See in Reader
1852 lines
166 KiB
Plaintext
1852 lines
166 KiB
Plaintext
\id LUK
|
||
\ide UTF-8
|
||
\h Lukas
|
||
\toc1 Lukas
|
||
\toc2 Lukas
|
||
\toc3 luk
|
||
\mt Lukas
|
||
\c 1
|
||
\cl Kawukku 1
|
||
\s Halara Ulluwe
|
||
\p
|
||
\v 1 Buta be atage kabaige tolhawe wu hatolha tutu kadadibe ta jongada yitta,
|
||
\v 2 katujana ha tolha hadikki beda tabarada yitta rada ata ta puge ka eta waige mata mono hadikki ge Lina.
|
||
\v 3 Oro nauwa ug hakola beyi tangadi waige hamataradi wali puge, nyi bataudage nauwa ug tolha dummowe kaha nujjina tubami, ta Teofilus kamanada,
|
||
\v 4 dajalage yau kamau tadawe katena tutu hada paha nua bewu tabaramu.
|
||
\s Takkiwe Tutui Yohanes Pembaptis
|
||
\p
|
||
\v 5 Ta kabu kah rehanai Herodes, Raja Yudea, dani wu rato ka ngaranai Zakaria kawali ta kalibbo rato Abia. Ole ummana walina ta ana huhu Harun, mono ngaranai Elisabet.
|
||
\v 6 Zakharia monoi Elisabet yidda ata katenai ta matanai Allah. Yidda morha wale da otorakma dokudi tangadi ukku mono parehanai Mori.
|
||
\v 7 Ta nyiduwe, yidda wale lakma anada oroi Elisabet woto mono kadudana da katubena.
|
||
\p
|
||
\v 8 Kole dikiwe rahige kalibona bada rayige, Zakharia nyi ha yanna hakakowe dadi ratona ta aronai Allah.
|
||
\v 9 Dokuge ka damma ba ratoyi, Zakharia nayanna kole ha mowala we tutu tama ta Ummanai Allah mono tunnu maraka.
|
||
\v 10 Ba kole ha tunuyi ukupan manuta tangana ana huhu da sembayangna ta bali haddu.
|
||
\p
|
||
\v 11 Kadadaka ngidiwe malaikatnai Mori naha dedala wikkina tabarai Zakharia mono na dede tabbara kawana natara ukupan.
|
||
\v 12 Kole etayi malaikata nadda, Zakharia na ka yikkawe ngihina mono hadda madautayi.
|
||
\v 13 Ta nyiduwe, malaikat nada linage tabarana, “I; am madautawu, Zakharia, oro sembayang marainomu range bewe. Ole ummamu, Elisabet, enga hadadi nani wuyo lakawa kabani tubamu mono yau um hangara dahoni Yihanes.
|
||
\v 14 Yau enga lagaharamu mono egewe atemu, mono buta jala ata ka lagahara dangagu oro dadina.
|
||
\v 15 Nyi nadadi madakka ta araonai Mori mono walena enukma anggur waleka enu weyo halango danga wadeka. Lphhp, wali ta ti inyana nyi enga na panuyi Waddi Katenguna.
|
||
\p
|
||
\v 16 Nyi enga narayige butai ata Israel kahagga tabarai Mori, Allah yidda.
|
||
\v 17 Nyi na kako ulluni larai Mori waini waddi mono kawaha Elia, ‘kapa hadayi ate ha ama hagga tabara anada yidda.’ Nyi dummo enga rayi nadi ata aika ka manuddu hagga ta angta ata katena. Waige katauna, nyi naha inyakayi ana huhu paha inyaka tubanai Mori.”
|
||
\p
|
||
\v 18 Zakharia liange ta malaikat nadda, “Aga lina dawe bagu tadawe tutu hada inna? Oro, nauwa inna ug katubena mono ole ummagu kawedabe.”
|
||
\p
|
||
\v 19 Malaikat nadda balehawe, “Nauwa gabrielwa, malaikat kadede ta aronai Allah. Nauwa paha lewawa hanewe dangagu yau mono hadikki guge li ege ate inna tabaramu.
|
||
\v 20 Tabolo. Batauge rangwela! Yau enga dadi kabanga homu mono walena dadik mawe hanewe kahha ta laddo kole bana dadiwe oro yau aimu hatenawe inna hatakkigu, hapannuwe ta rahige.”
|
||
\p
|
||
\v 21 Tamrage inna, ana huhu kaha remani Zakharia. Yidda dakanuwe ahhai Zakharia mana moja higuna lari ta Ummanai Allah.
|
||
\v 22 Kole bana huna, Zakharia walena dadikma hanewe tabarada yidda. Yidda dummo tadawe Zakharia dawe ha etana lari ta Ummanai Allah oro nyi bana waina hanewe kabakna tabarada yidda, tabolo wale na dadikma hanewe.
|
||
\v 23 Kole mahiggo ha ulla ratona bewe, hagga nage Zakharia ta ummana.
|
||
\p
|
||
\v 24 Kole bana dadiwe inna, Elisabet hatinage mono naka bunyi wikina kalimma wullana. Nyi linage,
|
||
\v 25 “Inne nyiwe Morigu harayina tabaragu. Nyi naha mataraga mono na hopi gage otoragu wali ta jonga ata buta.
|
||
\s Takkiwe Tutunai Yesus Kristus
|
||
\p
|
||
\v 26 Ba ko; e anni wullana bana hatiyo elisabet, Allah naha lewayi malaikat Gabriel ta wu ha dauyo ta kalingora Galilea, ka ngarana Nazaret.
|
||
\v 27 Nyi halewayi hatabo ka dangani wu lakawa bau winne ka duni wu kabani ka ngaranai Yusuf, ana huhui Daud. Ngarana bau winne nada Maria.
|
||
\v 28 Loho, malaikat nada ammini tabarai Maria mono linage, “Maringina, ta yau ha kanyuruna! Nai Mori na olegu.”
|
||
\p
|
||
\v 29 Rangewe hanewe inna, maria nadadi hangatara. Nyi naka nukawe ta atena tutu kappege maringina inna.
|
||
\p
|
||
\v 30 Malaikat nadda linnage tabarana, “Ilam madautawu, Maria, oroi Allah na yibe guge marada ate manawaraNa tabaramu.
|
||
\v 31 Rangewela, yau enga hatimu mono um ha anani wu lakawa kabani, mono yau um ha ngara dadhono Nyi Yesus.
|
||
\v 32 Nyi na dadi madakka mono enga da takkiyi Ana Allah Kahadda Madehta. Mori Allah enga yi nani Nyi hadau ngodi nai Daud, weda waikaNa.
|
||
\v 33 Nyi naharehayi ana huhui Yakub kaha ana murri mono parehana Nyi walena ha dukkak mawe.”
|
||
\p
|
||
\v 34 Loho, Maria linage tabarana malaikat nada, “Aga linakwe hada inna bana dadiwe inna nauwa ai da makhona laigu?”
|
||
\p
|
||
\v 35 Malaikat nadda balehawe mono linage tabarana, “Waddi Bihha enga ammini tabaramu mono kawaha nai Allah Kahada Madehta enga hamawo nagu. Yikwe oroge, Lakawa kadadi nimmila tenguna mono enga takki dani Ana Allah.
|
||
\v 36 Mono, kamu madam muge nadai Elisabet, ole baimu, hatinage batauge tillu katuna. Nyi ulluge hatakkida woto, batauge naha tibe lohho anni beyi.
|
||
\v 37 Oro, wale lakma kama hada aika dadi tubanai Allah.”
|
||
\p
|
||
\v 38 Mono, Maria linage, “Tau takka nage, nauwa inne ata nagei Mori. Dadi kawe tabaragu katauna yau hatakkimu inna.” Bege, malaikat nadda kako nage tannani nyi.
|
||
\s Maria Hadikki Nage Tai Elisabet
|
||
\p
|
||
\v 39 Ta laddo inna, Maria naha inyaka geha kako ta kalingora kaha letena, ta wuha harona ta Yehuda.
|
||
\v 40 Nyi tama ta ummai Zakharia mono nayiwe kamaringina tabarai Elisabet.
|
||
\v 41 Kolei Elisabet rangewe maringinai wali tai Maria, anana lari ta tina takahho kanage monoi Elisabet na bannuni Waddi Bihha.
|
||
\p
|
||
\v 42 Bege Elisabet na kawula waige lina ka mawangta, “Ka nyuruwu yaula ta jonga tangana lawai, mono namaringina anamu ta timu.
|
||
\v 43 Iyawa nauwa dajalage inyana Morigu mai tabaragu?
|
||
\v 44 Tau takkage, kole limu kamaraingina dikiwe ta katillugu, ana lari ta tigu na talahoka oro lagaharana.
|
||
\v 45 Maringi kana nyi kaha tenawe agawe hatakki nai Mori tabarana enga na banuge.”
|
||
\s Maria Na Ma Nyanyi Tubanai Allah
|
||
\p
|
||
\v 46 Nyiwe, linagei Maria, “Dewagu naha manadai Allah,
|
||
\v 47 mono Waddigu lagahara tabaranai Allah, Hadda Hoilagu.
|
||
\q1
|
||
\v 48 Oroi, Allah na yapudi ataNa ka libawa nada. Rangewela, wali batauge mono kahha nimmi, tangana dalara ata enga takki nani maringina.
|
||
\q1
|
||
\v 49 Oro ba Nyi Ka Hadda Bikta parehana na rayi bege hada kama dakka tabaragu, mono tengugela ngaraNa.
|
||
\q1
|
||
\v 50 ManawaraNa na yiwe wali dihha dalara-dihha dalara, tabarada ata kama dautani Nyi.
|
||
\q1
|
||
\v 51 Nyi naha tingo bege kawahaNa waidi limmaNa. Nyi hai- hainadi ata ka baibo lari taha ngada atena.
|
||
\q1
|
||
\v 52 Nyi naha burruni tanana ka kawaha wali taha dau ngododa yidda, mono tanadi ata kalibawa atena.
|
||
\q1
|
||
\v 53 Nyi naha boktayi ata kalabba waige kadahha, tabolo ka wugayi ata pote kako waina limma kaluyo.
|
||
\q1
|
||
\v 54 Allah na yibewe matulluna tabarada Israel, ataNa, oro bana apewe maradda ateNya.
|
||
\q1
|
||
\v 55 Katauna aga bewe hatakkina N yi tabara ama weda waikada yitta, tabarai Abaraham mono ana huhuna kahha ana murri.”
|
||
\p
|
||
\v 56 Mono, Maria engana tai ummanai Elisabet tauda wulla mojage, nyiwe nyi hagga nage ta ummana.
|
||
\s DADI NAI YOHANES PEMBAPTIS
|
||
\p
|
||
\v 57 Batauge dikki nage rahige tubanai Elisabet bana ha ana mono nyi bana hadadini wu ana kabanina.
|
||
\v 58 Tangada ole bara ummana mono ole baida rangewe innai Mori naha tingo bege marada ateNa kahada madakka tabarai Elisabet, mono yidda da lagahara dangani.
|
||
\p
|
||
\v 59 Taladdo kapodo patana yidda ammidi kapiku kabunyini lakawa nadda. Yidda kabu atege ha ngarani lakawa nadda Zakharia, tujawe ngara amana.
|
||
\v 60 Ta nyiduwe, inyana linage, “Walekma, nyi ha nagara dahoni Yohanes.”
|
||
\p
|
||
\v 61 Ata nadda linnage tabarai elisabet, “Wale lakma wuak ata ta jonga ole baimi ka ngara kataudana inna.”
|
||
\v 62 Bege, yidda da kabaddini Zakharia kapiku kanukayi tabarana, aga ngara dahho ha tauyi tabrana nada lakawa.
|
||
\p
|
||
\v 63 Zakharia naka rai wu kapabala dau tolha, mono na tolhawe inna: “Ngaranai Yohanes.” Mono, tangana ata da hangatara.
|
||
\v 64 Inna mema dummo, banai Zakharia ma bugerawe mono lammana na hoilawe. Nyi dummo kapu nage daikayi Allah.
|
||
\v 65 Tangada ole bara ummana yidda dadiwe bada madauta mono inna kadadi da dulka dangage ta tangage deha kabodi letena Yudea.
|
||
\v 66 Mono, tangada ata karangewe hada inna daka nukkawe ta ateda yidda, “Enga dadi aga nage lakawa nimmila?” Oro, limmanai Mori na oleni.
|
||
\s Zakaria Na Hamanadai Allah
|
||
\p
|
||
\v 67 Zakharia, amanai Yohanes, dummo na banuni Waddi Bihha mono na huru bale, linage,
|
||
\v 68 “Mahadiyila Mori, Allah Israel oro Nyi banamai ha dikkibe mono kahka beyi ana huhuNa.
|
||
\q1
|
||
\v 69 Nyi naha kadde beyi kadu hoila tubada yitta wali ta ana huhui Daud,
|
||
\v 70 katauna hatakki bena Nyi lededi bada nabi-nabi Na ka tenguna wali ullu ge
|
||
\v 71 dajalage yitta kaha hoilada wali ta muhhuda yitta, mono wali ta limmada tangada ata ka butuda ate yitta.
|
||
\q1
|
||
\v 72 Nyi na rayige bana ha tingoge manawaraNa tabara weda waikada yitta, mono oro Nyi apewe ha jajiNa ka tenguna,
|
||
\v 73 halinawe haura Nyi hatakki bena tabara weda waikada yitta, Abraham,
|
||
\v 74 inna yitta enga pahoilada wali ta limmada muhhuda yitta dajalage yitta dadiwe hanukkuyi Nyi tillu ai madauta,
|
||
\v 75 lari te tenguna mono tenana ta arona- Nyi, taha dukka morhada yitta.
|
||
\q1
|
||
\v 76 Mono yau, anagu, enga ha nagragu nabinai Allah Ka hadda Madehta, oro yau enga kako ullumu wali ta Mori, kapikku ha inyaka nani lara tubana-Nyi.
|
||
\q1
|
||
\v 77 Kapiku yini yappawe tutu manemara tabara ana huhu-Na ledege hawalidi tangadi jalada yidda.
|
||
\q1
|
||
\v 78 Oro mardda mono manawarana Allahda yitta, magakaha Mata laddo enga ha magakaha nada yitta wali taha dau madehta
|
||
\v 79 kapiku hama gakaha nadi yidda ka engana lari ta kapagta mono kadana lari ta mawo mate, kapiku irru dadi leduda yitta aro ta lara moli kamaringina.”
|
||
\p
|
||
\v 80 Nyiwe, lakawa nadda na matuyo kiki madakka, mono kiki kulha nage lari ta waddi. Nyi na engana ta marada gilra kahha dikkige rahige bana ha tingoge tauna ta barada Israel.
|
||
\c 2
|
||
\cl Kawukku 2
|
||
\p
|
||
\v 1 Ta rahi inna, Kaisar Agustus na pahuge hareha kapiku tolhayia ngarada tangada ata ta panu tana.
|
||
\v 2 Inne nyiwe tolha ngara ata kawungana pa rayi kolei Kirenius bana dadi Gubernur ta Siria.
|
||
\v 3 Nyiwe, tangada ata da hagga dahho dau walida dihha-dihha kapiku tolha dage tauda.
|
||
\p
|
||
\v 4 Yusuf dummo tannage Nazaret, harona ta Galilea, mono aro ta Yudea, ta ha ronai Daud paha ngarada Betlehem, oro nyi ba walina dalara ana huhui Daud,
|
||
\v 5 dajalage nyi ka tolha nage ngarana gauni Maria, lakawa winne na, katamrana hatiyo.
|
||
\v 6 Kolei Yusuf monoi Maria dikki ta Betlehem, dikki nage rahige maria bana ha ana.
|
||
\v 7 Maria dummo naha anani wuyo lakawa kabani ana bodina. Nyi na ublayi Nyi waini kaba karakta mono naha baikani Nyi neda lari ta karaba oro ai dayo koro tubada yidda dau dau.
|
||
\s Tangada Kajawa Ranga Etayi Yesus
|
||
\p
|
||
\v 8 Taha dau nedda dummo, dadi kapirana kajawa ranga ka engana ta maradda jawayi bebbeda yidda bana gaddige.
|
||
\v 9 Kadada ngidiyi, malaikat nai Mori na dede ta aroda yidda mono manadanai Mori magakahage ka kiloradi yidda dajalage yidda hadda madautayi.
|
||
\v 10 Ta nyiduwe, malaikat naddalinage tabarada yidda, “Ilam madauta mi oro rangewela, Nauwa mai takki guge tabarami liyo ka dahha tutu ege ate kama dakka paha yanna tubada tangada ata.
|
||
\v 11 Ta laddi inna, na dadi be tubami wu ata Hadda hoila, halinawe Kristus, Mori, ta haronai Daud.
|
||
\v 12 Inne nyiwe tadagwe tubami: Miyo diki mini lakawa ha boro wai kaba karakta mono paha baika lari ta karaba.”
|
||
\p
|
||
\v 13 Ha yaddawe, dalidi kalibbo malaikat rada katau kalina butana tentara ta surga ka daikayi Allah mono lidage,
|
||
\v 14 “Manadana tubanai Allah taha dau hada madehta mono moli kama ringina ta panu tana, ta jonga ata ka tuba ta arona tabaraNa.’
|
||
\p
|
||
\v 15 Kole tangada malaikat ijakadi tangada kajawa ranga rada mono hagga ta surga, tangada kajawa ranga radda lidage dihha-dihha,’ Mai da yitta ta Betlehem kapiku eta dage agawe kadadi inna, ha takki benadai Mori tabarada yitta.”
|
||
\p
|
||
\v 16 Lohho, yidda da geha kako mono da tabokayi Maria monoi Yusuf lohho lakawa kabaika taka karaba ranga.
|
||
\v 17 Kole tangada kajawa ranga etayi Nyi, yidda da takkiwe hanwe hatakki beda tabarada yidda tutu Lakawa nadda.
|
||
\v 18 Mono, tangada ata karangewe kama hada inna hangatara wali tangage hatakkida ata kajawa ranga tabarada yidda.
|
||
\v 19 Ta nyiduwe, Maria ijalawe tangage inna mono daha ha gukkuwe lari ta ateda.
|
||
\v 20 Loho, ata jawa bebbe hagga ta bebbeda yidda hagapege hamanadayi mono daikayi Allah oro tangage inna yidda ha etada mono ha rangeda tujawe hatakki tabarada yidda.
|
||
\p
|
||
\v 21 Mono, kole podo pata laddona tutu ba kabunyini Lakawa nadda, ngaraNa Yesus lidani, tujawe ngara ha yina malaikat Nyi ai hatihoni.
|
||
\s Yesus Da Ngidiyi Ta Umma Allah
|
||
\p
|
||
\v 22 Kole laddo ba hamurahana dokuge ukkui Musa ba bewe, Maria monoi Yusuf ngidiyi Yesus ta Yerusalem kapiku ba yiyi Nyi tabarai Mori,
|
||
\v 23 tujawe kama tolha lari ta ukku nai Mori, “Tangadi lakawa kabani ana bodi paha tengu dahoyi tubanai Mori
|
||
\v 24 mono tutu yiyo manuta dokuge agawe hatakki lari ta ukku parehanai Mori, rada duda rawa waleka duda ta gukku maupa bodi,”
|
||
\s Simeon Monoi Hana Etayi Yesus
|
||
\v 25 Dani wuyo ata katuna kabani ka ngaranai Simeon engana ta Yerusalem. Nyi ata katenayi mono hatena, karemage agu ate Allah Israel, mono Waddi Katenguna oleni.
|
||
\v 26 Waddi Katenguna na takki nage inna nyi wale na matekma aina eta dahoyi Kristus ha dede nai Mori.
|
||
\v 27 Nyiwe Simeon ammini ta Umma Allah oro Waddi Katenguna, kolei Yusuf monoi Maria ngidiyi Yesus ta Umma Allah tutu pahadawe tangage tabaraNa agawe paha yanna be ta Ukku Pareha taurat.
|
||
\v 28 Bege, Simeon lairuyi lakawa nadda mono daikayi Allah, linage,
|
||
\v 29 “Batauge, o Mori, bana dadik kawe Yau bamu pahaini ataMu nadde kako waina moli, dokuge liMu;
|
||
\v 30 oro matagu eta bewe mane mara wali tabaramu,
|
||
\v 31 paha ganna bemu Yau ta arona tangana ata;
|
||
\v 32 inna magakaha enga kama gakahani tangana ata ai ka tadayi Mori, mono manadana tuba ana huhuMu, Israel.”
|
||
\p
|
||
\v 33 Yusuf mono inyana Lakawa nadda da hangatara agawe hatakki nai Simeon tutuna Nyi.
|
||
\v 34 Bege, Simeon naha maringiyi Maria, inyanai Yesus, “Rangewe, Lakawa nadde paha inyaka benani tutu ha monudi mono ha kaddeyi ata buta Israel, lohho dadi tadka nani ata buta.
|
||
\v 35 (Mono, gayu katopo enga duhka nani urramu) dajalage ngihi atena ata buta enga dedoge.”
|
||
\p
|
||
\v 36 Neda bali dumo dani wu ata nabiah ka ngaranai Hana, anai Fanuel wali ta kabihu Asyer. Nyi naka tu hingna. Nyi dukka morha dangani laina kapitu dauna kole bada nikah,
|
||
\v 37 mono be inna lawai balu nage kahha ba podo pata kabulu dauna. Nyi wale kali tanak mage Ummanai Allah, tabolo kangote laddo mono gaddi wai kabukta mono sembayang.
|
||
\p
|
||
\v 38 Ta mahiggo inna, ammini Hana mono nyi wai linage tabarai allah lohho na takkiwe tutui Yesus tabara tangada ata ka remage kah kawe Yerusalem.
|
||
\s Yusuf Monoi Maria Hagga Ta Nazaret
|
||
\p
|
||
\v 39 Kolei Yusuf monoi Maria rayige tangage dokuge Ukku nai Mori, yidda hagga ta Galilea, ta harona dau walida yidda, ta Nazaret.
|
||
\v 40 Lakawa nadda dummo kiki matunage, kulha, mono na tada, monoi Allah naha maraingiyi-nyi.
|
||
\s Yesus Ta Ummai Allah
|
||
\p
|
||
\v 41 Nahiyi dau, ata katunai Yesus kako ta Yerusalem ta Laddo Madakka Paskah.
|
||
\v 42 Kole Yesus ba kabulu duda dauna, yidda da kako neda bali dokuge ka damma ta lado madakka nada.
|
||
\v 43 Kole ba beyo raya rameni, yidda hagga dage. Tabolo, Yesus engana ta Yerusalem wale da tadak mayi ata katuna-Nyi.
|
||
\v 44 Oro ata katuna Yesus paha ngadada Nyi enga dani ta jonga ta buta, yidda dummo ha kita dage kako kahha mamali pannuyi dihha laddo. Nyiwe, yidda halege dage mayegani-Nyi ta jonga ole baida mono ata ha tadada.
|
||
\v 45 Kole yidda aida tabaokayi Yesus, yidda hagga dage ta Yerusalem bada mayegani-Nyi.
|
||
\p
|
||
\v 46 Kole tauda laddoda, yidda da tabo kayi ta Ummanai Allah tamra ngodo nage ta jonga guru-guru agama, ha gapege bana rangeyi mono kanukayi tabarada yidda.
|
||
\v 47 Tangada ata ka rangeyi-Nyi da hangatara oro tadana mono gtangadi baleha-Na,
|
||
\v 48 Kole ata ka tuNa etayi Nyi, yidda dummo hangatara. Nyiwe, inyana nakanukayi, “Ana, ahha Yau mamu rayige inna tabarama nami? Ama-Mu mono nauwa paratama mayega-Gu.”
|
||
\p
|
||
\v 49 Balehawei Yesus tabarada yidda, “Ahha miyo mami mayegaga Nauwa? Walem tadak mawe yau inna Nauwa bagu enga dahona ta umma Ama-gu?”
|
||
\v 50 Ta nyiduwe, yidda wale da yapak mawe agawe inna hatakki-Na tabarada yidda.
|
||
\p
|
||
\v 51 Nyuwe, Yesus hagga oledi yidda ta Nazaret mono dokudi yidda. Tabolo, inya-Na na ijalawe hanewe inna lari ta atena.
|
||
\v 52 Yesus dummo kiki matunage mono kiki maniwola. Nyi dummo kiki na baini Allah mono ata.
|
||
\c 3
|
||
\cl Kawukku 3
|
||
\s Ha Ullai Yohanes Pembaptis
|
||
\p
|
||
\v 1 Ta dau ha kabulu limma wai harehanai Kaisar Tiberius, kolei Pontius Pilatus dadi Gubernur Yudea, Herodes dadi raja Galilea; Filipus angu wuyo Herodes dadi raja kalingora Iturea mono Trakhonitis; mono Lisanias dadi raja Abilene,
|
||
\v 2 Hanas monoi Kayafas bana narroge bai rato, ammige linai Allah tabrai Yohanes, anai Zakharia, ka engana tamaradda gilra.
|
||
\v 3 Nyiwe, kako nagei Yohanes ta tangage kalingora Yordan mono talarage hariha jarra tutu hawali jala,
|
||
\v 4 katauna kama tolha lari ta jurata Nabi Yesaya: “Inne nyiwe lina ata kawula ta marada gilra, ' Ha inya kayi lara tubanai Maori, kamu halurhayi lara tuba-Na.
|
||
\q1
|
||
\v 5 Tangadi lolana enga bonyidi mono tangadi letena enga halija kayi. Lara kalego enga halurhayi, mono tangadi lara aika lijana enga halijakayi.
|
||
\q1
|
||
\v 6 Mono, tangada ata enga eta dage manemara wali tai Mori!”’ \rq Yesaya 40:3-5 \rq*
|
||
\p
|
||
\v 7 Nyiwei, Yohanes linage tabara ata buta kamai harihayi nyi, “Ta, miyo ana huhui kaboko kahajalora! Iya kaha ape mige mamu malaimi wali ta bani nimi ka ammina?
|
||
\v 8 Nyi oro bataudage inna, kamu wumila kaha tingoge jarrami. Ilam takki kawe tutu daumi, ‘Abraham nyi ama weda mani!’ Nauwa luguge tabarami, tau takka nage wali ta watu inne Allah na dadiwe ha dadidi lakawa tuba nai Abraham!
|
||
\v 9 Lohho, wali batauge pogo ijala bewe ta kalarta pu yayu. Tangadi pu yayu aika wu dahha enga katodayi mono tubadi lari ta latti.”
|
||
\p
|
||
\v 10 Ata daka nukawe tabarai Yohanes, “Nyi bataudage, aga dahona nami harayima?”
|
||
\p
|
||
\v 11 Nyi na balehawe, “Tangada ata kamngu do balla na kalabbe, nyi na bawe dahoyi ta ata aik kadayo kalabbena. Mono, tangana ata ai kamngu ha yana, nyi na rayi jala hoge katauna.”
|
||
\p
|
||
\v 12 Kapirrana ata kahha walu katakku dummo ammidi kaha harihayi. Yidda da kanukawe tabrai Yohanes, “Guru, aga dahona nami harayima?”
|
||
\p
|
||
\v 13 Yohanes na takki dage yidda, “Ilam karai kami walu katakku rehi wali ha yannabe tubami.”
|
||
\p
|
||
\v 14 Kapirana tentara kanukkawe tabarana, “Aga linna dawe nami? Aga dahona harayima?” Yohanes linnage tabrada yidda, “Ilam karai kami ammaha wali ta iya hingkayi waina karuhhuwe waleka waina hawau palekana. Hatutuwela taumu waidi gajimu.”
|
||
\p
|
||
\v 15 KLole tangada ata tamrada mann ege ba ammini Mesias. Yidda tangada da kanukawe lari ta ateda tutui Yohanes, appa nyiyo Kristus appa ba walle.
|
||
\p
|
||
\v 16 Yohanes na balehayi yidda mono linage, “Nauwa ug harihami waina weyo. Ta nyiduwe, Wu ata karehi bikta parehana wali ta nauwa enga ammini. Tutu ladda nadi kalarri kopa leduna nauwa dummo waleg marakkak mawa. Nyi enga hariha nagimi waini Waddi Katenguna mono latti.
|
||
\v 17 Tapi nyura dabeni ta limmaNya tutu hamurrahage tana hadau hamo mono kahhayi gandum ka dahha lari ta galu-Na. Ta nyiduwe, Nyi enga tunnu nadi kuwa neda lari ta latti ai ka hilu badda.”
|
||
\v 18 Waidi li hanua wadeka, Yohanes na talarage li ege ate ta barada ata buta.
|
||
\s Yohanes Pembaptis Hatamani Ta Gallu
|
||
\p
|
||
\v 19 Ta nyiduwe, oroi Yohanes hanamu nagei Herodes, raja kalingora, ta hada harayina tai Herodias, ole umma angu wunai Herodes, mono oro tangage hada japata harayina,
|
||
\v 20 nyiwe Herodes na tabayi radda ta atngadi waige ha tamani lari tagallu.
|
||
\s YESUS HARIHAYI
|
||
\p
|
||
\v 21 Kole tangadi ata harihayi, Yesus dummo harihayi. Mono, kole Nyi bana sembayangna, Langta ma bugerawe
|
||
\v 22 mono Waddi Bihha naburru tabaraNa napa hada ta gukku maupana. Nyiwe, dage liyo ka wali ta langta mono linaw, “Yau Ana-Gu hama nawaraGu. TabaraMula Nauwa ug baigu.”
|
||
\s Burru Dadinai Yesus
|
||
\p
|
||
\v 23 Kolei Yesus halegewe ha ulla-Na, Nyi tallu kabulu dau bena. Ata da yappa dawe nadai Yesus anai Yusufuyi. Yusuf anai Eli.
|
||
\q1
|
||
\v 24 Eli anai Matat. Matat anai Lewi. Lewi anai Malkhi. Malkhi anai Yanai. Yanai anai Yusuf.
|
||
\q1
|
||
\v 25 Yusuf anai Matica. Matica anai Amos. Amos anai Nahum. Nahum anai Hesli. Hesli anai Nagai.
|
||
\q1
|
||
\v 26 Nagai anai Maat. Maat anai Matica. Matica anai Simei. Simei anai Yosekh. Yosekh anai Yoda.
|
||
\q1
|
||
\v 27 Yoda anai Yohanan. Yohanan anai Resa. Resa nai Zerubabel. Zerubabel anai Sealtiel. Sealtiel anai Neri.
|
||
\q1
|
||
\v 28 Neri anai Malkhi. Malkhi anai Adi. Adi anai Kosam. Kosam anai Elmadam. Elmadam anai Er.
|
||
\q1
|
||
\v 29 Er anai Yesua. Yesua anai Eliezer. Eliezer anai Yorim. Yorim anai Matat. Matat anai Lewi.
|
||
\q1
|
||
\v 30 Lewi anai Simeon. Simeon anai Yehuda. Yehuda anai Yusuf. Yusuf anai Yonam. Yonam anai Elyakim.
