lmy_reg/47-1CO.usfm

\id 1CO
\ide UTF-8
\h 1 Korintus
\toc1 1 Korintus
\toc2 1 Korintus
\toc3 1co
\mt 1 Korintus
\c 1
\cl Kawukku 1
\s Maringi Wali Tai Paulus
\p
\v 1 Paulus, hamaikayi dadi Rasul Yesus Kristus dokuge habainai Allah, mono Sostenes, olebaida yitta.
\p
\v 2 Tabarada ata kangotenai Allah kadana ta Korintus, tutuda yidda pahalihikke takalingoranai Kristus Yesus, hamaikana tanamu kada dadi Ata paha lihikke kadda haole tangada ata diha padau-diha padau kakamaikage ngarana Morida yitta Yesus Kristus wali tahadauda yidda lohho didda.
\p
\v 3 Maringi malala tabaramu mono ege ate kawali tai Allah Amada yitta mono Morida Yesus Kristus. 
\s Paulus nahadi daikayi Allah
\p
\v 4 Nauwa haikitana mahadi tabaranai Allah gu tuttu miyo oro maringi malalanai Allah hayinagumi tabaramu lar tai Yesus Kristus,
\v 5 tajonga tangkahage nahatutu gimige ta jongana Nyiyo, tillu tangngage hatakki, mono tangngage ingta,
\v 6 kataudana hatalara tutunai Kristus badda hadiddarawe.
\v 7 Oro bataudage, walem dengomana mangka wu waikana manawarana ba tangramu remage pahatingona Morida yitta, Yesus Kristus,
\v 8 kahadiddara jalami kaha dikige rahige tanam illam aktami ta laddonai Morida yitta Yesus Kristus.
\v 9 Allah na mikku oro Nyiyo miyo nakamaikagumi ta tillu Kangotena Ana-Na, Kristus Yesus Morida yitta. 
\s Kamanyegara ta tillu Kangotena
\p
\v 10 Batauge guhanuagimi, bagu ole baigimi, waige ngarana Morida yitta Yesus Kristus tannamu tangngami kamhawuna hatakki tanamu kailla dage mahewa ta jonga dalarami, tabollo miyo kambanuna pahangada kahamera mono tajonga hatakki kahamera.
\p
\v 11 Oroge, badda be takkigage tabaragu tuttumi, bagu olebaigimi, walta ole bai Kloe, ba dage kahagabbana ta dalaramu.
\v 12 Ne halugguna bataudage, mi diha ata-diha ata limmimi, nauwa takalingora nagai Paulus wa, nauwa takalingora nagai Apolos wa, monno nauwa takalingoranai Kefas, wa mono nauwa waltai Kristus wa.
\v 13 Nadadikawe Kristus bana hawate-hawate-Na? Dabege Paulus ba kadailoni tuttumi? Aiwaleka, bapirhami waige ngarai Paulus?
\v 14 Wai lugguniy Allah oroge wale wu hingma ata wali tabaramu paharihagu, heleda Krispus monoi Gayus,
\v 15 tannamu ka illa da' wu ata kalina bagu harihawa ata waige ngaragu.
\v 16 Mono nauwa dumo guharihayi tangana ata kadana ta ummanai Stefanus karehi wall neda wale la'ma hatadagu nauwa bagu harihawa ata heka.
\v 17 Oronage, Kristus wale nahalewa'mawa hariha ata, tabollo talaragage LiiGu linaga, wale waidakmage ingta kadajalla, tanamu kailla rayi awani Kadailonai Kristus. 
\s Kuasa dan Hikmat Allah
\p
\v 18 Oroge, hanewe tutu Kadailo hajingngawe lidda dage yidda kamohe, tabollo yitta kahatolika bada talarage li'iNa kulhanagei Allah.
\v 19 Oronage, badage kamatoliha, “Nauwa kahakabba dage haingtada ata ingta, gu pungnga dage pijjada ata pijja, nauwa engagu tullarage.”
\p
\v 20 Gikadi ata pijja? Gikadi “Ahli Taurat.” Gikadi ata aikabaina bakke batauge? Walena bebewei Allah hikkewe pijja panu tana?
\v 21 Oro bataudadage, tajonga pijjai Allah, panu tana waige pijjana walle datadamai Allah, tanyiduwe, Allah na hatolkadi ata kahatenawe inne li'i hatalarada kangade halina.
\p
\v 22 Oronage, radde ata Yahudi dakaraiyiwe tadka-tadka mono radde ata Yunani damayegage ka pijja.
\v 23 Tabollo, nami ma talarage tutunai Kristus hakadailo tabarada ata Yahudi watu widdani, mono tabarada ata aikawali ta kabihu ata Yahudi.
\v 24 Tabollo yidda ha kamaika, wali ata Yahudi mono ata Yunani, Kristus nyiyo kulhaNai Allah mono pijjaNai Allah.
\v 25 Oro kangade walitai Allah attudahodi ingta wali ta kadadi ata, mono kamawala wali tai Allah na rehi kulhadaho wali ta kadadi ata.
\p
\v 26 Ape dawe hadamu neda bakamaikagu wali tangami bagu ole baigimi wale buta'ma kapijja hada panu tana, wale butakma pahaakka,
\v 27 tabolloi Allah napedeyi kakabangnga wali ta panu tana, kahamadakkayi ata pijja, mono Allah napedeyi kamawala wali tapanu tana kapikku hamakkeyi ka kuliha.
\v 28 Monoi Allah napedeyi aipahaaka wali tapanu tana mono aipa haaka, mono ngara dukkadi aika mangu gauna tanamu kapungngadi ngaradukkadi kamangngu gauna,
\v 29 tannam ngara dukkada ata illada egela ta aroi Allah.
\v 30 Oro Nyiyo, tajongai Yesus Kristus, oroda yitta kada dadi ingta, tangngana pahalihikke mono tolika wali tai Allah,
\v 31 kataudana kamatulihabe nyammadi rami ata kaengada ege ta jongai Mori.
\c 2
\cl Kawukku 2
\s Hatena Kamahapu Tabarai Allah
\p
\v 1 Mono, kolebagu maiwa tabaramu, olem tangam ata nauwa waleng auma kako oroge bam kulham bam tak-takwe inna hatena baha barage ngihi atem tabarai Allah.
\v 2 Oroge nauwa pahalewagimi iyam tadawe ba agawe tabaram mi halewana helege kawali tai Kristus Yesus, Nyina hadailo.
\v 3 Nauwag olegu tatillu lojamu, madauta, mono kadadaka.
\v 4 Mohatakigu loho ha apegu wale hataki tadamayi hamanne, oroge tannam inne hatena iyam hakape waidage inna bam tadau kadadi ata,
\v 5 tabollo angta mono tada marabba Allah. 
\s Allah Nahatingoge Wad Katenga
\p
\v 6 Nami matakwe ngih ge taata yidda tajongada yidda kaha ate, tanyiduwe walengihi manage kaulu ai waleka kahawaiwe inne ka ullu inne kamohe namo,
\v 7 halege nami matakkiwe angta nai Allah ai hatadada, halijabenai Allah aillahoge inne panutana damagahara da yitta.
\v 8 Nehe batauge walle hilli lakma Kawaha-kawaha katadawe ulluge mono katadayi. Oroge, nyi yidda datadayi, yidda walle daha dakka mana kadailoni Mori nakka manadana.
\v 9 Tabollo, katujjana na kamatolha, “Agayi aiha eta waiho mata, mono aihakallu rangngewai katillu, mono ai hatada wai ho ate ata piyo, tangngage nahaganna bedi tabarada ata kamawara-Ni.”
\p
\v 10 Tanyiduwe, Allah nahatingu bege tangage hada tabara da yitta ledeni Wad di katengna oronagge wad katengna naha mataradi tangkahadi, mono tangnga hingudi kakabunyi tabaranai Allah.
\v 11 Oroge, iyadakayi tajongana dadi ata katadayi tangadi harayi kawali takadi ata ai nyika nawadi kadana ne dolalarta kadadi ata? Taudajalage, wale dakma wu ata katadawe tangage kawali wal tai Allah ai Wad kanani Allah.
\v 12 Batauge, yitta dahibba bewe, wale wadi wali tapanu tana mayi, tabollo waddi kawali tai Allah tannam yitta kanadadiwe badatadawe rade hayi nai Allah kabara da yitta.
\p
\v 13 Tangage inne hataki bemaa nami, rade hanewe walehanuwa mayi waige angta kadadi ata, kabollo hanuwa nadi rade Wad bakejuyi rade tangadi katinguna ta ata katengna.
\v 14 Tabollo, ata ai katengna walenahibayi radekawali ta Waddinai Allah oronage rade wudayi ha bangnga dangana tubana nyi. Nyiwalena dadi mawe banayappawe oro tangadi rade manggau dahodi lari taka tenguna.
\v 15 Ata natu katengna natagu torowe tangnga ge, tabollo nyidauwu wale dadimawe dana toroyi langba iahingnguyi.
\v 16 Oroge, “Ia kayi katadana ge inne hangadana Mori tannam kana hanua-Ni?” Tabollo, nami madauwu ge hangaddai Kristus.
\c 3
\cl Kawukku 3
\s Ai Kaha Ateho Takalingora Kangote
\p
\v 1 Tanyiduwe, bagu olebaigimmi, waleg ingta mawa hanewe katujana ata kahatena, tabollo katujadana ata aikaha tena, rado katujana lakawa bila tai Kristus.
\v 2 Nawag yigu huhu kam enu, walle haya'ma, oroge walle makka mahoge, loho batauge walle makka mahoge,
\v 3 oroge miyo hada pan tana. Tanyiduwe, badakage ka wi ate mono kahepa halana tajonga miyo, nyi miyo hada pan tana homige mono morha hada ata?
\v 4 Tanyiduwe, kolehe nade diha wu ata banata'we, “Nauwa tabarai Paulus, “mono wadeka, “Nauwa tabarai Apolos,” oroba batauda duge miyo ata pi?
\p
\v 5 Mono, ia duyii nattu Apolos? Mono, ia duyi natuyi Paulus? Ata pahalewa oroge miyo manadadi ata hate nami katujana hayi Nai Mori tabarada dihha-dihha.
\v 6 Nauwa tadoge, Apolos kaburrige, tabolloi Allah kaha tummuge.
\v 7 Nyi, wale katadoda'mana, walejala'ma kaburridi, tabolloi Allah nyi kaha tummudi.
\v 8 Ata kataddona monno kaburri na wuhei, monno diha-diha na hibawe kahewage dokuge harayi dauna.
\v 9 Oroge, nami olema taha ulla nai Allah; miyo oma nai Allah, ummai Allah.
\p
\v 10 Dokuge manawarai Allah hayi tabaragu, katujana ihha hu ata ka angta raina umma kamappaha, nauwa ka tauge likkege monno wadeka yidda kaha kaddewe. Tabollo, tangnga da ata dahamatarage hadage ba'daha kadewe.
