lmy_reg/48-2CO.usfm

\id 2CO
\ide UTF-8
\h 2 Korintus
\toc1 2 Korintus
\toc2 2 Korintus
\toc3 2co
\mt 2 Korintus
\c 1
\cl Kawukku 1
\s Maringna wali Tai Paulus
\p
\v 1 Paulus, wuata Ledelina Kristus Yesus dokuge hakabu atei Allah mono Timotius, angwuda yitta, tabara kangote Allah kadana ta Korintus loho tangada ata kamuraha kadana bali ta Akhaya.
\p
\v 2 Kanyuru tabaramu mono moli kamaringna waltai Allah amada yitta mono morda Yesus Kristus.
\s Ucapan Syukur atas Penghiburan Allah
\p
\v 3 Nahakanyuru kami Allah mono morna yitta, Yesus Kristus, ama kabana milla atena mono Allah Agu Ate.
\v 4 Kagodo kokom miyo lar tangage mayillama nami dajalage nami jala dadiwe Agu Ate yidda kadana tatillu mayilla kabuta waige Agu Ate, lohho dimawikidawu Agu Atemai Allah.
\v 5 Oroge, katauna tangnga ngara mayilla Kristus bana banuge lar tanami, tauda jalanage Gau Ate nami majabolawe ledeni Kristus.
\v 6 Nyi nami bama mayillaka, tangage tubage Agu Atem mono hoilamu. Waleka, nyimami Agu Ateka, tangage Agu Atemu, karayi ullada lar katahina tapanu tangage mayilla kahamera, hapada jalama.
\v 7 Nami mamannege tabarami bamu diddara oroge nami bama tadawe bamu ngala jalawe mayilla nami, tauda jallage nami mangalawe tubama lar tagoda kokoma nami.
\p
\v 8 Bagu angu wugimi, nami walema kabu atekmage miyo aimu tada waliwe inna mayilla nami hapaddama ta Asia. Nami mapaddage bibtage rehi walita kulhama nami dajalage bana batai pahangaddama bama engana moriha.
\v 9 Banningge, nami madauge liyo hoku mate lar ta tau wikidauma nami dajalage illama manne wikidauma tauma nami, tabollo tabaranai Allah kaha kaddebe ata kamate.
\v 10 Nyiyo kaha lohota bema nami wali ta ata mate hamayiggi ate danga inna mono kapalohotama nami wali. Tabarana nami mamanneni Nyiyo napa hoilama nami wali.
\v 11 Mi jalla mudokuge tulgama nami ledege sembayangumi nyi kana buta ata waiyi kalinada ledege ngarama nami oro marada manawara hayibe tabarama mami ledege Sembayangna ata buta.
\s Haberuwe Hakabu Ate Paulus
\p
\v 12 Nyiwe inne hamadakka ate dangama, wale agamawe pahuge ngihi atema nami bama morha inne tapanu tana, hada baning tabarami miyo, waige morha mono kalaku atei Allah, wale angta panu tana dakmawe, tabollo oro kanyuru wali tai Allah.
\v 13 Oro, nami walle tolkhamawe hada wadwka tabaramu ai nyikawe kam bahabaemi mono hayappa bemi. Hakabu ateg tannam kana rehina bannuge bamu yappawe.
\v 14 Tauda jalanage miyo bamu yappa bewe wadeka tubama nami, wale agadakmawe inna nami nyiwe hamadaka ate dangama tauna mijalla nami bana dahhai atema, Taladdonai Mori Yesus.
\p
\v 15 Tamamannema, hakabbu ategu nauwa kagu mai ullwatahadauna dajallage miyo kamu kolege kanyurru haduyo wudda wai.
\v 16 Baige bagu lo dikkimi miyo bagu kakowa ta Makedonialoppo miyo bana bana dadikawe bamu tulga bagu arowa kako ta Yudea.
\v 17 Nyi batauda dage inna, nadadikawe ta till gedo pahangadda nauwa bagu hangaddage? Walleka, agakawe hadinyakagu, nauwa gu hadinyakawe hada panu tana jalage tubagu dage kahamera “Ngo, ngo mono Walle, walle”?
\p
\v 18 Kahatujja taunai Allah kamijja, hatakma nami tabarami wale nyidakmawe “Ngo” mono “Walle.”
\v 19 Oroge, Anai Allah, Yesus Kristus, hatalara tadalarami ledema nami, ledemoga nauea, Silas, mono Timotius walle nyidakmawe “Ngo” mono “Walle” tabarana Nyiyo.
\v 20 Oroge, tangge pajajinai Allah dukka hege “Ngo” tabaranai Kristus. Nyidawe oroge, ledeni Nyiyo, mami hanewdage “Amin” nami tubage manadanai Allah.
\v 21 Mono, Allah kahadidarama nami hamera ole dangami miyo tabaranai Kristus, kalewu beda yitta,
\v 22 Lodoge kataubeda tadada yitta mono kayibeyi Waddi katengna taateda yitta kahamaddoda.
\p
\v 23 Halegge dawege, nauwa kamaikani Allah ba nyiyo kaetagani urragu bana dadiwe taugu tabarami walegu mapik mahowa ta Korintus.
\v 24 Wale oro nami nana hareha tapanu hatenamu, tabollo nami ulla ole dangagimi tubage ege atemi oro tahatenamu, miyo dede diddarami.
\c 2
\cl Kawukku 2
\p
\v 1 Nyiwe, nauwa puhtabewe tuba taudaugu ina nauwa wale hilug maimawa lagge tabaramu lari tamaropo ate.
\v 2 Nyiwe nauwa bagu rayige miyo hamaropo ate dangami, iyaknage karayigage halagahara dangagu, heleni nyiyo harayi begu hamaropo ate dangada?
\s Ucapan Syukur atas Penghiburan Allah
\v 3 Nauwag, tolhawe, tauna nauwa harayigu, kole nauwa bagu maiwa, nauwa wale engag kole mage maropo ate wali tayidda kapahadahowa nauwa halagahara danga. Oro, nauwag pada mannege tabaramu miyo tangami.
\v 4 Wali batadi mayilla mayilla mono pakha ate, nauwa gutulha mige tabrami waige butadi majoku we'mata, wale tutu rayi maguge hamaropo ate danga, waledakma tanyiduwe miyo kana dadiwe tada manawara hakolegu, tabaram miyo.
\s Mengampuni Sesama yang Bersalah
\p
\v 5 Tabollo, nyi badaka kahaoro mana maropoyi atemi, wale nyimak kahaoro hamaropo ate dangagu, tabollo tawatte kayannana--dajalage nauwa waLegu harehi magimi--tutu miyo tangan.
\v 6 Tubada ataq katujana nadda, haapena wali tamiyo kabuta tutuwe tubana.
\v 7 Oroge, kabalige rehina dahoge hawalidi mono Aguateyi dajalage ata kataudana nada illa talaluna tamaropo ate kalojakko.
\v 8 Nyi, nauwa duharagimi miyo tutu pahiragimige manawara tabarami.
