See in Reader
1433 lines
154 KiB
Plaintext
1433 lines
154 KiB
Plaintext
\id ACT
|
||
\ide UTF-8
|
||
\h Kisah Para Rasul
|
||
\toc1 Kisah Para Rasul
|
||
\toc2 Kisah Para Rasul
|
||
\toc3 act
|
||
\mt Kisah Para Rasul
|
||
\c 1
|
||
\cl Kawukku 1
|
||
\s Yesus Keketaiyi Ta Surga Mono Jaji Ba Ammige Waddi Katenguna
|
||
\p
|
||
\v 1 Jurrata hatulhagu nuttu ulluge, Teofilus, tuttu tangngadi Yesus na rayige mono hanuwage,
|
||
\v 2 kaha dikki laddo kaha kole Nyi bana makeketa, kole Nyi yiwe hareha ledeni nhahu katengina, tabarada ledelina hapede bena.
|
||
\v 3 Tabarada yidda, Nyi dummo hatingo begge tauna bana morha kole Nyi bana mayilla, waigu butayi tadka, ba tamradda hadeloka wikkina tabarada yidda kapata bull laddona mono bana takkiwe tuttu kalingora harrhanai Allah.
|
||
\v 4 Batamrage bana kako ole dangadi yidda, Nyi naharehayi yida dajalage yida ilada tanage Yerusalem, tabolo remage hajajinai Ama, “Miyo um rangewe wali tabara-Gu,
|
||
\v 5 Oroi Yohanes na hariha waina weyo, tabolo miyo enga hariha waigimi Waddi Katenguna, walena mojakmage wali batauge.”
|
||
\s Yesus na Makeketa ta Surga
|
||
\p
|
||
\v 6 Oroge innage, kole yidda makaha, yida ba kanukka tabarana, “Mori, nyiwe inne rahigege yauwu bamu hatagahawe kalingora pareha Israel?”
|
||
\p
|
||
\v 7 Nyi linage tabarada yidda, “Wale daumamige tadawe tutu rehige mono pahadidarabenai Ama waige bikta parehana.
|
||
\v 8 Tabolo nyidawe, miyo enga hibami bikta pareha kole Waddi Katengna ba amkani tabarami mono miyo hawaigu ta Yeruslem, ta tangage Yudea mono Samaria, mono kaha ta hupu tana hada layina.”
|
||
\p
|
||
\v 9 Mono, kole banna takkwe tangngage inna, tamrada yidda badda tangara, nyiwe bana makeketa mono karabba bana ngidyi bungnga wall tamatada yidda.
|
||
\v 10 Lohho, kole yidda tangra tangarada dete ta Langta, nyidawe Nyi bana kako, etaila, dadi duda ata kabani kawaina kalabbe kaka dete ta tiddida yidda,
|
||
\v 11 Mono linnage, “ta' ata galilea, ahha miyo mamu dede engana tangara ta langta? Yesus nadde, kamakeketa wali tajonga dalarami miyo bamu etayi kako ta Surga.”
|
||
\s Pedeyi Wu Ata Lede Lina Kaberu
|
||
\p
|
||
\v 12 Kole innage, yidda hagga ta Yerusalem wali ta kabodi letena kangaradanai Zaitun, kadahekawe Yerusalem, marauge diha lado rahi ngahu.
|
||
\v 13 Kole yidda bada tama, yidda panne ta koro kadauwu dete hadauda bada engana. Petrus, mono Yohanes, mono Yakobus, mono Andreas, Filipus, mono Tomas, Batolomeus, mono Matius, Yakobus anai Alfeus, mono Simon ata Zelot, mono Yudas anai Yakobus.
|
||
\p
|
||
\v 14 Yidda tangada waige hawuna ate mikku lar ta Sembayang kahawuna gaudi Lawai monoi Maria inyanai Yesus, loho ole bai-Na.
|
||
\p
|
||
\v 15 Ta laddo nedda, Petrus na dede tajonga dalara olebaida ta hatena (butada ata bataukadi katuttu ngahu dokabulluyi tangada), mono da hanewe,
|
||
\v 16 Ole baiyigu, Jurrata Bihha na bannu dahoge ha takbena uluge Waddi Bihha ledege ba'nai Daud tuttuna Yudas, kadadi ata kakododi ata ka yappayi Yesus
|
||
\v 17 Oronage, nyi yapdanai tajongada yita mono kolena tubana lari ta haulla inne.
|
||
\p
|
||
\v 18 Batauge, ata nade na hiwe wu hadawu tana waige hi ge wal tajapatana, mono kole katakuna monu ulluwe, ta tillu tauna na bahhawe, mono tangage ngihi ti'na tanyoborawe.
|
||
\v 19 Mono, kadadi inne na tadabewe tangada ata ta Yerusalem kaengana dajalage tana inna lari ta haneweda yidda ngarage Hakal Dama, ngihige ‘tana Ra.’
|
||
\v 20 Mono, matolha bewe lari ta jurata lawiti: ‘Pahaige hadauwu engana banadadi kahaikawe, mono nyammage nedo bali illa dahingna wu'ak ata kaengana nedo lari', mono ‘Nyammadi wadeka kada ngalanage hadauwuna.
|
||
\p
|
||
\v 21 Oro batauda dagege, wu ata wali tajongada yida ka ole hangatada yita batamra hona mordai Yesus tama huna ta jonga dalarada yita,
|
||
\v 22 Wali ta Harahi Yohanes kaha ta lado kole Nyi makeketa wali ta jonga dalarada yita, wuyo wali ta yidala enga dadi bana waini tutu kade hameranada yita.”
|
||
\p
|
||
\v 23 Loho, yida daduharadi duda ata, kangaranai Yusuf kamangu nagara wadekana Barabas, kamangu ngara hakali tak jalada Yustus, mono Matias.
|
||
\v 24 Bege, yida Sembayangna, “Yau, Mori katadai atena tangana ata. Hatingomani tabarama nami iyayi kadudana ata rade hapede bemu Yau,
|
||
\v 25 tutu hibawe haulla inne mono hadau lede limu wali tai Yudas kahilrabe tutu kako tahadauwu dauna.”
|
||
\v 26 Bege, tanagada lede li'na da tauwu mowala tajonga dalarada yida mono mowala na monuwe tabarana Matias dajalage nyiyo yapu gauni wali kabulu dihana lede li'na.
|
||
\c 2
|
||
\cl Kawukku 2
|
||
\s Ba'ammige Waddi Kateguna
|
||
\p
|
||
\v 1 Kole laddo Pentakosta ba'na dikkiwe, yidda tangngada da'kahhdi ta hadauwu nedda.
|
||
\v 2 Mono, rangnge hayaddawe kawali ta Langta, Punnyi katujjayi Warata, mono punnyi inna bannuge taronga umma ba tangrada ngodo.
|
||
\v 3 Mono, na de'dowe tabarada yidda karewo tujjana rewo latti kamahabbara mono ka'deke ta pannu katakkuda yidda dihha-dihha.
|
||
\v 4 Nyidawe, yidda tangngada nabannudi Waddi Katenguna, mono haleggewe hanewe larr tangnga ngara hanewe, tujjawe hayida'di Waddi Katenguna tuttu yidda hanewed'a.
|
||
\p
|
||
\v 5 Ta lado nedo, da'di ata Yahudi kaengana ta Yerusalem, ata kahatena wali diha hadauwu - diha hadauwu takabu Langta.
|
||
\v 6 Mono, kole punyi inna barangewe, haibbo ata buta da maiyi kahha mono tillu bangarayi oro yida bada rangewe yida bada hanewe dokuge haneweda yida kaamna nedo.
|
||
\v 7 Yidda hangatara mono bangara, mo lidage, “Yida tangada katamrana hanewe wale ata Galilea duyi?
|
||
\v 8 Mono, aga linna kakwe diha-diha yita bada rangeyi yida waige hanewe hadauwu dadida yita?
|
||
\v 9 Ata-ata Patria, mono Media, mono Elam, mono ata Mesopotamia, Yudea, mono Kapodokia, Pontus, mono Asia,
|
||
\v 10 Frigia, mono Pamfilia, Mesir, mono kalingora Libia bara Kirene, mono ata li pallaka wali ta Roma, loho ata Yahudi lopo tangada Proselit,
|
||
\v 11 ata Kreta mono Arab. Yita badarangeyi yida dahanewe da waige haneweda yita tutu harayinai Allah kamadakka.”
|
||
\v 12 Mono, yida tangadda da hangatara mono na gibokayi katakuda bada hanewe diha ata-diha ata, “Agawe ngihige tangage inna?”
|
||
\v 13 Tanyiduwe, ata wadeka da malhadi yida mono lidage, “Yida kalango oro enu anggur beru dage.”
|
||
\s Petrus Na Hanewe Tabara Ata Buta
|
||
\p
|
||
\v 14 Tabolo, Petrus nadede hamera dangadi kabulu dihana lede li'na, na keketawe lina mono linage tabarada yida, “Ta ata Yahudi mono tangami kaengana ta Yerusalem, nyamage kamu tadawe miyo mono kamu hamatarage hanewegu.
|
||
\v 15 Oronage, ata-ata rade wale kalango oro enu anggur mawe, tujawe hangadami miyo oro batauge lado nehe jam hatauda waiyi,
|
||
\v 16 tabolo inne nyiwe hataki ledeni Nabi Yoel:
|
||
\v 17 ‘Mono, talado hadukka waiyi enga dadige, Allah: nyidawe nauwa bi gumi Waddi-Gu tapanu tangana kadadi ata. Mono, anami kabani enga etada haeta, mono anami Lawaiyi enga naganipi tanga ngara naganipi, mono anami bau mane bau winne enga etada haeta, mono ata katumi ta jongami enga naganipida hanaganipida.
|
||
\q1
|
||
\v 18 Lodoge, tapanu tangada ata-Gu kabani mono tangada ata-Gu lawaiyi ta lado inala, Nauwa ugu bi hogumi Waddi-Gu mono yida enga huru baleda.
|
||
\q1
|
||
\v 19 Mono, Nauwa enga hatingo daguge Mujizat-mujizat ta Langta, kadauwu dete, mono tadka-tadka hangatara danga ta panu tana, kadauwu bawa, rayo, mono latti, mono hammu habongi.
|
||
\q1
|
||
\v 20 Mata laddo engana hajeluna dadi kapagta mono wulla dadi rayo, aina diki howe ladonai Mori kamadakka mono kamanadana ba ammini.
|
||
\q1
|
||
\v 21 Mono enga dadige, tanagana ata ka maikage ngaranai Mori enga pahoilayi.”
|
||
\p
|
||
\v 22 “Ta' ata Israel, rangewe hanewe inne, Yesus ata Nazaret, wuyi ata pahadelakabe tajongami iy Allah waige waige hada hangatara danga, mono mujizat-mujizat, mono tadka-tadka, hatingo benai Allah tajongami ledeni Nyi, wiki dawu tadawe.
|
||
\v 23 Yesus nade, pa hapala dokuge hakabu ate paha yanna bena mono hatada benai Allah ulluge, paha matena waige bamu kadailo-Ni lededi limada ata bokala.
|
||
\v 24 Tabolola, Allah nakadde hagaga-Yi mono pahalla-Yi wali kamayilla mate oro wale nadaik'mawe tubana parehayi mate.
|
||
\v 25 Oronage, Daud kali linage tutui Yesus, ‘Nauwag etayi Mori ba da' hanagatani ta arogu, oro Nyi ba dani ta bara lima kawanagu dajalage nauwa walegu engakmana gedo.
|
||
\q1
|
||
\v 26 Oro batauda dage, ategu na lagaharawe, mono lammagu na lageborawe. Tau dumogu engage ba tatilu mamannewe,
|
||
\v 27 oroge yauwu aimu tanyragani uragu badami tapanu tana ata mate, waleka aimu pahaimodi tauda ata katenguna etawe ka liloko.
|
||
\q1
|
||
\v 28 Yau um takbegage tabaragu lara morha. Yau engage bamu pahadawa ka bannuna ege ate waige mata-Mu.’
|
||
\p
|
||
\v 29 Bagu ole baigimi, nauwa dadiwe bagu hanewe tabarami waige kadibaha tutu weda waikada yita, Daud, oro nyi bana mate be' mono tanini, mono ratena dahoni hamera waida yita kahha lado nehe.
|
||
\v 30 Nyidawe, oro nyi ba wuyi Nabi mono katadawe nai Allah bana jaji bewe waige haurana tabarama tutu ba hangodoyi wuyo wali ta ana suhui Daud tahadauwu ngodona.
|
||
\v 31 Oroge inna, Daud na etawe hada inna ullugenNyiyo nahanewe tutu kaddei Kristus Nyi: ‘Nyi wale hamadhtakmayi ta panu tana ata mate, mono tau-Na wale matekmawe liloko.’
|
||
\v 32 Yesus nadelage Nyi hahadenai Allah mono nami tangngama kaetawe tutu hada inna.
|
||
\v 33 Oro bataudagege, ba hamadehta beyi ge wainin limanai Allah mono hibbawe jaji inna wali tai Ama tutu waddi Katenguna, Nyi na bibeyi, ba agawe inna harangemu loho dumo haetamu.
|
||
\v 34 Oronage, Daud wale panekma ta Surga, tabolo nyi dauwu kahanewe, “Mori nahanewe tabara morigu, ‘ngodowu tabara limma kawana-Gu,
|
||
\v 35 kahha nauwa bagu rayidi muhhumu dadi dau ijalagudi ledugu.
|
||
\p
|
||
\v 36 Oro batauda dage, nyammadi tangadi umma Israel tadwe waige kalijaka nadai Allah bebe bana hada-Ni Mori mono Kristus, nyiknai Yesus pakadailo bemi.”
|
||
\p
|
||
\v 37 Kole yidda bada rangewe hada inna, nama duhkayi ateda yida, loho liddage tabarai Petrus mono lede lina wadeka, “Ole baiyigu, aga dahowe nami harayima?”
|
||
\p
|
||
\v 38 Loho Petrus linnage tabarada yidda, “Jarrami mono harihawe taumu dihha-dihha lar tangaranai Kristus Yesus tutu hawalidi jalami, mono miyo enga hibbami kanyuru Waddi Katenguna.
|
||
\v 39 Oro jaji inna nyikwe tutumi, mono anami, mono tutu tasngada ata kamarauho, katauna butana Mori Allahda yita ha kamaikana.”
|
||
\p
|
||
\v 40 Mono, waige batuge ha takki wadeka, Petrus na etawe waige ka tauwu takkana mono na kawula tabarada yida, linnage, “Pahoilawe taumu wali ta dalara ata kalego radde!”
|
||
\v 41 Ata kahibbawe hanwei Petrus harihayi mono lado neda butada yida na matabayi tauda ratayi.
|
||
\s Maubla Ata Kahatena
|
||
\p
|
||
\v 42 Yida da manuddu ta hanauda lede lina mono lari ta kangote, lari bada hibbayi kababa, mono lari ta Sembayang.
|
||
\p
|
||
\v 43 Mono, madauta amige ta panu tangadi urada, mono butayi hada ha bangara danga loho tangadi tadka kadadi lededi ledu limana.
|
||
\v 44 Tangada kahatena da hawuna makaha mono tangadi hadauda dauwu kahhadi.
|
||
\v 45 Loho, yida da malajadi ngawuda mono dauda, bege da baweyi tabara tangada ata dokuge hakabu ateda diha-diha.
|
||
\v 46 Dihha lad'do-dihha lad'do, waige ate kahawuna yid'da ‘da maubla kahha ta ummai Allah mono ‘da hibbi kababa waige lagahara mono murraha ate,
|
||
\v 47 Tamra mahadi Allah, mono yid'da buta ata kabaidi ata. Mono, nahiyi lad, doi Mori na tabayi buta'da yidda ata pa hamane mara.
|
||
\c 3
|
||
\cl Kawukku 3
|
||
\s Petrus Nahatagahana At a Kalikku
|
||
\p
|
||
\v 1 Diha wu laddo, Petrus mono Yohanes kako ta Umanai Allah ba dikige rahi Sembayang, ba jam kabandihayi.
|
||
\v 2 Loho, wu kabani kalikku wali ta inyana nyi haropayi. Diha lado-diha lado yida da ijalayi ta baubina kalla umma Allah kangarana baubina kalla dahha kana karaiyi wali ta ata katama ta Umma Allah.
|
||
\v 3 Kole nyi bana etayi Petrus mono Yohanes bana tama ta Umma Allah nyi na karaiyi tabarada.
|
||
\v 4 Loho, Petrus, oledai Yohanes, da hamatarani mono lidage, “Torroma nami.”
|
||
\v 5 Ata ka kalikku nada na haaroge pahangadana tabaradai Petrus monoi Yohanes loho inna mannege hibba ba aga kayi ha'yi wali ta yida.
|
||
\v 6 Tabolloge Petrus linage, “nauwa lakma daugu amaha kaka mono amaha rara, tabolo agayi ka dana tabaragu enga yigugu tabaramu. Lar ta ngaranai Kristus Yesus ata nazaret nada, kaddewu mono kam kakowu!”
|
||
\v 7 Begge, na narro nani limma kawanana ata nada mono na tullini hakad'deyi. Ta hadawu nedo dummo, leduna mono koko limmana na kilha haggayi.
|
||
\v 8 Waige talahokka, nyi na dede mono nahalegewe kako. Nyi na tama ta Umma-Nai Allah oledi Petrus monoi Yohanes, tamrana kako, mono talahokka, lohho hadi daikayi Allah.
|
||
\v 9 Tangngana ata kaetayi bana kako mono daikayi Allah,
|
||
\v 10 mono yidda da' tadayi ba nyiyo nadda ata kadana ngodo ta binna kalla kadahha Ummai Allah tuttu maraino karayi pajalana limma. Yidda na karaiwehada ka bangara mono hangatara agawe kana hadabbe ta barana.
|
||
\s Petrus nahanewe Dangadi ata buta
|
||
\p
|
||
\v 11 Tamrana ata nada hamawo wikina tabaranai Petrus monoi Yohanes, tangada ata da malaiyi tabarada yida ta Serambi pahangarada Serambi Salomo, waige hada hangatara.
|
||
\v 12 Loho, Petrus kole bana etayi, nyi linage tabara ata buta rada, “Ta ata Israel, aha miyo mam hanagatarami tutu kadadi inna waleka aha miyo mam hamatara gama nami kamera waige bikta hareha waleka muraha mage nami dauwu, nami karayi beni ata nade bana kako?
|
||
\v 13 Allah Abraham, mono Isak, mono Yakub, Allah ama weda waikada yita na hamanada beyi atana, Yesus, hayibemi mono ha tularami ta aronai Pilatus kole nyi bana pohtawe pahoilayi-Nyi.
|
||
\v 14 Tanyiduwe, miyo um tularabege katenguna mono tena, mono miyo umkaraiyiyi wu ata hamate ata pahalla gimini tubami,
|
||
\v 15 mono miyo umhamate beyi ka yiyo Morha, hakadde hagga benai Allah wali ta ata kamate. Tutuge inne, miyo tangami ka etawe.
|
||
\v 16 Mono Pu hatena lar tangarana haluguna Ngara Yesus, na hakulha beyi kabani ha eta mono ha tada bemi miyo. Mono, hatena ka amna ledemi Nyiyo kayibewe tagaha kabanuna tabara kabani nade ta aromi miyo tangami.
|
||
\p
|
||
\v 17 Batauge, olebaigu, naueag tade bewe miyo pahadawe lari aihatadami tujawe harayida tangada ka kodogimi.
|
||
\v 18 Tanyiduwe, ha dikki benai Allah uluge ladege ba'da tangada Nabi nadai Kristus enga mayillana na bannu bege.
|
||
\v 19 Oro ba tauda dagege jarrami mono hagami dajalage doku jalami ka hopimidi,
|
||
\v 20 Tanamu ta rahi maloga amige wali ba dani Mori, mono dajalage Nyi na halewayi Kristus pa hanuku bena tutumi, haluguna Yesus,
|
||
\v 21 hahibba hona Surga kahadikige rahi hatagaha tangage tujawe hatakki benai Allah lededi tangada Nabi-Na katenguna wali uluge.
|
||
\v 22 Musa linage, Mori Allahmi na hakadegimini tubami wuyo Nabi tujawa nauwa jonga dalara ole bai dauwumi. Miyi um range dahoyi tangage hatakina tabarami.
|
||
\v 23 Mono enga dadige, nahiyi urra, aika baiyige rangeyi Nabi nada enga pudahayi wali ta jonga dalara kabihu ata.’
|
||
\v 24 Mono, tangada nabi ka kali hanewe, wali tai Samuel mono yida bada bijalawe patakiwe lado nade.
|
||
\v 25 Miyo ana suhu wali tangada Nabi mono wali hajaji hainyakabenai Allah tangada ama weda waikamu, tangada dalara ata ta panu tana enga hamaringiyi.
|
||
\v 26 Allah, kole bana hakadeyi atana nahangidi uluni tabarami kana hamaringimi waige bana rayige tangada ata wali ta jongami nakabali wali ta kajapata.”
|
||
\c 4
|
||
\cl Kawukku 4
|
||
\s Lede li na mono Paama Agama Yahudi
|
||
\p
|
||
\v 1 Kole Petrus mono Yohanes da hanewe ta ata buta amidi ta barada yida tangada rato, paama kajawawe Umma Allah, mono Ata-ata Yahudi,
|
||
\v 2 Waige bani tetakada oro yida bada hamadi ata buta mono bada takiwe lar tai Yesus dage kadde wali tajonga ata kamate.
|
||
\v 3 Loho, yida yappayi Petrus monoi Yohanes mono hatamadi ta gallu kahha damage tana oro bana gaddige.
|
||
\v 4 Tabolo, buta wali ta yida karange bewe hatakida lede li na da hatena, mono matabayi kabani ta jongada yida ba katutuyi lima rata ata butada.
|
||
\p
|
||
\v 5 Dikige damage tana, paama-paama bai ata, mono ahli-ahli taurat yida da makaha kaha ta Yerusalem,
|
||
\v 6 Oledi rato madaka Hanas, mono Kayafas, Yohanes, Aleksander, mono tangada ata wali ta ole baida ata madaka.
|
||
\v 7 Kole yida bada tauyi Petrus mono Yohanes ta tilluna, yida da kanukkayi, “Waige bikta pareha agawe waleka waige ngara iyayi bana rayige tangage?”
|
||
\p
|
||
\v 8 Loho, Petrus, nabanuni waddi biha, linna tabarada yida, “Tangami paama-paama mono bai ata,
|
||
\v 9 Nyi nami parehama lado nehe oro wu harayi kadaha nami harayi bema ta bara ata kabewola nade, waige hada agana ata nade ba hatagaha beyi?
|
||
\v 10 Nyamage hada inna kamu tadawe tangami miyo mono tangana ata Israel kana tadawe ngara Kristus, ata Nazaret, ha kadailo bemi miyo, ha kadde haga benai Allah wali ta jonga dalara ata mate, ata nade ka dede ta aromi lari ta tili tagahayi.
|
||
\v 11 Yesus nade nyikna: ‘Watu hatulara bemi, ata karayina uma, ka dadi be watu hadda.
|
||
\v 12 Mono, wale lakma mane mara lar ta iya hingkayi wadeka oro lakma ngara wadeka ta kabu langta ha yiyo ta jonga kadadi ata waige ngara inna yita kolege hila mane mara.”
|
||
\p
|
||
\v 13 Kole yida bada etawe bani atei Petrus mono Yohanes mono da tadayi yida ba ata aika hakolayi mono dabbo, yida da hangatara mono halegewe da tadayi ka dudana da kali marangani Yesus.
|
||
\v 14 Mono, kole bada etayi ata pa hatagahabe na dede ta tibida Petrus mono Yohanes, yida wale dadikmawe gabage.
|
||
\v 15 Tanyiduwe, kole yida bada parehayi Petrus mono Yohanes tutu tanadi Sanhedrin, yida da woro kahage diha-diha,
|
||
\v 16 waige ba lidda, “Agadahoyi harayida tabarada rade ka dudana ata? Oro wuyo tadka pahangatara danga mono ka hadda li heka na dadi bewe lededi yida mono na dedo bewe tubana tangana ata ka engana ta Yerusale, mono yita walena dadikmawe bada kaballuge.
|
||
\v 17 Tanyiduwe, dajalage kadadi inne ilana kiki matabawe ta jonga ata, maida yita kada padekayi yida ilada hilu hanewe ta bara iya hingkayi lar ta ngara inna.”
|
||
\p
|
||
\v 18 Tanamu, yida da kamaikadi Petrus monoi Yohanes, bege da parehayi kadudana tanamu ila hilu hanewe waleka hanuwage aga hingkawe lar ta ngarai Yesus.
|
||
\v 19 Tanyiduwe, Petrus monoi Yohanes baleha mono lidage ta barada yida, “Pohta dakwe, gige ka tena lar pahangadai Allah, tut rangemi miyo ka rehi wali tai Allah?
|
||
\v 20 Oronage, wale na dadikmawe aima takki kawe tangage kamahada haeta mono harange bema nami.”
|
||
\v 21 Nyidawe, kole yida hangatan heridi Paetrus monoi Yohanes, yida da nyamadi rasul-rasul rada kako, kole aida jammu hada tutu hokudi kadudana oroge ata buta ka mahadi tai Allah lede agawe ka dadibe.
|
||
\v 22 Oro, ata tabarana tadka tagaha nada na dedo bewe, kole ba pata kabulu dauwu rehi bena.
|
||
\p
|
||
\v 23 Kole pahalayi, Petrus monoi Yohanes kako ta ole dauwuda mono halarawe tangadi hatakida Rato paama mono bai ata ta barada yida.
|
||
\v 24 Mono, kole oleda rada rangewe, yida da keketawe li'da tabarai Allah waige kahawuna ate mono lidage, “O Mori, yauwu dauwula kahadadi bege Langta, tana, bannu, mono tangage ngihige,
|
||
\v 25 kahanewe ledeni Waddi Katenguna, lededi ba'na ata-Mu, Daud, ama weda waikama nami: ‘Ahha kabihu ata wadeka bani, mono ata kahamatarage ka liloko?
|
||
\s Petrus monoi Yohanes Hagga ta Ole baida ta Hatena
|
||
\q1
|
||
\v 26 Raja-raja panu tana da hainyakabe, mono tangada dauna bikta pareha makaha-kaha dage, gabbani Mori mono gabani halewa be-Na.’
|
||
\v 27 Oronage, doku dage harona inne kole bada makaha gabani Yesus, Ata-Mu ka tenguna, halewa bemu, waini Herodes monoi Pontius Pilatus, waidi kabihu ata wadeka, mono ata-ata Israel,
|
||
\v 28 Tutu rayige tangage waini lima-Mu mono pahangada-Mu hainyaka ull bewe tutu dadige.
|
||
\v 29 Mono batauge, Mori, etawe karohuda yida yida mono kanurukadage tabarada atamu rade talarage limu waige bani ate,
|
||
\v 30 Tamram yauwu hajolani lima-Mu yauwu tutu hatagaha mono tadka-tadka loho pahangatara danga kadadi oro ngara Ata-Mu katenguna, Yesus.”
|
||
\p
|
||
\v 31 Mono, kole yida bada Sembayang, gedo nage hadauda yida bada ma ubla kaha mono yida tanagada na banudi Wadi Katenguna, loho hangatana talarage li'nai Allah waige bani ate.
|
||
\s Morha Ata Hatena
|
||
\p
|
||
\v 32 Mono, makahada yida ka hatena hawuna ate mono urra. Lahingmana wu ata ka linna ngawu ha dauwuda dau daumadi wale lidakma, tabolo tangadi dauwu kahadadi.
