jiŋana jyo Pilato ifiyere ahwan Yesu iyari.
\v 44 Ati illilliha Pilato ta ataji honyi ojo, Aye Yesu ahode? Ette inyi iloŋo eleittok oseŋer ifiyere inyi kuyya aye dwo Yesu.
\v 45 Al itaniŋu inyi naye ono Yesu jyo eleittok oseŋer, aŋatak inyi Yosefo iyaro ahwan honyi.
\v 46 Tania iyauno Yosefo aboŋo on obwor ette dutuna ahwan Yesu to kruce ifau ette bubunana ta aboŋo, ette itaferehina inyi ilume an ikyafani ibak. Bwo fe ittaborok inyi namorwo on obolo ihutuk ilume.
\v 47 Bwo Maria Madalena iko Maria honye Yose omijye amaji an itaferehinierek inyi.
\c 16
\cl Angati 16
\p
\v 1 Ninya allaŋ sabato Maria Madalena bwo fe Salome iko Maria honye Yakobo iyaŋunie neyali on oŋwo’to gir gir, iyalaniere ihwan Yesu.
\v 2 Iholoŋ etteri ono nesabit, ninya ara ataŋatye motye afwoi isi, ette fanyan ilume hetek noloŋ idwoŋ.
\v 3 Ikikyanarai fe isi ojori, ngai attadi ibolok jihohoi namorwo to hutuk ilume addi?
\v 4 Ati al amijye isi dia ette isi igonyuna namorwo on obolo’to ania ibolohuni.
\p
\v 5 Ajiŋani isi ilume ette igonyuna lobo leito horwoŋ al isuga’to oŋyatai. Iyyafak inyi aboŋo on obwor aboŋ bwo fe ohodo. Ette isi baŋi bebe.
\v 6 Ojo ati inyi jihosi ojo, Baŋatina abaŋ. Ittifyati tai Yesu Anasaretanani linya isihoni likruce. Ibuhu dwo inyi, labeŋ tene. Imijyete namaji ania oŋole itaferehinierek inyi.
\v 7 Ifwatta ati, iramana Petro iko leyiyanak honyi omuk ojo, Yesu likyomoro jihatai Galilea, ittata tai igonyuna inyi teyya ihwa iramak nya inyi itai.
\v 8 Ette isi jiŋuna alet kwak ette fuho t’elume nyo ikikiroi isi bwo fe illillihai. Ette isi ilak ikyana jyo obo atulo nyo abaŋi isi.
\p
\v 9 Ihwania ihalu ebuhuna Yesu ta amotye beryen ono oloŋ etabotye ono esabit, oleyo inyi ahosyere jyo Maria Madalena. Inyi aŋotte ninya ifuhari inyi ajohin hun orrohoji’to hattarik.
\v 10 Alo inyi ette iramana erre huna jyo leyiyanak honyi hul ijiriŋai bwo fe oyyoi.
\v 11 Ati dwadi itaniŋuni isi jo isu Yesu bwo fe igonyu dwo Maria inyi, obeŋi isi iruhi.
\v 12 Ihalu ana inyyak inyi leyo ol olufa jyo laati arrihai ladahai isi ihiji koi otto hidyofo.
\v 13 Isi bwo fe ofwoi iramaniere hul omuk, ati obeŋi isi iruhi bwo fe.
\v 14 Ihalu oleyo Yesu jyo leyiyanak honyi ’tomon habotye hoŋiye isi. Ette inyi isiŋyo isi ta nabyaŋan hosi iruk iko ta nagolon tajya hosi, nyo obeŋi isi iruhi jyo hul igonyuni’to inyi libuhu inyi to ye.
\p
\v 15 Attati inyi jaran jihosi ojo, Ifwatta lifau daŋ ittiyeniete asayyo hun oyiji’to jyo aati daŋ.
\v 16 El iruk’to bwo fe ifwotu batisimo italahuni adi, ati ol obeŋ’to iruk, oŋoti aye jihonyi.
\v 17 Etamijanita hun owoni adi jyo hul iruhi’to isi huna; ta afure hoŋ ifuhatye adi isi ajohin hun orrohoji’to bwo fe ikyanai adi nekyanita hun olufaji.
\v 18 Kuyya inefuni isi amunok kuyya bu amatai neyyeri, obeŋ adi orroho jihosi, bwo fe ottironi adi isi ahas hosi jyo aŋwak ette isi ŋidari.
\p
\v 19 Latuhok Hobu Yesu nekyana honyi jyo leyiyanak ette inyi dahan lidou bwo fe itoŋo dia oŋyatai ono Hollum.
\v 20 Attati isi daha limasik daŋ ittiyeniere bwo fe Hobu iŋiŋarata isi bwo itagolyo nettiyenio hosi ta netamijanita hun ihanio inyi.