lmy_reg/44-JHN.usfm

\id JHN
\ide UTF-8
\h Yohanes
\toc1 Yohanes
\toc2 Yohanes
\toc3 jhn
\mt Yohanes
\c 1
\cl Kawukku 1
\s Magaha Kabanningna Ammi Bege Tapanu Tana
\p
\v 1 Tapuge li hewe, Li inna naha mere dangani Allah mono li inna yiknai Allah.
\v 2 Li inna na ole beni Allah wali puge.
\v 3 Tangadi hadadi nadi ledeni nyi. Ai nyika, tangdi kadabena rade wale na dadik mawe ba dadi.
\v 4 Neda lar ta nyi dage morha mono morha inna yikwe magakaha kadadi ata.
\v 5 Magaha inna na rewowe neda lari tapagta, monokapgtana walna pungak mage.
\p
\v 6 Dani wu ata halewa Allah, ngaranai Yohanes.
\v 7 Nyi namai ba nyi ka etawe kaha dikige pa etana tutu magakaha inna daja lage ledeni tangana ata nadadi hatena.
\v 8 Yohanes dau wale nyikma magaha inna, tabolo nyi na mai padelakage tutu maga kaha inna.
\v 9 Maga kaha kabanning na, naha magahadi tangana ata, enga ammini tapanu tana.
\p
\v 10 Magakaha inna dage tapanu tana mono panu tana inna paha dadi naGe, tabolo panu tana walena tadak mayi Nyi.
\v 11 Nyi namai badau naDi, tabolohadauNa rada wale dahibak mayi Nyi.
\v 12 Tabo, yida kahibayi Nyi kawaha tutu dadi anai Allah, wale iyak mayi yida kaha tena tanara ngaraNa.
\v 13 Yida dadi wale wli tarakma waleeka kamakdi kanayo, wale kamak kabani, tanyiduwe walt tai Allah.
\p
\v 14 Li inna naddi kanabewe mono bage tajongada yitta. Yitta da eta bewe manada na, halinawe manada Ana nahaNai Ama, kabanuna kanyuru mono katena,
\v 15 Yohanes na yiwe padelaka tutu Nyi waige bana kawula, “Nade Nyikna hakabu ategu nutu bagu takkiwe na, babe nauwa, enga ammini Nyi ka ulu wali ta nauwa oro Nyi dabeni ai nauwaho.”
\p
\v 16 Wali kabunuNa, yitta tangada na hibawe kanyuru li kanyuru.
\v 17 Oro, uku pareha Taurat payiyo ledeni Musa; tanyiduwe kanyuru mono katena amige ledeni Yesus Kristus.
\v 18 Lakma wuak ka kali etayi Allah, ta nyiduwe ana nahai Allah, kadana tababa nai Allah Ama, nshs dedoGe. 
\s Padelakana Yohanes Pembaptis
\p
\v 19 Inna nyiwe paha delakai Yohanes kole ata Yahudi halewayi rato-rato mono ata lewi wali ta Yerusalem tutu kanuka tabarai Yohanes, “Iya duwu yau?”
\p
\v 20 Yohanes na maku, mono walena kaballik ma, nyi mangaku, “Nauwa wale Kristus mawa”
\v 21 Yida da kanukka tabarana, “Nyi batu dage iiyawu yau? Inna yau Eliawu “Nyi nabalehawe, nauwa wale Eliak mawa.” Inna yau Nabiwu? Nyi nabalehawe, “walekma.”
\p
\v 22 Bege, yida linage tabarana, “Iyau yau, oro nami ma yho balehama tabara ata kaha lewama nami? Aga na ha takkimu tutu tau daumu?”
\p
\v 23 Yohanes na balehawe waige hatakkana Nabi Yesaya, “Nauwakna li ata hatakna Nabi Yesaya kawula ta marada gilra: “Hlurhayi lara tubai mori!” \rq Yesaya 40:3 \rq*
\p
\v 24 Ata Yahudi halewa rada ata Yahudiyi.
\v 25 Loho, yida lidage tabara Yohanes, “nyi yau walei Mesias maw, wale Elia ak mawu, mono wale Nabi jalak mawu, aha yau mamu harihawu?”
\p
\v 26 Yohanes na balehayi yida, “Nauwa ug harihawaina we, tabolo tajongamu nadade wu ata ai hatadami miyo.
\v 27 Nyi nami ka amna kole nauwa. Bugeradi kalari kopa leduNa, nauwa walena nadadik mawe.”
\p
\v 28 Tangage inne nadadiwe ta Betania, tbali lai we Yordan, taha dawu harihana Yohanes. 
\s Ana Bebei Allah
\p
\v 29 Dama hege tana, Yohanes na eteyi Yesus ba amini tabarana, mono Yohanes linage, “Etayige, Ana bebei Allah ka hopiyi jala panu tana!
\v 30 Nyikna la nauwa haluguna kole bagu hanewewa, ‘Kole nauwa enge amini wu ata ka rehi madaka wali tabaragu oro nyi dabeni wali nauwa.’
\v 31 Uluge, nauwa walegu tadak mayi Nyi, tabolo dajalage nyi baha dedoyi tabarada ata Israel, nyiwe nauwa magu maiwa hariha waina weyo.”
\p
\v 32 Mono, Yohanes aha delakage, “nauwa ug etayi wadi buru wali talangta tujana kagukku maupa mono wadi nada engan tabaraNa.
\v 33 Nauwa dau walegu tadak mayi Nyi, tabolo Nyi naha lewawa nauwa tut hariha waina weyo linage tabaragu, ‘Nyi tapanu katakna miyo um etayi Wadi buru mono engana, Nyiknala kahariha waina Wadi Biha.’
\v 34 Nauwa dawu ug eta beyi mono ug yibewa padelaka inna Nyi nadela Ananai Allah.”’ 
\s Ana Hakodonai Yesus Kawungana
\p
\v 35 Dama hege tana, Yohanes dede wal nage oledi duda ana hakodoNa,
\v 36 mono nyi na etayi Yesus katamra kako. Yohanes linage, “Etayi ge, Ana Bebe Allah!”
\p
\v 37 Kaduda ana hakodona rangewe hatak na inna loho yda da dokuni Yesus.
\v 38 Yesus na gilaka talirana mono kole yida ba tamrada dokuNi, Nyi linage tabarada yida, “Agayi hama yegami? “Yida da hanewe tabaraNa, Rabi (kaha hamera dana: Guru), gi dawu engamu yau?”
\p
\v 39 Nyi linage tabarada yida, “Mai mono mi enga eta mige.” Bage, yida amidi mono etayi taha dauna Nyi haduna mono yida da oleNi lado neda oro mahigo inna batutkawe jam kabulu.
\p
\v 40 Wu ata wali kadudana ana hakodona rangewe hatakna Yohanes loho dokuni Yesus nada yida Andereas, amgu wunai Simon Petrus.
\v 41 Andereas aina, taboka hoyi Simon, ole baina, mono bana tak nage, “Nami ma tabo kabeyi Mesias (bs pahawe nadadiwe ‘Kristus’.)”
\p
\v 42 Bege, Andereas nangidiyi Simon tabarai Yesus. Yesus na torroyi Simon mono linage, “Yau Simon, Anai Yohanes. Yau ka ngara lebana Kefas (ka manu ngihina ‘Petrus’ waleka ‘watu’).”
\p
\v 43 Dama hege tana, Yesus na kabu atege kako ta Galilea. Nyi natabokayi Filipus mono linage tabarana, “Dokuga nauwa!”
\v 44 Filipus waliana ta Betsaida, harona dau daunai Andereas mono Petrus.
\v 45 Filipus natabo kayi Natanael mono linage tabarana, “Nami ma taboka beyi Nyi ha tolhanai Musa lar ta liyo Ukpareha Taurat mono tangada Nabi, halugunai Yesus wali ta nasaret, anai Yusuf.”
\p
\v 46 Natanael linage tabarana, “rahi mai kakkinagege wuak kadaha wali ta Nazaret?” Filipu linage tabarana, “Maige mono etayila.”
\p
\v 47 Yesus naetayi Natanael amin tabaraNa mono naha newege tutu Natanael, “Etayige, wu ata Israel kalangna, wale lakma wu ak ka paleka lari Ta Nyi!’”
\p
\v 48 Natanael naka nukka “Aga lina dawe yau tabawa nauwa?” Yesus Nabalehawe, “Aina kamaikahogu Filipus, Nauwag etabewu kole yau badagu takabu pu kapulota,”
\v 49 Balehawe Natanael, “Rabi, Yau nai Ananai Allah. Yau na Raja Israel.”
\p
\v 50 Yesus Balehawe mono linage tabarana, “Oro Nauwa baluguge tabaramu, ‘Nauwa ug eta bewu takabu pu kapulota,’ nyiwe yau mamu hatenawu? Mi enga eta midi hada karehi madaka wali rade!”
\v 51 Loho, Nyi naha kitage takanage, Nauwa luguge tabaramu, mi enga eta mige langta mabugerawe mono Malaikat Allah panne burru hanukkuyi Anana kadadi ata.”
\c 2
\cl Kawukku 2
\s Weyo Na Dadi Anggur
\p
\v 1 Ta lado katauna, dage haula Ha umana ta Kana, Galilea, mono Inyanai Yesus dani neda bali.
\v 2 Yesus mono ana ha kodoNa kalehi dumodi taha ula haumana inna.
\v 3 Kole we anggur dukadi, Inyanai Yesus linage tabaraNa, “Yida dukadi we anggurda.”
\p
\v 4 Yesus na Balehawe, “Lawiyo, agawe duwuge tabadaraGu? Rahige walna diki mahowe.”
\p
\v 5 Inyanai Yesus linage tabara ata paha lewa, “Aga hing kawe hatakNa tabarami, rayigela.”
\p
\v 6 Neda bali, dadi anni hajalu watu, kal damma hawaida ata Yahudi bs dikige rahi hamuraha waikina. Diha-diha hajalu rada batutu kayi duda waleka tauda yarro weyo.
\p
\v 7 Yesus linage tabara ata paha lewa, “Hangihidi hajalu rada we kaha bana bannudi.
\p
\v 8 Bege, Yesus linage tabarada yida, “Batuge, ngalawe hodik mono ngidiwe tabra mori mullang haula inna.” Loho, yoda da ngidiwe ta mori mullang ha ulla.
\v 9 Kole moro mullang ha ulla inna na jalliwe ha balibe anggur inna, mono nyi walena tadak mawe gi dau walige (tabolo ata halewa ka nagalawe we rada da tadawe), yiwe moro mullang ha ulla nada na maikani nada kabani kaha umana,
\v 10 mono linage tabarana, “Tangana ata naha inyaka ulluyi we anggur kadaha mono kole tangada bana uladi ha enu, ub naha inya kayi anggur ai kadaha takka. Tabolo, yau um ijalayi anggur kadaha kaha batuge.”
\p
\v 11 Tada kawungana harayina Yesus ta Kana, Galilea, mono naha dedoge manadaNa, mono anaha kodoNa naha hatena tabaraNa.
\p
\v 12 Bana bewe inna, Yesus na buru ta Kapernaum oledi inyana, anguwuNa, mono ana hakodoNa. Yida engana neda bali kapira ladona.
\s Yesus Ta Umma Allah
\p
\v 13 Dikige lado madaka Paskah ata Yahudi bana dahekawe, mono Yesus dumo panne ta Yerusalem.
\v 14 Ta Umma Allah, Nyi na etayi ata bada malajana hapi, bebe, mono takukku maupa, loho ata katukkara amaha ngodo neda bali.
\v 15 Yesus na rayina palu wali ta kalari mono na wuggayi yida tangada huna wali ta Umma Allah, gaudi tangada bebe mono hapida yida. Nyi dumo na baita amaha baihida ata katukkara amaha mono nakabliyi mejada yida.
\v 16 Yida kadagana takukku maupa, Yesus linage, “Hu ngidi kahayi rade wali inne! Ilamu habali ka gage umma Amagu hadau dagana!”
\p
\v 17 Ana hakodoNa da apewe badage kama tolha: “Manawarage inna UmaMu, na hakarhaga Nauwa.” \rq Mazmur. 69:10 \rq*
\p
\v 18 Bege, ata Yahudi da balehawe mono lidage tabraNa, “Tada agawe yau hatingoMu tabarama nami dajalage Yau mamu dauge rayige hada rada?”
\p
\v 19 Yesus na balehayi yida, “Ha mukkage Umma Allah inne mono tauda lado hege Nauwa ug hakade haggawe.”
\p
\v 20 Yida da balehawe, “Pata kabulu anni dau dahoge tutu hakadewe Umma Allah inne, mono Yau um hakadewe katauda lado kina?”
\p
\v 21 Tabolo, Yesus ha kabu atena Umma Allah wale agak mawe tau dauNa.
\v 22 Oro bataudage, kolei Yesus bana kade wali ta jonga ata mate, ana hakodoNa da apewe hanewe inne; mono yida Daha tenawe ta jurata bihha mono hanewenai Yesus hatakNa.
\p
\v 23 Kole Yesus ba dani ta Yerusalem ba enga hoge namu lado Pasakah, buta ata hatena lari tangaraNa oro etawe tada parayiNa.
\v 24 Ta nyiduwe, Yesus dawu wale naha tenakmawe tauNa tabarada yida oro Nyi bana tada kahayi ata,
\v 25 mono walena na kabu atekmana langka iya hingkayi tutu yiwe padela kadadi ata oro Nyi tadawe gawe kadana ta ate ata.
\c 3
\cl Kawukku 3
\s Ngihige Padadi Hagga
\p
\v 1 Dani wu ata Farisi ka ngaranai Nikodemus. Nyi wuyi ata pa ama ata Yahudi.
\v 2 Diha wu gadi, nyi namai tabarai Yesus mon linage, “Rabi, nami matadawe inna yau ba Guruwu ka amna wali tai Allah oro wale lakma wu ak ata kadadi rayidi tada ha rayomu yau, dukai Allah kadayo ole dangagu.”
\p
\v 3 Na balehawe Yesus tabrana, “Katu takka nage Nauwa luguge tabaramu, nada wu ata ai hadadi haggani, nyi wale nadadik mawe etawe Kalingora parehai Allah.”
\p
\v 4 NIkodemus na kanukayi, “Aga linak kawe wu ata bana dadi hagga wali kole nyi bana katu bena? Dadik haggal kakwe nyi bana tama hagga ta tiyo inyana?”
\p
\v 5 Balehawe Yesus tabarana, “Tau takka nage, Nauwa luguge tabaramu, nyi wu ata ai hadadi hagani wali ta we mono waddi, nyi wale na dadik mawe tama lari ta kalingora nai Allah.
\v 6 Agawe hadadi wali ta nayo egage kanawe, mono agawe ha dadi wal ta Waddi engage wali ta Waddi.
\v 7 Ilam hangatara dangage oro nauwa baluguge tabaramu, ‘Mi hadadi hagga hogimi.’
\v 8 Nada rereha goyaka ba giyo nyi dau auna kako mono mi um rangeyi punyina, tabolo mi walem tadak mawe giyo dawu walina mono giyo dawu kakona. Tauda dumo nage wu ata ha dadi wali ta Waddi.”
\p
\v 9 Nikodemu na kanukkawe, “Agalinak kawe tangage inna bana dadiwe?”
\p
\v 10 Yesus nabalehawe, “Inna yau wale guru ata Israel kaduwu, tabolo yau walemu yapak mawe tangage inna?
\v 11 Doku dage, Nauwa luguge tabaramu inna nami naha newe tutu aga nami hatadama mono paha dela kama tutu agawe nami ha etama, tabolo mi walem hibak mawe paha delakama nami.
\v 12 Inna Nauwa bagu tak gimige tutu hege panu tana mi wale mu hatenak mawe, aga linak kawe mi bamu hatenawe Nauwa bagu takkiwe tutu hada Surgawi?
\v 13 Wale wu hing mana ata ka pane ta Surga, ai Nyika kaburube wali ta Surga, haluguna Anana Kadadi Ata.
\p
\v 14 Kataunai Musa bana hapaneni kaboko amaha bahi taburaka ta marada gilra, tauda dumo nage Anana kadadi ata paha madehta hoyi,
\v 15 dajalage tangana ata kaha tena tabaraNa kolege morha aika duka kana.
\p
\v 16 Oroi Allah hada manawara nage panu tana inne, Nyi nayiyi AnaNa ka naha dajalage tangana ata kaha tena tabaraNa walena lilokokma, tabolo kolege morha Aika dukana.
\v 17 Oroi Allah naha lewayi anaNa lari ta panu tana wale mai hokok manage panu tana, tabolo dajalage panu tana kapa hoilawe ledini AnaNa.
\v 18 Ata kaha tena tabaraNa wale hokuk madi, tabolo ata ai kaha tena dabedi takabu hokuna oro nyi aida hatena ta ngara ana nahaNa Allah.
\v 19 Nyikwe hokuna inna: Magaha amibege ta panu tana, tabolo kadadi ata rehine baidahoge kapagtana wali tama gakaha oro agawe yida harayida japatawe.
\v 20 Oro tangana ata karayina japata na butge ate magakaha mono wada mai jalakma ta magakaha inna dajalage tangadi harayi wale hilu keke tayi.
\v 21 Ta nyiduwe, ata karayige katena na mai tama gakaha inna daja lage kaha dedoge haryina inna karayige lar tai Allah.” 
\s Yohanes Hadelakage Tutu Yesus
\p
\v 22 Bewe inna, Yesus mono ana hakodoNa kako ta tana Yudea. Neda bali, Nyi na bewe mahigona oledi yida mono harihayi.
\v 23 Yohanes dumo naha rihai ata ta Ainon kadeha kawe Salim oro butawe we nedaa bali. Tangada ata amidi mono hari hayi.
\v 24 Mahigi inna, Yohanes wale hatamak mahoni ta gallu.
\p
\v 25 Mono, nadadiwe pasepa sala pahangadana tajongada ana hakodona Yohanes mono wu ata Yahudi tuba hamurahana.
\v 26 Yida databokayi Yohanes mono lidage, “Guru, ata ka olegu tabali lai we Yordan, loho tubana Nyi yau um padelaka bege, etewege, Nyi dumo naha rihayi mono tangana ata kamai tabaraNa.”
\p
\v 27 Yohanes na bale hawe, “Kadadi ata wale nadadik mawe hiba aga hingkai, likege hada inna ba yinage tabarana wali ta surga.
\v 28 Mi dau inna dadiwe bamu yiyo padelaka inna nauwa kalli lugu bege, ‘Nauwa wale Mesias mawa,’ tabolo nauwa paha lewawa tutu uluni Nyi.
\v 29 Ata kada ana lawaina kaha umana duka dahege kabani kaha umana; tabolo ole atena kabani kaha umana, kadede m0no karangeyi, tillu lagaharayi ban rangeyi kabani kaha umana. Yiwe, lagaharagu inne bannu nagege.
\v 30 Nyi narehi madakaho mono nauwa kiki maraha guge.”
\v 31 “Nyi ka amina wali dete yikna kadauwu dete tangage, Nyi kawali tapanu tana yikna kawali ta tana mono dulkawe tutu hada kadana tapanu tana. Nyi ka mai wali ta surga yikna tapanudi tangage.
\v 32 Nyi na yiwe hadelaka tut agawe ha eta mono ha rangeNa, tabolo ata walena hibak mawe padelakaNa.
\v 33 Ata kahibawe padelakaNa mangakuge katau takkana nadai Allah ba nyi katena.
\v 34 Oro, ata paha lewai Allah enga ha dikki dage hatakki Allah oro Allah nayiyi WadiNa ai kaha dukka.
\v 35 Ama nama manawarani Anana momno nayinage tangage lari talimaNa.
\v 36 Ata kaha tena tabara Ana kadawuge morha ai kadukkana, tabolo ata ai kadokuni Ana enga wale na etak mawe morha, tabolo butu atei Allahengage tabarana.”
\c 4
\cl Kawukku 4
\s Yesus Naha Newe Dangani Lawai Samaria
\p
\v 1 Kole Mori tadawe ata Farisi bada range bewe inna Nyi nakolena mono naha riha rehi buta ana hakodona wali tai Yohanes,
\v 2 (loko Yesus dau aina hari hakna, tabolo ana ha kodoNa),
\v 3 Nyi na ija kage Yudea mono hagga wali ta Galilea.
\v 4 Tabolo, Nyi nalida daho kalingora Samaria.
\p
\v 5 Dik nage Yesus ta Samaria, ta wu harona ka ngarana Sikhar, ka nedana dahekawe tanah ulu hoge ha yiyo tai Yakub tabara anana, Yusuf.
\v 6 Mata we hakojana Yakub dage neda bali. Bege, Yesus kajoli oro kakona, ngodo tahupu mata we hakoja inna. Nedda na, batau kage katutu jam anniyi.
\v 7 Ammini wu lawai Samaria kauha weyo. Yesus linage tabarana, “Yikiga we nauwage.”
