See in Reader
96 lines
10 KiB
Plaintext
96 lines
10 KiB
Plaintext
\id 2PE
|
|
\ide UTF-8
|
|
\h 2 Petrus
|
|
\toc1 2 Petrus
|
|
\toc2 2 Petrus
|
|
\toc3 2pe
|
|
\mt 2 Petrus
|
|
\c 1
|
|
\cl Kawukku 1
|
|
\s Salam dari Simon Petrus
|
|
\p
|
|
\v 1 Wali tai Simon Petrus, atana mono lede limana Yesus Kristus, Tabara da yida icahibabewe hatena kaha marada hadauma cedege tangnai Allah mono hada hoilada yitta, Yesus Kristus.
|
|
\p
|
|
\v 2 Waikage kanyuru monno Moli kamaringna majabolawe tubamu lartie tadamini rakanai Allah monno Yesus, Morda Yitta. Orang yang Dipanggil dan Dipilih oleh Allah
|
|
\v 3 Rikta parehanai Allah kayida kanyuru tabarada Yitta tangage katuba ta Morha monno moraha, ledege bata tadai nyiyo kamaika beda yitta aridata manadana monno Dahara.
|
|
\v 4 Ngidini, naka nyuru beda tabara yitta jaji Na kahadama dakala monno kamagu hina Dajalage waige jaji inna miyo dadiwe bamu hadoku ngalawe tubamu lari tamorhanai Allah, monno kamu hilpa wali karakta kadadi inne tapannu tana, kaha oroda manyarage hada Morha.
|
|
\p
|
|
\v 5 Tauda dage hakadu ate, kamu karuhue katau taka-taklana tubage bamu tadawe hatenamu waiga mainyaka, mainyaka waige tada,
|
|
\v 6 Monno tada waige patuetauda, monno patue tauda waige mapaha, mapaha waige moraha,
|
|
\v 7 Moraha waige manawara ta ole baida, manawara ole baida waige manawara dika tangorawe dauna.
|
|
\v 8 Oroge banakade tataumu monno bana kiki matabawe, yidawe miyo walena dadik mawe bamu lilokonu waleka walena wumami til tadamini Morda yitta Yesus Kristus.
|
|
\v 9 Tanyiduwe, nada ata aika dana tangadi rada nyiduna ata aika eta hirawe monno kamoro oroge nyiyo bana dangage nyiho beha hahuraha beyi wali dohu jala alluge.
|
|
\p
|
|
\v 10 Nyiba taudage, olebaigu, Rehina karuhikikurla kamu tadu takkawe moyo bana tenawe hawaikawi mono hapede, orege bamu pahadawe nuyo rurge miyo bamu monunui.
|
|
\v 11 Waige kataunalage, bimma larita kalingo ra pareha aika dukkai Mori monno hadda hailada yitta, Yesus Kristus, engana naoma bugera tubamu.
|
|
\p
|
|
\v 12 Nyidawe oroge, nauwa akabu ategu tutge bagu haapegeunige tangage uma lokko banu tada bahwe nuiyo monno hakadebemi waige didera lari ketenguna hadaubewi batauge.
|
|
\v 13 Baengahogu nauwa Morha larita kareka panutana, ughagada dahoge bagu harumi miyo waige hoda hamanugimige,
|
|
\v 14 oro, nauwagu tada inna nauwa enga geha tanage kareka imme tauna pahatingo be tabaragu kahada dedo tamorda yitta, Kristus Yesus.
|
|
\v 15 Monno, Nauwa enga kuruhuwe waige ka lutagu kabaina tutu bagu pahadamige kaengage nanuwe tangage imna kalebagu kakowa. Saksi Mata Kemuliaan Kristus
|
|
\v 16 Oro nami walema dokumage kanoge-kanoge parayi waige hangada naaniki bakole hatingo gimige tabaram bikta pareha monno maina Morda yita, Yesus Kristus, tabolo oro nami ka eta madawe tuba mamada na.
|
|
\v 17 Oro kale Yesus libawe dige monno naanada wali kai Allah Ama, kadujana badakwe tabarana ledini kahuda manada “Nyikna nade anagu hama nawaragu, tabarana nauwa ungkabu ategu.”
|
|
\v 18 Nawi marange jalane inna liyo kamai wali ta sorga kale bama maranga ole dangana tapanu lete murahana.
|
|
\p
|
|
\v 19 Nami domo kiki hadenawe waige hatakki hurbale, loho bana moda, hewe miyo kamu hamatara hadahage, tauna bamu hamatarage latiweyo karewo taha dawu kapagtana, kaha kokoka monno bana hadda lado lari taatenuru.
|
|
\v 20 Tabolo Yiwe, Kahada bannigna hayapa homla wale ladaknua hurbale lari ta jurata biha kawali tapa hayada deta.