|
||
\q1
|
||
\v 31 Elyakim amai Melea. Melea anai Mina. Mina anai Matata. Matata anai Natan. Natan anai daud.
|
||
\q1
|
||
\v 32 Daud anai Isai. Isai anai Obed. Obed anai Boas. Boas anai Salmon. Salmon anai Nahason.
|
||
\q1
|
||
\v 33 Nahason nyiyo anai aminadab. Aminadab anai Admin. Aminadab anai Arni. Arni anai Hezron. Hezron anai Peres. Peres anai Yehuda.
|
||
\q1
|
||
\v 34 Yehuda anai Yakub. Yakub anai Ishak. Ishak anai Abraham. Abraham anai Terah. Terah anai Nahor.
|
||
\q1
|
||
\v 35 Nahor anai Serug. Serug anai Rehu. Rehu anai Peleg. Peleg anai Eber. Eber anai Salmon.
|
||
\q1
|
||
\v 36 Salmon nyiyo anai Kenan. Kenan anai Arpakhsad. Arpakhsad anai Sem. Sem anai Nuh. Nuh anai Lamekh.
|
||
\q1
|
||
\v 37 Lamekh anai Metusalah. Metusalah anai Henokh. Henokh anai Yared. Yared anai Mahalaleel. Mahalaleel anai Kenan.
|
||
\q1
|
||
\v 38 Kenan anai Enos. Enos anai Set. Set anai Adam. Adam nyikna anai Allah.
|
||
\c 4
|
||
\cl Kawukku 4
|
||
\s Kabani Yesus
|
||
\p
|
||
\v 1 Yesus, kabanuna Waddi Bihha hagga wali ta Yordan. Bege, Nyi na kodoni Waddi Bihha aro ta marada gilra
|
||
\v 2 ka pata kabulu laddona tutu kabani kabalka. Nyi wale na yakma katauna mojana inna. Kole ba nari benage, nyi nakalabba.
|
||
\v 3 Nyiwe, Kabalka linage tabara-Na, “Nyi yau Ana Allahwu, halewayi watu radda dadi kababa.”
|
||
\v 4 Yesus na balehawe, “Dage kama tolha, ‘Kadadi ata morha walle wali ta kababa kelma.”’ \rq Ulanga 8:3 \rq*
|
||
\p
|
||
\v 5 Bege, Kabalka na ngidiyi Yesus taha dau kama dehta mono naha tingo nage tabara-Na tangage parehage panu tana waige hada ka hodi kina.
|
||
\v 6 Nyiwe, kabalka linage tabara-Na, “Nauwa ug yiguge kawahamono manadana ta tangadi radda, oro tangadi da yibe gadi tabragu. Mono, nauwa ug yiyi tabara ba iya hingkayi nauwa ha kabu ategu.
|
||
\v 7 Nyiwe, nyi Yau bamu kangak kaga, tangadi radda enga daumu-Di.”
|
||
\v 8 Nyiwe, Yesus balehawe, “Dage kama tolha, ‘Yau um kangak kadahoni Mori Allahmu, mono dukka tabarada hona bamu kawojo.”’ \rq Ulangan 6:13 \rq*
|
||
\p
|
||
\v 9 Bege, Kabalka na ngidiyi Yesus ta Yerusalem lohho natauyi Nyi ta toko Ummanai Allah. Linage kabalka tabarai Yesus, “Nyi yau Ana Allahwu, dolka wiki holamu-Ge wali inne aro inna lari,
|
||
\v 10 oro badage kama tolha, ‘Tutum Yau, Allah enga pareha nadi malaikat-Na tutu bana jawa-wu.’ \rq Mazmur 91:11 \rq*
|
||
\v 11 Mono, ‘Waidi limmada yidda, yidda enga harema dadi dajalage ledu-Mu ilna yannayi ta watu.”’ \rq Mazmur 91:12 \rq*
|
||
\p
|
||
\v 12 Balehanai Yesus tabarai Kabalka, “Dage kama tolha, ‘Ilam kabani Mori Allahmu.”’ \rq Ulangan 6:16 \rq*
|
||
\v 13 Kolei kabalka bana beha kabani Yesus, nyi kako nage tannani-Nyi mono remage mahiggo wadeka.
|
||
\s KAPUGE HA ULLANAI YESUS TA GELILEA
|
||
\p
|
||
\v 14 Yesus nahagga ta Galilea waige banuni kawaha waddi, mono liyo tutu-Na matalarawe ta kalingora hadau nedda.
|
||
\v 15 Nyiwe Nyi halege nage talarage ta sinagoge mono tangada ata Daika-Nyi.
|
||
\s Yeusu Tularani Ta Harona Dau Walina
|
||
\p
|
||
\v 16 Bege Yesus kako nage ta Nazaret, harona dau Ny baha matuyi. Katauna ka kalli damma-Nyi, Yesus kako nage ta Sinagoge ta laddo ngahu mono na dede bana bahha.
|
||
\v 17 Jurata Nabi Yesaya da yinage tabara-Na, nyiwe Nyi na bugerage jurata inna mono na tabo kawe kama tolha,
|
||
\v 18 “Waddi nai Mori dani tabara-Gu, oro Nyi naha didara bewa Nauwa tutu talarage Liyo kadahha tabara ata milla. Nyi naha lewawa Nauwa talarage hoila tabarada tangada ata ha lokata, maono tagaha paeta tabarada ata moro, tutu pahoila ta ata hapittada,
|
||
\v 19 mono ngidiwe inna dau kanyurru Mori ba ammi bege.” \rq Yesaya 61:1-2 \rq*
|
||
\p
|
||
\v 20 Yesus na toniwe jurata inna nyiwe mana pahaggage tabara kanarroge umma dau kangote, mono Nyi na ngodo. Mata tangana ata lari ta sinagoge inna da engana ta tau-Na.
|
||
\v 21 Nyiwe, Yesus kapunage hanewe tabarada yidda, “Laddo nehhe, bannu nage agawe hatolha ta Jurata Bihha inna bamu rangewe.”
|
||
\p
|
||
\v 22 Mono, tangada ata dahha tenayi-Nyi hagapege bada hangatara rada hatakkina ka dahhaki ka huna wali ta ba-Na. Yidda lidage, “Nyi nadde wale anai Yusuf kaduyi?”
|
||
\p
|
||
\v 23 Bege, Yesus linage tabarada yidda, “Miyi enga takki mini nara newe nadde tabara-Gu, ‘Jawa dotera, na hatagaha guge tau dau-Mu! Nami rangeyi hada Yau harayimu ta Kapernaum, rayi jaladi radda ta hadau inne, ta harona ha wali dau-Mu.’”
|
||
\v 24 Bege Nyi linage, “Nauwa luguge tabarami, tau takka nage lakma nabi pahibba taharona dauna.
|
||
\v 25 Lari katena, Nauwa luguge tabaramu, buta layi lawai balu ta Israel nutu pona tai Elia, kole langta matoniwe ka tauda dauna mono anni wulla, kole kareba kalla dadiwe taha dau nedda.
|
||
\v 26 Ta nyiduwe, Elia wale halewa awak mayi langka iya hinguyi duka hege ta lawai balu ta Sarfat, ta kalingora Sidon.
|
||
\v 27 Mono, dadi kabuta kalawara kusta ta Israel ta morihanai Elisa, tabolo wale lahing mana wali ta yidda paha tagaha dukkai Na aman, ata Siria nadda.”
|
||
\p
|
||
\v 28 Kole rangewe hada inna, tangada ata lari ta sinagoge inna naka lubbudi bani.
|
||
\v 29 Nyiwe, dede dage yidda mono werakani Yesus huna wali ta harona inna, dajalage da ngidiyi-Nyi ta pannu letena ta haronada yidda paha kadde kapikku doluni Nyi ta lirra.
|
||
\v 30 Ta nyiduwe, Yesus na yelana wali ta jongada yidda mono kako nage.
|
||
\s Wu Kabani Pajoilani Hawiddi Japata
|
||
\p
|
||
\v 31 Yesus na kako ta Kapernaum, kalingora Galilea, mono naha nuawana ata buta ta laddo Ngahu.
|
||
\v 32 Yidda da hangatarage hanuawa-Na oro hanewe-na kabannuna kawaha.
|
||
\v 33 A sinagoge, dani wu ata kabani hatamana waddi japata ka akta. Ata nadda nakawula waige lina kama wangta,
|
||
\v 34 “Yamma gama nami kama meha! Agawe ha orha-Mu tabarama, ta Yesus, Ata Nazaret? Appa Yau maimu ba liloko gama nami? Nauwa ug tadawe ba iyawu Yau, Ka tenguna Wali tai Allah!”
|
||
\v 35 Ta nyiduwe, Yesus naha gagtayi waddi japata nadda, lina-Ge, “Kadanawu! Kmu hunage wali ta ata nadda!” Kole marapu n adda baktani ata nada ta tana, ta aro tangada ata, nyi na huna wali ta tauna ata nadda mono naha pakhayi.
|
||
\p
|
||
\v 36 Waige banu bannuge bangara, tangada ata kadana nedda lidage dihha-dihha, “Aga hanewe inna? Oro waige battona mono kawaha, Nyi naha rehayi waddi akta rada mono yidda huna.”
|
||
\v 37 Mono, liyo tutui Yesus ma habarawe ta tangage hadau kalingora inna.
|
||
\s Yera Lawai Nai Petrus Mono Ata Buta Hatagahyi
|
||
\p
|
||
\v 38 Bege, Yesus na tanage umma kangote inna mono kako ta ummanai Simon. Inna na, yere lawainai Simon tamrana kalikka tetakka, oroge inna yidda da karayiyi Yesus kapiku hatagaha nani.
|
||
\v 39 Nyiwe, dede nagei Yesus tabarana yera lawaina Simon mono naha gagtawe kalikka inna, mono kalawara dummona tagahawe. Inna memage, yera lawaina Simon kadde nage mono kapunage hanukkuyi yidda.
|
||
\p
|
||
\v 40 Kole mata laddo manari tama nage, tangada ata da ngdiyi ole baida yidda halina kalawara tanga ngara kalwara tabarai Yesus. Begei Yesus na ijalayi limma-Na ta yidda dihha-dihha mono hatagahayi yidda.
|
||
\v 41 Marapu radda dummo huna wali ta ata buta radda hagapege kawula, “Yau dunage Ana Allah!” Ta nyiduwe, Yesus naha gagtayi yidda, Nyi wale pahai madi yidda hanewe oro yidda tadawe inna Nyi bai Kristus suyi.
|
||
\s Yesus Na Hotbah Taharona Wadeka
|
||
\p
|
||
\v 42 Damma hege tana Yesus na kako ta wuha dau ka hika bana mehaki. Ata buta na mayegani-Nyi, mono kole yidda tabo kayi- Nyi, yidda darayigwe padekayi Nyi ilna tanadi yidda.
|
||
\v 43 Ta nyiduwe, Nyi linage tabrada yidda, “Nauwa ug talara dahoge liyo ege ate Kalingora parehai Allah ta tangada harona wadeka dummo oro ba nyiduwe gauge Nauwa maha lewawa.”
|
||
\p
|
||
\v 44 Nyiwe, Yesus na hotbah ta sinagoge-sinagoge ta Yudea.
|
||
\c 5
|
||
\cl Kawukku 5
|
||
\p
|
||
\v 1 Dage wuha dakka, ata buta koporani bada kilorani-Nyi kapiku rangewe linai Allah. Inna na, Yesus nadede ta huppu hoba Genesaret,
|
||
\v 2 mono na etayi duda tena ka huna ta huppu hoba inna, tabolo ata da hubena wali ta tena radda mono tamrada bahayi jalada yidda.
|
||
\v 3 Yesus panne nage ta dihha wu tena ta tena nai Simon, mono naha lewayi Simon kapiku bohe hodiyi tena na marau wali ta tana yara. Bege, Yesus ngodo mono naha nuwadi ata buta ta pannu tena.
|
||
\p
|
||
\v 4 Kole bana beyo hanewe, Yesus linage tabarai Simon, “Kakowu ta weyo kalibbu hodi tubag jalamu kapiku kolemu kaboko.”
|
||
\p
|
||
\v 5 Simon na baleha, “Guru, nami ma rayi ullabe tara gagaddi, tabolo wale lakma ha kole ama aga ana! Ta nyiduwe, oro ba Yau kaha lewawa, nauwa ug toba hoge jalagu inna.”
|
||
\v 6 Mono, kole yidda bada dokuge, yidda da kolena kaboko buta dajalage jalada hodi mowe majirraka.
|
||
\v 7 Nyiwe, yidda da baddina ta oleda yidda ta tena wadeka kapiku ammidi tulludi yidda. Bege, ammidila oleda yidda mono taudi tenada radda kaboko dajalage tenada yidda hodi mowe bulloyi.
|
||
\p
|
||
\v 8 Kolei Simon Petrus etawe hada inna, nyi naka wojo ta aronai Yesus mono linage, “Yelana wali tabaragu, Morigu, oro nauwa ata dokuwa!”
|
||
\v 9 Petrus lina dage bana hanewe oro nyi mono tangada ka oleni hangatara dage oro butadi kaboko ha yappada yidda.
|
||
\v 10 Tauda dummoge Yakobus monoi Yohanes, anai Zebedeus ka oleni Simon. Yesus linage tabarai Simon, “Ilam madautawu. Wali inna ba tauge, miyo kamu majalami ata.”
|
||
\p
|
||
\v 11 Kole yidda bada tingiyi tenada yidda ta tana yara, yidda da tanadi tangadi mono dokuni Yesus.
|
||
\s Ata Kalikku Hataga Hayi
|
||
\p
|
||
\v 12 Dihha wu laddo, Yesus na dikki ta wuha rona. Ta harona inna, dani wu ata kabannu na tauna katobi. Kole ata nadda etayi Yesus, nyi nakawojo kahha matana jojawe tana mono na rainoge tabara-Na, “Mori, nyi Yau bamu auka duwu, Yau kamu hatagaha kiwa nauwa.”
|
||
\p
|
||
\v 13 Nyiwe, Yesus na ha jolani limma-Na mono jojayi ata nadda. Lina-Ge, “Nauwa ug auwa, dadiwege tagaha.” Inna mema dummoge, katobina ata nadda bungayi.
|
||
\v 14 Taboloi, Yesus naha rehayi ata radda ilda takkiwe langka ta iya hingkayi mono linage, “Kakowu mono hatingoge taumu tabarada rato. Yiwu maraka aro bamu tagahawu katauna pahareha nai Musa ka wuwe tada tubada yidda.”
|
||
\s Ata Kalikku Hataga Hayi
|
||
\p
|
||
\v 15 Liyo tutu nai Yesus kiki mahabara nage dajalage buta ata kama kahha kapiku da rangeyi Nyi mono kapiku hatagahayi wali ta kalawarada yidda.
|
||
\v 16 Tabolo, Yesus kali kako kabunyi taha dau ka hika bana sembayangna.
|
||
\s Ata Kalikku Hataga Hayi
|
||
\p
|
||
\v 17 Ta dihha wu laddo, kolei Yesus batamrana hanuadi, ata Farisi mono ahli-ahli Taurat ka mai wali ta tanga harona ta kalingora Galilea, Yudea, mono Harona Yerusalem dummo ngodo neda bali. Mono, Kawahanai Mori oleni Yesus dajalage Nyi dadiwe patagahayi ata buta. Ata Kalikku Hataga Hayi
|
||
\v 18 Nyiwe, kapirana ata ditayi wu ata kalikku ta pannu hadau dura, mono yidda da hurka ngidiyi tama mono ijalayi ata nadda ta aronai Yesus.
|
||
\v 19 Ta nyiduwe, oro yidda ai dayo lara hatabo kada ba ngidiyi ata nadda tama oro ata buta, panne dage yidda ta toko umma mono haburruni ata kalikku nada mono pinyana ta tilluna ta aronai Yesus.
|
||
\v 20 Kole bana etawe hatenada yidda, Yesus linage, “Ta anguwuyo, jalamu ha wali begudi.”
|
||
\p
|
||
\v 21 Ahli-ahli Taurat mono ata Farisi halege dage kanukawe, “Iyayi ata kapalekayi Allah nadda? Iyayi kahawali na jala duka dahegei Allah?”
|
||
\p
|
||
\v 22 Kolei Yesus tadawe paha ngadada yidda, nyi linage, “Ahha mi mamu kanukka tauda dahoge inna ta atemu?
|
||
\v 23 Gi dahoge karehi lewara, takkiwe ' Jalamu ha wali begudi' waleka ' Kaddewu mono kakowula?
|
||
\v 24 Ta nyiduwe, dajalage miyo kamu tadawe nada Anana kadadi ata na dauge kawaha ta panu tana kapiku hawali nadi jala,” Yesus linage tabara ata kalikku nada, “Nauwa luguge tabaramu: Kadewula, keketayi hadau duramu mono haggawula.”’
|
||
\p
|
||
\v 25 Inna mema dummo, ata nadda wingu kadde nage ta aro tangada ata mono na ngalawe hadau baikana, bege kako nage hagga hagapege daikayi Allah.
|
||
\v 26 Tangada ata rada da bangara mono daikayi Allah. Waige hada kama dauta hada madakka tabara kawahanai Allah, yidda lidage, “Laddo nehe nami ma etawe hada aika anana!”
|
||
\s Lewi Na Dokuni Yesus
|
||
\p
|
||
\v 27 Bewal inna ge, Yesus hunage mno na etayi wu ata ka kahha walu katakku ka ngaranai Lewi ka tamrana ngodo taha dau ngodona bana kahha walu katakku. Yesus linage tabarana, “Dokuga Nauwa.”
|
||
\v 28 Lewi dede nage, tanadi tangadi, mono dokuni Yesus.
|
||
\p
|
||
\v 29 Bewalge, nyi narayge ha ulla kamadakka tutu nai Yesus ta ummana. Buta ka kahha walu katakku wadeka ka yayo ole dangani nyi.
|
||
\v 30 Ta nyiduwe, ata Farisi mono ahli Taurat halege dage ka ngurka tabara ana hakodonai Yesus, “Ahha miyo yayo mono enu ole dangadi tangada ka kahha walu katakku mono ata jala?”
|
||
\p
|
||
\v 31 Yesus balehawe mono linage tabarada yidda, “Wale ata tagahak ma kabaina mata riyo, tabolo ata kalawara da.
|
||
\v 32 Nauwa bagu maiwa wale kamaika dak maguge ata katena, tabolo kamai da guge ata jala dajalage yidda kada jarra.”
|
||
\s Ata Farisi Daha Tijadi Ana Hakodonai Yohanes Monoi Yesus
|
||
\p
|
||
\v 33 Yidda lidage tabarai Yesus, “Anaha kodonai Yohanes Pembaptis da kabukta jua mono da sembayangna, tau da dummo nage ata Farisi. Ta nyiduwe, ana hakodo-Mu da yayo mono enu.”
|
||
\p
|
||
\v 34 Yesus linage tabarada yidda, Dadik kak we miyo bamu halewayi tangada ata ka oledi kabani kaha ummana ka bukta kole kabani kaha ummana nadda bana ole hodi yidda?
|
||
\v 35 Tabolo, laddo rada enga amini, kole kabani kaha ummana nadda ba ngalayi wali tabarada yidda, mono ta laddo innala yidda enga kabuktada.”
|
||
\p
|
||
\v 36 Yesus dummo na takkiyi hatujja nada tabarada yidda, “Wale wuhingmana ata kahirra kadibka kaba beru kapiku kadabarawe kalabbe katiyo. Ba nyi tauda dage, ata nadda enga hirra nage kalabe beru na, mono kaba hadabara wai wali ta kalabbena ka beru inna walena tutuk mawe ta kalabbe ka tiyo.
|
||
\v 37 Tauda dummo nage wale wu hingmana ata kabiyo anggur beru lari ta kantong kalita tiyo. Anggur beru inna enga hirra nage kantong tiyo dajalage anggur inna enga majokuge mono kantong kalita enga wetarage,
|
||
\v 38 Anggur beru ha ijala dahowe lari ta ta kantong kalita beru.
|
||
\v 39 Wale wuhing mana ata kole bana enu anggur tiyo, baige enu anggur beru oro yidda lidage, ‘Anggur tiyo inna rehi dahha dahoge.”’
|
||
\c 6
|
||
\cl Kawukku 6
|
||
\s Mori Ta Laddo Ngahu
|
||
\p
|
||
\v 1 Haddakka rahi, ta laddo Ngahu, Yesus nakako lida ta wu oma gandum. Ta mahiggo inna, ana hakodo-Na mangatti dage kapirana gandum, da kohe waidi limmada yidda, nyiwe na yadi.
|
||
\v 2 Kapirana ata Farisi da kanukawe, “Ahha miyo mamu rayige inna hada ta laddo Ngahu?”
|
||
\p
|
||
\v 3 Yesus na balehay yidda waige ba linna, “Walem kalli bahhak mawe agawe harayi nai Daud kole nyi mono ata ka oleni bada kalabba,
|
||
\v 4 tutu aga linawe nyi tama lari ta Ummai Allah, bana ngalayi kababa manuta, yadi kababa radda, lohho na yidi tabarada ata olena, aiha dadi yadi, dukka dahhe tangada rato?”
|
||
\v 5 Nyiwe, Yesus linage tabara ata Farisi rada, “Anana kadai ata yikna Mori ta laddo Ngahu.”
|
||
\s Yesus Na Hatagaha Ata Ta Laddo Ngahu
|
||
\p
|
||
\v 6 Ta laddo Ngahu Yesus na kako ta Sinagoge mono naha nuana ata. Taha dau neda dani wu ata kamate gabba limma kawanana.
|
||
\v 7 Ahli-ahli Taurat mono ata Farisi da hamatarani Yesus kapiku etayi appa Nyi na hatagahayi ta laddo Ngahu, dajalage yidda kadayo kadoleda rayini Nyi.
|
||
\v 8 Ta nyiduwe, Yesus tadawe agawe paha ngadada. Nyi linage tabarana ata kamate gabba limma kawanana nada, “Kaddewu mono dede ta tilluna.” Nyiwe, ata nadda kadde nage mono na dede neda bali.
|
||
\v 9 Yesus linage tabarada yidda, “Nauwa ug kanukami miyo, gidahoge parayi ta laddo Ngahu: Rayige kadahha waleka kajapata? Pahoilawe ngahu waleka ha lilokowe?”
|
||
\p
|
||
\v 10 Kole bana torro ta kalingorana, tabarada yidda tangada, Yesus linage tabarana ata kamate gabba limma kawanana nadda, “Pajolani limmamu.’ Bege, ata nadda hajolani limmana mono limmana na dadi tagaha.
|
||
\v 11 Ta nyiduwe, ata Farisi mono ahli-ahli taurat da bani mono da woroge tutu agawe harayi da tabaranai Yesus.
|
||
\s Pediyi Kabulu Duda Rasul
|
||
\p
|
||
\v 12 Ta laddo inna, Yesus na panne ta letena bana sembayangna, mono neda bali Nyi sembayangna tabarai Allah tara gagaddi.
|
||
\v 13 Koko kak dama ge tana, Nyi na kamai kadi ana hakodo-Na kabulu dudana ata wali ta jongada yidda, rada ha ngarada-Na rasul:
|
||
\v 14 Simon paha ngara dumo “Petrus,” Andereas angu wunai Petrus, Yakobus, Yohanes, Filipus, Bertolomeus,
|
||
\v 15 Matius, Tomas, Yakobus anai Alfeus, Simon ha ngarai ata Zelot,
|
||
\v 16 Yudas anai Yakobus, mono Yudas Iskariot kadadi malajani Nyi.
|
||
\s Hanuanai Yesus
|
||
\p
|
||
\v 17 Kolei Yesus mono tangada rasul burru, Nyi na dede ta dihha wauha dau kalijana. Nyiwe, ammidi tabara-Na kalibbo ata ana hakodo-Na mono ata buta kamai wali ta tangage kalingora Yudea, Yerusalem, lohho wali ta kalingora huppu harona Tirus mono Sidon.
|
||
\v 18 Yidda tangada mai kapiku rangeyi Yesus mono kapiku kolena tagaha wali tanga ngara kalawarada yidda. Mono, ata hatamana waddi japata dummo hatagahayi.
|
||
\v 19 Tangada ata harujjina kapiku jojayi Yesus oro dage kawaha ka huna wali ta Nyi mono naha tagahiyi yidda tangada.
|
||
\p
|
||
\v 20 Yesus natorroyi ana ha kodo-Na rada mono linage, “Hamaringi kami mila ka milla oro badau mugela Kalingora parehai Allah.
|
||
\q1
|
||
\v 21 Maringi kanala miyo batauge inna ka labba oro miyo enga ha boktami. Maringi kanala miyo inna batauge ka hoyo oro miyo enga malhami.
|
||
\q1
|
||
\v 22 Maringi kanala miyo batauge bada buttu gimi ate, pali heka gimi' hamelo gimi, lohho ha otora gimige ngara dahhami oro anana kadadi ata.
|
||
\q1
|
||
\v 23 Lagahari mila ta laddo miyo bamu paddage tangage, mono talahho kamila lagaharami oro upam madakka lawe ta surga; oro tauda dagela weda waikamu yidda bada rayidi tangada nabi.
|
||
\q1
|
||
\v 24 Ta nyiduwe, mayilla lawela ta miyo kapote oro miyo um kole bege kama inyaka morhami.
|
||
\q1
|
||
\v 25 Mayilla lawela miyo inna batauge kabokta oro miyo enga kalabba mila. Mayilla lawela miyo inna batauge kamalha oro miyo enga kalallumi mono hoyo.
|
||
\q1
|
||
\v 26 Mayilla mila miyo nyi tangada ata bana takki kawe hada kadahha tutu taumu oro batauda dahoge inna weda waikamu yidda kole dulkayi tutuda nabi-nabi paleka.’
|
||
\s Manawarani Muhhumu
|
||
\p
|
||
\v 27 “Ta nyiduwe, Nauwa luguge tabrami karangewa Nauwa. Manawara kini muhhumi mono rayi dage kadahhala tabarada ata kabutu gimi ate.
|
||
\q2
|
||
\v 28 Hamaringiyi ata ka tukku gimi miyo mon sembayangkinila tubada yidda kaha mayilla miyo.
|
||
\q1
|
||
\v 29 Tubana ata kapoka mige papimi, paturru walige papi wu wali. Mono, tabrana iya hingu kayi karama mige kalabbemi, ilam heri kani bana karama guge kalabbe walimi u.
|
||
\q1
|
||
\v 30 Yini tabara tangana ata karai tabaramu, mono nyi wu ata ngala ka gudi daumu, ilam karai hagga kayi.
|
||
\q1
|
||
\v 31 Um rayi kinagela ata wadeka katauna miyo kabu atege rayige tabarada yidda.
|
||
\q1
|
||
\v 32 Nyi miyo bamu manawara heni ata kama manawara gimi, madaika agawe ha yiyo tabarami? Oro, ata kajala dummo manawa rani ata kamanawaradi yidda.
|
||
\q1
|
||
\v 33 Nyi miyi ba duka dahege rayige kadahha tabara ata karayina kadahha tabarami, marakkakwe miyo kolege madaika? Oro, ata jala dummo rayaige hada kataudana.
|
||
\q1
|
||
\v 34 Nyi miyo bamu yi tuddu kayi ngawumi tabarada ata wadeka waige bamu mannege da jeludi, agak we madaika ha yimi tabarami? Oro, ata jala dummo na yi tuddu tabara ata jala wadeka dajalage yidda dadiwe hibba hagayi waidi butadi kaha tujja.
|
||
\q1
|
||
\v 35 Ta nyiduwe, manwara kini muhhumi mono rayi kinage kadahha, yi tuddu kini tabarada ata wadeka ilam mannege haggadi. Waige bataudage, miyo enga kolemi uppage kama dakka mono mi enga dadiwe ba anana gimi Ka hada Madehta, oroi Allah nadda dahha tabarana ata ai katadawe lima wai mono kajapata.
|
||
\q1
|
||
\v 36 Oroge inna, nyi miyo maradda atewu, kataujawe Amamu kabannu na maradda ate.”
|
||
\s Ilam Yikani Rakkana Ata Wadeka
|
||
\p
|
||
\v 37 “Ilam yikani rakkana dajalage miyo illa yigimi rakkami. Ilam hoku kani dajalge miyo illa hoku gimi. Ha wali kinila mono mi enga hawali gimi.
|
||
\v 38 Yikimila enga yigimi tabarami: matakara kadahha, paha ngati, pa kikka mono banu bannu na, mono ha biyo ta babamu. Oro waige ukra kaha mera hawaimu bamu ukrana, hada inna enga ukra hagga guge tabaramu.”
|
||
\p
|
||
\v 39 Yesus naha larawe tangage tabarada yidda hatujja inna, “Dadi kakwe ata moro irruyi ole ata morona? Yidda kadudana wale da monu kakna ta kalena?
|
||
\v 40 Wu lakawa hakola walena rehikma wali ta guruna. Ta nyiduwe, tangana ata pa latibe enga dadi tujai guruda yidda.
|
||
\p
|
||
\v 41 Ahha miyo mamu eta nani karabka yayu ta matana ole baimu, tabolo yau wiki dau walem tadak mayi bai bola yayu ta mata daumu?
|
||
\v 42 Aga linak kawe ba limige ta ole baimi, ‘Ole baiyo, pahaiga kagu lai guni karabka yayu nada wali ta matamu,’ tabolo yau wiki dau walem etak mayi bai bola yayu ta matamu? Ta ata dahha dete! Pahuyo ullu toni bai bola yay tamata daumu. Beyo innage, yau dadiwe eta dahhayi bamu lainani karabka yayu wali tamata ole baimu.”
|
||
\s Pu Yayu Kadahha Na Wuyo Jalana Kadahha
|
||
\p
|
||
\v 43 “Pu yayu kadahha walena wudak mana ai kadahha, mono pu yayu ai kadahha walena wu dak mana kadahha.
|
||
\v 44 Tangada pu yayu da tadayi wali ta wuna bana dadi. Ata wale na kahhakma wu kapulota wali ta tara warri, waleka koppi anggur wali ta jonga ramma.
|
||
\v 45 Ata kadahha na pahuna hada kadahha wali ta atena kadahha mono ata kajapata na pahuna hada kajapata wali ta atena kajapata. Agawe kahuna wale ta bana wu ata walige agawe kabanuna ta atena,”
|
||
\s Duda Hadau Hadede Umma
|
||
\v 46 “Ahha mi kamaikaga Nauwa,’ Mori, Mori,’ tabolo aim rayi moge agawe Nauwa hanua gimi?
|
||
\v 47 Nauwa enga hatingo guge tabaramu, katauna aga linna dahho ata kamai tabara-gu, range gage hanua-Gu mono rayidi.
|
||
\v 48 Nyi tujai ata kaha kadde batu ummana, ka koja hakiddige, nyiwe na ijalawe hadau ummana inna ta panu watu. Kole ba ami kani lai weyo, weyo bana likawe umman inna, tabolo wale na dadik mawe gedowe oro umma inna bana kulhawe baha kaddewe.