\v 8 (Oro, ana ha kodoNa atbedi ta harona lo hiyo ha yayo.)
\p
\v 9 Lawai Samaria nada linage tabarai Yesus, “Aga linak kawe Yau, ata Yahudi, bamu karai we haenu tabaragu inna nauwa lawai Samaria?” (Oro, ata Yahudi wale hanewe dangak madi ata Samaria).
\p
\v 10 Yesus na balehawe mono linage tabarana, “Nyi yau tadawe tutu kanyurui Allah mono tadayi iyayi kaha newe tabaramu, ‘Yiga nauwa we ha enu,’ yau enga karaimu tabaraNa, mono Nyi enga na yigu we morha.”
\p
\v 11 Lawai nada linage tabaraNa, “Marabba, Yau wale lakma koba kauhamu mono we hakoja inna kidiwe, gi dau walige Yaubamum kolena weyo morha inna?
\v 12 Inna Yau rehi madakka howu wali ta weda waikama nami, Yakub, ka yiwe weha koja inne tabrama nami mono kaenu dau bege wali ta weha koja inne lopo tangada anana mono ranga na?”
\p
\v 13 Yesus na balehawe mono linage tabarana, “Tangana ata kaenu wali ta weyo inne enga mari wal hona,
\v 14 tabolo ata kaenu wali taweyo ha yiGu tabarana walna hilu marikma lage; loho weyo ha yiGuni tabarana inna enga dadi mata weyowe ta tauna kahudda hakitana kaha ta morha aika dukkana.”
\p
\v 15 Lawai nada linage tabarai Yesus, “Mori, yikiga nauwa weyo inna dajalage nauwa ilag hil mariwa lage mono nauwa ilag hilu maiwa taha dau inne kauha weyo.”
\p
\v 16 Yesus linage tabrana, “Kakowu, kamaikani laimu mono haggawu inne.”
\p
\v 17 Lawai nada na balehawe, “Nauwa lakma laigu. Linage Yesus tabarana, “Yau tenawe bamu takkiwe, ‘Nauwa lakma laigu.’
\v 18 Oro yau dabedi laimu kalimmana, mono kabani kaengana olegu batauge wale lai mamuni. Ta hada inna, yau hanewemu na tenawe.”
\p
\v 19 Linage lawai nada tabaraNa, “Mori, batauge nauwa ug tadawe Yau ba wuwu Nabi.
\v 20 Weda waikama nami daka wojo taletena inne, tabolo kabihu ataMu lida dage dukka Yerusalem he hadauna ata bana kawojo.”
\p
\v 21 Yesus linage tabarana, “Hatena tabaraGu, ta lawai! Enga dikige rahige wale letek mana inne wale dumo ta Yerusalem ata bana kawojo tai Ama.
\v 22 Mi kawojo ta aiha tadami, tabolo nami kawojo ta gai ha tadama oro mane mara amige wali ta kabihu Yahudi.
\v 23 Tabolo, enga dikige rahige, haluguna batauge, kawojo katena enga kawojo da ni Ama lar ta wadi mono katena; oroi Ama naka karuhuwe kataudana inna tutu kawojoi Nyi.
\v 24 Allah yikna Waddi mono yida kawojoni Nyi da kawojo da hoNi lar ta wadi mono katenguna.”
\p
\v 25 Lawai nada linage tabaraNa, “Nauwa tadawe inna nadai Mesias enga ammini (Nyi ha ngaradai Kristus). Kole Nyi ba ammini, Nyi enga ug takkiwe tangage tabarami.”
\p
\v 26 Bale hawe Yesus tabarana, “Nauwa, ka tamrana hanewe tabramu yikna Nyi.”
\p
\v 27 Mahigo inna, amidi ana hakodoNa mono yida hangatara etayi Yesus tamrana hanewe dangani wu lawai. Tabolo, wale wuk ma ata kanukayi tabaraNa, “Agayi hama yegamu?” waleka “Aha yau mamu hanewe dangani nyi?”
\p
\v 28 Bege, lawai nada na ijakadi yarro wena mono kako ta harona loho linage tabarada ata neda bali,
\v 29 “Mai, etayige dani wu ata katak gage tabaragu tangage harayi begu. Wale nyikaknai Mesias ge?”
\v 30 Yida da kako tabali harona mono tabokayi Yesus.
\p
\v 31 Tamra hege inna, ana hakodoNa da karuhuyi Yesus lidage, “Rabi, yakiwuge.”
\p
\v 32 Tabolo, Yesus linage tanrada yida, “Nauwa dadi hayagu aiha tadami.”
\p
\v 33 Nyiwe, ana hakodona da kanukka wikida, “Wale dakakna ata kangidin tabaraNa tutu hayayo?”
\p
\v 34 Yesus linage, “hayaGu wale agak mana dokuge hakabu atena Nyi kaha lewawa Nauwa mono benage haulaNa.
\v 35 Mi wale lim kagge, ‘pata wulla moge dikige rahi mangatti? Etawela, Nauwa luguge tabramu, bugeradi matamu mono torroyi oma dai ka rara be mono mangatti.
\v 36 Inna batau gege, nyi kamangatti ka hibabe kahewana mono ka kahayi wuge tutu morha aika dukka na dajalage kama ngatti mono ka habarana dadiwe lagahara kaha.
\v 37 Ta hada inne hanewe inna tenawe, ‘nada wu ata nahabarana mono wadeka da mangatti.’
\v 38 Nauwa ug halewami tutu mangatti aiha ulami; ata wadeka ha ula bena mono mi um tama bemi lar taha ulada yidda.”
\p
\v 39 Buta ata Samaria wali taharona inna kadadi hatena tabarai Yesus oro hanewena nada lawai, ka yiyo hadelaka, “Nyi na takgage nauwa tangadi hada ha rayibegu.”
\v 40 Nyidawe, kole ata Samaria nada diki tabrai Yesus, yida da raiyiYi tutu enga danagadi yida mono Yesus engana neda bali kaduda ladona.
\v 41 Mono, na rehi butai ata wali kaha tena oro hatak nai Yesus dau.
\p
\v 42 Yidda lidage tabara lawai nada, “Wale oro hatakik mamuge nami bama hatena, tabolo oro nami wik dau range bewe, mono tadawe ba Nyi katena hadda mane mara panu tana.” Ana Hagawe Istana Katagaha
\v 43 Kole duda ladoge, Yesus tanage hadau neda mono na aro ta Galilea.
\v 44 (Ai tada hoge, Yesus dau na Yibewe padelakaNa nada wu Nabi wale hikmayi taha dauna dauna.)
\v 45 Kole Yesus diki ta Galilea, ata Galilea da hibaYi oro yida da etabewe tangage ha ulanai Yesus ta lado Paskah ta Yerusalem oro yida kako dumo raya rameni.
\p
\v 46 Oro batudage, Yesus am walini ta Kana, Galilea, tah dau Nyi bana rayige we dadi Anggur. Ta Kapernaum dani wu hagawe Istana ana kabanina tamrana kalawara.
\v 47 Kole Hagawe Istana nada rangeyi Yesus am beni wali ta Yudea ta Galilea, nyi na kako tabokayi mono rainoge tabranai Yesus dajalage ka ammini mono kana tagaha nani anana ka hodi mona mate.
\v 48 Loho, Yesus linage tabrana, “Aim etami tada mono kama hada ha bangara danga, mi walem hatenak mami,”
\v 49 Hagawe Istana nada linage, ‘Mori, Maikiwuge toma anagu aina mateho.”
\p
\v 50 Yesus linage tabrana, “Haggawu ge, ananmu morha!” Ata nada hatenawe agawe hataknai Yesus tabrana mono kako nage ata nada.
\v 51 Kole hagawe Istana nada bata lara hoyi, ana paha lewana da tabo kayi mono da taknage nada ana kabanina morhabe.
\p
\v 52 Hagawe Istana nada naka nukawe tabarada yida ba jam pirayi nada anana bana tagaha. Mono, yida balehawe, “Mono, yida da bale hawe, “Mana na baka katutu kawe jam pituyi kalawarana bungawe.”
\p
\v 53 Amana nada lakawa tadawe, ta jam neda nage Yesus ba lina tabarana, “Anamu morha.” Yiwe, hagawe Istana nada mono tangadi ole ta umana dadi hatena tabarai Yesus.
\p
\v 54 Inna nyi tada ha bangara danga kadudana ha rayinai Yesus kole bana hagga wali ta Yudea lopo ta Galilea.
\c 5
\cl Kawukku 5
\s Wu Kabani Paha Tagaha Taha Dau Hariha Betesda
\p
\v 1 Kole tangage inna, dage raya rane lado madaka ata Yahudi mono Yesus na panne ta Yerusalem.
\v 2 Ta Yerusalem, tabara Binna Kalla Bebe dage wu hadau hariha ba ewai kage hanewe Ibrani Betesda, limadi serambige.
\v 3 Ta serambi rada, dadi ata kalawara buta kabaika: ata moro, ata kabeko, mono ata kalikku (yida da remage we taha dau hariha inna bana gedowe.
\v 4 Oro, dik kawe rahige, malaikat nai Mori bana burru taha hadau hariha mono kedoge we inna, Ata kaulu tama ta hadau hariha kole we gedowe, natagaha wali talawarana langka aga lawara nage).
\v 5 Nedda, dani ata kalawara tauda kabulu podo pata dauna.
\v 6 Kolei Yesus bana etayi nyi bana baika tahadau nedda mono natadayi nyi bana moja bena kalawara, Yesus naka nukayi, “Apa yau baige tagaha?”
\p
\v 7 Ata kalawara nada na balehawe, “Mori, lakma ata kaha buruga nauwa ne lari taha dau hariha bana gedowe we, tabolo tamrage nauwa bagu runuge ata wadeka uluda buru,”
\v 8 Yesus linage tabarana, ‘Dedewu! Mono keke tanyi tappemu mono kakowu.
\v 9 Mahigo neda dumo, ata nada hatagahayi, nyi nakeke tayi tappena, mono na kako. Tabolo, lado nada lado rahi ngahuyi.
\v 10 Orpge inna, ata Yahudi lidage tabarana ata katagaha nada, “Lado nehe lado ngahuyi, yau ilam keketayi tappemu.”
\p
\v 11 Ta nyidawe, nyi na balehawe, “Ata kaha tagahawa, Nyi kalina tabaragu, ‘Keketayi tappemu mono kakowu.”
\p
\v 12 Yida da kanukka tabarana, “IYai ata kalina tabaramu, ‘keke tayi tapemu mono kakowu?”
\p
\v 13 Tabolo, ata paha tagaha be nada walena tadak mayi iyai Nyi kaha tagahayi nada oro Yesus na kabilabena wali ta ata butataha dau neda.
\p
\v 14 Babe nedage, Yesus na taboka waliyi ata nada ata ta uma Allah mono linage tabarana, “Rangewe, yau um tagaha bewu. Ilam hilu rayi kana jala wali ka ilna dadiwe karehi ai daha tabaramu!”
\p
\v 15 Ata nada kako mono takkiwe tabara ata Yahudi ba Nyi Yesus kapa tagaha beyi.
\p
\v 16 Oro batauda gege, ata Yahudi hama yillayi Yesus oro Nyi bana rayige tangage inna ta lado rahi ngahu.
\v 17 Tanyiduwe, Yesus linage tabarada yida, “AmaGu ina ula hona kaha batauge inna, yiwe Nauwa ma engagu hogu rai ulla.”
\p
\v 18 Baleha inna da but ate dangage ata Yahudi daka ruhuwe ka hada bikta wali tutu ha mateyi Yesus, wale nyikel mawe Yesus bana layiyi lado rahi ngahu, tabolo dumo oro bana takkiyi Allah ba Ama naNi, loho bana hamera dangage tau dauNa tai Allah. 
\s Bikta Pareha Allah Lar Tai Yesus
\p
\v 19 Bege, Yesus balehayi yida, linage, “Tau takka nage, nauwa luguge tabaramu, Ha Ana walena dadik mawe bana ulage tangage wali ta tau dauNa, Nyi aina etayi Ama bana ulage; oro agawe ha ulanai Ama, nyi jallawe ha ulanai Ana.
\v 20 Oro, Ama nama nawarani Ana mono naha tingoge tabrai Ana tangage ina Nyi dau ha rayina, mono Ama dumo eng hatingo nage tabaraNa ha ula ka rehi madakka wali dajalage mi kam bangara.
\v 21 Oro, katunai Ama ban hakadde ata mate mono bana yidi yida morha, tauda dumo nage Ana na yidumo morha tabara iya hing kayi Ha kabu ateNa.
\p
\v 22 Ama walna yikma rakada iya hing kayi, tabolo na yibewe tangage rakage inna tabarai Ana,
\v 23 dajalage tangana ata enga ha akanani katujawe yida bada pa akani Ama. Ata walda ha akak mani Ana, walda ha aka jalak mani Ama kaha lewaYi.
\p
\v 24 Tau takka nage Nauwa ug tak gimige tabarami, ata karanhe gage hatakiGu mono hateenaq tabarana Nyi kaha lewaWa Nauwa na dauge morha ai kadukana, mono wale na tamakma lar ta hokuna oro nyi bana dikbena wali ta mate aro ta morha.
\v 25 Tau takka nage Nauwa luguge tabarami, rahige enga dikige mono nadikbewe batauge, kole ata mate bada rangewe lina Ana Allah mono yidakarangewe inna enga morhada.
\v 26 Oro taunai Ama bana dauge morha neda lar ta tau dauNa, tauda dumo nage Nyi nayiwe tabaranai Ana morha neda lar ta tau dauNa,
\v 27 mono Ama na yiwe kawaha tabara nai Ana tutu ha kakowe yidi rakada oro Nyikna Anana kadadi Ata.
\v 28 Ilam hangatara kawu ta hada inna oro rahigela enga dikige tangana ata kadana lar ta rate enga range dage liNa
\v 29 mono yida enga huda, haluguna yida karayi bege kadaha enga aroda ta morha paha kadde. Tanyiduwe yida karayige japata, da aro ta kade hokuna.
\p
\v 30 Nauwa wale na dadik mawe rayige wali ta tau dauGu. Nauwa ug hokudi dokuge Nauwa harangegu mono HokuGu tijage oro Nauwa aigu mayega moge hakabu ate dauGu, duka dahege hakabu ate na Nyi kaha lewawa Nauwa.” 
\s Padelakage Tutu Yesus Kawali Tai Allah Ama
\p
\v 31 “Nyi Nauwa bagu tak kawe tutu tau dauGu, hatakiGu walena tenak mawe.
\v 32 Tanyiduwe, dadi wadeka katak kiwe tutu Nauwa, mono nauwa tadawe inna hatak kigu ha yinaGe tuba nauwa inna tenawe.
\p
\v 33 Mi um halewa bewa tabarai Yohanes mono nyi naha delaka bege tutu katena.
\v 34 Tanyiduwe, paha delabe pa hibagu wale wali kadadi atak mawe. Nauwa ug tak kiwe inna dajalage mi kamu mane marami.
\v 35 Yohanes yikna lat we karewo mono magakaha, mono mi ka kabu atege lagahara kadakko kina lar ta magakaha.
\p
\v 36 Tanyiduwe, paha delakagu nauwa na rehi madaka howe wali paha delakanai Yohanes. Oro, ha ulla ha yinagai Ama tabaraGu pa hapodi hogu, haluguna ha ulla hatamraGu rayige batauge, baha dela kage batauge tutu nauwa ba Amagla kaha lewaWa Nauwa.
\v 37 Mono, Ama kaha lewaWa Nauwa dau ug yibewa padelaka tutu Nauwa. Tanyiduwe, mi walem kal rangek mawe LiNa wale dumo etawe hadaNa.
\v 38 Mono, LiNa walna engak mage lar ta atemu oro mi ai ha tenai Nyi kaha lewaYi.
\v 39 Mi um kejubewe Jurata biha oro mi bamu hangadage neda ta jurata biha mi enga kole mige morha ai kadukana; mono Jurata biha inna dumo napadelakage tutugu nauwa,
\v 40 tabolo miwalem au mami mai tabraGu dajalage mi kam morha.
\p
\v 41 Nauwa walegu hibak mawe manadana wali ta kadadi ata.
\v 42 Tabolo, nauwa ug tadami miyo, inna mi wale lakmage manawarai Allah neda ta taumi.
\v 43 Nauwa ug maiwa waige ngarai AmaGu, tabolo mi walem hibak mawa Nauwa. Nyi ata wadeka da mai waige ngara dauda yida, mi enga hiba mige.
\v 44 SASga linak kawe mi banu hatenawe, nyi mi hibawe madaika wali ta wu ata kamai wali tai Allah ka nahha?
\v 45 Ilam hangadage inna nauwa enga ug ngidimi ta aronai Ama; ka ngidimi dukai Musa, haluguna ata ka tabarana mi bamu mamannemi.
\v 46 Oro, Nyi mi hatena tabarai Musa, mi um hatena daho tabaraGu oroi Musa natolhawe tutug Nauwa.
\v 47 Tanyiduwe, nyi mi aim hatenawe agawe Musa ha tolhana, aga linak kawe mi hatenawe hatak kiGu?”
\c 6
\cl Kawukku 6
\s Hayadi Ata Kalima Ratana
\p
\v 1 Bewe innage, Yesus napalage hoba Galilea, halinawe Hoba Tiberias.
\v 2 Buta ata kadokuni Nyi or yida etayi tada kaheka gaina harayinatbarada ata kalawara.
\v 3 Bege, Yesus panne ta pannu kabodu letena mono ngodo neda bali oledi ana hakodoNa.
\v 4 Mahigo neda, rayage Paskah ata Yahudi dageta nage.
\p
\v 5 Hagapege torrowe tskalingoraNa, Yesus linage tabarai Filipus, “gi dau hida roti dajalage ata rada dadiwe bada yayo?”
\v 6 Yesus linage hada rada tutu kabani Filipus oro doku dage nyi dau natadawe aga dahowe nyi harayina.
\p
\v 7 Filipus balehawe, “Roti kahihona duda ngahu Dinar loho walena tutuyi tangada yida, langka wukak hakoleda diha-diha kamarahaki.”
\p
\v 8 Wu wali ta ana hakodoNa, haluguna Anderias, anguwunai Petrus, linage tabarai Yesus,
\v 9 “Dani nade wu lakawa kadana lima balla rotina mono duda kabokona, tanyiduwe agak gaudi rada katu kalna butana ata rada?”
\p
\v 10 Yesus linage, “Halewayi tangada ata ngodo.” Tha dau neda butayi ruta, nyidawe ata kangodo rad baka tutuyi lima rata kabani butada,
\v 11 Bege, Yesus na ngalayi roti rada mono naha maringiyi, Nyi nabawe dadi roti rada tabrada yida kangodo; bege na rayi dumoGe ta kaboko rada loho butadi dokuge hakabu ateda.
\p
\v 12 Kole tangada ata bada be ha bokta, Yesus linage tabarada ana hakodoNa, “Kahay kadibkadi ka rehi dajalage illa dayo kama baita.”
\v 13 Oroge inna, tangada an hakodona da kahayi mono dahangihidi kabulu duda haburra wali ta kadibka roti kalima balana ha tanada yida bada be ha yayo.
\p
\v 14 Kole ata rada etawe tada kaheka gaina harayinai Yesus, yida lidage, “Nyi nade enga Nabiyi pa jajibe amini tapanu tana.”
\p
\v 15 Oro bana ma damuge rada ata buta kabu atege amidi mono karuhuyi Nyi kana dadi Raja tutuda yida, Yesus na pahil wikna mehana takabodi letena. 
\s Yesus Nakako Ta Panu Weyo
\p
\v 16 Kole lado ba nari gaknage, ana hakodona burru aro ta hoba
\v 17 mono kole bana panne ta tena, yida halege dage palage hoba aro ta Kaper naum. Lado manari kapagta nage, teboloi Yesus wale am jala honi dikidi yida.
\v 18 Hoba inna kapu nage bana hangalungge oro rereha kakiki waddi.
\v 19 Bege, kole yida bada boheyi tenada bartutuwe talu kabulu waleka duda kabulu lima milna marauna, yida da etayi Yesus kako tapanu we ta hoba mono dahekayi tena dajalage yida madauta.
\v 20 Tabolo, Yesus lina dage tabrada yida, “Nauwag na inne, ilam madautawu!”
\v 21 Bewe innage, yida da kabu atege hapaneni Nyi tatena mono kadadaka ngidiwe tena nada bada dikina tah dau aroda yida kako. 
\s Ata Buta Mayegani Yesus
\p
\v 22 Damma hege tana, ata buta ka dedeho tabali hoba etawe ai dayo tena wadeka taha dau neda, duka wuheyi tena ana hakodona katamabe neda lari. Tabolo, Yesus walena naha dokukma tatena inna oledi ana hakodoNa ka kako mehabe.
