See in Reader
181 lines
17 KiB
Plaintext
181 lines
17 KiB
Plaintext
\id JAS
|
|
\ide UTF-8
|
|
\h Yakobus
|
|
\toc1 Yakobus
|
|
\toc2 Yakobus
|
|
\toc3 jas
|
|
\mt Yakobus
|
|
\c 1
|
|
\cl Kawukku 1
|
|
\p
|
|
\v 1 Salam waltai Yakobus ledu limma nai Allah monno Mori Yesus Kristus, tabarada kabullu duda kabihu kamma hallara ta hagala pantana.
|
|
\s Makaba Hatena Na Ngihige Tahna
|
|
\p
|
|
\v 2 Olebai-olebaigu, hangada daggela ba wudawe ege ate innemiyo bamu monuka ta tangnga ngara makaba.
|
|
\v 3 Oroge miyo um tadawe inne makaba tabara hatenamu na wudage taggoranna.
|
|
\v 4 Pahaige taggoranna kayiwe ngihhige kabanna tannam miyo kam dadi bannuna monno walle la'kma ka bungammi, walle la'kma karauwam aga-agana.
|
|
\p
|
|
\v 5 Tabollo nyige, nyi badaka ta jongam miyo dadi karauwana angta tada, kanna gehadala karaiwe tabarai Allah, waige inne libawa ate kayiwe tabara tangngada ata aikamang otoranna, monno inno kanna yinage tabarana.
|
|
\v 6 Tanyiduwe, nyiyo nakka raidahowe waige hatena monno illa na namoka oronage nadde ata kanamo natujja dawe inne ngalung bannu, pahha upna rereha nuttu nimmi.
|
|
\v 7 Na ata kataudana illana hangada dagge banna hibba langka agakayi kawalta Mori.
|
|
\v 8 Nadde ata kahanga atena walle nakadannama tatil tangngage lara morhanna.
|
|
\s Hapote Katau Takkanna
|
|
\p
|
|
\v 9 Olebai inne morha katuttuki kabobi dangnga dahogge inne nyiyo bahamma dehtayi,
|
|
\v 10 monno ata pote badikige rahige baha dauwuyi neddo tahadawu kahadda bawana kataudanna walla ruta, nyiyo engana bungnga.
|
|
\v 11 Oroge, mata lado banna huddaka neddo ngangahanna banna ki-ki marawaka, monno banna hamalele kanna ruta, wallana na monuyi, monno nabungnga wi'kwe dahhanna. Katauda wi'knage, ata pote engada bunga tatil tangngadi pa orhadda.
|
|
\s Makaba Walle Kawali Mauwe Tai Allah
|
|
\p
|
|
\v 12 Hamaringngi'ila ata katagranno larta tamma kaba oronage nyiyo bamang tajka inne taggora makaba, nyiyo nahibbayi nadde mahkota morha tabarada kamma manawaranni Nyiyo.
|
|
\v 13 Nyibadaka wu ata hakaba, illa nahaneweka nyiyo, “Nauwa tangra kaba naggai Allah.” Oroge, Allah walle nadadimauwe nai kajapata banna makaba monno Allah walle nakaba manna langka iyai.
|
|
\v 14 Tanyiduwe, ngara dukkana ata kabani neddo nyiyo nayoriyi monno kattinni habai dauna.
|
|
\v 15 Kole neddo ha ma'kna banna wuwe, nyiyo enga nahha dadina jala monno kole inne jala banna ma'kkawe, nyiyo enga nahha dadige mate.
|
|
\p
|
|
\v 16 Olebai-olebai hamanawaraggu, illam jallorakka.
|
|
\v 17 Ngara dukkaddi radde ha yi kadahha monno ha yi kabannuna ammidi wali dete, na burruyi waltai Ama hagala magakahha, tabara-Na walle la'kma kahha jeluna lohho kappa hepana mawoge.
|
|
\v 18 Tapannu hakabbu ate dauwu-Na, Nyiyo nahha dadida yitta waina li katena tannam yitta kanna dadiwe wuyo kaullu walta ta tangngadi tangngadi harai-Na.