|
|
\v 21 Wale lakma wuak harbale kahuda wali kamak ate ata, tabalige, ata enga hanewe da waige ngarai Allah dokuge mairuma ngahu katengna.
|
|
\c 2
|
|
\cl Kawukku 2
|
|
\s Hukuman untuk Guru-Guru Palsu
|
|
\p
|
|
\v 1 Nutu huna uluge, dadi nabi-nabi paleka tajonga dalasa ana suhunai Allah, tauma batange dajaladi guru-guru paleka tajonga dalarami loho kawaina kabunyi hamuda hanua kama jiraka dajalage kaballimi Mori ka haneralida di yida kaamwaige kawetara geha tuttauda yida dawu.
|
|
\v 2 Monno, engabuta ata kadokuge hada marha yida aika mangu paha gadamu, monno oro yidalah, lara katengna hapadda.
|
|
\v 3 Waige dadarada yida enga ngalada utu wali labaramu waige haneweda kama tipu; rakada tubada yida paha wali hilu mangatrama dura.
|
|
\p
|
|
\v 4 Oroge, Wadai Allah Widawu aina patkawe tauna jonga dalara malaikat kajala, tabolo baitadi yeda ta neraka monno yiyi yida larita kalasi bahi kapangtana tutge bapaduyi kaha yidi Rabada.
|
|
\p
|
|
\v 5 Mono Allah duma aina manawarage pamutana uluge halikemai Nuh, wuyo ata kakadoge ketena oledi pitu ata wadeka, tabelo ami dangage weyo buta tapanutana aika tadui Allah;
|
|
\v 6 Mono nyiyo Allah bana hukuge hasona Sodom mono Gomora waige hada hawetara sekadudana harona radu kahadadi kabukayi, mono yida hadudi dadi teya tutuwe agawe nimi kadadi tabara da ata kajapata kamorha talado murige;
|
|
\v 7 Mono nyiyo Allah napa hailayi lot, ata katengna nada, kapaddana mayilla oro Morha ka otora wali ta ata aika tadayi liyo idi pareha,
|
|
\v 8 (Tutu amo tuduwe, Lot mosha tibu jigada yida diha lado-diha lado, mono urada hida kadena mayilla oro etami mono rageyi parayida kajapata hatena mono haragena;)
|
|
\v 9 nyidawe Allah natadawe agalina dawe pahalayi ata katena wali tama kabama mo tuyi ata japata tutwe bahukudi talodo bayidi rakada,
|
|
\v 10 Palikeda yida kahabotawe tauna larita malama ka otora, mono katau tai payi kaha reha. Waige mono talajrada mono baiboda, guru guru paleka rada waleda madautaknua hamelodi hawai kamanada,
|
|
\v 11 Daku dage rada Malaikat, wale ladakma hanewe maduhada kaaroda ka mapudda tabarada yida toromai Mori
|
|
\v 12 Guru-guru paleka rada tujai ranga aika magu pangadana, pahadadi lodoge yapayi mono hamateyi; tidadappadawe, agawe ai hayapada yida, engapudahayi lari kawetara yida wiki dawu.
|
|
\v 13 Yida kapijai kajapata kana hige tangage harayida ada kajapata. Yida daha ngada dage kalngo enu bana lodoge harawedangawe. Yida atoro mono akta, lagadara lari tabalda bada yoyo ole dagagumi miyo.
|
|
\v 14 Yida mang matada ka bamma habai jala olena mono dika ogahu rahige jala, yida dale koyi ata kaloja urana, mono atena yida nadama bewe lari tamorha dadura yida nage lakawa paha katukku.
|
|
\p
|
|
\v 15 Yida datamani lara haluruha mono dukumi lara jalora, tauna lara bikam ana beor, kadaidage hiba hiyo ha ulama tutge parawi pajapata.
|
|
\v 16 Tanyiduwe, nyiyo nakalena liyo haape kama wangta tapanu halayida wali wuyo ana bebe kabanga, tabolo kamewe kaliyo kadadi ata dajala ge napangahu we parayi ngade nabi nada itu.
|
|
\p
|
|
\v 17 Ata radekataudana tujai mata weyo kamarakota mono hatijai habungu pahabana warata. Kapaghata hada kapagtana hinya bede tubada yida.
|
|
\v 18 Waige hamewe kabaiko, tabola lakma ngilige, Yida nakanadi hirra ata kawalota wali tayikda kamorha lari tajalora waige kamahge pola tauda mono waige Manyarha.
|
|
\v 19 Guru-Guru Paleka dajajige Hoila, Loko Yida wiku dauyoba atak madi liyo loko oroge, agalungkai kahabawai wu ata, Tabasuknage, ata nada ba atai.
|
|
\p
|
|
\v 20 Oroge, Ayi yida bada malotabe wali tangage ma nayruha panu tana kajapata kdetada rakanai Mori mono hadda manemasada Yitta, Yesus Kristus, Tabolo murige haggawali tapanutana kajapatainna mono haluguna, Nyida hida onga dadi rehi aidaha wali ulage.
