lmy_reg/49-GAL.usfm

\id GAL
\ide UTF-8
\h Galatia
\toc1 Galatia
\toc2 Galatia
\toc3 gal
\mt Galatia
\c 1
\cl Kawukku 1
\s (Salam dari Paulus)
\p
\v 1 Wali paulus, kadadi ana hakodo Halolena wale oro ata, ledena ata tanyidawe ledeni Yesus mono Allah Ama kaha kade Nyi ta jonga ata mate.
\v 2 Mono, wali ngara dukana olebai kaha tena kadoki kahage tutu da jemaat-jemaat ta Galatia.
\v 3 Wema maringi malala mutumakora tutu mi tai Allah Ama mono Yesus Kristus.
\v 4 Kabada yiwe tau-Na tutu doku jalada tanamu kada mane mara wali nehe tama kajala batauge waige habainai Allah mono Amada.
\v 5 Nyi daho pamanuta wali murri-wali murri. Amin. 
\s (Hanya Ada Satu Injil)
\p
\v 6 Gu pangatarawa, oroge alli gehawe bammu tanani Nyi kamaikagimi bana manawara Kristus mono kako dage ta lii ege ate wadeka.
\v 7 Tanyiduwe wale lama li'i ege ate wadeka. Tanyiduwe dadi ata kabada kakaura gimi mono baige kabaligimige Li'i ege ate Kristus.
\v 8 Loho, oro nami, aiwalekawe wu Malaikat wali ta Surga natarage tabaramu Li'i ege ate aikamayana ba agawe hatarama tabaramu, na haura.
\v 9 Natujawe nutu pataki ulumagumi kalangana nabatauge gutaki dumo waliwe bada kataragimi Li'i ege ate kamagaba nutu pahiba bemu, nyams moni kana mahoku.
\p
\v 10 Aga naba taudage tangra mayegagu habai ata? Aiwaleka habai Allah? Aiwalekawe nauwa Gu makabani habaina ata? Bagu baikahoge kaba ge habai ata, nauwa wale ledemaga Kristus. 
\s (Pembelaan Paulus atas Kerasulannya)
\p
\v 11 Bada kahawebaina, Nauwa habaigu mi kam tadawe ine Li'i ege ate ine hayigug wale Li'i ege ate wale harayi ata pi'i mawe.
\v 12 Nauwa waleg hibamawe wali ta ata pi'i, mono nauwa gu hanuwahowe wal ta ata, tanyiduwe nauwa gu hibawe lede hatakki wali tai Kristus Yesus.
\p
\v 13 Oroge, Miyo bada rangewe tutu hada morhagu nutu hona wal ta agama Yahudi, nauwa kahamayilla kangote ata hatena nai Allah waige katopo ate mono rotiwe tutu hamauhage.
\v 14 Nauwa kahada ngorana tutuge Agama Yahudi, hada tangorana widi naga wali ole dalaragu taka bihigu nauwa bayitakage maromatage lar karawawe patada inya weda wayikagu.
\p
\v 15 Tanyiduwe, nade Allah, naha lihikega nauwa wal lar ta ti inyagu mono naka maikaga ledege manawara-Na, kamarada.
\v 16 Naha tingoni anana lar tanauwa tanamu nauwa dadiwe bagu takiyi Nyiyo tajongada ata-ata aika Yahudina, nauwa waleg wingimana karai pahangada tabara wu ata dumo.
\v 17 Nauwa dumo waleg kako mawa ta kota Yerusalem tutuge katabokayi rade yida naka bada dadi Rasul tabaligu nauwa, engage nauwa bagu geha kakowa tatana Arab mono hagawali takota Damaskus.
\p
\v 18 Tauda dauge murge, nauwa kako ta kota Yerusalem tutu hatawikina mono Kefas mono engana oleni kabulu lima ladona.
\v 19 Tanyiduwe nauwa walegu etamawa wuu dumo wali Rasul-rasul wadeka, nyihe Yakobus Olebainai Mori.
\v 20 Nauwa gu hamadogimiyo ta aronai Allah ba agawe na nauwa hatulha tabaramu ine wale hawohokamawe.