|
|
\s Rangngewe Monno Rayige Liyoi Mori
|
|
\p
|
|
\v 19 Olebai-olebai hamanawaragu, hamatraggela inne: banna modadahewe dihha-dihha ata gehage ranngewe, monno kailla nagehada hanewe, monno kaillana gehada banna bani.
|
|
\v 20 Oroge bani kadadi ata walle na rayi ullanmagge katena nai Allah.
|
|
\v 21 Oronage inno, baitagge taangngage aika murraha monno kajapata kabuta, monno hibbawela waige libawamawu li Allah beha hamullabe tabaramu, kamakkage pahoila gunni urramu.
|
|
\p
|
|
\v 22 Kamdadi karayige li monno walle karangnge dakelmawe; nyiba aidaka, miyo tip migge tauwu dauwumi.
|
|
\v 23 Oroge, tabollo aina rayikage, nyiyo natujjayi nadde ata kakejuwe matana takka ninno.
|
|
\v 24 Kole banna kejuwe tauna monno na kako, nyiyo na geha dangngagge baagalinnawe hadage matana.
|
|
\v 25 Tanyiduwe, ata kahha matragge ukpareha kabannuna, inne ukkupareha kahatailoyi, monno kamapha neddo lari, nyiyo walle rangnge dkelamanage lohho dangngage, tabollo nadadi karayige li. Nyiyo enga hammaringuyi ta pan tangngage harayina.
|
|
\s Kangote Katena Tabara Allah
|
|
\p
|
|
\v 26 Nyibadaka ata kahha ngadage nyiyo namma nono kangotena, tabollo nyiyo walle nadadimawe pattiwe lammana, nyiyo tipnagge ate dauna. Inno manonona walle la'kma gauge.
|
|
\v 27 Kangote ka murraha monno aika otora ta aroi Allah monno Amada yitta nydawe inne lo dikkiddi lakawa ana lalo monno lawai balu-lawai balu ta mayillada yidda, monno daka rawa dauwetauda tannam kailla namma nyarhawe oro pannutana
|
|
\c 2
|
|
\cl Kawukku 2
|
|
\s Manawaranni Tangngana Ata
|
|
\p
|
|
\v 1 Olebai-olebaigu, illam hatingngoge hatenamu ta Mori da kamma nadana, Yesus Kristus, waige bammu watte-watteka ata.
|
|
\v 2 Nyibadaka ata ka amna ta sinagogemu waige banna waina tawurru mas monno kalabbe kabi'kta hina, neddo ta rahi kahamera amwidunni wu ata milla kawaina kalabbe kadilanna,
|
|
\v 3 monno miyo enga yimege bamu hamattara mehaminni nadde ata kawaina kalabbe kabi'kta hina monno hanewe tabaranna, “Ngodo dakiwu inne tahadau kadahha, “tabollo taabaranna nadde ata milla miyo hanewe, “Dededawu inna bali, “aiwalleka” Ngodo dawu inne tabara ledugu!”
|
|
\v 4 Walle nyikawe miyo bam watte-wattekayi ta jongami miyo monno um dadi bam tiba waige hangada-hangada kajapata.
|
|
\p
|
|
\v 5 Olebai-olebai hama nawaraggu, rangngemla! Walle yikawe nai Allah banna pediyi radde ata kamilla ta mata pannutana tutuge kadda dadi pote larta hatena monn kadauge Kerajaan Allah inne Nyiyo habeha jaji tabarada yidda kamma nawaranni Nyiyo?
|
|
\v 6 Tabollo nyige, miyo badda padda middi ata milla. Walle yudda na radde ata pote kamanakko monno kayorimi ta pengadilan?
|
|
\v 7 Walle yidda na radde kapaddwe Ngara kadahha, orge miyo maka maikagimmi?
|
|
\p
|
|
\v 8 Inne miyo bam hakakokawe ukkupareha kabanningna doku manege jurrata Bihha, inne “Manawaranni olem ata kataudnna tauwu daumu, “miyo um rayi begge katena.
|
|
\v 9 Tanyiduwe, inne miyo bam watte-wattekayi ata, miyo rayi mige kajala monno hadedomi ba wumi kalayi ukpareha oro ukpareha.