\v 9 Oronage, tutu ine dumowe nauea igu tulahamige tabarami, haluguna dajalage nauwa kana dadiwe bagu tadawe tadage, dadikawe miyo bamu manuddu lari tangage.
\v 10 Wuata hawalimi, nauwag hawali jalani. Oro. Agawe nauwa hawali begu, nyibadaka hawali dangahogu, nauwag rayige oro miyo taaronai Kristus,
\v 11 Waige, bataudage kabalka wale hautukmayi wali tayita oro yita tadawe tangage hakabu atena.
\s Gedo Pahangadda Mono Malogai Paulus
\p
\v 12 Kole bagu dikiwa ta Troas tutu talarage Li'i ege ate Kristus mono kole Binna mabugerawe tutugu lar taiMori,
\v 13 Wale lakmahoge malogana Waddigu oro aigu tabokahoi Titus, Anguwugu. Nyidawe, nauwag hanuwa tabarada yida mono kako ta Makedonia.
\p
\v 14 Tabollo, waiyi tabarai Allah. Ka'irru juwama nami tatailo larr tai Kristus hade'lage kabau burata tutu tadayi Nyiyo ta dihha padau, lede'ma nami.
\v 15 Oro, namiduna bau burratai Kristus tubai Allah tajongada yidda pahamane marabe mono tajongada katamrana liloko.
\v 16 Tubana wuyo, namik'dunage bau kamate tutu kamate, mono tubada wadeka bau hamorha danga tutu morha. Tabollo, iyadui katahige tutuge hada inne?
\v 17 Oronage, nami wale tujjamai ata buta wadeka kamalajage Linai Allah. Gabbage, larr tai Kristus nami hanewe taaronai Allah waige murraha, tujjada tangada ata pahalewnai Allah.
\c 3
\cl Kawukku 3
\s Tangada Kahanukkuwe Jaji Beru Walitai Allah
\p
\v 1 Dadikakwe nami bama haegege daikawikkima nami dauge? Wale tujjana kapirrana ata, dadi kawe nami raidahona jurrata madaika tutumu waleka wali tanami?
\v 2 Midunage jurratama nami, kamatulha lari ta atema, hatadana, mono habahhana tangana Ata.
\v 3 Miyo hatingoge inna miyo juratai Kristus pahanukkuma waima nami. Hatulha wale waimana we'pena, tanyiduwe waini Waddnai Allah kamorha, wale tapanu watu kabatu, tabollo ta'dawa ate kadadi ata.
\p
\v 4 Hatena katujjana inna naming Macau begs tabarai Allah ledeni Kristus.
\v 5 Balimmage, waige tau dauma nami. Tabollo mukka mage nami walihege tai Allah.
\v 6 Karayi be'mage nami mukkage dadi kahanukkuwe jaji kaberu. Wale doku'k madi kamatulha, tabollo wali taWad'di. Oro, kamatulha rad'da nahamatewe, tabollo Wad'di nahamorhawe.
\s Manada Madaka Wali Panukkuna Wad'di
\p
\v 7 Tabollo, nyi pahanukku kododage tahamate danga, waige kamatulha tangngage hatulhayi tajurrata watu rada amige waige manadana, hohokmowe ate Israil walena dadik'mawe torro nage matanai Musa oro manadana ina, doku dage laddo neda manada da narewu bewe,
\v 8 Walem tada'k mawe pahanukkuna Waddi mangu manada loho rehi madakka waliwe?
\v 9 Oro, ina pahanukku nakodo hokuge dage manadan.
\v 10 Tau takanage, agawe ulluge hayappada manadan kamajabola ina.
\v 11 Oro, ina karewu rewona amige waige manadana, rehi widigela aikadukkana inala larita manadana.
\p
\v 12 Oro badage hamanneda katujjana ina, nami mawaige bani atema kamadakka,
\v 13 Mono wale tujadak'mawe tai Musa, katauge kubbka tamatana dajalage ana'da Israil ilada dadiwe etawe kapodige wali agawe karewu rewona ina.
\v 14 Tabollo pahangada'da yida nakatubewe, kaha lad'do nehe, larr tatillu bah'hawe. Pajaji katiyo, hakubka dadiwe bakeketayi.
\v 15 Loho kah'ha lad'do nehe, kolei juratai Musa ba'bahawe, wuyo kama'kubka tonida'di ate'da yida.
\v 16 Tabollo dikige wuyo ata bana hag'ga ta'i Mori, hakubka ina enga keketawe.
\v 17 Mori Nyiduna Waddi mono tahadawu Waddi Mori dani, neda bali dage malohta.
\v 18 Mono yitta tangngada, waige mata aiha kubka nakanino dawe hamanadai Mori, tamrage haberuwe tahada kahamira wali tamanadan tabara manada, hamera tujai Mori, Nyik'na nada Waddi.
\c 4
\cl Kawukku 4
\s Hakabbu Atenai Paulus Tatillu Haullana
\p
\v 1 Oro batauda dagge nuttu, walli bama kolege inne haulla, ba'agalinna dawe manawara kawali tai Allah, walle namarrahamayi atema.
\v 2 Tanyiduwe, nami matullarage tuttudi kabunyi harayima, wale nakakomaiyi winnima, walleka nami hapallekayi Lii biha madinai Alla, dukka dahege bama takkiyi katena, nami mahatingngo eikina nami dauwu tabara ate murrahada ata taaro matanai Allah.
\v 3 Lohho, nyi hatenama nami bana matoni kahoyi, Lii bihhanai Mori na matoniyi tuttuda yidda kahoku halinnawe,
\v 4 Katajongada, nyiduwe panu tana inne karayi dage pahangaddada aikahatena walle da'etamawe magakaha katengna Lii bihhanai Kristus, Nyi katujjayi Allah.
\v 5 Oronage, nami aima takkiwe mawe tuttuge dauwu-dauwumu, dukka dahegei Kristus Yesus nyidunai Mori mono dauwuma nami dauwu tuttu haullamu Oronai Yesus.
\v 6 Oronai Allah, kahanewe, “Nyammakage karewo kana magakahage tatillu kapagtana,” kamagakaha benna ta'ateda yitta tanamu kana magakahage pahangadda'da tuttu katengunai Allah kadana ta matanai Kristus Yesus.
\p
\v 7 Tanyiduwe, inne pote nami ma'dauwuge ka'dana ta yarro tanah tanamu kana majabolawe kawaha kawali tabaranai Allah mono walle kawali dakmawe ta pola tauwu dauwuma.
\v 8 Nami danakkogama ta tangnga ngara hawali, tabollo walema mangappetama. Nami ma gelagagga, walema domora dangngamage.
\v 9 Nami da'palugama tabollo walleda tanna magama. Nami da'baitagama tabollo walle da'hamatemama.
\v 10 Nami mangiddi juwawe matenai Yesus ta pola tauwuma nami tanamu Morhanai Yesus mahatingngo jalage ta pola tauwuma nami.
