See in Reader
137 lines
12 KiB
Plaintext
137 lines
12 KiB
Plaintext
\id 2TI
|
|
\ide UTF-8
|
|
\h 2 Timotius
|
|
\toc1 2 Timotius
|
|
\toc2 2 Timotius
|
|
\toc3 2ti
|
|
\mt 2 Timotius
|
|
\c 1
|
|
\cl Kawukku 1
|
|
\s Salam tagna Timotius
|
|
\p
|
|
\v 1 Kawaltai Paulus, rasul Yesus Kristus hapede oro hakabbu atei Allah doku waige jaji morha kadana neddo laratai Yesus Kristus.
|
|
\p
|
|
\v 2 Tutnai Timotius, ana hamma nawara. Kanyurru, milla ate manawara, monno moli maring kawaltai Allah, Ama, monno Yesus Kristus, Mori da yitta.
|
|
\s Hanuwa tutge Hakitage Talaragge Injil
|
|
\p
|
|
\v 3 Nauwa engadahogge manutag tabarai Allah, ha ullagu waige ate nuddaha ka murraha kataudanna harayida weda waikaggu, inne nauwa bag apewu ta til tangngad sembayanguggu lado monno gaddi.
|
|
\v 4 Kole nauwa bag apemiddi we matamu, nauwa baige baggu etami tannam kanna bannuge ege ategu.
|
|
\v 5 Nauwa dahha apegagge waige hatenamu murraha, dauwu kapuge morha ta ama wedamu Lois, monno inyamu Eunike, monno nauwa ug mannege nabatauge na morha wi'kwe tabaram miyo.
|
|
\v 6 Inne nyiwe kappege, nauwa ha apegugge tannam kanna hakitage rewo kanaggai Allah kadana neddo ta tauwumu ledege matulluddi limmamu.
|
|
\v 7 Oroge, Allah walle nayimadda tabada yitta wad kammadauta, tabollo wad kulha, manawara, monno pattiwe tauna.
|
|
\p
|
|
\v 8 Nyidawe, illam makkeka bam takkinagge tutnai Mori da yittaai walleka tuttug nauwa, hapat-Na. Tabollo nyige, oro kuaha Allah hadokula mayilla tut Injil.
|
|
\v 9 Nyi'knalah kabadda hatolkadda yitta monno kamaikadda yitta waige kamaika tengna, walle oro harayi madda yitta, tabollo oro hapohta monno manawara dau-Nagge hayibenna tabarada yitta tai Yesus Kristus ba aidahogge inne pannu tana.
|
|
\v 10 Nabatauge, inne nadedo takka bewe ledege maina Lede Morha yitta Yesus Kristus kabadda hopi mate monno kangiddiwe morha monno aika mangdukkanna ledege Injil.
|
|
\p
|
|
\v 11 Oro inne Injil, nauwa dappa tingngoga daddi pengkhotbah, rasul, monno guru.
|
|
\v 12 Nyidawe oroge, nauwa ug mayillawa kataudanna nehhe batauge. Tabollo, nauwa walleg makke mauwa oronagge nauwa ug tadawe tabara ia nauwa pahatena monno nauwa mannege Nyiyo namakkage karawawe agawe Nyiyo pahha tenanagga tabaraggu kahha naddo lado pakka tukku badikkinni.
|
|
\p
|
|
\v 13 Narroge pu-pudi hanuwa kadahha harangwem miyo walta baragu larta ta hatena monno manawara kadana tai Yesus Kristus.
|
|
\v 14 Waini Ngahu Katengna ka engana lar ta tauda yitta, karawawe hadahhawe pote kamanghina pahha tenabe tabarammu.
|
|
\p
|
|
\v 15 Miyo tadawe walka tautakkanna oro tangngada kadana ta Asia katta lira begga nauwa, ta jongada yidda radde Figelus monno Hermogenes.
|
|
\v 16 Kanna dadiwe Mori banna yigu milla ate manawara tabara tangngage ngihi umma Onesiforus oronage nyi nadut banna pahoilagga monno wale makke oronage badta galwa.
|
|
\v 17 Kablge kole dikki ta Roma, nyi nakulha mayegaga nauwa kahha banna tabbokawa.
|
|
\v 18 Kanna dadiwe Mori banna tullun tannam nyiyo kanna daddiwe tabbokawe milla ate manawara waltai Mori nehhe lado, ba agalinnawe miyo dauwu tadawe ba pirra tauda butada kaullanna ha yina nyiyo tabaggu ta Efesus.
