See in Reader
173 lines
16 KiB
Plaintext
173 lines
16 KiB
Plaintext
\id 1JN
|
|
\ide UTF-8
|
|
\h Yohanes
|
|
\toc1 Yohanes
|
|
\toc2 Yohanes
|
|
\toc3 1jn
|
|
\mt Yohanes
|
|
\c 1
|
|
\cl Kawukku 1
|
|
\s Firman Kehidupan
|
|
\p
|
|
\v 1 Diha wu kadabena wali kawungage, habebema harange, loho paeta, waibema mata nai, loho pamatara bema mono hajoja bema waidi limama, wale agakmawe ta bolo liyo kamorha.
|
|
\v 2 Morha inna maetabewi mono nami maetabeyi Nyi. Nami eta dauwe mono matalarage ta barami tubage morha aika dukana, kadabena maranga oleni Ama monno praha dela be tabarama.
|
|
\v 3 Hada habebema ha eta mono range, nami matalara jalabege tabarami dajalage miyo jalla kamu pahada we kangote ole danga gama nami. Tau takka nage, kango tema nami inna hamera ole dangani Allah Ama monno Anana, Kristus Yesus.
|
|
\v 4 Tangage inna nami matulla gimege tabarami dajalage kana bange lagaharami.
|
|
\s Berjalan dalam Terang
|
|
\p
|
|
\v 5 Inne nyiwe liyo harange bema tubana nyi monno nami hadikmage tabaramu wale inyakmai Allah kama hagakaha monno carta nyiyo ladak mahingge kapaktana.
|
|
\v 6 Nyi yitta balidage yitta dage kangoteda tabarana nyi, tabolo yitta bada morhaka larta pangtana, Yitta palledage monno waleda pahada hingmawe katena.
|
|
\v 7 Tabolo, yitta bada kakoka lar tama gakaha, tujawe nyiyo balariyi tama ngakaha, Yitta nadadiwe bada kangetana diha-diha monno ranai Yesus, Anana, pamurahada Yitta wali tangage kajapata.
|
|
\p
|
|
\v 8 Nyi yitta badda haneweka inne yitta walle la'kina jala, yitta tipdagge tauwa dauda yitta monno katena walle la'kdamagge tabarada yitta.
|
|
\v 9 Nyi yitta mangakkaddi doku jala da yitta, nyiyo namma nuddu monno matiba tutge baha waldaddi doku jalada yitta monno naha murrahadda yitta walta tangngage kajapata.
|
|
\v 10 Nyi yitta badda haneweka wallema kalma howe rayina kajala, yitta da rayini nyiyo da'kdi kammatip monno lina walle la'kdamagge tabarada yitta.
|
|
\c 2
|
|
\cl Kawukku 2
|
|
\s Yesus Adalah Pembela Kita
|
|
\p
|
|
\v 1 Bagu Anagimi, gu tolhagimige tanga ge inne tasarami illam rayina jala, Nyi, badaka karayani jala, Yitta dani perada taaronai Ama, wale inyak mai Yesus Kristus, Kahada Tena.
|
|
\v 2 Nyidalai maraka oli tubadi jalada yitta. Monno, wali yida kelma jalada yitta, tabolo taudajala ge tutge jala tangage tapanu tana.
|
|
\p
|
|
\v 3 Nyidawe ge yitta datawe oroge yitta bada tadai Allah, Nyi yitta bada doku kadi tangadi li ukku parehana.
|
|
\v 4 Ata lina dage bana hanewe, “Nauwag tadai Allah,” Tabolo wage dukuk madi li ukprehana, nyikna nada ata kapaleka mono katengna lakmage lar tanyiyo.
|
|
\v 5 Tanyiduwe inyayi kadokuge lina, manawarai Allah banu tetak nage lar tatauna. Tauda jalanage Yitta datadawe balarda Tanyiyo.
|
|
\v 6 Ata katakwe nauwa lar ug engna tai Allah, Nyiyo na morha hameradanga honi Yesus kamorha.