\v 11 Oroma nami, inne kamorha, maduttu pahaddege tabarada kamate oronagei Yesus tanamu morha jallanai Yesus nadedowe ta tuba tauwuma nami inne kamanyariha.
\v 12 Tauda dage mate na rayi ullawe ta pola tauwuma nami, tabollo morha na rayi ullawe ta tuba tauwumu.
\p
\v 13 Nyi batauda dage, lohho badauwuge Waddi hatena kahamera, katauna kamatulha, “Nauwag hatenawe, oronage nuttu nauwag hanewe bewa,” nami jalla hatenawe mono oroge nutu, nami jalla mahanewe.
\v 14 Oroge, nami matadayi Nyiyo, ka hakadde haggayi Mori Yesus, enga'da hakadde dangnga jalla gama lohhoi Yesus mono da marrangnga gamma olegimi ta'aro mata-Na.
\v 15 Oroge, tuttu tangngadi radde kadadi tangadi kabaningna tanammu kanyurru, ka rehina dahhekaiyi ata buta, na mirayi waii baliddani Allah katenguna.
\s Morha Oro Hatena
\p
\v 16 Nyidawe oroge, nami walena kalli marraha mayi atema. Langba talka pola tauwu atama nami natadorohawe happad'dama, tabollo ata piyo nami da'haberuma dammage-dammage.
\v 17 Oronagge, mayilla kalewara inne batauwuge, da'ullagama tutma nami diha'wu kamajabola karehiyi tangnga-tangngadi.
\v 18 Nami Walle ma hammattara mage tuttudi haeta. Oronage, tuttudi haeta nyiwe katangrana tabollo tuttudi haeta yidda daiyi aika hadukka.
\c 5
\cl Kawukku 5
\p
\v 1 Oroge nami bama tadawe tuttuge rabo, inne ha dauwuda yitta tapanu tana da'hegarage, yitta dakolege wuu umma kawaltai Allah, umma aiha rayi waina Limmana, aika hadukka ta Surga.
\v 2 Kataukalana ba da'da inne ta rabo, yitta da kabbu atege oro bada kamaduge tanamu yitta kada kolena hadauwu ta Surga.
\v 3 Oroge, yitta bada kolekage, wale gaumada bada kalolu.
\v 4 Kataukalana bada engana inne tarabo, yitta da rainoge mono bibtawe oroge yitta walle da kabu ate mage kalolu dukka dahege bada waina kalabbe tanamu nutu ka'akta na kaballo bege oro morha.
\v 5 Batauge, Nyiyo na hadinyakkada tuttu dau aroge inne nyidunai Allah, kayida waddi katenguna.
\p
\v 6 Oro batauda dage, nami dutt tahige mono paddage oronage nami ba dagema ta umma tauwu inne, nami da'gama ta ballinai Mori.
\v 7 Oronage, nami ma morha oro hatena walle oro ba dage ta urra matana.
\v 8 Tanyiduwe, nami ma tahhige mono rehi baidahoge bama engana inne ball pola tauwumu tomage enga ole dangngani Mori.
\v 9 Oro batauda dage nutu, nami ma runni dahoge tanamu nami kama mayanna ta aro mata-Na, mo bamma enga kana inne ta umma ai walleka ta ballhaddi.
\v 10 Oronage, tanga kahhada yita da haaroda ta kabu parehanai Kristus tanamu tangngada ata da hibba haggawe tuttudi harayida larr ta tauwuna, dokuge ba agayi harayibena, kadahha ai waleka ka japata.
\s Pahakako Kayannana Wali Tai Allah
\p
\v 11 Oro nami bama tadawe gauwuge madautani Mori, ma nami hamanne daddi ateda ata heka. Tanyiduwe, nami manada benna tutnai Allah mono nauwa mannege kadedo walli tuttu ate murrha.
\v 12 Nami wallema hill kabu atemage daika wikkina nami tabaramu, tabollo nami mayigu mahiggo tuttu madakka ate tabarama nami. Lokko bataudage, nami enga da'daho habaleha waimadi tuttuda yidda kamadakka atena tuttudi ba'agayi ka dana ta dawa atena.
\v 13 Nami aima dadi wikkina nami tutudi rattu nyiwe tuttunai Allah. Aima dadi wikkima, tuttudi ratt kabanningumu.
\v 14 Oro manawarai Kristus kawahagama nami aima ublla kahowe nyi ba'dadalka wu ata kamate tuttu tanga kahhada, tannam tangakahhada da mate.
\v 15 Mono, Nyi tuttuda tangkahhada yidda kamoriha tuttuge dau'da, dukka dahege tuttuna Nyiyo, kamate mono hakadde haggayi oro'da yid'da.
\p
\v 16 Oroge nuttu, wall batauge nami wallema tada dahingmana wu ata dokuge hada'di ngiddina. Langba ma kall tadayi Kristus waige da'di panu tana, tabollo ba'tauge nami walema hillu ukraman-Ni katujjana nuttu.
\v 17 Begge, iyayi ka'dana tai Kristus, nyi abbu pahaberuyi. Tuttudi rattu katiyo pungnga bedi, torrowela tuttudi ka beru ammi bedi.
\v 18 Tangnga kahadi rade kawali daiyi tai Allah, kahawuda yitta lohho Nyi-dauwu ledeni Kristus mono yida yitta haulla nutu kahawuna,
\v 19 Nyiduwe larr tai Kristus Allah na ublawe panu tana waige tauwu dauwu-Na, lohho walle na yapumadi tangngadi hajala harayida yidda mono nahatenayi harangngena tuttu yitta
\v 20 Batauda dage nami duna ata pahalewanai Kristus. Allah nahatingngoge kamaika-Na ledema nami. Nami matakkiwe tabaramu oroi Kristus, yii wikkimu tanamu tanamu na ubla waikagei Allah.
\v 21 Aikatadwe doku na rayibe-Na ka dadi doku oroda yitta tannamu yitta na hateng benai Allah larr ta Nyi.
\c 6
\cl Kawukku 6
\p
\v 1 Mono, ba rayi ulla dangngani Nyiyo, nami jalla ma dullawu tanamu ka illamu wala-waikage kanyurru hayinagui Allah.
\v 2 Oronage, Nyi na hanewe: “Ba dikige rahaige Nauwa baggu mayanna, Nauwagu rangngemi, mono ta laddo katolka, Nauwag tullu gimi.” Hamatarage, batauge nyiwe nuttu rahige baggu mayanana.
\p
\v 3 Nami walema daikamami langka ba iya hangkayi tanamu tillu banu hakakowe ha'ulla walle da languliramami,
\v 4 Tabollo tangnga ngara ukk da bamu hatingngo wikkimu nami ba halewanagamai Alla ta tillu haullana, lohho bannuge manuddu larr ta tangngage ma waige manuddu kamayilla, kahhina, walle kole hingmana langka aga hingkayi,
\v 5 Palu, tama ta gallu, hatauwu, ri-ri kaluta, walle dura'ma, kareba
\v 6 lohho bannuge murraha, tada, maloya, li bawa, waddi katengna, manawara,
\v 7 hanewe katena, kawahai Allah, ha'waiyi katena ta limma kawana mono ta kaliyo,
\v 8 katengna mono kamarihhaka, langu-lira mono daikayi, meranage kaballi nyikawe ma'tena kaduna.