|
||
\v 33 Loho, waige kawaha kamadaka tangada tangada lede li'na yidage hatada yida tutu kadenai Mori Yesus mono kanyuru madaka dage tabarada yida tangada.
|
||
\v 34 Wale lakma wu ata ka dabbo tangada yida oro tangada ata kamangu ramana waleka umma, malajadi, mono ngidiyi hi di,
|
||
\v 35 Lodoge bijalayi ta koko leduda lede li'na, mono baweyi tabarada diha-diha ata dokuge habaina.
|
||
\p
|
||
\v 36 Tauda jalage Yusuf, ata Lewi, ana suhu Siprus, ha kamaika jalada lede li'naBarnabas, kamangu ngara wadekana'lakawa Agu Ate',
|
||
\v 37 malajage rammana haduwuna mono ngidiyi amahana, loho na bijalyi ta koko leduda lede li'na.
|
||
\c 5
|
||
\cl Kawukku 5
|
||
\s Ananias monoi Safira Ka'bani Ngahunai Mori
|
||
\p
|
||
\v 1 Nyidawe, dani wu kabani kanagaranai Ananias, oleni ole umana, Safira, malajadi tangadi tanada.
|
||
\v 2 Mono, gauwuni ole umana tadawe, Ananias bana pattuyi wadeka hi tana hamalajada tuba dauwu dauda, mono duka hege wadeka bada ngidiyi, loho ijalayi ta koko leduda lede li'na.
|
||
\v 3 Tabolo, Petrus Linage, “Ananias, ahhai kabalka mana bann gguge atemu dajalage miyo mam kawohoka tabarana Waddi Katenguna mono mam pattuyi wadeka hi'di tana wadeka hamalajami inna?
|
||
\v 4 Ba aim malaja hoge inna tana inna, wale engage bamu dauwuge inna? Aha miyo mam hanagadage harayi inne lari ta atemu? Miyo walem kawohokamami tabara ole atamu, tabolo tabarai Allah.”
|
||
\v 5 Loho, kole harangewe hanewe inna, Ananias bukka nono tingiwe ngahuna hadakka waiyi. Nyiwe, dadi madauta aika anana tabara tangada ata karangewe hada inna.
|
||
\v 6 Kapirrana bau mane amidi, ublanage karogona, mono da'dani ta bali haddu, loho da tanini.
|
||
\p
|
||
\v 7 Bege, batauge katutu tauda jam ge, ole umnana Ananias amini, tabolo walena tadakmawe ba agawe kadadi.
|
||
\v 8 Mono, Petrus linage tabarana, “Takigage tabaragu, tau memahekige hige tana bamu malajage?” Mono, Safira linage, “Ngo, tau memakige.”
|
||
\p
|
||
\v 9 Bege Petrus linage tabarana, “Ahha yauwu mono laiyimu mamu hawuna hataki tutu ka'bani Waddinai Mori? Etawe, oro leduda ata katani beguni laiyimu da'hodi ta aro bo bina mono yida dumo enga da'dagu ta bali haddu.”
|
||
\v 10 Hayaddawe, Safira bukka ta koko ledui Petrus mono tingiwe lolo ngahuna hadakka wai, kole rada bau mane tama, yidda da etayi safira bana mateki, loho yidda da dadani ta balu haddu monno da tanini ta tili laina.
|
||
\v 11 Nyiwe, nadadiwe madauta kalla ta jongada ana suhuna mono ata karangewe kadadi innana.
|
||
\s Tadka-tadka Habangara danga wali tai Allah.
|
||
\p
|
||
\v 12 Butayi tadka habangara danga mono mukjizat kadadi ta jongada ata buta lededi limada lede lina mono yidda tangada waige ka hawu atena ka dana ta serambi Salomo.
|
||
\v 13 Lakma wali ta wadeka kabani atena hadabola wikina ta yidda, tabolo ata ka hadda hamanadai yidda.
|
||
\v 14 Mono, kiki buta walge ata kahatena lara tai mori, buta dalikai kabani loho dumo lawai.
|
||
\v 15 Oro inna nage, loho yidda da ditayi ata kalawara talara mono kabaikayi yidda ta pannu raka mono tappe kuwa dajalage kole Petrus amini, bana modakawe langka mawona dadi. Yanayi kapirana wali tayidda.
|
||
\v 16 Dummo, dajaladi ata buta wali dihha harona-dihha harona ta kalingora Yerusalem. Ami dabadi ngidiyi ata kalawara mono yidda hatamana waddi japata yidda tangada hatagahayi.
|
||
\s Tangada lede lina da yappayi
|
||
\p
|
||
\v 17 Tabolo, rato madaka kadde, oledi tangadi kadokudi, haluguna kalibbo Sadoki, monno yidda habannuna kawi atena.
|
||
\v 18 Yidda dayappayi lede lina mono hatamadi ta gallu jabarra.
|
||
\v 19 Tanyiduwe, bana gaddige, wu Malaikatnai Mori buggerage binna gallu, irruyi yidda huna mono da hanewe.
|
||
\v 20 “Kakom, dedemi, mono talaradage ata ta ummai Allah tangage liyo tutu morha inne.”
|
||
\v 21 Mono, kole yidda bada rangewe, dikige kokoka gaula, yidda tama lar ta umma Allah mono halegewe hanuwana ata. Kole rato madakka mono tangada ata ka oledi di'kki, yidda da kahhayi Sanhedrin mono tangada bai ata Israel, lohho halewai ata ta gallu tutu ngidiyi lede lina radda ta aroda yidda.
|
||
\v 22 Tabolo, kole ata halewada radda di'kki, yidda walle tabokakmayi kadudana lede lina radda ta gallu. Begge yidda hangadage mono da takiwe,
|
||
\v 23 Waige balidage, “Nami madikkige gallu inna makuhhiwe waige tangage kajawawe mono tangada kaha tetige da dede ta aro binna, tabollonami kole bama buggerage, namiwallema dikikmadi wuak ata lar.”
|
||
\v 24 Mono, kole paama kajawawe uma Allah mono tangage katakge rato rangewe hataki inna, yida tilu hangatarayi tutuda lede li'na rada mono da kanukawe aga linadawe hadage bana dadiwe inna?
|
||
\v 25 Bege, wu ata amini mono takidege yida, “Etayi ge! Ata hatamami ta gallu tamra dededage ta uma Allah mono hanuwanadi ata buta.”
|
||
\v 26 Loho, paama kajawawe uma Allah gawudi yida kahatetige kako mono ngidiyi lede li'na rada, tabolo wale waimage kupla oro yida madautage tuku waidi watu ata buta.
|
||
\p
|
||
\v 27 Kole yida bada ngidiyi Petrus monoi Yohanes, yida ka haarodi ta aroda Sanhedrin. Loho rato, madaka na kanukayi yida,
|
||
\v 28 Linage, “nami ma heri begimi waige ka tetakana ilam hilu hanuwage lage lari tangara inna, tabolo miyo um panu bewe yerusalem waige pahanuwami mono miyo kabu atege tutu bamu hatagunage ra'na ata nade tabarama nami.”
|
||
\p
|
||
\v 29 Tabolo, Petrus mono lede li'na balehawe, “Nami narehi daha dahowe dokuni Allah wali ta kadadi ata.
|
||
\v 30 Allah ama weda waikada yita nahakade beyi Yesus, hamate bemi waigw bamu tarumiyi Nyi ta yayu hadailo.
|
||
\v 31 Allah na hamadehtayi Nyiyo ta lima kawanana-Nyi kakodoge mono hada hoila kana yiwe jarra tuba Israel mono hawalina tangadi doku jala.
|
||
\v 32 Mono, nami katadwe wali tangage inna, mono tauda dumoge Wadi Katenguna, hayibenai Allah tabarada ata kadokuni.”
|
||
\p
|
||
\v 33 Kole yida bada rangewe inna, ateda yida mera haduhkayi mono kabu atege hamateyi rada lede li'na.
|
||
\v 34 Tanyiduwe, wu ata kangarana Gamaliel, wu guru taurat pa haakana tangana ata, dede ta aro Sanhedrin mono halewayi rada lede lina ka ngidi tuduyi ta balihadu.
|
||
\v 35 Loho, nyi linage tabarada yida, “Ta ata Israel hamatara hadahage agawe miyo harayimi tabarada ata rade.
|
||
\v 36 Oro, kapirana mahigo kalangana, Teudas kade, mangakge tauna ba wuyi ata kabaningna mono ba taudi katutu da pata ngahu ata kahawuyo tangadi. Tanyiduwe, nyi na hamateyi mono tangada kadokuni hai-haida, kaha ai hilu da' hingudi.
|
||
\v 37 Kole Teudas, Yudas wal ta Galilea kadde, ta lado rahi tolha ngara, mono buta ata ha tingina tutu dokuninyi. Nyi dumo hamateyi mono tangada ata ka dokuni hai-haida.
|
||
\v 38 Oroge inna, lar kadadi inna, nauwag hanuwagimi miyo: Hamarau wikimi wali ta ata rade mono pahaidi yida. Oroge, nyi nahakabu ate mono harayi inna ba wali kage ta kadadi ata, hada inna enga walna dadikmawe.
|
||
\v 39 Tabolo, inna hakabu ate ba wali tai Allah we miyo enga walem makkakmage hangahuwe. Loho miyo enga dikkigimi tamra gabbani Allah.”
|
||
\v 40 Yidda, dokuge hanuwanai Gamaliel. Bege kole hamaikadi kadudana ata lede lina rada, da paluyi kadudana mono da heridi lede lina rada ba hanewe lar tangarai Yesus, loho pahalayi.
|
||
\v 41 Oroge innage, lede lina rada kako wal ta aro Sanhedrin waige ege ate oro yida yap gaudi tuba mayila ba habawayi tutu ngara-Na.
|
||
\v 42 Mono, diha lado-diha lado, ta Uma Allah mono ta uma wuyo kaha ta uma wadeka, yida wale kali ngahukma hanuwana ata mono talarage liyo ege ate nadai Yesus Nyiknai Kristus.
|
||
\c 6
|
||
\cl Kawukku 6
|
||
\s Pittu Ata Pedeyi Tutu Ha Ulla Kaliheka
|
||
\p
|
||
\v 1 Ta tangadi lado rada, kole bana mataba hanagatayi butada, wuyo hada hapakha ate danga hudawe wali ta ata Helenis tabarada ata Ibrani tetaka oro lawayi baluyida da tauwu taipayi lar ta hanukku hayayo diha lado-diha lado.
|
||
\v 2 Nyiwe, kabulu dudana lede lina rada da kamaikadi tangadi ana hakodo halolena mono lidage, “Walen tenakmawe tutu nami bama tawu taipawe linai Mori ba hanukku meja.
|
||
\v 3 Oroge inna, ole baigu, pedena pittu ata wali ta jonga dalarama kadedo be dahana, habanuna Wadi Katenguna mono angta, hakeketama tutu haulla inna.
|
||
\v 4 Tabolo nami enga manudu lar ta Sembayang mono lar ta hanukuwe lina.”
|
||
\p
|
||
\v 5 Hanewe inna hadaha ate danganage tangana ata. Mono yida da pedeyi Stefanus, ata habanuna hatena mono Wadi Katenguna, loho Filipus, Prokhorus, Nikanor, Timon, Parmenas, mono Nikolaus, wu ata proselit wal ta Antiokhia.
|
||
\v 6 Yida rada da ngidiyi ta aro lede lina, mono kole Sembayang, lede lina da taudadi limada ta panu katakuda kapituna ata rada.
|
||
\p
|
||
\v 7 Linai Allah engage mahabara mono butada ana hakodo halolena ta Yerusalem matabayi butada. Loho, kalibo madaka rato dadiwe bada manudu tabarada rato rada.
|
||
\s Ba Yappayi Stefanus
|
||
\p
|
||
\v 8 Mono, Stefanus, banuni waige kanyuru mono bikta pareha, na rayi baege hada habangara danga mono tadaka-tadka hangatara danga ta jonga ata buta.
|
||
\v 9 Tabolo, kapirana ata wali ta Sinagoge hatakida ata Libertini, ba ata Kirene loho dumo ata Aleksandria, mono kapirana wali Kilikia mono Asia, kade mono hatujana hanewe gabani Stefanus.
|
||
\v 10 Enga nyiwe, yida wale mukakmage gabage nani wala pahanagada mono wadi waini Stefanus dadiwe hanewe.
|
||
\v 11 Loho, waige hada kadana yida da duharadi kapirana ata kapiku lidage, “Nami ma rangebeyi ata nade bana pahudi ha takkina mapadda tabarai Musa monoi Allah!”
|
||
\v 12 Mono, yida da duhayi ata buta, bai ata, mono ahli-ahli Taurat, loho maiyini Stefanus yappayi, loho ngidiyi ta aro Sanhedrin.
|
||
\v 13 Yida da haarodi katada paleka kalinana, “Ata nade wale kal ngahukma pahuge hanewena ka gabage hada tenguna inne mono ukku pareha Taurat.
|
||
\v 14 Oronage, nami marangeyi nyiyo bana takkiwe nadai Yesus wali ta Nazaret enga hamauha nage haduwu inne mono hajeluge kadana hada mema habeyo hayibenai Musa tabarada yitta.”
|
||
\v 15 Mono, kole ba tangara nage matanai Stefanustangada ata kangodo lar ta Sanhendrin etawe matana tujawe mata Malaikat.
|
||
\c 7
|
||
\cl Kawukku 7
|
||
\s Na Tauge Gabbage Stefanus
|
||
\p
|
||
\v 1 Bege, Rato madaka linage, “Na tena takkawae bataudage?”
|
||
\v 2 Mono, Stefanus linage, “Bagu ole baigimi mono paama-paama rangewa nauwa. Allah kahada manadana na padelaka wikibena tabara ama weda waikada yita, Abraham, kole nyi ba engahona ta Mesopotamia, nyi aina enga hona Haran,
|
||
\v 3 mono linage tabarana, ‘kakowu wali ta tanamu mono wali ta ole baiyimi, loho maiyimi ta tana pahatingogu tabaram.’
|
||
\v 4 Bege, Abraham na bijakage tana ata Kasdim mono engana ta Haran. Mono wal nedo bali, kole amana bana mate, Allah na halewayi dikki ta tana inne, haduwu engam batauge.
|
||
\v 5 Tabolo, Allah walena yikmani hadauna tabarana, langka hodikak tana wale jalakma, tabolo jaji tutu yini ta barai Abraham aina kole hona anana.
|
||
\v 6 Tanyiduwe, Allah linage bana hanewe, oroge ana suhuna da'dudi ata lipalaka ta tana ata mono yida enga haata wikida loho hamayillayi mojage pata ngahu dauwu.
|
||
\v 7 ‘Tabolo, nauwa enga hokugudi kabihu ata ka haatayi yida, ‘Linnai Allah, ‘Mono, beyo innage yida enga hud'a wali nedo bali mono kawojo ta baragu ta hadauwu inne.’
|
||
\v 8 Loho, Allah na yini ta baranai Abraham jaji kabunyi, nyidawe Abraham na dadi amanai Ishak mono kabunyi kole ha podopata lado waiyi, mono Ishak bana dadi amanai Yakub, mono Yakub, kabulu dudana ama weda waikada yita.
|
||
\p
|
||
\v 9 Oro ka'wi tabarai Yusuf, ama weda waikada yita malajani ta Mesir. Tanyiduwe, Allah na oleni Yusuf,
|
||
\v 10 mono na hamame marani wali tangage kamayilla, loho na yini kanyuru mono maniwola pahangada ta aronai Firaun, Raja Mesir, mono kariyin nyi dadi paama tangage Mesir mono tangage hadau Raja.
|
||
\v 11 Hadaka rahi, na kadewe kareba kalla kadadi ta Mesir mono Kanaan loho dadi dangage mayilla aika anana madaka, mono ama wedada yita walena dadikmawe kolena hayayo.
|
||
\p
|
||
\v 12 Tanyiduwe, kole Yakub rangewe ba' da' hayayo ta Mesir, nyi na halewayi ama weda da yita kako nedo bali mono abu hadaka waidage.
|
||
\v 13 Bada kako ha'du wai, Yusuf na rayige tauna kapiku tada daga ole baiyigu balina, mono tangada ole bainai Yusuf dadi dawe tubai Firaun.
|
||
\v 14 Kole innage Yusuf na hanauwuyi mono na kalehuni Yakub, amana, mono tangadi ole baina tangada pitu kabulu limada butada.
|
||
\v 15 Nyiwe, Yakub kako ta Mesir mono nyi na mate nedo bali nyi mono ama wedada yita.
|
||
\v 16 Wali nedo bali, yidda da dikki ta Sikhem mono mono habaikayi ta rate ha hi'benai Abraham waige amaha kabuta wali ta anai Hemor ta Sikhem.
|
||
\p
|
||
\v 17 Tanyiduwe, kole nakiki dahekawe rahige hajaji inna, hataki wiki dau benai Allah ta barai Abraham, ata rada kiki btadage mono hadu-du malapta ta Mesir,
|
||
\v 18 Kaha ba' da Raja wadeka ha keketa ta Mesir, aika tadawe tutui Yusuf.
|
||
\v 19 Raja nada na pahadayi ata Israel mono da hamayillayi ama wedada yita dajalage karuhuyi yidda baitadi anada abu kadadi lodoge yidda ilana dadiwe tahna morha.
|
||
\v 20 Ta rahi mahiggo inna, Musa dadi mono nyi na dahha ta aro matai Allah. Mono, Musa karawayi ta uma amana tauda wullana.
|
||
\v 21 Mono, kole nyi ba baitani, ana lawainai Firaun ngalayi mono na hamatuyi tujjayi ana dauna.
|
||
\v 22 Nyiwe, Musa hakolayi lar tangage angta ata Mesir mono nyi na kole kahage lar ta hanewe mono harayina.
|
||
\p
|
||
\v 23 Tabolo, kolei Musa pata kabulu dauwuna haudawe lar ta atena tutu di'kidi ole baina, haluguna ana suhu Israel.
|
||
\v 24 Mono, bana kole haetayi wu ata wali ta yida harayi aika tijana wali ta ata Mesir, Musa amini tuluni ata pahamayilada nada mono na hagabawe waige hamateyi nada ata Mesir.
|
||
\v 25 Musa tahangadana rada olebaina yappag dage nadai Allah na yidi yida manemara ledege tauna, tabolo yida wale yapak mawe.
|
||
\v 26 Dammage tana, Musa na di'kidi ata Israel katamrana hatauwu, mono nyi na baige hamolidi yida, waige ba linna, ‘Ta, walem tadak mawe inna miyo bakaha inna miyo kaduwu ka ha olebainagimi, aha mam hatauwu wikna?
|
||
\v 27 Tabolo, ata kahapakha ole baina nada pahilinage wali tai Musa ta tibina mono linage, iya ka keketawu yauyo dauge mono yauwu yigama rakkama nami?
|
||
\v 28 Inna yauwu baimuge hamatewa tujawe bamu hamateyi ata Mesir nada manana?’
|
||
\v 29 Bana rangewe hanewena nada ata, Musa malainage mono na dadi ata ka abu maiyi ta tana Midian. Nedo bali, nyi nadadi haama wali kadudana ana kabanina.
|
||
\p
|
||
\v 30 Kole banuge pata kabulu dauwu, diha wu malaikat hadedala wikina tai Musa ta marada gilra ta lete Sinai, lar ta rewo latti ta tara warri.
|
||
\v 31 Kolei Musa bana etawe, nyi na hangatara waige bana etawe inna mono nyi kole bana daheka kagu hamatarage balinna amige linai Mori,
|
||
\v 32 ‘Nauwaknai Allah ama weda waikamu, Allah Abraham, mono Allah Ishak, mono Allah Yakub.’ Musa na kadadaka madauta mono walena baikmawe atena tutu hamatarage.
|
||
\v 33 Bege, Mori linage tabarana, ‘laiyidi kopa ledumu wali ta ledumu oro haduwu giyo dauwu dedemu nyikwe tana kamuraha.
|
||
\v 34 Nauwag eta taka bedage ho'da yida. Mono, nauwa buru bewa tutu pahoilayi yida. Mono batauge maidage, nauwa enga halewagugu yauwu ta Mesir.’
|
||
\p
|
||
\v 35 Musa, hatulara beda yida waige ba lidda, “iya ka keketawu dauwu pareha mono yiyo rakkana ta nami?” Nyikna ata halewanai Allah tutu dadi, dauge hareha, loho dumo pahoilayi, lede lina Malikat ka padedala wikbena ta barana ta tara warri.
|
||
\v 36 Ata nade kakododi yida huna, tamrage pahadayi Mukjizat mono tadka-tadka hangatara danga ta tana Mesir, mono ta marada gilra pata kabulu dauge mojage.
|
||
\v 37 Musa nade nyikna ka linna ta ata Israel, “Allah enga hakade nagimi tubami wuyo wali tujawa nauwa wali ta jonga anguwumi.”
|
||
\v 38 Nyi nade kadana ta jonga kangote ta marada gilra oleni Malaikat kahanewe ta barana ta lete Sinai, mono oledi weda waikada yita mono nyi na yibewe lina kamorha tutu bana yidage tabarada yita.
|
||
\p
|
||
\v 39 Weda waikada yita tularage tutu manudu ta barai Musa, tabolo da wugayi nyi mono baige hagga ta Mesir lari ta ateda yida,
|
||
\v 40 Waige balina tai Harun, ‘rayigama nami halatauwu ka kako ta aroma nami oroi Musa nade, ka kodo gama nami walena tadakmawe agawe kadadi tabarana.’
|
||
\v 41 Ta mahiggo inna, yida da rayina wuyo hala tauwu ana hapi, mono yi manuta ta bara hala katauwu nada, loho lagebora waige haulla waida limmada yida.
|
||
\v 42 Tanyiduwe Allah na peli wali ta yida mono pahaidi yida kangakka tangada tentara langta, tujawe kamatolha ta jurata nabi, “Dakakna miyo hangidimi tabara-Gu ranga haropomi mono marakami kapata kabulu dauwuna tamarada gilra, ta ana suhugu Israel?
|
||
\q1
|
||
\v 43 Miyo umm ngidiwe kareka Molokh mono ranga halatauwumu Refan, halatauwumi harayimi tutu kangakkani, mono Nauwa enga baitagimi neda bali ta Babel.”
|
||
\p
|
||
\v 44 Weda waikada yita dage kareka hadauwu takidage tamarada gilra, tujawe harehanai Allah kole bana hanewe tabarai Musa tutu pahadawe dokuge waige mawoge haetabena.
|
||
\v 45 Kole bana hobawe kareka inna, weda waikada yita na ngidi tama maranga dangage Yosua, rahi karamage tanada yida wali ta kabihu ata wadeka, hatikala benai Allah, wali ta aroda weda waikada yita, kahha ta morhai Daud.
|
||
\v 46 Daud nakolege manawara marada ate ta aroi Allah mono karaiyi tutu kolege hadau dauwunai Allah Yakub.
|
||
\v 47 Tanyiduwe, Salomo kahakadewe wuyo uma tubana Nyi.
|
||
\p
|
||
\v 48 Tabolo, kahada madehta walena engakmana lar ta umma harayi wai limma kadadi ata, dokuge hatakda nabi,
|
||
\v 49 “Langta nyikwe hadauwu ngodo-Gu mono tana nyikwe dauwu dekedi ledu-Gu. Aga umawe hakademi miyo tuba-Gu?” Allah na yiwe lina, waleka, dauwu ngahu-Gu?
|
||
\q1
|
||
\v 50 Wale limma dugu karayidi tangadi rada?”
|
||
\p
|
||
\v 51 Ta, miyo ata ka ka'tu katakna, waige ate mono katillu aika kabunyi, miyo umm gabba hangatani Waddi Katenguna, tujawe harayida weda waikamu!
|
||
\v 52 Iya Nabi dumo hoyi ai hamayillada weda waikamu? Mono, yidda da hamateyi ata uluhoge da takki meme bewe tutu maina paama katena, inna batauge ka hadadi guge tau daumu katauna ata bokala mono hamate ata.
|
||
\v 53 Miyo, ka hibba bewe uku pareha Taurat tujai pahadiki beda tangada Malaikat, tabolo miyo walem karawakmawe!”
|
||
\p
|
||
\v 54 Kole yida bada rangewe hada inna, ateda yida na maduhkayi mono hakati dangadi ngududa yida tabarai Strfanus.
|
||
\v 55 Tanyiduwe, Stefanus habanuna Waddi Katenguna na tangara ta langta mono na etawe manadanai Allah, monoi Yesus na dede ta bara kawananai Allah.
|
||
\v 56 Stefanus linage, “rangewe! Nauwag etawe langta mabugera mono amana kadadi ata dede ta bara kawananai Allah.”
|
||
\s Stefanus Da Hamateyi
|
||
\p
|
||
\v 57 Tabolo, yida da kawula waige li'da ka ballo, mono da toniyi katiluda yida, loho da hawuna kadukani Stefanus.
|
||
\v 58 Loho, yida da werakani huna wali ta harona mono kapudage tukku waini watu. Kole innage, tangage haetawi mata da laidi kalabeda yida da tauwuyi ta koko leduna wuyo baumane kangaranai Saulus.
|
||
\v 59 Mono, yida da hangatni tukkuyi Stefanus ka tamrana kawula kalina, “Mori Yesus, hibba gani Waddigu.”
|
||
\v 60 Bege, kole bana takkodi kuddona, nyi na kawula waige li'na kaballo, “Mori ilam hatagu kadage jala inne ta barada yida!” Mono kole ba linnage nyi na mate.
|
||
\c 8
|
||
\cl Kawukku 8
|
||
\s Saulus Membinasakan Jemaat di Yerusalem
|
||
\p
|
||
\v 1 Mono, Saulus dumo na ngoge ba hamateyi Stefanus nada. Saulus Na Pudahawe Kangote Ta Yerusalem Ta lado neda, wuyo hamayilla aika anana dadiwe tabarada kangote ta Yerusalem, mono yida tangada hai-haida ta kalingora Yudea mono Samaria, heleda lede li'na.
|
||
\v 2 Kapirrana ata muraha da tanini Stefanus mono amdage marabeha ate aika anana tabarada.
|
||
\v 3 Tanyiduwe, Saulus na hangadage pudahawe kangote waige bana tama nahiyi umma, nyi na yoriyi kabani mono lawaiyo, loho na hatamadi ta gallu.
|
||
\s Filipus Na Talarage Liyo Ege Ate Ta Samaria
|
||
\p
|
||
\v 4 Loho, yida ka hai-haina rada da makilora engage tularage liyo ege ate.
|
||
\p
|
||
\v 5 Filipus burru nage ta wuyo harona ta Samaria mono talarage tutui Kristus.
|
||
\v 6 Mono, ata buta waige hawuna ate hamatarage agawe hatakinai Filipus kole yida rangewe mono etayi tadka-tadka hangatara danga harayina nyi.
|
||
\v 7 Oro, tangadi wadi kajapata hudi wali ta ata hatamana, loho da kawula waige li'da kaballo, loho ata buta da'di ata kalikku, mono kabeko pa hatagaha.
|
||
\v 8 Oro innage, dage ege ate kamadaka ta harona inna.
|
||
\p
|
||
\v 9 Tabolo, da'ni wuyo ata kabani kangaranai Simon uluge karayi bege hauupu morro ta harona mono rayidi hangatara dangada ata Samaria, waige bana takkiwe dauna ba ata madakkayi.
