See in Reader
144 lines
13 KiB
Plaintext
144 lines
13 KiB
Plaintext
\id COL
|
|
\ide UTF-8
|
|
\h Kolose
|
|
\toc1 Kolose
|
|
\toc2 Kolose
|
|
\toc3 col
|
|
\mt Kolose
|
|
\c 1
|
|
\cl Kawukku 1
|
|
\p
|
|
\v 1 Kawali tai Paulus, kadadi Rasul na Yesus Kristus oroge hakab atenai Allah. Mona kawli tai Timotius olebaida ta hatena.
|
|
\p
|
|
\v 2 Ata kahatena kamuraha monna ole baida kahatena ka doku maneni Kristus ta Kolose manawara ta baramu monna maringi malala kawal tai Allah Amada yita.
|
|
\p
|
|
\v 3 Bag sembayangna tangamu, nami engama bamma manuta tabarai Allah, Ama wal ta Morda yitta Yesus Kristus,
|
|
\v 4 Oronage bamma rangewe tut hatenamu ne tai Yesus Kristus monna manawara ha kolemmu tangada ata kahatena kamurraha.
|
|
\v 5 Inna hatena monna manawara na huddawe oro namandeda beha gannabe tangamu ta sorga, beha rangngebemu ne ta li nai Mori katena, ne ta li ege ate.
|
|
\v 6 Na li ege ate na dikki we tabarammi lohho ta tangkahage pantana monna na li ege ate naha kitage banna kolege ngihge monno na uwarawe, ka tujjana kadadi ta barami, wal na laddo wungnga rangemige monna bam yappawe manawaranai Allah nedo takatena.
|
|
\v 7 Miyo hanuwabewe tut ge inne kawal tai Epafras, ole ullama nami hamanawara, kadadibe kaullana ha ullanai Kristus ka doki manege ta barama mi.
|
|
\v 8 Nyoyo kabadda takwe tabarama nami tutge manawaram ne ta Wad bihha.
|
|
\p
|
|
\v 9 Oroge inna, wal na laddo wungnga rangnge mage nami walle mangahuma sembayangna tangam miyo monno makaraiwe tamnammu Mori kapannum miyo waige angta ne hakab ate-Na ne ta tangngage tada monna mayappa tutge hatena.
|
|
\v 10 Kole bataudage yau'um kolege morha waige hada kamayannana ta aronai Mori, kahaegei-Yi tangngage harayi, kamag ngihge neddo ta tangadi harayi kadahha, monna natummu we ta angta tutnai Allah.
|
|
\v 11 Banna modahewe miyo kam kulha waige tangage kulha waige manadage bibta hareha-Na tannam kam kolege tangngage manuddu monna maloya waige ege ate.
|
|
\v 12 Kam manuta ta baranai Ama kaba bebe haraigim hayigim tagu tannam bam hibbawe daumu wal ta hak ata murraha neddo tamma gakaha.
|
|
\v 13 Nyiyo nabebe hahoilada yitta wal ta bibta hareha kapagtana monna kahadikda yitta ta bara kalingngora Ana-Na hamanawara.
|
|
\v 14 Nedo ta nyiyo, yitta dakolege hoila, hawaldadi doku jalada yitta.
|
|
\p
|
|
\v 15 Nyiyo mawo wal tai Allah ai hayanna mata, kaullu wal ta tangngadi parayi.
|
|
\v 16 Oroge Ba-Nyiyo, tangngadi kadana ta surga monno ne pantana parayi, ha yanna mata monno aiha hayanna mata, langka hadau ngodo, kawaha, pareha, lohho kabibta. Tangnga kahadi rayi bedi li dani Nyiyo monno tangana Nyiyo.
|
|
\v 17 Nyiyo badabeni ai dapodi ra ngara dukkadi, loppo tangadi radda parukka paha ole lari ta Nyiyo.
|
|
\v 18 Nyiyo katakkudi wal ta tauyo, nyiwe kalingngora. Nyiyo dummo kawungngana, ka ullu wal ta jonga ata kamate tannammu Nyiyo kanna dadi ka dau pannu wal tangngakahadi.
|
|
\v 19 Oroi, Allah nabaige tannammu tangngage hapan ben-Na engana lai ta Nyiyo.
|
|
\v 20 Li dani Nyiyo, tangngadi hamoliyi waige tau-Na waidi kadana ta pan tana lohho ta surga inna moli kamma joku ta pan yayi kapadailo.
|
|
\p
|
|
\v 21 Mi ulge li heka, muhhuni Allah lari ta pahangaddamu, monno rayidi hadda kajabata,
|
|
\v 22 Na batauge miyo beha mol bemi waige tau ata atana Kristus lede ge mate-Na tannammu kamaraka waige miyo katauna maraka kamurraha, aika barre, monno aika otora ta aronai Allah.