\v 11 Oroge, walela'dama wu ata kaingtage rayige likege rattu wadeka heledi bai jalai, nattui Kristus Yesus.
\v 12 Nyi badakah ata kaha kaddewe tapuge inne waige emas, perak, watu-watu kamanghina, yayu, ruta, kuwa,
\v 13 haulla haraina tangngana ata enganyiwe bana hirrawe oroge inne Laddo hatingo waige latti, monno inne latti dauwu namakamawe ta tangnga ngara ha ullana kadadi ata.
\v 14 Inne latti nyidauwuda kama kabadi agalinadawe ha'dage haullada tangngana ata. Nyina haulla behakadedena katah'na, nyio ngahibbawe.
\v 15 Nyi haullana nado ata babekawe muttu, nyio namayilla, langka tauda dummoge, nyi dauwo engnga nyiwe baha tolkani, tabollo, hadana nyiyo katujadawe kalida ta latti.
\p
\v 16 Wallem tadamawe miyo oroge miyo ba Ummai Allah mono Waddi Allah bana engana tabaramu?
\v 17 Nyi badaka ata kahamauhage Ummai Allah, Allah naha mauha dumoni inna oroge Ummai Allah kateng-Na.
\p
\v 18 Illa dakani wu ata kaballige tau dauna. Nyi badaka ata tajongami kahangadege oroge nyio bana tijana nehe batauge, nyamma moni tanammu kanangade monno kana kolege katijana.
\v 19 Oroge, tada panu tana inne nakabangngawe ta aronai Allah. Oroge, dage kamatulha, “Nyiduna kayappayi ata katada kamalibuhadi yidda,”
\v 20 mono dummoi “Mori tadawe pahangadda'da ata katada, tangngadi nalilokoyi.”
\v 21 Nyi batauda dage, ila dakani wu ata kaboggang ta tillu kadadi ata. Oro tangngage daumige miyo,
\v 22 wali tai Paulus, Apolos, mono dumoi Kefas, wali tapanu tana, wal morha, loppo mate kadadi batauge mono kadadi nimmi ka ammna; tangngage daumige miyo.
\v 23 Mono, miyo daunami Kristus, mono Kristus daunani Allah.
\c 4
\cl Kawukku 4
\s Haulada Halewanai Kristus
\p
\v 1 Tauda dage bana dadi kakwe ata kada yapugama nami haluguna bawuwa atai Kristus mono ata pahatena hakabu atei Allah.
\v 2 Waige balinawe, ata paha tena waige hada kamangu hina naha dedala dahoge inna yida dadiwe baha tenawe.
\v 3 Tabolo, tubagu wale alpu banning mage nyi nauwa ba yiga rakkagu walta mi waleka wu hadwu tijana kadadi at. Loho dumo, nauwa dawu wale gu yikmage rakkage taugu.
\v 4 Oro, walegu tadak mawe aga hingkawe ta tawu daugu. Tabolo, wale oro hada inna nauwa baha tenguwa, tabolo morda hola kayige rakkagu nauwa.
\v 5 Oroge inna, ilam yikage rakage aina diki kahowe rahige, haluguna ai ami honi Mori. Nyi kaha magahage hada kabunyi lari ta pagtana mono enga ha deda lage hakabu ate. Loho, tangana ata enga hiba nage madaika wali tai Allah.
\p
\v 6 Ole baigu, nauwa ug hayana bege hada inne ta tau daugu mono Apolos tangam mi dajalage neda lari ta mi, dadiwe bamu hanuwawe ilna rehiwe wal agawe kama tolha dajalage illa dahingna wu wal ta mi kadadi baibo tabara olena.
\v 7 Oro, iyayi kaha wate gimi mi? Agai hadaumu, ai pa hibamu? Mono, nyi yau bamu hibayi, aha mi mamu habaibowe taumu mera ai hiba muge?
\p
\v 8 Mi habokta bemi, mi um pote bemi! Ai namika, mi um dadi raja bemi! Nauwa tau takka nage mannege mi kamu dadi raja takkami dajalage nami jala dadi hareha olemi.
\v 9 Oro, doku kaga nauwa, Allah naha dau bema nami, lede lina, taha dau hada murri, kataun ata payi li hok mate; oro nami dadi hatorona ata tutu panu tana, daha tuba malaikat loho dumo ata.
\v 10 Nami ma banga tubai Kristus, tabolo mi maniwola paha ngada lar tai Kristus. Nami loja, tabolo nami kulha. Mi paha aka, tabolo nami hada li bawa.
\v 11 Kaha inna batauge, nami ma kalaba mono mariyo, kalabe aika daha, ha palu, mono morha tama rada.
\v 12 Nami majoli, waidi limama bama ulana nami dau. Kole nami batolama, nami baha maringima. Kole nami bahama yillama, nami ma tahna.
\v 13 Kole nami bada kamello gama, nami ma baleha waige rame. Loho dumo, kaha ba tauge, nami ma dadi tuja dayi hanguji, ka otora walitangage.
\p
\v 14 Nauwa ug tolhawe hada inna kapiku hamakke gudi wale luguk mawa, tabolo hanuwa gimi bagu ana hama nawaragu.
\v 15 Oro, loko mi ba dadudi kabulu rata guru lari tai Kristus, mi walena butak mayi ama. Oro lari Yesus Kristus, nauwakna amamu ledege li ege ate.
\v 16 Nyiwe, nauwag tulara gimi, dadi ata kadoku ge tujagu!
\v 17 Nyiwe oroge, nauwa ug halewa beyi tabarami Timotius, ana hama nawaragu mono kamikku neda lari tai Mori. Nyi na ha apemi miyo tutu laragu lar tai Kristus, tujawe ha akka guni langka gika, lari nahiyi kangote ata hatena.
\p
\v 18 Kapirana wali ta nami na dadi dalwe bada baibo, bana mera dage ai hilu maiwa tabarami.
\v 19 Tabolo, nauwa enga geha maigu tabaramu, nyi Mori bana kabu ate kage, mono nauwa enga tada guge wale yi kelmawe ha takna ata baibo rada, tabolo kawahada yida.
\v 20 Oro, Kalingora parehai Allah wale ta hanewe kelma, tabolo lar t kawaha.
\v 21 Agawe hakabu atemi? Ug mai dahing howa ge tabaramu waina takko waleka waige manawara mono wadi kama lujana?
\c 5
\cl Kawukku 5
\s Jala Harayi Lari Takangote
\p
\v 1 Tau takkage daha diki bege ba dage jala harayi tajongami, jala harayi aika dana tajonga kabihu ata wadeka, haluguna dadi ta kangala ole uma amana.
\v 2 Mono, mi kabaibo! Walem engak hona mi tabaddi dajalage ata karayige inna ba hikaladi wali tajongami?
\v 3 Tau takka nage, waige tau atada nauwa marauwa, tabolo nauwa daga lar ta wadi. Mono, nauwa ug yibedi hokuna ta ata karayige hada inna, kamerage nauwa badaga.
\v 4 Lari tangara Morda Yesus, kole mi bamu makaha, mono nauwa bagu ole gimi lari ta wadi waige kawaha nai Morda Yitta, Yesus,
\v 5 nauwag pohta bewe tut harakani ata inna tai kabalka tutu liloko kanada dajalage wadina dadi mane mara ta lado nai Mori.
\p
\v 6 Baibomu inna walena dahak mawe. Walem tadak mawe mi inna kahok kina hawudu dangadi kababa dadiwe bana wuduwe tangage kababa hatamra karurha?
\v 7 Hamurahadi tangadi hawudu dangadi kababa kamoja bena dajalage mi kamu dadi kababa harurha kaberu, aga lina da hingwe mi wale hawudu wainagimi kababa. Oro, Kristus, Bebbe Paskah da yitta, pa ropobe.
\v 8 Oroge inna, maida yitta kada namuyi ha ulla inna, wale hawudu waima nadi kababa katiyo, wale wali hawudu waima nadi kababa aika daha mono japata, tabolo waige kababa aika waina hawudu dangadi kababa ka langna mono tena.
\p
\v 9 Nauwag tolhawe tabarami lar tajuratagu: ilam oledi ata kamarihaka.
\v 10 Hakabu ategu, wale wi dakmadi ata marihaka tapanu tana inne, ata dadara, kama tipu, waleka yida ka bara hala tau. Nyi batudage, mi um hudahona wali tapanu tana inne.
\v 11 Tabolo, batauge ug tolha guge tabaramu, ilam oledi ata ha ngarada angwu inna nyi bana mayarha k, dada raka, bana kangakna hala hatau, bana hanewe wai kana olena, enuka we hayanna, waleka paleka. Loho dumo, ilam ya dangadi ata katauna rada.
\p
\v 12 Oro, lakma pa orhagu hokuni ata bali haddu? Wale mikakna kahokudi yida ka dana lari ta kangote?
\v 13 Tabolo, Allah ka hokudi yida kata bali hadu kangote. Oroge inna, wugayila atakarayige japata wali tajongami.
\c 6
\cl Kawukku 6
\s Tutu Pala Kara Hokuna Tajonga Ata Hatena
\p
\v 1 Nada wu wali tajongami bana pasepa sala dangana olena wadeka, na dadikakwe nyi baniwe atena kako tutu mayegage tijana ta arona ta ai katena mono wale ta aro ata katengmana?
\v 2 Walem tadak mawe mi nada ata tengna enga hoku dage panu tana? Nyi panu tana ba hoku gaugimi, apa mi walem marak mami tutu hatijana pala kara kahada maraha?
\v 3 Walem tadak mawe mi inna yitta enga tiba dadi malaikat? At wik hoge ba pala kara kadamayi diha lado-diha lado!
\v 4 Nyidawe, nyi mi bamu aroge pala kara kadama katujana inna, aha mi mami kododi tabarada yida ai hapu gau lari ta kangote?
\v 5 Nauwa luguge inna dajala lage mi kamu makkemi. Wale lakakna wu ta tajongami ka maniwola paha ngada, kamuk kage orhawe pala kara ta jonga ole baimu?
\v 6 Loho dumo, tajonga ole baina kako mayegage tijana ta aro ata aika hatena!
\p
\v 7 Doku kage, wu bewe ai kadadi tubamu oro mi dadi palakara-palakara hokuna tajongamu. Aha mi mamu rehina baige ba hajalami? Aha mi ma wale mi rehe baige ba harugimi?
\v 8 Kabalige, mi dau jalami mono harugimi. Loho dumo, mi um rayige ta angu wumi.
\p
\v 9 Walem tadaka mawe mi nada ata ai katena walna dau mage Kalingorai Allah? Llam jalorami! Ata mayarha, kaha tena hala hatau, ata karayina jala kaddi ata, aika bani, tangada ka ole umana ole kabanina,
\v 10 ata kedu, ata dadara, kaenu we hayanna, ata kahanewe waina olena, mono kama tipu, yida tanagadawale da dau mage Kalingorai Allah.
\v 11 Kapirana wali ta mi um tujalawe inna. Tabolo, mi hamuraha begimi, hatengu bemi, mono hatena bemi lari tangara Yesus Kristus mono lari Waddi Allah da yitta. 
