lmy_reg/46-ROM.usfm

\id ROM
\ide UTF-8
\h Roma
\toc1 Roma
\toc2 Roma
\toc3 rom
\mt Roma
\c 1
\cl Kawukku 1
\p
\v 1 Paulus, atana Yesus Kristus, hamaika dakdi rasul hatutna hingana lii ege atei Allah;
\v 2 bee hajajinai Allah ulhoge lededi nabi-nabi-Na lari tajuta BIhha
\v 3 tut Ana-Na, dokuge kanayo kadadi walita dalarai Daud,
\v 4 monno pahadela ba Ana Allai-Yi kakuaha ledege kadde-Na walita tajonga ata mate dukuni Waddi Katengna, nyikna Yesus Kristus Morda yitta.
\p
\v 5 Leden Nyio, nami mahibbawe maringgi monno nauwa rasul tutge ngidiwe li bawa hatena ta jongada tangngada bangsa aika Yahudina tutge ngara-Na,
\v 6 tauda jalage miyo tutge bana daugimmi Kristus Yesus.
\p
\v 7 Tabaram miyo tangngami kadana ta Roma, hama narawanai Allah, monno hamaika tutge dadi ata ka tengna: Maringngi monno moli mot makkora waltai Allah, Amada yitta, monno kawali ta Morida Yesus Kristus!
\s Paulus Kamakdige Lo Dikki di Ata Kangote ta Roma
\p
\v 8 Uluge, wai lugwa tabarana Allagu ledeni Kristus Yesus tabaram miyo tangnga kahhami oro hatenami miyo tahagalla pan tanah.
\v 9 Oroge, Allah, ha orhagu waini waddigu lari ta lii Ege Ate Ana-Na, da'di saksigu oroge nauwa aika man dukkana apemi miyo tangnga kahhami;
\v 10 inne lar ta doagu, nauwa ugkaraiyiwe tannam na batauge, oro hakab atei Allah, tomage nauwa kolege hingge bagu lo dikki gimmi.
\v 11 Nauwa ugka makhingge hatabo dangngagu tannam nauwa kolege nyiwe dihha wuu kanyurru hatena tutge hakulhagim miyo,
\v 12 nyiwe tannam yitta kadda kolege bana diddara kahhawe ledege hatena dihha-dihha, wal hatenamu loppo hatenagu.
\p
\v 13 Olebai-olebai, nauwa kamakge kam tadawe oroge nauwa badahapirra wuddage bagu hangadage tutge lo dikgimmi, tabollo dahoge kama hapa kahha batauge, tannam nauwa dummo koppi we ngihge walta tajongam miyo katauda dummunage kawali tajongada bangsa-bangsa aika Yahudi wadeka.
\p
\v 14 Nauwag wuttage tabarada atai Yunani monno tabarada ata barbar, walta ata katada lohho ata kabangnga.
\v 15 Oro nyiduwela, nauwag kamaktakage halarawe Lii Ege Ate tabaram miyo naka dana ta Roma.
\p
\v 16 Nauwa walleg makkegmawa tutge Lii Ege Ate, oroge Lii Ege Ate ba nyiduwe kawahanai Allah tutge tolka manemara tangngana ata kaha tena; ulge tut ata Yahudi, lohho dummo tut ata Yunani.
\v 17 Oroge inne lari, tena-Nai Allah na dedowe walge hatena lohho hatena, katujana kadana kama tolha: “Ata tena enga morhada waige hatena.”
\s Bannai Allah Tutge Harayi Jalada Kadadi Ata
\p
\v 18 Oroge, bannai Allah na dedowe walita sorga tabarada tangngana ata kajapata monno jala kadadi ata na nakkoge tena waige japata da yidda.
\v 19 Oroge, agawe hakole nahatada tuttui Allah kole hirawe tabarada yidda oroi Allah bakda hatingngo Nage tabarada yidda.
\p
\v 20 Bollo, wungnga rayige pan tanah, kanogoi Allah aiha koleda etawe, nyiduwe kawaha-Na aika man dukkana monno kanogu ha Alla danga-Na, badda eta hirawe tuttu yappawe ledege hada harayi-Na lodoge yidda illa dakolege hajalawe.
\v 21 Tabollo, langka datadayi Allah, yidda waledama nutakmaiyi Nyio bai Allahyi loppo wai walle lidadakma tabara-Na; tabalige, hangada da yidda nadadi aika mannu gauna monno ateda yidda nakabangnga dakwal we kapagtage.
\v 22 Yidda dahangada wikkidauda tada, tabollo dadadi kabangnga,
\v 23 monno hajeluge kamanadai Allah aika man jalana waina hada mawo kadadi ata aika tagorana, kawurna, ranga kapata gayina leduna, lohho ranga kahha lawe.
\p
\v 24 Oro nyiwe, Allah mana harakadi yidda hamak ateda yidda naka baidage kama nyarha lodoge yidda dama nyarha wikdau ge tauda tajonga kalingora dauda.
\v 25 Oroge, yidda daha jeluge katenai Allah waige kawohhoka, monno kawoju kataba harayi-Na, wale Nyidakma dakkama Rayi naha daikada kahha dukka tanah. Amin!
\p
\v 26 Oro nyiwe, Allah naha rakadi yidda tabara kanogo manyarha aika kailana, oroge lawai-lawaiyi yidda dahajeluge haolena waige naka tuba lohho haolena aika tuba.
\v 27 Tauda dummuge kabani, yidda tannage haolena naka tuba oledi lawai, tabollo nama gekkawe ateda kama nyarha dihha-dihha, kabani monno kabani darayige harayi hamakke dangnga; monno na tauda dihha-dihha, yidda dahibbawe hok oro jalada yidda.
\p
\v 28 Monno, oroge wale dama ngakugmani Allah waige hatada da yidda, nyiwei Allah mana harakadi yidda tapahangada aika tiddana lodoge yidda darayige na hada aiha rayida yidda.
\v 29 Yidda nabannudi tangngage hada aika tena, kajabata, kadara, monno hamuhna; naban ge ka wii ate, ha mate ata, hatauna, kapalleka, monno but ate, yidda kahha langlira,
\v 30 hakulra, kamuhhuni Allah, lang bana, wu tugo, ma dakka ba, katabbo kabokala, wale lii bawa wakma tabara ata tu na,
\v 31 kabangnga, wale manudugma, lakma paha ngadana, monno kupla.
\v 32 Monno, lokko da tadakwe ha rainai Allah naha newe rade karayige hada katujana yinno rakka dage mate, yidda walle nyikelmawe bada engage rayige, tabollo dummo da dullawe ata naka rayige hada kataudana.
\c 2
\cl Kawukku 2
\s Yallai Allah Nyika Tibawe
\p
\v 1 Oroge ge, mige wallem hillu gabak mage, taa kadadi ata, ia dummui katibai ata heka, oroge mi bam dadi tibai yi, mi dummo hoku dauge taumu; oronage, lohho dim kaha apege naha mera jalawe harayimmu.
\v 2 Datawe matibanai Allah bana hayannage waige katijina ta jonga tangngana ata karayige hada na tujana inne.
\v 3 Tanyiduwe, na dadikawe bam hangadage bam hilpami walta hatibanai Allah, ta kadadi ata, nut miyo kahha tibai olenai nakarayige hada katujana, tabollo dummo karayige hada katujana?
\v 4 Nyina yanna dakge miyo bamu hangadage bamu habai halage na Najabolage manawarana-Na, maloyana-Na, monno maradda atena-Na mawallem tada hingmawe dahha ate Allah naha kab ate-Na tut irrigim hawal-Na?
\p
\v 5 Tanyiduwe, oroge kanogo katak watu mu monno ate mu aika auwu jarra miyo ijjala daumige aika dahha tabarage tuba taumu tutge laddo rahi ban koleba tibawe katena waltai Allah baha dedalage.
\v 6 Nyio na tauge gabbage tangngada ata dokuge waige harayida yidda dihha-dihha:
\v 7 nyiduwe morha aikaman dukkana tabarada yidda naka waige mikku na barayige kadahha mayegage kamanada monno ha aka,
\v 8 tabollo hoku monno bani tabarada karotiwe dau-dauwuna monno aika hadoku katena, tabollo dokuge aika tena.
\v 9 Enga da dahoge kamma yilla monno kapitona tangngada dewa ata karayige kajapata, ulge tabarada ata Yahudi monno dummo ata Yunani.
\v 10 Nyiwe, kamma nadana, ha aka, monno kamma ringna enga da ge ta tangngana ata karayina kadahha, uldahoge tabara ata Yahudi monno murge tabarada ata Yunani.
\v 11 Oroge, Allah wallena pedekmana ata.
\p
\v 12 Tutda ata karayige kajala aika tadayi Hukum Taurat, yidda engada liloko aida tadayi Hukum Taurat. Nyiduwe, nado ata karayina jala takabu Hukum Taurat enga nyiwe ba tibayi waige Hukum Taurat.
\v 13 Oroge, walle karange dakmayi Hukum Taurat nadahatena ta aronai Allah, tabolo ata karayige nyio hadelaka katena.
\v 14 Oroge, rade ata aika Yahudina aika mangngu Hukum Taurat naha kakoyi waige hada memage agawe ha ruhna lii Hukum Taurat, ma yidda, aika mannu Hukum Taurat, nyidawe Hukum Taurat tut dauwuk'da yidda.
\v 15 Hada inne naha tingoge ina harayi uku pareha Taurat nyiwe kama tolha lari ta ateda yida ngihi ateda yida dayiwe padelak, mono paha ngadada yida, enge hawauwu wikda waleka dahatulu wikda yida,
\v 16 Neda taladoge Allah bana tibawe pahangada kadadi ata kabunyi ledeeni Yesus Kristus dokuge ine li ege ate-Gu.
\s Ata Yahudi monno Hukum Taurat
\p
\v 17 Tanyiduwe, bamu takki wikdau dummu ba ata Yahudiwu monno kamapaka ta li uk hareha Taurat, lohho bam egela tai Allah,
\v 18 tadawe habaina, dadokuge agawe kadahha, be hanuwa tutge Ukhareha Taurat,
\v 19 monno waimanne wikkimu ba yauyo kahha madiyi rade yidda kamoro, magakaha tabarada yidda ka engahona ta pagtana,
\v 20 kahha akkayi ata kabangnga, gur tabarada ata aika ha ateho, monno oroge badadage hakakoda tada hatena monno katena tai Hukum Taurat,
\v 21 ma'na miyo kahha akka ata wadeka, ahha dalka miyo wallem ha akka wikdaumami? Miyo na kahha akkai yidda tutge nyammana hakedu, walemmu kedu daukagna?
\v 22 Miyo kaheruge ata ha loo wikna, walemu marayi wikdaukaduwu? Miyo kaballidi tutda hala tauwu, walle midauk dalkagna karamanage ummana hala tauwu?
\v 23 Miyo ka ege ate tutge hareha Taurat tabollo midalmo kahamakkei Allah ledege bamu layiwe hok-Na!
\v 24 Oroge, badage kama tolha: “Ngarai Allah da paddawe ta jonga ta dihha bihhi-dihha bihhi orom miyo.”
\p
\v 25 Kabu'nyi nyiduwe da hige bam doku kagge uk hareha Taurat, tabollo ba wukau ata kamma layi ta uk pareha taurat, langkam kabunyikauge walem kabunyikmauwu.
