See in Reader
164 lines
15 KiB
Plaintext
164 lines
15 KiB
Plaintext
\id PHP
|
|
\ide UTF-8
|
|
\h Filipi
|
|
\toc1 Filipi
|
|
\toc2 Filipi
|
|
\toc3 php
|
|
\mt Filipi
|
|
\c 1
|
|
\cl Kawukku 1
|
|
\s Salam dari Paulus dan Timotius
|
|
\p
|
|
\v 1 Wal tai Paulus monno Timotius, atanai Yesus Kristus, tabara miyo ata murraha ka kira, lar tai Kristus Yesus na kadana ta Filipi monno ta baram mi hanatona kangote lohho bai ata kangote;
|
|
\v 2 Kanaga monno mol dame lagahara wal tai Allah, ama da yitta monno Yesus Kristus doku mane gimmi!
|
|
\s Ucapan Syukur dan Doa Paulus untuk Jemaat di Kota Filipi
|
|
\p
|
|
\v 3 Nawwa wotna mahadi tabaranai Allah gu ka pirra wudda ge nawwa bag ape gimmi.
|
|
\v 4 Lar ta sembayangngugu tut mi tangngami, nawwa engage sembayang waige lagahara.
|
|
\v 5 Oroge ha ulla dabba mi lar baha kakowe li ege ate walta laddo kadihana kaha nehe batauge.
|
|
\v 6 Nawwag hatenawa hingnguwu nyi naka puge ha ulla kadaha katangngam miyo, nyi dummu ka pannu we kaha taladdon nai Yesus Kristus.
|
|
\p
|
|
\v 7 Narak kadage nawwa padda ge katujja inne tabaram miyo tangam da gim ta ate gu. Langka nehe nawwa ba ta galuwa loho nehe nawwa bag takiwe ha dedege monno naha padidara ta li ege ate. Miyo na dadi we ole ulla gim nawwa lar ta kamak gai Allah.
|
|
\v 8 Allah nyi katadawe, nehe nawwa kamak gummi tangngami lar tamanawaranai Yesus Kristus.
|
|
\p
|
|
\v 9 Nyi dawe sembayang ngugu: Nadde moge manawara kanna rehi mataba we ledege paha ngada monno tangngage angta.
|
|
\q1
|
|
\v 10 Ledege miyo kam pedewe aga we kadaha, katau dage tawwumu murraha monno iam kalikkuwu ba dikwe ladoi Kristus;
|
|
\v 11 Monno na banning nehe waige ngih hatena naka amna ledege Kristus Yesus tut kamanadana monno hadaika hadau nai Allah.
|
|
\s Penderitaan Paulus Memajukan Penyebaran Injil
|
|
\p
|
|
\v 12 Ole bai-ole bai gu, nawwag baige kam tadawe ba agawe nne dadi tabaragu ba nyi dawe kangidiwe kako kayinage tutge li ege ate.
|
|
\v 13 Loho tang kahada kajawa we kalingora monno rajada ata wadeka tadawe ba nawwa tagalwa tut nai Kristus.
|
|
\v 14 Tangngada wadeka buta ole hatena da hareha manne niy Mori. Oroge bak hatannag gu tagallu, dadiwe banna rehi banning ateda kaha kakowe linai Allah lakmage kamma dauta.
|
|
\p
|
|
\v 15 Nyidawe, da'di ata-ata kaha hakakowe tut nai Kristus oronage monno tajna, ta nyi duwe da dummu hodi naha oro rangewe kadaha.
|
|
\v 16 Yidda na kape hangadage kaddahha da ullage oromanawarada yida tadawe ba nauwa daha tauwanehe tutuge li ege ate.
|
|
\v 17 Tanyiduwe na kaba hangadage aika dahha, yidda da ullage oro mayegana lidete loppo kapihage, wale murhama, monno pahangada da yidda matabawe kahhage tut tug banahowa ta gall.
|
|
\p
|
|
\v 18 Lodoge agawe ngihge? Na banningge agawe nak dawe larage, waige pahada ai murrahha lohho dummu pangada tangngada hatena kristus na takkiwe tut ne nauwa gu lagaharawa. Ya, monno nauwa enga ge bag hangatana lagahara.
|
|
\v 19 Oroge nauwag tadawe bana ladoge sembayang gummi monno matulna wadnai Kristus Yesus, agawe bak dadi nata barag nauwa bak nyidamowe naka dadi dangage bak pahuddaga bak nyi ha haggam tabarami, lodoge na mana madakka ate dangnga gimi.