|
|
\c 2
|
|
\cl Kawukku 2
|
|
\s Engamla Manuddu Langba Mayiltalka
|
|
\p
|
|
\v 1 Oroge inno, anagu, kamdadi kulha larta tamma manawara inne kadana lar ta Yesus Kristus.
|
|
\v 2 Aga dahingduyi miyo beha rangngebem walta nauwa taaro buta ka etawe, hatedagge inno tabara ata kamma nuddu, lohho kamakkanna hanuwa ata heka.
|
|
\v 3 Hadoku mayilla ba wuwu prajurit Yesus Kristus kadahha.
|
|
\v 4 Walle lada'kman prajurit kaenganna orha dauwe daunawaige banna orhawe morha malkokanna tannam nyiyo kanna ha egeyi nadde kapalana.
|
|
\v 5 Katauda alla wi'nagge wu at olahragawan banna malengo, nyi walle nakole da'kmanna mahkota ha tailo dangnga nyi ba aina dokukagge hada malengo paha diddara.
|
|
\v 6 Wu ata petani ka ulla bi'ktanna engana nadadi da'khowe ba wuyi ata kaullu hibbawe ngihige rayi ullanna.
|
|
\v 7 Hangadda gelah agawe nauwa hatakkiggu oronagge Mori nyi kayigu hangadda tut tangngage inne.
|
|
\p
|
|
\v 8 Apewelah Kristus Yesus, ka kadde be wali ta jonga ata kamate, walla wunwi Daud, kataudanna patakkiggu neddo ta Injil,
|
|
\v 9 mo oroge inne nauwa batauge ug mayillawa kahha dikkige baha tamaga ta gallu ba tijjai wu ata karaina kajapata, tabollo linai Allah walle ta gallu mawe!
|
|
\v 10 Oronage inno, nauwa tahna ta tangngaage inne tubada radde ata hapedenai Allah tannam yidda wi'kna kanna dadiwe bappa hoilaiyi kadana neddo tai Yesus Kristus monno waige kamma nadanna aika mangdukkanna.
|
|
\p
|
|
\v 11 Inne hatakki natenawe: “Inne yitta badda mate oledangngani nyi.
|
|
\q1
|
|
\v 12 Inne yitta badda mikkuka, yitta wi'kna da ha reha oledangngan Nyi. Inne yitta badda kabalkan Nyi, Nyi wi'kna nakalbalda yitta.
|
|
\q1
|
|
\v 13 Inne yitta ai engada badda manuddu, oronagge Nyi walle nadadi mawe banna kabal dauge tau dau-Na.”
|
|
\s Kaullanna Kahha Egeyi Allah
|
|
\p
|
|
\v 14 Paapedagge yidda tutge tangngage inne. Hanuwad yidda ta Allah tannam yidda kailla daha barrekanna tutudi hanewe oroge walle la'kma gaudi monno pa mauha dangnga da dagge radde ata karangeyi.
|
|
\v 15 Rayigelah karehna kadahha tutu marakagge taumu waige katuba ta aroi Allah ba wuwu kaullana aika katadawe makke, monno ka hanuwa begge hatakki katena waige katuba.
|
|
\p
|
|
\v 16 Tabollo nyige, pahilpa wikkim walta hanewe aika mangngihina inne kali-loko oronage inne walle naha aromadda aita manuddu manono karehi aidahha.
|
|
\v 17 Patakda yidda nageha matalawe kataudanna kalawara gangren. Ta jongada yidda dadi Himeneus monno Filetus,
|
|
\v 18 kabadda hekorabe walta katena, waige badda takkiwe inne kadde hagga nadaidi bewe. Yidda da kaurad hatenada wadeka ata.
|
|
\p
|
|
\v 19 Tabolo, puge Allah ka kulha engana ded diddara waige inne meterai inne: “Mori na tadayi iyai hadau-Na,” monno “Tangngana ata kamma ngakunagge nagaranai Mori da tanna dahogge inne kajapata.”
|
|
\p
|
|
\v 20 Neddo ta umma kahadda dahha, walle nyidakel mawe bada prabot kawalta ammaha rara monno perak, tabollo wi'kna walta yayu monno tana ditto. Wadeka walli waidi tutge ha aka, tabollo tutdanagge aika manggauna.
|
|
\v 21 Oronage inno, nyi wu ata banna hamurra kagge tauna walta aika manggauna, nyi engana dadi prabot tutge pahha aka dangngadayi, pahhatubadahhe, kamang gauna tutu morina, monno pahha inyaka tutu tangngana ata kaullage kadahha.