|
||
\v 10 Tangada ata, wali ka hadda maraha kahha ta ata ka hadda madaka, liddage, “Ata nade parehai Allah ha takkda ‘madaka'.”
|
||
\v 11 Nyidawe, yidda da hamatarani ta barada oro ba tauge madige nyi bana rayi bedi yida hanagatara waina morro hauppuna.
|
||
\v 12 Tabolo, bada beyi ata rada hatenai Filipus katalarage liyo ege ate tutu kalingora parehai Allah mono ngarai Kristus Yesus, yida harihayi, ba kabaniyi loho lawaiyi.
|
||
\v 13 Lohho, Simon dauwu hatena mono kole nyi ba harihai, nyi hangatana ta barai Filipus, mono kole etayi tangadi Mukjizat mono tadka-tadka ha bangara danga kadadi, nyi dadiwe hangatara.
|
||
\p
|
||
\v 14 Ta mahiggo inna, kole lede lina ta Yerusalem rangewe ata Samaria hibba bewe li'nai Allah, yida da halewayi Petrus mono Yohanes ta barada ata nedo bali,
|
||
\v 15 Kamaiyo mono Sembayang tubada yida dajalage yidda ka'da hibayi Wadi Katenguna.
|
||
\v 16 Oro, Ngahu Katenguna aina buru howe ta panu ata wu'ak wali ta yidda, yidda daukahage ba b'e harihai larr ta ngarai Mori Yesus.
|
||
\v 17 Bege, Petrus monoi Yohanes d'a keketayi limmada tabarada yidda mono yidda hibbayi Waddi Katenguna.
|
||
\p
|
||
\v 18 Kolei Simon etayi nada Wadi Katenguna ba yidadi ledege keketayi limada lede lina, Simon na tawaradi amaha tabarada lede lina rada,
|
||
\v 19 Waige ba linna, “Yi dumoga daugu tabaragu kawaha inna dajalage tangada ata tabarada ha pajolagu limma engage bada hibbayi Waddi Bihha.”
|
||
\p
|
||
\v 20 Tanyiduwe, Petrus linnage tabarai Simon, “Bana modahewe amahamu rada liloko ole dangngagu oro yauwu bamu hangadage yauwu dadiwe kolege kanyuru tai Allah waige amaha!
|
||
\v 21 Yauwu wale lahingmana dauwumu waleka hakkumu lar ta hada kataudana oro atemu aina lurhawe ta arui Allah.
|
||
\v 22 Nyidawe, jarrawu wali ta japatamu inne mono Sembayangna tai Mori dajalage, bana dakkawe, hakabu atemu kana dadiwe ba hawaliguge ta baramu.
|
||
\v 23 Oro, nauwa etawe dagu lar ta paddu wayi kapaddu mono lar ta hirrai kajapata.”
|
||
\p
|
||
\v 24 Tabolo, Sinon na balehawe mono linage, “Sembayang kiga tutugu tabarai Mori dajalage agawe inna hatakk bemu ilna pijawa nauwa.”
|
||
\p
|
||
\v 25 Nyiwe, kolei Petrus monoi Yohanes takkiwe katauwu takkana mono takkiwe linai Mori, yidda hagga ta Yerusalem hagapege talarage liyo ege ate kabuta deha ata Samaria.
|
||
\s Filipus Na Hariha Ata Etiopia
|
||
\p
|
||
\v 26 Bege, malaikat Moida na hanewe tabarai Filipus, Linnage, “kaddewu ge mono kakowu ta bara bannu, ta lara ka burru wali ta Yerusalem ka aro ta Gaza. Lara nada nyikna lara ka kahika.”
|
||
\v 27 Filipus kadde nage mono kako. Mono, na dedo wuyo ata Etiopia, nyikna sida-sida wali wuyo ata haama ka ullana ta dauwu hatijadi ta Sri Kandake, Raja lawai, nyi ami beni wali ta Yerusalem tutu kangotena,
|
||
\v 28 mono, tamrana hagga, loho ngodo nage lar ta keretana mono keju nage juratai Yesaya.
|
||
\v 29 Loho, Waddi linage tabarai Filipus, “Kakowu mono maubla waini kereta nadda.”
|
||
\v 30 Nyiwe, Filipus malaiyi ta kereta nada mono rangeyi ata nadda, ba tamrana bahha Juratai Nabi Yesaya. Filipus na kanukayi tabarana, “yau um yappakduwe ba agawe ha tamra bahhamu?”
|
||
\p
|
||
\v 31 Mono, ata nada na baleha, “Aga lugu kawa nauwa bagu tadawe, like wu ata bana takgage?” Nyiwe, nyi na kamaikani Filipus panne mono ngodo ole dangani.
|
||
\v 32 Nedo memage, inna jurata biha hatamra bahhana nyiikwe inne, “Nyi da ngidiyi tujayi wu bebbe ta hadauwu ropoyi, mono wuyo ana bebbe ai gutti honadi wulluna kabangnga dajalage nyi walena bugerak mage b'a-Na.
|
||
\q1
|
||
\v 33 Lar ka hadda li bawa-Na, aika tijana karama nage wali ta bara-Na. Iya daho kadadi naga newe nadi ana suhuna? Oro, morha-Na da karama bege wali ta tana.”
|
||
\p
|
||
\v 34 Begge, sida-sida rada nabalehawe mono linnage tabarai Filipus, “nauwag rainoge tabaramu, tubage iyayi nabi ka takkiwe inne, tutu tawu wiku dawuna waleka tutu ata wadeka”?
|
||
\v 35 Loho, Filipus bugerage bana, mono halegenagewali ta jurata bihha inne, nyi na hotbah tutu Yesus tabarana
|
||
\v 36 Mono, dikige yida da kako maneni lara, yidda da dikki tawu hadauwwu ka mangu wena, mono sida-sida nada linage, “torrowe ge, dage weyo! Daho kapadekawe tutu harihagu?”
|
||
\v 37 [Loho Pilipus linnage, “Nyi bamu hanewe waige atemu kabanuna, na dadiwe.” Loho nyi na balehawe mono linnage, “Nauwag hatenawe nadai kristus Yesus nyikna Ana Allah.”]
|
||
\p
|
||
\v 38 Bege, sida-sida nada naharehai kereta nada ngahu. Mono, yidda duda burru ta weyo, Filipus mono sida-sida rada, loho Filipus na harihai.
|
||
\v 39 Kole yidda duda huna wali taweyo, wadnai Mori ngidiyi Filipus kako, mono sida-sida waleda hillu etakmayi, loho naha kitage kakona ta tillu ege ateyi.
|
||
\v 40 Tabolo, Filipus na tada dauwu wikna ba dani ta Asdod, mono kole nyi pallakawe inne, Nyi na talarage liyo ege ate ta ngora harona kaha Nyi bana dikki kaisarea.
|
||
\c 9
|
||
\cl Kawukku 9
|
||
\s Saulus Nadadi Dokuni Yesus
|
||
\p
|
||
\v 1 Tabolo, Saulus, tamrana hangatage rayige heridi mono hamateyi tangada ana hakodo halolena Mori, kakonage dikidi Rato madakka,
|
||
\v 2 Mono, na karayi jurata tabarada, pa haaro ta Sinagoge-sinagoge ta Damsyik dajalage nyi bana tabokayi iya hing kayi ata hatena ta lara nada, kabani waleka lawaiyi, nyi nadadiwe bana ngidi bada radidi ta Yerusalem.
|
||
\p
|
||
\v 3 Kole ba tamrana kako, nyi na kiki dahekanage Damsyik, mono hayadawe woyu magakaha wali ta langta mahabara kilorani.
|
||
\v 4 Loho, nyi bukka ta tana mono rangewe liyo kalinada tabarana, “Saulus, Saulus, aha yauwu mam hamayillawa Nauwa?”
|
||
\p
|
||
\v 5 Saulus na kanukkayi, “Iyawu yauwu, mori?”Mono, nyi linage, “Nauwaknai Yesus. Hamayilla bemu.
|
||
\v 6 Tanyiduwe kadewu mono tamawu ta harona, mono yauwu enga tak guge aga dahowe harayimu.”
|
||
\p
|
||
\v 7 Ata kamarangani Saulus da dede lakma hatakida kole bada rangewe liyo inna, tanyiduwe waleda etakmayi ba iya hingkayi.
|
||
\v 8 Saulus Na dede wali tatana, monno lohho matana mabugerayi, Nyi wale lakma ha eta ana. Nyidawe, ata rada da irruyi waini limada mono ngidiyi tama ta Damsyik.
|
||
\v 9 Mono, tauda ladona, Saulus walena dadik mawe eta mono walena yakma waleka enu.
|
||
\p
|
||
\v 10 Lado nedo mema, dani wuyo ana ha kodona nedo ta Damsyik, Ngarana, “Ananias!” Nyiwe, Ananias linage, “inne nauwaknai Mori.”
|
||
\p
|
||
\v 11 Loho, Mori linage tabarana, “kade mono kakowu ta lara ka ngarana lara lurha, mono ta ummai Yudas, Mayegani ata Tarsus kangaranai Saulus oro, etayi la, ata nada tamrana sembayang,
|
||
\v 12 Mono Nyi na kole bena wuyo ha etana nada wuyo ata kangarana Ananias amini mono naha jaladi limmana ta takna dajalage Nyi kana dadiwe eta hagga.”
|
||
\p
|
||
\v 13 Tabolo, Ananias na balehawe, “Mori, Nauwage rangebeyi wali ta ata buta tutu ata nada, hada butayi japatana harayi bena Nyi tabarada ana suhumu katenguna ta Yerusalem,
|
||
\v 14 Mono ta ha dauwu inne nyi mangu kawahana wali ta Rato-rato katakuge tutu katidi tangada ata ka maikaguge ngara-Mu.”
|
||
\p
|
||
\v 15 Tanyiduwe, Mori naha newe ta barana, “kakowu oro ata nada Nyi hawaiyigu loho ha pedegu tutu ngidigage ngara-Gu ta aroda tangada kabihhu ata wadeka, mono raja-raja, lohho ata Israel.”
|
||
\v 16 Oro, Nawa enga hatingoge tabarana hadda butawe nyi halikkona mayilla tutu ngara-Gu.”
|
||
\p
|
||
\v 17 Nyiwe, Ananias kakonage mono tama ta umma inna, mono kole bana bijalayi limmana ta katakkunai Saulus, nyi lin nage, “bagu anguwugu Saulus, Morida Yesus, kahad'edala wikina tabaramu larr ta lara bamu maiyiwu, nahalewawa dajalage yauwu kamu eta haga waliwu mono kaburrugu wadi biha.”
|
||
\v 18 Tabolo, nedo mema dumo, wuyo katujana napu kaboko monuwe wali ta matana mono nyi nadadiwe eta hagga walli. Bege, nyi na kadde mono harihayi.
|
||
\s Saulus Nahalegewe Talarage Tutu Yesus
|
||
\p
|
||
\v 19 Mono, kole bana yayo, Saulus da hakulhayi. Nyi oledi ana hakodona ta Damsyik kapirra ladona.
|
||
\v 20 Mono, nageha nyi talarage Ngara Yesus ta Sinagoge waige balinna, “Yesus nyikna Ana Allah.”
|
||
\p
|
||
\v 21 Tangada ata karangeyi hangatara mono lidage, “wale nyikakna ata nade ka d'ana ta Yerusalem hamateyi yida katakkiwe ngara inna mono ka maibe ta hadauwu inne waige hakabu atena ngidiyi yida lari tahada maraddi ta aro rato-rato katakge?”
|
||
\p
|
||
\v 22 Tanyiduwe, Saulus kiki kulhanage mono nyi bukayi katahda ata Yahudi ka engana ta Damsyik waige bana hadedoge Yesus ba nyoyi Kristus.
|
||
\s Saulus Nahilpa Wali Kapirrana Ata Yahudi
|
||
\p
|
||
\v 23 Kole bannuge kapirra ladona, ata Yahudi da hawuna hanewe kahamateyi Saulus,
|
||
\v 24 Tabolo hawuyo takida kapa; eka yida rada bada tada nage Saulus. Yida da hamatarani ta tangadi binna KallaLaddo mono Gaddi dajalage yida dadiwe bada hamateyi.
|
||
\v 25 Tanyiduwe, Ana hakodonai Saulus da ngidiyi bana gadige mono haburruni ledege wuyo gallu watu waige hajolani bawa larr ta wuyo kawukata.
|
||
\s Saulus ta Yerusalem
|
||
\p
|
||
\v 26 Kole Saulus diki ta Yerusalem, nyi nakabage maubla dangadi ana hakodona wadeka. Tanyiduwe, yida tanagada madauta tabarana oro aida hatenawe, ba nyi ana hakodo jallayi.
|
||
\v 27 Tabolo, Barnabas na oleni Saulus mono ngidiyi tabarada lede li'na, loho halarawe tabarada yida aga linna dawe nyi bana eta baeyi Mori neda ta lara, mono Mori na hanewe tabarana, loho aga linna dawe nyi waige bani ate hanewe begge nagarai Yesus ta Damsyik.
|
||
\p
|
||
\v 28 Mono, Saulus maranga ole dangadi yida kole yida tama mono huna ta Yerusalem hagapege hanewe waige bani ate larr tangarai Mori.
|
||
\v 29 Nyi nahanewe mono gabbadi ata Helenis, tabolo yidda da kabu atege hamateyi.
|
||
\v 30 Kole ole baina ta hatena tadawe hada inna, yida da ngidiyi burru ta Kaisare mono halewayi ta Tarsus.
|
||
\p
|
||
\v 31 Oronage inna, kangote ta tangage Yudea, mono Galilea, mono Samaria kolege moli mono da tummube. Mono, morha lari ta madauta rakanai Mori mono larr ta agu atena wadi buha, yida da kiki mataba dage buta.
|
||
\s Petrus ta Harona Lida mono Harona Yope
|
||
\p
|
||
\v 32 Dage wu rahi, tamranai Petrus kilorage kalingora neda, nyi dumo dikidi atakatenguna ka dauwu ta Lida.
|
||
\v 33 Nedo bali, nyi da dikini wu ata kangaranai Eneas, kapodopata dau bena baika tahadauwu baukana oro kalikkuna.
|
||
\v 34 Loho Petrus linnage tabarana, “Eneas, Kristus Yesus nahatagahawu. Kaddewu mono kam hamuraha kige hadauwu duramu!” mono, ta haduwu nedo dumo Eneas kadde.
|
||
\v 35 Nyidawe, tangana ata ka engama ta Lida etawe mono yida hagga ta baranai Mori.
|
||
\p
|
||
\v 36 Diha wuyo rahi, ta Yope, d'ani wuyo ata ana hakodona Lawaiyi kangarana Tabita, nyi ba halarawe Dorkas, nyi banuni waige harayina kadahha mono hada tulna olena.
|
||
\v 37 Ta laddo nedage nadadiwe, nyi na kalawara mono mate. Loho, kole ata bada harihanage karogona, yida da habaikayi ta koro dauwu dete.
|
||
\v 38 Oro Lida dahekawe Yope, tangada ana hakododa, kole bada rangeyi Petrus d'ani nedo bali nahalewayi d'uda ata tabarai Petrus mono rainoge tabarana, “ilam hadikkage kako ta hadauma nami!”
|
||
\v 39 Nyiwe, Petrus kaddenage mono kako marangadi yida. Mono, nyi dikki, yida da ngidiyi Petrus ta koro kadauwu dete. Tangada lawai bali da dede tabaranai Petrus hagapege hoyo, loho hatingodi kalabe larina mono kalabena wadeka kadamana harayinai Dorkas nyi bana olehodi yida.
|
||
\v 40 Tabolo, Petrus halewayi yida tangada huna. Loho, tehkadi kuddona mono Sembayang. Bege, nyi na pelu tabara karogonai Tabita mono nyi linage, “Tabita kaddewuge!” loho lawai nada bugeradi matana mono kole nyi naetayi Petrus, nyi na ngodo.
|
||
\v 41 Nyiwe, Petrus nahajoladi limmana tabarana mono natulluni kadde. Bege, hagapege kamaikadi tangngada ata katenguna mono tangada lawai balu, nyi nahatingoni Tabita morha.
|
||
\v 42 Mono, kadadi inne namatalarawe ta tangage ayope, mono buta ata kahatena tabarai Mori.
|
||
\v 43 Nyiwe, Petrus na mojana engana ta Yope oleni wu ata kangaranai Simon, wu ata kahihka kalita.
|
||
\c 10
|
||
\cl Kawukku 10
|
||
\s Petrus Mono Kornelius
|
||
\p
|
||
\v 1 Hadaka rahi, ta Kaisarea, dani wu ata kangaranai Kornelius, wuyo perwira wali agawe hakali takda Tentara Italia,
|
||
\v 2 Ata muraha kamadautani Allah, tauda dumoge tangana ata ka dana ta umma, mono na yiyo buta matullu tabarada ata mono na sembayang juana tabarai Allah.
|
||
\v 3 Diha wuyo mamali, ba tauge katuti jam kabanidihhayi lado neda nyi na eta hirawe larr ta wuyo haetana, wuyo malaikat Allah ammini mono linna tabarana, “Kornelius!”
|
||
\p
|
||
\v 4 Loho, nyi natorroyi malaikat nada waige madauta mono linnage, “Agawe inne, mori?”Mono, malaikat nada linnage tabarana, “Tangadi sembayangumu mono matullumu na panne kayi wuyo hada li' haape ta aronai Allah.
|
||
\v 5 Batauge, halewayi rada ata ta Yope mono kamu kamaikani wuyo ata kangaranai Simon, loho dumo hangarai Petrus,
|
||
\v 6 Nyi na enga ole dangami wu ata ka hihka kalita kangaranai Simon, ummana dage ta nirr bannu.”
|
||
\v 7 Kole malaikat bana hanewe tabarana na hawingna kako, Kornelius na kamaikadi d'ida ata kahanukkuyi mono prajurit kamuraha wali ta jonga atakahanukkunage ha kabu ate dauna,
|
||
\v 8 mono kole hahira kahawe tangage tabarada yida, nyi nahalewai yida ta Yope.
|
||
\p
|
||
\v 9 Damma hege tana, kole yida tamrada ta lara mono dahekawe harona inna, Petrus na panne ta pannu toko umma, tauge katuttu jam ha anni wayi, tutu Sembanyang.
|
||
\v 10 Loho, nyi na paddage kalabba mono kabu atege yayo, tabolo kole ata rada tamrada hainyaka hayayo, Petrus na kolege wu haeta,
|
||
\v 11 mono nyi naetawe langta mabugerawe mono dage wuyo katujawe kaba kahadda balera burru mono madolorawe wali kapatana kabihuge kahha ta tana.
|
||
\v 12 Nedo lari, d'adi tangnga ngara ranga kapata gayu ledu, mono ranga ka kako waina ti'na ta panu tana, mono kawurrna ta kabu karabba.
|
||
\v 13 Bege, ammige liyo kalinna tabarana, “Kaddewu, Petrus, ropoyi mono ya'di!”
|
||
\p
|
||
\v 14 Tanyiduwe, Petrus linnage, “walekma, Mori. Oro, nauwa waelegu kall ya madi aga hingkayi aiha kali ya wali ka otors.”
|
||
\p
|
||
\v 15 Mono, liyo inna linawe tabarana haduda wuda waiyi, “Agadahoyi Allah pahakabu atena, ilam nyitakdawe yauwu bihhayi.”
|
||
\v 16 Kadai inna, hadallu wuda waiyi, mono hayaddawe tangadi rada makeketayi ta langta.
|
||
\v 17 Nedo mema, tamrana Petrus ba engahona hanagatara batatilu hangadage agawe kappege haetana waige haetana inna, na dadi ata pahalewana Kornelius kamayegage ba gige ummanai Simon, hagapege dede ta aro baubina kalla,
|
||
\v 18 mono tamrana kawula, yida da kanukka nyiknai Simon, hanagaradi Petrus kadauwu nedo bali.
|
||
\p
|
||
\v 19 Tamranai Petrus hangadage hurubale inna, Wadi nahanewe tabarana, “Etaila, d'adi tauda kabani kamayegagu.
|
||
\v 20 Kaddewu mono buruwu, kakowu marangadi yida ilana gedowe atemu oroge nauwa halewagudi yida.”
|
||
\v 21 Lodoge Petrus buru tabarada ata rada mono linage, “Torrowa, nauwak duna ata hamayegami. Agawe kappege bamu maiyimi?”
|
||
\p
|
||
\v 22 Yida lidage, Kornelius wuyo tentara, ata kahatena mono madautani Allah, hatada hada dahha tajongada tangada ata Yahudi, naha apenage malaikat tenguna mana halewayi maiyi ta umma mono kana range mige hatakimi.”
|
||
\v 23 Petrus na kamaikadi tida ta umma mono yidi yida pajoladi limmananedo, Damma hege tana, nyi kade nage mono kako marangadi yida, mono kapirana ole baida kahatena wali ta Yope kaoledi.
|
||
\v 24 Hili diha lado wali, yida da tamage Kaisarea. Kornelius na rema bedi yida mono na kahha beyi ole baina loho ole dagetana
|
||
\v 25 Kole Petrus tama, Kornelius tabokayi, na takodi kuddona ta ledunai Petrus mono na kawojo.
|
||
\v 26 Tanyiduwe, Petrus nahakaddeyi loho linnage, “Dedewu! Nauwa ata jalakiwa.”
|
||
\v 27 Batamrana Petrus hanewe dangani Kornelius, Petrus tama lari mono dikidi ata buta makahha-kahha.
|
||
\v 28 Loho, Petrus linage tabarada yida, “miyo ummtadawe nyiwe kaakta tuba ata Yahudi tutu kadauwu waleka lo kadikkidi ata aika Yahudina, tabolo Allah nahatingo begage ta baragu inna walena dadikmawe takiwe langka iya hingkayi bihha mono akta.
|
||
\v 29 Nyiwe oroge, wale na biktawe kole miyo bamu halewawa maiyo. Oroge inna nauwag kanukawu agawe mamu kamaikaga nauwa?”
|
||
\p
|
||
\v 30 Mono, KOrnelius linage, “pata lado kalangana kaha jam inne, ta jam kabandihha, nauwa tamragu Sembayang ta umagu mono etayi, da'ni wuata dede ta arogu waina kalabe kamagilata.
|
||
\v 31 Loho, nahanewe, “Kornelius, sembayangumu ug rangebewe mono matulumu bebe haapeyi taaronai Allah.
|
||
\v 32 Oroge inna, halewai ta Yope mono karaiyiyi Simon hangarai Petrus ka ammini. Nyi tamrana dauwu ta ummanai Simon, wu ata ka hihka kalita, ta hupu bannu.’
|
||
\v 33 Oroge inna, nauwag geha halewayi ata tabaramu, mono yauwu na daha bewe atemu mamu maiyi, batauge, yita tangada d'ada ta hadauwu inne, ta aronai Allah, tutu rangewe tangage haparehana tabaramu tubai Mori.”
|
||
\s Petrus Talarage Liyo Ege Ate Ta Ummai Kornelius
|
||
\p
|
||
\v 34 Loho, Petrus na bugerage ba'na mono linage, “Batauge nauwa abu yapa dahaguge nai Allah aina hatingoge bana tullga.
|
||
\v 35 Tabolo, tangada ata, ata kamadautani Nyi mono rayina katena, kamarakka tabara-Na.
|
||
\v 36 Liyo had'knai Allah tabara ata Israel nahad'ikige liyo kadaha moli kamaringna ledeni Yesus Kristus, nyikna Mori wali tangage.
|
||
\v 37 Miyo dauwu tadawe inna kadadibe dadi jalawe ta tangage Yudea, halege wali ta Galilea, kole hatiha pahadikinai Yohanes.
|
||
\v 38 Miyo tadai Yesus, ata Nazaret, agalinnai Allah bana karaiyi waini Wadi kabiha mono waige kuwaha. Nyi nakako makilora rayige kadaha mono hatagahayi tangana ata hapijjana wadi japata orona Allah bana oleni Nyi.
|
||
\v 39 Namikna inne kaetawe wali tangage harayi bena Yesus, takalingora ata Yahudi loho dumo ta Yerusalem. Yida dahamate beyi Yesus waige bada daironi ta panu Yayu hakadailo.
|
||
\v 40 Tabolo, Allah nahakadde hagayi ta laddo kataudana mono napahaini Nyiyo padela wikna,
|
||
\v 41 wale tangakmada ata, tabolo tabarama nami, kaeta waige mata hapede benai Allah uluge kayayo mono kaenu ole dangani kole bana kadde wali ta jonga dalara ata kamate.
|
||
\v 42 Mono, Nyi naharehama nami tutu talarage tabara tangada ata mono takiwe katauwu takkana baNyiknala pahadidara benai Allah bawuyi kayidi rakada tabara kamuraha mono kamate.
|
||
\v 43 Tubana Nyi, tangada Nabi datakbewe nada tangana ata kahatena tanyiyo enga hibbana hawalina jala ledeni ngarana.”
|
||
\s Allah Nahatongoge Ba Nyiyo Kahibbayi Tangada Ata
|
||
\p
|
||
\v 44 Batamranai Petrus bana pahudi hanewena, Wadi biha burru tapanu tangada ata karangewe liyo inna.
|
||
\v 45 Mono, ata kahatena Kabunyi, kamai ole dangani Petrus, hangatara oro kanyuru Wadi biha haburru bena, loho tabara kabihu ata-kabihu ata wadeka.
|
||
\v 46 Oro, yida karange tangada ata rade dahanewe tanga ngara hanewe mono hamanadai Allah. Loho Petrus linnage,
|
||
\v 47 “Wale lakma wuak ata kadadi padekawe weyo tutu hariha tabarada ata kahibabeyi Wadi biha kahatuja jala yita inne?”
|
||
\v 48 Nyidawe, Petrus naharehayi yida tutu hariha nedo larr tangarai Kristus. Bege ata rada karaiwe dajalage Petrus enga ole dangadi yida kapirra ladona.
|
||
\c 11
|
||
\cl Kawukku 11
|
||
\s Petrus Hagga Ta Yerusalem
|
||
\p
|
||
\v 1 Tamrage inna, Lede li'na mono anguwuyo tahatena kadana ta Yudea rangewe rada ata aika Yahudina da hiba dumowe linai Allah.
|
||
\v 2 Oro inna, kolei Petrus panne ta Yerusalem, ata kakabunyi jala pahangadani nyi,
|
||
\v 3 Waige balinna, “Miyo kakomi tabarada ata aika kabunyi mono yayo ole dangadi yida.”
|
||
\p
|
||
\v 4 Tanyiduwe, Petrus halegewe halarawe nujiwe tabarada yida, linnage,
|
||
\v 5 “Nauwa tamrag Sembayang taharona Yope, mono mera kabiyo walla, nauwag etawe wuyo haetagu, wuyo katujana walla kaba kalla burru, madolora waige kapatana kabihuna wali ta Langta, mono kaba inna nadahekawe tabaragu.
|
||
\v 6 Kole nauwa bagu torrowe, nauwag hamatarage mono etayi ranga kapata gayina ledua tatana, ranga yadda, ranga kako waina ti'na, mono kawuruna ta kabu karabba.
|
||
\v 7 Nauwa dumo ug rangewe dage wuyo li kahanewe tabaragu, ‘Kadewu, Petrus, ropoyi mono ya'ni la!’
|
||
\v 8 Tabolo, nauwa luguge, ‘walekma, Mori. Oro, lakma halele waleka otora ka kali tama ta b'agu.’
|
||
\v 9 Tanyiwe, liyo inna nabalehawehaduwuda waina wali ta Langta, ‘agawe hamuraha benai Allah ila rurudamoge miyo bamu takkiwe lelege!’