|
|
\v 20 Naha manne gu loho hatenagu inna nawwa meranage wal olegena waleg kole magge na makke. Tabalge, nawwa ole dage bana nawge pahangadagu kabanna tanammu Kristus, batau dage nehe monno naha natage, bana manadage lar ta taugu, langka lar ta til morha loppo mate.
|
|
\v 21 Orona ge nawwa, morha dau nage kristus monno mate nyiwe na uhutuge.
|
|
\v 22 Ta nyidowe, bene nawwa bagu morhawa ta taugu inne, be nawwa enga rai ullage kada gauna, lodoge gige inna naha padagu, nawwa waleg tadamawe.
|
|
\v 23 Nawwa gu mangaku bewana nata kaduda hapede, naha baidahinggu kagu jama ge inne morha monno kag oleni kristus, oro nage na rehi daha dahoge.
|
|
\v 24 Ta nyidowe, tutum miyo, enga rehi man gau dahoge banawwa enga gu morha lar ta tau inne.
|
|
\v 25 Lede ge hatena gu inne, nawwa gu tawawe nawwa engage bagu ole gimi tutu pakadewe monno lagaharamu lar tahatena.
|
|
\v 26 Ba nyi hagagu mi ta barami, lodoge namamadakawe ategu tutumi engage matabawe lar tai Yesus kristus lede ge nawwa.
|
|
\s Bersatulah dan Tetaplah Berjuang
|
|
\p
|
|
\v 27 Ta nyidowe, morha dam waige kanogo kayanana waige li ege ate kristus nawwa baami kaga monno bagu hatobo dangagimi loho aig maikawa, tanammu kagu range momi namiyo ba engam dede dirara lar ta wu wad, lohho wu paha ngada, tutu bamu rotiwe tanga kahami waige hatena wal ta li ege ate.
|
|
\v 28 Ilam jamadi hagagah gimi rade gama-gamami, oro nage nyiwe tadka nadadi ge ha mauha dangage wal ta nyida ta nyidowe tolga ta mane mara daumi ge miyo, monno tat yino hawal tai Mori.
|
|
\v 29 Oro ledege kristus nayigim kanyuru wale nyikel mawe tutuge hatena tabara nyiyo, ta nyidowe mayila tutu na nyiyo.
|
|
\v 30 Nyi alawe orogena banna arodi paha ngada-paha ngada naka meraallana nata miyo etawe nawwa gu aradi monno na batauge miyo um rangewe nawwa engahoge nehe bagu padawe.
|
|
\c 2
|
|
\cl Kawukku 2
|
|
\s Pikiran Seperti Kristus
|
|
\p
|
|
\v 1 Bataudage ba ina tai Kristus dage maduha kakulha, lagahara oro manawara, hawuna ta wadi wanawara aikaha duka mono milla ate.
|
|
\v 2 Hamadogage lagahara tabaragu kamu hawu atena hawuna paha ngada dakige manawara kaha mera, hawuna tawadi, hawuge dau arom.
|
|
\v 3 Iayam rayikana aga ana wal habai ate lopo kawohoka aika panu gauna; tanyiduwe kalibawa ate, apeila ata wadeka bana rehi bita daho wal ta tau dawumu.
|
|
\v 4 Ia da hingkanla wu ata kaha ngadage tutu dauhena tanyiduwe tutu ata wadeka ala.
|
|
\p
|
|
\v 5 Ine paha ngada kadage tabarami kaha tuja kadana tabarai Yesus Kristus,
|
|
\v 6 Lokko bana ngala duwe hadanai Allah walena etadamawe hamera danga-Ni Allah ine yiwe wu pajurtahona.
|
|
\p
|
|
\v 7 Ta balge narayige tauna ladihingmana kamaraka'a mono nahalibawa wikina naha mera ta ata paha lewa mono naha tuja ta ata pi'i.
|
|
\v 8 Lar ta hada-Na katauda kadadi ata, Nyi naha libawa wikina, loho na tomage bana mate, lopo mate tayayu paka dailo.
|
|
\p
|
|
\v 9 Tutu kapege inelah Allah na keketayi hama dehtani Nyi mono yinage tabara-Na ngara ta pan tangadi ngara.
|
|
\v 10 Tanam lar tangaranai Yesus, tangadi kudo nama takoyi loho kadana ta langta, na ka dana ta panu tana lopo dumo naka dana takabu tana.
|
|
\v 11 Mono tangadi bayo mangaku ba nade Kristus Yesus nyinala Mori da, tutu ge kamanda tai Allah tabarai Ama!