\v 21 Be, e nedo ge, nauwa kako guge ta lingora siria mono kilikia.
\p
\v 22 Nauwa wale tada hatidi maga rade kangote-kangote ata hatena lar tai Kristus na kadana ta kalingora Yudea.
\v 23 Yida range dahedage, “Nyiyo, nada ka ullu kahamayillada yida, na batauge natakiwe hatena ina ulluge nyiyo na kabage hamauhadage.”
\v 24 Yida daha manadani Allah oroge nauwa.
\c 2
\cl Kawukku 2
\s (Pengakuan Para Rasul atas Paulus)
\p
\v 1 Kabul pata dawu ta'aro, nauwa hagga walwa taaha rona Yerusalem olenai Bernabas monai Titus olegu.
\v 2 Nauwag kakowa oroge dihawu kadedo monno tutuge li ege ate dita koko tabarada yidda tutge li ege ate dita koko ha dedalagu tabarada ata ai ka Yahudi nyiduwe, nawa gu rayige hatabokana kaha ole baina, nyidawe duka yida dahe kamangu pengaruna mono kamu tada hirawe agawe haullagu walena lilokomawe.
\p
\v 3 Titus, ha olegu wale nyidamahowe ba sunatui langka ai ata Yunani.
\v 4 Inne, manna dadiew kataudana oroge ole bai kapalleka katama kangunggu ai hamadamu kaha mattara-mattara gew inne hoila haduda nedo tai Yesus Kristus yitta kada haga ata.
\v 5 Tabolo, nami walema auwama kangak'ka tabarada yida tanam yita dangidi hagadak nedo bada ata tabarada langka hodikawe tanamu katena Injillu kana engage tabaram'mi.
\p
\v 6 Nyiduwe, ata ha'aka hadau ngododa wale baningdamadi tabaragu oroge Allah walena watekama, yida wale ladama aga-agana tabaragu.
\v 7 Tabal'ge,  yidda daetawe tabaragu dayiga hatena, li'egeate tutda ata ai kabunyi'ho kataudanage Petrus, hatena liege ate tutda ata kabunyi [sunat].
\v 8 Nyiyo karayi ulla ledeni Petrus nyidomo karayi ulla ledege nawwa tutge dadi rasul tutda ata ai ka Yahudina.
\v 9 Be'nedo nage Yakobus, Petrus monai Yohanes, ha'aka bada dadi saka guru tabara ata ngote kada tadawe manawara taba ragu. Yidda da yiyi lima kawanada taka ngote tabaranai Bernabas monno tabaragu tanam miyo kam kakom tabarada ata ai ka Yahudi, nyiyida kada kako tabarada ata kabunnyi [sunat].
\v 10 Yidda karai dahegama nami kama apewe tabarada ata milla, nawa dawu diha wuyo kawuk we bagu dokuge mono bagu ullage. 
\s (Paulus Menunjukkan Kesalahan Petrus)
\p
\v 11 Begge, ammini Kefas taha rona Antiokhia, nawa gu hira-hirawe bagu gabani oroe nyiyo bana hira damowe bana jala.
\v 12 Oroge ata wali takalingora nai Yakobus amidi Kefas na damabe ya'a dangadi rade ata ai ka Yahudi. Nyiduwe bana mayi, nyiyo naha legewe bana ernna mono bana wateka wikna oroge madauta kalinggora ata kabunyi [sunst].
\v 13 Rade wadeka ata Yahudi daha doku bada rayige daha mata dete, loho Barnabas nahadoku daha mata dete dayida.
\v 14 Kole bag etawe yidda harayida walle halolung mage li ege ate katena, malug danage tabaranai Kefas taaro tangada ata buta, “Miyo ba ata yahudi mi morha ai katujayi ata ai Kayahudi, aga linada'ka'mowe bam duhai, ata ai ka Yahudi tutge morha katujai bam duhayi nade ata ai ka Yahudi.”
\p
\v 15 Yita'na inne ata hadadi kadaddi bangsa Yahudi mono wale ata jalama wal ta bangsa Yahudi.
