See in Reader
83 lines
7.1 KiB
Plaintext
83 lines
7.1 KiB
Plaintext
\id 2TH
|
|
\ide UTF-8
|
|
\h 2 Tesalonika
|
|
\toc1 2 Tesalonika
|
|
\toc2 2 Tesalonika
|
|
\toc3 2th
|
|
\mt 2 Tesalonika
|
|
\c 1
|
|
\cl Kawukku 1
|
|
\p
|
|
\v 1 Maringna kawalda tai Paulus, Silwanus, loppo Timotus tabara jemaat ata Tesalonika tabaranay Allah, Ama da yitta, lopo Morda Yesus Kristus.
|
|
\p
|
|
\v 2 Maringi malala mod makora tabaramu kawali tai Allah amada Yita, lopo morda Yesus Kristus.
|
|
\p
|
|
\v 3 Nami engadahoge wai balimagu tabaranai Allah lopo tabaramu. Paolebay-paolebay loppo enga tauda dahinghoge. Oroge patenamu na tummuwe taukalage majabolage tatillu manawara padaumi diha-diha lopo tabara olem ata kataukalana butana.
|
|
\v 4 Nyiduwe oroge nero, nami ma hanewe waige ege tutum miyo ta jonga dalarada kangote ata hatenay Allah oroge taggoram monno hatenamu ta tillu tangage kamayilla monno kamadori naha padami.
|
|
\s Tutu Hakim Nay Allah
|
|
\p
|
|
\v 5 Nyiduwe inneg tadage harehana a naia bikta gabba kawall tay Allah, oroge miyo da'di bam mayanna tut Kerajaan Allah lohho mi dummo badda paddam mayilla.
|
|
\v 6 Lohho dummo, wale bikta gabba tutnay Allah baja gauge gabbage ledege kabikta nata bara da yidda nakarayigimige kama yilla tabaram,
|
|
\v 7 tanyiduwe na yigimige hoila tabaram miyo naha mayilla, monno dummo tabarama naming, ba nay More Yesus bana dikiwe bana sudda wali ta sorga oledi rade malaikat-malaikat Nyiyo ai ana butana,
|
|
\v 8 lar wayge latt karewo, tut he gauge gabbage tabarada yidda na air katadayi Allah monno air kadokumanege inne Liegeate* Yesus, Morda yitta.
|
|
\v 9 Yidda enga padadage mayilla aimandukkana, dikka ray wall ta barana nay Mori monno wall kamanada na ta was biha Na
|
|
\v 10 nimmi Nyi ba ammin tut ha manaday ta jongada ata-ata murraha Na monno tutuge ba haakayi ta dalarada tangngana ata naka bada hatenabe -- oroge naha dikki toma gimmi ta barami him hatenawe.
|
|
\p
|
|
\v 11 Oronage nedo, nami apejuaimi ta sembayang tutu mu, tanyidumoy Allah da yitta naha ngadda gimi miyo mayanna na ba kamaika gu monno panwe tangage habay tut rayi kadaha monno haulla hatena ledege Wad Na,
|
|
\v 12 tannam ngaray Mori Yesus da yitta kara hamanadawe ta jongam miyo, monno miyo ta dannna Nyiyo, kamera na ledege kanyurru kanagga tay Allah yitta monno More Yesus Kristus.
|
|
\c 2
|
|
\cl Kawukku 2
|
|
\p
|
|
\v 1 Nabatuge, tutge baamminni Mori da yitta, Yesus Kristus, monno nede banna hawuda yitta olen Nyiyo, nami makka raiwu, ngaradukkam olebaiyi,
|
|
\v 2 tannam miyo kaillam geha namo ta hangaddamu lohho illam ronka neddo bammi rangngekayi nadde lado Mori ba amminni, kawaalta waddi lohho hanauwu lohho bamera kawalta namiyi.
|
|
\v 3 Illam pahaikan na wu ata banna hajallorauwu langba aga hada dummo duyi hawaina. Oroge naddo laddo enga walle ammida'kmanni ba aidadahonni nadde kammapadda monno nadde kadadi ata kajapata aiha dedodahoyi, nyi nadde ana kaliloko,
|
|
\v 4 ka gabbage monno kaaketa wikidauwe tauwuna ta aro tangngana allah halinnawe lohho pa ngakkanna ata; monno nyiyo nangala hadau ngodo ta Umma Allah monno naha delawikna Allah wa ballinna.
|
|
\p
|
|
\v 5 Wallem apeda'kmawe neddo miyo batangra dahoge nauwa baggu olegimmi, nauwa baggu takkigimigge inne tabaramu?
|
|
\v 6 Nabatauge, miyo um tadawe aga dahoi kapattiyi nyiyo tomage banna dikkige rahina nimmi, nyiyo baha dedoyi.
|
|
\v 7 Oronage, kadadi kahekagaina marihhaka badda tangrage rayiulla, oro nyidahe nyiyo kapatti enaga engage banna patti kahha nyiyo bahikkallanni.
|
|
\v 8 Dajjalagge, na ata kajapata bahha dedalayi. Tanyiduwe, Mori enganaha mateyi waige ngah bayo-Na monno napungnganni waige baammin-Ni.