|
|
\s Mengasihi Sesama dan Melakukan Keinginan Allah
|
|
\p
|
|
\v 7 Angu wo gimi hamanawaragu, Nauwa walegu tolhakmagimi pareha beru tabarami, tabolo pareha mamai duyi hadaubemi miyo wali kapuge. Pareha mema halegna wale agak mawe lina harange bemi wali kapuge.
|
|
\v 8 Tanyiduwe, Nauwa dumo tamra tolhaguge pareha beru tubamu, katena lar ta Nyiyo mono lar tamiyo oroge kapagtana talira bewe mono magakaha katena rewo nage batauge.
|
|
\p
|
|
\v 9 Ata kalinada banaha newe nauwa daga lartamakaha, tanyiduwe butuni ate olebaina, nyadane nyige enga hona larta pagtana kaha inna batauge.
|
|
\v 10 Ata kamanawarani ole baina engana til magakaha mono wale lahing makki langka wuka karayi nage ha wida dangana.
|
|
\v 11 Tabolo nyi kabutuni Ate ole baina dani lar tapangtana mono na kako lar tapagtana. Nyiyo walenatadak mawe bagiyo daukakona oroge kapagta bana hamoro beknao matana.
|
|
\q1
|
|
\v 12 Nauwag tol hamige tabaramu, talakawa, oroge jalami bebe hawalgimidi waige ngara-Na.
|
|
\q1
|
|
\v 13 Nauwa tol hamige tabarami, ta haama-haama oroge miyo bamu tada bedui nyiyo walipuge. Nauwag tolhamige tabarami, taata bodi oroge miyo bamu habakebewe kajapata. Nauwag tol hamige tabarami, ta lakawa oroge miyo bamu tada beduyi Ama.
|
|
\q1
|
|
\v 14 Nauwag tolha bemige, tabaramu. Ta haama-haama, oroge miyo bamu tada beduyi nyiyo wali kapuge. Wau wag tol hamige tabarami, taata bodi orogemiyo bamu kulha, monno liwai Allah engage lar tamiyo Monno Miyo habakke beyi kajapata.
|
|
\p
|
|
\v 15 Illam baidage inne panutana waleka tanga ge kadana tar panutana. Nyi nada wuata bana baikage panu tana, manawarai Ama walekmage lar tanyiyo.
|
|
\v 16 Oroge Tangage kadana lar tapanutana, duka dahege kamakge kanada, kamakdidi mata, mono baibo morha aika wali tai Ama, tabolo wali tabanu tana.
|
|
\v 17 Panu tana inne tamrage babora hamera dangage kamakge, tabolo ata karayige hakagu atei Allah enga morhana kaha ana muri-ana muri.
|
|
\s Jangan Mengikuti Anti-Kristus
|
|
\p
|
|
\v 18 Bagu Anagimi, batauge innage rahi hadukana ge, mono nahamerage habebe maharange tutge aika baini Kristus enga anudi, loho inna batauge buta aika bani Kristus Kambena. Taudajala nage yitta tadawe inna batauge aga innawe rahi bana hadukka we.
|
|
\v 19 Yidda damai tajonga dalarada yitta, tabolo yidda tabolo wale olek madadi yitta. Oroge, yida ba ole dada walita yitta, Yidda enga nyiwe bada hamera dangada Yitta. Tabolo, yidda da tanada yitta hupata dedoge yidda ai ole dadi yitta.
|
|
\p
|
|
\v 20 Tanyiduwe, Miyo imum kolebege padi dara wali katengna, mono miyo umtada kaha bewe.
|
|
\v 21 Nauwang tolhamige tabarami wale oro aitada dakmige katena, tabolo oroge miyo bamu tadawe mono oro aidage kawohoka kawali katena.
|
|
\p
|
|
\v 22 Iyaduige ata kapaleka nada di nyika kaballun Yesus sang Kristus? Nyikna aikabaini Kristus, Ata kaballuni Ama mono ana.
