lmy_reg/42-MRK.usfm

\id MRK
\ide UTF-8
\h Markus
\toc1 Markus
\toc2 Markus
\toc3 mrk
\mt Markus
\c 1
\cl Kawukku 1
\s Pahha Dinyakannai Yohanes
\p
\v 1 Inne Yoda dau kapuge li ege ate Yesus Kristus Ana Allah,
\v 2 katujawe kama tulha tajuratanai Nabi Yesaya: “Toroy la Ug halewa gunni ledu limma-Gu nyiyo kaha hadhinyaka guni lara tangam-Mu.
\q1
\v 3 Dage li ata kaka kawula tamarada gilra, ha dhinyakayi lara tutnai Mori, halurhanani laranai Mori.
\p
\v 4 Yohanes, nahariha ata tamarada gilra monna nakawula yiwe taumu kaharihau loppo jarrawu harayina kajapata. Tangkahada ata Yudea,
\v 5 ata Yerusalem ammiddi tabarai Yohanes. Nyi naharihai ra ata ta laiwe Yordan badda mangak ge jala harayida.
\v 6 Yohanes na waina wullu unta monna kalarbagge lita monna nawojelage ta kabuna. Hayana kabala monna we kanena rami.
\v 7 Yohanes nahanewe, tabalig nauwa ammin na wu ata karehi kawahana wal tabaragu. Nauwa waleg marakka mawa kangaka dahoni monna bugera naddi kalar kopaledu-Na.
\v 8 Nauwa ug hariha waigim we, tabollo Nyiyo nahariha waigimmi Wad Bihha. 
\s Yohanes Na Babtisuyi Yesus
\p
\v 9 Monna, na dadiwe neda laddo, Yesus ammini walta Nasaret, loda Galilea, monnai Yohanes naha rihaiyi Yesus ta laiwe Yordan.
\v 10 Kole ban-Na huna walla ta weyo, Yesus na etawe langta banna mabugerawe, monno Wad Bihha na tujayi kawurru merpati burru ta bara-Na.
\v 11 Monna narangewe li walta sorga, “Yau Ana hamanawara-Gu, tabara-Mu ug yiwe ngihi ate-Gu. 
\s Yesus Nakabaniyi Kabalka
\p
\v 12 Kole banna langngage, Wad Bihha na ngidiyi Yesus ta maradda gilra.
\v 13 Nyiyo engana ta maradda Gilra namonyage pata kabullu lado. Monna ammini kabalka bana kaba-Ni. Yesus dani ta tillu ranga bani, monna ammidi Malaikat badda tulun Nyiyo. 
\s Yesus Natalaragge Injil nai Allah ta Galilea
\p
\v 14 Kole Yohanes ba ta gallui, Yesus na kako ta kalinggora Galilea monno Na talarage li nai Allah.
\v 15 Nyi nahanewe, “Dig'ge rah ge, kalinggora harehanai Allah banna dagetawe. Jarram haraina kajapata monno hatenawe na li ege ate.” 
\s Yesus Napedeyi Rade Kapirrana Ana Hakodo Halolena
\p
\v 16 Na kakoi Yesus ta huppu hoba Galilea, Nyi na etai Simon monnai Andreas, olebaina, tangrada badda wewuwe jalada ta hoba oro nage yidda bamajala dage kaboko.
\v 17 Beggei, Yesus nahanewe ta barada yidda, “mai doku Ga, tannam kag hadagim mi kamajala ata”
\v 18 Simon monnai Andreas da tannad jalada yidda monna da dokun-Nyi.
\p
\v 19 Kole badda kako kamma rau hodi, Na etai Yakobus, ananai Zebedeus, monnai Yohanes olebaina, ka dana ta tena monno tangrada badda hamadwe jalada.
\v 20 Beggei, Yesus namaikaddi yidda monna yidda datannani amada, Zebedeus, ta tena oled rade ata pahewana monno dakako, dadokuni Yesus. 
\s Yesus Tatillu Hanuwana Banuni Kuaha
\p
\v 21 Begge, yidda dadikki ta Kapernaum monno badiki na lado rahi ngahu, Yesus na tama nedo ta Sinagoge monno naha nuadi.
\v 22 Daha hangatra rangewe inna li hanuwa-Na banna hanuwadi tujdai na wu ata kamannu kuwahana, walna tujamayi ra ahli-ahli Taurat.
\v 23 Ne ta sinagoge dani na wu ata kabani hatamanana wad jabata monno nakawula,
\v 24 Linnage, “agai ha orham tabaram Yau monno nami, Yesus kawali ta Nasaret? Yau bamu maiyi kag hokudi lumgamma? Nauwa tadawe ba iyau Yau. Yau ka murraha waltai Allah!”
\p
\v 25 Tabollo, Yesus nahagaktaiyi, lina-Da “kadanawu” huna wal ta na ata!’
\v 26 Kole na wad kajapata banna kunyakanni monno bana kawula loppo waige li-Na kamadaka, huna wad jabata wal ta tauna.
\p
\v 27 Tangkahada da hangatara-Ni ma tomage badda kanukka-nukka wikna yidda, malidage, “agawe inne? Wuwe hanuwa beru banna waige kawahana! Lohho Nyi naha rehayi rak wad japata da kangakka ta bara-Na.”
\v 28 Begge, na geha diktakawe tutna Nyiyo namahabarawe tangngage ta loda Galile Yera Lawayinai Simon monno Ata Buta Hataggahayi Yera Lawayinai 
\s Simon monno Ata Buta Hataggahayi
\v 29 Kolei Yesus monno oled ana hakodona badda tannage na sinagoge, da tama ta ummanai Simon monnai Andreas, oleddi Yakobus monnai Yohanes.
\v 30 Tabollo yeranai Simon tangra baika nage oroge banna kalikka, begge daha legewe badda takina ge Yesus.
\v 31 Yesus na dikkini monno na naronani limmana mo natulluni banna hakadeyi. Bataudage nedona bungnga memawe kalikkana mo na lawaiyi halegenage banna hamadiyi.
\p
\v 32 Dikge banna gadi'ge, banna tama mata laddo, yidda da ngidkahayi ra ata mo hatamawad japata.
\v 33 Kolege, tangakahada ra ata kadana ne taha dauwu, damakahha ne ta aro bau binna.
\v 34 Yesus nahatagahadi ra ata kalawara tangga ngara lawara monno butayi kabalka hawuga-Na. Tabollo, naheridi ra kabalka ha newe, oronage badda tadai-Nyi. 
\s Yesus Nasembayang monno Todotalaragge Linai Mori
\p
\v 35 Ko-koka gaula, banna kapagtahoge, Yesus nakadde monno kako tawu hadau kahika, bekna sembayang-Na.
\v 36 Kolenai Simon monno ra ata wadeka oledna dama yeganni Yesus.
\v 37 Kole badda etaiyi Yesus da hanewe, “tangkahada ra ata dama yega-Gu!”
\p
\v 38 Begge, Yesus nahanewe, “maiyi kadda kako neda dihha harona-dihha harona tannam ka-Gu intage todo talarage ta barada ra ata redo ball. Oronage, nyidawe kappege bagu Maiwa.”
\v 39 Nyidauwe, Yesus nakako kahage tangngage loda Galilea. Na talarage li nai Mori ta sinago-sinagoge yidda monno wuggayi tangngadi rada mortana. 
\s Ata Kusta Hataggahayi
\p
\v 40 Bewali, dani na wu ata kalawara katobi na maiyi ta baranai Yesus. Nahaohayi monno takkodi kuddona ta barana Nyiyo banna hanewe, “Yau bam aukaduwu, Yau nadadiwe bam hataggahaga nauwa?
\p
\v 41 Manna maregawe ate-Na oro manawara Yesus nahanyokatani limma-Na monna j'oj'ayi na ata monno hanewe, Nauwa nyigauwa naba tauge kamu taggahawu!”
\v 42 Nadadi memawe kalawara katobina banna bungawe kalarana monna na ata natagaha.
\p
\v 43 Yesus nahalegewe banna halewayi na ata kako monno ha ape takkanage.
\v 44 Nyi nahanewe tabarana, “illa dahingkanna dau takmuge langka iyyadahingkai tutge inne. Tabollo, kako hatingngoge taumu tabara rato monno yiyi marakammu oroge bam taggaha kataudana hataknai Musa tannam kanna dadiwe wu li hatujja tabarada.”
\v 45 Tabollo, nadde ata na kako monno nahalegewe banna talarage banna bugerage lohho nahabbarage na li walle nahilka bunyimawe. Oro bataudage, Yesus wallenahilluintama tama banna hatingngo wik takkana ne taharona, tabollo dani tabal ha'du tahadau kahika. Tobollo ra ata kawal ta diha hadau-diha hadau engage badda maiyi tabara-Na.
\c 2
\cl Kawukku 2
\s Yesus Nahhawalini monno Hataggahayi Ata Ka Likku
\p
\v 1 Wallepira laddohoge, Yesus baddahaga ta kapernaum, rangewe banani ta umma.
\v 2 Begge buta ata kammakaha kampa ailamo hadauwu, loho na ta bal binna, monna banna takwe linai Mori tabarada.
\v 3 Begge yidda badda mai tabarana Nyi, da ngidiyi na wu ata likku pata ata kaditayi.
\v 4 Wale dapikmana tama ngiddiyi na likku ta baranai Yesus oro butana ata, begge yidda kakodage bugerage kawedo ta tutnai Yesus. Kole badda behabugera daha buruni walta rakana, hadau baikana na ata likku.
\v 5 Kole bana eta dage hatena manai Yesus mana hanewe tabarana na ata likku,” Bagu anagu tanggad jalam Ug hawal begudi.”
\p
\v 6 Tabollo, dadi ra Ahli Taurat kangodo, monna d'aha kakowe hangadada nedo ta ateda.
\v 7 “Aga danage nade Ata matauda bana hanewe? Nyi mana mapadda! Iyad'ai inna mana hawalnajala kadadi ata manna hehiyi Allah?
\p
\v 8 Nayapa wey Yesus waini Wadb'iha, badadi hangada japata ta ateda, Nyi malinnadi" Aga dawe matauda dage bam hangadage nedo ta atemi?
\v 9 Gidahoge karehna hadaha, bagha newewa tabarana nade ata likku, “Doku jalam hawalbegudi,” monna baluguni, “Kade, keketawe hadauwu dura monna kamkakoula.”
\v 10 Tabollo, kam tadawela nade Ana kadadi Ata dage bibta hareha nehe ta panu tana tutge hawalna doku jala.” Yesus naha newe tabara nade ata likku,
\v 11 “Nauwa luggdaguge tabarammu: kade, keketawe hadau duram, monna kam haga ta ummamu.”
\v 12 Ata likku yarritna dede, ngala nage hadau durana, monna hunage tabalhadu, ta aroda ata buta. Yida da bangara monna da daikayi Allah, loho lidage, “Nami wallema kal eta damahoe naha rayi katauda dahingna inne!” 
\s Lewi Nadokuni'i Yesus
\p
\v 13 Yesus na kako piwal ta nir hoba, monna tangada ata buta ammidi tabara-Na, monna Nyi naha nuadi yida.
\v 14 Nyi bana lihabo, Nyi na etayi Lewi, ananai Alfeus, katangra ngodo tahadau bayarana walkataku. Malinnai Yesus bana hanewe tabarana, “Dokuga Nauwa!” Nai Lewi nadede monna doku-Ni.
\p
\v 15 Monna, tangrana ngodo'i Yesus bana yayo nedo ta ummana ata Lewi, dadi ata buta katagge kaha walkatak, monna ata-ata jala, kaya dangani'i Yesus loho ana hakodo halole-Na, oroge nedo bali da buta ata, monna da dokuni'i Yesus.
\v 16 Kole rada kapirrana ahli Tauratkawalta kangote Farisida etayi'i Yesus batangra ya dangadi rada ata kamang doku jalana monna katag-katag dage kahai walkatak, yida mada kanukka nad'di ana hakodo halolena, “Aha Nyi manna ya danga dalkad rada katagdage kaha walkatak monna ata doku jala?”
\p
\v 17 Kole Yesus banna rangewe, nyiwe man-Na hanewe tabarada, “Yidda rada aika kalawara walle da waidama jawa dotera, tabollo kalawarada. Nauwa ba amga wale tutdama dage ata tena, tabollo tutdage ata doku jala.
\s Matutra Tutge Puasa (Mat.9:14-17; Luk.5:33-39)
\p
\v 18 Ana hakodo halolena Yohanes monna ata-ata Farisi tangra puasa dage. Ammiddi kapirrana ata Farisi monna daka nukka-Yi, “Aha rada ana hakodo halole Yohanes monna ana hakodo haloleda ata Farisi mada puasa, tabollo ana hakodo halolem Yauyo aida puasaka?”
\p
\v 19 Manedo ge, Yesus naha newe tabarada, “Nad'akawe, rade ata kairriyi kaberu haummana bada puasa batangra d'ani na kabani kaberu ha ummana tabarada yida? Badakahoni kaha umma berna kabanni tabarada ba enga honna jongada yida, yida walda puasa dama.
\v 20 Tabollo, dage lado rahige nada kaha uma berna kabani bangala danni walta barada, monna nyida howe lado rahige lagge bada puasa.
\p
\v 21 Wale lad'amanni nada wu ata kahirra kaba beru katepelage katwe ta kaba rakta. Batauda gege inna kaba beru hatepela wai nahirra habutage inna kaba karakta, monna taba madaka dana nage kama jairaka.
\v 22 Walle ladaman nada wu ata katau anggur beru taha dau anggur kalita ka ba'b ti'be. Nyi bataudagege, inna anggur nahirawe inna hadau anggur kalita lohho anggur monna inna hadau anggur kalita ge na li lokoyi. Kabalige, inna anggur kaberu tau dahowe tahadau kalita beru. 
\s Yesus Nyiklayi Mori ta Lado Miggu
\p
\v 23 Monna, dage wu lado rah ngah, Yesus na lida ta oma gandum.
\v 24 Lodoge, ata-ata Farisi daha newe tabara-Na, “Etai aha dalka yida mada rayi ge kahaipa walta innu ha akka tutna lado rah ngah?
\p
\v 25 Lodoge, mana hanewe tabarada, “Wallem kal mahowe miyo bam bahhawe agai harayinai Daud batangrana nyiyo monna ra ata olena ba aihil da hayada monna bada kalabba?
\v 26 Baaga linna nyi bana tama Umma Allah tabara Abyatar bana naroge Baibu Rato, monna bana yadi rada kababa hamara wai, ha yadaheda ra tangada rato, lohho bana yiwidudi kababa rada ata ole na?”
\p
\v 27 Bewalge, Yesus mana hanewe tabarada rad ata-ata Farisi, “Lado rah ngah" barayi tangana kadadi ata, walle kadadi ata dama tangana lado rah ngah.
\v 28 Nade, Ana kadadi Ata nynai Mori, lohhommu ta lado rah ngah.”
\c 3
\cl Kawukku 3
\s Yesus Nahatagaha Talado Biha (Mat.12:9-14; Luk.6:6-11)
\p
\v 1 Nade Yesus tama nage ta Sinagoge, nedo bali dani ata kamate gaba limana.
\v 2 Yida daha matranani Yesus monna da torroyi baragga hataggahanan Nyi nani nade ata ta lado miggu tannam kama antah bama hadakke-Ni balida
\v 3 Begge, Yesus mana hanewe tabarana nade ata kamate gaba limana, “Dedewu ta tailna.”
\p
\v 4 Monna Yesus naha newe tabara yida, “nadakawe bara'ina kadaha monnaa bara'ina kajapata inna lado miggu? Hahoila ngah ata monna hamateyi?” Tabollo, yida daka danna.
\p
\v 5 Lodoge, Yesus manna torro we kalingngorana manna bani. Nyi dage kaha milla oro katudi ateda yida. Lodoge, Yesus manna hanewe tabarana na ata kamate gaba limana, “Hanyokatan limamu.” Monna nada ata mana hanyokatan limana, monna na limana na tagaha.