\v 26 Bataudage, rak aika kabunyi bada kakowe ta uk harehai Taurat, walle yidda dalkagnala hayapu rade ata aika bunyi?
\v 27 Monno, ata aika bunyi aikamma yanna, bana hakako dalkawe hareha Taurat, enga nyiwe bana hok gimmi, ata kataudajalana kamang Hukum Taurat monno kabunyi, tabollo nyi kalayiwe uk hareha?
\p
\v 28 Oro nage, hatakki Yahudi kalangna wale ha etakelukamayi ta balhakduna, mono kabunyi katau takkana wale kabunyi tutu taukelmana.
\v 29 Wu ata Yahudi langna yikna ata ta atena katautakkana, monno kabunyi katau takkana yikwe kabunyi harayi ta ate, hakakona wadi, wale oro ukku kama tolha. Madaika tabara dadi ata katauda danna inne walle kawali kawali kadadi ata dakmawe, tabollo kawali tai Allah dau dawe.
\c 3
\cl Kawukku 3
\p
\v 1 Nyi batauda dalge, agawe rehida ata Yahudi? Nyi ba tauda dage agadawe rehige kabunyi?
\v 2 Buta takayi tangage, at dahoge ta barada yidda hatena tabarada lii Nai Allah
\v 3 Begge, bapirra ata aikaha tena, nyi radde yidda aikahha tena nama padekawe manawaranai Allah?
\v 4 Walle tauda mage! Allah nyida katena lokko tauda dummuge tangngana ata kawohhoka. Katauda kamma tolha: “Yauyo dabe tadage naha takkim-Mu, monno yau enga dauge bam tailow nyika ba dadi pada tiba-Wu.
\p
\v 5 Tabollo, nyi aina tena wade yitta aroge ba'da nade jalage katena linai Allah, aga dahing howe yitta hatakda? Nadadi kakwe yitta bada takwe oroge Allah waige aika tijana bana tiba ndada yitta? (Luggu dage mi ge tabarami kataudana dihha wu kadadi ata)
\v 6 wale tauda tak kakmage! Nyi batauda dage aga linakage Allah bana tibawe pannu tana?
\p
\v 7 Tabollo nyiduwe, ledege kawohokagu, katena Lii nai Allah karehige manada-Ni, ahha dummokka matibawa ba wu atawa kajala?
\v 8 Monno, (katujana halinglara kapirra ata tabarama nami) ahha emhanewe, “Mai, kadda rayige inne kajapata tannam kadahha kanna huddawe walta japata.” Yidda kahanewege kataudana narakkage ba hokudi!
\s Tangngana Ata Naha lubbuni Jala
\p
\v 9 Ba agadalwe? Ahha yitta darehi dahha daho walta ata wadeka? Walle taudakmage! Oroge, ma takki bewe ka ulluge radde ata Yahudi loppo ata aika Yahudi, ba dadi takabbu jala.
\v 10 Katauna dage kama tolha, “Walle ladakma wu ata karayina katena, wu ata waikana walle'ma.
\q1
\v 11 Walle ladahingmana wu ata kamannu hangada'na. Walle ladahingmana wu ata ka'ma yega-Ni Allah.
\q1
\v 12 Tangna ata da'ta lira be walta bara-Na, Nyiwe bana da'diwe aila gau'da. Walle la'da hingmana wu ata karayina kadahha, wu ata la'da hingman.” \rq Mazmur 14:1-3 \rq*
\q1
\v 13 “Bukda yidda meranadi watu hodi kama ngangaa, Lamma'da yidda kama raino, kaddi nippe ta kabbu lamma'da.” \rq Mazmur 5:10; 140:3 \rq*
\q1
\v 14 “Baa da yidda bannidi haura monno kapa'di.” \rq Mazmur 10:7 \rq*
\q1
\v 15 “Leduda yidda na gehayi banahokudi ra'yo.
\q2
\v 16 Kama yilla monno ka mauha dadi ta larada yidda.
\q1
\v 17 Monno, yidda walle da tada'mawe morha ka moli.” \rq Yesaya 59:7-8 \rq*
\q1
\v 18 “Madautani Allah la'mage tabara matada yidda.” \rq Mazmur 36:2 \rq*
\p
\v 19 Batauge yitta datawe oroge aga dummowe hatakkige ukku pareha Taurat, tutda yidda kadana ta kabu uk pareha Taurat tannam kana matammui baa, monno pan tanah kadage ta kabu tibanai Allah.
\v 20 Walle la'ma ata hatenai tabarai Allah waige karayige uk pareha Taurat oroge ledege uk pareha Taurat namaiwe hatadawai jala.
\s Allah Naha Tolkani Kada'di Ata Ledege Hatena tabarai Yesus Kristus
\p
\v 21 Tabollo batauge, langka aida'dummoge uk pareha Taurat, katenai Allah engadauge baha dedalawe, monno hadikkiwai waige uk pareha Taurat monno para nabi.
\v 22 Loppo, katenai Allah ledege hatena tabarai Kristus Yesus hatuttudi tangngada ata kaha tena, oroge aida kahekana;
\v 23 oroge tangngana ata narayi bena kajala monno nabungnga bewe manadanai Allah,
\v 24 monno katenai oro manawara-Na aika manu gabana ledege matolka tai Yesus Kristus;
\v 25 beha dedala benai Allah waige kama bugera kawaige lara kamoli larta raya-Na ledege hatena. Inne katujadana madelawe hatija-Na, oroge nata til maloya-Na, Allah naha haiyidi doku jala kadadi ullu.
\v 26 Inne katauda dummona hakabbu ate tutge baha tingngoge hatija-Na batauge inne tannammu Nyio kanadadiwe tena monno hatenadi ata kaha tena tabarai Yesus.
\p
\v 27 Nyiduwe, tagidage habogang dangada yitta? Baita bege! Aga hokwe hawaiyi? Waige hok harayida yitta? Walle'ma, tabollo lii hatena.
\v 28 Nyi batauge, nyiwe inne hatenada, oro kada'di ata hatenabei tabarai Allah ledege hatena, walle wali ma'di harayi waige uk pareha Taurat.
\p
\v 29 Nyi, walekawe Allah dukka dahege ba Allah dani Bangsa Yahudi? Walle Nyidummona Allah aika Bangsa Yahudina,
\v 30 Orogei Allah wuheyi monno Nyiyo enga naha tenadi ata kabunnyi oro hatena, monno aika bunnyi ledege hatena.
\v 31 Bege, ahha dalka nami wale maha da'di dalkadi Ukku pareha Taurat ledege hatena? Tabalge, nami marehi hadidarawe Ukku Pareha Taurat
\c 4
\cl Kawukku 4
\s Liha Tujai Abraham
\p
\v 1 Bege, agak kawe naha toma da yitta takwe tutnai Abraham, Ama weda waikada yitta dokuge kanayo?
\v 2 Oroge ba nada Abraham baha tenani ledege harayina, nyiyo dage kappege tutge boggang, tabollo walle ta aroi Allah ma.
\v 3 Oroge, aga we hatakge jurrata Bihha? “Abraham hatena tabarai Mori monnoi Mori na yapgauge naka taudana tabarana na ledege katena.”
\p
\v 4 Tabarana ata ka rayi ulla, kahewa hayiyi tabarada yida wale wu dakmawe hayi kalu, tabolo dau mema dadi yida.
\v 5 Mono, tabarada aika ulana, tayiduwe hatenai Allah kaha tenguyi ata bokala, hatenada yida ha yapu gauyi ba wuwe katena.
\v 6 Loho dumo Daud na takkiwe hada kanyuruwe wu ata koli Allah na yapapunage tena ta barana wale toro dak mawe hada harayina nyi:
\v 7 “maringkana ata hawali harayina, mono hatoni dokuna.
\q1
\v 8 Maring kana ata rada jalana aiha yapunai Mori!” \rq Lawiti 32:1-2 \rq*
\p
\v 9 Inna kanyuru duka dahege ta ata kabunyi? Wale dau jalak dage ata aika kabunyi? Oro nami ma tak bewe batau dage “Hatena Abraham da yapu nage wu katenguna.”
\v 10 Nyidawe, aga lina dawe inna ba yapu ge tabarana? Ai be waleka nyi bana beyo kabunyi? Bana kole be kabunyi, likege aina kabunyi ho.
\v 11 Abraham nahibawe tada kabunyi bawuwe tada tena hatena nyi aina kabunyi ho dajala lage nyi dadi ba ama nani tangana ata kaha tena ai kabunyi dajalage katene inna dumo da yapu jalage tabarada yida;
\v 12 Tauda jala nage dadi ama dani tubada ata kabunyi ai kaduka kabunyi he tabolo ka kao dumu ta lara hatena hali bena amada yita, Abraham, nyi aina kabunyi ho.
\s ABRAHAM NA HIBAWE JAJI ALLAH LEDE HATENANA
\p
\v 13 Jaji tabara Abraham mono tabara ana suhuna inna yida enga dau dage tangage panu tana wale na dadik mawe panuwe uku pareha Taurat, tabolo ledege tengu hatena.
\v 14 Oro, nyi yida ka wali ta Ukku pareha Taurat dadiwe bada dadi kadauwuge, dajalage hatena na dadi li lokowe mono jaji Allah wale na dadik mawe;
\v 15 Li ukku pareha Taurat naha dukege bani, tabolo nyi ai daka uku pareha Taurat, nyidawe neda dumo wale lakma halayi.
\p
\v 16 Innela aha jaji inna mana walie taha tena, dajala lage jaji inna dokuge manawara marada ate dajalage jaji inna kana dikiwetabara tangada ana suhu Abraham; wale yida kelma kawali ta ukku pareha Taurat, tabolo dumo kawali taha tena Abraham, ba yikna amada yita tangada,
\v 17 (katauna kama tolha, “Nauwa ug hadadi begimi ama tangana kabihu ata,”) ta aronai Allah, inne nyi hatena na, haluguna Allah kayigimi morha tabara ata mate mono ka takkiwe inna ai kadahona kapiku dadi.
\p
\v 18 Lari ta tilu mamanne nyi naha tenawe, dajalage nyi kana dadiwe ama wali tangana kabuta kabihu ata dokuge waigehatak bena, “enga dadi tauda dage la ana suhumu.”
\v 19 Monno, waige ai dadiwe loja lar taha tena, loko nyi bana tadakwe tau dauna hodi mowe mate lado morhana batau kagage katutu ngahu dauna mono hoba lakawai Sara dumo na matebewe;
\v 20 nyiwale na gedokma tabaragejajinai Allah waige aiha tena. Gabage, hatenana paha kulhawe dajalage nyi kana yiwe manada tabara nai Allah,
\v 21 mono pada mannege nai Allah nadauwuge rayige aga bewe ha jajiNa.
\v 22 Oro batauda gela, hatenana “hayapuwe ba wuwe katena.”
\v 23 Tabolo, hada inna wale nyikel mawe ba tolhawe tutu Abraham,
\v 24 tabolo tuba jala da yitta. Hada inne enga yapuge tabarada yida kahatena tabarana Nyi kaha kadeyi Yesus, morda yita, wali tajonga ata mate.
\v 25 Haluguna Yesus payibena kamate oro jalada yita, mono paha kadebe tutu kada tenguna yitta.