|
|
\s Allah Bekerja di Dalam Kita
|
|
\p
|
|
\v 12 Oro nage nedo olebai-olebai gu hama nawaragu, katujana miyo bamu dokuge wale nyi kelmawe ba daga nauwa bagu olegumi, karehi wikina ba tauge na nauwa ba ailaga olegimi ulage tolka mane maramu waige madauta mono kadadaka.
|
|
\v 13 Oronage Allah napa rai ula lar ta miyo, na dahawe tutuge abaigu lopo dumo tut ulage agawe nakamayana tabaraNa.
|
|
\p
|
|
\v 14 Uladi tanga kahadi ratu iyalaka kangurka mono kahagaba balikina.
|
|
\v 15 Tana miyo illada daka kamarihaka mono aikamanu jalana. Miyo ba ana anagemi Allah aikamarihaka tajonga dalaradda ana Murid kalego mono jalora, tanamu kamu manadani tajonga dalaradda yidda kahamanadana tapanu tana.
|
|
\v 16 Jurtayi hama dodi linai Mori tanamu badikini laddonai Kristus mono mangu kapege. Tutuge madaka ategu bagu ka ba nauwa walegu malai awa mawa waleula mage aikapanu gauna.
|
|
\p
|
|
\v 17 Tutge nauwa babiwa katujana koba wehaenu amanuta tapanu maraka mono kakakowe hate namu, nauwa na dahawe ategu mono lagaharawe ledege miyo tangage.
|
|
\v 18 Taoga dumoge miyo, oro kapege nakahamera, ege ategu mono laga harawe olegimi tanga kahami.
|
|
\s Paulus Mengutus Timotius dan Epafroditus
|
|
\p
|
|
\v 19 Tabara Yesus, nauwa enga nyiwe bagu nauwa gupanadage bana geha kako Timotius tabaramu tanamu nauwa kagu lagaharawa bagu rangewe kadaha tutumiyo.
|
|
\v 20 Oroge, nauwa waleladama ata wadeka katujana nyi, naka waige muraha maro matage muriha kadana tabaramu.
|
|
\v 21 Oroge, rade wadeka nyi dahewe kupa tawe tutu dauda, maro matage tutuNa Kristus Yesus.
|
|
\v 22 Kataudana hatadamu, Timotius naha dedoge tauna bamagu hige, nyi na olega hakakowe nahadadi dangage batodo talarage Lie Ege Ate talarage katena katujana wu ata lakawa tabara amana.
|
|
\v 23 Oronage nedo nauwa, manetakage dadige bahalewayi nyi-yo geha ba nauwa gugutadawe agawe nakadadi tabaragu,
|
|
\v 24 mono nauwa hatena tabaranai Mori oroge nauwa dawuyo dumo ba hengage amiga tabaramu.
|
|
\p
|
|
\v 25 Tanyiduwe, nauwa hangadage dadi dumowe halewayi Epafroditus tabaramu, nyi allana olebaigu, ole ulagu, ole rotiguge, mono dumo ata nakangidi hanawu tabaramu mono naka ulana tutu habaigu.
|
|
\v 26 Oroge, nyi-yo napa ngadagimi miyo tangami mono namayilawe atena orogemi narangemi banyiwo kalawara.
|
|
\v 27 Nyiduwe, nutuna nyi-yo na kalawara dikiwe kamha meranage mate, tanyiduwe Allah nahatingoge bibta manawaranga tabarana mono wale nyikuluma, loho dugu dumo tanam mayilagu ilanama taba tabawe.
|
|
\v 28 Oroge nedo, nauwa nadadiwe rehi baige halewai nyi-yo haga tabaramu tanamu kammu kolege lagahara bamu etayi nyi-yo, mono kanabawage pahangadagu.
|
|
\v 29 Hibayi Epafroditus lartayi Mori waige bange nagahara mono hiyi nade ata kataudana nyi-yo.
|
|
\v 30 Oroge nyi-yo hodi mowe mate tutu harayi ulana Kristus; Nyi-yo nayiwe ngahuna tutu hatulda haje ludi aihakole dadi bamu yi-yi tabaragu.
|
|
\c 3
|
|
\cl Kawukku 3
|
|
\s Kristus yang Terutama
|
|
\p
|
|
\v 1 Be'lagge, bag ole baigimimi ege ate tabara nai Mori nawa waleg habitamage bag tolhawe radda ha ha tujja tabaramu oronage raddo yiddana ka ja'wamu.