\v 6 Oro nage, ata-ata Farisi mada kako, monna halege dage bada hawuna oled rade ata-ata Herodian kama gaba-Ni tutge baha mate-Yi. 
\s Buta Ata Kadokunni'i Yesus
\p
\v 7 Tabollo, Yesus naha dikko rauwikna oled rade ana hakodo halolena ta hoba, tabollo kataukalna butana ata kawalta loda Galilea kadoku-Ni, monna kawalta Yudea,
\v 8 walta Yerusalem, Idumea, loda tabal laiwe Yordan, monna rade wi'ina tabara Tirus monna Sidon, buta ata karange tangage harai'inai Yesus, kamai tabara-Na.
\v 9 Oro nage rade ata buta, Yesus naha newe tabara ana hakodo halolena tannam kada hainyaka wu tena tuba-Na tannam yida kailla daheran Nyiyo.
\v 10 Oro nagei Yesus banna buta be'i ata hatagahana, matangada ra ata kamangkalawarana daha dahera-dahera wikna kama ‘jo'ja-Yi ba lida dage
\v 11 Monna tangada rada wad-wad japata bada etayi'i Yesus, yida daka wo'jo ta aro-Na monna daka wula, “Yau Ana nai Allah!”
\v 12 Tabollo, Yesus nahertakkaddi yida bada takwe baiya'i Nyiyo. 
\s Hadidrayi Kabulu Dudana Ana Hakodo Halolena
\p
\v 13 Lodoge, Yesus pannenage tapanletena monna rade ata ha kabate-Na kag halinna-Na, monna yida ammid tabara-Na.
\v 14 Nyiyo manna hadidrai kabul duda ata tannam yida ka'da oleda-Ni monna Nyi kana anta bana halewa yida lo talarage linai Allah,
\v 15 monna nayidi bibta hareha tannam kada wuga mortana-mortana.
\p
\v 16 Yesus naha didrai kabul duda ata yida: Simon (tabarana Yesus mana yini ngara).
\q1
\v 17 Yakobus, ana'i Zebedeus, monna Yohanes, olebaina Yakobus (ne'e tabarana Yesus nayidi yida ngara Boanerges, kappege, “Ana-ana Guruh).”
\q1
\v 18 Andereas, Filipus, Bartelemeus, Matius, Tomas, Yakobus, ana'i Alfeus, Tadeus, Simon ata Zelot,
\v 19 monna Yudas Iskariot ka bokala wai-Ni. 
\s Kuahanai Yesus Kawalidawe Tayi'i Allah
\p
\v 20 Lodoge, Yesus manna tama tadiha bat'umma, monna makillora rada ata ammid bada makahha nedo lodoge Yesus monna ana hakodo halole walle da antama ya kababa.
\v 21 Kole rada ole bai-Na bada rangewe tutge inna, yida ammidi kama maranga hagani Yesus oronage yida bada takwe wlle hil pimanage balida-Ni.
\p
\v 22 Monna, Ahli-ahli Taurat kaburru walta ta Yerusalem malida ge, Niy tama nanni wadjapata Beeizebul!” Monna, “Nyi nawuga mortana waige bibta harena rato mortana.”
\p
\v 23 Lodoge, Yesus manna kamaikadi yida maitabara-Na, monna manna takdage waige lihatujja, “Aga linna kawe nai kabalka banna wuggayi'i kabalka?
\v 24 Nyi inna wu kalingngora hareha banna bahha kawe, banna gaba daukage tau dauna, inna kalinngora hareha walna hil kulha damawe.
\v 25 Monna, inna wu umma banna bahha we gaba dauge tauna, unna umma walna hil kulha damawe
\v 26 Nadai kabalka banna kadeka gaba dauge inna tau dauna monna banna bahhaka, nyi walna hilkulhadama, tabollo ngahdanage inna harehana.
\p
\v 27 Walle ladamanni nada wu ata kaanta tama ta umma ata kulha monna banna kedu kahha nadi hapotena, helege nyi banna katti ullununi nada ata kakulha, abnyidahowela nyiyo banna nagalanadi hapotena ta ummana.”
\p
\v 28 Nauwa Ug takgimige katautakana tabarami, tangaddi jalada anada kadadi ata nadadwe baha walid'di, monna tangada mapadda rada hatakda yida.
\v 29 Tabollo, iyai'i ka paaddai Wad Biha walle nahil dad mawe baha walini, tabollo jala aihil hawaldawe.
\p
\v 30 Oronage, ahli-ahli Taurat bada hanewe, “Nyi na taman wad japata.” 
\s Ha Olebayi Takkanai Yesus
\p
\v 31 Lodoge, inyana monna olebaina nai Yesus ammidi monna dadede tabal umma. Yida daha lewa ata tabara-Na loka maika-Ni.
\v 32 Kalingngora ata tangra ngodo dage killorani'i Yesus monna daha newe tabara-Na, “Torroi'i inyam monna olebaimu dadi tabalha'a tangra mayega dag Yauyo.”
\p
\v 33 Begge, Yesus nabalehayi monna nahanewe, “Inyai inyag-Gu monna olebai-Gu?”
\v 34 Nyi mana torroi rada ata ngodo kakillora-Ni monna nahanewe, “Torroi, rade yida inya-Gu monna olebai-Gu!”
\v 35 Oronage, inyai na karayige hakab atenai Allah nyina olebai kabani-Gu, monna olebai lawai-Gu, monna inya-Gu.”
\c 4
\cl Kawukku 4
\s Hatujja Waini Kahabbaranna
\p
\v 1 Halege nage Yesus bana hanuadi tahupu hoba. Mada makaha kaarumunguni'i Yesus rada kataukalana butana tomage Nyi banna pane ta tena kadana neta hoba. Marada ata buta dadi ta tana yara, ta nirri hoba.
\p
\v 2 Monna, Nyi butaiyi hanuadi yida banawaina lihatuja-lihatuja. Nedo ban-Na hanuadi, Nyi malinna tabarada,
\v 3 “Rangemlah! Dani wu ata kako habara wiini.”
\v 4 Manna dadiwela, batangrana banna habara, iina winni dage kamonu tanir lara, ma ammidi kawurna mada yage.
\v 5 Wadeka namonu ta tana kaha watna aika buta tanana. Winni manna geha tummuwe oronage tana aina kiddiwe.
\v 6 Kole nada mata lado bana taba maratka, paha mulla manna malokotayi monna oro aida kalartage, inna hamulla ge nama rakkotayi.
\v 7 Nawadeka namonuwe ta jonga ruta tara. Lodoge, ruta tara banna matuwe manna ngapetayi rade hamulla kaha bana dikidi mate, monna walle lama wuge.
\v 8 Tabollo, nawadeka namonuwe ta tana daha monna mangngihhige, nama tuwe, lohho nataba madakawe kaha badikkige talkabul katti, ankabull katti, monna ngahkatti.
\p
\v 9 Lodoge Yesus manna hanewe, “Iyai kamang katillu na karangnge, nyina ka rangela.”
\p
\v 10 Dage Yesus banna meha, rade ata tabara-Na, oled kabul duda rasul, mada kanukwe tabara-Na tuttudi rade liha tuja-liha tuja.
\p
\v 11 Tomage Nyi manna balehai yid'a, “Ngihi ate kalingngora Harehai Allah b'eb'e hayiwe tabarammu. Tabollo, tabara ata-ata wadeka, tangngage inna hadikki waige liha tuja-liha tuja,
\v 12 tannam, ‘Langba da etawe, yid'a d'aetawemonna walda tada mawe; monnaa langba darangewe, yida darangewe monna walda antamage, tannam yida illada tabali monna illa haawalidi.’” \rq Yesaaya 6:9-10 \rq*
\s Penjelasan tentang Benih dalam Perumpamaan Penabur
\p
\v 13 Yesus naha newe tabarada, “Wallem yappa mahowe inne pahatuja? Agana'akawe bamyappe tangaddi rada pahatuja wai?
\v 14 Nada kaha'abarana nyi katalaranage Linai Mori.
\v 15 Yidana rade ata kamonu tahupu lara, hadau pahadawe linai Mori tabarada. Kole yida bada rangewe, ammini kabalka nangala dage na Linai Mori paha hada tabarada yida.
\v 16 Tauda jalage, yida rada hahabbara ta tana kahawatna yida rade ata karangewe linai Mori monna kageha hibawe waige ege ate.
\v 17 Tabollo, yida walleda kalartama nedo ta tau dauda monna hamanno tud dahedage. Lodoge, kole baamge kapito morha monna mayilla oro Linai Mori, yida dageha monu.
\v 18 Monna, inna wadeka kamonu tajonga ruta tara. Yidana rade ata karangewe Linai Mori,
\v 19 oro hangada dage inna pantana, monna kama'a atena hapote, monna hakab ate-hakab ateda wadeka ha yabbora dage ta Linai Mori monna ngapetawe mayida walle hillama wuge.
\v 20 Tabollo, yida rada kayanna ta tana dahha yidana karangewe Lina Mori, kahibawe, monna kamang wuna, talkabullu katti, annikabullu katti, monna ngahu katti.” 
\s Hatujja Waige Latti Weyo
\p
\v 21 Lodogei, Yesus manna hanewe tabara yida, “inna latti weyo bangidwe katauwe kabunyi monna katauwe takab pinya walle linnadamawe? Inna latti weyo yoda daho taha dauge hadau tauwe?
\v 22 Oronage, walle ladama kabunyi aika manadana. Tauda alage, langka agadahingkai kabunyi aiha dedala.
\v 23 Nyi badaka kamangkatillna harange wai, nyila karange!”
\p
\v 24 Lodoge, Yesus naha newe tabarada yida, “Kamhamattarage agawe harangemi. Inna katut hawaim nyi alawe katut hawai tabaramu.
\v 25 Iyai kamangmangna, nyi yi pihoni, tabollo iyai aika kamangmana, agai kadana tabarana engage bangalanadi walta tabarana.” 
\s Hatujja Waige Winni
\p
\v 26 Lodoge Yesus mana hanewe, “Kalingngora harenai Allah natujayi nade wu ata kahabarana winni ta tana.
\v 27 Nada ata kahabara bana dura monna kade bana ladoge monna bana gaddige, monna inna winni nahullekawe tibbige monna nama tuwe. Nada kahabara walle natadawe agalinnawe banna dadiwe.
\v 28 Inna tana naha hu dauge wuge. Wungnga puge kahulleka, lodoge wuna, bewalge wiha-wiha gandum nedo ta wuna.
\v 29 Kole banna maduyi rade wiha-wiha gandum, nado ata manna gehaddi banna ropoyi oronage dikkinage rahihadeteyi ha yayo. 
\s Hatujja Waina Watu Sesawi
\p
\v 30 Lodoge, Yesus nahanewe, “Ta agadana hadau patuja waidage inna Kalingngora parehanai Allah? Monna, tagi liha tuja d'aka yita dau hamera waidage?
\v 31 Kalingngora harehanai Allah monna tujawe watu sesawi ha habara ta tana, langba nyi talka watu kahada marraha walta tangngaddi watu kada tapanu tana,
\v 32 tabollo kole bahabarani nada watu na tumu monna dadi madaka walta tangnga hamulla kadana ta oma, monna naha hudi kahanga-kahanga madakkana marada kawurna mad'a rayina haduda ta hanga bokotana.
\p
\v 33 Buta lihatuja hawaina kataudana hadana, Yesus natalarage Linai Mori tabara yida, bada dokuge manege waige agawe ha rangeda yida.
\v 34 Nyi walna hadaka manna hanewe tabara aina waikana liha tuja, tabollo Nyi nahahirawe tangngage nedo tabara yida ana hakodo halolena. 
\s Yesus Nahha Ngahuyi Warata Kalla
\p
\v 35 Monna, lado nedo, kole banna ma malge Yesus malinnadi rada ana hakodo halolena, “Maidanna yitta kada kako tabal hoba bali.”
\v 36 Kole bada tanadi rada ata butage, yida damarangani'i Yesus ole yida datama ta wu tena nedo taha dau dani Yesus. Monna, da aladi tena wadeka ka ole-Ni.
\v 37 Lodoge, nyidawe manna dadi rereha madaka aika anana monna ngalung kama dakkala manna bahha neta tena ma nada tena nabannuni weyo.
\v 38 Tabollo Yesus dani tatil tena, dura nage tapan luna. Ma, yida daha raduyi-Nyi monna daha newe tabarana, “Guru, nadahawe bamtannage inna yitta bada liloko?”
\p
\v 39 Kade nage Yesus manna yaddekai nada rereha, malinnage banna aroge inna bannu, “kadanna! Kanannara!” Manada, rereha na ngahu monna naka danna takawe.
\p
\v 40 Lodoge, manna hanewe tabara yida, “Ahha mam madautami? Walle lamahowe hatena kadana tabaram?”
\p
\v 41 Yidage da taba madauta dawalli monna daha newe diha monna diha, “IyadaI Nyi nade? Lohho na rereha madaka monna bannu mada doku maneni!”
\c 5
\cl Kawukku 5
\s Wu Ata Kawali Gadara Halohitayi Walita Waddi Japata
\p
\v 1 Dikdage yida nedo bal tabal hoba, ta tana ata-ata Gadara.
\v 2 Banna burrui Yesus walta tena, amminni nade ata walta ta jonga rate-rate ha tamana wadjapata na tabokai Yesus.
\v 3 Nyi hadau engana ta jonga watu hodi. Walle ladama ata kakulha bada katpini, langba rante wi'we.
\v 4 Oronage, nyi da bada katti bada koga nadi leduna monna da rantei, tabollo nyi napohtai rantena monna na patai kogana. Walle lama wu ata katut kulhana kahataddolaiyi.
\v 5 Lado monna gadi, nyi naka wula nedo tarate monna ta letena-lolana, monna naha pota dauge tauna waige watu.
\p
\v 6 Nade ata bana eta dikkorauyi Yesus, nyi nama lai monna naka wojo ta aronai Yesus.
\v 7 Lodoge, kawula allanage waige kabohkana banna wula nyi mana haohawe, “Nauwa karaiwe tabaram-Mu waini'i Allah, illam hamayollawa!”
\v 8 Oronage, Yesus bada haohawe bena tabarana, “Huna wal nade ta ata, ta yau wadjapata!”
\p
\v 9 Lodoge, Yesus manna nukkai nadde ata, “iyau ngarammu?” Monna, nyina na baleha, “Ngaragu Legion oronage nami mabuta.”
\v 10 Nyina nadu-dukaraiwe tabarai Yesus tannam kailla nawugai walta nedo.
\p
\v 11 Inna bal dadi wayi buta katangra ya ta bara letena.
\v 12 Lodoge, rada wad-wad japata daka raiwe tabarada Yesus, mana hanewe, “Halema nami tabarada rada wayi tannam nami kamma tama tabarada.”
\v 13 Yesus nangodage haraida. Oronage, wad-wad japata da kako monna datama tabarada rada wayi. Marada wayi ka kamha dorata dama lai nedo ta lirra loppo ta hobayi, lodoge data bullo nedo ta hoba.
\p
\v 14 Begge, rada ka angudi wayi dama laiyi monna da takdage rada kadana taha rona monna taha rona.
\v 15 Monna, ata da huna torrowe aga kaba'a dadi. Lodoge, ra ata ammidi tabarai Yesus monna da etai nyi nada hatamana wad japata, kamang legion na, tangra ngodonage, monna bada ba'atauna kalabbe, lohho walle hil ngadema, dahhabe. Monna, yida dama dauta.
\v 16 Lodoge, yida da eta waige mata agawe na kadadi, dadulkawe agawe na dadi tabarada rada ata, agawe inna kaba, a dadi tabarana nade ata hatama wad japata monna tutda rada wayi.
\v 17 Oronage nedoge, halege dage rada ata mada karai'i Yesus tannam kanna yeladage nehadauda.
\p
\v 18 Lodoge, dikki rahige batangrana Yesus banapanne ta tena, nada ata innana hatama wadjapata naha ohawe tannam nyi kaha haini banna oleni Yesus.