\s Pahilpa Wikimi Wali Jala Dadi Atami
\p
\v 12 Tangadi hada da pahaigadi tubagu, wale tangak madi da gaudi. Tau takka nage tangadi hada da pahaigadi tubagu, tabolo nauwa wale gu auk mawa bana ataga langka aga hing kayi.
\v 13 Ha yayo tutu tiyo, mono tiyo tutu hayayo, tabolo Allah enge haliloko nadi kadudana. Tauda wale tangak mage ha rayi dadi ata, tabolo turu Mori, mono Mori tutu tauda.
\v 14 Allah naha kadeyi Mori mono dumo enga hakade nada yitta waige kawahaNa.
\v 15 Walem tadak mawe mi taumi ana nagimi Kristus? Apa inna nauwa enga ngala gudi anai Kristus mono na dadi yida ana nadi lawai jalora? Ru ruge walekma!
\v 16 Walem tadak mawe mi nada ata ka kati ge tauna ta lawai jalora naha wu dangani? Oro, nyi linage, “Kaduda na enga wu kanada.”
\v 17 Tanyiduwe, ata ka katge tauna tai Mori dadi wu wadi dangaNi.
\p
\v 18 Ha hilpa wikimu wali tajala dadi atamu! Tangadi jala wadeka inna harayina wu ata dage tabal hadu tauna, tabolo ata ka jala dadi atana, jala ta tau dauna.
\v 19 Walem tadak mawe mi inna taumu ba uma nage wadi Biha, kadana lar tamiyo, pahibami wali tai Allah, mono inna taumu wale dawu dau ma muge?
\v 20 Oro, mi hawali begimi waige hige ha bayara be. Oro inna, manada kiyi Allah waige taumu!
\c 7
\cl Kawukku 7
\s Hanuwa Tutu Haumana
\p
\v 1 Batauge, tutu hada ha tolhamu tabaragu: na daha dahowe tubana kabani tutu aina joja lawai.
\v 2 Tabolo, oro ba dage jala harayi dadi at, tangana kabani na daha dahowe kadayo ole uma dauna mono tangada lawai kadayo lai dauna.
\v 3 Laina na panu dahowe ha dauna tabara ole umana, tauda jala nage wu lawai tabara laina.
\v 4 Lawai walena kawaha dak mage tau dauna, tabolo laina. Tauda dumo nage kabani wale na kawaha mage tau dauna, tabolo ole umana.
\v 5 Ilami hama rau wiki kami, likege ba haworo daba we ta mahigo ai kamojana daja lage mi kamu malogami yi mahiggo tutu sembayang. Bege, morha hawuwalna daja lage kabalka ilna kaba gimi oro aim muka moge lar bamu patuwe taumu.
\v 6 Tabolo, nauwa ug takkiwe inna wuwe maloga, wale parehak maguge.
\v 7 Nauwa ug mannege tangana ata tujawe taugu. Tanyiduwe, tangana ata nakolege kanyuru dauna wali tao Allah, nada wu ata walim tahada inne, mono wadeka ta hada inna.
\p
\v 8 Tabarada aika haumana mono lawai balu, nauwa luguge na rehi na daha hoge tubada yida nyi ba engana lari ta hada katujawa nauwa.
\v 9 Tanyiduwe, nyi yida aina dadi kawe pattuwe tauda, na daha dahowe yida bada ha umana. Oro, rehi na daha dahoge ha umana wali bana tunuda hada kama yarha.
\p
\v 10 Ta barada kaha umana, nauwa ug yiwe harehagu inne (wale wali ta nauwag mawe, tabolo wali tai mori), haluguna lawai ilna tananai laina,
\v 11 (tabolo bana kajorkaka tanani laina, nyi enga dahoge bana haumana, waleka hagga moli dangani laina), mono laina ilna pahewa dangani ole umana.
\p
\v 12 Tabara karehi wal inna, nauwa ug tak gimige (nauwa, wale Morig mamiga) inna ba daka ole bai kada ole umana ai kaha tena, mono lawai nada au morha dangani, iln pahewa dangani ole umana nada.
\v 13 Tauda dumoge nada wulawai kada laina ai kaha tena, mono kabani nada na morha ole dangani, ilna tanani laina nada.
\v 14 Oro wu kabani aikaha tena nada naha tenguyi ole umana, mono lawi ai kaha tena naha tenguyi laina. Nyi ai tauda ge, anamu enga oto radi, tabolo batauge yida da tenguna.
\p
\v 15 Tabolo, nyi ai kaha tena nada kabu atege pahewa. Lari tahada tujana inna, anguwu waleka bagu watto gimi walemi hilma makattikma. Ta nyiduwe, Allah na maika beda yitta tutu morha lari ta moli kama ringna.
\v 16 Oroge ta lawai, aga linawe mi tadawe aga lina dawe bamu hamane marayi laimu? Waleka, aga lina dawe mi bamu tadawe, ta kabani, aga lina dawe bamu hamane marayi ole umami?
\p
\v 17 Tabolo, tujawe ha iya kabenai Mori tutu tangana ata, taunai Allah bana kamaikadi yida diha-dih, kaengada morha lari ta hada kataudana. Tauda dumoge nauwa ug harehami tangami kangotenNa.
\v 18 Apa da ata ha maikakole nyi bana kabunyi be? Nyi ilna pungage tada kabunyina. Dakakna ata kole ba maikani nyi aika kabunyi ho? Nyi ilna hil kabunyika.
\v 19 Oro, kabunyi loho aika bunyi, wale alpu banning mage. Tabolo, kabanning na yidawe manudu ta tangadi parehanai Allah.
\v 20 Tangana ata enga dahona lari tahada katujawe kole nyi ba maikani.
\v 21 Inna mi wumi ata paha lewa kole ba maikagimi? Ilam gela gagage hada inna. Tabolo, nyi mi bana dadiwe ata ka hoilabe, rehi na daha dahoge wai dagela mahiggo inna.
\v 22 Oro, nyi pa maika lari tai Mori ba ata paha lewayi, nyi ata kahoila beyi dauni Mori. Tauda dumoge, kole ata kahoila ba kamaikani, nyi ata paha lewanani Kristus.
\v 23 Mi muraha bemi waige himi ba bemi, oro bataudage mi ilam dadi ata paha lewa nagimi ole atami.
\v 24 Bagu angu wugimi, nyiwe tangana ata kana engana dangani Allah, lari ta hada kataudana nyi ba kamaikani. 
\s Hanuwa Tubada Ata Ai Kaha Umahona
\p
\v 25 Batauge, tutu ata aika ha uma hona, nauwa wale lakma harehagu wali tai Mori. Tanyiduwe, nauwa ug yigimi hangadagu ba wu ata, waige manawarai Mori, dadiwe baha tenawe.
\v 26 Nauwa ug yapa dawe hada inna dahawe lari ta hada kapitona batauge, haluguna rwhi naha daha hoge tuba wu ata tutu engana tuja kada memana.
\v 27 Apa mi makattimi ta wu lawai? Ilami katruhu kawe pahewa. Apa inna mi wale um makat kak homi ta ole umami? Mi ilam mayegana ole umami.
\v 28 Tabolo, nyi mi bamu ha umana, mi walem jalak mami. Mono, nyi wu bau winne ha umana, nyi walena jalakma. Tanyiduwe, yida kaha umana enga lidage tangage kapitona morha panu tana, mono nauwa ug kabu atege mi kam hilpami ta hada inna.
\p
\v 29 Bagu ole bai gimi, ha kabu ateg wale agak mawe dageta nage mahigo. Nyiwe wali batauge, nyammadi yida kada ole umana, morha kamerana ai dayo ole umada,
\v 30 yida dahoyo mere aika hoyi, yida ka lagahara mere ai kalagaharai yida ka hiyo mere ai da dauda,
\v 31 mono yida kawaige hada panu tana inna, mera ai wai dage. Oro, hada panu tana bataugetamrage bunga.
\p
\v 32 Nauwa ug kabu atege hilpa wali ta gela gaga. Ata ai kaha umana kana hangadage tutunai Mori, aaga linak kawe nyi baha dadiwe ha daha nage atenai Mori.
\v 33 Tanyiduwe, ata kaha umana hangada nage hada panu tana, aga linawe bana dadiwe hadaha nage atena ole umana,
\v 34 mono ha matarana naha bawege. Lawai ai kaha umana mono bau winne da gela gagage hada tubanai Mori dajalage nyi kana tenguna, tauna mono ngahuna. Taabolo, lawai kaha umana na gela gagage hada panu tana inne, aga linawe nyi dadiwe bana hadaha nage atena laina.
\v 35 Nauwag takkiwe hada inne tutu utu daumu, wale tau magu hirra tabaramu, tanyiduwe tutu hada ka daha dajalage ha ulamu tabarai Mori wale na margak mawe.
\p
\v 36 Nyi badaka ata kaha ngadage inna nyi na rayi bege hada kayanana tabara bau wine oro bau wine rada haipewe dadida mono tauda dapoge hadage, haikani nyi kana rayige agawe hakabu ate na, nyi walena jalakma; hai kadi yida haumana.
\v 37 Tabolo, nyi natubabe lari ta atena, wale tillu paha ruhug mawe, dage kawaha ata ha kabu ate dauna, mono pohta bewe lari ta atena tutu ai ha uma dangadi bau wine rada, yiwe nyi dumo narayige ka daha.
\v 38 Yidawe, nyi bana ha umadanagana lawai nyi rayi nage kadaha, tabolo ai naha uma danagani lawai nada, harayi dumona dahawe.
\p
\v 39 Lawai kama katti ta laina na morhaho. Tabolo, nyi laina mateka, nyi hoila nage tutu haumana langka ia hingguyi ha kabu atena, ata nada lari tai Mori.
\v 40 Tanyiduwe, dokuge paha ngadagu, nyi rehi na lagahara howe nyi ba engana lari ta hadana, mono dokuge nauwa dumo dau alani Wadi Allah.
\c 8
\cl Kawukku 8
\s Hayayo Ha Mara Ka Wai Hala Hatau
\p
\v 1 Batauge, tutudi kahila ha mara kawai tabara hala hatau. Yitta tadawe inna yitta inna yitta tangada dage tada da. Hatadana na pahada dawe bogang, tabolo manawara kaha kadde.
\v 2 Nyi daka ata kaha ngadage nyi tadawe tangage, nyi walena tadak mawe aga dahowe ha angtana.
\v 3 Tabolo, nyi wu ata manaewarani Allah, nyi natadayi Allah.
\p
\v 4 Oroge inna, tutu hayayo kahila ha maraka wai ta hala hatau, yitta da tadawe wale lakma bara hala hatau ta panu tana inne, mono lakma Allah heka duka Nyi.