\v 16 Tabollo, yita datadawe oroge bangsa ai ka yahidina. Ladamani wuyo ata katena karayige Hukum Taurat ai hatenakai Yesus Kristus. Lohho, yitta dummo kaha tena tabaranai Yesus, oroge wale ladamani wu'u atami oroge bana rayige Taurat!
\p
\v 17 Tabollo, tamrada yita bada runge yitta kolege tau dauda jala, tutge kada tena nedo tai Kristus oronage wale ladamani wuyo ata katena bana rayige Hukum Taurat.
\v 18 Nyiwe nawa ge kade hagawa agawe beha pukkagu, nawwag pahirage oroge nawa badiha wuatawi kalayiyi li haakka.
\v 19 Oroge, lededi Hukum Taurat, nawwag mate bewa tutge Hukum Taurat tanam nawa bagu kolege morha tutnai Allah.
\v 20 Nawa kadailo olebega oleni Kristus. Walle hili nawama ka morha, tabolo Kristus kamorha tabaragu morha taka nayo hamorha dangage tena tabaranai Allah, morhag hine batauge morhagu takanayo ngabenage oro hatena kama nawaraga nawa monno kayigage tau-Na tutug nawa.
\v 21 Nawa waleg pata manage manawaranai Allah, oroge katena yine Taurat, liloko nage matenai Kristus baamkage ledege kataudana Hukum Taurat, lilokonage matenai Kristus.
\c 3
\cl Kawukku 3
\s (Orang Percaya Dibenarkan Melalui Iman)
\p
\v 1 Ta miyo, ata-ata Galatia kabanga! Ia dahenguyi kaha baremi? Wale taaro mata dumu Yesus Kristus baetayi baka dailoni taaro kabuta?
\v 2 Wuwena hakabu ategu kanukawe tabaramu, magarami hibayi Wadi oro Dokudi Hoku Taurat waleka oro range waige mamane?
\v 3 Tauda dahenguge kabangami miyo? Miyo kapuwai bena Wadi, aga dal mige naba tauge mam kabu atege bewaige kanayo?
\v 4 Liloko-liloko takami mayila takamayila katauna butana rada batauda mema dagena liloko-liloko?
\v 5 Bataudage, aha Nyiyo mana pahalayi Wadi tabaramu mono mana uladi Mukjizat tajongami oromi bam kahakoyi Hoku Taurat, waleka oro miyo range waige mamane?
\p
\v 6 Merana katauna Abraham kahatena tabara Allah nyiwe naka taudana yapuge tabarana wuwe katena.
\v 7 Oro bataudage, tadawela rada ata-ata kahatena paha nagara ana-ananai Abraham.
\v 8 Jurata Biha, kabada tada uluwe nadai Allah enga nayidi tena ata-ata aika Yahudi oro hatena, loho bada uluge bataki nage li'i ege ate dita koko tabarai Abraham mono waige hanewe: “Tangana kabih ata engage ledegu yauyo.”
\v 9 Bataudage, yida rada kahatena enga daha maringi oleneni Abraham, ata kahatena nada.
\p
\v 10 Tangana ata kama teru nata haula Hoku Taurat dadi takabu haura, oro dage kamatolha: “Lokonani nada Ata aika libawa matangadi rada kamatolha tajurata Hoku Taurat lopo karayidi.”
\v 11 Batauge, na hirawe batauge oroge ba aida wu ata kahatena ta aroi Allah waige Hoku Taurat, oroge ata kahatena na morha oro kahatena.”
\p
\v 12 Batauge, Hoku Taurat wale hakape mawe ta hatena.” Tauda dumoge ata karayidi Hoku Taurat morha orona.”
\v 13 Kristus nakahkada yida wali ta Hoku Taurat waige dadige haura tabarada, oro dage kama tolha,” lilokola ata nada ata hateru tayayu paka dailo.”
\v 14 Na ba dada natai Yesus Kristus, maringu nai Abraham nadadiwe wedikiwe tabarada ata aika Yahudi tanamu waige hatena yita kada hiba Wadi nada beha kirabe. 
