See in Reader
130 lines
12 KiB
Plaintext
130 lines
12 KiB
Plaintext
\id 1TH
|
||
\ide UTF-8
|
||
\h 1 Tesalonika
|
||
\toc1 1 Tesalonika
|
||
\toc2 1 Tesalonika
|
||
\toc3 1th
|
||
\mt 1 Tesalonika
|
||
\c 1
|
||
\cl Kawukku 1
|
||
\p
|
||
\v 1 Walgee tai Paulus, Silwanus, monno Timotius tabara jemaat ta Tesalonika, kadana lartai Allah Ama monno lartai Mori Yesus Kristus. Kanyurru manawara monno moli na irkam miyo.
|
||
\p
|
||
\v 2 Nami engage bamma hailana manuta tabarai Allah oro tangngakahham miyo, monno takkim miyo ta sembayang-sembayangma nami,
|
||
\v 3 engage ba ape harayi haulla hatena, monno mikku mamanne larta Mori da yitta, Yesus Kristus, ta aroi Allah monno Amada yitta.
|
||
\p
|
||
\v 4 Ngara dukkam olebai hamanawarannai Allah, madamgela orobenage Nyiyo napedem miyo.
|
||
\v 5 Oroge, Injil nami walle atmagamma tabaramu waida kelna hatakki, tabollo wi'kna larta kuaha, larta Ngahu Katengna, monno waige mamanne kabanna; kataudanna miyo beha tadabemmi inne ka taudanna nami ta jongam miyo.
|
||
\v 6 Miyo um dadbem ata kadokugamagge hadama nami monno Mori oronage miyo bam hibbawe liyo ta til butaddi mayilla waige lagahara kawal ta Ngahu Katengna,
|
||
\v 7 tannam miyo kamdadi tujjada tabara ngara dukkanna ata hatena ta Makedonia monno ta Akhaya.
|
||
\v 8 Oroge, kawalta tabaramu liyoi Mori na uwarawe walle ta Makedonia monno ta Akhaya dakelma, tabollo wi'kna tahagala hadauwu, hatenamu tabarai Allah nammatalarabewe lodoge nami walle hil la'kma hatakma aga-aga'anna.
|
||
\v 9 Oroge, yidda dauwu da takwe tutma nami, ba agalinnawe miyo bam dulkamma nami, monno ba agalinnawe miyo bamhaggam tabarai Allah walta ta tangngaddi hallatauwu tutge banna ledu limma gimmi Allah ka morha monno katena,
|
||
\v 10 monno kayannege baamminni Ana-Na walta surga, pahha kadde benna Nyiyo walta jonga ata mate, naddei Yesus kappa h oiladda yitta walta ta banina nim kaliwalu.
|
||
\c 2
|
||
\cl Kawukku 2
|
||
\p
|
||
\v 1 Olebai-olebai, mi dauyo tadawe tubage hadikma nami tabarami wale na lilokokmawe.
|
||
\v 2 Langka nami bama mayila ai dikhoge, katauna hatadami, hamayila mono pada ta Filipi, nami madauge madona lari tai Allah tanage batalarage Li ege ate Allah tabaramu tatilu butadi kama gaba.
|
||
\v 3 Oro, paha apema nami wakna walik mawe taka inora aika muraha, ai waleka kapaleka,
|
||
\v 4 tabolo kataudana nami hangonai Allah tanamu kaha tena dage Li ege ate, tauda dage namla bama hanewe, wale kana daha waina ata, tabolo kana baige Allah kakiraha mage atema nami.
|
||
\p
|
||
\v 5 Nami walema kalmaikma waina hanewe-hanewe kama raino, katauna naha tadami, waleka waina wini oro magamha Allah nyikma hakahami nami.
|
||
\v 6 Nami jala walema mayegak mana madaika wali ta ata, langka wali tamiyo waleka ta ata heka, langka tauna ledu-limana Kristus kami dadiwe kirahawe tabaramu.
|
||
\p
|
||
\v 7 Kabalige, nami waige hada mawu maloya tajongami, katauna wuhainya kaha madi mono kaka rawayi ana-ana dauna.
|
||
\v 8 Nyida, lari tama nawara aika anana ta baramu, nami makabatege yiwe tabaramu wale nyi kelmawe Li ege ate Allah, tabologe morha da momo nami oroge midauyo bada kiduge manawarama.