|
|
\v 21 Ana hada hadoge yida aida kali tadai laraka tena nada, bege kolebada sadayi yida da kabali wali liyo ukku moraha yibe tabarada yida.
|
|
\v 22 Yidahna mawo wali wehamewe katena inne: “Bagga nahaga tamuttana dauma,” monno “Wayi paha murhabe, hagawali nagwe mayoka ta kaiyaka.”
|
|
\c 3
|
|
\cl Kawukku 3
|
|
\s Yesus akan Datang Kembali
|
|
\p
|
|
\v 1 Bagu ole baigimi hama nawaragu, Inne nyiwe jurata haduda wai hatalhagu tabaramu. Larhaduda wai jurata inne, ungkabu ategu hakadegimige,
|
|
\v 2 dajalage kamu apewe tangage hanewe uluge hatakbeda nabi-nabi katengna mono parehai nuori duano hada haila ledeni lede lima.
|
|
\p
|
|
\v 3 Kawunga ge, kamu madanuge, dikige lado morige nimmi, dadi kapatereka kaamna kadokuge butateda yida kajala.
|
|
\v 4 Yeda enga daha newe. “Gikakge jaji tuba Ami hagani? Oro wali taima weda da yita mate, tangadi enga hadi bana kakoi karujana kawanga dadi ge”
|
|
\v 5 Oroge, yida wukge duangage kadedokewaige lima, langta dabege wali ulu li ulge, mono panutana padadige wali tawego mono lege weyo.
|
|
\v 6 Waidumge inna weyo, pamanudara kadan inna hamahamauwaige weyo banu.
|
|
\v 7 Tayidu waige liyo kahamera, langta mono panutana kadana inma batauge paijalawe kapiku tauwe waige lati ta lado yidi rakada ncono baha wetarayi ata japata.
|
|
\p
|
|
\v 8 Bagu olebeimigi hama nawaragu, ilamu dangage kadedobe kawuna inne; tubai Mori, diha lodo natuja dawe Rata dawe mono Rata dawu netuja dawe diha lodo.
|
|
\v 9 Morda walena kali akuraknua panue jajina tauna pahangadada kapirama ata weewe ma aber. Gabage, nyiyo namaloya tabaramu oroge Nyiyo ainakabu atege langka wukkata liloko, tabolo dajalage tangana ata dadiwe bama maiyo dikige jarra.
|
|
\p
|
|
\v 10 Lodo rahi mainai Mori enga dikina tujai wu ata kedu, mono langka enga bengage waige liyo kaharajadda. Tangadi kadana ta langta enga dukadi bana mutuyi mono loloi oro lati kahadda nganyaha, mono pamutanaNgara dukage Ngihige bejalai Mutuyi.
|
|
\v 11 Ayi tangadi bahamau hadi waige hadda Inne, agalina dawe hadage miyo bumu morha? Walemi morha murahakhom mige mono kamu engana tai Allah,
|
|
\v 12 Kamu rema waige mono kamu pangehawe lado maina Allah? Dihige lado Mori langta enga wetarage oro lati mono tangadi kadana ta langta walaloyi oro agangahage.
|
|
\v 13 Tanyiduwe, dokuge pajaji nai Allah, yitta darremage langta mono tana beru, hadauda ata katena bada engana.
|
|
\p
|
|
\v 14 Bagu olebaimigi hamanawaragu, oro yita bada remage hada inna, Nyiwe kamu karuhwe waige mikpung dajalage Allah kama dikgim miyo ai jala, aim otara, mono moli dangani Allah.
|
|
\v 15 Um pangada dage ima maloyanai Mori wuwemahinggo tudda yitta bada hibawe haila. Katujana tai Paulus, olebaikana nawarada yitta, tolhagimige tabarami waige angta yingmai Allah tabarana.
|
|
\v 16 Nyiyo naha newe jalage hada inne tatangadi ina tajurata wadeka. Tau takkanage dadi hada ai happada nyihidi dajalage dahabali yubudi tangada ata kabanga mono kaloja hatenada. Yidda da hamukkawe takubage wadeka jurata biha, ka ngidiyi dayi yida liloko tuba tawu wiku dawuda yida.
|
|
\p
|
|
\v 17 Bagu olebaigimi hamamawaragu, oro miyo bamu tada bewe tubage hada inna yapukigela dajalage Miyo ila kadogimi ta jalora oro waige jalada ata aika tadayi liuk pareha. Illam momu kami miyo wali taha tanami ka didara.
|
|
\v 18 Tayiduwe, tumumi lari ta kanyuru momo tadai rahanai mori mono hada hailada yita, Yesus Kristus. Tubanage nyiyo manadana, batauge nuduo kaha aika duhana.
|