|
|
\p
|
|
\v 10 Ba iyaduyi kadokudi tangngaddi ukpareha, tabollo naparhawe wu akki, nyiyo najala tabara tangngadi ukpareha.
|
|
\v 11 Oroge, Nyiyo nahha newe, “Illam kama'kkan, “nahha nanewe wi'kna, “Illam hamaterka ata.” Yidawe, nyi miyo ayim raikanna kama'kkanna, tabollo miyo um hamatem ata, miyo badda rayimigge malayi inno ta ukpareha.
|
|
\p
|
|
\v 12 Hanewe monno pahadawe katauna ata-ata ha tiba dahho waige ukkupareha kahha hoila.
|
|
\v 13 Oroge, inne kamma tiba walle hillu la'kdamagge milla ate manawara tabara ata aika hatingngoge milla ate manawara; milla ate manawara enga nattailowe inne kamma tiba.
|
|
\s Hatena Aika Daka Harayi Enga Matewe
|
|
\p
|
|
\v 14 Olebai-olebaigu, agaka gauge naadde wu ata banna hanewe nyiyo dage hatena, tabollo nyiyo walle la'kma harayina? Nadadi kawe inne hatena banna pa tolkayi?
|
|
\v 15 Nyi na wu ata haolebai kabani lohho haolebai lawai walle la'kma kalabbena monno nakka ma'kna ha yayo na mali koka,
|
|
\v 16 monno wu ata ta jongamu nahha newe tabaranna, “Kakowu la waina moli, kanna daddi kamowe inne tauwumu banna ngangahawe monno na boktawe,” tabollo miyo wallem yiman tabaranna agawe hama'kge tauwuna, agaka gauge inno?
|
|
\v 17 Katauda wi'knage hatena aina irrikayi harayi-harayi, neddo hatena ge engage banna matewe.
|
|
\p
|
|
\v 18 Tanyiduwe, enga dada inne ata kahha newe, “Yauwu dage hatena, monno nauwa dage harayi.” Nauwa kag balehawa, “Hatingngoge inne hatenamu aidaka harayi, monno nauwa kag hatingngo gugge inne hatenagu waige harayi.”
|
|
\v 19 Miyo um hatena nai Allah ba wuheyi. Neddo natenawe. Wad-wad japata wi'kna dahha tenawe monno dakka li'kka.
|
|
\p
|
|
\v 20 Um auwuka'kna miyo bam wallam oro inne hatena aidaka harayige baaida gauge?
|
|
\v 21 Walletaudage Abraham, amada yitta, na tena oro harayi-harayina kole nyiyo banna marakayi'i Ishak?
|
|
\v 22 Etawela inne hatena da rayi ulla ole dangngadi harayi-harayi, monno oro harayi-harayi, hatena na bannuge.
|
|
\v 23 Nabannugela agawe neddo hatakbe ta Jurra Bihha, “Abraham naha tena tabai Allah, monno inno yapge ta baranna ba wuwe katena, “monno liddan nyiyo “Ole ate nai Allah.”
|
|
\v 24 Nyidawe, miyo etawe walta harayi dalla ata natena, walle wal ta hatena dakelma.
|
|
\p
|
|
\v 25 Katauda wi'knagge, nai Rahab, walle hap mera duyi, natena oro ha rayina kole nyiyo banna hibbayi radde ata Israel kamai hallata loda monno natulludi yidda badda malaiyi dokuna lara heka?
|
|
\p
|
|
\v 26 Nyidawe, kataudanna inne tauwu aiaka mang ngahna enga matege, tauda wi'kge hatena aidaka harayi enga matewe.
|
|
\c 3
|
|
\cl Kawukku 3
|
|
\s Karawaila Ngara Dukkadi Hatakki Inne Yitta Hatakda
|
|
\p
|
|
\v 1 Olebai-olebaigu, illa buta ta jongami kadaddi guru oronage miyo madamge inne yitta kahha nuawa enga dakejuda waige ukra karehi bi'kta.
|
|
\p
|
|
\v 2 Yitta tangngada engada jala ta tangnga ngara hada. Nyiba daka ata aika kalwe rayina kajala ta hanewena, nyi'kna ata kabanna, lohho kamakkage pattiwe tangngage tauwuna.