\v 5 Tabolo, ba daka hatakki allah-allah, dete ta surga loho dumo ta panu tana, (katauna bana butayi “allah” mono butayi “mori”),
\v 6 tabolotubada yita duka dahege wuyi Allah, wale iyak mayi Ama. Wali ta nyiyim tangadi mono yitta dada tutu Nyi. Mono, duka wu heyi Mori, nai Kristus Yesus, wali ta Nyi tangadi dadi, mono ba dada yitta ledeni Nyi.
\p
\v 7 Loko bataudak ge, wale tangak mage kadadi ata tadawe inne. Tabolo, kapirana ata, ka dama be ta bara kaha ba tauge, da yadi ha yayo radaba haya mara kayi ta bara. Oroge inna, ate muraha yidda ka mawala na dadi karija kadi.
\v 8 Ha yayo wale naha dageta dakmada yitta tabarai Allah. Yitta dumo wale rehi ai tiddak mada nyi ai da yaka, waleka wale rehi daha makda nyi yitta bada yaka.
\p
\v 9 Tabolo, apewela malogamu innala illa watu wida dalkawe tubada yidda kaloja.
\v 10 Oro, Nyi badaka ata ka etami miyo, kadayo paha ngadana, yayo ta hadau maraka, wale kalak atek nage nyi loja, enga ha didarayi tutu ya kahila ha maraka ta hala hatau?
\v 11 Nyiwe, ledege angtamu, ata kaloja nada, tutu Kristus ka matebe, na dadi li lokowe.
\v 12 Nyiwe, waige jala tabara angwuyo taha tenami mono kaha pota nage ate murahana kaloja, nyiwe mi um jalami tabarai Kristus.
\v 13 Oro inna, nyi hayayo bana ha orowe ole baimu taha tena widda, nauwa wale gu kal yak mawa kahila kaha ana murri dajalage nauwa walegu rayik mani ole baigu widda.
\c 9
\cl Kawukku 9
\p
\v 1 Tanyiduwe nauwa ata kaloganaga? Ba inne nauwa nyi ba ledu limma wa? Tanyiduwe nauwa nyi badda etagun Yesus, Morda yitta? Ba inno miyo ngih ray ullagu lar tay Mori?
\v 2 Ninne nauwa tabara ata wade ka nauwa walle ledu limma mauwa, tanyiduwe nauwa dummo ho Ledu Limma tutu mi.
\p
\v 3 Nyidawe inne hagabbagu tabara yidda na ka matutra ta nauwa.
\v 4 Be inne nami walle ladama dauma tutge ya monno enu?
\v 5 Bana meradage katujana ledu limma- ledu limma rade wadeka, olebay -olebayi Mori, monno dummoy Kefas?
\v 6 Ba, nyidaho nade Barnabas monno nauwa na ka walle lakma daugu tut ayi rayi ulla?
\v 7 Iya beyi bada pahadawe kataudana katujana tentara katagu dauge pagannage tutge dauna? Iyai na kaha mulla ge oma anggur monno ay ka ya dalid wudi? Lohho, iya dayi ka jawa ranga monno ay ka enudi huhudi?
\p
\v 8 Bage ne nauwa ba halara guge hada-hada katujana ka dadi ata? Banyi allakwe inne Hukum Taurat dummo ba halara allay hada-hada kaha mera?
\v 9 Oroge, dage lar kama tolha ta Hukum Tauratuy Musa, “Ilammu miyo pahelanni nade hapi ka tamrana hamoy gandum!” Banyida hapi naha tamranay Allah paha atena?
\v 10 Lohho, aga dawe Nyi Halara na tut dada yitta? Ya tutda yitta we hada katujana ma tolhawe oroge nade karay ullage kanna ray ullage lar taka ma manne monno nada ka hamo tannam kana hamo dummo kama manne tutge kolege dau na.
\v 11 Ba inne nami bama habarana win tut hatena ta jonga dalarami, ka bana rehi widdiy loppo nami dummo ma ngala allage tut hawai panu tana wall tabara mi?
\v 12 Nyiduwe ata wadeka da dummo ho dau da inne ta pannumi miyo, walle nyidamawe nami rehi dadaho dauda ma? Lokko tauda allage, nami walle ma waimage dokuge tut ge dauma nedo. Naka baldawalwe, nami ma taguge tangnga kahage tannam nami illama yidalwe dadalge wu kama hapa tutuge Liege atey Kristus.
\v 13 Bagim Miyo wallem tada we oroge yidda naka ullage hada- hada naka murraha nedo, ya naha ya wal taha ngajinay Allah Dummo? Monno, Yidda naka ray ulla ta tillu kangotena da kolena dauda wal rade tamanuta maraka nedo?
\v 14 Tauda dummoge, Mori naha rehayi Yidda naka kaha kakowe Liege Ate tutge morha ka wall ta Liege Ate dummo.
\p
\v 15 Nyiduwe, nauwa walle ladamage bagu waidahona wu tonna wal hadau- hadau inne. Monno, nauwa walegu tolha mawe hada- hada inne tannam kapahadawe katujana na tabaragu. Oroge, na reh dahha da hoge nauwagu mate wal ta rade wu ata nade ai ka dage na ka ege ate dangngagu.
\v 16 Oroge, ba inne nauwa aigu halarawe inne liege ate, nauwa walle ladama kapege tutuge li dete ledege ha ulla pa hatewa ba dage tabara gu. Lilokowe nauwa, ba inne nauwa aigu halarawe Liege ate.
\v 17 Ba inne nauwagu halarawe Liege ate dokuge habay daugu, nauwa dadaho uppagu. Nyiduwe, tanyiduwe inne walle dokumage habaygu, nyiwe inne haulla na paha tenawa tabaragu.
\v 18 Nyi bataudage, agadawe uppagu? Uppagu nyidawe inne bagu halarawe inne liege ate, nauwa na dadiwe bagu halarawe Liege ate langka aida uppa monno wallegu jala waimage daugu ta tillu Liege ate.
\p
\v 19 Loko bataudapege nauwa ug hailawa tabara tangada ata, nauwa ug hadadige taugu atana wali tanagana ata, dajalage nauwa kagu harailodi tangada ata karehi buta.
\v 20 Tauda jalage ata Yahudi nauwa ug tingiyi ata Yahudi. Tubada ata ka morha ta kabu uku pareha, loko nauwa wiki dau eigu morha kawu ta kabu uku pareha.
\v 21 Tubana ata aika mouha ta kabu uku pareha Nauwa ug tujai ata aika morha ta kabu uku pareha, loko nauwa aigu morhawa tabali uku parehi Allah, oro nauwa ug morhawa ta kabu uku parehai Kristus, dajalage nauwa kana dadiwe hatailodi yida aika morha takabu uku pareha.
\v 22 Tubada ata kaloja nauwa ug tujawi ata kaloja, dajalage Nauwa kana dadiwe pa mane manayi. Yida kaloja tubana tangana ata, nauwa ug rehiyi tangage, dajalage nauwa bana dadi kakwe bagu tailodi yida kapirana ata wali ta jongada ata yida.
\v 23 Tangage inna nauwa ug rayidi oro lina, dajalage nauwa kagu kolena hadau neda lari.
\p
\v 24 Miyo walem tadakmawe, inna lari ba hata jina tangada kadokuna bada mauho, tabolobahuyo dahayi ata ka kolena hiyo kaha tajina? Oro batauda dage kulha hatetakkana malau, dajalage miyo kamu kolena.
\v 25 Tangana ata kadokuna inna ba hatajina, na pattu wiki dahona lari tajongage hada. Yida bada rayi taudage kapiku bada kolena karaupa manadana ka otona, tabolo yira kapiku koleda wu kataupa manadana aika.
\v 26 Oroge inna aigu malaikawa aika mangu gauna mono nauwa wale ata tau jurra maula kana gurra aula.
\v 27 Tabolo nauwag hainyakauwe taugu mono ug pattu waikigu tangage, dajalage kole bagu talarage lina tabana ata wadeka, nauwa wiki dau ila tulang ge.
\c 10
\cl Kawukku 10
\s Ngalage Paha Ngada Wali Ta Jalada Israel
\p
\v 1 Oroge, nauwa wallegu aumawa miyo aiyim tadawe, Olebay- olebay, ba rade inya weda waikada yitta, tangngada ta kabu karabba monno tangngada palage bannu.
\v 2 Yidda tangnga kahada da harihay lar tay Musa, ta lar taka rabba monno ta ledege bannu.
\v 3 Yitta tangnga kahada na ya ha yayu ta kalingngora ata hatena na kaha mera,
\v 4 monno tangngada da enu ha enuda ata hatena na kaha mera. Oroge, yidda da enu wal ta watu rohani na kaha doku oledi yidda, monno watu nado nyidunay Kristus.
\v 5 Lokkodummo bataudage, Allah walle na kamayanna wali tangngada kabuta wall ta yidda. Oroge nedo, Yidda daha mateyi ta marada gilra.
\p
\v 6 Batauge, hada- hada inne daha da'dige tujja ta yitta tannam yitta ilada da'di ata naka baige japata naka tujana yidda naka baidage.
\v 7 Illam da'di ka ata kaha ma nuta watu monno yayu katujjana rade wadeka wal ta yidda, katujanna na kama tolha,”
\v 8 lla yitta rayige kamanyarha katujanna naha rayi da rade wdeka wal ta yidda bege 23 rata mate ka wuna laddo.
\v 9 Yitta dummo walle da'di mawe bada kamaniy Mori, katauda dummona rade wadeka wal ta yidda dummo da kaman monno naha mauhad rade nippe-nippe.
\v 10 Illa dummo miyo ay tahkana-tahna katauda yidda dummo bada aidatahge-tahge monno daha mauhadi rade malikat mate.
\p
\v 11 Hada-hada inne na da'di ta yidda kataudana tujja monno kama tolha kataudana paha apem tutda yitta, na bara iyya kawukkuge pan tana ba am ge.
\v 12 Oroge nedo, jamad rade ata na kapa ngadageba dauna kulhawe dede ha atege tannam nyi illana monu!
\v 13 Walle ladama kama kama na ka bada todowu nyiwe kama kama na ka damma ta ka da'di ata. Monno, Allah nyidaho ka doku jua, Nyi walle naha pahalla mami miyo ba kamagim rehgimige kulha ata mu. Enga tanyiduwe, olege ledege kama kama nedo, Nyi dummo, enga ha ganna lara huna tannam miyo kolege ditawe.
\p
\v 14 Oroge nedo, olebay- olebay gu naha manawara gu, dikka raw wikkim wal ta kaha tena watu lohho yayu.
\v 15 Nauwa gu takwe ka tujana ata-ata na ka ha ate, ha ngadage naha takkigu.
\v 16 Ba nyikanna koba haenu kanyurruh na yitta ha ma nutada nedo nyidawe na kangote na ta rana nay Kristus? Monno, walle nyikawe ka baba na yitta ha pahhada nedo nyiduwe ka ngotena ta till tauna nay Kristus?
\v 17 Oroge da'di wu kababa, ma yitta na ka buta inne nyidawe wu tau na; oroge yitta tangngana ba da'di ge hadau wal ta wu ka baba nedo.