|
||
\v 49 Tabolo, ata karange gage hanua-Gu tabolo wale dokuk madi, nyi natujayi ata kaha kadde ummana ta pannu tana aika mangu fondasina. Kole ammini lai weyo, umma inna ta bohtawe mono na liwe mayegara kaha tetakna.”
|
||
\c 7
|
||
\cl Kawukku 7
|
||
\s Yesus Naha Tagahi Wu Ata Halewana Perwira
|
||
\p
|
||
\v 1 Kolei Yesus bana be kahhayi hanewe-Na ta aro ata buta, Nyi natama ta Kapernaum.
|
||
\v 2 Neda bali, dani wu Perwira Romawi kadayo atana paha akana. Atana nadda tamrana kalawara aika anana mono hodi mowe mate.
|
||
\v 3 Kole Perwira nada rangeyi tuti Yesus, nyi naha lawayi kapirana bai ata Yahudi tabo kayi Yesus mono karaiyi Nyi ka ammini patagaha nani ata paha lewana nadda.”
|
||
\v 4 Ba amini ata nadda tabarai Yesus, tau takkage da maraino tabara-Na. Lidage yidda, “Ata nadda tubawe bana hibbawe matullu-Mu,
|
||
\v 5 oro nyi na manawaradi atada yitta mono nyi karayina sinagoge tubada yitta.”
|
||
\p
|
||
\v 6 Kako nagei Yesus oledi yidda. Kole Nyi bana dahe kawe ummana perwira nadda, perwira nadda naha lewayi kapirana olena kada takkiwe tabranai Yesus, “Mori, Yau ilam hamayilla wiki kamu tutugu oro nauwa waleg tubak mawa nauwa bagu hiba-Wu ta ummagu.
|
||
\v 7 Inna nyiwe oroge, nauwa dau waleg tubak mawa tutu mai tabara-Mu. Ta nyiduwe, takki kage wu haneweMu, nyiwe ata paha lewagu na tagaha.
|
||
\v 8 Oro, nauwa dummo wywa ata ta kabu harehana ta kabugu dadi prajurit-prajurit. Nyi bagu takki kawe tabarana wu prajurit, ‘Kakowula!,’ Nyi dummo na kako. Nyi ba lugu kawa tabarada wadeka prajurit, ‘Maiwula!,’ Nyi dummo na mai. Mono, nyi bagu takki kanage tabarana ata paha lewagu, ‘Rayige inne!,’ Ata dummogu enga na rayige.”
|
||
\p
|
||
\v 9 Kole Yesus rangewe hada inna, Nyi naha ngatara ta perwira Romawi nadda. Hagapege gillaka tabarada ata buta ka dokuni-Nyi, Nyi linage, “Nauwa luguge tabramu, lohho ta jonga ta Israel dummo Nauwa waleg kali tabok mahowe hatena kamadaka katauna inna.”
|
||
\p
|
||
\v 10 Kole ata paha lewana tabarai Yesus hagga ta umma perwira nada, yidda da dikkini ata pahalewana na tagahabe.
|
||
\s Anana Wu Lawai Balu Ha Kaddeyi
|
||
\p
|
||
\v 11 Bana damma hege tana, Yesus na kako ta dihha wu haraona ka ngarana Nain oledi tangadi anaha kodo-Na mono ata buta kadokuni Nyi.
|
||
\v 12 Kole Nyi dahhe kawe binna kalla harona, dani karogo wu ata kabani ha dita ta bali haddi. Ata kamate nadda nyi ana nahha nani wu lawai balu. Mono, dadi ata buta wali ta harona inna kamarangani lawai nada.
|
||
\v 13 Kolei Mori etayi lawai nadda, Mori na marabe hawe atena tabarana mono linage, “Ilam hokawu.”
|
||
\v 14 Bege, Nyi na dahhe kayi mono na jojayi dita ata mate nadda. Ata kaditawe raka inna dummo ngahu. Nyiwe, Yesus linage, “Ta bau mane, Nauwa luguge tabaramu, kadewula!”
|
||
\v 15 Bege, ata nada kamate ngodo mono halege nage hanewe. Mono, Yesus na pahagani ta inyana.
|
||
\p
|
||
\v 16 Tangada ata ka etawe hada inna na bannudi hada kama dauta nyiwe halege dage daikayi Allah mono lidage, “Tangada nabimadakka da hudda be ta jongada yitta!” mono “Allah na mai diki bedi ana huhu-Na.”
|
||
\p
|
||
\v 17 Mono, liyo tutuna Nyi matalarawe ta tangage Yudea mono ta tangage hadu wadeka ta kalingorada.
|
||
\s Yohanes Pembaptis Naha Lewayi Ana Hakodona Tabarai Yesus
|
||
\p
|
||
\v 18 Ana hakodo nai Yohanes da takkiwe tabarai Yohanes tutu tngage kama hada inna.
|
||
\v 19 Nyiwe, Yohanes na kamaikadi duda ata ana hakodona mono halewayi yidda tabarai Mori kanukayi, “Yau na ge ka ammi na nadda? Waleka, ma rema dahoni kahekana?”
|
||
\p
|
||
\v 20 Kole yidda ammidi tabarai Yesus, yidda dummo lidage, “Yohanes Pembaptis halewama nami mai tabara-Mu mono kanukawe, ‘Yau nage ka ammina nadda ge? Waleka, nami ma rema dahoni nami kahekana?”
|
||
\p
|
||
\v 21 Ta mahiggo inna, Yesus tamrana hatagahayi ata buta wali ta tanga ngara kalawara, kapore, mono waddi japata. Nyi dummo na yidi kajurru eta tabara ata buta ata kamoro.
|
||
\v 22 Balehawe Yesus tabarada duda ata radda, “Kakomi mono halara nage tabarai Yohanes tutu agawe pa eta bemi mono ha rangimi: ata moro na eta, ata kalikku na kako, ata kalawara na katobi na tagahayi, ata katillu na range, ata kamate na kadde, mono tabarada ata milla na dikiwe liyo kadahha.
|
||
\v 23 Oroge inna, maringi kana nyila aika widda oro-Gu.”
|
||
\p
|
||
\v 24 Kole rada paha lewai Yohanes kako, Yesus linage tabara ata buta tutui Yohanes, “Tutu ba etayi appa yau kakowu ta maradda gilra? Etayi kaba bana ha uppuwe rereha?
|
||
\v 25 Tabolo, agayi mi hakakom torro? Ata katau kalabe dahha? Etayila, ata kawaina kalabbe dahha mono morha lari kama jabola ta Ta hadauna raja.
|
||
\v 26 Nyiwe, agayi miyo hakakom eta? Wuyo nabi? Ngo, Nauwa luguge tabaramu, lohho na rehi wali ta wu nabi.
|
||
\v 27 Nyikna atana, lohho tutuna dage kama tolha: ‘Rangewela! Nauwa ug halewayi paha lewa-Gu ullugu Yau. Nyila kaha inyakayi lara ta aro-Mu.’ \rq Maleakhi 3:1 \rq*
|
||
\v 28 Nauwa luguge tabaramu, ta jonga ata paha dadi bena lawai, wale lahingmana karehi wali ta Yohanes. Ta nyiduwe, kahadda marraha lari ta kalingora harehai Allah, rehi madakka wali ta nyiyo.”
|
||
\p
|
||
\v 29 Kole ata buta mono tangada ka kahha walu katakku rangewe hada inna, yidda tangada da mangakuge tijanai Allah oro yidda ba hariha beduyi waige harihai Yohanes.
|
||
\v 30 Ta nyiduwe, ata Farisi mono ahli-ahli Taurat tulla rage hakabu atenai Allah ta tuba tau dauda yidda oro yidda aina hariha hoyi Yohanes.
|
||
\p
|
||
\v 31 “Nyi aga lugu dahowa bagu ha tujani ata kamorha ta dalara ata batauge inna? Yidda aga dahho dau hatujayi rada?
|
||
\v 32 Yidda tujao lakawa ka ngodo ta pahara, kaha wula- wula wikina, ‘Nami ma ha uppuyi kapika tutumi, tabolo miyo walem ma nyayik mani manyanyi kalallu, tabolo miyo wale hokma.’
|
||
\v 33 Oro, kolei Yohanes Pembaptis ammini mono wal na yakma roti waleka enu anggur, ‘Nyi tama nani waddi japata.’
|
||
\v 34 Ta nyiduwe, kole Anana Kadadi ata ammini yayo mono enu, miyo limmige, ‘Etayila! Nyi wuyi ata kadadara mono ka enu! Nyi dummo ole ate nadi ka kahha walu katakku mono ata jala!’
|
||
\v 35 Ta nyiduwe, tada paha tenada anana.”
|
||
\s Lawai Kajala Na Lewuyi Yesus
|
||
\p
|
||
\v 36 Dihha wu hadakka, dani wu ata wali kalibbo Farisi ka lehuni Yesus tutu yayo dangani Nyi. Yesus kako ta ummana ata Farisi nada mono na ngodo yayo.
|
||
\p
|
||
\v 37 Ta harona inna, dani wu lawai kajala. Kole nyi tadayi Yesus ba tamrana yayo ta ummana Farisi nada, nyi dummo na hiyo wuyo gori katero ka ngihina ka bau mumra.
|
||
\v 38 Nyiwe, nyi na dede ta liranai Yesus, ta ledu-Na, ha gapege hoyo mono naha baha nadi ledunai Yesus waidi weyo matana mono na hpi wainadi wuna. Kole innage, nyi na gakha nadi ledunai Yesus mono na lewu waidi we ka bau mumra.
|
||
\p
|
||
\v 39 Kole ata Farisi ka maikani Yesus etawe hada inna, nyi linage lari ta atena, “Nyi ata nadde ba wukayi nabi, Nyi na tadayi iyayi mono lawai aga dayi nadde ka jojayi-Nyi nada oro lawai nada nyi wuyi ata rayina jala.”
|
||
\p
|
||
\v 40 Yesus na balehawe mono linage, “Simon, dage ha baigu Bagu takkiwe tabaramu.” Balehawe Simon, “Takkiwe ge Guru.”
|
||
\p
|
||
\v 41 Yesus linage, “Dadi duda ata kadayo wuttana ta wuyo ata ka bunga amaha, nada wu ata na wutana lima ngahu dinar mono nada wuyo wuttana limma kabulu dinar.
|
||
\v 42 Kole kadudana aida mukkadi bayaradi wuttada yidda kadudana. Nyi dawe, iyayi ta jonga kadudana ata radda karehi manwarana ta ata kabunga amaha nadda?”
|
||
\p
|
||
\v 43 Bale hawei Simon, “Paha ngadagu, ata kahada buta papa lohta wutana.” Yesus linage tabarana, “Paha ngadamu tenawe.”
|
||
\v 44 Tamrana peli tabarana lawai nadda, Yesus linage tabarai Simon, “Appa yau etayi lawai nadda? Kole Nauwa maiwa ta ummamu, yau walem yik maga weyo bamu baha gadi ledu-Gu, tabolo nyi na baha gadi ledu-Gu, tabolo nyi na baha gadi ledu-Gu waidi weyo matana mono na hopi gadi waige wuna,
|
||
\v 45 Yau walem ngak hak Mawa, tabolo nyi wale na gahu hing mana ngak hagadi ledu-Gu wali wunga tamagu Nauwa.
|
||
\v 46 Yau walem lewuk mage katakku-Gu waige kabau mumra, tabolo nyi na lewu gadi ledu-Gu waige kabau mumra.
|
||
\v 47 Oroge inna, Luguge tabaramu, jalana kabutala radda hawali bedi oro nyi ha tingo bege manawara kma dakka. Ta nyiduwe, ata ka hodi kina hawalini, hodi jalaki ba manawarani.”
|
||
\p
|
||
\v 48 Nyiwe Yesus linage tabarana lawai nadda, “Jalamu hawali bedi.”
|
||
\p
|
||
\v 49 Ata ka ngodo ole dangani Yesus yayo kapudage kanukkawe ta ateda yidda, “Iyayi ata nadde dajalage Nyi dadiwe hawalina jala?’
|
||
\p
|
||
\v 50 Yesus linage tabarana lawai nadda, “Hatenamu napa hoila bewu, kakowu waina moli.”
|
||
\c 8
|
||
\cl Kawukku 8
|
||
\s Lawai Samaria Ka Tulluni Yesus
|
||
\p
|
||
\v 1 Damma hege tana, Yesus kako nage kiloradi nahiyi harona mono deha-deha tutu talarage mono pa dekage Liyo ege ate Kalingoranai Allah. Ka kabulu dudana ana hakodona dadi oleni Nyi,
|
||
\v 2 tauda dummo nage kapirana lawai paha tagaha benai Yesus wali ta tngage waddi japata mono tanga ngara kalawara. Ta jongada yidda dani Maria paha ngarai Magdalena, paha lohta benai Yesus wali kapiotuna waddi japata.
|
||
\v 3 Da dummoni Yohana ole ummanai Khuza kanarrodi ammahanai Herodes, Susana, mono buta jalaho lawai wadeka kawaidi hapoteda yidda dau tutu dullayi Nyi.
|
||
\s HATUJJA TUTU KAHABARANA WINNI
|
||
\p
|
||
\v 4 Kole ata buta makahha mono wali ta tanga ngara harona ammidi tabarai Yesus, Nyi naha newe tabarada yidda waina hatujja:
|
||
\v 5 “Wu ata ka ullana ta ta paba kako habarana winni. Kole nyi habarana, dage wadeka kamonu ta hupu lara mono da dekege, lohho na tutkawe kawurruna ta kawurna.
|
||
\v 6 Wadeka monuwe ta panu watu, mono kole winni inna bana tummuwe, winni inna marakotawe oro ai dayo weyo.
|
||
\v 7 Wadeka monuwe ta tillu tara warri mono tummu hamera dangage bana kapihhawe.
|
||
\v 8 Karehi winni wadeka monuwe ta tana kadauka mono na tummuwe dajalag na dadiwe ngahu malaptage butage.” Kole bana beyi hatujja nada Yesus na kawula, “Nyi kamangu katilluna tutu range, nyi kana range dahhaka!”
|
||
\p
|
||
\v 9 Kole innage ana hakodonai Yesus daka kanukka tabara-Na tutu ngihina liha tujja nada.
|
||
\p
|
||
\v 10 Nyi linage, “Tabaramu halara guge kabunyi Kalingora parehanai Allah, tabolo tabara ata wadeka halarawe taha tujja dajalage, ‘Lokko bana torrokna, yidda wale da etak ma, mono loko bada rangekna yidda wale da yapak mawe.”’ \rq Yesaya 6:9 \rq*
|
||
\s Halarawe Tutunai Yesus Liha Tujja Winni
|
||
\p
|
||
\v 11 Inna nyiwe ngihina liha tujja nada: “Winni inna nyiwe linai Allah.
|
||
\v 12 Winni kamonu ta huppu lara nadda yidakna karangwe linai Allah. Bege, ammini kabalka mono ngalawe liyo inna wali ta ateda yidda dajalage yidda ilda hatenawe mono paha mane marayi.
|
||
\v 13 Winni kamonu ta tana kamngu watuna yidakna ata karangewe linai Allah mono hiba waige ege ate, tabolo walena na kalartak mawe. Yidda hatena hodi hewe, tabolo kole ammige kapitona, yidda geha peli dage wali tai Allah.
|
||
\v 14 Winni kamonu ta jonga tara warri yidakna ata karangwe linai Allah, tabolo tamrana yidda tummu, yidda kapikhayi hada gela gagga, hapote, lohho dahha morha dajalage yidda waleda madukma bada wuyo.
|
||
\v 15 Tabolo winni kamonu ta tana ka dauka inna yidakna ata ka rangewe linai Allah mono ijalawe ta atena kalurha mono dahha, lohho na wu waige manono.”
|
||
\s Hatingoge Magakahamu
|
||
\p
|
||
\v 16 “Wale la hing mana wu ak ata kole bana harewowe latti wena, bege na toni daliwe ana tanga waleka na ijala dalli we ta kabu pinya. Ta nyiduwe, nyi enga na ijalawe latti weyo inna ta puha riyo ta dokage daja lage ata ka tama lari ta umma dadiwe eta magakahage.
|
||
\v 17 Oro, wale ladakma kadadi ka bunyi ai paha dedala, mono wale ladakma kabailana ai paha hudda mono ngidiyi tama gakaha.
|
||
\v 18 Oroge inna, hamataragela aga linna dawe miyo bamu range oro tabarana kamangu dauna enga yini karehi buta wali. Ta nyiduwe, iyayi ai kamanguna, wali tabarana enga ngalayi, loho agawe paha ngadana padauna.”
|
||
\s Ole Baianai Yesus Kaha Tetakkana
|
||
\p
|
||
\v 19 Nyiwe, inyana mono angu wuna Yesus ammidi dikini-Nyi, tabolo yidda wale na dadik mawe dahhekayi-Nyi oro ata buta.
|
||
\v 20 Nyiwe, ma takki nage tabara-Na, “Inyamu mono ole bai-Mu dede dage tabali haddu, yidda kabu ate dage tabokawu Yau.”
|
||
\p
|
||
\v 21 Ta nyiduwe, Yesus balehayi yidda, “Inya-Gu mono ole bai-Gu yidda karangewe linai Allah mono ka dokuge.”
|
||
\s Yesus Naha Ngahuyi Warata
|
||
\p
|
||
\v 22 Ta dihha wu laddo, Yesus na panne lari ta tena oledi ana hakodo-Na mono Nyi linage tabarada yidda, “Mai kada pala ta hupuna inna bali hoba inne.” Nyiwe, kako dage yidda inna bali.
|
||
\v 23 Ta nyiduwe, kole yidda bada kako, Yesus dura nage. Lodoge, harere hanage ta hoba inna mono tenada yidda tamani weyo dajalage yidda ta tillu mayillayi.
|
||
\v 24 Bege, tangada ana ha kodona ammidi tabarai Yesus mono haradduyi-Nyi ha gapege ba lidda, “Guru! Guru! Yitta enga mayillada!” Nyiwe, Yesus dummo kadde mono na kayakani rereha lohho ngalung kama dehta inna. Warata nada dummo naka nawa mono hoba inna naka kadannawe.
|
||
\v 25 Mono, Nyi linage tabarada yidda, “Gikakge hatenami?” Yidda da madauta mono hangatara hagapege balidda dihha-dihha, “Iyayi ata nadde? Nyi na harehayi rereha mono weyo, mono yidda da dokuni-Nyi.”
|
||
\s Wuyo Ata Gerasa Pahoilayi Wali Ta Waddi Japata
|
||
\p
|
||
\v 26 Lohho diki dage Yesus mono ana hakodo-Na ta kalingora ata Gerasa, ta gabalage Galilea.
|
||
\v 27 Bana burrui Yesus ta tana yara, nyi mai ha tabo nage wu ata kabani wali ta harona inna ha tamana waddi japata. Ata nada moja bena aina waina kalabbe mono wale na engak mana ta umma, tabolo ta rateyi.
|
||
\p
|
||
\v 28 Kole ata nada etayi Yesus, nyi dummo kawula nage mono naka wojo ta aro-Na. Waige lina ka ballo nyi linage, “Aga dawe ha orhamu ta jongam Yau mono nauwa, ta Yesus, Ana Allah ka Hadda madehta? Nauwa ug rainoge tabara-Mu, ilam hama yillawa nauwa!”
|
||
\v 29 Hada inna na dadiwe oroi Yesus naha rehayi waddi japata nada huna wali ta ata nada. Kabalka nada na kali wera kani ata nadda dajalage nyi kattini kalarri bahhi, koga nadi limmana, mono da jawayi, tabolo nyi dadiwe pohtawe kalarri bahhina mono na ngidiyi kabalka taha dau kahika.
|
||
\p
|
||
\v 30 Bege, Yesus naka nukakayi ata nada, “Iyawu ngaramu?” Baleha nage ata nadda, “Legion” oro buta layi waddi japata katamani.
|
||
\v 31 Waddi japata radda da rainoge tabara-Na inna Nyi ilna harehayi yidda leju ta lirra mate.
|
||
\v 32 Ta hadau nedda, dadi kalibbo wayi buta katamrana mayegana ha yayo ta letena. Waddi japata radda rainoge tabarai Yesus kana yammadi yidda tama lari ta jalibbo wayi radda, mono Yesus na pahidi yidda.
|
||
\v 33 Nyiwe, waddi radda dummo huna wali ta ata nadda mono tama neda lari ta wayi, lohho kalibbo way rada malai dage burru ta karapeha letena ka kiddi aro ta hoba mono bullo.
|
||
\p
|
||
\v 34 Kole ka angudi wayi eatayi, yidda da malai mono takkiwe kadadi inna ta harona mono ta kalingorage.
|
||
\v 35 Nyiwe, ata buta ammidi kapiku etawe agawe kadadi. Yidda ammidi tabarai Yesus mono dikini ata paha hoilabe wali ta waddi japata nadda tamrana ngodo ta koko ledunai Yesus, na taube kalabbe, mono na pibewe hangadana. Hada inna da madauta danga dalige yidda.
|
||
\v 36 Yidda ka etawe kadadi inna da takkiwe ta ata wadeka aga lina dawe ata hatamana waddi japata nada baha tagahayi.
|
||
\v 37 Lohho, tanggada ta ka engana taha dau nedda kalingora Gerasa karaiyiyi Yesus kana tanadi yidda oro yidda bana lubbudi madauta ai ka anana. Oroge inna, Yesus panne nage ta tena mono hagga ta Galilea.
|
||
\v 38 Ta nyiduwe, ata paha hoilabe wali ta waddi japata nadda rainoge tabarai Yesus dajalage nyi kana ole hangatani Yesus. Tabolo, Yesus naha lewayi kako, linna-Ge,
|
||
\v 39 “Hagga wu ta ummamu mono takkiwe hada ai ka anana inna harayi benai Allah ta tutumu.” Ata nadda dummo kako ta tangage huppu harona mono takkiwe agawe harayi benai Yesus tabarana.
|
||
\s Anai Yairus Hakaddeyi Mono Wu Lawai Hataga Hayi
|
||
\p
|
||
\v 40 Kolei Yesus hagga ta Galilea, ata buta tabbo kayi-Nyi oro yidda bada rema beduni-Nyi.
|
||
\v 41 Taha hadau nedda dani wuyo ata ka ngaranai Yairus kamai tabara-Na, nyi wuyi kapala Sinagoge. Hagapege kawojo kataba ta koko ledunai Yesus, Yairus na rainoge dajalage Nyi mai ta ummana
|
||
\v 42 oro nyi dakini ana lawai kanahha kina baka katutu kayi kabulu duda dauna, mono lakawa nadda hodi mowe matena. Mono, kolei Yesus aro neda bali, ata buta ha kahhi hinguna ka kilorani-Nyi.
|
||
\v 43 Nedda dani wuyo lawai kamoja bena kalawara rayo aika anana ka bullu dudda dauna, mono wale wu hingmana ata kaha tagahayi.
|
||
\v 44 Lawai nadda dahekayi Yesus wali ta lirana mono joja nage huppu kalabbe-Na, nyiwe inna mema dummo kalawara rana na ngahuwe.
|
||
\p
|
||
\v 45 Nyiwe, Yesus linage, “Iyayi ka joja-Wa?” Oro tangada ata kaballu, Petrus linage, “Guru, ata buta kama kahha ka kilora-Gu da ha kahhi danga hingu-Gu!”
|
||
\p
|
||
\v 46 Ta nyiduwe, Yesus linage, “Dani wu ata ka joja-Wa oro Nauwa ug padage bikta-Gu huge wali tabara-Gu.”
|
||
\v 47 Kole lawai nadda bana tadawe ai dadiwe bana labailagege tauna, nyi na mai tabarai Yesus waige madauta mono naka wojo ta arona-Nyi. Ta roda tangada ata, nyi naha larawe ahha nyi mana jojayi Yesus, mono aga lina dawe nyi bana tagaha mema.
|
||
\v 48 Bege, Yesus linage tabarana, “Ana-Gu, ha tenamu naha tagahawu. Kakowu lari ta moli kama ringina.”
|
||
\p
|
||
\v 49 Kolei Yesus batamra hona hanewe, wu ata wali ta umma kapala sinagoge nadda ammini mono linage tabarai Yairus, “Ana lawaimu na matebe. Ilam ha joli kayi Guru.”
|
||
\p
|
||
\v 50 Ta nyiduwe, rangewe kadadi inna Yesus linage tabarai Yairus, “Ilam madautawu. Hatena dakwe anamu na hoila.”
|
||
\p
|
||
\v 51 Kolei Yesus dikki ta umma nai Yairus, Nyi walena pahai madi langka iya hingu kayi tama ole dangani dukkai Petrus, Yohanes, yakobus, lohho amana mono inyana lakawa nadda.
|
||
\v 52 Tangada ata hoyo mono bada honi lakawa lawai nadda, taboloi Yesus linage, “Ilam hokami, nyi walena matekma tabolo dura nage.”
|
||
\p
|
||
\v 53 Ata buta radda dummo malhani-Nyi oro yidda bada tadayi lakawa lawai nadda bana matebe.
|
||
\v 54 Ta nyiduwe, Yesus na narro nani limmana lakawa nadda mono na haradduyi, “Kaddewuge, lakawa!”
|
||
\v 55 Nyiwe, hagawege ngahuna lakawa nadda mono inna mema dummo na dede. Nyiwe Yesus naha lewayi lakawa nadda kadda yini hayana.
|
||
\v 56 Ka dudana ata katuna radda bangara, taboloi Yesus na heridi yidda takkiwe ta iya hingu kana tutu agawe inna kadadi be.
|
||
\c 9
|
||
\cl Kawukku 9
|
||
\s Yesus Naha Lewayi Tangada Ledeli-Na
|
||
\p
|
||
\v 1 Bege, Yesus naka maikadi kabulu duda anaha kodo-Na nyiwe na yidi yidda bikta pareha mono li dete ta tngadi waddi japata, mono dummo ha tagaha kalawara.
|
||
\v 2 Nyi naha lewayi yidda talarage liyo tutu Kalingora Parehanai Allah mono hatagahana.
|
||
\v 3 Linage-Nyi tabarada yidda, “Ilam ngidi kami aga ana nutu bamu kakomi, ilam ngidi kami takko, kaleku, kababa, amaha, waleka duda balla kalabbe.
|
||
\v 4 Langka gi umma hingu kana miyo bamu tama, daumi neda bali kahha bamu kakomi wali taha dau nedda.
|
||
\v 5 Tutu da yidda ai ka au hibami, tanage harona inna mono kabahayi kabka wali ta ledumi ka wuwe tadka tabrada yidda.”
|
||
\p
|
||
\v 6 Bege kako dage lede lina mono nahiyi deha-deha hagapege talarage liyo ege ate mono hatagaha ata kalawara langka gika.
|
||
\s Gela Gagganai Herodes Tutu Nai Yesus
|
||
\p
|
||
\v 7 Herodes, ba raja kalingora, rangewe tutu tangadi kadadi mono nyi manikkiwepaha ngadana oro kapirana ata takkiwe nadai Yohanes Pembaptis na kaddebe wali ta jonga ata mate,
|
||
\v 8 mo wadeka lidage Elia na hudda haggabe, mono da dummodi ka linna wu wali tangada radda nabi ka morha nutuna ullu hoge na kaddebe.
|
||
\v 9 Herodes linage, “Nauwa ug lai benage katakkuna Yohanes. Nyiwe, iya dummoyi ata tutu-Na haragegu liyo katauda hinguna inna?” Nyiwe, Herodes na kabu atege tabo kayi Yesus.
|
||
\s Hayadi Limma Rata Ata
|
||
\p
|
||
\v 10 Kole tangada lede lina hagga, yidda da takkiwe tabrai Yesus tutu tangage parayi beda yidda mono Nyi na lekoyi yidda pa lihikke wikina ta wu harona ka ngarana Betsaida.
|
||
\v 11 Ta nyiduwe, ata buta katadawe kadadi inna mono yidda dummo dokuni-Nyi. Nyiwe, hagapege hibba tayi yidda, Yesus naha newe tabarada yidda tutu Kalingora nai Allah mono dummo yidda kabaina tagaha.
|
||
\p
|
||
\v 12 Kole ba manari gaknage kabulu dudana ana hakodonai Yesus ammidi tabara-Na mono lidage, “Halewayi ata radda kako ta harona mono ta deha ta kalingora inne kada mayegana hadau dauda mono hayayo oro taha dau inne dau dada yitta hadau kamarauwe.”
|
||
\p
|
||
\v 13 Ta nyiduwe, Yesus linage tabarada yidda, “Mi dahho ka yidi hayada.” Balehawe ana hakodo-Na “Kadan ta nami limma hedi kababa mono duda hedi kaboko, dukka dahege inna nami bama kako ka hiyo hayayo tutuda tangada radda ata.”
|
||
\v 14 Neda bali dadi limma rata ata kabani. Yesus linage tabara ana hakodo-na, “Halewayi yidda ngodo ha kalibbona, limma kabullu ata dihha kalibbo.”
|
||
\p
|
||
\v 15 Nyiwe yidda dummo dokuge hatakki nai Yesus mono halewayi tangada ata radda ngodo.
|
||
\v 16 Nyiwe, Yesus ngalayi limma kababa mono duda kaboko radda, na tangara ta langta, naha maringiyi, na hibiyi, mono na yiyi ta anaha kodona dajalage yidda kada baweyi tabarada ata buta.
|
||
\v 17 Mono, yidda tangada da yayo kahha bokta. Bege, karehi kole ba kahhayi kadibkadi kabulu duda dayi kawukata ka banuna.
|
||
\s Petrus Mangakuni Yesus Bai Kristusuyi
|
||
\p
|
||
\v 18 Wu hadakka, kolei Yesus tamrana sembayang meha, anaha kodo-Na da oleni-Nyi. Nyiwe, Nyi naka nukkayi yidda, “Iyawa Nauwa inne dokudi ata buta?’
|
||
\p
|
||
\v 19 Belehada yidda, “Yohanes Pembaptis, wadeka lidage Elia, mono wadeka jalla dadi kalinna Yau wuwu wali ta jonga nabi-nabi wali ullu hoge ka kadde hagga.”
|
||
\p
|
||
\v 20 Bege, yesus linage tabarada yidda, “Tabolo, dokuge miyo, iyawa Nauwa?” Bale hawei Petrus, “Yau yauknai Kristus wali tai Allah.”
|
||
\p
|
||
\v 21 Ta nyiduwe, Yesus daha namu dage yidda mono harehayi yidda ilda takkiwe ta iya hingu kayi tutuge inna.
|
||
\s YESUS NA TAKKIWE MATENA-NYI
|
||
\p
|
||
\v 22 Bege, Yesus linage, “Anana Kadadi ata na mayilla ha buta hona mono da tulla rani bai ata, rato-rato kapala, mono ahli-ahli Taurat, lodoge hamateyi mono enga hakadde haggayi ta laddo hatauda waiyi.”