|
|
\v 23 Ia dahingu kai kaballini ana ana walena daumani ama. Tabolo, tangana ata kamangakuni ana, nyiyo nadauni ama.
|
|
\p
|
|
\v 24 Pahaige Inna Harange bemi wali kawungage kana engage tabaramu. Nyiba agabe inna harangem Wali ulluge bana engage tabaramu, mi jala umengana lar tai ana mono ama.
|
|
\v 25 Monno inne nyi pajajina hayina tabarada yidda, wale agak mawe morha aika dukana.
|
|
\p
|
|
\v 26 Tangage inna hatol hagu tabaramu, nahakaitoge tabarada yida karuhwe hajalorami miyo.
|
|
\v 27 Tanyiduwe, padidara nahiba bemige wali tanyiyo engage tabaramu, mono miyo walim baidakma ge ata wadeka bana hanua gimi. Tabolo, oro hadidara nagimi, Nyi kaha nuagimi wali tangage inna nedo nyida howe katena, walna palekmawe. Tauna bana hanua begim miyo, kapikku engam tabarana nyiyo.
|
|
\p
|
|
\v 28 Bauge, bagu ana gimi, enagana tabarana nyiyo dajalage bana hatingo wikkana nimi, yitta kadage hatena tatauge mono wale damakkekmata arona nyiyo dikkige rahige bana mai.
|
|
\v 29 Nyidawe miyo bamu tadakwe banyiyo katena, miyo umtadaja lawe tangana ata karayi ge katena dadi nage wali tanyiyo.
|
|
\c 3
|
|
\cl Kawukku 3
|
|
\s Kita Adalah Anak-Anak Allah
|
|
\p
|
|
\v 1 Hamataragila hadda madakawe manawara wali tai Ama hanyinagimi tabara yitta mana dadi we yitta bahangarada Ananai Allah, oro bataudage, panutana walena tadakmada Yitta oroge panutana aina tadai nyiyo.
|
|
\v 2 Bagu angwugii hama nawaragu, batauge yitta anadai Allah, tabolo baaga linadawe yitta hadada nimi walena dedogma howe. Nyiduwe, yitta datadawe banyioamkan nimi, yitta enga datujai nyi oroge yitta bada etaduyi nyi lartahadana katau takkana.
|
|
\v 3 Tangana ata kaengage mamannewa tai Kristus, nyiyo na mura hage tauna, tauwa Kristus bana muraha.
|
|
\p
|
|
\v 4 Tauna ata banarayige jala nyiyo layi jalanage ukpareha oro jala hige layi dadi liukpareha.
|
|
\v 5 Miyo tadawe nai Kristus baha dedalani rikku mahopini jala, manno tabara na nyiyo lakma jala.
|
|
\v 6 Tangana ata kaengana tabara na Nyiyo walenarayik mana jala. Lahingma wuak ata kajala ka etabeyi waleka katadai Nyiyo.
|
|
\p
|
|
\v 7 Bagu anagimi, illana pahaikan langka wuak ata pajalorami miyo. Ata karayige katena yikna ata katena, katujanai Kristus banatena.
|
|
\v 8 Ata karayina jala kawalidayi tai kabalka oroge kabalka najala be wali ulge. Ananai Allah namai nyiwe gauge: hamukkage tangage harayinai kabalka.
|
|
\p
|
|
\v 9 Walemlahingmana ata kadadi wali tai Allah karayina jala oroge Winni Allah engage tatauna; mono nyi walena dadikmawe rayina jala bana dadika wali tai Allah.
|
|
\v 10 Nyi batauge, Ina duyi Ananai Allah moo iyas jalai ananai Kabalka kiki dedonage. Ata aika rayige katena walna waldakma tai Allah, Tauda jalandi ata aika manawa radi ole bai na.