|
|
\p
|
|
\v 2 Hamattarage tabarada rade bagga, hamatarage tabarada rade ata karayige kajapata mono hama tarage tabarada rade kabunyi tawuda.
|
|
\v 3 Ba yittakna ata-ata kasunat ka daha, mono ka ngak'ka tabara wadnai Allah hamanadai Yesus Kristus mono ka aika tau we hatenada ra-rade ka lahiriah.
|
|
\v 4 Langna nawa katau'u tak'kana ba'da hakapege tutge bogang ra-rade ka lahiriah. Nyi ba'da'ka ata heka kaha ngadage orogenyi da'da kappege tutge bo'gang ra-rade ka lahiriah, at'da'hoge ta baragu:
|
|
\v 5 Nawwag sunatwa ta lado ka podopatana ata Israel tetakana wali ta'bihi Benyamin, ata ibrani kahanewe. Dokuge ukku pareha nawwaknage ata Farisi.
|
|
\v 6 Tutge kahayarta, nawwa kahamayilayi jemaat, mono tut ge daha ta bawa ukpareha, nawwa walleg kalikkamawa.
|
|
\p
|
|
\v 7 Tabolo, tang'ngage kaullu naha utga nawwa ba tau rogewa oronai Kristus.
|
|
\v 8 Tang, ngage katau takanaa, hig rogwa bagu hameradi mono bag tadai Yesus Kristus, Morig, karehi bi'tta tangage ba agawe. Oroi Kristus, nawa na wunga kahayi tangad oronage tangage rat batauge hig hameradi hangu'k tanam nawa kagu koleni Kristus.
|
|
\v 9 Nawwa hatabowa tai Kristus walle kadahak mawe kawal ta bara tau dauwug hakoleg walta uku pareha, tabolo ka amna na liwe hatena tabarai Kristus, nyikwe hatena waltai Allah ka walwe walta hatena.
|
|
\v 10 Nyi bag kole daheni bag tadai nyiyo monno biktawe parehana manna kadde, moloho hawuna tabara nanna mayila tutge banna dadi kataudanna nyi tabara matena
|
|
\v 11 mabegge tamurge nawwa hig kolege kadde wal tangada ata mate.
|
|
\s Bergerak Maju kepada Panggilan Surgawi
|
|
\p
|
|
\v 12 Tabolo, kag koledi walle lug dakmawa nyi banna tutwe, tabolo nawwag rotiyi tannam kag yappai bapiratawuge Kristus Yesus na yappa wa nawwa.
|
|
\v 13 Ole bai-ole bai nawwa walleg hangada dak mage oronage nawwa bag yappai. Mabegge, wuwe harayigu: nawwag dangngage agai taliragu monno kako dawwu tabarada agai kadana ta arogu.
|
|
\v 14 Nawwag hangatana kako ta arog tutge kakolena uppam" nyikwe kawula Surgawi waltai Allah tabarai Yesus Kristus.
|
|
\p
|
|
\v 15 Maidana yitta ka banna kadda hangatage ta aro. Nyikwe yawwu aim hangada ge ta aro, Allah nahatingngo guge katau takkanna tabaram.
|
|
\v 16 Tabolo nyikwe ge, maida yitta kadda hangatana morha tutge kadaha hakole bedda.
|
|
\p
|
|
\v 17 Ole bai-ole bai, doku gage harayigu monno torro dabai ata-ata ka morha jalla tutge hadoku ha etam walta nami.
|
|
\v 18 Oroge, buta ata ka morha ka taudanna muhu-muhu kadailo Kristus. Tutge nne, nawwa hangata-ngata be guge tak guge tabaram monno ba tauge nawwag takwal guge waige wemata.
|
|
\v 19 Hadukka morha yidda na lilokowe, oro nage Allah da yidda ti dagge yidda, monno lawitda yidda hamakke danga dawe. Hangadda yidda hawai pantana dai.
|
|
\v 20 Ma begge lagge, kewarganegaraan da yitta ta Surga, gi dadda yitta banna ban'ge lagahara harema-remana Juru selamat, nyikna Mori Yesus Kristus.
|
|
\v 21 Nyiyo ka wungngage tauna kamma padda yitta kada'di merana tauna kamanadana monno harehana nyi, Kristus ka kulha ngiddi tangngad ka libawa tabarana.
|
|
\c 4
|
|
\cl Kawukku 4
|
|
\s Nasihat untuk Sehati dan Sepikir
|
|
\p
|
|
\v 1 Oro ba taudadage bagu ole baigimi, hamanawara mono hamaddig, haege ate dangagu mono hamadakka ate dangagu, dede waina kulhana tai Mori.