\p
\v 18 Ha ated la ata-ata Israel, walleda ma yidda na ka ya na manuta ngalage hadau ta til ha kakowe kangote?
\v 19 Nyiwe, agawe na paha ngadagu? Aga we na yayo na pama nuta ta bara watu lohho yayu nyidawe na ka wuna? Bege, agaday nada hatena ta yayu lohho watu nyidawe naka wuna?
\v 20 Wallek ma, nauwa gu halarawe tabaramu oro hada-hada na bangsa-bangsa wadeka da maraka, yidda da maraka na tabarada wad-wad japata, walle tuttuy Allah ma. Monno, nauwa wale baiyi mage miiyo bamu kangote dangngadi rade wad-wad japata.
\v 21 Miyo walena da'di mawe ennu wal ta kobana nay Mori monno kobada wad- wad japata. Miyo walle na da'di mawe kolena walta ya en da nay Mori monno ya en da rade wad - wad japata.
\v 22 Atau, apakah kita membangkitkan kecemburuan Tuhan? Apakah kita lebih kuat daripada Dia?
\s Morha Tutu Hamanadaniy Allah
\p
\v 23 “Tangnga kaha ge na da'di da we,” tanyiduwe walle tangngadamadi ba da gaudi. “Tangnga kaha ge na da'di da we,” tanyiduwe walle tangnga da mage bana kade we.
\v 24 Illa daka wu dummo na ka mayegage kadaha tutu dau dauna, tanyiduwe kadaha tutuda ata wadeka.
\p
\v 25 Yadadudi agay hama laja ta pahara kahila bam hatadadi, tutuge Ate murraha.
\v 26 Oroge, panu tana monno tangnga ge ngihge ba dauda nage Mori.
\p
\v 27 Nade dakan wu ata ay ka hatenaho bana kamaikagu monno na dage kalogag tutge kako, ya dadudi agaduyi na yi dagu tabaramu ilhillu mu hatadadi, waige ate murraha.
\v 28 Nyiduwe, ba daka ata kaha hanewe tabara mu, “Ha ya rade bana paha nuta waybey pu watu lohho pu yayu,” jammad miyo ha yadi, tutu da nade ata naka kahalaraguge nedo monno waige ate murraha.
\v 29 Paha ngadagu, walle wayge ate murraha mu daumu, tanyiduwe ate murraha ata wadeka?
\v 30 Ba nauwa ngalage hadawugu ledege hailana manuta, ahha nauwa maha jalawa tutuge na ha ya nata pannuge nauwa hailana manuta?
\p
\v 31 Nyiwe, ba nyiwe miyo ya lohho ennu, loppo aga da duyi na mi ha ullam, ulladadi tangngadi nedo tutu hama naday Allah.
\v 32 Illam rayikadi ata hawidda dangada, langka ata Yahudi, ata Yunani, lohho dummo kangotenay Allah,
\v 33 katujana nauwa dummo ta till tangngage hada habayna tangngana ata, ba wallegu mayega mage naha ut daugu, ta nyiduwe naha utugu tutu da ata buta tannam yidda koled baha tolkayi.
\c 11
\cl Kawukku 11
\p
\v 1 Da'di la ata -ata kadokuge kanogo gu, katujana nauwa dummo ta lih nay Kristus. Tadage Ba Na Kuaha
\v 2 Na batauge, nauwa gu daika gimmi, oroge miyo um ape wa ta tillu tangngage hada monno na natto pata- pata katujana naha dikigimi tabara mu.
\v 3 Nyiduwe, nauwa bayge miyo bam tadawe ba rade katkku tangngada kabani-kabani Nyi natuja Kristus, kabayge tut laway nyi allana kabani, monno katakku nay Kristus nyi allaho nay Allah.
\p
\v 4 Tangngada kabani- kabani na ka sembayang monno kama nyurrah wayge katakku na toni kaba walle na hi mawe katakkuna.
\v 5 Nyiduwe, tangngada laway naka sembayang lohho kama nyurrah wayge katakku ai toni kaba, lang liranage dauna katakkuna, hada inno naha merawe na tujage ba na takku ha modo.
\v 6 Oroge, ba nada wu laway ay na toni kawe katakkuna, jammaan nyi dummo kana guttiwe wuna. Nyiduwe, ba ha makke dangngawe tutuge wu laway ba guttiwe wuna lohho ba kikrawe wu katakna jamman kana toniwe katakna.
\p
\v 7 Kabani - kabani walle na da'di damawe ba toniy katakku oroge nyiyo naha tuja ta hada monno ta ka ma nadanay Allah. Nyiduwe, laway yidda alla hamanada dangngada kabani.
\v 8 Kabani- kabani walle talaway, tanyiduwe laway wall ta bani na.
\v 9 Monno, kabani walle pa hada mayyi dauna laway tanyiduwe laway daunad kabani.
\v 10 Nedola nyiduwe orroge, laway dadaho dauda tada ha kuaha na ta takkuna oroge rade malikat.
\p
\v 11 Nyiduwe lodoge, lar tay Mori, walle ladama laway ay ladaka kabani, lohho kabani ay laka laway.
\v 12 Oronage, laway puge wal tabaniyi, tauda dummoge kabani dadi wal ledege laway. Monno, tangnga kahhadi walid tay Allah.
\p
\v 13 Hangadda dauge, na yannage tutda wu ata laway bana sembayang tay Allah wayge katakku ay hatoni?
\v 14 Tauda allage kakoge pannu tana nahanewe we dau we tabara mu ba daka kabani kama lau wu na, had kataudana nyidawe langlira na tauna?
\v 15 Nyiduwe, ba nade laway ba daka kamalau wu na, hada nedo nyidawe pamanada dangngana: Oroge, wuna nyi nedo ba yinage tabarana ha li panna.
\v 16 Ba daka ata na ba hoge gabbage, nami walle ladama kanogo kataudana nedo tauda dummoge ta ata kangote nay Mori. 
\s Hal-Hal yang Salah dalam Perjamuan Kudus
\p
\v 17 Ta tillu baha kakowe pareha inne, nauwa wallegu daika mawu oroge mi bamu makahha walle tutuge hada ka rehi dahha, tayiduwe tutuge hada ay ka dahha widdi na.
\v 18 Kadihhana, dikkige miyo bamu ma kahham tutge kangote ata hatena, nauwa gu rangngewe ba dage ha muhna ta jongam miyo. Monno, nauwa gu hatenawe wadeka.
\v 19 Oroge, dada hoge hamuhna ta jongam miyo tannam naha etage tadage tah tagorana kana da'di delakawe ta dalaram miyo.
\v 20 Bam miyo makahha ta wu hadau na kaha mera, hada nedo walle tutdamange ya perjauan nay Mori.
\v 21 Oroge batamrage yayo, tangngada ata ngala ul da howe ha ya dauna bege da'di na ka labba monno nada wadeka da mabuk.
\v 22 Agawe miyo walle ladama umma tutuge ya monno? Lohho, agakwe miyo um langliray kangote ata kahatenay Allah monno bam hamakkey rade yidda na ay kadakinna aga- agana? Aga howe naha takkig tabaramu? Bege ne nauwa gu daikami? Nyiwe ba walle!
\p
\v 23 Oroge, nauwa gu hibbawe wali tay Moriaga na dummowe nauwa pahade gimmige tabara mu, Oroge Mori day Yesus, bana gagge banyiwe Nyiyo bada yanage ay ka dahha, na ngala kababa,
\v 24 monno banna be na wotuna mahadi, Nyi na pahha- pahhay monno naha newe, “Nyiduwe inne Taug-Gu, na nyi dawe dau mu; pahadawe la kana da'di we ba apewe tutugu Nauwa.”
\v 25 Tauda dummoge, Nyi na ngalay koba ba bena ha yayo loppo nahanewe, “Koba inne nyiduwe katuk tehka beru na ta till ra-Gu. Pahadawe inne, tamrage kaha pirrawuddana miya bam enu ge, da'di bamu ape wayga tutu Nauwa.”
\v 26 Oroge, hapirra wuddage miyo yami kababa inne monno enuge wal ta koba inne, miyo um hapege tutu mate nay Mori kahha ba ammini.
\p
\v 27 Oroge nedo, iyayi ka yayo na kababa inne monno ennu ta koba nay Mori way kanogo na ay yanna, nyi na jala ta tuba tau monno ta ra nay Mori.
\v 28 Kadadi ata da ka ninno da ha wikkina ta tau dau dahona, ledege ba taudage langka nyiyo na ya kababa monno enu wal ta koba nade.
\v 29 Oroge, na ka ya monno enu ayna hatenawe bataunagey Mori, nyige kamaikanage aika maringna ta tauna.
\v 30 Nyi allawe oroge, ahha ma buta ta jongam miyo naka loja monno kalawara, lohho tutu butada ka mate.
\v 31 Nyiduwe, batauge ba yitta bada keju wikda dauda waige bana tenawe, yitta walle enga hoku mada.
\v 32 Nyiduwe, ba yitta hokukada, yitta naha nuwwada nay Mori tannam yitta illa ta hokda ole kahha da tangngage panu tana.
\p
\v 33 Nyiwe, olebay- olebay gu, ba tamrage miyo makahhatutuge yayo, hayanne wikkim lan.
\v 34 Ba daka ata kalabba, dahha howe nyi kanna ya ull ta ummana tannam illa miyo makaham tutuge ba hoku gim. Monno, hada- hada wadeka enga nauwa ka atorrawe nim nauwa ba amga.
\c 12
\cl Kawukku 12
\s Manyurra-Manyurra Wali Ta Waddi Bihha
\p
\v 1 Batauge, tutu ge manyurra- manyurra ata miggu, olebay-olebay, nauwa walle baimage miyo aim wallem tada we.
\v 2 Miyo tada ba tauge miyo enga da'di ata-ata ai kada hoi Allah, miyo daha jallora mi tabara watu monno yayu ka bangnga, be taudage miyo da kanato.
\v 3 Oroge nedo, nauwa halara gimmi tabara mu ba walle wu dummo, na nahanewe waige Wad nay Allah, na hataki, “Yesus na tudu loko,” walle ladama wu dummo na kolena hanewe, “Yesus nyidunay Mori,” helena ledege Wad Bihha.
\p
\v 4 Da'di tangngad wadeka manyurra ata hatena, tanyiduwe Wad na naha mera.
\v 5 Monno, ‘da dabbad paha kako, tanyiduwe Mori naha mera.
\v 6 Da'di buta dabbay ha ulla, tanyiduwe Allah naha mera na ka ray ullage tangnga kahhadi ta tillu tangnganna ata.
\p
\v 7 Tabara tangnga- tangnga da ata da yidi paha tadaway Wad tutuge kana dahha kahhawe.
\v 8 Tabara nada wu da yini hatak- hatak tada ledege Wad monno tabara nada wadeka hatak- hatak ingta ledege Wad na kaha mera.
\v 9 Tabarada nade wadeka da yidi hatena ledege Wad kaha mera, tabarada nade wadeka manyurra- manyurra ha taggahanna ledege Wad nada kawuna nado.