\c 5
\cl Kawukku 5
\s ATA NATENAI ALLAH ORO MAYILLANA YESUS KRISTUS
\p
\v 1 Oro batauda ge inna, yitta baha tengu beda waige hatena, nyiwe yitta da moli danga beni Allah ledeni morda yitta, Kristus Yesus;
\v 2 ledeni nyi, yitta da kolena lara tama ka aro taha tena ta kenyurui Allah inna batauge dadi pu dage yitta bada dede, mono yita da lagahara lari ta ma manne manadai Allah.
\v 3 Wale nyikel mawe inna, yitta dumo da laga hara lari tama mayillada yitta kalida oro yitta tadawe waige mayilla inna na hadadi dage mappaha,
\v 4 mapaha naha dadige hada katahna kama kiraha, mono hada katahna kama kiraha naha dadige mamanne,
\v 5 mono mamanne walna hamarahak madadi ateda, oromanawarai Allah pa bibena neda lari ta ateda yitta ledeni wadi Biha pa kanyuru benada tabarada yitta
\v 6 Kole yitta bada loja ho, Kristus mate tutu ata tilra ta mahigo katuba.
\v 7 Oro, pajawe da ata ka auwu mate tutu ata katena, loko ba dadikna ata ka awu mate tutu ata daha.
\v 8 Tabolo, Allah naha dedo bege manawaraNa tabarada yitta, inne kole yitta dadiho ta jala, Kristus mate tubada yitta.
\p
\v 9 Rehige wali inna, kole bana hatenguda waige raNa, yitta enga hamane maradawali tahokunai Allah ledeni Nyi.
\v 10 Oro, kole yitta bada dadi muhu poni Allah, yitta naha moli beda waini Allah lede matena AnaNa, rehige inna batauge oro yitta da molibe waini Nyi. Mono nadedo bewe inna batauge yitta naha moli beda tai Allah, yidawe yitta dumo enga mane marada ledege morhaNa.
\v 11 Wale nyikelmawe inna, yita dumo daegela neda lari tai Allah ledeni morda yitta Yesus Kristus, bada ledeNi yittabatauge Hibawe moli Allah.
\s MATE LEDINI ADAM, MORHA LEDINI KRISTUS
\p
\v 12 Oro bataudage inna, tauna jala bana tama bewe neda lari ledeni wu ata mono mate tamawe lede jala, tauda dumoge mate mahabarawe tabara tangana ata oro tangana na jalabe.
\v 13 Oro, jala dabege ta panu tana ai dahoge uku pareha Taurat Musa dadi, tabolo jala wale nayapu makdadi Allah batamrahoge ai dage ukku pareha Taurat
\v 14 Loppo bataudakge, mate naha rehawe wali tai Adam kaha tai Musa, loho dumo ta ata ai karayige jala katujana patayinai Adam, ba nyiduwe mawoge wali tanyinimi ka amna.
\p
\v 15 Tanyiduwe, ha yinai Allah inna wale naha mera dak mawe inna jala. Oro, nyimoro jala wu ata, buta dangage ata kamatebe, nyi rehige marada ate wali tai Allah mono panyiyo lede maradana wu ata nada haluguna Kristus Yesus.
\v 16 Mono, kanyuru walna hatuja dak mawe oroge inn jala wu ata nada. Oro bana yidi rakada inna wu layi harayi enga enga kodonani hukuna, tabolo kanyuru tutu buta harayi ngidiwe patengu.
\v 17 Nyi oro jala wu ata, mate naha rehawe taa wu ata nada, rehi wikna ata ka hiba kama jabola kanyuru mono marada katena enga harehana neda lari tamorha ledeni wu ata, haluguna Kristus Yesus!
\p
\v 18 Nyidawe, katauna harayina wu ata tangada ata hibawe hokona, tauda dumo nage parayina katena wu ata dumo tangana ata hibawe morha mono patenguna.
\v 19 Oroaina manudu wu ata, buta ada kadadi ata kajala. Tanyiduwe, oro manuduna wu ata, buta ata paha tenguda.
\v 20 Uku pareha Taurat ma tabayi dajalage jala kiki butawe. Tanyiduwe, taha dawu jala ki butawe, kanyurui Allah enga kiki majabola ge,
\v 21 dajalage katauna jala bana harehawe neda lari ta mate, manawara marada ate dumo na harehawe lede tenguna ka kodoni atata morha aika duka neda lari ta Kristus Yesus morda yitta.
\c 6
\cl Kawukku 6
\s Mate Oro Jala Monno Morha Oro Kristus
\p
\v 1 Hil agada kahoi yitta hatakda? Nadadi ka'kwe yitta bada hakitana raina kajala tanammu kanyuru kanna majabola we?
\v 2 Enga walle tauda da'kmage! Agalinna da'kmawe yitta kabadda mate orodoku jala bada morha dalho tajongana?
\v 3 Walem tadadamawe miyo oroge yitta tangngada pahariha tajonga mate Nai Yesus Kristus haparihabe tajonga mateNa?
\v 4 Oro bataudage, yitta datani ole dangnga bedan-Ni nedo baharihada ta mate-Na; tannamu kataudana Yesus banaka'de wali ta jonga ata mate ledege manada Nai Ama, yitta wi'kna bada kako ta morha pahha beru.
\p
\v 5 Oroge, inne yitta da'kha ole dangnga bedan-Ni kahatu'ja tamate-Na, yitta wi'kna engadahwu ole dangadan kahatu'ja takaddeNa.
\v 6 Yitta da tadawe hada ata mema da yitta ba'da kadailo haolen Kristus monno tauda jalada yitta walle nabungnga ma'kwe tannamu yitta walle ha ata wi'kna takajala.
\v 7 Oroge, ngaradukka na ata kamatebe, nyi bada hatol kayi wali ta'kajala.
\p
\v 8 Batauge, nyi yitta bada mate olenNi Kristus, yitta dahatenawe yitta da morha danga-Ni.
\v 9 Yitta da tadawe oroge Kristus ba'da haka'de Yi wali tajonga ata mate walle na hillu mate'ma; inne mate walle natailo'man-Nyi.
\v 10 Oroge, ne mateNa, Nyi na mate oro jala hadakka henna kaha wali murri, tabollo tut ge ha'da morha na inna, Nyi na moriha tut Nai Allah.
\v 11 Katauda jallanage miyo, miyo pa'da wi'ki dahona oroge yauwu ba'da matemu ta jala, monno morha'daho tubai Allah ne'do tai Kristus Yesus.
\p
\v 12 Oro nyiduwe, iam pahaikage kajala banna tailo guge tauwumu ka ak'ta lodoge miyo bammu dokuge hakabu atena.
\v 13 Monno illam pahai'dummodi tangngadi kadana ta taumu banna waidi kajala. Tabollo, yidauwe taumu tai Allah tamorha walita tajongada kamate, monno tangnga ge tuba taumu kana da'we bana waigu Allah.
\v 14 Oroge, inne kajala walle na tailo magu'ge tauwumu oronage miyo wallem hillu morha da'k mami ta kabbu Ukkupareha Taurat tanyiduwe ta kabu manawara.
\s Ata Katena
\p
\v 15 Bege, agadahoyi harayida? Na dadi kawe yitta bada rayina kajala oronage yitta ba aida morha takabu Ukkupareha Taurat, tabollo takabu manawara? Engnga walle da'kma!
\v 16 Miyo engam tadahingwe oromiyo bamu pahaddege taumu ba ata gemi kamma nono tabara wuyo waleka wu ata miyo na da'kwe banna ata gimmi tabara na nyio inne miyo hadau manono mi; tabara kajala ka kodogimmi ta tamate dangnga, ai walleka tamanono kaha'arogimmi katena.
\v 17 Tanyiduwe, Mahadi tabarai Allah miyo nut na ha'atana jala, nabatauge bammu manono waige ate kabanna tabara tangadi pudi hanuwa pahanuwabe tabaramu,
\v 18 monno, oronage miyo behalohta bemi wali taka jala, miyo na ata gimmi katena.
\p
\v 19 Nauwa patakada kade ata oroge lo'ja ge kanamu. Oroge katu'ja kaullu miyo harakage tauwumu ha ata na kamanyaraha. Monno kajapata kahangabe tabara japata karehi di korawu, batauge harakage taumu kanadadi ata gimmi katena hadukawai katenga.
\v 20 Oroge, miyo bana ata hogimi jala, miyo umtol kami wali taka tena.
\v 21 Nyiduwe, aga'dawe ha utumi wali tabaradi tangadi hamake dangami batauge? Oroge, hadukka wai wali tangadi nyiwe mate.
\v 22 Tanyiduwe batauge, kolebahatolkadi wali tajala monno bana ata gimi Allah, miyo umkolege wuge kamorha monno hadukka waige
\v 23 morha aikamangdukkana inne lari tabarai Yesus Kristus, morda yitta.
\c 7
\cl Kawukku 7
\s Hatolka Wali Ta Ukkupareha Taurat Ledege Tauna Kristus
\p
\v 1 Miyo wallemmu tada' mawe, ta olebayigu (oroge nauwa tak'i gimige tabara dayi'da katadawe ukkupareha Taurat), oroge ukkupareha Taurat bana tailoguge tawumu kawali katau'da ngara duka'da ata baenga hoge morha?
\v 2 Oronyiduwela, wulawayi kanika memakatti waige ukkupareha tabara laina bana morha ho; tabollo bana mate kalaina, nyio nahilpa walita ukkupareha nikah da.
\v 3 Nyi, na'dolawayi bana ole ummani kabani wa'deka bana morha ho laina li'dani lona laiolena, tabollo tanyiduwe banakole hamateka laina nyio walle hiltakki mayi kalona lai olena bana nika dangana kabani heka.
\p
\v 4 Oro batauda dage, ngaradukkami olebayigu, midummu matemi tutge uppareha Taurat ledege tanai Kristus tannam miyo kanada'di bana daugemi wade'ka na'de Nyio bepahaka'de walita mate kaha yitta pada kolege ngihhige tabarai Allah.
\v 5 Oroge, yitta ba'da morha ta ka nayo, kama'na ate kajapata pahadoina ukkupareha Taurat narai ullawe tangngage tauwu dayitta nauwuge mate.
\v 6 Tanyiduwe, batauge yitta da'ha lohat be'da walta ukku pareha Taurat, kamatebe walta agayi kaullu kakoda yitta tomage yitta batauge da ullage ta tillu hada kaberu waige Wad katengna, walle waidamage hok mema kama tolha.
\s Doku monno Ukku Pareha Taurat
\p
\v 7 Batauda'da ge, aga dawe hatakda yitta? Inne uk Pareha Turat dokuwe? Walle dahingmana? Gabbage, nauwa walleg hil tada'mawe doku helege ledege uk Pareha Taurat, oroge nauwa walleg yappa mawe ngihge hamakna dauwu ata heka nyi uk pereha Taurat ailinakawe, “iyam kamak'kanna.”
\v 8 Tanyiduwe, doku nangalawe mahiggo ledege uk hareha tannam kana ngihge tangngage kamak'na inne lari ta tauwugu; oroge aidaka uk pareha Taurat doku namatewe.