\v 9 Nami merange ai'da tadama, tabollo da tadama; meranage ka'arona mate, tabollo torro dawela, nami ma morrha; kataudana ata ha'tauwu, tabollo walle da hamatemama;
\v 10 Meranage kamayilla, tabollo duttuda lagebora, nami ma dengo, tabollo yidage ata heka kadda pote, walle da'dahingmana aga anna, tabollo dauwu daddi tangnga ngara dukkadi.
\p
\v 11 Nami ma buggerage ba'ma tabarami, ta! Ata Korintus, atema nami namabuggera beiyi.
\v 12 Miyo walle ma pattu mammi, tabollo miyo na mapattuyi ate dauwumi.
\v 13 Batauge, pa'hagabba waiyi kahamera--nauwag hanewewa na hameradawe ta anagu--walle namabuggera mawe atemu.
\s Hanauwu Aikahalolungna
\p
\v 14 Illam hatanga wikki kana aika halolungna lohho ata aikahatena. Oroge, kahamera ka dana ta tillu katena mono kajapata? Aiwalleka, agayi kahamera ka'dana ta tillu magakaha lohho kapagtana?
\v 15 Agawe kahamera ha'dauwunai Kristus lohhoi Belial? Aiwalleka, tuttu agadawe ka dana ta jonga ata hatena?
\v 16 Mono, ba'agawe kahawuna ka'dana ta jonga Ummanai Allah lohho Bara marapu? Oronage, yittaduna Ummanai Allah kamorha, katujana li'nai Allah, “Nauwag engana tajongada yidda mono kako tajongada yidda, mono Nauwa duna Allah da'yidda, mono yidda engada dadiwe baggu ana-Di.” \rq Imamat 26:11-22 \rq*
\q1
\v 17 “Oroge nuttu, kamm huna wali tajongada yidda, mono pahewa dangngadi,” hatakkinai Mori. “Mono, illam jojakayi ba agayi ka otora, ma enga nyiwe Nauwa baggu hibbami.”
\q1
\v 18 “Mono, Nauwa enga Amamiga miyo, mono miyi na dadiwe bagu ana-Gimi lawaiyi mono kabani, “tauda dage li bihhanai Mori, Kanadana. \rq 2Samuel 7:14; 7:8 \rq*
\c 7
\cl Kawukku 7
\p
\v 1 Oronage yitta da'ge inne hajajida, miyo hamanawaragu, mai kadda hamurraha wikkina yitta wli ta tangngadi ka otora ta tauwu atada mono waddi atada tanamu kana bannuge katenguna waige bada madautani Alla.
\s Lagaharai Paulus
\p
\v 2 Yigama hadauwu tubama nami ta atemi. Nami wallema jalama langba iya hingkayi ata, mono walle ma ngalamawe hautu dangnga langba iya hingkayi.
\v 3 Nauwa walegu takki mamige inne tuttuge bammu hajalawu, nauwag takk bemige tabarami oro miyo da'gimi ta atema, tanammu kamate dangngadi mono morha dangngadi.
\v 4 Madakkawe hamannegu tabaramu, madakka ategu wale anahing manage tabaramu, nauwa na bannuga madaika, nauwa namirawe lagahara larr tangkahadi kamayilla.
\p
\v 5 Lohho, bama dikki ta Makedonia, na kadannayi tauwuma, dukka dahege bamma mayilla tangnga ngara haduwu walidi, yidda duiyi, habarre-barrena kawali ta ball haddi madauta kawallari.
\v 6 Tanyiduwe, Allah, nyi ka ha egedi ata bata ate, ha egema nami ta jonga ba ammi ni Titus.
\v 7 Walle nyikellu mawe ba ammini, ta bollo ege atena ka rayini na ege ta jongami mi, ka taudana ha dulkadaga ta barama nami tuttu ge ha kabu atemu, mayillamu, kadangkami ta baragu nauwa tomage nauwa na rehi egewe ategu.
\p
\v 8 Bewali, mangka talka nauwa gu gu hamila mige atemi oro nut jurratagu, walle na pakha mawe ategu. Bana nikki walkawe bana pakhawe ategu, nedo bagu etawe oroge jurrata neddo na maropowe atemu mangka aina mojage.
\v 9 Ba tauge nauwa gu ege atewa, walle nyidamawe miyo bana millayi atemi oro jarrami, oro ge miyo millayi atemi meranage ha bai Nai Allahto mage miyo walle harogimami wali ta tangnga hingge oro miyo.
\v 10 Sebab, milla ate kaha tujja ta ha bai Nai Allah ka ngihi danage jarra ayi ha milla ate dangnga monno na hatuttu da ha hoila dangnga. Tanyiduwe, Milla ate panu tana na ngihi dage ha mate dangnga.
\v 11 Oroge, hamattaragela ba tau kalage butage milla ate ka hatujja ta habai Nai Allah nedona ullage ta baramu ka hatetakanna kama dakka, tadage miyo ai pangngu jalami, buttu ate, madauta, manawara, kadangkami monno ha taumi gabbana. Ta jonga tangkahadi, miyo mu ha tingngoge tadage oroge miyo aimu jalami tutuge inne.
\v 12 Monno, mangka nauwa gu tulhawa jurrata ta baramu, tuttu ba taudage walle ha wayima dage ata karayina jala monno walle ha wayimadage ata paha jala, tanyiduwe oro ka tauwu takkanage ta barama nami paha dedo ta aro Nai Allah.
\v 13 Nyiwe oroge, nami ma lagahara. Ta balge lagaharama nami nedo, nami rehige bama ege ate walli ta pannu ege ate nai Titus oro wad atana na hoila oro tangngami miyo.
\p
\v 14 Lohho, bagu kalkawe naika-naikami mi ta barai Titus, nauwa walle hamakke mawa. Tanyiduwe, ba aga linnawe nami bama takkiwe tangnga kahage ta baramu ta tillu katena, tauda jalage ma daikama nami ta aronai Titus tadage tenage.
\v 15 Monno, manawarana ta baram mi na mataba madakka we. Bana nikki kage apewe manuddum mi tangngam. Ba aga limmi mi bamu tabokai ba aminni waige ma dauta monno karedi.
\v 16 Nauwa gu ege atewa ta tillu tangnga ge hada nauwa gu dauwuge ha mannegu ta baram mi.
\c 8
\cl Kawukku 8
\s Maraka Manawara Hakahhada Ata katenga
\p
\v 1 Inna batauge, tangami haolebai, nami makama'ge tabarami kamu tadawe tutuge maringi malala Allah hayibena tajemaat Makedonia.
\v 2 Oroge taukaladi butadi kamaka'ba tatillu kamadori malara, morha majabola ege ate lopo bataukalege kamdori malara yidda da'morha motu makora tatillu pote majabola bana bisa madige ate'da.