|
|
\v 3 Yitta da taudahho rah neddo ta ba jara kadda pikku manono ta yitta, monno yitta wi'kna da angta dahoge badda pahadawe tangngage tauwuna jara.
|
|
\p
|
|
\v 4 Eta wi'kduyi kapal-kapal, langba talka yidda madakka takka hingnguyi monno nakka goyakaiyi oro rereha kahadda madakka, monno na kapal nanarronni nadde ka ngiddiyi ka hadda marraha, monno na kako dokuge hakabbu atena nadde kangiddiyi.
|
|
\v 5 Katauda wi'knage, wuwe kahadda marraha kadana neddo ta tauwu, tabollo lamma na dadiwe banna wu togodi hada-hada aika anana. Etawela ba pirra tauge gallaragge inne rammu na muttuwe oro latti kahadda marraha.
|
|
\p
|
|
\v 6 Inne lamma tauda dagge latti, wu pannu tana kajapata, paha dauwu ta jonga tangngage tauwu monno nadadiwe banna manyarhawe tangnggage tauwu. Nyiyom natunwe tangngage hadau aroge morhada yitta monno nyiyo dauwu natuyi latti neraka.
|
|
\p
|
|
\v 7 Oroge, ngara dukkada ranga uttana monno kawurna, reptil monno ranga ka morha ta bannu na maupayi monno badda hamaupa bedaddi radde kadadi ata,
|
|
\v 8 tabollo walle wudahingmahonna ata kaha maupawe inne lamma. Lamma nyi'kwe kajapata walle nadadi mauwe banna kadannawe, nabannuge kaha wunnu hamate dangnga.
|
|
\v 9 Waige lamma yitta dahamma ringnguyi Mori monno Amada yitta, tabollo waige inno yitta wi'kna g=dakka tukkuna ole atada, pahha dadi nai waige hadanai Allah.
|
|
\v 10 Wal inne ta bayo kahha mera nahudi madaika monno katukna. Olebai-olebaigu, doku kagge walle tauda da'kmage inna.
|
|
\v 11 Nadadikawe inne wu mata we banna pahuna we kamma gallo monno we kapaddu naha merayi hudi?
|
|
\v 12 Olebai-olebaigu, na dadikawe yayu ara banna wuna zaitun; lohho pu anggur banna wuna ara? Tauda wi'knage, mata we kamahna walle nadadimauwe banna huwalge we kamma yaggala.
|
|
\s Duda Kako Angta Tada
|
|
\p
|
|
\v 13 Iyadakayi ta jongam miyo kamang angta tada monno hangaddanna? Waige hada kamma yanna kinna, nyiyo nahha tingngo dahoge ngara dukkdi kamawu monno angta tada.
|
|
\v 14 Tanyiduwe, nyi miyo bam kolege kaw ate nabannuge kapaddu monno kama'kna kawutogo neddo larta atemu, illam kabobuka monno illam kawohhoka bam gabbage katena.
|
|
\v 15 Angta tada kataudana inno walle kaburru mawe wal dete, tabollo walta tapannu tana, walle walta morha hatena mawe, monno kajapatawe.
|
|
\v 16 Nyi badaka kawi ta ate monno kama'kna kawutogo, neddo yoda'kna hadau dage makaura monno hagala harayi kajapata.
|
|
\v 17 Inne angta tada ka amna wal dete, bai bu kallage na murrahawe, mawu maloya, mabuggera, nabannunni mila ate manawara, wallena watte-watteka'kma, monno walle nadahha mata detema.
|
|
\v 18 Wuge katena pahabbarawe ta moli radde yidda kamoli.
|
|
\c 4
|
|
\cl Kawukku 4
|
|
\s Yiwe Tauwumu Tabarai Allah
|
|
\p
|
|
\v 1 Ta gida hadauwu walige inne hatau monno kahagabbana kadaddi ta jongam miyo? Walle kawalkawe inne takka ma'k atemu kahha tauna neddo larita taumu?
|
|
\v 2 Miyo um kama'kge inne dihha wuyo, nyidawe miyo mam hamatem ata. Miyo dage kawi ta ate monno walle na dadimawe ba kolege, nyi nyidawe miyo mam hatuna monno hagabanna. Miyo wallem kolemanna oronage miyo ayim karaidamo.