|
||
\p
|
||
\v 23 Yesus linage tabarada yidda tangada, “Nyi wu ata kabu atege dokuga Nauwa, nyi na ka ballu dahoge tau dauna, mono na dita daho gani yayu hadailona nahiyi laddo mono dokuga Nauwa.
|
||
\v 24 Oro, iya hingu kayi kapa hoilawe ngahuna, enga bungage ngahuna. Ta nyiduwe, ba iya hingu kayi ka bunga ngahuna orogu, Nauwa, nyi enga hamane maranage.
|
||
\v 25 Agawe utuge nyi wu ata bana kole kahhage panu tana, tabolo mate waleka bungawe ngahu dauna?
|
||
\v 26 Tabarana ata kamakke orogu Nauwa mono hatakki-Gu, anana Kadadi ata dummo enga makke danga nani ata nadda kole Nyi ba ammini lari ta manada-Na mono manada Ama-Na, lohho tangada malaikat katenguna.
|
||
\v 27 Nauwa ug takkiwe katau takkana tabarami, dadi kapirana ata ta jongami kadede taha dau inne aika mate aina eta dahowe Kalingora nai Allah.”
|
||
\s Yesus Na Oledi Musa Monoi Elia
|
||
\p
|
||
\v 28 Kole, podo pata laddo bana hadikkigei hanuana-Nyi inna. Nyi na lekoyi Petrus, Yohanes, monoi Yakobus panne ta letena sembayang.
|
||
\v 29 Kolei Yesus bana sembayang, hadage mata-Na naha jeluge mono kalabbe-na dadi kaka magilla tadi.
|
||
\v 30 Bege, da dedala duda ata kahha newe dangani- Nyi. Kadudana ata radda yidaknai Musa monoi Elia,
|
||
\v 31 kaha dedala wikina lari ta manadana mono hanewege tutu matenai Yesus pa geha pannuwe ta Yerusalem.
|
||
\v 32 Ta mahiggo inna, Petrus mono olena tamrada kalubudi dura ngodo ai ka anana, tabolo kole yidda bada walla hadahhana, yidda da etawe manadanai Yesus mono duda ata kadede ole dangani Nyi.
|
||
\v 33 Kolei Musa monoi Elia bada tanani Yesus, Petrus linage, “Guru, dahhawe yitta bada engana taha dau inne. Nami enga hadedema watu tallu buyo kereka, Wuyo tangamu, wuyo tangani Musa, mono wuyo tangai Elia.” Ta nyiduwe, Petrus wale na madammuk mage agawe inna hatakkina.
|
||
\p
|
||
\v 34 Kolei Petrus bana takkiwe innage, ammige karabba kurrudi yidda dajalagei Petrus, Yohanes, monoi Yakobus da madauta dali kole yidda bada tana dali takarabba inna.
|
||
\v 35 Bege, dage liyo wali taka rabba ha range inna, “Yikna Ana-Gu, Nyilage ha pede-Gu, rangeyi Nyi lage.”
|
||
\p
|
||
\v 36 Kole li inna ngahuwe, Yesus meha kige tauna. Yidda da kabunyige mono wale da takkik mawe ta wu ak ata ta laddo inna tutu agawe ha etada.
|
||
\s WU LAKAWA KABANI PAHOILAYI WALI TA WADDI JAPATA
|
||
\p
|
||
\v 37 Damma hege tana, kole yidda burru wali ta letena, ata buta ammidi tabarai Yesus.
|
||
\v 38 Wu ata wali ta jonga ata buta inna kawula. “Guru, nauwa ug rainoge tabara-Mu, elok gani anagu oro nyiheki anagu.
|
||
\v 39 Etaila, dani waddi japata ka kalubbuni, mono ha yaddawe nyi nakawula. Waddi nadda dummo na kik kani dajalage bana na kawurra kage, waddi nadda naha pakha ha ngatani mono wale na auma tanani nyi.
|
||
\v 40 Nauwa nauwa ka rai bewe ta ana hakodo-Mu kapiku wugga dani, tabolo yidda waleda damukkak madi.”
|
||
\p
|
||
\v 41 Bale hawei Yesus, “Ta, miyo dalara ata kadabbo hatenana mono kajallora! Pira hoge madige Nauwa bagu ole gimi mono bagu maloyawa tabarami? Ngidi gani nammi lakawa nimmi.”
|
||
\p
|
||
\v 42 Kole lakwa nadda dahhe kayi Yesus, waddi japata nadda na pakba hani ta tana mono na kik kani. Ta nyiduwe, Yesus naha gagtayi waddi atora nada, ha tagahayi lakawa kabani nadda, nyiwe pahaga nani ta amana.
|
||
\s YESUS NA TAKKIWE MATE-NA
|
||
\p
|
||
\v 43 Tangada ata bangara inna bikta parehanai Allah, tabolo kole yidda bada hangatara ho ta tangage hada inna harayi nai Yesus, Nyi linage tabara ana hakodo-Na,
|
||
\v 44 “Rangewe hadagela hatakki inna: Anana Kadadi ata enga yiyi ta limmada kadadi ata.”
|
||
\v 45 Ta nyiduwe, tangada ana hakodo wale da yapak mawe ngihige hanewe inna, mono hada inna kabilage tubada yidda dajalage yidda wale nadadik mawe yapawe. Ta nyiduwe, yidda da momo kanukkawe tai Yesus ngihige ha newe inna.
|
||
\s IYAYI KAHADA BANNINGNA?
|
||
\p
|
||
\v 46 Wuha dakka, dahha lummuge ta jonga ana hakodoi Yesus tutu ba iyayi ka hada banningna ta jongada yidda.
|
||
\v 47 Ta nyiduwe, Yesus na tadawe paha ngada ta ateda yidda, nyiwe na ngalayi wu lakawa marraha mono naha dedeyi ta tibbi-Na.
|
||
\v 48 Nyiwe, Nyi linage tabara ana hakodo-Na, “Ta ngana ata ka hibayi lakawa marraha nadde lari ta ngara-Gu, nyi na hibbawa Nauwa. Monno, iya hingu kayi kahibba-Wa, nyi dummo hibayi-Nyi kaha lewawa Nauwa. Oro, kahadda li bawa ta jongam miyo, nyikna ka hadda banningna.”
|
||
\s YIDDA KAHA MERA
|
||
\p
|
||
\v 49 Yohanes na bale hayi-Nyi mono linage, “Guru, nami ma etayi wu ata kawugayi waddi japata lari ta ngara-Mu mono nami kababu atege pangahuyi nyi oro nyi kalibbo dani yitta.”
|
||
\p
|
||
\v 50 Ta nyiduwe, Yesus linage tabarana, Ilam pangahu kayi oro iya hingu kayi ai ka gaba gimi, nyi ole mini.’
|
||
\s YESUS DA TULA RANI TA SAMARIA
|
||
\p
|
||
\v 51 Kole rahige manari dagge tanage tubai Yesus ba hama dehtayi, Nyi naha didarawe atena kako ta Yerusalem.
|
||
\v 52 Nyi naha lewa kapirana ata ulluni Nyi. Nyiwe paha lewa rada dummo kako mono tama ta dihha wu deha ta kalingora Samaria tutu ha inya kawe tangage tubana Nyi.
|
||
\v 53 Ta nyiduwe, ata taha dau nedda wale da hibak mayi Yesus oro Nyi tamra aro dage ta Yerusalem.
|
||
\v 54 Kole ana hakodoi Yesus, nadai Yakobus monoi Yehanes, etawe hada inna, yidda lidage, “Mori, appa yau kabu atege nami kapiku harehawe latti burru wali ta langta mono ha karhadi yidda?”
|
||
\p
|
||
\v 55 Ta nyiduwe, Yesus gilaka kage lirana mono takki dage yidda.
|
||
\v 56 Nyiwe, Yesus mono ana hakodo-Na kako ta deha heka.
|
||
\s Kama HapaTuba Dokuni Yesus
|
||
\p
|
||
\v 57 Kole yidda bata larayi, dani wu ata ka linna tabarai Yesus, “Nauwa ug baige dokugu Yau ba gihinu kagu Yau dau kakom.”
|
||
\p
|
||
\v 58 Yesus dummo linage tabarana, “Ranga daho liyo dau dauna mono kawurruna daho hadduna. Ta yiduwe, Anana Kadadi ata wale lakma hadau ngahuNa.”
|
||
\p
|
||
\v 59 Yesus linage tabarana wu ata wadeka, “Dokuga Nauwa!” Ta nyiduwe, ata nadda linage, “Mori, pahai toga nauwa kako tani ulluni amagu.”
|
||
\p
|
||
\v 60 Ta nyiduwe, Yesus linage tabarana, “Yammadi ata kamate tanini ata mate yidda, tabolo mi um kako dahomi mono talara dahoge tutu Perdehanai Allah.”
|
||
\p
|
||
\v 61 Mono, dani wu ata wali ka linna, “Nauwa ug dokugu Yau, Mori, tabolo pahai toga nauwa hanau ullu toyi ole baigu.”
|
||
\p
|
||
\v 62 Yesus linage tabarana, “Wale wu hingmana ata ka ijalay limmana ta bahhi karekata, ka gilla ka dahho ta lirana, ka tuba tutu Perehanai Allah.”
|
||
\c 10
|
||
\cl Kawukku 10
|
||
\s Yesus Naha Lewayi Pitu Kabulu Kadokuni-Nyi
|
||
\p
|
||
\v 1 Be innage, Yesus naha didarayi pitu kabulu ata kadokuni wadeka, mono Nyi naha lewayi yidda kako dududa kapiku ulluda ta tangada harona mono dau lina-Nyi.
|
||
\v 2 Lina-Ge tabarada yidda, “Ngihi pa ulla na buta beyi, tabolo ka ullana hodi hekki. Oro bataudage, karaiyi tabaranai Mori kadauge ngihi pa ulla inna kaha halewa ka ullana kapiku kahhayi ngihi pa ulla-Na.”
|
||
\p
|
||
\v 3 “Kakomla! Nauwa ug halewami tujayi ana bebbe ta jonga ranga bani.
|
||
\v 4 Ilam ngidi kami kaleku amaha, tasimi, waleka kopa ledu. Mono, ilam hanewe danga hing kani langka iya hingu kayi ta lara.
|
||
\v 5 Langka gi umma hingu kana miyo dau tamami, takki ullu wela, ‘Moli kamaringina ta umma in.’
|
||
\v 6 Nyi kadana ata nedda baige moli, moli maringimu enga engage nedda. Ta nyiduwe, nyi waleka, moli maringi mu inna enga haggage tabaramu.
|
||
\v 7 Daumi ta umma inna. Yami mono enumi agayi paha inyakada tutumi, oro wu ata ka ullana na kole da hona uppage. Ilam dikki ma mai kami bamu nahiyi umma.
|
||
\p
|
||
\v 8 Nahiwe mi bamu tamami ta wuha harona mono ata neda bali hibami, yadila hayayo paha inyakada ta aromu.
|
||
\v 9 Hatagahayi ata kalawara ka dau neda bali, mono takki dage tabarada yidda, ‘Kalingora nai Allah na dahhe kabewe tabaramu.’
|
||
\p
|
||
\v 10 Ta nyiduwe, nyi miyo bamu tamami ta dihha wu deha mono ata neda bali aida hibami, kakomi ta lara harona inna mono limmage,
|
||
\v 11 ‘Lohho kabka wali ta haronamu kadakta ta leduma nami ma kaba hayi yta aromi. Ta nyiduwe, apewe inna: Kalingora nai Allah na dahhe bewe.’
|
||
\v 12 Nauwa luguge tabarami: ta laddo inna, hataguge Sodom enga na lewara dahowe wali hataguge harona inna.”
|
||
\s Ha Ape Tubada Ka Tulla Rani Yesus
|
||
\p
|
||
\v 13 “Mayillawela yau, Khorazim! Mayillawela yau, Betsaida! Ba nyi rayi dahegu mujizat kaha tujja ta Tirus mono Sidon, nyiwe yidda enga da jarra be bada ngodo mono waina hingi kalallu monp kabka.
|
||
\v 14 Ta nyiduwe, ta raho hokuge, taguge Tirus mono Sidon rehi na lewara howe wali ha tagumi.
|
||
\v 15 Mono Yau, Kapernaum, appa yau enga keke tawu ta Surga? Walekma yau enga baitagu ta panu tana ata kamate!
|
||
\p
|
||
\v 16 Iya hingu kayi karangewu, range naga Nauwa. Ta nyiduwe, iya katulara gimi, nyi dummo tularaga Nauwa. Mono, iyayi ka tularaga Nauwa, nyi tularani Nyi kaha lewawa Nauwa.”
|
||
\s Kabalka Da Ka Ngak Ka Tabarada Ka Dokuni Yesus
|
||
\p
|
||
\v 17 Bege ka pitu kabuluna kadokuni radda hagga waina lagahara hagapege ba lidda, “Mori, kabalka dummo kangak ka gama nami lari ta ngara-Mu.”
|
||
\p
|
||
\v 18 Yesus linage tabarada yidda, “Nauwa ug etayi pajode monu wali ta langta tujayi kamillaka.
|
||
\v 19 Kam tadawela inna Nauwa ug yibewe kawaha kapiku deke mini nippe mono halatka, dummo kawaha ta tangage kulhana muhhu. WaLe hilu lakma kaha pak hami miyo.
|
||
\v 20 Ta nyiduwe, ilam lagaharami oro waddi rada ka ngakka tabarami, tabolo lagaharamila oro ngarami matolhawe ta surga.”
|
||
\s Yesus Na Sembayangna Tabara Nai Ama
|
||
\p
|
||
\v 21 Ta mahiggo inna, lagahara nagei Yesus lari ta Waddi Katenguna mono linage, “Nauwa wai luguge tabara-Mu Ama, Morige langta mono tana, oro Yau kabunyige hada inna wali ta ata maniwola mono tada. Ta nyiduwe, Yau hatingoge tabarada lakawa bila. O ama, oroge innage nyida howe kama rakka ta aro-Mu.
|
||
\p
|
||
\v 22 Ama-Gu na yibe gadi tangadi tabra-Gu, mono wale wu hing mana ata katadayi Ana dukka hegei Ama. Mono, wale wu hing mana katadai Ama, dukkai Ana lohho ata ta ata tabarada yidda ha kabu atenai Ana pa dedalage.”
|
||
\p
|
||
\v 23 Bege, Yesus na peli ta ana hakodo-Na mono naha newe danga mehadi yidda, “Maring kadi mata ka etawe agawe ha etami miyo,
|
||
\v 24 oro Nauwa luguge tabaramu: buta nabi mono raja kamaddige etawe hada ha etami batauge, tabolo yidda wale da etak mawe. Mono, bai hinguge rangewe hada inna ha range mi batauge, tabolo yidda wale da rangek mawe.”
|
||
\s Ata Samaria Kama Radda Atena
|
||
\p
|
||
\v 25 Bege, wu ata katadayi Ukku Pareha Taurat dede kabani Yesus, linage, “Guru, aga dahona ha rayigu kagu kolege morha ai kadukana?”
|
||
\p
|
||
\v 26 Balehawe Yesus tabarana, “Agawe kama tolha lari ta Ukku pareha Taurat? Agawe ha bahhamu neda lari?’
|
||
\p
|
||
\v 27 Ata nadda balehawe, “Manawa rani Mori, Allahmu, waige kalaki atemu, waige urra dewamu, wai dummege kulhamu, mono waige paha ngadamu. Mono, manawa rani olem ata katauna bamu manawarage tau daumu.”
|
||
\p
|
||
\v 28 Yesus linage tabarana, “Bale hamu yannage. Rayige inna, nyiwe yau enga morhamu.”
|
||
\p
|
||
\v 29 Ta nyiduwe, ata nadda na kabu atege hatenawe tau dauna, nyiwe nyi linage tabarai Yesus, “Mono, iyayi ole atagu?”
|
||
\p
|
||
\v 30 Yesus na balehawe inna waige balinage, “Dani wu ata kaburru wali ta Yerusalem kako ta Yerikho, nyi da na monu ta limmada ata karebo karama nadi kalabbena mono paluyi, bege da tanani baika hodi mowe matena.
|
||
\p
|
||
\v 31 Dadani, wu rato kalidani lara naddaKole bana etai ata nadda, nyi kako nage leleni ta hupu lara.
|
||
\v 32 Tauda dummo nage harayina ata Lewi, kole ba ammini taha dau inna mono na etayi ata nadda, nyi na leleni waige bana liyo ta hupu lara.
|
||
\p
|
||
\v 33 Ta nyiduwe, dani wu ata Samaria katamra palaka taha dau nedda. Mono, kole nyi bana etayi ata nadda nyi na marabbehawe atena tabarana.
|
||
\v 34 Nyiwe, ata Samaria nadda na dahekayi, mono na hpi nadi kapotana. Nyi na ora nadi waidi we lengha mono anggur, nyiwe na hai lani ata ta kele daina mono na ngidiyi ta wuha dau dau, nyiwe na tauni morro ata nadda.
|
||
\v 35 Damma hege tana, ata Samaria nadda na yiyi amahana duda dinar mono na yinadi ka anguge inna dau dauyo waige balinna, ‘Tauni morro ata nadda ka pota. Mono, langka pirra hingu kayi amahana habayara hoyi, nauwa ug tau gadi jeludi bagu haggawa.”’
|
||
\p
|
||
\v 36 Nyiwe, Yesus linage, “Paha ngadamu, iyayi kataudana ata rada kadadi ole atana nadda ata kamono ta limma ata karebo radda?”
|
||
\p
|
||
\v 37 Balehawe ahli Taurat nada, “Ata kaha tingoge maradda ate tabrana.” Nyiwe, linagei Yesus, “Kakowula, mono rayige katauda dana.”
|
||
\s Maria Monoi Marta
|
||
\p
|
||
\v 38 Kolei Yesus mono ana hakodo-Na ba talarayi, Yesus tama nage ta dihha wu deha mono wuyo lawai ka ngaranai Marta na hibayi Yesus ta ummana.
|
||
\v 39 Marta dani angu winne na ka ngara nai Maria ka ngodo ta bara ledunai Yesus mono rangewe hanua nai Yesus.
|
||
\v 40 Ta nyiduwe, Marta allu karinga kana ulladi tangadi ha ullana. Marta dummo dahekayi Yesus mono linage, “Mori, walem eta hing mawa nauwa Yau mono angu winnegu um pahaiga rayi ulla mehadi tangadi harayi ulla rada? Halewa gani nyi kana ulla dangaga!”
|
||
\p
|
||
\v 41 Ta nyiduwe, Mori na bale hawe, “Marta, Marta, yau um gela gaggage mono ha gibo kage tau daumu ta tangadi radda.
|
||
\v 42 Dukka wu hewe ka banning na. Maria na pede bewe tubana kahadda dahha, tubana ai hangala na ata wali ta barana.”
|
||
\c 11
|
||
\cl Kawukku 11
|
||
\s Hanua Tutu Sembayangna
|
||
\p
|
||
\v 1 Dage dihha wu laddo, Yesus na sembayangna ta dihha wu hadau. Kole Nyi beyo sembayangna, wu ata wali ta anaha kodo-Na linage tabara-Na, “Mori, hanua ki gama nami sembayang ka tujana Yohanes bana hanuadi ana hakodo-Na.”
|
||
\p
|
||
\v 2 Bege Yesus linage tabarada yidda, “Kole miyo bamu sembayangna, Sembayang dana katauda danna inna: ‘Ama, paha tenguwe ngara-Mu. Dukkewe kalingora pareha-Mu.
|
||
\q1
|
||
\v 3 Yiki gama tabrama nami ha yayo ka tutu nehhe laddo,
|
||
\v 4 mono ha wali madi jalama oro nami dau dummo hawalidi jalada ata kajala tabarama nami. Mono, ilam kodo ka gama nami lari kama kirraha.”’
|
||
\s Karayimila, Mayeganala, Mono Kaladinala
|
||
\p
|
||
\v 5 Bege Yesus linage tabarada yidda, “Nyi bana dadi hewe wu ata wali ta miyo kadayo olemi kako ta umma olem nadda ba tillu gaddi hewe balinage tabarami, ‘Ole, yiyo tuddu tokida tauda kababamu,
|
||
\v 6 oro wu olegu katamrana kako liki nage ta ummagu, tabolo nauwa wale lahingmana kadana ta umma kagu yikini tabarana.’
|
||
\v 7 Na dadi kak we olemu nadda lari ta umma balehawe, ‘Ilam regawa nauwa! Binna kuhi bewe mono nauwa mono anagu ta pinya beyi dura. Nauwa wale na dadik mawa kadde bagu yigu aga hinguna tabaramu.’
|
||
\v 8 Nauwa luguge tabaramu lokko nada olemu aina kadekna mono yigu aga ana tabaramu oro miyo ole ate nagimi, tabolo oro miyo bamu raino hangatage, nyi enga kadena mono yigu gayi hakabu atemu.
|
||
\v 9 Nyiwe Nauwa luguge tabarami karaila, miyo enga hibami. Mayegala miyo enga jammumi. Kaladinila, binna enga bugera mige tubami.
|
||
\v 10 Oro ba iya hingu kayi karai enga yini. Iya hingu kayi kamayega enga jammuna. Mono iya hingu kayi ka ladi, binna enga bugerage tubana.
|
||
\v 11 Dayo wu ha ama ta jongamu kayina nippe ta anana nyi bana karai ka kaboko?
|
||
\v 12 Waleka ka yina halatka, nyi bana karaika tallu manu?
|
||
\v 13 Nyi miyo ka japata tadawe aga linna dawe bamu yini kadahha tabara anamu, at wik hoge Amamu ta Surga. Nyi enga yinani Waddi bihha tabara ata karaiwe tabara-Na.”
|
||
\s Yesus Na Waige Bikta Parehanai Allah
|
||
\p
|
||
\v 14 Dihha wu laddo, Yesus na wugayi kabalka wali ta wu ata kabani kabanga. Kole kabalka nada huna, ata kabanga nada dadiwe hanewe moono buta ata kaha ngatara.
|
||
\v 15 Ta nyiduwe, kapirana ata lidage, “Nyi na wugayi kabalka wainage kawahai Beelzebul, pa amada kabalka.”
|
||
\p
|
||
\v 16 Kapirana ata wadeka baige kabani Yesus, yidda da karaiwe Nyi kana hatingona tadka wali ta surga.
|
||
\v 17 Ta nyiduwe, Yesus tadawe agawe yidda paha ngadada mono linage tabarada yidda, “Tangada ha ulla ka hai-haina mono ha gabba wiina enga wetarage. Mono, ta batu umma bada ha muhhu wikini enga hai -haida.
|
||
\v 18 Nyiwe, nyi pajode dummo hai -haikana mono gabage tau dauna, aga linak kawe parehana bana tahhige? Nauwa luguge katauna oro miyo ba limmige inna Nauwa waiguge kawahanai Beelzebul tutu wugayi kabalka.
|
||
\v 19 Nyi nauwa ug wugayi kabalka waini Beelzebul, waina kawaha iya jala hona anamu bada wuggayi yidda? Oroge inna, yidak nage kadadi hakimumu.
|
||
\v 20 Ta nyiduwe, nhyi Nauwa waikana kawaha Allah tutu wugayi kabalka, Kalingoranai Allah ammige tabarami.
|
||
\p
|
||
\v 21 Nyi wu ata ka kulha waina bajla ai kadabbo jawawe hadau dauna, nagwuna na ma inyakayi.
|
||
\v 22 Tabolo, nyi ata karehi kulha walina na kaduka mono habakkeyi, nyiwe ata karehi kulha nadda na karamadi bajla ha manneda mono baweyi ngawu haramada.
|
||
\p
|
||
\v 23 Iya hingu kayi ai kadana tabara-Gu, nyi ka gabaga Nauwa. Mono iya hingu kayi ai kahha ole dangaga Nauwa, nyi kahegaradi.”
|
||
\s Hagana Waddi Japata
|
||
\p
|
||
\v 24 “Nadda waddi otora huna wali ta tauna nada ata, waddi nadda enga kilora nage hadau kama rakota bana mayegana hadau ngahuna, tabolo nyi wale na tabokakma. Oroge inna, nyi linage, ‘Nauwa ug haga howa ta umma hatana begu.’
|
||
\v 25 Kole nyi hagga, nyi na dikkige umma inna bada morhage ba habowe mono mapaha takkawe.
|
||
\v 26 Bege, waddi otora nadda kako mono na kamaikadi pittu waddi japata olena kapiku tama mono engana ta umma inna dajalage hada ata nadda rehi ai dahha dalhoge wali puge.”
|
||
\s Ata Ka Kamaringina
|
||
\p
|
||
\v 27 Kolei Yesus takkiwe inna, wu lawai kadana ta tillu ata buta naka wula, “Kanyurugela tiyo kadadi begu Yau mono huhu kaha huhu bewu Yau.”
|
||
\p
|
||
\v 28 Ta nyiduwe, Yesus linage, “Maringi kana ata karangewe linai Allah mono ka dokuge.”
|
||
\s Tadakai Yunus
|
||
\p
|
||
\v 29 Kole ata kama kahha kiki buta, Yesus linage, “Dalara radde yidakna dalara ka japata; yidda da karaiwe wu tadka, tabolo wale wu hing mana tada dummo kapaha tingoyi tabarada yidda dukka tadkai Yunus.
|
||
\v 30 Katauna Yunus ka dadi tadka tubada ata ninewe, tauda dummo nage Anana Kadadi ata enga dadi tadka tubada dalara radde
|
||
\v 31 “Ta laddo dukkage, Ratu wali ta bannu enga kadde ole danga nadi ata wali ta dalara radde mono nyi enga hoku nadi yidda oro nyi ammini weali ta hupu tana kapiku rangewe tadanai Salomo, tabolo taha dau inne dani wu ata karehi madakka wali tai Salomo.
|
||
\p
|
||
\v 32 Ta laddo dukkage, ata ninewe enga kadde ole dangadi dalara radde mono hokudi, oro ata Ninewe jarra kolei Yunus bana hotbah ta aroda yidda, tabolo taha dau inne dadni wu ata karehi madaka ho wali tai Yunus.”
|
||
\s Mata Yikna Latti We Tauda
|
||
\p
|
||
\v 33 “Wali wu hingmana ata kole bana harewo latti weyo inna taha dau kabunyi waleka ta kabu ana tanga. Ta nyiduwe, yidda da ijalawe latti weyo inna ta doka latti we dajalage ata katama kada etawe magakaha.
|
||
\v 34 Mata yidakna latti we taumi. Nyi matami bana dahhayi, tangage taumi enga bannuge magakaha. Ta nyiduwe, nyi matamu bana japatayi, tangage taumi enga banuge kapagtana.
|
||
\p
|
||
\v 35 Oroge inna, hamataragela inna magakaha lari ta tumu ilna dadi kapagta dalige.
|
||
\v 36 Nyi taumu bana banu kage magakaha mono swale lakma wadeka kapagtana, taumu inna enga magakahage tangage katauna wuyo latti we kaha magakahami waige magakahge.”
|
||
\s Yesus Naha Apedi Ata Farisi Mono Ahli Taurat
|
||
\p
|
||
\v 37 Kolei Yesus bana beyo hanewe, wu ata Farisi naka kamika-Ni yayo, Nyi dummo ammini, nyi na ngodo mono yayo.
|
||
\v 38 Ta nyiduwe, ata Farisi rada hangatara kole etayi Yesus aina baha ulluyi limma-Na bana yayo.
|
||
\v 39 Tabolo, Mori linage, tabarana, “Ata Farisi tujamu na murahawe ta bali haddu koba mono tabbo, tabolo lari ata taumu banuge dadara mono japata.
|
||
\v 40 Ta ata kabanga! Wale Nyi kakna karaige tabali haddu lohho tau jala nage tabara lari?
|
||
\v 41 Oroge inna, bayila agayi kadana neda lari ba wuyi manutamu. Waige katauna, miyo enga murha takkami.
|
||
\p
|
||
\v 42 Ta nyiduwe li lokomi miyo, ata Farisi! Oro, miyo um yimi maraka ta ngihi ha ullam romadawa, mono tangasi hatadomi ta omami, tabolo mi tau taipawe tijana mono manawarai Allah. Doku dage, miyo um rayi dahoge tangage hada inna wale tau taipak mawe hada wadeka.
|
||
\p
|
||
\v 43 Li lokowe mi, ata Farisi oro miyo baige ngodo taha dau kadahha ta sinagoge mono dummo baige hibawe ha akana ta haragana.
|
||
\v 44 Li lokowe mi oro miyo tujai rate ai kadayo tadana, padekena ata waleda tada wai mage.”
|
||
\p
|
||
\v 45 Bege, wu ata wali ta ahli Taurat linage tabrai Yesus, Guru, kole Yau takkiwe hada inna, Yau dummo habawa nami.”
|
||
\p
|
||
\v 46 Tabolo, Yesus balehawe, “Li lokowe miyo, ta ahli-ahli Taurat! Oro, miyo um tauwe ngidimi ka bikta kapiku dita nage ata wadeka, tabolo tau daumu walena jojak mawe ngiddi inna langka gayu ka karaku limmamu.
|
||
\v 47 Li lokowe mi oro bamu rayina rate tutuda nabi-nabi paha mateda waikamu.
|
||
\v 48 Lohho, mi padedalage ta tangana ata inna mi bamu mangakuge harayida werda waikamu; yidaknala kaha mateyi nabi-nabi rada, tabolo mi karayidi rateda.
|
||
\v 49 Inna nyiwe oroge, Allah lari ta angta-na linage, ‘Nauwa enga halewa gudi nab-nabi mono lede liyo tabarada yidda, tabolo kapirana ata paha lewaGu radda enga daha mateyi mono hama yillayi,’
|
||
\v 50 dajalage rada tangada nabi, kama joku wali panu tana ba rayige, dadiwe bada dauge wali ta dalara ata radde,
|
||
\v 51 wali ta ranai Habel kahha ranai Zakharia, paha mate ta jonga natara mono Ummai Allah. Ngo, Nauwa luguge tabaramu rada dalara ata da taguge balehawr tabara hada inna.
|
||
\p
|
||
\v 52 Li lokowe miyo, ta ahli-ahli Taurat! Oro miyo um ngalabeyi kuhi angta, tabaolo mi dau walem auma tama mono mi um dabaokadi ata wadeka tama.”
|
||
\p
|
||
\v 53 Kolei Yesus tanage hadau inna, ahli-ahli Taurat mono ata Farisi halege dage muhhuni-Nyi mono nakkoni-Nyi waige tanga ngara kanukka.
|
||
\v 54 Yidda da haibbona yappayi Yesus waige hanewe patakki-Na.
