lot_reg/41-MAT.usfm

\id MAT
\ide UTF-8
\h Matteyo
\toc1 Matteyo
\toc2 Matteyo
\toc3 mat
\mt Matteyo
\c 1
\cl Angati 1
\p
\v 1 Igyoroni jyo abuk ana afureta huno hohonyok Yesu Kristo lonyi Davide. Ara fe inyi lonyi Abramo.
\v 2 Ara Abramo monye Isako, Isako monye Yakobo, Yakobo monye Yuda iko illarak honyi.
\v 3 Ara Yuda monye Perese iko Sera bwo ŋorwoi Yuda Tamara, Perese monye Eserone, Eserone monye Rama.
\v 4 Rama monye Aminadaba, Aminadaba monye Nasona, Nasona monye Salamone.
\v 5 Ara Salamone monye Boasa bwo ŋorwoi Salamone Rahaba. Ara Boasa monye Obede bwo ŋorwoi Boasa Ruta. Ara Obede monye Yese,
\v 6 bwo fe Yese monye hobu Davide. Ara Davide monye Solomone bwo ŋorwoi Davide ara nya ŋorwoi Uriya.
\v 7 Ara Solomone monye Rabama, Rabama monye Abiya, Abiya monye Asa,
\v 8 Asa monye Yosafata, Yosafata monye Yorama, Yorama monye Usiya.
\v 9 Usiya monye Yotama, Yotama monye Ahasa, Ahasa monye Hesekia,
\v 10 Hesekia monye Manase, Manase monye Amosa, Amosa monye Josia.
\v 11 Ara Josia monye Yekonya iko illarak honyi iholoŋ inya anyarai laati Israele ifau Babolona.
\p
\v 12 Ihalu anyaro hosi Babolona, ara Yekonya monye Salatiele, Salatiele monye Serubabele,
\v 13 Serubabele monye Abiuda, Abiuda monye Elayakima, Elayakima monye Asora,
\v 14 Asora monye Sadoka, Sadoka monye Akimi, Akimi monye Eliyuda.
\v 15 Eliyuda monye Elasara, Elasara monye Matana, Matana monye Yakobo.
\v 16 Ara Yakobo monye Yosefo habi Maria. Inyi honye Yesu al iloŋoi Kristo.
\p
\v 17 Tania awoi daŋ hulo Abramo many jyo Davide arai nya awoi ’tomon haŋwan. Jyo awoi hulo Davide many iholoŋ an anyarik laati Babolona arai nya awoi ’tomon haŋwan. Bwo fe to oloŋ an anyarik laati Babolona many iholoŋ an isiunierek Kristo arai nya awoi ’tomon haŋwan.
\p
\v 18 Ara nya esiuna ono Kristo ihwa ana. Iruk honyonyi Maria Yosefo ayama inyi ati hobeŋi isi ottironie ahwattek hosi, oyedu inyi ta adwaran ono Oloyiri ol Olibo.
\v 19 Ojo habi honyi Yosefo apyaharo jihonyi dee nyo ara nya inyi atulo ol oniŋyo’to Hollum. Obeŋ bwo fe inyi awak itanyahina Maria ariri.
\v 20 Igigilo inyi erre huna. Ta arwe ottu anjelo olo Hobu jihonyi ta arigya ette jaran, Yosefo lonyi Davide, hebaŋ ayama Maria ŋorwoi hoi, nyo eito ol oyedu inyi oyedu inyi ta adwaran ono Oloyiri ol Olibo.
\v 21 Isiu adi inyi leito, bwo ifurak adi iye inyi Yesu nyo italahu adi inyi aati honyi t’eyyata hosi.
\v 22 Idwoŋi erre huna daŋ itasiruniere ekyana ono Hobu inya ikyanari inyi jyo eyani sayyo jo,
\v 23 “Oyedu adi odwoti ette isiuna lonyi honyi. Ifurani adi inyi Imanuele,” an ojo, owon Hollum jihohoi.
\v 24 Ahenyu Yosefo ette ihanio ihwa ifak anjelo olo Hobu inyi, ette iyaro ŋorwoi honyi ihaji honyi.
\v 25 Ati obeŋ bu inyi ojotoi ikonyi many isiuniere inyi lonyi honyi, ette Yosefo ifurana inyi Yesu.
\c 2
\cl Angati 2
\p
\v 1 Isiuni nya Yesu imiji Betlehem ono Yudea to oŋitek huno hobu Erode. Ofwonni alofyorojok t’ettedwoŋi holoŋ many Yerusalem ette jaran,
\v 2 Tali Hobu olo Yudea lya al hetehi isiuna? Nyo egonyu hohoi elelyef honyi ettedwoŋi holoŋ ette hohoi fwanna itahabuyere inyi.
\p
\v 3 Ninya itaniŋu hobo Erode erre huna ette ataji honyi iko huno laati daŋ hutto Yerusalem papaŋi.
\v 4 Al ottubanie ehumak eleittaha daŋ iko legyoroka jihonyi ette inyi ifiyo isi ojo, Ocorok nya Hollum ojo isiuni adi Kristo aja?
\v 5 Itarraŋi isi jihonyi ojori, Isiuni adi inyi imiji Betlehem ono Yudea, nyo igyorok nya eyani sayyo jo,
\v 6 “Iye Betlehem amiji ono Yudea, Ibeŋ iye imuta ihiji amisihi hun obolori’to huno Yudea; Nyo tehiji hoi ottu adi aboloni Al itamanyayo adi laati hoŋ Israele.”
\p
\v 7 Iloŋo Erode alofyorojok hama ette ifiyo isi ojo, Oleyo elelyef nya baya?
\v 8 Ette inyi ifahina isi Betlehem ette jaran, Ifwatta, ottifyati eito. Al inyurana tai inyi ocohuniete jihoŋ iramaniere ani, bwo alo adi ni itahabuyere inyi.
\p
\v 9 Itaniŋuni isi nekyanita huno hobu ette isi fwatan. Afwoi isi ette isi inyyak igonyuna elelyef an adaha ihosyere hosi many afanyari inyi ihide maji an awanari eito ette inyi wotya dia.
\v 10 Omunoi alofyorojok bebe ligonyuni isi elelyef.
\v 11 Ojiŋani isi ihaji ette igonyuna eito iko honyonyi Maria. Origoŋi isi itahabuyere eito. Ette isi iŋa asenuhi hosi ette isyarana jihonyi esyorita hun arai ayyel iko ottogoŋ bwo mura.
\v 12 Acaharai isi ifau hosi to obo ekoi hama nyo iramak Hollum jihosi ta arigya jo oŋida isi obeŋi acaharai jyo Erode.
\p
\v 13 Ihalu erre huna, oleyo anjelo olo Hollum jyo Yosefo ta arigya ette jaran, Odyotoi, ofuhoi iko eito bwo honyonyi many ifau Masir. Itoŋoi dia many eramaniere ni iye, nyo ottifya adi Erode eito ittohori inyi.
\v 14 Tania odyoto Yosefo ta attari nya ette iyaro eito iko honyonyi many ifau Masir.
\v 15 Amanyai isi dia many oyeri Erode, jo oŋida itasiru ekyana ono Hobu inya ikyanari eyani sayyo ojo, “Eloŋo ni lonyi hoŋ to fau Masir.”
\v 16 Iloŋojita Erode bebe al itaniŋu inyi jo inyobye alofyorojok inyi, ette inyi ifahina laati ittohyere laduri daŋ hulo Betlehem iko afauhyen hutteger honyi. Ottohori isi aduri hul ottubai aŋasi hosi arrihai many jyo hul hetehi isiuna nyo ojori dwo alofyorojok jo allaŋi aŋasi arrihai hunya igonyunierek isi elelyef.
\v 17 Ihwania itasiru ekyana ono eyani sayyo Yeremia on ojo.
\q
\v 18 “Itaniŋuni laati ayyo imiji Rama, Ayyo iko atariha on obolo. Oyyo Rakele ta aduri honyi, Iha inyi etadwa nyo abyaŋarani isi.”
\p
\v 19 Al aye Erode oleyo anjelo olo Hollum jyo Yosefo ta arigya howon inyi ifau Masir ette jaran,
\v 20 Odyotoi, iyaru eito iko honyonyi. Acahatti ifau Israele, nyo aye lya inya ottifya’to ittohori eito.
\v 21 Teyya odyoto inyi ette fwatan iko eito bwo fe honyonyi many lifau Israele.
\p
\v 22 Ati abaŋ Yosefo icahari Yudea nyo itaniŋu inyi jo orutak Arukelo amaji monyonyi Erode ette ratan hobo olo Yudea. Tania ette inyi leten ifau Galilea ihwa itahutak Hollum jihonyi ta arigya.
\v 23 Afany inyi dia ette manya imiji Nasaret jo oŋida itasiruni nekyanita huno eyak sayyo hun ojori, “Iloŋoi adi Yesu Anasaretanani.”
\c 3
\cl Angati 3
\p
\v 1 To oŋitek hunia ottu Yoane Batista ittittoyere laati imur Yudea ojo,
\v 2 Iloitoto atajya hatai, nyo ilyaha olobye ono Hollum attuna.
\v 3 Nyo Yoane inyi alya linya ikyanari eyani sayyo Isaya ojo, “Iloŋo obo atulo to mur, Ette jaran, Ihuhumana nekoi Hobu, Itabisana ekota honyi ’tor.”
\p
\v 4 Iyyafak Yoane aboŋo an ihuhumi to nofir konnikonni iko etodit an ara amuhunyo lihuluk honyi. Oŋiyo bwo fe inyi nebeyo iko nesyo huttotwa mur.
\v 5 Adahatye laati daŋ hutto miji Yerusalem iko hulo Yudea jihonyi. Ofwonni bwo fe laati hutto misihi daŋ hun onyihai’to Yordano jihonyi.
\v 6 Ibatisyo inyi ihari Yordano laati hul iruhi eyyata hosi.
\p
\v 7 Ofwonni laati arryai hulo Farisei iko hulo Saducehyen jihonyi ifwotuniere batisimo ette inyi jaran jihosi jo, Irata tai ihwa amunok, ŋai ojo jihatai ofuhoti ajore ono hottu’to?
\v 8 Oŋida ehanita hatai itahutani jo iloitoto tai ahode atajya hatai.
\v 9 Hejatta ta ahwattek hatai jo, Ara Abramo hohonyi hohoi, nyo eramak ni itai jo, oremik Hollum ’yeuna lonyirok Abramo jyo amorwoi huna.
\v 10 Ihwania ihanani atolu ihadde ’yanio. Oyefuni adi ayyanio daŋ hun obeŋi’to oŋijuni aŋer hun oyiji ette rwoŋonia lihima.
\p
\v 11 Ebatisyo ni itai ahode ta aari nyo iloitoto tai atajya hatai. Ati lya al ottu’to lihalu hoŋ ogol inyi agalik ani, tania abeŋ ni asiru eyaro amuha honyi. Ibatisyo adi inyi itai ta Oloyiri ol Olibo iko ta neema.
\v 12 Owon ajani lihani honyi italiboryere ema honyi ette fyehina limugu honyi, ati oswahini adi acono lihima an obeŋ’to oremik dunyari.
\p
\v 13 Tania ottu Yesu to Galilea ette leten jyo Yoane ol owon’to lihari Yordano jo oŋida Yoane ibatis inyi.
\v 14 Ati iha Yoane ette jaran, Oŋida dwo iye ibatis ani, ati ittu iye jihoŋ nyo?
\v 15 Ette Yesu itarraŋ jihonyi ojo, Ihanie so, nyo osiru jihohoi ihaniere efahita daŋ huno Hollum. Ette inyi ihanio.
\p
\v 16 Odyoto Yesu kwak ’totwa hari al ifwotu inyi batisimo, ette edou bwanya jihonyi bwo fe igonyu inyi Oloyiri olo Hollum isuru t’edou ihwa awolo ette wotya ihide hou honyi.
\v 17 Ette nekyana ’tuna t’edou on ojo, “Lonyi hoŋ olo, al amuno ni bebe.”
\c 4
\cl Angati 4
\p
\v 1 Attati Oloyiri ol Olibo rihoro Yesu itwa mur ette etisyahani al anya’to Sitan kemyo inyi.
\v 2 Oferuc inyi oŋitek atomwana aŋwan iko arwejin atomwana aŋwan ette inyi niama.
\v 3 Bwo fe ottu esuswani ette jaran jihonyi, Kuyya ira iye Lonyi Hollum iloito amorwoi huna heterahi aŋirya.
\v 4 Ati itarraŋ Yesu ojo, Igyoroni jo, “Obeŋ tulo isu ta aŋirya hama, ati isu adi inyi ta nekyanita daŋ huno Hollum.”
\v 5 Attati etisyahani iyaro inyi itwa miji Yerusalem. Ititoŋok inyi Yesu ihide haji imojit eneitok,
\v 6 ette jaran, Kuyya ira iye Lonyi Hollum itakwahai ahwan hoi tene, nyo igyoroni jo, “Ifak adi Hollum anjelohyen honyi irrirryari iye.” Bwo fe igyoroni jo, “Itarrauni adi isi iye ta ahas hosi jo oŋida iye ibeŋ isyak eju hoi imorwoi.”
\v 7 Attati Yesu jaran jihonyi, igyoroni bwo fe jo, “Oŋida ibeŋ iye ikemyo Hobu hoi Hollum.”
\p
\v 8 Iyaro etisyahani inyi ihide doŋe on ohodo’to bebe ette itahutana inyi olobyehyen daŋ hutta fau iko akwatan hosi.
\v 9 Bwo ojo jihonyi, Esyo adi ni jihoi erre huna daŋ kuyya irigoŋ iye ifau itahabuyere nani.
\v 10 Attati Yesu jaran jihonyi, Ilo addi Sitan nyo igyoroni jojo, “Oŋida iye itahabuyo Hobu hoi Hollum bwo igyama jihonyi hama.”
\v 11 Tania obusak etisyahani inyi, teyya ofwonni anjelohyen ilwahyere inyi.
\p
\v 12 Itaniŋu Yesu jo ifitani Yoane libabus ette inyi leten ifau Galilea.
\v 13 Obusak inyi Nasaret ette manya Kapernaum on owon’to iger hari, lifau Sebuluna iko Nafatali.
\v 14 Jyo oŋida itasiru nekyana inya ikyanari eyani sayyo Isaya ojo,
\q
\v 15 “Afau Sebulun iko afau Naftali, huttekoi hari enne ittokon, afohor owore Yordano tole, Galilea, afau Lufajak!
\q
\v 16 “Itoŋoi laati hutto fau Sebuluna iko Nafatali idumele Ette isi igonyuna afaŋan on obolo’to. Isi laati hul amanyai aŋati hari tole ono Yordano, Bwo fe paganohyen hutto Galilea. Afaŋ afaŋan ania many jyo hya hul itoŋoi Jyo amaji an ara’to ihwa abali ono naye.”
\p
\v 17 Ta asaa ania ittittoyo Yesu ette jaran, Ilyaha olobye ono Hollum.
\p
\v 18 To obo oloŋ hadaha Yesu ilotifor hari Galilea ette inyi igonyuna illarak arrihai, Simone al anya’to Petro iko illanyi Andrea. Ibirotyai isi aboyo hosi ihari nyo arai isi ahayafohok.
\v 19 Ojo inyi jihosi, Ifwanna ihalu hoŋ, ehanak adi ni itai ahellilloŋok wati.
\v 20 Teyya teyya ette isi busana aboyo hosi ette jifaru inyi.
\p
\v 21 Holo inyi kai alamarai ette inyi igonyuna omuk illarak arrihai, Yakobo iko illanyi Yoane lonyirok Sebedeyo. Owoni fe isi itogol iko monyosi Sebedeyo bwo ihuhumye isi aboyo hosi, ette Yesu loŋuna isi.
\v 22 Teyya obusani isi atogol iko monyosi ette jifaru Yesu.
\p
\v 23 Adaha inyi itwa misihi daŋ huno Galilea ittiyeniere ihasik imojiti hosi asayyo huno olobye Hollum. Itaŋida bwo fe inyi arrohojita daŋ iko eŋwati huno laati.
\v 24 Itaniŋuni laati hutto misihi daŋ huno Sirya eram honyi ette isi iyaŋuno jihonyi laati daŋ hul oŋwai’to iko eŋwati gele gele, iko omuk hul odyahai hwattek hosi. Iyaŋunie isi bwo fe hul owoni’to iko ajohin hun orrohoji’to, hul isitaji’to, iko hul ogolyori hwattek hosi. Ette inyi itaŋida isi daŋ.
\v 25 Ijifarai eluluŋ wati inyi arryai hutto Galilea iko hutto Dekapolis. Ofwonni isi bwo fe to Yerusalem, Yudea, iko hutto ŋati hari Yordano tole.
\c 5
\cl Angati 5
\p
\v 1 To obo oloŋ igonyu Yesu eluluŋ wati ette inyi dahan idoŋe. Ati ninya hetoŋo inyi dia ofwonni leyiyanak honyi jihonyi.
\v 2 Itteryo inyi ittiyenio eluluŋ wati ette jaran:
\q
\v 3 Ijara hul omiji tajya ihosyere Hollum ta abyaŋan yiji hosi hotomunohi, nyo ara Hollum a Hobud hosi.
\q
\v 4 Ijara hul atarihai’to hotomunohi, nyo onyurani adi isi etilihyo jyo Hollum.
\q
\v 5 Ijara hul anyalami’to hotomunohi, nyo ara adi afau ahonosi.
\q
\v 6 Ijara hul ottifyai’to alibori ono Hollum ihwa ottifyai laati hul oniamai’to aŋiyo hotomunohi, nyo itifoŋ adi Hollum isi.
\q
\v 7 Ijara hul omehinie tajya hotomunohi, nyo omehino adi Hollum jihosi.
\q
\v 8 Ijara hul olibori tajya hotomunohi, nyo igonyuni adi isi Hollum.
\q
\v 9 Ijara hul itimorye’to laati hotomunohi, nyo iloŋo adi Hollum isi lonyirok honyi.
\q
\v 10 Ijara hul onyurani ettigemita te ejifatyo hosi efahita huno Hollum hotomunohi, nyo ara Hollum a Hobu hosi.
\q
\v 11 Omunoti al ipice laati itai, kuyya ittigemye itai, kuyya bu orrosye itai on orroho te eram hoŋ.
\v 12 Omunoti bwo fe osuhotyete nyo obolo adi aduma hatai lidou, nyo ittigemye nya isi eyak sayyo ihwo nya.
\p
\v 13 Irata tai ihwa amile jyo laati. Al ilik amile, aŋai inyyak adi iye eŋolito honyi? Obeŋ inyi oremik itayyu obo ariŋ, tania ibirori adi inyi addi ette laati ’ryeyo inyi.
\v 14 Irata tai ihwa afaŋan an afaŋ’to jyo laati. Obeŋ amiji oremik dima al owon inyi ihide doŋe.
\v 15 Obeŋ tulo oswak allomo bwo imuhoni ta agufa. Ati oyihak adi inyi allomo ihide jo oŋida inyi afaŋ jyo aati daŋ hul owoni’to ihaji.
\v 16 Ijara afaŋan hatai hatafaŋa jyo laati jo oŋida isi igonyuna ehanita hatai hun oyiji’to ette isi itahabuyo Monyatai ol owon’to idou.
\p
\v 17 Hegigiloti jo attu ni itapwahyere efahita kuyya bu egyerita huno eyak sayyo. Abeŋ ni attu itapwahyere isi ati attu ni itasiruniere isi.
\v 18 Eramak ni itai ahode jo, many iholoŋ an itatturyerek edou iko afau, obeŋ adi obo egyeri kuyya ekyana on omuta’to ono efahita opwak ’tuŋ ati itasiruni adi daŋ.
\v 19 Lya ol omesyo efahi abotye dwadi on omuta’to bwo fe ittiyenio inyi laati ihaniere ihwo nya, itafyaha adi Hollum inyi ilobye honyi. Ati lya al ijifatyo’to efahita bwo ittiyenio inyi isi jyo laati, itabolo adi Hollum inyi ilobye honyi.
\v 20 Eramak ni itai jo, al obeŋ ayiji hatai agalik ayiji ono legyorok iko Farisei, ibyaŋata adi itai ijiŋana jyo olobye ono Hollum.
\p
\v 21 Itaniŋuna tai jo, ojori nya igyerita beryen jo, “Hettohoro bwo lya ol ottoho’to onyurak adi inyi aŋoco.”
\v 22 Ati eramak ni itai jo, lya al iloŋojita’to jyo illanyi onyurak adi aŋoco. Lya ol omoryo’to illanyi onyurak adi aŋoco ono okiko. Lya ol ojo’to jo, iye olosita, onyurak adi inyi aŋoco ono eema on osyo fur.
\v 23 Tania kuyya iyaŋuno iye esyoryo hoi iklesya bwo igilu iye jo owon eram hoi iko illa hoi,
\v 24 obusak esyoryo hoi. Ilo do itabisaniere eram hoi iko illa hoi, bwo ihalu ocohunie isyaraniere esyoryo hoi iklesya.
\v 25 Opulok eram hoi kwak iko arrosoni hoi hedahati tai te ekoi, ŋadi inyi iye iyaro ihosyere aŋotoni hirre, bwo fe isyo adi aŋotoni hirre iye jyo oseŋer ifitaniere ibabus.
\v 26 Eramak ni iye ahode jo ibeŋ adi iye ihouno many idumari iye ahorosi daŋ.
\p
\v 27 Itaniŋuna tai jo, ojori nya igyerita jo, “Hehaniete erre somon.”
\v 28 Ati eramak ni itai jo, atulo ol omijo’to jyo obo aŋotte bwo awak iyyauna ikonyi, iyyau inyi ahode ikonyi te egigilita honyi.
\v 29 Kuyya itahutak onyek iŋet hoi iye iyyata, ogolotu inyi itto biroro addi, nyo oyyu kuyya oye aŋati abotye ono ahwan hoi bwo obeŋ adi ahwan daŋ ibironi ihima.
\v 30 Kuyya itahutak aani iŋet hoi iye liyyata, oŋotu inyi itto biroro addi, nyo oyyu kuyya oye aŋati abotye ono ahwan hoi bwo obeŋ adi ahwan daŋ ibironi ihima.
\p
\v 31 Lya al ifuha’to ŋorwoi honyi ette pyaharo jihonyi, oŋida inyi isyo awaraga an itamijanak’to apyaha honyi iko ŋorwoi.
\v 32 Ati eramak ni itai jo, lya al ifuha’to ŋorwoi honyi to obo eram asai bwo obyaŋara ta eram ono asomon, itaroto inyi ŋorwoi honyi. Bwo oroto lya al ayama’to aŋotte an ifuha habi to obo eram asai.
\p
\v 33 Itaniŋuna tai jo ojori nya igyerita jo, “Hepwahata ecoriti hatai hun icoronia tai ati oŋida itai ihaniete ihwa icoronia tai.”
\v 34 Ati eramak ni itai jo, Hecoronia asai. Hettuŋoti te edou nyo ara inyi amaji kurus ono Hollum.
\p
\v 35 Hettuŋoti ta afau nyo ara inyi ebalori hejek honyi. Hettuŋoti ta Yerusalem nyo ara inyi amiji ono Hobu ol obolo’to.
\p
\v 36 Hettuŋoti ta osi hatai nyo ibyaŋata tai iremehina iloit ofitti abotye on obwor, emoli.
\v 37 Al ijatta tai, Afe, oŋida ara inyi Afe ahode. Bwo fe al ijatta tai, Obeŋ, oŋida ara inyi Obeŋ ahode. Hefonihina omuk nekyanita huno olorroho.
\p
\v 38 Itaniŋuna tai jo, ojori nya igyerita jo, “Odumati onyek ta onyek bwo fe odumati alai ta alai.”
\v 39 Ati eramak ni itai jo, Hehara lya al awak’to itarroho itai, ati al anaŋ inyi amahalyo etteŋet isyara bwo fe ebotye.