\v 9 Ulluge nauwag morha walle waimana uk pareha Taurat, tabollo kole hok nuttu ba amge, doku na morha monno nauwa mate dalwa;
\v 10 monno pareha inne, nyi dahowe katomage ngidwa tabara morha, tabbollo nyiduwe kakodoga tabara kamate.
\v 11 Oroge, doku nangalawe mahiggo ledege hok nuttu tannamu ma tip monno naha matewa.
\p
\v 12 Nyi nuttu uk pareha Taurat na teng ge, monno hok na teng ge, tenawe monno kadahhawe.
\v 13 Nyi batauda dage, ma aga dahingwe na ka dahha na ngidwe ha mate dangnga ta baragu? Tabollo Walle dahingmana! Doku nyiwe kaha huddage mate tabaragu ledege agawe kadahha kanna dedowe neddo doku ba'ka dokuwe, monno ledege hok nuttu doku naha rehi dedowe tuttu doku jalana. 
\s Kama gabba inne lari ta Tauda Yitta
\p
\v 14 Oroge yitta da tawe uk pareha Taurat kanogo katena, tabollo nauwa kanogo pata tanah, hama lajabe takabu doku.
\v 15 Oroge, nauwag walleg yappa mawe agawe harayigu oroge nauwa walleg rayimage agawe hakabbu ategu, tabollo rayi dalmoguge ba agawe aiha baigu.
\v 16 Tanyiduwe, tabollo nauwag baggu rayi kage wu harayi aiha baiyigu rayige aika dahha, nauwga hadokuwa ba uk pereha Taurat na dahhawe.
\v 17 Na batauge, tabollo walle hillu nauwa'kma karayige, tabollo doku nyiwe kamorha inne lari tabaragu.
\v 18 Oronage, nauwag tadawe ba hillu dayo hada kadahha ka morha tatillu tabaragu, inne lari kamorha tahada tau atagu, oroge ha kabbu ate nuttu dage ta baragu, tabollo rayige kadahha walle dalma.
\v 19 Oroge, walleg rayi mage harayi kadahha ha kabbu ategu, tabollo nauwag rayige kajapata, aiha kabbu ategu!
\v 20 Nyiduwe, nauwa iggu rayige aiha kabbu ategu, nuttu walle hil nauwa dak'ma karayige, tabollo doku kamorha inne lari tabaragu.
\p
\v 21 Nyiduwe, nauwag tabbowe inne hok, nuttu: nedo kaggu rayige hada kadahha ba lugguwa, kajapata da'jalage bana olega.
\v 22 Oroge, nauwag baiyige uk Parehai Allah ta dawa ategu,
\v 23 tabollo nauwag etawa hoku wadeka ta tillu tuba tauwugu karunnige gabage hok hada paha ngadagu monno kaka bunyiga ta hoku jala kadana tatuba tauwugu.
\p
\v 24 Nauwa ata ka lilokowa! Iya da'kayi kaha tolkawa nauwa wali ta tauwu mategu inne?
\v 25 Wai tabaranai Allah ledeni Morida yitta, Kristus Yesus!
\v 26 Nyiduwe, waige ha ngadagu, nauwag ullage harenai Allah, tabollo waige tuba tau atagu bagu ullage doku jala.
\c 8
\cl Kawukku 8
\s Morha oroi Wad Allah
\p
\v 1 Oro batauda dage, batauge walle hil la'kma hoku tabarada ata kadana inne lari tabarai Yesus Kristus.
\v 2 Oroge, hok Wad kabihha ka morha ta barai Yesus Kristus kaha tolka begim miyo walita ta hoku doku monno mate.
\v 3 Oroge, agawe aiha rayige uk pareha Taurat oroge bana lojawe oroge kana'na, harayi bedagei Allah waige pahada bana halewaiyi ana-Na kameha tannam kana hatuja taka da'di ata kadoku jala monno kahha ngabbe ta doku, Nyio na hokudi doku jala ta ka nayo,
\v 4 tannam tutge uk pareha Taurat kana bannuge tajongada yitta aika morha dokuge kanayo, tabollo dokuni Wad Bihha.
\p
\v 5 Oroge yidda kamorha dokuge kanayo, daha ngadda'di hada kanogo kanayo, tabollo yidda kamorha kadokuge Waddi Bihha ha ngadage hada Wad Bihha.
\v 6 Oroge paha nga'da pa ha aro ta ka nayo nyiduwe mate, tabollo paha ngada paha aro tabarana Wad Bihha na morha monno kama ringna.
\v 7 Oroge pahangada kanaya namagabe tabarai Allah; oroge nyiyo walena kangakama taparehai Allah, mo lopo walena kole mage rayige.
\v 8 Monno, yidda ka morha inne lari ta kanayo waleda ingtama haegei Allah.
\p
\v 9 Ta nyiduwe, yauwu walle hil morha mawu ta kanogo tuba tauwumu, tabollo larta Wad Bihha ba dado Wadnai Allah ba enga kana tabarami. Oroge, nada wu ata ai dakani Wad nai Kristus, nyiyo wale daumana-Ni.
\v 10 Tabollo, nyi Kristus ba dakani tabarami, langka tawumu namatekawe oro doku, tabolo wad na morha oroge katena.
\v 11 Nyiduwe, Wad-Na kahha kadebei Yesus wal ta mate engana tabaramu, Nyiyo kahha kaddebei Yesus Kristus wal ta mate dumo engana yigumi morha ta bara tuba tawumu ka pallaka ledege Wad-Na ka engana ta tabaramu.
\p
\v 12 Begge, baggu olebaigimmi, yitta ata'da kaman wutta'na, tabollo walle tau ka'dadi ata, ka morha dokuge ka'dadi ata.
\v 13 Oroge, nyi morham ba da'di kada'd ata kawe, enga mate da'muge, tabollo ba oro Wad Bihha kaiyi nyi kahha matewe harayi tauwum'mu, nyiwe bami morhami.
\p
\v 14 Oroge, tangngada ata ha kodona Wadnai Allah yidda'na ananai Allah.
\v 15 Oroge, wallem hil hibba mawe wad kaha atawikna kahha oroge hama dauta danga, tabollo miyo um'hibba beyi Wad Kabihha nat kadeketauwu kamu da'di ana-Nai Allah, leden Wad Bihha bada kawula, “Ama, oh Ama!”
\v 16 Wad Bihha dauwu yi katalara olege wadda yitta nyi bayitta ananai Allah,
\v 17 monno yitta ba ana nada, yitta dummo pewaris, pewaris Allah, monno ba ole pewaris dangnga-Ni Kristus; nyi yitta bana tena takkawe dokuge mayilla-Na, yitta na da'di dummo ma nada ole dangnga-Ni Nyio.
\s Ana Nai Allah Hibbawe Kama Nadana
\p
\v 18 Oroge, nauwag hawowuge mayilla bataugewalle naha tuja'mawe inne kama nada'na pahadedala tabarada yitta.
\v 19 Oroge, tangngadi harayi kamak takage remage waige manawara tamrada ana Allah baha tingngodi.
\v 20 Oroge, tangngad harayi ha wojobedi tabara aika mannu gauna, walle doku dak'mage hakabbu atena, tabollo dokuge hakabbu atena Nyio nattu kahha hugla bedi, ta pannu ha manne,
\v 21 tannam tangngad ratu harayi yidda jala kahha halla beiyi walta ha ata'da kaliloko ka aroge hoila anai Allah kabanna kama nadana.
\p
\v 22 Oroge yitta datadawe tangngage harayi merage kabukta monno mayilla pahha ha ana kahha batauge.
\v 23 Monno wale nyi dakelma inne, tabollo yitta jala kahibbawe wu ulluge Wad Bihha kabukta na lar ta tauda yitta, tangrage ba remage madeketada bana ha lii ana'da, nuttu ka kahka dage tauda yitta.
\v 24 Oroge, yitta baha tolka da inne lari hamanneda. Tanyiduwe, hamanne nuttu ha etada walle hil hamane, oroge iyai nattu kaha manne ta pannu agabeiyi ha etana?
\v 25 Tanyiduwe, nyi yitta bada mannege nedo wuyo aiha kal eta hoda, yitta daha rema waige mikku.
\p
\v 26 Tauda jalage, Wad Bihha bana tulda tatillu lojada; oronage yitta walleda tada'mawe agana dahowe hada sembayang, tabolloi Wad Bihha nyi ka syafaat tutge yitta waige kangurka aika hudda waina hanewe.
\v 27 Monno, Nyio kaha matarage ate natadawe agaiyi habaina naddo Wad Bihha, oronage Nyio ka syafaat yidda ata murra ha dokuge hakabbu atane-Nai Allah.
\p
\v 28 Monno, yitta datadawe tangngad ha ulla oledi tutge kadahha ata rattu hama nawaranai Allah, rattu yidda hamaika waige hamak'nai Allah.
\v 29 Oroge, yidda hatada-Na wal ka ulluge, yidda jala ha tuttu walka ullu kanna kaha tu'ja hada Ana-Na, ka Nyi ka ullu walta kabuta olebai.
\v 30 Yidda ba'ha nuk-Na wal ulluge, naka maika jala-Ni; monno yidda ha maika'Na, naha tena-Di; monno yidda kahatena-Na, naha dedola-Di.
\s MANAWARAI ALLAH TAI YESUS KRISTUS
\p
\v 31 Nyi, ba agai hatakda tut tangngad rade? Allah ba ta barakadi, iyal hoi ka gabbada yitta?
\v 32 Nyi aika manawaradi Ana dauna, tabollo Naha aroda ni tabarad yitta tang kahhada, aga na'dawe Nyi bana ole-Ni walle na yii madage tangngage ta yitta?
\v 33 Ia dahoyi ka gabbadi ata hapedenai Allah? Allah kayidi katena yidda.
\v 34 Ia dahoyi ka yiwe hoku? Yesuu Kristus be kamatebe, loppo paha kadde hagga walita ata mate, ngodo taka wanai Allah tutge syafaatda yitta.
\v 35 Ia dahoyi kahewada yitta walita tamanawaranai Kristus? Nyi kama pijja, mona kadabbo, mona hama yilla, mona kareba, kalolu, mona mayilla, mona kito kaleka?
\p
\v 36 Katadana dage kama tolha, “Oro Yau, dagama inne lari tama yilla mate kahha taha dukka rahi; Nami daha balgama bebbe haropo.” \rq Lawitti 44:22 \rq*
\p
\v 37 Tabollo, inne lari tangngage, yitta darehi walita tabara katailo orona Nyi kama nawarada yitta.
\v 38 Oroge, nauwa bayigage katena oroge walle mate'ma loppo morha, walle malaika-malaikat da'ma loppo kareha-kareha, walle dumoma inne kada'di batauge loppo dummo inne nim ka amna, bikta pareha,
\v 39 walle dummo ma kadana dete loppo kadana bawa, loppo dumu wali harayi heka, lohho jala kamahewada yitta walta manawaranai Allah, nattu kadana tai Yesus Kristus, Allahda yitta.
\c 9
\cl Kawukku 9
\s ATA HAPEDENAI ALLAH
\p
\v 1 Nauwag takiwe katena tai Kristus, walleg kawohho ka'gmawa, monno li ategu na dokuge hadedala waini Wad Kabihha,
\v 2 oroge mayillagu wale ana manage madakkage monno hangatta-nagattage milla ategu.