\p
\v 19 Lodoge, Yesus walle napahaimani, malinnadalin tabarana, hagau tabara ole baimu. Dulkadage tabarada agawe naha rainai Mori tabarammu monna nai Mori banna hatingngo manawara tabarammu.
\p
\v 20 Lodoge, nada ata manna kako monna naha legewe banna dulkawe tabarada ata Dekapolis tutge tangage nakadadi haba, a rai'i benna Yesus tabarana. Monna, tangada ata da bangara. 
\s Anak Yairus Dibangkitkan dan Perempuan yang Pendarahan Disembuhkan
\p
\v 21 Yesus napala pi wal waina tena nut bal, ata buta dama kaha tabara-Na, monna Nyi dani ta nirri hoba.
\v 22 Lodoge, manade wu ata kapalge Sigoge kaangarana Yairus ammani monna kle banna etai Yesus, nyi naka wojo ta koko ledu-Na.
\v 23 Monna, nyi naha oha takkayi'i tabaranai Yesus, malinna, “Ana lawaiyig kamarraha ho'o banna mate. Mai monna kam ijjalai limmam tangihna tannam nyiyo kan kolegge tagaha monna morha.”
\p
\v 24 Manai Yesus na kako marangngani Yairus dadi ata buta kadokuni Yesus monna dakillorani.
\p
\v 25 Monna dani na wu lawaiyi kalawara ra hakitawe kahuna mojage kabullu duda dauwu.
\v 26 Nyiyo badda hapira wuddabenage bana kako ta ata katauna lapa, monna tanggadi dauna nabeyi, tabollo walle lama gauge monna mataba dalmonage kalawara.
\v 27 Kole banna rangewe tutna Yesus na lawaiyi ammini ta baranai Yesus dokuni walta lira ta tillu ata buta monna narronage kalebbe madakna
\v 28 Nalai nahanewe, “nauwa mallig jojanagge kalebbe madakka-Na, nauwag ig tagahawa.”
\v 29 Bataudage neddo na bunga mema na ra kahuna oro lawarana monna napadage ngihina banna taagaha wal ta lawarana.
\p
\v 30 Yesus napadage banna tadawe waalta ta taudau-Na badage inna bibta hareha kahuna walta tabara-Na. Manna poteranna ta til ata buta monna naha newe: “Iyai kajaja gage inna kalabbe madaaka-Gu?”
\p
\v 31 Lodoge, ana hakodo halole nai Yesus mada hanewe tabara-Na, “Yau um etai rada ata bataukalada buta moda dahe-dahera-Gu monna lumdawaliu bam haneweu, “iyai kajojagage kalabbe madakka-Gu?”
\p
\v 32 Lodoge, Yesus manna hamattarad tabara-Na tannam kagtadai baiyai karaige balin-Na
\v 33 Lodowige, kole banna tadawe agawe kadadi tabarana, na'a lawai nama dauta monna nakare'e. Nyi ammini monna naka wojo ta aronai Yesus lohho natakwe tabaranai Yesus nahalurhawe takwe tangngage na kadadi.
\v 34 Lodoge, Yesus manna hanewe tabarana nade lawai, “Bag Ana-Gu, naha tenammu naha hoilabemwu. Kakouwu maring malala monna kamtagaha walta lawarammu.”
\p
\v 35 Tangrahonai Yesus banna hanewe, ammiddi ra kapirrana ata kawalta ta ummana nade kapala Sinagoge malidage badda hanewe, “Anam na matebe. Aha mamrega allahoi Guru?”
\p
\v 36 Tabollo, Yesus walle na auma rangewe agawe hatakda Nyi naha newe tabarana na kapala Sinagoge, “Illam madautaka, hatena dadu'u.”
\p
\v 37 Lodoge, Yesus walle napahaimad langba wu'ak ata bada doku-Ni, tabollo rade Petrus, monna Yakobus, monna Yohanes, olebaina Yakobus.
\v 38 Lodoge, yida kole bada dikki nedo ta ummana kapala Sinagoge, monna Nyi na etai kawihhaka, monna rada ata da hoyo monna daka laura.
\v 39 Lodoge, kole banna tamai Yesus, Nyi naha newe tabada yida, “Ahha mam kawihhaka monna mam homi? Nade lakawa walna matemaho, tabollo tangra dura nage.”
\v 40 Tabollo yida da malhani'i Yesus. Lodoge, Nyi naha lewai kahai huna, monna Nyi namma rangadi amana monna inya nade lakawa, lohho rade ata ka ole-Ni, lodoge na tama tahadau dani na lakawa marraha
\v 41 Lodoge, manna narronanni limmana nade lakawa marraha monna Nyi naha newe tabana, “Talita kum!” (Ngabege, “Lakawa lawai kamarraha, Nauwa ug hanewewa tabarammu, kadeulah.”)
\v 42 Nade lakawa lawai mayarritna dede monna naha legewe banna kako-kako, oronage nyi bada kabul duda dau bena, monna tangada rada ata da bangara takka.
\p
\v 43 Lodoge, Yesus nayiwe ha rehana tabara ata tuna nade lakawa tannam ka illa da wu'ak ata katadawe inna kadadi, monna da takdage ta barada tannam nade lakawa kada yini ha yana.
\c 6
\cl Kawukku 6
\s Yesus Wallehibbamaiyi Tahha Rona Dawuna
\p
\v 1 Yesus nakako wal nim baali monno nadikki hadauwalna, ana hakodo ana halole-Na kadoko-Ni.
\v 2 Kole bana dikki ge lado rahi ngahu, Yesus halegenage hanuwana ata Tasinegoge, monno, ata buta karangei-Nyi daha ngatra, mono lidage,” gidau walge-Nyi bana koledi tangadi rada? Angta wal gihingge bayinage tabara-Na monno mujizat-mujizattauna paraiwai limma?
\v 3 Walle tukang yayikaduyi, ananai Maria, mona walle olebaikanadi Yakobus monai Yoses mona Yudas, Simon?
\p
\v 4 Tabalge, Yesus nadage tabarada,” gi-hiyo ata damanutai ata nade wu'u nabi, helege hindau wali dauna, mono nedo ta tilu ole baina, mono tauma dauna?
\v 5 Begge, Yesus walena dadimage bana raige kamanadana nedo bali, helege bana taudadi lima-Na rada kapirana ata kalawara mono nahatagahai yida.
\v 6 Mono, Nyiyo nahangatara oroge ai hatenada yida. Tamurge nedo'ge, N-yiyo nakako na woletana harona-harona mono nahanua. 
\s Yesus Halewa Naddi Ana Hakodo Halolena
\p
\v 7 Tabal'ge nedoge, Yesus naka maikadi kabulu dudana ana hakodo ana lolena manna halege bana halewa yi yida duda -duda, monno mana yidi yida hareha tabarada ta wadd japata.
\v 8 Halegewe, nyiyo manna yidi hareha tabarada yida tanam yida iya da ngidka aga-agana tatil kako, helege duka dehege takko, nyamana kababa, nyamana tas, nayamana amaha, kat bageda yida
\v 9 waina kopa ledu monno nyamana hawaina do balla kalabe.
\v 10 Monno, Yesus lina dage tabarana yida,”gihing dau tamami dihha wu umma, engana nedo bali kaha bam huna wal nedo.
\v 11 Be'ge, badaka hadau eika ka hibami monno ai ka range gimi, nyi bam kakomi kabahai la kabbka wal ta ledu mi kadiha wuwe tajka tabara yida.”
\p
\v 12 Mahalegewe ge, yida da kako monno da katalarage oro nage ata-ata kada jarra.
\v 13 Be'ge, yida da wugayi murtana buta monno na urapi ata buta kalawara waina minyak, monno da hatagahayi. 
\s Herodes Narangngewe tuttunaiyi Yesus
\p
\v 14 Monno, Raja Herodes kole bana rangewe, oroge ngarana Yesus bana kabokawe monno ata bana hanewe,” Yohanes pembamtis kade benage wall ta jonga ata mate, be'ge harai kama nadana rai ulla we ta bara-Na.”
\p
\v 15 Wade lida ge, nyi nade Elia. “Nyiwe, wadeka da takwe,” nyi nade diha wu ata Nabi.
\p
\v 16 Tabolo, mana hakole harangewe Herodes tut ge, lina dage, “Yohanes be halai katakkna, kade haga benage!” 
\s Yohanes Pembabtis Daha Matei
\p
\v 17 Nyi dau Herodes kaha lewa ata, kaha rehayi tanam kayapa yi Yohanes, monno kapoka yi ta gall oro nai Herodeas, ole umma na ole bai kabanina, Filipus, oroge Herodes bana Nikah dangani Herodias.
\v 18 Oroge, Yohanes na pirra wudage bana takna ge ta barana Herodes, “Wanna tena mawe bam ngala yi ole umma ole bai.”
\v 19 Oro nage, Herodias na ijalawe bud ate na tabara na Yohanes monna ma ge baha matei, tabollo wana dadi mawe.
\v 20 Oroge Herodes nama dauta ni ta barana Yohanes kole bana tadawe oroge Yohanes ba wu ata hatena monno ata muraha, hamawoni. Hakole banna range we Herodes Yohanes, nyiyona ngade we hangada gu, tabolo Herodes dahawe atena bana rangewe Yohanes
\v 21 nyi batauge dikna ge lado katut, oroge Herodes ta lado rah dadi na naha dadige diha wu perjamuan ta barada pejabat-pejabat madesta, perwira-perwira, monno pemimpin galilea.
\v 22 Nedo bana tama ana lawai na Herodias bana tama monno nedo, nyiyo naha hadaha nage atena Herodes mono nedo kangodo ole danga ni. Monno, Raja na dage ta barana bau winne, “karai dawe aga dahingkayi habaimu monno nawwa yiguge tabaramu.”
\v 23 Monno, Herodes na haura tabarana,” Aga hing kakwe haraiyi mu tabaragu, igyidihingguge tabaramu, loppo nehe wadeka kerajaan ig yigugwe.”
\p
\v 24 Monno, nado bau wine na kako monna nahanewe tabara inyana, “Aga dahowe harai gu.” Baleha nage inyana, “Katakna Yohanes pembabtis.”
\p
\v 25 Monno nedo mema na ipota-ipota, nado bau wine na maw tarana Raja monno nada ge, “nawwa yig bai dihingge yi ge ta baragu katakna Yohanes pembaptis ta pan baki.”
\p
\v 26 Oro batauda dage nedo ge Raja na milla we atena, tabollo oro tauna monno ata-ata kaya ole dangani, walle na hangadamage ma tullarani nade bau winne.
\v 27 Be'ge Raja nedo mema na hangidna ata albojo waige harehana tanam kangidna ge katana Yohanes, mabe ge algojo da kako monno laina ge katakna Yohanes ta gal.
\v 28 Ta murrge nedo ge, nyiyo na ngidwe katakna Yohanes ta pan baki monno da yinage tabarana bau winne, ma nade bau winne ge na ngidwe ta barana inyana.
\p
\v 29 Monno, ana hakodona Yohanes bada rangewe, yida da mayi dangalanage tauna Yohanes mada taunage ta rate. 
\s Yesus Halewa Naddi Ana Hakodo Halolena
\p
\v 30 Be'nedo, Rasul damakaha oleni Yesus monno da takwe tabara-Na aga nihing kakwe harayida monno aga dihingwe hanuwada.
\v 31 Monno, Yesus na takkda ge tabarada,” Mai mi watte wikki mi ta hadauwu kahika monno kamu ngahu tudtomi.” Oroge, dadi ata buta kamai monno kako, monno tutyada walle mahiggoma.
\p
\v 32 Be ge Yesus Monno ana hakodo ana halole-Na da kako monno dawate wikna waina tena tahadau kahika
\v 33 Tabollo, ata buta da etai yidda mono datadai yidda. Begge, ata buta daha raja malai dabba lida tatana pu'u wali tatangadi harona, mono dadiki nutu bali daulluni Yesus mono ana hakodo ana kalole-Na.
\p
\v 34 Nyiwe Yesus bana kako ta nir hoba, nyiyo naetai kataukala butana ata, mono-Nyiyo namilad ate tabarada yidda datujayi bebbe ai kamangu morna. Nyi, Yesus naha legewe hanuwadi tabara'da tutud lihanuwa buta.
\p
\v 35 Kole bada manari gadige, ana hakodo ana halolenai Yesus damai tabara Yesus lidadage,” hadau yine hadau kahikawe mono lubenage gaddi.
\v 36 Halewai yidda kako tahaduda kalingorada maloho tadeha-deha yida kada hiyo haya.”
\p
\v 37 Tabolo Yesus na baleha, “Yaulah kayidi hayada.” Monno, lida bada takwe, “enga dahoge bama kako monno hi kababa kahina dongahu dinar monno na yidi kada yadi?”
\p
\v 38 Yesus lidage bana takwe, “piradi redo kababa kadana tabaragu? Kako monno torrola!” lina ge bana takwe, “lima kabba monno duda kaboko.”
\p
\v 39 Halege we, Yesus naha lewa kahayi kada ngodo lar ta diha kalibo nedo tan pan ruta moro.
\v 40 Ata buta ka ngodo kadiha ngibo dadi kahahna atamonno kalima kabulu ata.
\v 41 Be nedoge, Yesus na ngalayi lima kababa monno duda kaboko, natorro dete ta langta kole bana hanuta yi nyiyo bana habawedi kababa monno na yidi rada ana halole ana hakodona kadayidi ta bara ata buta, nyidomo baweyi, rada duda kaboko ta bara ata buta.
\v 42 Monno, tangkahada yadage kaha bada bokta.
\v 43 Tamurge yida dangala kahayi kabulu duda haburra kabanna monno, karehu kaboko monno kababa
\v 44 Monno, dadi lima rata kabani kaya kababa. 
\s Yesus Nahhataggahaiyi Ata Buta
\p
\v 45 Tamurge, Yesus natakwe ta ana hakodo halolena napanne ta tena monno na kako monno na dikki ta hup lai we nedo bali ta betsaida, nyiyo dahalewa ata buta kako haga.
\v 46 Bana beyi hanau yida, atuni dete ta letena banna sembayang.
\p
\v 47 Banna luge gadi, tenada engana ta til hoba monno Yesus mehakina ta tana yara.
\v 48 Monno, bana beyi eta ana hakodo ana halolena mayila hingwe bada hauppu rereha nadokidi oleda yita Yesus da maikadi yida bada kako ta bal we monno bada kako bada hepuyi yida.
\v 49 Tabolo nedo bada etayi Yesus bana kako ta pan weyo bana habalina manyi ma bege bana kawula.
\v 50 Mabege nedoge tang kahada bada etayi Yesus monno da ma dautani. Belage Yesus naha newe tabarana, monno lina ge bana takwe, “Kadanamla nawwa nehe,” iya madauta kam
\v 51 Halegewe, nyiyo bana panne ta pan tena, monno na harere hana na hanawana, monno yida da bangara
\v 52 yida wana yapamahowe tut ge Mujizat lima kababa oroge ateda yida enga hoge bana kawatoyi. 
\s Yesus Menyembuhkan Banyak Orang
\p
\v 53 Oroge halegehewe Yesus, monno ana hakodo ana halolena bada pala, ge nazaret mono berlabu
\v 54 kole bada bur wal ta tena, redo ata dageha tada mayi Yesus,
\v 55 monno malai tangage harona monno da halegewe bada ngidiyi ata lawara ta pan kasur, ta gidomono hing dau rangedage tut gid nai Yesus.
\p
\v 56 Bege, ba tagidihingnguni dau tamana ta deha-deha, nyi bata kota-kota, nyi bata daerah-daerah, ta'lingorad'da, yidda da'dahabaikad ata talawara tadaurame monno daka raiwe yidda tabara-Na tannam yidda kanaroge lai kalabbeda'kna. Monno iyadummui kajojanage kalabbena na'taggahha.
\c 7
\cl Kawukku 7
\s Ukku Parehaiyi Allah monno Ukku Pata Kadadi Ata Kadamma
\p
\v 1 Halegewe, dama kahha ata farisi tabbokai Yesus oleleda rade kapirana ahli-ahli taurat kamai wali ta Yerusalem
\v 2 Lohho, bada etai rade kapirana ana hakodo-ana halolena nai Yesus ya kababa waina limma kamanyarha yauratu limmada ai habaha.