|
||
\c 12
|
||
\cl Kawukku 12
|
||
\s Dahha Dete Pa Ama Yahudi
|
||
\p
|
||
\v 1 Tamra hege innage, kole riwu ratada atage kama kahha mono yidda da ha deke wikkida, Yesus halege nage hanewe danga ulludi ana hakodona, “Hamatara ragela tabara haullada ata Farisi, halinawe dahha dete.
|
||
\v 2 Oro, tangage kama toni enga bugerage mono tangage ka bunyi enga ha dedoge.
|
||
\v 3 Oroge inna, agawe hatakkimu lari ta kapagtana enga tangewe lari tama gakaha mono agawe mi hamamhami lari ta koro enga talarage ta panu toko umma.
|
||
\s Madautani Allah
|
||
\p
|
||
\v 4 Nauwa luguge tabaramu. Ta ole ate-Gu, ilam madautadi tabrada yidda kadadi hamatewe tau ata, tabolo beyo inna wale na dadik mawe rayige karehi kidikna wali inna.
|
||
\v 5 Ta nyiduwe, Nauwa ug ha apemige tutu ba iyayi mi hamadauta homi; madauta kinila tabrana Nyi, ba kole bana hamate, nyi dau dummoge baita gimi miyo lari ta naraka. Ngo, Nyi dahhola ha madautami.
|
||
\p
|
||
\v 6 Wale limmak kidi ana manguyo hama laja ka hina duda ballak amaha? Ta nyiduwe, wale wu hing mana wali taka wurruna radda hadanga ta aronai Allah.
|
||
\v 7 Lohho dummo, butadi wumu ta katakkumu na yapudi. Ilam madautawu, miyo rehi howe himi wali ta butada ana manguyo.”
|
||
\s Hanamu Tubada Ka Balluni Yesus
|
||
\p
|
||
\v 8 “Nauwa luguge tabaramu, tangana ata kama ngakuga Nauwa ta aro ata wadeka, dummo enga mangaku nadi Anana Kadadi ata ta aro da malaikat nai Allah.
|
||
\v 9 Ta nyiduwe, tangana ata kaballluga Nauwa ta aro ata wadeka dummo enga kabal nani ta aro na malaikat nai Allah.
|
||
\p
|
||
\v 10 Mono, iya hingkayi ka takkiwe gabani Anana Kadadi ata dadwe ha walini, tabolo iya hingu kayi ka palekayi Waddi Bihha wale hilu ha walik mani.
|
||
\p
|
||
\v 11 Kole yidda bada ngidimi ta Sinagoge mono ta raoda tangada pa ama mono kaduge hareha, ilam gela gaggami tutu aga linna dawe mi dedege taumi waleka aga dahona mi hatakkimi,
|
||
\v 12 oro Waddi Katenguna enga ha nua na gimi tutu aga dahhona mi hatakkimi.”
|
||
\s Hatujja Wu Ata Pote
|
||
\p
|
||
\v 13 Wu ata wali ta jonga ta buta radda linage tabarai Yesus, “Guru, halewa gani angu wugu kana habawedi hadauma.”
|
||
\p
|
||
\v 14 Ta nyiduwe, Yesus linage tabarana, “Anguwu, iya ka keketawa Nauwa dadi kadauge tijana waleka wunang ta miyo?”
|
||
\v 15 Bege, Yesus linage tabarada yidda, “Karawa mono hamatara wiki kimila ta tangadi hada dadara oro morhana wu ata wale na dairo dakmawe ta ngawuna kabuta nyi hadauna.”
|
||
\p
|
||
\v 16 Nyiwe, Yesus naha takkiyi wu hatujja tabarada yidda, “Dage tana hadu wu ata kahadda pote ka kolena kabutala ngihi pa ullana.
|
||
\v 17 Nyiwe, ata nadda naha ngadage lari ta atena, ‘Aga dahona ha rayigu oro nauwa ai damo hadau wali hadi ijala gudi ngihi pa ullagu?’
|
||
\p
|
||
\v 18 Mono, nyi linage, ‘Inna nyi dahowe harayigu, Nauwa enga hegara ho gudi galugu mono rayi walna ka rehi madakka. Nedda, nauwa enga ijala gudi tangada gandum mono ngawugu.
|
||
\v 19 Nyiwe, nauwa luguni dewagu, ‘Ta dewagu, yau dadi ngawu butamu ka bi dau bena ha ijala; ngahuwuge, yawu, enuwu, mono kadanna kaduwuge!’
|
||
\v 20 Ta nyiduwe Allah linage tabra ata radda, ‘Ta, ata kabanga! Gaddi inna mema dummo, enga ngalawe wali tabarami. Nyiwe, iya dahho kadaudi ngawu radda ha ijalamu?
|
||
\v 21 Tauda dagela kadadi ta ata ka ijala ngawu tuba tau dauda, ta nyiduwe wale da potekma ta aroi Allah.”
|
||
\s Ilam Gela Gaggami
|
||
\p
|
||
\v 22 Yesus linage tabara anaha kodo-Na, “Oroge inna, Nauwa luguge tabaramu, ilam gela gaggage tutu morhamu, tutu agana ha yamu. Waleka, gela gaggage tuba taumu, tutu aga naha waimi.
|
||
\v 23 Oro, morhami rehi banning hoge wali ta hayayo mono ta taumu rehi banning hoge wali ta kalabbe
|
||
\v 24 Torroyi ge gaka. Yidda wale da habarak mana waleka mangatti, yidda dummo wale lakma ijalada waleka galu, tabolo Allah yidda na yidi ha yayo. Miyo rehi mangu hida homi wali ta kawurruna radda.
|
||
\v 25 Iyayi ta jongami oro gela gaggana dadiwe tabawe dal ak morhana?
|
||
\v 26 Nyi mi ai na dadi kawe rayige hada kamarhha inna, ahha mi mamu gela gaggagwe hada wadeka?
|
||
\p
|
||
\v 27 Hamatara kidi wala ruta ta maradda, aga linna dawe yidda bada tummu. Walla ruta radda walle da ulla biktak mana waleka wale da kamodetakma, tabolo Nauwa luguhge tabaramu, lohhoi Salomo lari ta ma nada dummona wale na waik mana kalabbe kadahha tau dana wali ta wala ruta radda.
|
||
\v 28 Nyi Allah bana hanukku kayi ruta ta maradda, nehhe laddo tummu mono koka baitani lari ta latti, wale tau dakna Nyi bana hanukkumi rehi wali ta ruta radda? Ta, miyo ai kaha tena takka!
|
||
\p
|
||
\v 29 Nyiwe, ilam mayega dana aga dahona ha yami waleka aga dahona miyo ha enumi, mono illam oja dangage.
|
||
\v 30 Oro, tanhgada ata ta panu tana da mayegadi radda tangadi, tabolo Amami na tadawe inna miyo bamu kabu atedi.
|
||
\v 31 Gaba dalge, mayega ullu toge Kalingora harehai Allah, nyiwe tangage inna enga taba mige tabarami.”
|
||
\s Kahhayi Ngawu Ta Surga
|
||
\p
|
||
\v 32 “Ilam madautami, ta miyo kalibbo ata kahodi kina, oro Amami na dadiwe bana yigimi tabarami Kalingora inna.
|
||
\v 33 Malajadila tangadi miyo hadaumi mono yikimila matullu. Rayi kina tutumi kaleku ammaha ai kadadi makbo, haluguna ngawu ta surga ai kadadi bunga, ai hadadina ngala ata kedu waleka makbo oro wana.
|
||
\v 34 Oro, taha daudi ngawumu, nedda jalawe atemu dau dage.”
|
||
\s Ata Paha Lewa Kamikku Rayige Ha Ullana
|
||
\p
|
||
\v 35 “Nyidawege ka enga kige baggemu bamu kattige mono latti wemu bana rewoyi.
|
||
\v 36 Kamu dadi tujja dayila ata karemani morina hagga wali taha ulla ha ummana dajalage yidda kada geha bugerana binna tubana, kole morina nadda hagga mono kaladina binna.
|
||
\v 37 Da kanyuru hola ata paha lewa, ha dikkina morina pa inyaka hangatana, kole nyi ba ammini. Nauwa luguge tabarami, tau takka nage, nyi enga katti nage baggena bana hanukkuyi mono pahaidi kaha inyaka bana ngodo yayo. Nyi enga ammini mono hanukkuyi yidda.
|
||
\v 38 Nyi morina nadda ammini ba tillu gaddi kawe waleka ba kuku manu kawe mono dikidi yidda tamra pahada dage kataudana, daka nyurruho yidda!
|
||
\p
|
||
\v 39 Tabolo kamu tadawela, nyi wu mori umma bana tadawe aga jam ata kadu bana mai ta ummana, nyi enga walena pahaik mage umma na bada bola nage.
|
||
\v 40 Oro bataudage inna, mi dummo um ha inyaka hangata hona oro Anana kadadi Ata enga ammini ta ma higgo ai hatada waimi.”
|
||
\v 41 Bege, Petrus naka nukka tabara-Na, “Mori, appa Yau bamu takkiyi hatujja nadda dukka ta namihe waleka ta tanga dummona ata?”
|
||
\p
|
||
\v 42 Balehawei Mori, “Iyayi kapala kaha nukku ka mikku mono maniwola paha tenana morina tutu hamataradi atana wadeka, kapikku yidi yidda hayada ta rahi katuba?
|
||
\v 43 Naka nyurruho ata paha lewa nadda, kole morina ba ammini, diki dani nyi tamra rayi nage haullana.
|
||
\v 44 Nauwa luguge tabaramu, tau takka nage, mori nadda enga pede nani kapikku hamata radi tangadi hadauna.
|
||
\p
|
||
\v 45 Ta nyiduwe, nyi atana nadda balinaka lari ta atena, ‘Morigu enga walena gehakma mai,’ mono kapunage paluyi ata paha lewa kabani mono ata pahalewa lawai wadeka, bege yayo mono enu kahha bada kalango,
|
||
\v 46 kolr morina nadda ammini ta mahiggo ai hama dammuna mono ai hatadana ata paha lewa nadda, morina enga hamate nani ata paha lewana nadda mono naha yodani oledi ata aika mikku.
|
||
\p
|
||
\v 47 Wu ata paha lewa na tada dahowe ha baina morina, tabolo walena naha inya ha ngattak mana waleka na rayige dokuge hakabu atena morina enga naha kole habutana palu.
|
||
\v 48 Ta nyiduwe, ata paha lewa nadda wale na tadak mawe agawe hakabu atena morina mono rayige hada katuba bana yanna palu ka rauwana. Tabarana ata ha yiyo buta, karuhhu buta jala hoyi. Mono, yidda paha tena rehi buta enga karuhhu rehi buta jaladi.
|
||
\s YESUS NA RAYIGE KAHA WATTENA
|
||
\p
|
||
\v 49 Nauwa amiga bagu baitage latti ta panu tana, mono Nauwa ug kabu atege inna latti kana bak rewowe!
|
||
\v 50 Ta nyiduwe, dada hoge hariha Nauwa paha kako dahogu, mono Nauwa ug padage kama nakko kahha hada inna ba pannuwe.
|
||
\v 51 Appa miyo um hangadage inna Nauwa ba ammiga ngidiwe kamoli ta panu tana? Walekma, Nauwa luguge tabarami, tabolo kaha watte nage!
|
||
\v 52 Wali batauge, limma ata ta batu umma enga ha wattedi. Tauda ata enga gaba dadi duda ata mono duda ata enga gaba dadi tauda ata.
|
||
\q1
|
||
\v 53 Yidda enga ha watte dadi; Ha ama enga gaba nani ana kabanina, mono ana kabanina enga gaba nani amana. Ha inya enga gaba nadi ana lawaina, mono ana lawaina enga gaba dadi inyami. Maduyo lawai enga agaba nani we yana, mono ha we yayo enga gaba nani maduyo lawaina.”
|
||
\s Hayapage Mahiggo Morha
|
||
\p
|
||
\v 54 Nyiwe, Yesus linage ta ata buta, “Kole miyo etawe karabba makahhawe ta laddo mali, mi geha limige, ‘urra enga burruna,’ mono urra tenawe na burru.
|
||
\v 55 Kole mi padani rereha wali ta bannu, miyo limmige, ‘Laddo nehhe enga ngangahana,’ mono hada inna tenawe na dadiwe.
|
||
\v 56 Mi ata kobo ate! Mi dadiwe tadawe hada langta mono tana, tabolo ahha mi walena nadadiwe ha yapage hada morha inna?”
|
||
\p
|
||
\v 57 “Ahha mi dau walena dadiwe pohtawe agawe inna katena?
|
||
\v 58 Kole mi kako ole dangadi muhhumi kapiku arodi kaha reha, karuhhu dawela kahha bamu bewe ka hepa halana tabrana nutu ta lara dajalage nyi ilna wera kagu tabarana kaha tijage mono kaha tijage na yiwu tabarana ka oleni, mono ka oleni nadda enga tau nagu yau lari ta gallu.
|
||
\v 59 Nauwa luguge tabaramu, mi enga walem hukmana wali neda bali aim bayara dahodi wuttamu kahha beyi langka wallayi.”
|
||
\c 13
|
||
\cl Kawukku 13
|
||
\s Kamaikana Kapiku Jarra
|
||
\p
|
||
\v 1 Nedda, dadi kata takkiwe tai Yesus tutu ata Galilea inna rada paha kahha nai Pilatus ha oledi maraka da yidda.
|
||
\v 2 Balehawei Yesus tabarada yidda, “Appa mi taha ngadamu ata Galilea rada rehi hoda jala wali ta ata Galilea wadeka oro yidda bada mayilla tau dana?
|
||
\v 3 Nauwa luguge tabarami, walekma. Ta nyiduwe, nyi mi aim jarrami, mi dummo enga mate jalami.
|
||
\v 4 Waleka ka bulu podo patana ata kamate, kole toko umma kadahekawe dau hariha Siloam tabuhtawe mono biraka kadi yidda, appa inna paha ngadamu yidda he kajala karehi mayarha wali ta tan gadi ata ka engana ta Yerusalem?
|
||
\v 5 Nauwa luguge tabarami, walekma. Ta nyiduwe, nyi mi aim jarrami, mi tangam enga matemi!”
|
||
\s PU YAYU AI KA WUYO
|
||
\p
|
||
\v 6 Yesus dummo na takkiyi liha tujja nada: “Dani wu ata kamangu pu kapulotana pa taddona ta oma anggurna. Ta nyiduwe, nyi bana mai mayegana wuna yayu nadda, nyi walena kolek mana.
|
||
\v 7 Nyiwe, nyi linage tabarana ka nguna omana, ‘Tallu dau begu bagu maiwa mayegana wuna yayu kapulota nadda, tabolo nauwa walegu jammuk mawa langka wuka. Pogok kayo yayu nadda! Ahha ma wala waige tana inna ta pu yayu nadda?’
|
||
\v 8 Ta nyiduwe, mori oma nadda na balehawe, ‘mori, yi pitoni mahiggo nadda pu yayu dau nadde ragga wu kakna. Pahaiga kagu kojawa tana ta kalingorana mono kagu tauni hadauka dangana,
|
||
\v 9 ragga pu yayu nadda bana dadi kak we wuyo nimmi dau ta aro. Nyiwe aina wuka, mori um pogok mukiyi lagge.”’
|
||
\s Yesus Nahatagaha Ta Laddo Ngahu
|
||
\p
|
||
\v 10 Diha wu hadakka, Yesus naha nuadi ta Sinagoge ta laddo Ngahu.
|
||
\v 11 Neda bali damni wu lawai hatamana waddi japata dajalage na rayini nyi halawara dangana kabulu podo pata dauna. Balena lawai nadda naka bukku dajalage wale na didarakma dede.
|
||
\v 12 Kolei Yesus etayi, Nyi naka maikan lawai nadda mono linage, “Ta lawai, yau pahoila bewu wali ta kalawaramu.”
|
||
\v 13 Bege, Yesus naha jolano limma-Na ta lawai nadda mono innna mema dummo, nyi na didara dede mono daikayi Allah.
|
||
\p
|
||
\v 14 Ta nyiduwe, pa ama sima goge radda butudi ateda oroi Yesus bana hatagahayi ta laddo Ngahu. Nyi linage tabarada ata buta, “Anni laddoge ullana. Oroge inna, maimi ge kapiku hatagahami ta laddo inna, walle ta laddo Ngahukam.”
|
||
\p
|
||
\v 15 Tabolo, Mori na balehayi ata nadda, “Mi ata dahha detemi! Inna mi tangami walem pahala dumi hapi waleka keledai daumi kama katti ta gallu mono tuddayi huna kapiku enuna we ta laddo rahi Ngahu?
|
||
\v 16 Oroge inna, walem tadak mayi lawai nadde, ba wuyi anai Abraham ha katti bena kabulu podo pata dau Kabalka, ba pahala hoyi wali ka raddini radda ta laddo Ngahu?”
|
||
\v 17 Kolei Yesus bana hanewe taudana, tangada gaba-Na naha makkeyi, mono ata buta da lagahara oro tangage harayina habangara danga bana rayi-Na.
|
||
\s Hatujja Wiha Watti Mono Ragi
|
||
\p
|
||
\v 18 Bege, Yesus linage, “Aga lina dahowe tujjage Kalingora harehai Allah inna? Aga lugu dahowa Nauwa bagu ha tujjage?
|
||
\v 19 Kalingora parehai Allah inna natujjawe wiha watti ha nagalana ata mono hataddo ta omana; wihana nadda na tummmu dadi pu yayu, mono kawurruna ta langta da haddu ta kahangana.”
|
||
\p
|
||
\v 20 Mono wali Nyi li nage, “Waina aga dahona nauwa bagu hatujjage Kalingora pareha nai Allah?
|
||
\v 21 Kalingora pareha nai Allah inna na tujjawe ragi ha ngalana wu ata lawai mono naha kilage lari katauda sukatna kababbu kahha tangage paha kila inna wudduwe.”
|
||
\s Hodi Heki Paha Mane Mara
|
||
\p
|
||
\v 22 Yesus na lida kahhadi harona mono deha, nyi naha nuadi mono naha kitana kako aro ta Yerusalem.
|
||
\v 23 Nyiwe, wu ata naka nukka tabara-Na, “Mori, appa hodi he ata paha mane mara?” Yesus linage tabarada tangada yidda,
|
||
\v 24 “Runnigela kam piku tama lida ta binna kapingota; oro Nauwa luguge tabaramu, buta ata kabaige tama neda bali tabolo yidda wale na dadik mawe tama.
|
||
\v 25 Nyi mori umma bana dede mono toniwe binna ummana, ta nyiduwe miyo dedemi ta bali haddu mono kaladige binna hagapege ba limmi, ‘Mori, tollu kigama bugera gama tubama nami.’ Nyi enga balehana, ‘Nauwa walegu tadak mami ba giyo dau walimi.’
|
||
\v 26 Nyiwe, enga balehami, ‘Nami ba yayo mono enu ole danga begu Yau. Yau um hanua bena talara harona ma nami.’
|
||
\v 27 Tabolo, Nyi enga balehana, ‘Nauwa waleg tadak mami mono waleg tadak mami ba giyo dau walimi miyo. Kakomge wali ta arogu, mi tangami karayige kajapata!’
|
||
\p
|
||
\v 28 Miyo enga homi mono ha ngaktadi ngudumi kole bami etayi Abraham, Ishak, monoi Yakub, lohho tangadui nabi kadana lari ta Kalingora pareha nai Allah tamrage mi ba baita gimi ta bali haddu.
|
||
\v 29 Bege, ata enga ammidi wali ta laddo koka mono laddo mali, monno dummo wali ta utara mono ta bannu. Yidda enga ngododa mono yayo lari ta Kalingora nai Allah.
|
||
\v 30 Tau takka nage, ata kamurri enga na dadiwe bana ullu mono ata ka ulliu enga dadige bana murri.”
|
||
\s Yesus Na Kako Dahho Ta Yerusalem
|
||
\p
|
||
\v 31 Ta nedda mema inna, kapirrana ata Farisi ammidi tabarai Yesus mono liadage, “Kakomige, tanage hadau inne oroi Herodes bainage hamate-Wu.”
|
||
\p
|
||
\v 32 Yesus balehayi yidda, “Kakomge mono takki dage tabarana ranga nadda, ‘Laddo inne mobo koka, Nauwa enga wugga gudi waddi japata m ono hatagaha ata, mono ta laddo hatauda wai, Nauwa enga beguge ha ulla-Gu.’
|
||
\v 33 Ta nyiduwe, Nauwa ug hakita dahoge kako-Gu laddo nehh, koka, mono do gaddi oro walena dadik mawe wu nabi mate tabali Yerusalem.
|
||
\p
|
||
\v 34 Yerusalem, Yerusalem! Yau um hamateyi tangada nabi monom um paluyi ata paha lewa tabarami! Ug hadu wuddage Nauwa baige kahhayi anami, katujana bai manu bana kahhayi anana ta kabu kapana. Ta nyiduwe, mi walem au mawu.
|
||
\v 35 Batauge ummamu enga karingige mono na dadi kanawawe. Nauwa luguge tabramu, mi walem hilum etak mawa lagge Nauwa kahha bana dikkiwe rahige miyo enga limmige, ‘Kanyurru hona Nyi kamai lari ta ngarai Mori!”’
|
||
\c 14
|
||
\cl Kawukku 14
|
||
\s Tutu Hatagaha Ata Ta Laddo Ngahu
|
||
\p
|
||
\v 1 Ta dihha wu laddo Ngahu, Yesus ammini ta ummana wu pa ama ata Farisi yayo ole dangani kababa mono tangada yidda daha matarani Yesus.
|
||
\v 2 Innana, dani wu ata ka lawara ai enu weyo ta aro-Na.
|
||
\v 3 Yesus linage ta ata Farisi mono ahli-ahli Taurat, “Appa na dadi kakwe hatagaha ata ta laddo Ngahu?”
|
||
\v 4 Ta nyiduwe, yidda wale da bale hakmayi-Nyi. Bewalge Yesus dummo na narroni ata kalawara nadda mono naha tagahayi, lohho naha lewayi ata nadda kako.
|
||
\v 5 Yesus linage tabarada yidda, “Iyayi wali tajongami nyi anana waleka hapi manena monu lari ta kagobakana ta laddo Ngahu, ai ka geha tingiyi pahuni ta balu haddu?”
|
||
\v 6 Nyiwe, yidda dummo wale na dadik mawe gabage hanewe-Na.
|
||
\s Hadau Paha Aka
|
||
\p
|
||
\v 7 Bege, Yesus na tak waliyi wu hatujja tabara kulla ha lehu kole Nyi bana etayi aga lina dawe bada pedena hadau ngodo ata paha aka ta kalingora meja hadau yayo, lna-Ge tabarada yidda,
|
||
\v 8 “Nyi mi bada kalehu ka gimi ata ta wuyo haulla ha ummana, ilam ngodomi taha hadau ata paha aka oro mori umma nada enga kalehu benadi ata karehi liyo dete wali ta baramu.
|
||
\v 9 Lohho, mori umma nada enga diki nagu mono linage, ‘Hadau ngodok nage ata nadde!’ Mono, yau dummo um dikki dahowu taha dau kahada li bawa bamu makke danga dalige.
|
||
\p
|
||
\v 10 Tabolo, inna mi baka lehu kagimi, ngodo dami taha dau kata lirana dajalage kole ba ammini kalehugu, nyi enga linna tabaramu,’ Ole ate, dikki dawu taha dau kahadda paha aka.’ Waige katauda dana, yau um kolege ha aka ta aroda ata ka ngodo yayo ole danga gimi.
|
||
\v 11 Oro, tangada ata kaha madehta wikina enga ha bawayi, tabolo nyi kaha liyo bawa wikina enga hama dehtani.”
|
||
\s Kalehu Yayo Mono Gabage
|
||
\p
|
||
\v 12 Lohho, Yesus linage ta ata ka lehuni Nyi nadda, “Nyi miyo bamu rayi kage yayo tanga laddo waleka yayo gaddi, ilam kalehu kadi olem, angu wumu, tangada ole baimu, waleka ole bara ummamu ka pote oro yidda enga hagaba daguge tabramu waige bada kalehugu yayo ole dangadi yidda.
|
||
\v 13 Ta nyiduwe, nyi mi bamu rayi kage ha ulla, kalehu dadi ata milla, ata ai tidana, ata kalikku, mono ata moro.
|
||
\v 14 Mono, mi enga maringina oro ata radda walena dadik mawe hagaba hagga guge; mi enga kole mige gabage ba dikkige kadde haggana ata katena.”
|
||
\s Hatujja Tutu Kalehuna Ba Yayo
|
||
\p
|
||
\v 15 Kole wu ata ka yayo ole dangani-Nyi rangewe hatakki inna, ata nadda linage tabara-Na, “Maringi kanala ata kayayo kababa neda lari ta Kalingora nai Allah.”
|
||
\p
|
||
\v 16 Ta nyiduwe, linagei Yesus tabarana ata nadda, “Dani wu ata karayige kalibo yayo gaddi kama dakkala mono nyi naka lehuna ata buta,
|
||
\v 17 mono kole ba rahi yayo gaddiwe, ata nadda naha lewayi atana kapiku takkiwe ta kulla paha lehuna, ‘Maim ge, oro tangage ha iya beyi.’
|
||
\v 18 Tabolo, tangada kulla pa halehu rada kapudage rayige kappege. Ata paha dihha wai linage,’ Nauwa abbu higuge tana mono nauwa ug kako dahowa elowe. Hiba gage maraino bani kaga.’
|
||
\v 19 Nad wadeka linage,’ Abu hi kigudi limma hapi mono nauwa ug kako dahowa eloyi hapi rada. Hiba gage maraino bani kaga.’
|
||
\v 20 Wadeka jala lidage,’ Nauwa abu ha umma kigu. Oroge inna, nauwa wale na dadik mawe mai.’
|
||
\p
|
||
\v 21 Nyiwe, ata paha lewa dummo nadda hagga mono takiwe tangage inna ta morida. Nyiwe, morida nada na bani, lohho linage tabara ata paha lewana, ‘Gehawuge! Kaowu ta lara mono tangadi lara kalokana taha rona inna. Ngidi gadi tabaragu ata milla, ata kalikku, ata kabeko, mono ata moro,’
|
||
\v 22 Bege, ata nada linage tabrana, ‘Mori, nauwa ug rayi bege agawe yau paha lewamu, tabolo da jala hodi hadau ai kadayo atana.’
|
||
\v 23 Ha ama nadda linage tabra ata paha lewana, ‘Kakowuge ta kangali tana mono tangadi lara kalokana. Lekoyi ata neda bali kapiku maida nimmi dajalage ummagu kana bannuge.
|
||
\v 24 Nauwa luguge tabramu, wale wau hingmana wali ta yidda paha lehugu ullugu rada ka padage yayo paha inya kagu.”’
|
||
\s Tutu Dokuni Yesus
|
||
\p
|
||
\v 25 Buta ata ka kako ole dangani Yesus. Bege Yesus na gilakadi yidda mono linage,
|
||
\v 26 “nyi wu ata ba ammini tabara-Gu tabolo bana buttu kani ate amana mono inyana, ole ummana mono anana, angu wuna mono wattona, lohho dummo morha dauna, nyi wale dadi mawe bagi ana hakodo-ni.
|
||
\v 27 Ba iya duyi ai kaditayi kadailona mono dokuga Nauwa, nyi wale na dadik mawe dadi ana hakodo-Gu.
|
||
\p
|
||
\v 28 Iya ka duyi ta jongami kabaige hadedewe wuyo toko umma, aika kangodo ulluho mono yapudi amaha kapiku tadawe appa na tutuyi amaha kahha ba bewe?
|
||
\v 29 Nyi ai tauda dage, kole nyi bana rayige hadau lija kage mono aina tutu kawe kahha bana bewe, tangada ata ka etayi enga malha dani nyi.
|
||
\v 30 Ata rada enga lidage,’ Ata nadde kapuge rayige, tabolo nyi aina mukkage bewe.”
|
||
\p
|
||
\v 31 Waleka, iya rajayi ka kako hatau gabana raja heka tabolo aina ngodo ulluka mono pijjawe appa nyi bana oledi ka kabulu ratana tentarana dadi kakwe gabadi muhhuna ka duda kabulu ratana tentarana?
|
||
\v 32 Nyi nyiyo aina dadi kawe habakkeyi raja wadeka nadda, nyi enga halewa nani wuyo ata mono kanukkawe nautage ba moli kole ata hagabana rada bada marauho.
|
||
\p
|
||
\v 33 Tauda dummo nage miyo dihha-dihha, wale wu hingmana ta jongami kadadi ana hakodo-Gu nyi nyiyo aina yikayi tangadi hadauna.”
|
||
\s Mahhi Ka Kabba Wale Lakma Gaudi
|
||
\p
|
||
\v 34 “Mahhi inna kadahha, tabolo nyi mahhi inna bana bungawe mahhige, aga linawe ba rayige kana mahhi hagage?
|
||
\v 35 Mahhi inna wale hilu na dadik mawe ba waige tutu oma waleka hadauka dangadi dajalage ata dukage bana baitage. Iyayi kamangu katilluna kana range, yammani nyi kana range!”
|
||
\c 15
|
||
\cl Kawukku 15
|
||
\s Hatujja Bebbe Kabunga
|
||
\p
|
||
\v 1 Tangada ka kahhha walu katakku mono ata ka doku da daheka tabrai Yesus bada rangeyi-Nyi.
|
||
\v 2 Bege ata Farisi mono tangada ahli Taurat kapudage kanguruka, “Ata nadde hibayi ata doku mono lohho dummo na yayo dangadi yidda.”
|
||
\p
|
||
\v 3 Bege Yesus na takkiyi hatujja nada tabarada yidda, linage-Nyi,
|
||
\v 4 “Iyayi ta jongami nyi ba daka ngahu bebbena, mono bana bungaka wuyo, aika tanadi ka bani kabulu bani dihhana wadeka ta maradda? Nyi walena kakokna mayegani kajalora nada kahha bana jammuyi?
|
||
\v 5 Mono kole nyi jammuyi, nyi na lairuyi bebbe nadda ta balena mono hadda lagaharayi.
|
||
\v 6 Kole bana dikki ta umma, nyi enga kakona dikidi olena mono bara ummana lohho ba linna tabarada yidda, ‘Lagahara dangaga oro nauwa ug jammu beyi bebbegu kabunga.’
|
||
\v 7 Nauwa luguge tabaramu, tauda da dagela enga dage enge ate kahadda madakka ta surga ta barana wuyo ata jala ka jarra wali tabarada ka bani dihha kabulu bani dihhana ata katena ai kabaige jarra.
|
||
\s Hatujja Amaha Kaka Kabunga
|
||
\p
|
||
\v 8 Waleka aga lawaiyiyi kamangu kabuluna amaha kakana, nyi bana bungaka wu amahana, aina harewoka latti weyo mono habowe ummana, bana mayegani amahana nada kabunga kahha bana jammuyi?
|
||
\v 9 Mono, nyi bana tabo kayi, nyi naka maikadi olena mono bara ummana mono linage tabarada yidda, ‘Lagahara danga kiga oroge nauwa bagu taboka beyi amaha gu wu kabunga nadda.’