|
||
\v 10 Hada inna hadall wudage, loho tangada rada tingi hagaiyi ta langta.
|
||
\v 11 Etayige, neda mema dumo d'adi tauda ata pahalewana tabaragu maiyo ta umma hadauwu d'aga, wali ta kaisarea.
|
||
\v 12 Bege, Waddi linna tabaragu kammu kako marangadi yida wiga ilam momoka. Ka anina anguwuyo ta hatena inne dumo kako marangaga mono nami ta umma ata nada.
|
||
\v 13 Loho, nahadikkige tabarama agalinnwe nyi bana etayi Malaikat dede ta ummana mono linnage, ‘Halewai ata ta Yope mono karaiyiyi Simon pahangara jala Petrus maiyi nimi,
|
||
\v 14 mono nyi enga taknage li hanuwa tabaramu waige hanuwa inna miyo enga pahoilami, miyo mono tangada ata kaengana ta ummamu.’
|
||
\v 15 Tamrage bagu kapuge hatakkige, Wadi biha burru tabarada yida, nahamerage tawungage kadadi ta yita.
|
||
\v 16 Nyiwe, nauwag namuwe inna hanewei Mori, kole nyi balinna, ‘Yohanes nahariha waina weyo, tabolo miyo enga hariha waimi Wadi biha.’
|
||
\v 17 Nyi, nadai Allah bana yiwe kanyuru kahamera tabarada yida tujawe nyi hayidumona tabarada yita kole bana hatena nedo larr ta Morida Yesus Kristus, hainyakawa nauwa dajalage nauwa dadiwe dabokani Allah?”
|
||
\p
|
||
\v 18 Kole yida rangewe inna, kadanna mono hadiyi Allah waige balidda, “Bataudage, Allah dumo nakanyuru gimige ta bara ata aika Yahudina jarra aro ta morha.”
|
||
\s Liyo Ege Ate Dikiwe Ta Antiokhia
|
||
\p
|
||
\v 19 Bege, ata kahai-haina oro bahamayillayi kadadi tabarai Stefanus mahabbara kaha ta Fenisia, Siprus, mono Antiokhia waige ai talarage linai Mori langka iyahingkayi heledi tabarada ata Yahudi.
|
||
\v 20 Tabolo, dadi kapirana ata wali ta yida, haluguna ata Siprus mono Kirene, kamaiyi ta Antiokhia mono kahanewe dumo ta ata Helenis, hagapege talarage tutuna Mori Yesus.
|
||
\v 21 Limmanai Mori oledi yida, kapirrana ata kadadi hatena hagga tabarai Mori.
|
||
\p
|
||
\v 22 Liyo tutuda yida d'ikiwe tatiluda kangote ta Yerusalem, mono yida dahalewayi Barnabas ta Antiokhia.
|
||
\v 23 Kole Barnabas d'ikki mono etawe manawara marada atenai Allah, nyi na ege ate kadidara.
|
||
\v 24 Oro Barnabas nyiyo ata dahayi, banuni Wadi biha mono hatena, kataudana butana ata ngidiyi tabarai Mori.
|
||
\p
|
||
\v 25 Bege. Barnabas kako ta Tarsus mayegani Saulus.
|
||
\v 26 Mono, kole bana tabokayi, nyi na ngidiyi ta Antiokhia. Diha dauge mojage, yida da tabokayi redo ana Suhhunai Mori mono hamadi ata buta. Mono, ta Antiokhia, anahalolena hapiwaiyi ba hangaradi, “Ata Kristen.”
|
||
\p
|
||
\v 27 Ta lado kataudana nedo ge, kapirana Nabi burru wali ta Yerusalem maiyi ta Antiokhia.
|
||
\v 28 Wuyo ata wali ta yida kanagaranai Agabus, dede mono manyurrage matulna Waddi loho enga dadige kareba aihabata tangage panu tana. Mono, kareba nadadiwe tamahigo parenai Klaudius.
|
||
\v 29 Nyiwe, ana halolena dapohtawe hangidina matullu, dokude waige hamukkada yida dihha-dihha, tabara ole baida ta tillu hatena kaengana ta Yudea.
|
||
\v 30 Mono, loho dumo yida harayida, hangidina matullu rada tabarada bai ata lededi limmana Barnabas Mono Saulus.
|
||
\c 12
|
||
\cl Kawukku 12
|
||
\s Yakobus Dahamateyi mono Petrus Dayappayi Herodes
|
||
\p
|
||
\v 1 Ta mahiggo inna, Raja Herodes na keketayi limmana ta yida kapirrana ata wali ta kangote hatena tutu hamayillayi yida.
|
||
\v 2 Nyi nahamateyi Yakobus, olebaina Yohanes, waini kito kaleka.
|
||
\v 3 Kole Herodes etawe harayi unna padaha danga nadi ateda ata Yahudi, nyi nahakitage ledege yappa jallayi Petrus. Hada inna na dadiwe baengahoge laddo madaka kababa kabba.
|
||
\v 4 Kole nyi bana yappayi Petrus, nyi nahatamani ta Gallu mono hapalani tabara kapatana Tentara tutu kahamatarani, loho nakabu atege, ba kole Paskah, kangidiyi ta aro ata buta.
|
||
\v 5 Nyiwe, Petrus da pattuyi larr tagallu, tabolo Sembayang tutui Petrus nahangatadi bada hadikidi tai Allah rada ata hatena.
|
||
\s Malaikatnai Mori Pahalayi Petrus Wali Ta Gallu
|
||
\p
|
||
\v 6 Diha wuyo gadi, kole Herodes bana ngidyi Petrus tabali hadu, Petrus tamrana dura tajonga kadudana Tentara, da katti waini duda kalari bahhi, mono tangada kajawayi ta aro baubina tamrada hamatarage inna Gallu.
|
||
\v 7 Mono, etayi, wuyo Malaikatnai Mori dede tabaranai Petrus mono magakaha inna rewowe nedo tagallu, mono Malaikat nada palunage karapehanai Petrus mono naharaduyi, waige linage, “Gehawu kadde!” mono tangadi kalari bahhi monu kahhai mono tawalahayi wali dugayu limmana.
|
||
\v 8 Loho, Malaikat nada linage tabarana, “Katige bagemu mono tauwuyi kopa ledumu.” Mono, nyi narayige katauna, Bege nyi linage tabarana, “Tawuwe kalabemu mono dokuga nauwa!”
|
||
\v 9 Loho, Petrus huna mono dokuni Malaikat nada. Nyi walena tadakmawe agawe kadadi ledeni Malaikat nada ba kadedowe, tabolo pahangadana nyi tamra etanage wuyo hurbale.
|
||
\v 10 Kole, yida bada haipayi kajawa baubina kadihana mono kadudana, yida da dikige wuyo baubina kalla bahhi kaaro ta wuyo harona. Bina inna mabugera wiki dauwuge tubada yida, loho yida da huna mono kako kahha diki wuyo lara kaingota, mono hayadawe Malaikat nada ijakani Petrus.
|
||
\p
|
||
\v 11 Kole Petrus natadawe waige agawe kadadi tuba tauwuna, nyi linage, “Batauge nauwag tada takkawe nadai Mori nahalewi Malaikat-Na mono pahaoilaga nauwa wali ta limmanai Herodes mono tangadi hada kadadi hamaneda ata Yahudi.”
|
||
\p
|
||
\v 12 KOle, Petrus natadawe, nyi nakako ta ummanai Maria inyai Yohanes pahangara dumo Markus, ba gidi ata buta bada maubla kaha mono Sembayang.
|
||
\v 13 Kole Petrus kaladige bina madaka, wuyi lawai kangaranai Rode mainage bugerana bina.
|
||
\v 14 Kole nyi bana tadanage li'nai Petrus, oro lagaharana nyi walena bugera letokmage bina tabolo malainage lari mono taknage nadai Petrus dani kadede ta bali bina madaka.
|
||
\v 15 Yida lidage tabarai Rode, “Yauwu wale kalongokmuge!” tanyiduwe, Rode engage bana takkiwe ba katauwu takanage, mono yida engage balidda, “Nami Malaikat nani.”
|
||
\p
|
||
\v 16 Tanyiduwe, Petrus nakaladi hakitage bina, kole yida bugerage bina, loho etayi Petrus yida da kadadaka.
|
||
\v 17 Tabolo, kole Petrus yidi tadka waidi limana kada kana waina yida, nyi nahalardage tabarada yida aga linawe Mori bana hu ngidiyi wali ta galu, mono myi linage, “Hadikkige tangage inna tai Yakobus mono tabara ole baida ta hatena.” Loho, nyi na kako mono kako ta diha hadauwu.
|
||
\p
|
||
\v 18 KOle bana dikige ladoge, nadadiwe kawihaka aiaka anana tajongada Tentara tutu agawe inna kadadi tabarai Petrus.
|
||
\s Matenai Herodes
|
||
\p
|
||
\v 19 Kole, Herodes mayegani Petrus mono walena jamukmayi, nyi na galeda yi kajawawe mono na yiwe harehana dajalage yida kahamateyi. Loho Herodes buru wali ta Yudea ta Kaisarea mono engana nedo bali.
|
||
\v 20 Nedona, Herodes bani tetakka tabaarada ata Tirus mono Sidon loho waige hawuna hataki, yida da maiyi ta aroi Herodes, mono kole bada rainoni Blastus, kaurhawe morha tilu umana Raja, yida da rainoge tutu moli oro kalingirada yida kole bana ngihi hayayo ta kalingora Herodes.
|
||
\p
|
||
\v 21 Ta lado pahayana beda yida, Herodes na waige kalabe Rajana, ngodo tahadawu ngodo matijana, mono hadikige hanewena tabaerada yida.
|
||
\v 22 Ana kaharehana dakawyla hangatana, “Inne nyikwe linai Allah, wale li atakmawe!”
|
||
\v 23 Inna memage, wuyo Malaikatnai Mori na kapokayi oro yida aida manadai tabarai Allah mono nyi nayani loti, loho mate.
|
||
\p
|
||
\v 24 Tanyiduwe, linai Mori nakiki tumwe mono hadu-du malaptawe.
|
||
\p
|
||
\v 25 Loho, Barnabas mono Saulus haga wali ta Yerusalem kole yida bada bewe haulada yida, hagapege kamaika oleni Yohanes, loho pahangara dumo Markus.
|
||
\c 13
|
||
\cl Kawukku 13
|
||
\p
|
||
\v 1 Diha wu hadaka, dadi ta jonga Jemaat Antikhia, Nabi-nabi mono Guru-guru, haluguna Barnabas, Simeon hangarai Niger, Lukius wali ta Kirena, Menahem hamatuda oleni Herodes, raja kaloingora mono Saulus.
|
||
\v 2 Tamrada tangada ata rade bada kangotena tabarai Mori mono aida yayo loho enu, Wadi katenguna linage, “Hatengu gadi tuba-Gu Barnabas mono Saulus tutu haulla nyiwe gauge magu kamaikadi yida.”
|
||
\p
|
||
\v 3 Bege, kole yida bada kabukta mono Sembayang, loho bada pajoladi limada yida ta panu kataku Barnabas mono Saulus, yida da halewayi kadudana kako. Barnabas Mono Saulus ta Nuha Siprus
|
||
\s Haulla Tubanai Barnabas mono Saulus
|
||
\v 4 Nyiwe, kole bahalewai kako ngahu katenguna, Barnabas mono Saulus burru ta Seleukia, mono wali nedo bali yida da pala waina tena ta Siprus.
|
||
\v 5 Kole yida diki ta Salamis, yida da talarage linai Allah ta Sinagoge-sinagoge ata Yahudi, lodoge yida dumo dangidiyi Yohanes kahanukuyi yida.
|
||
\p
|
||
\v 6 Kole yida kako kahage nuha kaha ta Pafos, yida da dikini wu ata kataguna hamoro, wuyo Nabi paleka Yahudi, kanagarana Baryesus.
|
||
\v 7 Nyi naoleni Prokonsul Sergius Paulus wuyo ata kaangta, karaiyiyi Barnabas mono Saulus maiyo tabarana mono kabau atege rangewe linai Allah.
|
||
\v 8 Tanyiduwe, Elimas, kataguge wunnu ata nada, oro taudadage ngarana ba pahirawe, gabani Barnabas mono Saulus, waige karuhuwe pahekorani Prokonsul wali ta hatenana.
|
||
\v 9 Tanyiduwe, Saulus, ha kali tada dumo Bai Paulus, habanuna ngahu katenguna, natorroyi elimas,
|
||
\v 10 mono linage, “Ta miyo, habanuna matip aitidana mono tangage japata, miknage anai kabalka, mikna muhuge wali tangage katena, walem kabu atehing mage miyo ngahu hajalorayi laranai Mori kaluha?
|
||
\v 11 Batauge, hamatarage, limanai Mori amini tabaramu mono miyo engam moromi mono enga walena etakmayi mata lado kapirana mujana.”Mahigo neda dumo, habangu mono kapagta buruwe tabaramu mono nyi nakiloragimi mayegani ata bana naronani limana.
|
||
\v 12 Lodoge, Prokonsul nada dadiwe hatena kole bana etawe agawe kadadi oro nyi bana bangara tubage pahanuanai Mori.
|
||
\s Paulus mono Barnabas kako taharona Antikhia ta Loda Pisida
|
||
\p
|
||
\v 13 Hadaka rahi, Paulus mono ata kaoleni da pane ta tena wali ta Pafos kaha ta Perga, ta Pamifilia, tabolo Yohanes na bijakadi yida mono haga ta Yerusalem.
|
||
\v 14 Tanyiduwe, Saulus mono Barnabas da hangatana kako wali ta Perga khha ta Antiokhia, ta Pisidia. Mono, ta lado ngahu, yida kako ta Sinagoge mono ngodo nedo bali.
|
||
\v 15 Kole bada bahawe uku pareha Taurat mono jurata da Nabi, pa ama-pa ama Sinagoge halewe ata ta barada kadudana Rasul rada, “Bagu ele baigimi, nyi miyo ba dakage hanewe maangumi tutuda ata rade, takiwe ge.”
|
||
\p
|
||
\v 16 Nyidawe, Paulus na dede mono na yiwe kabadi waini limana mono nlinage, “Ta ata Israel mono miyo kamadautani Allah, Rangewe!
|
||
\v 17 Allah ata Israel nade napede beyi ama wedada yita mono na hamadehtayi atada yita, ba engada yida ta tana Mesir mono waige kadadi kamakeketa, nyiyo na kododi yida huna wali neda.
|
||
\v 18 Mojage pata kabulu dauge, nyiyo bana maloya wali kanogoda yida ta marada gilra.
|
||
\v 19 Mono, nyi kole bana pudahayi kapituna kabihu ata Kanaan, nayiwe dauwuge tana inna.
|
||
\p
|
||
\v 20 Tangage inna nadadiwe ba katutu kawe Pata ngahu lima kabulu dauwuge. Kole onna de, Allah na yidage ta barada yida Hakim-hakim kaha dikige tai Nabi Samuel.
|
||
\v 21 Bege, yida karaiyi wu ata Raja, Monoi Allah da yidadi yida Saull, ana kabani nai Kish, ata kawali ta kabihu Benyamin, pata kabulu dauwugw mojage.
|
||
\v 22 Kolei Allah bana hikalani Saul, Allah na hakadeyi Daud dadi rajada yida, loho tubanai Allah na hadedalage mono linage, ‘Nauwug tabokabeyi Daud, ana kabaninai Isai, ata kamarakka ta ate-Gu karayigadi tangadi hakabu Ate-Gu.’
|
||
\v 23 Wali ta ana suhuna ata nadela, Allah na dokuge jajina, nakodoni ta bara Israel wu ata hada hoila, halinawei Yesus.
|
||
\v 24 Ai amihoni Yesus, Yohanes na takki uluwe tubage haruha jarra tabara tangana ata Israel.
|
||
\v 25 Mono, tamrage Yohanes hadukuge haullana, nyi hakitage balina, ‘Dokuge miyo iyawa nauwa? Nauwa wale Nyikma. Tabolo hamatarage, wu ata amini ta baligu nauwa, kopa ledu dahingna waleg marakka mawa bagu lainadi.’
|
||
\p
|
||
\v 26 Bagu ole baigimi, ana huhu kalingorai Abraham mono ata ta jongami kamadautani Allah, tabarada yita liyo mane mara ine dikibewe.
|
||
\v 27 Oroge, yida engana ta Yerusalem mono tangada kakododi yida, aika tadayi nyiyo mono aika yapawe tangage hanewe Nabi, habaha nahiyi lado ngahu, kapanuwe tangage hanewda Nabi rada waige bada hokuni Yesus.
|
||
\v 28 Mono, loko yida aida kolege kapege pa hiba danga nage haku mate, yida karaiyiyi Pilatus tutuge hamateyi-Nyi.
|
||
\v 29 Mono, kole yida panuwe tangage kamatolha tutuna Nyi, yida dahaburuni Nyi wali ta yayu Hakadailo mono da habaikayi-Nyi ta rate.
|
||
\v 30 Tanyiduwe, Allah nahakadeyi Nyiyo wali ta jonga dalara ata mate,
|
||
\v 31 mono pira ladoge Yesus nahadela wikna ta barada ata kaoleni Nyiyo wali ta Galilea kaha ta Yerusalem, loho batauge yida kapadelage kabihu ata ine.
|
||
\v 32 Mono, nami mangidiwe tubami liyo daha tuba jaji nai Allah tabarada ama weda da yita,
|
||
\v 33 Loho Allah napanu bewe hajajina nutu tubada yita, anada yida, loho hakade hagayi Yesus, tauna kamatolha lari ta jurata Mazmur kawuku kadudana: “Yauwukna ana-Gu. Nehe lado, nauwa ama bemu-Ga.” \rq Mazmur 2:7 \rq*
|
||
\v 34 Tubanai Allah kahakadeyi Yesus wali tajonga dalara ata mate, wale nadadikmawe haga taliloko, Allah lina bege, ‘Nauwa enga yigimini kanyuru katenguna mono pahatena, hayibeda tabarai Daud.” \rq Yesaya 55:3 \rq*
|
||
\v 35 Nyikwe oroge, Nyi dumo linage larr ta Mazmur wadeka, ‘Yauwu walemu pahaimadi ata tengu-Mu etawe kaliloko.’ \rq Mazmur 16:10 \rq*
|
||
\v 36 Oro, Daud, kole hanukuwe ana suhu dauwuna dokuge hakabu atei Allah, lodoge mate, mono habaikayi ta jonga weda waikana, loho etawe haliloko danga.
|
||
\v 37 Taboli Yesus hakadenai Allah wali ta jonga dalara ata mate, wale etakmawe haliloko danga.
|
||
\v 38 Oroge innage, nyamage kamu tadawe, bagu olegimi, waige ledeni Nyiyo nahawalina doku jala na dedowe tabaramu,
|
||
\v 39 mono ledeni Nyiyo, tangada ata kahatena hahilayi wali tangage, loho wali tabarana miyo wale nadadikmawe hoila wali ta li hoku uku parehai Musa.
|
||
\v 40 Nyiwe, hamatarage la hada ha takibe lari ta jurata Nabi ka ilana dadiwe tabaramu:
|
||
\v 41 ‘Etawege, ta tangami kahatereka! Kadadakami mono lilokomi, oro nauwa ugu pahadawe haulla ta rahimi miyo, wu haulla ai hatenami, loho dumo daka wu ata kahalaramige tabarami.’
|
||
\p
|
||
\v 42 Tamranai Paulus mono Barnabas huna, rada ata da karaiyiwe kana dadiwe yida hadikige tuba li ege ate inna talado rahi ngahu walinimi.
|
||
\v 43 Bakole hatabokana ta Sinagoge nutu buta ata Yahudi mono Proselit kamadautani Mori dokudi Paulus mono Barnabas, kahanewe tabarada yida mono haruyi yida tanamu kaenga hangatanalari ta kanyurui Allah.
|
||
\p
|
||
\v 44 Ta lado ngahu piwalige, kamhatangada ata ta harona neda makaha rangewe linai Mori.
|
||
\v 45 Tanyiduwe, kole ata Yahudi etawe ramegege, yida banuge kawiyo ate mono kapudage gabage agawe hatakinai Paulus da hagapege paddayi.
|
||
\v 46 Nyiwe, Paulus mono Barnabas da baleha waige bani ateda mono lidage, “Hada inna kahada baningna oro linai Allah oda dahewe padedalage tabarami nauluwe. Oro miyo bamu tularage mono yapa dawe tauwumi walena murahakmawe dauwuge morha aika mangu dukana, etawege, nami magilaka tabarada kabihu ata wadeka.
|
||
\v 47 Oro, tauda dagei Mori yiwe parehana tabarama nami: ‘Nauwag hadadi begimi magakaha tuba kabihu ata wadeka dajalage miyo dadiwe ngidiwe mane mara kaha ta hupu tana.”’
|
||
\p
|
||
\v 48 Kole ata aika Yahudina rada rangewe hada inna, yida da lagahara mono hamanadawe linai Mori. Mono, katauna butana pahainyakabe tutu morha aika mangu dukana, dadiwe hatenawe.
|
||
\p
|
||
\v 49 Nyiwe, Linai Mori na matalarawe kaha ta kalingora hadauwu neda.
|
||
\v 50 Tanyiduwe, ata Yahudi da wolidi lawaiyi muraha mono ha aka mono ata tetaka ta harona, mono da hakadewe hamayilaitabaradai Paulus mono Barnabas, loho da wugayi kadudana huna wali tahadauwu duka haronada yida.
|
||
\v 51 Tabolo, da hagapege kabahayi kabka ta leduda yida tabara ata Yahudi nedo bali, Paulus mono Barnabas kako ta Ikonium.
|
||
\v 52 Mono, ana hakodona nabanudi ege ate mono waige ngahu katenguna.
|
||
\c 14
|
||
\cl Kawukku 14
|
||
\s PAULAUS MONO BARNABAS TA IKONIUM
|
||
\p
|
||
\v 1 Mono, nadadiwe, ta Ikonium, Paulus mono Barnabas tama kaha ta Sinagoge ata Yahudi mono nuju hingga dajalage katau kalan ata, ata yahudi loho ata Yunani, dadiwe hatena.
|
||
\v 2 Tabolo, ata Yahudi aika hatena da hawolodi ata aika Yahudina mono da wunu dadi paha ngadada yida gabadi ata hatena.
|
||
\v 3 Nyiwe, yida engana neda bali ta mahigo kamojana hagapege hanewe waige bani ate tubanai Mori, ka yiwe pahirawe tutu li kanyurruNa, loho na yiwe tada paha ngatara danga kadadi lededi limada yida.
|
||
\v 4 Ta nyiduwe, ata taha dau inna da ma pabakka, wadeka da kalapere ta bara ata Yahudi mono wadeka ta barada rasul.
|
||
\p
|
||
\v 5 Kole wu haulla bada rayige, ata aika Yahudina loho dumo ata Yahudi, waidi tangada kakododi yida, kapiki hama yillayi mono tukkuyi rada rasul waidi watu,
|
||
\v 6 kolei Paulus mono Barabas tadawe mono na malai ta Listra mono Derbe, harona ta Likaonia, mono taha hadau kalingorage.
|
||
\v 7 Mono, neda bali, yida engada talarage liyo ege ate.
|
||
\s PAULUS TA HARONA LISTRA MONO DERBE
|
||
\p
|
||
\v 8 Ta listra, dani wu ata ka ngodo kaloja leduna, kalikku wali, ta ti inyana mono walena kal kakokma.
|
||
\v 9 Ata nada tamrana rangeyi Paulus kole nyi bana hanewe, kolei Paulu bana torroyi mono na etayi nada ata dage hatenana baige hatagahayi,
|
||
\v 10 Paulus na wangtawe ban hanewe, “Dede didara waidi ledumu.” Nyidawe, ata nada ta lahoka mono nakapuge kako.
|
||
\v 11 Kole rada ata buta atawe agawr harayinai Paulus, Yida da keketawe lida waige bada hanewe waina hanewe Likaonia, “Marapu kamateyi kaburru ta jongada yitta mono dadi tujayi hada kadadi ata!”
|
||
\v 12 Ata rada daha nagarani Barnabas ba nyiyo Zeus monoi Paulus ba nyiyo Hermes oro nyi kakodoge hanewe.
|
||
\v 13 Rato marapu kamate Zeus, ha daudauna kadana tabali harona, da ngidi hapi mane mono kahanga bunga ta bau bina kalla Harona. Nyi mono ata buta rada kabu atege bana maraka hatunu tabaranai Paulus monoi Barnabas.
|
||
\p
|
||
\v 14 Ta nyiduwe, kole rasul Barnabas mono Paulus rangewe hada inna, yida da hirayi kalebeda yida mono malai tama ta tillu ata buta rada, hagapege kawula,
|
||
\v 15 mono lidage, “Bagu angu wugimi, aha miyo mami rayige hada kataudana? Nami jala kadadi atama katujana dimmi mono ngidi mage li kadahha tubami mi dajalage mi kam kabalimi wali ta hada ai kamngu gauna inna tabarai Allah ka morha, kaha dadige langta, mono panu tana, mono bannu, mono tangadi kadana lari.
|
||
\v 16 Ta dalara ata ka langana, Nyi na pahaidi tangada ata kako dokuni lara dauda.
|
||
\v 17 Tabolo, Nyi walena pahai mage tauNa aidaka kapa delage. Oro, Nyi narayige kadahha waige yigimi tabarami urra wali talangta mono rahi wu yayu kaha bokta midi atemi waige ha yayo mono lagahara.”
|
||
\v 18 Loko mataudakge waige bana takkiwe tangage inna, yida walena dadik mawe bada hangahuyi ata buta rada ilda rayina maraka hatunu tubada yida.
|
||
\p
|
||
\v 19 Ta nyiduwe, ata Yahudi amidi wali ta Anthokhia mono Ikonium, mono kole bana godayi ata buta rada, yida da tukkuyi Paulus waini watu mono werakani ta bali harona oro bada yapawe Paulus na matebe.
|
||
\v 20 Tabolo, kole tangada ana hakodona kilorani Paulus, nyi na dede mono na hagga tama taha rona. Dama hege tana, nyi nakako oleni Barnabas ta Derbe.
|
||
\s HAGGA TA HARONA ANTIOKHIA KALINGORA SIRIA.
|
||
\p
|
||
\v 21 Kole yida bada takkiwe li ege ate ta harona inna mono bada frayi ha buta bena ana hakododa, yida haga dage ta listra, mono ta Ikonium, mono ta Antiokhia,
|
||
\v 22 hagapege bada hakulaha dadi urrada tangada ana hakododa, tula radi yida kada mikku lari taha tena, mono da takkiwe inna yitta da tama daho kalingora parehai Allah ledege kabutala mayilla.
|
||
\v 23 Kol, ei Paulus mono Barnabas keketayi bai ata tubada yida nahiyi kangote ata hatena, kole bada sembayangna waige bada tari, yida da pahadedi tangada bai ata tai Mori, bata barakna bada hatenaYi.
|
||
\p
|
||
\v 24 Bege, yida da li palaka Pisida mono kaha Pamfilia.
|
||
\v 25 Lodoge, kole yida bada hadikige liNa ta Perga, yida burru ta Atalia.
|
||
\v 26 Wali neda bali, yida da waina tena ta Antiokhia, taha dau yida bada pahadedi ta ta kanyurunai Allah tutu ha ulla ha bebeda.
|
||
\p
|
||
\v 27 Kole yida da dikki mono makaha ole dangadi kangote ata hatena, yida daha dikige tangage hada harayi benai Allah dabada waidi yida mono aga linada Nyi bana bugerana bina hatena tubada kabihu ata wadeka.