\v 10 Tabarada nade wadeka, da yidi ha ulla-ha ulla mujizat, tabarada nade wadeka manyurra ge amna. Tabarada nade wadeka da yidi kulha ingtage tutuge tadayi wad-wad, tabarada nade wadeka tangngad kabuta li hanewe ta bayo, monno na wadeka halaray ngihhid rade hatak-hatak wali ta bayo nedo.
\v 11 Tangngage inne ha ullanage ledege Wad ka wuna monno na kaha mera, na paha bawe tabara tangnga-tangnga ga ata, katujana na Nyi habaina.
\s Tangngana Ata Hatena Yiddana Dau Wal Taunay Kristus
\p
\v 12 Merage katujana nyidawe ba wu we, tanyiduwe na butawe ole ge, monno tangngage olege tau, langkana buta duyi, nyiduwe wuhe tau ge, tauda allage tay Kristus.
\v 13 Oroge, ledege wu Wad, yitta tangnga kahhada bada hariha beda tatillu wu tau, langka ata Yahudi lohho dummoata Yunani, langka rade ha ata lohho dummo ata ay ha ata d'a, monno yitta tangnga kahhada da yida enu wal ta wu Wad.
\p
\v 14 Roge tau walle na dede mawe wali ta wu tau, tanyiduwe butawe ngihge tau.
\v 15 Ba rade ledu bana hanewey, “Oroge nauwa walle limma mawa, be nauwa walle lada maga ta till tau, ' walle nyi da mawe nyi ba ai tau nage.
\v 16 Monno, katillu bana hanew ka, “Oroge nauwa walle mata da ma, nauwa walle kangote tau da mawa,” walle nyidamwe ba ai tauwe.
\v 17 Ba tangngage tau ba mata dawe, ma gidage ha rangnge way? Nyi tangngage ba katildahey, ma gidage ha ngahha way?
\v 18 Nyiduwe, batauge Allah bada ha inyakanadi ngihi tau- ngihi tauda nedo, tangngada ata wall ta yidda, na til tau, kaudana na Nyi habayna.
\v 19 Ba tangngage ba wu ngihi tau, ba gi dage tau?
\v 20 Batage, taudage da'di butay ngih tau, tanyiduwe nyihewe wu tau.
\p
\v 21 Oroge nedo, mata walle da'di mawe hanewe tabarana limma, nauwa waleg kamaddi damagu! “Lohho wall, katakku tabarana ledu, “Nauwa waleg kamaddi da magu!”
\v 22 Tabalwalge, ngihhi-ngihhi t taunaha ete na rehi loja dahina naha rehi widdi na hakamaddi.
\v 23 Monno, ngihhi-ngihhi tau na yitta pa ngada dawalle na ladama hige, tanyiduwe na yidahoge ngihhi biktage hige ka rehih na. Monno, ngihhi-ngihhi tau, na yitta hangadda dawallena yanna damage hatingngoge, nyidahowe rayhoge tutuge ka rehi mayanna ba hatingngoge,
\v 24 oroge, watte-watteed na ka bada mayanna hatingngodiwalle hil waymadge. Nyiduwe, Allah bada hanukkunage tau nedo ledege bana yige ngihhi hige karehi madakka tabarage ngihhi-ngihhi aika tanga hona,
\v 25 tannam walle ladama kawatena ta tillu tau, tanyiduwe tannam ngihhi-ngihhige nedo kolege hamattarrage ka wuna lohho nada wadeka.
\v 26 Ba nade wu ole ngihhi mayilla, tangngage ngihi mayilla dabbawe ge. Ba nade wu ngihhi tau baha manadani, tangngada ngihhi tau da lagahara kahha ge.
\p
\v 27 Batauge ba taunagim Kristus monno miyo tangnga-tangngami miduna ngihhi-ngihhina.
\v 28 Allah bada ha yanna nage ta tillu kangotena ata hatena, kadihha na yiddana rade ledu limma, ka du'dana rade lodo li pala bayo, ka taudana rade gur, kamurwal mujizat- mujizat, manyurra-manyurra hataggahana, matull, naha natto, monno tangnga-tangngad hanewe.
\v 29 Nyidawe tangngada ledu limma? Yidda allaho lodo li pala bayo? Yidda allaho rade gur? Yidda kahhahaho naka rayna mujizat?
\v 30 Ba yidda allaho tangngada na dauge manyurra hataggahana? Yidda allaho tangngada katakkiwe ledege hanewe-hanewe, ba yidda allaho tangngada na kaha laray?
\v 31 Nyiduwe, baydagela way kaha tetakkanna-tetakkanna manyurra-manyurra naka karehi madakka. Monno, nauwa gu tingngogiminni tabara mu lara na nade rehi li dahha na.
\c 13
\cl Kawukku 13
\s Manawara
\p
\v 1 Ba ne nauwa bagu hanewe wayge hanewe-hanewe ka dadi ata monno rade malaikat, tayiduwe walle ladamage manawara, nauwa duna tala ka punyi monno kaballo naka ka ngura.
\v 2 Ba ne nauwa badakage manyurra etawe monno tadawe tangngage kabunyi monno tangngad hatada, monno ba ne nauwa badakage tangngage hatena tutu makkage hadikkige leten- letena, tanyiduwe walle ladamage manawara, nauwa walle ladama gaugu.
\v 3 Ba ne nauwa bagu yikayi tangngad hadaugu tutuge ba yidi ha ya tabara ata milla, monno yiwe taugu ba tunnuwe, tanyiduwe ailakage manawara, wu hodi dummo walle ladama gauge tutugu.
\p
\v 4 Manawara inno tahge monno libawa ate, manawara nedo walle hakirri ma, walle hali dete wikkina, monno walle na wu togo ma,
\v 5 walle rayi mage na ayka dahha, walle mayega damage habay dauna, walle na geha da bana bani, walle na yapu damage pirra taudi jalada rade ata wadeka,
\v 6 walle gu lagaharra da mawa tutuge na ayka tena, tayiduwe gu lagaharawa ledege katena.
\v 7 Manawar nedo tahge ditawe tangnga kahha ge, hatenawe tangnga kahhage, way mannege tangnga kahhage, monno tagorage ditawe tangnga kahhage.
\p
\v 8 Manawara awalle ladamage bana hadukkawe. Nyiduwe, ba daka hatada-hatada iay pa hudda; ba daka hanewe-hanewe, enga daha ngahuyi; monno badaka na ha tada, enga ba pungngad ge.
\v 9 Oroge, yitta tadawe na wadeka dana monno yitta pahadawe kahodina nyihewe.
\v 10 Nyiduwe, bana naka banna dikki kawe, na wadekage engage ba pungngage.
\p
\v 11 Nutna nauwa ba lakawa howa, nauwa gu hanewewa katujana lakwa marraha nauwa paha ngadagu na tujjadawe lakawa marraha, monno bagu yapu - yapukanna na tujay ana lakawa marraha. Bagu dikkina matuyo, nauwa gu tannadi kanogo lakawa gu nedo.
\v 12 Oroge batauge yitta etawe lar ta ninno bana gau-gaula howe, tanyidu murge ha etana mata monno mata. Batauge, nauw a tada he guge na wadeka, tanyiduwe murrige nauwa enga bagu tadawe na tangngage.
\v 13 Nyiwe, batauge kataudana hada inne enga ge dage, nyi duwe na hatena, naha manne, monno manawara; tanyiduwe na rehi madakka wall kataudana nyidawe ne manawara.
\c 14
\cl Kawukku 14
\s Hatada Ul Paha Hada Monno Hatakki Tabayo
\p
\v 1 Rotiwe la Manawara monno kamaddige wayge kaha tetakkana manyurra- manyurra ata hatena, bay buge tannam miyo dadiwe ba paha hada.
\v 2 Oroge, iyai kaha newewaige hatak ta bayo, walle hanewe da ma tabara ata, tanyiduwe tabaray Allah; oroge walle ladama ata na ka yappawe, tanyiduwe nyi na halarawe hada- hada naka ka bunyi ta tillu wad.
\v 3 Nyiduwe, ata na kapa hadawe hanewe tabara ka da'di ata tutu ha kadewe, hanuwwa, monno kama ringna.
\v 4 Ata-ata na kaha neweta tillu hanewe way ge bayo hakadde wikkina, tanyiduwe ata na kaha lara hada naha kaddewe kangote ata hatena.
\v 5 Nauwa gu manne gim miyo tangngam hanewe wayna hatakki-hatakki way bayo, tanyiduwe karehhi widdina tannam miyo kam lara hada. Ata nade kahanewe wayge hatak ta bayo, helena ba nyi dummo kahha larawe ngihge lodoge rade kangote ata hatena kolege hibbawe naha kulha dangnga.
\p
\v 6 Olebay-olebay, ba ne nauwa amkaga tabara mu monno bagu hanewe wa wage hatakki-hatakki ta wad, agawe ha utuge ta bara mu, helege ba ne nauwa bagu hanewe tabaramu ledege naha tingngo, ha tada, lara hada, lohho na ajara?
\v 7 Loppona, ngawu-ngawu ayka pannu ngahuna, ka tujjana rade suling lohho kecapi na kaha huna punyina, ba ne ayna pahukana kahekana ar ta punyi na, aganadakawe ata bana taday ba agayday nada hama lengo, suling ngui ba kecapiy?
\v 8 Lohho, ba nade trompet kay kapa huna lina ayha range dahha, iyyadayi kapa ganna wikkina tutuge hatau?
\v 9 Tauda allage miyo. Ledege lammamu, miyo pahudi ram hatakki hatakki naayka koledi ba yappay, aganadakawe ata tadawe agawe naha hatakki? Ba meradanage miyo hanewe tabara rereha.
\v 10 Nyiwe, da'di taudage butadi hada hanewe tangngage ha gala panu tanamonno walle ladama wu dummo ka wall kataudana aika mannu ngihna.
\v 11 Nyiwe, ba nauwa ayha hatada ngih hanewe nedo, nauwa engage da'di ata abu pallaka tutu na nyi kahanewe, monno ata na kahanewe nedo na da'di ata ata abkadana tabaragu.
\v 12 Tauda allage dummoge miyo, oroge miyo hatetakkage bam kamaddige tutuge hakadewe ne kangote ata hatena.
\p
\v 13 Oroge nedo, haidaduni nade ata na kahanewe wayge hatakki ta bayo sembayang tannam nyi tadawe ngihhi ge.
\v 14 Oroge, bagu sembayang wayge hatakki ta bayo, wadi gu na sembayang, tanyiduwe paha ngadagu walle nah ngihhi mawe.
\v 15 Bege, agadawe naha nauwa paha hadagu? Nauwa engagu sembayang wa ledege waddi gu monno nauwa dummo enga ge sembayang wage paha ngadda gu. Nauwa enga ge manyanyi wage paha ngada.