|
|
\v 23 Bataudage, engamlah miyo tahatena, kadidara, kamaddona, aikagedo, wal tamannege le ege ate napa rangngemu, pa talarabe tabarada tangngada parayi ta kab langta, monno nyiwe kaha oro nauwa, Paulus, magdawa kaullage.
|
|
\p
|
|
\v 24 Nabatauge, nauwa ege atewa ta til mayillagu orom mi oroge na lar takanagu nauwa ban waige agawe kadabbo lar ta til mayilna Kristus, oro tau-Na, na kalingora hatena.
|
|
\v 25 Nauwag dawa kaullana ta lingngora dokuge haulla papahadabe wal tai Allah pa yi tabaragu tubami tannam nauwa kag talarage li nai Allah waige kabanna.
|
|
\v 26 Nyiwe kabunyi kahatodana wal ta dihha dadde-dihha dadde monno dihha dalara-dihha dalara, tabollo na batauge pahadedowe tabarada ata paha murraha-Na.
|
|
\v 27 Allah nabaige hadedodage tabarada pirra tauge pote kabunyi kamanadana ne ta jonga ata heka, oronai Kristus badani ta miyo, nyiwe mamanne wal taka manadana.
|
|
\v 28 Nami matalarage tutna Nyiyo waige padeka monno hanuwani tangngana ata waige manyangngala tannam nami kamma ngidiyi tanngana ata kaannaa matu lar tai Kristus.
|
|
\v 29 Nyiduwe oroge, nauwa jalla mayilla monno joli, runge dokugee waige bibta pareha-Na kaullana waige kulha lar ta nauwa.
|
|
\c 2
|
|
\cl Kawukku 2
|
|
\p
|
|
\v 1 Oronage nauwa ug baige bamu tadawe bibtage bawalge beha rayigu tubam miyo, mono tubada yida kadana ta laudokia, mono tangngana ata aika hatabo mata danga hoga.
|
|
\v 2 Haku ategu nauwa tanamu ateda yida kana madoge mono ka wuyi lari tamanawara tanamu yida dauge tangage kama jabola naka wali pahade wal taha paha ngada mono tada wali ta wini Allah, nade kristus dau.
|
|
\v 3 Nedo ta Nyi, naka bunyi tangadi angta mono tada.
|
|
\p
|
|
\v 4 Nauwa ug tak gimige inne tanam ladamani wu ata katipumi monno hanewe harangemu katama tapangada.
|
|
\v 5 Oro nage langka inne taugu aida ole dangagimi tabolo engage da ole dangagimi lar ta ngahu mono nauwa ege ate wa bagu etami bamu mapaha kadahaki mono didara hatena tau Kristus.
|
|
\p
|
|
\v 6 Nyidawe mi bamu hibabe duyi Yesus Kristus ba nyi morimu, morha hangata ta nyi,
|
|
\v 7 Ka lartami mono hakade wikimi lar tanyi, hadidarawe hatenamu tau na paha nuabemi tabarami, mono hama jabolage lima wayimi.
|
|
\p
|
|
\v 8 Hamatara kigela ila dadali wu ata ka leromiyo waige paha ngadana aika tuba mono kaha jalora, kawali ta morha kadadi ata mono lide-lide morha ta panu tana mono wale paha ngada Kristus ma.
|
|
\v 9 Oroge lar tanyiyo na dau kahayi tangadi kabanna wali tau Allah ka morha tahada kadadi ata.
|
|
\v 10 Miyo bebe banmu banna tabaraNa, ba nyina katakge wali tangage morha kaha reha mono kaharehawe.
|
|
\p
|
|
\v 11 Lari tanyi miyo habunyimi, ta bolo wale kabunyi harayi lima kadadi atamawe tabolo kabunyi hariyinage Kritus, mono waige katariwe taumu kabanna morha kanayo mono doku jala.
|
|
\v 12 Lar taha riha miyo tani hamera dangagimi tai Kristus mono kade hamera ole dangani Nyiyo ledege hatenamu lar taha paha rehana Allah kaha kadebeyi nyiyo wali ta dara ata kamate.
|
|
\p
|
|
\v 13 Ulpoge mina mate bemge lar palayimi lipareha mono lari bamu dokuge kanamu aika ka bunyi, Allah napa hadaguge morha hamera dangani Nyiyo bana beyi nyiyo wali tngadi bamu layida li pareha.
|
|
\v 14 Nyyo naha ngahu bewe jurata wuta mono nukudi kapadekawe haduwu dangani Allah mono yita. Nyiyo na ngala bewe ledege bapakoyi ta yayu kadailo.
|
|
\v 15 Nyi karotiyi tangada kaha reha mono kaharehawe, mana padadi yida pa torona ata bana hamakeyi ledege tai loNa deta ta yayu kadailo.