|
|
\v 3 Walleka, miyo karaiyi, tabollo wallem kolemanna oronage miyo karaiwe um hakappewe waige kajala, inne tutge habaige kama'k atemu.
|
|
\p
|
|
\v 4 Ta, miyo katagdagge kama'kna, wallem tada miyo bam ole atekagge inne pannu tana ba nyiwe hamuhhu waiyiyi'i Allah? Oronage, iyai ka kabaige ole atege inne pannu tana, nyiyo naha daddige tauna muhhuyi Allah.
|
|
\v 5 Agalinna dawe inne miyo hangadam Jurrata Bihha banna hanewe walle mangkappege, “Ngahu pahadaunai Allah ta tauda yitta nakabbu ateni waini kawi?
|
|
\v 6 Tanyiduwe, Allah nayibe kammaringna karehi piwalli. Oronage inno, Jurrata Bihha nahanewe, “Allah nagabbaddi ata kawutogo, tabollo nayidi kamaringnguna tabarada radde ata ka libawa atena.”
|
|
\p
|
|
\v 7 Oronage, pahaddegela tauwumu tabarai Allah. Gabbani kabalka, tannam nyiyo kanna malai walta tabaramu.
|
|
\v 8 Dahhekaula tabarai Allah monno Nyiyo kanna dahheka tabaramu. Hamurrahaddi limmamu, ta ata-ata kajala, ta ata-ata kahanga atena.
|
|
\v 9 Ate kammaninni, milla ate, marabbeha ate; inne malhammu kanna jeludawe marabbeha ate monno ege atemu kanna jeludawe ba'k.
|
|
\v 10 Halibawage atemu ta aro Mori, nyiwe Nyiyo kanna hamdehtawu.
|
|
\s Illam Mapaddawu Monno Illam Tagu Kejukayi Ole Atamu
|
|
\p
|
|
\v 11 Olebai-olebai, illam takkawe inne kajapata ta jongamu. Na ata banna takkawe kajapata tutna olebaina, lohho tagu kejuyi olebaina, hanewe gabbage ukpareha monno natagu kejuwe ukpareha. Nyi inne miyo bam tagu kejukawe ukpareha, miyo wallekarayi da'kmanagimmi ukpareha, tabollo tagu keju damige ukpareha.
|
|
\v 12 Wu daheyi Kayiwe Ukpareha monno Katagu Keju, nyi'kna Nyiyo ka angta patolkanna monno halilokona; tabollo iyadakammi miyo mam tagu kejuyi olem ata?
|
|
\s Hab|Kabbu Ate Allah Tatil Tangngage Hakabbu Ate Kadadi Ata
|
|
\p
|
|
\v 13 Nabatauge, rangngemla ta miyo inne kahanewe, “Nehhe lado monno koka nami enga kako homa ta harona inne monno inno, engana bali mojage dihhd dawu, malajana, monno kolena utu,”
|
|
\v 14 mo miyo wallem tada mawe agawe kadadi koka. Agaka gauge inne morhammu? Inne morhamu natuja habungu kahudda tuddu, monno dajjalage nabungngawe.
|
|
\v 15 Dokdakagge, linna dahowe miyo bamhanewe, “Nyi Mori banna kabbu atege, nami engama morha monno engama rayige inne lohho inno.”
|
|
\v 16 Tabollo nabatauge, miyo um kabobidammi neddo tawutogomi; kabobi kataudanna hadana kajapatawe.
|
|
\v 17 Nyidawe, nadde wu ata banna tadawe agalinnawe banna rayina kadahha, tabollo walle narayimagge, nyiyo na jala.
|
|
\c 5
|
|
\cl Kawukku 5
|
|
\s Li Haape Tutda Ata_Ata Pote
|
|
\p
|
|
\v 1 Ta ata-ata pote, um rangngewela! Um ho monno kalalliwu tutge mayilla nimmi kama birraka tabaramu.
|
|
\v 2 Hapotemu kole na bauwuyi lohho kalabbemu na yabedi wana.