\v 16 Ba ge miyo nyidahewe hailana manutaledge waddi mu, aga nadawe rade ata, na kadana tatillu hadau aika mannu manyurrana nedo, kolege takkiwe, “Amin,” ta pannu bammu hailana manuta mu nedo oroge nyiyo walle na yappa mawe na miyo hatakki?
\v 17 Langka dummo miyo hailana manuta wayge na kadahha, tanyiduwe ata wadeka walle pakade mayi.
\p
\v 18 Nauwa hailana manuta tabara nay Allah oroge nauwa halarawe wayge hanewe-hanewe ta bayorehwe walli ta mi tangngami.
\v 19 Nyiwe, tatillu kangotena ata hatena, nauwa rehi dahha da howe halaray limma hatakkiwayge paha ngadagu tannam nauwa dummo kole ba ajaray rade ata wadeka, walle nyidamawe ka bull rata hatakki wayge hanewe ta lamma.
\p
\v 20 Olebay-olebay, illamu da'dika lakawa waige paha ngadda mu. Da'di dau Lakawamarraha wayge kajapata, tanyiduwe tatillu paha ngadda mu da'di dau ata katuna!
\p
\v 21 Katujjana kama tolha lar ta Hukum Taurat, “Oroge ata-ata na kadana hatakki kahekana monno ledege bana ata-ata kahala tama, Nauwa engagu hanewe tabarada bangsa rade, tanyiduwe yidda enga da range Nauwa, linay Mori.”
\p
\v 22 Bege, hatakki-hatakki ta lamma nyidawe tadage, walle tutuge ata aykaha hatenaho, tanyiduwe tutuge ata ayka hatenaho, tanyiduwe tutuda ata na kahatena.
\v 23 Ba tangngada kangotena ata hatena makahha dabba ta wu hadauyo, monno tangngada da hanewe ledege hatakki-hatakki ta lamma, nyiwe da'di ata-ata na ayka yappawe lohho ata-ata ayka kaha tena ta tama, walle lida damagim ba inno miyo bada ngadem?
\v 24 Nyimowe, ba tangngada manyurra ge ka amna, tanyiduwe da'di ata na ayka hatena lohho ata na ayka yappawe tama, nyi enga na ngaddage wayge tangngage.
\v 25 Naha bunyi lar ate na engage bana delakawe, nyi enga na kataba, monno hadiyi Allah, hatenawe ba na kaha tetakkananay Alla dani ta jonga dalaram miyo.
\s Ha Atora-Ha Atora Ta Tillu Hatabokana Ta Ngote Ata Hatena
\p
\v 26 Bege, lodoge aganadawe, olebay-olebay? Bataudage miyo bam makahhami, tangnga- tangngamidage na mazmur, ha ajara, ha tingngo ge, hanewe ta lamma, lohho na wuyo na paninno. Yammad ge tangngadi redo ba hakakowe tutuge pahakade.
\v 27 Ba daka na kaha newe ta lamma, yammadi yidadana du'da lohho ka rehi buta na tauda ata, monno tangnga-tangngadawayge kaha jeluna, monno engahoge da'di ata na kaha lara we.
\v 28 Nyiwe, ba ay dayo ata na kaha larawe, nyi na ka danna ta tillu kangote ata hatena monno yammadadudi nyi kada hanewe ta bara dau dauna monno tabaray Allah.
\p
\v 29 Yammadage naka du'dana lohho taudana lodo li pala bayo na kahanewe monno nade wadeka da pangadage.
\v 30 Nyiwe, bana hatingoge naha rayitutuda ata wadeka naka ka ngodo ta dauwu nedo, ata nada ullu naka danna daho.
\v 31 Oroge, miyo tangngage kolege tada ulluwe wu monno wuyo, tannam tangngage kolege naha ajarra, monno kolege naha kulhawe.
\v 32 Wad-wad rade lodo li pala bayo kangaduka tabarada rade lodo li pala bayo.
\v 33 Oroge, Allah wallenay Allah wali kaha wihha kawe, helege moll kala gahara, merage tujjama tatillu tangngada kangote ata hatena ata-ata murraha.
\p
\v 34 Laway naka engana ka danna ta tillu kangote ata hatena oroge yidda aypa haiyo tutuge hanewe, tanyiduwe naka kangaduka ka taudana ta Hukum Taurat dummo naha larawe.
\v 35 Ba daka ka wuna naha bayda yidda hanuwayi, yammadadi yidda kada kanukkawe tabara layna ta umma oroge nyidawe hada na ha makke dangngage lawayi tutu hanewe ta tillu kangote ata hatena.
\v 36 Agakawe li nay Allah wallige ta miyo? Lohho, agakawe nedohewe tabarmu na liyo nedo baha dikkigimige?
\p
\v 37 Ba dakadi na kaha ngaddage ba nyi daduna lodo li pala bayo lohho ata nada rohani, yammadaduni nyi tadawe oroge hada-hada na nauwa hatolhagu tabara munyidawe harehanay Mori.
\v 38 Ba daka ata na ayka tadawe inne, nyiyo walle ta taadawe.
\p
\v 39 Bege, Olebay-olebaygu, hangaddage wayge kaha tetakkana tutuge tadawe nimmi ka amna, monno yammageha herina ata hanewe wayge hatakki-hatakki ta lamma.
\v 40 Nyiduwe, tangngage nyidahowe papahada wayge ka li bawa monno pahamijja.
\c 15
\cl Kawukku 15
\s Li Ege Ate Tutunay Yesus Kristus
\p
\v 1 Batauge, Olebay-olebay, nauwa gu halaragimige tabara mu Liege ate, na nauwa hadikkimi tabaramu, na bada mi pa hibbamu, nata jonga nage miyo bam dede diddara.
\v 2 Ledege Liege ate nedo dummo miyo ba ha tolkawu, bana modahewe miyo kam natto hamaddona ta bara li naha bada halarag tabara mu, ba helege miyo hatena ledege ayka mannu gauna.
\p
\v 3 Nauwa halaragimige tabaramu, na paha ullu kabayhingge, na dommo nauwa hibbawe ba nade Kristus na mate tutuda jala-jalada yitta katujjana nata jurrata Murraha,
\v 4 Nyi bada tanbeni ge, Nyi daha kade haggayita laddo kataudana katujjana jurrata Murraha,
\v 5 monno lodoge Nyi badda hatingngo wikna-Nyi tabaray Kefas, lodowalge tabarada ka bullu du'dana rado.
\v 6 Bewe nedoge, Nyi naha tingngo wikki-Na tabarada rehi wali ta limma ngahu olebay-olebay tangnga hingda. Tangnga kahhada wadeka butadawali ta yidda da'di da morhaho kahha batauge, tanyiduwe rade wadeka bada mate beda.
\v 7 Lodoge, Nyi naha tingngo wikkina tabaranay Yakobus, lodowalge tabarada tangngada lidu limmana.
\v 8 Murge, mera tujjanage tabarana ana nada kadadi ay dikki hoge rahna, Nyi dummo naha hatingngo wikki-Na tabaragu.
\p
\v 9 Oroge, nauwadu naka rehi marraha ta jongada ledu limma-ledu limmana-Nyimonno aykama rakka ba takkiwa tutuge ba ledu limmawa oroge nauwa gu hamayillayi kangote ata kahatenay Allah.
\v 10 Nyiduwe, oroge kanyurru kanaggay Allah, nauwa daduna nauwa na batauge. Monno kanyurru-Na nata baragu walle aymannu gaudamage. Nauwa gu rayi ullawa rehi maromatawalli ta yidda tangngada, tanyiduwe walle nyikelmawe nauwa, tanyidawe kanyurru kanagga nay Allah naka doku mane ga.
\v 11 Nyi oroge nedo, lohho ledege nauwa loppo dummo yidda, tauda allage nami ma ajarawemonno taudaallage miyo bada hatenam.
\s Kade Hagga Wali Ta Tillu Mate
\p
\v 12 Ba nadey Kristus batakkiyi na kade hagga walli ta tillu matena, ahha rade wadeka ta jongam miyo da hanewe lidage walle ladamage kadde hagga wali ta jonga ata mate?
\v 13 Banyi walle lakage kadde hagga wali jonga ata kamate, Kristus dummo walle lamemage ba kade hagga ge.
\v 14 Ladama gauge paha dikkigim na nami monno la alla ma gauge dummo hatenamu.
\v 15 Rehi widdi ge, nami dummo da kolegama hatujja ta saksi kawohhoka tay Allah oroge nami yiwe takkiwe ba nadey Allah bada kadde hagganani Kristus, naha ayha da'di ha kadde haggana-Nyi, ba nedo taudage tenage ata mate walle kadde hagga ma.
\v 16 Oroge, ba nade ata kamate ayna kadde hagga ka, Kristus dummo walle ma walle na kadde haggama.
\v 17 Monno, ba nade Kristus ayna kadde hagga ka, ladama gauge hatenamu, monno miyo engahom badagim ta tillu jala-jala mu.
\v 18 Tauda Dummo ge, Yidda na badda mate lar tay Kristus dummo nada'diwe tuddu loko.
\v 19 Ba ne naha manne da yitta ta lar tay Kristus nyihewe tutuge morrha inne he, yitta daduna ata-ata naka rehi aymannu gauna walli tangngana ka da'di ata.
\p
\v 20 Nyiwe ba tauge, Kristus badda ha kadde haggay walli ta jonga ata ka mate, ka mera nade wu u ullu na walli tangngana ata hatena nada kabadda mate.
\v 21 Oroge na mera tujjawe na mate ka da'di ledege wu ata, nyiduwe ledege wu ata dummona la ma kadde hagga wali ta jonga ata ka mate da'diwe.
\v 22 Oroge ta jongay Adam tangngana matebe, tauda dummo ge ta jonganay Kristus tangngada enga daha morhayi.
\v 23 Nyiwe, tangnga-tangngana ata dokuge oro'di: Kristus nyidaduna wu ullna, bewe nedo ge yidda na rada daunay Kristus, nimmi ba amhaggani-Nyi,
\v 24 lodoge dikige bana ha lodoge, nyiwe nedo ba dikkige Nyi yinage na Raja tabanay Allah Ama, dikkige Nyi badda hamauhadi tangngad kaha reha, tangngad kuaha, monno ka kulha.
\p
\v 25 Oroge, Nyi da ho kaha rehawe kahhay Allah ijjalay tangngana mh na-Nyi na kabu koko ledu-Na.
\v 26 Muhna kamurri naha enga ha mauhana nyidawe inna mate.
\v 27 Oroge, Allah badda ijjalanadi tangnga kahhadita kabu koko ledun-Na. Nyiwe, badikkige ba takkiwe ba inne tangnga kahhage badda ijjalanage ta kabuna-Nyi, hungngabewe ba inne ayka kahaole tay Allah dauyo, na kaijjalawe tangnga kahhage ta kabbu nay Kristus.
\v 28 Ba nedo tangnga kahhage da ijjalay ta kabunay Kristus, bewe nedo ge ana dauna dummo enga ha bawa wikna tabarana Nyiyo, nada kaha libaway tangngada ta kabunay Kristus lodoge Allah engage bana da'di tangnga-tangnga ge ta jongage.