|
|
\p
|
|
\v 16 Oro batauda dage, ilam pahaihingkan wu aki ata yigim rakkami ledege haya mono haenu waleka lado madaka Agama, lado madaka wula beru waleka lado rahi ngahu.
|
|
\v 17 Tangadi rada duka dahege mawonadi tubage nimi kahami, tabolo hada katau takana Nyi dahe Kristus.
|
|
\v 18 Ilam pahaikan ata bana reja ledege li bawa ate kapaleka mono ka wojo kataba tabara malaikat-malaikat kayigimi rakami. Yidala ata kabaige hatingge hada kaheka gaina dajalage paha ngadada yida baibo oro paha ngada panu tana.
|
|
\v 19 Ata taudadana walena jurta hamadomana tabara katakuge morha. Katakge nyi kadulawe tanagage tauda, mono tangage tauda naha wu bedi tangadi kaluta mono ngihi lamuhla, tangadi natumuyi mono natumudi wali tai Allah.
|
|
\p
|
|
\v 20 Nyidawe bamu hamera dangani kristus miyo matebe waige lide-lide panu tana, ahadawalka miyo bana daugim panu tana kanguduka dokukudi nuku hada kataudadana.
|
|
\v 21 “Ilam narodi, ilam jalikayi, ilam jojayi”?
|
|
\v 22 Tangadi nuku rade liloko dangadi kole bamu dokudi ug hada papa hada waige pareha mono hanuwa kadadi ata.
|
|
\v 23 Ug hada kataudana ba eta waikadi mata maniwolayi na tau ngorawe kangote kaha pude tatauda mono li bawa ate kapaleka mono kaha mayilawe tauda. Tabolo tangadi rada ge lama hige duka dahege bana buktawe kana atada.
|
|
\c 3
|
|
\cl Kawukku 3
|
|
\p
|
|
\v 1 Nyi bam kadekawu oleni Kristus, mayegana kadaha takka kadau dete, dauha daunai Kristus, daungo dona tabaranai wananai Allah.
|
|
\v 2 Hangadage hakab atena kadau deted, iyam hangada kadi tapanu tana.
|
|
\v 3 Oronage, bam mate bewu monno morhawu kababunyiwe bana oleni kristus tabaranai Allah.
|
|
\v 4 Nyi Kristus banyika dau morhamu bana hatingo wikkge tau-Na, yau dummu hatingo wikkim bam nadana oleni Nyio.
|
|
\p
|
|
\v 5 Nyibatauge, tang'ngad rade kanogom aika dahha, rade kajapata, kamanyarha, kamak ate, kamak'ge japata, monno wu'togo yidda rada kadokuge daikai kajapata.
|
|
\v 6 Nyiwe kaha oro mana bani Allah.
|
|
\p
|
|
\v 7 Nuthona, um rayihoge katujana bam engahona morha tatil ai katidana.
|
|
\v 8 Tabollo, batauge baitad tutda rada ai kadaha: bani, butate, langlira monno hanewe ai kadaha wal taro wim.
|
|
\v 9 Ilam rayi wikkana winni oro nage hum tanad kahad morham kalangana bam raina ai Kadaha.
|
|
\v 10 Waige morha kaberu, hajelu hakitage hangada waige kaha tuja harayi-Na.
|
|
\v 11 Nyi batauge, wale lakma ata yunani nyi ba ata yahudi, ata sunat, nyi ba atai ai hasunat, ata Barbar, nyi ba ata skit, ata ha ata nyi ba ata katailo, tabollo Kristus Nyi tangagge monno tangakahage.
|
|
\p
|
|
\v 12 Banyidawe, ba ata hapedenai Allah, pahateng monno hamanawarana, kadage tabaram ate manawarana, kalagahara, libawa ate, kamalujja, monno kamaloya.
|
|
\v 13 Hamaloya-loya wikkim la, monno hawal-wal wikkim nyibadaka wu'u ata jala tabara ole atana. Katujana Morimu banna hawalgim nyidawe mige hum hawal-wal wik hom.
|
|
\v 14 Tapannuge tanggage linadage hayidage manawara katag dage yita kahadda daha.
|
|
\v 15 Nyamage, mol kamaringnaa tai Kristus kana rahgimidi atem banyidak'we ngihige mii ba maikagim morha taukaha wuna, monno wai lummu.
|
|
\p
|
|
\v 16 Pahaikage yinna hatuknai Kristus kana engage tabaramu bana majabarawe, waige antamu bam paakkawe mono bam hanuwani bara ata wadeka, mnami lawitti lohho manyan wadeka monno manyany rohani, waige atem kaban'na monno lima waim tabara Allah.
|
|
\v 17 Langka agahingkai harayim, nahatakim monno pahhadamu, rayidi tangadi tangaranai Marabba Yesus, kada manuta tabarana leden-Nyi.