|
||
\v 10 Nauwa luguge tabarami, yauda dummogela enga dage ege ate tajongada tangada malaikat Allah oro wu ata doku kajarra.”
|
||
\s Hatujja Duda Ana Kabani Ana Kamurri Tanani Amana
|
||
\p
|
||
\v 11 Bege Yesus linage, “Dani wu ata kadudana ana kabanina.
|
||
\v 12 Ana kamurri linage tabara amana, ‘Ama, yigadi tabaragu ngawu hadaugu.’ Nyiwe, ama dumona na baweyi hapotena ta kadudana ana kabanina
|
||
\v 13 Walena moja hoge, ana kamurrina na kahhayi tangadi hadauna, lohho na kako ta wu hadau kama rau mono neda bali nyi na wala waidi hadauna radda waige bana morha wala waidi.
|
||
\v 14 Kole nyi bana beyi tangadi, na dadiwe kareba aika anana taha dau nedda, mono nyi dummo kapunage dabbowe halina.
|
||
\v 15 Nyiwe, kako nagege nyi mono ullana ta wu ata taha dau nedda, naha lewayi ta oma yidi ha yada wayina.
|
||
\v 16 Nyi na kab u atege ha ngihge tina waige karha kadodo ha yada wayi radda, tabolo wale lakma wuak ata ka yini tabarana. (Lakawa kamurri nada hagga ta amana)
|
||
\v 17 Kole ana kamurri nadda padage, nyi linage,’ Hada butayi ha ulla ta amagu dadi hayayo kama jabola, tabolo nauwa taha dau inne hodo mowe mate kalabagu.
|
||
\v 18 Nauwa kadeguge mono hagawa tabara amagu. Nauwa enga luguwa tabarana: Ama, nauwa ug jala bewa ta surga mono ta aromu.
|
||
\v 19 Nauwa walegu hilu marakkak mawa ba ana muga, hadak kaga nauwa ba ata halewa muga.’
|
||
\v 20 Nyiwe, dede nage nyi mono kako nage ta amana. Ta nyiduwe, kole anana nadda bana marauho, amana na etayi nyi mono na marabehawe atena, amana nadda malai nage lohho na yapuyi mono na ngak hayi.
|
||
\v 21 Bege, anana nadda linagr tabara amana, ‘Ama, nauwa ug jala bewage ta surga mono tabaramu. Nauwa waleg hilu marakkak mawa bamu anaga.’
|
||
\p
|
||
\v 22 Tabolo, amana nada linage ta ata paha lewana, ‘Gehami! Ngidi nadi kalabbena kahadda dahha lohho kamu tau nadi tabarana. Tau jala nani tawurru ta kalaraku limmana mono kopa leduna ta leduna.
|
||
\v 23 Ngidiyi nimmi ana hapi ka mugla mono rpoyila. Mai yitta kada yayo mono lagahara,
|
||
\v 24 oro anagu nadde na matebe, tabolo batauge morha haga nage! Nyi na bungab, e, tabolo batauge ug tabo ka beyi!’ Yiwe yidda dummo kapudage lagahara.” (Ana b'odi bani nage tabara amana)
|
||
\v 25 “Mahoggo inna ana b'odi tamra ta omayi, mono kole nyi bana dikki dahekawe ummana, nyi na rangeyi li jugga mono kanego.
|
||
\v 26 Nyiwe, nyi na kamaikani wu ata paha lewada nada mono naka nukkayi tutu agawe kadadi.
|
||
\v 27 Balehawe ata paha lewa nasdda tabarana, ‘Alimu hagga nage mono amamu na roponi ana hapi ka mugla, oro nyi bana hagga waina hoila.’
|
||
\p
|
||
\v 28 Tabolo, ana bodi nadda bani nage mono wale na auma tama dajalage amana huna mono na rainoni.
|
||
\v 29 Ta nyiduwe, nyi linage tabara amana, ‘Bi dauge nauwa bagu ulla bena hanukkuwu mono waleg kalik mawe tana guge parehamu, tabolo yau lohho walem kali yik maga nauwa wu aka kameme bodi dajalage nauwa dadiwe yayo ole dangadi olegu.
|
||
\v 30 Ta nyiduwe, kole anamu nadda hagga kole bana beyi ngawumu oledi lawai popara, ama um roponi ana hapi ka mugla tutuna.’
|
||
\p
|
||
\v 31 Nyiwe, amana belehawe tabarana, ‘Anagu, yau um ole hangataga nauwa, mono tangadi kadana yidda hadaum.
|
||
\v 32 Tabolo, laddo nehhe yidda da rai ulla dahho mono lagahara oro alimu nadda na matebe, tabolo batauge nyi na morha hagga; nyi na bungabe, tabolo batauge tabboka beyi.”’
|
||
\c 16
|
||
\cl Kawukku 16
|
||
\s Yitta Wale Na Dadik Mawe Hanukkuyi Duda Morida
|
||
\p
|
||
\v 1 Yesus linage tabara ana hakodo-Na, “Gani weu ata pote kadayo pa ama kaha nukkuyi. Mono, tabarana ata pote nadda da hadikkige nadda pa ama kaha nukuyi na wala wai bedi ngawuna.
|
||
\v 2 Oro inna, ata pote nada kamai kanai pa ama kaha nukuyi mono linage,’ Agawe nauwa harangegu tutumu inna? Yiwe taguna balehamu ta tangage ha ullamu oroge yau wale na hilu daduik mawe ba yau kanarrona amahagu.’
|
||
\p
|
||
\v 3 P ama kahanukkuyi nadda dummo ha ngadage,’ Agawe inna harayigu oro batauge morigu na pahubega wali taha ullagu? Nauwa walena tutuk mawe kulhagu tutu tabeka monno ug makkewa tutu karaiyo.
|
||
\v 4 Nauwa ug tadawe aga dahpwe harayigu dajalahge kole nauwa ba pahuga ba nauwa kanarrona amaha, ata enga hibadaga ta ummada yidda.’
|
||
\p
|
||
\v 5 Bege, nyi dummo naka maikadi tangada ata ka rai wutta tabara morina. Tabara ata kadihhana nyi linage, ‘pirrayi wuttamu tabara morigu?’
|
||
\v 6 Ata nadda balehawe, ‘Ngahu kadogiyi we Zaitun.’ Lohho, pa ama kaha nukuyi nada linage tabarana, ‘Ngalawe jurata wuttamu, gehawuge ngodo monom tolhayi limma kabulu kadogi.’
|
||
\p
|
||
\v 7 Bege pa ama kaha nukuyi nadda na kanukkayi tabarada ata wadeka, ‘Pirayi butadi wuttamu?’ Ata nadda balehawe,’ Ngahu raddiyi gandum.’ Nyiwe kanarrona amaha nada linage tabarana, ‘Ngalawege jurata wuttamu mono tolhayi wuttamu podo pata kabulu ditayi.’
|
||
\p
|
||
\v 8 Bege, ata pote nadda na daikayi pa ama ka hanukkuyi aika lurha nadda oro nyi bana rayina akala pa winni. Oro, anana panu tana inne rehi angta tutu orhayi ole atada wali ta ana magakaha.
|
||
\p
|
||
\v 9 Nauwa luguhge tabaramu, rayi dagela kaha ole atena waina amaha aika tena dajalage kole amaha rada dukkadi, miyo enga mai ngalami ta umma aika dukkana.
|
||
\v 10 Iya hing kayi ka mikku lari ta hada kamarraha, nyi na mikku lari ta hada kama dakka. Mono, iya hing kayi aika lurha lari ta hada ka marraha, nyi dummo wale na lurhakma ta hada kamadakka.
|
||
\v 11 Nyiwe, nyi miyo ai hatenami hanukkuyi ngawu panu tana, iya hoyi kaha tenami ta ngawu katau takka na tabarami?
|
||
\v 12 Mono, nyi miyo aina dadi kawe hatenami lari bamu waidi dau ata wadeka, iya dahoyi ka yigimi agayi katau takkana ka dadi ba daumuni?
|
||
\p
|
||
\v 13 Wale lakma kaha nukuwe ka dadi hanukkuyi duda morina oro nyi enga butu nani ate morina nada wuyo mono na baini nada morina wu wali. Waleka, nyi enga na dokuni tabarana morina nada wuyo mono na tau taipayi nada wuwali. Miyo wale na dadik mawe ha nukkuyi Allah mono amaha.”
|
||
\s Ha Namu Tutuda Ata Farisi
|
||
\p
|
||
\v 14 Ata Farisi, kabainadi amaha, rangewe hada inna mono da terekayi Yesus.
|
||
\v 15 Yesus linage tabarada yidda, “Miyo ata kaha tena dauwe tau daumi ta aro ole atami, taboloi Allah tadawe ngihi atemu katau takkana oro ha ha keketa dudummo ta jonga kadadi ata wuwe hada kama jigla ta aronai Allah.
|
||
\p
|
||
\v 16 Ukku P areha Taurat mono jurata tangada Nabi yidda paha nua kaha tai Yohanes; wali tai Yohanes, Liyo ege ate tutu kalingora nai Allah pa talara bewe mono tangana ata ha karuhhuyi tama neda lari.
|
||
\v 17 Ta nyiduwe katau takkana, rehi lewara hoge tuba langta mono tana kana bungawe wali ta wuyo hodiki lari ta ukku Taurat ba padekawe.
|
||
\s Tutu Pahewa
|
||
\p
|
||
\v 18 “Tangana ata kapa hewa dangani ole ummana mono ngala wali lawai heka, nyi rayi nage jala atana. Mono, ata ka ngalayi lawai kapa heswa danga beni laina, rayi jala nage jala atana.”
|
||
\s Ata Pote Monoi Lazarus
|
||
\p
|
||
\v 19 “Dani wu ata pote kawai duwana kalabbe kaba linen, mono dahhawe ha ngatawe halina bana majabola.
|
||
\v 20 Ta binna kalla umma ata pote nadda, na baika wu ata milla ka ngaranai lazarus, tauna banuge kara.
|
||
\v 21 Nyi na mannege yini ha yayo aga hingkayi ka monu wali ta meja dau yana ata pote nadda; lohho bagga amidi mono jalli nadi karana.
|
||
\p
|
||
\v 22 Diha wu hadakka, ata milla nadda mate mono da ngidiyi malaikat ta baba nai Abraham. Ata pote nadda dummo mate jala lohho tanini.
|
||
\v 23 Ta hadau ata mate, ba hama yillayi, ata pote nadda nata ngara mono na eta marau wuyi Abraham oleni lazaraus ta babana.
|
||
\v 24 Mono, ata pote nada na kawula, ‘Ama Abraham, manawara kiga nauwa mono halewa gani lazarus kana yak la gani layi karaku limmana ta weyo mono kana joja gage lammagu oro nauwa ojawa lari ta rewo latti inne.’
|
||
\p
|
||
\v 25 Ta nyiduwe Abraham linage, ‘Ana, apewela yau bamu morha howu, yau um hibba bewe tan hgage kadahha, taboloi lazarus na hibawe tangage hada aika kadahha; batauge, innei lazarus da aguyi, tabolo yau um mayillawu.
|
||
\v 26 Lohho dummo tangage inna, dage lirra kalla kaha watteda yitta dajalage ata kabaige pala wali inne taha daumu walena dadik mawe pala, mono ata taha daumu dummomu walena dadi jalak mawe pala taha dauma nami.’
|
||
\p
|
||
\v 27 Nyiwe, ata pote nadda linage, ‘Batau dage, nauwa ug raino gugu tabaramu Ama, halewak gani lazarus ta umma amagu,
|
||
\v 28 oro nauwa dadi limma angu wugu kabani. Pahai kani Lazarus kana hanamu dage yidda dajalage nimmi yidda ilda tama taha dau kama yilla inne.’
|
||
\p
|
||
\v 29 Ta nyiduwe, Abraham linage, ‘Yidda da daudi Ukku nai Musa mono jurata Nabi, pahai kadi yidda kada tadawe wali ta tangage inna.’
|
||
\p
|
||
\v 30 Linage ata pote nadda wali, ‘Walekma, Ama Abraham. Nyi wu ata wali ta jonga ata mate ammini tabarada yidda ubbu da jarra.’
|
||
\p
|
||
\v 31 Balehawei Abraham tabara ata pote nadda, ‘Nyi angu wumu aina rangeyi Ukkunai Musa mono jurata nabi, yidda wale na dadik mawe baha tada dage, langka wu ata ka kadde hingu kayi wali ta ata mate.”’
|
||
\c 17
|
||
\cl Kawukku 17
|
||
\s Jala Mono Ba Hawalina
|
||
\p
|
||
\v 1 Bege, Yesus linage tabara ana hakodo-Na, “Watu widda enga dahinguna, tabolo li lokowela ata kaha oro nadda.
|
||
\v 2 Rehi na dahha dahoge wuyo watu ngodo ba katti nani ta kokona mono nyi ba baitani lari ta bannu ba hilu nyi dalli watu widda tubada lakawa marraha nadde.
|
||
\p
|
||
\v 3 Hamataragela! Nyi angu wumu bana rayi kana jala ta baramu, ha ape kini nyi; nyi nyi bana tana duge jalana, ha wali kini nyi.
|
||
\v 4 Lohho, nyi nyi bana jalaka tabarami hapitu wuddana inna dihha laddo, mono hagga tabaramu pittu wudda hagapege ba linna, ‘Nauwa ug paddage,’ ha wali kini nyi.”
|
||
\s Biktage Hatena
|
||
\p
|
||
\v 5 Lidage lede lina radda tabaranai Mori, “Tabak mage hatenama nami!”
|
||
\p
|
||
\v 6 Balehawei Mori tabarada yidda, “Nyi miyo ba dakage hatenami langka wu wiha watti kawe, miyo dadiwe ba limmige tabara pu yayu murbei nadde,’ Ma batuwu wali ta tana mono ma tehka dawu ta bannu,’ mono pu yayu nadda emga ha dokuna ta baramu.”
|
||
\s Ata Paha Lewa Dokuge Parehana Morina
|
||
\p
|
||
\v 7 “Iya duyi wali ta jongami kadayo ata paha lewana, katamrana karekata waleka jawa ranga, enga ka linna ta ata paha lewana nadda kole nyi bana hagga wali ta omana, ‘Mai, ngodowu ge mono kamu yayo?
|
||
\v 8 Nyi wale linna dage bana hanewe tabara ata paha lewana nadda, ' Ha inyakaga hayagu mono tau kalabbe kadahhaki bamu hanukkuwa ba tamragu nauwa yayo mono enu. Beyo inna, ubbum yawu mono enuwu?
|
||
\v 9 Appa nyi enga wai kiwu linakge tabara ata paha lewana nadda oro bana dokuge paha rehana?
|
||
\v 10 Tauda dummo nage miyo. Nyi miyo bamu rayi bege tangage paha rehagu tabaramu, miyo geha limmimi, ‘Nami ata paha lewama ai kamangu hina. Nami dukka rayige agawer dahhowe ha rayima.”’
|
||
\s Kabullu Ata Katobi Paha Tagaha
|
||
\p
|
||
\v 11 Nutu ta lara Nyi bana aro ta Yerusalem, Yesus na liyo nama tayi dau dukage Samaria mono Galilea.
|
||
\v 12 Bana tama ta dihha wu deha, Nyi na dikki di kabulu ata katobi ka dede dikka rau tabara-Na,
|
||
\v 13 mono yidda da kawula waige lida kadahhaki, “Yesus, Guru, manawara ki gama nami!”
|
||
\p
|
||
\v 14 Kolei Yesus etayi yidda, Nyi linage tabarada yidda, “Kakomge mono hatingoge taumu tabrada rato-rato.” Mono, kole yidda ta tillu larayi, yidda da tagaha.
|
||
\v 15 Kole wuyo ata wali ta jongada yidda etawe tauna bana tagaha bewe, nyi na hagga mono daikayi Allah waige lina kadahhaki,
|
||
\v 16 lohho naka wojo ta koko ledunai Yesus mono wai linage tabara-Na. Ata nadda wuyi ata Samaria.
|
||
\v 17 Bege, Yesus linage tabarana ata nadda, “Walle kabullu kadumi ata katagahabe? Gikadudi kabani dihha ata wadeka?
|
||
\v 18 Wale lakma ta jongada yidda ka hagga manadai Allah likkena wali ta ata li palaka mnadde?
|
||
\v 19 Nyiwe, Yesus linage tabarana, “Kaddewu mono kakowula, hatenamu na pahoila bewu.”
|
||
\s Ammige Kalingora Parehanai Allah
|
||
\p
|
||
\v 20 Kole ba kanukkayi kapirana ata Farisi tutu pirrage Kalingora nai Allah ba ammige, Yesus balehayi yidda waige ba linna, “Kalingora nai Allah enga amige wale lakma tadka pa eta,
|
||
\v 21 lakma ata kalinna, ‘Etawe, Kalingora nai Allah dage inne!” waleka ' Kalingora nai Allah dage neda bali!’ oro katau takka na Kalingora nai Allah dage ta jongami.”
|
||
\p
|
||
\v 22 Bege, Yesus linage tabara ana hakodo-Na, “Enga dikkege rahige mi kabu ate hingge wu laddo wali ta tangadi laddo Anana kadadi Ata, tabolo mi walem etak mayi.
|
||
\v 23 Ata enga lidage tabarami, “Etayi, neda bali!’ waleka ' etayi inneyi!’ Ta nyiduwe, mi ilam kakomi mono dokudi ata rada.”
|
||
\s Maina Anana Kadadi Ata
|
||
\p
|
||
\v 24 “Oro katujjana kamillaka ka lolloka wali ta huppu langta wu kahha ta huppu langta wadeka, tauda dagela Anana Kadadi Ata ta laddo-Na.
|
||
\v 25 Ta nyiduwe, Anana Kadadi ata na pada ullu hoge ka butala kamayilla mono da tularani dalara ata radde.
|
||
\p
|
||
\v 26 Mono, katau dana kadadibe ta laddo ta morhanai Nuh, tauda dummoge nimmi ta laddo Anana Kadadi ata.
|
||
\v 27 Ata yayo mono enu, ha ummana mono baha ummayi kahha ta laddo nai Nuh tama lari ta tena mono ammini lai weyo kalla lohho ha mateyi tangada yidda.
|
||
\p
|
||
\v 28 Merage hadage ka dadi ta morhanai Lot, inna na ata da yayo, enu, hiyo, malajana, taddona, mono hakaddewe.
|
||
\v 29 Tabolo, ta laddo kolei Lot ija kage Sodom, latti mono karabka kadadi latti monuyi wali ta langta tujai urra mono hamateyi yidda tangada.
|
||
\v 30 Tauda dagela hadage ta laddo kole Anana Kadadi ata bana dedowe.
|
||
\p
|
||
\v 31 Ta laddo inna, iya hingu kayi katamra innana ta toko ummana, mono ngawuna dadi lari ta ummana, nyi ilna burruka bana ngalayi; mono iya hingu kayi katamra ta omayi, nyi ilna hagaka.
|
||
\v 32 Apewela agawe kadadi ta ole ummanai Lot!
|
||
\p
|
||
\v 33 Iya hinguka karunnige karawawe ngahuna, enga bungage ngahuna. Mono iya hinguka kabunga ngahuna, enga pa manemarayi.
|
||
\v 34 Nauwa luguge tabaramu, gaddi inna enga dadi duda ata ka dura ta wuyo hadau dura. Ta nyiduwe, nada wu ata enga ngidyi, ta nyiduwe wadeka enga tanadi.
|
||
\v 35 Duda lawai enga bai dabada gandum. Nada wu ata enga ngidiyi, tabolo wadeka enga tanadi.
|
||
\v 36 [Tauda dummoge duda ka ullana ta oma, nada wuyo ata enga ngidiyi, tabolo wadeka enga tanani.”]
|
||
\p
|
||
\v 37 Nyiwe ana hakodona kanukkawe tabrai Yesus, “Gini, Mori?” Balehawei Yesus tabrada yidda, “Ba gi dau dage karogo, neda dummoyi wikta enga makahhada.”
|
||
\c 18
|
||
\cl Kawukku 18
|
||
\s Hatujja Tutu Hakim Mono Lawai Balu
|
||
\p
|
||
\v 1 Bege, Yesus natakkiyi wu katujja tabara ana hakodo-Na tutu takki dage yidda inna yidda bada sembayang hangata hona mono ilda maraha ateka.
|
||
\v 2 Lenage, “Ta dihha wu harona, dani wu hakim aika madautani Allah monp ai ka hiyo ata wadeka.
|
||
\v 3 Ta harona nedda, dani wu lawai balu kamai hakita ta hakimu nadda mono linage, ‘Um yikiga katijana tabaragu bagu aroni gabagu.’
|
||
\v 4 Tutu kapirrana mahiggo, hakim nadda wale na auma tulluni lawai balu nadda. Ta nyiduwe, bege hakim nadda linage lari ta atena, ‘Lokko nauwa aig madauta duni Allah mono aig hiduyi langka iya hinguyi,
|
||
\v 5 tabolo oro lawai balu nadde mai ha ngattana regawa, nauwa enga yiguni katijana tabarana dajalage nyi ilna hamayillawa nauwa waige bana mai hangatana inna.”’
|
||
\p
|
||
\v 6 Nyiwe, Mori linage, “Rangwela agawe ha takkina hakim ai katijana nadda.
|
||
\v 7 Nadai Allah walena yikakna katijana tabarada ata ha pede-Na ka wula tabara-Na laddo mono gaddi? Appa Nyi naha dikki dudummoge kaha bana mojage tulludi yidda?
|
||
\v 8 Nauwa luguge tabaramu, Nyi enga geha yiwe katijana tabarada yidda. Ta nyiduwe, kole Anana Kadadi ata ammini, appa Nyi nadikki kaduge hatena tapanu tana?”
|
||
\s Hayujja Tutu Ata Farisi Mono Ka Kahha Walu Katakku
|
||
\p
|
||
\v 9 Yesus dummo naha dillige hatujja inna tabarada kapirana ata kaha ngara wikkina tena mono ka torro hali bawadi ata wadeka.
|
||
\v 10 “Dadi duda ata ka kao ta Umma Allah sembayangna. Nada wuyo nyi ata Farisiyi mono nada wu wali ata ka kahha walu katakkuyi.
|
||
\v 11 Ata Farisi nadda dede mono na takkiwe sembayangna tutui tauna, ‘O, Allah, nauwa ug hibawe manawara tabara-Mu oro nauwa walegu tujjak mayi ata wadeka; katauna kama pahla, matipu, kajala dadi atana, waleka lohho katujjana ka kahha walu katakku nadde.
|
||
\v 12 Nauwa ug kabuktawa haduna dihha miggu, nauwa ug yiwa manuta wali ta tangadi hakolegu.’
|
||
\p
|
||
\v 13 Ta nyiduwe, nade ka kahha walu katakku dede dika rau nage, lohho walena tangarakma ta langta. Gaba dalige, nyi na paluwe kurruna hagapege ba linna, ‘O, Allah. Maradda kiga ate tabragu, ata jala.’
|
||
\v 14 Nauwa luguge tabaramu, ka kahha walu katakku nadda hagga ta ummana ba ata karehi tenayi wali ta ata Farisi nadda oro ata kaha madehta wikina enga ha bawayi, mono ata ka haliyo bawa wikina enga hama dehtayi.”
|
||
\s Yesus Mono Lakawa
|
||
\p
|
||
\v 15 Nyiwe, ata da ngidiyi anada yidda kamarahaho tabarai Yesus kana kaajama kayi Nyi. Ta nyiduwe, kole ana hakodo etayi, yidda kapu dage dbanidi rada ata.
|
||
\v 16 Tabolo, Yesu na kamaikadi lakawa radda kapiku maida tabara-Na mono linage, “Yamma gafdi lakawa rada kada mai tabara-Gu, ilam heri kaddi yidda oro Kalingora parehai Allah dau dage yidda ata katauda dana radde.
|
||
\v 17 Nauwa luguge katau takkana tabarami. Iya hingu kayi aika hibawe Kalingora perehai Allah katuajana lakawa marraha nadde, nyi walena kali tamakma neda lari.”
|
||
\s Ata Pote Mono Kalingora Nai Allah
|
||
\p
|
||
\v 18 Dani wu pa amada yidda kaka nukka tabaranai Yesus. “Guru agawe kadahha, aga dahowe harayigu kagu dau ge morha ai kamangu dukkana?”
|
||
\p
|
||
\v 19 Balehawei Yesus tabarana, “Ahha yau mamu takkiwa nauwa dahha? Lahingmana wu ak ata kadahha dukka hei Allah.
|
||
\v 20 Yau um tadayi ukku peraha radde: ‘Ilam lokana olem, ilam hamatewu ata, ilam kedu kawu, ilam ngidi kawe hanewe paleka, lohho hikiyi amamu mono inyamu.’”
|
||
\p
|
||
\v 21 Balehawe ata nadda, “Nauwa uk doku bedi tangadi rada wali bagu bodi howa.”
|
||
\p
|
||
\v 22 Kolei Yesus bana rangeyi, Nyi linage tabarana ata nadda, “Dahoge wu hada ai harayi homu. Malajadi tangadi hadaumu mono bawe dadi ata milla, nyiwe yau enga dau mudi ngawu ta sorga; mono mai kamu dokuga Nauwa.”
|
||
\v 23 Kole ata nadda rangewe hatakki nai Yesus, nyi na maropowe atena oro nyi ba kahadda poteyi.
|
||
\p
|
||
\v 24 Bege Yesus na toroyi nyi mono linage, “Hadda mayillage ata pote bana tama ta kalingoranai Allah!
|
||
\v 25 Lohho, rehi lewara hoge wu unta bana tama liyo ta kabonga kariha wali ta ata pote bana tama lari ta kalingorai Allah.”
|
||
\s Kadokuni Yesus Enga Hiba Dage Morha Aika Dukana
|
||
\p
|
||
\v 26 Ata karangewe hatakna inna lidage, “Nyi bataudage, iyayi kadadi paha mane mara?”
|
||
\p
|
||
\v 27 Bale hawei Yesus, “Agawe ai kamoda tubana kadadi ata na dadiwe tabaranai Allah.”
|
||
\p
|
||
\v 28 Nyiwe, Petrus linage, “Etawege, nami ma tanna bedi tangadi nami hadauma mon dokugu Yau.”
|
||
\p
|
||
\v 29 Yesus linage tabarada yidda, “Nauwa luguge katau takkana tabarami, wale wu hingmana ata katanadi ummana, ole ummana, ole baina, ata katuna, waleka anana oro kalingorai Allah,
|
||
\v 30 aika hibbawe hada inna haduyo malapta inna ba tauge, mono nimmila, haluguna morha aika dukkana.”
|
||
\s Takkiwe Tutu Matena Mono Kaddenai Yesus
|
||
\p
|
||
\v 31 Nyiwe, Yesus na ublayi kabullu duda ana hakodo-Na mono linage tabarada yidda,” Rangewe, yita kada kako ta Yerusalem mono tangadi hatolha beda tangada Nabi tutu anana kadadi ata enga na banu hoge.
|
||
\v 32 Nyi enga yihoyi tabarada ata aika tadayi Allah. Nyi ennga terekahoyi, hama yillayi, mono data rummiyi.
|
||
\v 33 Mono, kole yidda bada paluyi-Nyi, yidda enga hamate dani-Nyi. Ta nyiduwe, ta laddo hatauda wai, Nyi enga kadde haggana.”
|
||
\v 34 Tabolo, tangada ana hakodo wale da yappak mawe wu ak wali ta hada inna. Agawe ngihige hanewe inna nakabunyiwe tubada yidda dajalage yidda wale da yapak mawe agawe inna hatakkina.
|
||
\s Yesus Na Hatagahayi Ata Moro
|
||
\p
|
||
\v 35 Ba hodi mowe Yesus dikina ta harona Yerikho, dani wu ata moro ka ngodo ta huppu lara hagapege bana ha joladi limmana karai.
|
||
\v 36 Kole ata moro nadda rangeyi ata buta kapalaka, nyi naka nukawe agawe kadadi.
|
||
\p
|
||
\v 37 Mono, ata lidage tabarana, “Yesus wali ta Nazaret tamrana palaka.”
|
||
\p
|
||
\v 38 Nyiwe, ka wula nage ata moro nadda, “Yesus, Anai Daud, manawara kiga nauwa!”
|
||
\p
|
||
\v 39 Ata ka ullu kako ta aroda ata buta, da banini ata moro nadda mono da halewayi kadanna. Ta nyiduwe, nyi engana kiki waddige kawulana, “Anai Daud, manawara kiga nauwa!”
|
||
\p
|
||
\v 40 Nywei Yesus na ngahu mono naha lewayi ata moro nadda ngidiyi tabara-Na. Kole ata moro nadda daheka, Nyi nakanukayi tabarana,
|
||
\v 41 “Agawe ha kabu atemu harayiGu tabaramu?” Ata moro nadda balehawe, “Mori, nauwa ug kabu atege matagu kana eta haggayi.”
|
||
\p
|
||
\v 42 Yesus linage tabarana, “Karaiwula, hetenamu naha tagaha bewu.”
|
||
\p
|
||
\v 43 Inna memma dummo, nyi dadiwe bana eta mono kapunage dokuni Yesus hagapege bana daikayi Allah. Kole ata buta etawer hada inna, yidda dummo da daikayi Allah.
|
||
\c 19
|
||
\cl Kawukku 19
|
||
\s Yesus Monoi Zakheus
|
||
\p
|
||
\v 1 Nyiwe, tama nagei Yesus mono na palakawe harona Yerikho.
|
||
\v 2 Neda bali dani wu kabani ka naranai Zakheus, nyi wuyi pa ama ka kahha walu katakku mono ata pote.
|
||
\v 3 Nyi na kabu etege etayi Yesus, tabolo walena dadikmawe oro hatoda ata buta; oro tauna pada ka kiwr.
|
||
\v 4 Nyiwe, Zakheus malai nage ullu wali ta ata buta mona na panne ta bu pu yayu kapullota kapiku eta nani Yesus oro Nyi bana lida ta lara inna.
|
||
\v 5 Kolei Yesus dikki taha daunai Zakheus, Nyi na tangara mono linage tabarana, “Zakheus, geha burruwu ge oro laddo nehhe Nauwa ug dau dahowa ta ummamu.”
|
||
\p
|
||
\v 6 Nyiwe, Zakheus dummo geha burru nage mono na hibayi Yesus waioge lagahara.
|
||
\v 7 Tabolo, kole tangada ata etawe hada inna, yidda kapudahge ka ngurruka mono lidage, “Nyi na dadiwe hakulla ta ummana wu ata ka jala.”
|
||
\p
|
||
\v 8 Bege, Zakheus na dede mono linage tabarai Mori, ‘Mori, etayige wahokadi wali taha dauwugu enga yigudi ta ata milla, mono nyi nauwa bagu kabal kanadi ngawuna wu ata, nauwa ug pahagga nadi pata wudda malapta.”
