lmy_reg/67-REV.usfm

\id REV
\ide UTF-8
\h Wahyu
\toc1 Wahyu
\toc2 Wahyu
\toc3 rev
\mt Wahyu
\c 1
\cl Kawukku 1
\s Yohanes Naharala we Tutge Jurata Iwne
\p
\v 1 Nadedona wali tai Yesus Kristus, hanyinai Allah tabarana tuti kahatingo ge tabara atana tubage nada kahega daho dadi. Yesus Kristus nahadedalage inne lededi malaikatna tutuge hadikige tabara Yohanes, atana.
\v 2 Yohanes inna dabkwe tadawe linai Allah monodumo Yesus Kristus, tapanudi tanga di naetabeda.
\v 3 Hamaringkaiata kabaha we waige lina kamawania liyo hurbale inne klono mariang dumona yida karangowe monodokuge auawe kama tolha neda lari, oro rakige dagetanage.
\s Marigna Yohanes Tabara Kapituna Jemaat ta Asia
\v 4 Wali tai Yohanes, tabara pitu jemaat kadanata Asia. Kanyuru mono moli kamarigna tutumuwali tanyiyo kadana, kadabena, mono kamna; loho wali kapituna ngahu kadana taaro dawu ngodoNya,
\v 5 mono wali tai Kristus Yesus, kaetawe loho kamiku, kakade kawungawa wali tajonga ata mate mono kaharenawe wali tangadi raja-raja tapanu tana. Tubana yiyo, kamanawarada yita mono kapawhota yita wali tadoku jalada yita waigeraNya,
\v 6 mono kahadadibeda yita dadi wuyokalingora padeha, rato-rato tubanai Allah amana, tubana yiyo manada mono bikta pareha diki ana muri awa muri! Amin*
\v 7 Etawegi, Yesus amini waige karaba, mono tangadi mata enga etayi nyiyo, lodo ge yida kaduhuka beyi, mono tangada kabihu ata tapanu tana enga hoda orona yiyo. Ngo, innenga dadige! Amin.
\p
\v 8 “Nauwakna kapoge mono kahadukawe, linai mori Allah, kadana, kada bena, kabikna parehana.”
\s Haetana Yohanes tutu Anana Kadadi Ata
\p
\v 9 Nauwa, Yohanes, angu woyo mono olemu kadokudu mona lartama yilla, larikahareha, mono lari tamanudu nedalari tai Yesus, kanada tawuyu nuha paha ngarada Patmos oro linai Allah nomo paha tingonai Yesus.
\v 10 Nauwa kalugga ngahu dikige lado mori, mono nauwa gurangewe liyo kadahaki wali taliragu katujadana punyi talalu.
\v 11 Kataudana hanewe, “tolhai tangadi radapa etamu neda lari tawuyo buku mono kamu hangia: Efesus, Smirna, Pergamus, Tiatira, Sardis, Filadelfia, mono Laodikia.”
\p
\v 12 Lodoge, nauwa uggilawa magu eta liyo kahanewa tabaragu, kole nauwa bagu gilawa, nau wagetayi pitu gayu nariyo amaharera,
\v 13 mono nedatatilu puhariyo inna, nauwagetayi wuata katuju, anana kamadi ata waina kalabe madaka kahadiki taceduna mono walawe kabala amaha rara takuru-Na.
\v 14 Katakna mono wunakaka we tujai wulu bebe, tuja kakage, esmadaka; mono mata-Na tujai rewo lati.
\v 15 Gedu-Na magi latai tujai amaha kaka kawengo lari dawu banu.
\v 16 Talima wanana, nyiyo nanarodi pitu maduyo mono wali tabana huge wu katopo taima kapatna, mono arona magakaha ge tujai ngagahawa matalado.
\p
\v 17 Kogenauwa bagu etayiyo, nauwa bukawa taleduna tujai ata mate. “Ilam madauta, Nau wakna kapuge mono kapodiwe,
\v 18 Mono kamor kia nauwag mate bewe, tabolo haniaraga nauwa morhawa kaha ana muri, mono nauwa ugnarro ge kuhi mati mono kuhi pareha mate.
\v 19 Oro inna, tolhawe tawgage mada kaenga dadi nimi la.
\v 20 Inne nyiwe ngihi kabunyige tubada pitu mayudo haetami kiyo talima wanagu mono pitu hariyo amaha rara pada. Pitu mahu yo rada yidakna malaikat wali pitu jemaat, mono pitu hariyo rada yidakna pitu jemaat.”
\c 2
\cl Kawukku 2
\s Jurata Ta Jemaat Efesus
\p
\v 1 “Tabara malaikat jemaat ta Efesus tulhawe: inne nyi we hatkna yiyo kanarrodi pitu maduyo talima wanana mono kakako ta jonga hariyo amaha rarapada:
\v 2 Nauwa tadawe tangage haulamu mono jolimu mono mikumu, agalina dawe miyo aimtahna tabara kajapata mono miyo bamu kirahayi ata katak kiwe danna lede lima, tabolo dokukage yida wale lede likmayi, mlono kole dadi yida paleka.
\v 3 Miyo dage mikkumu mono tahimi tutu ngaragu mono wageta bammawe joli.
\p
\v 4 Tanyidawe, nauwag naapemi oromiyo bamu tanabege manawaramu wali puge.
\v 5 Oroge inna apawe bagiyo dawu wali miyo bamu mono momlo bamu jarra lodoge bamu rayige agawe ha ulabemi wali ulluge. Nyiaitaudage, nauwa enga amga tabaramu mono ngalayi puha rimu wali taha deuna, dukadahe ge miyo bamu jaura.
\v 6 Tanyiduwe, inne miyo daumi: miyo umbutuge ate harayida. Tangada tadokuni Nikolaus, habutugu ate.
\p
\v 7 Nyiyo kamangu katilluna yammani kana range agawe inna hatkna wadi. Ta jemaat-jemaat tabarana yiyo katailo, nauwa engag nyini hayayo wali tapuyo morha kadana ta omandi Allah.” 
\s Jurata Ta Jemaat Smirna
\p
\v 8 “Mono, tabara malaikat jemaat Smirna tulhawe: inne hatakna wali kapuge mono kaha dukawe, kamatebe mono kamorha haga:
\v 9 Nauwag tadawe mayillami mono dengomi, tabolo tawu takage miyo potemi! Nauwag tadawe hanewe palika pahaaro tabaramu tutda yida katakkiwe dauna ata Yahudi, tabolo dukage walekma, tanyiduwe sinagoge kabalka.
\v 10 Ilam madautami tabara agaiwe enga bamu mayillamiyo. Etawege, kabalka enga nabaitana gimi kapirana wali tamiyo tagallu dajalage miyo kakira hami, mono miyo bamu liwe kama yilla kabulu ladona. Tahina kahamate, mono nauwa enga yige mige tabaramu kataupa morha.
\p
\v 11 Nyiyo kamangu katiluna yammagimi kamurangawe agawe hatak na wadi ta jemaat-jemaat. Ata katailobe walena engak mana mayilla tamate kadudana.” 
\s Jurata Ta Jemaat Pergamus
\p
\v 12 Mono, ta bana malaikat jemaat Pergamus: inne yiwe hatakna kamangu katopo tamana pattimata.
\p
\v 13 Nauweg tadawe nyiyo dawu engami, tahadawu ngodo nai kabalka yoda gimi: tabolo miyo umwarro gage ngaragu mono walem kabal mage hatenamu loho ta mahigu Antipas, kamikku etawe kamate tajongamu, hadaunai kabelka ewgana.
\p
\v 14 Tabolo, nauwag haapemige oro dayo kapirana tajongami kadokuge hanu wai Bileam, kaha nuwani Balak tutu tau we watu wida taaroda ana Israel, tutu ya nayayo hamanuta ta hala hatawu mono karayi na jala lona olewa.
\v 15 Tauda dumuge, dadi kapira wa ta jongami kajurtawe agawe hanuwana Nikolaus.
\v 16 Oro inna, jurramige! Nyi waleka, nauwa enga geha maigu tabaramu mono gabadi yida waina katopo wali tabagu.
\p
\v 17 Yiyo kamangu katil na haini kana range agawe hatakna wadi ta jemaat-jemaat. Tabara nyiyo katailo, nauwa enga yini kababa kabunyi; mono wauwa enga yige mige tabarana wuyo watu kaka, mono wuyo ngara bera kama tolha tawutu inna, wale wuhing wak ata katadayi.” 
\s Jurata ta Jemaat Tiatira
\p
\v 18 “Mono, tabara malaikat jemaat Tiatira tulhawe: Inne hanewena Ana Allah, matana katujana rewo lati mono leduna narewoyi tujuna amaha kaka lari hadau tunuyi:
\v 19 Nauwag tadawe harayimi, manawara mono hatena mi haugami mono maloyami mono lede haumai kammuri rehiwe kawungana.
\v 20 Tanyibuwe, nauwa hanamgini oroge miyo bamu pahaidi lawai Izebel rada, kamangaku wuata nabi lawai, hanuana mono hajalorayi kaulagage haulagu dajalage haloyo wikdi mono yadage hayayo hamara kabe tahala hatawu.
\v 21 Nauwa ug yibe mahiggo tutu jarra, tabolo nyi wagena auma jarra wali lona olewa.
\p
\v 22 Etaige, nauwage tubani nyiyo tapanu dawu durana mayilla mono yida kalona olewa waige inna ewga tubaludi lari tama yilla madakka, likeda yida kajarra wali harayikda tawai rada.
\v 23 Mono, nauwa enga haniategudiana waile mate; mono tangada jemaat enga tada dage banauwai Allah ka kirahadadi paha ngadada mono ate ata, monno nauwa enga yiguge tabarami diha dokuge harayimi.
\p
\v 24 Tabolo, tabaram miyo loho wakeda ta Tiatira, aika dokuge hanuwa inne, aika tadahowe haula kabunyinai kabalka, nauwa gutakkiwe: nauwa enga walegu ijalakmagi mi bikta wadeka tamiyo.
\v 25 Ta yiduwe, warro hangata ditaagai hadaubemi kaha nauwa bagu maiwa.
\p
\v 26 Mono, tabarada ata katailo karayige haulagu kaha kapoaige, nauwa engagu yigimi kawaha ta kabihu ata-kabihu ata,
\v 27 Mono yida enga harehadadi bihu-ata-bihu ata rada waidi takko bahi, hamuaha hajibbi mara hadi tujai pepe karayina jarro, oro wauwa dumo ug hibaduwe kamaha wali taamagu.
\v 28 Mono, nauwa enga yinage tabarana mayudo lado koka.
\v 29 Nyiyo kamangu katilluna rahaini kana range agawe hatakna wadi ta jemaat-jemaat.”
\c 3
\cl Kawukku 3
\s (Jurata Ta Jemaat Sardis)
\p
\v 1 “Monno, tabara malaikat jemaat Sardis tulhawela: Nyiwa inna hatakna nyiyo kadaudi kapituna wadi Allah mono pitu anaduyo rada: Nauwa ugtadawe harayimi. Atana takwe miyo bamu morhami, tabolo tawi takkage miyo matemi.
\v 2 Hamataragela, mono hakulha kiwe tangage hada kadahona, kahomowe mate, nauwa wale kolima hoge haulamu kayanana ta ardi Allah.