\v 23 Ammidi tena wadeka wali ta Tiberias tabrada ata rada kayayo roti, ba kole Mori bana hamrimgiyi.
\v 24 Kole ata buta etayi nai Yesus mono ana hakodoNa ai dalini taha dau neda mono kako ta Kapernaum bada mayegani Yesus. 
\s Yesus Yikna Roti Morha
\p
\v 25 Rada ata buta bada dikini Yesus tabali hoba, yida daka nukka tabaraNa, “Rabi, pirra yau bamu dikki inne?”
\p
\v 26 Yesus nabale hayi yida mono linage, “Tau takka nage, Nauwa luguge tabarami, mi mayegaga Nauwa wale oro eta dakmamige tada kaehka gaina, likege oro mi um yabemi roti kaha bamu bokta.
\v 27 Ilam ulana tutu mayegana hayayo kaliloko, tabolo tutu hayayo katahna kahha ta morha ai kadukana, nada Anana kadadi ata enga yinagu tabarami oro Anana kadadi ata nada, Ama, halinawe Allah, na yibewe paha didaraNa.”
\p
\v 28 Loho, ata buta rada dakanukayi Yesus, “Aga daho harayima nami dajalage nami kama ulage ha ula hakabu atenai Allah?”
\p
\v 29 Yesus balehawe mono linage tabarada yida, “Inne yiwe haula hakabu atenai Allah: hatena tabarana Nyi pahalewa benai Allah.”
\p
\v 30 Yida dakanuka tabaraNa, “Nyi batauda ge, tada kaheka gaina aga dayi harayim Yau dajalage nami etayi mono hatena tabaraMu? Ha ula agana dahona yau harayim?
\v 31 Weda waikama nami ya manna ta marada gilra, katauna kama tolha, ‘Nyi nayidi roti wali ta surga kapiku yadi.”’
\p
\v 32 Yesus linage tabrada yida, “Tau takka nage, Nauwa luguge tabarami, walei Musakma kayigimi roti walta surga, tabolom Amagla kayigimi roti kabanning wali tasurga.
\v 33 Oro, roti wali tai Allah nyikna Nyi kaburru wali tasurga mono kayiwe morha tapaniu tana.”
\p
\v 34 Yida lidage tabaraNa, “Mori, yi hakita gama nami roti rada.”
\p
\v 35 Linage Yesus tabarada yida, “Nauwagna Roti Morha; ata kamai tabaraGu walena hilu kalabakma lage, mono ata kaha tena tabaraGu walna hilu marikma lage.
\v 36 Tayidawe, Nauwa ug takbewe tabarami inna lokom etabekwa Nauwa, mi engage aim hatena.
\v 37 Tangage hayinai Ama tabaraGu enga amidi tabaraGu, mono ka mai tabaraGu wale nadadik mawe Bagu wugayi.
\v 38 Oro, Nauwa ug burru wa wali wa ta Surga wale tutu rayik maguge hakabu ate daugu, tabolo hakabu atena Nyi kaha lewawa Nauwa.
\v 39 Mono, inne nyi ha kabu atena Nyi kaha lewawa Nauwa: dajalage tangage hayibeNa tabaraGu walena bungak mawe, tabolo Nauwa ug hakade haggawe taha dukkage.
\v 40 Oro, inne nyiwe hakabu atei AmaGu, tangana ata kaetayi Ana mono hatena tabaraNa enga kolenage morha ai kadukana, mono Nauwa ug hakadeyi nyi ta hadukka rahi.”
\p
\v 41 Oroge inna, kapirana ata Yahudi halege dage kangurka tubaNa oro Nyi balina, “Nau wagna roti kaburru wali ta surga,”
\v 42 Yida lidage, “Wale yikakna nade Yesus, anai Yusuf, rada ama mono iyana hatadada? Aga linak kawe nyi balinage, ‘Nauwa ug burruwa wali ta suraga?”’
\p
\v 43 Yesus balehayi yida mono linage, “Ilam kangurkam tajongam mi dau.
\v 44 Wale wu hing mana atala kamai tabaraGu, ai nyika AmaGu kaha lewawa nauwa bana tingiyi, mono Nauwa enga hakadeguni ta hadukka rahi.
\v 45 Dage kama tolha lar tajurata Nabi: ‘Mono, yida tangada enga ha akadi Allah. ‘Tangada ata karangewe mono ohiwe wali tai Ama enga amini tabaraGu.
\v 46 Hada inna wale bada dakma ata kakal etayi Ama, duka Nyi kamai wali tai Allah; Nyikna kaetayi Ama.
\v 47 Nauwa luguge tabarami, ‘tau taka nage, tangana ata kaha tena na dauge morha ai kadukana
\v 48 Nauwag na Roti morha.
\v 49 Weda waikami na yabe manna ta marada gilra, tabolo yida da mate.
\v 50 Yidakna roti ka burru wali ta surga, dajalage tangada ata kayadi mono wale da matekma.
\v 51 Nauwagna roti kamorha inna kaburube wali tasurga. Nyi ata yaka roti rade, nyi enga morha hakitana; mono roti hayiguni tangage morha panu tana inna nyikwela tauGu.”
\p
\v 52 Ata Yahudi halege dage hagaba wikina diha-diha, yida lidage, “Apa na dadik kawe ata nade yiwe tauNa kapiku yani?”
\p
\v 53 Yesus linage tabarada yida, “Nauwa luguge tabarami, tau takka nage nyi mi aim yakage tauna Anana kaddi ata mono enunage raNa, mi walemi dau mage morha neda ta taumi.
\v 54 Tangana ata kayagage tauGu mono enu gage raGu na dauge morha ai ka dukana, mono nauwa enga hakade guni nyi ta haduka rahi.
\v 55 Oro, kanaGu haya kabanning nage mono raGu engage tabaraGu mono Nauwa neda lari ta nyi.
\v 56 Iyayi kayagagge kana-Gu monno ka enugagge ra-Gu enga engana ta bara-Gu monno Nauwa engag engana tabarana nyinyo
\v 57 Katau nai Ama kamorha halewawa Nauwa, mono Nauwa morha oronai Ama, tauda dumo nage nyi kayaga Nauwa, nyi na morha oro Nauwa.
\v 58 Yikna roti ka burru wali ta surga, walena tujak mayi roti ha yada weda waikami mono yida mate, ata kayadi roti rade enga morha hakitada.”
\p
\v 59 Yesus natakkiwe tanhgage inna ta Kapernaum bana ha akkayi ta Sinagoge. 
\s Buta Ana Halolena Katanani Yesus
\p
\v 60 Kole buta wali ta ana hakodona rangewe hada inna, yida lidage, “ha akka Inne al nage bikta. Iya duyi katagorage hibawe?”
\p
\v 61 Oro bana tadawe ana haloleNa bada kangurka tutu hada inna, Yesus linage tabrada yida, “Apa inna hatak kigu mahada dangage buttu atemi?
\v 62 Nyi batauda ge, aga linawe mi etayi Ana kadadi ata panne haga taha dau waliNa?
\v 63 Waddi la ka yiyo morha, tanyiduwe kanayo lakma gauge. Haneweg tangadi ha takkig tabarami yikna waddi mono kamorha.
\v 64 Tanyiduwe, dadi kapirana ta jongami ai kaha tena. “Oro, wali ulluge, Yesus tadayi iyayi ai kaha tena mono iyayi kaengana kaballin Nyi.
\v 65 Yesus linage, “Yikwe oroge Nauwa baluguge tabarami wale wu hingmana dadi mai tabaraGu, duka hada ina he ha yinai Ama.”
\p
\v 66 Wali neda ge, buta ana haloleNa kaeruna mono ngahu dokuni Nyi.
\p
\v 67 Orige inna, Yesus linage tabara kabulu dudana Ana hakodona, “Apa mi jalabaige kako?”
\p
\v 68 Simon Petrus na balehai Nyi, “Mori, tabra iyak hona dau kakoma? Yau kaduge hanewe kamorha ai kadukana.
\v 69 Nami ma hatenabe mono tadawu yau, inna yaunage ka tenguna wali tai Allah.”
\p
\v 70 Yesus bale hayi yida, “Apa wale nauwag na kapede daumi, kabulu dudana ata rade? Loko bataudakge, wu wali tamiyo kabalkayi.”
\v 71 Halinana iyak mayi Yudas, anai Simon Iskariot, oroi Yudas yiknala wu ata wali kabulu dudana ana hakodona rada, tabolo nyi enga malaja nani Yessus.
\c 7
\cl Kawukku 7
\s Ole Baina Yesus Wale Dahatenak Mayi Tabaran
\p
\v 1 Bewe inna, Yesus na kilorage kako ta Galilea. Nyi wale na auma kako ta Yudea oro ata Yahudi neda bali kabu atege hamateyi Nyi.
\v 2 Kole inna, lado madaka ata Yahudi, haluguna lado madaka Kareka Royo, na dageta bewe.
\v 3 Oroge Inna, ole bainai Yesus linage tabaraNa, “Kakowula wali inne ta Yudea dajalage ana hakodoMu dumo enga etawe haulla harayimu Yau.
\v 4 Oro, wale lakma ata karayige aga hingkawe hada kabunyi nyi bana baikage batadayi tajonga ata buta. Nyi Yau rayige hada inna, hatingoge tauMu ta panu tana.”
\v 5 Oro, ole baina Yesus dau dumo wale hatenakma tabaraNa.
\v 6 Yesus linage tabrada yida, “MahiggoGu walna dikik mahowe, tabolo mahiggomu enga maiyaka hangatage.
\v 7 Panu tana walena butuk magimi ate, tabolo panu tana butga ate nauwa oro Nauwa ug yiwa kadelaka ttutu panu tana, inna harayina duka japatawe.
\v 8 Kakom tangami ta lado madaka inna. Nauwa walegu kakok mahowa oro rahige walina dikik mahowe.”
\v 9 Kole bana takkiwe katau danage, Yesus engana ta Galilea,
\v 10 Tabolo, kole ole baiNa kako talado madaka inna, Yesus dumo kako neda bali, walena delakakma, tabolo wainage hada kabunyi.
\v 11 Ata Yahudi mayegani Nyi lar ta lado madaka inna, mono lidage, “Gini Nyiyo?”
\p
\v 12 Da buta kaha newe kamamha tajonga ata buta tutuna Nyi. Da kalina, “Nyi ata dahayi.” Da dumo kalina, “Wallekma Nyi naha jalorai ata.”
\v 13 Tanyiduwe, wale wu hing mana ata kabani atena hanewe kahira tubana Nyi oro madautadi tabarada ata Yahudi. 
\s Yesus Naha Akkayi Ata Ta Uma Allah
\p
\v 14 Kole ba enga hoge rame lado madaka, Yesus tama nage ta Uma Allah mono kapunage ha akkayi ata.
\v 15 Ata Yahudi da dadi hangatara mono lidage, “Aga linada ata nade katauda hingna tadana, walna hakolamo?”
\p
\v 16 Yesus na balehayi yida mono linage, “Ha akkagu wale walik mage ta tau dau wuGu, tabolo wali ta Nyiwe kaha lewawa Nauwa.
\v 17 Nyi nada wu ata au rayige hakabu ateNai Allah, nyi natadawe ha akkaGu Nauwa, apa kawali tai Allah waleka kawali ta tau dauGu.
\v 18 Ata kaha newe wali ta tau dauwuna mayega dahenage ha aka tutu tau dauna, tabolo ata kama yega ha aka tutuna Nyi kaha lewayi, nyi natena mono wale lakma ai katena lari ta tauna.
\v 19 Nadai Musa walena yibe duyi Ukku pareha Taurat tabarami, tabolo wale wuhingmana wali tajongami ka dokudi ukku pareha rada? Ahha mi mami karuhhuwe tutu hamateWa Nauwa?”
\p
\v 20 Ata buta rada balehawe, “Yau tama nagu wadi japata! Iyayi karuhwe ha mateWu?”
\p
\v 21 Yesus linage tabarada yida, “Nauwa duka rayige wu ha ulla mono mi hangatarami.
\v 22 Musa na yibewe kabunyu, doku dage inna wale wali tai Musak mawe, tabolo wali ta weda waikami, mono mi um kabunyuni ata ta lado nagahu.
\v 23 Nyi nada wu ata kabunyu ta lado ngahu dajalage Ukku pareha Musa walegu layik mayi, aha mi mamu banim tabaraGu oro Nauwa bagu patagahayi wuata ta lado ngahu?
\v 24 Ilam yikani rakana olemi dukuge haeta waimi mata, tabolo yikini rakana waige li rakana ka tena.” 
\s Apa Nai Yesus Yikna Mesias?
\p
\v 25 Bege, kapirana ata kaengana ta Yerusalem linage, “Apa wale nyikakna ata nade hakabu ateda hamateyi?
\v 26 Tanyiduwe, etaige, Nyi naha newe kahira mono yida wale lakma hatak ada tabaraNa. Wale tadak dani rato-rato nada ba Nyi takka Kristus?
\v 27 Tanyiduwe, yitta tadawe giyo dau walina ata nade. Tamrage inna, kolei Kristus ammini, duku dage ba amkani Kristus, wale wu hing mana tadawe gi dau walina Nyi.”
\p
\v 28 Oroge inna, tamranai Yesus bana akkai ata ta Uma Allah, Nyi naka wula, “Mi um tadawa Nauwa mono gi dau waligu. Tabolo, Nauwa walegu mai mawa wali ta tau dauGu, taboloNyi kaha lewawa Nauwa yikna katena, mi walemu tadak mayi Nyi,
\v 29 Tabolo Nauwa ug tadyi Nyi oro nauwa wligu ta Nyila kaha lewaWa Nauwa.”
\p
\v 30 Loho, yida dakaruhuwe yapayi Nyi, tabolo lakma wuak ata kajojayi Nyi oro aina diki hewe rahige.
\v 31 Tabolo, buta wali ta ata rada hatena tabarai Yesus. Yida lidage, “Banyi amkani Kristus, apa Nyi enga rehi rayi nadi kabuta tadka kaheka hadana wali parayi bena ata nade?” 
\s Rato Yahudi Karuhuwe Yapayi Yesus
\p
\v 32 Ata Farisi karangewe agawe hatakda ata buta rada tutnai Yesus, nyiwe rato-rato kapala mono ata Farisi halewayi ata ka anguge Uma Allah ka yapayi Nyi.
\v 33 Oroge inna, Yesus linage, “RahiGu bagu ole gimi hodi mowe lage mono be lage, Nauwa kako guge tabarana Nyi kaha lewawa Nauwa.
\v 34 Mi enga mayega miga nauwa, tabolo walem tabok mawa Nauwa. Mono, Ba gi dau daga, mi wale nadadik mawe mai neda bali.”
\p
\v 35 Ata Yahudi rada lidage diha-diha, “Gi dau kakona ata nade daja lage yitta wale nadadik mawe tabokayi Nyi? Apa Nyi enga kakona tabara ata Yahudi kama talara ta jonga ata Yunani, mono ha akkayi ata Yunani?
\v 36 Agawe kapege hatakNa, ‘mi um mayegaga nauwa, tabolo enga walem tabok maWa. Mono, ba gi dau daga, mi walena dadik mawe kako neda bali?’” 
\s Hanewege Tutu Wadi Hiha
\p
\v 37 Ta lado haduka waiwe, halinawe pudege rame inna, Yessu nadede mono kawula, linaGe, “Banyi daka kama riyo nyi kana mai tabaraGu mono kana enu.
\v 38 Ata kaha tena tabaraGu, tauna hatakna jurata biha, wali lar ta tauna enga laloge we morha.”
\v 39 Inna hakabu atenai Yesus yikna waddi, pahibana ata kaha tena tabaraNa. Oro, waddi nada wale yikmahoyi oroi Yesus ai hama nada hoyi. 
\s Halummuge Tutui Yesus
\p
\v 40 Kole yida bada rangewe hanewe inna, kapirana wali ta yida daha newe, “ata nade tau takka nage Nabiyi.”
\p
\v 41 Ata wadeka daha newe, “Nyi nadai Kristus.” Ata wadeka lidage bada hanewe, “Nadai Kristus wale walkak nage ta Galilea?
\v 42 Inna ta jurata biha walena tak kakwe nadai Kristus bana wali ta ana suhui Daud mono wali ta Batlehem, deha hadaunai Daud ullu hoge?
\v 43 Loho, nadadiwi ge pahepa halana ta jongada ata rada orona Nyi.
\v 44 Kapirrana ata wali ta jongada yida kabu atege yapayi Yesus, tabolo wale wu hingmana ata KajojaYi. 
\s Kapirana Rato Yahudi Ai Kaha Tena
\p
\v 45 Oroge inna, tangada kajawawe Uma Allah rada hagga tabara Rato-rato kapala mono ata Farisi, bada kanuka tabarada yida, “Aha mi walemi ngidi kayi Yesus?”
\p
\v 46 Tangada ka jawawe Uma Allah rada da balehawe, “Wale wu hing mana ata ka kali hanewe katuja dayi ata nade!”’
\p
\v 47 Ata Farisi rad da bale hayi yida, “Apa mi dumo naha jalora bemi?
\v 48 Da wu ata tajonga Rato wale dumo ata Farisi kaha tenabe tabaraNa?
\v 49 Ta yiduwe, ata buta aika tadayi Ukku pareha Taurat rade yidakna pa ha haura!” 
\s Hatulnai Niko Demus
\p
\v 50 Tayidwe, Nikodemus, wu ata wali ta yida, kaha tabo danga beni Yesus, linage tabarada yida,
\v 51 “Apa Ukku pareha Taurat yitta yini rakada wu ata ai range honage hada hatakna mono ai tada howe ha rayina?”
\p
\v 52 Yida da balehawe, “Apa yau dumo ata Galileawu? Hamtara kige mono eta kiwela wale lakdakma Nabi kawali ta galilea.” 
\s Lawai Ha Yappa Tamra Jala Harayina
\p
\v 53 Bege, yida tangada hagga ta umada diha-diha.
\c 8
\cl Kawukku 8
\p
\v 1 Tanyidawe, Yesus kako nage ta Lete Zaitunna.
\v 2 Kokokakge, Nyi na mai wali ta Uma Allah mono tangada ata mai tabraNa. Nyi na ngodo mono ha akkayi yida.
\v 3 Loho Ahli Taurat mono ata Farisi ngidiyi wu lawai pa dikida rayina jala harayina, mono kole hadedyi lawai nada ta tiluna,
\v 4 yida lidage tabarai Yesus, “Guru, lawai nade yapayi tamra rayi nage jala harayina.
\v 5 Ukku pareha Taurat Musa naharehada yitta lawai nada hatukku dahoyi watu. Dokuge pahangadaMu aga lina dawe tutuge inna?”
\v 6 Yida da takkiwe katauda dana kaba dani Yesusdajalage yida kadayo puge bada hajalayi Nyi. Tayiduwe, Yesus nayoko mono waidi karaku limaNa, Nyi natolha ta tana.
\v 7 Oro yida da hangatani kanukayi Nyi, Yesus dede nage mono linage tabrana yida, “Ata ai karayi hingna jala ta jongami pahaini nyi kapuge tukkuyi watum lawai nad.”
\v 8 Loho, Yesus yoko wal nage tolha ta tana.
\p
\v 9 Kole yida bada rangewe inna, yida kapudage yelana wu-wuyo, wali kahada katuna, mono datanani mehani Yesus, loho lawai nada kadedeho ta tilluna.
\v 10 Loho, Yesus nadede mono linage talawai nada, “Ta lawai, gikadi yida? Walue lakagna kayigu hokuna?”
\p
\v 11 Balehawe lawai nada, “Lakma, Mori.” Yesus linage, “Nauwa dumo walegu hokukmagu. Kakowu, mono wali batauge, ilam hilu rayi kana jala.” 
\s Yesus Magakaha Panu Tana
\p
\v 12 Bege, Yesus naha newe ta ata buta rada, linage, “Nauwagna magakaha panu tana. Tangana ata kadokuga nauwa walena nakakokma tapagtana, tabolo enga dage magakaha morha.”
\p
\v 13 Bege, ata Farisi daha newe tabaranai Yesus, “Yu um takkiwe tutu dauMu, inna hatakkiMu wale natenak mawe.”
\p
\v 14 Yesus balehayi yida, linaGe, “Loko Nauwa ug tak duwe tutu tau dauwuGu, hatak kigu inna na tenaweoro nauwa ug tadawegi dau waliGu bagu maiWa mono gi Nauwa dau kakoGu, tabolo mi walem tadak mawe gi dau waliGu nauwa mono gi dau kakoGu nauwa.
\v 15 Mi yini rakana atadokuge hada kanayo, tayiduwe Nauwa walegu yikmani rakana langka iya hing kayi.
\v 16 Tabolo, nyi Nauwa ba yikadi rakada, rakada hayigudi inna tenawe oromnauwa aig yimoni rakna wuki ata tabolo oleni Ama kaha lewawa nauwa.
\v 17 Loho dumo, lari tajurata Tauratumi nama tolhawe inna ha takkana duda ata na tenawe.