\v 40 Al awak inyi iloŋo iye ilokikoi iyari aboŋo hoi, isyara bwo fe agamis hoi.
\v 41 Al orrosok inyi iye iwwahatyere erre honyi many amail abotye, adahati ikonyi amail arrihai.
\v 42 Isyatta erre jyo lya ol omojo’to bwo fe heyimoti inyi.
\p
\v 43 Itaniŋuna tai jo, ojori nya igyerita, “Omunoti hutto lonyihari hatai bwo fe oliwati amyorok hatai.”
\v 44 Ati eramak ni itai jo, Omunoti amyorok hatai bwo fe omojoti to hya hul ittigemye’to itai.
\v 45 Nyo te ehanita hunia itahutana tai jo irata tai lonyirok hulo Monyatai ette dou; nyo isyo inyi oloŋ honyi itafaŋyere arrohojak iko ayijok, bwo fe ifak inyi ahide jyo amyosok iko jyo hul oniŋye’to.
\v 46 Kuyya imunoti tai aati hul omunoi’to itai, anyo adi edumit hatai? Obeŋi so arrohojak ihanie ihwo nya?
\v 47 Al ifonyati tai illarak hatai hama, obeŋi so laati daŋ ihanie ihwonya? Obeŋi so paganohyen ihanie ihwo nya?
\v 48 Tania ihaniete on oyyu ihwa ihanio Monyatai ette dou.
\c 6
\cl Angati 6
\p
\v 1 Ihumata irrirrya ŋadi ihaniete tai ehanita hatai hun oyiji ihosyere wati jo oŋida isi omijye. Al ihaniete tai ihwania obeŋ adi Monyatai ette dou oduma itai.
\v 2 Al isyatta tai agurusi jyo alocaŋak hesyatta ihwa atulo ol ohut aforojo jo oŋida laati igonyuni inyi. Ihanie enyabak ihwo nya ihasik imojiti iko ikota jo oŋida laati itahabuye isi. Ahode eramak ni itai jo owoni isi iko edumit hosi.
\v 3 Ati elle isio iyye aluahio jio olociaŋ, isiarak ollokuai, hèlaha obo atulo omijak, ara duadi bu motte hoi.
\v 4 Ati al isyatta tai agurusi oŋida isyatta an idima jo oŋida aani ihoroŋ obeŋ omijak anyo an ihanio aani iŋet, bwo fe Monyatai al igonyu erre hun idimani oduma adi itai.
\p
\v 5 Al imojoti tai hehaniete ihwa lenyabak, nyo omunoi isi iwotyari bwo fe imojori ihasik imojiti iko ipehiti kota jo oŋida laati igonyuni isi. Ahode eramak ni itai jo owoni isi iko edumit hosi.
\v 6 Ati al imojoti tai ojiŋana ihaji, ihyanana ekat bwo omojoti jo Monyatai ol obeŋ’to oleyo, bwo fe Monyatai al igonyu’to erre hun obeŋi oleye oduma adi itai.
\v 7 Al imojoti tai hekyanati asai ekyanita arryai ta abyaŋan igigilo ihwa ikyanai paganohyen, nyo igigiloi isi jo itaniŋu adi Hollum isi ta ekyanita hosi hun olwaji.
\v 8 Hehaniete ihwa ihanie isi nyo omijak Monyatai erre hun iwahata tai hebyaŋata tai ifiyete inyi.
\v 9 Omojoti ihwa ana: Monye hohoi ol owon idou, Hotokwata afure hoi,
\q2
\v 10 Hetettu olobye hoi. Hetehaniehe awahan hoi lifau ihwa ihanie lidou.
\q2
\v 11 Isyara hohoi ahana aŋiyo hohoi ottoloŋi.
\q2
\v 12 Obusak ahorosi hohoi Ihwa an ebusaniere hohoi aati horosi hohoi.
\q2
\v 13 Heyaro hohoi jyo esusuta Ati itahoru hohoi jyo arrohojita. Ijara olobye hatawana, iko adwaran, iko akwatan jihoi fur.
\p
\v 14 Kuyya ibusana tai eyyata wati hul ihanie’to on orroho jihatai, obusak adi monyatai ette dou eyyata hatai.
\v 15 Ati kuyya ibyaŋata tai ibusana ahorosi wati, obeŋ adi Monyatai obusak eyyata hatai.
\p
\v 16 Al iferunae tai hejiriŋati ihwa lenyabak hul itajiriŋye’to omomite hosi jo oŋida laati omijani jo oferuni isi. Ahode eramak ni itai jo owoni isi iko edumit hosi.
\v 17 Ati al iferuna tai iyyalana osi hatai bwo illillata omomite hatai,
\v 18 jo oŋida laati obeŋi omijani jo iferuna tai, ati igonyu Monyatai ol obeŋ’to oleyo itai. Bwo fe Monyatai al igonyu’to erre hun obeŋi’to oleye oduma adi itai.
\p
\v 19 Hettuniete ebariti hatai jyo afau ana nyo otuk adi eyyu iko nelarryoŋolof isi, kuyya bu ojiŋani adi ahahalak ihahalari isi.
\v 20 Ati ottuniete ebariti hatai idou nyo obeŋ adi eyyu kuyya bu nelarryoŋolo itatturi isi bwo fe obeŋi adi ahahalak ojiŋani ihahalari isi.
\v 21 Nyo igigiloi atajya hatai jyo amaji on ottunarik ebariti hatai.
\p
\v 22 Ara onyek ihwa afaŋan ono ahwan tania al afaŋ inyi on oyyu ifut ifaŋan daŋ ihwan tulo.
\v 23 Ati al orroho onyek iryok adi ahwan daŋ. Tania kuyya orroho afaŋan on owon’to itwa tulo, iryok inyi ahode ’tir ’tir.
\p
\v 24 Obeŋ tulo oremik igyamari jyo eleittaha arrihai. Nyo oliwari adi inyi olobotye bwo fe omuno olobotye, kuyya bu awak adi inyi olobotye bwo fe omyana olobotye. Ibyaŋata tai iremehina igyamari jyo Hollum bwo fe jyo ebariti.
\p
\v 25 Tania eramak ni itai jo, hehawwati ta nesu hatai, te erre hun iŋiyete tai bwo fe hun imatati tai, ara dwo bu erre hwattek hun iyyafatyete tai. Obeŋ so nesu hatai agalik aŋiyo? Obeŋi ahwattek hatai agalihini aboŋojin?
\v 26 Ikemijyete aheny hun idarratai idou; obeŋi bu isi oyehini bwo obeŋi odeŋuni, obeŋi isi ottubani erre imugwo. Ati itaŋiyo Monyatai ette dou isi. Ibyaŋata so itai igalihina isi?
\v 27 Alali tehiji hatai ol oremik’to itaboboloro ahwan honyi te ehawwa honyi?
\p
\v 28 Nyo ihawwati tai ta aboŋojin? Ikemijyete ayaburita isuri on oyyu. Obeŋi isi igyamai, obeŋi bwo fe isi ikaice,
\v 29 ati ajo ni jihatai jo, obeŋi nya aboŋojin Solomone ilamani ihwa ayaburita huna dwadi ilamani isi bebe.
\v 30 Kuyya ibuya Hollum ayaburita hun isuri’to ahana ifau bwo motye ibironi adi isi ihima, obeŋ adi inyi itiyyafak itai on oyyu agalik? Aii, itai laati hul omuta neruk.
\v 31 Tania helafuhoti bwo hegigiloti jo, Eŋiyo adi hohoi anyo? kuyya, Emata adi hohoi anyo kuyya, Eyyafak adi hohoi anyo?
\v 32 Ottifyai paganohyen erre hunia daŋ. Ati omijak Monyatai ette dou jo iwahata tai erre hunia.
\v 33 Ottifyati ahosyere ekoi ono Hollum bwo ottifyati ijifatyere efahita honyi attadi Hollum fonihina erre huna daŋ jihatai.
\v 34 Tania hehawwati te erre hun ofwonni adi motye, nyo motye ofwonni adi erre omuk hun ihawwati adi itai. Oremik arrohoji ono oloŋ abotye to oloŋ ania.
\c 7
\cl Angati 7
\p
\v 1 Heŋototo obo atulo bwo obeŋ adi Hollum oŋot itai.
\v 2 Nyo ihwa iŋototo tai obo, oŋot adi bwo fe Hollum itai. Bwo fe te efahita hun isyatta tai obo, ittigemyo adi Hollum itai.
\v 3 Aŋai adi igonyu obo alatai alle honyek al awon jo illanyi bwo obeŋ inyi igigilo te etoi on obolo’to otto honyek honyi?
\v 4 Kuyya aŋai ikyana adi obo alatai jyo illanyi jo, Hadi, agorotu ni alle honyek to honyek hoi bwo owon etoi on obolo’to otto ononyi?
\v 5 Ara olo ahenyabani. Oŋida ahosyere ogorotu inyi etoi on obolo’to otto honyek honyi attadi inyi remehina igonyuna ligorotuniere alle honyek otto honyek illanyi.
\p
\v 6 Hesyatta erre hun odwari’to jyo ebokwo bwo fe hebironia onoroi hun obwori’to jyo afotirak ŋadi irrirrye isi onoroi huna te ejek hosi ette bwo fe yito lirremyere itai.
\p
\v 7 Ifiyete, bwo isyo adi Hollum jihatai. Ottifyati, bwo inyurana adi itai. Inninnaŋata ekat, bwo aŋa adi inyi jihatai.
\v 8 Nyo lya al ifiyo’to jyo Hollum ifwotu adi. Lya ol ottifya’to onyurak adi, bwo fe lya al inninnaŋyo’to ekat aŋai adi jihonyi.
\p
\v 9 Obeŋ adi obo atulo tehiji hatai isyo lonyi honyi amorwo al amojo inyi aŋirya.
\v 10 Bwo fe kuyya omojo inyi ahami, isyo adi monyonyi inyi amunu? Obeŋ.
\v 11 Itai hul irrohojata’to, kuyya imijana tai lisyoryere erre hun oyiji’to jyo aduri hatai, obeŋ adi Monyatai ette dou isyo erre hun oyiji’to bebe jyo hul ifiye’to inyi? Isyo adi.
\p
\v 12 Erre daŋ hun iwahata tai ihanie laati jihatai, oŋida bwo fe itai ihaniete on orryama jihosi. Nyo igyoroni huna ifahita bwo fe igyerita huno leyak sayyo.
\p
\v 13 Adahati te ekoi ol ottida’to; nyo alat nekoi on orihoro’to laati liye, inyi on olwajarik ladak te ekoi ania.
\v 14 Ati ottida lekoi ol orihoro’to laati lisu inyi ol omutararik ladak te ekoi alya.
\p
\v 15 Ihumata mijo ebwanak hul inyobye’to. Nyo adahatye isi jihatai ihwa akyoro, ati litajya hosi arai isi ihwa elewwo hun oniamai’to.
\v 16 Imijana adi itai isi ta aŋer huno ehanita hosi. Ahode ittallihi laati huruna naŋer ajalaŋi to hikwa, bwo fe ittallihi huruna aŋer ŋaboli to laŋi.
\v 17 Tania ayyanio daŋ hun oyiji’to oŋijuni adi naŋer hosi hun oyiji, bwo fe ayyanio daŋ hun orrohoji’to oŋijuni adi hunosi hun orrohoji.
\v 18 Ati obeŋ ayyani on oyyu’to oremik nijuna aŋer hun orrohoji’to. Bwo fe obeŋ ayyani on orroho’to oremik ŋijuna aŋer hun oyiji’to.
\v 19 Oyefuni adi laati ayyanio daŋ hun obeŋi’to oŋijuni aŋer hun oyiji’to ette bironia lihima.
\v 20 Tania imijana adi itai isi ta aŋer hosi.
\p
\v 21 Obeŋi adi laati daŋ hul ojori’to jihoŋ, Hobu, Hobu, ojiŋani lidou, ati ojiŋak adi lya al ihanio’to awahan ono Monyoŋ ette dou.
\v 22 Iholoŋ ania ojori adi laati arryai jihoŋ ojo, Aii, Hobu, Hobu. Ebeŋ nya hohoi ekikila ta afure hoi? Ebeŋ hohoi efuhak ajohin ta afure hoi? Ebeŋ hohoi ehanio ehanita arryai hun obolori’to ta afure hoi?
\v 23 Attati ni jaran jihosi jo, Abeŋ ni amijak itai ’tuŋ. Ifwatta addi jihoŋ, itai hulya hul ihaniete’to ehanita hun orrohoji’to.
\p
\v 24 Laati daŋ hul itaniŋuni’to ekyanita hoŋ bwo fe oniŋye ekyanita hwa arai adi isi ihwa olofere ol oduhok’to aji honyi lihide bak.
\v 25 Asayo ahide, ohuco oyyami bwo fe aari oŋettyo, attadi ahide ania ibak naji ati ittallik naji ania kwaharo nyo ara awoyo ohitir honyi ebak.
\v 26 Laati daŋ hul itaniŋuni’to ekyanita hoŋ bwo fe obeŋi oniŋye ekyanita hwa arai adi isi ihwa olosita ol oduhok’to aji honyi lisuluŋayo.
\v 27 Asayo ahide, ohuco oyyami bwo fe aari oŋettyo, attadi ahide ania ibak naji bwo naji ette kwaharo an atturo.
\p
\v 28 Ninya latuhok Yesu nekyanita hunia, illillihai laati,
\v 29 nyo ittiyenio inyi isi ihwa aboloni, obeŋ inyi ittiyenio isi ihwa legyorok.
\c 8
\cl Angati 8
\p
\v 1 To ninya to nya isuru Yesu to doŋe attati eluluŋ wati ijifuno inyi.
\v 2 Attati atulo ’tallulu ’tuna jihonyi ette rigoŋi lihomon honyi ette jaran, Hobu al iwak iye iremik iye itaŋida ani.
\p
\v 3 Attati Yesu ihalamana ani honyi ette ’tir inyi ette jaran, Ihwa awak ni, toŋidara. Ette attallulu ono atulo alya ’turoro kwak.
\v 4 Ojo Yesu jihonyi, Imijye, heramak obo atulo, ati ilo itahutak ahwan hoi jyo ehumani bwo fe isyarak ehumi ihwa ifak nya Mose jo oŋida laati ihanie ihwa etamijani.
\p
\v 5 Lajiŋak Yesu imiji Kapernaum, ottu jafit jihonyi ette lwaha jihonyi,
\v 6 ojo, Hobu oŋwai apit hoŋ ihaji iko agolyo hwan on odyaha’to bebe.
\p
\v 7 Ette Yesu jaran jihonyi, Attu adi ni itaŋida inyi.
\p
\v 8 Attati jafit itarraŋ ojo, Hobu obeŋ osiru jihoŋ ittu iye ihaji hoŋ. Ati ikyanai te etuk bwo oŋida adi apit hoŋ.
\v 9 Nyo aniŋyo ni eleittok hoŋ bwo oseŋer hoŋ oniŋye ani. Lekyana ni jo obo, Ilo, bwo inyi ette leten; bwo fe lajo ni jo obo, Waŋ, bwo inyi ette ’tuna; bwo lajo ni jo apit hoŋ jo, Ihanie ania, bwo inyi ette ihanio.
\p
\v 10 Itaniŋu Yesu ana, illilliha inyi ette jaran jyo hya hul ijifatye’to inyi, Ahode eramak ni itai jo, ara dwo bu jyo Israele daŋ abeŋ ni anyurak obo neruk on obolo’to ihwa ana.
\v 11 Eramak ni itai jo, ofwonni adi laati arryai t’ettedwoŋi holoŋ iko t’ettedorro holoŋ itoŋori itteremeja iko Abramo bwo Isako ojo Yakobo jyo olobye ette dou.
\v 12 Ati ifuhani adi lonyirok lobye limaji ono edumele. Owon adi nayyo iko aŋutta hala dia.
\v 13 Ojo Yesu jyo jafit, Ilo ati, ihanie adi jihoi ihwa iruk iye. Ta asaa ania ette lapit honyi ŋidari.
\p
\v 14 Ojiŋak Yesu ihaji Petro ette igonyuna hamoni Petro oferyo on oŋwai iko anahan hwan.
\v 15 Ottir Yesu aani honyi attati anahan hwan honyi ’turoro. Ette inyi dyoto igyamari.
\p
\v 16 Liddorro oloŋ iyaŋunie isi laati arryai hul owoni’to iko ajohin. Ifuha Yesu ajohin ta nekyana honyi bwo fe itaŋida inyi aŋwak daŋ.
\v 17 Ihanio inyi ihwania itasiruniere nekyana heyani sayyo Isaya on ojo, “Iya inyi eŋwati hohoi addi bwo fe olwak inyi elihita hohoi.”
\p
\v 18 Ligonyu Yesu eluluŋ wati arryai ikoloni inyi, ojo inyi jyo leyiyanak honyi, Hafata aŋati hari tole.
\v 19 Attati lobo legyoroni ’tuna jihonyi ette jaran, Hettiyanani, ejifatyo adi ni iye imasik daŋ hun idahari iye.
\p
\v 20 Itarraŋ Yesu jihonyi ojo, Owoni obeyohi iko ewuryo hosi. Owoni aheny iko asik hosi, ati obeŋ obo amaji jyo Lonyi tulo iferyere.
\p
\v 21 Ojo obo leyiyanani jihonyi, Hobu ijara do ani alo nuhana monyoŋ.
\p
\v 22 Ati ojo Yesu jihonyi, Ijifatye ani. Ijara ayak onuhani ayak hosi.
\p
\v 23 To obo oloŋ adak inyi itogol ette leyiyanak honyi jifaru inyi.
\v 24 Bwo fe odyoto asiŋit on obolo bebe ihari, ette aari ifolyahita folyak folyak itufutaniere atogol, ati ojoto Yesu.
\v 25 Ette isi itaheny inyi ojo, Hobu olwaha hohoi ŋadi hohoi eye.
\p
\v 26 Ette inyi jaran jihosi, Anyo ibaŋata tai, omuta neruk hatai? Attati inyi dyoto ette itadwayo oyyami iko aari ette aari iŋettyo dee.
\p
\v 27 Illillihai laati hulya ojori, Anyo tulo olo ol oniŋye oyyami iko aari inyi?
\p
\v 28 Ninya allaŋ Yesu tole lifau Gerasa, orwaŋanie inyi iko laati arrihai hul ofwonni t’ehiji lumyo hul owoni’to iko ajohin hun itisitaji’to isi. Iŋereji isi bebe, tania obeŋ tulo oremik adaha jyo amaji ania.
\v 29 Ohosohitai isi ette jaran, Yesu Lonyi Hollum, anyo hiram iwak iye jihohoi? Ittu iye ittigemyere hohoi hobeŋ asaa hohoi ottuba?
\v 30 Owon neluluŋ bataha arryai alamarai kai hun oŋiye.
\p
\v 31 Olwahai ajohin jihonyi ojori, Al ijo ati iye ifuha hohoi addi, ijara ati hohoi ejiŋak litwajin bataha.
\p
\v 32 Ette inyi jaran jihosi, Ifwatta. Attati isi fwan addi ette jiŋana itwajin bataha, ette neluluŋ bataha daŋ ŋyoron ilotifor, hutu, hutu, hutu, ette kwahino itwa hari ette ye iko dia.
\v 33 Ofuhoi leyyak bataha ette jiŋana itwa miji ette iramana erre daŋ hun idwoŋi’to jyo hya hul isitaji’to.
\v 34 Ofwonni laati daŋ hutto miji jyo Yesu ette ifuhara inyi addi to fau hosi.
\c 9
\cl Angati 9
\p
\v 1 To obo oloŋ adak Yesu itogol illaŋari aari ette jiŋana imiji hosi.
\v 2 Iyaŋunie isi jihonyi obo atulo te ekafit nyo ogolyo ahwan honyi. Ligonyu Yesu neruk hosi, ette jaran jyo atulo ol ogolyo hwan, Illa, itagolo ataji hoi, ahohinie eyyata hoi.
\p
\v 3 Igigiloi omuk egyorok ta ahwattek hosi jo, omoryo atulo olo Hollum.
\v 4 Omijak Yesu egigilita hosi ette jaran, Nyo igigiloti tai on orroho itajya hatai ihwania?
\v 5 Anani an ilyaha’to, ajaran hoŋ jo, Ahohinie eyyata hoi, kuyya ajaran hoŋ jo, Totte, adahai?
\v 6 Ati oŋida itai imijana jo owon adwaran jyo Lonyi tulo ihohiniere eyyata wati hutta fau. Tania ojo inyi jyo atulo ol ogolyo hwan, Otte, obubunak ejotit hoi, ilo ihaŋ.
\v 7 Teyya ette inyi dyoto ette leten ihaŋ hosi.
\v 8 Ninya igonyuni aati arryai eram ana abaŋi isi ette itahabuyo Hollum al isyo’to nadwaran ihwa ana jyo atulo.
\p
\v 9 Lattu Yesu teyya, ette inyi igonyuna obo atulo al anya Matteyo. Itoŋo inyi lihaji on odumarik amusuru, ette Yesu jaran jihonyi, Ijifunie ani. Bwo ette inyi odyoto ette jifaru inyi.
\v 10 To obo oloŋ, al itoŋo Yesu iteremeja ihaji, ofwonni lomuk lamojok musuru iko leyyak iŋiyere ikonyi ojo leyiyanak honyi.
\p
\v 11 Al igonyuni Farisei ana ojori isi jyo leyiyanak honyi jo, Nyo oŋiye ettiyanani hatai iko lamojok musuru bwo leyyak?
\p
\v 12 Ati itayiru Yesu nekyana ana ette jaran jihosi, Laati hul oŋidari’to obeŋi bu isi igigiloi ta afwatan jyo akim, ati to hul oŋwai’to, igigiloi adi hya ette fwatan jyo akim.
\v 13 Ifwatta iyiyanari awoyo hiram ono nekyana an ojo, “Awak ni laati hul omehitai tajya hosi obyaŋara hul isyori’to ehumita.” Abeŋ ni attu iloŋori ayijok ati attu ni iloŋori eyyak.
\p
\v 14 Tania ofwonni leyiyanak hulo Yoane jyo Yesu ette jaran, Eferuta hohoi iko Farisei ati leyiyanak hoi obeŋi oferutai, nyo?
\p
\v 15 Itarraŋ Yesu jihosi ojo, Oremehini mottyarak hayamani ijiriŋa al owon layamani ikosi? Ofwonni adi oŋitek hun iyarik ayamani t’ehiji hosi addi bwo to noloŋ to nya attadi isi feruna.
\p
\v 16 Obeŋ tulo orifak ettafit boŋo aŋejuk jyo egwasit boŋo amarwani nyo ogwasaru adi ettafit aŋejuk to boŋo amarwani addi, bwo fe obolo adi egwasit ania agalik odwo.
\v 17 Bwo fe obeŋ obo ijuhok abalu aŋejuk itwa ihulo amarwani. Al ijuhok obo ihwania obor adi abalu ehulo bwo obyaŋarik abalu iko ehulo. Ati ijuhonia abalu aŋejuk ihulo aŋejuho ette isi rasa daŋ.
\p
\v 18 Ninya hekyana Yesu erre huna jihosi, ottu obo eleittok ette rigoŋi jihonyi ette jaran, Hetek ŋarri hoŋ ye. Waŋ, ilo iyyabak aani hoi jihonyi otte adi inyi isu.
\v 19 Odyotoi Yesu iko leyiyanak honyi ijifari inyi.
\v 20 Teyya ottu obo aŋotte on owouno hoto to hwan honyi ta aŋasi ’tomon harrihai. Ottu inyi ihorwoŋ Yesu ette ’tir esidi boŋo honyi.
\p
\v 21 Nyo igigilo inyi ta atwa honyi ojo, ara dwo bu attir ni aboŋo honyi hama attadi ni ŋidari.