\v 3 Oro inna, apewe agabewe pahibanu mono haranlemi, dokudi rada mono jaramla! Nyi miyo aim hamarage nauwa enga amga tujai wu ata kedu mono miyo euga wagmi tadak mawe jampira nauwa bagumai tabarami.
\p
\v 4 Tanyuduwe miyadadi kapirana ata ta Sardis aika haotorahodi kalabeda yida; mono yida enga kako hamera dangadaga waige waiwa kalabe kaka oro yida tuba.
\v 5 Ata katailo enga taudadi kalabe kaka mono nauwa enga hopigusi ngarada wali ta jurata morha. Nauwa engag mangaku dadi ngarada taarona amagu mono taaro malaikat-malaikat-Na.
\v 6 Nyiyo kamangu katilna pahaini kana range agawe hakatisa wadi tabara jemaat-jemaat.” 
\s (Jurata Tabara Jemaat Filadelfia)
\p
\v 7 “Mono, tabara malaikat jemaat Filadelfia tolha, nyi inne hatakki wali katenguna mono katena, kanarroge kuhi Daud,* kabugerage mono walelak hingmak ata kakowge;
\v 8 Nauwag tada we harayimi. Etawela, nauwag bugera bege bina tubamu, wale wuhingmana ata kutowiwe oro kulhamu kamaraha, tabolo miyo dokubege ligu mono walemu kabal magage wuaragu.
\v 9 Etawe whuwa enga rayiguge yida sinagoge kabalka radu, kamanga ku wuyi ata Yahudi, tabolo duku dage walekma, mo kawohodage, nauwe enga rayi gudi yida amini mono kawojo ta ledumu, mono rayidi yina tadawe monau wa manawera gimi.
\v 10 Miyo karawa bewe liyo mikug, nauwa gu karawa miyo wali mahigo mayila nimi ka amna tatangage panutana, tutu kurhai yida kadawu panu tana.
\p
\v 11 Nauwag geha maiwa. Narrodi la agai kadana tamiyo dajalage lahingmak wuata ata engangalai kataupa manadamu.
\v 12 Nyi katailo be, nauwe enga hadadi gugu hariyo dulla Bait Suci, Allagu, mono nyiyo walena hilu kakokma waliiaha dawu nedo; mono nauwa gutolha gimige tabarami ngara Allahgu mono ngara harona Allahgu, hakguna Yerusalem Baru.
\v 13 Nyiyo kamagu katilluna yammani kana rangewe agawe hatakna wadita jemaat-jemaat.” 
\s Jurata tabara Jemaat Laodokia
\p
\v 14 “Mono, tabarada malaikat jemaat ta Laodokia tulhawe: inyiwe hatakna hamma Amin, kaeta waige mikku mono mono tena kapuge wali tangadi harayinai Allah:
\v 15 Nauwa ugtadana tangage harayimu, oro yauwu wagemu mayagalak mawu wale ngangaha. Rehinada ha hoge miyo mayagala wale ngangaha.
\v 16 Yidawe oromiyo mutu kadatami, waliwu mutu wale domo mayakala nauwag muta gimi walitabagu.
\v 17 Oro miyo balimige, ‘nauwag potewa, majabolawa, mono lahinga kadabogu, nauwa waleg tabag mawe inna katau takana miyo mayilami, kabadaka, milla, moro, mono kalulu.
\v 18 Nauwag hanuwa gimi tutu bamu hiyo woli tabaragu amaha rara, patunu wayi latti dajala ge miyo kamu potemi, mono kalabemi kakaida jalage miyo kana dadiwe bama tawuyi dajalage inna makkemi oro kalolumi wale engag mage etami mono orage salep ta matamu dajalage miyo kana dadi we bamu eta.
\p
\v 19 Yida hama nawaragu, ughapedi, mono ug banidi; oro inna, nyiwe atemu mono jarrawu.
\v 20 Eta wala! Nauwag dedewa taaro bau bina mono ug kaladige, nyi badaka ata karange gage ligu mono bugeraga bina, nauwa enga tama gu tabarana mono yayo ole dangani, mono yiyo oleguni.
\p
\v 21 Nyi katailo, nauwa enga nahai gumi ndogo hamera dangaga tahadawu ngodogu hamera tujawe wauwa bagu tai lobewa mono ngodo hamera dangani amagu tahadaw ngodo na,
\v 22 Nyi kamangu katiluna pahainu kana range ngawe hataknya wadi ta jemaat-jemaat.
\c 4
\cl Kawukku 4
\s Yohanes Etawe Surga
\p
\v 1 Kole innage, nauwag etawe wibina mabugerawe dete ta surga, mono liyo innana, harangeku nauwa tujawe liyo ta lalu kahanewe dangaga, kalinada, “Panewe inne moro nauwag engag patingo guge tabaramu agadahowe kadadi babewe inne.”
\v 2 Batau ge inna dumo nauwa naka lubuga waddi momo etawe, wuyo hadau ngodo dage ta surga mono wuyo ataka ngodo ta pawu nadawu ngodo inna.
\v 3 Mono, nyiyo kangodo tapanu nadauwu ngodo inna, nadedo katujana watu mabilatayaspis mono Sardis; mono dani wuyo aleha kakilorage hadawu ngodo inna, paetada tujai zambrud.
\p
\v 4 Hakilora hadawu ngodo inna dadi dokabulu pata hadawu ngodo mono tapanudiha dawu ngodo rada nauwag etayi doka bulu pata bai ata ngodo waina kalabe madaka kaka mono kataupa amaha rara dadi ta katakuda yida.
\v 5 Mono, wali taha dawu inna huna kamillaka mono kagoraka liyo kagurka. Mono dadi piyu hariyo karewotaara dawu ngodo inna, yidaknage pitu yadi Allah.
\v 6 Mono, taaro dawu ngodo inna dumo dage wuyo katujana banu kanino, tuja watu malilaka. Tatilna mono kilorage dawu ngodo inna dadi pata ranga kabanuna matana taarona mono talirana.
\v 7 Ranga kadihana natuja dayi wu singa, mono ranga haduda waiyi tujai hapi mane, mono ranga hatauda waiyi matana natu ja dawe mata ata, mono ranga hapatawai natuja wekoa kawuruna.
\v 8 Kapatana ranga rada diha-diha annida kapada kabanuna matada, tabali haddi mono kadawu lari; lado mono gaddi, ka patana ranga pada wale danga hukma hanewe, “Tekna, tekna, teknai Mori, Allah hada bika parehana, kadabena, kadana, mono kaamna”
\v 9 Mono, kole ranga rada bada nyikawe manadana, haaka, mono hanawe lima waiyi tabarana nyiyo kangodo tapanu dawu ngodo kamorha aika dukana.
\v 10 Kadobulu patana baiata rada dakawo jotaarona nyiyo kangodo ta panu hadawu ngodo inna, mono kangakani nyiyo icamorha aika dukana nada, mono batani kataupana yida
\v 11 “O Mori mono Allahma nami, Yauwa katutu hibawe manadana, haaka, mono kawaha oroge yauwa umpadadi beditangadi mono oro hakabu atemu tangage inna dadi mono hadadi.”
\c 5
\cl Kawukku 5
\s Jurata Haubla Mono Ana Bebe
\p
\v 1 Bege, nauwag etayi talima wanawa nyiyo kangodo tapamu dawi ngodo wuyo jurata ubla, kadayo hatolhana kadawa lari mono bali hadu, ha waige pitu.
\v 2 Mono, nauwag etayi wumalaikat kadaha nawula waige lina kama wanta, “iyaduyi katuba bugera jurata ta haubla inna mono bugerabi matareyudi?”
\v 3 Tanyidu we, wage lakma wuakata, deteta surga, inna tapamu tana, loho kadana ta kabutana kaddi kadadi bugeradi wale ka kaetawe kabuge lari halunu inna.
\v 4 Yidawe, nauwa guhagege hoyo haddu-haddu oro walelakma wuak ata pakole tuba tutu bugerage jurata hulunu inna waleka etawe kabuge lari.
\v 5 Tanyi duwe, wayo wali tai bai ata nadalima bana hanewe tabaragu, “Ngahuwu hoyo! Etawe, Singa wali naka bihu Yehuda, ana suhu Daud, natai lobe dajagage nyi dadi we bana bugerage jurata hawnu inna mono pitu metereige.”
\p
\v 6 Mono, nauwag etayi tatillu daungodo pata ranga inna, mono tatiludi tangada baiata rada wuyo Ana Bebe na dede, tujai parodobe, kadayo pitu kaduna mono pitu mata haluguna pitu wadinai Allah paha lewa tahagala panutana,
\v 7 Ana Bebe nada namaiyo mono nawgalawe jurata halunu inna wali talima wanana nyiyo kangodota panu dawu ngedo.
\v 8 Mono, kole Ana Bebe ngala bewe jurata halunu inna, kapatana ranga mono kadoka bulu patana bai ata kawojo taarona Ana Bebe nada, diha-diha danarowi wuyo kapikka mono wuyo koba ama harara kabanuna weyo kemeyan, halu guna simbayangna ata katengna.
\v 9 Loho, yidna da manyanyi wuyo manyanyi beru linada: “Yauwa tubawu ngalawe jurata halunu inna mono bugeradi metereidi oroge Yauwa barono bewu, mono waige ramu, Yauwa hawali bedi ata wali diha bihu-digabihu, hanewe, kaha olena, mono kabihu ata tubai Allah.
\q1
\v 10 Mono Yauwa umhadadi bemi yida dadiwuyo pareha raja mono rato-taro tuba Allah da yita mono yida enga harehada tapang tana.”
\p
\v 11 Bege, nauwag etawe, mono nauwag range liyo wali ta malaikat buta kakilorani hadawu ngodo, pata ranga, mono tangda ata rada. Mono tangaka hada yida riwu ratada, loho kabulu ratada,
\v 12 dawula waina liyo kawanani, “Tubawe Ana Bebe, haropo benada, hibawe kawaha, mono pote, mono angta, mono kulha, mono haaka, mono manadana, mono mahadi.”
\p
\v 13 Bege, nauwag rangeyi tangadi ranga kadana ta surga, mono tapanu tana, mono takabu tana, mono tabanu, mono tangadi kadana neda lari, tangadi rada daha newe, “Tubana nyiyo, kangodo tapanu hadawu ngodo, mono tubana Ana Bebe, tangadi mahadi, haaka, manadana, mono kawaha kaha ana muri!”
\p
\v 14 Mono, pata ranga rada dahanewe, “Amin” mono tangada bai ata kawojo mono kataba.
\c 6
\cl Kawukku 6
\s Ana Bebe Nabugeradi Materei Kahida Kaha ka Anna
\p
\v 1 Bege, nauwa gu hamatarani kole Ana Bebe nabugerani wuyo wali kapituna materei rada, mono nauwag range yi wuyo wali kapatana ranga rada bada hanawe waige liyo katuja kagurka, “Maiyi!”
\v 2 Yida, nauwag etayi wujara kaka mono nyiyo kangodo tabedona nanar roni wiyo panah; mono wuyo kataupa manadana pa yiyo tabarana, mono nyiyo nakako tutu habakkei mono natailo.
\p
\v 3 Mono, kole Ana Bebe nada bana bugerage materei hadudanai nauwag rangeti liyo rangahanda waina hanewe, “maiya!”