\v 18 Nauwa ug takiwe tutu tau dauGu mono Ama kaha lewawa nauwa takkiwe tutuGu.”
\p
\v 19 Nyidawe, yida naka nuka tabaraNa, “Gi dau walina AmaMu?” Yesus nabalehawe, “Mi aim tda mowa nauwa loho dumo AmaGu, Nyi mi bamu tada hewa Nauwa, mi dumo um tada gani AmaGu.”
\v 20 Hatakna inna Yesus naha dikige tabarana kanarrona amaha Nyi ba tamrana ha akkayi ata ta Uma Allah, tabolo lahing mana wu ak ata kayapayi Nyi oro rahiNa walina dikik mahowe. 
\s Yesus Naha Newe Tutunai Ama
\p
\v 21 Loho, Yesus natak jalawe tabrada yida, “Nauwa enga tana gimi mi mono mi enga mayega miga Nauwa, tabolo mi enga matemi lari ta jala daumi. Ba gi dau kakoGu, mi wale na dadik mawe ba amgimi.”
\p
\v 22 Bege, ata Yahudi nada naha newe, “Apa Nyi wale hamate wik kak nage oro Nyi balinage, ‘Ba gi Nauwa dau kakoGu, mi walena dadik mawe ba am gimi’?”
\p
\v 23 Tanyiduwe Yesus linage tabrada yida, “Mi walim bawa, tabolo Nauwa waligu dete. Mi walim tapanu tana inne, tabolo Nauwa wale walik magu tapanu tana inne.
\v 24 Oro batauda innage, Nauwa ug tak gimige tabarami inna mi enga matemi lari ta jalami oro mi aim hatena tabraGu, mi enga matemi lari tadokumi.”
\p
\v 25 Loho, yida dakanuka tabraNa, “iyawu Yau?” Yesus balehayi yida, “Nauwa ug tak begemige tabrami wali puge.
\v 26 Na btawe hada tutum miNauwa ha tak hogimi mono rakage, tabolo Nyi kaha lewawa Nauwa nyika tena mono agawe harangegu wali ta Nyi, nyiwe hadikkiGu ta panu tana.”
\p
\v 27 Yida waleda yappak mawe nadai Yesus batamrana hanewe dangadi yidda tutui Ama.
\v 28 Nyi batauda dage, Yesus natakkiwe, “Kole mi bamu hamadehtani Anana kadadi ata, neda mema mi enga tada mige Nauwa ba Nyi, mono wale lakma wuak nNauwa harayigu wali ta tau dauGu, tabolo Nauwa ug tak kiwe paha akka nagai Ama tabaraGu.
\v 29 Mono, Nyi kaha lewawa Nauwa naha mera ole dangaga Nauwa, Nyi walena Tanak mehak maga Nauwa oro bagu rayi moge hada kayan nana tabaraNa.
\v 30 Tamranai Yesus tak kiwe tangage inna, buta ata kaha tena tabaraNa. 
\s Ananai Abraham Mono Ananai Pajode
\p
\v 31 Bege, Yesus naha newe tabara ata Yahudi kaha tena tabaraNa, “Nyi mi bam engana ta liGu, mi tau takka nage ana hakodo gimi,
\v 32 mono miyo enga tada mige katena, mono katena inna enga pahoila nagimi.”
\p
\v 33 Yida da balehawe, “Nami ana suhui Abraham ma mono walema kalla dadikma ba ata paha lewana gama ata langka iya hingkai. Yidawe, aha Yau ma lumuwu, ‘mi um hoilami?”’
\p
\v 34 Yesus balehayi yida, “Tau taka nage, tangana ata karayina jala yikna atana jala.
\v 35 Wu ata paha lewana ata walena enga hakitak mana lar taumma, tabolo anana enga hakitana taumma.
\v 36 Nyiwe, nadai ana bana pahoilami, mi hoila takka mige.
\v 37 Nauwag tadawe mi ana suhui Abraham mumi, tabolo mi kamagge hamatewa Nauwa oro paha akkaGu ai da hadauge tamiyo.
\v 38 Nauwa ug tak gimige tutu hada ha eta beGu oleni AmaGu, tauda dumo nage mi um rayige hada harange bemi wali ta Amagu.”
\p
\v 39 Yida da baleha mono daha newe tabaraNa, “Abraham yikna Amama nami.”Bale hawei Yesus, “Nyi mi ba ana huhui Abraham kam, doku dage mi um rayi dahoge inna harayinai Abaraham,
\v 40 Tanyiduwe, mi um karuhuwe ha matewa Nauwa, ata katak gimige katena, ha rangegu wali tai Allah. Abraham walena rayik mage inna.
\v 41 Nyiwe, mi duka dahege bamu rayigeagawe harayina ama daumi.” Yida lidage tabraNa, “Nami wale hadadik magama wali tahada jala kadadi ata. Nami dani wu Ama, halinawe Allah.”
\p
\v 42 Yesus linage tabrada yida, “Nyi Allah ba Ama mini, mi enga manawara miga Nauwa oro Nauwa amiga mono wali tai Allah. Mono, nauwa ug maiwa wale hakabu ate dau maguGe, tabolo kaha lewaWa Nauwa.
\v 43 Agawe oroge mi walemi yapawe agawe ha takkigu? Inna oro mi aina dadiwe rangewe liGu.
\v 44 Mi um walim ta amami, halinawe kabalka mono mi kabu atege rayige tangadi hakbu atena Amami. Nyi yikna kaha mate olena wali puge mono ai kanarroge katena oro wale lakma katena lar ta tauna. Nyi nyi bana kapalekaka, nyi na tak kiwe wali ta hada dauna oro nyi yikna kapaleka mono ama na paleka.
\v 45 Tanyiduwe, oro Nauwabagu takkiwe katena tabarami, mi walem hatenak mami tabaraGu.
\v 46 Iyayi tajogam mi kadadiwe takkiwe inna nauwa jala? Nyi bagu tak kawe katena, aha mi walem hatena tabaraGu?
\v 47 Iya hingkayi kawali tai Allah, nyi na rangewe liyo wali tai Allah; inna nyi oroge mi walem rangewe oro mi aim wali tai Allah.” 
\s Naha Newege Tutu Tauna Mono Abraham
\p
\v 48 Ata yahudi balehayi Yesus mono naha newe tabaraNa, “Tenawe inna nami bama tak kawe inna Yau ata Samaria mono Yau tama nagu wadi japata?”
\p
\v 49 Yesus nabalehawe, “Nauwa walna tamak maga wadi japata, tbolo Nauwa ug ha akani AmaGu, tabolo mi walem ha akak maga Nauwa.
\v 50 Tayiduwe, Nauwa walegu mayegak mana manadana tuba taugu; dani wu kama yegani mono kayini rakana.
\v 51 Waige katau takkana, Nauwa luguge tabrami, tangana ata kadoku gage liGu, nyi walna kal etak mawe inna mate.”
\p
\v 52 Ata Yahudi rada lidage tabrai Yesus, “Batauge nami matadawe Yau batma nagu wadi japata! Oro, Abraham mono tangada Nabi dumo da matebe. Tabolo, Yau um takkiwe, ‘tangana ata dokoge LiGunyi wal na kal padak mage mate.’
\v 53 Apa Yau rehi madaka howu wali tai Abraham, amama nami, kamtebe? Tangada Nabi dumo da matebe; iya dahoyi Yau dau hamera wikiMu?”
\p
\v 54 Yesus na balehawe, “Nyi Nauwa bagu hamanadawe tau dauGu, MandaGu inna lakma gauge; AmaGula kaha manadawa Nauwa, loho tubana miyo um takiwe, ‘nyi Allah manami.”’
\v 55 Tabolo, mi walem tadak mayi Nyi, tabolo Nauwa ug tadayi Nyi; nyi nauwa bagu takkiwe tadai Nyi, Nauwa enga daidigu paleka, katujana mi, tabolo Nauwag tadayi Nyi mono Nauwa dokuge liNa.
\v 56 Amami, Abraham, lagahara oro nyi enga eta nani ladoGu. Nyi naetabeyi mono nalagaharabe.”
\p
\v 57 Loho, ata Yahudi rada dahanewe tabraNa, “Lado morhamu wale lima kabul dau mahomu, tabolo Yau um ete beyi Abraham?”
\p
\v 58 Yesus naha newe tabrada yida, “Tau takka nage Nauwa ug tak guge tabarami, ai dahoni Abaraham, Nauwa dabega.”
\v 59 Oroge inna, yida dangala watu tutu tukuyi Nyi, taboloi Yesusna kabunyige tauNa mono ija kage Uma Allah.
\c 9
\cl Kawukku 9
\s Ata Kamoro Wali Dadina Hataga Hayi
\p
\v 1 Kole Yesus tamrana kako, Nyi naetayi ata moro wali dadina,
\v 2 Ana hakodonai Yesus dakanukawe tabraNa, “Guru, Iyayi kajala, ata nade waleka ata katuna nyi dajalage nyi maha dadi moroni?”
\p
\v 3 Yesus na bale hayi, “Wale nyikma loho dumo wale ata tukmana kajala, tabolo dajalage haulanai Allah kana dedowe neda lar ta nyi.
\v 4 Yita da ula gahoge ha ulana Nyi kaha lewawa Nauwa bana lado hoge; gaddi enga amige wale lakma wuak ata ka dadi ulana.
\v 5 Nauwa ba enga hogu ta panu tana, Nauwag na magakaha panu tana.”
\p
\v 6 Bana be ha tak kiwe katauda dana, Yesus nata rumi ta tana mono naha kilage we tarumiNa ha yongage tana, loho na oja nage tamatana ata nada,
\v 7 mono nahanewe tabrana, “Kakowu, hamuraha wikimu taha dau hariha Siloam.” Siloam ngara hekage “Paha lewa.” Nyiwe ata nada nakako. Hamuraha wikina mono nyi nahagga waina eta.
\p
\v 8 Ole bara umana mono yida ka etayi nyi ba wuyi ata moro lidage, “Wale yikakna nade ata ka damma ngodo momo kataguge karaiyi?
\p
\v 9 Wadeka ata lidage, “Ngo, Nyikna kataguge karaiyi nada.” Rada wadeka lidage, “walekma, nyi tuja nani natu kataguge karai nada.” Tabolo, ata ina hona moro nada linage, “Nauwagana ge kataguge karai.”
\p
\v 10 Loho, ata rada da kanuka tabarana, “Aga lina dawe matamu mana tagahayi?”
\p
\v 11 Ata nada na balehawe, “Ata kangaranai Yesus nada naha kilage tana mono na oragage ta matagu. Bege. Nyi linaga tabaragu, ‘Kakowu ta Siloam mono hamuraha ge ngihimu, ‘nyiwe nauwa ug kakowa mono hamuraha ge ngihigu, mono nauwa dadiwe eta.”
\p
\v 12 Yida lidage tabrana, “Gini ata nada?” nyi na balehawe, “Nauwa wale gu tadak mayi.”
\v 13 Bege, yida dangidiyi ata ina hona kamoro tabra ata Farisi.
\v 14 Nada lado kole Yesus hakilage tana mono mabugerayi matana ata nada lado rahi naghuyi.
\v 15 Nyiwe, ata Farisi hadakka pige da kanukayi tabarana ata nada aga lina dawe bana dadi eta. Nyi linage tabrada yida, “Nyi kaora gadi tana hakila tamatagu, mono nauwa hamurahage taugu mono nauwa dadiwe eta hagga.”
\p
\v 16 Oro bataudage inna, kapira ata Farisi rad da hanewe, “Ata nade wale kawalik mayi tai Allah oro nyi aina himoyi Lado ngahu.” Wadeka lidage, “Ta nyiduwe, aga linak kawe ata doku dadiwe rayige tada kahaheka hadana katauna inne?” Yiwe, dadi nage bahawe tajongada yida.
\p
\v 17 Nyiwe, yida hagal dage kanukayi ata moro nada, “Aga linawe paha ngaduamu tubana Nyi oro Nyi kabugera begudi matamu?” Ata nada na balehawe, Nyi yikna wu Nabi.”
\p
\v 18 Ata Yahudi rada engage aida hatena tabrana, nada ata inna na na moro takka tabolo batauge dadiwe bana eta, tomage yida bada kamaikani amana wali nada ata ka eta hagga,
\v 19 mono dakanukayi tabarada yida, “Apa nade anamuni, ha takkimu moro wali dadina? Batau dage, aga lina dawe nyi batauge dadiwe bana eta hagga?”
\p
\v 20 Amana balehayi yida mono linage, “Nami ma tadayi nyi ba ana mani nami mono bana moro wali bana dadi,
\v 21 tabolo ba agalina dawe batauge nyi mana eta haga, nami wale ma tadak mawe; waleka ba iyayi kabugera nadi matana nami walema tadak mayi. Kanuka daukayi tabarana, nyi na matube; nyi naha newege tau dauna.”
\v 22 Ata tuna da tak tauda dage oro yida bad madauta tabarada ata Yahudi. Oro, ata Yahudi rada hawubena takki, rada ata ka mangakuni Yesus bai Kristus, enga laini wali ta Sinagoge.
\v 23 Nyi dawe oroge amana lidage, “Nyi na matube kanuka dau kayi tabrana.”
\p
\v 24 Nyiwe, hadu wuda wai ata Yahudi da kamai kani ata kamoroho nada, mono lidage tabrana, “Yikani manadana tubai Allah, kama tadawe ata nade bana doku.”
\p
\v 25 Nyi nabaleha, “Apa ata nada ata jalayi ba waleka, nauwa walegu tadak mawe: wu hewe ha tadagu, aig moro howa, tabolo batauge ug etabewa.”
\p
\v 26 Yida daha newe tabrana, “Agawe Nyi harayina tabaramu? Agalina dawe Nyi bana bugera guni matamu?”
\p
\v 27 Nyi na balehay yida, “Nauwa ug tak bemige tabarami, tabolo mi walem auma rangewe; ahal ho mamu kabu atelge range walwe? Apa mi kabu atege dadi ana hakodoNa?”
\p
\v 28 Nyiwe, yida daha hameloni nyi mono lidage, “Yau na ana hakodoNa ata nada, tabolo nami ana hakodo nagamai Musa.
\v 29 Ma tadawe nai Allah naha hanewe tabrai Musa, tabolo tutu ata nada, nami walma tadak mayi ba gi Nyi dau walina!”
\p
\v 30 Ata nada baleha mono linage tabrada yida, “Tau taka nage nggedewe inna mi aim tadayi gi dau walina Nyi, doku dage Nyi nabugera begadi matagu.
\v 31 Yita tadawe nai Allah wale narangek mayi ata jala, tabolo iya haing kayi kama madautani Allah mono rayi nage hakabu ateNa, Allah narangeyi nyi.
\v 32 Wali uluge kaha batauge, wale kal rangek mawe nada wu ata bugera nadi mata ata kamoro walidadina.
\v 33 Nyi ata nada ai na wali ka tai Allah, Nyi wale lakma harayi ana.”
\p
\v 34 Ata Yahudi rada da baleha mono lidage tabarana, “Mi dadi waina kabanuna jala, mono mi bai bamu guruma nami?” Nyiwe, yida da wugayi ata nada.
\v 35 Yesus rangewe ata Yahudi da wugayi ata moro nada; kole Yesus hataboka dangani nyi, Yesus linage, “Apa Yau hatena tabarana anana kadadi ata?”
\p
\v 36 Ata nada na balehawe, “Iyayi Nyi nada, Mori, dajalage nauwa kagu hatenawa tabaraNa?”
\p
\v 37 Yesus linage tabarana, “Yau um eta beyi Nyi. Nyi nyikna kaha newe dangagu batauge.”
\p
\v 38 Ata nada na balehawe, “Mori, nauwag hatenayi!” Bege, nyi nakawojo ta aroNa.
\p
\v 39 Yesus linage, “Tutu yige rakage Nauwag maiwa tapanu tana inne dajalage yida ai eta, dadiwe bada eta mono yida kaeta, kada dadi moro.”
\p
\v 40 Kapirana ata Farisi kadana tabaraNa rangewe ina hada, mono linage tabraNa, “Apa nami dumo moro?”
\p
\v 41 Yesus linage tabarada yida, “Nyi mi bamu moro kam, mi walem dau mage jala; tabolo oro mi balimige, “Nami maeta, ‘jalam engage badage.”
\c 10
\cl Kawukku 10
\s Yesus Nadahawe Jawana
\p
\v 1 Yesus linage, “Waige katau takana, Nauwa luguge tabarami, ata katanma ta gallu bebe aina lika tabina, tabolo waige bana panne liyo ta lara wadeka, ata nada yikna ata kedu mono karebo.
\v 2 Tanyiduwe, ata kaliyo ta bina, nyi nyikna kajawa bebe.
\v 3 Tubana, ka aguna bina nabugerana bina, mono tangada bebe rangewe liyo, mono nyi na maikadi bebe dauna waige ngarada yida, loho irui yida tabali hadu.
\v 4 Kole bana pahu kahadi tangadi bebena, nyi na kako ta aroda yita mono bebena enga dokuni nyi oro yida tada nage lina.
\v 5 Ata li palaka enga waleda dokuk madi yida, tabolo yida enga malaida wali tabarana oro yida aida tada nage lina ba ata li palakayi.”
\p
\v 6 Hatuja innala nyiwe hataknai Yesus tabrada yida, tabolo yida waleda yapak mawe agawe ab hataknai Yesus tabarada yida.
\v 7 Orogr innage, Yesus lina walige tabrada yida, “Tau taka nage, Nauwa luguge tabarami, Nauwa bina ka aro ta bebe rada.
\v 8 Tangana ata kamai ai Nauwaho yikna ata kedu mono karebo, tabolo tangada bebe walda rangek mayi yida.
\v 9 Nauwagna bina. Nyi wu ata bana tamaka ledega Nauwa, nyi enga mane marana, mono enga hu tamana, loho na dikina marada kadyo ruta morona.
\v 10 Ata kedu bana mai duka hege bana kedu, hamate olena, mono halilokona; Nauwa ug maiwa dajalage yida kada dauge morha, mono hadauda majabolawe.
\p
\v 11 Nauwa kama jawa kahada daha; kama jawa kahada daha na yiwe ngahuNa tubada bebena.
\v 12 Wu ata pahewa, wale ata kama jawak mayi, wale dau jalak manadi bebe rada, etayi serigala ba amidi, nyi natanadi bebe rada mono malaiyi; Serigala rada enga yapa dadi mono hai haidadi bebe rada.
\v 13 Nyi malaioro nyi ata pahewayi mono wale na apek mayi bebe rada.
\p
\v 14 Nauwagna kahada daha jawami. Nauwa ug tadayi bebeGu mono bebeGu tadawa nauwa
\v 15 tujawe AmaGu bana tadawa Nauwa mono Nauwa bagu tadayi AmaGu; mono Nauwa bagu yiwe ngahuGu tubada bebe rada.
\v 16 Nauwa dajaladi bebe wadekaGu aika wali ta gallugu inna; Nauwa ug ngidi hoyi yida, mono yida enga range dage liGu; mono yida dadiwe bada hawuna ta wu kajawayi.
\v 17 Oro yiknai Ama kamanawaraga Nauwa, oro Nauwa ug yiwe ngahuGu dajalage Nauwa dadiwe ngala hagawe.
\v 18 Lakma wuak ata kangalawe wali tabaraGu, tabolo nauwa dahola kayiwe dokoge hakabu ate dauGu. Nauwa dayo hakkugu tutu yiwe ngahuGu, mono nauwa dumo dayo hakkugu tutu ngala hagawe. Inna yiwe pareha pa hibagu wali taAmagu.”
\p
\v 19 Hadaka piwali, na bahawe kahawuna tajongada Ata Yahudi oro hatakanai Yesus inna.
\v 20 Buta wali tayida kaha newe, “Nyi tamanani wadi japata mono dadi ngade nage. Aha mamu rangeyi Nyi?”
\p
\v 21 Wadeka lidage, “Inna wale hanewe ata hatama maknani wadi japata. Dak kawe wadi japata bugeradi mata ata?” 
\s Yesus Monoi Ama Wuwe
\p
\v 22 Ta mahigo neda, lado madaka Pentahbisanuyi kadadi ta Yerusalem. Mahigo neda rahi kalikawe,
\v 23 mono Yesus tamra ta uma Allah, ta Serambi Salomo.
\v 24 Loho, Ata Yahudi kama kaha kilorani Nyi mono lidage tabaraNa, “Pirahoge madi walge Yau bamu pahaini dewama gedo? Nyi yau Kristus, tak lurhawetabrama nami.”
\p
\v 25 Yesus balehayi yida, “Nauwa lugu bege tabarami, tabolo mi walem hatenak mami. Haulla harayiGu lar tangara AmaGu, yiwe kayiyo hatakki tutu Nauwa.