\v 3 Oroge, nauwag mannege kanna lilokowe tauwugu, mahewa wallta Kristus tutna olebaiyigu, kabihhugu, dokuge hada ata
\v 4 rattu ata israel; kadautakage tutge bana keketai kada'dadi anai Allah, hibbawe kama nadana, hajaji, hibbawe uk Pareha Taurat, mahadi, mona jaji.
\v 5 Yid'da nala dalarana ama weda waika, monno walita tajonga'da yidda Kristus na da'di kaha tuja da'di ata, Nyiyoi Mori ta tangngage monno ha daika kahha lado nimmi. Amin!
\p
\v 6 Tanyiduwe, Linai Allah walena hagga lu'mawe. Oroge wale tangnga'mana ata kawali ta israel,
\v 7 monno wale tang kahha madi dalarai Abraham ba ana nadai, tabollo “rattu dalaranadi halinawu yidadaho kawali tai Isak.”
\v 8 Inne taudadana walle ana hara kada'di ata da'ma kama yapu kanna dadi ana nai Allah, tanyiduwe ana hajaji kama gau nedi ta dalara.
\v 9 Oroge, inne nyiwe hatakki jaji nuttu: “Rahi inne nyiwe Bagu maiwa, monno Sara enga nyiwe ba'da wu ata ana kabanina.”
\p
\v 10 Walle nyi dakelmawe inne, tabolloi Ribka dummo naha tii'na anana kawali ta wu ata, nattui Isak, weda waikada yitta.
\p
\v 11 Oroge, rade lakawa aiha anahodi monno waaleda rayi'mahona hodiki kadahha mona kajapata, tannam hakabbu atenai Allah tutge ata hapede-Na naha madoyi wale oro harayi mado ta niduwe oro Nyi ka maikadi,
\v 12 linna dage tabari Ribka, “Ana ka bo'di naha ma diyi alna.”
\v 13 Katujana kama tolha, “Nauwag manawarani Yakub, tabollo Nauwag buttuni atei Esau.”
\p
\v 14 Nyi, agai dahoi yitta hatakda? Nyi Allah wallena ma tibama? Walle dahingmana!
\v 15 Oroge Naha newe tai Musa, “Nauwag manawara tai iyaduwi dau manawara-Gu, monno Nauwa dahha atewa tai iyaduyi dau dahha ate-Gu.”
\v 16 Nyi, katujana walle nama dairo da'mawe hakabbu ate ai wali kawe harayi ulla kada'di ata, tabollo tabarai Allah naha tingoge manawara-Na.
\v 17 Oroge, Jurata Bihha naha newe we tabarai Firaun: “Oronyidawe oroge inne Nauwa kadeketawu katomage Bagu hatingoge kawaha-Gu tajongamu, monno ngara-Gu katalarage ta tangngage pannu tana.
\v 18 Tanyiduwe, Allah na mol ate-Na baiyaduiyi hakabbu ate-Na, monno ha tullawe ate ba iyaduiyi nattu hakabbu ate-Na.
\p
\v 19 Nyi, tomage tabaragu bamu hanewe: “Ahha Nyi ma engahoge bada hajala? Oroge, iadaiyi ka gabbage hakabbu ate-Na?”
\v 20 Gabbage, iya dauwu yau, mi kadadi ata, ma miyo hagabba tabarai Allah? Nadadi kaduwe nada harayi bana hanewe tabarana karayini, “Ahha mamrayiga nauwa katujana inne?”
\v 21 Nadadi kawe nada ata bana pepe aila hak tabarage tana nitto; tut pahadawe wali taka bolo tana katau kahatuja wu yarro na'da ha wai tut ge hada kamada na, monno yarro wadeka hawai dummu tut hada na ai kamadana?
\p
\v 22 Agalinawai Allah, langka na but ate ge tut hatingoge na hatingo ge bana monno hade dalage wadina natagu dege maloya ate kamara'da tabarada yarro haban-Na bada haganana tut ge liloko?
\v 23 Nyi na hadawe tut hatingoge tut ge kamaja'bola kamanadana tabara'da yarro hamanawara, na behaganna bena tut ge kamanada na,
\v 24 Nyi yitta, hamaika Na, walle nyikel mawe wali tajonga da ata Yahudi, tabollo dummu wali tajonga da bangsa bangsa wadeka.
\v 25 Ka tu'ja dummu ge li-Na ta jurata Hosea; “Yidda nada ai ha ata Gu, engag takiyi ata Gu. Monno nada aiha manawaragu, enganyiwe bagumanara.” \rq Hosea 2:23 \rq*
\q1
\v 26 Monno, “Taha dauna Nai Allah takiwe nuttu kalangana: ‘Miyo walle ata magumi,’ tahadau ne'do yidda yi enga takiyi ‘anai Alla kamorha.”’ \rq Hosea 1:10 \rq*
\v 27 Monno Yesaya na hodi Israel: “langba dummo kataudana ana Israel ka buta katujana pahha laiyi ta ban, tabollo rehi-rehi yidda he ha ha tolka,
\v 28 Orogei Mori engana pa hadawe li-Na inne ta pannu tana, kabanna monno lodoge.” \rq Yesaya 10:22-23 \rq*
\v 29 Katuja jalana hapa laranai Yesaya: “Nyi banyikai Allah karayige langta panu tana wallenaha jungama da dalara, yitta engada dadi mera tujana Sodom monno hangejayi Gomora.” \rq Yesaya 1:9 \rq*
\p
\v 30 Nyi, agakayi hatakida yitta? Oroge kabihu-kabihu aika Yahudi na aika dokuge katena, bada koledage katena, nyi nuttu katena naka wali taka tena;
\v 31 tanyiduwe, kabihhu Israel karunnuge doku katena uk pareha Taurat nyidumowe rehi damoge aida toma tabara hoku nedo?
\v 32 Ahha? Yidda waaleda roti'mawe waige katena, tabollo harayi hapa hada. Yidda dawidda ta watu widda.
\v 33 Katujada dage kama tolha: “Torroilah, nauwag ijalai nedo ta Sion wu watu widda monno wu watu kalabar, Monno iyadui kaha tena tabara-Na walle ha makke mayi.” \rq Yesaya 8:14; 28:16 \rq*
\c 10
\cl Kawukku 10
\s Tolka Mane Mara Duka Dahege Inne'Lari Taha Tema Tabaranai Yesus Kristus
\p
\v 1 Olebai-olebaiyi, naha bai ategu mono sembayangugu Tabarai Alla tiga yidda tanam yidda kaha tolkadi.
\v 2 Oroge, nau kolege halanawe tutuda yidda orage yidda kahala gahara tutugei Alla, tanyi dawe walana hakappe daamawe tabara hata dana katena.
\v 3 Oroge, yidda waledatadaa mawe tabarai Alla manno ran ge hakadewe inne katena tutu dauda yidda katena, waleda lidawama tabarage tena tai Alla.
\v 4 Oroge, Kristus nyi Duna kapanwe ukpareha Taurat nakadadi katena tabara datangana ata kaha tena.
\p
\v 5 Musa natulhawe tutuge tutu ge katena nakawaali larita uk pareha Taurat, oroge nadewata kaha kakowe katena hakapege hoku enga marhage tutuge.
\v 6 Enga nyiduwe, katena kawali inne lari tahatena matakwe katauja dana, “Illam hanewewu larita atemu, ‘Ia dakayi na kapana lo sorga?’ Ngihige tutu malanar gani Kristus buru.
\v 7 Nyi yakayi nakaburu talirra mate?’ Nyi hige, tutu marangani Kristus wali tajonga ata mate.
\p
\v 8 Tanyiduwe, agawe me hatakna?” Li dage dahewe tabaraMu, nyi duwe inne lari tabamu mono nalari ta atemu.” Nyiwe nahataki hatena nami paha laramu
\v 9 Nyi bawai kage bamu miyo mangaku banadei Yesus nyinai Mori, mono hatena inne larita atemu orogei Alla hakadei Nyi yo wali tajonga at mate, miyo engam tolka mane maram
\v 10 Orowaige ate ata nada diwe atena lodoge kalage katena; monno waige bayo ata mangaku lodege kalege tolka mane mara.
\p
\v 11 Oroge jurata bihha naha newe we, “Ia domayi kaha tena Tabara Na enga nyi dummu we aiha maka yi.”
\v 12 Oroge, wale laama kahekana tajonga ata-ata Yahudi monno ata-ata Yunani: Mori kawana Nyi dumo Mori tanga kahage, kaban na maja'bola kabara tangada ata kawula tabara-Na
\v 13 Oroge, “Tangana ata najawula lari tangarahai Mori mangadaha tolkayi.”
\p
\v 14 Tanyi duwe aga nada kawe yidda beda kawula tabarana-Nyiyo ai paha tena hada yidda? Manno, agalina daka we yidda bada kolege hatena tabarana-Nyiyo aiha kali range hoda? Manno, aga linaa kawe yidda kolege rangewe, ba ai laka kahha tomana nage?
\v 15 Manno, agalina kawe yidda kolage hakakona we, nyiba yidda ai ha lewayi? Katujana kana kama tulha: “Haka deloyi ledu ledada yidda ka amna ngiduwe li ege ate!”
\p
\v 16 Nyiduwe, wale tanga amana ata dukage li ege ate nedo oroge rato Yesaya nahanewe, “Mori, ia kayi nakabada atena tabara inna li habada range beda wali tanami?”
\v 17 Bege, hatena na hudawe wali barangewe, monno barangewe ledege linai Kristus.
\p
\v 18 Tanyiduwe nauwag hanukawe “Darange bewe rade ata-ata wale darange na hanewe?” Yidda angada rangewe oroge, “Lida yidda nadiki bewe taha galla panu tana, monno hatakda yidda nadikki bewe hupu-hupu tana.” \rq Mazmur 19:5 \rq*
\v 19 Nyiduwe, nauwag takiwe, “Nyi walleda yappamawe rade ata Israel?” Kadihana, Musa naha newe, Nauwa enga hakadewe kawimu tabarada yidda na'da aika wukadihha, monno naha kadeguge banimu tabara kabihu kabana.” \rq Ulangan 32:21 \rq*
\v 20 Monno waige bani, Yesaya nahanewe: “Nauwa da tabokawa yidda nada aika mayegaga nauwa; Nauwa nauwag hadedala wikigu tabarada yidda aika kanuka tateng nauwa, \rq Yesaya 65:1 \rq*
\v 21 Tanyiduwe, tut da kabihu Israel nyi na hanawe, “Taralalado nauwa hajolad limmagu tabarada kabihu nada aikaha dukka monno kagabage.”
\c 11
\cl Kawukku 11
\s Alla Wallenadanga Mawik Ata PapedeNa
\p
\v 1 Mapalegewe nauwa matut trawa, “Nada kawe Alla baha tikaladi ana-susNa? Walle na dadi mawebag tikaladi! Nauwa, dauka wuwa ata Israel, walla wuna Abraham, kawali ta kabihu Benyamin.
\v 2 Alla walle nadadi mawe bana widaladi ana sus-Na, talanga hapedena kawani tawunage, Agawe miyo agawe patakna hurata bihha bahanewe tut na Elia, tamrage nyiyo bana padikidi Israel tabarai Alla?