\p
\v 22 Otte ati Yesu fyala jihonyi ette jaran, Hanioŋ itagolo ataji hoi, litaŋida neruk hoi iye. Attati aŋotte ania ŋidari ta asaa ania.
\p
\v 23 Al afany Yesu ihaji leittok igonyu inyi hul ohutai ekaŋata, tut, tut, tut, iko eluluŋ wati hul oyyoi,
\v 24 ette jaran, Ifwatta addi. Obeŋ eito ania oye, ojoto joto. Ette isi suhotyo bebe.
\v 25 Tania ifuhak inyi eluluŋ wati alet ette jiŋana lihaji jyo neito ette inef aani honyi ette inyi dyoto.
\v 26 Ette eram ania isarrahina ifau daŋ.
\p
\v 27 Ninya alatari Yesu tolya ijifarai laŋodok arrihai inyi ette isi lwaha tehalu honyi ojori, Lonyi Davide, omehinie jihohoi.
\v 28 Al ojiŋak inyi obo aji, ofwonni laŋodok jihonyi ette Yesu jaran jihosi, Iruhoto tai jo aremik ni itaŋida itai? Ojori isi jihonyi, Afe Hobu.
\p
\v 29 Attati inyi ’tir oŋite hosi bwo ojo, Ehanio ni jihatai ihwa iruhoto tai.
\v 30 Attati oŋite hosi mijo. Iramak Yesu isi ta agolon ojo, Heramana obo atulo jojo, ’tuŋ.
\v 31 Ati ofwoi isi addi iramaniere eram honyi imasik daŋ.
\p
\v 32 Hofwoi Yesu iko leyiyanak honyi iyaŋunie laati atulo ol obeŋ ikyana nyo owon inyi iko ajok.
\v 33 Ifuha Yesu ajok addi attati atulo alya ikyana. Illillihai laati ette jaran, Obeŋ tulo igonyu omuk erre ihwo hunia ifau Israele.
\p
\v 34 Ati ojori Farisei, Ifuha inyi ajohin addi ta afure hobu johin.
\p
\v 35 Adahatyo nya Yesu imisihi daŋ ittiyeniere ihasik imojiti hosi iramyere laati asayyo lobye Hollum. Attati inyi itaŋida aŋwak daŋ t’eŋwati hosi.
\v 36 Omehitta ataji honyi al igonyu inyi eluluŋ wati nyo ilafuhoi isi bwo fe ofyahaji. Arai isi ihwa akyoro hun obeŋi’to iko leyyahani.
\v 37 Tania ojo inyi jyo leyiyanak honyi ojo, Obolo adyoŋo ati omutari legyamak.
\v 38 Hamojoti jyo Hobu olo adyoŋo jo oŋida inyi ifahu legyamak imana honyi.
\c 10
\cl Angati 10
\p
\v 1 Iloŋu Yesu leyiyanak honyi ’tomon harrihai jihonyi ette isyarana jihosi adwaran ifuhari ajohin hun orrohoji’to addi jyo laati. Isyo inyi bwo fe adwaran itaŋidaryere eŋwati wati iko arrohojarita hosi daŋ.
\v 2 Afureta lefahatg hulo ’tomon harrihai isi huna: ahosyere Simone al anya’to Petro, iko Andrea illanyi; Yakobo iko illanyi Yoane, isi bu lonyirok Sebedeyo;
\v 3 Filipo, Bartolomeo, Tomaso, Matteyo lamojoni musuru, Yakobo lonyi Alufayo, Tadeyo,
\v 4 Simone Seloth iko Yuda Iskariote, letinyyaŋani Yesu.
\p
\v 5 Ifak Yesu hulo ’tomon harrihai ette iramana isi ojo, Hefwatta imisihi paganohyen bwo fe hejiŋana imisihi huno laati Samaria.
\v 6 Ati ifwatta jyo laati Israele hul arai’to ihwa akyoro hun olitohini’to.
\v 7 Ifwatta, ittittoyete jo, Ilyaha olobye ono Hollum.
\v 8 Itaŋidarata aŋwak, itubuhuna layak, itaŋidarata laati ’tallulu, ifuhara ajohin hun orrohoji’to addi. Ihwa ifwotuna tai adwaran on obyaŋara te edumit oŋida isyatta jyo laati asai.
\v 9 Hettunana arobia, kuyya akamisa, hara dwo bu attarifa ikisi hatai.
\v 10 Heyatti akis hifwa te ewatara hatai ara dwo bu agamisi arrihai, kuyya amuha, kuyya bu elluhi, nyo oremik legyamani ifwotuna aŋiyo honyi.
\v 11 Al ijiŋana tai obo amiji, ottifyeuna atulo ol oyyu teyya. Itoŋoti ikonyi many ifwatti tai.
\v 12 Al ijiŋana tai obo aji, ifonyata laati.
\v 13 Kuyya oyiji laati hutto haji ania ijara nelik taji hatawana dia, ati al obeŋi isi oyiji ijara nelik taji harasa jihatai.
\v 14 Kuyya ihari omuk laati itai ara dwo bu ihari isi itaniŋuna ekyanita hatai, al ibusana tai aji ania kuyya amiji ania, iddiddyaŋara attuduha to hejek hatai.
\v 15 Ahode ekyana ni jihatai jo, iholoŋ ono aŋoco obolo adi abahyo jyo amiji ania agalik ninya to fau Sodoma iko Gomora.
\p
\v 16 Ihwania efak ni itai ihwa nakyoro ihiji lemyo. Itoŋoti iko olofyoro ihwa etojo bwo fe iko anyalami ihwa ahucari.
\v 17 Ihumata ’rirrya nyo iyarai adi laati itai jyo ewwak hirre bwo fe abahye adi isi itai ihasik imojiti hosi.
\v 18 Iyarai adi isi itai ihosyere mandiri iko hobwok te eram hoŋ. Iramana adi itai eram hoŋ jihosi iko jyo paganohyen.
\v 19 Al iyarai isi itai helafuhoti jo, efwo adi hohoi jaran aŋai? Nyo isyo adi Hollum nekyanita jihatai ta asaa ania.
\v 20 Obyaŋara itai hul ikyanati’to ati ara Oloyiri olo Monyatai al ikyana’to itwajin hatai.
\v 21 Isyo adi obo atulo illanyi iyeri, bwo fe isyo monye eito honyi iyeri.
\v 22 Odyotoi adi bwo fe aduri isyoryere esyok hosi ittohyere. Oliwarik adi itai laati daŋ ta afure hoŋ, ati lya al odihu’to many isidi, italahu adi Hollum inyi.
\v 23 Al ittigemye isi itai jyo amiji ana ofuhoti jyo obo, nyo eramak ni itai ahode jo ibyaŋata tai iremehina ’diddaha imisihi daŋ hutto Israele many ocohuniere Lonyi tulo.
\p
\v 24 Obeŋ obo leyiyanani agalik ettiyanani honyi, bwo fe obo apit obeŋ agalik eleittok honyi.
\v 25 Oremik leyiyanani itoŋo ihwa ettiyanani honyi bwo fe apit itoŋo ihwa eleittok honyi. Al iloŋoi isi monye haji Belsebulii iloŋoi adi isi bwo fe aati hutta haŋ ihwo nya.
\p
\v 26 Tania hebaŋata laati. Erre daŋ hun imuhoni igonyuni adi laati ihalu, bwo fe erre hun idimani oleye adi.
\v 27 Erre hun ekyana ni jihatai idumele, ikyanati lifaŋan; bwo fe erre hun itaniŋuna tai ta ayyaha hatai, iramana ihosyere wati.
\v 28 Hebaŋata attok hwattek nyo ittallihi isi ’tohoro oloyiri. Ati abaŋata Hollum ol oremik’to ibironia ahwan iko oloyiri ihima on osyo fur.
\v 29 Ilahi laati itinyyaŋai aheny arrihai ta attarifa? Ati obeŋ obo ahenyi oremik kwaharo ifau ol obeŋ Monyatai omijak.
\v 30 Itai bwo fe, ara dwo bu ofir hutto hosi hatai ihen Hollum daŋ.
\v 31 Tania hebaŋata nyo igigilo Hollum tetai agalik aheny.
\v 32 Aati daŋ hul iruhi’to ani ihosyere wati, eruk adi bwo fe ni isi ihosyere Monyoŋ ette dou.
\v 33 Ati laati daŋ hul ihari’to ani ihosyere wati, eha adi bwo fe ni isi ihosyere Monyoŋ ette dou.
\p
\v 34 Hegigiloti jo attu ni iyaŋuniere nelik tajya ifau. Abeŋ ni eyaŋuno nelik tajya ati eyaŋuno ni arrem.
\v 35 Attu ni italiwahiniere atulo iko monye, bwo ŋarri iko honye, bwo hamoni iko hamoni.
\v 36 Bwo oliwarik adi aati hutta haŋ monye haji.
\v 37 Lya ol omuno’to monyonyi kuyya honyonyi agalik ani, obeŋ bwo fe osiru jihonyi irari ahito hoŋ, bwo fe lya ol omuno’to lonyi honyi kuyya ŋarri honyi agalik ani, obeŋ bwo fe osiru jihonyi irari ahito hoŋ.
\v 38 Lya ol obeŋ’to olororo akruce honyi ette jifaro ani obeŋ osiru jihonyi irari ahito hoŋ.
\v 39 Lya al onyurak’to nesu honyi italitohi adi inyi, bwo fe lya al isyo’to nesu honyi ta afure hoŋ onyurak adi.
\p
\v 40 Lya al ifwotu’to itai ifwotu ani, bwo fe lya al ifwotu’to ani ifwotu inyi lya al ifahu’to ani.
\v 41 Lya al ifwotu’to leyani sayyo nyo ara inyi leyani sayyo, onyurak adi inyi edumit ono leyani sayyo. Bwo fe lya al ifwotu’to atulo ol oyyu’to nyo oyyu inyi, onyurak adi lya edumit ono ayijon.
\v 42 Ahode eramak ni itai jo, lya al isyo’to akos hari hun ilihi’to jyo obo eito nyo ara inyi eyiyanani hoŋ, obeŋ adi edumit honyi olitohi.
\c 11
\cl Angati 11
\p
\v 1 Ninya latuhok Yesu ekyanita huna jyo leyiyanak honyi ’tomon harrihai, ette inyi leten teyya addi ittiyeniere bwo fe ittittoyere imisihi omuk.
\p
\v 2 Al itaniŋu Yoane to babus ehanita huno Kristo, ifak inyi lefahat honyi,
\v 3 ifiyere inyi jo, Iye alya linya ojori eyak sayyo jo ottu adi, kuyya oŋida hohoi etila obo?”
\p
\v 4 Bwo Yesu ette itarraŋ jihosi ojo, Ifwatta iramana Yoane erre hun itaniŋuna tai bwo fe hun igonyuna tai.
\v 5 Amijye aŋodok, adahai aŋurak, aŋidari aati ’tallulu, itaniŋye atuhok, ibuhuni ayak bwo fe ittiyenie asayyo hun oyiji jyo alocaŋak.
\v 6 Omuno adi lya ol obeŋ’to iha eram hoŋ.”
\p
\v 7 Ninya lacaharai hulya attati Yesu jaran jyo eluluŋ wati ta eram Yoane jo, Ifwatta nya itai imur imijyere anyo? Igonyuna nya itai osiholoti on ohuta oyyami? Obeŋ.
\v 8 Ati ifwatta nya itai imijyere anyo? Kuyya igonyuna tai atulo al iyyafatyo’to aboŋojin hun ilamani? Amanyai hul iyyafani’to aboŋojin hun ilamani ihasik hobwok.
\v 9 Ati ifwatta nya itai imijyere anyo Kuyya eyani sayyo? Afe, ati eramak ni itai jo agalik Yoane eyani sayyo.
\v 10 Nyo igyoroni ekyanita huna tenyi jo, “Imijye efak ni eyani sayyo hoŋ ahosyere hoi, Al ihuhumak’to nekoi ahosyere hoi.”
\p
\v 11 Ahode eramak ni itai jo, ihiji wati daŋ hul isiuni hobeŋ obo odyoto al agalik’to Yoane Batista. Ati lya ol omutarik’to ilobye ono Hollum agalik adi inyi Yoane.
\v 12 To oŋitek huno Yoane Batista many iko ihwania ottifyai afiriwajak ijiŋaniere ilobye Hollum ta agolon, iko inefuniere inyi.
\v 13 Iramye nya efahita bwo ikilutai nya eyak sayyo daŋ eram ana many afanyari Yoane.
\v 14 Inyi alya Elija luŋa linya ojori ottu adi. Iruhoto tai eram ana?
\v 15 Lya ol owon’to iko ayyaha ijara inyi hetaniŋu.
\p
\v 16 Etarrijohi adi ni laati hulo iko anyo? Arai isi ihwa aduri hul itoŋoi isuk bwo illilloŋoi illarak hosi ojori,
\v 17 Ehut hohoi acuwali jihatai bwo itai ibyaŋata ihyati. Eyyo hohoi atwari bwo itai ibyaŋata iburyete.
\v 18 Ottu nya Yoane ol obeŋ oŋiyo bwo obeŋ amata iko aati ati ojori aati orrohoja inyi.
\v 19 Ottu Lonyi tulo ol oŋiyo bwo fe amata bwo ojori isi, Imijyete alaŋaru iko arumani alya bwo fe ara inyi amotte hamojok musuru iko leyyak. Itahutani ehanita Hollum jo obisi ofyoro honyi.
\p
\v 20 Tania isiŋyo Yesu aati hutto misihi hunya igonyuni’to ehanita honyi hun obolori’to nyo obeŋi laati teyya iloiti atajya hosi.
\v 21 Ojo inyi, Orroho adi bebe jyo amiji Korasin, ati bwo fe orroho adi bebe jyo amiji Beteseda, nyo hara nya ihanie edwariti imisihi Turo iko Sidon ihwa hunya ihanie jihatai, nya mana iloiti isi atajya hosi beryen te ejiriŋa on obolo.
\v 22 Ati eramak ni itai jo oyyu adi jyo Turo iko Sidon agalik itai iholoŋ ono aŋoco.
\v 23 Bwo iye amiji Kapernaum, itadara iye bebe ati ibironi adi iye many Hadese. Nyo kuyya ihanie nya ehanita imiji Sodoma ihwa hunya ihanie jihatai arasa dwo inyi many iko ahana.
\v 24 Ati eramak ni itai jo oyyu adi jyo afau Sodoma agalik itai iholoŋ ono aŋoco.
\p
\v 25 Ta asaa ana omojo Yesu jo, Ajo ni jihoi humo Monye Hobu olo edou iko afau, nyo idimak iye erre huna jyo alofyorojok iko agenyak ette iye itahutana isi jyo odolyo.
\v 26 Afe, Monye, oyiji erre huna ihoŋite hoi.
\p
\v 27 Isyo Monyoŋ erre daŋ jihoŋ bwo fe obeŋ obo atulo omijak Monye arari Lonyi iko hya hul itahutak Lonyi.
\v 28 Ifwanna jihoŋ itai daŋ hul omiratyo egyama bwo fe iyuhotyete, bwo esyo adi ni jihatai nayiri.
\v 29 Ifwotuna eyeni hoŋ itajya hatai bwo ittiyenuna eram hoŋ nyo anyalam ni bwo fe obi ataji hoŋ ittata adi itai nyurana nayiri jyo oloyirihyen hatai.
\v 30 Nyo oyyu eyeni hoŋ bwo fe eram hoŋ ilyaha.
\c 12
\cl Angati 12
\p
\v 1 To oloŋ sabatok ania adaha Yesu ta atwa matta hima. Oniamai leyiyanak honyi ette isi giluna omuk ema ette ryaja.
\v 2 Igonyuni Farisei isi ette jaran jyo Yesu, Imijye, ihanie leyiyanak hoi ariŋ on odwa’to lihaniere to oloŋ sabato.”
\p
\v 3 Bwo Yesu ette itarraŋ jihosi ojo, Ibyaŋata tai ihenuna erre hunya ihanio Davide iko laati honyi laniamai isi?
\v 4 Ojiŋak nya inyi ihaji ono Hollum ette ŋiyo bwo fe isyo inyi omuk jyo hul owoni’to ikonyi. Isi emunio hun odwari’to hun obeŋ tulo oŋiyo arari lehumak hama.
\v 5 Ihwa igyoroni ifahita jo to oloŋ sabato itapwahi ehumak efahita huno sabato al igyamai isi ihaji imojit eneittok ati obeŋi isi ipali.
\v 6 Eramak ni itai jo, owon obo dini al agalik aji imojit eneittok.
\v 7 Itimoti tai awoyo hiram ono nekyana on ojo’to, “Attifya ni laati hul omehinie tajya obyaŋara hul isyori ehumita.” Kuyya imijana tai eram ana ibyaŋata tai iŋototo hul obeŋi ihanie on orroho.
\v 8 Nyo ara Lonyi tulo Hobu olo sabato.
\p
\v 9 Idyaharo inyi amaji nya ette jiŋana ihaji imojit hosi.
\v 10 Owon dia obo atulo ol oye hani honyi. Awahi laati teyya rasana Yesu ette isi ifiyo inyi ojori, Oyyu al itaŋidari atulo to oloŋ sabato?
\p
\v 11 Attati inyi ifiyo isi, Owon adi obo atulo t’ehiji hatai ol obeŋ adi akafu aker honyi t’ewure addi kuyya okwaharo inyi dia to oloŋ sabato?
\v 12 Oyyu atulo bebe agalik aker. Oyyu ehanio jyo laati on oyyu to oloŋ sabato.
\v 13 Ette inyi jaran jyo atulo alya, Onitok aani hoi. Ette inyi nitonia ette aani honyi ŋidari ihwa aani ebotye.
\v 14 Teyya ofwoi Farisei alet iwwahari jo aŋai adi ettoho Yesu.
\p
\v 15 Omijak Yesu erre huna ette inyi busaro amaji nya. Ati ijifarai laati arryai inyi ette inyi itaŋida isi daŋ.
\v 16 Ifak inyi isi jo, oŋida isi obeŋi iramani eram honyi jyo laati.
\v 17 Oŋida itasiruni ekyanita Hollum hunya ikyana eyani sayyo Isaya ojo,
\q
\v 18 “Imijyete apit hoŋ al anyimu ni, Inyi alya ol omuno ataji hoŋ bebe. Esyarak adi ni Oloyiri hoŋ jihonyi Bwo fe ittittoyo adi inyi nekyana ono aŋoco jyo paganohyen.
\q
\v 19 Obeŋ adi inyi aŋalafatye iko aati bwo fe obeŋ ohosohita. Obeŋ adi obo itaniŋu etuk honyi te ekoi.
\q
\v 20 Obeŋ adi inyi owur osiholoti on oboina’to, Bwo fe obeŋ adi inyi itaduny allomo on ofurui’to Many agalihiniere inyi ta aŋoco on obis’to.
\q
\v 21 Bwo attadi paganohyen iyihina ta afure honyi.”
\p
\v 22 Iyaŋunie isi jihonyi atulo ol owon iko ajok an itaŋodo inyi bwo obeŋ inyi oremik ikyana. Attati Yesu itaŋida atulo alya ette inyi ikyana bwo fe omijo.
\v 23 Illillihai eluluŋ wati daŋ ette jaran, Atulo alya, inyi ahode lonyi Davide?
\p
\v 24 Itaniŋuni Farisei ette jaran, Ifuha atulo olo ajohin ta afure Belsebuli hobu olo ajohin.
\p
\v 25 Omijak inyi egigilita hosi, ette jaran jihosi, Al orryomonie laati hutto lobye ta ahwattek hosi itatturi adi olobye ania, bwo fe al aŋalafai aati hutta haŋ kuyya bu hutto miji ta ahwattek hosi, obeŋi adi isi itoŋoi arabotye.
\v 26 Al ifuha Sitan egyamak honyi orryomoro inyi hama, tania, aŋai adi oremik olobye honyi itoŋo?
\v 27 Kuyya efuha ni ajohin addi ta afure Belsebuli, ta anani fure ifuhattai lejifak hatai isi? Tania arai isi ahaŋotok hatai.
\v 28 Ati kuyya efuha ni ajohin addi to Oloyiri olo Hollum ottu olobye Hollum jihatai ahode.
\p
\v 29 Obeŋ adi obo atulo oremik jiŋana ihaji lottir liyari asaŋ honyi hobeŋ inyi ifitak olottir alya ahosyere. Nyati inyi ihalu otuhoro erre ta haji honyi.
\p
\v 30 Lya el ebeŋ’to egyama ikoŋ ara inyi amyotononi hoŋ, bwo itasarrayo lya al ebeŋ’to esuduha ikoŋ.
\p
\v 31 Tania ajo ni jihatai jo, obusak adi Hollum eyyata daŋ huno laati iko nemoriti hosi, ati lya ol omoryo’to Oloyiri ol Olibo obeŋ adi Hollum obusak inyi.
\v 32 Lya al ikyana’to on orroho jyo Lonyi tulo obusak adi Hollum inyi, ati lya al ikyana’to on orroho jyo Oloyiri ol Olibo obeŋ adi onyurak abusana, ara dwo bu ta afau ana kuyya bu ta afau on ottu’to.
\p
\v 33 Oŋerik ayyani on oyyu’to aŋer hun oyiji, bwo fe ayyani on orroho’to oŋerik aŋer hun orrohoji. Tania omijani laati ayyani ta aŋer honyi.
\v 34 Irata tai ihwa amunok, ittallihoto tai ikyana on oyyu nyo orrohoji atajya hatai. Nyo ikyana etuk erre hun ofwonni’to to taji.
\v 35 Ojiŋuni erre hun oyiji’to to taji tulo ol oyyu’to, bwo fe ojiŋuni erre hun orrohoji’to to taji tulo ol orroho’to.
\v 36 Eramak ni itai jo iholoŋ ono aŋoco, oŋot adi Hollum laati te ekyanita daŋ hunya ikyanarai isi asai.
\v 37 Nyo te ekyanita hun ikyanati tai inyurana adi itai abusana, bwo fe ta omuk ekyanita asai hun ikyanati tai inyurana adi itai aŋoco.
\p
\v 38 Ojori omuk Farisei iko egyorok jihonyi ojo, Hettiyanani ewak hohoi igonyuna obo etamijani jihoi.
\p
\v 39 Itarraŋ inyi jihosi ojo, Orroho nelahaji ana bwo omesye isi Hollum. Ottifyai isi etamijani, ati obeŋi adi itahutani jihosi obo etamijani arari ono leyani sayyo Yona.
\v 40 Nyo ihwa ninya awanari Yona oŋitek hunihoi iko arwejin hunihoi ihohe hami, owon adi bwo fe Lonyi tulo oŋitek hunihoi iko arwejin hunihoi itwa ilume.
\v 41 Odyotoi adi laati hutto miji Ninifa iŋocere nelahaji ana nyo iloiti aati Ninifa atajya hosi ninya ittittoyere Yona jihosi. Ati imijyete owon dini obo al agalik’to Yona.
\v 42 Odyoto adi nobu otto ŋati ihorroŋ iŋocere nelahaji ana nyo ottu nya inyi to fau an alama’to itayiruniere olofyoro huno Solomone. Ati imijyete, owon dini obo al agalik’to Solomone.
\p
\v 43 Al obusak ajok on orroho’to atulo adaha inyi ihotohoto ittifyari amaji yiri, ati obeŋ inyi onyurak obo.
\v 44 Tania ojo inyi jo, Acaharo adi ni jyo atulo odwo edyehuno ni. Al afany inyi dia onyurak inyi ataji tulo ahania, an alibo bebe bwo ilaman.
\v 45 Tania olo inyi rumana omuk ajohin hattarik hun orrohoji’to agalihini inyi, ette isi jiŋana itwa tulo lya ette manya dia. Tania orroho ihwania jyo atulo alya agalik ninya hosyere. Ihwa ania ottu adi arrohoji jyo laati hul orrohoji’to hulo nelahaji ana.
\p
\v 46 Al ikyana inyi jyo eluluŋ wati, owotya honyonyi iko illarak honyi ilet nyo awahi isi ikyana ikonyi.