\v 3 Nauwa'g halarada'ge hapad'dagu oroge yid'da, loppo da rehi walpoyi ina halauhada dokuge habaiyi ate'da.
\v 4 Yid'da darainoge kawali ta ateda tabarama nami tutuge maringi malala tanamu tanam kayapu gauma tatillu haulla'da tabarada ata hapedena.
\v 5 Mono, yid'da duyi radde harayida yidda, wale tujadak'mayi hamannema, baibuge yid'da da yi wiki dauna tabarai Allah, tanamu tabarama nami habaiyyi Allah.
\p
\v 6 Nyiwe batauge, nami maduhhayi Titus, katauna nyi bana kapuge, tauda jallage nyi dumowali enga napannuwe tutuge haulla maringna tatillu tajonga dalarami.
\v 7 Lohhowali, katauna miyo bamu morha majabola tutge ngaradukadi papanukkumi, tatillu hatena, hanewe, pahangada tangadi harayi ulla, lohho manawarami tabarama nami, kataudajalage dimi kana bann gimi morha majabola tatillu maringi malala.
\p
\v 8 Nauwa waleg takimamige tutuge inne, ba meradanage wu hareha, tanyiduwe wudawe nyi tutge bana yiwik takana hada ata waige wiha atena ta tillu manawaramu.
\v 9 Oroge, miyo bamu tada damowe tutge maringina morida yita Yesus Kristus, oroge langbana pote majabolaka, nyiyo na li'i bawa kahad'da millaNa, miyo kammu pote majabola.
\p
\v 10 Mono, ta tillu taudage nauwa yiwe pahangad'dagu, tutuge ine hautu danga mige, wali ta'dau kalangana, miyo wale nyidakel mawe bamu rayige, tanyiduwe engam kabu atege kamarayige balimimi.
\v 11 Nyidawe, batauge, neda haulla tanamu kana tubawe tutuge bamu yi'wikkina tutuge kamu panuwe ba'agayi kadana tabaramu.
\v 12 Oroge, nyi ba'dakage kabaige yi'i, agai hayi'ida engage ba'hibbayi, waige agayi haduna hada wu ata, mono wale nyida'kmawe ba'ai dau'dadi.
\v 13 Tutuge inne wale tutu kana lewarawe tutuda ata wadeka, mono pahaditami miyo, tabollo tanamu ka'dage kahatibarana.
\v 14 Nyamakage karehina ha'angtamu batauge kamupannu waige agayi aikahatutu hona ta tubada yidda tanamu ha'antada yida tanamu kana hatutu waige ba'agayi kadabbomu. Mobataud'a dage ka'dage kahatibbarana.
\v 15 Kataudana kamatulha taa Jurata Biha, “Ata kakahha habutana, walena rehi dangngaamage mono ka'kahha hodikina, walena dabbo dangamage.”
\s Pahalewayi Titus
\p
\v 16 Tanyiduwe, waihadawai tabarai Allah kahadinyakanage atenai Titus kahamera kataudana nauwa padauwugu tutum miyo.
\v 17 Oronage, nyiyo wale nyidakel mawe bana hibba madi ba agayi pahanuwamani, tanyiduwe waige hawali atena aika amna, ammini nyiyo tabarami oroge hakabbu ate daunage,
\v 18 Oleni Titus, nami ma'halewai wu'u olebai hadi daika larr ngara dukkage kangote jemaat tatillu hakakowe linai Mori.
\v 19 Wale nyukel mawe, nyi jalla da halewayi Jemaat-jemaat tanamu kama kako ole dangngani nami tatillu hakakowe haulla manawara inne hakakoma tanamu kangidi waige hamanadai Mori mono tutu hatingoge hawli atema nami.
\p
\v 20 Nami ma'haatege tanamu kailla daka ata kapaddama nami tatillu ba'yiwe aika anana tanagara dukage pahalibbama nami.
\v 21 Nami engage bama hatamage agawe harayima katena, wale nyidakelmawe bana etawei Mori, tanyiduwe tatillu ha'etana kadadi ata.
\p
\v 22 Mono, ba'oledi yidda, nami mahalewayi ole baima nami katahi tagora mono eta bewe bana mikku mappaha ta tillu pad'dage agayi pahanukku rehiwalge mikku mapahana oroge nyiyo bana dauwuge ate kadidara aika anana tabarami.
\p
\v 23 Inna batauge tutunai Titus, nyiyo wuyi gabbagu loho haole bai tatillu hakakowe haulla kamangu hi'ge tabarami. Tanyiduwe tutuda ole baida yitta rad'de wadeka, yid'da pahalewa da'di Jemaat diha'wu kamanadana tutunai Kristus.
\v 24 Tanyiduwe, hatingogela tabarada yidda, ta'aro Jemaat tutuge manawaramu mono madaikama nami tabarami.
\c 9
\cl Kawukku 9
\s Ha'yii Wali Kalaku Ate
\p
\v 1 Tubagu, nyidawe rehigu bagu tulhawe Jurrata tabarami tutuge hatena tabarada ata kahabihha madi atema.
\v 2 Oronage, nauwa tadawe tutuge bamu yiiwikkimu, pahadi daikagumi tutumi tabarada ata Makedonia yidda duna oroge Akhayak engada harema wali ta hadau kalangana mono kagiduka-kagoyakam kakedoge katauna kabuta wli tayidda.
\v 3 Tanyiduwe batauge, nauwa halewayi haolebai rad'de tanamu mangad'dala ole dangama nami tutum miyo wale nadadi mawe bana lilokoyi tutuge inne. Oro batauda dage miyo engage bami hayanemi katauna hatakigu.
\v 4 Oronage, harayi ata Makedonia amidi bagu marangaga mono yidda da'gaugimi ba aimu hadinyaka wikina (walema takki maguge) engada hamakemi oronage inne hamanne.
\v 5 Oro batauda dage, nauwa igu hangada dage tutuge ba'duhhami haole baiyigu inne kako ullumi mono kam hadinyakawe ba agai hayibemi hajajimi ulluge. Batauda dage, rattu hayibemu tanamu kana dadiyi ha'yii wali kalaku ate wale oro hapakha da'mwe.
\p
\v 6 Nauwa takiwe tutuge inne: iyayi kahabara hodikina enga nyijalawe ba'hodikiwe hamangatina, mono ata kahabara habutana engana mangati habuta jallana.
\v 7 Diha ata-diha ata imm yidaho katauna hapohtabe larr ta atena, wale oro mayilla aiwaleka hapakha oronai Allah na manawarana ata kayiwaina kalaku atena waige kamayilla.
\v 8 Mono, Allah naharehi majabolai ngara dukkad kanyuru tabaram miyo tanamu miyo kaenga dauwuge bamu kolena ngara dukkad tatillu tanga ngara dukadi haaromi mono morha majabola tatillu ha'ulla kadahha.
\v 9 Tauna kamatulha: “Nyiyo na bawe bewe, Iyai kayibeyi dauna tabarada ata milla, ketengNa engaduge kahha ana murri-ana murri.