\s (Janji Allah dan Hukum Taurat)
\p
\v 15 Olebai-olebai, nauwa kagu yigimi lipa tuja ta morha diha lado- diha lado: Naha kira naha ngodo bewe, langka haworo tajonga ata, walakma ata kapikuge pangahuwe waleka tabawe aga hengkawe nalari kirana.
\v 16 Batauge, tutge inna hajaj hadiknai Allah tabarai Abraham monno tabara walla wuna. Allah walle nahhanewe'kma, Tabara wallawu-wallawuna.” Monno tabara wallawuma,” kapege nahatingngon wu ata, nadei Kristus.
\v 17 Hakab ategu, Inna Ukpareha Taurat nadedowe 430 dau kole ba'aihil angage padekawe inna jaj beha didrabenai Allah. Nyidawe, inna jaj walle hil'angta magge bapungngage.
\p
\v 18 Nyiradda hakda banna hapukai neddo ta aukpareha Taurat, nyi rada hak walle hil hapuda'kmai neddo ta jaj. Tabolla nyige, Allah na yidawe tabara nai Abraham ledege wu jaj.
\p
\v 19 Nyidawe, ahha madage Ukpareha Taurat? Ukpareha Taurat mayiwe oronage balayi'i liha latta, badikkidi ra'kda walla'wu ba'ammidi ba'agalinnawe hakab atege inna jaj baraige. Ukpareha Taurat bapahadawe leded malaikat badda dadi lede liyo.
\v 20 Tangiduwe, radde lede liyo walle natagdakelman wu ata, oronage nai Allah wu da heyi. 
\s (Tujuan Hukum Taurat)
\p
\v 21 Inna bataudage, ahhada Ukpareha Taurat manna gabbage neddo jajnai Allah? Enga walle da'kma! Oroge, inna Ukpareha Taurat bayiwe tutge kolege bayiwee morha, katengna nahirawe kawaldawe walta Ukpareha Taurat.
\v 22 Tabollo nyige, Jurrata Bihha nataubei tagallu tangngaddi monno tangngada ata kadana ta kab kajala tannam jaj oro hatena lar tai Kristus Yesus kanna yiwe tabarada yidda kahatena.
\p
\v 23 Ba ai'amhoge hatena, yitta dakalokatada takab Ukpareha Taurat, dapatda kataidanna halokata kahha badikge neddo hatena ba'amge baha dedowe.
\v 24 Waige baaudage, Ukpareha Taurat yidawe kaha matrada yitta kahha badikkinni'i ba'ammini tannam yitta kadda kolena.
\v 25 Badda tena oro hatena. Nabatauge, inna hatena badda ambegge. Yitta walle dahil kama'kmage Ukpareha Taurat banyidawe kaha matradda yitta.
\p
\v 26 Larta Yesus Kristus, miyo tangngam inna ana nagimmi'i Allah ledege hatena.
\v 27 Miyo tangnga ha bepaha riha lartai Kristus umwaibeni'i Kristus.
\v 28 Walle hil lad'kma ata Yahudi loppo ai ata Yahudi, ha ata loppo ha morri, kabani loppo lawai oronage tangngam miyo wu dahem lartai Kristus.
\v 29 Nyiddawe miyo inna nadaugimmi'i Kristus, miyo inna walla wunai Abraham monno kada'k hak waris waige neddo pajaj'ji.
\c 4
\cl Kawukku 4
\p
\v 1 Hakab ategu, ana dauna kadau takage balakawai, nyila merana nade atana malohho nyikadau kaha gew.
\v 2 Nyidadahoni takabu kaharehana katoroyi mona kaulla na taumma dikini lado hangenga beda amana.
\v 3 Katauda jalana naage dida, balakawa hoda, hita da'a ata hoda wadi panu tana.
\v 4 Ma'belage, diknage nehe rahina lado, Allah nahalewai ana-Na, kadadi wali talawayi, monno nadadina takabu Hukum Taurat,
\v 5 tannam kakahkai yida kadana takabu harehana hukum taurat tannam bada bibbawe makeketa banna anada.
\p
\v 6 Oronage mikna anana Allah nahalewai wad biha ana-Na ta ateda kamaikani “Allah ama.”