\v 26 Tanyiduwe, mi walem hatenak mawe oro mi aim tamami tajonga bebeGu,
\v 27 Tangada bebeGu rangewe liGu, Nauwa ug tadayi yida mono yida dadokuga Nauwa.
\v 28 Nauwag yiwe morha ai kadukana tabarada yida, mono yida wale da lilokokma; mono wale wuhingmana dadi karama gimi miyo wali talimaGu.
\v 29 AmaGu, kayibedi yida tabraGu, rehi madaka hoda wal tatangada, mono wale wuhingmana ata karamadi yida wali ta limanai Ama.
\v 30 Nauwa monoi Ama wuwe.”
\p
\v 31 Hadaka piwal, ata Yahudi ngala dage watu tukuyi Yesus.
\v 32 Tanyi dawe, Yesus linage tabarada yida, “Nauwa ug hatingo bege tabrami butai haula kadaha wali tai Ama, haula aga dal howe wali tajongami kapahadami mamu tukkuwa nauwa waiga watu?”
\p
\v 33 Ata Yahudi rada dabalehayi Nyi, “Wale oro wu ha ullak mawe kadaha nami mama tukkuwu Yau, kawukina ata, bamu hadadige tauMu Allah.’
\p
\v 34 Yesus nabalehayi yida, “Walna matolhakwe lar tajurata Taurat mi, ‘Nauwa ug yibewe Ligu, Mi yiknai allah’?
\v 35 Nyi Allah bana takkayi yida kahibawe li inna'allah', doku dage Jurata Biha wale nadadik mawe bana hadukkawe,
\v 36 apa mi um takkiwe tutu Nyi paha tengu benai Ama mono halewa lar tapanu tana, ‘Yau um paddayi,’ oro Nauwa luguge tabarami, ‘Nauwa Anai Allahwa’?
\p
\v 37 Nyi Nauwa aigu rayi kage haulana AmaGu, ilam hatenaka tabaraGu.
\v 38 Tanyiduwe, Nyi nauwa bagu rayi kage haulla inna, loko aim patenakna tabaraGu, hatenaila rada haulla dajalage mi tadayi mono yapayi inna Nauwa Ama innai ta Nauwa, mono Nauwa innaga tai Ama.”
\p
\v 39 Hadaka pige, yida kabage yapayi Yesus, tabolo Nyi na hoila wali tayida.
\v 40 Lohoi, Yesus kako nage palani laiwe Yordan aro taha dau Yohanes wunga hariha kina ata ululge mono Yesus engana neda bali.
\v 41 Buta ata kamai tabaraNa mono linage, “Lokoi Yohanes aina rayiduge wu tada kaheka gaina dumona, tabolo tangadi hataknai Yohanes tutu ata nade natenawe.”
\v 42 Mono, buta ata kadadi hatena tabaraNa neda bali.
\c 11
\cl Kawukku 11
\s Matenai Lazarus
\p
\v 1 Dani wu kabani ka tamrana kalwara, ngaranai lazarus wli Betania, haronai Maria mono watona.
\v 2 Maria yikna lawai ka lewu nadi leduna Yesus waini we kabau burata mono kahopi wai nadi leduNa waige wuna, nada kabanina, Lazarus, katamra kalawara.
\v 3 Oro ge inna, kadudana wattona rada hangidina li tabraNa, kalina, “Mori, Ata yau hama nawaramu tamrana kalawara.”
\p
\v 4 Tabolo, kole Yesus bana rangewe li inna, Nyi linage, “Kalawarana inna walena mate dangak mage, tabolo hadedo danga nage manadanai Allah dajalage Ananai Allah ledieni kaha manadai.”
\v 5 Yesus na manawara takkani Marta, mono angu winnena, mono Lazarus.
\v 6 Nyiwe, kolei Yesus rangewe nai lazarus kalawara, Nyi wuk dahing nage engana duda lado wali taha dau Nyi badani.
\v 7 Be innage, Yesus linage ta ana hakodoNa, “Mai da Yitta kada kako wali ta Yudea.”
\p
\v 8 Rada Ana hakodona lidage tabaraNa, “Guru, ata Yahudi walna mojak mahoge inna kab ate dage tukkuwu watu Yau, apa Yau enga dahoge bamu kakow neda Bali wali?”
\p
\v 9 Yesus nabalehawe, “Wale kabulu duda Jam kakge inna diha lado? Nyi wu ata bana kakoka bana ladoge, nyi walena widdakma oro nyi ba etawe magakaha panu tana inne.
\v 10 Ta nyiduwe, nyi wu ata ka kako bana gadige, nyi na widda oro magakaha inna ai daduge tabarana.”
\p
\v 11 Be Yesus bana hanewe tau danage, Nyi linage tabarada yida, “Oleda yitta, Lazarus, nadurabe, tabolo nauwa enga kakogu haraduyi nyi.”
\p
\v 12 Ana hakodo lidage tabaraNa, “Mori, Nyi bana duraka, nyi enga tagahana.”
\p
\v 13 Yesus doku dage hanewena tutu mate nage lazarus, tabolo ana hakodona hayapada Nyi naha newe tutu dura hanewe jeluge ngahu.
\v 14 Oro ge Inna, Yesus bege napa hirawe hatakna tabarada yida, “Lazarus na matebe,
\v 15 mono nauwa dahawe oro hakabu atemi, Nauwa wale lakmaga neda bali dajalage mi kam hatenawe. Nyiwe, mai yitta kada kako tabrana.”
\p
\v 16 Bege, Tomas, hangara leba Didimus, naha newe tabra ana hakodona wadeka, “Maida dumoda yitta kako kana dadiwe mate ole dangaNi.”
\p
\v 17 Kole Yesus diki, Nyi na dikini Lazarus nedo beyi tarate pata gak bena.
\v 18 Inna Betania doka bulu duda rata laima ngahu metera marauge wali ta Yerusalem.
\v 19 Buta ata Yahudi kamai be dikini Maria mono Marta, kapiku agu ateyi yida oro ole baida nada.
\p
\v 20 Kole rangewe nadai Yesus ba ammini, Marta kako tabokayi Nyi, tabolo Maria engana ta Umma.
\v 21 Marta linage tabaranai Yesus, “Mori, nyi mahigo neda ba dahekigu taha dau inne, ole baima walena matek maki.
\v 22 Tanyiduwe, batauge nauwa ug tadawe lanhgka aga hingkayi harayimu wali tai Allah, Allah nayiguge tabaraMu.”
\p
\v 23 Yesus linage tabarana, “Ole baimu enga kadena.”
\p
\v 24 Marta na balehayi Nyi, “Nauwag tadawe nyi enga kadena ta lado rahi kade tahaduka rahi.”
\p
\v 25 Yesus Linage tabarana, “Nauwakna kakade mono kamorha; iya hing kayi kaha tena tabaraGu, nyi enga morhana loko nyi bana mate bekna,
\v 26 mono tangana ata kamorha mono hatena tabaraGuwale na kal matekma. Apa mi um hatenakwe inna?”
\p
\v 27 Marta linage tabarana, “O Mori, nauwag hatenawe inna Yau nai Kristus, Ana Allah, kamai tapanu tana.” 
\s Yesus Na Hoyo
\p
\v 28 Kole balina innage, Marta kako nage kamai kani Maria, angu winnena, mono hanewe meha dage, “Guru dagu inne mono Nyi na maikagu.”
\v 29 Rangewe innage, Maria geha dede nage mono dikini Yesus.
\v 30 Innage, Yesus walena dikik maho taha deha inna, tabolo enga hona taha dau Marta bana tabo ka naNi.
\v 31 Ata Yahudi ka oleni Maria ta umana inna, tamrada agu ateyi nyi, etayi Maria geha kade mono kako huna; yida da dokuni nyi oro haya pada nyi enga kako nage ta rate hoyo neda bali.
\v 32 Kole Maria diki taha daunai Yesus dau dani, nyi na etayi Yesus mono na kawojo ta koko leduNa, loho linage tabaraNa, “Mori, Nyi Yau badahekigu inne na, ole baigu wale na matekma.”
\p
\v 33 Kole Yesus ban eteyi Maria bana hoyo, mono ata Yahudi ka ole jala ni hadoku hoyo, boyatai Yesus lar Waddi mono walena ha iyak mawe halina.
\v 34 Yesus naka nukayi, “gini lazarus dau tani mini?” Yida da balehayi Nyi, “Mori, mai dokuga mono kam etayige.”
\p
\v 35 Yesus jala na hoyo.
\p
\v 36 Yiwe, ata Yahudi lidage, “Etai ge! Nyi hada manawara nani Lazarus!”
\p
\v 37 Ta nyiduwe, kapirana ata tajongada yida lidage, “Wal nadadik mawe Nyi ka bugera bena mata ata moro inna dumo narayige tabarai Lazarus walna matekma?” 
\s Lazarus Hakadeyi Wali Ta Ata Mate
\p
\v 38 Yesus, na boyata piwal lari ta tauNa, kako ta rate. Rate inna yiwe wuwe rowaka, mono wu watu ha ijala pali tuni wai.
\v 39 Yesus linage, “Hikkalani nada watu!” Marta, ole baina ata kamate nada, linage tabraNa, “Mori, batauge enga bau benage oro nyi pata lado bena ta rate.”
\p
\v 40 Yesus na balehayi nyi, “Nauwa walegu tak bekmige tabarami inna mi bamu hatenami, mi enga eta mige manadai Allah?”
\p
\v 41 Nyiwe, yida dakeketayi watu rada. Bege, Yesus nata ngara mono linage, “Ama, wai lugugu tabaraMu oro Yau bamu range bewa Nauwa.
\v 42 Nauwa ug tadawe inna Yau bamu range hakitawa Nauwa, tabolo oro ata kadede kiloraga Nauwa, Nauwag takiwe hada inna dajalage yida hatena inna Yau nage kaha lewawa Nauwa.”
\v 43 Bana be hatak kiwe innage, Yesus nakawula waige lina kawaddi, “Lazarus, hunage!”
\v 44 Ata kamte nada huna, limana mono leduna enga hodi makatti kalarri hawuk waiyi, mono matana enga hoge matoni kaba wahukha wai. Yesus linage tabarada yida, “Lada kaha nadi kaba rada walita tauna mono pahaini nyi kana kako.” 
\s Wujlage Tutu Hamateyi Yesus
\p
\v 45 Ata Yahudi kamai dikini Maria, mono etawe agawe harayi benai Yesus, daha hetena dangage tabraNa.
\v 46 Tanyidawe, kapirana wali ta yidada dikidi Ata Farisi mono tak dage yida agawe harayinai Yesus.
\v 47 Nyiwe, rato-rato kapala mono ata Farisi rayi dage hatabbo Sanhedrin mono lidage, “Agana yitta harayida? Oro, ata nade narayidi tada ka heka gaina.
\v 48 Nyi yitta bada pahai hangatani Nyi katujana inna, tangana ata enga hatenana tabaraNa mono ata Roma enga ammidi karamage hadau inne mono kabihuda Yita.”
\p
\v 49 Tanyidawe, wu ata wali tayidda kangaranai Kayafas, kadadi rato madaka dauwu neda, linage tabrada yida, “Mi wale lakma hatada ammi,
\v 50 wale dumo tibawe narehi na daha howe wu ata matetutu tangana kabihu ata, bana liloko dalli tangana kabihun ata ta panu tana.”
\p
\v 51 Nyi wale na takkik mawe wali ta tau dauNa, tabolo ba rato madakkayi dau neda, nyi na hur bale nadai Yesus enga matena tutu kabihu ata rada.
\v 52 Mono, wale duka dahek mana ata Yahudi, tabolo dumo tutu kahayi kada hawuna ananai Allah kama talara.
\p
\v 53 Nyiwe, wali lado neda, yida dahawuna hatakki tutu hamateyi Yesus.
\v 54 Oroe inna, Yesus wale nahilu kako dedokma tajonga ata Yahudi, tabolo Nyi nakako wale neda bali ta Kalingora daheka marada Gilra ta wu harona ka ngarana Efraim; mono Nyi na engana neda bali oledi ana hakodoNa.
\p
\v 55 Neda na, Paskah ata yahudi dahenage, mono buta ata wali taha dauwu inna kako ta Yerusalem ai Pasakah ho tutu hamurahage tauda yida.
\v 56 Loho, yida mayegani Yesus mono hanewe dage diha-diha tamrada yida dede lar ta uma Allah, yida dakanuka wikida, “Aga linadawe paha ngadamu? Apa Nyi walena maima yta raya rame inna?”
\v 57 Dadi rato-rato kapala mono ata Farisi da pahubege pareha nada wuata bana tadayi bagini Nyi dau dani, ata nada na tak dahowe dajalage yida dadiwe yapaYi.
\c 12
\cl Kawukku 12
\s Maria Nalewu Nadi Ledunai Yesus Ta Betania
\p
\v 1 Ba anni lado hoge ai diki hoge lado rayage Paskah, Yesus kako ta Betania, hadu enganai Lazarus, pa hakade bena wali tamate.
\v 2 Needa bali, naha iyaka bewe pakula gak katenguna tutu Yesus; monoi Marta tamrana hanukuyi, tabolo lazarus nyi wu wali ta yida ka ngodo oleni Yesus ta meja.
\v 3 Bege, Maria na ngalawe kabu gori legha Narwastu langna kahada bikta hina, loho nalewunadi ledunai Yesus mono na hopi wai nage wuna. Nyiwe, umma inna bau burata kahawe.
\p
\v 4 Tabolo Yudas Iskariot, wuyo wali ta ana hakodoNa, ka enga malajani Nyi, linage,
\v 5 “Ahha lengha bau burata inna ai malajage dage kahina tallu ngahu dinar mono yidage tabarada ata milla?”
\v 6 Nyi balinage katauna wale oro milla atek manage ta ata milla, tabolo oro nyi ba ata keduyi, mono oro nyi bana ngidiyi hadau amaha, nyi dadiwe bana ngalayi amaha paha tama lari ta patti.
\p
\v 7 Loho, Yesus na baleha, “Yammani lawai nada, nyi narayige hainya nage tutu ba taniGa.
\v 8 Oro, ata millada hangatani tabarami, tabolo Nauwa wale la hangattak maga tabarami.” 
\s Tangada Rato Kapala Kabu Atege Hamateyi Lazarus
\p
\v 9 Kole ata Yahudi kiki buta karangewe nai Yesus ba dani ta Betania, yida kako dage neda bali, wale nyikel mawe oro Yesus, tabolo dumo yida kabu atege etayi lazarus ha kade bena wali Nyi wali ta ata mate.
\v 10 Loho, Rato-rato kapala da woroge kapiku hamate dumo lazarus.
\v 11 Oro lazarus, buta ata Yahudi tanadi yida mono hatena tabarai Yesus. 
\s Yesus Tama Ta Harona Yerusalem Tujai Raja
\p
\v 12 Damma hege tana, ata buta kadana ta rayi ulla inna, kole rangeyi nadai Yesus enga ammini ta Yerusalem,
\v 13 yida da ngala ro karre mono kako huna tabo kayi Nyi mono halege dage kabura, “Hosanna! Hamaringiyi Nyi kamai lari tangaranai Mori, Raja Israel!” \rq Mazmur 118:25-26 \rq*
\p
\v 14 Kole bada koleni wu keledai bodi, Yesus na ngodo tapanu kabedona, katauna kama tolha:
\v 15 “Illam madautaka, ta bau wine Sion! Torroyi ge! Rajami ammini, ngodo ta wu keledai bodi.” \rq Zakaria 9:9 \rq*
\p
\v 16 Kapugena, ana hakodoNa wale da yappak mawe tangage kama hada inna, tabolo kole Yesus ba hama nadayi, yida murruge bada tadawe inna tangage kama tolhabe tutu Nyi, mono inna yida da rayi bege tangage inna tut Nyi. 
\s Ata Buta Dul Kawe Tutunai Yesus
\p
\v 17 Nyiwe, ata kamaranagani Yesus baNa kamai kani Lazarus huna wali tarate mono bana na hakdeyi nyi wali tamate engana takkiwe.
\v 18 Oro ge inna, buta ata katabokayi Yesus oro yida bada rangewe ba Nyi karayige mujizat inna.
\v 19 Nyiwe, ata Farisi da hanewe diha-diha, “Kam etawe, agawe haworoda wale nadadik mawe. Etawela, tangage panu tana da doku beni Nyi!” 
\s Yesus Na Takkiwe Tutu Morha Mono Mate
\p
\v 20 Ta neda mema, da dumodi ata Yunani tajongada yida ka kako kangote dangani ta lado madakka inna.
\v 21 Yida da tabo kayi Filipus, kawali ta Betsaida ta Galilea, mono lidage tabarana, “Marabba, nami makabu atege tabo kayi Yesus.”
\v 22 Filipus kako mono na tak nage Andreas; loho Andreas mono Filipus kako mono tak nagei Yesus.
\p
\v 23 Yesus na balehayi yida, “Diki nage rahige tubana Ana na kadadi Ata ba hama nadai.
\v 24 Waige ka tau takkana, nauwag tak gimige tabarami, likege wiha pare monu ta tana mono mate, wiha pare nada engana ba wukuyi; tabolo nyi bana mateka, nyi dadi wuyo buta.
\v 25 Ata kama nawarage ngahuna, enga bungage ngahuna, tabolo ata ai kama nawarage ngahuna tapanu tana inne, enga karawa nage tutu morha ai kadukana.
\v 26 Nyi wu ata kaha nukuwa Nauwa, nyi na doku dahoga nauwa; ba giyo Nauwa dau daga, neda dumo kaha nuku gage ha ulaGu dau dadi; nyi wu ata hanukku kanaga Nauwa, Amagu enga ha aka nani bana mate.” 
\s Yesus Naha Nawege Matena
\p
\v 27 “Batauge, dewagu na boyata. Aga dahona hatakkiGu? ‘Ama, hamane mara kiwa Nauwa inna batauge?’ Enga yidawe, tutu innawe magu maiwa batauge inna.
\v 28 Ama, manadage ngaraMu!” Loho, rangewe li wali ta surga, “Nauwa ug hamanada beguge ngaraMu mono nauwa enga hamanadal guge.”
\p
\v 29 Ata buta kadede tah dau neda mono karangewe lida dage inna li kagurkawe, tbolo wadeka lidage, “Wu malaikat kaha newe tabaraNa!”
\p
\v 30 Yesus na bale hawe mono linage, “li inna ba rangewe wale tutu maguGe, tabolo tutu mige.
\v 31 Batauge yige rakage panu tana inna, batauge kadauge panu tana enga wugayi.
\v 32 Mono, nyi nauwa baha madehtawa wali tapanu tana inne, Nauwa enga tingi kaha gudi ata tabaraGu.”
\v 33 Yesus na takkiwe inne tutu hatingoge waige mate katujawe aga linawe bana mate.
\p
\v 34 Ata buta rada da belehayi Nyi, “Nami ma range bewe wali ta ukku pareha Taurat nai Kristus enga enga hangatana; aga linak ka Yau balumuWu, ‘Anana kadadi ata nada hama dehta hoyi?’ Iya duyi Anana Kadadi Ata nada?”
\p
\v 35 Yesus na balehayi yida, “Hodi mowege magakaha inna dage tabarami. Kakomi ba langa dahoge magakaha inna dajalage kapagta ilna kalubu gimi miyo; oro ata kaa kako lar ta pagtana walena tadak mawe nyi dau kakona.
\v 36 Inna mi bamu dau hoge magakaha, hatenawe inna magakaha dajalage mi dadi ana magakaham.” Be bana takkiwe katauda na, Yesus kako nage mono kabunyi nage tauna wali ta yida. 
\s Kapirana Ata Yahudi Wale Hatenakma Tabarai Yesus
\p
\v 37 Lokoi Yesus bana rayi bedudi buta tada heka gaina ta aroda yida, yida engage aida hatena tabaraNa,
\v 38 dajalage kana banuge hanewe paha dikinai Nabi Yesaya, “Mori, iya duyi kaha tenawe hatalarama nami? Mono, tabara iyakna limanai Mori bana dedoni?” \rq Yesaya 53:1 \rq*
\v 39 Nyikwe oroge, wale nadadiwe bada hatena oroi Yesaya lina dumoge,
\v 40 “Nyi naha moro bedadi matada yida maono hatube dadi ateda yida, dajalage yida illna eta waidi matada yida mono yapa waige ateda yida, loho da kabali dajalage Nauwa ug hatagahayi yida.” \rq Yesaya 6:10 \rq*
\v 41 Yesaya na takka kahawe inna oro nyi na eta bewe manadai Yesus mono nyi naha newe be tubana Nyi.
\p
\v 42 Lpkp Batau dakge, buta dumo rada rato kaha hetena tabarai Yesus, tabolo oro madautada tabara ata Farisi, yida wale tak pahirak mage oro madauta enga hikaladi wali ta Sinagoge.
\v 43 Oro, yida rehi naha bai dahoge hibawe manada wali kadadi ata wali ta manadai Allah. 