\v 3 Oronage, ata farisi loho tangana ata Yahudi walleda yadamaho aida bahahoyi limada kahha dikki takoko limmada oroge kanogo wedawaikada banyiwe hanaroda.
\v 4 Lohho, nyi badakadi tata hayudi kamai wali tahadau jabara, hidda waledayamaho aibahahoy limmada dadi kabuta kanogo wadeka pahibada tangagu hanaroda, tujawe baha cawan-cawan, kendi-kendi, lohho bejana-bejana tembaga
\v 5 Tamurge, ata parisi lohho Ahli-ahli Taurat dakanukkawe tabaranai Yesus, “Ahha anahakodo-anahalolemu aidadokukage morha kanogo kaweda waikada, tabollo rehi damodaya ya kababa wainna limma kamanyarha?”
\p
\v 6 Yesus, nadage tabarada, “Yesaya natakwe waigge tena tutummi aikaha tena, tujage tutge kamatulha: ‘ yine hadau manuta waidahida-Ga rowida, tabollo ateda yidda nadikorauwe wali tabaragu:
\v 7 Yidda dakawojo tabaragu wainna liloko oroge yidda, bahanuwadage hareha harayida kadadi ata.”
\v 8 Harehanai Allah habehala mige oronage bam naroge na morha ata kadamma mema.
\p
\v 9 Begge, Yesus natakkidage tabarada, “waige ingtaMu bam tullarage harayinai Allah mam hajikkage kanogo dauwumi.
\v 10 Oroge, Musa natakwe, manutayi amamu lohho inyammu, lohho iyahingkai kahauran amana monno inyana nyinakoledahingge hokmate;
\v 11 Nyilimdalge iyadahingkai wuu ata katakwe tabara amana monno tabara inyana agadahingkawe hautu hakolem marade kawali tabaragu nyinaa maraka.
\v 12 Be'ge mige wallem aumami nyi'yo rayige agadummuwe tutna amana moyo inyana,
\v 13 Mono taudadamomu miyo bam pata we lina Allah waige pata/kanogomi kahadalarana du dalarana loho miyo bam rage kabuta aikadaha tujawe inne bawa.”
\p
\v 14 Tamurge, Yesus naka maika walidi loho natak dage tabarada.” Rangewe tabaragu, tangam'mi, loho hanga dage.
\v 15 Wale lamani diha wuyo ta bal aiha tadana ata katama lari ta tauna kama nyarha, tabolo tangadi kahuna wal lar nyidawe kahamanyarhayi.”
\v 16 (Iyai kamangka katilna harange waina nyina karange!)
\p
\v 17 Be ge Yesus natama ta umma loho natanadi redo ata -ata ana hakodo ana halole-Na daka nukayi tut na nade liha hatuja.
\v 18 Be ge, Natak wal da ge tabarada, (dim walem tada jala mahowe? Walem tadamawe oroge aga dum muwe kawal tabal ha'a katama ta tau ata wale nama nyarha damawe? Atena ka dadi ata.
\v 19 Orona, katama rad lari ta ate ata, tabolo tina, monno kahuna wal ta jamban. “Tau dage Yesus bana takiyi tangadi haya ka yanana/kadaha.”
\p
\v 20 Halegena-Ge, “Agai kahuna wali ta kadadi ata kaha manyarhayi.”
\v 21 Oroge, wal lari kawali ta ate ata, nahudi paha ngada-pangada kajapata, jala doku kabani lawai, kedu, hamate ata, madesta ate, japata, kabali, "
\v 22 Lona dau olena, wutogo ate, kabali, dadara, bogang, monno kabangga.
\v 23 Tangadi ka japata kawali ka dadi ata, monno nyida we kaha ma nyaharyi.” 
\s Hatena Wuyo Lawaiyi Siro-Fenesia
\p
\v 24 Wal taha dau nedo, Yesus na kade monna kako ta tana Tirus loho ta Sidon. Monna, Nyiyo na tama diha bat umma monno wale na kama'a mage da diha wu ata katadawe, tabollo nyiyo wale na tolka ma wali taha matara.
\v 25 Kole bana range tut na Yesus, diha wu ata lawayi ana lawaina hatamana waddi kajapata na maiyi monna kawojo taleduna Yesus.
\v 26 Lawai nade ata Yunani yi kadadiyi ta Siro fenesia. Nyiyo na karaiwe ta baranai Yesus tanam kana wuganani kabalka kana huna wali tabara anana.
\p
\v 27 Ta bal ge nedo, Yesus naha newe tabarana lawaiyi,” nyamamodi lakawa kaha bada bogta ullu, oroge, wale na daha mawe ngalai kababa nauda lakawa loho ba tutuyi ta bagga.”
\v 28 Tabolo, nade lawaiyi nabalehawe monno lina dage tabara na Yesus,” na tenawe Mori. Nyiduwe, bagga kadana ta kabu meja da yadi karabkadi kawali ta lakawa.”
\p
\v 29 Hale gewe, Yesus nadage tabarana nade lawaiyi,” oroge miyo balim dage, miyo dadiwe bam kakom, kaballka ge na tana begudi anamu.”
\p
\v 30 Ma be ge, nade lawaiyi,”naha hagga ta umma monna tabbpyi anana tapinya daudura monna kabalka ge atu beni. 
\s Ata Ka Tillu Nahhataggahaiyi
\p
\v 31 Halegewe, Yesus na huwallna wali taloda tirus monna kako li habbo ta sidon monna aro ta hoba Galilea, ta tana Dekapolis.
\v 32 Halegewe, yida da ngidiyi tabarana Yesus diha wu ata katillu ka'akka hanewe. Yida da karaiwe tabarana Yesus kana ijalanan limma-Na ta pan katakna nade ata manna hatamadi karak limma -Na ta pan katakna nade ata.
\p
\v 33 Benedoge, Yesus na ngidi meha yi wal ta jongana ata buta. Nyi mana hatama di karak limmma -na taka till na nade ata, mbe bana ta rumna nyi mana naro nage lamma na nado ata.
\v 34 Manna, tangara yi Yesus dete ta langta, nyi na ngahu dete monna lina dage, efata. “Nga be ge nama bugerawe.”
\v 35 Ma nedo mema ge, katill na nade ata nama mabugerai, kama katti ta lamma na kama kati nama laddawe mana hanewe waina kadaha.
\p
\v 36 Monno, Yesus na heridi yida bada tak we tut ge nedo kadadi tabarada iya dummo duyi, tabolo na herehi heri hingudi tabarada yida, reh ge bada talarage.
\v 37 Tena takka-takka we yida bada li bawa monno lida dage,”Nyiyo rai benage tanga hingge waige daha. Loho, Nyi na rayige ata katillu da rangnge monno ata kabangnga ha newe.
\c 8
\cl Kawukku 8
\s Pittu Roti Hayadi Ata Karehi Walita ta Pata Rata
\p
\v 1 Nut lado kalangana, dama kahada ata buta, kama ya lida lada hingmana ka da a'da, Yesus na maika dadi ana hakodo ana halolena mana da tak da'ge tabarada yida,
\v 2 “Nawak nage kaha mata radi rade ata buta, waige manawara oronage bada olega ka tau'da ladona, mona kama ya lida lada hingmana da a'na.
\v 3 Nyi bagu halewa dalkai haga ta'ummada, nyi ba'a kalabada moda, nut talara ge engabadada ma'dage, oronage rado pira ata kamai wall tahadau kamarau.”
\p
\v 4 Mona ana hakodo ana halolena da balehadai,” gida dau walidi rade rade kababa banna haboktadi rade ata ine tahadau kahika taha dau kahika kataudana ine?”
\p
\v 5 Ma'bege, Yesus mana hanukai, “pirrad kababa kdana tabaram? Nyida balehai pittu kababa.”
\p
\v 6 Tamurge, Yesus naharehai ata buta ngodo ta tana, monno nangaladaiyi pittu kababa mona wai-wai linan Morina, mona na pahha-pahhadai mona na yiyi tabara ana hakodo ana halolena kadda yadi ata buta balidda. Yida da yikahai ta ata buta.
\v 7 Monna, ana hakodo ana halole-Na da'di hodik kaboko maharada. Kole wai-wai balinan Morina kadau dete, Yesus naha lewai ana hakodo ana halolena kade bawei rade kababa ta ata buta lina Nage.
\v 8 Rade ata buta ge da yayo, kahha bad'da bokta, monna da kahha-kahha karehi ta'k yayo, kapitna kaburra ka ban'na.
\v 9 Da' ata pata rata'da ka' ya. Mabegge Yesus naha lewadai yidda hagga.
\p
\v 10 Haledalwege, Yesus na kakoda panne ta tene oled ana hakodo ana halolena mona hadikna ta tana Dalmanuta. 
\s Dakkaraiyiyi Yesus Hatingona Tajdka Kawalita ta Sorga
\p
\v 11 Mona, ata-ata farisi da'mai mona da'ha bare-bare monai Yesus da'miloho da karai Yesus hatingo'ge tajka kawal tasurga, tutge kabawaige
\v 12 Mabegge Yesus nating hamalau we ngahna tabara wadna. Nahaneweda “Aha dalka rade dalarada yidda, mada mayega dalhona tajka? Nawa hig taggimige katena tabaramu, lada hingmana tajka wu'a ha'yi tabara dalara inne”
\v 13 Mabegge Yesus natanad yida, mana kako tama ta tena, ma'da kako nut bali. 
\s Ragida Ata Farisi monno Raginaiyi Herodes
\p
\v 14 Ana hakodo ana halole dangadage hangid kababa, mono kadipka hewe kababa kadana,
\v 15 Monai Yesus daha nawuyi tabarana yida, “hagana wikmmanala? Hamatarakigela bam arodi ragi ata-ata farisi mono ragi Herodes.
\p
\v 16 Mabegge yida baworoge, nade wuata mono rade ata wadeka tutge ai la kakolena kababa-
\v 17 Mona, kole tadawe tut'ge ine, Yesus naha neweda tabarada yida “Aha miyo mam hanewege tut'ge ai kamang kababana? Yau walem tada mahoyi mona walem yappa mahowe? Aha atem mana katu hingkawe?
\v 18 Da, mana matam nyiyo ma walem eta da'wu? Mona, nade katillumu, mawalem range dallwu? Walem ape mai miyo,
\v 19 Nawa bag hibiyi rade kalimana kababa tut'da rade limma rata ata, pirai butadi habura kabanna mona hatari-tari hayayo hakaham? “Yida dabaleha, “kabul duda haburai”
\v 20 Mona, pit kababa tut'da rade rade kapataratana ata, pirai habura kabanna mona hatari-tari hayayo ha kaha bem?” Yida dabaleha “pittu habura.”
\p
\v 21 Mabegge, naha neweda tabarada yidda, “Mi walem yappa jala mahowe. 
\s Yesus Hataggahayi Ata Kamoro ta Betsaida
\p
\v 22 Tamurge, Yesus mono ana hakodo ana halolena da, dikda ta Betsaida mona pira hingda ata ka marangana ata moro mona dakarayiyi Yesus kana narogama ba'lid'da.
\v 23 Yesus na narodi limada ata moro mona dangidiyi ta bal deha, mabegge, Yesus natarummu nadi matana ata moro mona naijalai limmana dete tanyi. Nyi nha kanukka dai tabarana yau rada haetam?”
\p
\v 24 Mabegge, ata na toro dawe nut dete mona natakidawe,” Nauwag etayi ata, tanyiduwe yida bag etayi meranadi pu'yayu kahangatana kako.
\p
\v 25 Kole nat'tu, Yesus nataudai limana dete ta mata ata, ata ge, na bugeradi matana, na tagaha na ata, tamona nyige dadalge bana eta daha.
\v 26 Halegewe, Yesus nahalewadai haga taumana mona natakwe, “iyam tamabemi be'mi tadeha.” 
\s Yesus Nyiknaiyi Kristus
\p
\v 27 Be'nek ge, Yesus na kako, oled ana hakodo ana halole, tadiha-diha deha ta Kaisarea Filipi. Mona beda dadikki tatili lara, Yesus naka nukayi tabarada ana hakodo ana halolena mona tau'da'ge tabarada yida, “Hatakidaa ata, iyawa nawa, nyi?”
\p
\v 28 Yida da'balehai,”Yohanes Pembaptis, rade wadeka Elia lidage, mona rade wadeka walige ta Nabi-nabi.
\p
\v 29 Tamurge, Yesus naha nukai tabarada yida, “Nek hangada da, hingum iyawa nawa nyi?” Petrus nabalehai, “yaukana gini Kristus.”
\v 30 Monai, Yesus naha ape da'ge tabara da yida, wale hil takdamawe tabarana iya hingkai tutge-Nyi. 
\s Pemberitahuan tentang Penderitaan Yesus
\p
\v 31 Ta murge, Yesus naha lege ha nuwadi ana hakodo ana halolena oroge ana'na dadi ata na mayilla'ho butai hakako mona tularadi ata tu'na ta Yahudi, kepala rato-rato, mona Ahli-ahli taurat, mona loho hamatei, mona ba'be'we ka tau'da ladona na kade haga.
\v 32 Mona Yesus natakiwe na bugerage ka tautakana. Manyiwe ge, Petrus natingiyi Yesus tabarana mona napadekayi.
\v 33 Nedo, nagilakaho bana toroyi mona bana etayi ana hakodo ana halolena, Yesus napadekai Petrus mona linadani, “Kakom yelaga kabalka! Oronage yau'yo wallem hangada hing mage tangad haulana Marabba Allah, ta bolo haullana kadadi at,”
\v 34 Ma'benage, Yesus na maikana ata buta maloho ana hakode ana halolena, lida'da'ge bada taknage tabarana-Nyi badaka ata kabaige do'wga, nyi nha kawohodahoge dau-dauna, mona na hugu dahoyi yayu kadailo, maloho dokudahoga.
\v 35 Oroge, iya duyi ai kalana ngahuna oro nawwa mona Injil enga daudahoge bana hatolka gimmi.
\v 36 Oroge agawe ha'utuna nad'de wuata banna kole kahage yine pantana, nyidal ai kalana ngahuna?
\v 37 Aga dalhoyi hayina nadde wu ata kahaddage ngahuna?
\v 38 Oroge, iya duyi kamakke oro nawwa mona ligu ta dalarada ai'ka hadukka mona kajala manade anana da'di ata engana makke mengakudi ata ban'na mai waige bikta parehana amana oledi tangana Malaikat-malaikaat ka morha.
\c 9
\cl Kawukku 9
\p
\v 1 Mabegge, Yesus nahanewe lina tabarada “Yesus taknage katena tabarada, dadi rade ata kadede aika mateho kaha bada etawe kerajaan Allah ba ammige.” Dulkanaggeiyi Yesus Tutuge Mayilla-Na
\v 2 Monna, nim kaanni ladona, Yesus nakamaikadi Petrus, Yakobus, monnai Yohanes, bege nagidi tapan letena. Bege, Yesus kaheka wiknage hadana tabarada.
\v 3 Monno kalabbe yinne hawaina na kaka dahha takawe. Lakma kaingtage wu'u ata karayige kataudana dahhana tapan tana.
\v 4 Ubna, huida tabarada Elia oledai Musa hanewe danganadi Yesus.
\p
\v 5 Mabegge, Petrus nahanewe tai Yesus, “Rabi” atdahoge dahage badagama nehe. Maiyi kada rayina tauda dau hadauyo, wuyoi dawu-Mu, wuyoi Musa, monno wuyoi Elia.
\v 6 Petrus wale tadagmawe aga linna bana baleha oronage bana madauta
\v 7 Amgge karabba da koro kopaiyi mona da rangewe lii kamai wali taka rabba, linage Yesus, “Nyidnagin Ana hamanawaragu. Rangei Dinna!
\p
\v 8 Walle hilli eta hayadamage, kole bada torowe tabarada, walle da eta awakma ata ka oledi helenai Yesus.