|
|
\p
|
|
\v 22 Dikko raugela inna kam'k ate ata bodi monno rotwe katena, hatena, manawara, monno moli kammaringna ole kahhada waige yidda kamaikanni Mori waige ate kamurraha.
|
|
\v 23 Hilpakiwe habarrena kabangnga monno aika mang angta oronage miyo um tadawe inne kataudanna pahha gabba dangngawe.
|
|
\v 24 Ledu limmanai Mori walle kahha gabbada'kmanaddi, tabollo na mawu bayo tabara tangngana ata, buta akkala hanuwa, monno maloya
|
|
\v 25 waige mawu banna hanewe dangngana gabbanna. Nai Allah kanna yika'kmod kanyurru yidda kadda jarra kahha aro yidda tadawe katena
|
|
\v 26 tannam yidda kanna dadiwe jarra monno palohtawe tauda walta ta dibba Kabalka ka kattiddi yidda tutge neddo badda hakakowe hakabu ateda.
|
|
\c 3
|
|
\cl Kawukku 3
|
|
\s Hada-Hada Ata neddo Tarahi Hapodi Wai
|
|
\p
|
|
\v 1 Hamatragela inne ta laddo-laddo murri, inne rahi kapitona enga ammige.
|
|
\v 2 Oroge, ata enga dadihewe banna baige tau dauna, ammaha dahei habaina, luwa awa nahha hatakki, wutogo, kabalge kadahha, walle manono tabara ata tu na, walle tada mauwe waibalinna, wallena murraha'kma,
|
|
\v 3 walle natada mawe manawara, walle nabaimanna moli, walle na angta magge pattiwe tauna, katopo tatka, walle na baimagge agawe kadahha,
|
|
\v 4 majalana olena, walle na matibama, ngadala, at dahoge bainagge inne kama'na ate walta tabara bainiyi Allah,
|
|
\v 5 baetayi nadahha tabollo nakabalge kuaha-Na. Maraudi radde ata kataudanna.
|
|
\p
|
|
\v 6 Oroge, ta jongada yidda dadi katama manyonga larta jemaat monno ka kattiddi lawai loja mawala kataguna jala kabuta monno kayorin yidda ta tangnga ngara kama'k ate.
|
|
\v 7 Radde lawai katauda hadana yidda engadahogge hanuwa, tabollo walle nakalmawe badda dikkige tadawe neddo katena.
|
|
\v 8 Kataudanna tai Yanes monno Yambres ka gabbani Musa, katauda wi'knagge radde ata kagabbage inne katena. Hangaddada yidda athingpod japataddi monno hatena yidda walle natahmagge bakaba dagge.
|
|
\v 9 Tabollo yige, yidda walle da angtama rehi marau oro kabangngada yidda ka dedo tabara tangngada ata, kataudanna ka dudanna ata innanna.
|
|
\s Hanuwa Paulus Tabara Timotius
|
|
\p
|
|
\v 10 Tabollo, miyo um doku begagge oahhanuwagu, hada morhaggu, dau aroge morhaggu, hatenagu, maloyagu, manawaraggu, monno mikkunguggu,
|
|
\v 11 kataudanna inne kahammayilla tau monno kahamma yilla ha paddag ta Antiokhia, Ikonium, monno Listra. Nauwa ug taggoranna larta mayilla, monno Mori nahha tolkagga walta tangngaga inno.
|
|
\v 12 Katautakkanagge, ngaradukkanna ata morha manono tai Yesus Kristus enga namma yilladahho,
|
|
\v 13 tabollo ngaradukkanna ata kajapata monno katagu matip enga darehi li loko wi'kdahho, yidda kahha jallora monno pahajallora.
|
|
\p
|
|
\v 14 Tabollo tuttum yauyo, pangattagge aga inna beha nuwa bem yauyo monno yauyo hamannem oronage yauyo um tadawe walta ia yauyo dau hanuwamugge,
|
|
\v 15 baaga linnawe wal wunga marraham yauyo um tadabewe Jurrata Bihha kamakkage yigu angta tada tabara hoila ledege hatena tai Yesus Kristus.
|
|
\v 16 Ngara dukkage Jurrata Bihha ha yina ngahu Allah monno kamangauna tut hanuwa, tut hadedowe kajala, tut haberwe kanogo, monno hakolawe katena.
|
|
\v 17 Waige bataudagge, kadadi ata dau naddi'i Allah ka jalla monno paha tuttu tangngage ha rayi kadahha.