\v 47 Iramak obo atulo inyi ojo, Imijye honyohoi iko illarak hoi owotyai ilet, awahi isi ikyana jihoi.
\p
\v 48 Ati ojo inyi jyo alya al iramak’to inyi jo, Ŋai iyaŋ? Haŋai illarak hoŋ?
\v 49 Ette inyi ihalamana aani honyi jyo leyiyanak honyi ette jaran, iyaŋ iko illarak hoŋ hulo.
\v 50 Lya al ihanio’to awahan Monyoŋ ette dou inyi illaŋ iko hanioŋ ojo iyaŋ.
\c 13
\cl Angati 13
\p
\v 1 To oloŋ ania ojiŋu nya Yesu to haji ette itoŋo ilotifor hari.
\v 2 Ofwonni eluluŋi wati arryai jihonyi tania ojiŋak inyi itogol ette itoŋo bwo fe eluluŋ wati daŋ itoŋoi ilotifor hari.
\v 3 Ittiyenio inyi isi erre arryai ta narryamarita ette jaran, Olo obo atulo yehina enyomo honyi.
\v 4 Ninya layehi inyi ette omuk enyomo fodoŋoro ikoi bwo aheny ette fwanna ikubuna isi.
\v 5 Bwo fe omuk ette fodoŋoro ihiji morwoi, tania obeŋi isi onyurani aboro hun olwaji, ette isi isuruna kokwak nyo obeŋ amaji hosi ojon.
\v 6 Al onok oloŋ ette itayoho afarawa hosi nyo obeŋi nadde jihosi.
\v 7 Ati ofodoŋonie nya omuk bwo fe ihiji hikwa ette isuruna arabotye iko nekwa ette nekwa itabunara isi.
\v 8 Hun okwahinie’to jyo aboro hun oyiji’to isuruni bwo ihalu ette fwanna ŋerihina ema esiha abotye, bwo obo atomwana ille, bwo fe obo atomwana hunihoi.
\v 9 Lya ol owon’to iko ayyaha ijara inyi hetaniŋu.
\p
\v 10 Ofwonni leyiyanak jihonyi ette ifiyo, Nyo ikyana iye jihosi ta narryamara?
\p
\v 11 Itarraŋ inyi jihosi, Italeyehi Hollum jihatai nelahode ninya idimani ono olobye honyi, ati obeŋi italeyehi jihosi erre hwa.
\v 12 Nyo ofonihini adi erre jyo lya ol owon’to iko erre, tania owoni adi hun olwaji jihonyi. Ati jyo lya ol obeŋ iko erre iyarai adi erre honyi addi.
\v 13 Ekyana ni jihosi ta narryamara nyo igonyuni isi ati obeŋi isi igonyuni ahode. Itayirye isi ati obeŋi isi itaniŋuni bwo fe obeŋi omijani ahode.
\v 14 Itasiruni ekyana Isaya jihosi an ojo, “Itayiryete adi itai ahode ati ibyaŋata adi itai itaniŋuna. Imijyete adi itai ahode ati ibyaŋata adi itai igonyuna.
\p
\v 15 Ottuhoi ayyaha huno aati hulya ngadi isi itayirye. Imuti isi oŋite hosi Ŋadi isi igonyuni. Itadwari isi atajya hosi Ŋadi isi itaniŋuni. Tania obeŋi isi iloiti atajya hosi Bwo fe abeŋ ni etaŋida isi.”
\p
\v 16 Hotomunohi oŋite hatai nyo igonyuni isi bwo fe hotomunohi ayyaha hatai nyo itaniŋuni isi.
\v 17 Ahode eramak ni itai jo, awahi nya eyak sayyo arryai iko ayijok igonyuniere erre hun igonyuna tai ati obeŋi isi igonyuni. Bwo fe awahi nya isi itaniŋuniere erre hun itaniŋuna tai ati obeŋi nya isi itaniŋuni.
\p
\v 18 Hulo, itaniŋuna arryamara ono layani hinyomo.
\v 19 Al itayiryo obo atulo nekyana ono Hollum ati obeŋ itaniŋu, ottu adi olorroho ette kwararu ekyana addi to taji honyi. Ara ana ihwa enyomo hun ofodoŋoroi iger ikoi.
\v 20 Hun ofodoŋonie imorwoi arai ihwa atulo al itayiru’to nekyana ette ifwotuna ta amuno.
\v 21 Ati obeŋi nadde honyi. Iruk inyi do ati al ofwonni ettigemita kuyya netahawwata ta neram Hollum ette inyi ipal addi.
\v 22 Hun ofodoŋonie ihiji hikwa arai ihwa atulo al itayiru nekyana Hollum, ati ihawwa inyi ta nerre hutta haŋ honyi, kuyya ogori ebariti nekyana Hollum, tania ette lak ŋijuna.
\v 23 Hun okwahinie ifau on oyyu arai ihwa atulo al itayiryo nekyana bwo fe itaniŋu. Oŋiju inyi aŋer esiha abotye, bwo obo atomwana ille, bwo obo atomwana hunihoi.
\p
\v 24 Inyyak Yesu ikyana jihosi ta narryamara ojo, Ara olobye ono Hollum ihwa atulo ol oyehi enyomo hun oyiji imana honyi.
\v 25 Ati al ojotoi legyamak honyi ofwonni amyorok honyi iyehiniere alabali ihiji hima ette isi fwatan addi.
\v 26 Al isuruni ema ette bolori oleyo bwo fe alabali.
\v 27 Ofwonni apiti jyo eleittok ette ifiyo, Leittok, ibeŋ nya iye iyehi enyomo hun oyiji imana hoi? Ofwonni alabali huna tai?
\p
\v 28 Ojo inyi jihosi, Amyotononi oyehi huna. Ette apiti itarraŋ jihonyi, Iwak iye hohoi erutu isi?
\p
\v 29 Ojo inyi jihosi, Obeŋ, nyo ŋadi itai irutuna iko ema al ijatta tai erutu alabali.
\v 30 Obusana daŋ obobolororoi arabotye many iholoŋ dyoŋo, bwo ajo adi ni jyo adyoŋok jo, Ahosyere, orutuna alabali, ittittirata isi ittata swahina ihima, ati ottubana ema imugu hoŋ.
\p
\v 31 Inyyak Yesu ikyana jihosi ta narryamara ojo, Orrijori olobye ono Hollum iko aŋeryo bule an iyaro atulo ette dulana imana honyi.
\v 32 Omuta inyi agalik aŋer daŋ, ati al obobolororo inyi obolo inyi agalik ayyani daŋ, bwo owon inyi iko atanata arryai hun oremehini aheny duhori asik hosi.
\p
\v 33 Ikyana inyi narryamara obo jihosi on ojo, Orrijori olobye ono Hollum iko abula hun iduhu aŋotte ette iharrwahina iko efwa many ayafutarik daŋ.
\p
\v 34 Ikyana Yesu erre huna daŋ jyo eluluŋ wati ta narryamara. Obeŋ bu inyi ittiyenio omuk erre jihosi arari ta narryamara.
\v 35 Nyo oŋida itasiruni ekyana ono eyani sayyo Isaya al ojo inyi, “Ettiyenio ni ta narryamara. Ekyana adi ni on okwat erre hunya idimani many t’etteri fau.”
\p
\v 36 Tania obusak inyi eluluŋ wati ette jiŋana ihaji. Ati ofwonni leyiyanak honyi jihonyi ette jaran, Itahutak jihohoi awoyo ono alabali hun isuri’to imana.
\p
\v 37 Itarraŋ inyi jihosi jo, Lya ol oyehi’to enyomo hun oyiji’to inyi Lonyi tulo.
\v 38 Ara amana ihwa afau. Arai enyomo hun oyiji ihwa lonyirok hulo olobye. Arai alabali ihwa lonyirok hulo olorroho.
\v 39 Ara amyotononi ol oyehi’to alabali ihwa etisyahani. Ara adyoŋo ihwa esidi fau. Arai adyoŋok ihwa anjelohyen.
\v 40 Ihwa aharanyuni isi alabali ette swahina ihima, ihanie adi ihwo nya te esidi fau.
\v 41 Ifak adi Lonyi tulo anjelohyen honvi isuduhaniere to lobye honyi addi hya daŋ hul itipalye’to omuk iko hul ihanie’to on orroho,
\v 42 ette bironia isi ihima on onok’to. Owon adi ayyo iko aŋutta hala dia.
\v 43 Tania afaŋi adi ayijok ihwa oloŋ ilobye Monyosi.
\p
\v 44 Ara olobye ono Hollum ihwa ebariti hun idimani imana. Onyurak atulo ebariti hwa ati inyyak inyi dimana isi. Alo inyi ta amuno itinyyaŋaniere erre honyi daŋ inyyaŋari amana ania.
\p
\v 45 Bwo fe ara olobye ono Hollum ihwa apoconi ol ottifya’to onoroi hun obwori’to bwo fe ogoli te enyyaŋa.
\v 46 Onyurak inyi onoro abotye on ogol bebe te enyyaŋa ette inyi leten itinyyaŋaniere erre honyi daŋ ette inyyaŋa onoro ania.
\p
\v 47 Bwo fe ara olobye ono Hollum ihwa aboy an ibironi ayafohok ihari ette yafohuno aham ta awoi hosi daŋ.
\v 48 Al ifut aboi ipihuni isi inyi addi many ilotifor hari ette isi itoŋo ihuroniere aham hun oyiji’to isahani hosi, ati ibirori isi hun orrohoji’to addi.
\v 49 Ara adi ihwo nya te esidi fau. Ofwonni adi anjelohyen igigyalari laati hul orrohoji’to addi jyo hul oyiji’to,
\v 50 ette bironia isi ihima on onok’to. Owon adi ayyo iko aŋutta hala dia.
\p
\v 51 Itaniŋuna tai erre huna daŋ? Ojori isi jihonyi, Afe, etaniŋu hohoi.
\p
\v 52 Ojo inyi jihosi, Tania arai legyorok daŋ hul ittiyenie’to eram ono olobye Hollum ihwa monye haji al iduhu’to erre aŋejuho iko erre amarwahi addi to mugu honyi.
\p
\v 53 Latuhok Yesu narryamarita hunia idyaharu inyi amaji ania.
\v 54 Afany inyi ifau hosi ette ittiyenio ihaji imojit hosi bwo fe laati ette illilliha ette jaran, Orumak inyi olofyoro huna aja iko egyamita hun obolori’to huna?
\v 55 Ilak ara inyi adi olo lonyi hehuhumani bau? Ilak ara so honyonyi Maria? Obeŋi so ho Yakobo, Yosefo, Simone iko Yuda illarak honyi?
\v 56 Amanyai bwo fe haniarak honyi daŋ iŋati hohoi. Ati orumak atulo olo ofyoro huna daŋ aja?
\p
\v 57 Ette isi ihara inyi. Attati Yesu jaran jihosi ojo, Itahabuye laati daŋ eyani sayyo, ati obeŋi aati hutta haŋ hosi iko hutto miji hosi itahabuye inyi.
\v 58 Obeŋ inyi oremik ihanio egyamita arryai dia nyo obeŋi isi iruhi jihonyi.
\c 14
\cl Angati 14
\p
\v 1 To oŋitek hunia itaniŋu Hobu Erode eram ono Yesu,
\v 2 ette iramana legyamak honyi jo, Inyi alya Yoane Batista al ibuhu’to to ye tania oleye edwariti arryai tenyi.
\p
\v 3 Nyo inefu nya Erode Yoane ette ifitana inyi ibabus, nyo awak inyi itamuno Erodia ŋorwoi illanyi Filipo.
\v 4 Nyo ojo nya Yoane jyo Erode jo, Obeŋ oyyu jihoi imanyari iko aŋotte ania.
\v 5 Tania awak Erode ’tohoro Yoane, ati abaŋ inyi eluluŋ wati nyo ojori isi ara inyi eyani sayyo.
\p
\v 6 To oloŋ an ihanierek isi akarama igiluniere esiuna ono Erode, ohya ŋarri Erodia ihiji wati, attati Erode muno.
\v 7 Attati inyi coronia ettuŋo isyoryere jyo odwoti erre daŋ hun awak inyi.
\v 8 Ette inyi jaran ihwa itahutak dwo honyonyi jihonyi jo, Isyarak ani ahou Yoane Batista itwa sahan.
\v 9 Attati hobu jiriŋa, ati ifak inyi isyoryere jihonyi nyo acorok dwo bu inyi te ettuŋo bwo atamonok itaniŋuni.
\v 10 Teyya attati inyi ifahina obo ibabus iŋotuniere ahou Yoane.
\v 11 Attati inyi iyaŋuno ahou honyi itwa sahan attati isyo jyo odwoti bwo odwoti ette yaro jyo honyonyi.
\v 12 Teyya ofwonni leyiyanak hulo Yoane iyari ahwan honyi ette nuhana inyi. Ette isi fwatan iramana Yesu.
\v 13 Al itaniŋu Yesu erre huna idyaharu inyi amaji ania ette leten ta atogol jyo amaji on oyur’to. Itaniŋuni eluluŋi wati to misihi jo alo Yesu, ette isi ijifaru inyi te ejek hosi.
\v 14 Al isuru inyi ilotifor hari igonyu inyi eluluŋ wati arryai, attati ataji honyi mehino jihosi ette inyi itaŋida aŋwak hosi.
\p
\v 15 Ojo nya otoryai ofwonni leyiyanak honyi jihonyi ette jaran, Amur ana bwo fe ilyaha noloŋ eddorro. Ifak eluluŋ wati imisihi inyyaŋari aŋiyo.
\p
\v 16 Itarraŋ Yesu jihosi jo, Hefuhara isi addi, isyatta jihosi aŋiyo.
\p
\v 17 Ati ojori leyiyanak jihonyi, Ewon hohoi iko emunio miet hama iko aham arrihai.
\p
\v 18 Ette inyi jaran, iyaŋuniete emunio hunia jihoŋ.
\v 19 Attati inyi iramana laati hetetoŋohi ifau. Attati inyi duhuna emunio miet bwo aham arrihai ette bonno ahide ette jaran humo jyo Hollum, attati bibeny emunio ette isyarana jyo leyiyanak bwo leyiyanak isyarani jyo eluluŋ wati.
\v 20 Oŋiye isi daŋ ette ifoŋ. Attati isi iddudduhuna ofitot imunio hun oremehini ta afejin ’tomon harrihai hun ifuti.
\v 21 Oŋiye isi daŋ. Arai alyawa hama esiha atomwana miet bwo fe owoni aŋorwo iko aduri.
\p
\v 22 Teyya teyya ifak inyi leyiyanak honyi hatadahiniehe itogol hatallaŋahi aari ahosyere honyi, attati inyi ifahina eluluŋ wati hototturorohi.
\v 23 Ihalu efahina honyi isi addi olo inyi idoŋe hama imojori. Nya attari owon inyi dia hama.
\v 24 Ette atogol wanan ihiji hari an ifolyahita folyak folyak. Ittigemyo inyi atogol nyo ohuco oyyami bebe.
\v 25 Ninya ilyaha ataŋatyo motye ette Yesu leten jihosi al adaha ta ahide hari.
\v 26 Ati al igonyuni leyiyanak inyi adaha ihide hari, abaŋi isi ette ilulwo, ululululu, aŋarri jok ania.
\v 27 Ati ojo inyi jihosi ojo, Itagoloto atajya hatai. Ani alya, hebaŋata.
\p
\v 28 Ojo Petro jihonyi, Hobu, al ara iye alya ahode, ikejara ani attu jihoi ihide hari.
\p
\v 29 Attati Yesu jaran, Waŋ. Attati Petro ’luuna to togol ette daharo ta ahide hari ajyo Yesu.
\v 30 Ati ninya igonyu inyi oyyami ette itteryo abaŋi ette dyodyoro ihari, attati lwaha ojo, Hobu etalwahu ani.
\p
\v 31 Teyya kokwak ihalamak Yesu aani honyi ette inefuna inyi nefuna ette jaran, Nyo ikuyya iye? Omuta neruk hoi.
\v 32 Al ojiŋani isi itogol ette oyyami dwa.
\p
\v 33 Bwo fe origoŋi hya huttotwa togol ette jaran, Ahode, iye Lonyi Hollum.
\p
\v 34 Ninya allaŋi isi aŋati hari tole afany isi ifau Jenesaret.
\v 35 Ette laati hutto maji ania mijana Yesu ette isi ifahina nekyana imisihi daŋ heteyaŋuniehe aŋwak daŋ jihonyi.
\p
\v 36 Omojoi isi inyi hataŋatak aŋwak ittiryere eger boŋo honyi bwo fe oŋidari aati daŋ hul ottiri’to aboŋo honyi.
\c 15
\cl Angati 15
\p
\v 1 Tania ofwonni Farisei iko legyorok to Yerusalem jyo Yesu ette jaran,
\v 2 Nyo omesye leyiyanak hoi nemohiti huno eleittaha? Nyo oŋiye isi hobeŋi ofiniai?
\p
\v 3 Ette inyi itarraŋ jihosi, Ara bwo itai, nyo imesyete tai efahita huno Hollum te emohiti hatai?
\v 4 Nyo ojo Hollum jo, “Itahabuyete monyatai iko honyatai,” bwo fe, “Atulo ol omoryo’to monye kuyya bu honye, ijara inyi hotoye.”
\p
\v 5 Ati ijatta tai jo, Oremik obo atulo iyimo alwahyo jyo monyonyi kuyya bu honyonyi ta ajaran honyi jojo, Agurusi hun imojoti tai jihoŋ, arai isi esyoryo jyo Hollum.
\v 6 Tania itapwahata tai nekyanita huno Hollum ta nemohiti hatai.
\v 7 Itai lenyabak, ikilu nya Isaya on oyyu tetai ojo,
\v 8 “Itahabuye laati hulo ani te etuhe hosi, Ati alamaji atajya hosi jihoŋ.
\v 9 Itahabuye isi ani asai. Ittiyenie isi emohiti wati ihwa arai isi efahita huno Hollum.”
\p
\v 10 Iloŋu Yesu eluluŋ wati jihonyi ette jaran, Itayiryete jihoŋ bwo fe itaniŋyete eram ana.
\v 11 Obeŋ obo ariŋ on ojiŋak itwa tulo te etuk honyi oremik itarroho inyi, ati erre hun ofwonni’to to hutuk tulo addi arai isi erre hun itarrohojye atulo.
\p
\v 12 Ofwonni leyiyanak honyi jihonyi ette jaran, Imijak iye jo iloŋojitai Farisei ta nekyana hoi ania?
\v 13 Itarraŋ inyi ojo, Ayyanio daŋ hun obeŋ Monyoŋ ette dou idulak orutuni adi isi addi.
\v 14 Obusana isi. Arai isi arihok hul oŋodoi’to. Al orihoro oloŋodo atulo ol oŋodo’to okwaharai adi isi daŋ iwure.
\p
\v 15 Itarraŋ Petro jihonyi ojo, Itahutak nawoyo hiram ono narryamara ana jihohoi.
\p
\v 16 Ojo inyi, Aii, itai, ibyaŋata tai itaniŋuna?
\v 17 Ibyaŋata tai imijana jo erre daŋ hun ojiŋani ihutuk afanyi many ihohe attati irrituna alet?
\v 18 Ati erre hun ojiŋuni’to to hutuk tulo ofwonnitai to taji bwo fe arai isi ahirre hun itarrohojye’to atulo.
\v 19 Nyo to taji tulo ofwonnitai egigilitia hun orrohoji’to, isi: attohyo, aroto, asomon, ahoholyo, amwaŋa, iko etisyaha.
\v 20 Erre hunia isi hun itarrohoji’to atulo. Ati al oŋiyo atulo hobeŋ inyi ofinia, obeŋ bu ania oremik itarroho inyi.
\p
\v 21 Attati Yesu busana amiji ania ette leten ifau Turo iko Sidon.
\v 22 Teyya ottu aŋotte Akenenitanani jihonyi ette iloŋo ta adyaha taji ojo, Hobu, Lonyi Davide, omehinie jihoŋ. Oŋwai ŋarri hoŋ bebe iko ajok.
\p
\v 23 Ati obeŋ Yesu itarraŋ jihonyi obo ekyana kai. Ette leyiyanak honyi fwanna ifiyere inyi ifuhari aŋotte ania addi nyo oyyo inyi bebe tehalu hosi.
\p
\v 24 Itarraŋ inyi jyo aŋotte ojo, Attu ni jyo aati Israele hama hul arai’to ihwa akyoro hun olitohini’to.
\p
\v 25 Attati aŋotte rigoŋi jihonyi ette ilolya ojo, Hobu olwaha ani.
\p
\v 26 Ette inyi itarraŋ jo, Obeŋ oyyu iduhuniere aŋirya duri ette irwoŋonia jyo aŋohe.
\p
\v 27 Attati aŋotte jaran jihonyi, Afe, Hettiyanani, ati oŋiye aŋohe ebenyiti ŋirya hul odouni’to to teremeja leittok.
\p
\v 28 Attati Yesu jaran jihonyi ojo, Hanioŋ, obolo neruk hoi bebe, ihanie adi jihoi ihwa iwak iye. Ta asaa ania ette ŋarri aŋotte ania ŋidari.
\p
\v 29 Ojyo teyya ette Yesu busana amaji nya ette leten iger hari Galilea. Ette inyi dahina idoŋe ette itoŋo dia.
\v 30 Ottu eluluŋ wati jihonyi hul iyaŋunie aŋurak, aŋodok, attuhok, iko hul oretyai’to. Itaferehini isi aŋwak ihosyere Yesu ette inyi itaŋida isi daŋ.
\v 31 Tania illillihai aati nyo igonyuni isi aati hunya obeŋi’to ikyanai likyanai, hunya orrohojari’to aŋidari, hunya aŋurai’to adahai, bwo fe hunya oŋodoi’to omijye, ette isi itahabuyo Hollum olo Israele.
\p
\v 32 Iloŋo Yesu leyiyanak honyi jihonyi ette jaran jihosi jo, Amehino ni jyo laati hulo nyo itoŋoi isi ihwania jihoŋ oŋitek hunihoi bwo fe atuho naŋiyo hosi. Abeŋ ni awak ifahina isi addi hobeŋi isi oŋiye ŋadi ahure ottoho isi te ekoi.
\p
\v 33 Ati itarraŋi leyiyanak honyi jihonyi ojo, Jyo edyofo ana erumak adi hohoi aŋiyo aja on oremik’to ta aati hul olwaji’to hulo?
\v 34 Attati Yesu ifiyo isi jo, Omukaja emunio jihatai? Bwo isi itarraŋi jo, Arai emunio hattarik bwo aham hun omutari.
\p
\v 35 Tania ette inyi iramana eluluŋ wati hetetoŋohi ifau.
\v 36 Attati inyi iduhuna emunio hattarik iko aham ette jaran humo jyo Hollum. Ibibeny inyi isi ette isyo jyo leyiyanak honyi ette leyiyanak harana jyo eluluŋ wati.
\v 37 Oŋiye isi daŋ ette ifoŋ. Attati isi iduhuna ofitot hun oremehini ta afejin hattarik hun ifuti.
\v 38 Oŋiye isi daŋ. Arai alyawa hama esiha atomwana aŋwan bwo fe owoni aŋorwo iko aduri.
\p
\v 39 Ifak inyi eluluŋ wati addi ette inyi dahina itogol lifanyari lifau Madaga.
\c 16
\cl Angati 16
\p
\v 1 Ofwonni Farisei iko Saducehyen ikemyere Yesu ette ifiyo inyi itahutaniere etamijani on ottu’to t’edou.
\p
\v 2 Itarraŋ inyi jihosi ojo, Al iddorro oloŋ ette itado edou ijatta tai jo afaŋ adi motye.
\v 3 Bwo fe ta amotye hanyik al ado edou bwo edisi owoni ijatta tai jo ottu adi ahide ahana. Imijana tai ahode awoyo hiram ono etamijanita huno edou ati ibyaŋata tai imijana etamijanita huno oŋitek huna.