\v 4 Yidawe, nakako wuyo jara wadeka ka malli katuja rewo lati, mono nyi kangodo taka sedona na yiyo kawaha tutu kana wgalawe moli wali tapanu tana dajalage kadadi ata kada hamate wikda, mono wuyo katopo nadaka yidange tabarana.
\p
\v 5 Mono, kole Ana Bebe nada bana bugerage materei hatauda wai, nauwag rangeyi ranga hataudawai hanewe “Maiya!” nauwag etayi wuyo jara mati moro nyiyo kangodo tapanu kabeona narro niwuyo kilo talimawa.
\v 6 Lobowe, nauwag range miradage liyo wali tatillu kapatana ranga rada daha newe, “Wuyo puttu pare turu diha arupito, mono tauda puttu marah pitu wuyo arupiyo, ilamu habau kage we lingha mono anggukwa!”
\p
\v 7 Mono kole ana bebe wadu gerawi materei kapatana, nauwag rangewi ranga hatapa waiyi naha newe, “mayi”
\v 8 Yidawe, nauwag etayi wuyo jara kamoro ka maraha matana mono nyiyo nangodo tapanu kabebo ngarana mate mono hades nadokumi. Monokawaha yina ge tabarana yida patapabakawe panutana, tutunamate waina katopo, kalaba, kapore, mono tangadi ranga bani tapunutana.
\p
\v 9 Kole awa bebe bana bugerani materei kalimana, nauwag etayi ra kabunatara urada yida na matebe oro linai Allah momo bada dedege lina muri.
\v 10 Yidanawula waige lida kama waugta, “pira howe madige mori kategna mono katena yauwu baengage patuwe tauma wali yidi ramada mono hagaba rama nami tabarada yida kadawu ta panu tana”
\v 11 Mono tabarada diha ura rada dayidi kalabe kaka mono yida datakoage tuba yida ngahu tudu, ina gege, dajalage ole ula mono ule baida yida paha mate hola tauna yida bana hagabage.
\p
\v 12 Mono nauwag etayi ana bebe nada bana bugerage materei ha anni waiyo, nadadi epu taponutana aika anana. Mata lado nadadi waina tujai kalabe karung parayi wali tawoyo mono tangana wulla naha balina tujana rayo.
\v 13 Mono, maduyo deta talangta namonuyi tapanu tana natujai puka kapulota bana monuyi wuna kamarono bana diki kedoni rereha ka kallana.
\v 14 Mono, napabawe langta tujawe jurata halunu, mono tangadi letena mono nuha nadikkiyi wali tahadawuda.
\p
\v 15 Yidawe, raja-raja tapanu tana mono tangda ata madaka, mono tentara-tentara, mono ata pote, mono kawaha, mono tangadi atana ole ata, mono ata kadadi kabunyi taliyo, mono kajonga watu tapanu letena.
\v 16 Yida pahanewe ta letena mono tawatu karaha inna, “tabuntau kamupitta ma wami mono kabunyi gama nami walitaarowa nyiyo kangodo taha dawu ngodo, mono wali tabani na ana bebe!
\v 17 Oro, lado madaka tutubanida yida bana dikibewe mono iya duyi kadadi tahna?”
\c 7
\cl Kawukku 7
\s Materei Takumata Ngahu Pata Bulu Pata Rata Ata Israel
\p
\v 1 Kole innage, nauwag etayi pata malaikat dede tapata kabihu tana, tamrada patuyi kapatana rereha ponu tana dajalage ila dayo kaharereha na tatana yara, tabanu, waleka, tapuyayu.
\v 2 Bege nauwag etayi malaikat wadeka hudayi walitaha dawu hudana mata lado, waige bana ngidi mate rei walitai Allah kamorha. Nyiyo waka wula waige liyo kama wangta tabarada kapatana malaikat hanyibe kawaha tutu hawajarage tana mono banu innana.
\v 3 “Illana hawetarage tana, bannu, wale ka punyayu wami hima beda hingkahona yiwi tandka materei takubumata atawai Allah da yitta”
\v 4 Nauwag rangeyi butada yida hatawu materei ngahu pata bulu pata rata ata, yida dawali diha kabihu awana Israel.
\v 5 Wali taka bihu Yehuda kabulu duda rata wali taka bihu Ruben kabulu duda rata wali taka bihu Gad kabulu duda rata
\v 6 Wali taka bihu Asyer kabulu duda rata wali taka bihu Naftali kabulu duda rata wali taka bihu Manasye kabulu duda rata
\v 7 Wali taka bihu Simeon kabulu duda rata wali taka bihu Lewi kabulu duda rata wali taka bihu Isakhar kabulu duda rata
\v 8 Wali taka bihu Zebulon kabulu duda rata wali taka bihu Yusuf kabulu duda rata wali taka bihu Benyamin hautabe tadana. 
\s Bannu Kadadi Ata
\p
\v 9 Bakole taudage, nauwag etayi, tautakage kamu kalna buta kadani, ata aiha yaphingna butawa, wali tangadi hadau mono kabihu mono ata mono hanewe dadebe taaro hadawu ngodo mono taaro ana bebe, waina kalabe kaka mono karaga karre talimada yida;
\v 10 Mono yida dawula waigelida kaballo “hailo tubana Allah nami kangodota panu hadawu ngodo, mono tubana ana bebe.”
\p
\v 11 Mono, tangada malaikat katama ra dede kilo rage hadat ngodo inna mono bai ata da kilo ra jalage mono kapatana ranga rada, yida kawojo taaro dawu ngodo inna mono databa tai Allah,
\v 12 lida bada hanewe “Amin” mahadi mono manada mono angta mono hanewe lina wiyo mono haaka na mono kawahanai, mono madona tuba Allaha yitta kaha ana muri. Amin!”
\p
\v 13 Bege, wuyo wali bai ata rada daha newe mono danukka tabaragu, “inya duyi yida kawaina kalabe kaka inne mono lida waldayida maiyi?”
\p
\v 14 Yidawe, nauwag hanewe tabarana, “Amagu, yauwa mutadawe,” loho, nyi nahanewe tabaragu “yida dakwage ata kahubena wali tamayilla kamada mono kabaha beyi kalabe yida mono kahakaka di lari tarana ana bebe.
\v 15 Oro bataudage inna, yida dadade taaro ngodoi Allah mono kaha madiyi nyiyo lado mono gaddi ta umana; mono nyi kangodo ta panu dawu ngodo inna enga engana tajonga dalarada yida.
\v 16 Yida wale engak mada kalaba waleka mariyo wali; waleka dumo mata lado wale hapak hamayi; yida wageka dumo nganga ha malajna kahe kana.
\v 17 Orao, ana bebe tatillu hadawu ngodo inna enga dadi kajawayi yida mono enga patutudi yida tamata weyo morha; mono Allah enga hopiyi tangadi weyo mata wali tamata yida,”
\c 8
\cl Kawukku 8
\p
\v 1 Mono, kole ana bebe bugerage materei hapitu waiyi, dage kasuka ta surga tawu kage katutu talu kabulu menit ge mijage.
\v 2 Mono, nauwa ugetayi kapitu na malaikat kadede taaroi Allah, mono pitu talalu hayiyo tabarada yida.
\p
\v 3 Loho malaikat wadeka amidi mono dadede neda ta natara, naredni wuyo koba maneda maha rara, mono tabarada dayidi buta maraka tutu manuta kaharaja sambayang da ata tangna ta pawu natara amaha rara taara hadaudu ngodo inna.
\v 4 Mono, hamu maraka inna, haraja waige sembayang da ata katengna, pane taaroi Allah wali talima malaikat rada.
\v 5 Lodoge, malaikat nada nangnga we maraka mono hangi hini waige lati hangala wali tanatara tubage tapanu tana; yibawe rangewe punyi kaburka kahamarangawa kamila ka mono epu. 
\s Talalu kadihana kaha talalu kapatana hauppuyi
\p
\v 6 Kole batauda ge, pitu malaikat kanarrodi pitu ta lalu rada haiwya dage piku hauppuyi talalau da yidi
\v 7 Malaikat kadihana naha upuyi talalu wa yidawe dadi wage urra es mono lati hanyonga ge rayo; mono hokuge tapanutana. Yida mutu we ge pabaka taudawe panutana. Mono paba taddayi puyayu mono mutui tangadi ruta moro.
\p
\v 8 Malaikat haduda wai naha upui talalu, yidawe wuyo tujana lete kamudu orolati tubadi larita banu; Mono pabaka taudawe wali tabanu habalige rayo,
\v 9 yidawe pabaka taudayi wali taranga kadana ta banu mono kadauge morha nadadi mati, mono pabaka taudayi wali kapala banu hamauhadi.
\p
\v 10 Malaikat katauna naupuyi talaluna, yidawe monuy; wali talangta wuyo maduyo madaka, rewo natujai oroba, mono maduyo nada na birakadi tauda pabaka wali telai weyo mono mataweyo.
\v 11 Ngara na maduyo nada Apsintus. Yidawe, tauda pabaka wali tawgadi taweyo nadadiyi Apsintus mono buta ata mate oro weyo inna bewe banadadi.
\p
\v 12 Malaikat kapatana nahaupuyi talalu na, yidawe nama paluwe pabaka tauda mata lodo, pabaka tauda wula, mono pabaka tauda maduyo majalage
\v 13 Laoge, wauwag etayi mono rangeyi wuyo kawuruna raja wali wuru na tatilu langta, nahanewe waige liyo kadahaki “mayilawe, mayilawe, mayilawe yida kadawu tapanutana oro punyi talalu katauna malaikat wadeka kakabu atege haupuyi talaluda.”
\c 9
\cl Kawukku 9
\s Talalu Kalimana Halege Hamayigi Ate Kadihana (Kawungana)
\p
\v 1 Lodoge, malaikat kalimana na upuyi talalu na, mono nauwag eteyi wuyo maduyo mono wali talangta tapanutana, mono tabara na dayini kuhi kabonga lirra mate.
\v 2 Nyina bugera kabonga lira mate, yidawe panewe hamu walita kabonga inna tujaiwe hamu wali tatulra kamadakka, mono mata lado mono kabu langta nadadi kapagta ge oro hamu wali takabonga inna.
\p
\v 3 Lodoge, wal lari inne ta hamu nadhudi kabala ta pannu tana, monno yiddi yidi kuaha katauna kuaha paltka tapanu tana.
\v 4 Monno, tabarada yidda daha ngiddi di li tanna kailla da dahna ruta ta tana tangngad katummu, lohho pu yayu pu yayu tabollo radde yidda aiha tauna tadai Allah. Ta kobu matada yidda.
\v 5 Yidawage pahaimadi tutu mahateyi yida, ta bolo datalage kahama yillai yida lima wulage mojage; mono bahama yillayi inna nahatuja dawe mayilla halatka nyiyo bawa tutka ata.
\v 6 Tamahigo inna, kadadi ata enga mayeganage mate tabolo yida waleda tabo mawe. Yida dabai gemate, tabolo mate na pahil we wali tayida.
\p
\v 7 Hadada kada kabala rada datuja dayi jara painyaka oro ge hatawu; mono tapanu katakda yida panu wuyo kaha tujada kata upa amaha rara, watada yida natujai mata kadadi ata.
\v 8 Ronda yida tujai wuyolawaiyo mono gududa yida natujai ngudu singa,
\v 9 mono kurda yida natujai kalabe bahi, mono punyi kapada yida natujai punyi kreta-kreta waidi jara buta hanualiyi tahadawu hatawu.