\s Ha Akkai Yesus Enga Hokudi Kadadi Ata
\p
\v 44 Bege, Yesus na kawula, linaGe, “Tangana ata kaha tena tabaraGu, ai kaha tena tabaraGu, tabolo tabarana Nyi kaha lewawa Nauwa.
\v 45 Mono, tangana ata ka eta bewa Nauwa, na eta beyi Nyi kaha lewawa Nauwa.
\v 46 Nauwag mai bewa ba magakaha panu tana wa, dajalage tangana ata kaha tena TabaraGu ilna engana lar tapag tana.
\p
\v 47 Nyi wu ata bana tangewe hatak kiGu, tabolo nyi aina doku kage, Nauwa waleGu hokuk mani nyi; oro Nauwag maiwa wale tutu hokuk maguge panu tana, tabolo tutu pa mane mara guge panu tana.
\v 48 Iya katularaga Nauwa mono aina hiba gage hatak kiGu, yiwe li hatak kiGu enga hoku nani nyi taha dukkage.
\v 49 Oro Nauwa walegu hanewek mawa dokuge hakabu ateGu, tabolo Amagu kaha lewawa Nauwana yigaGe pareha ba gi dahoge hatak kigu mono Nauwa haloluGu.
\v 50 Mono, ug tadawe inna pareha Na yikwe morha aika dukana. Oroge inna, nauwa paha dikiGu, Nauwag hadikige tujawe hatak nai Ama tabaraGu
\c 13
\cl Kawukku 13
\s Yesus Na Baha Dadi Ledu Ana Hakodona
\p
\v 1 Ai diki hoge lado madaka Paskah, Yesus na tadawe ba diki nage rahiNa ina Nyi panu tana ini ta Amana, kole bana nawaradi ha dau dauNa ta panu tana, Nyi namanawaradi yida kaha dukage.
\p
\v 2 Ba enga hoge ya gadi, kabalka na tama ta atenai Yudas Iskariot, anai Simon, kama lajani Yesus.
\v 3 Yesus, kole bana tadawe Ama bana yi kaha benage tangage ta limaNa, mono ina Nyi mai wali tai Allah, mono enga hagga nai tai Allah,
\v 4 Nyi na dede wali ta ya gaddi mono na laige kalabe madakanNa, loho na ngala kaba linen mono na katge ta baggeNa.
\v 5 Bege, Nyi nabiwe weyo ta wu baskom mono kapunage baha dadi Ledu ana hakodoNa loho nahopi dadi leduda yida waidi kaba ha katna ta bageNa.
\p
\v 6 Loho, Nyi nadiki tai Simon Petrus mono nyi linage tabarai Yesus, “Mori, Yau um bahagadi ledugu?”
\p
\v 7 Yesus na balehawe mono linage tabarana, “Agawe harayiGu, mi walem yappak mawe batauge, tabolo nimila mi um yapawe.”
\p
\v 8 Petrus linage, “Yau walem kal bahak magadi ledugu!” Yesus Baleha, “Nyi Nauwa aigu bahami, mi walem kolek mana daumi lar ta Nauwa.”
\p
\v 9 Simon Petrus linage tabraNa, “Nyi bataudage Mori, ila ledu kel kagu, tabolo limagu mono katakku jalagu!”
\p
\v 10 Yesus linage tabarana, “Ata kaha rihabe duka dahege bana bahayi leduna, tabolo na muraraha tangage ngihina. Miyo um muraha bemi, tabolo tangami wali ta miyo walem murahak mahomi.”
\v 11 Oro Yesus tadawe ba iyayi kama lajani Nyi, nyidawe oroge Nyi malinage, “tangami walem murahak mahomi.”
\p
\v 12 Nyiwe, kole ban be Yesus bahadi leduda ana hakodoNa, tau haga nage kalabe madakaNa, mono haga taha DauNa, Nyi linage tabarada yida, “Apa mi um yappakwe agawe inna harayiGu tabarami?
\v 13 Miyo um takwa Nauwa Guru mono dumo Mori. Inna um wingige oro Nauwa Guru takkawa mono Mori.
\v 14 Nyi Nauwa, ba Mori miga mono Guru miga, ug baha bemidi ledumi, mi dumo um ha baha ledu wik hona.
\v 15 Oro, Nauwa ug yibegimi tuja tabarami dajalage mi dumo rayige tujana Nauwa harayiGu tabarami.
\v 16 Waige katau takana, Nauwa uga takki gimige tabarami, wu ata halewa walwna rehi madakkakma wali ta marabbana, wale dumo wu ata paha lewa walena rehi madakkakma wali kaha lewayi.
\v 17 Nyi mi bamu tadakwe tangage inna, miyo um maringina bamu rayi duge.
\p
\v 18 Nauwa walegu hanewek mawa tutum mi tangami. Nauwag tadawe iya hing kayi ha pedeGu, tabolo Nats nade nabanu hoge, ‘Ata kaya gani rotiGu na keke tabeyi kamikna tabaraGu.’
\v 19 Nauwag ug tak gimige batauge, aina dadi hoyi hada rada bana nyi dadi kayi, mi enga hatenami inna Nauwakna Nyi.
\v 20 Waige kaha tetakkana, Nauwa luguge tabarami, tangana ata kahibayi ata paha lewaGu, hibba naga Nauwa; mono ata kahibawa nauwa, hiba nani Nyi kaha lewawa Nauwa.” 
\s Yesus Na Takkiwe Iyayi Kamalajani Nyi
\p
\v 21 Be halina Yesus kataudana, Nyi naha ojayi ta waddi mono natakkiwe, “Tau takka-takka nage Nauwa ug tak gimige tabrami, wu wali tajongami dani kamalajaga Nauwa.”
\p
\v 22 Ana hakodona daha torro-torro wikda mono nagibo kayi katakkuda ba iyayi Nyi hatakna.
\v 23 Wu ata ana hakodoNa na ngodo hadde ta kurnai Yesus. Nyikna ana hakodona hada manawaraNa Yesus.
\v 24 Bege, Simon Petrus na yiyo tadka tabrana kapiku kanuka nani Yesus tutu iyayi hatakkNa.
\p
\v 25 Nyiwe, ana hakodona ka hadde takurrnai Yesus nada naka nukayi TabaraNa.”Mori, iyayi ata nada?
\p
\v 26 Yesus nabalehawe, “Ata nada yikna nyi tabarana Nauwa hayigu kadipka roti inna, Yesus nayiwe tabarai Yudas, ananai Simon Iskariot.
\v 27 Mono, kolei Yudas hibawe kadipka roti inna, Kabalka tama nani. Oroge inna, Yesus linage tabarana, “Agawe harayimu, geha rayige!”
\v 28 Walak hing mana wali tayida katamrana yayo yapawe ahaYesus malina dage tabarai Yudas.
\v 29 Kapirrana wali ta yida da yapa dawe oroi yudasu kanarroni patti hadau amaha dajalage Yesus malina dage tabrana, “hiwula hawai hoda yitta ta lado madaka, “waleka dajalage kapiku yina ba agana tabara ata milla.
\p
\v 30 Nyiwe, kole bana hibawe kadibka roti, Yudas kako nage ta bali hadu neda mema; mono neda mema dumo na gak bege. 
\s Yesus Naha Newege Tutu Matena
\p
\v 31 Ba kolei Yudas kako, Yesus linage, “Batauge rahi nage Anana kadi ata baha manadai mono Allah bah manadai ledeni Nyi.
\v 32 Nyi Allah baha manadai lar ta Nyi, Allah dumo enga ha manadai ta Nyi lar ta tauNa, mono enga geha hama naadai Nyi.
\p
\v 33 Bagu Ana gimi, Nauwa hak mowe bagu ole gimi la. Mi um mayegaga Nauwa, mono tujawe hatak begu tabrada ata Yahudi, batauge ug tak gimige tabrami, ‘Ba giyo Nauwa dau kakogu, mi walena dadik mawe bamu mai.’
\p
\v 34 Wuwe Pareha beru Nauwa ug yibemige tabarami, haluguna dajalage mi kam hama nawara wikimi, katujana Nauwa bagu manwara gimi, tau dahomi mi bamu manawara wikimi.
\v 35 Waige bataudami, tangana ata enga tada nagimi miyo ana hakodo Gimi, halugna mi bamu hama nawara wikikna.’ 
\s Ha Ape Yesus Tabrai Petrus
\p
\v 36 Simon Petrus naka nuka tabarai Yesus, “Mori, gi Yau dau kakomu?” Yesus na Balehayi nyi, “Ba gi dau kakoGu, mi walena dadik mawe bamu dokuga Nauwa batauge, tabolo nimila mi enga doku miga Nauwa.”
\p
\v 37 Petrus naka nukka tabaraNa, “Mori, aha nauwa walena dadik mawe dokuga Nauwa batauge? Nauwa enga yiguge ngahugu tubamu Yau!”
\p
\v 38 Yesus na baleha, “Yau enga yimuge ngahumu tubaGu? Waige katau takkana Nauwa ug tak gimige tabarami, manu waleda kukukma aim ha dal wuda hoga kabalga Nauwa.”
\c 14
\cl Kawukku 14
\s Yesus Na Aguyi Ana Hakodona
\p
\v 1 “Ilna mayillawe atem; hatena tabaranai Allah, hatena dumo tabaraGu.
\v 2 Ta uma AmaGu butayi hadau; nyi ai taudage, Nauwa enga tak gimige tabarami oro Nauwa kako guge hagana gimi hadauwu tutumi.
\v 3 Mono, nyi nauwa bagu kakowa mono hagana gimi wu hadau tutumi, Nauwa enga mai hagaGu mono ngidimi tabaraGu dajalage giga Nauwa dau daga, mi kadagimi.
\v 4 Mono, mi um tadayi taha dau kakoGu Nauwa.”
\p
\v 5 Nyidawe tomas linage tabaraNa, “Mori, nami wale matadak mawe bagiyo Yauwu dau kakomu, aga linak kawe nami tadayi lara nada?”
\p
\v 6 Yesus linage tabarana, “Nauwagna Lara, mono katena, mono kamorha. Wale lakma wuak ata kamai tabarai Ama, aina ledega Nauwa.
\v 7 Nyi mi bamu tadak bewa Nauwa, mi um tada beyi AmaGu; wali batauge, mi um tada beyi Ama mono um eta beyi Nyi.”
\p
\v 8 Filipus linage tabaraNa, “Mori, hatingo maniyi Ama nada tabarama nami, mono inna natutu bewe tutu manami.”
\p
\v 9 Yesus na bale hayi nyi, Filipus, moja bege Nauwa bagu olegu, mono yau walem dajalak mahowa Nauwa? Iyai kaetabewa Nauwa, nyi na etayi Ama, aga linawe yau dadiwe balumu, ‘Hatingo mani Ama nada tabarama nami?’
\v 10 Apa mi walem hatenak mawa Nauwa lar tai Ama mono Ama lar ta Nauwa? Hanewe hatak kigu tabarami, Nauwa walegu tak kikmayi wali ta tau dauGu, tabolo Ama ka engana neda lar ta Nauwa karayidi ha ulaNa.
\v 11 Hatena tabaraGu, inna Nauwa lar tai Ama mono Ama lar ta Nauwa; wale dumuka, hatena oro haula inna wiki dawu.
\v 12 Waige katau takkana, Nauwa luguge tabarami, tangana ata kaha tena tabaraGu, ha ulla harayiGu, nyi dumu enga rayi nadi; mono ha ulla karehina madaka wali tangadi rada oro nauwa ug kakowa tai Ama.
\v 13 Aga hingkai harayim lar tangaraGu, rada enga Nauwa ug rayi gimidi dajalage i Ama kana maana lar tai Ana.
\v 14 Nyi mi bamu karaika aga hinguyi tabaraGu lar tangaraGu, Nauwa enga rayi guge. 
\s Jaji Tutu Wadi Biha
\p
\v 15 Nyi mi bamu manawaraga Nauwa, mi enga doku mige tangage harehaGu.
\v 16 Nauwa enga karai guge tabarai Ama, mono Nyi enga yinagimi tabarami katullu gimi wadeka, dajalage Nyi kana ole hangata gimi,
\v 17 haluguna Ngahu katena, ai kadadi bana hibayi panu tana, oro panu tana aina etayi Nyi waleka tadayi Nyi oro Nyi enga ole gimi mono enga dani ta miyo.
\p
\v 18 Nauwa walegu tanak magimi bamu ana lalomi; Nauwa enga maigu tabarami.
\v 19 Walena mojak mage, panu tana walena hilu etak mawa nauwa, tabolo mi enga etamiga Nauwa; oro nauwa ug morhawa, mi dumo enga morhami.
\v 20 Ta lado neda, mi enga tada mige inna Nauwa nega lar ta AmaGu, mono mi lar ta Nauwa, mono nauwa lar ta miyo.
\v 21 Iya hing kayi kajurta gadi parehaGu mono rayidi, nyi na manawaraga Nauwa; mono ata kama nawaraga Nauwa enga manawara nani AmaGu, mono Nauwa ug manwarani Nyi mono enga hadela wikiGu tabrana.”
\p
\v 22 Yudas, wale nyikmai Iskariot, linage tabaraNa, “Mori, aga lina dawe Yau bamu padela wikiMu tabara nami mono wale tapanu tanak ma?”
\p
\v 23 Yesus na balehawe mono linage tabrana, “Nyi nada wu ata manawaraga Nauwa, nyi enga na dokuge liGu; mono Amagu enga manawara nani nyi, mono nami enga amga tabarana mono oleni.
\v 24 Tanyiduwe, ata aika manawaraga Nauwa, wale na dokuk magadi liGu. Mono, liyo mi harangemi inna wale wali ta Nauwag mawe, tabolo wali tai Amawe kaha lewawa Nauwa.
\p
\v 25 Tangadi rada ug takki begimidi tabarami ba enga hoge bagu ole gimi.
\v 26 Ta nyiduwe, kama tullu, haluguna Wadi biha, paha lewanai Ama lar tangaraGu, Nyi enga ha akka nagimige tangage tabarami, mono naha apegimige ta tangadi hatak begumi tabarami.
\p
\v 27 Moli kama ringna ug tanagimige olegimi; moli maringuGu ug Yiguge tabarami, wale natujak mawe panu tana hayina ina hayiGu tabrami. Ilam pahai kage atemi gedowe waleka kayikawe
\v 28 Mi um range bewe ina Nauwa baluguge tabarami, ‘Nauwa enga kakogu, mono Nauwa enga am waliga tabarami.’ Nyi mi bamu manawaraga Nauwa, mi enga lagaharami oro Nauwa bagu kakowa tabarai Ama, oroi Ama na rehi madakaho wali ta Nauwa.
\v 29 Nauwa ug tak begimige batauge ai dadi howe tangage daja lage kole bana dadiwe, mi enga hatena mige.
\v 30 Nauwa walegu hanewe habutak mana ge ta miyo oro parehage panu tana inne tamra mainage. Nyi wale kawahak ma langka hok ka ta baraGu.
\v 31 Tanyiduwe dajalage panu tana inna Nauwa manawarani Ama, Nauwa ug wingige tujawe harehanai Ama tabaraGu. Kadem ge, maida yitta kada kako wal inne.”
\c 15
\cl Kawukku 15
\s Yesus Pu Anggur
\p
\v 1 Yesus limage, “Nauwak na pu anggur katenguna mono AmaGu yikna kadauni.
\v 2 Tangadi kahangadi tabaraGu aika ka Wuyo, na baitaDi mono tangadi ka wuyo, naha murahaDi, dajaladi kahangadi rada kana rehi bojorayi.
\v 3 Miyo um muraha bemi oro liGu ha tak begu tabarami.
\v 4 Engana neda lari ta Nauwa mono Nauwa lari ta miyo. Katauna kahangana aika dadi wuyo wali ta tau dauna, likege nyi baa engana ta pu anggur, katau da jala nage mi wale na dadik mawe bamu wuyo, like ge bamu engana lari taNauwa.
\p
\v 5 Nauwak nala pu anggur mono mi nala kahangana. Taangana ata kaengana lari ta Nauwa, mono Nauwalari ta nyi, nyi enga bojoradi wuna oro hawatte wikna tabaraGu, mi walena dadik mawe dadik mawe bamu pahadawe aga hingkawe.
\v 6 Nyi wu ata aina engana lar ta Nauwa, nyi enga baitani katujana karagana mono matebe; mono ata enga kaha dadi mono tubadi ta latti, mono tunuyi.
\p
\v 7 Nyi mi ba engam tabaraGu mono ha takkiGu engage tabarami, karaiwe aga hingkawe hakabu atemu, mono inna enga nayiguge tubamu.
\v 8 AmaGu enga hama nadai waige hada inna, haluguna nyi mi bamu wuyo habutakna mono waige katauda dana, mi na ana hakodoGu.” 
\s Parehai Yesus Tutu Hamanawara Wikina
\p
\v 9 “Kataunai Ama manawaraga Nauwa, tauda jala nage Nauwa ug manawara gimi; kam engana ta ManawaraGu
\v 10 Nyi mi bamu doku dudi tangadi harehaGu, mi enga engami lar tamanawaraGu, Katuna Nauwa bagu dokudi parehai Ama mono engana lar tamanawaraNa.
\v 11 Hada rade Nauwa luguge tabarami dajalage lagaharaGu kadage tabarami, dajalage lagaharami kana dadiwe banuge.
\v 12 Inne nyiwe parehaGu: mi um hama nawara wiki homi, katujana Nauwa bagu manawara gimi.
\v 13 Lakma manawara karehi madaka wali tama manawara wu ata kayiwe ngahuna tutu ole atena.
\v 14 Mikna ole ateGu nyi mi bamu rayi duge agawe hareha gu tabarami.
\v 15 Nauwa wale gu tak kik mami mi ata halewa oro ate halewa nada walena tadak mawe agawe haratina marabba na. Ta nyiduwe, Nauwa ug tak dami mi ole ate oro tangage nauwa harangegu wali tai Ama, Nauwa ug tak bemige tabrami.
\v 16 Wale mimak kapedewa Nauwa, tabolo Nauwa kapedem miyo mono kaha didara bemi dajalage mi kam kako mono kam wuyo, mono wumi kana engadi dajalage aga hingkayi harayimi wali atai Ama lar tangaraGu, Nyi enga yida gimi tabarami.
\v 17 Inne parehaGu: Mi um hamanawara wikhomi!” 
\s Yesus Na Ha Apedage Ana Hakodona
\p
\v 18 “Nyi panu tana but gimi ate, miyom tadawe inna panutana but ga ate Nauwa aina butu hogimi ate.
\v 19 Nyi wali tapanu tana mi, inna panu tana enga manawara nage hadauna; tabolo oro mi ai walimi tapanutana, tabolo Nauwa kapedimi wali tapanau tana, oro nage inna la panu tana butu gimi ate mi.
\v 20 Apewela inna hanewe ha tak begu tabarami: ‘Wu ata halewa walena rehi madakak ma wali ta marabana.’ Nyi yida bada hama yillawa Nauwa, yida dumo enga hama yilla dagimi. Nyi yida da dokuge liGu, yida dumo enga doku dage hatak kimi.
\v 21 Ta nyiduwe, tangadi radaenga rayi dage yida tabarami, oro ngaraGu. Oro, yida aida radai nyi kaha lewawa Nauwa.
\v 22 Nyidawe Nauwa walegu maimawa mono takiwe tangage inna tabrada yida, yida wale lakma jalada. Tanyiduwe batauge, yida wale lakma winida tutu jala yida.
\v 23 Tangana ata kabutga ate Nauwa, nyi dumo na butuni ate Amagu.
\v 24 Nyi Nauwa ai rayi kage tajongada yida haulla ai kali rayida ata wadeka, yida enga wale lakma jalada. Ta nyiduwe batauge, yida da etabewe tabolo engage butga ate Nauwa mono AmaGu.
\v 25 Tabolo, li kama tolha lari ta jurata Tauratda yida enga panu howe: ‘Yida butuga ate Nauwa ai kamangu kapena.’
\p
\v 26 Kole kama tullu nada amini, paha lewaGu Nauwa wali tai Ama, haluguna Wadi Katena ka wali tai Ama, Nyi enga natakiwe tutugu Nauwa.
\v 27 Mono mi dumo enga tak mige oro mi bamo ole beGa wali ulluge.”
\c 16
\cl Kawukku 16
\p
\v 1 “Tangage inna Nauwa ug taki bewe tabarami dajalage mi ilam gedomi.
\v 2 Yida enga da wugami wali ta Sinagoge. Lohhola, enga dikige rahige inna tangana ata kaha matemi enga hangada dage inna yida tamra ka ngak kada tabarai Allah.
\v 3 Mono, hada rada enga rayi dage oro yida ai datadayi Ama wale dumo Nauwa.
\v 4 Tanyidawe, tangadi rada Nauwa ug tak begimidi tabarami dajalage ba nyi diki kage rahige ba amige, kam apewe Nauwa bagu takki bemige tabarami. Mono, hada inna Nauwa tak kiwe tabarami ta kapuge oro Nauwa bagu ole hogimi. 