|
|
\s Saling Mengasihi
|
|
\p
|
|
\v 11 Oroge, nyiwe inne liyo habeharangem wali ulge, yitta kada hamanawara-nawara wikna.
|
|
\v 12 Illam tujai Kain, kawalida taka japata monno kaha matei alna. Monno, aha mana hamatei alin? Oroge, harayinai kain japatawe mono harayina alna tenawe.
|
|
\p
|
|
\v 13 Bagu angu wugimi, illam kadadakami banyi butkanagimi ate panu tana.
|
|
\v 14 Yitta datada daubewe badda hubena wali tamate aro ta morha oroge yitta manawaradi ole baida. Ata kama nawaradi engana tatillu mate.
|
|
\v 15 Tangana Ata kabutuni ate olebaina nyikna ata kaha mate ole atana, monno miyo umtadawe wale lakma ata kaha mate ole atana kadauwuge morha aika dukana lar tatauna.
|
|
\p
|
|
\v 16 Tauda dage yitta bada tadawe manawara: Yesus Kristus na Yibewe morhana tubada yitta. Nyi dawe, Yitta enga dahobe bada yiwe morhada tangada ole baida yitta.
|
|
\v 17 Tanyiduwe, banyidaka kamangu ngawu panu tana, monno bana etai ole baina tamrana kabu atege kadaki balina, tabolo na taniwi atena tabara olebaina nada, aga lina kawe mana warai Allah dage lar ta atena?
|
|
\v 18 Bagu anamigi maida yitta kadage manawara illa hanewe kelkane walika lammada, tabolo waige haraida mono katena.
|
|
\p
|
|
\v 19 Waige innage, yitta engatada dage ba walda wali katengna monno yitta kada hadidari ateda taarai Allah.
|
|
\v 20 Oro inna ateda yitta bana ha jalada yitta, Allah rehina madakkahona wali ta ateda yitta mono nyiyo natadawe tangage.
|
|
\p
|
|
\v 21 Bagu angu wugimi hamanawaragu, inna ateda yitta aina hajalakda yitta, yitta dahatenawe tauda ta aroi Allah.
|
|
\v 22 Agaka hingkawe haraida, yitta dahibawe wal tai Allah. Oroge yitta bada dokuge tangage paharehana mono pahadawe agawe kayanana tabarana.
|
|
\v 23 Monno, inne nyikwe ukparehai Allah, dajalage yitta hatena we lar tangara Anana, Yesus Kristus, monno yitta bada hamawara wikna tauna paha rehabena tabarada yitta.
|
|
\v 24 Ata kadokudi liyo ukparehai Allah engana ta Nyiyo, monno Allah enga jalana lar tabarana waige innege yitta datadawe wadai Allah engana tatauda yitta, waini ngahu wali tai Allah hayibenada tabarada yitta.
|
|
\c 4
|
|
\cl Kawukku 4
|
|
\s Mengenali Roh yang Berasal dari Allah
|
|
\p
|
|
\v 1 Bagu angwugimi hamanawaragu, illa alpuhatena mu di tangadi wadi tabolo nyura toti rada wadi kamu tada takayi bayiddana kawalitai Allah oroge butai Nabi kapaleka kadabena ta panu tana.
|
|
\v 2 Tauda dage miyo kamu tadai waddi wali Tai Allah: Tangadi waddi kama ngaku nai Yesus Kristus inna maibe lar tahada kadadi ata nyiwo kawa ci tai Allah.
|
|
\v 3 Tangadi wadi yika mangakuni Yesus, Walna walikma tai Allah. Nyidda nada waddi aika baini Kristus, Harengebemi ka amna monno bajauge dabeni panutana.
|
|
\p
|
|
\v 4 Anagu, Miyo walim tai Allah monno habakkebiyi nabi-nabi paleka rada oroge nyiyo dani tataumi Rehina madaka wali nyiyo ka dana tapanu tana.