\v 10 Mono kikda yida watujai halatka mono dage banige, mono lari takikuda yidage dage kawaha tutu hapakhai ata ka lima wulana.
\v 11 Raja kaha rehai yida yikna malaikat lirra mate, lari taha newe Ibrani ngarana yikda “Abadon” tabolo hane we Yunani ngarada yikda “Apolion.”
\p
\v 12 Mayilla kawungana haipa bewe, tabolo dahodi duda oja wadeka mini enga amhona.
\s Talalu Ka Anina Punyi Nage
\p
\v 13 Lodoge, malaikat hanni wayi na upuyi talaluna, mono nauwag range we liyo wali pata kadu tanatara amaharara kadana taaro matai Allah,
\v 14 nahane we tabara malaikat ha anni waiyo kanarrona talalu nada, “pahalai kapatana malaikat hajatti nedatalai weyo Efrat kama daka nada.”
\v 15 Yidawe, kapatana malaikat rada, paha inyabe tutu jamo lodoge, wula mono dawu inna dapahalai kaba hamateyi tauda pabaka kadadi ata.
\v 16 Butada tentara kamangu jarana yida duda ngahu jutayu butada; wauwag rangeyi butada yida.
\p
\v 17 Mono, tauda dage nauwag bagu etayi lari paeta gu jarada mono yida kangodo tapanuna; mono kaleteyi waina kalabe bahi kamalli waleka, moroko kapagtana kunta natujai belerang; mono
\v 18 Waidi katauna ge pabataudayi kadadi ata hamayeti; waidi latti, hamu mono belerang kahuna wali bada yida.
\v 19 Oro, kulhada jara rada dadage tabada mono kikudayida. Oro, kikuda yida tajai nipe mono mangu katakda, waige innalah yida dahama yilla.
\p
\v 20 Tayiduwe, kadadi ata kahoila, iahamate oro mayilla inna, brenga da aida jarra wali harayi limada yida, loho ilda kangakkahingana wadi japata mono hala hatau-halahatau wali taamaha rara, kaka, tabunaka, watu waleka yayu; aika dadi bana eta, range waleka kako,
\v 21 mono yida wage jarama wali bada hamate ata, wannu ata, marihaka, mono kedu.
\c 10
\cl Kawukku 10
\s Malaikat Mono Jurata Maraha Palunu
\p
\v 1 Yidawe, nauwag etayi wuyo malaikat kulha wadeka buru wali ta sorga, katawu kalabe karara mono aleha dadi tapanu katakuna, mono matada yida tujai mata lado, mono leduda meradi; hariyo latti.
\v 2 Malaikat nada nanarroge wuyo jurata maraha kama bugera. Mono, yiyo rekewaini ledu kawananata danu mono ledu kalina tatanayara,
\v 3 Loho anakawu la waige lina kama wangta, katujai singa kapunyi, mono kloe nyinyo bana kawula, pitu kaburage kaguruka bada harangedi lida yida.
\p
\v 4 Kole kapitna kaguruka rada behapunyi, “materei agai hatakbeda kapitna kaguruka rada! Ilamtolhawe.”
\p
\v 5 Bege, malaikat ha etagu dede tabanu mono ta tana yara inna keketai lima wanana ta langta,
\v 6 mono haura tutuna yiyo morha hangatna, kaha dadi ge langta mono tanga ge ngihige, mono panutana mono tangage ngihige, mono banu tangage ngihige wage hilu dadikmawe hadikige lage;
\v 7 tabolo badikige rahi punyidi malaikat kapitna, kole nyinyo kabuatege huapuyi tapalaluna, yidawe banunagege hanbunyi nai Allah tauna hadikbewa tabara tangada atana, tangada nabi.”
\p
\v 8 Bege, liyo innawa nauwag rangewa wali ta surga hawewe waliwe tabaragu, liwadage “kako mono umgalawe jurata halunu kamabuge rawali talima malaikat kadede tapanu bannu mono tana yara inna.”
\p
\v 9 Yidawe, nauwag ka kowa tabara malaikat nada mono ugkaraiwe kana yigage jurata maraha hawanu inna tabaragu. Mono, malaikat rada dahanewe tabaragu, “ngalawe jurata inne mono yawuge, inna enga rayi guge timu pakwe, mono tabanu, inna enga padamuge magallo tujai kanewa.”
\v 10 Lodoge nauwag ngalawe jurata maraha talimana malaikat inna mono nayage, mono tabagu, inna padage magallo tujai kanena; mono kole nauwa behayage, tigu na dadi pakwe.
\v 11 Lodoge, nyiyona hanewe tabaragu, “miyo unghurbageho la taaro buta kabihu ata mono kangote mono hanewe mono raja-raja.”
\c 11
\cl Kawukku 11
\s Duda Saksi
\p
\v 1 Lohe dayigage tabaragu woyo takko, hadana natusai takko haukrawai, waige haneweda, “kadowo mono ukrage uma Allah mono natarage loho yida kangote na nedo lari.
\v 2 Tayiduwe pahai ka natara uma Allah kata bali hakna ilam ukra ge oro inna payibewe takabihu ata kabihu tana, kabihu ata; mono yida enga deke pipi ge harona mora ha inna data kabulu duda wulage mojage.
\v 3 Mono, wauwa enga yiwe kawaha tabara dua saksigu mono yida enga hurbaleda ica rata duda ngahu anni kabulu ladoge mojage waina hingi kalaku.
\p
\v 4 Yida inna ge dadi duda pu Zaitun mono duda paha riyo kadede taaroi Mori kada wuge panu tana.
\v 5 Mono, radaka ata kabaige hapak hai yida; latti na huge wali tabada yida mono kakar hadi muhda yida. Nyi bainyayi hingkai kahapakhai yida, nyi enga hamateyi waige hada katauna inna.
\v 6 Kaduda inna mangu kawaha tutu tuniwe gangta dajala ura walena burru talado huru baleda yida; mono dauge kawaha tapanu weyo tudu hajeluge kana habalige rayo mono tutu paluwe tawa waige tanga ge kadadi kakalweyida baige.
\p
\v 7 Mono, kole yida bada bewe hatakkida yida, ranga kahuda wali lari talira mate enga hatauda ngabadi yida mono habakkeyi yida, loho hamateyi yida.
\v 8 Mono, karogoda kadudana enga wara gakada talara harona madaka, ngala tuja hangara Sodom mono Mesir, hadawa morda yita dumo kadailoni.
\v 9 Mono wali tangada ata mono kabihu mono hanawe mono haolebaina enga etadi karogo kadudana tauda rehi lodoge mojage mono wale enga pahaidadi karo kadudawa habaikadi tarate.
\v 10 Mono, kaengana tatana enga lagakaka tayida mono ege; mono yida daha ngidi-ngidi wikna agaak diha-diha oro dura nabi inne hama yillai yuda kaengana tatatana.
\p
\v 11 Tanyidiwe. Kole tauda lado rehi, wadi kamorha walitai Allah tama lar kadudana karogo rada, mono yida dadede tapanu leduda yida dajalage kaha mataradi yida madauta bada madauta.
\v 12 Loho, yida darange liyo kaballa wali ta surga kaha newe tabarada yida, “mayi kamu pannege,” mono, yida dumo panne ta surga lari ta bara, daetayi muhuda yida.
\p
\v 13 Mono, batauge inna, nadadi epu aika anana dajalage pabaka kabuluwe harona inna tabah tawe; mono pitu rata ata mate oro epu wada, mono aika mate dadadi madauta, lodoge hama nadai Allah ta surga.
\p
\v 14 Mayila kadudana haipawe, etawali we mayilla kataudana enga geha amige.
\s Talalu Kapittuna Napunyi
\p
\v 15 Lodoge, malaikat hapitu wai naha upuyi ta laluna, mono rangewe liyo kaballo ta surga kalina hanawe, “kahareha panu tana nadadi we kaha rehai morda yita mono yiyo nagewu, mono nyiyo enga harena kaha ana muri.”
\p
\v 16 Bege, dokkabulu pata bai ata kangodo hadawu ngododa, taaroi Allah, matabi mono kawojo tai Allah,
\v 17 Waige bada hanawe, “nami wayi lima tabaramu o Mori, Allah kabikta parehana, kadana mono, kadabena, oro yauwa kangala bewe kawaha mu kama dakka mono umhag gewe hareha.
\q1
\v 18 Mono, kabihu ata-kabihu ata dabanibe, tabolo banimu ambege, mono rahinage-banadiki we tabuda ata mate tutu yidi rakada mono yidi upada tangada atamu, nabi-nabi mono tangada ata katengna mono kamada wutage ngaramu, kamaraha mono kamadakka, mono tutu bahamau hadi tangada kaha mau hage panu tana!”
\p
\v 19 Bege, nama bugera we Allah ta surga mono etai ge patti jaji Allah lari taumana, mono hudayi kamilaka mono liyo kagurka mono epu mono urre essu kamadakka.
\c 12
\cl Kawukku 12
\s Lawaiyi Kaha Ana Mono Kaboko
\p
\v 1 Bege, nadedo we wu tada kama dakka tauwagta wuyo lawai kalbe mata ladona mono wulla ta kabu leduna mono kataupa manadana wali kabulu duda maduyo ta katakna.
\v 2 Lawai nada taara na hatiyo, mono lariya. Tamayilla kagu haawawa liwa, nakawula oro pakhana.
\p
\v 3 Bege, nadedo wu tada heka talangta; wuyo kaboko madakka kamalli kamangu pitu katkna mono kabulu kakna loho pitu motona ta takna.
\v 4 Kikuna kaboko wada natingiyi pabakatauda maduyo ta uangta mono baitadi tatana, kaboko nada nadede taaro lawaiyo kagu haanawu kalina inna dajalage kole lawai nada bana anabe, nyiyo dadi we bana kaballoni anana.
\p
\v 5 Lawai nada lahaanani wuyo ana kabani, kaha rehai kabihu ata-kabihu ata waidi takko bahi; tabolo lakawa nada karamani mono ngidiyi tai Allah mono taaro dawu ngodona.
\v 6 Lawai nada wa malaiyi tamarada gilra, tahadawu hainya kanai Allah tubana dajalage nedo bali, nyiyo daka ramayi rata dongahu anni kabulu lado mojage
\v 7 Mono, nadadiwe hatauwu dete ta surga, Mikhael mono tangada malaikat hatauwu kabani kaboko wada. Kaboko nada hatawu dangadi malaikatna.
\v 8 Tabolo yida wale natutu mawe kulhada dajagage hillakma hadawu tutda yida ta surga.
\v 9 Kaboko na dakka nada tubani kadawu bawa, nyi kaboko tuna ha ngarada hajode walika kabalka, kahajalorai tangage panutana, nyiyo hatuba tapanutana, mono tangada malaikat baita haoge dangadi bawa.
\p
\v 10 Mono, nauwag range we liyo kaballo wali ta surga kalinana, “batauge, ammige manemara, kawaha, mono kalingora pareha allada yita, loho kawahanai Kristus oro ipaduha ole baida yita. Kaduhai yida taaroi Allah lado mono gadi, tura bedi bawah.
\q1
\v 11 Yida nabak ke beyi waige rayo ana bebe, mono waige panewe padelakada yida; oro yida aida manawarage ngahuda yida, loho dumo rahi aroge mati.