\p
\v 9 Kolehe bada bur walta pan lete Yesus naha lewai tutge katakkiwe iyai ha etada, kahha bana kadde nane Anana ta jonga ata mate.
\p
\v 10 Mabegge, Nanarroge lii harangena tutge bada kanukka agawe oroge yinne ka kadde hagga walta ata mate.
\v 11 Ubbu, daka nukkaiyi Yesus. Ahhadalka rade ahli Taurat balidda bahwa Elia na'mai ullu daho?
\p
\v 12 Ubbu, naha newewalli Yesus ta barad'da nyi takka dahowe Elia kanna mai ullu tutge kanna hatagga hadi rade agaiyi kadadi. Monna agawe yinne kama tolha tutda nade Anana na padadahoge aika tiddana?
\v 13 Nyiwe Yesus linani Musa nai Elia nyimemadaho kamai monno darayini agawe habai'da ka ete katujana kamatolha tutna nyiyo (Elia) 
\s Ana Hakodo Halolena Walledamakkamanni wuggayi Waddi Japata Tali Tanadde Wuyo Ata
\v 14 Benadai Yesus, Petrus, Yakobus da hagga ta ana hakodo halole-Na, nyi ba da etai ana hakodo halole-Na bada killorad ataabuta, monno rak ahli taurat dahha ngangarana hanewe.
\v 15 Monno ra'kde ata abuta bada etai Yesus, daka da'da ngiddi monno dama lai lo tabbokai.
\p
\v 16 Bewalge Yesus naka nukkai, agadai rade ha ngangaram oledi ahli taurat?
\p
\v 17 Ma'nak wu ata ta til atabuta nabalehai-Yi. “Guru, ngidigun ana kabanigu tabara-Mu kabangga orona wad jabata.
\v 18 Ba'amkan nak wad jabata bana tamani, nabaktan ta tanah monno nawurrakkage bana, monno hangaktad ngudna, bewal na dingra. U'g karaikiwa ta ana hakodo ana halole-Mu kada wuggai nade wad kajabata ta bollo walda makkakmani.
\p
\v 19 Manna balehai Yesus manna hanewe, “Taa, mi ata aikahatena! Pirra tauhoge mojage bag olegim? Pirra tauhoge Ba naga tabaramu? Ngidgan nam lakawa tabarag!
\v 20 Bewalge, mada ngidiyi nak lakawa tabaranai Yesus. Monno nak wad jabata bana etai Yesus, nyimana kunya pipini nak lakawa. Naka lakawa na baktan ta tanah, mono naka bole mamai nakawurrakage bana.
\v 21 Nadai Marabba Yesus nak nukkai amana nak lakawa “pirra tauge ma'dige bana dakwe tabarana?” Balehanna, “wal bana marrahha.”
\v 22 Monno wad jabata da duttun bai tani tatil latti monno ta weyo kagha mouhan balina. Bewalge, Bam angtak'na rayige kaheka gaina, manawara gama nami Kam tulgama.
\p
\v 23 Manna hanewe Yesus tabarana, “Nyi bam angtak Duwu? Tangu kahhage nadakwe tutda ata hatena.”
\p
\v 24 Mana lakawa ho'onage monno kawula, “nauwag hatenawa, tulkagmoga eihatenahogu!”
\p
\v 25 Kolebana etai Marabba Yesus rak ata kabuta bada kilorani Mana geha wuggayi wad jabata Malinadage bana hanewe tabarana, “yauwu wad jabata kabangnga tillu nawwag harehawu hu'na walta nak lakawa lopo illam hil tama haggani!”
\p
\v 26 Kolebana kawula monno bana kunyapipini nak lakawa kalangtakana, nyiwe nak wad jabata, banna huna. Manak lakawa meranani ata mate ubbu tangada ata kabutatakka lidadage, “matenage!”
\p
\v 27 Mabellage, Yesus nanarronan limmana nak lakawa monno naha kaddei, ubna dedeki nak lakawa.
\p
\v 28 Monna Yesus na tama ta umm, ana hakodo ana halole-Na daka nukka mehai. “Ahha nami aima ingtakanni wuggai?
\p
\v 29 Monna, Nahewe tabarada, “katujana nade walna hu'awakmana helena bada sembahyang.” 
\s Yesus Takki Haggalnagge Tutuge mate-Na
\p
\v 30 Wa bali, Yesus monna ana hakodo ana halolena da kakao monna da lihabbo ta loda Galilea. Monno, Nyi walena auwukma bada ata katadai.
\v 31 Oronage, Nyi tamraddi hanuwadi ana hakodo ana halolena monno Nadage bataknage; “Ana ata da yii talimma ata, monno daha mate-Yi. Monna kole bada hamate-Yi, tauda lado ta aro Naa kadde hagga.”
\v 32 Mabegge lage, ana hakodo ana halolena waleda tada'kmawe ha tak-Na monno dama dauta kanukka-Yi. 
\s Hagabbanna Tutuge Inyai Kadadi Ata Taggahayi
\p
\v 33 Begge, Yesus monna ana hakodo ana halole-Na da dikkii ta kapernaum. Monna, kolehei Yesus ba adani lar ta umm, Na kanukkayi tabarada, “Agaii hatakkim ta lara?”
\v 34 Tanyidawe, kadana daldage oronage tamrada kako ta til lara da hangangara wikna tutge ba iyai kahadda madakka.
\p
\v 35 Ubge, Yesus na ngodo monno nakamaikadi kabuldudana ana hakodo ana halolena. Monno, nahanewe tabarada, “nyi badaka ata kabaina auwu ullu, nyidaho kahadda murru tangkahhage monno ka narroge tangngage.”
\p
\v 36 Mabegge, Yesus Na ngala wu'lakawa monno da tauwuyi mana dede ta barada. Monna Na yapuiyi naklakawa, nadage Bana hanewe tabarada,
\v 37 “ia daiyi katabokai lakawa marraha na tilngara-Gu, nyi katabo kaw-Wa. Monno ia dui kahibba-Wa, wale nau-Wak da'kma hahibbada, tabollo Nade kaha lewa-Wa. 
\s Orang yang Mengusir Setan dalam Nama Yesus
\p
\v 38 Yohanes nahanewe tai Yesus, Guru, nami ma'etai ata kawuggayi morrtana ta ngaramu, manna nami matonui oronage yida dokuda
\v 39 Bewalge, Yesus naha newe “iyam tonkai oronage lak'ma ata karayige wu'u hada habanning daga tangara-Gu, ladomema nedo
\v 40 Oroge, iyai eika kabada, dadi tabarada.
\v 41 Oronage, nawwag takwe katena tabaramu, ia dui'i ka yigu we'e wu'u koba bam dokoni Mori, walena bung'ngai mawe hige.” 
\s Tutuge Tubage Doku
\p
\v 42 Monno iyaduyi kahaoro walta dihha wu'u lakawa kahatena tabara-Gu nyi karayina jala, at hoge daha tabarana watu kama dakka daironani takokona ub'baitanni taban.
\v 43 Mono, limmamu bana ha orokawu rayigi kajala, katuplayi limmamu kajala. Nadahadahowe bam tamawu kamorha kadaha monno limamu kadubbu igdahoge duda limmamu bana tama'ii ta neraka, ta'a latti iaka badda.
\v 44 Dau-daudi kaela aika mate monno latti ai kabadda awa.
\v 45 Monno, nade ledumu bana haorokawu ta jala, katuplai ledumu. Athoge daha tama ta morha waina ledu kadubbu igdahoge duda ledumu baitad ta neraka.
\v 46 Dau daudi ka'kla aika mate monno lati ai kabadda.
\p
\v 47 Mono, nado matam bana haoroka kajala, layin nado matamu. Athoge daha bam tamawu ta kerajaan Allah wu'u mata igdahoge duda matababaitadi ta neraka.
\v 48 Dau dawudi ka'kla aika mate mono lati aika badda.
\v 49 Oronage, tangngad ata enga nyidahowela bahamahini latti.
\p
\v 50 Mahhi na dah'hawe, tabollo mahhi bana bungawe mahge, agadahowe hadage kanna mah hagage? Dadahoge mahi ta taudaumu mana dahawe tabara ole atamu.
\c 10
\cl Kawukku 10
\s Tuttunagge Pahewa
\p
\v 1 Ta murge, Yesus na tana dage inne hadau yo monna na kakoda tana Yudea monno nutu ta laiwe Yordan. Monno buta ata kama kaha malohho ge, monno kadamma, nyiyo naha nuwa lidi.
\v 2 Be'ge, ata-ata farisi katau dada nage, yiyo bana hawal lida yidda, mai wal dage, mona bada hajode yi, tau taka ge nade kabani pahewa danga ni ole umma na?
\p
\v 3 Yesus na baleha yi, agai halewa nagemi Musa tabarami.
\p
\v 4 Yida hanewe da na hahain linna rayina jurata pahewa, monai hewai.
\p
\v 5 Tabolo Yesus hanewe nage tabara yida, oro nage Musa bana katuwe atena monno nahewayi.
\v 6 Tabolo wall hoge bana raina kadadi ata, maraba Allah rayi nage kabani monno lawaiyi
\v 7 Oroge, ata kabani tana nani amana monno inyana
\v 8 monno kadudana dadi wu hoba bege, yida wale duda mal da, waige ba wuhoba
\v 9 bege agawe Allah bana hawuda, illa dakani wu ata kaha hewa wikna.
\p
\v 10 Tanyiduwe, larr ta till umma ana hakodo ana halole-Na kanuka nage tabarana tut ge nutu.
\v 11 Tanyidowe, nyi hanewe nage tabarana, lang m'ba iyai kahewa dangani ole umma na nikah dangana kabani wadeka, illam ralkakinni kajala tabarana ole ummamu.
\v 12 Monna, tauda jalage ole ummana pahela dang'ngan laina monno nikah kabani wadeka nyio rayi nage kajala. 
\s Yesus Nahhamma Ringuyi Ngaradukkada Lakawa
\p
\v 13 Monna, nyida ngidiyi lakawa maraha tabarana yesus taman kanarodi rade lakawa, tabolo ana hakodo ana halolena, kanukkayi
\v 14 Tabolo, nyidawe Yesus etanadi, nyio bana bani monno hanewe tabara ana hakodo ana halole, “nyamadi lakawa marah'ha kada mai tabara-Gu monno illam tonkai oronage kerajaan Allah katujana kadauge ata katauda yid'da.
\v 15 Luggudi bagtakdage, katena tabaramu, iyai aika auyo na tabo kawe ta kerajaan Allah katujana lakawa marah'ha walena dadi maye tama nutu lari ta kerajaan Allah.
\v 16 Tamurge, Yesus yapunadi rade lakawa nyio, nyiwe bana hama ringnadi monna na ijalai limana ta pan katakda. 
\s Ata Pote Katullaragge Dokunni Yesus
\p
\v 17 Ma'be'ge, Yesus tanggra hagan mana ge ta lara, dadi ata ka malai tabarana monno takodi kuddo tabarana monno kapatani,”Gur kadaha. Agai dahoi harayi gu tanam kagu kologe hapote morrha kana engage?
\p
\v 18 Monno, Yesus hanewe nage tabarana,”allah lina dage miyo mam takda we bagu dahawa walle lada'a mani wu ata kadaha, dukka Allah nyima dahe
\v 19 miyo bam anggta dawe hare hawe: “nja'mana hawunnu, illam hajala dangani, iya kedu kana, iya ngidd kawe hanewe palleka, iya tak awaka, hatena kiyi inyam monno amamu.
\p
\v 20 Be'ge ata ratu hanewe dage tabarana. “Gur. Nawwa doki kahha bedi wali bag baumane howa,”
\v 21 Tabolo, Yesus na toroyi nada bau mane monno yida dage kadaha tabarada. Monno malinnage ta barada. “Dadal hoge hodi aika tut tabaramu. Kako dau kahayi hadaumu. Monno yikidi ata dengo, tanam kam dauge kadaha ta Surga. Tanyi duwe kam doki ga nawwa.”
\p
\v 22 Monno inna hanewe yidawalwe habut ate dangngana monno kako nage ge oro butai hapotena.
\p
\v 23 Lodoge, Yesus tangka hage kadana ta lingora monno hanewe tabara ana hakodo ana lolena, aga nawe hadage radde kapote ba tama ta Kalingngora Harehai Allah.”
\p
\v 24 Ana ana hakodo ana halolena kadada ka rangewe hatagna ta barana. Ta nyidowe nade Yesus hanewe wall dage tabara da'a, rangem lakawa, walle dapik dahing mana tama ta Kalingngora Harehanai Allah.
\v 25 Nadaha howe nade Unta bana tama ta bonga kariha be ubbu nade ata pote bana tama ta Kalingngora Harenai Allah.
\p
\v 26 Ana hakodo ana holena ngidi we monno hanewe wadeka.”Iya yi ka inta bana haila di
\v 27 Yesus toro wall nadi monno hanewe. “Ngara dukka kam ata tutge nutu, tabollo walle tut kel mana Allah, monno agawe tangage tut henage Allah.” 
\s Kahewage Badokunniiyi Yesus
\p
\v 28 Petrus halege nage hanewe tabara na Yesus.”Torro, nami tana mage tang kahage monno doki mag yau!
\p
\v 29 Yesus hanewe nage,” Nawwa tag gu katena tabaramu, walle lada mani wu ata katana na umma, lohho ole bai kabani, lohho ole bai lawaiyi lohho inyamu monno amamu, lohho lakawa, ta omana oroge nawwa monno oroge Injil
\v 30 nehe lado wanna dadi mawe hiba ngahu laptana, umma, monno ole bai kabani, monno ole bai lawaiyi, monno inya, monno lakawa, monno oma bada kulrada; Monno nim ka amna, morr ha aika manu dukana
\v 31 nyi batau dadage, buta ata ullu dadi na ge bana murru monno tabal ge nedo ulldawe. 
\s Yesus Takki Piwallinaggeiyi Tutuge Matenai Yesus
\p
\v 32 Yida tanggra da'a pane ta Yerusalem, Yesus kako nage ta aroda monno. Yida bangara, bege ana kaha doki amid madauta, monno Yesus ngidi hagayi ram ana hakodo ana halole tag wall nage ta yida ba agawe kadadi tabarana.
\v 33 Lina dage.”Torro, ka tanggra pane ta Yerusalem monno lakawa maraha yidage tabara kapala rato monno ahli Taurat tanam kamate monno aitahina ta ata wale tai Yerusalem.
\v 34 Yida hakulra dani, monno tarum dani, monno tauwal dani, monno wun dani, tanyidowe, nutna katauda ladona, nyiyo kade.” 
\s Marainoda Yakobus monno Yohanis
\p
\v 35 Be'ge, Yakobus monno Yohones, lakawa zabedeus, maida ta barana nai Yesus monno hanewe.” Gur, nami mabaige bayauka karayige tut ge nami lang m'ba agayi harayim,
\v 36 monno yesus hanewe dage tabarada,”Agai habaiyimu tut ge agai harayi gu tabaram u?
\p
\v 37 Yida lida dage tabarana,” Kahai gama diha wu ata nami kangodo tabal kawanu, monno nado wuyo ta ball ka limu, tati manada-Mu.”
\p
\v 38 Tabolo, Yesus nada ge tabarada,” Miyo walem tada mai agai harayi, muka ge enge wall ta cawan kara ahona bam enu nyi bahariha waige harihag tabarugu
\v 39 yida da tak we tabarana,” Nami mama kage!” Halege hewe Yesus, lina dage tabarana yida,” Cawan nada haenu gu miyi wallem enu mam, monno miyo harihami waige hariha tabaragu
\v 40 Tabolo tut ge ngodo ta ball kawana gu mbe'be haganage.”
\p
\v 41 Range nedo, kabulu ana hakodona monno wadeka dabani tabara Yakobus monno Yohanes.
\v 42 Monno, Yesus naka maikadi monno lina dage tabarada,” Imtadawe miyo oroge yida kaha reha ata-ata aika Yahudi na raige mera yida katau takana. Monno, madesta dawaige hareha tabarada
\v 43 Tabolo wale tauda damage ta jonga miyo nyida ho kaulla na,
\v 44 monno iya domuduyi kabai ge ullu tajonga nyidaho ka ulla tangana.