\s Haulla Wadi Biha
\p
\v 5 Ta nyiduwe, batauge Nauwa engs kakogu tabaraNa Nyi kaha lewaWa Nauwa, mono wale wu hing mana la wali ta mi ka nukawa Nauwa, ‘Gi yau dau kakoMu?’
\v 6 Tabolo, oro Nauwa ug tak bewe inna tabarami, mana marabehawe atemi.
\v 7 Ta nyi duwe, Nauwa ug takiwe katena tabarami: rehi na daha hoge tutumi Nauwa ug kakowa oro nyi Nauwa aigu kakkowa, kama tulllu nada enga wale na maikma tabarami; tabolo Nauwa bagu kakowa, Nauwa enga halewa guni tabarami.
\v 8 Mono, kole kama tullu nada amini, Nyi enga hawala nadi ateda panu tana tuba jala, katena, mono hokuna;
\v 9 tuba jala, oro yida aida hatena tabaraGu;
\v 10 tuba katena, oro Nauwa ug kako tai Ama mono mi walem etak mawa Nauwa lage,
\v 11 mono tuba hokuna, oro hareha panu tana inne hoku bege.
\p
\v 12 Buta jala hoyi kama hada hakabu ateGu Nauwa tak gimidi tabarami, tabolo mi wale nadadik mawe tagudi batauge.
\v 13 Tabolo, kole Nyi, Waddi katena nada amini, Nyi enga iru nagimi lari katena tangage. Oro, Nyi walena hanewek ma wali ha kabu ate wiki dauNa, tabolo tangage kama hada parangena yida duyi Ny hatakkina; mono Nyi enga na tak gimidi tangadi hada kadadibe.
\v 14 Nyi nah manadawa Nauwa oro Nyi enga hiba nage inna pahibagu Nauwa, mono enga na tak kiwe tabarami.
\v 15 Tangadi hadaunai Ama yidakna dauGu. Oro batauda gege, Nauwa luguge nada wadi katena enga taka nagimige tabarami agawe pahibaNa wali tabaraGu.” 
\s Mayilla Ate Dadiwe Lagahara
\p
\v 16 “Hodi mowege, mono mi walem etak mawa Nauwa lage; mono hadaka kal guge, hodi mowege, mono mi enga eta miga Nauwa.”
\p
\v 17 Kapirana ana hakodonai Yesus da kanuka wikida, “Agawe hakabu atenNa Nyi ma lina tabarada yitta, ‘Hodi mowege, mono mi enga walem etak mawa lage, hodi mowege, mono mi ega eta miga Nauwa?’ mono'oro Nauwa enga kakogu ta AmaGu?”
\v 18 Nyiwe, yida da kanuka, “Agawe hakabu atena waige, ‘hodi mowege? Yitta wale da tadak mawe haneweNa Nyi.”
\p
\v 19 Yesus natadawe rada ana ha kodoNa da kabu ategee kanukawe tabaraNa, nyiwe Nyi linage tabarada yida, “Aha mamu kanuka wikimi tajongami dauyo tutu inna hatakkiGu, ‘Hodi mowela mono mi walem hilu etak mawa lage; mono hadaka piwal nage, hodi mowege, mono mi enga et miga Nauwala?
\v 20 Waige katau takana, Nauwa luguge tabarami, mi enga homi mono kalallumi, tabolo panu tana enga algeborage; mi enga mayilla atemi, tabolo mayilla atemi enga hajeluge dadi lagahara.
\v 21 Kole wu lawai bana ha anaka, nyi walena apek mawe mayillana oro rahina bana ha ana na diki bewe; tabolo bana be ha dadi anana, nyi na dangage mayillana kabikta oro laga harana nada wu kadadi ata bana dadibe ta panu tana.
\v 22 Tau dajalage mi dumo um padage mayilla batauge, tabolo Nauwa enga diki gimi la mono atemi enga laga hara, mono wale lakma wu ak ata karama mige laga harami wali tabarami.
\v 23 Ta lado neda, mi walem kanukak mawe aga hingkai TabaraGu. Waige katau takka na, Nauwa ug takki gimige tabarami, aga hing kawe mi harayimi tabara AmaGu lar tangaraGu, Nyi enga yina gimige tabarami.
\v 24 Kaha batauge, mi walem kal karai mahomi aga hing kayi lar tangaraGu. Karaimge, mono mi enga hiba mige daja lage lagaharami kana dadi banuge.” 
\s Tailoge Inna Panu Tana
\p
\v 25 “Nauwa ug tak bewe hada inne tabarami waige liha tuja; rahige enga dikige kole Nauwa aig hilu hanewewa tabarami waige liha tuja, tabolo enga haneweg tabarami waige kahira tutui Ama.
\v 26 Ta lado neda, mi enga karai mi lar tangaraGu, mono Nauwa waleg tak kik mawe tabarami inna Nauwa bagu Sembayang ta AmaGu tuba mi.
\v 27 Oro, Ama dauGu manawara gimi mi oro mi bamu manawaraga Nauwa mono hatenawa inna Nauwa wali tai Ama.
\v 28 Nauwa waligu tai Ama mono mai bewa ta panu tana; batauge, Nauwa enga tana guge panu tana mono haga ta AmaGu.”
\p
\v 29 Ana hakodoNa lidage, “Inna, bataugege Yau um takkiwe kahira mono walem hilu wai mana hatujala.
\v 30 Batauge, nami ma tadawe Yau bamu tada kahawe tangage mono wale wu dakma ata kanukawe tabaramu. Oro inna, nami maha tenawe inna Yau mai wali tai Aallah.”
\p
\v 31 Yesus na balehayi yida, “Hatenak dumi mi batauge?
\v 32 Etawege! Rahige amnage, loho am bge tubami tutu ba hai-hai dagimi, diha-diha haga taha dau wal dauna mono enga tana miga meha miga Nauwa. Tanyiduwe, nauwa walegu mehak mawa oro Ama na oleGa.
\p
\v 33 Tangage inna ug taki gimige tabarami dajalage neda lar ta Nauwa, mi kamu dauge moli kamaringina. Ta panu tana, mi enga pada mige bad hamayillami, tabolo kulhage atemi! Nauwa ug ha bake bewe panu tana!”
\c 17
\cl Kawukku 17
\s Yesus Na Sembayang Tutu Ana Hakodona
\p
\v 1 Yidayi hataknai Yesus, bege Nyi nata tangara ta langta mono linage, “Ama, rahige ba diki kanage, hamanadai AnaMu dajalage AnaMu kan adadiwe hamanadau Yauwu,
\v 2 Kaha mera Yau bamu yibe nage Nyi kawaha ta tangada ata, dajalage tangana Yau ha yibemu tabaraNa, Nyi dadiwe bana yiwe morha ai kadukana.
\v 3 Inne yiwe morha aikadukana, haluguna inna yida bada tadawu Yau, duka wuheyi Allah katena, mono tadayi Kristus Yesus paha lewa bemu Yau.
\v 4 Nauwa ug hamanadawu Yau ta panu tana waige bamu bewe haula ha yimuGa tabaraGu tutu haulaGu.
\v 5 Mono batauge, o Ama, hamanadawa Nauwa bagu olegu waige manada ha dawu danga guGu ai dahoge panu tana.
\p
\v 6 Nauwa ug hadedo beguge ngaraMu tabara ata Yau hayimu tabaraGu wali panu tana inne. Yida rada Daumudi mono Yau um yibeyi yida tabaraGu, mono yida dumo da doku bege liMu.
\v 7 Batauge, yida da tadawetangage Yau hayimu tabaraGu walige ta Yau.
\v 8 Oro, Nauwa ug yibewe limu yau hayimu tabaraGu, mono yida kahiba bewe loho katada takka we inna Nauwa wali ta Yau, mono yida kaha tena inna Yau kaha lewawa Nauwa.
\v 9 Nauwa ug sembayangna tut yida, Nauwa walegu sembayang mana tutu panu tana, tabolo tut yida Yau ha yibe muga tabaraGu; oro, yida badaumuDi.
\v 10 Tangadi hadawuGu, mono tangadi Yau hadau wumu yikdana dauGu; mono Nauwa ug hamanada beyi lar tangadi rada.
\v 11 Nauwa wali hilu ta panu tanak mawa inne, tabolo yida kadahaona ta panu tana inne, mono Nauwa amga tabaraMu. Ama Katenguna, jawayi yida neda lar tangaraMu, ngara ha yibemu Yau tabaraGu, dajalage yida kada dadi wuyi tauna Yitta.
\v 12 Katauna mojana bagu oledi yidda, Nauwa ug jawa beyi yida lar tangaraMu ha yibemu Yaau yabaraGu. Nauwa ug jawa beyi yida lakma wuak ata wali tayida kabunga likena ananai kaliloko, daja lage Jurata Biha ba panuwe.
\p
\v 13 Tabolo Batauge, Nauwa enga amiga tabaraMu; mono tangadi rada ug takiyi taa panu tana inne daja lage yida kada dauge lagaharaGu kabanuna ta tauda yida.
\v 14 Nauwa ug yibewe Limu tabarada yida, mono panu tana butudi ate yida oro yida aida walimo ta panu tana, katujana Nauwa aig waliwa ta panu tana.
\v 15 Nauwa waleg karai Mawu tut ngalayi yida tapanu tana, tabolo kam hamawodi yida wali taka japata.
\v 16 Yida wale walik mada ta panu tana, katujana Nauwa aig waliwa ta panu tana.
\v 17 Hamurahadi yida lari ta katena; Limu yikwe katna.
\v 18 Katujana Yau bamu halewawa Nauwa tapanu tana, tau dajala nage Nauwa bagu halewayi yida ta panu tana.
\v 19 Tutu yida, Nauwa ug hamuraha bege tauGu dajalage yida dumo paha mura hayi lar katena.
\p
\v 20 Nauwa wale yikel mawe bagu sembayang yuy yida, tabolo dumo tutu ata kaha tena tabraGu ledege patalarada yida,
\v 21 dajalage yida tangada kawuyi, katujana Yau, o Ama, neda lar ta Nauwa mono Nauwa lar ta Yau; dajalage yida dumo kada dai wuyo neda lar tayitta dajalage panu tana hatenawe inna Yaula kaha lewabewa Nauwa.
\v 22 Manadana ha yibemuGa tabaraGu, ugu yibewe tabarada Yida daja lage yida kawuyi, katujana Yau mono Nauwa bawuwe.
\v 23 Nauwa lar tayida mono Yau lar ta Nauwa, dajalage yida kawuyi katige. Waige kataudana, panu tana enga tada nage inna Yaula kaha lewawa Nauwa, mono inna Yau manawaradi yida, katujana Yau manawaraGa Nauwa.
\p
\v 24 O Ama, Nauwa ug kabu atege inna Yida, Ha yibemuGa tabaraGu, da ole jalaGa ba giga dau Daga, dajalage yida kada etawe manadaGu, ha yibemu tabaraGu, oro Yau manawaraga Nauwa aina kawunga howe panu tana.
\v 25 O Ama katijana, loko panu tana aina tada duwu Yau, tabolo Nauwa ug tadawu Yau; mono yida da tadawe ba Yaula kaha lewawa Nauwa.
\v 26 Nauwa ug taki bedage ngaraMu tabarada yida mono enga takki hakita dage dajalage manawara wige Yau bamu manawaraGa dage lar tayida, mono Nauwa daga lar tayida.”
\c 18
\cl Kawukku 18
\s Yapayi Yesus
\p
\v 1 Bana bewei Yesus takiwe hada inna, Nyi nakako ole dangadi ana hakodoNa ta bali lai weyo Kidron, hadau dage wu oma mono Yesus tama neda lari oledi anaha kodoNa.
\p
\v 2 Yudas, wu wali ta ana hakodoNa na malajani Yesus, natada dumowe oma inna oroi Yesus na kali makaha dangadi ana hakodoNa nedo bali.
\v 3 Yudas, kole bana hibayi tentara mono ata pahalewada Rato-rato kapala mono ata Farisi, amidi ta oma neda waina bada ngidi lentera, obora, mono bajla.
\p
\v 4 Yesus, katada kahawe tangage nimi kadadi tabaranNa, kako nage ta aro mono na kanukayi tabarada yida, “iyayi hama yegami?”
\p
\v 5 Yida dabalehawe, “Yesus wali ta Nazaret,” Yesus linage tabarada Yida, “Nauwagnai Yesus.” Mono dumoi Yudas, kama lajani Nyi, na dede ole dangadi yida.
\v 6 Kolei Yesus balinage, “Nauwagnai Yesus,” ata rada da eruna mono bukka ta tana.
\p
\v 7 Bege, Yesus naka nuka liyi tabrada yida, “Iyayi hama yegami?” yida balehawe, “Yesus wali ta Nazaret.”
\p
\v 8 Yeesus na balehawe, “Ug tak begimige tatabarami, Nauwagnai Yesus. Nyidawe, nyi mi mayegaga Nauwa, nyamadi ana hakodoGu rade kada kako.”
\v 9 Inne bana dadiwe daja lage kana banuge hatak benai Yesus. “Wali tangadi Yau hayimu tabaraGu, Nauwa wali bungakma wuaki.”
\p
\v 10 Simon Petrus, kangidi katopo, na lahuwe katopona mono nalakatayi ta ata paha lewada Rato Madakka, dajalage nalakata nani katilu kawanana ata paha lewa nada; ngarana ata paha lewa rato madaka nada yiknai Malkhus.
\v 11 Nyiwe, Yesus linage tabrai Petrus, “Hope hagawe katopomu! Koba weha enu AmaGu ha yinaga tabaraGu, waleg enu dahoni Nauwa?” 
\s Yesus Da Ngidiyi Tai Hanas
\p
\v 12 Bege tangada Prajurit Romawi mono perwirada loho ata paha lewada ata Yahudi da yapayi Yesus mono da katini Nyi,
\v 13 mono da ngidi uluyi Yesus tai Hanas, Yerana Kayafas, ba yikna Rato madaka ta dawu neda.
\v 14 Mono, Kayafasla kaha nuadi ata Yahudi inna yikwe ka mangu gauna nyi wu ata mate tangada ana kaha rehana. 
\s Petrus Na Kaballuni Yesus
\p
\v 15 Simon Petrus mono wu ana hakodona wadeka dokuni Yesus. Ana hakodo wadeka nada da tadayi Rato Madaka mono tama ole dangani Yesus lari ta aro uma hadu Rato Madaka.
\v 16 Tanyiduwe, Petrus nadede ta bali haddi, tabra binna. Bege, ana hakodo wadeka nada, katadai Rato Madaka, haga tabali hadi mono hanewe dangani lawai jawa binna, loho marangani Petrus tama.
\v 17 Nyiwe, lawai jawa binna nada naka kanukayi Petrus, “Wale yapu gau kadugu yau wuyo wali ta ana hakodo rada? Balehawe Petrus, “Walekma!”
\p
\v 18 Kole bada rayina latti, tangada ata paha lewa mono perwira dede neda oroge mahigo neda mayagala nage, mono yida da kalikka. Petrus dumo oledi yida, dede mono kalikka. 
\s Rato Madakka Daka Nukayi Yesus
\p
\v 19 Bege, Rato madaka kanukayi Yesus tutu ana hakodoNa mono tutu ha akkaNa.
\v 20 Yesus na balehayi nyi, “Nauwag hanewe hira bewa ta panu tana. Nauwa ug pa akka hakitadi ta Sinagoge-sinagoge mono ta Uma Allah, hadu makahada tangada ata Yahudi. Nauwa walegu kal kabunyik mawa hanewe.
\v 21 Aha mi mami kanuka dahomi tabaraGu? Kanuka dayi tabarada yida karange bewe agawe ha takkig Nauwa tabarada yida; yida da tadawe agawe ha tak beGu.”
\p
\v 22 Kolei Yesus bana hanewe taudana, wu ata kama jawa kadede neda na kababa nage mataNa mono linage, “Tauda dage hadaMu balehayi Rato Madaka?”
\p
\v 23 Yesus balehayi nyi, “Nyi Nauwa bagu takkawe kajala, hatingo gage jalage; tabolo nyi hatakkigu bana tenawe, aha yau mam kababa gage mataGu?”
\p
\v 24 Loho, Hanas naha ngidini Yesus lari ta tilu makatti tabara Rato Madakka Kayafas. 
\s Petrus Na Kabalwalini Yesus
\p
\v 25 Tamra hege inna, Simon Petrus enga hona dede mono kalika. Nyiwe, yida da kanikawe tabaraNa, “Mi wale ana hakodo jalak managu ata Nada?” Petrus na kabal jala mono na baleha, “Walekma.”
\p
\v 26 Wu ata paha lewada Rato Madaka, ka ole ateni nada lakata katilunai Petrus, linage, “Nauwa merag etawu yau bamu oleni Nyi ta oma inna?”
\p
\v 27 Hadakka wali, Petrus naka balluni, ma nyidawe inna dumo, kuku nadi manu. 
\s Yesus Da Ngidiyi Ta Aroi Pilatus
\p
\v 28 Bege, yida da ngidiyi Yesus wali ta hadau Kayafas ta umma matija, nedana na manari dama nage, mono yida dau wake da tamak ma lar ta uma matija dajalage yida ilda ha otorage tauda, kana dadiwe yayo Paskah.
\v 29 Nyiwe, Pilatus nahuna tabokayi yida mono nakanukayi, “Agawe paha dita mini ta ate nade?”
\p
\v 30 Yida da balehawe mono lidage tabarana, “Aina japataka nade ata, nami walena dadik mawe bama ngidiyi Nyi tabaraMu.”
\p
\v 31 Pilatus linage tabrada Yida, “Ngidiyi Nyi mono yini rakana dokuge hokumi.” Ata Yahudi rada da baleha, ““Nyidawe walena tubadakmawe hokuna nami bama hoku mateNi wu ata.”
\v 32 Inne nadadiwe kana banuge hatak nai Yesus, kana hatingoge waige mate katujana Nyi bana mate.
\p
\v 33 Nyiwe, Pilatus tama haga lari ta Umma tijana mono kamai kani Yesus, mono kanuka tabaraNa, “Apa Yau Raja Yahudiwu?”
\p
\v 34 Yesus na balehawe, “Apa hanuk kamu inna wali ta tau daumu, waleka wali ta ata wadeka katakguge tutu Nauwa?”
\p
\v 35 Pilatus linage, “Apa nauwa ata Yahudiwa? Kabihu ata mono rato-rato kapala Mu yida dau kayiwu Yau tabaragu. Aga bewe Yau harayim?”
\p
\v 36 Yesus linage, “ParehaGu wale walik mage tapanu tana inne. Nyi parehaGu wali ta panu tanawe inne, kaha nukuwaLa enga hagabada dajalage Nauwa ilda yiwa ta ata Yahudi. Ta nyiduwe, parehaGu wale wali tapanu tanak mawe inne.”
\p
\v 37 Pilatus linage, “nyidawe Yau wuwu Raja?” Yesus nabalehawe, “Yauk na katakiwe inna Nauwa ba rajawa. Tut innawe Nauwag dadiwa, mono tut inna jalawe Nauwa bagu maiwa ta panu tana, haluguna tut pahirawe katena. Tangana ata kawali katenaenga rage nage liGu.”
\p
\v 38 Pilatus linage tabaraNa, “Agawe katena inna?” Mono, balinage kataudana, Pilatus huwal nagetabokayi ata Yahudi, mono lidage tabarada yida, “Nauwa lakma Jala hatabo guni tabaraNa.
\v 39 Tabolo, miyo kakal damawe inna nauwa bagu pahoila hona ata hatama ta gallu talado Paskah. Nyiwe, apa miyo um awu dajalage nauwa kagu pahoilayi ‘Raja ata Yahudi'nade?”
\p
\v 40 Yida da baleha wali waige kawula, “Ilam pahalayi ata nade, taboloi Barabas!” Barabas yi wu ata kareboyi.
\c 19
\cl Kawukku 19
\p
\v 1 Pilatus na ngalayi Yesus mono naha rehawe dajalage Yesus kapaluyi.
\v 2 Tangada Prajurit da mayanana wu kataupa manadana wali tatara mono da tau nage ta katakunai Yesus, mono da tauni kalabe madaka mal melo tabaraNa.
\v 3 Yida da yanga dahe kayi Yesus mono lidage, “Maringna, ta Raja ata Yahudi!” Loho, yida da kapoka nage mataNa.
\p
\v 4 Pilatus hu wal nage mono linage tabarada yida, “Etayige! Nauwa enga hu ngidi guni Yesus tabarami dajalage mi kam tadawe nauwa ai gukoleni jalaNa aga hingkayi tabaraNa.”
\v 5 Loho, Yesus huna waige bana waina kataupa tara mono kalabe madaka mal melo. Pilatus linage tabarada yida, “Etayila Nyi!”