|
||
\v 28 Mono, yida da engada oledi ana hakododa ta mahigo kamojana.
|
||
\c 15
|
||
\cl Kawukku 15
|
||
\s MAKAHA TA YERUSALEM
|
||
\p
|
||
\v 1 Bege, kapirana ata burru walita Yudea mono hanuadi ole baida tahatena, “Nyi mi aim kabunyika dokuge kama hada tai Musa, mi wale na dadik mawe pahoilami.”
|
||
\v 2 Lodoge, kole bana dadiwe pasepa halana mono hagabana aika anana i paulus mono Barnabas oled ata rada, yida da pohtawe i Paulisa monoi Barnabas, loho kapirana ata wadeka wali ta yida, da kako dahho ta Yesrusalem hatabo dangadi tangada rasul mono tangada bai ata ledege kadadi inna.
|
||
\p
|
||
\v 3 Nyiwe, kole bada lo tauyi ta lara tangadana ata hatena, yida dapalarawe ta fenesia mono samaria hagapege bada takkiwe kahira tutu jarrada kabihu ata wadeka, mono tangage inna nangidewe ege ate madaka tuba tanganda ole baida tahate.
|
||
\v 4 Kole, nyida bada dikki ta yerusalem, nyida da tabokaiyi tangada ata hatena, tangada lede lina mono tangada bai ata, loho yida datakkiwe tangage parayi benai Allah lededi yida.
|
||
\v 5 Ta yiduwe, kapira ata wali tajonga farisi kahatenabe dede mono lidage, “kabaningge tutu kabunyi yida mono tutu harehayi yida kada dokedi uku parehai musa!”
|
||
\p
|
||
\v 6 Tangada lede lina mono bai ata daha tabokahana hanewe ge tutu ge kadadi inna.
|
||
\v 7 Kole bana kakowe pahibata hanewe kamidiyo neda bali, Petrus nadede mono linage tabrada yida, “Bagu ole baigimi, mi um tadawe inna ulu hoge Allah narayi bege pedena ta jongam mi inna ledege bagu, kabihu ata wadeka kada rangewe li ege ate inna mono kada hatena.
|
||
\v 8 Mono, Allah, katada ate ata, na hadelaka bege tabrada yida waige bana yiyi Wadi biha tabarada yida, katujabe harayi beNa tabarada yitta,
|
||
\v 9 mono Nyi walena hawatek mana yitta mono yidda, kole Nyi hamurahadi ateda yida lede hatena.
|
||
\v 10 Nyi batauge, aha mi kabani Allah waige ijalai koga koko ka bikta takokoda tangada anaha kodo, kadaha wali ta weda waikada yitta loho dumo yitta, walda kal mukak mage taguge?
|
||
\v 11 Ta nyiduwe, yita hatenawe inna yita ba pahoilada ledege kanyuru tai Mori Yesue, katuja jalawe yida.”
|
||
\p
|
||
\v 12 Bege, tangada ata kama ubla rada da kadana mono yida da rangeyi Barnabas monoi Paulus, tamrada kadudana rasul rada bada halarawe tangage tada mono tadka harayi benai Allah lededi yida tajonga kabihu ata wadeka.
|
||
\v 13 Kole yida bada ngahu hanewe, Yakobus na balehawe, “bagu ole bai gimi, kam rangewa nauwa.
|
||
\v 14 Simon naha lara bewe aga lina dawei Allah wali puge bana hamataradi kabihu ata wadeka, kapiku ngalayi wali ta jonga kabihu ata pa ana huhuna tuba ngaraNa.
|
||
\v 15 Hanewe tangada Nabi da baige hada inna, katauna kama tolha,
|
||
\v 16 ‘Be innage, Nauwa enga haggag. Mono enga hakade hagaguge Hadaunai Daud kata bohtabe. Nauwa enga hakade hagaguge kanyabbuge, mono Nauwa enga haberu hagaguge,
|
||
\v 17 dajalage kadadi ata kadahona dadiwe mayegani Mori, mono tanhgana kabihu ata wadeka ha maika lede ngaraGu, karayidi tangad rade,’ linai Allah, kayaidi tangadi rade, \rq Amos 9:11-12 \rq*
|
||
\v 18 ug tada bewe wali puge. \rq Yesaya 45:21 \rq*
|
||
\p
|
||
\v 19 Nyiwe, nauwa paha ngadagu inna yita doku dage walna kapitok mage ta ata wali taka bihu wadeka kabali be tai Allah.
|
||
\v 20 Tabolo, yita doku dage da tolha dahowe tabarada yida dajalage yida kada hamarau wikna wala ta hada ka otora oroda habara, mono wali tajala halo wikna, loho wali ha kippu ri kokona mono wali tarayo.
|
||
\v 21 Oro, wali dalara ka ulluho, Musa na daubedi, nahiyi harona, ata katalarage oro ba habahawe ta sinagoge-sinagoge nahiyi lado ngahu.”
|
||
\s JURATA TABARA ATA KAHA TENA AIKA YAHUDINA
|
||
\p
|
||
\v 22 Loho, ba eyawe na dahawe tangada rasul, mono bai ata, mono tangada ata kaha tena, pedena ata wali tajongada yida kapiku halewayi ta Antokhia oledi Paulus monoi Barnabas, lohoi Silas, tangada kakododi tajonga kaha ole baina taha tena,
|
||
\v 23 mono yida tolhawe jurata waidi limada yida, tauda dage: “Wali ta rasul-rasul mono bai ata, ole bai taha tenam, ta bara tangada angu wu taha tena aika Yahudina ta Antokhia, mono Siria, mono Kilikia, Maringna!
|
||
\pi
|
||
\v 24 Oro nami ma range bewe tutu kapirana ata wali tajongama, loho aiha yima wuhareha, bada regami waige haneweda yida kahira bemidi urrami,
|
||
\v 25 hada inna ba etawe dahawe tubama nami, kole bama ngoge, tutu pedena ata mono halewayi yida tabaramu oledi ole baima nami hama naewarama, Barnabas monoi Paulus,
|
||
\v 26 ka yibewe morhada yida tutu ngaranai Morda yida Yesus Kristus.
|
||
\v 27 Nyi batauda ge inna, nami mahalewayi Yudas monoi Silas, mo yida wiki dau enga taki dage hada kaha tuja waige hanewe.
|
||
\v 28 Oro, hada daha dahowe tuba Ngahu Katenguna mono tubama nami tutu birakadi kabikta tabaramu aika rehi bikta wali tabara hakabu atem inna,
|
||
\v 29 inna mi kaha marau wikina agawe hamaraka bemu ta bara marapu, mono wali ta rayo, mono wali ta agayi kamate hakipu ri kokona, mono weali jala lona olemu. Nyi mi karawawe tau dau wali ta hada inna, mi um rayige kadaha. Dik wal kana lage.”
|
||
\p
|
||
\v 30 Kole yida bada hanau, yida da burru ta Antiokhia, mono kole bada kahayi ata hatena, yida da yiwe jurata inna.
|
||
\v 31 Kole ata hatena bada bahawe, yida da lagahara oro agu ate inna.
|
||
\v 32 Yudas monoi Silas, yida wiki dau nabi, hadidarayi mono hakulahayi ole baida tahatena waige buta hanewe.
|
||
\v 33 Mono, kole yida engana neda bali kapirana mahigo, ata hatena rada pahalayi yida haga waina moli tabara ata kaha lewayi yida.
|
||
\v 34 [Ta nyiduwe, na etawe dahawei Silas tutu enga hangatana neda bali.]
|
||
\p
|
||
\v 35 Tabolo, Paulus monoi Barnabas engana ta Antiokhia, hagapege hanuana mono talarage linai Mori oledi rada ata buta wadeka dumo.
|
||
\s PAULUS MONOI BARNABAS DAMA HEWA
|
||
\p
|
||
\v 36 Kole ba pira ladoge, Paulus linage tabarai Barnabas, “Maida yitage kada hagga mono dikidi ole baida taha tena nahi harona, yita hadau talarade linai Mori kada etayi aga lina dawe hadada yida.”
|
||
\v 37 Barnabas na kabu atege kamaika dumoni Yohanes ha maikanai Markus.
|
||
\v 38 Ta nyiduwe, Paulus naha ngadage wale nyi dak mahowe kamaikana ata katana bedi yida ta Pamfilia mono aika marangadi kako oledi yida ta haulla inna.
|
||
\v 39 Nyiwe, na dadiwe hepa pahalana kama nunuha dajalage yida da pahewa diha-diha. Barnabas kako oleni Markus mono da panena tena ta kalingora Siprus,
|
||
\v 40 taboloi Paulus pedeyi Silas mono kako, kole bada yiyi ole bai taha tena ne lari maringnai Mori.
|
||
\v 41 Mono, nyi palakawe Siria mono kilikia hagapege hadidarayi ata hatena.
|
||
\c 16
|
||
\cl Kawukku 16
|
||
\s TIMOTIUS NA OLENI PAULUS MONOI SILAS
|
||
\p
|
||
\v 1 Paulus dumo amini ta derbe mono listra. Mono, etayige dani wu ana hakodo neda bali, ka ngaranai Timotius, anana wu lawai Yahudi kaha tenabe, tabolo amana ata Yunaniyi.
|
||
\v 2 Nyi da tada hadahani ole bai taha tena ta listra mono Ikonium.
|
||
\v 3 Paulus na kabu atege kako ole dangani, nyiwe nyi na lekoyi mono naka bunyini oro ata Yahudi ka enga taha dau neda. Oro, yida tadawe nada amana ba ata Yunaniyi.
|
||
\v 4 Batamrada yida kako lipalakayi taharona, yida daha dikige nauta-nauta hatena tuba ata kaha tena pa doku hoda, pa pohta beda tangada rasul mono bai ata ka dana ta Yesrusalem.
|
||
\v 5 Nyiwe, tangada ata hatena hadidarayi lari taha tena mono butada yida kiki mataba nahiyi lado.
|
||
\s ALLAH NA KAMAIKANI PAULUS TA MAKEDONIA
|
||
\p
|
||
\v 6 Loho, yida da kako palakawe kalingora Frigia mono Galatia oro bana padekayi Wadi katenguna kapiku takkiwe lina ta Asia.
|
||
\v 7 Kole yida bada diki ta Mesia, yida da kabu atege kako ta Bitinia, tabolo wadi Kristus walena pahai madi yida.
|
||
\v 8 Nyiwe, kole bada palakawe Misia, yida da burru ta Troas.
|
||
\v 9 Na dedowe wu haeta nai Paulus ban gakge. Wu ata ta Makedonia tamrana dede mono maraino nage tabarana, linage, “Maiwuge ta Makedonia mono tulgama nami.”
|
||
\v 10 Kolei Paulus bana etawe innage, nami karuhuwe koko geha ta Makedonia, kole bada kapodige nai Allah bana kamaika bega nami kapiku talarage li ege ate ta yida.
|
||
\p
|
||
\v 11 Oroge inna, kole bada waina tena wealita Troas, nami wing mage panena tena ta Samotroke, mono damage tanage ta Neopolis,
|
||
\v 12 mono wali neda bali ta Filipi, bai harona ta kalingora Makedonia mono wu harona hapijada Roma. Nami engama taha rona neda kapira ladona.
|
||
\p
|
||
\v 13 Lodoge, ta lado ngahu nami kako tabali bina kalla harona aro ta hupu lai we, tahadau neda nami bama ha ngadage neda bali ba da kakna dau sembayang. Nyiwe, nami ngodo mono hanewe dangadi lawai katamrana makaha.
|
||
\v 14 Wu lawai kangaranai Lidia, wali ta harona Tiatira, wu lawai kamalajana kaba mal melo ka wojoni Allah. Mori nabugera nage atena tutu hamatara agawe hataknai Paulus.
|
||
\v 15 Mono, kolei Lidia mono tangada ata kaengana taumana harihayi, nyi na rainoge tabarama nami, linage, “nyi yau bamu yapa dakwe nauwa bagu hatena didara tai Mori, maige ta umagu mono kam engana neda bali.” Mono, nyi nakaruhuma nami.
|
||
\s PAULUS MONOI SILAS DAHA TAMADI TAGALLU
|
||
\p
|
||
\v 16 Tamrage, nami kako ta hadauwu Sembayang, wu ata lawaiyi, kamangu wadi manyurra natabkama nami. Nyi na butayi hautut dangana tabarada pa ama ledege manyurra tangadi.
|
||
\v 17 Lawai nada na dokuni Paulus mono nami hagapege kawula, “Ata nade nyiknai atanai Allah kahada madehta, katalarage lara hoila tabarami!”
|
||
\v 18 Nyi narayi hangatage kapira ladona mojage. Paulus, tillu baniyi, na pelu mono linage ta wadi nada, “Nauwag parehawu yauwu larr ta ngarai Kristus Yesus kamu huna wali ta nyiyo!” ldoge, ngahu nada huna, nedo mema.
|
||
\p
|
||
\v 19 Tanyiduwe, kole paama etayi inna hamaneda yida hautu danga bungawe, yida da yapayi Paulus mono Silas, loho da yoriyi yida tahadauwu ata buta ta aro kahareha.
|
||
\v 20 Mono, kole yida bada ngidiyi Paulus monoi Silas tabarada hakim kanaroge katakuge, yida lidage, “Ata rade ata Yahudiyi mono tamrada makabora taharonada yita.
|
||
\v 21 Yida da hanuwama pata tana aika tena tutu yita hibawe waleka rayige ba wuda ata Roma.”
|
||
\v 22 Ata buta rada da kade harajja kadukani Paulus monoi Silas mono tangada Hakim ta harona da hirradadi kalabedai Paulus monoi Silas, loho da harehayi yida kapaluyi kadudana waidi takko.
|
||
\v 23 Kole ba enga hoda hamayilayi Paulus monoi Silas waidi palu habutadi, yida datubadi ta gallu mono harehayi paama gallu kajawayi Paulus monoi Silas waige mahahera.
|
||
\v 24 Kole bana hibawe pareha inna paama gallu hatamadi Paulus monoi Silas ta gallu hadda li lari mono kogadai leduda yida waige kama katti.
|
||
\p
|
||
\v 25 Tauge katutu tilu gadiwe hewe ge, Paulus monoi Silas tamrada sembayang mono manyanyi manyanyi hadiyi Allah, mono ata hatahaka wadeka dumo rangeyi yida.
|
||
\v 26 Loho, kadadaka ngidiwe bana haepuna aika anana dajalagr tana pahowu ta gallu gedowe. Mono, hayadawe tangadi bina mabugerayi mono kga leduda maladayi
|
||
\v 27 Kole paama Gallu kadde mono etayi bina Gallu bana mabugrayi, nyi lahhuwe kito kalekana mono hodikmowe mana hamate wikina oro pahangadana tangada ata ta gallu atudi malaiyi.
|
||
\v 28 Tabolo, Paulus na kawula waige lina kawaddi, “Ilam hamayilawe tauwu dauwumu oroma nami tangama dahogama!”
|
||
\p
|
||
\v 29 Bege, paamagallu nada nakaraiyi lati weyo mono geha malaiyi tama, loho nakadada kawe nguhina, nyi nakawojo ta aronai Paulus monoi Silas.
|
||
\v 30 Kole bataudage, nyi na ngiyi yida ta bali hadu mono linadi, “paama-paama agadahona harayigu kagu manemarawa?”
|
||
\p
|
||
\v 31 Mono, yida dabalehayi, “Hatenawu larr tangaranai Mori Yesus mono yauwu enga manemarawu, yauwu mono ata kaengana ta umamu.”
|
||
\v 32 Bege, Paulus monoi Silas da talarage linai Mori tabarana paama ta gallu nada, mono tabarada tangada ata kadana lari taummana.
|
||
\v 33 Kole inna, nyi na ngidiyi Paulus monoi Silas, gaddi neda dumo, mono nahamuraha dadi kapotada yida, lodoge nyi mono tangada ole taummana geha harihayi.
|
||
\v 34 Bege, paama gallu ngidiyi Paulus monoi Silas ta ummana mono na hainyakadi hayayo. Nyidawe, nyi hada ege ateyi oro nyi mono tangadi ata ata kaengana ta ummana bada hatena be tabaranai Allah.
|
||
\p
|
||
\v 35 Tanyiduwege, kole bana magakahage, Tangada Hakim-hakim harona neda halewayi kapirrana palihi, waige balinna, “Pahalayi rada ata!”
|
||
\p
|
||
\v 36 Mono, paama gallu natakiwe li hanauwu ina tabarai Paulus, waige balinna, “Hakim-hakim harona inna nahalewama nami pahalami miyo. Oroge inna, huna batauge mono kakomi tillu moli ate!”
|
||
\p
|
||
\v 37 Tanyiduwe, Paulus nahanewe linage tabarada yida, “ata rada da palubema nami ta aro ata buta, wale nyurak mahomadi jalama. Tangada ata kalingora morha Roma, mono bebe nami hatama gama ta gallu. Loho, ahadalka batauge yida pahugama nami waige kabunyi? Walekma! Haidi yida kada maiyi dawu mono pahugama nami.”
|
||
\p
|
||
\v 38 Palihi trada takiwe tangage hatakida tabara Hakim-hakim taharona. Yida da madauta kole rangewe radai Paulus monoi Silas yida ba ata Romayi.
|
||
\v 39 Nyiwe, yida amidi mono bani kagama lidage tabarai Paulus monoi Silas. Kole yida pahudi Paulus monoi Silas, yida da karaiwe dajalage kadudana ijakage harona inna.
|
||
\v 40 Loho, yida huna wali ta gallu mono tamadage ta umai Lidia, mono kole yida etayi olebaida ta hatena, Paulus monoi Silas hamado dadi ateda yida, lodoge kako dage.
|
||
\c 17
|
||
\cl Kawukku 17
|
||
\s Paulus monoi Silas ta harona Tesalonika
|
||
\p
|
||
\v 1 Hadaka rahi, kole Paulus monooi Silas bada haipawe Amfipolis mono Apolonia, yida da diki ta Tesalonikka, neda dage wuyo Sinagoge ata Yahudi.
|
||
\v 2 LOho, dokuge kadamma Paulus nyi natama tajongada yida, mono kataudana lado rahi ngahu hanewe dangadi yida wali tajurata biha.
|
||
\v 3 Hagapege halarawe mono hadedalage nai Kristus bana mayila mono kade wali ta jonga ata mate, waige balinna. “Yesus nade, hatamrag talarag tabarami, Nyiknai Kristus.”
|
||
\v 4 Lodoge, wahokadi wali ta yida dahatena mono hakaha wikna tas Paulus monoi Silas, oledi waidi katauna butana ata Yunani kamadautani Allah mono wale hodik jalakma Lawai pahaaka kahadoku.
|
||
\p
|
||
\v 5 Tabolo, ata Yahudi da kawiyo atege mono dalekoyi kapirana ata japata kakako mamaiyi tahadauwu jabara, yida da kaha ata buta mono darayige makabora taharona, loho da dukage umai Yason hagapege mayegani Paulus monoi Silas tutu kangidiyi yida huna wali ta ata buta
|
||
\v 6 Kole yida aida tabokayi Paulus monoi Silas yida da yoriyi Yason mono kapirana ata hatena ta aro paama taharona, waige bada kawula, “Ata rade, kahakabora bege panu tana, ammi walidi tahadauwu inne.
|
||
\v 7 Mono, Yason na hibbayi yida, mono yida tangada baige gabbage uku pareha Kaisar waige bada takiwe dani Raja heka, halinawei Yesus.”
|
||
\p
|
||
\v 8 Ata buta mono paama ta harona karingaka dangage kolle bada rangewe inna.
|
||
\v 9 Mono, kole yida bada hibawe kama manne wali tai Yason mono rada wadeka, ata rade da pahalayi.
|
||
\s Paulus monoi Silas kako Taharona Berea
|
||
\p
|
||
\v 10 OLe bai ta hatena da be halewayi Paulus monoi Silas, gadi mema neda, ta Berea, mono kole yida bada diki yida da kako ta Sinagoge ata Yahudi.
|
||
\v 11 Ata Yahudi neda bali narehi dahayi ateda wali ta ata Tesalonika oro yida hibawe Linai Mori waige ateda kahayarta, hagapege bada hatamage jurata biha diha lado-diha lado tutu katada takawe hada inna ba tautakage bana tenawe.
|
||
\v 12 Oro batauda dage buta wali ta yida kadadi hatena, yapu gauwudi Lawai mono kabani Yunani pa haakka loho butada wale hok kelma.
|
||
\v 13 Tanyiduwe, kole ata Yahudi ta Tesalonika tadawe inna linai Allah dumo da talarage Paulus ta Berea, yida dumo amidi ta Berea tutu hada mahegara mono kada karingaka ata buta.
|
||
\v 14 Loho, waige kageha, ole bai ta hatena halewai Paulus kako ta hupu banu, tabolo Silas monoi Timotius enga dauda taha dauwu neda.
|
||
\v 15 Ata kaoleni Paulus kaha ta Atena, mono kole hibawe wuyo li hanuwu wali tai Paulus tutui Silas monoi Timotius ka piku geha maida tabarana, yida dumo da kako.
|
||
\s Paulus ta Harona Atena
|
||
\p
|
||
\v 16 Tamranai Paulus bana remadi yida ta Atena, dewana mera mayila hingnage ta tauna oro nyi etawe harona inna banuge hala katauwu.
|
||
\v 17 Oro batauda dage, nyi dahanonekana hatakki ta Sinagoge oleda ata Yahudi mono ata wali ta kabihu wadeka kamadautani Allah, loho tahadawu ata buta nahiyi lado, oledi ata ka dana tahadawu nedo.
|
||
\v 18 Kapirrana Ahli pahangada wali ta kalibo Epikuros mono Stoa dumo hanewe danga jalani. Mono, kapirakina hanewe, “Agawe hakabu atena takki ata kabohka nade?” rada wadeka hanewe"Tujadawe, nyi nade wuyo ata takkiyi dewa ata li palaka, “oro nyi talarani Yesus mono kadena.
|
||
\v 19 Loho yida dulkayi mono da ngidiyi ta Areopagus, “hagapege bada hanewe dadi kakwe nami bama rangewe hanuwa beru agawe yauwu hatalaramu inna?
|
||
\v 20 Oro yauwu bamu ngidiyi kapirana hada pahangatara dangadi katiluma nami. Nami ma kabu atege tadawe agawe hada rada!”
|
||
\v 21 (Neda mema, tangana ata Atena mono ata li palaka kaengana taha dawu neda da dama beyo mahigoda yida waige ai dayo haraiada dokuge takiwe waleka rangewe kaberu.)
|
||
\p
|
||
\v 22 Nyiwe, Paulus nadede ta tilu Areopagus mono linage, “Ta ata Atena, nauwa bagu hamataragimi lari tangage kamahada miyo hada hamadi mige.
|
||
\v 23 Oro, kole nauwa tamragu kilorage mono hamataradi hala katauwu paka wojomi, nauwa ug dikige wu natara waige kamatolha inna, ‘TABARAI ALLAH AI HATADA.’ Orogr inna ge, agayi ha kawojomi ai hatadami, nyikna hatakima tabarami.
|
||
\v 24 Allah kahadadige panu tana mono tangage kadana lari, oro Nyi nyikna Mori Langata mono tana, walna engakmana larai tahaduwu halakatauwu harayi waiyi limma kadadi ata,
|
||
\v 25 Wale hanuku jalakmayi Nyi lededi limana kadadi ata, mera Nyi nakabu atena wuaki oro Nyi dauwu na yini langka iya hingkayi kamorha, mono ngahu, mono tangadumoge.
|
||
\v 26 Mono Nyi nahadadi di, wali wu ata tangana kabihu kadadi ata tutu engana ta panu tana inne, kole bana hanukuwe rahi ura mono martana mono duka-dukage hadauwu morhada yida,
|
||
\v 27 Dajalage yida kada mayegani Allah, mono ragga dadikage yida dadiwe bada jojayi mono tabokayi lokoNyi aina marauna wali tayita diha-diha.
|
||
\q1
|
||
\v 28 Oro, nedo lari ta Nyiyo, yita morha, kagoyaka, mono da'ni. Katauda dumona daika wiki dauwumi kahanewe, ‘oro yita ine dumo yitakna ana Suhu-Na.
|
||
\v 29 Nyidawe, oro yita ana suhui Allah, yita doku dage waleda hangada dakmage tutu hada hadanai Allahnada katujaiyi amaha rara, ai waleka amaha kaka, ai waleka watu, wu hada pahadadi wali angta mono pahangada ata.
|
||
\v 30 Oro innage, kole batamadi rahi kabanga, bataugei Allah natakiwe tangana ata langka gini tanamu kana jarra,
|
||
\v 31 Oro Nyi na hainyaka beyi wu laddo kole Nyi bana yidi rakkage panu tana lari ta tijana ledeni wuyo ata pahainyaka bena, kole Nyi yidi tada tabara tangana ata waige bana kade ata nada wali ta jonga ata mate.”
|
||
\p
|
||
\v 32 Mono, kole yida rangewe tutu kade wali ta jonga ata mate, kapirana ata halege dage terekayi tabolo wadeka lidage, “Nami kamakolege range wali wu tutuge inna.”
|
||
\v 33 Nyiwe, Paulus kako wali ta tiluda yida.
|
||
\v 34 Tanyiduwe, kapirana ata hawuyo ole dangani mono dadiwe hatena, tajongada dajalani Dionsius, ole Areopagus, mono wuyo lawaiyi kangaranai Damaris, loho ka[irana ata wadeka ka oledi yida.
|
||
\c 18
|
||
\cl Kawukku 18
|
||
\s Paulus Ta Harona Korintus
|
||
\p
|
||
\v 1 Kole bataudage, Paulus tannage Atena mono kako ta Korintus.
|
||
\v 2 Mono, Paulus nagikini ata Yahudi kangaranai Akwila, ana suhui Pontus, abu amini wali ta Italia oleni ole ummana, Priskila, oroi Klaudius bana hareha beyi ata Yahudi tannage Roma. Paulus naenga jalana tabarada
|
||
\v 3 mono ulladi haullada yida rayina mawo.
|
||
\v 4 Mono, Paulus da hahepana pahangadda ta Sinagoge nahiyi lado ngahu mono daheradi tutu hatena ata Yahudi mono Yunani.
|
||
\p
|
||
\v 5 Tabolo, kolei Silas monoi Timotius maiyi wali ta Makedonia, Paulus palege nage nyiwe tauwuna kabanuna tutu takkiwe li'na, hagapege talarage waige kaha tetakana tabarada ata Yahudi nai Yesus banyiyo Kristus.
|
||
\v 6 Tanyiduwe, kole yida bada gabbani mono tolani Paulus, nyi na kabahawe kalabena mono linage tabarada yida, “Ra'mi dage ta panu kataku dauwumi! Nauwa ug murahawa. Wali batauge kahha nimmila, nauwag kakowa tabarada kabihu wadeka.”
|
||
\v 7 Bege, nyi na tamage hadauwu neda mono kako ta ummana wuyo ata kangaranai Titus Yustus, wuyo ata aika Yahudina karajani Allah, loho ummana hagabala dangage Sinagoge.
|
||
\v 8 Krispus, pa ama Sinagoge, dadiwe hatena lari ta'i Moro loho tangada ata kaengana ta ummana, mono buta ata Korintus bada kole harangeyi Paulus nahatena mono harihayi,
|
||
\v 9 Lodoge, Mori na hanewe dangani Paulus ta diha wu gaddi lari ta huru balena, “Ilam madauta kawu, tabolo hakitana hanewe mono ilam kadanna kawu,
|
||
\v 10 Oro nauwag olegu mono wale lakma wu ak ata ka rotiwu loho hamayillawu oro buta ana suhu-Gu ta harona inne.”