\v 4 Awahi nelahaji on orroho’to etamijani, ati obeŋi adi itahutani obo jihosi arari etamijani ono Yona. Obusak inyi isi ette leten addi.
\p
\v 5 Ninya lafanyi leyiyanak honyi aŋati hari tole, ogiluni isi jo eguuno isi emunio.
\v 6 Ojo Yesu jihosi, Ihumata mijo. Heruhoto abula huno Farisei iko huno Saducehyen.
\p
\v 7 Attati isi ikikyana ta ahwattek hosi ojori, Ikyana inyi ihwania nyo obeŋ emune jihohoi.
\p
\v 8 Omijak Yesu ana ette ifiyo isi, Nyo ikikyanati tai ta abyaŋan imune? Omuta neruk hatai.
\v 9 Ibyaŋata tai itaniŋuna? Ibyaŋata tai igotyete emunio miet hun aharak ni jyo laati esiha atomwana miet? Omukaja afejin huno ebenyiti munio hun iduhuna tai?
\v 10 Bwo fe emunio hattarik jyo laati esiha atomwana aŋwan, Omukaja afejin huno ebenyiti munio hun iduhuna tai?
\v 11 Aŋai ibyaŋata tai itaniŋuna jo abeŋ ni ekyana te eram ono emune? Ihumata mijo abula huno Farisei iko Saducehyen.
\v 12 Tania itaniŋuni isi jo obeŋ inyi ittittoyo isi ta abula huno emune, ati ikyana inyi te ettiyenio ono Farisei iko Saducehyen.
\p
\v 13 Ninya afany Yesu lifau Cesarea Filipi ette inyi ifiyo leyiyanak honyi ojo, Ojori laati ŋai Lonyi tulo?
\p
\v 14 Ette isi itarraŋ, Ojori omuk ara inyi Yoane Batista; bwo omuk ojori, Elija; ojori omuk, Yeremia kuyya bu obo eyani sayyo.
\p
\v 15 Attati inyi ifiyo isi ojo, Ati ijatta tai ta ahwattek hatai ani ŋai?
\p
\v 16 Attati Simone Petro itarraŋ jihonyi ojo, Ira iye Kristo, Lonyi Hollum leswoni.
\p
\v 17 Ojo Yesu jihonyi, Simone lonyi Yona ofwonni adi emuniti arryai jihoi nyo obeŋ tulo itahutak ania jihoi, ati Monyoŋ ette dou itahutak iye.
\v 18 Bwo fe ajo ni jihoi, iye Petro bwo ihide amorwo ana aduhok adi ni eklesyal hoŋ bwo fe obeŋ adwaran ono naye agalik inyi.
\v 19 Esyo adi ni jihoi amuhottahyen huno olobye ono Hollum bwo fe erre daŋ hun ifit iye ta afau, ifitanie adi bwo fe isi lidou; erre daŋ hun ihohi iye ta afau, ohohinie adi bwo fe idou.
\v 20 Tania iramak inyi leyiyanak honyi hotobyaŋahi iramani omuk laati jo ara inyi Kristo.
\p
\v 21 Ta asaa ania itteryo Yesu itahutana leyiyanak honyi jo oŋida inyi alo Yerusalem bwo fe ittigemye adi amarwak iko ehumak eleittaha bwo egyorok inyi. Ojo inyi bwo fe jo, ottohori adi inyi ati ihalu oŋitek hunihoi ibuhu adi inyi.
\v 22 Iyaro Petro inyi addi kai ette ikyana ojo, Hobu, ijara Hollum olwak iye. Helaha erre huna ofwonni jihoi.
\p
\v 23 Oyito Yesu ette ikyana jyo Petro ojo, Ihuto tehalu hoŋ addi Sitan. Ira iye ahetipalani hoŋ nyo ibeŋ iye igigilo egigilita huno Hollum ati igigilo iye egigilita huno laati.
\p
\v 24 Ojo Yesu jyo leyiyanak honyi ojo, Al awak obo atulo ijifatyo ani ijara inyi hetehai ahwan honyi, hotolororo akruce honyi, hetejifatye ani.
\v 25 Al awak obo atulo italahuna nesu honyi italitohi adi inyi, ati lya al isyo’to nesu honyi te eram hoŋ orumak adi inyi.
\v 26 Anyo adi ayiji honyi al opocou atulo erre daŋ hutta fau bwo nesu on osyo fur olitohi? Ta anyo itinyyaŋak obo atulo nesu honyi?
\v 27 Nyo ottu adi Lonyi tulo iko anjelohyen honyi ta akwatan ono Monyonyi. Ta asaa ania oduma adi inyi laati daŋ te ehanita hosi.
\v 28 Ahode eramak ni itai jo, itoŋoi omuk dini hul obeŋi adi igonyuni naye many igonyunierek isi Lonyi tulo ol ottu a Hobu hosi.
\c 17
\cl Angati 17
\p
\v 1 Ihalu oŋitek ille iyaro Yesu Petro, Yakobo, iko Yoane illanyi ihide doŋe.
\v 2 Attati inyi lufaji to homomite hosi ette omom honyi pyapyahi ihwa oloŋ bwo fe ette aboŋojin honyi bwaran ihwa ayafa.
\v 3 Igonyuni isi bwo fe Mose iko Elija hul ikyanai ikonyi.
\v 4 Ojo Petro jyo Yesu ojo, Hobu oyyu jihohoi iwanari dini. Kuyya iwak iye aduhu adi ni akukuhyen hunihoi; obo jihoi, obo jyo Mose, bwo obo jyo Elija.
\p
\v 5 Ninya hekyana inyi ottu nedis an afaŋ’to ette tihonia isi. Bwo fe nekyana ette ’tuna totwa idis on ojo, “Lonyi hoŋ olo al amuno ni bebe. Itayiryete jihonyi.”
\v 6 Itaniŋye leyiyanak nekyana ana ette isi ruboho ifau ta abaŋi.
\p
\v 7 Ottu Yesu ette ’tir isi ette jaran, Odyototi, hebaŋata.
\v 8 Attati isi fyalatyo ati obeŋi isi igonyuni obo atulo arari Yesu hama.
\p
\v 9 Ninya isuruni isi to doŋe iramak Yesu isi ojo, Heramana obo atulo erre hodwo igonyuna tai many ibuhuniere Lonyi tulo to ye.
\p
\v 10 Ette leyiyanak honyi ifiyo inyi ojori, Aŋai ojori legyorok jo ottu adi Elija ahosyere?
\p
\v 11 Itarraŋ inyi jihosi ojo, Ottu adi Elija ahode ihuhumaniere erre daŋ.
\v 12 Ati eramak ni itai jo, Ottu nya Elija, ati obeŋi laati omijani bwo ihanie nya isi jihonyi ihwa awahi isi. Tania onyurak adi bwo fe Lonyi tulo adyaha ihas hosi.
\v 13 Ette leyiyanak honyi itaniŋuna jo ikyana inyi te eram Yoane Batista.
\p
\v 14 Al afanyi isi jyo eluluŋ wati, ottu obo atulo jyo Yesu ette rigoŋi jihonyi ojo,
\v 15 Hobu, omehinie jyo lonyi hoŋ, nyo inef ajok inyi ette ihanana ahwe. Enyyahita arryai okwahatyo inyi ihima bwo fe ihari.
\v 16 Eyaŋuno ni inyi jyo leyiyanak hoi ati obeŋi isi oremehini itaŋida inyi.
\p
\v 17 Attati Yesu jaran jihosi ojo, Aii, itai aati hul obeŋi iko neruk bwo fe hul odwari tajya. Many baya adi etoŋo ni ikatai? Many baya adi adik ni itai? Iyaŋunie inyi jihoŋ.
\v 18 Ifuha Yesu ajok ta agolon ette inyi busana eito. Ta asaa ania ette eito ŋidari.
\p
\v 19 Ofwonni leyiyanak jyo Yesu al owon inyi hama ette ifiyo ojori, Nyo ebeŋ hohoi eremik ifuhara inyi addi?
\p
\v 20 Ette inyi itarraŋ jihosi ojo, Ittallihoto tai ifuhara inyi nyo omuta neruk hatai. Eramak ni itai ahode ahode jo, al owon neruk hatai ihwa aŋeryo bule iremehina adi itai jaran jyo adoŋe ana jo, Ihuto dia, bwo inyi ette hut. Obeŋ adi obo ariŋ agalik itai.
\v 21 Ati ittallihoto tai ifuhara inyi arari ta amojo iko ta aferunan hama.
\p
\v 22 Hadahai isi Galilea ojo Yesu jihosi, Itinyyaŋani adi Lonyi tulo ihas wati.
\v 23 Ottohori adi isi inyi ati ihalu oŋitek hunihoi ibuhu adi inyi, ette leyiyanak honyi ijiriŋa bebe.
\p
\v 24 Al afanyi isi Kapernaum ofwonni lamojok musuru jyo Petro ette ifiyo ojori, Obeŋ ettiyanani hoi oduma amusuru?
\v 25 Itarraŋ Petro ojo, Afe oduma inyi. Lajiŋa inyi ihaji ikyana Yesu jihonyi ojo, Igigilo iye anyo Simone? Omojuni hobwok hutta fau amusuru jyo haŋai? Omojuni isi jyo lonyirok hosi kuyya bu jyo atamonok?
\p
\v 26 Ojo Petro jihonyi, Omojuni adi jyo atamonok. Ette Yesu jaran jihonyi, Tania obeŋi ati lonyirok odumai.
\v 27 Ati ŋadi hohoi etipal isi, ilo ihari eneittok, irrirryahari aham. Iduhu ahami abotye, aŋa etuk honyi, bwo fe inyurak adi iye arobia. Iyaro, odumai amusuru hoi iko hunoŋ.
\c 18
\cl Angati 18
\p
\v 1 Ta asaa ania ofwonni leyiyanak jyo Yesu ette ifiyo inyi jo, Ŋai adi eleittok ilobye Hollum?
\p
\v 2 Iloŋu inyi obo eito on odiha ette ititoŋonia inyi ihiji hosi
\v 3 ette jaran, Ahode eramak ni itai jo al ibyaŋata tai iloitoti irari ihwa aduri hun odihara’to, ibyaŋata adi itai ifwotuna olobye ono Hollum.
\v 4 Tania lya al itamuta’to ahwan honyi ihwa eito ana ara adi inyi eleittok ilobye Hollum.
\v 5 Lya al ifwotu’to eito ihwa ana ta afure hoŋ, ifwotu inyi ani luŋa.
\p
\v 6 Ati lya al itipalyo’to eito an iruk’to jihoŋ, osiru ifitani amorwo on obolo imurut honyi ette bironia inyi ihari.
\v 7 Orroho bebe jyo afau nyo olwaji etipalita. Ofwonni adi etipalita ahode ati orroho bebe jyo atulo al iyaŋuno’to isi.
\v 8 Kuyya itipala aani hoi kuyya bu eju hoi iye liyyata, oŋutoi isi ette biroro addi. Oyyu jihoi ijiŋaniere lisu al irrohoja kuyya bu al iŋura agalik ibironi iye iko ahas arrihai kuyya ejek arrihai lihima on obeŋ’to odunya.
\v 9 Kuyya itipala onyek hoi iye liyyata, ogolutu inyi ette biroro addi. Oyyu jihoi ijiŋaniere lisu iko onyek abotye agalik ibironi iye ihima iko oŋite arrihai.
\p
\v 10 Ihumata ’rirrya ŋadi itai imyanati eito on odiha’to ihwa ana nyo eramak ni itai jo igonyuni anjelohyen hosi omom Monyoŋ ette dou.
\v 11 Nyo ottu Lonyi tulo italahuniere hul olitohini’to.
\v 12 Igigiloti tai anyo? Kuyya owon atulo iko akyoro esiha abotye ati olito abotye, obeŋ adi inyi idyaharo atomwana hottoŋwan hohottoŋwan idoŋe ette leten ’tittifyaru aker ol olito’to?
\v 13 Ahode eramak ni itai jo, al onyurak inyi omuno adi inyi aker lya agalik akyoro huno atomwana hottoŋwan hohottoŋwan hun obeŋi’to olitohini.
\v 14 Tania obeŋ Monyatai ette dou awak obo eito on odiha’to oye.
\p
\v 15 Kuyya iyyau illa hoi jihoi ilo itahutak eyyau honyi jihonyi hama. Kuyya iruk inyi ekyanita hoi, irrehu iye inyi.
\v 16 Al obeŋ inyi itayiru nekyana hoi iloŋo etamijanani abotye kuyya bu arrihai itabisaniere eram hatai ania.
\v 17 Kuyya iha inyi isi, iramak eklesya. Kuyya iha inyi itaniŋuna eklesya ijara inyi hetetoŋoi ihwa apagano jihatai kuyya bu ihwa lamojoni musuru.
\v 18 Eramak ni itai ahode, erre daŋ hun ifitana tai ta afau, ifitanie adi bwo fe isi idou. Erre daŋ hun ihohina tai ta afau, ohohinie adi bwo fe idou.
\v 19 Enyyak ni iramana itai ahode jo, al omojoi laati arrihai arabotye to obo ariŋ an awahi isi isyo adi Monyoŋ ette dou ariŋ nya jihosi.
\v 20 Nyo al ottubanie laati arrihai kuyya bu hunihoi ta afure hoŋ awon ni ihiji hosi.
\p
\v 21 Ottu Petro ifiyere inyi ojo, Hobu, oŋida ani amehitta jyo illaŋ enyyahita omukaja al iyyauta inyi jihoŋ? Kuyya bu enyyahita hattarik?
\p
\v 22 Ojo Yesu jihonyi jo, Ajo ni jihoi, obeŋ ara enyyahita hattarik hama, ati atomwana hattarik hahattarik.
\v 23 Ara olobye ette dou ihwa hobu obo al awak’to itabisana ahorosi huno apiti honyi.
\v 24 Ahosyere iyaŋunie jihonyi atulo ol ohuru nya arobia alif arrihai.
\v 25 Ati obeŋi agurusi jihonyi idumari tania ifak eleittok itinyyaŋaniere atulo alya iko ŋorwoi honyi bwo aduri honyi iko erre honyi daŋ idumari ahorosi hunia.
\v 26 Origoŋ apit alya ihosyere leittok ette lolya ojo, Omehinie jihoŋ, aduma adi ni ahorosi daŋ.
\v 27 Omehino ataji leittok ette inyi hohina atulo alya attati busana ahorosi honyi.
\v 28 Attati apit alya leten ette rwaŋanio iko obo al igyamatye’to ikonyi ol ohuru nya jihonyi arobia ’tomon. Inef inyi lya amurut ette jaran, Odumai arobia hoŋ.
\p
\v 29 Ette inyi rigoŋi ihosyere honyi ette lolya jihonyi ojo, Omehinie jihoŋ, aduma adi ni.
\v 30 Ati iha inyi ette itifitana inyi ibabus many odumari adi inyi ahorosi daŋ.
\v 31 Ijiriŋai bebe apiti hul omuk ninya itaniŋuni isi eram ania, ette isi fwatan iramaniere jyo eleittok.
\p
\v 32 Tania iloŋo eleittok apit alya jihonyi ette jaran, Iye apit olorroho bebe. Ninya ilolyari iye jihoŋ abusak nya ni ahorosi hoi daŋ.
\v 33 Obeŋ oyyu jihoi imehiniere jyo obo apit al igyamati’to ikoye ihwa inya amehiniere ni jihoi?'
\v 34 Iloŋojita eleittok honyi bebe ette isyarana inyi jyo polis ibahyere inyi many odumari adi inyi ahorosi honyi daŋ.
\v 35 Ihanio adi Monyoŋ ihwo nya jihatai ababo al ibyaŋata tai ibusana illarak hatai ta atajya hatai ahode.”
\c 19
\cl Angati 19
\p
\v 1 Ninya atuhok Yesu nekyanita hunia idyaharu inyi Galilea ette leten ifau Yudea ihosyere Yordano.
\v 2 Ijifaro eluluŋ wati arryai inyi ette inyi itaŋida eŋwati hosi.
\p
\v 3 Ofwonni Farisei jihonyi ikemyere inyi ette ifiyo inyi ojori, Oremik atulo pyaharo jyo ŋorwoi honyi te erre asai?
\p
\v 4 Itarraŋ inyi ojo, Ibyaŋata tai ihenuna jo, “Many t’etteri oyyeu ayyani hirre alle iko aŋotte?”
\v 5 Ojo inyi bwo fe, “Te eram ana obusak adi atulo monyonyi iko honyonyi ette manya iko ŋorwoi honyi, attati isi arrihai ratan ihwa ahwan abotye.”
\v 6 Ihwania obeŋi isi inyyahi rahan arrihai ati arai isi ihwa ahwan abotye. Hul inosok Hollum arabotye helaha obo itapek.
\p
\v 7 Ifiye isi inyi jo, Nyo ati ojo nya Mose, “Oremik habi isyaraniere awaraga an itamijanak’to apyaha honyi iko ŋorwoi ette pyaha ikonyi?”
\p
\v 8 Ati ojo inyi jihosi, Iruk nya Mose itai ipyahati iko aŋorwo hatai nyo odwari atajya hatai, ati many t’etteri fau obyaŋara ihwo nya.
\v 9 Ajo ni jihatai jo, lya al opyahai’to iko ŋorwoi honyi arari te eram ono asomon ette yama obo, oroto inyi roto.
\p
\v 10 Ojori leyiyanak honyi jihonyi jo, Kuyya ara ihwania jyo alle iko ŋorwoi honyi, oyyu kuyya obeŋi laati ayamai.
\p
\v 11 Ojo inyi jihosi ojo, Ittallihi laati daŋ ifwotuna nekyanita hunia arari hya hul onyimuni.
\v 12 Nyo owoni laati hul ittallihi’to yama ta ahwattek hosi, owoni bwo fe laati hul ittallihi’to yama te ehanita wati, owoni bwo fe laati hul ihari ayama te eram lobye ono Hollum. Ijara lya ol oremik’to itayiruna hetetayiru.
\p
\v 13 Tania iyaŋunie isi aduri hun odihara’to jihonyi jo oŋida inyi iyyabak ahas honyi jihosi bwo omojo tesi. Awahi leyiyanak itik aduri hwa,
\v 14 ati ojo Yesu jihosi, Obusana aduri ofwonni jihoŋ. Hetihoto isi nyo ara Hollum a Hobu hosi.
\v 15 Iyyabak inyi ahas honyi jihosi ette inyi idyaharu amaji ania.
\p
\v 16 Ottu obo jihonyi ette jaran, Hettiyanani, ehanio adi ni aŋai inyuraniere nesu on osyo fur?
\p
\v 17 Ojo Yesu jihonyi, Nyo ifiyo iye ani itahutaniere erre hun oyiji’to? Owon abotye ol oyyu. Al iwak iye nyurana nesu, ifahai efahita.
\p
\v 18 Itarraŋ inyi jihonyi ojo, Anani efahi? Ojo Yesu jihonyi jojo, “Hettoho, hehanio erre somon, hehoholyo, henyobyo,
\v 19 itahabuye monyohoi iko honyohoi, bwo fe omunoi hutto lonyihari hoi ihwa ahwan hoi.”
\p
\v 20 Itarraŋ atulo alya jihonyi ojo, Efaha ni hunia daŋ, anyo an ebuha’to?”
\p
\v 21 Attati Yesu jaran jihonyi, Al iwak iye abisan ihosyere Hollum, ilo itinyyaŋak asaŋ hoi, isyarak agurusi jyo alocaŋak bwo owoni adi ebariti hoi idou. Bwo ihalu, waŋ, ijifatye ani.
\v 22 Itaniŋu atulo alya nekyanita hunia ette inyi leten addi al ijiriŋa bebe nyo olwaji ebariti honyi.
\p
\v 23 Ojo Yesu jyo leyiyanak honyi, Ahode eramak ni itai, ogol adi jyo abarani ijiŋaniere ilobye ono Hollum.
\v 24 Enyyak ni iramana itai jo, ogol bebe jyo abarani ijiŋaniere ilobye Hollum agalik ajiŋana konnikonni ittulit libira.
\p
\v 25 Illillihai leyiyanak honyi bebe al itaniŋuni isi nekyanita hunia ette jaran, Ŋai ’tadi al italahuni?
\p
\v 26 Omijo Yesu jihosi ette jaran, Obeŋi laati oremehini italahuna ahwattek hosi ta ahwattek hosi, ati oremik Hollum ihanio erre daŋ.
\p
\v 27 Itarraŋ Petro jihonyi ojo, Imijye, ebusak hohoi erre hohoi daŋ ette jifatyo iye, enyurak adi hohoi anyo?
\p
\v 28 Ojo Yesu jihosi, Ahode eramak ni itai jo, ta afau aŋejuk itoŋo adi Lonyi tulo ikurus ono akwatan honyi. Itai hul ijifatyete’to ani itoŋoti adi bwo fe itai jyo akurusi ’tomon harrihai iŋocere awoi ’tomon harrihai huno Israele.
\v 29 Bwo fe lya al obusak’to asik honyi kuyya illarak honyi, haniarak honyi, monyonyi, honyonyi, ŋorwoi honyi, aduri honyi, kuyya bu afau hosi ta afure hoŋ ifwotu adi inyi erre hun olwaji agalihini huna, bwo fe orumak adi inyi nesu on osyo fur.
\p
\v 30 Ati laati arryai huttohosyere ofwonni adi ehalu bwo huttehalu ofwoi adi ahosyere.
\c 20
\cl Angati 20
\p
\v 1 Ara olobye ono Hollum ihwa lamonye haŋ al iwwanyu ta amotye hanyik beryen iloŋori egyamak igyamari imana honyi.
\v 2 Ocorok inyi arobia abotye jihosi ababo te egyama ono oloŋ obotye, ette inyi ifahina isi igyamari.
\v 3 Ta asaa hottoŋwan addaddaharo inyi ette igonyuna omuk laati hul itoŋoi isuk asai.
\v 4 Ojo inyi jihosi, Itai bwo fe, ifwatta imana hoŋ igyamari bwo aduma adi ni itai on oyyu. Ette isi fwatan.
\v 5 Ta afanni iko ta asaa hunihoi olo inyi ihaniere ihwo nya.
\v 6 Ta asaa miet olo inyi bwo fe nyurana omuk owotyai asai. Ojo inyi johosi, Nyo itoŋoti tai dini ta afanni daŋ asai?
\p
\v 7 Itarraŋi isi ojori, Obeŋ tulo iloŋo hohoi igyamari. Ette inyi jaran jihosi, Ifwatta igyamati imana hoŋ.
\p
\v 8 Ta akikai ojo lamonye mana jyo etigyamani ojo, Iloŋu legyamak bwo odumai isi arobia hosi bwo fe itterye jyo huttehalu many jyo huttohosyere.
\v 9 Ifwotuni hya hul itterye egyama ta asaa miet arobia ababo.
\v 10 Al ofwonni hul igyamai’to ta amotye igigiloi isi jo efwotu adi isi arobia hun agalihini hodwo ifwotuni hya. Ati ifwotuni isi bwo fe arobia ababo.
\v 11 Al ifwotuni isi arobia omyanai isi lamonye haŋ,
\v 12 ette jaran jihonyi, Igyamai dwo hya hul ofwonni’to ehalu ta asaa abotye hama, ati itarrijohi iye isi ikohoi hul egyama ta afanni daŋ iholoŋ on onok’to.
\p
\v 13 Itarraŋ inyi jyo obo olosi ojo, Illa, abeŋ ni ehanio on orroho jihoi. Ibeŋ dwo so ho iye iruk igyamari ta arobia abotye?
\v 14 Iyaro onohoi bwo ilo. Awak ni isyo jyo huttehalu ihwa esyo ni jihoi.
\p
\v 15 Abeŋ so ni aremik ihanio erre hoŋ ihwa awak ni? Ihain iye nyo ayyu ni?