\v 3 Mori, yidda dapa mate begudi nabi-nabiMu, yidda dahegara begudihina dautunda maraka tabaraMu, loppo nauwa daupenawu ata kamorhaho, loppo yidda kama hamatei lidaga.
\v 4 Tanyiduwe, agawe balehana Ilahi pajiji tabarada? “Nauwa enga ngag tana hodi pitRata ata tutu gu ai kakal kangah kaga kangan tadage kaharai baal.”
\p
\v 5 Tauda jalage inna batauge, dadi yidda papeda dokge mana waRa.
\v 6 Tanyiduwe, nyibawai kage manawaRa, nyiwale oro parajida'mawe, nyi baoro manawe, wale hil pangaramage manawara.
\p
\v 7 Njiwe batauge? Ata Israel walakadadi mawe bada kolege agawe pamajegada, tanyiduwe Jida bapedege tanamu kada kolege, tamrage rade wadeka nakatoge ateda.
\v 8 Orode badage kamatolha: “Alla nadadi jala waddi durangodo, matada yidda walle na etamai, loppo kalilda yidda walena range mayi kaha ladonehe.” \rq Ulangan 29:4; Yesaya 29:10 \rq*
\v 9 Loppo Daud hapaneweHaikad'la meja pakula bihada yidda kawukawehira loppo dibba, loppo wuwe wat widda, nyiwe gabage tutda yidda.
\q1
\v 10 Haikadi matada yidda papagta dadi tannamu yidda illa da eta. Loppo baleda yidda loppo kahangda yidda nakabut panga ngatadi.” \rq Mazmur 69:23-24 \rq*
\p
\v 11 Nyiwe batauge nauwa matutrawa, nadadiwe yidda bada widda tanam kada buka? Katau takka nage! Tanyiduwe, oroge palaida yidda, tolka mane mara amge kadara da ngara dukana ata aika ata Yahudina, tanamu kana dadiwe bada kawina.
\v 12 Oroge, nyiwe palaiga yidda nadadi dawe potedangage tutge panu tana, loppo aihakoleda yidda nadadiwe poteda tutda kabihu ata aika ata Yahudi, palegewe rehida hoge pabandangage yidda!
\p
\v 13 Inna batauge nauwa panewewa tabaramu, tangami kabih ata aika ata Yahudina, oroge nauwa bawuwe rasul tutna kabihu ata aika Yahudi, hawakana mana dage paha nukugu,
\v 14 Tannam nauwa kagrai dage ole baigu ta bihu gu kaha pahhawe ateda, tanam patukayi bapirai ata wali yidda.
\v 15 Oroge, tangage bada tubarawe yidda dajalage pamoldanga nage pantana, aga'ka gauge pahibada yidda dukka dahege walta morha tajongada lara kabada mate?
\v 16 Nyiwe roti kawungana na bihamadi, tangage adonan engage bana bihha madge. Loppo tangada kalartana nabiha madna, loppo tangadi kahanga-kahangana nabiha madna.
\p
\v 17 Tanyiduwe, tamrage bapiradi kahangana kole bapatayi, loppo miyo, kameradana kabada dama damige kalunga aikabata tomage paullayi tabarada yidda loppo enage bada kolena padauda tatil kalarta loppo ruheta puhaitun,
\v 18 Illana da kawebam wutogom bam orodi rada kahanga'di. Tanyiduwe bamwu togomi, namkiwela walle mima katujai kalarta tanyiduwe kalarat nyiyo katujam miyo.
\v 19 Engage miyo nadadiwe bampanewemi, tangadi kahangadi bapatayi tannam miyo kama dadiwe bapawunu.”
\v 20 Nyiwe natena we, yidda mapatayi oro aipa tenada yidda, tanyiduwe miyo dede didarami oroge tatena, illamu wutogomi, tanyiduwe madau tamila.
\v 21 Oroge nyi Alla aina manawaradi kahanga -kahanga puge, Nyi daua lena manawara magim miyo.
\p
\v 22 Nyiwe Oroge nedo, pamatarage la dahhana loppo bannai Allah; Banna tabarada yidda naka bada monu, tanyiduwe dahha-Na ta barami ba engam miyo ta tillu dahha-Na. Ba nyi walleka, miyo dummo engage ba tuplami.
\v 23 Monno yidda dummo, batauna yidda bada enga hakitana tatillu aipatena ‘da, yidda enga baha dikkimi oronagei Allah naka kuwahadi yid'da tutge hadikkidi haggadi yid'da.
\v 24 Oroge, nyiwe miyo badda hatuplami wali agawe naka damma mema Nyiduna nada pu Zaitun aiha baiyi loppo paha dikki ta dihha pu Zaitun ha mulla dauwu, naka kaha gabba waige kanogomu, walle rehi walkaghoge yidda naka wali taka hanga dauwuna enga ha dikkini ta pu Zaitun dauwu'da?
\p
\v 25 Oroge, bagu ole baigimi, nauwa waleg awumawa miyo aim tadawe rahasia inne tannam miyo illam yapugaukage dauwu bam tadawu, oronage ukku kanogo katakku watu badda tama benadi rade wadeka ata Israel kahha bana dikkiwe rahge bana tutuyi bangs-bangsa wadeka
\v 26 Nyiwe battage, ngara dukkana ata Israelenga ha pa tolka manemarayi. Kutujjana ka da'na kama tolha, “Ka ngala haggada enga ammin wali ta Sion, monn Nyiyo enga hikkalage aika mayanna wali tayi Yakub.
\q1
\v 27 Monno inne nyiwe ha ja'ji Gu tabarada yid'da, ba inna Nauwa keketayi waali ta doku - jala'da yid'da,” \rq Yesaya 59:20-21; 27:9 \rq*
\v 28 Dokuge Li Ege Ate, yid'da na dadi muhhu ta jongam miyo, tanyiduwe dokuge mapede, yid'da na da'di ata-ata pamanawara oroge Ama weda waika'da yid'da.
\v 29 Oronage Kanyurruh loppo kamaikana nai Allah walle na dadi mawe pa pattuwe.
\v 30 Oroge, katauna miyo ulge aikaha doku tabarana nai Allah, tanyiduwe na ba tauge badda hibbawe biktawe manawara aiha doku mane'da yid'da;
\v 31 Tauda jallage yidda batauge walle da li bawa ma tannam mu manawara nai Allah naha bad'da ha yiyo tabara mu yidda dummo enga koledage bigta manawara.
\v 32 Oroge, Allah badda hayannadi yid'da tangngada ta tillu aima nudu- manono tannam Nyiyo da'di we patingngoge bigta manawarana tabara tangngana ata.
\s MAHADI TABARAYI ALLAH
\p
\v 33 Oh, walle anamanagge kiddige majabollana maniuwolla paha ngadda Nai Allah! Bataukallage walle ingta magge mayegage papustana loppo walle ha waumayi tangngadi lara-Na.
\q1
\v 34 “Oroge, iyayi katadanage pahangadda Nai Mori? Ai walleka, ba iyayi ka yini li ha akka?
\q1
\v 35 Ai walleka, iya beiyi ka badda yini ba agaduyi ta bara Na, monno kanna tau jelu Nyiyo?”
\p
\v 36 Oro ngara dukkage ka wali dayi ta bara Na, lohho Nyi dauwu, monno tabara dau Nage. Ta barana Nyiyo kamanadana kahha kalwali-kalwali! Amin.
\c 12
\cl Kawukku 12
\s YIWE MORHAMU TA BARAI ALLAH
\p
\v 1 Oroge inne, waige manawara Nai Allah, nauwa gu ohoragimmiyo, tangngami ole baigu, dajalage miyo maraka waige tauwu mu katujjana maraka naka morha, na kmMurraha monno naka Tengna loppo kadahha tabara nai Allah; nedo nyiwe kangotem ka tengna.
\v 2 Illam da'dikawu ka merana ne hada pannu tana inne, tanyiduwe ha jeluge la waige bamu haberuwe paha ngadamu, dajjalagi miyo da'di hawattege agawe hakbbu atenai Allah; Aga we kadahha, lohho ka yannana tabarai Allah, monno ka ban na.
\p
\v 3 Oroge, ledege kanyurru manawarana hayibena ta baragu, nauwa lugguge tabarada tangngana ata ta jongam miyo dajjalage illam hangadage tangngadi hada kama dista wal ta paha ngada aipaha ngadahona nyiyo, tanyiduwe tannam pangadage ka murraha katujjadi ukku hatena naha badda yinai Alla tabara tangngada.
\v 4 Oroge, katujjana wu tau yo, yitta butayi oleda, tabollo dihha - dihha walle naha mera'k mayi ha ullada.
\v 5 Tauda dummoge yitta, lokko dabuttana, tanyiduwe nyiwe la tauwu lar tai Kristus. Monno, dihha- dihha wali ta yitta oleda rada wadeka.
\s Kanyurruh- Kanyurruh Ata Hatena
\p
\v 6 Yitta da kole bege Kanyurruh kaheka - hekana dokuge kanyurruh manawara ha yina tabarada yitta. Nyiba tutu hurbalewe, dahha we yitta rayige dokuge tuba hatenada yitta.
\v 7 Nyi ba tutu hanukkukawe, dahhawe nyiyo bkana hanukkuwe, loppo banyi tuttu hanuwawe, dahhawe nyi kana hanuwana.
\v 8 Loppo ba nyikawe tutu hamaddona paha ngada, na rehi dahhahowe kana pamaddona paha ngada, Ba nyi tutu yikawe dahha nyiyo bana yiyo wai manawara ate, Ba nyi tutu ma irrikawe dahha nyiyo kana ma irrih waige kaha tetakkana, ba nyikawe waige hatingngoge bikta manawara, dahhawe ba pahadawe waige lagahara.
\s Tutu ge Morha Ta Tillu Manawara
\p
\v 9 Nyidawe ge manawara illa dahha dete ka. Muhhu dage naka japata, Monno narro dage agawe ka dahha.
\v 10 Nyidawela miyo kammu manwara wikkina waige manawara kaha olebaina monno kammu ulluwe napa hi wikkna,
\v 11 Illanna lojawe nama nuddu mu, nyidawe miyo kam muttu takka lar ta waddi monno hanukkuyi Mori.
\v 12 Lagahara la lar tama manne, tahna ta tillu kahna, monno ha tetakka wikkim la ta tillu sembayang!
\v 13 Dokuge la ngalawe tutumu tatillu hatutudage tutu hawaida tangangada ata Murraha, karuhkiwe ta tillu hatingngoge li bawa Ate.
\p
\v 14 Hamaringiyi yid'da nakaha mayillami miyo, Hamaringiyi la monno illam katukkana!
\v 15 Lagahara dangngadi yid'da naka kala gahara, monno ho dangngadi yidda naka ka hoyo.
\v 16 Hangadage la hada naka kaha mera na ihha wadeka. Illam hangada kage hada naka madista, tanyiduwe pa aroge la ta barada rada ata naha tada kali bawa. Illam hangada wikki dauwu kamu am tada!
\v 17 Illam tauwu kage gabba ge ta bara wu ak ata kajapata waige kajapata. Pahadawe kadahha ta aroda tangngana ata.
\v 18 Ba nyikawe, bana da'di hewe hada nedo kana waliwe tabaramu, morhawu la ta tillu moli dangngadi tangada ata.