\v 45 Oroge ana kadadi ata ba ammini kada tagu yini walle linna dama we tabolo kana tagu dage nyiyo, monno na yiwe ngah na kakahhayi tangana ata buta.” 
\s Yesus Nahha Taghhanni Bartemus Ka moro
\p
\v 46 Tabolo nedoge mada dikki ta Yeriko, be'ge Yesus tanani Yeriko oledi rada ana hakodo ana halolena mono buta ata, diha wu ata kamilla moro kangarana Bartimeus, ana Timeus, tangra ngodo ta hup lara.
\v 47 Nyi nedo bana range we badani Yesus wall ta ata Nazaret, naha legewe hanewe.” Yesus, ana nai Daut, milla kiga ate.”
\p
\v 48 Monno buta bani nadi monno halewa nadi kadana. Oronage, nyiyo taba kawula, “Ana Daut, milla kiga ate!”
\p
\v 49 Be'ge Yesus nangahu monno naha newe,” kamai kani.” Monno, yida dommo kamai kadi ata moro monno hanewe tabarada,” Hakullha ge atemu! Dedewu, nyiyo kamai kanagu.
\v 50 Tanggrana bana pahalewe jubana, ata moro ratu dede monno maidage tabarana Yesus
\v 51 monno, Yesus taki dage tabarada,” agai miyo habaimi harayigu tabarana?” ata moro rato balehadage, “Rabi. Nyama mugani kagu etayi.”
\p
\v 52 Halegewe, Yesus lina dage tabarada,” Kakouge, hatemu naha taga hawu.” Nedo memage na kole hagege ha eta, monno nyiyo na dokuni Yesus katau kalla na lara. Yesus Bana Tama Ta Yerusalem Meranan Raja
\c 11
\cl Kawukku 11
\s Yesus Tamanagge ta Yerusalem Katauna Raja
\p
\v 1 Na palegewe, ba martiati diki ta Yerusalem, tabata Betfage mona Betania, Lete Zaitun,
\v 2 Yesus nahatewai duda anahakodo, halolana, mo nahaleway, kakomi ta dika wa deha haromi, lopo, gehami kamu tama taharona, Enggge bamu dikini, wu keledai kahodi,
\v 3 Baiyai ata katutra wetabaramu, Ana mamu padadige? Limidi, Mori, nyi kawaini nade keledai, nimi loge nyidi hogamin, tahadau innelimuni
\v 4 Ma palegedage dakako, lopo dadikini wululedai pak tabaubina, nedata balhadi.
\v 5 Mapalegedage mada ladami, mapalegewe dadi ata katamrana dede nedabali da matutratabarada, agawe popa dadimi mamu kadani nande keledai?
\v 6 Palege balehadage kataudna palokihadi Yesus tabarada, manada ata tanadadi mada kako.
\v 7 Dalalage mada ngididani tabarama Yesus
\v 8 Palegedage mada lugradi jubada, tauyi loka bedona keledai, mana ngodo bana kaletei. Lopo aujala ata ka lugradi jubada talara, lopo walau ata kapogo ro yayu lauyi talara.
\v 9 Marade ata da ulumi mada dokoni, wale ana manage mageborage bada kawula kalida dage, “Hosana” Maringi, Malalana Nyi, ka mai, waige ngarani Mori.
\q1
\v 10 Maringi Malalana kamai ta lulu parehamai Daud ama wadada yita, Hosana tapadau kahada madesta. Palegewe Yesus mana tama ta Yerusalem neda ta uma Allah, mana elowe bali mono bali
\v 11 Palegewe mana kakota la Betania barangadige ka bulu duda ana pakodo ana palolena oroge mata lado bata manage. 
\s Yesus Mana Katukuni Wu Pu Kapulota
\p
\v 12 Kale bakokowe bana damage tana, kolebada i'jage Betania, Yesus padanage kalabana. Bataudage, naetae diha bu pu Ara, ka mono takarona wali kamarau. Yesus Nahauranni Pu Yayu Ara
\v 13 Mana kako, kaguetanyi linadage Bagadikini nada Kapulota badai kana duka wu kahada daha wali la kapulota linadage.
\v 14 Kolebana dikini nada kapolota, walelada hingmana kadana padikinani duka rona yida pei kadana.” Jlanie dadi ka ata kayagudi wumu kaha kalwali, kalwali" inna pakodo ana palolena darangewe agewei atakna.
\s Yesus Kakonagge ta Bait Allah
\p
\v 15 Bege, yidda dikidage ta Yerusalem, palege we Yesus tama nage ta umai Allah, mana wagayi ngara dukaka ata, kahi lopo kamalajana nedoi ta Umai Allah naka baliyi tangadi meja hina dau tukaradi amaha, lopo kursirata kama layana kawa'na merpati.
\v 16 Lopo Nyi walena yimadi mahigo bada ngidiyi ngauda lida ta Umai Allah
\v 17 Walmurge Yesus mana panuwadi rada ata kalinadi, wale laudadage kama tolha, Umagu engage bapangarage Uma sembayang, walitangara dukage kabisuloda lopo kapisu tana? Pa nyiduwe mipajelu damige hina padauna Ata bokala.
\p
\v 18 Ngara dukana rato-rato lopo Ahli Taurat dama yegawi laraka tanamu kama pamate yilidage. Oroge madauta dage ngara dukadi lipa nuwana daka nga kani atabula.
\v 19 Kole bama tama dage mata lado, Yesus lopo ana pakodo palolena inja dage neda padau.
\s Dauwudahogge Hatena Nedda taiyi'i Allah
\p
\v 20 Bege, kokoki tamrada yidda bada palaka yidda daetaiyi puara kabada mate kaha laka lartana.
\v 21 Petrus naapewe dajalage na panewe tabarana Yesus “Rabi, etadui puara pakatukunu bada matenai.
\p
\v 22 Mapalegewe Yesus mana balehai,” Dauge patena tabarana Allah.
\v 23 Nawa kagutakmige kahada tabaramu, ba iya dahingkai kapanewe tatena letena, makeketau kamu mabaitawu kahatabanu, yi ai daduge bana gedo ta atena tayiduwe bana waigepatena agaipatakna Engagebana dadiwe, daja lage agawepakabuatena nadadiwetabarana.
\v 24 Lodoge nauwa lugudamigetabaramu aga da hingkai pa doamulopoparaimu, patenawelami bada hiba bemige, dajalage agawe pakabuatemu Enga yidagugetabaramu.
\v 25 Lopo bamu palege bamu dedemi lopo bamu sembayang pawalkakiga balimimi, ta nyiduwe bamu ijala howo dihaka wuku tabara olem atami, tanamu Amamu kadanata Sorga tanamu kana pawalgadi doku jalagu,
\v 26 Tanyiduwe mi aimu pawalkana olemu kajala, tauda jalage Amamu kadana dete la sorga wale mapa wali ma midi tangadi doku jalami. 
\s Kapala Yahudi Kanulkanagge Tutuge Kuahanai Yesus
\p
\v 27 Walmurge yidda amwalidi ta Yerusalem. Tamrana Yesus bana kako ta Bait Allah, Imam-imam Kepala, Ahli-ahli Taurat, lopo tua-tua Yehuda ammidi tabarana.
\v 28 Palegewe yidda dapanewe tabarana, Aga kuasa yau mampadadige ngarodukali kadadi ka heka gaina, lopo waliyayikayig kuasa mamu padadigi?
\p
\v 29 Yesus mana panewetabarada, Nawaengagela bagu padikmini dihawu matutra tabaramu, Balehawa Nauwa ma, Nauwa magutakmige baaga kuasa la magu padadi ngara dukadi kadadikaheka gaina.
\v 30 Inna batauge parihana Yohanes kawaldawe dite ata sorga ai waleka kawaldawe taata? Baehawa Nauma.”
\p
\v 31 Palegedage mada woroge tanga kahada malidage bada panewe, “Palege we yita bada balehai" ‘waldageta Sorga,’ Nyinapanewe ‘palegewe ahami walepatenai tabaramu?’
\v 32 Tanyiduwe, palegedage yita bada balehai, walta ata?” Rade ngora ata madauta dadi tangana ata buta oroge yida tanga kahada dayapgauge oroge Yohanes natenawe bawui Nabi.
\p
\v 33 Lodoge yida, mada balehai Yesus, “walemapa tada mai.” Dajalage, Yesus mana panewetabarada, “Tauda jalage duggu, nauwajala wale nadadi mawe bagu takmige baaga kuasawe palegewe Nawa magu padadidi tangadi kadadi.”
\c 12
\cl Kawukku 12
\s Kapala Yahudi Kanulkanagge Tutuge Kuahanai Yesus
\p
\v 1 Dadi ata kaulage batu oma anggur. Nada Mori oma na kilorage galu, mono nakahawe wu kalena kapahlawaina anggur, mono naha dede lewata kaha matara waige. Bege nakahewe tabara ata katau oma ma ubna kako ta diha nuha.
\v 2 Dikige rahi, naha lewayi wu ata dikidi reda katau oma longalayi ngihi oma anggur hadauna.
\v 3 Bege, daldani nada ata paha lewa, mada paluyi, dawu gayi mono haga waina lima kalu.
\v 4 Oro bataudage, naha lewa wali ata heka tabarada, mada pal wal nage katakna, darayige kanogo hamake danga.
\v 5 Bewali, daha lewa pi wal ata mada hamateyi. Tauda dage kadadi tabarada kabuta, wadeka paluyi, wadekawal hamateyi
\v 6 Mori oma naha lewa pi wal wu ata, nada Ana pama nawarana. Mabege, mana halewayi nada anana tabarada mono lina engage bada haakani oro baana guni.
\p
\v 7 Bege lidage, rada Ata katau oma pada panewe danga wikida-nyi nam kadauge, mai kadahamateyi tanamu nada omana kada dauge Yita
\v 8 Nyi, kada yapayi, madaha mateyi, mada baitani tabal oma anggur.
\p
\v 9 Agawe paraina nade Mori oma anggur? Nyi kana mai mana paduha yi rada ata katau oma mono na oma nage na yiwe ta Ata heka.
\v 10 Walemu kalu baha mahowe hanewege jurata Biha: watu habaitana tukang uma, nyiknage watu hadda.
\q1
\v 11 Nyiwene parayi nai Mori, mono parayi heka hadawe ba eta waige mata?
\p
\v 12 Bege, darunige yapa-Yi, nyidawe dama dautadi Ata buta oroge rada Ata buta datadawe Maraba Yesus padikidi lipa tuja tabarada. Ma, kakodage tanami Yesus.
\s Tutuge Ba Yoyo Pajak
\p
\v 13 Mabege, daha lewayi pira Ata Farisi Mono Ata Herodian mai tabaranai Yesus tanam katoroi jiwatana wali taha newe dauna.
\v 14 Bada maiyo mono dapa newe tabarai Yesus, “Guru, matadawe yau, m tena mono habai halayi hataki Ata heka. Oro, yau walem etadakmawe hada Ata tabolo hanuwani larai Allah waige katena. Natenawe bama bayarana pajak takaisar nyika wale?
\p
\v 15 Enga dahoge bana bayarana nyika bana bayarana habayarana nyiduwe Yesus bada tada nade koboda, Nyi kalinadi tabarada aha mamu Kabaga? " Ngidiyi tabaragu wala dinar tanamu kagu toroyi
\v 16 Nyi, ngidiyi, linai Yesus tabarada “mawo mono kamatolha ia nage mada bale hawe tabarana, “mawo mono hatolha kaisar.”
\p
\v 17 Bege, linai Yesus tabarada. Yinadi kaisar hadauna kaisar mono yinadi Allah hadaunai Allah. Ma, dabangara tabarai Yesus.
\s Matutra Ata Saduki Kapikku Jebakuyi Yesus Balidda
\p
\v 18 Ma, Ata Saduki, rada katakiwe aidage kadege haga amidi tabarai Yesus mono daka nukayi tabarana, lidage.
\v 19 Guru Musa natolhawe tabarada badakage nada wu Ata, kapang angwuna laina diki walini kapiku kole ana.
\v 20 Da pitu Ata bada haangwuna. Nada kahada hakaiya na ngala ole umana, bana matege walakma anana.
\v 21 Ma, nada olena haduda wai nika dangani nada lawai, mate wala jalakma anana. Tauda dumoge nada hatauda wai.
\v 22 Ma, wadakma nada kapitu Ata bada ha angwuna walakma anada, hadage wal rada tangadi, nada lawai mate.
\v 23 Nihi talado kade haga, bada kole hakade haga, ia taka ka ole umani nada lawai? Oroge rada kapitna Ata bada ha angwuna bada ole uma kahani nade lawaiyo.
\p
\v 24 Yesus nabalehayi Yida, wale nyikaduwe kapege pajalora dangamu, oroge aimu tadawe Jurata Biha kawahanai Allah?
\v 25 Oro, bada kole hakade haga walta jonga Ata kamate, walakma ka ole umani waleka halaina, tabolo Yida datujayi Malaikat ta Surga.
\v 26 Tubada Ata kamate paha kade haga walem bacakmawe juratai Musa, mono tuba tara wani, aga nawe Allah bana panewe tabarana Allah Abraham, Allah Isak lopo Allah Yakub.
\v 27 Nyiyo wale Allah Ata kamate mayi, tabolo Allah Ata morha. Mige jalora taka- taka mige.
\s Hareha Ka Hadda Banningna
\p
\v 28 Bege, wuata walta ahli Taurat mai mono rangeyi Yida bada hatijana hanewe. Bana kole haetayi Yesus bana baleha daha-Nyi kana kanuka tabarai Yesus, pareha gitakage Hatada baning wal rada tangadi?
\p
\v 29 Yesus nabaleha, “haku ka hada baning: Range ta Ata israel! Maramba Allah duka wutaka- takayi Mori.
\v 30 Loho, manarani Mori Allahmu waige atemu katangkahana, waige paha ngadamu katang kahana, loho ngara dukage kulhamu.
\v 31 Mono, kadudakana nenyiwe: manawarani Ole Atamu kataudana tau daumu walakma pareha karehi bikta wali nada.
\p
\v 32 Bege, alhi taurat nadage nahawe tabara Yesus “yau tena, Guru. Yau tena mono baduka Yaupe, loho walakma hekakma walta Nyi.
\v 33 Ba, manawarani waige ate katang kaha, waige paha ngada katang kahana, mono waige tangage kulha, lopo manara ole Ata katauna tau dauyo, katau taka nage bana rehi dapoyi wali tamaraka patunu mono manuta.
\p
\v 34 Bege, kole Yesus bana etayi nada Ata bana baleha waina manya ngala nyiyo raha newe tabarana “Yauyo walem maraukma wali takalingora Allah. Benadage, walehilakma Ata kaban Ate kanuka tabarai Yesus!
\s Kristus Nyiknai Mori
\p
\v 35 Bewalge, hagapege panuwana ta uma Allah, Yesus hanewe aga nakkawe ahli-ahli Taurat bada hanewe nai Kristus nyikna ana daud”?
\v 36 Daud dau naha newe tajonga wadi Bisa, Mori naha newe tabarana paha akagu ngodo tabara ta kawanagu, kaha nauwa pangodo gudi muhu-muhumu takabu ledumu.
\v 37 Daud dau natakiwe Kristus meranai “Mori Nyi aga nakkawe Kristus bana anani”? Mono, Ata buta darangeyi waina lagahara.
\s Hada Baarodi Ahli-Ahli Taurat
\p
\v 38 Tajonga panuawana, Yesus nahanewe, “hamataradi rada ahli-ahli taurat kabaina kako nutu- nimi waina kalabe madaka mono baige hiba manuta tapadau-tapadau hakabo.
\v 39 Mono kamang padau ngodo hamanuta neda ta Sinagoge mono hadau pamanuta ta hadau hakula tahadau kula.
\v 40 Yidakna kabaige karamadi umada kalawai balu. Mono daledege sembayang daha duhaga-duhagaYida enga dahibawe hoku karehi bikta.