|
|
\c 4
|
|
\cl Kawukku 4
|
|
\p
|
|
\v 1 Tutge baammin-Ni tubage kerajaan-Na, waige kahha tetakka-takkana, nauwa hadikgimigge li tabaramu ta aroi Allah monno Yesus Kristus ka tiba ata morha monno ata mate:
|
|
\v 2 Hadikgela linai, ka engage bam hainyakalah dahha lohho aina dahhawe rahige; haapegelah, hanuwagelah, monno haruyi yidda waige maloya kabanna monno hanuwa.
|
|
\p
|
|
\v 3 Oroge, enga dikkige rahige kole radde ata ba aida au hibba hanuwa kammayanna. Kabalge, tutge kanna bannudi katilu, yidda enga kahhada guru-guru tuttu tauda yidda dauwu dokuge neddo haka ma'kda yidda.
|
|
\v 4 Yidda enga dakka tilge walle da rangngema yidda walta takka tena monno tabali tabara naganewe-naganewe.
|
|
\v 5 Tanyiduwe miyo, hamatraggelah tamgmgage inne, taggora larta takka pito kamorha, ullaggela tagu talaragge Injil, monno pankiwi ha ullammu.
|
|
\p
|
|
\v 6 Oroge, nauwa da bibewa da'k koba maraka, monno neddo rahi kakogu ba dikkagge.
|
|
\v 7 Nauwa ug hataubewa neddo taha tau kadahha; nauwa ug bebewe inne malengo; nauwa ug karawa bewe inne hatena.
|
|
\v 8 Nabatauge, mahkota katena pahha ganna be tagugu. Ta laddo neddo, Mori, Hakim ka tijjana, nyi kayigagge tabaragu, monno walle tabara kelmaggu, tabollo wi'kna tabara ngara dukkada ata kama'kge ba ammin-Ni.
|
|
\s Hanau Dauna Paulus tabarai Timotius
|
|
\p
|
|
\v 9 Run'gelah tutge ba geha amgimmi tabaraggu
|
|
\v 10 oronagge Demas na ijjakagga nauwa, oroge nyi nakka ma'khogge inne pannu tana monno na kako ta Tesalonika. Kreskes badda at benni ta Galatia monno Titus ta Dalmatia.
|
|
\v 11 Nadde Lukas nyihe olegu. Tabbokaiyi Markus monno marangngan nyiyo oleg yauyo oronage nyiyo manggautakkana tubagu oro haullanna.
|
|
\v 12 Nauwa ughalewa beyi Tikhikus ta Efesus.
|
|
\p
|
|
\v 13 Nyidawe miyo ka amgimmi, ngidgagge kalabbe madakkag paijjakag tabarai Karpus ta Troas monno jurrataggu, baibuge tangngad ram perkamen.
|
|
\p
|
|
\v 14 Aleksander, naddo katukku bahi, kahha rogtakkawa nauwa. Mori nyika ka taunagge gabbage waige tangngagge haraina.
|
|
\v 15 Miyo kam hamattara hatidge ta arona nyiyo oronage nyiyo na gabbage inne hanuwada yitta.
|
|
\p
|
|
\v 16 Neddo hadedegu ka ullu, walle ladahingmanna wu ak ata kahha ruwa nauwa oronagge tangngada yidda da ijjakagga nauwa. Banna modahewe inne ka illa hagabbawe tabarada yidda.
|
|
\v 17 Tabollo Mori nadede tabaragu monno nahakulhawa lodoge inne nabange batakwe ledega nauwa, monno tangngana ata aika Yahudi manna dadiwe badda rangwe. Waige kataudanna, nauwa mawakkehawa walta ba singa.
|
|
\v 18 Mori enga hatolka nagga nauwa walta tangngad harayi kajapata monno ka ngidwa ta kerajaan surgawi. Tabara Nyiyolah kamanada kahha walmurri-walmurri. Amin.
|
|
\s Hanauwu Kahadda Murri
|
|
\p
|
|
\v 19 Hadikgagge salamuggu tabarai Priskila monno Akwila, monno tabara tangngage ngihhi ummana Onesiforus.
|
|
\v 20 Erastus kanna engadanna ta Korintus, Trofimus nauwa ug ijjakan ta til kalawara ta Miletus.
|
|
\v 21 Run'gelah baamgim nimmi toma aidikkige inne rahi kalikka. Ebulus, Pudes, Linus, Klaudia, monno ngara dukkad olebaigu ta wuha tena nahha ngiddig salam tagumu.
|
|
\p
|
|
\v 22 Mori nairrikagunni urramu. Kanyurru manawara na irrikau yauyo.
|