|
||
\p
|
||
\v 9 Nyiwe, Yesus linage tabaranai Zakheus, “Ta laddo nehhe, manemara ammige ta umma inne oro ta nadde dummo anai Abrahamuyi.
|
||
\v 10 Oro, Anana kadadi Ata na mai mayegani mono pahoilayi ata kabunga.”
|
||
\s Ata Paha Lewa Ka Mikku Mono Ata Paha Lewa Kajapata
|
||
\p
|
||
\v 11 Tamrada yidda bada rangewe tangage inna, Yesus naha ngatage halarayi wu hatujja oro Nyi bana daheka ka bewe Yerusalem mono oro yidda bada yappawe inna Kalingora Parehanai Allah enga geha dikkiwe.
|
||
\v 12 Oroge inna, Nyi linna dumoge,” Wu ata marabba kako ta dihha wu hadau kama rau kapiku keketayi dadi raja, mono be inna ge nyi ubna hagga.
|
||
\v 13 Bege, ha ama nadda na kahhayi kabulu ata kaha nukkuyi mono na yidi yidda amaha kabulu aru pi. Linage tabarada yidda, ‘Daga waidi amaha radda kahha bagu haggawa.’
|
||
\v 14 Ta nyiduwe, ata ole kabihuna da butuni ate nyi mono naha ngidina kajeluyi kole nyi bana kako kapiku linna, ‘Nami walema bai mani ata nadde dadi raja ta nami.’
|
||
\p
|
||
\v 15 Kole ba keketayi dadi raja, marabba nadda hagga mono naha rehayi atana ha yibena amaha radda kamai kadi aroni dajalage nyi tadawe ba piradi butadi ha utuda yidda hakoleda wali bada dagana.
|
||
\v 16 Ata kadihha kana ammini mono linnage, ‘Mori, amaha ka dihha aru pina hadaumu nadda na dadi kabulu aru pibe.’
|
||
\v 17 Raja nadda linage tabarana, ‘Dahha takkawe, ta yau ata paha lewa kadahha! Oro bamu mikkuwu lari ha orha ka marraha, yau um harehawu ta kabulu harona.’
|
||
\p
|
||
\v 18 Ata kadudana dummona ammini mono linage, ‘Mori, wu amahamu nadda nadadi limma be amaha.’
|
||
\v 19 Nyiwe, ha ama araja nadda linage ta barana ata paha lewa nada, ‘Um daudi yau ka limmana harona.’
|
||
\p
|
||
\v 20 Bege, ammi walini ata wali wuwali mono linage, ‘Mori, nadde amahamu lka wuna hadaumu nauwa ug kaboroni ta kaba.
|
||
\v 21 Nauwa ug madautag tabaramu oro yau ata kakublawu. Yau um ngalawu agayi ai hakali ijalamu mono ma ngattiwu wali ai hakali taddomu.’
|
||
\p
|
||
\v 22 Bege, raja nadda linnage tabarana, ‘Nauwa enga yigu rakkamu dokuge hatakkimu, ta yau ata halewa kajapata! Nyiwe, yau um tadawe inna nauwa ba ata ka kuplawa, ka ngala agayi ai kali ijalagu mono kama ngatti aiha kali ha taddogu?
|
||
\v 23 Bataudage, ahha yau aim yi gani amahagu ta ata ka hakako amaha dajalage kole bagu haggawa, nauwa kagu hibayi amahagu nadda lohho bungana?’
|
||
\v 24 Lohho, raja nadda linage tabara ata kadede taha dau nedda, ‘Nagalayi amaha nadda wali tabarana mono yiyi ta ata kamangu amaha kabulu aru pina.’
|
||
\p
|
||
\v 25 Tabolo, yidda lidage ta bara pa ama raja, ‘Mori, atam nadda dabedi kabulu aru piyo amahana.’
|
||
\p
|
||
\v 26 Balehawe raja nadda, ‘Nauwa luguge tabaramu, tabara tangana ata kamanguna enga yiha rehini, tabolo wali ta ata ai kamanguna aga hing kana, tangadi hadauna enga ngalayi.
|
||
\v 27 Ta nyiduwe, tutu muhhugu ai kabu atega nauwa dadi raja ta barada yidda, ngidiyige yidda nimmi mono hamateyige yidda ta arogu.”’
|
||
\s Yesus Hibayi Ba Rajayi
|
||
\p
|
||
\v 28 Kolei Yesus bana takkiyi tangadi radda, Nyi na kako ullu hodi aro ta Yerusalem.
|
||
\v 29 Kole Nyi bana dikki tabara deha Betfage mono Betania, dahekawe letena kangarana lete Zaitun na, Nyi naha lewayi duda ana hakodo-Na.
|
||
\v 30 Linnage-Nyi tabarada yidda, “Kakomge ta deha inna ta aromi. Mono, kole mi tamami nedda bali, mi enga eta mini wuyo ana keledai ha katti mono wali na kali kaletek mahoyi ata. Laddani ana kaledai nadda mono ngiyige nimmi.
|
||
\v 31 Nyi ba daka ata kanukkami tabarami,’ Ahha mi mami ngalayi keledai nadda?,’ Limmi dage: I Mori kawaini.”
|
||
\p
|
||
\v 32 Nyiwe, kako dage anaha kodo halewa-Na radda mono da tabokawe tangage dokuge hatakkina Nyi tabarada yidda.
|
||
\v 33 Ba tamrada laddani ana keledai nadda, morina na kanukayi yidda tabarada, “Ahha miyo mami laddani ana keledai nadda?”
|
||
\v 34 Yidda dummo balehawe, “Mori nyi ka waini.”
|
||
\p
|
||
\v 35 Nyiwe, yidda da ngidiyi ana keledai nadda tabarai Yesus mono da iajalayi kalabeda ta panu kebedona keledai nadda, begge na pannei Yesus ta bedona.
|
||
\v 36 Kolei Yesus lida ta lara nadda, ata ta ha; lakarayi kalabeda yidda ta lara.
|
||
\p
|
||
\v 37 Mono, kole Yesus bana kiki dahekawer Yerusalem, inna talara kaburru wali ta lete Zaitun na, tangada ka dokuni-Nyi halege dage daikayi Allah waige lagahara mono lida kadahha. Yidda wai lidda tabarai Allah tangage harayi bena tabarada yidda ha etada.
|
||
\v 38 Yidda da kawula, “Maringi kana Nyi ka mai ba wuyi Raja lari ta ngaranai Mori, Moli kamaringina ta sorga m ono manadana taha dau ka hadda madehta!” \rq Mazmur 118:26 \rq*
|
||
\p
|
||
\v 39 Kapirana ata Farisi wali ta ma ublana ata buta radda lidage tabarai Yesus, “Guru, pedekayi ana hakodoMu.”
|
||
\v 40 Ta nyiduwe, Yesus na balehayi, “Nauwa ug takki mige tabarami, nyi yidda bada kadannaka, watu raddege enga kawulada.”
|
||
\s Yesus Na Hoge Yerusalem
|
||
\p
|
||
\v 41 Ba kolei Yesus ba manari dikki nage Yerusalem mono etawe harona inna, Nyi dummo na hoge.
|
||
\v 42 Lina-Ge, laddo nehhe yau bamu tada hewe agawe kaha dukkege moli kamaringina tabaramu. Ta nyiduwe, batauge hada inna naka bailage tamatamu.
|
||
\v 43 Oro, enga ammige rahige kole muhhumu enga ha kadde dage gallu watu likko ka killoragu mono da ligimi wali ta gihingna.
|
||
\v 44 Yidda en ga hata bohta gimi, yau lohho anami kaha todana ta gallu watumi. Mono, yidda waleda belukma wu ak watu paha ditra ta panu watu wadeka neda lari oro yau aim tada mowe rahige nadai Allah bana dikkigu.”
|
||
\s Yesus Na Wugayi Ata Kama Lajana Ta Ummanai Allah
|
||
\p
|
||
\v 45 Bege, Yesus na tama ta Ummanai Allah mono na wugayi ata kama lajana neda bali.
|
||
\v 46 Linage-Nyi tabarada yidda, “Dage kama tolha: ‘Umma-Gu na dadi hadau sembayangwe,’ tabolo mi um hadadige hadau ata karebo!”
|
||
\p
|
||
\v 47 Lohho, Yesus na hanuadi ta Ummanai Allah nahiyi laddo. Tabolo, rato-rato, ahli taurat, mono pa ama kabihu ata rada da mayegana hada kapiku hamateyi-Nyi.
|
||
\v 48 Ta nyiduwe, yidda wale da tadak mawe aga linna dawe bada rayige oro tangada ata da jurta hadida rage hatakkinai Yesus.
|
||
\c 20
|
||
\cl Kawukku 20
|
||
\s Kanukka Tutu Bikta Parehanai Yesus
|
||
\p
|
||
\v 1 Dihha wu laddo, kolei Yesus tamrana hanuana ata buta ta Umma Allah mono talarage liyo ege ate, rato-rato kapala mono ahli-ahli Taurat oledi bai ata ammidi tabara-Na.
|
||
\v 2 Yidda lidage tabara-Na, “Takki mage tabarama nami bikta pareha agawe Yau bamu rayige hada inna? Waleka, iya ka yiguge-Yau bikta pareha inna?”
|
||
\p
|
||
\v 3 Balehawei Yesus tabarada yidda, “Nauwa dummo enga kanukka gimi wuyo kanukka tabarami. Balehawa Nauwa,
|
||
\v 4 gi dau walige harihanai Yohanes? Wali ta surga waleka wali ta kadadi atawe?”
|
||
\p
|
||
\v 5 Yidda da woroge hada inna ta jongada yidda waige balidda, “Nyi yitta bada balehayi, ‘Wali ta surga,’ Nyi enga linage, ‘Ba taudage, ahha mi walem hatenayi Yohanes?’
|
||
\v 6 Ta nyiduwe, nyi yitta ba liddage, ‘Wali ta kadadi atawe,’ tangada ata enga tukku dada yitta kahha bada mate oro yidda dahatenawe nadai Yohanes ba wuyi Nabi.”
|
||
\v 7 Nyiwe, yidda dummo da balehawe inna yidda ai da tadawe ba giyo dau walige hariha inna.
|
||
\p
|
||
\v 8 Bege, Yesus linage tabarada yidda, “Batau dage, Nauwa dummo waleg takki jalak mige waige kawaha iyana Nauwa bagu rayidi hada radda.”
|
||
\s Hatujja Tutu Tangada Paha Hewa Ta Oma Anggur
|
||
\p
|
||
\v 9 Lohho, Yesus naha larayi wu hatujja nada tabara ata buta, “Dani wu ata kataddoge oma anggurna lohho na kahewawe tabarada kapirana ata, mono kako nage ta wuha dau kama rau na moja hona.
|
||
\v 10 Kole ba rahi kopiyi bana dikkiwe, nyi naha lewayi wu ata kaha nukkuyi kako taka ullana radda dajalage yidda kada yiyo wadeka tabarana wali ngihi oma anggur rada. Ta nyiduwe, tangada ka ullana rada da paliyi paha lewa nadda mono da wugayi hagga waina limma kaluyo.
|
||
\v 11 Mono nyi dummo naha lewa liyi ata wadeka, tabolo ata rada kaullana da paluyi ata paha lewa nadda mono da rayi nage kahadda aita, lohho da wugayi kako waina limma kaluyo.
|
||
\v 12 Lohho. Mori oma angguru nadda naha lewayi ata ha tauda wai tabara tangada ka ullana rada, ka ullana radda dummo dahha manuyi ata paha lewa nada mono da wugayi huna.
|
||
\p
|
||
\v 13 Mori oma nadda dummo linage, ‘Aga dahhona ha rayi-Gu? Nauwa enga halewa guni Ana-Gu hama nawara-Gu, yidfda enga ha aka dagani.’
|
||
\v 14 Kole ata ka ullana rada etayi anana mori oma, yidda da woroge dihha-dihha, ‘Nyi kadauge oma anggur inna, inna maida yitta kada hamateyi nyi dajalage hadauna radda kana dadiwe bada daudi yitta!’
|
||
\v 15 Bege yidda dummo da tukkuyi lakawa nadda ta bali oma anggur mono daha mateyi. Nyiwe, aga dawe harayina mori oma anggur nadda tabarada yidda?
|
||
\v 16 Nyi enga ammini mono naha lilokodi ata radda, lohho na kahewawe omana ta ata wadeka.” Kole ata buta rangeyi liha tujja nadda, yidda lidage, “Ilna dikki kawe dadi hada inna!”
|
||
\v 17 Ta nyiduwe, Yesus na torroyi yidda mono linage, “Nyi bataudage, agawe ngihhige inna: ‘Watu ha baitada tukkang umma na dadi watu hadda’? \rq Mazmur 118:22 \rq*
|
||
\v 18 Ata kabukka ta watu nadda enga mukkana kahha bana kajikna mono iya dummoyi ha birakana watu nada enga mauhana!”
|
||
\p
|
||
\v 19 Kole ahli-ahli Taurat mono tangada rato kapala tadawe nada hatujja tuba tutuda yidda, yidda da kabu atege yappayi Yesus inna mema dummo. Ta nyiduwe, yidda da madautadi rada ata buta.
|
||
\s Kanukkawe Tutu Bayarana Walu Katakku
|
||
\p
|
||
\v 20 Bege, tangada ahli Taurat da hamatarani Yesus mono hangididi kapirana ata kaha matarani ka kobo ateda yidda kana dadiwe mayegani jalanai Yesus waige bada kanukkayi dajalage yidda dadiwe yapayi-Nyi dokuge hatakki dauna Nyi maono yiyi Nyi ta limmada ka kawaha mono hadauna Gubernur.
|
||
\v 21 Ata paha lewa radda dummo da kanukka tabaranai Yesys, “Guru, nami ma tadawu Yau hatakkimmu mono hanuamu na tenayi. Yau dummo walem hawattek mana ata, tabolo um halarayi lara nai Allah lari katena.
|
||
\v 22 Apapa nami dadi kakwe bayarana walu katakku ta Kaisar ba walekka?”
|
||
\p
|
||
\v 23 Ta nyiduwe, Yesus na tadawe ta melhage ta bada yidda mono linage tabarada yidda,
|
||
\v 24 “Um hatingo hola gani tabara-Gu walla amaha dinar. Hada mono hatolha iya nage kadana ta amaha inna? Balehada yidda, “Hada mono hatoha Kaisarwe.”
|
||
\p
|
||
\v 25 Nyiwe, Yesus linage tabarada yidda, “Nyi bataudage, yikiyi ba agayi hadauna Kaisar, mono yikiyi tabaranai Allah agayi hadaunai Allah.”
|
||
\p
|
||
\v 26 Nyi dawege, ata rada walena dadik mawe bana hirra Yesus waige hanewe dauna-Nyi ta aro ata buta; yidda daha ngatara inna baleha-Na mono da kadanna.
|
||
\s Kanukkada Ata Saduki
|
||
\p
|
||
\v 27 Bege, ammidi tabaranai Yesus kapirana ata Saduki, yidda kalibbo ata ai kaha tenawe ba dage kadde hagga, mono da kanukka tabara-Na,
|
||
\v 28 “Guru, Musa na tolhawe tubada yitta, nyi wu kabani mateka, tabolo nyi dani ole ummana mono wale lakma anana, angu wuna na ole umma dahoni lawai balu nadda mono da dalidi anana tubana.
|
||
\v 29 Linna dawe, dadi pittu ata ka angu wuna. Anguna kadihhana na ha ummana, tabolo mate wale lakma anana.
|
||
\v 30 Bege, angu wuna ha duda wai na ole umma walini lawai balu nadda mono mate jala lajalakma anana.
|
||
\v 31 Lohho, angu wuna ha tauda wai ole umma walini lawai nadda mono hada inna dadiwe kahha ta angu wuna ha pitu wai, tabolo yidda tangada mate lajalakma anada.
|
||
\v 32 Kapodi gege, lawai nadda dummo mate.
|
||
\v 33 Oro batau dage, ta laddo yige rakage, iya dayi laina lawai nadda oro ba pittudi ka ha angu wuna radda bada ole umma beni?”
|
||
\p
|
||
\v 34 Bale hawei Yesus tabarada yidda, “Ata ta mahiggo nehhe kaha ummana mono paha umma,
|
||
\v 35 tabolo ata kama rakka tutu kolege hadauna lari ta panu tana nimi ka ammina, mono lari ta kadde hagga wali ta jonga ata mate, enga wale hilu ha ummak madi mono ha ummak mana.
|
||
\v 36 Yidda wale na dadik mawe mate lage oro yidda hamera dangadi tangada malaikat. Yidda ananadi Allah oro yidda ba ha kadde hagga beduyi wali ta mate.
|
||
\v 37 Lohhoi Musa naha tigoge tutu kadde wali ta ata matelari tubage hatolha tutu tara warri kamuttu. Neda lari inna, Mori da hangar dani ‘Allah Abraham, Allah isahak, mono Allah Yakub.’
|
||
\v 38 Nyi walei Allah ata kamatek mayi tabolo Allah ata kamorhayi, oro tangada kamorha ta aro-Na.
|
||
\p
|
||
\v 39 Beyo innage, kapirana ahli Taurat lidage, ‘Guru, balehamu wingiwe.”
|
||
\v 40 Mono, wale hilu lakma ata kabani atena kanukayi tabara-Na.
|
||
\s Kristus Nyiknai Mori
|
||
\p
|
||
\v 41 Bege, Yesus linage tabarada yidda, “Aga linak kawe bana dadiwe ata nadai Kristus ba Ana nani Daud?
|
||
\v 42 Inna lari ta jurata lawiti, Daud wiki dau linnage, ‘Mori Allah linage tabara morigu, “Ngodowuge tabbara limma kawana-Gu,
|
||
\v 43 kahha Nauwa bagu ha yodadi muhhu-Mu takabu ledu-Mu.’” \rq Mazmur 110:1 \rq*
|
||
\v 44 Nyi Daud bana takki kayi Kristus ba ‘mori nani,’ aga linnak kawe Kristus nyi ba anai Daud tuyi?”
|
||
\s Hanamu Kapiku Ha Atedi Ahli Taurat
|
||
\p
|
||
\v 45 Kole ata buta rangewe, Yesus linage tabara ana hakodo-Na,
|
||
\v 46 “Ha ate kimila tabarada ahli-ahli Taurat kabaige kako talara waina kalabbe madakka kama lauyo, kadahha ateda bada ha akadi ta haragana, kabaige ngodo taha dau kama dehta ta sinagoge, mono taha hadau paha aka ta wuha ulla.
|
||
\v 47 Yidda daka ramadi ummada lawai balu mono hamalauna sembayang kapiku eta dadi ata. Ata katauda dana radde enga hibada li hoku kahada bikta.”
|
||
\c 21
|
||
\cl Kawukku 21
|
||
\s Marakana Lawai Balu
|
||
\p
|
||
\v 1 Kolei Yesus bana tangara dete, Nyi na etayi kapirana ata pote hatamana marakada yidda taha dau maraka.
|
||
\v 2 Nyi eta dumoyi wu lawai balu kamilla hatamana duda balla amaha kaka.
|
||
\v 3 Yesus linage, “Nauwa luguge katau takkana tabaramu, lawai balu kamilla nadde na yi rehi buta dahho wali ta tangada ata pote radda.
|
||
\v 4 Oro yidda da yiyo maraka wali ta morihada kamajabola yidda, tabolo lawai balu nadde na yiyo maraka wali kadabbo ta morhana, haluguna wali ta tangadi hadauna kapikku nalodo kaige morhana.”
|
||
\s Tadaka Hadukka Rahi
|
||
\p
|
||
\v 5 Kole kapirana ana hakodo ba tamrada dukawe Umma nai Allah paha magillata wai watu kadahha mono maraka, Yesus linage,
|
||
\v 6 Enga dikkige arahige, tangadi ha etami radde enga ha mukkadi. Wale wu hingmana watu kadede ta panu watu wadeka ai ha ta bohta.”
|
||
\v 7 Lohho, tangada ana hakodo da kanukka tabara-Na, “Guru, pirra ho hada inna bana dadiwe? Mono agawe tadkage wali tangage inna bana dadiwe?”
|
||
\p
|
||
\v 8 Balehawei Yesus “Hamatara kigela dajalage miyo ilda hajalorami oro buta ata kamai waige ngara-Gu mono lidda,’ Nauwagna Nyi,’ mono ‘Rahige dagetawe,’ Mioyo ilam doku kadi yidda.
|
||
\v 9 Ta nyiduwe, kole miyo bamu rangewe tutu hatau mono hagabba, ilam madautami miyo oro hada inna na dadi ullu dahowe, tabolo hadukkage wale na geha dikkig mawe.”
|
||
\p
|
||
\v 10 Bewalge Yesus linage tabarada yidda, “Labihhu ata enga kadena gabana kabihhu ata mono kalingora raja enga gabana kalingora raja.
|
||
\v 11 Na dadiwela epu ai ka anana, mono tanga ngara kapore ta dihha hadau-dihha hadau. Dummo enga huddadi tanga ngara kadadi ha mayiggi ate danga mono tadka kama dakka wali ta langta.
|
||
\p
|
||
\v 12 Tabolo aina dadi hoyi tangadi, ata enga yappa da gimi mono da hama yillami miyo. Yidda enga yida gimi ta sina goge-sinagogeda yidda mono bada hatama gimi lari ta gallu. Yidda dummo enga ngidi da gimi ta aroda tangada raja mono Gubernur oro ngara-Gu.
|
||
\v 13 Tabolo, hada inna enga wuwe mahiggo tubami bamu padela kage.
|
||
\v 14 Oro bataudage inna, hadidarawe atemi ilam hangadage agawe miyo hatakkimi bamu dedege taumi,
|
||
\v 15 oro Nauwa enga yigumi hatakki mono maniwola tabarami ai ha angtada gabage mono hagabawe muhhumi.
|
||
\v 16 Miyo enga da palekami ata katumi, angu wumi, ole baimi, mono olemi, mono yidda enga hamate dadi ata kapirana ta jongam miyo.
|
||
\v 17 Miyo eng butu gimi ate tangada ata oro ngara-Gu.
|
||
\v 18 Ta nyiduwe, wale ngayuk mala wumi wali ta katakkumi kamonu.
|
||
\v 19 Waige tahhimi, miyo enga kole mige morhami.”
|
||
\s Loluwe Tutu Mauhage Yerusalem
|
||
\p
|
||
\v 20 “Ta nyiduwe, mole mi bamu etawe harona Yerusalem bana kilorage tentara muhhu, mi enga atada mige inna mau hage bana dagetawe.
|
||
\v 21 Ma higgo innala, ata kadana ta Yudea da malai dahho ta panu letena, ata kadana lari ta harona da huda hona wali ta harona, mono ta kadana ta deha ilda tamaka Ta harona Yerusalem.
|
||
\v 22 Inna nyikwe laddo rahi hokuna dajalage tangage hada kama tolhabe kana banuge.
|
||
\v 23 Mayilla wela lawai katamrana hatiyo mono pahuhu tama higgo inna oro innala enga dadige mayilla aika anana taha dau nedda, mono bani ai ka anana ta kabihu ata redda.
|
||
\v 24 Enga hamate waidi katopo mono da kaloka tadadi kabihhu ata. Harona Yerusalem enga da mehage kabihhu ata palaka kahha majabolege bana hadukkawe.”
|
||
\s Maina Anana Kadadi Ata Lari Tamanadana
|
||
\p
|
||
\v 25 Enga dala tadka ta mata laddo, wulla, mono maduyo. Ta panu tana, kabihhu ata enga madautada lari bada aida hatada wikida oro kagurukage bannu mono madakadi ngalungu.
|
||
\v 26 Ata enga baddada oro madauta mono remage tangage hada inna bana dadiwe ta panu tana inne oro tangada kawaha kadana ta langta enga na makikkayi.
|
||
\v 27 Bege, yidda enga eta dani Anana Kadadi Ata ba amini taka rabba waige bikta parehana mono manadana ai ka anana.
|
||
\v 28 Nyi radala bana dadi kayi, dedemila mono keketayi katakkumi oro rahi hilami dageta nage.”
|
||
\s Hatujja Pu Kapullota
|
||
\p
|
||
\v 29 Begei Yesus halara nani wu hataujja tabarada yidda: “Torroyi puka pulota mono tangadi pu yayu wadeka.
|
||
\v 30 Nyi pu yayu radda bana kalunga kayi roda, mi enga yappa mige mono tadawe inna martana ba dageta nage.
|
||
\v 31 Tauda jala nage miyo nyi bamu etawe tangage inna kadadi, mi enga tada mige inna kalingoranai Allah bana degetawe.
|
||
\p
|
||
\v 32 Tau takka nage Nauwa luguge tabarami, dalara radde wale da matekma kahha tangage inna bana dadiyi.
|
||
\v 33 Langta mono tana enga bungadi, tabolo hanewe-Gu walena na bungak mayi.”
|
||
\s Ha Inyaka Hangatami
|
||
\p
|
||
\v 34 “Hamatara gela dajalage atemu ilna banuge kamakna rayige ha ulla, kalango enu, mono gela gaggage morha. Mono, laddo nadda enga ammini tabarami tujjayi katoka.
|
||
\v 35 Oro, laddo nadda ega ammini tabarana tangana ka enga ta p[annu bedo tana inne.
|
||
\v 36 Ha inyaka hangata kimila mono sembayangna dajalage mi kamu kolege kulha bamu palohhota wikimi wali tangage hada kadadi radda mono kamu dedemi ta arona Anana Kadadi Ata.”
|
||
\p
|
||
\v 37 Bana laddoge, Yesus naha nuana ata buta ta natara Umma nai Allah, tabolo bana gaddige Nyi na ija kage harona inna mono na dauyo ta lete Zaitunna.
|
||
\v 38 Mono, kokokakge, tangada ata ammidi tabara-Na neda lari ta Umma Languna banda rangeyi-Nyi.
|
||
\c 22
|
||
\cl Kawukku 22
|
||
\s Ha Inyakawe Tutu Hamateyi Yesus
|
||
\p
|
||
\v 1 Laddo madakka Kababa kabba paha ngara da Paskah dage tanage.
|
||
\v 2 Rato-rato madakka mon o ahli-ahli Taurat da rayige hada tutu hamateyi Yesus, oro yidda madautadi tabarada ata buta.
|
||
\s Bokalanai Yudas
|
||
\p
|
||
\v 3 Bege, tama nage Kabalka lari tai Yudas, paha ngarai Iskariot. Nyi wuyi ana hakodo-Na wali kabulu dudana.
|
||
\v 4 Nyiwe, kako nagei Yudas bana woro dangadi rato-rato madakka mono ka anguge Ummanai Allah tutu aga linna dawe nyi bana yiyi Yesus tabarada yidda.
|
||
\v 5 Mono, yidda na dahha hingyi ateda mono da ha wuna yini amaha.
|
||
\v 6 Nyiwe, Yudas na baige mono na mayegana mahiggo bana yiyi Yesus tabarada yidda ba ai dadi ata buta.
|
||
\s Paha Inyaka Paskah
|
||
\p
|
||
\v 7 Bege, diki nage laddo madakka Kababa kabba, inna yiwe mahiggo tutu ba marakana ana bebbe Paskah.
|
||
\v 8 Ta mahiggo inna, Yesus naha lewayi Petrus monoi Yohanes, linage-Nyi, “Kakomi mono ha inyakami hayayo Paskah kada yayo.”
|
||
\p
|
||
\v 9 Lidage tabarai Yesus, “Gige hakabu ateMu bama inya kawe?”
|
||
\p
|
||
\v 10 Balehawei Yesus tabarada yidda, “Kole mi bamu tamanmi taha rona, mi enga tabo kamini wu kabani kangidi kedehi; dokuni nyi ta umma hadau tamana,
|
||
\v 11 mono takki nagela tabarana mori umma nada, ‘Guru naka nukka tabarami: Gige hadau Nauwa bagu ha inya kawe ha yayo Pasakah oledi ana hakodo-Gu?’
|
||
\v 12 Nyiwe, nyi naha tingoge tabarami wu hadau kamadakka, mono hatau wai na maganna beyi. Inyaka kayi ha yayo tutuda yitta neda bali.”
|
||
\p
|
||
\v 13 Lohho, Petrus oleni Yohanes kako mono nadadiwe tangage inna hatakkinai Yesus mono yidda dummo da ha inyaka hayayop Paskah.
|
||
\s Hakulla Paskah
|
||
\p
|
||
\v 14 Kole dikkiwe rahige, Yesus mono tangadi rasul ngodo yayo hakilora meja.
|
||
\v 15 Bege, Yesus linage tabarada yidda, “Nauwa ug kabbu atege yayo Paskah ole danga gimi, Nauwa aig mayilla howa.
|
||
\v 16 Oro Nauwa luguge tabarami, Nauwa walle hilug yakmawa lage kahha inna bana bannuge lari taka lingora nai Allah.”
|
||
\p
|
||
\v 17 Lohho, Yesus na ngalayi koba weha enu kadayo anggurna mono wai linnage, bege linage, “Ngalayi koba weha enu nadde mono bawe kiyi ta jongami.
|
||
\v 18 Oro, Nauwa luguge tabarami wali inna batauge nauwa wale gu hilu enuk mawa angguru kahha Ta kalingora nai Allah bana dikkiwe.”
|
||
\p
|
||
\v 19 Bege, Yesus na ngalayi kababa mono wai linage, Nyi na hibiyi kababa radda mono na yidi tabarada yidda ha gapege ba linna, “Kababa inne nyiwe tau-Gu ha yiyo tabaramu; um rayige innala kamu ape waiga Nauwa.”
|
||
\v 20 Tauda dummoge, kole bana yayo, Yesus na ngalayi koba weha enu hatau angguru mono linage, “Koba weha enu ha biyo tubami inna yiwe Pajaji beru lari ta ra-Gu.
|
||
\s Dulkayi Tutu Ata Kayiyi Yesus
|
||
\p
|
||
\v 21 Ta nyiduwe, etayige, limmana ata ka yiwa Nauwa na olega Nauwa ta meja inne.
|
||
\v 22 Oro, Anana Kadadi ata enga kakona dokuge hada paha didarabe, tabolo mayillawe halina ata kayiyi Nyi!”
|
||
\p
|
||
\v 23 Ana hakodo-Na da kanukka wikina dihha-dihha tutu iyayi ta jongada yidda karayige inna.
|
||
\s Dadai Dakimi Ata Kaha Nukku
|
||
\p
|
||
\v 24 Hagabbana na dadiwe ta jongada tangada rasul tutu iyayi ta jongada yidda ka hadda madakka.
|
||
\v 25 Ta nyiduwe, Yesus linage tabarada yidda. “Raja-raja kabihhu ata ai katadayi Mori naha harehayi ana kaha rehana, mono ata kaha reha ta raja-raja radda daha ngaradi ‘Kaha todana ana kaha rehana.’