|
|
\v 3 Mah rara monno mah kakamu na tai rara beyi, monno katirara inno wudawe tadka kahama ngejinguwu lohho ka yaguge kanamu kataudana latti. Miyo ojobenna hapote ta lado-lado pahha dukka wai.
|
|
\v 4 Rangngelah, kahewada radde ata kaullagugge omamu, miyo hapattimmu waige matippu, kawula gabbagu. Monno, kawulada radde kahha deteyi na dikke beyi takka tillu nai Mori hagala loda.
|
|
\p
|
|
\v 5 Miyo um morha bemmi ta tana larta kamma jabola monno dita koko dauwuna, miyo um ha muglabegge atemu neddo ta lado ba ropo ranga.
|
|
\v 6 Miyo um hokubenna monno hamatemi ata hatena, monno nyiyo walle nagabba maggu.
|
|
\s Taggoranna Neddo Tammayilla
|
|
\p
|
|
\v 7 Oronage innoge, olebai-olebaigu, maloyamla kahha dikkinni Lado Baamminni Mori. Torrodai baagalinna nadde petani banna remadi wudi kahadda dahha walita ngihi tana, narema waige maloya kahha baamminni na kawunga urra monno hanghuwai urra.
|
|
\v 8 Miyo wi'kna maloya daho, hakulhagge atemu oronage rahi ammini Mori daggetanagge.
|
|
\v 9 Olebai-olebaigu, illa ngurru-ngurrukam dihha monno dihha tannam miyo kailla hokugimmi. Etayila, Katagu Keju nadedebe ta aro bau binna.
|
|
\p
|
|
\v 10 Olebai-olebaigu, kadadi tujjaneddo tama yilla monno maloya, etayila radde nabi kahanewe ta ngarai Mori.
|
|
\v 11 Nami lagahara dagge limmadagge radde yidda kataggoranna. Miyo um rangebewe taggoranna Ayub monno um etawe ba agalinnawe hakabbu atenai Mori neddo murge, nai Mori banna bannuna milla ate manawara monno dahha ate.
|
|
\s Illam Hauraka
|
|
\p
|
|
\v 12 Tabollo nyige, olebai-olebaigu, ta pannu tangngage inno, illam haurakka miyo langba tutu aga langkawe. Takwe “Ngo” nyi ngoka monno “Wallema” nyi bawalleka tannam miyo kaillam monu neddo ta hoku.
|
|
\s Kuahage Sembayang Monno Hatena
|
|
\p
|
|
\v 13 Nedo tajongami miyo da katangranna mayilla? Nyiyo na sembayang dahonna. Mo da katangranna ege ate? Nyiyo namma nyanyi dahonna lawitti.
|
|
\v 14 Neddo ta jongam miyo da katangranna kalawara? Nyiyo nakka maika dahhonna bai ata-bai ata jemaat monno yidda da sembayang dahonni monno da ora dahonni waina welengha ta ngara Mori.
|
|
\v 15 Sembayang pahha dikki waige hatena nahha tolkayi nadde ata kalawara monno Mori nahha kaddeyi nyiyo. Monno, inno nyiyo banna rayikanna doku-jala, nyiyo ha walibenni.
|
|
\p
|
|
\v 16 Oronage, inno miyo um hama ngaku wikdahodi jalami monno um hasembayang wikdahonna tannam miyo kam taggaha. Sembayang ata katena bahha dikki kagge waige katau takka-takkana, namma dakka kuahage.
|
|
\v 17 Elia nyi ata katauda allananni yitta. Nyiyo na sembayangna waige katau takka-takkana tannam kaillana burru urra, monno urra walle naburruma neddo ta loda mojage tauda dawu anni wulla.
|
|
\v 18 Dajjalage, nyiyo na sembayang walna, nyiwe inne langta manna haburna urra monno tana na gtummuge wuna.
|
|
\s Tullunni Ata Katabali Tabara Allah
|
|
\p
|
|
\v 19 Olebai-olebagu, baragga nyi daka ta jongammi miyo kahekora walta takka tena, lodoge da ata katullunni na ata tabali,
|
|
\v 20 madamgela na ata kamma rangnga haggan na ata kajala hagga nedda ta laraa katena monno pahoila nanni urra na ata walta mate monno katoni jala buta.
|