|
|
\p
|
|
\v 2 Nawwa hig karaiwe tabaranai Eodia mono loppo tabaranai Sintikhe tut ge morha kadaha tabaranai Mori.
|
|
\v 3 Nyi, nawwa karaiwe tabaramu, ole ate-ole ategu, kadaha tuludi rade lawayi-lawayi oroge yidda da'ulla tetakanna badda olega tutge kako linai Mori mono oledai Klemens monno ole-ole ullag wadeka ngarada namatolhai lari ta jurata morha.
|
|
\p
|
|
\v 4 Ege ate hangatana tabara na Morim. Hig takguge hadaka wal, ege ate dita kokomi!
|
|
\p
|
|
\v 5 Langka nne daha atemu kada tada guge ata wadeka. Morida nadahe kabbe.
|
|
\v 6 Iam hangadage tutge ba agawe. Nyi nne lari tangngage hatingoge ba aga dumuwe hakabu atem tabaranai Allah ta sembayang mono manuta ege ate.
|
|
\v 7 Moli, ege atenai Allah, maringi malalai Allah karehi ate mono hangaddaddi karawa dadi ateda tabaranai Yesus Kristus.
|
|
\p
|
|
\v 8 Habe waiwe ge, ole bai-ole bai, tangmgage katena, tangngage kamanadana, tangngage tijana, tangngage kamurraha, tangngage kadelo, tangngage kama daika kabanna, tangaddi katutu bada hangadadi tangngakahadi rade.
|
|
\v 9 Aga bewe be ha nuwwam, hibawe, rangewe monno torowe wal tabaragu, rayi kahage nne, ma halegewei Allah pu moli kanna olegim.
|
|
\s Paulus Berterima Kasih kepada Orang-orang Percaya di Filipi
|
|
\p
|
|
\v 10 Nawwa ege ate dita kokowa tai Mori oroge ba tau ge, begge miyo him tau hagawe hamatara tabaragu, tabolo miyo him yi hagawe wallem kole dak manna mahigo.
|
|
\v 11 Balug dagge tutge nne kadadi walle oro dukku dak maguge, oroge nawwa, hanuwa hainyakawe tutug. Langka aga dummuwe.
|
|
\v 12 Mog tadawre agawe na dukku monno nawwa dummo tadawe hamma jabola, mono kadana, nne monno kadana, nawwag tadawe agawe nne kadukku monno hig tadawe kabanna. Neddo badda nyi badda labba, nyi morha buta amaha muloho tangkahadi kadana, nawwa hanuwa aikadana amaha.
|
|
\v 13 Nawwa na dadiwe bag rayige tangage leden Nyi yo kayiwe kulha tabaragu.
|
|
\p
|
|
\v 14 Nawwa na dadiwe bag rayige tangage leden Nyi yo kayiwe kulha tabaragu. Nyiduwe, miyo him rayige daha awumi ba'we dangnga gage ngidigu.
|
|
\v 15 Midomo tadawe, kangote Filipi, neddo hapuge ta wungage ba'ha kakowe Li Ege Ate, kole bagu tanna ge harona make donia, walle lak'ma ata kangote lakma dawwu dangnga gage ngidigu tatillu yiyo monno hibba, helem miyo.
|
|
\v 16 Monna loho ta kota Tesalonika, miyom hangidna matul tutge hakabu ategu karehi walta ha dakkanna.
|
|
\v 17 Nyiduwe, walem matul ka tauda dakmanna hamayegag, tabolo nawwa hama yegagu wuge kahamadakka guge tauwum.
|
|
\v 18 Nawwa hibawe bayaranna kabanna, loho na rehihoyi, nawwa da kaha tangngadi hakab ategu oronage hayim hangiddim tabaragu ledeni Epafroditus. Hayim rattu nadadi marakayi kabawu burata kama yanna monno kadahak tai Allah.
|
|
\v 19 Allah gu napanguge tangngage hakab ate mu waige poteNa kama nadana tabaranai Yesus Kristus.
|
|
\v 20 Manada ta barai Allah monno amada yitta tutge ana mur-ana mur. Amin.
|
|
\p
|
|
\v 21 Hadik gamage lima tabarada tangngada ata tengna tabarai Yesus Kristus. Manawara ta baramu.
|
|
\v 22 Tangngada ata tengna hangid liyo tabarami, at dahoge yidda karai ulla ta istanai Kaisar.
|
|
\p
|
|
\v 23 Maringi walta ta barana Yesus Kristus na ole gim min waddim. Amin.
|