|
||
\v 26 Tabolo, mi ilam tujjayi radda. Kabali dalge, kahadda madakka ta jongami na tujja dahoyi ka gikkana ata bodi nakde, mono ha ama na tujja dahoyi ata kaha nukkuwe tangage.
|
||
\v 27 Iyayi ka rehi madakka, ata ka ngodo waleka kaha nukkuwe? Wale ata kangodok na yayo? Ta nyiduwe, Nauwa daga ta jongami ba wuwa ata kaha nukkumi.
|
||
\p
|
||
\v 28 Miyo ata ka engana olega Nauwa lari ta kama kirraha-Gu.
|
||
\v 29 Oroge inna, Nauwa ug yigi mige tabarami wu kalinogra pareha, katauna ha yina ama-Gu tabara-Gu,
|
||
\v 30 dajalage mi kana dadiwe yayo mono enu ole dangaga Nauwa ta meja lari ta Kalingora-Gu. Mono, miyo enga ngodomi ta hadau-Gu tutu yini rakana kabullu duda kabihhuna ata Israel.”
|
||
\s Petrus Na Kaballuni Yesus
|
||
\p
|
||
\v 31 “Simon, Simon, rangewa Nauwa. Kabalka karuhhu nagu kagu nyurau yau tujai pare,
|
||
\v 32 tabolo Nauwa ug sembayang bena tutumu dajalage hatenamu ilna monuwe. Mono, kole yau bamu jarra, hamaddo kidi ole baimu.”
|
||
\p
|
||
\v 33 Tabolo, Petrus linage tabrai Yesus, “Mori, nauwa ug ha inyakawa tama ta gallu lohho mate lummu danga-Gu!”
|
||
\p
|
||
\v 34 Balehawei Yesus tabarana, “Nauwa luguge tabaramu, Petrus, laddo nehhe mayailo wale na kukuk mayi aim hadal wudda dahona bamu kabalga Nauwa.”
|
||
\s Ha Inyaka Aroge Kapitona
|
||
\p
|
||
\v 35 Bege linagei Yesus ta ana hakodo-Na, “Kole Nauwa bagu halewami miyo ai damo kaleku amahami, tasimi, waleka kopa ledu, appa inna miyo um dabbomi?” Baleha dage yidda, “Walekma.”
|
||
\p
|
||
\v 36 Lina-Ge tabarada yidda, “Tabolo batauge, iya kadayo kaleku amahana waleka tasna, ngidiyi. Mono, iyayi ai kadana katopona, nyammani nyi kana malajadi kalabbena mono hiwaina katopo.
|
||
\v 37 Oro, Nauwa luguge tabaramu agawe kama tolha ta Jurata Bihha inna na banu dahoge lari ta Nauwa, ‘Nyi rnga yapu gauni ta jonga ata japata.’ Yesaya 53; 12 Oro, kama tolha tutugu Nauwa dadai nage batauge.”
|
||
\p
|
||
\v 38 Nyi dawe yidda lidage, “Etai ge Mori dadi radde duda gayi katopo.” Mono, Yesus linage tabarada yidda, “Radda ge na tutuyi.”
|
||
\s Yesus Na Sembayangna Ta Oma Getsemani
|
||
\p
|
||
\v 39 Bege, Yesus na huna mono na kako ta lete Zaitunna tauna ka kali damma bana rayige-Nyi; mono ana hakodo-Na da kakao jala dokuni Nyi.
|
||
\v 40 Kolei Yesus dikki taha dau nedda, Nyi linage tabarada yidda, “Kam sembayang nage dajalge mi ilam tamami lari kama kaba.”
|
||
\p
|
||
\v 41 Bege, Yesus naha marau wikini wali ta yidda ba katutu kawe tujawe maraugwe ba tukkuyi watu, lohho na takkodi kuddona mono na sembayangna,
|
||
\v 42 “Ama, Nyi tau bamu aukawu, ngalayi koba weha enu nadde wali tabara-Gu. Ta nyiduwe, illa hakabu ate-Gu kadadi, tabolo hakabu ate-Mu.”
|
||
\v 43 Kole innage, wu malaikat wali ta surga naha dedala wikina tabara-Na mono naha kulhayi-Nyi.
|
||
\v 44 Mono, lari ta mayilla-Na, Nyi na sembayang- na karehi tau takkana walna; kabut-Na natujjawe rayo katehheka ta tana.
|
||
\v 45 Kolei Yesus beyo sembayangna, Nyi na kako tabara ana hakodo-Na mono dikkidi yidda tamrada dura oro maropo ateda.
|
||
\v 46 Yesus linage tabarada yidda, “Ahha miyo mamu durami? Kadem mono sembayang nage dajalage miyo ilam tamami lari kama kaba.”
|
||
\s Yappayi Yesus
|
||
\p
|
||
\v 47 Kole Yesus bana hanewe ho, ammidi ata buta; mono nyi Yudas, wu ata wali kabulu dudana ana hakodo radda, na kododi yidda. Lohho, Yuidas na dahe kayi Yesus bana ngakhayi-Nyi.
|
||
\p
|
||
\v 48 Ta nyiduwe, Yesus linage tabarana, “Yudas, ahha yau mamu yiyi Anana Kadadi Ata waini bamu ngak hayi?”
|
||
\v 49 Kole Ana hakodo kadede kilorani-Nyi etawe agawe kadadi, yidda liddage, “Mori, Na dadik kakwe nami gabba waidi katopo?”
|
||
\v 50 Bege, Wuyi wali ta ana hakodo-Na nadda na kadukani kaha nukkuyi rato banningna lohho na lakka tanani katillu kawanana.
|
||
\p
|
||
\v 51 Ta nyiduwe Yesus linage, “Na tutu, wege!” Lohho, Yesus na narro nani katilluna ata nadda mono naha tagaha nani.
|
||
\p
|
||
\v 52 Bege, Yesus linage ta rato kapala, kapala ka jawawe Ummanai Allah, mono bai ata kamai yapayi-Nyi, “Ahha miyo mamu mai kahhami waina katopo mono palu todo mna tujja dawe bamu yapami ata karebo?
|
||
\v 53 Kole Nauwa bagu ole hakita gimi nahiyi laddo ta Umma Allah, aim yapawa Nauwa. Tabolo, inne nyiwe rahige tubami mono tubana kulhage harehana kapagtana.”
|
||
\s Petrus Na Kaballuni Yesus
|
||
\p
|
||
\v 54 Kole bada yappayi-Nyi, ata dummo radda da tudayi mono na ngidiyi Yesus ta umma rato madakka. Ta nyiduwe, Petrus na dokudi yidda wali kama rau.
|
||
\v 55 Mono kole ata radda ha tutkana latti ta tillu aro umma mono ngodo kahha, Petrus dummo ngodo ta jongada yidda.
|
||
\v 56 Tabolo, wu lawai ka etayi Petrus ngodo ta nirri latti naha matara nage matana lodoge linage, “Ata nadde ole jala nani-Nyi.”
|
||
\p
|
||
\v 57 Ta nyiduwe, Petrus naka balluni, linage, “Ta lawai, nauwa walegu tadak mayi Nyi.”
|
||
\v 58 Walena mojak mahoge, wuyo ata wadeka etayi mono linage “Yau dummo yapu gaugu wali tajongada yidda!” Tabolo Petrus linage, ‘Walekma, nauwa wale yapu gauk maga wali ta yidda!”
|
||
\p
|
||
\v 59 Baka tutuwe ge dihha jamge, wu wali ata wadeka linage kaha tetakkana, “Tau takkage ata nadde ole nani-Nyi, oro nyi dummo ata Galileayi.”
|
||
\p
|
||
\v 60 Ta nyiduwe Petrus linnage, “Nauwa walegu tadak mawer hatakkimi!” Inna mema dummo, ba tamranai Petrus hanewe, kkuku nage mayailo.
|
||
\v 61 Lohho, gila ka nagei Yesus torroyi Petrus. Mono, Petrus na apewe hataknai Yesus, inna Nyi balinage tab arana, “Aina kuku hoyi mayailo laddo nehhe, yau um hadalllu wuda bega kaballuga.”
|
||
\v 62 Bege Petrus kako nage huna mono honage mono na maropowe atena.
|
||
\s Ata Dahha Mayillayi Yesus
|
||
\p
|
||
\v 63 Ata ka pattuyi Yesus halege dage terekayi mono paluyi-Nyi.
|
||
\v 64 Yidda da toni nadi mata-Na mono lidage, “Um huru bale holawu! Ba iyayi ka paluwu yau?”
|
||
\v 65 Yidda dummo butawe hatakki dani bada gabbani-Nyi waige bada hameloni-Nyi.
|
||
\s Yesus Ta Arona Pa Ama Yahudi
|
||
\p
|
||
\v 66 Damma hege tana, bai ata pa ama Yahudi, rato-rato kapala, lohho ahli Taurat da makahha mono da ngidiyi Yesus ta Mahkamah Banning da yidda.
|
||
\p
|
||
\v 67 Yidda liddage, “Nyi Yau bai Mesias kawu, takki hola mage tabarama.” Tabolo Yesus linage tabarada yidda, “Nyi Nauwa bagu takki kamige, miyo walem hatenak ma tabara-Gu.
|
||
\v 68 Mono nyi Nauwa bagu kanukkawa tabarami, miyo walema balehak mawa.
|
||
\v 69 Ta nyiduwe, wali batauge Anana kadadi Ata enga ngodona tabara kawananai Allah kahada bikta Parehana.”
|
||
\p
|
||
\v 70 Yidda tangada lidage, “Nyi bataudage, appa yau Ana Allahwu?” Yesus na balehayi yidda, “Mi dau katakkiwe inna Nauwaknala Nyi.”
|
||
\p
|
||
\v 71 Bege, yidda lidage, “Aga dummo hona ha kabu ateda yitta? Yitta da range dau beyi wali ta bana-Nyi!”
|
||
\c 23
|
||
\cl Kawukku 23
|
||
\s Yesus Nidiyi Tabarai Pilatus
|
||
\p
|
||
\v 1 Bege, tangada at radda da dede mono da ngidiyi Yesus ta baranai Pilatus.
|
||
\v 2 Mono, yidda kapu dage ngidini hanewe paleka waige balidda, “Nami ma dikkini ata nadde bana hajalora kabihhuma nami mono bana heridi ata yiyo walu katakku tabara Kaisar, lohho na takkiwe Nyi bai Kristusuyi, wuyi Raja.”
|
||
\p
|
||
\v 3 Pilatus naka nukkayi Yesus, “Appa Yau Raja ata Yahudiwu?” Yesus na balehawe, “Nyiwe inna hatakkimu.”
|
||
\p
|
||
\v 4 Bege, Pilatus linage ta rato-rato kapala mono ata buta, “Nauwa walegu tabok mawe jalana ata nadde.”
|
||
\p
|
||
\v 5 Ta nyiduwe, yidda da ka ruhhuyi ha gapege bana waddige kawulada, “Nyi naha tularadi ata waige hanuana-Nyi ta tangage kalingora Yudea wali ta Galilea kahha inne!”
|
||
\s Yesus Ngidiyi Tabarai Herodes
|
||
\p
|
||
\v 6 Kolei Pilatus rangewe innage, nyi naka nukayi appa nai Yesus ata Galileayi.
|
||
\v 7 Mono, kole nyi tadawe nadai Yesus ba walina wali kalingora harehanai Herodes, Pilatus dummo naha ngidini Yesus tabarai Herodes kadana nedda ta harona Yerusalem.
|
||
\p
|
||
\v 8 Kolei Herodes bana etayi Yesus, nyi na dahhawe atena. Nyi moja bege bana baige hataboka dangani-Nyi oro nyi bana range beyi tutu nai Yesus nyi na kabu atege bana eta wu mujizat harayinai Yesus.
|
||
\v 9 Lohho, Herodes butayi ha nukkana tanrai Yesus, taboloi Yesus walle la hingmana ha balehana tabarana.
|
||
\v 10 Rato-rato kapala mono ahli-ahli Taurat kadede neda bali dahha wauni Yesus aika anana.
|
||
\v 11 Lohho, Herodes mono tangada tentarana da habawayi mono tere kayi Yesus. Kole innage, yidda da tauni kalabbe kadahha lohho nahangidini-nyi hagga tai Pilatus.
|
||
\v 12 Ullu hoge, Pilatus monoi Herodes da hamuhhuna, tabolo laddo inna yidda da ha ole ate haggana.
|
||
\s Pilatus Walena Dadik Mawe Pahoilayi Yesus
|
||
\p
|
||
\v 13 Bege, Pilatus na kahhayi rato-rato kapala, tangada pa ama Yahudi, mono ata buta,
|
||
\v 14 lohho linage tabarada yidda, “Miyo um ngidiyi ata nadde tabaragu ba ata kaha jalorayi ata buta. Ta nyiduwe, nauwa ug yini tijana-Nyi ta aromi, nauwa walegu tabok mawe jalana katauna ha dita mini tabarana-Nyi.
|
||
\v 15 Herodes dummo waleda tabok mawe jalana-Nyi dajalage nyi mana hangidi haggani ata nadde tabarada yitta. Um etawege, Nyi walena rayik mana jala katuba kolege hoku matena.
|
||
\v 16 Oroge inna, kole nauwa bagu paluyi-Nyi, nauwa ug pahalayi-Nyi.”
|
||
\v 17 [Nahiyi laddo madakka Paskah, Pilatus na pahoila dahona ata ta gallu tutuda ata buta.]
|
||
\p
|
||
\v 18 Ta nyiduwe, ata buta radda da kawula kahha, “Hikkalani ata nadde! Pahalayi Barabas tutu nami!”
|
||
\v 19 [Barabas wuyi ata ata japata paha tama ta gallu bana rayige kawihaka ta harona mono naha mate ata.]
|
||
\p
|
||
\v 20 Oroi Pilatus kabu atege pahoilayi Yesus, nyiwe ma lina walige hadakka tabara ata buta.
|
||
\v 21 Ta nyiduwe, yidda engada kawula, “Kadailoni Nyi! Kadailoni Nyi!”
|
||
\p
|
||
\v 22 Hadal wudda waina Pilatus naka nukkayi yidda, “Ahha? Aga japatawe harayi bena ata nadde? Nyi walena jalakma. Nauwa waleg tabok mawe jalana-Nyi katuba kolege li hoku mate. Oroge inna, nauwa enga paluyi-Nyi lohho pahalayi-Nyi.”
|
||
\p
|
||
\v 23 Tabolo. Yidda na kikka mono nakaruhhuwe waige lida ka mawangta dajalagei Yesus ka dailoni. Mono, lida yidda dummo tailoyi.
|
||
\v 24 Kapodige, Pilatus na pohtawe pannu dage ha karuhhuda yidda.
|
||
\v 25 Nyi na pahoilayi ata ha raida ata buta, hatama ta gallu oro bokalana mono hamatena ata. Ta nyiduwe, nayiyi Yesus dokuge hakabu ateda yidda.
|
||
\s Yesus Kdailoni
|
||
\p
|
||
\v 26 Kole tangada tentara da kako ngidiyi Yesus, yidda dummo da pattuyi wu ata, ka ngaranai Simon wali ta Kirene ka abbu mai wali ta deha. Tanhgada tentara na ijala nani kadailo Yesus ta balena mono halewayi ditayi kadailo nadda ta liranai Yesus.
|
||
\p
|
||
\v 27 Buta ta kadokuni Yesus, mono ta jongada yidda dadi lawai kahoni mono kalalluni Nyi.
|
||
\v 28 Ta nyiduwe, Yesus na gila kadi yidda mono linage, “Ta bau winne Yerusalem, ilam hokaga Nauwa. Hodage tau daumu mono anamu.
|
||
\v 29 Enga dikige rahige ata enga lidage, ‘Maringi kanala lawai ka woto, mono tina ai ka kali hadaina lakawa, mono huhuna ai kakali pahuhu.’
|
||
\v 30 Innala yidda enga lidage ta letena, ‘Ta bohtawula tabarama nami!’ mono tabara lete dokuna, ‘bonyi gama nami!
|
||
\v 31 Oro, nyi yidda bada rayi kage hada inna ta yayu ka morha, agawe kadadi ta pu yayu kamate?”
|
||
\p
|
||
\v 32 Da dummodi duda ata japata pa ngidi hoku mate oleni Yesus.
|
||
\v 33 Kole yidda dikki ta dihha wu hadau ka ngarana “Tengkorak,” tangada tentara da kadailoni Yesus oledi kadudana ata japata radda, wu ata tabara kawana-Na mono wu ata wali tabara kali-Na.
|
||
\p
|
||
\v 34 Bege Yesus linage, “O Ama, hawalidi yidda, oro yidda aida tada mowe harayida.” Dajalage tangada tentara da baitana mowala tut bawewe kalabbe-Na ta jongada yidda.
|
||
\v 35 Ata buta kadede neda bali etawe tangage, tabolo tangada pa ama Yahudi da tere kayi Yesus hagapege malha hatereka. Yidda lidage, “Nyi na ha hoila ata wadeka, nyidawe pahaini Nyi kana pahoilage tau dau-Na bai Kristus ka duyi, Hapedenai Allah!”
|
||
\p
|
||
\v 36 Tangada tentara terekayi Nyi, lohho yidda ammidi mono da yini anggur mayege tabara-Na,
|
||
\v 37 mono lidage, “Nyi Yau ba Raja Yahudiwu, pa hoila holage tau dau-Mu!”
|
||
\v 38 Mono, dadu dummoge wu hatolha ta pannu katakku-Na: “NADDE NYIKNA RAJA ATA YAHUDI.”
|
||
\p
|
||
\v 39 Wu ata japata hadairo neda bali naka kapaleka jalayi Yesus, linage, “Yau walei Kristus ka duwu? Pahoila kiwe tau-Mu mono nami!”
|
||
\p
|
||
\v 40 Ta nyiduwe, ata japata wuyo na padekayi nyi mono linage, “Walem madautak mani Allah yau oro yau dummo hibba jalawe hokuna kaha mera?
|
||
\v 41 Yitta bada hibbawe hokuna naha mera memawe agawe harayida yitta, tabolo ata nadde lakma jala harayina jala aga hingkana.”
|
||
\v 42 Loho, nyi linage tabarai Yesus, “O Yesus, ape kiwa nauwa kole bamu tamawu Yau lari ta kalingora-Mu.”
|
||
\p
|
||
\v 43 Bege Yesus linage tabarana, “Nauwa luguge tabaramu, laddo nehhe dummo Nauwa enga tama ole danga gugu lari ta Firdaus.”
|
||
\s Mateanai Yesus
|
||
\p
|
||
\v 44 Inna ba tutu kawe jam kabulu dudayi, kapagta na toniwe tangage hadau nedda kahha ba jam taudayi mamali
|
||
\v 45 oro mata laddo bana dadi kapagtana mono kaba kalla ta Umma Allah ma pabaka dudawe.
|
||
\v 46 Lodoge Yesus nakawula waige lina kama wangta, “O Ama, ta limma-Mu Gu yiwe ngahu-Gu.” Kole bana takkiwe inna, Yesus na tingiwe ngahu-Na hadukka wai.
|
||
\p
|
||
\v 47 Kole kapala tentara etawe agawe kadadi, nyi naha manadayi Allah mono linage, “Tau takka nage, ata nadde walena jalakma!”
|
||
\p
|
||
\v 48 Kole ata buta kamai dangani etawe tangage kadadi, yidda da hagga da paluwe kurruda yidda.
|
||
\v 49 Tangada ka tadayi Yesus mono kapirana lawai kadoku beni-Nyi wali ta Galilea kadede marau mono etawe hada inna.
|
||
\s Yesus Tanini
|
||
\p
|
||
\v 50 Dani swu kabani ka ngaranai Yusuf, ka oledi pa ama kaha nuana, wu ata kadahha mono katena.
|
||
\v 51 (Nyi dau walena baimage pohta inna mono harayida yidda). Yusuf walina Ta Harona Arimatea, wu harona ata Yahudi. Nyi dummo na remage Kalingora parehanai Allah.
|
||
\v 52 Nyi na kako tai Pilatus mono na karai yiyi karogonai Yesus.
|
||
\v 53 Lohho, nyi dummo naha burrugwe karogonai Yesus wali ta yayu kadailo mono naka boro waini kaba talujjana. Kole innage, nyi naha bai kayi-Nyi lari ta wu rate ha kowa ta lete watuna. Neda bali, wale lakmahho wu ak ata pa tani.
|
||
\v 54 Laddo nadda nyi Laddo ha inyaka, mono laddo Ngahuyi enga geha halegewe.
|
||
\p
|
||
\v 55 Lawai ka mai oleni Yesus wali ta Galilea dokuni Yusuf. Yidda da etawe rate inna mono aga linna dawe baha baika nage karogonai Yesus neda lari.
|
||
\v 56 Kole inna, yidda bada hagga mono bada ha inyaka kabau mumra lohho we lengha kapiku obara nage karogo nai Yesus. Ta laddo Ngahu da ngahu dokuge ukku parehai Taurat nai Musa.
|
||
\c 24
|
||
\cl Kawukku 24
|
||
\s Li Kaddenai Yesus
|
||
\p
|
||
\v 1 Ta laddo kawungana miggu inna, ba koko kahokkiwe, lawai radda kako ta ratenai Yesus hagapege ngidi ka bau mumra paha inya kabeda.
|
||
\v 2 Mono yidda da dikini watu madakka makogola labe wali ta rate.
|
||
\v 3 Ta nyiduwe, kole yidda bada tama, yidda wale da etak mayi karogo na Mori Yesus.
|
||
\v 4 Kole yidda ba tamrada hangatara oro hada inna, kadadaka ngidyi duda ata kawaina kalabbe magilata dede ta tibbida yidda.
|
||
\v 5 Lawai radda da madauta mono da kabunyige matada yidda, tabolo kadudana ata radda liddage, “Ahha miyi mamu mayegani ata kamoriha ta jonga ata kamate?
|
||
\v 6 Yesus wale lak mani inne, Nyi na kaddebe. Apewela agawe ha takki benagimi Nyi tabarami kole Nyi bata ta Galilea hoyi.
|
||
\v 7 Nyi linage nada anana kdadi Ata yida hoyi ta limmada ata jala, ha dailo hoyi, mono enga kadde hagga hona ta laddo hatauda wai.”
|
||
\v 8 Nyiwe, lawai radda da apewe tangage hatakkinai Yesus.
|
||
\p
|
||
\v 9 Kole yidda hagga wali ta rate nai Yesus, yidda daha larawe tangage kadadi tabara kabulu dudana rasul lohho tangada kadokuni Yesus wadeka.
|
||
\v 10 Lawai kaha larawe hada inna tabarada rasul wale iyak mayi Maria Magdalena, Yohana, Maria inyai Yakobus, mono kapirana lawai wadeka.
|
||
\v 11 Ta nyiduwe, ha dukada lawai radda da yappawe kahoko dage lidage rasul mono yidda waleda dahatenak mayi tabarada lawai radda.
|
||
\v 12 Ta nyiduwe, Petrus na dede mono na malai ta rate nai Yesus, Nyi na nyoko mono na torrowe lari, tabolo nyi na eta hewe kaba ta lujjana haboro wai karogona. Kole innage, Petrus hagga nage naha hangatara ta tangage agawe inna kadadi.
|
||
\s Yesus Naha Dedala Wikina Ta Ata Kadokuni-Nyi
|
||
\p
|
||
\v 13 Ta laddo inna dummo, duda ata kadokun i Yesus kako ta dihha wu deha ka ngaranai Emaus marauge ba katutu kawe anni kabulu stadiage wali ta Harona Yerusalem.
|
||
\v 14 Kadudana ata radda da dulkawe tutu tangage kadadi inna.
|
||
\v 15 Kole yidda tamrada hanewe mono hanone kana hangada, Yesus dede nage mai dahekayi lohho kako ole dangadi yidda.
|
||
\v 16 Ta nyiduwe, matada yidda na matoniyi dajalage yidda wale da tadak mayi Nyi.
|
||
\p
|
||
\v 17 Yesus linage tabarada yidda, “Aga kiwe hadul kami tamrami kako?” Kadudana ata radda da ngahu mon matada yidda na ropowe.
|
||
\v 18 Wu ata wali ta yidda ka ngaranai Kleopas linage tabara-Na, “Appa Yau ata li pala kawu ta Yerusalem ma walem tadawe agawe ka abbu kadadi inna?”
|
||
\p
|
||
\v 19 Yesus linage, “Tutu agawe?” Yidda dummo lidage tabrana Nyi,” Tutu nai Yesus wali ta Nazaret, Nyi wuyi Nabi kabanuna bikta pareha bana hanewe lohho harayi-Na ta aronai Allah mono ta raoda tangada olema nami.
|
||
\v 20 Ta nyiduwe, rato-rato kapala mono pa amama nami na yiyi Nyi ba hoku mateni, mono yidda da kadailoni-Nyi.
|
||
\v 21 Doku dage ma manne ge nami Nyila ka pa hoilawe Israel. Ta nyiduwe, laddo nehhe laddo hatauda wai wali tangage inna bana dadiwe.
|
||
\v 22 Ta nyiduwe, kapirana lawai wali ta jongam nami dahha kadada kama nami. Kole yidda bada kako ta rate ko kokaki,
|
||
\v 23 yidda waleda dikkik mage karogonai Yesus. Lohho, yidda hagga mono da takkiwe inna yidda bada eta beyi malaikat bada hadedala wikina, katakkiwe Nyi bana morhabe.
|
||
\v 24 Bege, kapirana wali ta nami kako ta rate mono dikige katauna pa takkida lawai radda. Ta nyiduwe, yidda wale da etak mayi Yesus.”
|
||
\p
|
||
\v 25 Bege, Yesus linage tabarada yidda, “Oh, hadda kabangami miyo mono naka babawe atemi tutu aim hatenawe tangage hatakki beda tangada Nabi.
|
||
\v 26 Nai Kristus walena na padak hoge mayilla inna mono tama lari ta manada-Na.”
|
||
\v 27 Lohho, Yesus nahalarawe tangage kama tolha lari ta tangada Jurat Bihha tutu tauna-Nyi, wali ta Juratai Musa kahha ta juratada tangada Nabi.
|
||
\p
|
||
\v 28 Kole yidda bada dahekawe deha Emaus, Yesus na kako hangatana mera lurrha nage kako-Nyi.
|
||
\v 29 Ta nyiduwe, yidda da pattuyi Nyi waige balidda, “Ole ha kita gama nami oro ma nari gak nage mono mata laddo hodi mowe tama nage.” Nyiwe, Yesus na tama oledi yidda.
|
||
\p
|
||
\v 30 Kole Nyi hadabbola dangadi yidda ta meja bada yayo, Yesus na ngalayi kababa mono naha maringiyi. Nyi na hibiyi, lohho na yidi yidda.
|
||
\v 31 Inna mema, matada yidda na ma bugerayi mono yidda da tadayi Yesus. Tabolo, na bunga ha yadda wali ta aroda yidda.
|
||
\v 32 Kole innage, liddage dihha-dihha, “Ateda yitta walena kadada ka hingkawe kole Nyi bana hanewe dangada yitta inna talara mono kole Nyi bana halara dage Jurat Bihha tabrada yitta?”
|
||
\p
|
||
\v 33 Inna mema dummo, yidda da kadde mono da kako hagga ta Yerusalem. Yidda da tabo kayi kabulu dudana ana hakodo-Na mono ata ka oledi yidda tamrada ma kahha tangada.
|
||
\v 34 Ana hakodo radda lidage tabarada yidda kadudana, “I Mori tau takkage na kadde haggabe mono naha dedala wikina tabarai Simon!”
|
||
\p
|
||
\v 35 Kadudana kadokuni radda da halarawe tangage kadadi ta lara. Yidda daha larawe aga linna dawe bada tadayi Yesus kole Nyi bana hibiyi kababa.
|
||
\s Yesus Naha Dedala Wikina Tabarada Ka Dokuni-Nyi
|
||
\p
|
||
\v 36 Kole kadudana ata radda halarawe kadadi inna, Yesus na dede ta jongada yidda mono linage tabarada yidda, “Moli na ole gimi.”
|
||
\p
|
||
\v 37 Ta nyiduwe, yidda daka dadaka mono madauta. Yidda da hangadage inna yidda eta dage hala hatau.
|
||
\v 38 Bege, Yesus linage tabarada yidda, “Ahha miyo mami madautami mono mana hudawe gela gagga ta atemi?
|
||
\v 39 Torro gadi limma-Gu mono ledu-Gu. Inna Nauwa wiki dau. Jojawa Nauwa mono torrowa, hala hatau lakma kanana mono rina katauna mi ha etami tabara-Gu.”
|
||
\p
|
||
\v 40 Kole Yesus bana takkiwe inna, Nyi naha tingodi limmana mono ledu-Na tabarada yidda.
|
||
\v 41 Ba tamrada yidda aida hatena howe oro ege ateda mono hangatarada, Yesus naka nukayi yidda, “Appa inna batauge dakakna kadana ha dadi hayayo?”
|
||
\v 42 Lohho, yidda da yini kadibka kaboko ha dara tabara-Na.
|
||
\v 43 Yesus na ngalayi kaboko nadda mono na yani ta aroda yidda.
|
||
\p
|
||
\v 44 Bege, Yesus linage tabarada yidda, “Inna yidayi hatakki-Gu tabarami bagu ole ho gimi miyo. Tangage kama tolha tutugu Nauwa lari ta ukku Tauratnai Musa, jurata tangada Nabi, mono lawiti ha panu dahoyi.”
|
||
\p
|
||
\v 45 Bege. Yesus na bugera dadi paha ngadada yidda dajalage yidda dadiwe yappawe Jurata Bihha.
|
||
\v 46 Yesus linna walige tabarada yidda, “Dage kama tolha nai Kristus na matilla dahho mono na kadde wali ta ata mate ha tauda laddo wai.
|
||
\v 47 Mono, jarra tutu hawalina jala enga ha dedoge lari tangara-Na tabara tangada kabihhu ata, kapuge wali ta Yerusalem.
|
||
\v 48 Miyo katakki gage tangage inna.
|
||
\p
|
||
\v 49 Kam tadawe, Nauwa ug hangidege jajina Ama-Gu tabaramu. Ta nyiduwe, kam engana ta Harona Yerusalem kahha mi bana bannuge ba ha inya kami waige bikta pareha wali taha dau madehta.”
|
||
\s Yesus Na Panne Ta Surga
|
||
\p
|
||
\v 50 Bege, Yesus na lekoyi tangada kadokuni-Nyi huna wali ta harona kahha ta Betania. Neda bali, Nyi na keke tayi limma-Na mono naha maringiyi yidda.
|
||
\v 51 Kolei Yesus hama ringiyi yidda, Nyi napa hewa dangadi yidda mono na makeketa ta Surga.
|
||
\v 52 Lohho, yidda da kawojoni-Nyi mono da hagga ta Yerusalem waige lagahara.
|
||
\v 53 Yidda dayo hangatadi lari ta Umma Allah mono da dai kayi Allah.
|