|
||
\v 9 Oroge, miyo namu, olebai-olebai, maromatage mono ula biktama nami, aga nadawe ulana lado mono gadi tanamu nami ilama hama yilami tajongage nami bama talarage Li ege ate Allah tabaramu.
|
||
\p
|
||
\v 10 Miknala, kaeta-tadawe, loho dumo Allah, pira tauge murahana, tenana mono aikama pada nami bama morha tajongami kahatena.
|
||
\v 11 Kataunami patadami, nami panuwagimi, agu ate halewami diha-diha katauna wu haama tabarada ana-ana dauna,
|
||
\v 12 tanam miyo morha doguge hakat atena Allah, kamai kagumi na lar talingora manadana nyiyo.
|
||
\p
|
||
\v 13 Nam jala enage manuta tabara Allah tutge kadadine, tutna bam hibawe linai Allah, naha rangemi waltanami, miyo hibawe wale kataudakmana hanewe kadak ata, katauda dana naka tau takana, naha newenai Allah, katangrana rayi ula tajongami ata-ata hatena.
|
||
\v 14 Olebai-olebai, miyo dak bemi ata-ata kadok bege kalingora-kalingora Allah lar tai Yesus Kristus kadana tai Yudea oroge mi jala pada bege kama yila kaha mera, kawali ta jonga ata ole kabihu daumu, katauna palidada walta ata-ata Yahudi
|
||
\v 15 kabada hamateyi Mori Yesus loho jala bai kato, loho wugama nami. Yida walda maromatakmani Allah loho muhumi tangana ata.
|
||
\v 16 Yida datonma nami kama hanewe tabarada ata-ata aika Yahudi tanam yida kaha tolkayi. Tauda dage yida hakitage panwe dokda, tabolo but ate na burbewe tabarada yida kabanana. Hamakna Paulus tanam kalo elo hagayi kalingora Tesalonika
|
||
\v 17 Olebai-olebai, babe tutuwe nami baha wategama walta miyo, kadak taka, wale waina wadi, nami makamakge hatahoka dangagimi.
|
||
\v 18 Oroge, nami kamakge mai tabaramu, loho nauwa dau Paulus, bada hapira wuda bena, tabolo kabalka natonma nami.
|
||
\v 19 Oroge, iya kayi hamane, ege ate, waleka kamanadana, hamadaka dangama nami ta arona Mori Yesus nim ba amiNi? Walekma miyo?
|
||
\v 20 Miknage kama nadana mono ha ege dita dangama.
|
||
\c 3
|
||
\cl Kawukku 3
|
||
\p
|
||
\v 1 Oronage, kole nami aima hil tahhige, nami mapohtawe enga mehanna ta Atena,
|
||
\v 2 monno maha ngiddinni Timotius, olebaima nami monno ledu limmanai Allah, monno ole ullama nami ta Injil Kristus, tabaramu kampik kullha monno hanuwagimmi duwuge inne hatenamu,
|
||
\v 3 tannam kaillada wu'ak ata kagedo oro inne tangnga ngara mayilla. Oroge, miyo dauwu um tadawe inne yitta baha pohtabe tutge inno.
|
||
\v 4 Loppo, kole nami bamma olegmmi, nami matakki hakita gimigge inne yitta engada paddahonna kamayilla, monno lohho inno nadadibe miyo hamma dammumu.
|
||
\v 5 Oro nyi'kwe inno, kole nauwa baaiyig hil tahgegenauwa halewai tutge ka tada gugge hatenamu. Nauwa maudautawa, banyi da-dakka ka godawu monno jolima nami walle la'ma gauge.
|
||
\p
|
||
\v 6 Tanyiduwe, nabatuge, Timotius naahagga tabarama nami wata hadaumu, monno nangiddi takwe kadahha tuttu hatena monno manawaramu tabarama nami, lohho miyo engage bammu ijjalayi kadahha walta nami monno kama'kge hatabboka dangngagamma nami, katauda wi'kna nami bamma kama'kge pataboka dangnga gimmi.
|
||
\v 7 Oronagege, ngara dukkam oebaigu, inne tatil tangngage kapitona monno mayilla, nami malla lagahara oromu ledge hatena.
|
||
\v 8 Nabatauge, nami mamorha inne miyo bammi dede diddarami tai Mori.
|
||
\v 9 Oroge, aga manuta da'kka nami pa angtama maraka ta aroi Allah oronage miyo, kanna jeluwe ngara dukkage ege atema nami hapaddama ta aroi Allah oronage miyo?