|
||
\v 11 Nyiwe, Paulus na engana nedo bali diha dauwu anni Wulla, hagapege talarage Li'nai Allah tajongada yida.
|
||
\s Paulus Da Haaroni Tabaranai Galio
|
||
\p
|
||
\v 12 Tabolo, kole Galio nadadi Prokonsul Akhaya, Ata Yahudi hawuyi atena kadde gabbani Paulus mono ngidiyi ta kursi yi rakka,
|
||
\v 13 Waige balidda, “Ata nade tamrana hakaboradi ata buta tutu kawojoni Allah kama gabba waige pareha Taurat.”
|
||
\p
|
||
\v 14 Tanyiduwe, kolei Paulus ba hodimowe bugerage ba'na, Galio dahanewe tabarada ata Yahudi nada “Nyiwe inne ba wu dalkawe palayi dangada palata waleka kajapata katappa, ta ata Yahudi nauwag angta hoge baleha ta jongage kadadimi.
|
||
\v 15 Tabolo, nyiwe inne ba wu dalkawe ha butu ate danga tutu hanewe, mono ngara, mono ukku daumi, orha dauwe. Nauwa waleg aumawa dadi Hakim wali tangage radda.”
|
||
\p
|
||
\v 16 Lohho, Galio wuggayi yida wali ta koro matija.
|
||
\v 17 Kole rada yida tangada yappayi Sostenes, pa ama sinagoge, mono paluyi ta aro koro matija. Tanyiduwe, Galio wale na hatarakmadi hada rada.
|
||
\p
|
||
\v 18 Kole innage, Paulus engana kapirra lado walna, lodoge da hanauwuyi ole baida tahatena mono panne ta tena ta Siria, oledi Priskila monoi Akwila. Ta Kengkrea, Paulus na kikra bewe wu'na oroge nyi narayige jajina.
|
||
\v 19 Bege, yida da dajala ta Efesus monoi Paulus na bijakadi Priskila moni Akwila nedo bali, tabolo nyi wiki dauwu tama ta Singoge mono da pasepana hanewe dangadi ata Yahudi.
|
||
\v 20 Kole yida karaiyiyi Paulus tutu mojana engana, Paulus walena ngokmage,
|
||
\v 21 tabolo hanuwunadi yida mono linage, “Nauwa hagga dahowala ta barami i Allah bana kabu atekage,” mono, nyi na pannena tena wali ta Efesus.
|
||
\p
|
||
\v 22 Kole bana burru ta Kaisarea, nyi na panne mono na yiyo maringna ta barada ata hatena, lodoge kakoknage ta Antiokhia.
|
||
\v 23 Mono, kole bana bewe kapirana mahigo nedo bali, nyiyo na bijakage hadauwu neda mono na kako tahadauwu wuyo kahha ta hadauwu wadeka ta kalingora Galatia mono Frigia, hagapege hakulhayi tangada ana halolena.
|
||
\s Apolos Ta Harona Efesus Mono Harona Korimtus
|
||
\p
|
||
\v 24 Hadakka rahi, da'ni ata Yahudi kangaranai Apolos, ana suhui Aleksandria, maiyi ta Efesus. Nyi wu ata kahakola mono tada lari ta Jurata Bihha.
|
||
\v 25 Ata nade paha nuwa beyi tutu Laranai Mori mono na hayarta lari ta ngahu. Nyi na hanewe mono hanuwana kanujji rewa hadanai Yesus, tabollo nyi hatadana tutu harihanai Yohanes.
|
||
\v 26 Nyi na kapuge hanewe waige bani ate lari ta Sinagoge, tabollo kolei Priskila monoi Akwila rangewe, yida da tingiyi ta tidi mono da halaranage tabarana Larai Allah karehi tuba.
|
||
\v 27 Mono, Kolei Apolos baige pala ta Akhaya, olebaida ta hatena naha didarayi mono tulhayi ta ana halolena dajalage kada maiyi tabokayi bana maiyo, kole nyi bna dajala, nyi na butayi ata hatulluna yida waige manawara kole bada hatena,
|
||
\v 28 Oro nyi waige kawatona na gabbadai ata Yahudi ta aro ata buta, hagapege hatingoge wali ta Jurata Bihha nadai Kristus ba nyiknai Yesus.
|
||
\c 19
|
||
\cl Kawukku 19
|
||
\s Paulus ta Harona Efesus
|
||
\p
|
||
\v 1 Hada inna na dadiwe. Tamranai Apolos ba dani ta Korintus, Paulus na palakawe haduwu kahalolana mono kahha ta Efesus. Nedo bali nadikkidi kapirana ana halole.
|
||
\v 2 Paulus linage tabarada yida, “Um hibba beyi miyo ngahu katenguna kole miyo bamu hatena bemi?” yida da balehawe, “walekma, loho nami wale kali rangekmayi nada Wadi katenguna.”
|
||
\p
|
||
\v 3 Loho, Paulus linage, “Agadawe, tanamu, miyo baharihami?” Baleha dage yida, “Lari taharihai Yohanes.”
|
||
\p
|
||
\v 4 Paulus linage, “Yohanes nahariha waige Jarra, hagapege takkdage ata tutu hatena tabarana wu ata ka ammina tabalina nyi, haluguna tabaranai Yesus.”
|
||
\p
|
||
\v 5 Kole yida bada rangewe inna, yida harihayi lari tangaranai Mori Yesus.
|
||
\v 6 Bege, Kolei Paulus bana keketayi limana ta panu katakkuda yida Waddi katenguna ammini ta panu katakkuda yidda, loho yidda halegewe lari ta tangnga ngara hanewe mono huru bale.
|
||
\v 7 Yida tangada ba taukadi katutu kabulu duda kabani.
|
||
\p
|
||
\v 8 Nyiwe, Paulus tama ta Sinagoge mono nahanewe wina bani ate katauda wullana, hagapege bada hahepana pahangdda mono harehi lidadi yida tutu kalingora harehai Allah.
|
||
\v 9 Tanyiduwe, kole kapirrana ata katuyo atena mono talarage hatenawe, hagapege takkiwe hada kajapata tutu lara nada ta aroi ata buta, Paulus na bijakadi yidda mono na lekoyi ana halolena kako, hagapege hahepana pahangadda nahiyi laddo ta hakola Tiranus.
|
||
\v 10 Hada kataudana na hangattage kaduda dauwuna tanamu tangada ata ka engana ta Asia rangewe Linai Mori, ata Yahudi loho dumo ata Yunani.
|
||
\s Ananai Skewa
|
||
\p
|
||
\v 11 Allah na rayige buta harayina karehi wali kali damma lededi limmanai Paulus,
|
||
\v 12 Dajalage kaba hapi limma waleka kaba hopki mata ka kali jojanage kalitanai Paulus hangidi ta barada ata kalawara, tanamu kalawarada yidda bungayi mono wadi japata huna wali ta yidda.
|
||
\p
|
||
\v 13 Tabollo, kapirrana ka wugga kabalka Yahudi ka kako makilora da karahawe takkiwe Ngarai Mori Yesus ta ata ha tamana wadi japata hagapege ba lidda, “Nauwag hauragimi miyo wali tangarai Yesus hatalaranai Paulus!”
|
||
\v 14 Kapittuna ana kabaninai Skewa, wu ata rato madaka Yahudi, karayige.
|
||
\p
|
||
\v 15 Tanyiduwe, wadi japata nada balehawe mono linage tabarada yida, Nauwag tadai Yesus mono nauwag tadawe tutui Paulus, tabolo iyami miyo?”
|
||
\p
|
||
\v 16 Loho, ata hatamana wadi japata nada talahoka ta aroda yidda, mono kawahadi yidda, loho habakkeyi yidda tangada dajalage yidda malaiyi wali ta umma inna tamra kalolu mono pota.
|
||
\v 17 Hada inna da tada kahhawe ata Efesus, ata Yahudi, loho dumo ata Yunani. Mono, iydda tangngada ta tillu madautayi mono ngarai Mori Yesus kikihamanadawe.
|
||
\v 18 Butayi wali ta jongada yidda kaha tenabe engada maiyo, hagapege mangakuni mono talarage tangngage harayida yidda.
|
||
\v 19 Loho, buta wali ta yidda ka kali rayige wunnuyi oleda, kahhayi juratada yidda mono tunnuyi ta aro ata buta. Mono yidda da yapudi jurratada rada koledi hi'di na dikiyi lima kabulu rata kajibi amaha kaka.
|
||
\v 20 Nyiwe, Linai Mori tummu hakitawe mono kalubudi.
|
||
\s Paulus Na Hainyakawe Kakona
|
||
\p
|
||
\v 21 Kole bewe tangngage hada inna, Paulus na kabu atege kako ta Yerusalem kole nyi palakawe Makedonia mono Akhaya, waige ba linna, “Kole ba daga neda bali, nauwa dumo enga dahoge bagu etawe Roma.”
|
||
\v 22 Mono, kole bana halewayi kadudana ata kahanukkuyi ta Makedonia, halinawe Timotius monoi Erastus, nyi dauwu engana kapirra mahiggona ta Asia.
|
||
\p
|
||
\v 23 Ta mahiggo inna, neda bali na dadiwe makaura aika anana tuba lara nada.
|
||
\v 24 Oronage, da'ni ata kangaranai Demetrius, wu ata katukku amaha kaka, kaha dahha dauwu maraka amaha kaka Dewi Artemis, kayiyo hatutu dangage morha aika anana tubada tukang-tukangna.
|
||
\v 25 Tangada tukangna rada na kahhayi gauwudi pahaullana dokuge ha angtada mono linage, “Bagu ole baigmi, miyo um tadawe inna morha dahhada yita walige ta haullada inna.
|
||
\s Demetrius Nahadadige Makawura Ta Harona Efesus
|
||
\v 26 Loho, miyo um etawe mono um rangewe, wale ta Efesus kelma tabolo ta taupoge Asia, Paulus naha diddara beyi mono pahada beyi ata buta kabali waige bana takkiyi nadai Allah harayi wayi limana kadadi ata walei Allah mayi.
|
||
\v 27 Hada inne mayillawe, wale nyikelmawe haullada yida enga mono lari ta kahada li bawa, tabolo tauda jalage kuil Dewi Artemis kamanadana nada wale hilu yapu gauwu hokmani, mono nyi, ha kawojo ta Asia mono panu tana, enga bungage mandana.”
|
||
\p
|
||
\v 28 Kole yida bada rangewe hada inna, yida kiki kulha danga beni mono kawula-wula dage, “Madaka Artemis, dewi ata Efesus!”
|
||
\v 29 Loho, harona inna bannuge makawu mono yida gegera kaha dage ta uma manyanyi hagapege werakani Gayus mono Aristarkhus, ata Makedonia yida ole kako nadi Paulus.
|
||
\v 30 Tabolo, Kolei Paulus kabu atege kako tama ta jonga ata buta rada, ana halolena waleda pahai mani.
|
||
\v 31 Loho, kapirana ata madaka Asia kaoleni nyi hangidige wuyo li hanawu tabarana mono hapira wudage rainoge tabarana tutu inna yi wikina ta uma hadawu manyanyi inna.
|
||
\v 32 Nyiwe, wadeka dakaburu hawuna mono tauda jalanage wadeka, oro maublada rada dadi lari ta makaura mono wadeka yida waleda takmawe agawe kapege yida maiyi makaha.
|
||
\v 33 Wadeka wali ata kabuta rada da pohtawe Aleksander oro ata Yahudi da tulara beni ta aro mono kole Aleksander na yiyo tadka waidi limmana, nyi nakabu atege hagabba ta aro ata buta.
|
||
\v 34 Tabolo, kole yida bada tadawe nadai Aleksander ba ata Yahudiyi, batauge katutu duda jamge, yida tangada bada kabura waige wuhe lida, “Madakawe Artemis dewi ata Efesus!”
|
||
\p
|
||
\v 35 Kole juru tolha bana hamadakadi ata buta rada, nyi linaage, “Ta ata Efesus, iya yi ata aika tadayi inna harona Efesus nyi kajawayi hadaung dewi Artemis kama nadana mono kaburu wali ta Langta?
|
||
\v 36 Nyidawe, oro hada inna walena dadikmawe ba gabbage, miyo doku dage engada huni kadana mono wale rayidakmage kakapka.
|
||
\v 37 Oro, miyo um ngidi beyi rada ata tahadauwu inne aikarebo hadauwu waleka paddai dewi da yita.
|
||
\v 38 Oro batauda dage, nyi Demetrius mono tukang-tukang ka oleni waige ba dage hamaropo ate dangana tabara wu ata, Umma tijana mabugerawe mono dani Prokonsul haikadi yida kada hadikige pakaruhuda diha-diha.
|
||
\v 39 Tabolo, nyidawe miyo bana kabu atege wuyo hada nadeka, hada inna ba bewe lari ta makaha ata buta dokuge liyo ukku.
|
||
\v 40 Oro, yita ba dada lari ta mayila tutu bada karuhuda ledege kama kawura lado nehe oro lakma kappege aga hingkana kadadi bada pahirawe tutu hataboka kama kawura inne.
|
||
\v 41 Kole nyi bana takkiwe hada inna, nyi na hewayi maubla ata rada.
|
||
\c 20
|
||
\cl Kawukku 20
|
||
\s Paulus Ta Negara Makedonia Mono Negara Yunani
|
||
\p
|
||
\v 1 Kole inna kama kabora bana hadukawe, Paulus na kamaikadi ana halolena, mono bana hakulha dadi ateda yida, nyi nahanauwuyi yida mono kako aro ta Makedonia.
|
||
\v 2 Kole nyi bana li kahawe kalingora neda bali mono bana yidi tabarada yida hanuwa kabutala, nyi kaha diki ta Yunani.
|
||
\v 3 Mono, neda bali Paulus engana tauda wulla. Oro ata Yahudi rayige hawuna hatakki tutu gabbani kole nyi kabu atege dokuna tena ta Siria, nyi napohtawe tutu hagga lida ta Makedonia.
|
||
\v 4 Paulus dani olena Sopater wali ta Berea, anai Pirus, tubai Aristarkhus mono Sekundus, wali ta Tesalonika, mono Gayus wali ta Derbe, mono Timotius lohoi Tikhikus monoi Trofimus wali ta Asia.
|
||
\v 5 Yida da kako ullu mono yida daremagama nami ta Troas,
|
||
\v 6 tabolo nami dokuna tena wali ta Filipi kole beyo lado madaka kababa ka kabba, mono ammidi ta barada yida ta Troas ka limma ladona, neda bali nama engana ka pittu laddona.
|
||
\s Hadiknai Paulus Hadukka Waiyi Ta Harona Troas
|
||
\p
|
||
\v 7 Ta lado kadihana miggu nada, kole nami tamrama makaha tangama tutu hibbi kababa, Paulus nahanewe tabarada oro hakabu atege kako damage tana, mono nyi naha maluwuge hanauna kaha tilu gaddi.
|
||
\v 8 Dadi lati weyo takoro dawu dete, hadawu makahama nami.
|
||
\v 9 Mono, neda bali dani bauwu mane kangaranai Eutikhus tamrana ngodo ta baubina kaheli mono tilu mangatarai bana dura. Loho tamranai Paulus bana hakitana hanewe ta mahigo ka mojana, nyi kiki mangatranage dura mono monu ta keba hatauda waiyi mono ba keketayi bada matena.
|
||
\v 10 Tabolo, Paulus burru loho na baikada ta panu tauwuna, mono na yapuyi loho linage, “Ilam kawihakami oro ngahuna da hoge tabarana.”
|
||
\v 11 Kolei Paulus bana panne hagga, loho bana hibi kahai kababa mono yayo, nyi nahanewe tabarada tamahigo kamojana, kaha kokoka. Kole innage nyi nakako.
|
||
\v 12 Yida nangidiyi bauwu mane nada hagga waina morha mono da ma agu ate dangage.
|
||
\s Kako Wali Ta Harona Troas Kaha Ta Harona Miletus
|
||
\p
|
||
\v 13 Tabolo, kole kako ullu ta tena, nami ma dokuna tena ta Asos waige pahangada tabokayi Paulus nedo bali oro nyi na kabu atebege kataudana, nyi wiki dawu kabu atege kako nedo bali waige kako tana.
|
||
\v 14 Mono, kole nyi bana tabokama nami ta Asos, nami liyo nagalai, lodoge kako ta Metilene.
|
||
\v 15 Kole ba pannena tena wali neda bali, nami ma dikki damage tana ta Khios. Damalge tana, nami ma dahekawe Samos, mono diha ladoge jongage nami diki ta Miletus.
|
||
\v 16 Oronage, Paulus na pohta bewe dokuna tena liyo ta Efesus dajalage nyi walena bekmawe mahigo ta Asia oro nyi bana ringata kaha ta Yerusalem, nyi ba raga dakage ta lado Pentakosta.
|
||
\s Paulus hanewe ta Baiata Efesus
|
||
\p
|
||
\v 17 Wali ta Miletus, Paulus halewa ata ta Efesus mono halewi tangana baiata ta kangote amidi tabarada.
|
||
\v 18 Mono yida kole maiyi tabarana, nyi linage tabarada yida, “Miyo tadawe, aga linawe nauwa bagu morhawa ta jongamu kamojana, wali lado kawungana nauwa bagu dekedi ledugu ta Asia,
|
||
\v 19 Hagapege hanukuwe haullai Mori waige tangage li bawa ate, mono waige weyo mata, mono waige tangadi lima kaba kapijaw ledege katinaha newe ata Yahudi,
|
||
\v 20 Agalinadawe nauwa aigu patuwe taugu tutu talarage tabarami tangage kamangu gauna mono hanau gimi ta aro ata buta mono nahiyi umma.
|
||
\v 21 Tau takanage ugu yiwe kahira, tabarada ata Yahudi loho dumo ata Yunani, tutuge jarra tabaranai Allah mono hatena tabarana Morda yita Yesus Kristus.
|
||
\v 22 Mono batauge, etawe, waige bana katiga Waddi, nauwa tamragu kako ta Yerusalem, walegu tadakmawe agawe kadadi tabaragu neda bali,
|
||
\v 23 Likege nada Waddi katenguna bana pahirawe katau takkana nahiyi harona tabaragu inna ba ta galwa mono hamayilla danga na rema bega nauwa.
|
||
\v 24 Tabolo, nauwa walegu hangadak mage taugu mangu hige tuba tauwu dauwugu dajalage nauwa kana dadiwe bagu bewe haullagu mono hanukku haulla pahibagu wali tai Mori Yesus, haluguna tutu pahirawe waige katauwu takana li ege ate kanyurui Allah.
|
||
\p
|
||
\v 25 Mono batauge, etawe nauwag kilorage talarage parehana, enga etaguge mata daugu.
|
||
\v 26 Oro innage, nauwag pahira mige tabarami lado nehe inna nauwa aigu jalage tuba rami tangami.
|
||
\v 27 Oro, nauwal walegu patu wikimagu tubatalarage tabarami tangage hakabu atei Allah.
|
||
\v 28 Pamatarage tauwu wiki dauwumi mono tangada olemu, neda tabara Wadi biha naha dadi begimi kahamatarage tutu karawayi ana hatenai Allah, hakole bena nyi waige rayo dauna.
|
||
\v 29 Nauwag tadawe kole bagu kakowa, tangada ranga bani enga amidi tajongami, walena manawara madi ata haetana rada.
|
||
\v 30 Mono, wali tabara wiki daumi enga kaddeda ata bada hanewege tutu hada kahajalora mono da tingiyi ana haloleda wali ta yidda.
|
||
\v 31 Oro bataudage, karawa kiwela, hagapege namuwe lado mono gadi, katauda dauwuna mojage, nauwa walegu ngahugmawa apemi miyo diha-diha waige we mata.
|
||
\p
|
||
\v 32 Mono batauge, ug pahadegimi tabarai Mori mono ta liyo manawara-Na kamukagimi hakademi mono kayigimi dauwumi tajonga tangana ata katenguna.
|
||
\v 33 Walegu kabu atemana amaha kaka, waleka amaha rara, waleka iya hingkanage kalabe.
|
||
\v 34 Mi dauwu tada dauwuwe limagu rade hanukuwe hakabu ategu mono yida ka olega nauwa.
|
||
\v 35 Lari ta tangage, nauwagu hatingo bemi tabarani duka dahege kada ula wikkana katauna hada inne, yita da tull dahona ata kaloja mono ape hatakna mordai Yesus, nyi balina dage, “Rehina manada hoge bada yiyo wali bada hiba.”
|
||
\p
|
||
\v 36 Mono, kole nyi bana takwe tangage innage, nyi na takkodi kuddona mono Sembayang dangadi yida tangada.
|
||
\p
|
||
\v 37 Lodoge, buta kahoyo ta jongada yida tangada mono yida da yapunage kokonai Paulus, loho da ngakhayi,
|
||
\v 38 Yida hadda marabehayi ateda, banningge oro hanewena nyi hatakna yida enga wale da takmanage matana lage. Loho, yida da oleni Paulus ta tena.
|
||
\c 21
|
||
\cl Kawukku 21
|
||
\s Paulus Kako Ta Yerusalem
|
||
\p
|
||
\v 1 Kole nami bama pahewa wali ta yida mono bana kako, nami wingmage dokuna tena ta Kos, mono dammage tana ta Rodos, mono wali nedo ta Patara,
|
||
\v 2 Kole nami bama dikini wuyo tena ka pala ta Fenisia, nami ma pane ta tena bama dokuni.
|
||
\v 3 Kole nami bama eta mawowe Siprus, nami ma lida ta bara kalima nami mono engage bama kako ta Siria, loho buru ta Tirus oro tena enga haburu nadi pahailana.
|
||
\v 4 Kole bama dikidi ana halolena, nami engama pittu laddo. Mono ledeni Waddi, yida da hanuwa hangatani Paulus ilana panne ta Yerusalem.
|
||
\v 5 Kole mahigoma nami nedo bali dukage nami kako mage mono hakitana kako. Yida tangada, oledi ole umada mono anada, lo tauma nami kaha diki ta bali harona. Loho kole takodi kudo ta niri banu mono Sembayang,
|
||
\v 6 Nami ma hanauwuyi diha-diha. Bege, nami ma pane ta tena mono yida hagga ta umada.
|
||
\p
|
||
\v 7 Kole nami bama hadukawe kakoma wali ta Tirus, nami ma diki ta Ptolemais, mono nami mahanewe dangadi ole baima ta hatena, loho oledi yida diha lado.
|
||
\v 8 Dikige damage tana, nami makako ta Kaisarea, loho ma tama ta uma ledu limanai Filipus, kahawuna wali kapituna ata, loho engada oledi.
|
||
\v 9 Nyi dadi kapatana ana lawaina aika bau kabaniho kahuru bale,
|
||
\v 10 Ba tamrama nami dawu ta nedo kapira ladona, wu nabi kangarana Agabus buru wali ta Yudea.
|
||
\v 11 Loho, kole bana dikigama nami, nyi na ngalawe kalri bagenai Paulus mono na kattige ta limana mono ta leduna dauwuna, loho linage, “Inne nyiwe hatakna Wadi katenguna, waige hada ine ata Yahudi ta Yerusalem enga katda ata kadauwuge kalari bage inne mono da yiyi ta limana ata wadeka.”’
|
||
\p
|
||
\v 12 Kole nami bama rangewe inne, nami mono ata ka engana neda da rainoni Paulus bana dadikakwe ka ilana kako ta Yerusalem.
|
||
\v 13 Bege, Paulus na balehawe, “Agawe harayimi, hoyo mono hapakha gage ategu? Oro nauwa ug hainayaka bewe, wale nyikelmawe ba katga, tabolo dumo mate ta Yerusalem waige ngaranai Mori Yesus.”
|
||
\p
|
||
\v 14 Mono, oroi Paulus walena dadikmawe halojange atena, nami kadana mage mono linage, “Pahaikage hakabu atei Mori kana dadiwe.”
|
||
\p
|
||
\v 15 Kole ba pirra ladona, nami ma hainyaka mono kako ta Yerusalem.
|
||
\v 16 Kapirana ana halolena wali ta Kaisarea dumo kako marangama nami, hagapege ngidima nami ta umanai Manason, ata Siprus, wuyo ana halolena kamoja bena waini nyiyo nami engama.
|
||
\s Paulus na lo haelo tai Yakubus
|
||
\p
|
||
\v 17 Kole nami bama diki ta Yerusalem, ole baima ta hatena tabokama nami waige lagebora.
|
||
\v 18 Loho, damage tana, Paulus marangama nami dikini Yakobus, mono tangada bai ata amidi.
|
||
\v 19 Kole bana maringna tabarada yida, Paulus halege nage takiwe diha-diha aga bewe harayinai Allah tajonga kabihu ata wadeka lede pahanukuna.
|
||
\v 20 Mono, kole yida rangewe, yida da hadiyi Allah. Loho yida lidage tabarai Paulus, “Etayige olebai, kapira ratana ata ta jonga ata Yahudi nedo bali kahatenabe mono yida da mikku tuba uku pareha Taurat,
|
||
\v 21 mono yida da takibewe tabaramu yauwu, halidana yauwu bamu hanuwa bedi tangada ata Yahudi tajonga kabihu ata wadeka tutu haipa wali ta uku parehai Musa, hagapege bamu talaradage yida ilada hakabunyi yi anada yida waleka kako dalwe kakali dama ta yita.
|
||
\v 22 Loho, aga dahowe harayida yita? Yida enga range dahingdage inna yauwu ba dabegu.
|
||
\v 23 Oro batauda gege, rayige agawe namai hatakma inna tabaramu. Dadi kapatana ata wali ta nami kadana ta kabu haroro be,
|
||
\v 24 Ngidiyi yida mono hamurahage tawumu gaudi dida, loho yidi kahewada yida kada kikrayi katakuda yida, waige kataudana, tangana ata enga tada dage bana kawohokawe tangage hada hatakbe ta barada yida tubage yauwu, tabolo yauwu dauwu dumo morha dokuge uku pareha Taurat.
|
||
\v 25 Tabolo, tubada yida kabihu ata wadeka kaha tena be, nami ma tulha bedi jurata mono pohtawe inna yida dapahilu dahingho wali, ‘Kahila hamaraka waibe tabara kahala tauwu, mono wali ta rayo, mono wali agai hapahela mono wali ta doku jala kadadi ata da.’”
|
||
\s Paulus Da Yapayi
|
||
\p
|
||
\v 26 Bege, Paulus da ngidiyi ata rada, loho damage tana kole nyi hamurahage tauwuna oledi tanagada yida, nyi tamanage ta uma Allah mono takiwe rahi hamuraha wiki naha dukkawe kole maraka manuta ba yidadi tabarada diha-diha.
|
||
\p
|
||
\v 27 Kole bana banuge kapitu ladona, ata Yahudi kawali ta Asia, kole bada etayi Paulus ta uma Allah, nahakaboradi ata buta mono kayapayi Paulus,
|
||
\v 28 Hagapege kawula, “Ta ata Israel, tuluge! Ata nade naha nuwadi tangada ata ta gi-giyo gabage kabihuda yita, mono uku pareha Taurat mono hadauwu inne. Mono, rehwalge, nyi na ngidiyi ata Yunani lari ta umai Allah mono naha otora bege hadauwu muraha inne”
|
||
\v 29 Oroge, ai yidaho etabeyi Trofimus, ata Efesus, bada oleni lari ta harona mono yida hayapada Paulus ngidi beyi tama lari ta umai Allah.