\v 16 Tania huttehalu ofwoi adi ahosyere, bwo fe huttohosyere ofwonni adi ihalu.
\p
\v 17 To obo oloŋ hofwoi isi Yerusalem, ette Yesu wotya iko leyiyanak honyi ’tomon harrihai aŋati ette jaran jihosi ojo,
\v 18 Imijyete, efwo hohoi Yerusalem bwo fe isyarani adi Lonyi tulo jyo ehumak eleittaha iko legyorok bwo fe oŋoti adi isi naye jihonyi.
\v 19 Isyori adi isi inyi jyo paganohyen osuhotyerek inyi ette bahyo inyi ette sihonia inyi, ati ihalu oŋitek hunihoi ibuhu adi inyi.
\p
\v 20 Ofwonni ŋorwoi Sebedeyo iko lonyirok honyi jyo Yesu ette rigoŋi ette mojo jihonyi.
\v 21 Ojo Yesu jihonyi, Iwak iye anyo? Attati inyi jaran, Ijara lonyirok hoŋ hulo arrihai itoŋoi lilobye hoi, abotye ihani iŋet hoi bwo obo ihani ihorroŋ hoi.
\p
\v 22 Ati itarraŋ Yesu ojo, Ibyaŋata tai imijana anyo ifiyete tai. Iremehina tai mata ta akoso an amatari adi ni? Ojori isi jihonyi, Eremik hohoi.
\p
\v 23 Ojo inyi jihosi, Ahode, imatati adi itai ta akos an amatari ni ati abeŋ ni aremik isyo jihatai itoŋori oŋyatai hoŋ iko arraŋai hoŋ. Ati ihuhumak Hollum amaji ania to hya hul onyimu inyi.
\p
\v 24 Ninya itaniŋuni leyiyanak honyi hulo ’tomon eram ana, ette isi iloŋojita jyo lonyirok Sebedeyo hulya.
\v 25 Tania ette Yesu iloŋuna isi jihonyi ette jaran, Imijana tai jo ilettohorik hobwok hulo paganohyen aati hosi, bwo fe eleittaha hosi ittigemye isi.
\v 26 Obeŋ ara ihwo nya jihatai. Al awak obo alatai ’tuna ratan eleittok, ijara hetera do ehegyamani hatai;
\v 27 bwo fe al awak’to ratan ahobu hatai, ijara hetera do apit hatai.
\v 28 Ihwa ottu Lonyi tulo, obeŋ inyi ottu jyo oŋida laati igyamai jihonyi ati ottu inyi igyamari jyo aati bwo fe isyo inyi nesu honyi idumari ta aati arryai.
\p
\v 29 Idyaharai isi amiji Yeriko attati eluluŋ wati arryai ijifaro inyi.
\v 30 Itaniŋuni aŋodok arrihai hul itoŋoi iger ikoi ojo Yesu ol olo, ette isi illilloŋo ojori, Hobu, Lonyi Davide, omehinie jihohoi.
\v 31 Itadwaye laati isi ette iramana isi hotodwahi ati arasai isi illilloŋo bebe ojori, Hobu, Lonyi Davide, omehinie jihohoi.
\p
\v 32 Owotya Yesu ette iloŋuna isi jihonyi ette jaran, Iwahata tai ani ehanio anyo jihatai?
\v 33 Itarraŋi isi jihonyi jo, Hobu, itaŋidara oŋite hohoi.
\v 34 Omehino Yesu ette ’tir oŋite hosi. Teyya teyya omijye isi ette ijifaro inyi.
\c 21
\cl Angati 21
\p
\v 1 Lafanyi isi imiji Betfaji ilyaha Yerusalem idoŋe Oliveto, ifak Yesu leyiyanak honyi arrihai,
\v 2 ette jaran jihosi, Ojiŋana limiji on owon’to ihosyere hatai, inyurana adi itai nobo asigirya an ifitani iko ŋarri honyi. Ohouniete isi, iyaŋuniete isi jihoŋ.
\v 3 Al ifiyo obo itai omuk erre, oŋida itarraŋata jihonyi ojo, Awak Hobu isi, attadi inyi busana isi ofwonni.
\p
\v 4 Ihanie erre hunia ihwo nya itasiruniere nekyana ono eyani sayyo on ojo,
\v 5 “Iramak ŋarri Sion ojo, Imijye ottu Hobu hoi jihoi Al anyalam al itoŋo ihorwoŋ ŋarri sigirya.”
\p
\v 6 Attati leyiyanak fwatan ihaniere ihwa ifak Yesu jihosi.
\v 7 Attati isi iyaŋuno asigirya iko ŋarri ette fyatana aboŋojin hosi ihorwoŋ sigirya ette Yesu itoŋo dia.
\v 8 Ofyatani eluluŋ wati arryai aboŋojin hosi ikoi bwo fe omuk oyefuni atanata yanio ette fyatana isi ikoi.
\v 9 Eluluŋ wati huttehosyere iko huttehalu idolo afure on ojo, Ijara etahabuyo hatawana jyo lonyi Davide. Hotomunoi lya ol ottu’to ta afure ono Hobu. Ijara etahabuyo hatawana idou.
\p
\v 10 Lajiŋak inyi Yerusalem illillihai aati daŋ ette jaran, ngai alya?
\p
\v 11 Ojori eluluŋ wati jo, Yesu alya, eyani sayyo olo Nasaret otto Galilea.”
\p
\v 12 Ojiŋak Yesu ihaji imojit eneittok ette fuhara laati daŋ hul itinyyaŋai’to iko hul inyyaŋai’to asaŋ ihaji ania. Ette inyi sulara ateremejahyen huno eloitok gurusi, kwalalaŋ, iko akurusi huno etinyyaŋak wolosin.
\v 13 Ojo inyi jihosi, Igyoroni jo, “Iloŋoi adi aji hoŋ ahaji imojit, ati iloitoto tai inyi ahinom hahalak.”
\p
\v 14 Ofwonni aŋodok iko aŋurak jihonyi ihaji imojit eneittok ette inyi itaŋida isi daŋ.
\p
\v 15 Iloŋojitai ehumak eleittaha iko legyorok al igonyuni isi erre hun obolori’to hun ihanio inyi iko aduri hun idoloi ihaji imojit eneittok ojori, Ijara etahabuyo hatawana jyo Lonyi Davide.
\p
\v 16 Ette isi jaran jihonyi, Itaniŋu iye erre hun ikyanai isi? Itarraŋ Yesu jihosi ojo, Afe. Ibyaŋata so itai iheniete jo, “To hutuhe oŋyai iko hun hadasai’to inyurak iye etahabuyo on oyyu’to?”
\p
\v 17 Obusaro inyi isi ette leten imiji Betania ijotori.
\p
\v 18 Ta amotye hanyik acaharo Yesu imiji Yerusalem ette inyi niama.
\v 19 Igonyu inyi aŋaboli iger ikoi ati afany inyi iwoyo honyi ette nyurana abene ijai. Ojo inyi jyo ayyani, Hotobyaŋahi omuk aŋer oŋijuni jihoi tulaŋ. Teyya teyya inor ayyani kokwak.
\p
\v 20 Al igonyuni leyiyanak ayyani ania illillihai isi ette jaran, Aŋai inor inyi kokwak?
\p
\v 21 Itarraŋ Yesu jihosi ojo, Eramak ni itai ahode jo kuyya owon neruk jihatai on obeŋ iko ekuyya, iremehina tai ihanio ihwa ehanio ni jyo ayyani ania. Ati obyaŋara ania ijai. Dwadi ikyanati tai jyo adoŋe ana ojo, Odyotoi bwo fe irwoŋok ahwan hoi ihari, oniŋyo adi inyi.
\v 22 Nyo erre daŋ hun ifiyete tai ta amojo bwo fe ta neruk, ifwotuna adi itai.
\p
\v 23 Ojinak nya Yesu ihaji imojit eneittok bwo ofwonni ehumak eleittaha iko amarwak jihonyi ette ifiyo, Ta anani elaballok ihanio iye erre huna? Ngai isyo jihoi elaballok ania?
\p
\v 24 Itarraŋ Yesu jihosi ojo, Efiyo ni itai obo nefi. Al itarraŋata tai jyo onoŋ, eramak adi ni itai bwo fe ta anani elaballok en ehaniere ni erre huna.
\v 25 Ottu elaballok ono Yoane an ibatisyere inyi laati tai? Ottu inyi jyo Hollum kuyya jyo aati? Attati isi itarisa ta ahwattek hosi ojori, Kuyya ejo hohoi ottu elaballok honyi jyo Hollum, ojo adi inyi, Nyo ibyaŋata tai iruhoto inyi?
\v 26 Kuyya ejo hohoi ottu elaballok honyi jyo aati, ebaŋ hohoi eluluŋ wati, nyo iruhi isi daŋ jyo ara Yoane aheyani sayyo.
\v 27 Tania itarraŋi isi jyo Yesu jo, Ebeŋ hohoi emijak. Ojo ati inyi jihosi, Ani bwo fe, abeŋ ni eramak itai ta anani elaballok en ehanio ni erre huna. Narryamara ono Lonyirok Arrihai
\p
\v 28 Igigiloti tai anyo te eram ana? Owon nya obo atulo iko lonyirok arrihai. To obo oloŋ ette inyi jaran jyo oloŋeu ojo, Lonyi hoŋ ilo ahana igyamai imana hoŋ.
\p
\v 29 Itarraŋ inyi ojo, Eha ni. Ati ihalu iloit inyi ataji honyi ette leten imana.
\p
\v 30 Ette monye ikyana jyo lonyi honyi etarrihi ihwo nya. Ette inyi itarraŋ ojo, Oyyu, alo adi ni, ati obeŋ bu inyi olo.
\v 31 Alali hito t’ehiji hosi ihanio awahan ono monyonyi? Itarraŋi isi jihonyi jo, Oloŋeu. Ojo Yesu jihosi, Eramak ni itai ahode, ojiŋani adi lamojok musuru iko asomok ilobye Hollum ahosyere hatai.
\v 32 Nyo ottu nya Yoane jihatai el ejifatyo’to efahita huno Hollum ati ibyaŋata nya itai iruhoto jihonyi. Bwo iruhi nya lamojok musuru iko asomok ettiyenita honyi. Dwadi igonyuna tai erre huna ibyaŋata tai iloitoto atajya hatai iruhori jihonyi.
\p
\v 33 Itaniŋuna obo narryamara ana. Idulak nya obo atulo ajalaŋi imana honyi attati ikolonia amariŋ, ette bohyo ewure imocere aari haŋer ajalaŋi, attati bwahina olobele dia. Iloŋo inyi omuk laati icyari imana honyi ette inyi leten jyo obo afau.
\v 34 Ottu ayafa on odyarak aati aŋer ajalaŋi ette lamonye mana ifahina apiti jyo ecyak mana imojuniere aŋer.
\v 35 Inefi ecyak mana apiti. Abahye isi abotye, ottohori isi obo, bwo fe irwoŋi isi obo ta amorwoi.
\v 36 Inyyak inyi ifahina apiti hul olwaji agalihini hyodwo, ati ihanie isi ihwo nya jihosi.
\v 37 Ihalu ifak inyi lonyi honyi jihosi nyo igigilo inyi jo abaŋi adi isi lonyi hoŋ.
\p
\v 38 Ati ninya igonyuni ecyak mana lonyi honyi ojori isi ta ahwattek hosi jo, Arutani alya. Ifwanna, hattohoro inyi oŋida hohoi erutak erre honyi.
\v 39 Inefi isi inyi ette pihoro inyi addi to mana ette ’tohoro.
\v 40 Tania al ottu lamonye mana, ihanio adi inyi anyo jyo ecyak hulya?
\p
\v 41 Ojori isi jihonyi, Ottoho adi inyi laati hulya hul orrohoji’to ta naye on orroho’to, ette isyarana amana jyo lecyak omuk hul isyori adi jihonyi aŋer ajalaŋi ladori isi.
\p
\v 42 Ojo Yesu jihosi, Ibyaŋata tai iheniete egyerita? Igyoroni nya jo, “Amorwop inya ihari aduhok Ottu ratan moi etteri lohitir; Ara ana ariŋ an ihanio Hobu An ellilliha hohoi bebe.”
\p
\v 43 Tania eramak ni itai jo, Ohoruni adi olobye Hollum jihatai addi ette isyarana jyo laati hul oŋijuni aŋer honyi.
\v 44 Lya al okwaharo’to jyo amorwo ania, owuro adi inyi; ati al isyak amorwo ania atulo, attad adi ahwan honyi.
\p
\v 45 Al itaniŋuni ehumak eleittaha iko Farisei narryamarita huno Yesu, ette isi mijana jo ikyana Yesu tesi.
\v 46 Ati al awahi isi inefuna inyi abaŋi isi eluluŋ wati hul iruhi’to jo ara inyi aheyani sayyo.
\c 22
\cl Angati 22
\p
\v 1 Inyyak Yesu ikyana jihosi ta narryamarita.
\v 2 Ara olobye Hollum ihwa hobu al ihuhumak alomone to lonyi honyi.
\v 3 Ifak inyi apiti honyi iloŋuniere laati hunya onyimuni jyo alomone ania ati ihari isi.
\v 4 Inyyak inyi ifahina apiti omuk ette jaran, Iramana aati hyodwo anyimu ni jojo, Imijyete, ehuhumak ni aŋiyo, esyak ni eteŋ iko atawwa hul ofiri’to bwo fe aŋidari erre daŋ. Ifwanna jyo alomone.
\v 5 Ati osuhotyerek isi ette fwatan imasik hosi, olo obo imana honyi bwo obo olo igyama honyi.
\v 6 Attati omuk inefuna apiti honyi ette ihanio on orroho jihosi ette ’tohoro isi.
\v 7 Al itaniŋu hobu erre huna iloŋojita inyi bebe. Ifak inyi oseŋer honyi ette ’tohoro lattok hulya ette swahina amiji hosi.
\v 8 Attati inyi jaran jyo apiti honyi ojo, Ehuhumak ni alomone ati orrohoji laati hunya eloŋu ni.
\v 9 Ifwatta ikoi otto homom miji bwo fe iloŋuniete laati daŋ hul inyurana tai jyo alomone.
\v 10 Attati apiti fwatan ikota iloŋuniere laati daŋ hul onyurani isi; laati hul orrohoji iko hul oyiji’to, ette aji ifut ta atamonok lor lor.
\v 11 Ojiŋak hobu imijyere atamonok hulya ette igonyuna obo atulo ol obeŋ iyyafak aboŋo ono alomone.
\v 12 Ojo inyi jihonyi, Illa, aŋai ijiŋak iye dini al ibeŋ iyyafak aboŋo ono alomone? Ati ittallik lya itarraŋ.
\v 13 Tania ojo Hobu jyo apiti jo, Ifitata ahas iko ejek honyi bwo ibironia inyi ilet imaji ono edumele. Owon adi ayyo iko aŋutta hala dia.
\v 14 Nyo iloŋuni laati arryai ati omutari hul onyimuni.
\p
\v 15 Attati Farisei fwatan iwwahari aŋai adi inefuni isi Yesu ta nekyanita honyi.
\v 16 Ojo teyya ette isi ifahina leyiyanak hosi arabotye iko Erodiahyen jihonyi ette jaran, Hettiyanani, emijak hohoi jo owon nelahode jihoi bwo fe iye ittiyenio ekoi ono Hollum ahode. Ibeŋ iye ibaŋ obo atulo bwo ibeŋ igigya laati.
\v 17 Iramak ati hohoi, Igigilo iye anyo? Oyyu idumari amusuru jyo hobu Cesare kuyya obeŋ?
\p
\v 18 Ati omijak Yesu enyobita hosi ette jaran, Jai, henyabak, ikemyete tai ani nyo?
\v 19 Itahutana jihoŋ arobia, ette isi itahutana arobia jihonyi.
\v 20 Ojo inyi jihosi, Anaŋai arrijori ana bwo fe anaŋai afure ana?
\p
\v 21 Ojori isi, Huno Cesare. Tania itarraŋ inyi ojo, Isyatta jyo Cesare erre Cesare bwo fe jyo Hollum erre huno Hollum.
\v 22 Al itaniŋuni isi nekyanita hunia illillihai isi bebe ette busana inyi ette fwatan addi.
\p
\v 23 Iholoŋ ania ofwonni Saducehyen jihonyi hul ojori jo obeŋ nebuhuna bwo ifiye isi inyi ojo,
\v 24 Hettiyanani, ojo Mose jo, “Kuyya oye atulo hobeŋi aduri jihonyi, oŋida illanyi ojuŋori ŋorwoi honyi isiuniere aduri te illanyi.”
\v 25 Owoni nya illarak hattarik. Oyemu oloŋeu aŋotte ette ye hobeŋi duri, ette illanyi juŋori ŋorwoi honyi.
\v 26 Ihanie etarrihi iko etahunihi ihwo nya many isi daŋ hattarik.
\v 27 Ihalu aye aŋotte bwo fe.
\v 28 Iholoŋ ono ebuhuna ottu adi inyi itoŋo ŋorwoi ŋai? Nyo isi daŋ hattarik ojuŋorik inyi.
\p
\v 29 Itarraŋ Yesu jihosi ojo, Ipalata tai nyo ibyaŋata tai imijana egyerita kuyya bu nadwaran ono Hollum.
\v 30 Iholoŋ ono ebuhuna obeŋi laati ayamai bwo fe obeŋi aŋatani iyamari, ati arai isi ihwa anjelohyen hutte dou.
\v 31 Ati te eram ono nebuhuna ono layak, ibyaŋata tai iheniete nerre hunya ikyana Hollum jihatai? Ojo inyi,
\v 32 “Ani Hollum olo Abramo, Hollum olo Isako, bwo fe Hollum olo Yakobo.” Obyaŋara inyi Hollum olo layak ati ara inyi olo leswok.
\p
\v 33 Itaniŋuni eluluŋ wati erre huna ette isi illilliha bebe ta nettiyenita honyi.
\p
\v 34 Ottubanie Farisei arabotye al itaniŋuni isi jo itadwa inyi Saducehyen.
\v 35 Obo olosi al ara’to ahaŋotoni hirre awak kemyo inyi ette ifiyo inyi ojo,
\v 36 Hettiyanani, anani efahi on obolo’to jyo efahita daŋ?
\p
\v 37 Ojo inyi jihonyi, “Oŋida itai imunoti Hollum Hobu hatai ta atajya hatai daŋ iko to oloyirihyen hatai daŋ bwo fe te egigilita hatai daŋ.”
\v 38 Ara ana efahi on obolo’to agalik daŋ.
\v 39 Ara etarrihi ihwa inyi. “Oŋida itai imunoti hutto lonyihari hatai ihwa ahwattek hatai.”
\v 40 Arai efahita huna arrihai awoyo hiram ono efahita daŋ iko egyerita huno eyak sayyo.
\p
\v 41 Ottubanie Farisei arabotye bwo Yesu ette ifiyo isi ojo,
\v 42 Igigiloti tai anyo to Kristo? Inyi lonyi ŋai? Itarraŋi isi jo, Inyi lonyi Davide.
\p
\v 43 Ojo ati inyi jihosi, Kuyya inyi lonyi Davide, nyo ati iloŋo Davide inyi jo Hobu? Nyo ifut inyi iko Oloyiri ol Olibo bwo ojo inyi,
\v 44 “Ojo Hobu Hollum jyo Hobu hoŋ, Itoŋoi oŋyatai hoŋ Many ehananiere ni amyorok hoi ebalori hejek hoi.”
\v 45 Kuyya iloŋo Davide inyi jo Hobu, aŋai ara inyi o lonyi honyi?
\v 46 Obeŋ obo oremik itarraŋ Yesu to obo nekyana ’tuŋ, bwo fe to oloŋ ania abaŋi isi daŋ ifiyere inyi omuk erre.
\c 23
\cl Angati 23
\p
\v 1 Attati Yesu ikyana jyo eluluŋ wati iko jyo leyiyanak honyi ojo,
\v 2 Orutani legyorok iko Farisei imaji Mose.
\v 3 Tania ihaniete erre daŋ hun iramani isi jihatai ihaniere, ati hejifatyete ehanita hosi nyo ittiyenie isi, ati obeŋi isi ihanie.
\v 4 Ifitani isi erre hun odiŋi’to, ette italoronia ilohoho wati ati obeŋi isi akafuni obo ariŋ dwadi ta aani abotye.
\v 5 Ihanie isi egyamita hosi daŋ jo oŋida laati igonyuni. Itabolori isi egyerita hun iyyafanir isi bwo fe italati isi esidita boŋojin hosi.
\v 6 Omunoi isi itoŋori imasik huno etahabuyo ta akarama hosi bwo fe omunoi isi itoŋori ihosyere wati ihasik imojiti hosi.
\v 7 Bwo fe omunoi isi efonya wati hutto suk bwo fe eloŋo wati isi ahettiyanak.
\v 8 Ati itai, heruhoto eloŋo wati itai ahettiyanak nyo iwanata tai iko ettiyanani abotye bwo fe irata tai illarak.
\v 9 Heloŋoti obo atulo amonye jyo afau ana, nyo iwanata tai iko Monye abotye ette dou.
\v 10 Bwo fe heruhoto al iloŋoi laati itai eleittaha nyo iwanata tai iko eleittok abotye inyi Kristo.
\v 11 Ijara eleittok hatai hetera ahegyamani hatai.
\v 12 Lya al itabolo’to ahwan honyi itamutari adi, bwo fe lya al itamuta’to ahwan honyi itabolori adi.
\p
\v 13 Orroho bebe jihatai legyorok iko Farisei, itai lenyabak, nyo ihyanana tai ekat lobye Hollum jyo aati. Ibyaŋata tai ijiŋana ta ahwattek hatai bwo itihoto tai hya hul awahi’to jiŋana.
\v 14 Orroho bebe jihatai legyorok iko Farisei, itai lenyabak, nyo ihorotyete tai asik ihidahi bwo dwadi ihaniete tai on orroho ihwa ana imojoti tai emojiti hun obolori’to ihosyere wati. Te eram ana inyurana adi itai aŋoco on orroho’to agalik.
\p
\v 15 Orroho bebe jihatai legyorok iko Farisei, itai lenyabak, nyo illaŋata tai arryak idahari ifauhyen daŋ ituruhyere dwadi atulo abotye te ettiyenita hatai. Ati al iruk obo ettiyenita hatai itarrohojata tai inyi agalik itai; itai laati hul osiru eema on osyo fur.
\p
\v 16 Orroho jihatai arihok hul iŋodoti’to nyo ijatta tai, Al ittuŋo atulo ta aji imojit eneittok ara inyi ettuŋo asai, ati kuyya ittuŋo atulo ta nayyel ono aji imojit eneittok ara inyi ettuŋo ahode.
\v 17 Itai abuyaŋak hul iŋodoti’to. Anani on odwa’to agalik, nayyel kuyya bu aji imojit eneittok an itajak’to nayyel?
\v 18 Ijatta tai bwo fe, Lya al ittuŋo’to te etityek ara ettuŋo honyi asai ati kuyya ittuŋo inyi te ehuma on owon ihide itityek ara inyi ettuŋo ahode.
\v 19 Itai aŋodok. Anani on odwa’to agalik, ehuma kuyya bu etityek an itajak’to ehuma?
\v 20 Lya al ittuŋo’to te etityek, ittuŋo inyi tenyi iko te erre daŋ hun owoni ihide honyi.
\v 21 Bwo fe lya al ittuŋo’to ta aji imojit eneittok, ittuŋo inyi tenyi bwo fe to lya al amanya’to itwa honyi.
\v 22 Bwo fe lya al ittuŋo’to te edou, ittuŋo bu inyi ta akurus Hollum bwo to lya al itoŋo’to dia.
\p
\v 23 Orroho bebe jihatai legyorok iko Farisei, itai lenyabak, nyo isyatta tai aŋati etattomoni ono ema hatai iko aful bwo anyim, ati itapwahata tai erre hun obolori’to huno efahita; isi huna, aŋoco on obis bwo amehino iko neruk. Oŋida ihaniete erre huna daŋ iko hodwo.