\q1
\v 12 Oroge inna, lagaharamige, ta surga mono tanganai kaengana neda lari! Tabolo, mayilla we panu tana mono bawu oro kabalka naburbe tabarami lari tabaniwa kamadakka oro nyi tadawe rahi “padauna kadubuhawe.”
\p
\v 13 Kole kaboko nada atawe nyi babai tani tapanu tana, nyiyo naha mayillai; lawaiyo kabebe ha ana kabanina innana.
\v 14 Tanyiduwe, lawai nada dayini duda kapa kawuru raja wali kamadakka dajalage nyiyo kadadi we wuruwa tamarada gilra, taha dawuna, bangiyo nyi dau karawayi dihamahigo, duda mahigo, mono gaba mahigo marawu wali taarona ikaboko.
\v 15 Kaboko nada na wurotage weyo kaha gayida laiyi weyo katau nutuna ta lawaiyo nada, tutu kaha meluni nada lawaiyo nedo lari.
\v 16 Tabolo, tana natuluni nada lawaiyo; tana naburage bana mono, naballoge weyo hawurotana kaboko nada.
\v 17 Yidawe, nada kaboko nadai we bana bani takka tabarana lawai nada mono kako nage tutu hatawu dangadi lakawa wadeka walitalaiyo nada, halu guna ata karawayi tangada kaharehai Allah mono narodi hatakki Yesus.
\v 18 Kaboko nada nadede tahupu banu
\c 13
\cl Kawukku 13
\s Ranga Kahuna Wali Tabanu
\p
\v 1 Boge, nauwag etayi wuyo ranga bani huna wali elari tahanu, dadi kalura kabulu mono pitu katakkuna. Bahahiyi kaduna dani wu kataupa mono tangage katakna nama tol hawe ngara hannelo. Ranga bani nada haetagu nauwa naha gai dawodo utta,
\v 2 DRanga hagaiyi kedu baga utta, mono bada naha tuja sayo singa. Kaboko nada nayini kulha rango bani hadawu ngodo, mono kawaha kamadaka
\v 3 Nauwag etayi woyo wali tangadi katekda kamera puta ludadi hadik dangawe mate, tabulo pota inna dadi dalwe tugaha. Tangage panutana bangapi mono dakmi ranga lemi nada.
\v 4 Mono, yida kawojoni kaboko nada oro buna yioberi kulha tabarana ranga bani nada; mono yida dakawojoni ranga bani nada waige balida: “inyaduyi ka tujana ranga bani nada mono iyaduyi kadadi hatawu dayami yiyo?”
\p
\v 5 Mono, tabarana yini wuyo waige hanewe ka baido mono ma padada, mono kawaha tutu rayige ka pata kabulu duda wulana majage
\v 6 Nyiyo nabugerage bana leri bana mapadda gabani Allah, tutu padda nage ngarana, mono karekana mono yida kaengana ta surga.
\v 7 Nyi dumo da pahaini tutu gabadi ata kadenga mono kaha bakkeyi, yida; mono tabarada na yiyi kawaha ta tangda kabihu, kaha olena, huwe, mono ata.
\v 8 Tangada kaengana tapawu tana enga kawojo da, haluguna tangana ata aika matalha guana wali panutana baha dadige lari tabulu moroha dauna ana bebe, haropobe.
\p
\v 9 Tangana ata kangu karilluna pahaini yiyo kana range inae:
\v 10 “Nada miyo ata baha inya kayi kawuyi ata halolata, nyiyo enga dadina nalokata; nada wuyo ata hama hamau waikana katopo, waige katopo nyinyi dahowe baha mateyi.” Nyikwe inna mikkungna mono hatemana ata katenguna
\s Ranga Kahuna Wali Tatana
\v 11 Loho, nauwag etayi wuyo ranga bani wadeka huna wali tatanai mono ranga wada dadi duda kadana natujai ana bebe. Tabalo nyiyo naha newe tujai wuyo kaboko.
\v 12 Nyiyo naha kakowe tangage kawaha wa ranga bani kadiha nada taaroani mono rayige tana mono yida kaengana lari du kawajono ranga bani kadihana, kapota tetakka paha tangahage.
\v 13 Nyiyo narayidi takda-takda pa bangara daya loho kamadaka. Loho naha buruge lati wali talangta ta tama, ta aroda ata.
\p
\v 14 Mono, nyiyo jalara ata kaengana tapanu tana waidi tadka-tadka pa bangara daya papehayi taubana tutu rahayina taarona ranga bani kadi hana. Nyiyo natakhewe tabarada yida kaengana tatana tutu larayima hali tawu ranga bani kadihana, kapotage oro katopo, tabolo kaengana maha.
\v 15 Nyiyo pahaini tutu bayini ngahu ta halu hatawu ranga bani nada dajalage halu hatawu ranga bani nada dadiwe bana hanewe mono kaha dadibe ata aiha kawojo ta hala hatawo nada hamateyi.
\v 16 Mono, nyiyo kaha oro tangana ata, kamaraha waleka kama tuyo, kapote waleka kamilla, atana ole ata waleka ata kauna lolita, hayiyi wutadka inna talima waanana waleka takubu mata na,
\v 17 ka illu hilu dayo wuak ata kadadi hiyo waleka malaja kkege nyiyo budaha tadka inna, haluguna ngara ronga bani nada waleka nattara ngarana.
\p
\v 18 Hada inna dadagohe tada. Haikadi ata kama niwala paha ngadana pudi nattarra ranga bani rada oro banittaradi rada yitta we nattarra wuyo ata; mono nattaradi anni ngalu anni kabulu darni.
\c 14
\cl Kawukku 14
\s Ana Suhu Allah Manyanyi Manyanyi Beru
\p
\v 1 Bege, nauwag etayi ana bebe dede tta lete Sion mono oledi dadi gahu pata bulu pata rata ata, kadauni ngara amana ta kubu mata yida.
\p
\v 2 Nauwag rengewe liyo wali ta surga tujuwe ka gurka weyo kabuta mono tujai ruye kagurka ka wangkta, tabalo liyo harange inna tujawe punyi kana alegoma jugga rama legodi jugga yida.
\v 3 Yida menyanyi mi wuyo mayanyi bewu taaro dawu ngodo mono taaro kapata na ranga loho taaro bai ata. Wale wukma ata ledadi angtau manyanyio nada di yidka kangahu pata kabulu pata rata ata paha wali be wali tana.
\p
\v 4 Yida pena ata aikaha utarage tauna waidi lawai-lawai oro yida aida bawu lawaiho yida ata leadoku wi ana bebe langka gihingka dawu kako na yida ha wali beyi wali lajonga dalara ata kayida ka wuyo kawangonma tubui Allah mono ana bebe.
\v 5 Wali lamha paleka lari tabada yida-yida waleda julakma.
\s Hanau Wali Katauna Malaikat
\p
\v 6 Nauwag etayi malaikat wadeka murata tilu langta, ngidi liyo kabangana ta tana mono tabara tangada kabihun ata-kabihu hanewe, mono kaha alena
\v 7 mono nyiyo wahanewe waige lima kana nangta, “Madauta kini Allah mono yikimage manada tabarana oro rahi yini rahama ata dikki bewe; kawojoni nyiyo kaha dadige langta, tana, banu, mono tangadi mata weyo.”
\p
\v 8 Loho, malaikat wadeka, haduda waiyi, nahu doku mono naha nuwe, “tabukta-tabukta bewe tabel kama dahka inna oro nyiyo bana rayi bege tangda kabihu ata da emige anggur kamak majala laiyi waleka ole uma karijaka.”
\p
\v 9 Bege, malaikat wadeka, hatauda wayi, hadoku kadudana malaikat aidiki honi, mono hanewe waige liyo ka mawangta, “Nyiwe baiya hingkayi kawojoni nada ranga mono hala hatauwa, mono hibawe wuyo rasa takubu matana waleka limana,”
\v 10 atanada enga anggur but atei Allah, hakida waige kulha kabanuwa neda lari takoba weha enu banima, mono nyiyo enga hamayirlayi waini lati hono kajujuta aro malaikat-malaikat tenguna mono taaro ana bebe.
\v 11 Mono, hammu mayillada yida pamme ha katage, yida wale lukma mahigo tutu ngahu bana lodoge mono badi, haluguma yida kawojoni ranga nada mono hela hatawuna, waleka ia dingkahi kahihawe tada ngarana,”
\v 12 Yidawe ge mikkung ata karuguna karawai parehai Allah mono hatena da yida nedo lari tai Yesus.
\p
\v 13 Loho, nauwag gurage we liyo wali taloga kali mada, “tal pawe inne wali inna batauge, masingkai ata hamake kamate lari tai mari.” Waddi naha newe, “tautakkage daja lage yida dadiwe nguhu wale joli maheladu yida oro tangadi harayida yida da dokudi yida.”
\s Panu Tana Mangatti
\p
\v 14 Loho, nauwag etayi wuyo karaba kaka mono ngodo tapanu karaba inna wuata katajni anana kadadi ata, katawu kataupa amaha rara tatkna mono sabit ka tana takina mana.
\v 15 Loho, malaikat anadeka huna wali tauna Allah, mono nawula waige lina kaballo tabama nyiyo kangodo tapanu karaka, “Nakage sabitumu mono kamu mangattiwu oro rahi nage tutu mangatti diki naga rahige mono kanangati tapanu tana oro bana maduyi.”
\v 16 Yidawe, nyiyo kangodo tapanu kaba mayakage sabitna tapanu tana mono ponu tana dewo mangatti.
\p
\v 17 Bege, malaikat wadeka humadi wali taamai Allah neda ta surga, mono nyi dumo kadawenge sadit katamu.
\v 18 Mono, malaikat wade wali, kamayu kawahana tapanu lati, huma wali ta natara nyiyo nawula waige biyo kanadakha tabara malaikat kanorroge sahit katana inna, “nyakage sebitumu katama inna mono kahayi lakra wu anggur wali tapuyo anggur ta tana.”
\v 19 Yidawe, malaikat nadage nanya kage sakitna tatana mono kahayi lakra wuyo anggur walita puyo anggur tatana mono tubadi lari ta watu tukka madakka baninai Allah.
\v 20 Pahla wuyo anggur rada darayige kabali harona mono rayo na lalowe ta payiyi anggur nada batakami katutu madehta ra hi jarage mono malawuge rata anni agahu stadia
\c 15
\cl Kawukku 15
\s Pitu Malaikat Kangidi Mayilli
\p
\v 1 Nauwag etayi tada wadeka dete talagta, kama dahka mono bagore daga, pitu malaikat kangidi pitu mayilla; haluguna mayella haduka waiyi, oroge lari kapituna mayilla radata hapadi waiwe buni nai Allah.
\p
\v 2 Lodoge, nauwag etana wuyo katuyana bannu kamino kaha joyana lati mono yida kaha gakke geyi nada raya hala hatuwuna, mono reken ngarana, nadede dahupu ban kanino inna waige bana narani juggui Allah.
\v 3 Yida manyanyi dani manyanyi Musa atamai Allah mono, mahadi Ana Bebe: “madaka mono hangatara daya tangage haulamu, o Mori, Allah kabikta paehana. Katijama mono tena tangana laramu, o raja tangana kabihu ata.
\q1
\v 4 Iyayi aika madauta kabaramu, o mori mono aika manada guge ngara-Mu? Oro, duka dahege yauwuge katenguma. Tangana kabihu ata enga amini mono kawojo taaro matamu ora tijamu banu hadodo bege.”