|
||
\p
|
||
\v 30 Bege, tangage harona da kadadaka mono ata buta amidi kangoyina. Yida yapayi Paulus mono yoriyi tabali hadauwu huna wali ta Uma Allah, loho tangadi bina Uma Allah be hatoniyi.
|
||
\v 31 Tamarada yida bada runige tutu hamateyi, dikkiwe liyo tabarada paama tentara Roma inna tangage Yerusalem tamara kabuhaka nage.
|
||
\v 32 Neda mema, nyi na ngidiyi tangada tentara mono perwira, loho malai buru tabarada yida. Mono, kole ata buta rada etawe paama tentara mono prajurit, ngahu ha paluyi Paulus.
|
||
\v 33 Kole innage, paama tentara dahekayi Paulus mono na yapayi, loho na harehayi Paulus kakatti waini dogayu kalari bahi, loho, nyi na kanukayi ba iyayi Paulus mono agawe harayina.
|
||
\v 34 Tanyiduwe, wadeka ata buta rada da kawula mono wahokadi wadeka. Mono kole nyiyo aina dadiwe tadawe kalijaka hada oro kawihaka dangage, nyi naharehayi Paulus ka ngidiyi ta lodana.
|
||
\v 35 Kole nyi bana dikki ta nauta, Paulus paharuhoyi rada tentara oro banida ata buta,
|
||
\v 36 Oronage, ata buta rada doku hakita dadi yida, hagapege bada kawula, “Pungani nyiyo!”
|
||
\p
|
||
\v 37 Tamrage Paulus ba tama ngidiyi Paulus ta katora, Paulus nahanewe hodi tabara paama tentara, “Na dadikakwe nauwa bagu hanewewa hodi tabaramu?”Mono, paama tentara nada na balehawe, “Yau um tadawe hanewe Yunani?
|
||
\v 38 Bataudage, yauwu wale ata Mesiruk mawu kapira ladona langage kapadadige makabora mono ka kododi pata rata ata kahamate oleda ta marada gilra?”
|
||
\p
|
||
\v 39 Taboloi Paulus linnage, “Nauwa ata Yahudiwa kawali ta Tarsus, Kilikia, wu ata wali taharona kabaningna. Nauwag rainoge, hamalogaga nauwa kagu hanewewa ta ata radde.”
|
||
\p
|
||
\v 40 Mono, paama tentara bana yini maloga, Paulus na dede ta nauta mono na yiyo tadka tabarada ata waidi limana. Loho, kole bana kadana hingwe, nyi na hanewe tabarada yida waina hanewe Ibrani bana hanewe.
|
||
\c 22
|
||
\cl Kawukku 22
|
||
\s Paulus na Takkiwe Jarrana
|
||
\p
|
||
\v 1 “Tangami ole baigu mono paama-paama, rangewe hatakkigu batauge tabarami.”
|
||
\v 2 Mono, kole yida bada rangewe nadai Paulus bana kamaikadi yida lari tahanewe Ibrani, yida kiki-kiki kadana dage, mono Paulus linage,
|
||
\v 3 “Nauwa ata Yahudiwa, ka dadi ta Tarsus, Kilikia, tabolo ka matuwa ta harona inne, pahakolanaga Gamaliel hadda nujuwe dokuge uku ama wedada yita, mono dadi mikkung tubai Allah, katujana miyo tangami lado nehe.
|
||
\v 4 Nauwag hamyilayi lara nade kaha dikki ta mate, katidi mono hatamadi yida kabani mono lawaiyi, lari ta gallu,
|
||
\v 5 Katuja dumona Rato Madaka mono tangada bai ata dadiwe tabaragu. Wali ta yida gu hibawe jurata tubada ha ole baiyo ta Damsyik mono kako tutu kattidi yida kadana nedo bali ta Yerusalem rayida hatahan ha yiyo rakkana.
|
||
\p
|
||
\v 6 Nyiwe, na dadiwege, tamragu nauwa lari ta lara mono hodi mowe bagu dik ta Damsyik, ba tauge katutu didara ladowe, naha yaddawe wu magakaha ka wali ta langta makilorawe bana rewowe.
|
||
\v 7 Nauwa gu katabawa ta tana mono rangewe wu liyo kalinna tabaragu, ‘Saulus, Saulus ahha yauwu mam hamayillawa nauwa?’
|
||
\v 8 Mono, nauwag balehawe, ‘Iya dawu yauwu, Mori?’ lodoge linage ta baragu, ‘Nauwaknai Yesus wali ta Nazaret, ha tamramu hamayilla.’
|
||
\v 9 Ata kamarangaga naetawe magakaha inna, tabolo walena yappak mawe ngihige inna liyo ata katamrana hanewe tabaragu.
|
||
\v 10 Mono, nauwa luguge, ‘aga dahowe harayigu ge, Mori?’ Monoi, Mori na balehawa nauwa, ‘Dedewu mono kako ta Damsyik, mono neda bali, yauwu ug takiguge tangage paha inyaka begugu tutu harayi homu.’
|
||
\v 11 Mono, kole nauwa aigu etawa oro manada magakaha inna, nauwa hatutuga ta lara ata kaolega mono tama ta Damsyik.”
|
||
\p
|
||
\v 12 Bege, dani ata kangaranai Ananias, ata muraha dokuge uku pareha Taurat, hatadabeda tangada ata Yahudi ka engana neda bali,
|
||
\v 13 mai ta baragu, mono kole bana dede tatibigu, nyiyo linage, ‘Angu wuyo Saulus, kamu etawuge!’ lodoge, neda mema dumo, nauwa dadiwe eta haga mono etayi nyiyo.
|
||
\v 14 Mono, nyi linage, ‘Allah ama wedada yita nahainyaka bewu tutu tadawe hakabu ate-Na mono etawe Katena, loho rangewe liyo kawali ta ba-Na,
|
||
\v 15 Oronage yauwuk na dadi ata kapahirage tuba-Na tangana ata tutu agawe yauwu haetamu mono harangemu.
|
||
\v 16 Mono, batauge, aha yauwu mam hadiki-dikige? Kadewu mono yiwe tauwumu kaharihawu, loho hamurahadi doku jalamu hagapege kamaikanage ngara-Na.’”
|
||
\p
|
||
\v 17 “Kole nauwa bagu haggawa ta Yerusalem mono tamrag Sembayangna ta Uma Allah, nauwa banuga Waddi Katenguna,
|
||
\v 18 mono nauwag etayi Nyi na hanewe tabaragu, “Hainayakawu mono gehawu huna wali tga Yerusalem oronage yida waleda hibak maguge papahiramu tubagu Nauwa.’
|
||
\v 19 Lodoge, nauwag hanewewa, ‘Mori, yida dauwu tadawe bagu hatamadi ta gallu mono kattidi yida kahatenabe tabara-Mu, wali ta wuyo Sinagoge ta Sinagoge wadeka.
|
||
\v 20 Bege, kole rayo papahira-Mu, Stefanus, na majokuwe, nauwa dauwu tamragu dede neda bali, ug gauge pohtawe, mono ug angu dadi kalabeda ata kahamateyi.’
|
||
\v 21 Kole innage, Yesus nahanewe ta baragu, ‘Kakowi! Oronage, nauwa ug halewawu yauwu kako kamarauwu wali ta kabihu ata wadeka.”’
|
||
\p
|
||
\v 22 Ata buta rada da rangeyi Paulus kahha ta hanuwa inna. Kole innage, yida tangada keketayi lida yida mono lidage, “pungani ata kataudadana nada wali ta panu tana oro nyi walena marakakma bana morha!”
|
||
\v 23 Loho, tamarada yida hakitana kawula, mono da tukku waini kalabeda yida, mono da habarage kabka ta rereha,
|
||
\v 24 Paama tentara nahanewe tanamu Paulus kangidiyi ta katorana, hagapege balinage paullu hanuka dahoyi waini palu dajalage nyiyo dadiwe tabokawe kappege ahha yida mada kawula gabbani nyi tujjana inna.
|
||
\v 25 Tabolo, kole yida behalotarana kalari kalita, Paulus linnage ta Perwira kadede tabarana, “Na dahakake tabarami miyo tutu paluyi wu ata ba nyi ata kalingora pahareha Roma mono wale tibakmanage jalana?”
|
||
\p
|
||
\v 26 Kole perwira inna bana rangewe, nyi na kako ta paama tentara mono na takkiwe, linnage, “Agawe yauwu harayimu? Oronage ata nade ata kalingora pahareha Romai.”
|
||
\p
|
||
\v 27 Nyidawe, paama tentara nadda ammini mono linnage tai paulus, “Ngo”
|
||
\v 28 Paama tentara nada balehawe, “Nauwag kolege ata Negara innewu waige ammha buta.” Mono, Paulus linnage, “Tabolo, nauwa bagu dadi ata innewa,”
|
||
\v 29 Nyiwe, ata kaengana kanukayi Paulus geha datannani mono paama tentara namadauta kole bana tadayi Paulus ba ata Romayi mono nyi bana katti beni.
|
||
\s Paulus Hanewe Dangadi Paama Yahudi
|
||
\p
|
||
\v 30 Tanyiduwe, damage tana, oro paamada tentara kabu atege tadawe kappege katetakkana ahai Paulus mada karuhuyi ata Yahudi rada, nyi napahalayi Paulus mono naharehayi Rato-rato katakuge loho tangada Sanhedrin kada maubla, loho nyi ngidyi Paulus kako mono haaronita tilluda yida.
|
||
\c 23
|
||
\cl Kawukku 23
|
||
\p
|
||
\v 1 Paulus na hamatarani Sanhedrin mono linage, “bagu ole baigimi, nauwa hakako bewe morhagu waige kalaku ategu kahadda dahha ta aroi Allah kahha nehe lado.”
|
||
\v 2 Halegewe, Rato Madaka Ananias naharehayi ata kadede tabarai Paulus tanamu ka kapakkoka nage ba nai Paulus.
|
||
\v 3 Bege, Paulus linage tabarana, “Allah engage bana kapakkoka kawu, ta miyo koro ha cet wai ka kaka! Engam ngodomi miyo tanamu ka yini rakkana dokuge Hareha Taurat, tabolo enga layimige hukum waige ba halewai tanamu ka kapakkokawa nauwa?”
|
||
\p
|
||
\v 4 Ata kadede tabarana liddage, “Walle paddak midi Rato Madakai Allah?”
|
||
\p
|
||
\v 5 Bege, Paulus linnage, “Nauwa waleg tadakmawe, bagu olebai gimi, oroge nyikduna Rato Madaka. Oroge, kamatulaha, ilam hanewe bokalaka tubana wu ata kanaroge katakkuge.’”
|
||
\p
|
||
\v 6 Tanyiduwe, kolei Paulus bana tadawe wadeka ba ata Saduki mono wadeka ata bokalai, Paulus na kawula ta tillu Sanhedrin, “Ole baiyigu, nauwak duna ata bokala, anana ata bokala. Nauwa tamragu harehawa oro ka mamanne mono kadde hagga ata kamate!”
|
||
\p
|
||
\v 7 Kolei Paulus bana takkiwe tutu inne, na dadi aika hawuna ta tilu ata bokala mono ata Saduki, mono na mahewa-hewawe.
|
||
\v 8 Oroge, ata Saduki lidage wale lakmage morha hagga, lakma malaikat, mono lakma waddi, tabolo ata bokala da hatenawe tangage inne.
|
||
\v 9 Loho, nadadiwe kawihaka aika anana mono kapirrana ahli Taurat wali ta haibo ata bokala da dede mono kayakage, “Nami walema jammuk mawe jalana nade ata. Agalinakakwe waddi ai waleka Malaikat bana hanewe tabarana?”
|
||
\p
|
||
\v 10 Bege, kole aika hawuna bana kiki matabawe, paama tentara na madauta nadei Paulus bada hamatekayi rada ata buta, loho naharehayi prajuritna burru mono ngalai Paulus ta jonga ata buta waige bada pakhayi, loho da ngidiyi ta katorana.
|
||
\p
|
||
\v 11 Dihha gadi walige, Mori nadede ta tibinai Paulus mono linage, “Hamaddoge atemu oro yauwu im hatingobege waige kalaku atemu tutugu Nauwa ta Yerusalem, tauda jalage yauwu um hatingo dahoge ta Roma.”
|
||
\s Hakabu ateda Hamatayi Paulus
|
||
\p
|
||
\v 12 Kole bana magakahage, ata Yahudi da hawuna pahangada, mono katti wikina yida bada haura waige aida yayo mono enu langka aga hingkana kahha aida hamate hoyi Paulus.
|
||
\v 13 Da rehi wali ta pata kabulu ata kahawuna pahangada inne.
|
||
\v 14 Yida da maiyi ta paama-paama mono rato-rato, loho lidage, “Nami makatti wikibena waige bama haura aima kabihkana langka agahingkana kahha bama hamateyi Paulus.
|
||
\v 15 Batauge, oro ba tauda dage, yauwu, oleni Sanhedrin, takinage paama tentara tanamu kana burru ngidi gimini tabaramu, kameranage yauwu bamu pohtawe palakarana waige hamatara takkage mono nami ma hainyaka wikna tanamu kahamateyi, aina dagetawe hadauwu inne.”
|
||
\p
|
||
\v 16 Tabolo, wu lakawa kabani ana wattonai Paulus rangewe tutuge ba yapayi, dajalage na tama ta katora, na takkinagei Paulus.
|
||
\v 17 Paulus na Kamaikani wu Perwira mono linagr, “Ngidiyi nade lakawa bau mane tabarana paama tentara oronage nyiyo dage ha lo takkina tabarana.”
|
||
\v 18 Bege, Perwira nada na ngidiyi tabarana paama tentara mono linage, “Paulus, nada hatahaka, na kamaikaga mono na karaiwa tanamu ka ngidiyi bau mane nada oro ba da hatakkina tabaramu.”
|
||
\p
|
||
\v 19 Paama tentara na na naro nadi limmana bau mane nada, tingiyi ta tibina, mono nahalegewe kanukayi, “agayi hatakimu tabaragu?”
|
||
\p
|
||
\v 20 Hlegewe, nyi na baleha, “Ata Yahudi da hawu bena pahangada da karaiyiwu tanamu kabauru ngidyi Paulus ta Sanhedrin koka, lodoge yida da kanukayi diha kawuku karehi tijana tubana nyi.
|
||
\v 21 Batauge, ilam range kayi yida oroge dadi pata kabulu rehi ata wali ta yida ka tamrana herini Paulus, ka haura tanamu ila yayo mono enu kaha yida bada hamateyi Paulus. Mono batauge, yida da hainyakabe mono tamara remadage bamu ngo kage.”
|
||
\p
|
||
\v 22 Halegewe, Paama tentara na halewayi bau mane nada hagga, hagapege bana hanauwuyi, “ila daka dau takki muge langka iya hingkayi yauwu ba bada haggamu wali tabaragu mai takki gage tutuge inne.”
|
||
\s Paulus da Hangidini ta Harona Kaisarea
|
||
\p
|
||
\v 23 Bege, paama tentara nada kamaikadi duda ata Perwira mono linage, “Hadinyakayi dongahu tentara, loho pitu kabullu ka kalete jara mono dongahu Prajurit kamangu bajlana, tanamu ka kako ta Kaisarea, nehe gaddi nehe ta jam kataudana.
|
||
\v 24 Haganna jalana ranga tutnai Paulus kana kalete mono ngidiyi nyi kana tolka tabaranai Felik, gubernur.”
|
||
\v 25 Tomage, nyiyo na tolhawe walla jurata, kalinna dana punyige:
|
||
\v 26 Kawli dawe tai Klaudius. Tabarana Gubernur Felik kahada madana.
|
||
\pi
|
||
\v 27 Ata nade hayappa jalani ata Yahudi mono hodikmowe bada hamateyi yida tamarag bagu maiwa oledi Prajurit-prajuri mono hatolkayi nyi, kole batadawe oroge nyi ba ata Romayi.
|
||
\v 28 Oroge nauwa kabu atege tadawe agawe kappege yida bada haduwu nage, nauwag buru ngidiyi ta Sanhedrin da yidda.
|
||
\v 29 Nauwag jammuwe oroge nyi da hadauwu nage tutuge pahareha Taurat yida, tabolo wale lakma kappege tanamu kahamateyi waleka hatamani tagallu.
|
||
\v 30 Kole bada takgage tabaragu oronage enga da dahoge hawuna paahangada tanamu ka gabbani ata nade, Nuwag hageha harehayi ata kahadauwunage bada pahirage yida tabarana ta aro matamu.
|
||
\p
|
||
\v 31 Halegewe, Parajurit dokuge pahareha nadi yida, nagalayi Paulus mono ngidiyi nyi waini gaddi ta Antipartis.
|
||
\v 32 Damage tana, yida da nyamadi ata ka kalete jara rada kako marangani, bege yida hagga ta katora.
|
||
\v 33 Kole yida diki ta Kaisarea mono hadajalage jurata inne tabarana gubernur, yida jala da ha aroni Paulus tabarana.
|
||
\v 34 Kole gubernur bahhawe jurata inne, nyi na kanukayi Paulus ba gi hadauwu walina. Mono, kole bana tadayi Paulus ba kawali ta Kilikia,
|
||
\v 35 nyi linage, “Nauwag hatokawu kole rade kahadauwu guge ba ammi jaladi.” Bege, nahalewayi tanamu marangani Paulus lari ta katora madakai Herodes.
|
||
\c 24
|
||
\cl Kawukku 24
|
||
\s HAWAUDA ATA YAHUDI TABARANAI PAULUS
|
||
\p
|
||
\v 1 Limma laddo hegege, Ratao Madakka Ananias brru dangadi kapirana bai ata mono wuyo ata ta tilluna ka nagaranai Tertulus. Yidda daha dikkidi paka karuhhuda tabaranai Paulus tabarana Gubernur.
|
||
\v 2 Kole hamaikani, Paulus kapu dage hawauni waige ba lidda, “Oro, ledegu mori, nami ma padage kamoli mono kaberu nadadiwe tubada kabihhu ata radde oro dahha nai mori,
|
||
\v 3 nami ma tabo kami waige tanga ngara hada mono ta tanga ngara hadau waige lima wai, Ka manadana Feliks.
|
||
\v 4 Ta nyiduwe, dajalage ilam be dangage mahiggomu, nauwa ug rainoge maradda atemu tutu rangema nami langka hodi kawe.
|
||
\v 5 Oro, nami ma tabo ka beyi ata nadde nyi ata kaha wiha kage, mana dadiwe kawihaka ta jong ata Yahudi ta hagala panu tana. Mono, nyi pa ama sekte migguyi.
|
||
\v 6 Nyi lohho na kabu atege ha otorage Ummanai Allah dajalage nami mama yappayi. [ Nami hakabu atema ka yini tija dokuge nauta morhama nami.
|
||
\v 7 Tabolo, Lisias, kapala ha ibbo inna, ammini lohho karamani wali ta liommama nami waige bani,
|
||
\v 8 ha gapege harehayi ata kaha wauni kapiku ammini arogu yau.] Waige ba reha dauyi, yau enga tada muge wali tabarana tutu tangage inna nami paha wau mani tabarana.”
|
||
\v 9 Ata Yahudi dummo daha wuna takki ta ha wau da inna hagapege bada hadidarawe tangage inna bana tenawe.
|
||
\s BALEHANAI PAULUS TA ARONAI FELIKS
|
||
\p
|
||
\v 10 Kole Gubernur yige kabakduge tubanai Paulus kana hanewe, Paulus, balehawe, “Kole nauwa bagu tadawe ka biyo dauna inna yau bamu dadi hakim ata kabihhu ata radde, nauwa waige kalagahara ug gabage.
|
||
\v 11 Yau um tadawe inna aina rehiwe wali kabulu duda laddo kalanga bena nauwa ug panne bewa ta Yerusalem kangotena.
|
||
\v 12 Yidda waleda kalli tabokak mawa nauwa ba tambaragu hatajina hatakki langka iya hingu kayi waleka dullayi ata kaha ibbo butana ta Ummanai Allah, sinagoge-sina goge, lohho dummo lari taha rona.
|
||
\v 13 Yidda dummo waleda dadik mawe hatingoge tada tabaramu agawe inna ha wau daga tabaragu batauge.
|
||
\p
|
||
\v 14 Tabolo, nauwa ug ma ngakuwa tabaramu, inna dokuni lara nadda, paha ngarada sekte, nauwa ug kangotena tabaranai Allah weda waikada yitta, olefdi ata hatena wadeka ta tangage dokuge Ukku mono kama tolha lari ta jurata tanagad nabi,
|
||
\v 15 hagapege ha yodage hamanne neda lari tai Allah, harema jalada yitta, inna ba dage kadfde hagga, tabrada ata katena lohho dummo ai katena.
|
||
\v 16 Lari ta hada inna, nauwa ug kabu atege kagu karawawe kalaku ategu katenguna, inna ta aronai Allah lohho dummo ta kadadi ata.
|
||
\p
|
||
\v 17 Batauge, kole kapirra dauna, nauwa ammiga ngidi manuta tuba kabihhugu mono yiyo tanga ngara manuta.
|
||
\v 18 Ba tamragu nauwa rayige, yidda da tabo kawa nauwa, kole nauwa baha murahaga ta Ummanai Allah, wale ha ibbok mana ata wale na kawihak mawe. Tabolo, neda bali kapirana ata Yahudi wali ta asia.
|
||
\v 19 Doku dage, yiddala kadana ta raomu mono kayiyo hawauina, nyi ba damema dage hodiki tutu gabaga nauwa.
|
||
\v 20 Waleka, yammadi ata radda wiki dau kada takkiwe agawe halayigu hatabo kada ta aro Sanhedrin,
|
||
\v 21 likkege wu paha nukkada pa wulagu nauwa ug dedewa ta jon gada yidda, ‘Oro kadde hagga ata kamate, nauwa yiga rakkagu laddo nehhe.”’
|
||
\p
|
||
\v 22 Ta nyiduwe Feliks, ka mangu paha ngadana rehi na yanna dahowe tutu lara inna, haiharage kadadi inna waige balinna, “Kolei Lisias, kapala ha ibbo nadda, burru, nauwa ug pohtawe palakaramu.”
|
||
\v 23 Bege, Feleiks naha rehayi perwira nadda nadai Paulu ka engage tahanuni, tabolo waige kalewara mono ilam here kadi olena hanukkuyi nyi.
|
||
\s PAULUS NAHA NEWEGE TUTU HATENA LARI TAI KRISTUS
|
||
\p
|
||
\v 24 Kole pirra laddoge, Feliks ammikni olen ole ummana, Drusila, ka ata Yahudina mono halewayi Paulus mai mono rangeyi Paulus bana dula kawe hatenana lari tai Kristus.
|
||
\v 25 Lohho, tamranai Paulus bana hanonekana hangada tutu katena, pattu wikina, mono rakage nimmi ka ammina, Feliks na dadi madauta mono linage, “Kakomge batauge. Kole nauwa kolena mahiggo, nauwa enga kamika gugu.”
|
||
\v 26 Ta mahiggo inna, Feliks na kabu atege nadai Paulus enga yina amaha. Oro inna, Feliks naha lewa juawayi Paulus mai mono hanewe dangani.
|
||
\p
|
||
\v 27 Ta nyiduwe, kole haduda dauge, Perkius Festus na jeluyi Feliks. Mono, oro bai hadahha nage ateda ata Yahudi, Feliks na yammamni Paulus neda lari ta gallu.
|
||
\c 25
|
||
\cl Kawukku 25
|
||
\s PAULUS NA KARAIWR ARONI KAISAR
|
||
\p
|
||
\v 1 Tauda laddo hege, Festus na dikki ta provinsi inna, kole nyi bana kako wali ta Kaisarea ta Yerusalem.
|
||
\v 2 Rato-rato kapala mono pa ama Yahudi na aroni hawauna gabani Paulus, mono yidda daha kitage karuhhuyi Festus,
|
||
\v 3 hagapege karaiyiyi marad atena tabarada yidda waige bada halewayi ngidiyi Paulus ta Yerusalem, kole yidda bada woroge kapiku hamateyi Paulus ta tillu lara.
|
||
\v 4 Festus bale hawe nadai Paulus enga dahoge ba tahanuni ta Kaisarea mono inna nyi dau enga na geha maidahho.
|
||
\v 5 “Nyiwe,” linage, “Yammadi tangada pa ama ta jongami kako neda bali olega, mono nyi badaka kajala ta ata wadeka radda, yammadi yidda kada hadikkige hakaruhhuda tabarada yidda.”
|
||
\p
|
||
\v 6 Kolei Festus engana tajongada yidda wale na rehik mawe wali ta podo pata waleka kabulu laddo, nyi na hagga ta Kaisarea. Lohho, damma hege tana, nyi na ngodo ta kursia hadau tija mono na rehawe kangidiyi Paulus ta arona.
|
||
\v 7 Kolei Paulus dikki, ata Yahudi kamai wali ta Yerusalem dede kilorani, mono da hadikidi butalayi hawau dani kabikta gabani Paulus, aih hatingona tada katuba.
|
||
\v 8 Tamrage inna, Paulus naha dikige balehana, “Nauwa waleg rayik mage kajala aga hingkana kaha gabba, Ukku Pereha Taurat Yahudi, Umma Allah, lohho dummo Kaisar.”
|
||
\p
|
||
\v 9 Ta nyiduwe, oro bada baige hadahha dage ateda ata Yahudi, Festus linnage tabarai Paulus, “Appa yau um baige kako ta Yerusalem mono yigu tijana neda bali ta aromu tanhgage inna paha wau dagu inna?”
|
||
\p
|
||
\v 10 Tabolo, Paulus linage, “Nauwa dede guge ta aro hadau tijana Kaisar, hadau doku dage nauwa ba tijaga. Nauwa waleg jalak mawa aga hingkana ta aro ata Yahudi katau mi hatada daumi.
|
||
\v 11 Nyidawe, nyi nauwa kajala mono karayige hudi akki katuba li hoku mate, nauwa waleg malai mawa wali hoku mate inna. Ta nyiduwe, nyi hawauda yidda tabaragu ai daka katena, wale lahingmana wu ata dummo ka yiwa nauwa tabarada yidda. Nyiwe, nauwa magu baige hadikki tija karehi madehta tabara Kausar.”
|
||
\p
|
||
\v 12 Bege, kolei Festus woro dangadi sanhedrin, nyi na balehawe, “Yau um panne bewu ta tijana karehi madehta ta bara Kaisar, nyiwe tabara Kaisar yau um kako dahhowu.”
|
||
\s FESTUS NAKA NUKKAWE TA RAJA AGRIPA TUTUI PAULUS
|
||
\p
|
||
\v 13 Kole ba pira laddoge, Raja Agripa mono Bernike dikki ta Kaisarea tada ha akani Festus.
|
||
\v 14 Ba tamarana bada engan neda bali kapira laddona, Festus naha larawe tutunai Paulus tabarana raja linage, “Dani wu ata ka engana tahan nai Feliks.
|
||
\v 15 Kole ba daga ta Yerusalem, rato-rato kapala mono bai ata Yahudi daha dikkige tangadi hawau da gabani mono karaiyiyi kapiku hokuni.
|
||
\v 16 Nauwa ug balehayi yidda wale wu dak mawe kadamma tubada ata Roma ba yiyi wu ata ai nada hawau ai taboka danga honi kaha wau wuni, hatabo mata dahona, mono nyi mahiggo bana rayige balehage ta tangadi hawau wuyi radda.