\v 24 Itai arihok hul iŋodoti’to. Imituna tai ajaŋati ati idiloro tai akonnikonni.
\p
\v 25 Orroho bebe jihatai legyorok iko Farisei, itai lenyabak, nyo italiboryete tai orwoŋ kos iko asahan ati ifuti atwajin hosi iko adaya bwo fe ahorotyo.
\v 26 Iye olo Farisei al iŋodo’to. Ahosyere italiboro atwa kos iko atwa sahan bwo fe olibori adi orwoŋite hosi.
\p
\v 27 Orroho bebe jihatai legyorok iko Farisei, itai lenyabak, nyo irata tai ihwa atobwaha hatai hun iyalani te eyali. Ilamani isi to let ati ifuti atwajin hosi iko ahoi hayak bwo omuyahi daŋ.
\v 28 Bwo fe ihomomite wati irata tai ihwa laati hul oniŋye’to Hollum ati ifuti atwajin hatai iko enyobita bwo emesiti.
\p
\v 29 Orroho bebe jihatai legyorok iko Farisei, itai lenyabak, nyo ihuhumana tai elumyo huno eyak sayyo bwo fe iduhonia tai akukuhyen huno ahoi yijok.
\v 30 Bwo fe ijatta tai, Kuyya emanya nya hohoi beryen iko hohonyok hohoi, ebeŋ nya hohoi eruk ehanita hosi ninya ottohorik isi eyak sayyo.
\v 31 Ati itahutana tai ta ahwattek hatai jo irata tai lonyirok hulo lattok eyak sayyo.
\v 32 Tania otuhonie erre hunya ihanie hohonyok hatai.
\v 33 Irata tai ihwa amunok, ihwa epakidaŋi; aŋai adi irisata tai ebironio ihima?
\v 34 Tania efak ni jihatai eyak sayyo bwo alofyorojok iko legyorok. Ittohoro adi itai isi bwo isihonia adi itai omuk. Ibahyete adi itai laati omuk ihasik imojiti hatai, ittata tai ittigemyo isi imisihi daŋ.
\v 35 Tania oŋoti adi jihatai naye ono aati hulo daŋ hul oyiji’to. Isi laati to ye ono Abele ayijoni many jyo naye ono Sakaria lonyi Barakia, linya ittohoro tai tehiji itityek iko aji imojit eneittok.
\v 36 Eramak ni itai ahode jo ofwonni adi erre huna daŋ jyo elahaji ana.
\p
\v 37 Yerusalem, Yerusalem, iye amiji an ittohyo’to leyak sayyo bwo fe irwoŋyo hul ifak Hollum jihoi. Ahode ahode awak ni ’tubana aduri hoi jihoŋ enyyahita arryai ihwa on ottubaniere ahohoro akiyehi honyi itwa hiwa honyi, ati iha iye.
\v 38 Imijye, idehi Hollum aji hoi jihoi ahania.
\v 39 Nyo eramak ni iye jo, ibeŋ adi iye inyyak igonyuna ani many iholoŋ an ijo iye jo, “Hotohwo lya ol ottu’to ta afure ono Hobu.”
\c 24
\cl Angati 24
\p
\v 1 Obusak Yesu aji imojit eneittok ette leten. Attati leyiyanak honyi fwanna jihonyi ifiyere inyi ta asik hutto ŋati haji imojit eneittok.
\v 2 Itarraŋ inyi jihosi ojo, Igonyuna so itai erre huna daŋ? Eramak ni itai ahode jo, obeŋ adi obo amorwo arasa ihorwoŋ obo nyo itatturi adi isi daŋ.
\p
\v 3 To obo oloŋ hetoŋo inyi idoŋe Oliveto ofwonni leyiyanak honyi jihonyi hama ette ifiyo inyi jo, Iramak hohoi baya adi ihanie erre huna? Bwo fe anyo adi etamijani an itahutak’to hohoi attuna hoi iko esidi ono afau ana?
\p
\v 4 Itarraŋ Yesu jihosi ojo, Ihumata irrirrya, helaha obo atulo itisyaba itai.
\v 5 Nyo ofwonni adi enyabak arryai ta afure hoŋ hul ojori jo, Ani alya Kristo, bwo itisyabari adi isi laati arryai.
\v 6 Itaniŋuna adi itai jo owon narrem bwo fe ikyanai laati jo erem adi hohoi, ati helafuhoti. Oŋida erre huna daŋ ofwonni ati hobeŋ esidi fau.
\v 7 Nyo ofwoi adi laati hutto miji obo jyo obo irryomoniere bwo fe ofwoi adi laati hutto lobye obo jyo obo. Owon adi ahure iko ekikiro fau imasik arryai.
\v 8 Arai erre huna daŋ etteri ono ettigemita hun obolori.
\p
\v 9 Isyori adi isi itai jyo ettigemita bwo fe ottohori adi isi itai. Oliwarik adi laati daŋ itai nyo iruhoto tai afure hoŋ.
\v 10 To oŋitek huna ipali adi laati arryai to hiruk addi, bwo isyori adi isi illarak hosi ittohori bwo fe oliwarik adi isi illarak hosi.
\v 11 Odyotoi adi ebwanak arryai hul inyobye’to ette itisyabara laati arryai.
\v 12 Bwo omumutararo adi namuno wati hun olwaji’to nyo obobolororoi adi arrohojita.
\v 13 Ati lya ol odihu’to many isidi, italahuni adi.
\v 14 Bwo fe ittittoye adi asayyo hun oyiji’to huno olobye ono Hollum many ifauhyen daŋ te etamijani jyo laati daŋ bwo ihalu ottu adi esidi fau.
\p
\v 15 “Igonyuna adi itai ‘Arrohoji anna aŋari 'to bebe’ ninyia ikiana Daniel ekianani Hollum. Owotia adi ariŋ ania jio amaji Elibo.” (Ijiara ehianani omijak awoyo hiram ono ekiana ana!)
\v 16 Al igonyuna tai arrohoji an itamura’to amaji on owotya’to jyo amaji on odwa’to, oŋida hul owoni’to Yudea ofuhoi lidoŋyok. Inyi arrohoji ninya ikyanari eyani sayyo Daniele. Ijara lya al ihenio hetetaniŋu.
\v 17 Ijara lya ol owon’to lihide haji hotobyaŋa isuru ifau iduhuniere obo ariŋ ta haji honyi.
\v 18 Bwo fe ijara lya ol owon’to limana hotobyaŋa acaharu iyamari aboŋo honyi.
\v 19 Orroho bebe jyo aŋorwo hun oyeduri’to iko hun itadasye’to to noŋitek hwa.
\v 20 Omojoti jo oŋida oŋitek hwa obeŋi ofwonni to oŋitek hacoro kuyya bu to sabato.
\v 21 Nyo to noŋitek hunia owoni adi ettigemita hun obolori hun agalihini ettigemita daŋ t’etteri fau many iko ahana. Ahode obeŋi adi omuk ettigemita agalihini isi.
\v 22 Kuyya obeŋ dwo Hollum ihanak oŋitek hunia hun omutari obeŋ dwo tulo italahuno, ati ihanani adi isi hun omutari nyo to hya hul onyimuni.
\p
\v 23 To oŋitek hwa kuyya ojo obo atulo jihatai jo, Imijyete, Kristo olo, kuyya bu, Kristo alya, heruhoto.
\v 24 Nyo odyotoi adi Kristohyen lenyabak iko ebwanak lenyabak hul ihanie adi etamijanita hun obolori iko nedwariti ikemyere hul onyimuni itisyabari isi.
\v 25 Imijyete, eramak ni itai erre huna hobeŋi isi ofwonni.
\v 26 Tania kuyya ojori isi jihatai jo, Imijyete, owon inyi limur, hefwatta dia. Kuyya ojori isi, Imijyete, owon inyi lihaji, heruhoto.
\v 27 Nyo al imedek ahilai t’ettedwoŋi holoŋ ette faŋan many iddorro holoŋ, ara adi attuna ono Lonyi tulo ihwo nya.
\v 28 Ottubanie adi attaruha jyo namaji an awanari ahwan hayani.
\p
\v 29 Teyya teyya kokwak ihalu ettigemita hunia oye adi oloŋ bwo fe nayafa ette ilak faŋan, ette elelyefi douna t’edou, bwo fe ikikiroi adi negoliti hutte dou.
\v 30 Attati etamijani ono Lonyi tulo leyo t’edou. Iholoŋ ania inninnaŋye adi laati daŋ hutta fau asuhyara hosi nyo igonyuni isi Lonyi tulo al isuru t’edou lihidi idisi iko nadwaran bwo nakwatan on obolo.
\v 31 Ifak adi inyi anjelohyen honyi ta aforojo on okwat’to ittuttubaniere lonyimot honyi to fauhyen daŋ.
\p
\v 32 Omijana awoyo hiram to ŋaboli. Al ofwonni atanata honyi janan bwo fe oyisuni abene aŋejuho, omijana jo ilyaha atahas.
\v 33 Ihwania bu al igonyuna tai erre huna daŋ idwoŋi, omijana jo ilyaha attuna honyi.
\v 34 Ahode ahode, ajo ni jihatai jo, obeŋ adi elahaji ana oye many ihanierek erre huna daŋ.
\v 35 Obyaŋarani adi nedou iko afau ati nekyanita hoŋ obeŋi adi olitohini ’tuŋ.
\p
\v 36 Ati to oloŋ ania iko asaa on ottuniere inyi obeŋ obo omijak, dwadi bu anjelohyen hutte dou iko Lonyi Hollum, obeŋ obo omijak arari Monye hama omijak.
\v 37 Ihwa ninya ihanie laati to noŋitek huno Noa, ihanie adi bwo fe isi ihwo nya ta attuna ono Lonyi tulo.
\v 38 Ihwa ninya to noŋitek hwa hobeŋ ebulyo hari ottu, oŋiye isi, amatai isi bwo fe ayamai, many jo oloŋ ninya ojiŋaniere Noa itogol.
\v 39 Bwo fe obeŋi bu isi igigiloi omuk erre many ottuniere ebulyo hari iyari isi daŋ addi. Tania ara adi attuna ono Lonyi tulo ihwo nya.
\v 40 Owoni adi alyawa arrihai imana. Iyarai adi abotye bwo idyaharai adi abotye.
\v 41 Iryeye adi aŋorwo arrihai ibak. Iyarai adi abotye bwo idyaharai adi abotye.
\v 42 Tania ihumata mijo nyo ibyaŋata tai imijana anani oloŋ on ottuniere adi Hobu hatai.
\v 43 Ati omijana ana jo, hara dwo omijak monye haji asaa on ottuniere adi olohoho, omijo dwo inyi bwo fe obeŋ inyi obusak aji honyi owur olohoho ta arwe.
\v 44 Tania ihumata ’ra nyo ilunyu adi Lonyi tulo lunyuna.
\p
\v 45 Imijyete lapit ol oyyu’to bwo fe ilofyoro. Ihanak hobu inyi ihaji honyi isyoryere aŋiyo jyo laati ta asaa ono aŋiyo.
\v 46 Hotomunoi lapit alya al ottu hobu honyi nyurana inyi ihanio egyama ania.
\v 47 Ahode ajo ni jihatai jo ihanak adi inyi apit alya eleittok hirre honyi daŋ.
\v 48 Ati kuyya orroho apit alya ette igigilo itaji honyi jo illiŋya hobu honyi,
\v 49 ette inyi itteryo bahyo apiti hul igyamai’to ikonyi bwo oŋiye ette mata iko arumak,
\v 50 ilunyu adi hobu olo apit alya lunyuna ta asaa on obeŋ inyi omijak.
\v 51 Abak adi inyi apit bebe ette ŋotonia jihonyi abahyo ono lenyabak. Owon adi ayyo iko aŋutta hala jyo amaji ania.
\c 25
\cl Angati 25
\p
\v 1 Inyyak fe Yesu ittiyenio ojo, Orrijo adi olobye ono Hollum ihwa nodwo ’tomon hun iyarai allomohyen hosi irraŋuniere layamani.
\v 2 Ati ihiji hosi ibuyaŋai omuk miet bwo huno miet ilofyoroji.
\v 3 Iyarai nodwo hun ibuyaŋai’to allomohyen hosi ati obeŋi isi iyarai ajas.
\v 4 Iyarai nodwo hun ilofyoroji’to allomohyen hosi arabotye iko akarajajahyen huno ajas.
\v 5 Illiŋya layamani lya ette nodwo daŋ ibunyita ette jotoro.
\p
\v 6 Ta arwe ohosohitai laati ette jaran, Ohenyuna, lattu layamani, ifwanna arraŋuniete inyi.
\v 7 Tania odyotoi nodwo daŋ iswahiniere allomohyen hosi.
\p
\v 8 Ojori nodwo hun ibuyaŋai’to jyo alofyorojok ojori, Elwahata to obo ajas nyo adunyari allomohyen hohoi.
\v 9 Ati itarraŋi alofyorojok jihosi ojori, Ara hobeŋ ajas oremik tohohoi ikatai. Ifwatta idukan inyyaŋuniere hunatai.
\v 10 Hofwoi isi inyyaŋuniere ajas ottu layamani. Attati nodwo miet hun owulori allomohyen hosi jiŋana ikonyi ihaji jyo alomone ette ihyanana ekat.
\p
\v 11 Ojo gaa afwonni huna miet hodwo ette jaran, Hobu, hobu, aŋahi hohoi ekat.
\v 12 Ati itarraŋ inyi jihosi ojo, Ahode abeŋ ni amijak itai ’tuŋ.
\p
\v 13 Tania ihumata mijo nyo ibyaŋata tai mijana anani oloŋ kuyya anani saa on ottuniere inyi.
\p
\v 14 Ara olobye ono Hollum ihwa atulo ol ojo’to edyaharu ahaŋ honyi ette iloŋuna apiti honyi ette isyarana erre honyi daŋ ihas hosi.
\v 15 Isyo inyi agurusi jyo apiti honyi ihwa oremehini isi ifwotuna ette inyi leten. Isyo inyi jyo apit abotye arobia alif ’tomon homiet, bwo jyo obo arobia alif ille, bwo fe jyo obo isyo arobia alif hunihoi.
\v 16 Teyya kokwak olo lya al ifwotu arobia alif ’tomon homiet ipocouniere omuk ’tomon homiet.
\v 17 Bwo fe alya al ifwotu arobia alif ille olo ipocouniere omuk alif ille.
\v 18 Ati lya al ifwotu’to arobia alif hunihoi olo ibwahiniere ifau ette nuhana arobia hun isyo hobu jihonyi.
\p
\v 19 Ihalu oŋitek arryai ottu hobu olo apiti hya imijyere eram robia.
\v 20 Lya al ifwotu nya arobia alif ’tomon homiet ottu inyi iko omuk ’tomon homiet ette jaran, Hobu isyo nya iye arobia alif ’tomon homiet jihoŋ, ati imijye, apocou ni omuk alif ’tomon homiet.
\p
\v 21 Ojo hobu honyi jihonyi ojo, Ihanio iye on oyyu, iye apit al iyyu’to, al ittunio on oyyu. Ittunio iye on oyyu erre hun omutari tania ehanak adi ni iye eleittok olo erre arryai. Ojiŋak jyo amuno ono hobu hoi.
\p
\v 22 Ottu bwo fe lya al ifwotu nya arobia alif ille ette jaran, Hobu isyarak nya iye arobia alif ille jihoŋ, imijye, apocou ni omuk alif ille.
\p
\v 23 Ojo hobu honyi jihonyi ojo, Ihanio iye on oyyu, iye apit al iyyu’to, al ittunio on oyyu. Ittunio iye on oyyu erre hun omutari, tania ehanak adi ni iye eleittok olo erre arryai. Ojiŋak jyo namuno ono Hobu hoi.
\p
\v 24 Ottu bwo fe lya al ifwotu nya arobia alif hunihoi ette jaran, Hobu amijak ni iye, ira iye atulo al igol. Ideŋu iye iyo amaji an ibeŋ iye iyehi bwo fe isuduhak iye hun ibeŋ iye igilya.
\v 25 Tania abaŋ nya ni ette leten nuhana arobia hoi ifau. Hibe, arobia hoi huna.
\p
\v 26 Itarraŋ hobu honyi jihonyi ojo, Iye, irroho iye bebe bwo fe iboyo. Imijak iye adeŋu ni jyo amaji an abeŋ ni ayehi bwo fe asuduhak ni hun abeŋ ni egilya.
\v 27 Tania oŋida dwo iye ittunak arobia hoŋ ihaji on ottunatarik aati arobia, jo oŋida al attu ni anyurak dwo ni arobia hoŋ iko efoniti hosi.
\v 28 Iyara arobia honyi addi bwo isyatta isi jyo lya ol owon iko arobia alif ’tomon homiet.
\v 29 Nyo ofonik ati Hollum erre jyo lya ol owon iko erre, tania owoni adi hun olwaji jihonyi. Ati jyo lya ol obeŋ iko erre iyari adi erre honyi addi dwadi hun omutari hun owoni’to jihonyi.
\v 30 Ibiroro apit ol orroho’to olo addi imaji ono edumele on owon’to ilet. Owon adi ayyo iko aŋutta hala dia.
\p
\v 31 Ottu adi Lonyi tulo ta akwatan honyi bwo fe ofwonni anjelohyen daŋ ikonyi attati inyi itoŋo ikurus honyi ono akwatan.
\v 32 Ottubanie adi laati ta awoi hosi daŋ ihosyere honyi, bwo fe igigelu adi inyi isi ihwa igigelu leyyahani akyoro iko edye.
\v 33 Ottubak adi inyi akyoro ihani iŋet honyi bwo fe nedye ihani ihorroŋ honyi.
\p
\v 34 Ojo adi Hobu jyo hutto hani iŋet honyi jo, Itai hul omuno Monye, ifwanna ojiŋana imaji an ihuhumani tetai many t’etteri fau.
\v 35 Nyo aniama nya ni bwo isyatta tai ani aŋiyo. Ebwoto nya ni bwo isyatta tai ani aari. Ara nya ni atamononi ati ifwotuna tai ani.
\v 36 Awon nya ni aŋaturoi bwo isyatta tai aboŋojin jihoŋ. Aŋwai nya ni bwo ifwanna tai ilwahyere ani. Awon nya ni ibabus bwo ifwanna tai imijyere ani.
\p
\v 37 Tania ojori adi aati honyi jihonyi jo, Hobu nya baya egonyu hohoi iye iniama bwo hohoi etaŋiyo iye? Kuyya bu ibwoto iye bwo hohoi esyo iye aari?
\v 38 Nya baya egonyu hohoi iye atamononi bwo hohoi efwotu iye? Kuyya bu awanan hoi aŋaturoi bwo hohoi esyo iye aboŋojin?
\v 39 Nya baya egonyu hohoi iye iŋwai kuyya bu ibabus bwo fe hohoi efwo jihoi?
\p
\v 40 Itarraŋ adi Hobu jihosi ojo, Ahode eramak ni itai jo, al ihaniete tai ihwo nya jyo illarak hoŋ dwadi bu olomuta’to bebe, ihaniete tai bwo fe jihoŋ.
\p
\v 41 Tania ojo adi inyi bwo fe jyo hulya hutto hani ihorroŋ jo, Ifwatta addi jihoŋ itai hul irrohojata’to. Ifwatta ihima on osyo’to fur an ihuhumani te etisyahani iko anjelohyen honyi.
\v 42 Nyo aniama nya ni bwo ibyaŋata tai isyatta aŋiyo jihoŋ. Ebwoto nya ni ati ibyaŋata tai isyatta aari jihoŋ.
\v 43 Ara nya ni atamononi ati ibyaŋata tai ifwotuna ani. Adaha nya ni aŋaturoi ati ibyaŋata tai isyatta aboŋojin jihoŋ. Aŋwai nya ni bwo fe awon ni ibabus ati ibyaŋata tai ifwanna imijyere ani.
\p
\v 44 Tania itarraŋi adi isi bwo fe jihonyi ojori, Hobu nya baya egonyu hohoi iye iniama, kuyya ibwoto, kuyya bu atamononi, kuyya aŋaturoi, kuyya iŋwai, kuyya bu ibabus bwo hohoi ebeŋ elwak iye?
\p
\v 45 Tania itarraŋ adi inyi jihosi ojo, Ahode eramak ni itai jo, al ibyaŋata tai ihaniete ihwo nya jyo obo olomuta’to bebe tehiji hulo, ibyaŋata tai bwo fe ihaniete jihoŋ.
\p
\v 46 Ofwoi adi hulo jyo abahyo on osyo’to fur, ati ofwoi adi aati hulo Hollum jyo nesu on osyo fur.
\c 26
\cl Angati 26
\p
\v 1 Latuhok Yesu nekyanita hunia daŋ ojo inyi jyo leyiyanak honyi ojo,
\v 2 Imijana tai jo ihalu oŋitek arrihai owon neyom an ifurani Allaŋan ono Anjelo bwo fe isyori adi Lonyi tulo isihoniere.
\p
\v 3 To oloŋ to nya ottubanie ehumak eleittaha iko amarwak ihaŋ ehumani ol obolo’to al anya’to Kaifa,
\v 4 ette isi iwwaha inefuniere Yesu ta enyobyo ittohori inyi.
\v 5 Ati ojoro isi jo, Obeŋ oyyu inefuniere inyi ta neyom eneittok ŋadi laati iwuwoŋitai bebe.
\p
\v 6 To obo oloŋ owon Yesu imiji Betania, itoŋo inyi ihaji Simone atulo ’tallulu.
\v 7 Hoŋiye isi attati aŋotte ’tuna jihonyi iko akarajaja ono eyali on ogol bebe te enyyaŋa, ette juhonia ihou Yesu.
\v 8 Al igonyuni leyiyanak ania, ijoryai isi ette jaran, Jai, nyo ijuhoni eyali asai?
\v 9 Oremik arya ania itinyyaŋaniere ta agurusi arryai ette harana jyo alocaŋak.
\p
\v 10 Omijak Yesu ekyanita hosi ette jaran, Nyo ittigemyete tai aŋotte? Ihanio inyi ariŋ on oyyu’to jihoŋ.
\v 11 Iwanata tai iko alocaŋak oŋitek daŋ, ati abeŋ adi ni etoŋo ikatai fur.
\v 12 Ijuhok inyi eyali ana ihwan hoŋ ihuhumaniere ani ta anuhana.
\v 13 Ahode eramak ni itai jo, imasik daŋ hun ittittoyerek asayyo hun oyiji’to, iramani adi bu odwo hiram an ihanio aŋotte ana itagiluniere inyi.
\p
\v 14 Ta asaa ania alo Yuda Iskariote lobo olo ’tomon harrihai jyo ehumak eleittaha,
\v 15 ette jaran, Isyatta adi itai anyo jihoŋ al esyo ni inyi jihatai? Ette isi duma inyi ta arobia atomwana hunihoi.
\v 16 To noloŋ nya ottifyatyo Yuda amaji an isyoriere inyi Yesu jihosi.
\p
\v 17 Ofwonni leyiyanak jyo Yesu to oloŋ etteri ono neyom ono Emunio hun Obeŋi Bula ette jaran, Anani maji adi iwak iye ehuhumyo hohoi teye iŋiyere ta neyom ono Allaŋan Anjelo?
\p
\v 18 Ojo inyi jo, Ifwatta imiji jyo atulo lya iramana inyi jo, ojo ettiyanani jo, ilyaha oloŋ hoŋ, aŋiyo adi ni iko leyiyanak hoŋ ta neyom ono Allaŋan Anjelo ihaŋ hoi.
\v 19 Ihanie nya leyiyanak ihwa ifak Yesu isi bwo fe ihuhumani isi aŋiyo ono neyom.
\p
\v 20 Ta attari oŋiye inyi iko leyiyanak honyi ’tomon harrihai.