\p
\v 29 Ba ninne ayka taudana, agakawe ka engana naha rayi rade yidda na da paha riha tutuge ata na kamate? Ba nade ata ka mate ayna kadde haggaka mera allanage, lohho ahha rade ata-ata ma hariha tutuda yidda?
\p
\v 30 Monno, ahha nami ma daga ma tatillu elo ngaba tangngage rahi?
\v 31 Olebay-olebay dihha-dihha lado nauwa gu aroge hamate dangnga, tutu ge hamadakka ate dangngagu ta jonga dalaram miyo, na nauwa ha daugu lar tay Yesus Kristus, Morda yitta.
\v 32 Tauge ka dadi ata, agakawe ha utugu, bagu gabbadi rade ranga-ranga ka bani ta Efesus? Ba nada ata mate ayna kadde haggaka, “Mayda yitta ya monno enu oronage koka yitta mate dage.”
\p
\v 33 Iyya na da'di kawe ba tipu wu: “Rayi ole na ayka dahha naha wattaradi rada ka nogo-kanogo na ka dahha.”
\v 34 Hangada wali la wayge ka dahha monnao illam raykana ka jala. Oroge, rade wadeka ata walle ladamage hatadayi tutunay Allah. Nauwa gu takkigimige inne tannam miya kam makkem.
\s Kadde Hagga Ge Tau Rohani
\p
\v 35 Nyiwe, wu ata enga naka kanukkawe, “Aga nada ata ka mate bana kadde hagga? Ledege tau aga dawe yidda nim ba am hagga wallid?”
\v 36 Ta rade ata kabangnga! Aga na miyo ba habbaram walle ladamage tummui na morhay, helege nyi na mate ul daho.
\v 37 Monno, aga na miyo pa habbara damawe ngihhi nada pa taddo nada ka engana tummu nedo, tanyiduwe nada wihana na ayka mannu kalitana katujjana wiha gandum lohho wiha-wihana nade wadeka.
\v 38 Nyiwe, Allah da yini tauwu na kataudan Nyi habayna-Nyi monno tangngada-tangngada wiha naha yina tau na dau-dauna.
\v 39 Walle tangnga madi kahila yid'da na kahila kaha mera, tabollo nyihewe wu kahila kadadi ata, monno rada wadekakahila ranga-rangay, monno rada wadeka kahila tangadi kawurna, monno rade wadeka kahila kabokoy.
\v 40 Da dummodi tauwu sorgawi monno tauwu pannu tana, tanyiduwe kamanadana na ta sorga nedo kahekana monno kanadana na ta pannu tana nedo dummo hekawe.
\v 41 Kamanada mata laddo hekayi, manadana wulla hekawe, manadadi tangngadi maduu dummo hekayi oroge wu maduyo hekay walli ta maduu nade wadeka ta til kamanada.
\p
\v 42 Tauda allage ledege kadde hagga da ata kamate. Da habbarani ta tillu ka mabbo, be hakadde haggay ta tillu kamanadana, da hakadde haggagay tatillu ayka mabbo.
\v 43 Da habbarani ta tillu ka li bawa hingna, da hakadde haggay ta tillu kamanadana. Da habbarani tatillu loja mawala, da hakadde haggay ta tillu ka kulha.
\v 44 Da habbarage katujjana tauwu ka da'di ata piyo, da ha kadde haggay ka tujjana tauwu rohani. Ba nyikawe dage tauwu ka da'di ata piyo, d'a dummo tauwu rohani.
\v 45 Katujjana kama tolha, “Ka da'di ata ullu, Adam, na da'di dewa naka morha.” Adam naka ka murri na da'di wad naka yiwe morha.
\v 46 Nyiwe kataudana, nada ka rohaniwalle nyidamawe naka dau pannu. Na ka dau pannu nyi dawe na ata p'i ge, bewe nedo ge nyiwe ba amge naka rohani.
\v 47 Ka dadi ata ullu ka waliy ta pannu tana, yidda ka wali ta kabka tana, na ata kadu'dana ka waliy ta surga.
\v 48 Mera tujjana ka wali ta kabka tana, katauda dummo na yidda na ka wali ta kabka tana. Monno, mera ka tujjana na ta surgawi, tauda dummo yidda na ta surgawi.
\v 49 Ka taudana yitta ba rayida ta tillu tujjana ka dadi ata ka wali allada ta kabka tana, yitta dummo enga waige hada ka tujjana ata nata surgawi.
\p
\v 50 Nauwa takkigimige inne ta barami, Olebay-olebay, oronage ka nayo monno rayo walle kole manna d'auge ta tillu raja nay Allah. Tauda dummoge na di'kkina mabbo, walle kole mana hadauge ta ayka di'kkina mabbo.
\v 51 Rangngewe la! Nauwa halara gimige ta baramu inna wuyo paka bunnyi, yitta enga walle da mate' ma tangngada, Nyiduwe yitta tangngadaenga da ha jeluda,
\v 52 Ba nyi dawe nedota tillu ka badde mata dawe, dikkige nada trompet ka murri: oroge trompet enga na punnyi, monno ata ka mate enga da hakaddey walhillu ta kamabboma, monno yitta enga naha jelu na.
\v 53 Oroge, na ka di'kkina mabbo inne naha yannage na ayka dikki na mabbo. Monno, na ka di'kkina mate inne nyiwe ha yanna hoge ayka tomana mate.
\v 54 Ba nyiwe na ka tomana mabbo innena hayannage na ayka tomana mabbo, monno na ka di'kkina mate inne hayannage na ayka di'kkina mate, nyi tutu nage li na ka badda tolha: “Na mate be'bewe paha nangngage ta tillu tailoge.”
\q1
\v 55 “Ha tutge mate, gige na tailo mu? Ta rate, gige ha rutam mu?”
\v 56 Kulhage na mate nyiduwe inna jalage, monno kuwaha jala nyidawe inna Hukum Taurat.
\v 57 Nyiduwe, yitta wai liddage ta bara nay Allah na ka yida yitta tailo ledena Morda yitta, Yesus Kristus.
\p
\v 58 Bege, Olebay-olebay gu ole hatena g na ta manawara, kadem dede kulha, illa gedo, majabola nyidawe ta tillu ha ullannay Mori. Oroge, miyo tadawe bam padage joli mu walle ayi mannu gaud'a mage na lar tay Mori.
\c 16
\cl Kawukku 16
\s Paha Kahha Ammahha Tutuda Ata-Ata Murraha
\p
\v 1 Batauge nyi ba kahha ammahha tutuda rade ata murraha, pahadawe katujja ledege ha et-etam ha yigim ta barada kangote ata hatena ta Galatia.
\v 2 Ta laddo ka dihhana tangngana laddo miggu, tangnga-tangngam miyo ha lihikkena na kawuna monno ijjalawe katujjana ledege na miyo ha kolemtannam illa nyi nauwa amdalhoga ba rayige pa kahhana.
\v 3 Nyiwe nauwa amga, nauwa engagu haaleway yidda, iyya duyi na mi ha baiyim, naha olehoge waige jurrata-jurrata tutu ngiddiyi rade hayimu ta Yerusalem.
\v 4 Monno, nyi bana marakkawe nauwa dummo kakowa yidda enga da kako ma rangnga ga.
\s Rahi Ge Banna Kakoy Paulus
\p
\v 5 Nyiwe, nauwa enga amiga ta bara mu bewe nauwa bagu haypawe Makedonia, oroge nauwa kabu atege tutuge lida nutu ta Makedonia.
\v 6 Monno, nyiwe nauwa enga dau dangnga gumi loppo bedahowe rahige na kalikka tannam miyo da'di we bam tulga tatillu kakogu, ba gi'gi dummo nauwa dauwu kakogu.
\v 7 Oroge, nauwa wallegu auwu mawaetagimmi batauge na li palla kelgimi. Nauwa baydahingge engana pipirrra laddo a olegimmi, ba nay Mori bana yidud'a ma higgo.
\v 8 Nyiwe, nauwa enga dauwug ta Efesus kahha dikkin laddo Pentakosta,
\v 9 oro binna na ka galla ra tutuge rayi ullage na haullanaka banning na badda ma buggerage ta baragulangka dummo bana butay na kaha gabba.
\p
\v 10 Batauge, ba nade Timotius ammin, hamattarrakige tannam nyi illa namma mdauta bana olegimmi oronage nyi hakako nage ha ullanay Mori, mera kaha tujja na ta nauwa dummo.
\v 11 Bege, illa daka ata na ka etay wayge ay ladal hin'a. Tullun nyi ta tillu bana kako ka ledege ka moll lodoge nyi dikkige bana hagga ta bara gu. Nauwa gu remanni tangngama waidi rade olebay-olebay ta nehhe.
\p
\v 12 Batauge, tutuna olebayda yittay Apolos, nauwa rehi duhhdgunni tutu kako dikkigimmi miyo tangngam ole bay-olebayn na wadeka, ta nyiduwe nyi merage walle na da'di mawe auwuna may ba tauge, Nyi enga ammin ba da ka'nna kalogana.
\s Salam Ba Toniwe
\p
\v 13 Ha ate-atem la, dedem maddona tatillu hatena. Hatinngoge la katujjana baka baniwu, monno da'didawu kulha.
\v 14 Yammadi tangngadna miyo ha ullam, ba ha kakowe ta tillu manawara.
\p
\v 15 Nauwa gu du'hha wu, Olebay- olebayi, (oroge tangngage ngihhi ummanay Stefanus nyidawe wu-wuge ulluge ta Akhaya, monno yidda d'a yi wik'da yidda tutu layan d'a ata-ata murraha),
\v 16 tanna mi dummo libawa tabarada ata-ata katujjana rade monno ta barada tangngada ata na ka rayi ulla dabba monno ka paddana joli.
\p
\v 17 Nauwa gu lagahawa tutu ba amminiy Stefanus, Fortunatus, monno Aikhaikus oroge yidda badda hatutu hayanna bedi agawe aylana tabara miyo.
\v 18 Oro, yidda da ha maringi gadi wad gu lohho waddi mu ledege oroge nedo, taudi hi'da rada ata katujjana rattu.
\p
\v 19 Kangote-kangote ata hatena ta Asia hadikkige salam tutum miyo. Akwila monno Priskila hadikki allana salam ka ha tetekkana lar tay Mori ta baramu, ole dabbada rade kangote ata hatena ta ummada yidda.
\v 20 Tangngada rade olebay da ngidi giimi salam tutu mi. Takkiwe salam wu monno wadeka waige hanga'hha kamurraha.
\p
\v 21 Nauwa, Paulus, tolhawe salam inne waige limma daugu.
\p
\v 22 Nyi ba daka ata ayka manawarani Mori, li lokonage nyiyo. Oh Mori, ammigla!
\p
\v 23 Kanagga tay Mori Yesus doku mane gimmi miyo.
\p
\v 24 Manawara gu dokugimmi mi tangngam lar ya Yesus Kristus. Amin.