\p
\v 19 Olebai gu na hamanawara gu, Illa dage miyo dauyo bam tauge gabbage, tanyiduwe yige mahiggo hadauge banninai Allah. Oroge dage kama tolha, “Tauwuge gabba ge Dau gu ge, Nauwa la naka katauwuge gabba ge,” Linai Mori.
\v 20 “Enga nyidawe, Bana kalabbaka muhhum, yini nyi hayana, monno muhhumu bana mari ka, yikin la nyi ha enu. Waige bamu pahadawe inne, miyo enga ojjokamini malaga latti ta pannu katakkuna.”
\v 21 Illam bakkemi miyo tabarada kajapata, tanyiduwe habakkewela kajapata waige kadahha.
\c 13
\cl Kawukku 13
\s Kangadukadi Tabada paha nukkuna Kahareha
\p
\v 1 Tannamu tangngami ata kangaduka tabarada kapa reha ka kawahage Oroge walle lakma kapareha na aika wali tayi Allah, monno yid'da paha yanna nai Allah.
\v 2 Oro bataudage nuttu, ba iyyakayi ka gabbani kapareha, nyi na gabbage paha didaranai Allah, monno yid'da naka gabbage enga nyidawe kole huko ta tuba tawuna.
\v 3 Oronage, kapareha walle ngidimawe madauta ta barada naka karayige kadahha, ta bollo ta barada naka rayige kajapata. Aukam miyo Morha illa lage madauta ta barada kareha? Rayige agawe naka kadahha, Monno yau enga kolena madika wali ta yid'da
\v 4 Oroge yid'da naka kapaha nukkuwe tai Allah Tuttuge dahha m. Enga nyidawe, ba inna miyo rayige agawe kajapata, madautage la Oronage la walle ai mangkappe mage kahareha narrona kito kaleka. Yidd'da dunna kaha nukku tai Allah, ka rotiwe gabbage na kaha kakowe hoku nai Allah tabarada ata karayina kajapata.
\v 5 Oroge nedo, miyoum kangakkadahoge, walle dikki kelmage oroge ma hokunai Allah, Tanyi dummowe oro ate murraha.
\p
\v 6 Nyiduwe oroge mi dummo yiwu wali katakku, Oronage yid'da ata pahalewanai Allah naka pahaddege tubba tauwuna tutuge hada nedo.
\v 7 Yi da ge la tabara tangngada ba agadahoi na miya hayimi; Wali katakku tabarada naka daudage hibba wali katakku, kakahhai tabarada naka dauwuge hibbayi pakahha, Madauta tabarana ata naka dauwudage hibbayi dage madauta, monno haakani tabarada naka daudage hibbawe ha aka.
\s Manawarana Ata Wadeka Nyiduwe Hoku Kawungngana
\p
\v 8 Illam rayi wuttawu ta aga dummowu tabara iya dummo, tanyiduwe manawaradi rada wadeka oronage ata ka manawarana olena na pannu bewe Hoku Taurat.
\v 9 Oroge, “Illam rayi kage jala dangngana olem, Illam hamate kawu Ole atamu, Illam kedu kawu, Illam millukadi hadauda,” Monno ba daka pareha wadeka, tangngadi nama appohabeyi inne ta lar taha takki, “Manawaradi ole ata mu katauda allana bam manawarage pola tauwu mu.”
\v 10 Manawara walle rayi mage ka japata ta ole atada. Oroge nedo, Manawara nyiduwe banna bange Hoku Taurat.
\p
\v 11 Tauda Jallage, miyo bam tada kawe rahige tabaramu batauwuge innetutuge kadde wali ta dura; Oroge batauge tolka manemara na daggetawe tabarada yitta helege wali ta wungngage yitta bada hatena.
\v 12 Gaddi na langnga bege monno dammage bada daketabewe, oroge nedo maida yitta kada baitadi tangadi harayida kapagtana monno kada waidi tangngadi hatauwu wai kama gakahana.
\v 13 Maida yitta kada morha li bawa ate kataudana inna bana laddoge, walle tunnu teba monno inu kayanna, monno walle kama rihhaka parayi, monno walle daha tauwu ma loppo kawii atena.
\v 14 Enga nyiduwe, waidani Mori Yesus Kristus, monno illam karawakawe pola tauwu mu tutge rotiwe naha baimu.
\c 14
\cl Kawukku 14
\s Illam Keketa Wikkamu Karehi Dahha Wali Ta Olebaimu
\p
\v 1 Hibbayi ata ka loja mawala hatena na, walle tutge gabbage ha tada na.
\v 2 Da'di ata kaha tenayi ba inna nyi yo ba yadi tangngadi hadadi pa yayo, tabollo ata ka loja mawala hatenana rubba hewe ha yana.
\v 3 Ata naka yayo ilam padda kayi ata aika yayo, monno nada ata iaka yayo ilana na ka tekkokadi ata rada ka yayo, Oronage Allah badda hibbanani nyiyo.
\v 4 Iyya dam miyo bammu katekkokadi ata pahalewana ata wadeka? Ba inna ba dede lohho dummo ba bukka, nedo ha orha dauwunage morina. Monno, nyi enga na dede Oronai Mori naka yini kulha kadangka bana dede.
\p
\v 5 Dani ata naka kaha ngaddage wu lado na rehi banningna wali ta lado wadeka, be rada wadeka pangaddage tangadi lado naha merayi. Tangngana ata doku hoge katena wali ta ate dauwuna.
\v 6 Yid'da habanninguni lado kahekana, habanninguni tutunai Mori. Monno, Yid'da naka ka yayo yayo tutunai Mori. Oroge nyiyo na hailana manuta tabaranai Allah. Tauda dummo da Yid'da na aika yayo, yid'da walle yak ma tutu nai Morimonno hailana manuta tabaranai Allah.
\p
\v 7 Oroge, wale lakmani wu ata dummo wali ta yitta na ka morha tutuge Dau - dauwuna, monno walle lada ma wu ata dummo naka mate tutuge dau - dauwuna.
\v 8 Oroge, Ba inna yitta morha ka, yitta da moarha tutunai Mori, loppo ba inna yitta bada mateka, yitta da mate dau wuna dai Mori.
\p
\v 9 Nyi we oroge Kristus mate monno kadde hagga, Tannam nyi kana da'di yi Mori, ta tangana ata kamate lohho dummo kamorha.
\p
\v 10 Enga nyiduwe, ahha miyo mamu kawetidi Olebai yi mu? Loppo, ahha miyo torro halibawayi olebaiyi mu wai bammu katukkuni? Oroge, yitta enga dede kahha hoda ta aro taktah Parehanai Allah.
\p
\v 11 Oroge dage kama ma tolha, “Oroge Nauwa bagu Morhawa, Linai Mori, tangnadi kuddo enga naka wojoyi ta bara- Gu, Monno Tangngadi lamma enga nama mangakui ta baranai Allah.” \rq Yesaya 45:23 \rq*
\v 12 Bege, tangngage yittaenga da yiwe taguge balehawe tutuge dauwu -dauna ta baranai Allah. 
\s ILlam Rayikani Ata wadeka Ka Jala
\p
\v 13 Oroge nedo, illage yitta hama yega wikkina, tanyiduwe na rehi dahha howe runge tutuge walle tau ge kamahapalohho wu watu widda ta barada ole baida yitta
\v 14 Nauwa tadawe monno gu mannege na la ta Moridai Yesus oro walle lakma ka wu dummona naka ka otora wali ta hada nedo dauyo, tanyiduwe rada ata ka pa ngadadi tangnga kahhage yidda na ka otora, nyiwe hada nedo ka otora tutuge dauwuna.
\p
\v 15 Oroge, ba inna ate olebaimu manukaweoronage na wuyona mi hayami, miyo walle hillu mu morha mawu waige manawara. Jamma la miyo ha lilokoni nyiyo waige naha yamun nedo, Oronagei Kristus dummo badda matena tutuna.
\v 16 Oronage nedo, illam tannage agawe na miyo na paha ngaddammu kadahhaba langlirawe katujjana na kajapata.
\v 17 Oronage harajanai Allah walle tutuge ya monno enu mawe, tanyiduwe tutuge ka tena, maringi malala, monno lagahara lar Wad Murraha.
\v 18 Oroge iyya dummoyi kaha nukkuwe tai Kristus waige kakoge lara inne kamayanna ta baranai Allah.
\p
\v 19 Bege, maida yitta rotiwe na hada-hada ka ngiddiwe maringngi malala monno kapa kadde wu lohho wadeka.
\v 20 Illam kegarage ha ullanai Allah oroge tutu inna yayo! Tangnga kahhadi Dahhayi, Tanyiduwe nada wu ata naka ka yayo bana dadidalwe ata wadeka bana jala.
\v 21 Rehi dahha howe wallem yayo kahila loppo aim enuwu Anggur, lohho rayidi hada wadeka naka dadi dawalli bana widda nada ole bayi mu.
\p
\v 22 Narroge la naka tena na miyo hakolemu tutuge tuba tauwumu ta aronai Allah. Maringi malala ata aika rayi rakkage tuba tauwuna tabara agawe naha yappami kadahha.
\v 23 Enga nyiduwe, ata nada ka gela gagga enga da hokuni ba inna nyi banna yayo, oroge nyiyo yayo walle ha kappemage taha tena; monno tangnga kahha di na aika kaha puyo wali ta hatena nyidawe na jala.
\c 15
\cl Kawukku 15
\s Tullun Olebaiyi mu Kana da'di Rehi Kulha Taha Tena
\p
\v 1 Bege, yitta naka kulha da tagu hodi rada kaloja mawala ata na aika kulha, monno walle hadahawe tutuge dau - dauda.
\v 2 Lodoge la tangngana ata ta jongada yitta kana yannage ta oleda tutuge dahhana, tutuge ha kaddewe hatena na.
\v 3 Oroge, Kristus walle naha ege dawumawe Dau- dauwu- Na, tanyiduwe katujjana kama tolha, “tangngad hatakki kama padda wali ta yidda, naka padda -wu, na dajjalawe tabara- Gu.”
\v 4 Oroge, aga dummowe kama tolha ulge bada matolha bege tutuge hanuwada yitta tannam ledege kaha tetakkana monno paha mandona ate naha yina ta Jurrata Bihha, yitta kolege dage kama manne.
\v 5 Yallakawei Allah, puge libawa monno ege ate na yigu kanyurruh tutukolege morha ta tillu kaha wu taena ihha monno wadeka kangejai ledeni Yesus Kristus,
\v 6 tannamu bamu hawuna atemonno ha wu lina miyo hama nadani Allah monno Ama Morida Yitta Yesus Kristus.
\v 7 Oroge Nedo hibba wikkimi ihha monno wadeka, ka mera tujjanai Kristus hibbada yitta waige kama nadani Allah.