\s Maraka Katijana
\p
\v 41 Bege, Yesus ngodo aroni nada dau tauyi manuta. Buta ata pote kahatamana waina yapna kabuta.
\v 42 Bege, amini wu lawai balu kamila mono hatamadi dobala amaha bahi kamerana hina wala sen.
\p
\v 43 Lodoge, Yesus naka maikadi ana hadoku-halole-Na mana hanewe tabarada, “nau taki mige ka tau takana tabarami, lawai balu nade naha tama bena karehi buta neda taha dau manuta wal rada Ata wadeka.
\v 44 Oro, Yida tanga kahada dayi tatilu kabuta, tabolo lawai balu nade nayi tatilu milana, na yiyi tanga kahadi hadauna rada tangadi pakanyuruna.”
\c 13
\cl Kawukku 13
\s Khotbahnai Yesus Tutuge Hadukka Zaman Bait Allah Enga Hegeragge
\p
\v 1 Nyi dawege Maraba Yesus bana bijakage Ummana Marab Allah, nade wu Ata ana hakodo halole-Na linna dage tabarana, “Guru, torroi ba tau kaladi dahadi rade watu mono batau kaladi rade umma ha rayi.”
\p
\v 2 Mono, Maraba Yesus na balehawe, “walem eta mayi rade umma harayida kaha daha? Wale lakma wu watu ka engana tapanu watu heka ai ha hegara?
\s Hadau Kapuge Mayilla
\p
\v 3 Mono, Maraba Yesus tangrana bana ngodo ta lete Zaitun ka oroge ummana Maraba Allah, Petrus, mono Yakobus, mono Yohanes, mono Anderas da kanukayi Maraba Yesus bana meha.
\v 4 Tak gamage, ba pirra bana tumwe, mo agadai tadka bana tumwe mo bana hadukawe?
\p
\v 5 Nyidawege, Maraba Yesus naha legewe bana tak dage Yida, “Ha atekigela tanam ka ila da ata kahajode gimi”
\v 6 Butai ata ka amna lede ge ngara-Gu, lida dage Nauwa duna la mono Nyi kahajodegumi tangami ata buta.
\v 7 Enga nyiwela bamu rangewe tutuge hatauna mono bamu range hilulawe tutuge hatau, ilam madautakawu. Tangadi harangemu enga daudi bana dadiwe. Tabolo tangadi hakapodi walena dadi mahoyi.
\v 8 Oronage, tahagala panutana da kade gabadi ata diha hadau. Enga nyidawe bana kade Epu ta diha hadau-diha hadau mono na tum dawe kareba madori. Ine nyidawe kawungage ba da paddage mayilla ha'ana
\v 9 Tabolo, hamado dage atemu, oronage yiddala daha arogimi ta kapareha, mono mi'la da palumi ta sinagoge-sinagoge mono mi'la da ngidimi ta aronai sanhedrin mono ta rato-rato oro-Gu Nauwa.
\v 10 Mono, li ege ate ha ull da howe takidage ata ta hagala panu tana.
\v 11 Mono yidda'la bada ngidi kawu mono bada ha'arokagu ta kapareha, ilam gela gaga kawu ba aga kawe hatakkimu, tabolo tak dawe baa agai ha yidagu nutna oronage wale yaudama kahanewe tabollo waidi ka tengna nyi kaha newe.
\p
\v 12 Mono, nade wu ata na yidai ole baina ta tillu mate, mono amana ta anana, lakawa da kadde gabba di ata katuna mono yida da hamateyi.
\v 13 Mono mi lage da but gimi ate ole atamu oro ngara-Gu ta bollo, ata ka tahi tagora kaha ba kapodiwe enga nyidawe baana kolege hoila mane mara.
\s Hada Kajapata Nyiwe Kangiddiwe Hamauha Dangnga
\p
\v 14 Ta nyiduwe, bamu eta kawe hamate danga kamayigi engadamu dedetahadau katijana yidda kadana ta Yudea damalai daho taletena.
\v 15 Ata kadana tatoko umma ilamburkam mono ilam tamaka tauma bam haudi tangadi ngihi ummamu.
\v 16 Mono ata ka engahona ta oma tapaba ilam haga kami ngalai kalabemi.
\v 17 Talado rahngah mi lawai katangrana hatiyo mono kapahuhu anana nutu lado kalangana.
\v 18 Sembayang ngumi tanamu tangadi ka ilana dadiyi tarahi kalika.
\v 19 Oronage nutu laddo kalangana engana tummdahowe mayilla aika anana aika kaltumho wal kaunga wal dadi tana, ha rayinai Mori kaha batauge, mono enga wale nahil dadi mawe.
\v 20 Monae, Mori ba aina hadage tage tangadi laddo, wale lama wu atta katolka. Oronage rade hapede napede beyi, nyidawege mana hadange tadi laddo rahi.
\v 21 Bege, ba daka atta kaha newe tabaramu, “toroi, Mori badani inne tahadau,” aiwaleka, toroi badani nedobali! Ilam hatena kayi.
\v 22 Oronage, Mesias-Mesias aikatena mono Nabi-nabi aikatena engada kade bada hatingoge tadka kaheka hadana mono mayila danga mona loho tangada atta hapedebe.
\v 23 Ha atte kigela, igu tak bege mige tabaramu tangadi
\v 24 Tanyiduwe, nutu laddo kalangana, kole bana tumuyi hamayila danga aika anahingna, mata laddo nakapagtana, mono wula walena magakahana.
\q1
\v 25 Tangadi maduyo namonuyi wali talangta, mono tangadi wad-wad kalanta nagedoyi. 
\s Ba Amini Ana Atta Piyo
\p
\v 26 “Bege, yiddage da etayi ana atta tatilu karaba waige kawaha mono bibta pareha kama nadana.
\v 27 Nyidawe mana halewai malaikat-malaikat mono kahayi tangadi napede bena tahagala kurlangta walitahupu tana kaha tahaduka langta.
\p
\v 28 Toro tuja bada hatuja waidani yayu kapulota: karagadi bana kahulekayi mono bana hudi kalungana nyidawe bamu tadawe bana dahekawe martana.
\v 29 Tauda jalage miyo, bamu eta kawe ba agayi kadadi, kamu tadawe bana dahekawe, tabaubinna.
\v 30 Nauwa takginige katau takana tabarami, diha dalara atta walen dukamana kaha bana dadiyi tangadi.
\v 31 Langta mono tana enga dada hoge bana hadukawe, tabolo li biha-Gu wale nahaduka mawe.” Ha Attege mono Kam Hadinyaka Wikna “Tabolo, tutge lado mono jam kalangana, wale lama wu atta katadawe, malaikat-malaikat tasurga wale jalama, loho wale jalakma Ana duka dahena Ama. 
\s Hamatra Wikim monno Kam Jaga-Jaga Allakla
\p
\v 32 Ha atege mono kamu hadinyaka, oronage walem tadama mawe bapira rahi amge.
\v 33 Ha atege mono kamu hadinyaka, oronage walem tadama mawe bapira rahi amge.
\v 34 Tutge inne tuja dayi wu atta katangrana kako. Bana tanakage umana mono ngayidi hatena tabarada atta kaengana taumana, mono haula dadiha-dadiha, mono dahalewai angna bina tama tanamu ka engage bada anguge.
\v 35 Orobatauda dagege, hadinyaka wikimu oronage miyo walem tada mawe bapira bada haga mori umma, mamali, tilugadi, mono bana kukuyi manu, waleka kokoka gaula.
\v 36 Aiwaleka bada diki gimi tangramu dura.
\v 37 Agawe hataki gumi, igu takijala dage atta buta: ha atekigela.”
\c 14
\cl Kawukku 14
\s Kabbu Ate Dagge Hamateyi Yesus
\p
\v 1 Dikige laddo rayarame paha wugda dau mono wula rayige laddo inne, laddo hailana mahadi mono manuta tabara nai Allah kama wolu. Tilu bana kakowe inne dudda-dudda lado moge; be rade rato-rato mono bai-bai atta mayegadage larayapayi Yesus ledege badda mayega waige kajapata kapihamateiyi.
\v 2 Orobada woroge “iya darayi kage taladdo rahirame iyana kawihakawe batamrana buta atta.”
\s Yesus da Obaranni Welengha Narwastu
\p
\v 3 Ba tamra dani Yesus taha rona Betania, taumanayi Simon kakatobi, tamrana ngodo tameja hadau ya, amini wu lawai ngidiwe minya wugori walitawatu pualam ngihge minya bau burata kadaha mono bibta hina. Bege pahanani nadda gori mono binage naminya taka takuna Yesus.
\p
\v 4 Tanyiduwe dadda walid rade aikabaige nepa hada hana na lawai, “Aha mawala waidamoge naminya kataudana?”
\v 5 Oronage inno minya dadi bamalajage tatalngahurehi dinnar, nadadiwe batulwaina atta milla. “Loho yidda dabanini nadalawai olem
\v 6 Tanyiduwe Yesus nahanewe,” yama daduni. Aha mamyilayi nadelawai?. Banarai damuge kadaha tabara-Gu.
\v 7 Oronageniyo engage badadi atta milla bataramu mono pirawe bam hadahawe habaimu, nadadiwe bamu rayige kadaha tabaradda yidda. Tanyiduwe Nauwa wanga enga daumage bagu olegimi.
\v 8 Tanyiduwe nadelawai napahadawe kadaha rakana hamaddana rayige nyinakalapa gage tau-Gu toma aigumatehowa.
\v 9 Nawa halaragimige katena, gige inne libiha batodo talarage tapanu tanalura agawe harayina nadelawai engage ba takwe mono ba apewe neharayina nadenyi.
\s Kabbu Atenagge Yudas Banna Berkhianat
\p
\v 10 Lodoge, Yudas Iskariot wu atta walta buldudana hana hakodo halolena, kakonage dikidi rato-rato lo ma lajani Yesus tabarada yidda.
\v 11 Kole bada rangewe, dahahingnage ateda, mono taudage rahi yihoni amaha Yudas. Oronagenedo, Yudas mayedanage lara kalogana bana malajani Nyiyo.
\s Hayayo ta Paskah
\p
\v 12 Ta lado kadihana, lado rame kababa kaba, kole bada ropoyi ana bebe paskah, ana hakodo halolena Yesus kanuka kanage tabara-Na. “Gidaho habaimu kadaha hadau kadinya kamage tangage tutu-Mu ya mono enu paskah?”
\p
\v 13 Lodoge Nyiyo nahalewayi duda ana hakodo halolena mono naha akayi yida, kakomi ta kota, mono bamu dikikami umu tabokayi wu kabani kadita kadoro wena, dokudaduni.
\v 14 Gi dau tamana, takinage nado mori umma hanaunagama Guru: gige hadau ya enu paskah dangagudi rade ana hakodo halole-Gu?
\v 15 Lodoge, nado mori umma enga naha tingogimige hadau kagalara tatilu umma kadau dete bada kamagana kaha tangage nedo bali tutuda yida.”
\p
\v 16 Lodoge, ana hakodo halolena dikidage takota diki nedo bali daeta kahawe katujana hatakinai Yesus tabarada Yida, lodoge dahagana kahage.
\p
\v 17 Tutuge paskah kole bana gadige amini Yesus loho ana hakodo halolena.
\v 18 Mono, kole batamrada ngodo ya Yesus naha newe, nawa hanewege katena tabaramu, wu ata walta jonga darami, kangodo danga-Ga, narayi gage kajapata.”
\p
\v 19 Yida ge, nadiwe amige milla ate amm nage hanuka dauda diha-diha ata, enga wale nawama o.”
\p
\v 20 Yesus hanewe tabarada Yida, mida hingmona wu ata walta kabuldudana, ata nada kayapla danga kababa kaba takoba wehaenu.
\v 21 Oronage, ana Ata piyo engana bana kako, kataudana kama tolha tutuna nyiya, tanyiduwe tudu loko nage nade ata bana rayige kajapa tabara na ana ata piyo! Bana modahewe aina dadi memahewe daha howe
\s Ha Ape Tutuge Kanana monno Ranai Kristus
\v 22 Batangrada yida ya Yesus ngalanage kababa, mono bege naha ringiyi, nyi na paha-pahayi mono yidadi Yida loho naha newe ngalawe, ine nyiduwe tauGu.”
\p
\v 23 Mono, mi na ngala alai kobo weha enu, mono nahailana manuta. Yina nayidadi tabarada yida, mono yida tangada da enu wal takoba nade.
\p
\v 24 Lodoge, Yesus naha newe tabarada yida, “nyiwe ine ragu tuku tehuka, nakama joku tutu tangada ata buta.
\v 25 Nawa takiguge tabaramu naka tena, nawa waleg hilu enu mawa walta wuna pu anggur, kaha ta laddo rahige, Bagu enuwa anggur kaberu lar taka lingora harehanai Allah.” Petrus Na Kaballini Yesus
\v 26 Bada beha lawiti rohani, yida dumo kako dage taleta zaitun. 
\s Ana Hakodo Halolena Yesus Engada Tana-Ni
\p
\v 27 Lodoge, Yesus nahanewe tabara dayida, “Mitanga kaham enga tanami ganauwa.” Oroge dad kama tolha ‘nauwa enga rottiy kama pawa, monno babbe-bebbe na enga hai-hai di.
\v 28 Ta nyidu we, be bag hagga-wa, nauwa enga kokogta Galilea enga ulhog wal ta mi.”
\p
\v 29 Ta nyidu we, Petrus nahanewe tabara yidda Nyi-yo, “langka aga innawe yidda tangada tamra-Gu ta nyidu we nauwa wallek ma.”
\p
\v 30 Mono, Yesus na tak nage, “nauwa, halaragimige tatena tabarami, Gadi nehhe, ai na kukuh hoyi manu haduda wayi, yau kabalka ganauwa hadal wuda waina.”
\p
\v 31 Ta nyidu we, Petrus engana hawikana bana baleha, “engadahoge nauwa bagu mate dangagu, nauwa engage aigu kabaligu!” Monno yidda tangada hanewe katujana kahhana.
\s Yesus Taoma Getsemani
\p
\v 32 Lodoge, dikidage tawuyo hadawu tangarana Getsemani, mono Nyi nahanewe tabarada ana hakodo halolena. “Ngodom nehe nauwa batangrag sembayang.”
\v 33 Mono, Nyi namarangni Petrus mono Yakobus, mono Yohanes, olena-Ni mono amnage banadadiwe madauta taka mono pahadi ate.
\v 34 Bege, hanawe nage tabarada yidda, “dewa-Gu namayila, namera moge mata, engatomi nehe mono ha atekime.” Ha mado wikimi.
\p
\v 35 Bege, olebaina dikarau hodi, takodi kudona Nage tatana mono sembayang, bana moda hewe, nahugu kana kakowe tabaraMu.
\v 36 Mono, nahanewe, “Abba, Amma, tanga kahage yauna-Ge.” Ngalawe inne ngahu, waltabara-Gu. Ta nyidu we tawale Nyi dama we habai-Gu nauwa, ta nyidu we nahabai-Mu nyida howe kadadi.
\p
\v 37 Lodoge, Nyi-yo, amihagani mono na nadikidi ana hakodo halolena tamrada dura, mono Nyi nahanewe tabaranai Petrus, “Simon, Aha mamudurami? Wale na dadi mawe mi-yo bana bamu ha atege kadihajamna?
\v 38 Ha ate kigela mono sembayang kimi ilam monu talimanai makaba. Wadi biha enga na hadoku ta nyidu we tawu atami naloja mawalawe.”
\p
\v 39 Mono wali Nyi na kako mono sembayang katauda alana hatakibina.
\v 40 Mono wali, Nyi amilini nadikidi yidda tamrada dura oronage biktahinguyi matada, mono yidda wale hilu intamage bale hai Nyi.
\p
\v 41 Bewenedoge, Yesus ami alahoni kaha dali wudana mono nahanewe tabarada yidda, “mi engahomidura mono baika? Tutuwe, dikinage rahige. Etayi, ana atta piyo dayiyi talimada ata-ata jala.
\v 42 Kademi, maika kada kako. Toroyi, nyi kayiwa nauwa nadahe kabe.”