\v 10 Batauge, Nyi kahaganna Winni tutuda kahabarana mono kababa ha'lii ha'ya, da hagannana mono na uwarayi Winnim tangage ba'habaaradi mono engana butayi ngihidi katena.
\v 11 Miyo engage morha majabola langka dukage haaromi tutge ngara dukkage morha kamarada atemu oro waugama dimma haleggewe waihada wai tabaranai Allah.
\p
\v 12 Oronage, matullu tutge inne haulla wale nyikeldak mawe kana bann ge tangage hawaida ata katengna, tabollo wai du wai kalid'dani Allah lededi atabuta.
\v 13 Ledege oroge tutuge inne haulla katenguna, yidda nadadiwe hamadakkni Allah oroge kangadukamu tabarada hamangakumu tutu li'i bihhanai Kristus, mono ngara dukkage marada atemu tatillu bamu baweyi tabarada yidda mono ata buta.
\v 14 Mono, tatillu sembayangumda yidda tutumi, yidda da'manawaragimi oro manawaranai Allah aikaanana tabaramu.
\v 15 Wai duwai tabaranai Allah tutge pijjana aiha ingta yapuge.
\c 10
\cl Kawukku 10
\s Bibta Harehanai Paulus Kawali Dawe tai Alla
\p
\v 1 Nauwa, Paulus, nauwaduna kakariwe tabaramu waige manawara mono manawaranai Kristus nauwa, aika bani ba' haaro matakana danga kagu, tabollo nauwa igu baniwa bamu maraukawu wali tabaragu!
\v 2 Nauwa gu karaiwe tabaramu tanamu bagu maikawa, nauwa waleg baimage bani lohhog mannege nauwagu yapu dahoge tanam banigu gabbana pirra ata kahabaningna nami morha waige kana'a.
\v 3 Tanyiduwe, nami mamorhaho tatillu tauwu atama, tanyiduwe nami walema runnmage tutu kadadi kana'a.
\v 4 Oronage, Kito-kito kaleka hatauwu nami wale kawlimawe ta tauwu atama, dukadahege kulha waddi katengna kahamauhadi pahatodawai.
\v 5 Nami mapahhabewe pahangad'da-pahangad'da mono tangadi tutudi kamadehita harayida ata kaboggangu tanamu kagabbage pahatingonai Allah. Nami magabbadi tangadi pahangad'da mono kangaduka tabaranai Kristus,
\v 6 mono nami hadinyaka beyi hokuda tangada aika kangaduka bahatengudi kangadukamu.
\p
\v 7 Kammu etawe tabarada ba'agayi kadana ta aromu badaka ata kamannege tauwu dawuna nyiduna dauwunai Kristus, Nyammakani kana hangada haagge tutuge inne, nyiduwe kataudadana nyi dauwunani Kristu, tauda jallama dimma.
\v 8 Aiwalleka, katuwuna nauwa ba'takki kagage karehigu bibta pareha, hayinai Allah tabarama tutu hakad'demi mono wale tutu pahhamami miyo, nauwa enga walegu makkaema
\v 9 Nauwa waleg kabu ate mage de'do meradalinage nauwa bagu hamadautagimi waidi tangadi Jurata-juratagu.
\v 10 Oronage lid'dage yidda da hanewe, “Juratana na did'darai mono ngangahayi, tabollo badage tauna, nyi na loja mono hatakina wale lak'ma gawudi.”
\v 11 Hahaikana ata kataudana nade kahangadage kataudana inne, yiwe hatakima waige Jurata nami ai'ma ole gimi, katauna pahadama nami bama olegimi.
\p
\v 12 Oronage, nami walema banima tutuge ublawe aiwaleka hamera wikidauna lohho ba pirra ata ka daiak wiki dauna. Tanyiduwe, yid'da bada ukra wiki dauna yid'da dawu mono hamera wiki dauna, yidda walle tadamawe.
\p
\v 13 Tanyiduwe, nami walema madaka ate danga mage tutudi rada ngara dukage patutu kawli tai Allah be'habawe tabarama nami loho walli tutu kadikki tabarami.
\v 14 Oroge, nami walema layimawe gige katuttu ma nami, meranage aima tomage tabarami miyo. Nami duna kawunga diki tabaramu waige Li'i ege atei Kristus.
\v 15 Nami Jalla wale madakka ate danga mage oro we'e kabutta ata heka, tabollo dukadehege haman'nema oro hatenamu katummu, ta'hadauwu haullama nami tajongami miyo hangatage ba halura wlige,
\v 16 Tanamu nami kana dadiwe bama todo talarage Li'i Bihhanai Mori Tadihha hadawu-dihha hadawu tabilimi miyo, mono wale madaja ate danga mage ba'agayi hawaltab'e ta hadawu ata heka.
\v 17 “Iyayi kabaige madaka ate, nyammani kana madaka ate lar tai Mori.”
\v 18 Oronage, wale ata kadaika wiki dak'mana tahi tagorage ka'makaba, dukka hege ata hadaikanai Mori.
\c 11
\cl Kawukku 11
\s Paulus mono Rasul Aikatena
\p
\v 1 Nauwa igu manege, kam maloyawu tabaragu, larr tatillu kabangagu, mono miyo imm maloyami tabaragu.
\v 2 Oronage, nauea gu kawina tabaramu lohho kawii kaheka gaina aika mangu tujjana oronage nauwa bagu habila begimi lohho wu heki laiyimu, nyiduwe magu pahadde gimi kataudana bauwinne katenguna taaronai Kristus.
\v 3 Tanyiduwe, nauwag madautawa, katujana ka'boko kahawinniyi Hawa, katauda jallana pahangad'damu walle nat tenamawe mono walle na murraha mawe larr tai Kristus.
\v 4 Oronage, miyo maloyami katauwuna wu'u ata ba'ammini loho bana takkiwe tutna Yesus ka hekana, loho wali kahekana agayi pahadikmagimi aiwaleka tangrage miyo bamu hibbayi diha wu Waddi kahekana ai hakalli hibbami, aiwaleka Li'i ege ate ai hakalli hibbahomi.
\p
\v 5 Hakabbu ategu, nauwa wale ladahingmage kadabbo wali Rasul kahada reihi.
\v 6 Loko bataudage nauwa aigu ingtawa tutuge bagu hanewewa, oroge ai'tauda'dage tanga ngara hatada, oro waidi tanga ngara winn, nami mahatingo bege tabaramu tanga ngara hada.
\p
\v 7 Aiwaleka, nyi batauda dage harayigu doku baggu hali'i bawa wikkigu tanam miyo kahamadehitagimi orogu nauwa bagu talarage Li'i bihanai Allah tabaramu aika mangu hi'na?
\v 8 Nauwa igu kareboyi Jemaat-jemaat heka lohho kolege ngihige kawali ta yidda miyo kagu yidi ba luguwa.