|
|
\v 5 Nabi-nabi paleka rada walida tapanu tana. Oroge innage, yidda dahanewe wali tapanu tana mono panutana darangeyi yidda.
|
|
\v 6 Yitta walida tai Allah. Ata katadabeyi Allah karangeda yitta, tabolo ata aila wali tai Allah waleda rangekbana yitta. Waige innage, yitta datadai wadi katena mono wadi kaha jalora.
|
|
\s Marilah Kita Saling Mengasihi
|
|
\p
|
|
\v 7 Bagu angwugimi hama nawaragu, maida yitta kada hamanawara wikna oroge manawara kawali tai Allah. Mono tangana ata kamangu manawara dadi nage wali tai Allah mono Natadai Allah.
|
|
\v 8 Ata aika mangu manawarai walena tadakmayi Allah oroge Allah kabanunani manawara.
|
|
\v 9 Tauda dage inna manawarai Allah baha dedalage ta jonga dalarada yitta. Allah nahalewai ana nahana inne tapana tana dajalage kada morha ledeni nyiyo.
|
|
\v 10 Tabara hena lah manawara inna; wali yitta dakma kama manawarani Allah, Tabolo Allah kamanawarada yitta monno mana halewa dani anana bamaraka hamoliyi tubadi doku jalada yitta.
|
|
\p
|
|
\v 11 Anguwu hamanawaragu, nyi Allah bataudahingge manawarada yitta, taudajala nage yitta daha manawara wik hona.
|
|
\v 12 Lahing mahona ata ka etai Allah. Nyi yitta bada hamanawara wikna. Allah engana tabanada mono manawarana inna wabange tabarada yitta.
|
|
\p
|
|
\v 13 Waige kataudana inne ge yita batadawe yitta bada engana tabarawai Allah monno Allah tabarada yitta oroge Allah bana nyik bedani tabarada yitta wali ngahuna.
|
|
\v 14 Monno, Nami ma etabeyi mono hatada daumage nyi Ama bana halewai Ana-Na banyiyo Hada Hoila panu tana
|
|
\v 15 Tangana ata kamaku nai Yesus Anai Allah nyi, Allah engana tabarana nyiyo mono nyiyo engana tabara Allah.
|
|
\v 16 Nyidawe, yitta datada bewe monno dahatenabewe inna manawara badauwage Allah tubada yitta. Allah nyi kamanawara, monno ata kaengana ta manawara, engana tabarai Allah mono Allah tabarana nyiyo.
|
|
\v 17 Ledegeinne, manawara nabange waige yitta dajalage yitta kana dadiwe bada dauge hatewa wali tatauda dikki ge lado nyini rakana ata oroge katauna nyiyo, tauda jalanagi yitta tapanu tana.
|
|
\v 18 Lakmage madauta tillu mana wara, tabola manawara kabanna nawungage madauta oroge madauta naduwu dangage li hokna. Ata kama madauta, wale naban dahok mage manawara tabarana.
|
|
\p
|
|
\v 19 Yitta manawara oro nyiyo ulluhakna manawara da yitta.
|
|
\v 20 Nyi badaka ata kaha newe, nauwa mawawarani Allah; Tabolo buttun ate olebaina, Ata nada kama tipu. Oroge, Ata aika dadi manawarani angu wuna haetena, walena dadik mawe manawarani Allah aiha etana.
|
|
\v 21 Monno, Pareha inne yitta dahibawe wali tai Allah: Tangana Ata kama nawarani Allah, enga dahoge bana manawarani angu wuna.
|
|
\c 5
|
|
\cl Kawukku 5
|
|
\s Anak-Anak Allah Mengalahkan Dunia
|
|
\p
|
|
\v 1 Tangana ata kahatena nadai Yesus Nyi Kristus dadi wali tai Aallah, Nonno tangana ata kamanawarani Ama, tauja lage manawarani ana kadadi wali tai ama.
|
|
\v 2 Waige inne yitta datada bewe bada manawaradi Ananai Allah, Bakolle Yitta Manawarani Allah Monno dakudi ukparehana.