\v 21 Hoŋiye isi ojo inyi, Ahode ahode eramak ni itai jo obo alatai itinyyaŋak adi nani.
\p
\v 22 Ijiriŋai isi bebe ette isi daŋ ababo ifiyo inyi ojori, Hobu ani adi alya?
\p
\v 23 Itarraŋ Yesu ojo, Alya el eduto’to ikoŋ arrany abotye itinyyaŋak adi nani.
\v 24 Oye adi Lonyi tulo ihwa igyoroni nya tenyi ati orroho bebe jyo atulo alya al itinyyaŋak’to Lonyi tulo. Obeŋi dwo isiuni inyi oyyu dwo jihonyi.
\v 25 Ifiyo Yuda al itinyyaŋak’to Yesu ojo, Hettiyanani, ani adi alya? Ojo Yesu jihonyi jo, Ikyana iye ahode.
\p
\v 26 Hoŋiye isi, iduhu Yesu emune, ette mojo ojo humo jyo Hollum ette beny bwo fe ette isyo jyo leyiyanak honyi ojo, Hibetina, oŋiyete, ara ana ihwa ahwan hoŋ.
\v 27 Ette inyi duhuna akos ette mojo ojo humo jyo Hollum, ette isyo jihosi ojo, Itai daŋ amatata tenyi,
\v 28 nyo ara ana ihwa nooto hoŋ on owouno’to addi ta aati hul olwaji ifufusori eyyata. Itagol nooto hoŋ ecorit aŋejuk.
\v 29 Ahode ajo ni jihatai, abeŋ adi ni enyyak mat aari ajalaŋi fur many iholoŋ an amatari adi ni aari ajalaŋi aŋejuho ilobye Monyoŋ.
\p
\v 30 Idoloi isi afure itahabuyere Hollum ette isi fwatan many idoŋe Oliveto.
\p
\v 31 Ojo Yesu jihosi, Ibaŋata adi itai daŋ te eram hoŋ ette itai fuho ta attari ana nyo igyoroni nya jo, Ojo Hollum jo, “Attoho adi ni leyyahani bwo fe isarrahini adi akyoro daŋ.”
\v 32 Ati ihalu nebuhuna hoŋ alo adi ni Galilea ahosyere hatai.
\p
\v 33 Itarraŋ Petro jihonyi ojo, Ara dwo bu ofuhoi hulo daŋ te eram hoi abeŋ adi ni afuho ’tuŋ.
\p
\v 34 Ojo Yesu jihonyi, Ahode eramak ni iye, ahana ta arwe ana hobeŋ ahohoro ilok iha adi iye ani eharita hunihoi.
\p
\v 35 Ojo Petro jihonyi, Dwadi ottohori nani ikoye abeŋ adi ni eha iye ’tuŋ. Ikyanai leyiyanak daŋ ihwo nya.
\p
\v 36 Attati Yesu fwatan ikosi jyo amaji an ifurani Jetsemani ette jaran jyo leyiyanak honyi, Itoŋoti do dini, alo ni dia imojori.
\v 37 Iyaro inyi Petro iko lonyirok arrihai hulo Sebedeyo. Ijiriŋa inyi bebe bwo fe ataji honyi odyaha.
\v 38 Ette inyi jaran jihosi ojo, Ijiriŋa ataji hoŋ bebe, ajo adi ni aye. Owotyati dini bwo fe omijyete, hejototi.
\v 39 Ihut inyi alamarai kai ette ruboho ifau imojori ojo, Monyoŋ, al oyyu jihoi, iyai akoss ana addi jihoŋ. Ati obeŋ ara ihwa ani awak, ara ihwa iwak iye.
\v 40 Ottu inyi jyo leyiyanak honyi ette rumana isi ojotoroi ette jaran jyo Petro, Ittallihoto tai mijo ta asaa abotye?
\v 41 Omijyete bwo fe omojoti jo oŋida itai ibyaŋata iruhoto nesusuyo. Ogol ataji ahode ati ofyaha ahwan.
\p
\v 42 Inyyak inyi leten enyyahi etarrihi imojori ojo, Monyoŋ, kuyya obeŋ oyyu jihoi iyarai akos ana jihoŋ arari al amat ni, ijara ihanie awahan hoi.
\p
\v 43 Inyyak inyi cohuno ette nyurana isi ojotoroi nyo ijoŋitai isi bebe.
\v 44 Idyaharu inyi isi ette leten imojori enyyahi etahunihi ette mojo ihwa odwo.
\v 45 Ottu inyi jyo leyiyanak honyi ette jaran jihosi ojo, Herasati tai joto bwo fe heyiryata tai? Imijyete, attuba asaa bwo fe itinyyaŋani Lonyi tulo ihas heyyak.
\v 46 Ottena, attu lya al itinyyaŋak’to ani. Hafatta irwaŋaniere ikonyi.
\p
\v 47 Hekyana inyi ottu Yuda obo olo ’tomon harrihai iko eluluŋ wati arryai iko afyara bwo elluhi. Ofwonni isi jyo ehumak eleittaha bwo amarwak.
\v 48 Lya al itinyyaŋa’to Yesu iramak jihosi netamijani ojo, Lya al ajur ni, inyi lya, inefuna inyi.
\v 49 Ette inyi boco jyo Yesu ette jaran, Moŋ, Hettiyanani, ette jur inyi.
\p
\v 50 Ifiyo Yesu inyi jo, Illa nyo ittu iye? Tania ofwonni isi inefuniere Yesu.
\v 51 Abotye jyo hul owoni’to iko Yesu inef ademi honyi ette sutuna inyi ette yef apit olo ehumani ol obolo’to ette isaluna neyyok honyi fyal.
\v 52 Attati Yesu jaran jihonyi, Oruhok ademi hoi isohobo honyi nyo laati daŋ hul osutuni’to ademi oyei adi ta ademi.
\v 53 Ibeŋ iye imijak jo aremik ni mojo jyo Monyoŋ bwo isyo adi inyi anjelohyen hul olwaji bebe ilwahyere ani?
\v 54 Ati kuyya ofwonni anjelohyen ilwahyere ani, aŋai adi itasiruni egyerita hun ojori jo oŋida ihanie ihwo nya?
\p
\v 55 Ta asaa ania ojo Yesu jyo eluluŋ wati jo, Ifwanna tai iko afyara bwo elluhi inefuniere ani ihwa olohoho? Oŋitek daŋ ewon nya ni ikatai ihaji imojit eneittok ittiyeniere bwo ibyaŋata tai ani inefuna.
\v 56 Ihanie erre huna daŋ itasiruniere egyerita huno eyak sayyo. Teyya obusarai leyiyanak daŋ inyi ette fuho.
\p
\v 57 Inefuni isi Yesu ette rihoro inyi jyo Kaifa inyi ehumani ol obolo’to, bwo fe ottubanie legyorok iko lamarwak dia.
\v 58 Ijifatyo fe Petro inyi alamarai, many lihiloŋoni haji ono ehumani ol obolo’to ette inyi jiŋana ette itoŋo iko oseŋer imijyere esidi hiram.
\p
\v 59 Ottifyai ehumak eleittaha iko lewwahak daŋ omuk nerre irrosoniere Yesu ittohori inyi.
\v 60 Ati obeŋi isi onyurani omuk erre dwadi bu ofwonni omuk etamijanak arryai hul ogesemi’to. Ihalu ofwonni omuk arrihai,
\v 61 ette jaran, Ojo atulo olo jo, Aremik ni itattur aji imojit eneittok ono Hollum ette duhonia inyi to oŋitek hunihoi.
\p
\v 62 Odyoto ehumani ol obolo’to ette jaran, Ibeŋ iye itarraŋ errositi hosi hun arrasani isi iye?
\v 63 Ati odwahino Yesu tania ojo ehumani ol obolo’to jihonyi jo, Ajo ni jihoi ahode ta afure Hollum al isu’to, kuyya ira iye Kristo Lonyi Hollum iramak hohoi.
\p
\v 64 Ojo ati Yesu jihonyi, Ihwa ijo iye, ani alya. Ati eramak ni itai jo ihalu igonyuna adi itai Lonyi tulo al itoŋo ihani iŋet ono Adwarani, bwo fe igonyuna adi itai inyi ol ottu ihide idisi huno edou.
\p
\v 65 Tania ogwas ehumani ol obolo’to aboŋo honyi ette ŋiŋanya ojo, Onyo monyoŋ nani, ogesem atulo olo. Anyo nyi ettifya hohoi etamijanak omuk? Hetehata bu itai itaniŋuna agesemita honyi.
\v 66 Igigiloti tai anyo jihonyi? Itarraŋi isi ojori, Osiru naye jihonyi.
\v 67 Tania imimice isi amilak lihomom honyi ette bahyo inyi bwo fe omuk anaŋye inyi,
\v 68 ette jaran, Kristo ottenu, ŋai al anaŋ’to iye?
\p
\v 69 Hetoŋo Petro ihiloŋoni ottu nobo napit jihonyi ette jaran, Iwon dwo bu iye iko Yesu Agaliletanani.
\p
\v 70 Ati orisa inyi ihosyere wati daŋ ette jaran, Abeŋ ni amijak anyo ikyana iye.
\p
\v 71 Holo inyi ilet igonyu obo odwoti inyi ette jaran jyo hulya hul owoni’to dia ojo, Owon dwo atulo olo iko Yesu Anasaratanani.
\p
\v 72 Inyyak inyi risa ta agolon ojo, Abeŋ ni amijak atulo lya ’tuŋ.
\p
\v 73 Ihalu kai ofwonni laati hul owotyai dia jyo Petro ikyanari ojo, Ahode ira iye olosi, nyo italeyeu nekyana hoi iye.
\p
\v 74 Tania ipita inyi bwo fe ittuŋo ette jaran, ’Tuŋ ahode, abeŋ ni amijak atulo lya. Teyya teyya ilok ahohoro.
\p
\v 75 Attati Petro giluna nekyanita huno Yesu hodwo ojo, Hobeŋ ahohoro ilok iha adi iye ani eharita hunihoi. Teyya alo inyi ilet ette ’yo bebe.
\c 27
\cl Angati 27
\p
\v 1 Ninya afaŋ amotye iwwahai ehumak eleittaha daŋ iko amarwak arabotye ittohori Yesu.
\v 2 Ifitani isi inyi ette yaru inyi jyo Pilato al ara’to mandir.
\p
\v 3 Tania igonyu Yuda etinyyaŋani Yesu jo oŋoti isi aye jyo Yesu ette inyi iloit ataji honyi te ejiriŋa ette inyyaharu arobia atomwana hunihoi jyo ehumak eleittaha iko amarwak,
\v 4 ette jaran, Eyyau ni nyo etinyyaŋak ni lya ol obeŋ’to iyyau. Ati itarraŋi isi ojori, Obyaŋara eram hohoi ania. Ara eram hoi.
\v 5 Ibirok inyi arobia ifau haji imojit eneittok ette leten addi ette gororo ahwan honyi hama.
\p
\v 6 Ohuruni ehumak eleittaha arobia ette jaran, Obeŋ oyyu ittubaniere arobia hunia iko huno aji imojit eneittok nyo arai isi nedumiti huno naye.
\v 7 Iwwahai isi ette inyyaŋa ta arobia hunia amaji ninya obwaharik nefwoto nyo awahi isi nuhatari atamonok dia.
\v 8 Tania to noloŋ nya many iko ahana iloŋoi amaji nya amaji ewot hoto.
\p
\v 9 Itasirunierek ekiana Yeremia ekianani Hollum, ninyia ojiari inyi jio, “Iduhuni isi arobiyaa atomuana hunihoi, arobiyaa hunyia iduhuni onyiok Israele edumit honyi,
\v 10 Attati nekyana ono eyani sayyo Yeremia itasiruna on ojo, “Iyarai isi arobia atomwana hunihoi inyyaŋuniere amaji ninya obwaharik nefwoto nyo arai isi edumiti hunya oŋocerek lonyirok Israele.”
\p
\v 11 Itawojihini isi Yesu ihosyere mandir ette mandir ifiyo ojo, Ira iye Hobu olo Yudea? Ojo Yesu jo, Ihwa ijo bu iye.
\p
\v 12 Arrasatai ehumak eleittaha iko amarwak inyi erre arryai ati obeŋ inyi itarraŋ obo ariŋ.
\p
\v 13 Attati Pilato jaran jihonyi jo, Ibeŋ iye itaniŋu errositi arryai hun orrosoni isi iye?
\v 14 Ati odwa inyi liŋ liŋ, tania illilliha mandir bebe.
\p
\v 15 Aŋasi daŋ to neyom eneittok ohou mandir obo al ifita ihwa awahi eluluŋ wati.
\v 16 Owon nya obo aboloni ibabus al anya’to Baraba.
\p
\v 17 Al attubanie laati ojo Pilato jihosi jo, Iwahata tai ani ahohi alali jihatai, Baraba kuyya bu Yesu al iloŋoi Kristo?
\v 18 Nyo omijak Pilato jo iyaŋunie dwo isi Yesu ta nahaini.
\p
\v 19 Hetoŋo Pilato ikurus ono aŋoco ifak ŋorwoi honyi nekyana jihonyi on ojo, Hehanio obo ariŋ jyo atulo ol oyyu’to alya nyo ahana erigya ni on orroho bebe tenyi.
\p
\v 20 Isusuye ehumak eleittaha aati daŋ ifiyere Pilato jo oŋida inyi ohou Baraba bwo ottoho Yesu.
\v 21 Ifiyo mandir jihosi jo, Ahohi adi ni alali jihatai?
\p
\v 22 Ojori isi, Baraba. Ojo Pilato jihosi jo, Ehanio adi ni anyo jyo Yesu al iloŋoi Kristo? Itarraŋi isi daŋ jihonyi ojori, Ijara isihoni inyi.
\v 23 Ojo mandir jihosi ojo, Anyo ariŋ on orroho’to an ihanio inyi? Ati iwuwoŋitai isi bebe ojori, Isihonia inyi.
\p
\v 24 Igonyu Pilato jo ittallik inyi ihanio obo ariŋ nyo iwuwoŋitai laati bebe. Tania omojo inyi omuk aari ette finia ihosyere wati ette jaran, Obeŋ adi oŋoti naye ono atulo ol oyyu’to olo jihoŋ. Ati ara inyi eram hatai.
\p
\v 25 Itarraŋi laati daŋ ojori, Ijara oŋoti naye honyi jihohoi bwo fe jyo aduri hohoi.
\v 26 Tania ohohi inyi Baraba jihosi ati isyo inyi Yesu jyo oseŋer ibahyere iko isihoniere.
\p
\v 27 Attati oseŋer hulo mandir iyaro Yesu ihaji eneittok nyo owoni dwo isi ilet bwo fe ottubanie eluluŋ jihonyi.
\v 28 Ohouni isi aboŋojin honyi ette itiyyafana aboŋo an aryet.
\v 29 Oyyiri isi egorya hikwa ette isihonia lihou honyi ette isyarana elluk ihani iŋet honyi. Origoŋi isi ihosyere honyi ette suhotyere inyi ojori, Hobu olo Yudea, moŋ.
\v 30 Imimice isi amilak jihonyi ette bahyo ahou honyi ta nelluk.
\v 31 Latuhi isi asuhotyere inyi, ohouni isi nodwo boŋo ette itiyyafana aboŋojin honyi jihonyi bwo fe orihoroi isi inyi addi isihoniere.
\p
\v 32 Al ojiŋari isi ilet orwaŋanie isi iko obo atulo Acirenetanani al anya’to Simone. Orrosoni isi inyi hotolororo akruce on ofwoi isi isihoniere Yesu.
\v 33 Afanyi isi jo amaji an ifurani Golgota on ojo amaji hou.
\v 34 Isyarani isi jihonyi aari ajalaŋi hun iharrwahini iko obo ayyani. Ati al iniŋ inyi iha inyi amata.
\v 35 Al isihoni isi inyi ette isi hor aboŋojin honyi ta abaha ogumar.
\v 36 Attati isi itoŋo irrirryari inyi dia.
\v 37 Bwo fe igyoroni ihide kruce honyi nekyana ono nerrositi hosi inyi ojo, Yesu olo, inyi Hobu olo Yudea.
\v 38 Iholoŋ ania isihoni ikonyi ahahalak arrihai, abotye etteŋet bwo fe abotye ettehorroŋ honyi.
\v 39 Omorye fe adahak Yesu ette huco inyi ta afyala ojori,
\v 40 Iye al ijo’to etattur ni aji imojit eneittok bwo fe inyyak duho to oŋitek hunihoi itahoru nahwan hoi bwo isuru ihwania to kruce kuyya ira iye ahode Lonyi Hollum.
\p
\v 41 Osuhotyerek bu ehumak eleittaha bwo egyorok iko lamarwak inyi ojori,
\v 42 Italahu nya inyi lomuk, ittallik ati inyi italahuna nahwan honyi. Inyi Hobu olo Israele tania ijara inyi isuru ihwania to kruce bwo fe eruk adi hohoi jihonyi.
\v 43 Iyihi fe inyi jyo Hollum, ijara Hollum italahu inyi ihwania kuyya omuno inyi inyi, nyo ojo nya inyi jo, Ani Lonyi Hollum.
\v 44 Ahahalak hul isihoni ikonyi amorye inyi bwo fe ihwo nya.
\p
\v 45 Ta akilfani many iko otoryai iryok afau daŋ edumele ’tir ’tir.
\v 46 Ta asaa hunihoi iloŋo Yesu on okwat bebe ojo, “Eloi, Eloi, lama sabacani?” on ojo, “Hollum hoŋ, Hollum hoŋ, nyo ibusak iye nani?”
\v 47 Al itayiruni aati hul owotyai’to dia nekyana honyi ojori isi, Iloŋo inyi Elija.
\v 48 Oŋer bwo fe obo olosi ette ilutonia aboŋo itwa hari hun irwatiŋoi ette ihanana ihide osiholoti itamataniere inyi.
\p
\v 49 Ojori omuk, Idehi so, hamijyete, kuyya ottu adi Elija itahoruniere inyi.
\v 50 Inyyak fe Yesu iloŋo on okwat bebe ette ye.
\v 51 Attati aboŋo ono aji imojit eneittok gwasa hama aŋaco arrihai to hide many ifau bwo fe ikikiro afau, ette amorwoi bwara.
\v 52 Aŋai bwo fe elumyo bwo itubuhuni aati hulo Hollum arryai hunya oyei’to beryen.
\v 53 Ihalu nebuhuna Yesu ofwonni isi addi te lumyo ette jiŋana Yerusalem bwo igonyuni laati arryai isi.
\p
\v 54 Abaŋi eleittok olo oseŋer iko laati honyi hul irrirryai’to Yesu al igonyuni isi ekikiro fau iko erre hun idwoŋi’to. Attati isi jaran, Ahode atulo olo, inyi Lonyi Hollum.
\p
\v 55 Owoni fe dia aŋorwo arryai hun irrirryai alamarai. Ijifatye nya isi Yesu to Galilea ilwahyere inyi.
\v 56 Ihiji hosi owon Maria Madalena, bwo Maria honye Yakobo iko Yosefo, bwo fe owon honye lonyirok Sebedeyo.
\p
\v 57 Al ara akikai ottu abarani otto miji Arimatea al anya’to Yosefo. Inyi leyiyanani olo Yesu.
\v 58 Olo inyi jyo Pilato ifiyere ahwan Yesu, attati Pilato ifahina laati isyaraniere ahwan jihonyi.
\v 59 Iyaro Yosefo ahwan ette bubunaro inyi ta aboŋo on olibo,
\v 60 ette itaferehina inyi ilume honyi aŋejuk an ikyafani ibak. Ittaborok inyi namorwo on obolo ihutuk ilume ette leten addi.
\v 61 Itoŋoi Maria Madalena iko Maria obo hama iger ilume.
\p
\v 62 To sabato ofwonni ehumak eleittaha iko Farisei jyo Pilato,
\v 63 ette jaran, Hobu egilu hohoi jo, ojo nya lenyabani lya hesu inyi jo, Ihalu oŋitek hunihoi ebuhu adi ni.
\v 64 Tania ifak oseŋer itagolyere elume many jyo oloŋ itahunihi, ŋadi leyiyanak honyi ofwonni hahalaro ahwan honyi addi. Ngadi isi ofwonni jaran jyo laati jo, Ibuhu inyi to ye, bwo fe orroho adi enyobyo ania agalik.
\p
\v 65 Ojo Pilato jihosi jo, Iwanata tai iko oseŋer, ifwatta itagolyere elume ihwa iremehina tai.
\v 66 Attati isi fwatan itagolyere elume ta amorwo on otyohini dia bwo fe arasai oseŋer dia irrirryari.
\c 28
\cl Angati 28
\p
\v 1 Ihalu oloŋ sabato al afaŋ amotye ofwonni Maria Madalena iko Maria obo imijyere nelume.
\v 2 Ikikiro dwo afau bebe nyo isuru anjelo olo Hobu t’edou itaboruniere amorwo to hutuk ilume addi ette itoŋo ihide honyi.
\v 3 Opipyak ahwan honyi ihwa ahilai bwo obwor aboŋo honyi bebe.
\v 4 Abaŋi oseŋer anjelo bebe ette isi ikikiro ette kwaharo ifau ihwa ayak.
\p
\v 5 Ojo ati anjelo jyo aŋorwo, Hebaŋata. Amijak ni jo ittifyati tai Yesu oŋole isihoni ikruce.
\v 6 Abeŋ tene nyo ibuhu dwo inyi ihwa ikyana nya inyi. Ifwanna, imijyere amaji oŋole itaferehinierek inyi.
\p
\v 7 Bwo fe ifwatta kokwak iramaniere leyiyanak honyi jo, Ibuhu dwo inyi to ye ette kyomoro jihatai Galilea. Ifwatta adi itai igonyuna inyi teyya. Ihwania atuhuno, eramak ni itai.
\p
\v 8 Ofwoi isi kokwak t’elume addi ta nabaŋi iko namuno on obolo ette isi ŋyoron iramaniere leyiyanak honyi.
\v 9 Ati orwaŋanie Yesu ikosi ette fonyo, Moŋ, ogoto. Ihutuni isi jihonyi ette rigoŋi ittiryere ejek honyi ette isi itahabuyo inyi.
\v 10 Attati Yesu jaran jihosi jo, Hebaŋata, ifwatta iramaniere illarak hoŋ jo oŋida isi ofwoi lifau Galilea bwo fe teyya igonyuni adi isi ani.
\p
\v 11 Hofwoi aŋorwo, ofwoi bwo fe oseŋer imiji iramaniere ehumak eleittaha erre daŋ hun idwoŋi’to.
\v 12 Ottubanie isi iko amarwak iwwahari eram ania ette isi isyarana agurusi arryai jyo oseŋer,
\v 13 ette jaran jihosi, Iramana laati jo ofwonni dwo leyiyanak honyi ta arwe lejoto hohoi ette isi hahalaro ahwan honyi.
\v 14 Bwo fe kuyya itaniŋu mandir eram ana, etilik adi hohoi inyi jo oŋida inyi obeŋ abak itai.
\v 15 Iyarai isi agurusi ette iramana laati ihwa ifahini jihosi. Tania many iko ahana ikyanai laati Yudea ihwo nya.
\p
\v 16 Ofwoi leyiyanak ’tomon habotye Galilea jyo adoŋe ninya itahutak Yesu jihosi.
\v 17 Al igonyuni isi inyi origoŋi isi jihonyi itahabuyere inyi. Ati ikuyyai omuk.
\v 18 Ihutu Yesu ikyanari jihosi ojo, Isyori adwaran daŋ ono edou iko ono afau jihoŋ.
\v 19 Tania ifwatta ituruhyere aati hutta fauhyen daŋ bwo fe ibatisyete isi ta afure Monye iko Lonyi bwo Oloyiri ol Olibo.
\v 20 Ittiyeniete isi ihaniere erre daŋ hunya efak ni jihatai. Bwo fe imijyete, awon ni ikatai oŋitek daŋ many isidi fau.