\v 9 Mono, tangragu bagu olegimi mono bana malarawe, nauwa walegu yi'i madi tagu ditana wuu ata kamaiyi wali ta Makedonia kapanu gage hakabu ategu. Mono nauwa haate wikina tanamu kaillana dadi dita bibtayi tabaramu mono enga dauwuge bamu hakakowe.
\v 10 Kataudana tenanai Kristus ta morhagu, nadikwe hamadaka ate dangagu inne wale hapadeekamawe ta dihha hadauwu-dihha hadauwu Akhaya.
\v 11 Ahha? Ba aigu manawaragu walle nyikaduwe? Na tada kahha bewei Allah!
\p
\v 12 Tanyiduwe, nauwa engadauwuge bagu hakakowe ba agawe harayigu tanamu nauwa hadukayi mahiggo kawali ta yidda ka kabu atege kolege mahiggo kataudana nami tanga ngara dukkage yidda hamadaka ate danga.
\v 13 Oronage radda ata katauda dana, karayi ulla kali'loko, aikahira nami rasul-rasul Kristus.
\v 14 Tutuge inna wale kadadaka danga mawe oroge kabalka da habalina malaikat kamagakahana.
\v 15 Oronage batauge, wale nadadimawe ba hakadaka dangawe oro ngara dukage ledu limada aina hira katuna karayi ulla tutge katena. Da'jalage yida na yannawe katuba tutge ba agawe haray dau'da.
\s Mayillanai Paulus Tutunai Kristus
\p
\v 16 Hadakka piwalge, nauwa hanewewa illa da'dahingkana wuu ata nauwa kabanga nage baliddaga. Batauda talkage, hibbawa nauwa tutu ata ka'kabanga tanamu kagu madaka ate dangage.
\v 17 Ba'agakayi hatakigu ta tillu diha wu hatena tutuge ine madakka ate, nauwa wale hanewe mawa hakabu atenagei Mori, tanyiduwe tutuge ta tillu kabangmga.
\v 18 Butayi ata kamadakka ate dangage tutuge tauwu atana, nyiwe batauge, nauwa madaka ate dangng jalage.
\v 19 Oronage, miyo taukalge maniwola pahangada nyibataukalage ege atem miyo hada maloyami tabarana ata kabanga!
\v 20 Miyo maloyami, nyi badaka ata kagu atadi kalinagimi, kaballogimi, kangalawe hautu danga ledegimi, daika wikki dauwuna, aiwaleka katabba guge matamu.
\v 21 Lohho walle anahingmanage makkeg nauwag engadahoge bagutakkiwe oroge nami all hingnage loja tutge nutu! Tanyiduwe, aga dahingkawe hagabbada ata heka madakka ate, nauwag hanewewa tujanani ata kabanga--nauwag gabba jallage.
\v 22 Walle ata Ibarani kadduiyi? Nauwa jalla. Walle ata Israel kadduiyi? Nauwa jalla. Walle walla wukaddunaddi Abraham? Nauwa jalla.
\v 23 Walleda ullakadduge tut Nai Kristus? Attu dalhoge nauwa--nauwag hanewewa meranaga ata ngade. Oja-iyyagu wale ana'manage, dutuwa tama ta gallu, tangadi palu wale hayapu'maiyi, mono duttuwa ba'daga tuttu mayilla kamerana mate.
\p
\v 24 Wali ta'tangngada ata Yahudi, halimma wuddagadi bada paluwa nauwag hibbabeyi pata kabullu layini gayu palu.
\v 25 Hadall wuddagadi badda palu waiga uwe manu, hadakkana bada tukkuwa watu, hadall wuddana ba'daga ta tena kabullo, dihha gaddi dihha laddogu bana kodoga ngalung.
\v 26 Aukalawe bagu kakoni lara, nauwag tabbokawa mayilla ta laiweyo, wali ta ata karebo kawli ata Yahudi, mono ata aika Yahudina. Nauwag tabbokawe mayilla taharona madakka, ta maradda gilra, ta bannu, mono mayilla kawali ta tangngada haolebaiyigu aika hira.
\p
\v 27 Nauwa kole riri kalutagu monno gu ulla tetakkana, enga dau hogge bagu jaga wik ku gu, kalabba loppo mari yo, monno dutwe ai da haya gu, ta tillu kalikka, monno walle waimanna kalabbe.
\v 28 Monno, heledi ngara dukaddi, au kallai yi ka dadi dihha laddo-dihha laddo yidda hoiyi ha balehag gu ta tillu karawawe diha wu Jemaat.
\v 29 Iyyaiyi ka loja-mawala, monno nauwa walleggu loja -mawala mauwa? Ba iyyaiyi ka monu, monno nauwa wallegu mayilla mauwa?
\p
\v 30 Nyiwe nauwa baggu ma dakka ate dangngage, nauwa madakka ate dangngage tuttudi rada ha aro ha dikki dangngage loja-mawalagu.
\v 31 Allah monno Ama Mori Yesus, enga dauge ba hadi daikayi kahha ana murri-ana murri, na tadawa nauwa walleggu ka wohho kammawa.
\v 32 Ta Damaskus, Gubernur ta kabu raja Aretas ka jawawe kota Damaskus tannamu ka yappai nyi baliddaga.
\v 33 Ta nyiduwe, nauwa ha bur waiga dihha wu kawukkatta ta dihha wu binna kahelu burge kangali, dajalage nauwa hilpawa wal ta limmada.
\c 12
\cl Kawukku 12
\s TARA TA KANANAI PAULUS
\p
\v 1 Nauwa enga dahogge bagu madakka ate dangngage mangka ai ha utu dangngawe. Nauwa engadahoge bagu hakitage tuttudi ha eta monno ka hira ka wal Tai Mori.
\v 2 Nauwa gu tadayi dihha wu ata ta barai Kristus, kole ka bullu pata dauwu ka langngana ha ngiddi beyi ta sorga ta hadadde ka taudana--ba ta til kan'na kanagge, nauwa jalla wallegu tada mauwe dukka daheNai Allah ka tadawe.
\v 3 Mono, nauwa tadawe ba ba agalinnadawe nade ata-- nyi ba tatillu tauwuna, nauwa waleg tada mawe, Mori nyi katadawe--
\v 4 Nyi ba keketai ta Firdaus, mono na rangeyi hanewe kamamha ai'kalli takkina kadadi ata.
\v 5 Tutuna nade ata nauwa waleg madakka ate dangngamage, tanyiduwe tuttu tau dau dahegu nauwa, nauwa waleg madakka ate dangnga mage tanyiduwe tutu loja-mawalagu.
\p
\v 6 Tanyiduwe, nyi bagu kamadukage madakka ate, nauwa waleg dadi kabanga mawa oroge nauwa ba takk damoguge katena. Tanyiduwe, nauwag tahhige tanam kailla daka ata kahamataraga karehikawali baagawe haetawai mata mono harange tuttugu nauwa.
\p
\v 7 Tutuge bagu yapuge tanamu illa all madakkage ategu tutudi kadedo aika anahingna, ma gayu tara dahayanna gani ta tillu kanagu, raddo halewanai kabalka tanamu kana mayilla baliddaga tanamu nauwa illa hamadehta wikina.