|
||
\v 10 Laddo monno gaddi nami maha tetakka wikna waige masembayangna tutge nami kanna daddiwalwe bamma patabboka daangngagimmi, monno kaana dadiwe bamma tabayi agahoyi karauwana neddo tahha tenamu.
|
||
\p
|
||
\v 11 Nabatauge, nai Allah monno Ama dauwu, monno Yesus, Mori da yiita, kahhamadman larama nami tabaramu.
|
||
\v 12 Nai Mori kanyika karaigimmi miyo rehi matuyo monno majabola tamma nawara ta jongam dihha-dihha, monno ta ngara dukkana ata, kataudanna ianne nami harayima tabaramu.
|
||
\v 13 Inna Nyiyo kanna hadiddaragugge atemu tannam kailla na otorawe ta murraha ta aroi Allah monno Ama da yitta neddo ba amminni Mori da yitta, Yesus, oledi ngara dukkdada ata katengna.
|
||
\c 4
|
||
\cl Kawukku 4
|
||
\p
|
||
\v 1 Lodoge, Olebai-olebai, nami maka raiwe mono ug hanuwagimi lar tama Maraba Yesus tanamu naha bebem miyo pahiba wali tanami tutuge aga nadawe miyo hada morha mono kama yana tau Allah, ulaga karehi widina.
|
||
\v 2 Oroge, mi um tadawe pareha-pareha aga hadikimi tabaramu ledege kulha wad tai maraba Yesus.
|
||
\v 3 Oronage, nyidawe habaynay Allah: da pamamurahagi tanam miyo hadikta tau wikim ta kahamarikai;
|
||
\v 4 oroge miyo tangagemi-tangagemi tadawe aga nadawe tahge tuba dau daumu tatil muraha monno lohho paha aka,
|
||
\v 5 walli lar hakabu ate kabanna bokala katujanaata-at ataai katadayi Allah,
|
||
\v 6 tannam iya da wu at a dumm layi we monno katipu ole baynatutge inna la. Oroge, More katauge gabbage wall tatangnga kahage, katujana at hadikimi at ha toma ma hoge monno naming ma apegimi waive kaha tetakkana-kahatetakkana tabarami.
|
||
\v 7 Allah na maikada yitta aiy ka murraha, tabollo tutge kamurha.
|
||
\v 8 Nyiduwe oroge nedo iyayi dakani katullarage naha ajarma inne, walle tullaranage ka dadi at a pio, tanyiduwe tullaminni Allah kayiyi made Wad Katengna-Nyi tabarami.
|
||
\p
|
||
\v 9 Nyiduwe, tutuge manawara kahawebayna, miyo wallem ka rayma gonna wu ata tolha gimige oronagemi daw baja ajarami Allah tutu hamanawar wikkimi.
|
||
\v 10 Lohho, mi bam beka tabarada tanggngada olebayna ‘danna ta Makedonia. Tanyiduwe, olebay-olebay, naming maka raigimi waive naha hatetakkana tannam miyo kam pahadawe ka rehi widdina,
|
||
\v 11 monno rotiwe tut morha kadana, orhadai-ha orha ha orhami daumi, rayi ullami wayidi limma day mi, katujana naha bada nami hatakki gimmi,
|
||
\v 12 tannam miyo kolege kakoge na morha kamayanna ta aroda ata-ata ball haddi monno walle ladama na aika tutu aga-agana.
|
||
\p
|
||
\v 13 Olebay-olebay, naming wale ma auwuma aim tadayi tut uda rade ata- ata na bada mate tannam miyo I'll a bay bu ma yillami ata-ata na ayka dana hamannena.
|
||
\v 14 Oroge, tutu he yitta na naha teny Yesus Nada mate monno na kade hagga, yitta dummo dahatenwe hey Allah enga kahha nadi yidda naka mate lar tay Yesus nama kahha dangngan Nyi.
|
||
\p
|
||
\v 15 Nami matakkiwe ta barami wayge li nay More, tutuge yitta naka morha, mad dahona kahha ta ladonay More, walle enga na ullhoiy yidda na ka nada matebe.
|
||
\v 16 Mori day enga burna walta sorga ledege baja kawula, likawula wall ta bay bu malaikat, monno wayge li tarompet nay Allah, monno ata-ata lar kamate lar tay Kristus enga made ulhoda.