|
|
\p
|
|
\v 9 Baamminni nadde ata kajapata natujja dahingnguyi haullai Kabalka, nairruyi waige tangnga hagala kuaha, tadka-tadka haeka gaina, monno tangnga ngara harayi kapalleka;
|
|
\v 10 monno waige tangnga ngara matipkajapata tabara yidda ka enga liloko dahho oronage yidda da tulrage manawarage neddo katena lodoge tolka.
|
|
\v 11 Oronage inno, Allah nahangiddige kajallora kaha tetakkana tabarada yidda tannam yidda kadda hatenawe neddo kawohhoka,
|
|
\v 12 lodoge yidda kanna dadwe ba tibayi, inne yiddaaika hatena tabara katena monno ka ege rayige kajapata.
|
|
\s Miyo Bapedemi Tutge Tolka
|
|
\p
|
|
\v 13 Ngara dukkam olebai, hamanawarai Mori, nami engage bamma manuta tabarai Allah tuttum miyo. Oroge, Allah nabebe hapedem miyo walta taka puge neddo hoila ledege banna hatenggim Waddi monno hatena takka tena.
|
|
\v 14 Nyi tutge Allah manna kamaika gimmi miyo ledege Injil inne nami patakma tannam miyo kam kolege manadanai Mori da yitta, Yesus Kristus.
|
|
\v 15 Yidawe, olebai-olebai, dede diddara monno narrodla ngara dukkad hanuwa paha nuwabe tabaramu, inne ledege hanewe loppo lededi jurratama nami.
|
|
\p
|
|
\v 16 Nabatauge, nai Mori da yitta, Yesus Kristus, dauwu monno Allah Amada Yitta, kamma nawara bedda yitta monno kayida yitta ma agu aika dukkana monno mamanne kadahhaki ledege manawara,
|
|
\v 17 aguwe monno hakulhagge atemu larta ta tangnga ngara haulla monno hanewe kadahha.
|
|
\c 3
|
|
\cl Kawukku 3
|
|
\p
|
|
\v 1 Habewaiwe, olebai-olebai, sembang kinna tutma nami, tannam linai Mori nadadiwe geha matalara monno hamma nadawe, kataudana inne kadadibe tajongam miyo,
|
|
\v 2 monno tannam nami kaha hilpama walta ata katopo tatka monno kajapata oronage walle tangngamanna ata ka kolena hatena.
|
|
\p
|
|
\v 3 Tanyiduwe, Mori naha manno. Nyiyo hakulham monno nakoromi miyo walta kajapata.
|
|
\v 4 Dage mamanne lartai Mori tuttum miyo lohho katangrana bamu rayige monno kaenga hakitana bamu rayige agawe nami paha rehama.
|
|
\v 5 Nai Mori kanna ha arogimiddi atemi tabara manawrai Allah monno tabara tahna tai Kristus.
|
|
\s Hatagda Tutuge Rayi Ulla
|
|
\p
|
|
\v 6 Olebai-olebai, nabatauge nami maha rehawe tabaramu, neddo ta ngaranai Mori da yitta, Yesus Kristus, tannam miyo kamhamma rauwikna walta radde olebai- olebai kamorha neddo tama yauka hoki monno aika hatujja neddo tahanuwa hahibba walta nami.
|
|
\v 7 Miyo dauwu um tadawe ba agalinnawe miyo bam dokugamagge hadama nami aika mayauka hoki inne nami bamolegamma.
|
|
\v 8 Nami wi'kna walle ma ya'kma ha yayo ata heka ba aima yikaddi hidi. Kabalge, nami marun'ge monno ma ulla bi'kta laddo monno gaddi tannam nami kaillam ditagage hatagugu tajongami.
|
|
\v 9 Nami walle oro ailada'kma dauma tutuge inno, tabollo mayidawe tauma nami tannam nami kanna dadiwe ba wuma tujja tabaramu banyidawe hadokumi miyo.
|
|
\v 10 Neddo nami ba engahogge bamma olegimna, nami mayigimigge inne hareha: “Nyi badaka ata aika awu ullana, illam yikan nyiyo hayana.”
|
|
\p
|
|
\v 11 Oroge, naami marangngewe dadi radde kapirrana ta jongami kamorha mayauka hoki, aika awu ullana, tabollo kamikkung dadi radde aika mangngu gauna.
|
|
\v 12 Naddo ata kataudanna nami mahha rehawe monno mahanuwage larta ngara Mori Yesus Kristus tutge rayi ulla waige kadanna monno na yayo roti dauna.
|
|
\v 13 Tabollo miyo, Olebai-olebaigu, illam jolika rayige kadahha.
|
|
\p
|
|
\v 14 Nyi badaka ata aika dokuge aga nami hatakma inne ta jurrata, tadailah radde ata monno illam baikagge bamu oledi tannam nyiyo kanna dadiwe banna makke.
|
|
\v 15 Tanyiduwe, illam hatujjakann nyiyo kataudanna ta muhhu, tabollo ha apenage kataudanna ba wuyi ha olebaiyi.
|
|
\s Hanewe Ha Be Waiyi
|
|
\p
|
|
\v 16 Mori moli kammaringna kanna yikaggu kamoli tatil tangngad rahi monno ta tangngage kadadi. Mori na irkam miyo tangngammi.
|
|
\p
|
|
\v 17 Nauwa, Paulus, tolhawe inne salam waidi limma dauwugu ba wudawe tajaka jurratagu.
|
|
\p
|
|
\v 18 Kanyurru walta Morida yitta, Yesus Kristus, na irkam miyo tangngam miyo.
|