\p
\v 5 Kale tangage hada inna, nauwag etawe umai Allah, kareka padelakai Allah ta surga, mabugera we.
\v 6 Pitu malaikat kangidi pitu mayilla rada hena wali ta mai Allah, kaleka lina kakaka mono kama ngilata, mono waina kabala amaha rara ta karuda yida.
\v 7 Wuyo wali kapata ma ranga dayidi tabarada kapituna malaikat rada pitu koba haemu amaha rara, banuge banima Allah kamaha aika dukana.
\v 8 Umai Allah nabunage waige hawu walita manadai Allah mono wali takawahana; mono wale wuhing mana ata kadadi tana ta mai Allah aina haduka dahawe walika pituna malaikat mayilla mowali dumo pitu malaikat rada hapodiwaiwe.
\c 16
\cl Kawukku 16
\s Pitu Koba Weyo Haenu Kangihina Bani Allah
\p
\v 1 Lodoge, nauwag ugranewe liyo kalallo wali lari ta uma Allah kata mewe ta kapitu malaikat, “kakowu mono hokudi kapitu koba wehaenu bani Allah tatama.”
\p
\v 2 Malaikat kadi hama kako mono nahoku koba wehaenu tatama, yiwe hudayi kabihla hama yigi ade danga mono hapakha dagada ata kawaina tada ranga nada mono kawojo hala hatauna
\v 3 Malaikat kadudana nakudi kaka weha enu ta banu, yiwe banu nahajeluge habalige rayo, ata mate; mono tangadi ka mosha nedo lari dumo mateyi.
\p
\v 4 Malaikat tauna na hokudi kaba weha enu tatayadi laiweyo lai weyo mono mata weyo-mata weyo, mono tangadi na ha kalidi rayo.
\v 5 Lodoge, nauwag rangeyi malaikat kamangu kawaha ta weyo lina bana hamewe, “yauwu tijanai, o kamuraha, kadana mono kadabena oro yauwu kayidi rakna tangada rade,
\v 6 Oro, yida jula majoku bedi rada ena suhamu katenguma mono rada wali nabumu tabolo yauwa umyidi yida rayo bada emudi, yida tutu mange gada habawe,”
\v 7 Mono, nauwag ragewe natar haewewe, “o. Mori, Allah hada bikta parehana, tena mono tijama tilu toku muge,”
\v 8 Malaikat kapatama nahakuni kaba weha emu tapanu mata lado, yida mata lado yidi kawaha tutu bana hakarhadi ata wai dilati,
\v 9 Ata hakarhadi oro ngangaha aihalata, tabalo yida kapudawe ngarai Allah laho kadauwege karwaha tatangadi mayilla rade. Yida waleda auma jurra mono hamanadai Allah.
\p
\v 10 Malaikat ka limana wa hokumi kaba weha emu ta panudawu ngodo ranga mada, yidawe kalingora harehana dadiwe kapagtage; mono yida dakatiyu lamada yida oro pukha,
\v 11 mono, kapakkdai Allah ka detena ta surga oro padage pukha mono kabihlada yida, tabalo yida waleda jurrama wali tangadi harayida yida
\v 12 Malaikat kaka annina nakokumi koba weha enu tulai weyo madaka, haluguna Efrat, yida wena dadi mapikota tutu pi inyaka lara tubada raja-raja wali ta timur
\v 13 Lodoge, nauwag wali tabana kaboko, wali tabana ranga nada, mono wali tabana nabi paleka hudi tauda wadi otara kadedo tujai kapa ke,
\v 14 oro yidage, wadi-wadi japatayi, kaha dadi tada-tada haba ngara daya, kakako ta barada raja-raja ta tama tutu kahayi yida tutu aroge hatawu dikige lado madaka, hsluguns lodoyi Allah, mikta parehama.
\p
\v 15 (“Etawe! Nauwag kanga tujai ata kedu. Maring kana ata kaengana walta mono kara weyi kalabeda dajala we nyiyo ilda engana kako waige kalolu mono ata aika etayi hadadi ata waina.”)
\p
\v 16 Bege, wadi-wadi japata rada kahayi yida ta handada, bawai kage hanewe Ibrani ngarana Harmagedon.
\p
\v 17 Malaikat kapituna nahohuni koba weha emu ta rereha, yida we rangewe wuyo liyo kaballo wali lari taumai Allah, wali hadau ngodo inna, nahanewe, “nabanu bebege.”
\v 18 Mono, dedoyi kanilkaka kahaduwu-duwuna liyo mono kasosoka ka surga, mono epu aika anana tauna aikakali dadiho wali ata badani tapanu tana, wale anak manani epu neda.
\v 19 Harona madaka rada mapaba kawe tauda pabaka, mono hawada kabihu ata kabihu ata tabah tayi; mono babelka daka inna walera danga alak mageyi Allah tutu bayiwe tabarana koba anggur banina kaimira higna.
\v 20 Tangada naha bengayi mono letena wale hulu tabokakmai.
\v 21 Urraes kamadahka, buka tutu kawe hiltage diha kanyuru, marawu wali talangta pijjai; tabalo ata puddai Allah oro mayilla urra es nada. Oro, mayilla inna nama yigi ate dangawe.
\c 17
\cl Kawukku 17
\s Lawai Tapanu Kabedo Ranga
\p
\v 1 Bege, weyo wali kapituna malaikat kamarodi pitu koba weyo haemu reda dheka mono hanewe tabangu lida dage, “maiyi nimuge, nauwag enga hatingoguge tagaramu hada hokuma tutu lawai japata madaka wuda, kangodo tapanu weyo,
\v 2 waini nyiyo raja-raja ta tana jala harayina mono yida kaengana ta tana daha langobe oro anggur oro jala harayina,”
\v 3 Malaikat nada na hadoga lari ta wadi ta marada gilra, mono nauwa etayi wuyo lawai ngodo tapanu kabedona wuyo ranga kamallura tauna ka gamuna waige ngara ma padda, kadayo pitu katakna mono kabulu kaduna
\v 4 Lawai nada mawaina kabale uanali melona mono malti hanyongana amaha rara, watu kamangu hina, kobalilo malilaha. Nyiyo nanaromi waiyo koba amaha rona kabanuna waige kabakla, mono maryurha jala atama.
\v 5 Ta kobu manata, matolhawe wuyo ngara, aiha tada ngihina: “BABEL KAMA DAKKA, INYANA TANGADA ATA MANYARHA MONO TANGAGE KABAKLA TATANA.”
\p
\v 6 Nauwag etayi lawayi nada nakalango oro rayo ata katenguna mono oro rayo katadai Yesus. Nauwa bagu etayi, nauwa padage bayu hangutara.
\v 7 Lodoge, malaikat lina, “aha namu angatara wu? Nauwag enga takguge tabaramu hadama lawaiyo nada mono hadana ranga haktena, kapituna katalina mono kabupuna kaduna.
\v 8 Ranga nada miyo ha etami ka kallo dakenani, tabolo batauge wali hilu lakmani, mono enga geha hana wali talirra mate ka arona liloko. Mono yida kaengana latana, aika matolha ngarana larita jurata morha wali beha dadige panutana, enga harga tarada kole bada etayi ranga mada, ka kalli dana, tabolo batauge wali hilu datemani, mono buga hudawalna.
\p
\v 9 Hade inne nada hoge paha ngada, mono agta pitu katakku rada yidana pitu letena inna tapanuna nada lawaiyi ngodo.
\v 10 Pitu katakku rada dumo yidana pitu raja, lima tajanga du namule kabe, muyo raja dahoni mono wuwali raja wali ammi mahani tabalo nyi kole amini; nyi engada tuddu duhana.
\v 11 Ranga uluge kakalli dama tebolo batauge wale hilu lahimau nadage, yikna raja kapado patana tabolo nyi walena tamakma pitu raja inana, mono nyi naaroda taliloko.
\p
\v 12 Kabuluna kadu hatami miyo yikna kabulu raja aika hibaho kaha reha tabolo yida dahibawe kawaha bawuyi raja kadiha janna mujana aleni ranga nada.
\v 13 Yida mangu ha habu ateda kaha mera, mono yida dayidi kawaha mono taguda yida ta ranga nada.
\v 14 Yida enga hatauwuda gabani Ana Bebe, tabalo Ana Bebe enga habale kunadi, yida oro nyi yikna madi wali tenga mori mono raja wali tenga raja mono yida kaaleni yida ha maika, hapede, mono ka nikkungi”
\v 15 Bege, malaikat nada nahanewe tabaragu, “weyo ha etamu tapamu kama rihaka nada ngedo, yikha kalibo ata, ata bura kabihu ata, mono hanewe.
\v 16 Kabulu kadu haetami niyo mono ranga nada enga butu nadi ate himari haka. Yida enga rayi dage kako awa mono kalolu, laho dayage kalihana mono tumu nyi waige lati.
\v 17 Oro, Allah natawu bewe hada inna lari ta ate da yida tutu dilige hakabu atena waige ba ngoge tutu niwe kawaha yida tabara ranga nada dajalage linai Allah bawunage.
\v 18 Lawaiyi miyo haetana nada yikna hara madaka ka narrona hareha tapanedi raja-raja tapanu tana
\c 18
\cl Kawukku 18
\s Babel Hamau Hage
\p
\v 1 Kole tangage inna, nauwag etayi malaikat wadeka wali ta surga, kaungu madakkana, wanotana nahana sakahage oro manada.
\p
\v 2 Nyi makawila waige liyo kaballo, kalinada: “tabah dawuge! Tabah ta bewe Babel kamadakka inna! Nyi bewe bana dadi hadau dauna tangada kabalka mono gallu tubada tangadi wadi japuta, hale nadi tubada tanga ngara hawur runa japata mono habutu ate.
\q1
\v 3 Oro, tangada kabi huata da kalagonge oro anggur kemakdu jela atada, raja-raja tapanu tana na jala ata be waini nyiyo, mono ata ma dage ta lama dadi we bada pate oro kamak nurhana kama dakha.”
\p
\v 4 Lodoge, nauwag rangewe liyo wadeka wali ta surga kalinada, “Ta ana suhugu huna wali tanyiyo dajulge miyo illa gaugimi lari tajalada mono aika hibawe mayilla enga pijami.
\q1
\v 5 Oro, tangadi jalada ksngojo beyi kahata langta mono Allah napueyi palayimi,
\v 6 Rayige raharona inna katujawe nyi bana rayi bege, hagaba maye tabarana duda lapta tapanu harayina, mono lari takoba weha emu nyi hawaina tutu hakahadi hakahadige haduyo laptadi.
\q1
\v 7 Katauna nyi bena huta hewe manadai mono bani yiri majabala ta dawa dauna, nyinage mayilla mono kalalluta barana katauna butana rada, oro, nyi hanawe lari ta atena, nauwag ngodowa tujai wuyo ratu, nauwa wale lawai beluk mawa mono walegu kallo etak mawe kalallu.
\q1
\v 8 Oro, bataudage, lari kawadu hena lado tangada mayilla enga maida tabarana, haluguna mate, kalallu, mono kareba. Nyi enga tumu dami waini lati oro madi allah hayini rahana nyi nada mangu kawahana.”