\v 8 Tuttuge inna kataudana, nauwag karaiwe tabaranai Mori hadallu wuddawai tannamu tutuge inna kana bijjakaga.
\v 9 Lodoge, Nyi nahanewe tabaragu “Maringi malala-Gu tutuwe tabaramu oro bibta pareha-Gu nabanuge tatillu loja mawala. “Nyiwe batauge nauwa rehi baidahoge Kristus dani tabaragu.
\v 10 Nyibataudage nauwa naegewe ategu ta tillu loja mawala, ta tillu hamayillawa, ta tillu oja iyawa, ta tillu madori malara ta tillu paddu paita tuttunai Kristus. Oroge ta tillu loja-mawala, yoda dau kulhagu.
\s Manawarai Paulus Tutuge Kangote Ta Korintus
\p
\v 11 Nauwag Kabangmgawa oro miyo bamu pakhawa tuttu ge nutu, badokudage nauwa enga dahoge bamu daikawa tangngami, oroge, nauwa wale jaka'mana ngara dukkadi kahamera dangadi radde rasul karehi tetakka loko batauda duge nauwa walle ladahingmana kada'na langka baagahingkayi.
\v 12 Tadka-tadka haetawai mata wuu rasul bamu etabeiyi tabarami ta tillu lii bawana, tangnga ngara dukkadi tadka, kaheka gaiyina.
\v 13 Oronage, ta tillu agadahingkawe miyo bamu hali'i bawami ta tillu kangote wadeka, oro wattege nauwa walle nadadi dita bibtayi tabaram? Bankaga inne aigu tijana!
\p
\v 14 Batauge, nauwag baiyige lohadikki tabaramu hadall wudda wai mono nauwa walle nadadi mawe ka'da dita gagge tuttugu oro nauwa waleg mayega mana ba'agayi hadauwumu. Oronage lakawa walle da'dauwu mage kahhayi hadauwu'da ata katuda, tabollo ata katuna oro ana'da.
\v 15 Mono, nauwa hada'diwe waige ege ate yiyi haduwugu mono nauwa tuttum miyo. Bagu rehi manawara kagimi, enga walem manawara takka magga?
\p
\v 16 Tanyiduwe, loko taukalage nauwa wallegu hadita mamige tabaramu, miyo enga hanewemi nauwa taboleha mono mayegagimi jiwwatami waige kapalleka.
\v 17 Nyi nauwag ngalawe hautu dangnga kawali tabaramu lededi ata pahalewagu tabaramu?
\v 18 Nauwag duhhaiyi Titus tannam kana kako mono mahalewai angwuma nami tanam kana kako ole dangngami banna ngala kawe ha'utt dangnga tabaramu? Aiwalleka nami wallema kako waimani wadd kahamera mono na kako ta'dihha wuu oroledu kahamera?
\p
\v 19 Batauwuge, agawe miyo badda madige bami hangaddage oroge nami maherka wikkina ta aromu? Nami mahanewe ta aroi Allah larr tai Kristus, tabollo tuttuge inne, ta miyo hamanawaragu, nyiwe kahakaddemi.
\v 20 Oronage, nauwag madautawa, baggu maikawa, engag tabbokami wallem tujjamayi ba'agayi hakabu ategu, mono miyo wallem tabboka mawa kataudana hamannemu. Walle dakaduge aikahamera, buttu ate, bani, riti dauwumi, langulira, tangadi ka'kamamha, wuu togo, mono kawihhaka.
\v 21 Nauwa, gela-gagwa, baggu maii piwalkawa, Allahgu nadadiwe bana halii bawaga nauwa taaromu mono nauwa engage bagu mayillawa tutuna ata buta radde ulluge karayina jala mono enga dauwuda aida jarra wali kajapata, loo na lawai, mono kamadduge harayi bedda yidda.
\c 13
\cl Kawukku 13
\s Lo' Hadiiknai Paulus Kataudana Ta Korintus
\p
\v 1 Inne nyiwe hadall wudda wai bagu mai dikki gimi. Da'daho kapahira inne hatakki du'da aiwaleka tau'da ata katadwe, halegewe diha wu pala kara mana dahhawe.
\v 2 Ulluge, nauwag ha'ape be'dage yidda kajapata mono wadeka wall. Nyiwe batauge, langka nauwa aigu olegimi, nauwa igg ha'apedage yidda kataudana harayigu tillu bagu loo hadikkiwa hadu'wudda wai, nauwa bagu maipiwalka, walleg hill manara madi yidda,
\v 3 Oroge miyo bamu rotti dahowe tadage tuttunai Kristus, kahanewe larr tangaragu mono iaka loja ta'aro matamu, tanyiduwe kabibta parehaana tabaramu.
\v 4 Katau takkana, Kristus da kadailo beni tatillu loja-mawala, tabolo Nyi namorha oro kawahanai Allah. Oroge, nami jalla ma'loja jalla tabarana Nyi oro kawahanai Alla tabaramu.
\p
\v 5 Kab'ba wiki dauwuna tanamu kam etawe, ba'engakaduge diddarawe hatenamu. Torro we tau dauwumu! Aiwalekka, wallem tadamawe d'au-d'aumu oroge Kristus Yesus da'ni ta jonga dalaramu, ba'aimu dikkige nyikaduwe.
\v 6 Nauwag mannegimi miyo enga tadamige oroge nami walle ata katahhi dakmama.
\v 7 Tanyiduwe, nami ma sembayanggimi tabaranai Allah tannam ka'illam rayina kajala, walle nyidakmawe nami baetama ba'tahhi tatillu ka'makaba, tanyiduwe miyo kam rayige katena, loko bataudage nami wallema hill tahhima.
\v 8 Nami walle na dadimawe rayige tuttudi aikahatujja katena, dukka dahege tutudi katena.
\v 9 Nami egeyi atema tangrage bama loja-mawala mono bamu kulhawu. Miyo nadadi bana bann ge.
\v 10 Nyiwe oroge, nauwag tulhaiyi tangadi radde baggu maraukawa wallta baramu tanamu bagu maikawa, nauwa wallegu waiyimana kuppla, kawaha hayinagai Mori tabaragu tuttuge haropami, mono walle jala dangnga mawe.
\p
\v 11 Dajjalage, baggu ole baigimi, naegeyi atemi. Runn dage kaengage bana banuge, ege ate dita kokomi lohho tangnga kahhami, hawuu atena mono pahangadda, mono morha tatillu moll. Mono, Allah puuge manawara mono motu-makkora engage bamu olege.
\p
\v 12 Yi'i kiwe Salam tadihha wuu ata mono wadekka waige hangaduha katenguna.
\p
\v 13 Ngara dukkada ata katengna hangiddige salam tuttumu. (13-14) Maringi-malala kawali ta morida Yesus Kristus, mono manawarai Allah mono kangote wali ta Waddi Katengna kodo irrgimi tangami.