|
|
\p
|
|
\v 18 Ole umma-ole umma, um ha kahadahoyi layimi katujana bada morha tai Mori.
|
|
\p
|
|
\v 19 Layim-layim, manawara dahodi ole ummau monno illam banikadi.
|
|
\p
|
|
\v 20 Lakawa-lakawa, libawa ta ata tumi bayiwe ha kab atenai Mori kaha ege dangadadi dage.
|
|
\p
|
|
\v 21 Ha ama- ha ama illam rayige ha bandangada anamu dajalage yidda illana lojawe maddo'da.
|
|
\p
|
|
\v 22 Nim pa atana ole atami, hi kii morimmi kadana nehe ta pan tana wali tangnga ge harayim, bam pahadawe illa nyidalwe yidda badadi monno kadda etauwu. Kanna dahha we ateda yidda tabollo waidage murrahha ate bamu madautanni Morim.
|
|
\v 23 Agadahingkawe yinne parayimmu rayikige waige kalak atem katujjana tabarana Morim. Monno illatujjadawe tabarana kada'd ata.
|
|
\v 24 Oroge mige bam tada mowe waltai Mori bam kolege hadau'um hige. Kristus Morida harai ulla ha ulla-Na.
|
|
\v 25 Oroge ata karayina enga hibba nage gabbage dokuge jala harayina monno ladahingmana paha li hikke.
|
|
\c 4
|
|
\cl Kawukku 4
|
|
\p
|
|
\v 1 Mori rai gela ta atamu kadaha monno katijana orogemi bam tadawe Mori ta surga.
|
|
\p
|
|
\v 2 Mikung sembayang, monno hamatarage monno halan manuta.
|
|
\v 3 Sembayang jala kimage tut ma nami tanammu Allah kana bugerage binna tutge lina tanam nami kadikgege memproklamsikan kabun ge Kristus, oro nage mag tamawa ta gall.
|
|
\v 4 Sembayang tanam nawwa kagu kolege hadikge ka tautakana ba'aga nawe hatakigu.
|
|
\p
|
|
\v 5 Hahiba wikina bam baige tabarada ata-ata tabal haddi monno waige mahiggo waige kadahha.
|
|
\v 6 Yama dage hanewemu kana ban ge manawarana na hamah waige mah, tanam kam tadawe hada baleha tabara tang kahada ata.
|
|
\p
|
|
\v 7 Tikhikus Dulka kahawe li tut ge nawwa. Nyiyo olebai hatena yita hamanawara ledu limma ka mikung, monno ole ulla tabara Mori.
|
|
\v 8 Nawwa gu halewayi tabaramu dau aro tanammi kam tada gamage tut ge nami monno tanam nyiyo kama kole kulha ta atemu.
|
|
\v 9 Nyiyo enga dahoge bana mai oleni Onesimus, olebai hatena yita kamikung monno hamanawara, wu ata wal ta yida. Yida takki tangkahage tangage kadage nehe.
|
|
\p
|
|
\v 10 Ole ta gallugu, Aristakus, hahidna maring tabaramu, tauda jalanai Markus, ana kabinena Barnabas tutge nyiyo miyo hibamige hatingona; Hibakiwe nyila bada mai tabaragu.
|
|
\v 11 Monno maring wall tai Yesus, kamaikana Yustus, ta jonga ole haulla gu kalingora parehai Allah, kanna dahege yida wall ta kalingora ata kabunnyi, monno yida ka'agu atewa nawwa.
|
|
\p
|
|
\v 12 Epafras, ole atena, ana ata Kristus Yesus, monno ngidna maring tangamu. Nyiyo enga dauge banna hadege lar ta sembayang tubami mi kaenga dauge miyo dede didaramu monno hatena kabanga lar ta hakabbu atenai Allah.
|
|
\v 13 Nauwa engage bagu yini batada aganage nyiyo bana butawe mayilla halina tubam miyo monno tuba yida kadaha ta Laudikia monno hiera polis.
|
|
\v 14 Lukas, Dokter kamanawarana monno Demas kangidi tubamu.
|
|
\p
|
|
\v 15 Hadikge maringi tabara angwumu hatena ta Laudikia, monno ta nimfa monno kangote kadana ta ummamu.
|
|
\v 16 Bam kale bahawe jurrata tabaram, baha dajalage yida tabara kangete ta Laodikia, lodo, baha dummuwe jurata inne tubada kangote ta Laodikia.
|
|
\v 17 Hatak nage tabara Arkhipus, “Kam hamatarage dajage mi kam bewe wu haullana bag bewe hibawe wal tai Mori.”
|
|
\p
|
|
\v 18 Nauwa, Paulus, batolhawe bana hangidwe inne bana waige limana dau apeila kokagu kanyurge Allah kana kolegimi miyo.
|