\v 7 Mige walle hil ata da magimi, tabollo ana danagim. Nyiyuyo balakawau, Allah naha dadi gim miyo kaduge ledeni Kristus.
\p
\v 8 Nuthona, aim tadahoi Allah, miyo na ata gimi nama yega-yegage begge wallei Allah kelmoi.
\v 9 Nyi batauge, be bam tada dalli Allah, nyi narehi tada dahoi Allah, ahakkamam haga dawalim dokoni wad pan tana kaloja monno ai kamanu gauna? Him aw ada'hom bakda atal gimmi?
\v 10 Yauwu rayi da hoge hakako dahowe dihalado-dihalado, dida wulla, rahi-rahge, monno dau-dawu!
\v 11 Nawa'gu madautawa bara-Ga joligu n'ne ha rayigu tuttummu baraga ai laka gawuge.
\p
\v 12 Naw'wa ka'raiwe tabara-Mu, olebay-olebay, da'diwe kataudana nawwa oronage duggu bagu tuja allawe ka tauda dummu.
\v 13 Miyo wallem jalamma tabaragu. Mim tadawe, ka ulge nawa gutalaragimige kadaha tabaramu oronage pakha ngihi hapada begu.
\v 14 Lang batalka tuba taugu taugu wu'u dawe ma kaba tabaram, yawu walem paddamawu monno walem hibbamawa. Nyiba tauda dahoge, nawwa him mai taboka bam hamerega malaikat Allah, ka taudana meraknage nawa ba Yesus Kristus dauwuyi.
\v 15 Agalinnai ratu kanyuru hapadda bemu nehe batauge? Malohho, nawwa dawe baggu takkiwe tutge mi ka ull, bana dadi hewe, kahakkaguni matamu monno yigani tabaraggu, um'auwum.
\v 16 Nyi ba tauge um'muh dawalga oronage baha tingoguge kadahha tabarammu?
\p
\v 17 Rat ata na roti dahowe kana kolege, tabollo hatikkida walena dahhamwe. Yidda waleda pelu'kmani monno hamanneg nawwa u'gmayega dahodi yidda.
\v 18 Nadahhawe bada lagahara bada rayige tutge aroge dahha, monno walle  nyikelmawe bag olegimi.
\v 19 Bag anagimmi, oromi, dadi dahingwe bag taguge kalawara ha ana kahha dikkini Kristus kaha dedala tabaramu.
\v 20 Nawwag manneg, nawwa dadiwe bag oelgimmi batauge monno u'm wungngage li'gu oronage nawwa beyi hangadagu orom miyo. 
\s (Hagar dan Sara sebagai Contoh)
\p
\v 21 Tak gage tabaragu, taa. Yauwu kabaige morha ta kabu Hukum Taurat, miyo wallem rangnge memakmawe Hukum Taurat?
\v 22 Oronage badage hatolha, Abraham dudadi ana kabani na; nade wuyo na dadi walta atana lawaiyo, monno nade wuyo walta lawaina kahoila.
\v 23 Nyiba taudage, ana walta ata lawaina naha anani walta kana dauwuna, nyidawe ana walta lawai kahoila naliwe jajikira.
\p
\v 24 Hamatara dage agawe dadi kataudana tajka oronage rade duda lawayi datajkai rade duda jajkira nade wuyo jajikira walta lete sinaina monno naha anadi rade lakawa atanai Hagar.
\v 25 Nyikna nadei Hagar batauge, Hagar tajka lete Sinai ta Tanah Arab, marada ta Yerusalem batayge nehe oronage nyikna morha larrita ata-atana na oled anana.
\v 26 Mabegge, Yerusalem ata lawai kahoila, nyiho inyada yidda.
\v 27 Oronage badage hatolha: “magahara, ta lawai woto aikaha ana memada, " nawula monno na ege ate, taa yauge aika tada hingge ha ana. Bak'bak, rehi buta dahoiyi anana nade lawai nameha monno kabakdana laiyina.” \rq Yesaya 54:1 \rq*
\p
\v 28 Olebai-olebai, yauwu kana anana jajikira kataudanai Ishak.