\p
\v 6 Kole Rato-rato kapala mono Perwira etayi Yesus, yida daka wula, “Kadailono Nyi, kadailoni Nyi!” Ta nyiduwe, Pilatus linage tabarada yida, “Ngidiyi Nyi mono kadailo dauni oro nauwa waleg kolek mani jalana aga hungkai tabaraNa.”
\p
\v 7 Ata Yahudi rada balehayi Pilatus, “Nami da hukum ma, mono dokudi Hukum rada, Nyi na mate daho oro Nyi nahadadigre tauNa ba Ana Allahyi.”
\p
\v 8 Kolei Pilatus rangewe hatak rada, nyi rehi madautana
\v 9 mono na tama hagga ta uma dau tija, mono nakanuka tabarai Yesus, “Gi dau waliMu?” Tanyiduwe, Yesus walena balehakma.
\p
\v 10 Pilatus linage tabaraNa, “Yau walem au mawu hanewe dangaga? Apa Yau walem tadak mawe inna nauwa ba dayo kawahagu tut pahoilaWu mono bada kawaha tut kadailoGu?”
\p
\v 11 Yesus balehawe, “Yau wale lakma kawaha ammu tuba tauGu, likege kawaha inna ba yiguge tabramu wali dete. Nyikwe oroge, ata Nyiwa Nauwa tabaramu rehina madaka hoge jalana.”
\p
\v 12 Kole ba rangeyi rada, Pilatus nakaruhuwe tut pahoilayi Yesus, tabolo ata Yauhudi da kawula, “Nyi yau bamu pahoilayi ata nade, yau wale ole atek managu Kaisar; tangana ata kataki dauwe tauna raja nyi gaba nani Kaisar.”
\p
\v 13 Kolei Pilatus rangewe hanewena rada, nyi nangidiyi Yesus ta bali hadi, mono ngodo ta kursi matija, ta wuha dau ka ngarana Litostrotos, tabola lar taha newe Ibrani daha nagarage Gabata.
\p
\v 14 Lado inna lado haiyaka tut Paskah, mahigo inna na Jam anniyi. Pilatus linage tabara ata Yahudi, “Nadde Rajami!”
\p
\v 15 Nyiwe, yida da kawula, “Laini Nyi! Laini Nyi! Kadiloni Nyi!” Pilatus linage tabarada yida, “Ug kadailo daho gimini Rajami?” Rato-rato kapala da baleha, “Nami lakma Raja hekama duka dahe Kaisar!”
\p
\v 16 Hadukagege, Pilatus nayiyi Yesus tabarada yida kapiku kadailoni. 
\s Yesus Kadailoni
\p
\v 17 Yesus huna waige dita dauyi kadailoNa aro taha dau ka nagarana, “Hadau katakku,” lar tahanewe Ibrani hatakda “Golgota.”
\v 18 Neda bali, yida dakadailo oleni Yesus duda ata wadeka, pakadailo takawanana mono ta kalina Yesus, nai Yesus ta tilnani.
\v 19 Pilatus dumo tolhawe wu kamatolha mono na tauwe ta panu yayu ha dailo. Hatolha inna punyige, “YESUS ATA NAZARET, RAJA ATA YAHUDI.”
\p
\v 20 Buta ata Yahudi kabahawe hatolha inna oro hadau kadailoyi Yesus inna dage loho dagetawe harona, mono hatolha inna tolhawe lar taha newe Ibrani, Latin, mono Yunani.
\v 21 Nyiwe, Rato-rato Kapala ata Yahudi dahanewe tai Pilatus, “Ilam tolhawe, ‘Raja ata Yahudi, ‘tabolo tolhadawe, Ata nade linage, ‘NauwagNa Raja ata Yahudi.”’
\p
\v 22 Bale hawe Pilatus, “Agawe hatolha begu, engage matolha kitage!”
\p
\v 23 Tangada Prajurit, kole yida bada be hadailoni Yesus, da ngala dadi kalabeNa mono da baweyi dadi patayi, diha kajinaka tut diha-diha Prajurit, tauda jalage kalbe madakaNa; kalabe madakaNa inna wale lakma kattige, wali dete kaha bawa.
\v 24 Tangada Prajurit rada lida wikida, “Ilda hirawe, tanyiduwe kada tau mowala kada tadawe iyayi kakolege.” Hada inna na dadiwe dajalage kana banuge kam tolha lar tajurata biha: “Yida daha bawe gage kalabeGu tajongada Yida mono kalbe madakaGu, yida datau mowala.” \rq Mazmur 22:18 \rq*
\m Tauda dagege tangada Prajurit rayige tangage hada rada.
\p
\v 25 Tamrahege inage, iyanai Yesus, angu winena iyai Yesus, Maria ole umma Klopas, mono Maria Magdalena, dede dahekayi kadailoNa.
\v 26 Kolei Yesus etayi inyaNa mono ana hakodo manawaraNa ded neda bali, Nyi linage tabra inyaNa, “Lawaiyo, etawela, nade ana muni!”
\v 27 Loho, Yesus linage tabara anaha kodo hama nawaraNa nada, “Nade inyamu!” Wali neda, ana hakodo nada hibayi inyanai Yesus engana ta umana. 
\s Matenai Yesus
\p
\v 28 Kole inage, Yesus, katadawe ina tangage bana mahada bewe, tut banuge Jurata Biha, Nyi linage, “Nauwa ug mariwa!”
\v 29 Taha dau neda dani wu hajalu kabanuna we anggur Mayege. Oroge inage, yida dateskani wala ruta watu pa yaklabe lar ta we anggur mayege ta wu ta gayu takko mono hajola nani ta banai Yesus.
\v 30 Kole bana kabihkage we anggur mayege innage, Yesus linage, “Be kahawege.” Bege, Nyi naha tadoluge katakNa mono na yiwe NgahuNa.
\p
\v 31 Oro lado inna lado hainyakawe, mono tangadi karogo rada walena engak madi tayayu hadailo talado ngahu, oro lado ngahu yikna lado madaka, ata Yahudi karaiwe tai Pilatus dajalage leduda ata hadailo rada ka kipudadi mono karogoda haburudi wali ta kadailo.
\v 32 Loho, tangada Prajurit amidi mono kipu dadi leduda ata kadihana mono wadeka, paha dailo dangani Yesus.
\v 33 Tanyidawe, kole yida dikini Yesus mono etayi inna Nyi bana matebe, yida wale dakipuk manadi lduNa.
\v 34 Tabolo, wu Prajurit nada natoja kayi nabbu ta kalebokanai Yesus, mono neda mema, rana lalowe bana huge.
\v 35 Ata ka etewe inna kadadi nyiduwe kayiyo rehi hira inna, mono papahira natenawemono nyi tadawe inna nyi bana takki kawe katetakkana, dajalage mi dumo hatenawe.
\v 36 Oro, tangage kadadi kana banuge kama tolha lari ta Jurata Biha: “Wale gayukma riNa papata.”
\v 37 Mono wali, lari taha hadu wadeka Jurata Biha naha newewe, “Yida enga toro dani Nyi hatoja beda.” 
\s Yesus Da Tanini
\p
\v 38 Kole babewe tangage innage, Yusuf wali ta Arimatea, mono kadadi anahakodo jalanai Yesus tabolo waige ai kadedo oro madautadi tabarada ata Yahudi, karaiwe tabarai Pilatus dajalage nyi dapahaini ngala nage karogonai Yesus; mono Pilatus napanu nage kabu atena. Yusuf wali ta Arimatea amini mono ngalawe karogonai Yesus.
\v 39 Nikodemus, ata kataboka uluyi Yesus bana gadige, ammi dumoni loho na ngidi paha kila welengha mur mono huka, ka lima kabulu kataiana biktana.
\v 40 Nyiwe, Yida dahaburuni karaogonai Yesus mono dawukhayi waini kaba taluja da taujalani kabau mumura, dokuge kakaldadi hatani ata Yahudi.
\p
\v 41 Tabrana hadau kadailoni Yesus, dage wu hadau mono ta hadu inna dage wu rate kaberu wale kal dak maho ata kamate patanikbe neda bali.
\v 42 Oro lado neda nyi lado painyaka ata Yahudi, mono hadauge rate inna wale na marauk mawe, yida datanige karogonai Yesus neda bali.
\c 20
\cl Kawukku 20
\s Liyo Tutu Kadenai Yesus
\p
\v 1 Talado kadihana minggu neda, Maria Magdalena kako ta ratenai Yesus kokokakki, abbu jewa puda kige, mono ba etayi watu hatoni waiyi rate bana gehara bena wali tarate inna.
\v 2 Nyiwe, nyi na malai mono dikini Simon Petrus mono ana hakodoNa wadeka loho hama nawaranai Yesus, mono linage tabarada yida, “Yida dangala beyi Mori wali ta rate, mono nami walema tadak mayi bagiyo dau ijala dani Nyi.”
\p
\v 3 Nyiwe, Petrus mono ana hakodoNa nada kako ta rate.
\v 4 Ka dudana malai kaha, tabolo ana hakodo wadeka rada rehi gehaho malai wali tai Petrus dajalage nyi na diki ullu ta rate.
\v 5 Nyi naeloyi mono torro lari, mono kaba talujja ha wukha wai karogona Yesus nyi hewe kadana, tabolo nyi walena tamakma nedo lari.
\v 6 Bege, Simon Petrus ammini, doku lirani nyi, mono tama lari tarate mono nyi naetawe kaba talujana hawuk hawai kadana neda bali.
\v 7 Mono, kaba hatoni wai mata kaboroge kataknai Yesus la olek mage kaba talujana inna, tabolo na malunu heka bewe taha dau heka.
\v 8 Bege, ana hakodo wadeka inna na, ka ullu diki tarate, tama dumo. Nyi naetawe mono naha tenawe.
\v 9 Oro, aina dadi howe inna, yida wale da yapak mawe Jurata Biha, nadai Yesus bana kade hagga wali ta mate. 
\s (Yesus Naha Dedala Wikina Tabarai Maria Magdalena)
\p
\v 10 Nyiwe, kadudana ana hakodo rada haga dage taumma.
\v 11 Tanyidawe, Maria nadede tabali rate mono nahoyo. Hagapege hoyo, nyi naelowe neda lar ta rate inna,
\v 12 mono nyi na etayi duda malaikat kawaina kalbe kaka ngodo taha dau karogonai Yesus bad habaikayi. Nada wuyo na ngodo tabara katakna mono wuyo na ngodo tabara ta leduna.
\p
\v 13 Kadudana Malaikat rada dakanukayi Maria, “Lawaiyo, aha mami hom miyo?” Maria na balehayi malaikat nada, “Yida da ngala beyi karogonai Mori mono nauwa walegu tadak mayi yida bagiyo yida dau ijala daNi.”
\v 14 Bana be hanewe tauna ge, Maria na gilaka mono naetayi Yesus ded taha dau neda, tabolo walena tadak mayi ba nyiyo Yesus.
\p
\v 15 Yesus naka nukayi, “Lawaiyo, aha miyo mami hoyo? Iyayi hama yegami?” Oro bana hangadage nyi ka anguge hadau neda, Maria linage tabarana, “Marabba, Nyi marabba kaha dikini Nyi, takigage nauwabagiyo marabba dau tau muni Nyi, mono nauwa kagu ngala haggayi Nyi.”
\p
\v 16 Yesus linage tabarana, “Maria.” Maria dumo na gilaka mono linage tabaraNa lar tah newe Ibrani, “Rabuni,” ka ngihi dana “Guru.”
\p
\v 17 Yesus linage tabarana, “Ilam naro ga Nauwa oro Nauwa waleg kakok mahowa ta AmaGu. Ta nyiduwe, kakomi ta ole baiGu mono tak dage yida, ‘Nauwa enga kakoGu ta AmaGu mono Amami, tabara AllahGu mono Allahmi.”’
\p
\v 18 Maria magdalena kako mono takkiwe ta ana hakodoNa, “Nauwag eta beyi Mori, “mono Yesus dauyo ka takkiwe tangage hada inna. 
\s Yesus Naha Dedala Wikina Ta Ana Hakodona
\p
\v 19 Kole lado neda bana gadige, lado kadihana ta miggu neda, mono binna hadau dadi ana hakodo makaha matoniyi oro yida bada madautadi ata Yahudi, Yesus amini mono na dede ta tiluna ta jongada yida loho linage, “Moli kama ringina tubami!”
\v 20 Bana be hanewe taunage, Yesus naha tingodi limana mono kalebokaNa tabarada yida. Tangada ana hakodo da lagahara kole yida bada etayi Mori.
\p
\v 21 Bege, Yesus linage ta barada yida wali, “Moli kama ringina tubami. Kataunai Ama bana halewawa nauwa, tauda jala nage batauge Nauwa ug halewami miyo.”
\v 22 Mono kole Nyi balinage, Yesus naha upuyo yida mono linage, “Kam hibayi Wadi Biha!
\v 23 Nyi mi bamu wal kanadi jalana wu ata, nyi jalana ata nada hawali nadi. Nyi ba daka ata jalana mi ai hawalimi, nyi jalada yida wale hawalik manadi.” 
\s Yesus Naha Dela Wikina Tabarai Tomas
\p
\v 24 Tomas, wuyi wali kabulu dudana ana hakodo, paha nagara leba Didimus, walda olek madi yida ba ammini Yesus.
\v 25 Nyiwe, anahakodo wadeka takki nage nyi. “Nami ma etabeyi Mori.” Tabolo, Tomas linage tabrada yida, “Duka dahege nauwa etawe oro pako ta limaNa mono hatamani karaku limagu neda lari ta oro paku inna, loho hatamani limagu lar taka lebokaNa, nauwa walegu hatenak mawe.”
\p
\v 26 Podo pata lado hege, ana hakodo da makaha haga ta uma inna, monoi Tomas da jalani. Loko bana maton duyi bina, Yesus amini ded tajongada yida, loho linage, “Moli kama ringina tubami!”
\v 27 Bege, Nyi linage tai Tomas, “Hajolange karaku limamu inne mono torro gadi limaGu; mono hajolani limamu inne moni tauyi taka lebo kaGu. Ilam ai hatenawe, tabolo hatenawe!”
\p
\v 28 Tomas na balehai Yesus, “O, Mori mono AllahGu!”
\p
\v 29 Yesus linage tabarana, “Apa yau batauge um hatenawe oro yau bamu etawa Nauwa? Maringkana yida ai kaetawa, tabola kaha tenaWa.” 
\s Kappege Yohanes Tolhawe Jurata Inne
\p
\v 30 Loho buta hoyi ada heka gaina wadeka harayinai Yesus ta aroda ana hakodoNa, ai kama tolha lar tajurata inne.
\v 31 Ta nyiduwe, tanagadi rade ma tolhayi dajalage mi kam hatenayi nadai Yesus ba nyiyo Kristus, Ana Allah, mono dajalage hatenamu inna, kam kolege morha lar tangaraNa.
\c 21
\cl Kawukku 21
\s Yesus Naha Deda Lawikina Ta Kapituna Ana Hakodona
\p
\v 1 Bege, Yesus naha dedala wiki walna ta ana hakodoNa ta hoba Tiberias. Nyi naha dedala wikiNa waige hada katauda dana:
\v 2 Simon Petrus, Tomas ka ngara lebana Didimus, Natalnael wali ta kana ta Galilea, anai Zebedeus, mono duda ana hakodo wadeka kama kaha.
\v 3 Simon Petrus linage tabarada yida, “Nauwa kako guge yappa kaboko.” Yida lidage tabarana, “Nami kako jala mage olegu.” Yida tangada kako huna mono panne ta tena, tabolo tara gagadi inna, lakma hakoleda aga ana.
\p
\v 4 Kole ba manari damma nage, Yesus na dede tahupu hoba, tabolo ana hakodo waleda tadak mayi ba nyiyo Yesus.
\v 5 Nyi linage tabrada yida, “Ta anaGu, dakakna kabokomi?” Yida dabalehawe, “Lakma.”
\p
\v 6 Nyi linage tabarada yida, “Tubage jalamu tabara kawana tenamu, mono mi enga kolemi.” Nyiwe, yida da tubage jalada, tabolo wale dadik mawe tingi hagawe lar ta tena oro butadi kaboko.
\p
\v 7 Oro batau da dage inna, ana hakodo hamanawara nai Yesus linage tabraai Petrus, “Nadai Mori!” Kolei Simon Petrus rangewe bai Moriyi, nyi natauyi kalabena oro bana kalolu bana ulana, mono buru lari ta hoba.
\v 8 Ana hakodo wadeka ammidi waina tena mono tingiwe jala kabanuna kaboko. Oro, yida aida maraumo wali ta tana yara, baka tutu kawe duda ngahu hastage.
\v 9 Kole yida bada diki ta tana yara, yida daetawe malaga latti loho kaboko mono roti ta panuna.
\v 10 Yesus linage, “Ngidiyi kapirana rammi kaboko abbu hayapami.”
\p
\v 11 Simon Petrus panne ta tena mono tingiwe jala kabanuna kaboko madaka inna ta tana yara, butadi ngahu lima kabulu taudayi. Loko batauda dudi butadi jala walena majir rak mawe.
\v 12 Yesus linage tabarada yida, “Mai mono yamige.” Wale wu hing mana wali ta ana hakodo rada kabani atena kanuka tabaraNa, “Iyawu Yau?” oro yida tadayi inna Nyi bai Mori.
\v 13 Yesus ammini mono nagalayi kababa rada loho na yidi tabarada yida. Tauda dumoge bana rayiGe rada kaboko.
\p
\v 14 Inna yiwe hatauda wuda wai Yesus ban padedala wikina tabara tangada ana hakodoNa Nyi bana be hakadde wali tajonga ata mate. 
\s Yesus Nakaraiyi Petrus Kana Jawa Nadi Bebena
\p
\v 15 Kole bada be hayayo, Yesus linage tabarai simon Petrus, “Simon, nai Yohanes, Apa yau manawaraga Nauwa rehi wali tangada rade? Petrus na balehawe, “Tenawe mori, Yau um tadawe inna nauwa manawaragu Yau.” Bege, Yesus linage tabarana, “Jawa gadi ana bebeGu!”
\p
\v 16 Yesus lina walige ha duda wuda waina tabarana, “Simon, anai Yohanes, apa yau manawaraga Nauwa?” Petrus balehawe, “Tenawe Mori, Yau um tadawa inna nauwa bagu manawaragu.” Yesus linage tabarana, “Jawa gadi ana bebeGu!”
\p
\v 17 Yesus linage tabarana hatauda wuda wai, “Simon anai Yohanes, apa yau um manawaraga Nauwa?” Atenai Petrus dadi maropowe oroi Yesus naka nukayi hadal wudana, “Apa yau um manawaraga Nauwa? Loho, Petrus linag tabaraNa, “Mori, Yau um tadawe tangage. Yau um tadawe inna nauwa bagu manawaraggu Yau!” Yesus linage tabarana, “Jawa gadi ana bebeGu!
\v 18 Nauwa ug takiwe katau takkana tabaramu, bamu bodi howu, yau dau um katie bagemu mono um kakowu ba giyo hakabu atemu; tabolo dage rahigela yau bamu katuna, yau um pajoladi limamu mono ata wadeka enga kati daguge bagemu, mono ngidiwu taha dau aiha kabu atemu.”
\v 19 Yesus na takkiwe katauda dana tutu hataingo nage hada matenai Petrus enga hama nadai Allah. Mono be hatakkiwe innage, NYi linage tabarai Petrus, “Dokuga Nauwa!” 
\s Agawe Kadadi Tuba Anaha Kodo Hada Manawa Rana?
\p
\v 20 Petrus na gilaka mono etayi ana hakodo hada manawaranai Yesus tamrada dokudi Yida. Nyikna ana hakodo kangodo tabarai Yesus pa pakula gadi katenguna mono kanuka, “Mori, iyayi ata kama lajaGu Yau nada?”
\v 21 Kole ba etayi nyi, Petrus naka kanuka tabarai Yesus “Mori aga linada nada nyi?”
\p
\v 22 Yesus na balehawe, “Nyi Nauwa bagu aukawa nyi ka engana morha kaha ba am hagaga, wale yau ma kaorhawe? Yau dokuga Nauwa!”
\p
\v 23 Nyiwe, hanewei Yesus inna na dikiwe tajonga dalara ole baida rada ana hakodo nada enga walena matekma, tabolo duk dahege ban hanewe, “Nyi bagu kabu ategenyi kana engana morha kaha ba am hagaga, wale pa orhak ma muge?”
\p
\v 24 Nyi ana hakodo kapa delakage tubage tangage inna, mono katolha bewe tangage inna, mono yitta tadawe inna hadelakana tenawe.
\p
\v 25 Buta jala hoyi wadeka ha rayi beni Yesus, ba nyi tolha kahayi diha-diha, nauwa ug yapawe tangage panu tana inne dumo wale natutuk mawe tangage jurata ba tolha dahoyi rada.