\p
\v 9 Raja-raja tatana, karayi bema jala atana mono morha lari ta majabola dabada, enga hoda mono kalallu dikige yida etawe hamu lati hadaru tumu,
\v 10 dede marauwu oro madauta ge tutu hana yillayi, mono hoyo, “mayilla! Mayilla, herona madaka, Babel, harona ka kulha inna! Oro, lari kadiha jau hina hoku dasiri na dikki bewe!”
\p
\v 11 Kama daga rade tapanu tana enga hoda mono kalalu tutu harona inna oro wale lahing mane wuata ka hidadi hadageda yida lage.
\v 12 Haluguna amaha rara, anaha kaka, watu magu hiyo, noba lilo malilaka, kaba line talujana, noba mali nelo, kaba sutra, kaba malli wekka, tangadi ngara ngawu wali tayayu kabau buanta, ngawu parayi wali tayadi, wali tayayu hikta hina, wali tataburaka, bahi, marmer,
\v 13 yayu magalpo, karami kaguguata, welinghawubka nuha, pare, hupi, bebe, jara, kreta, ata aleata, loho ngahu ata.
\p
\v 14 Enga haneweda “wuyo yayu ha baena uramu tubuga bayi tabaramu, tangadi ka majabala mono kadaha najada dedi tabaramu mono enga wali hulen tabakak nayi.”
\v 15 Tangadi kadreana ngaru reda, kadadi pote oro haruna inna, tamrada hoyo mono kalallu.
\v 16 Yida lidage, “mayillawe! Mayillawe harona madaka inna kawaina kalabe kaba lima kama luji; kawaina leaba wali melo mono kaba inalli waleka, mono kaha lodo waina amaha rara, watu-watu kaugu lina, haka lila malika!
\q1
\v 17 Oro, kadila jam lima tangadi pote rai hapudaha beyi. “Oro sapiru, ata kadakuni, ata kaulana ta kapela, mono tangada ata kawa yegagi morahana wali tabana enga dede warauna,
\v 18 mono dawula hok yida etawe hanu oro dewu ta hauna inna, “harana gikase katejawe hesdia madaka inna?”
\v 19 Yida da ojana kabka ta tahda yida mono kawila tamarada hoyo mono kalallu kalinana, “Miyalla, miyalla herona madaka inna, kawali tayada kamangu kapala ta naru na patebe ta majabola? Oro, lari ka diha jau kina, harona inna marayibege dadi kahikawe!
\q1
\v 20 Kalu lagabaraini ta nyiyo, ta surga, ta atakaranguna, lede liuna, mono nabi-nabi! Oroyi Allah na dalubege liyo hahna ta hasona inna tubanu.
\p
\v 21 Loho, wuyo malaikat kakulha na kebetayi wu watu kama dahha tujai watu tukku mono baitani ta bamu loho linage, “kstujana inna Babel harra madakka inna, enga hanoge mono walena kalik mawe batalohayi lage.
\q1
\v 22 Liyo tangada hana ayona jagga, kauppuka pika, ka uppu talalu, mono jonga wadeka aipahilu range lage tabaramu. Wale lakma laha doyi, kadadi rayidi tangadi hadoyi, hataboka tabaramu. Liyo kabaiyi wali hilu rangekma lage tabaramu.
\q1
\v 23 Ruwo lati weyo wali hilu magakahak mawe lage tabaramu. Liyo habani makadi mono lawaiyo hakadi wali hilu rsjeknagi lage tabaramu oro ata hadayana yida ats mada kayi ta tama oro, tangadi kabihu ata emu hajalona beyi waidi marrona.
\q1
\v 24 Mono, lari tabaramu tabokayi rada nabi-nabi, ata katenuna, mono rada tangana ata hamate tapanu tana.”
\c 19
\cl Kawukku 19
\s (Ata Buta Ta Surga Daikayi Allah)
\p
\v 1 Be inna, nauwa ug rangewe liyo kadahhaki tujayi kangote buta ata ta surga ka linna, “Haleluya! Hoila, manada. Mono dauge pareha nyiwe hadauna Allah da yitta
\v 2 oro bana yige rakage Nyi tenawe mono tijage; oro Nyi na rayi bedi tijada lawai parata madakka rada, ka hegarage panu tana waige bokala manyarhan, mono naha gaba bege rayo ataNa ta lawai parata nada.”
\p
\v 3 Ha duyo wudda waina, yidda lidage, “Haleluya! Hammu lawai parrata rada panne hakira bena kaha ana murri.”
\p
\v 4 Loho, kaduda kabulu patana bai ata mono kapatana ranga nada kawojo mono katabani Allah, ka ngodo taha dauna, waige balina, “Amin! Haleluya!”
\p
\v 5 Bewalge, rangewege liyo wali hadau ngodona, “Daikayi Allah da yitta, ta miyo tangami kaha nukuyi Nyi, kamarraha mono kama madakka, kaha akani Nyi!” 
\s (Haulla Haummana Ana Bebbe)
\p
\v 6 Loho, nauwa ug rangewe liyo katujana kama kahha ata buta, tujawe punyi weyo bannu, mono tujawe punyi kagurka ai ka anana, linage, “Haleluya! Oro, Mori Allah da yitta kaha bikta parehana kaha reha.
\q1
\v 7 Maida yitta lagahara mono lagebora, mono yiwe manadana tabaraNa oro laddo nehe haummana ana bebbe na diki bewe, mono lawai hapahanNa naha ha inyakabe.
\q1
\v 8 Tabarana yibeni hingi kaba talujjana kamuraha mono manadana, kapiku waige oro hingi kaba talujjana inna yikwe harayi katena harayida ata tenguna.”
\p
\v 9 Bege, malaikat nada linna tabaragu, “Tolhawe inne: ‘Kanyuru kanagana ata paha lehu ta yayo ha ummana Ana bebbe!”’ Mono, nyi lina walige tabragu, “Inna yiwe hatakkigu katena wali tai Allah.”
\p
\v 10 Loho, nauwa kawojowa ta leduna malaikat nada tu kangak kani nyi. Tabolo, nyi linage tabragu, “Ilam rayi kage inna nauwa dummo ata naga tujau dummu mono angu wumu ka jurtawe taha delakani Yesus. Katabani Allah oro padelakanai Yesus yikna waddi huru bale.” 
\s (Ka Kalete Jara Kaka)
\p
\v 11 Bewalge nauwa ug etawe surga mabugera, mono hudda wu jara kaka; Nyi kangodo ta bedona ngarana Mikku mono Tena, mono lari ta tenana Nyi kayige rakage mono hatauyo.
\v 12 Mata Na tujai rewo latti, taka takkuNa butayi kataupana, mono dage ngarana kama tolha, wale wu hingmana ata katadawe, dukage tau dauNa.
\v 13 Nyi na waina kalbe madakka ha nyaklabe lari ta rayo, mono ngaraNa yikwe Linai Allah.
\v 14 Tangada ata kaha tau kadana ta surga dokuni Nyi waige bana kalete jara kaka mono waina kalabbe kaba talujjana ka kaka mono kamuraha.
\v 15 Wali ta baNa, huge wuyo katopo katama ha wai ba paluyi tangada kabihu ata. Nyi enga harehana tabarada yidda waina takko bahhi. Nyi enga pahlana anggur lari ta watu kapaiyi, yikwe but atenai Allah ka bikta parehana.
\v 16 Ta kalabe madakkana mono kahengaNa namatolhawe ngara inna: RAJA TANGADI NGRA RAJA MONO MORI TA TNGADI NGARA MORI
\v 17 Bewalge, nauwa ug eteyi wu malaikat dede lari ta mata laddo. Nyi na wangtawe kawulana tabara tangada kawuruna kawurna ta langta,” Maida, makhha kapiku dokuna yayo taha kulla madakka nai Allah,
\v 18 dajalage miyo dadiwe yayo kahila tangada raja, kahila tangada pa ama tentara, kahilada ata kakulha, kahila jara mono yidda ka ngodo ta panuna, mono kahila tanagdi ata, ba ata kamalogayi lohho dummo ata hoila, ata maraha lohho dumo ata madakka.”
\p
\v 19 Loho, nauwa ug etayi maduyo nada mono tangada raja ta panu tana lohho ata kahatauda yidda ma ybla kapiku hatau gabani Nyi ka ngodo ta kabedo jara kaka nada mono gabadi tentaraNa.
\v 20 Nyiwe, ranga nada yapayi, oleni nabi paleka kaha dadi bege tada paha ngatara danga ta aroda ranga radda, waige katauna nyi naha jalorayi yidda kahiba bewe tada ranga nada mono yidda ka ngakkani hala hatauna. Yidda tangada baita hamorhadi lari ta bannu latti karewo oro kajuju jawa.
\v 21 Mono, karehi hamateyi waidi katopo kahuna wali ta bana Nyi ka ngodo ta panu kabedo jara kaka nada mono tangada kawurruna da bokta waidi kahilada yidda.
\c 20
\cl Kawukku 20
\s (Kalingora Pareha Raja Rata Dauyo)
\p
\v 1 Bewalge, nauwa ug etayi malaikat burru wali ta surga, na ngidiwe kuhi lirra mate mono gayu kalarri bahi madaka ta limana.
\v 2 Nyi nayapayi galara nada, Kaboko Katuna yikna Kabalka mono pajode, mono na kattini ka rata dauna,
\v 3 tubani lari ta lirra mate, toniyi, mono kuhiyi dajalage nyi ilna hajalora kabihu ata wal lage, kahha rata dau nada ba kapodiwe. Kole inna, nyi enga pahala tudduyi.
\p
\v 4 Loho, nauwa ug etawe hadau ngodo mono ta panuna ngodo ata ha yiyo tagu tutu yidi rakada. Nauwa ug etayi urrada ata hatebo katakkuna oro ngaranai Yesus mono oro linai Allah, mono yidda aika kangakkani ranga nadda waleka hala hatauna mono wale hibak mayi tda ranga nada ta kubu matana waleka limmada yidda. Yidda morha hagga mono hareha ole dangani Kristus ka rata dauna.
\v 5 Ta nyiduwe, ata kamate wadeka waleda hilu morhakma lage ai diki kahoge rahi karata dauna inna kapodiwe. Inna yiwe kadde kawungana.
\v 6 Naka nyuruwe mono tengugela ata ka kolena hadauna lari ta kadde kawunga inna. Tabara ata radde, mate haduda wai wale da kalubbu madi, tabolo yidda enga dadi rato nadi Allah monoi Kristus, mono enga hareha ole danga dani Nyi ka rata dauna. 
\s (Bakkenai Kabalka)
\p
\v 7 Kole rahi karata dauna kapodiwe, kabalka enga pahalayi wali ta gallu.
\v 8 Nyi enga kakona ha jaloradi ata ta pata hadda panu tana, Gog mono magog, mono kahhayi yidda kaha tau. Butada yidda tujai paha lai ta bannu.
\v 9 Yidda panne ta kalija panu tana mono kiloradi hadauda ata tenguna mono harona ha manawarada. Tabolo, latti buruwe wali ta langta mono ha karhadi yidda.
\v 10 Lohho, Marap u kaha jalora beyi yidda baitadi ta bannu latti mono kajuju jawa, neda balila ranga mono nabi paleka nada dumo baitani. Yidda enga hamayillayi laddo mono gaddi kaha ana murri. 
\s (Yige Rakage Ta Aro Hadua Ngodo Kaka)
\p
\v 11 Kole inna, nauwa etayi hadau ngodo kaka ka madakka mono Nyi ka ngodo ta pnuna, wali ta aroNa panu tana mono langta bungawe mono wale hilu tabo kak mawe lage hadau tubada yidda.