\v 8 Nauwa gu hanewe wa tabaramu Oronagei Kristus badda na Da'di kapa nukkuwe ta bara tangngana ata naka ka badda ka bunnyiwaige katenai Allah, Nyiduwe Tutu pamaddoge jaji na yidada ta bara Ama weda waikada,
\v 9 monn tutuda Bangsa-bangsa aika Yahudi na tannam yid'da kada hamanada yi Allah Oro bikta manawara -Na. Katujjana agawe kama tolha, “Oroge nedo, nauwa engage bagu daika -wu ta jonga bangsa - bangsa aika Yahudi na; monno nauwa engag ma nyanyini mazmur tutu ngara -Mu.” \rq Mazmur 18:50 \rq*
\v 10 Monno hatakki walna, Lagaharawu la hai bangsa- bangsa, oledi kangote nai Allah!” \rq Ulangan 32:43 \rq*
\v 11 Monno walli, “Daikayi Mori mi tangngami Bangsa! Jammadi tangadi kangote daikayi Mori.” \rq Mazmur 117:1 \rq*
\v 12 Monno, Yesayana naha newe walli, “Enga ammidi ana ubbu nai Isai, monno Nyiyo enga na kadde tutuge harehayi tangngadi Bangsa, Monno na lar ta Nyiyo, bangsa-bangsa enga daha manne.” \rq Yesaya 11:10 \rq*
\p
\v 13 Yallawei Allah puge naha manne nah bannugimmi waige tangage ege ate monno maringngi malala ta tillu hatena mukahha miyo na majabolaweta tillu ma manne Ledeni Kuwaha Waddi Murraha.
\s Paha Nukkunai Paulus Tabarada Tangngan Ata aika Yahudi na
\p
\v 14 Olebai-olebaigu, nauwa dauyo nama mannewe tutu mi, ba inna miyo ban ge kadahha, majabolawe waige tangngage hatada, monno makkadi hanuwadi wu kahha rade wadeka.
\v 15 Tanyiduwe, nauwa badda tolhawe waige bani ategu tabara mu tutu ka pirra hadana tutge bagu ha ape hagga gimige, Oronage kanyurruh naha badai Allah yidage tabara gu,
\v 16 nauwa gu da'di hanukkuwe tai Yesus Kristus tutu Bangsa-bangsa aika Yahudi na bagu Da'di Bai Ratowa tutu Linai Allah, Lodoge bangsa- bangsaaika Yahudi na kolege bana da'diwe ngidi maraka naka kamayanna, napa ha li hikke ledeni Wad Bihha.
\p
\v 17 Nyidawe Oroge, ta jonganai Yesus Kristus, nauwa na da'di we egela tubage hada inne naha rayigu tutu nai Allah.
\v 18 Oroge, nauwa wallena da'di mawe bagu takkiwe dihha wu na wadeka, nyihewe naha badda ha ullanai Kristus ledega nauwa, tutu rayina Bangsa - bangsa aika Yahudi na manono waige hatakki monno harayi,
\v 19 Ledege ka waha tadka- tadka kaheka hadana monno ka heka gaina, Ledege Wad katengna lodoge ka wali ta kota Yerusalem monno taka lingngora dikki ta Ilirikum, nauwa bada hatoma guge bannuge tutu ge li nai Kristus.
\v 20 Taudadage Nauwa bagu runge tutuge ha kakowe Li ege ate ta dauwuyi Kristus walle tadamawe tannam nauwa illagu ha kaddewa ta pannu kappe naha bada hapuna ata wadeka.
\v 21 Katujjana ka dana kama tolha, “Yidda naka aikali hibbahowe ha ngiddiyi tutuna Nyiyo engage etawe, monno yid'da na aika kali rangngewe enga da yappawe.” \rq Yesaya 52:15 \rq*
\s Hakabbu Atenai Paulus Lo ha Dikki Ta Kota Roma
\p
\v 22 Nyiwe oroge na nauwa da dummoge kama padeka tutu lo dikkigimmi miyo.
\p
\v 23 Tanyiduwe batauge, oro aihillu layo hadauwu ta lodda inne, monno oroge nauwa mojage na yage dauge kabbu atege lodikkigimmi,
\v 24 Nyidawe Ba inna nauwa kakowa ta spanyol, baige da'diwe bagu lidawa monno ha tabbo dangngagimilodoge miyo da'diwe bamu tullu ga nedo bali, bege ka rehi ulge nauwa ta lagahara dangnga gimmi tutu langka hodikawe.
\p
\v 25 Tanyiduwe batauge, nauwa kakowa ta kota Yerusalem Tutu hanukkui tangada ata ka Murraha,
\v 26 Oroge Makedunia monno Akhaya waige dahha ate yiyo matullu tabarada ata milla ta jongada tangada ata ka tengna ta Yerusalem.
\v 27 Yidda na dahha yi ate da rayige, oroge nedo nyimawe hataguda yid'da. Oroge ba rada tangada Bangsa aika Yahudi na bada hibbadage ta tillu hada-hada hatena Dauda ata Yahudi, ba na yid'da dummo daha nukku dahoi ata Yahudita tillu haganna dadi tangngadi habaida Yid'da.
\v 28 Oroge nedo, ba inna nauwa bada beguge naha ullagu monno pakulhadage ngihhi ge inne ta barada yid'da, nauwa enga kakogu ta Spanyol li na ta kota mu.
\p
\v 29 Nauwa tadawe ba inna dikkige bagu lo dikkigimmi, nauwa enga amga ta tillu pannuwe kanyurruh tai Kristus.
\p
\v 30 Batauge, nauwa gu karaiwe tabara mu, bagu ole baigimmi, tutu na Mori da Yesus Kristusmonno waige manawara ta Wad, tutu runnu ge ole dangnga gawaige ta tillu sembayang tabaranai Allah tutuge dau gu,
\v 31 tannam nauwa da pahallawa wali ta tangngana ata na aika ma nuduh ta Yudea, monno tannam inne paha nukkugu tutgeYerusalem kana mahomawe tabara ata katengna.
\v 32 Monno, tannam ledege habainai Allahnauwa na da'diwe ba amga tabaramu waige lagahara, lohho kolena maringngi ta jongam miyo.
\v 33 Nyikawe maringngi malala tai Allah na doku manno gim miyo tangngam, Amin.
\c 16
\cl Kawukku 16
\s Maringngi Monno Hanauwu Wali Tai Paulus
\p
\v 1 Nauwa gu yigiminni tabara mui Febe, olebayida yitta lawai nyiduna wu ata kapa nukkuwe kangote ta Kengkrea.
\v 2 Hibbayi nyiyota jonganai Mori kataudana tangngana ata hapede, monno tulluni nyiyo ta tillu tangnga kahhage habaina wali ta baramu Oroge nyi dauyo badda yina ma tullu ta barada ata buta monno dummo tabara nauwa dauwu.
\p
\v 3 Hadikkigage maringngi gu tabara nai Priskilamonnoi Akwila, nada ole ulla gu ta jonganai Kristus Yesus,
\v 4 Naka badda hatoroge ngahu dauda yid'datutuge morha gu. Tangage yidda, walle nauwa kelmanaka hailana manuta tanyi dummowe tangngana kanote aika Yahudi na.
\v 5 Hadikki jalla gage maringngi gu ta barada kangote na ta umma da yid'da. Hadikiki jalla gage maringngi gu tabaranai Epenetusnada hama nawaragu, nyiyo nada ata k ullu ta Asia naka hibai Kristus.
\v 6 Maringngi na tabaranai Maria nada bada ulla tetakkana tutu miyo.
\v 7 Maringngi tabarai Andronikus monnoi Yunias, Tangada olebai wu Bangsa gu lohho alla ole ta gallu gu naka dummo hatada ta jonga da rada Rasul, na dummo ka badda dana na tai Kristus ailahoga nauwa.
\p
\v 8 Maringngi tabaranai Ampliatus, na hamanawara gu na tai Mori
\v 9 Maringngi tabaranai Urbanus, ole ulla da yitta tabaranai Kristus, monno tabarai Stakhis na pa nawara gu.
\v 10 Maringngi tabara nai Apeles, naka dela kadi ka baddatahna hakamana tai Kristus. Hadikki jallagage maringngi gu tabara radaata olebaina Aristobulus.
\v 11 Hadikki gage marngngi gu tabara nai Herodion, olebai gu kawun a Bangsa gu. Maringngi tabara rada Ata olebainai Narkisus, naka dana tai Mori.
\v 12 Hadikki gage marngngi gu tabaranai Trifena monnoi Trifosa, naka joli takka tai Mori. Monno, tabaranai Persis na hama nawara gu, na dummo kaulla takkana ta jonganai Mori.
\v 13 Marngngi dummo tabara nai Rufus, Ata ha pede ta Jonga nai Mori, monno dummo tabara inya nana ka da'di inya tutu dummo.
\p
\v 14 Maringngi tabara nai AsinKristus, Flegon, Hermes, Patrobas, Hermas monno tangada olebai naka oledi rada yid'da.
\v 15 Maringngi tabaranai Filologus monno Yulia, Nereus monno wattona, loppo tabranai Olimpus, monno tangngana ata Murraha na ha oledi rada yid'da.
\v 16 Yikimi maringngi nada wu loppo wadeka waige pa ngagha ka murraha. Tangana kangote nai Kristus hatomage maringngi da yid'da ta bara mu.
\p
\v 17 Batauge nauwa gu dulla gimmi miyo, bagu olebaigimmi, hamattaradi yid'da na kaha tummuge hawattena monno kapa jallorana, lohho na ka li heka wali rada paha nuwada naha badda hibbam miyo; dikkarawudi yidd'da.
\v 18 Oroge, rada ata katujjana nado aika panukkuwe tai Mori yitta Yesus Kristus, tanyiduwe hanukku we habayi da yid'da dau; monno waige hanewe naka mawu lohho hatakki- hatakki ha keketa wkkina, yid'da da tipui ateda tangada ata rada aika tauwu paha ngaddadi.
\v 19 Oroge, manuddu mu badda da tadawe tangana ata, oroge nedo nauwa la gaharawa orom miyo. Tanyiduwe, nauwa baige tannam miyo hatadage tabarage aga naka kadahha monno ka murraha wali ta hada naka japata.
\p
\v 20 Alla puge moli maringngi enga na geha ha mabboni nai ka balka ta kabu koko ledu Mu. Kanyurruh na Yesus Mori da Yitta, doku mamanno gu.
\p
\v 21 Timotius, olegu kappaha nukku gu, hadikkige maringngi tutu mu, monno dummo wali tai Lukius, Yason, monno Sosipater, tangana olebai ta bangsa gu.
\p
\v 22 Nauwai Tertius, naka tolhawe jurrata inne, hadikkigage maringngi gu tabara mu tai Mori
\v 23 Gayus, naka yiwe matullu tabara gu monno ta bara tangngada kangote, ha dikkige maringngi tabaramu, Erastus, bendahara kota, monno Kwartus olebada yitta, ha dikkige maringngi ta bara mu.
\v 24 (Kanyurruh nai Yesus Kristus, Mori da Yitta, dokugimmi mi tangngam! Amin.)
\p
\v 25 Tabara na Nyiyo naka makkage ha kullaham miyo ka tujjai Li ege ate naha ngiddi gu monno paha lara gu tutu nai Yesus Kristus, monno na tujjawe waige baha hudi rahsia napaka bunnyi ka taukalana madina,
\v 26 Tabollo na batauge badda hatingoge ledege Jurrata- jurrata rada nabi, katujjage waige harehanai Allahna aikamanu dukkana naha badda halara tabara tangngana bangsa tutu ka irriwu ta bara kaha manuddu ha tena,
\v 27 Tabarana Kanyiwai nai Allah naka bannuna tada ledegei Kristus Yesus; kamanadana kahha lado murri - lado murri! Amin.