\v 29 Banuthona, lakawa kadadi walta kanadauna nahamma yillaiyi lakawa dadi walta wad, kataudana kadadi mema inne.
\v 30 Mabegge, agai hatakna lina Morida? “Wuggai atana lawai nat monno ana na oronage ana ata na lawai nattu wallena bana ole umma oledi monno ana lawai hoila, waldahoge talawai dauna hoila.
\v 31 Oronage, bag olebai-olebai gimmi, yitta wale lakawa-lakawakmada kawalta atana lawai, tabollo walta lawai hoilada.
\c 5
\cl Kawukku 5
\s (Kristus Telah Memerdekakan Orang Percaya)
\p
\v 1 Tutge hoila, Kristus naha hoila beda yitta, oro nyiwe dede didrami monna illam aupikam bamditawe bada atagim.
\v 2 Rangngewelah! Nauwa, Paulus, ug takgimige tabaram miyo bam hibakawe kabunyi (sunat), Kristus walleladama gauna tabarammu.
\v 3 Hadaka piwalge, nauwa ug takgimige tabara tangnga kahana ata khibbawe kabunyi (sunat) nyiyo nadokdahoge tangngage inna Hukum Taurat.
\v 4 Miyo bam waikage antami kamma tena balimmimi bam hakako we inna Hukum Taurat, watte damige inna morham waltai Kristus monna miyo tannamige inna mawara.
\v 5 Leden Wadbiha, waige hatena yitta da yanne-yanne naha manneda katena.
\v 6 Oronage nedo tai Yesus Kristus kabunyi (sunat) monna aika kabunyi (sunat) walle lada ngabege. Inna hatena nyidawe karai ulla ledege manawara nyidwe kamang ngabena.
\p
\v 7 Kadahha malaina mibe. Iyai kapatagimige bam dokuge inna katena?
\v 8 Inna mawadda walle kawalda'a mawe tabara-Na nada kamaika gimmi miyo.
\v 9 Inne ragi kahodi kinna tangnga kahage inna adonan harayi na pannewe.”
\v 10 Nauwa dage hatena tabara nedo tai Mori, oronage miyo wallem hibbamawe hangada kaheka. Tabollo, langka iya dahingkai nada kakauragimi nyi nahibba dahowe ba hokuni.
\p
\v 11 Inna bag ole baigim, inna nauwa bag hadikki dahomige tabara migge inna kabunyi (sunat) ahha nauwa mamhamayilla allahoa? Inna bataudage ge watu widda tabara yayu kadailo bad'a hikkalani.
\v 12 Nauwa, waimannege yida kaha wologim miyo dakabunyi (sunat) wikd'auwe tau d'auda.
\p
\v 13 Bag olebaigim, miyo beha maika bem kam dadi hoila. Tabollo, illam waikage na hoilammi bawudawe rahge bam morha nedo taka nogo dadi ata, taboolo hatullu wikdami dihha monna dihha waige nedo manawara.
\v 14 Oronage, tangngage inna Hukum Taurat badda banbege nedo ta wu linai Mori, “Manawaran olem ata katauna tau d'aumu.”
\v 15 Inna bam hakati monna bam haballo wikkana, hamatrage tannam miyo kaillam hamate wikna.
\p
\v 16 Inna, nauwa ugtakwe, morhamla nedo ta Wadbihha, kaillam rayige agawe hama'age ate kadadi atamu.
\v 17 Hama'age inna tau kadadi atamu namagabbawe hakab atena Wadbihha, monna naha kab'atena Wadbihha namagabbawe hama'age tau kadadi atamu, oronage rada kadudana badda hagabbana, tannam miyo kaillam rayige agawe na ma'dumi miyo.
\v 18 Tabollo miyo banna letekami Wadbiha, miyo walle lamagim takabreha Hukum Taurat.
\p
\v 19 Haulla taha kab'atege tauda na hirawe, inna jala harayi lawai kabani, kamanyarha, kama'a ate,
\v 20 hama nutayi kabalka, kwaha pagtana, but' ate, hangangarana, kawi ta ate, bani ai ha anta padeka, hamatrage dau dana, hagabana, walehawumana,
\v 21 kawina, en we kaha yanna, tunnu teba, monno ole dabbarada. Nauwa ug ha apegimige tabaram na batauge, kataudana beha nuawa begim kaullu, iyai karayidi kataaudana nyi walle natamama ta kalingngora haraehanai Allah.