\v 12 Mono, nauwa ug etayi ata kamate, kama dakka mona kamaraha, dede ta aro hadau ngodo inna. Loho, na bugeradi jurata mono jurata wadeka, halinawe jurata moriha, mono ata ka mate rada enga yidi rakada dokuge agawe kama tolha lari ta jurata rada, dokuge harayida yidda.
\p
\v 13 Bannu nayiyi ata kamate kadana neda bali, mate mono Hades dumo na yijalayi ata kamate kadana neda bali mono yidda yidi rakada, diha-diha dokuge harayida.
\v 14 Loho, mate mono Hades baitadi neda lari ta bannu latti. Yiwe inna mate haduda wai-- banu latti.
\v 15 Nyi nada wu ata ngarana aina matolhawe lari ta Jurata Morha, nyi enga baitani lari ta banu latti inna.
\c 21
\cl Kawukku 21
\s (Langta Beru Mono Panu Tana Beru)
\p
\v 1 Bewalge, nauwa ug etawe langta beru mono panu tana beru. Oro, langta kawungana mono panu tana kawungana na bunga bewe; mono bannu dumo wale hilu lakmage lage.
\v 2 Loho, nauwa ug etawe wu harona katenguna, Yerusalem Beru, burru wali ta langta, wali tai Allah, mono paha inyabe katujana bau winne kaha ummana kalewu tutu laina.
\p
\v 3 Nauwa ug rangewe liyo kama wangta wali hadau ngodona kalinna,” Etawege, Rabonai Allah dage ta jonga kadadi ata. Nyi enga engana ta jongada yidda enga dadi ana huhuNa. Allah dau enga dani ta jongada yidda mono dadi Allahda yidda.
\v 4 Nyi enga hopi nadi tangadi we mata wali ta matada yidda mono mate wale hilu lakmage lage, wale hilu lakmagela kalallu, hoyo, waleka liwe kalawara oro katinyo ba haipa bewe.”
\p
\v 5 Nyi ka ngodo taha dau ngodo nada linnage, “Eatayige, Nauwa hadadidi tangadi beru!” LainNage lage,” Tolhawe inne oro hanewe inne paha tenawe mono tenawe.”
\p
\v 6 Bege, Nyi linalge tabaragu,” Bebewe! Nauwagna Alfa mono Omega, kapuge mono kaha dukkawe. Nauwa enga yigudi ha enu tabara tangada ata kama riyo wali ta mata weyo kamorha ai kamangu hina.
\v 7 Nyi katailo enga daunage tangage inna; Nauwa enga dadi Allah daga mono nyi enga dadi ana Gudi.
\v 8 Ta nyiduwe, yidda ka madauta, aika hatena, mono japata katappa; kahamate ata, ata popara, tagu hamorro, tangada kahatena hala hatu, mono tangada kangidi hanewe paleka enga da kolena dauda yidda lari tabannu karewo oro latti mono kajuju jawa. Inna yiwe mate ka dudana.’ 
\s (Yerusalem Beru)
\p
\v 9 Bewalge, wu wali pittu malaikat kanarrona pittu koba wepa enu kabanuna lohho pittu kadadi murrige inna amige mono linage tabaragu,” Maige, nauwa kagu hatingo guni tabaramu bau winne kaha ummana, ole ummana ana bebbe nada.”
\v 10 Loho, nyi na ngidiwa lari ta Waddi aro ta wu letena kahadda madakka mono madehta, lohho hatingo gage tabaragu harona langna inna, Yerusalem, kaburru wali ta langta, wali tai Allah,
\v 11 banuge manadanai Allah mono magakaha tujai watu malilaka kahadda bikta hina, tujai watu yaspis, kahira tujai kristal.
\v 12 Harona inna dage gallu watuge kama dakka mono madehta kabulu dudadi binna kallage. Ta binna kalla inna dadi kabulu duda malaikat mono ngara na matolhayi kabulu duda kabihhu ata Israel.
\v 13 Dadi tauda binna kalla tabara laddo koka, tauda binna kalla ta utara, tauda binna kalla ta selatan, mono tauda binna kalla ta laddo mali.
\v 14 Gallu watu harona inna mangu kabulu duda watu halinnde mono ta panu watu halidde rada matolhayi ngara kabulu dudana rasul Ana Bebbe.
\p
\v 15 Malaikat naha newe tabaragu nada kanarrona takko ha ukra wai harayi wali ta amaha rara tutu ukkrage harona inna, binna kalladi, mono gallu watudi.
\v 16 Harona inna na malauwe, malauge mono lurage nahamerawe. Nyi na ukrage harona inna waini takkona, kabulu duda rata stadiawe; maluge, lurage, mono madehtage hamerawe.
\v 17 Loho, nyi na ukrage harona inna, ngahu pata kabulu pata hastawe, dokuge ukra kadadi ata, malaikat jala ka ukrage.
\v 18 Gallu watu harona inna harayiwe wali ta watu malilaka yaspis mono harona inna harayiwe wali ta amaha rara tiyo, kakage tujawe kanino.
\p
\v 19 Puge gallu watu harona inna harayiwe wali ta tangage watu malilaka kabikta hina. Watu puge ka wungana yikna watu yaspis, ha duda wai watu safir, hatauda wai watu mirah, ha pata wai yikna watu zamrud,
\v 20 halima wai watu unam, ha anni wai watu sardis, ha pitu wai watu ratna cempaka, ha podo pata wai watu beril, ha bani dihha wai watu krisolit, ha kabulu wai watu krisopras, ha kabulu dihha wai watu lazuardi mono ha kabulu duda wai yikna wayu kecubung.
\v 21 Kabulu dudana binna kalladi yidakna kabulu duda mutiara, nahiyi binna kalla wuyo mutiara ha rayi wai. Lara ta harona inna harayiyi wali ta amaha rara tiyo. Tujai kanino hira.
\p
\v 22 Nauwa wale gu etak mawe Umma Allah ne lari taharona inna oroi Mori, Allah kahada bikta parehana, mono ana bebbe nyi dau heki ta Umma Allah inna.
\v 23 Harona inna wale na yannak mawe mata laddo waleka wulla kaha magakahage oro manada nai Allah kaha magakahage harona inna mono Ana Bebbe yikna lattige.
\v 24 Kabihu ata enga kakoda tama gakaha harona inna mono rajada ta panu tana enga da ngidiwe kama nadana ta yidda neda lari.
\v 25 Binna kalladi wale kalli tonik mayi bana laddoge, mono wale lakma gaddi neda bali.
\v 26 Yidda enga ngidi dage manadana mono pa aka kabihu ata neda lari taha rona inna.
\v 27 Tabolo, wale lakma wuakki ka paita katama taha rona inna, tauda dumuge ata karayige hada aika dahha waleka kawohhoka, tabolo kadukka ngara dahena kama tolha lari ta Jurata Morha Ana Bebbe.
\c 22
\cl Kawukku 22
\p
\v 1 Bewalge, malaikat nada naha tingo gani tabaragu lawai we hamaorha danga, ka hira tujai kristal, kalalo wali taha hadau ngodonai Allah mono Ana Bebbe
\v 2 ta tillu harona inna. Ka dudana hupuna lai weyo, tummu pu yayu morha ka wuna kabulu duda ngara wuna mono kawuyo nahiyi wulla. Rona yayu nada ba wai kani dadiwe bana hatangahayi kabihu ata.
\p
\v 3 Wale hilu lakma haura lage, tabolo hadau ngodonai Allah mono Ana bebbe enga dani neda lari taharona inna. AtaNa enga kataba dani Nyi.
\v 4 Yidda enga eta da nage mataNa mono ngaraNa enga matolhage ta kubu matada yidda.
\v 5 Gaddi wale hilu lakma ge la dajalage yidda wale da hilu bai mana magakaha latti waleka mata laddo oro nagei Mori Allah enga naha ma gakahadi yidda, mono yidda enga hareha ha ngatada. 
\s (Maina Yesus Kristus)
\p
\v 6 Malaikat nada linage tabaragu, “Tangadi hatakki inna dadiwe hatenawe mono tenawe. Mori, Allah wali ta waddi tangada nabi, halewayi malaikatNa tutu ba hatingodi tabara ataNa agawe ka geha dadi.
\p
\v 7 Rangemila, Nauwa geha amiga! Ka nyuru kana ata ka dokuge hanewe huru bale jurata inne!”
\p
\v 8 Nauwa, Yohanes karange bewe mono eta bewe tangage inna. Kole nauwa bagu rangewe mono etawe tangage, nauwa ug kawojowa tutu kataba ta ledu malaikat kaha tingo begage tangage inna tabragu.
\v 9 Tabolo, nyi linage tabragu, “Ilam rayi kage inna! Nauwagna atam katujawe yau mo ole baimu, tangada nabi, lohho tujai yidda ka dokuge hatakki ta jurata inna. Katabawu la tai Allah!”
\p
\v 10 Bewalge, malaikat nada linna wali tabaragu, “Ilam toni kawe hatakkigu ta huru bale lari ta jurata inna oro dageta nage rahige.”
\v 11 Yammadi ata japata, kada raina kajapata, ata aika murraha ka engana ai murraha, ata aika rayige katena, mono ata katenguna ka engana hatenguge tauna.”
\p
\v 12 “Rangemila, Nauwa geha ammiga! Mono, Nauwa ug gidiyi uppaGu, tutu ha gaba dage tangada ata dokuge harayina.
\v 13 Nauwagna Alfa mono Omega, Ka wungana mono paha dukka wai, Kapuge mono kaha dukkawe.
\p
\v 14 Ka nyuru kanala yidda kabahawe kalabe madakkada yidda dajalage yidda kadauni pu yayu morha nada mono tama ta harona inna ledeni binna kallana.
\v 15 Ka ta bali harona rada yidakna bagga, ata karayina hamorro, ata malamra, tangada kabara marapu, mono ata kabaige paleka.
\p
\v 16 Nauwa, Yesus, ug halewa beyi malaikatu Gu tutu takkiwe tabaramu tutu tangadi radda tubada kangote. Nauwagnala kalunga mono ana huhui Daud, Ba Maduyo wali Ta lado Koka ka magakaha.”
\p
\v 17 Waddi mono bau winne ha ummana nada linage, “Maimila!” Pahaidi ata karangewe inna kalidage, “Maidagela!” Pahaidila ata kama riyo ammini; pahaidi ata kabaige ngalawe weyo morha ai kadayo hina.” 
\s (Hatoniwai)
\p
\v 18 Nauwa takki guge tabarada tangada ata karange gage hatakkige huru bale jurata inne: “Nyi ba daka katabayi hok akki ta hanwe inna, Allah enga taba nani tabrana tangege mayilla kama tolha lari ta jurata inne.
\v 19 Mono, nyi badaka kaha dabboge hodik wali taha newe lari ta jurata inna, Allah enga ngala nage hadauna wali pu yayu morha wali ta harona tenguna, mono wali ta hada kama tolha lari ta jurata.”
\p
\v 20 Nyi ka takkiwe tutu hada inne linage, “O, Nauwa geha ammiga.” Amin! Maiwugela, Mori Yesus!
\p
\v 21 Ka nyuru kanaga Mori Yesus kana ole gimi miyo tangami. Amin