|
||
\v 17 Lodoge, yitta na morhaho, na ka enga bona, enga deketa kannada dete ta panu karabba lohho yidda hatabo dangngani More ta kabu karabba, monno Nyiduwe yitta enga dauge oleni Moi.
|
||
\v 18 Lodoge nedo, ha agu-agu wikkim ihha no ihha wayge hatakki-hatakki kataudana inner.
|
||
\c 5
|
||
\cl Kawukku 5
|
||
\p
|
||
\v 1 Batauge, bagu ole baigimi, tubage rahige mawo rahakage, wale hilu tolha dak mige tabaramu.
|
||
\v 2 Oroge, miyo wikdau bamutada bekwe ladona, morimi baamige tujai ata kedu bana gakge.
|
||
\v 3 Kolege tangage ata bana hanewe “Moliwe mono kananawe,” kamanyila engage tabara yida dadaka danga, tauna wulawai bana paana mayila bana haanana, mono nyida walna dadikmawe badapahilpa wikida.
|
||
\p
|
||
\v 4 Tabolo miyo, baguangu wugimi, miyo walemu morhakmam takapagta nyi lado nada bana maika tabaramu bana tujai atakedu.
|
||
\v 5 Mitangam anamagakaham mono ana kamorham bana ladoge. Yita walda walikma tagadi waleka kapagtana.
|
||
\v 6 Oro bataudage, yita ilda duraka tauna ata wadeka, tabolo maida yita kaengage karawawe mono painyaka wikda.
|
||
\v 7 Ata kadura, dura bana gakge mono ata hayanana haenu, yananan bana gakge.
|
||
\v 8 Tabolo, yita ana magakahada, maida yita hawalawe ateda, kada tawuyi kalabe bahida hatena mono manawara, mono tawuyi panu lado mamanne tubage hoila.
|
||
\p
|
||
\v 9 Allah walena hainyakama dayita kada kolege banina, tabolo kada kolege hoila ledeni Morda yita, Yesus Kristus,
|
||
\v 10 kamatebe tubada yita jalage yita, batilu hainyakada walekatilu durada, kanadadiwe enga ole dangada.
|
||
\v 11 Nyidagewege hakulha-kulha wikimi mono kamu hakadewikimi, tauna haharayimi kahabatauge. Hadukka Hanua Mono Maringna
|
||
\v 12 Bagu wugimi, maraingogimi kamu hikiyi dida kariki kalutata ulana tajongada laramu, kairomi lar taimori, mono kahamadimi.
|
||
\v 13 Hikiyi dida waige kalangna lar tamanawara oroulada yida. Engam morha tilu moli dihaata-dihaata.
|
||
\p
|
||
\v 14 Nami maharumi, bagu anguwumi, haapedage yida kamorha mayau, hakulhai yida kamaraha atena, tulludi yida kamawala, kamu maloyani tabara tangana ata.
|
||
\v 15 Hamataragela ila dadali ata kahagabawe japata ole japatadi, tabolo kaengge bam pahadewe kadaha tajonga dalarami mono tabara tangada ata.
|
||
\p
|
||
\v 16 Ege ate hakitami!
|
||
\v 17 Hakitana dahade wikina!
|
||
\v 18 Li wai limimi wali tangage. Yidana howela hakabu atei Allah tubamu tai Kristus Yesus.
|
||
\p
|
||
\v 19 Ilam padai ngahu!
|
||
\v 20 Ilam torro haliyo bawage harainai Mori!
|
||
\v 21 Enga dahoge bamu kirahi tangadi! Jurtai agai kadaha!
|
||
\v 22 Kamu hamarau wikimi wali tangage kajapata!
|
||
\p
|
||
\v 23 Kanyuru kage, Allah moli kama ringina kana hatingu wiki dawuni tangami. Yalakawe ngahu, dewamu, mono taumu kana karawawe tangage, aika otora ba amini Morida yita Kristus Yesus.
|
||
\v 24 Nyi kamaikagimi nyi kama nudu, Nyi enga pahada dahingu nagela.
|
||
\p
|
||
\v 25 Bagu angu wugimi, kamu pahade jalagu tubama dima!
|
||
\v 26 Yiwe kamaringna tabara tangada angu wumi waige hangakha katengna.
|
||
\v 27 Gu rainogimi kalangna waige ngara Mori, kamu bahawe jurata inne tabara tangada anguwumi neda bali.
|
||
\v 28 Maring wali tabarada yita, Kristus Yesus, kana olegimi.
|