|
|
\v 3 Oroge inne nyiwe manawarai Allah, nyi yitta bada dokukadi uk parehaNa, Monno uk parehaNa wali biktamayi.
|
|
\v 4 Oroge, agahingkai kadadi wali tai Allah habakkewe panutana, inne nyiwe tailo kaha bakkebewe panu tana; hatenada yitta.
|
|
\v 5 Iya dudikahabakebe we panu tana ai nyika kaha tenai nai Yesus Nyikna ananai Allah.
|
|
\s Hidup Kekal Ada dalam Yesus
|
|
\p
|
|
\v 6 Nyiknala kamai waina weyo mono Rayo: Yesus Kristus wale Duka kelukmage weyo, tabolo waina weyo mono rayo. Wadna Nyiyo kapadeladage oroge waddi nyin katengna.
|
|
\v 7 Oroge, dadi tauda hada kapadelage ta Surga:
|
|
\v 8 Waddi, weyo, mono Rayo; Mono kataudana rada weati.
|
|
\p
|
|
\v 9 Nyiwe yitta bada hibawe patallara kadadi ata, patakki Allah rehina kulhawe. Oroge, patakki hanyinai Allah patakki tubana Ana-Na.
|
|
\v 10 Ata kahatena tabara Anai Allah padelaka patau takana lar tatauna. Ata aika hatena tabarai Aallah nyi kapahadayi Nyiyo ata kama tipu oroge ata nada walena hatenakmawe hatakki Allah bana yiwe tubana Ana-Na.
|
|
\v 11 Mono, inne paha delaka inna: Allah na yibewe tabarada yitta Morha aika dukka, monno Morha inna dage tabara anana.
|
|
\v 12 Tangana ata kadauni anana daunage Morha; Tangana ata aika dauni anai Allahwale nadaumage Morha.
|
|
\s Orang yang Lahir dari Allah Tidak Berbuat Dosa
|
|
\p
|
|
\v 13 Nauwa gu tolhamige tangage inna tabarami miyo kahatena tabarana Ana Allah dajalage miyo kamu tadawe monno miyo kamu dauge Morha aika dukka.
|
|
\v 14 Monno, inne nyiwe hatena hadau danga dage ta orona Nyiyo, nyi baaga hingkawe haraida duku ge ha kabu atena, nyiyo narange dage yitta.
|
|
\v 15 Nyiwe titta tadawe nyi narange dage yitta, aga hingkawe yitta haraida, yitta tadawe inna yitta dadaubege maraino habebeda yitta karaiwali tabarana.
|
|
\p
|
|
\v 16 Nyi badaka ata kaeta yi angwuna raina Jala aika harodani tamate, dahawege ata nada kana karaiwe, monno Allah enga yidani Morha tabarana ata karayina, jala aika kaarohani jamate Inna. Tabolo, dage wuyo jala kaarodada tamate; Nauwa walegutakki mamigge tabolo ka engage bana kanukawe tubage jala inna.
|
|
\v 17 Tangage aika tena nyiduwe jala. Tabolo dage jala aika paarodana ta mate.
|
|
\p
|
|
\v 18 Yitta datadawe tangawa ata kadadi wali tai Allah Walena rayikmana jala, tabolo nyiyo kadadi wali tai Allah naha mawoni mono kajapata walena jojakmai.
|
|
\v 19 Yitta tadawe yita bawalida tai Allah, mono tangane panu yana dage takabu kaha rehana ka japata.
|
|
\v 20 Monno yitto datadawe Anai Allah na maibe monno na yibedage paha ngada tabarada yitta dajalage yitta kanadaweta dai nyiyo katena; Monno Yitta dada tabarana nyiyo katena, car ta anana, Yesus Kristus. Nyiknai Allah katena monno Morha aika dukana.
|
|
\v 21 Anagu, hamarauge taumu wali hada bara marapu.
|