|
||
\v 17 Nyiwe, kole yidda ba ammidi makahha inne, nauwa waleg ha erik mage kadadi inna, nauwa ug ngodowa ta kursi dau tijayi mono harehawe ata nadda ka ngidiyi ta arogu.
|
||
\v 18 Kole tangada ka hawauge radda dede, yidda daha dikkige hawauda kajapata katauna paha mawogu.
|
||
\v 19 Ta nyiduwe, yidda dukka hege ba pirra kiyi ai hakabu ateda ta ata nadde tutu hateda yidda dau mono tutu wu ata ka ngaranai Yesus, kamatebe, paha didara nai Paulus inna Nyi na morha.
|
||
\v 20 Oro nauwa waleg angtak mawa harehawe tangage inna, nauwa ug kanukayi apa yau auwuwu kako ta Yerusalem mono yini tijana neda bali tutu kadadi inne.
|
||
\v 21 Ta nyiduwe, kolei Paulus bana rehi panne nau tujjana kapiku tahanuni mono remage pohta wali ta Kaisar, nauwa ug harehawe inna nyi ka engage ba tahanuni kahha nauwa dadiwe ha ngidini nyi tabara Kaisar.”
|
||
\p
|
||
\v 22 Nyidawe, Agripa linage tabarai Festus, “Nauwa dummo kabu atege range dau ata nadda.” “Koka,” Festus linnage, “Yau enga range munia.”
|
||
\p
|
||
\v 23 Nyiwe, damma hege tana, Agripa monoi Berneke mai ngidiwe manadana mono tama ta koro dau tijawe oledi tangada militer mono pa ama ta harona inna. Bege, dukuge harehanai Festus, Paulus tama ngidiyi.
|
||
\v 24 Festus linage, “Raja Agripa mono tangada kadana olema nami inne. Etayila ata nadde, ha rainoda tangada ata Yahudi tabaragu, kadana ta Yerusalem lohho dummo kadana taha dau inne, waige bada kawula ata nadde doku dage walena moja dak mana morha.
|
||
\v 25 Ta nyiduwe, nauwa ug jamuyi nyi aina rayige aga hingu kayi katubawe li hoku mate. Mono, kole nyi bana panne rehi madehta tabrai Kamanada, nauwa ug pohtawe ba hangidini tabara Kaisar.
|
||
\v 26 Ta nyiduwe, nauwa lakma hadauwugu hodik ka tetakkana hatolha tabara morigu. Oroge inna, nauwa ug ngidi beyi ata nadde ta aromi tangami, mono baningna ta aromu yau, Raja Agripa. Waige bataudage, kole baha rehayi inna ba rayige, nauwa waleg kolek mani wuak ha tolhayi.
|
||
\v 27 Oro, wale na tama dak mawe ta katakku tubagu bamu han gidi gani wu ata ha tahanu ai hadikki dadi hawau ka hira tabrana.”
|
||
\c 26
|
||
\cl Kawukku 26
|
||
\s PAULUS TA ARONA RAJA AGRIPA
|
||
\p
|
||
\v 1 Nyiwe, Agripa linage tabarai Paulus, “Mi um pahaini hanewe nyi bana gabage.” Bege, Paulus na walahadi limmana mono na takkiwe gabbage.
|
||
\v 2 “Duwuge tangage hada inna paha wau tabargu radde ata Yahudi, nauwa ug yapu gauge taugu utuwe, Raja Agripa, oro nauwa enga hadedala guge gabage tabaramu laddo inne,
|
||
\v 3 banningge oro yau ata katada takkawe tangage kadamma mono agawe kadadi ta jonga ata Yahudi. Oroge inna, nauwa ug rainoge tabaramu yau kamau rangewa nauwa waige kama loya.
|
||
\p
|
||
\v 4 Tangada ata Yahudi tadawe hada morhagu wali bagu bodigu, wali ka puge ug hakakowe morhagu ta tillu kabihhu daugu mono ta Yerusalem.
|
||
\v 5 Oro mojage bege yidda bada tada gage taugu, nyiwe yidda madda au, yidda dadiwe padela kage inna nauwa bagu morhawa dokuge kalibbo kahadda katuyo wali ta agamada yitta, nuwa morhawa ba ata Farisiwa.
|
||
\v 6 Mono batauge, nauwea ug dedewa inne kapiku tija gage oro hamannegu inna jaji paha dadi benai Allah tabara weda waikada yitta.
|
||
\v 7 Jaji innage hamanneda kabulu dudana kabihhu atada yitta dadiwe bana dikkiwe, tamarada yidda kawojini Allah waige kha tau takkana gaddi mono laddo. Mono, oro hamanne inna nauwa hawauga radde ata Yahudi, o Raja.
|
||
\v 8 Ahha miyo yappa dawe ai kamuda tubai Allah kaha kadde ata mate?
|
||
\p
|
||
\v 9 Oroge inna, nauwa dau ug hawuge aga dahona harayigu kabutala hada ka gabbage ngaranai Yesus wali ta Nazaret.
|
||
\v 10 Mono, inna yiwe harayigu ta Yerusalem. Nauwa wale dukka dal kekmage bagu hatamadi ata tenguna lari ta gallu, kole hibawe hatagugu wali ta rato-rato kapala, tabolo dummo kole yidda ba hoku matedi, nauwa ug baige jalage.
|
||
\v 11 Lohho, nauwa ug kali hokudi yidda ta sinagoge-sinagoge mono karuhhuyi yidda kapiku kapalekayi. Mon o, waige bani ai ka anana tabarada yidda, nauwa ug hama yillayi yidda, lohho dummo dikki ta harona ata wadeka.”
|
||
\s PASULUS NA TAKKIWE TUTU HATABBO DANGA NANI YESUS
|
||
\p
|
||
\v 12 “Tutu hakabu ate inna dummo, nauwa ta tillu lara ta Damsyik, waige hatagugu mono hadita daga wali ta rato-rato kapala.
|
||
\v 13 Bana didara he laddo, o raja, bagu kakowa, nauwa ug etawe wu magakaha wali ta langta, re3hiwe magakahana mata laddo, ka wagara ka kiloraga mono ata ha ole kakogu.
|
||
\v 14 Lohho, kole nami kataba ta panu tana, nauwa uig rangewe liyo kalinnada tabaragu waige hanewe Ibrani, ‘Saulus, Saulus, ahha yau mamu hama yillawa Nauwa? Wale na dadik mawe tutumu bamu taddawe kaito habai.’
|
||
\v 15 Lihho nauwa ug kanukayi, ‘Iyayu yau, Mori?’ Bege, Mori na baleha, Nauwa Yesus, hatamramu hama yillayi.
|
||
\v 16 Tabolo, kadewu mono dede waidi ledumu. Oro, Nauwa ug hadela wiki bena tabaramu tutu hakabu ate inna, ug ha inya kawu ba wuwu ata kaha nukkuwa mono kaha dela kage, wale nyi kel mawe hada inna ha eta bemu, tabolo dummo tutu hada enga ha tigo gugu nimmi tabramu.
|
||
\v 17 Nauwa enga gu pahoilawu wali ta kabihhumu inna mono wali kabihhu ata wadeka, inna tabarada yidda nauwa ug halewawu.
|
||
\v 18 Kamu bugera dadi matada yidda dajalage yidda kadda hagga wali ta ka pagtana tama tama gakaha mono wali perhanai Kabalka tabarai Allah dajalage yidda hibawe hawalina hadau beda ata paha tengube waige hatena lari ta Nauwa.”
|
||
\s PAULUS NAHA LARAWE TUTU HA ULLANA
|
||
\p
|
||
\v 19 " Nyiwe, Raja Agripa, nauwa waleg kali manonok mawa ta tutu pa eta ta surgawi,
|
||
\v 20 tabolo, kawungana, nauwa ug talarage tabarada yidda ka dana ta damsyik, lohho ta Yerusalem mono ta tangage kalingora Yudea, dummo tabarada kabihhu wadeka, inna yidda da jarra dahho mono da hagga dahho tabarai Allah, waige rayige har ayi ka hatujja wali ta jarra da yidda.
|
||
\v 21 Nyidawe oroge, ata Yahudi yappawa ta Umma nai Allah mono baige hamatewa.
|
||
\v 22 Kahha laddo inne, nauwa ug hiba bewe matullu wali tai Allah dajalage nauaw dedewa inne kagu takkiwe, ta lakawa marraha lohho dummo ata matuyo waige ai takkiwe hada wadeka, dukka dahege agawe hatakkida tangada nabi mono Musa tutu agawae kadadi,
|
||
\v 23 nadai Kristus na mayilla dahho mono inna, waige kapege dadi kawungage kadde wali ta jonga ata mate, Nyi enga na takkiwe magakaha, ta ata Yahudi lohho dummo tabarada kabihhu ata wadeka.”
|
||
\s PAULUS NABAIGE KANA HATENAWE AGRIPA
|
||
\p
|
||
\v 24 Tamrana Paulus bana haneweho bana hagabewe, Festus linage waige lina ka dahhaki, “Paulus, yau ngade muge! Tadamu kabutala inna narayi da guge ha ngade dangamu.”
|
||
\p
|
||
\v 25 Tabolo, Paulus balehawe, “Ka manadana Festus, nauwa bagu hadikkige katena mono hatakkigu aika tama ta han gada.
|
||
\v 26 Oro, Raja tadawe hada inna mono tabarana nauwa dummo na baniwe ategu hanewe. Oro, nauwa ug mannege inna wali wu hing mana wali ta hana inna ka lodona wali hatorrogu oro inna walena dadik mawe taha dau kama rau.
|
||
\v 27 Raja Agripa, appa yau um hatenayi tangada nabi? Nauwa ug tadawu yau hatena.”
|
||
\p
|
||
\v 28 Raja Agripa linage tabarai Paulus, “Mahiggo ka hodi kina, yau ha didara bewa nauwa tutu bagu Kristenwa.”
|
||
\p
|
||
\v 29 Lohho, Paulus na balehawe, “Nauwa ug rainoge tabarai Allah dajalage kana gehawe waleka maga rawe, wale yau kel ma, tabolo dummo tangada ata karangewa nauwa laddo nehhe, na dadiwe tujawe tau gu, dukka dahege kalarri bahhi radde.”
|
||
\p
|
||
\v 30 Bege, raja dede. Tauda dummoge gubernur, Bernike, mono tangada ata ka ngiodo oledi yidda.
|
||
\v 31 Lohho, batamrage yidda yelage koro inna, yidda da hanewe dihha-dihha, “Ata nadde wale na rayi mage aga dahingu kayi ka dadi pa yanna dangana hoku mate wale ta gallu.”
|
||
\v 32 Nyiwe, Agripa linage tabarai Festus, “Ata nadde dadiwe pahalayi nyiyo aina pannelhe tabarana Kaisar.”
|
||
\c 27
|
||
\cl Kawukku 27
|
||
\s PAULUS NA PANNENA TENA TA ROMA
|
||
\p
|
||
\v 1 Kole ba pohtawe inna nami kako panne mage ta tena ta Italia, yidda da yiyi Paulus mono kapirana ha tahanu wadeka tabara wu perwira kakododi Agustan, kangaranai Yulius.
|
||
\v 2 Nami ma panne ta dihha wu kapalu wali ta Adramitium ka geha panne ta tena ta tanga hadau hadedi ta tangage Asia. Nami ma kako ka olegama Aristarkhus, ata Makedonia wali ta Tesalonika.
|
||
\v 3 Ta dihha laddo wali, nami madikki ta Sidon. Yulius na pahadayi paulus waige kabannuna hamatarani mono pahaini Paulus oleyi olena kapiku orhayia tangadi ha kabu atemnai Paulus.
|
||
\v 4 Wali neda bali, nami ma kako mono panne ta tena nama tawe Siprus oro rereha ka gaba gama.
|
||
\v 5 Kole nami panne ta tena lida ta huppu bannu Kilikia mono Pamfilia, nami ma dikki ta Mira ta Likia.
|
||
\v 6 Neda bali, perwira nadda na dikkini wu kapalu wali ta Aleksanderia katamrana panne ta tena ta Italia, nyiwe nyi naha diki gma nami ta kapalu nadda.
|
||
\p
|
||
\v 7 Nami ma pannena tena magara hodima kapira laddona, nama yilla hinguwe ubu ma dikki ta Knidus. Oro rereha wale na dadi dangak mage nami kako dikarau, nami ma panne na tena dokuge hupu bannu Kreta ka aroda ta tana kaha nguddu Salmone.
|
||
\v 8 Nami ma pannena tena liwe tana kahanguddu inna waige aika anana mono dikki ta wuha dau ka ngarana Hadau hadde Indah, kanedana dahekawe harona Lasea.
|
||
\p
|
||
\v 9 Oro nami tadawe bana butawe mahiggo ka bunga, mono batauge, lida ta bannu na mayillawe oro rahi kabuktawe ata Yahudi layi bewe, Paulus naha nuadi yidda,
|
||
\v 10 mono linage tabarada yidda, “Bagu ole bai gimi, nauwa ug etawe inna kako enga na liwe tangage ai kadahha mono aika anana rogi, w2ale pa haila kelma mono kapalna, tabolo dummo ngahuda yitta.”
|
||
\v 11 Ta nyiduwe, perwira nadda rehi naha tena dahhoyi kangidiyi mono mori kapal wali taha newe nai Paulus.
|
||
\v 12 Oro aina dahhawe engana ta hadu haddedi tena inna ba rahi kalikawe, wahjo kani ata kabaige k hakitana kalete tena wali neda bali mono ragga dadi kakge yidda bada dikki ta Feniks, wuyo hadau haddedi tena ta Kreta, ka aroda ta laddo mali mono laddo mali ta bannu, mono engana neda bali kahha bew rahi kalikka. Rereha kahadda kulha na yannayi kapal Paulus
|
||
\v 13 Kole rereha ngare-ngare wali ta bannu, yidda da hangadage yidda dikki bedage dau aroda yidda. Oroge inna, yidda da tingiyi watu kanagada mono hakita kako liyo ta huppu bannu Kreta.
|
||
\v 14 Ta nyiduwe, walena moja hoge, rereha katujayi warata, paha ngarada Euroklidon, kadadi wali ta tana inna.
|
||
\v 15 Kole kapal nadda nami bada jojayi rereha nadda walena hilu mukkak mana ha aroge ngorana, nami ma bakke mono pahaini kapal nami bada gedo.
|
||
\v 16 Batamrage nsmi kako lida ta tana marahaki ka ngarana Kauda, waige bama oja hingna dadiwe nami bama hanukkuyi ana kora kapal nadda.
|
||
\v 17 Kole ata ka ullana ta kapal bada hapannedi ana kora ta panu tena kapal, yidda da waina kalarri ma tullu kaha kulhayi kapal nadda. Oro yidda madauta meli ta Sirtis, yidda daha burudi hawai ta kapalu dajalage da yammani kapal da yidda boleng-boleng nguyi.
|
||
\v 18 Damma hege tana wali, oro nami boleng-boleng nguyi oro warata ai ka anana, ata da halegewe baitadi pahaila ta kapal.
|
||
\v 19 Mono, ta laddo hatau wai, yidda da baitadi hawai ta kapal waidi limma dauda yidda.
|
||
\v 20 Oro mata laddo mono maduyo walena huddak mayi kapirra laddona mono warata wale na marahakma ka todo ma nami, bunga kahhayi haman nema nami tutu ba pahoilama.
|
||
\p
|
||
\v 21 Oro butabe ata ka kako ka moja bena aida yayo, Paulus dede nage ta tiluda yidda mono linage, “Bagu ole bai gimi, dok dage um doku dahhoge hanuagu mono waleda mai dak ma ta Kreta dajalage da paddage tangage aika dahha lohho rogida katauda dana inna.
|
||
\v 22 Tabolo batauge, nauwa ug tulara gimi miyo kapikku engami tahna oro ta jongami ladakma kabunga ngahuna, dukka dahege bunga kapal.
|
||
\v 23 Oro, gakna, dani malaikat Allah, kadauga nauwa mono ha ngak kagu, dede ta aro matagu,
|
||
\v 24 hagape balinna, ‘Ilam madautami, Paulus. Yau um dede dahowu ta arona Kaisar. Mono, etewe, Allah na maradda atebe tabarami mono tangada ata kaolegu ta tena.’
|
||
\v 25 Oroge inna, Ole baigu, tahge atemu oro nauwa ug tena neda lari tai Allah inna tangage enga dadige katauna hataki bena tabaragu.
|
||
\v 26 Tabolo, yitta na jallora dahho ta wu nuhha.”
|
||
\p
|
||
\v 27 Ta nyiduwe, ta gaddi ha kabulu pata wai, inna nami bama enga hona boleng-boleng ta bannu Adria, ta tillu gaddi, tangada ka ullana ta tena da hawauge inna yidda ba dahhe kadage tana yara.
|
||
\v 28 Yidda da doluni watu kanaga mono da yammuwe we ka kiddi duda kabulu dappawe. Kole, yidda dikki hodi wali, yidda da baita walini watu kanaga mono da tadawe kidige weyo kabulu limma dappawe.
|
||
\v 29 Oro nami madautage enga kadakta tena ta watu karaha, yidda daha burrudi pata watu kanaga wali ta ngora tena mo0no sembayangna kana geha dammage.
|
||
\v 30 Ta nyiduwe, tamrada kapirana ka ulana ta kapal bai mali wali ta kapalu mono da haburu bedi ana kora ta bannu waige ba mera haburru dadi watu kanaga wali ta ngorana,
|
||
\v 31 Paulus linage tabara perwira nadda mono tangada prajuritna, “Nyi ata radda aida engana lari ta kapalu, miyo wale na dadik mawe ba pa hoilami.”
|
||
\v 32 Kole innage, tangada prajurit katarriyi kalarri watu kanaga mono pahaini kana meliyi.
|
||
\p
|
||
\v 33 Kole mata laddo manari hudda nage Paulus naka raiyiyi yidda tangada kapiku ngalada kapirana ha yayo, waige balinna, “Ta laddo habulu pata wai miyo engami lari ta gela gagga mono um tahna kalaba oro aim yamo aga ana.
|
||
\v 34 Oroge inna, nauwa ug raino gimio kapiku ngalami kapirana hayayo tangage hoilami. Oro, wale lakma langka gayuka wumi kabunga wali tabarami.”
|
||
\v 35 Kole bana takkiwe tangage inna, Paulus na ngalayi kababa mono wai linage tabarai Allah ta aroda tangada yidda, hibiyi kababa radda, mono kapuge yayo.
|
||
\v 36 Nyiwe, yidda tangada hadidara dadi ateda mono yidda dau dummo yayo.
|
||
\v 37 Buta nami tangama kadana lari ta kapalu duda ngahu pittu kabulu anni atama.
|
||
\v 38 Kole bada bokta ha yayo, yidda da halewarayi kapal waige bada baitadi gandum ta bannu.
|
||
\s Kapal mukka mono tangadi kadokuni hoila.
|
||
\p
|
||
\v 39 Kole ba manari laddo nage yidda wale da tadak mawe ba dage tana yara, tabolo yidda hamatara dahe dage mananga kadayo paha laina, hadu yidda bada pahuni kapal neda bali bana dadik kawe.
|
||
\v 40 Nyiwe, kole bada baitadi watu kanaga, yidda da tanani neda lari ta bannu, mono ta mahiggo inna dummo, pahallayi kalarri hapodeta wai mono hapanne dage kaba ta aro kapal dajalage rereha kana ngidiyi yidda kahha ta huppu tana yara.
|
||
\v 41 Ta nyiduwe, kapal na jojayi watu karaha ta hadau hatabokage kadudana bannu dajalage kapal naka rita. Ngora kapal naka ritawe mono walena dadik mawe gedo, tamrage ngora kapal wetara oro bakta nani ngalung.
|
||
\p
|
||
\v 42 Tangada prajurit dage hakab u ateda kapiku hamateyi ata hatahanu dajalage illa hilu dayo wuak ata ka nangu mono malai.
|
||
\v 43 Ta nyiduwe, perwira nadda, na mannege dadiwe pahoilayi Paulus, na pade kawe hakabu ateda yidda, Nyi nahartehayi rada ata kadadi nangu kapilku ta lahhoka ulluda wali ta kapal mono aro ta tana yara.
|
||
\v 44 Mono, karehi ka innayi ta pannu kapabala, da dummodi kawaina agayi wadeka wali ta kapal. Waige katauna, tangada ata kahha ta tana yara da hoila.
|
||
\c 28
|
||
\cl Kawukku 28
|
||
\s PAULUS TA NUHHA MALTA
|
||
\p
|
||
\v 1 Kole nami pala kawe waige hoila, nami ma tadawe inna nuhha da takkiwre Malta.
|
||
\v 2 Ada mema ta nuhha inna na dahha kiyi ateda aika anana. Oro, yidda da rewo ki latti mono da tabokakima nami tangama oro innana halege nage urra mono hadage na mayagalawe.
|
||
\v 3 Kole Paulus kahhayi karaga yayu mono ijalayi ta panu latti, wuyo nippe huna oro ngangaha lohho na kojelani Paulus.
|
||
\v 4 Kole ata mema etayi ranga bani nadda bana madairo ta limma nai Paulus, yidda lidager dihha-dihha, “Wale hilu gela gagakmani, ata nadde wuyi ata hamate ata. Lokko bana hoilakna wali ta bannu, tijana walena yelak manage morhana.”
|
||
\v 5 Ta nyiduwe, Paulus na kabahayi nippe nadda lari ta latti mono nyi walena padak mage mayilla aga ana kapota.
|
||
\v 6 Ata radda da wauge Paulus enga na bayo waleka na bukka mono mate inna mema dummo. Ta nyiduwe kole bana mojage yidda bada remani mono aida etawe hodi ak kadadi tabarana, yidda hangadada hekayi mono lidadage nadai Paulus yikna dewa.
|
||
\p
|
||
\v 7 Dihha wu hadakka, ta kalingora hadau nedda, dage tana hadauna pa ama ta nuhha inna ka ngarana Publius, katabo kama nami mono kaha yagama nami waige lagahara katuda laddona.
|
||
\v 8 Inna na, amanai Publius dura nage taha dau dura oro kalikkana mono kahurruna. Paulus ammini mai eloyi mono na sembayanguni, lohho naha jolani limmana ta ata nadda mono nahatagahayi.
|
||
\v 9 Kole kadadi inna dadiwe, ata wadeka ta nuhha inna katamrana kalawara dummo ammidi tai Paulus mono hatagahayi.
|
||
\v 10 Yidda dummo kiki da ha aka gama nami mono kole nami ha inyaka kako ta tena, yidda da inyakadi tangadi ha kabu atema.
|
||
\s PAULUS NA ARO TA ROMA
|
||
\p
|
||
\v 11 Kole tauda wulla hege, nami ta tenama nedda ta wuyo kapal wali Aleksanderia, ka huna ta nuhha inna ba rahi kalikkawe waihge waina Diaskuri ba wuwe tadka ge.
|
||
\v 12 Kole dikki ta Sirakusa, nami ma engana neda bali tauda laddo.
|
||
\v 13 Wali neda bali, nami ta tenama pala kawe paha lai mono dikki ta Regium. Danma ge tana, rereha ta bannuyi, mono ta laddo piwalige, nami ma dikki ta Putioli.
|
||
\v 14 Neda bali, nami ma tabo kayi kapirana ole bai taha tena mono halehu kapiku enga ole dangadi yidda kapittu ladona. Lohho, nami kako ta Roma.
|
||
\v 15 Mono, ole bai taha tena neda bali, kole rangewe tutuma nami, ammidi wali bali kahha ta Forum Apius mono Tres Taberne tutu dikki gama nami. Bana etayi yidda Paulus, nyi wai linage tabarai Allah mono na kulahawe.
|
||
\s PAULUS TAHA RONA ROMA
|
||
\p
|
||
\v 16 Kole nami dikki ta roma, Paulus da pahaini tutu enga mehana neda bali, oleni wu prajurit kaha teteni.
|
||
\p
|
||
\v 17 Tauda laddo hege, Paulus na kahhayi pama-paama Yahudi taha dau nedda, yidda da makahha, nhyi linage tabarada yidda, “Bagu ole baigimi, lokko nauwa aigu rayi duge aga ana gabage kabihhuda yitta waleka ka kali damma weda waikada yitta, tabolo nauwa da yiwa ba wuwa ata hatahanu wali ta Yerusalem ta limmada ata Roma.
|
||
\v 18 Kole yidda bada harehawa, yidda da baige pahoilawa nauwa oro ai damo puge tutu hoku mate tubagu.
|
||
\v 19 Ta nyiduwe, oro ata Yahudi aida ngoge, nauwa bagu rehi pannewa tabara Kaisar, wale mangu kappek mage nauwa ba wauga bagu gabage kabihhugu.
|
||
\v 20 Nyiwe, orogege, nauwa ug karai bewe tutu etami mono haneswe danga gimi oro nauwa ba kattiga kalarri bahhi inne tangage hamannena Israel
|
||
\v 21 Lohho, yidda liadage tabarai Paulus, “Nami walema hibak mawe jurata tutumu wali ta Yudea mono wale lakma wuak wale ta ole bai hatenagu kamai taha dau inne tutu kayiyo li waleka katakkiwe hoak aika dahha tutum yau.
|
||
\v 22 Ta nyiduwe, nami kabu atege rangewe wali tabaramu aga linnawe paha ngadamu oro tutu sekte inne, nami ma tadawe ba gigiyo ata bada gabage.”
|
||
\p
|
||
\v 23 Kole yidda bada hayanna bege wu laddo tutui Paulus, yidda ammidi tabarai Paulus taha dau dauna, oledi kabuta olena. Wali kokoka kahha gaddi, Paulus naha larawe tabrada yidda waige bana hadelakage tutu Kalingoranai Allah mono na baige hadidarayi yidda tutui Yesus, ba kawali ukku parehai Musa, lohho dummo jurata tangad Nabi.
|
||
\v 24 Kapirana ata kadadi jukkage ledege agawe hatakkinai Paulus, tabolo wadeka da tularage hatewawe.
|
||
\v 25 Kole yidda aida ngoge dihha-dihha, yidda dummo kakokolei Paulus na takkiwe hanwe inna, “Na tena takkawe agawe hatakkina Waddi Bihha tabara weda waikami ledeni Nabi Yesaya,
|
||
\v 26 ‘Kakomila ta kabihhu ata radde mono takki dagela: Miyo enga range mige, tabolo walem kali yapak mawe, mono mi enga eta mige, tabolo walem kali tadak mawe.
|
||
\q1
|
||
\v 27 Oro, ateda kabihu ata radde bakaklawe mono katilluda biktayi bada range. Yidda da toni beyi matada. Dajalage, ilda yidda eta waidi matada yidda, da range waidi katilluda yidda, yappa waige ta ateda yidda mono da kabali. Bege, Nauwa enga hatagaha gudi yidda.’ \rq Yesaya 6:9-10 \rq*
|
||
\p
|
||
\v 28 Oroge inna, yammage hada inna mi kamu tadawe inna manemara kawali tai Allah nadda nah dikki bege tabara kabihhu ata wadeka mono yidda enga range dage.”
|
||
\v 29 [ Kolei Paulus padikkege hanewena inna, ata Yahudi kako dage waige bana pahekadi ha ngadda ta jongada yidda].
|
||
\p
|
||
\v 30 Paulus engana kaduda dauna ta umma pa hewa dauna mono na tabokayi tangada ata ka mai tabarana,
|
||
\v 31 hagapege talaragwe Kalingora Nai Allah mono ajarawe tutu nai Mori Yesus Kristus waige bani ate mono lakma hapage aga hingkana.
|