\v 22 Tabollo inna, wuna Wadbihha ngabege manawara, egeate, maringi malala, maloya, karame bana, kadahha, manono,
\v 23 libawa, monna kuaha dauge tau. Walle ladama uk kanogo kagaba tangngadi rada.
\v 24 Yida kabada dad daubenai Yesus Kristus badda bebe hadailowe kama'a ate kadadi ata lohho tangadi kama'ana monna hakab atena.
\v 25 Inna yitta morha oro Wadbihha, nadahhadahowe yitta bada kako dokuge waini Wadbihha.
\v 26 Illada dadi wutogoka yitta, hakaura wikna, lodoge hawi ate wikna.
\c 6
\cl Kawukku 6
\s (Saling Menolong)
\p
\v 1 Taa, Bag olebaigim, badaka ata hakolem kalaiwe liharayi ata miyo kaengahone ta alara katena umpahaga dahoni nak ata katauda hadana waini wad biha kamaloya. Umhamatara wikkim tannam kaillam hadokum mon.
\v 2 Hatullu-tul wikkimlah. Bamu hakakowe morhami kana banuge bam dokuge ukge parehanai Kristus.
\v 3 Nyi badaka ata banning kalinna, be wale tauda kelmoge, kawoho wiknage.
\v 4 Maida dihha ata kada kaba wikida harayida. Halege, bana torowikdauna, monno bana hameradi ta ata wadeka.
\v 5 Oronage, tang'ngadda ata da tagdaudahodi haditada. 
\s (Tetaplah Melakukan Hal yang Baik)
\p
\v 6 Iyai kakolena lihanuwa walta linai Allah nyio nabahe kahha dahowe kadahha walta ata hanuwana.
\p
\v 7 Iyam paallekau. Allah walena baimage bama lengo waini oronage ata nakoledauwuge liha rayina.
\v 8 Ata kahabbra karayige kabokala nakolehoge aika dahha oro bokalana. Tabollo, ata kahabbrage waina wad Biha nyika kolege morha aika man dukkana walta Wad Biha.
\v 9 Illado lojaka rayige kadahha. Nyi badikkage rayige, dakolege mat aida loja.
\v 10 Nyiba nyiduwe bada kolena maloga, mai kada raina kadahha tabara ole atada, tubage ta olebaida kahha tena. 
\s (Paulus Mengakhiri Suratnya)
\p
\v 11 Torroi pirra toudi madkkadi hatolhag tabaramu waiyid limma dau'ug.
\v 12 Rado ata kabaige hatingngoge kadahha walta hada atana kaduhhawu kabunyi [sunat]. Yidda karayige kataudana kailladama nyillawu oronai kadailona Kristus.
\v 13 Yidda kabunyi [sunat] daumu illada dokukadi ukku taurattu, tabollo yidda daka makge yidda mi bami kabunyi [sunat] homi da jalage yidda kana dadiwe yidda bada boggang dangage tauda oroge bam kabunyi [sunat].
\v 14 Mali i'g boggang ngukwa helena tabarai Yayi Hadailona Tuhan da yitta, Yesus Kristus. Ledena ta yayi kadailo-Na, pan tana kadailobege tubagnauwa, monno nawwa ta pan tanauwa.
\v 15 Kabunyi [sunat], monno aika bunyi [sunat] lakma gauge. Kabanningna hibbawe morha beru.
\v 16 Tangngad ata kahha kakowe yinne ukku, nyikanna engage yinna ma ringngi monno malala kanna engage tabarada monno tabarad Israel dau daunai Allah.
\p
\v 17 Tamurge, illa laka ata kahha pitoga nauwa [paulus] oroge ug'ngidwe tad'kanna Marabba Yesus ta tauwuggu.
\p
\v 18 Bag olebaigim kanyuru kage marada ate Morida Yesus Kristus ka'daa ole dangnga gim. Amin