\s Yesus Da Yaipayi
\p
\v 43 Bewe nedoge, tamrana Yesus bana hanewe, Yudas, wu ata wala tajongada ana hakodo halole-Na, ammin oledda ata buta kangidi kito kaleka mono pal todo, ha lewada rato-rato baige, mono bai-bai ata Yahudi.
\p
\v 44 Nyi na kamalajange, naha akkayi wu tadka, hatak na, “ata nak ha ngakhagnyidu na nak ata. Yapai Nyi loho ngidiyi Nyi-yo mono ha maddoni.”
\v 45 Lodoge, nayi Yudas na dikibe, nyiga barani Yesus mono hanewe nage. “Rabi!” Loho, nyi na ngakhai Yesus.
\v 46 Lodoge, yidda danaroni Yesus mono dayapayi Nyi.
\v 47 Tan nyidu we, nak wuata, walta yidda kadede, badge kito kaleka mono kadukanan ata rada Bai Rato, ma lakkatanan katilu na.
\v 48 Lodoge, Yesus na ha newe tabarada yidda, “Aga dawe mam mayimi waina kito kaleka mono taltodo tut yappawa Nauwa hatujaga ata kedu?
\v 49 Dihalado-dihalado, nauwa um eta wa bag olegimi ta umanai Allah mono bag hanuwana, ta nyidu we wallem yappa Nauwa. Nyidamowe inne dadiwe katujana ta jurata biha kana ban ge.”
\v 50 Lodoge, yidda tang kahada tauna dani Nyi-yo mono malai daudage.
\p
\v 51 Dani wu baumane nakadokuni Yesus, wai dahenage kaba kaka toniwe tauna loho, yidda dayapai,
\v 52 Ta nyidu we wing nage laige kabak haka mono malai kalolu hingnage.
\s Kapala Yahudi da Hakimuyi Yesus
\p
\v 53 Lodoge, yiddage ir dani Yesus tabara bairato, mono, tangada bai ata, loho, pa ama-pa ama bai-bai ata da makaha daba.
\v 54 Mono, Petrus dokunani Yesus wal ta liradik ta aro umana bairato, medo bali, nangodo dangadi rade ata kajawawe loho na mirna latti
\v 55 Rade bairato mono tangada haama-haama hangatadage mayega na lara tut gabani Yesus tanam kahamateyi Nyi-yo, tanyiduwe wale lakma hakole dani jalana.
\v 56 Horonage, buta ata ka yi! Hataki aikatena tut gaba-Nyi, tanyiduwe tangadi hatakda yidda lama kahamera wuata-wuata.
\p
\v 57 Lodonage, Dajaladi rade ata kadede mono kahanewege aikatena tut gabani Yesus, hatakna,
\v 58 “nami marangei Nyi bana hanewe, ‘nauwa enga hegarage umma hangajina nai Allah harayi ata piyo! Mono kataudana ladona, nauwa enga-Gu hakade hagawe kahe kana, ai harayi wai limma!
\v 59 Tanyiduwe, tutuge hanewe da yidda ainahameramoi iha mono iha ata hatakda.
\p
\v 60 Tanyiduwe, bai rato nadede ta jongada yidda mono naka nukai Yesus, “Walnadadi mawe Yau bamu ballehayi rade-rade ata-ata buta kahanewe gabba-Gu?”
\v 61 Tanyiduwe, Nyi engana bana kadana mono ainabaleha bairato-bairato kanukapi dani Yesus, loho nahanewe, “wale yaukaduna Mesias, Anai Allah Kamajaga?”
\p
\v 62 Mono, Yesus nahanewe, “Nauwa na Nyi, lodogemi enga eta mini ana ata piyo ngodo batara kawanana nai Allah mono buru walledege karabba tilu lanta.”
\p
\v 63 Lege hewege, tomage bana hirawe inna jubah-Na, bairato nahanewe aha yita mada karaiho kahalarayi walwe tutu Na ge?
\v 64 Lige ummrangewe hama paddana agawe hapustami?” Mono, yidda dahamayilayi Nyi kahak bana tomage mate.
\v 65 Dadi ata datarumui Nyi, mono tuninage matana Nyi, loho dajurayi Nyi-yo, mono dahanewe tabara Na, “rayi hoge yihamu.” Rade kajaga dahi bayi Nyi loho da tabbayi Nyi-yo.
\s Petrus Wallenamma Ngakumanni Yesus
\p
\v 66 Lodoge, tamranayi Petrus ba dahoni ta aro umma nayi Bai rato, wu ata lawai ata nade Bai rato amin.
\v 67 Mono na etayi Petrus bana manirna lati nade kalayanna natoroyi loho nahanewe, “yaudumo olemoni Yesus, ata Nazaret nado.”
\p
\v 68 Bege, Petrus kabalka nage lopo nahanewe, “Nauwa walegu tada mayi loho walegu yappa middi hata kimi mono agawe nahanewe mi.” Malegewe, kako nage ta bina kala, be kuku nadi manu
\v 69 Nade lawaiyo kalayana eta piliy Petrus ha dakawalina mono hanewe waldage rade tangngada ata kadede, “ata nade nyi allaho oleda wu wal ta yidda.”
\v 70 Ranyiduwe, nyiyo kaball walhonage, lohho walle na ma dihmahowe, ata-ata dode hanewe waldage tayi Petrus, “Yau dahina wu ata walta yidda oronageba ata Galilea allau.”
\p
\v 71 Nyiduwe, nyige katut wikna lohho haura walnage waleg tada may na Ata ha takkin!”
\p
\v 72 Diknage, manu bada kuk ha dudda waddawaidi, be Petrus apenage naha taknay Yesus tabarana, “Ay na tut hoi man na duddadi wuddaddi, gau engam kabalkaga Nauwa tauda wuddana, lodoge Petrus ga walle daidi madue ge tahge milla atena, hoh nage.
\c 15
\cl Kawukku 15
\s Yesus ta Aronanni Pilatus
\p
\v 1 Koko kak ge, rato-rato rayi dagage wu makaha oledi bai ata mono ahli taurat, loho tangada sanhedrin. Mono, yida dakatin Yesus dakako ngidiyi, mono haroni tai pilatus.
\p
\v 2 Yidawe pilatus nakanukayi" yau takkadna Raja ata Yahudi? Yi nabalehawe “Yau um tak dau bewo.”
\p
\v 3 Lodogege, rato-rato dangidiyi hanewe paleka kaha tak detana tabaranai Yesus.
\v 4 Bege, pilatus na kanukayi tabarana, “aha yau walem balehawu? Pamatarage buta ata, kangidig hanewe paleka bada gabagu.”
\p
\v 5 Tabolo, Yesus walna balehakma yidawe pilatus mana hangatara.
\s Yesus Mono Barabas
\p
\v 6 Badikige lado madaka paskahge, kaldamawe pilatus bana pahuna ata wal ta gallu dokuge haraida.
\v 7 Mono, bani kangaranai Barabas katama tagallu loho ata bokala kaha mate ata oro bokalana.
\v 8 Ata buta mai kraiwe tai pilatus kana rayige dokug ka kal dama bana rayige tubana yida.
\p
\v 9 Mono, pilatus nabalehaiyi lina dage bana hanewe, “gidahingge hakab atemu tabaragu pahoila gimintu tubam Raja ata Yahudi?”
\v 10 Oroge, banatadawe rato-rato kayiyi Yesus tabarana oro kawi ateda.
\v 11 Tanyiduwe rato-rato engage bada karuhui ata buta kada karaiwe tai Pilatus pahoilai Barabas.
\p
\v 12 Yidawe Pilatus kalinage tabarada,” Gidahingge, papa hadigu tabarana ata patakkimmi Raja Ata Yahudi.”
\p
\v 13 Mono, yidage kawulaldage, “kadailonNya!”
\p
\v 14 Bewalge, linadage Pilatus tabarada, “Aha? Aga japata hingweNyiha raina?” Tabolo, yidage ki-ki kawuladage, “kadailonNyi!”
\p
\v 15 Bana baige pandage hakabateda ata buta, Pilatus pahoilai Barabas tuba yidda, mono bana be palui Yesus, yinan tabarada kadailoni.
\s Yesus Terekai mono Palui
\p
\v 16 Mono, tentara da ngidiy Yesus tama tawuhadau, uma dau yinrakana ata mono damaikad tentara.
\v 17 Yidawe, “dataun kalabe madaka malmelo,” bada kolemayana ge kataupa tara warri, yida dataunage Yesus.
\v 18 Bege, yida dahadikige maringasa tabarana, “maringna Raja ata Yahudi!”
\v 19 Mono, yida dapalnage katakna wain pattodo mono datarumiyi. Kawojo tabarana.
\v 20 Bada be paterekai Yesus, laidanage kalabe madaka ka mal melona wal tai Yesus, mono datauhaganadi kalabe dakna, lodoge yida dakako ngidiyi Yesus bada kadailoni. 
\s Kadailoni Yesus
\p
\v 21 Mono, yida dakaruhui wuata kapalaka, Simon ata Kirena, katamra mai wali tadena, amana Aleksander mono Rufus, kana ditai yayu kadailona.
\v 22 Nyidawe, yidage da ngidiyi Yesus tawu hadau ngarana Golgota, ngara wadege “Hadau katakku.”
\v 23 Yida dayini anggur ka kahana bau burata, tabolo Nyi-yo walnanga lakmawe.
\v 24 Lodoge, yida da dailon Nyi mono daha bawenadi kalabena jonga dalarada, bada waina mowala bada yanana padauna biha ta-diha ata bana kolena
\v 25 Mono, dik hen jam tau da yida bada dailoni.
\v 26 Mono, kama tulha tupage hanewe paleka tabara Yesus nama tulhawe “Raja Ata Yahudi.”
\v 27 Nyidawe, yida da dailo jaladi duda ata karebo olena, wuata tabara talina mono wuata tabbara tawanana.
\v 28 Dajalage kana lodoge hatakna jurata biha kalinada punyina “mono, Nyi-yo yap jalan ta jonga ata jalora.”
\v 29 Nyidawe, tanggada ata kapalaka engage bada paddai Yesus lopo bada kikkad katkda mono lida dage bada hanewe “ta yau kaha manyogorage Uma Allah mono kaha kade hagawe tauda lado,
\v 30 pahoilawe tau daum monom buruwu wal tadailo!”
\p
\v 31 Tauda jalanage rato-rato, loho tangada Ahli Taurat, terekai Yesus waina hanewe diha-diha, “Nyinapahoilai ata wadeka, tabolo Nyi walna dadik mawe bana pahoilawe tau dauna!
\v 32 Hai kani Mesias Raja Israel, batauge buru wal tadailo dajalage yita kade etai mono hatenai.” Yida hadailo mera dangani Yesus na padda jalai Yi.
\s Matenaggeyi Yesus
\p
\v 33 Dikhege jamha anwai, dadinage kapagta taha dau nedo kaha diki jam ha ban diha wai.
\v 34 Dikge jam haban dihawai, Yesus nakawula waige lina kaballo, “Eloi, Eloi, Lama Sabakhtani,” ngihege “Allah-Gu, Allah-Gu, Aha yau mam tanaga Nauwa?”
\p
\v 35 Mono bada ko le harangei, kapirana ata dede dahekai daha newe, “patetin! Nyi kamai kanani Elia.”
\p
\v 36 Nyidawe, wu ata nama lai, naha ngahin wu kadogi we anggur ma yege, mana tau tawu ta kaito mono mana yini Yesus enuge, dajalage naha newe, “haiholan kada etai ba amtakan Elia haburun Nyi.”
\p
\v 37 Bege Yesus nakawula wantawe lina mono tingnage lolo ngahuna hadukkawai.
\p
\v 38 Kole batauda gege, kaba tak uma Allah mapabakaduda majinaka, waldete kaha bawa.
\v 39 Mono, wu tentara kakodod olena, kadede aron Yesus, kaetawe aga lina dawe Yesus bana tingwe lolo ngahuna Nyi naha newe, “Tau takka nage, ata nade ananan Allah!”
\p
\v 40 Tahadau nek bali dajaladi piraki lawai kaeta marauwe, tajonga dala rada yida dani Maria Magdalena, mono Maria Inya Yakobus kabodi mono Yoses, gauni Salome.
\v 41 Bata Galilea hoi, nyiwebada dokuni Nyi mono hanuknage morhana. Mono, nedo bali butala lawai wadeka kamai marangani Yesus Tayerusalem.
\s Tanidanniyi Yesus
\p
\v 42 Bakole hokmowe gakge, oroge lado inna lado hainyakai, wu lado aidikhoge lado rahi ngahu,
\v 43 Yusuf ata Aritmatea amini, wu ata jonga dalara bai ata madaka paha aka loho nyi remage dikge kalingora hareha Allah mana baniwe atena kako tai Pilatus mono karaiwe karogona Yesus.
\v 44 Pilatus nakakadadaka rangewe Yesus bana matewe. Nyi kamaikanani tentara kakodod olena mono na ka nukkai, tau tak kage Yesus bana mate.
\v 45 Kole bana ta dawe Pilatus wal ta tentara kakodod olena, Nyi nayiweka rogonai Yesus tabara Yusuf.
\v 46 Mono, Yusuf nahiwe walakaba mono naha burnage karogona Yesus, bana kole hawukhai wain kaba pahena, nyi nabaikaiyi lari tarate hakoja ta lete watu, mono nakogolani wu watu tabina rate.
\v 47 Maria Magdalena mono Maria Inyai Yoses da etawe hadauge karogonai Yesus baha baikawe.
\c 16
\cl Kawukku 16
\s Kadde Hagganaggeyi Yesus
\p
\v 1 Kole ba hinggani lado sabat Maria Magdalena Maria inyai Yakobus mono Salome bada hida laramu bege da kako mono aroni Yesus.
\v 2 Koko gawula, ta lado kadihana miggu neda tangra hudana mata lado, Yida amidi tarate.
\v 3 Yida dahanewe diha mono diha “ia daho ka kaigalani watu wali tabina rate.”?
\p
\v 4 Ta nyidawe, kolehe bada torowe dete da etayi ngora watu kalla bana kaigalabeni.
\v 5 Mono, beha tama lari tarate da etayi wu bauwu mane katauwu kalabe kaka tangrana ngodo ta balka wana wal tabara da mono da kadadaka.
\p
\v 6 Bege linage, “ilam kadadakami, bami mayegani Yesus ata Nasaret paka dailo. Nyi bada kadena Nyi wale lamani nehe. Torro we hadau habaikada-Ni.
\v 7 Tanyiduwe, kakom ge, takidage ana kodo halole-Na mono Petrus oroge-Nyi tangra ulunagimi lara ta Galilea. Nedo lage, enga tabokami-Nyi, katauna hatakibenagimi.
\p
\v 8 Bege da huna mono malai wali neda tarate dadaka mono hangatara mono wale lahingmana hatakida ta ata oro madautada mono ngara dkadi paha naunadi tanammu kam tak nage petrus mono olena, da tak hutubanage. Tabalige neda, Yesus dauwu kaha lewayi wali ta lado koka kaha ta lado mali tanamu paha dikige ne lii biha mono aika moda tutuge tolka mane mara. Amin.
\s Yesus Hatingngo Wiknagge ta Ana Hakodo Halole-Na
\p
\v 9 Bana kade Yesus kokoka Gaula ta lado kadihana neda miggu. Nyiyo Nahadedowikina tabara Maria Magdalena, hawuga wali ta tauna pittu wadi kabalka.
\v 10 Bege nakako tagidage Yida bada dokuni Yesus katangrana mayilla mono hoo.
\v 11 Mono, kole bada rangewe kadena Yesus mono Nyi na etayi waleda hatena mayi.
\p
\v 12 Tabali ge neda kadadi, napa huda wikina waige pata heka tabarada duda ata wali tabarada katangrana kako tawu nutu twa deha.
\v 13 Bege dahaga mono tagidage rada wadeka, tanyiduwe rada wadekawali wale dahatenamawe hingu mayi.
\s Yesus Naha Newe Ta Aro Ana hakodo Halolena
\p
\v 14 Kole hatudage Nyiyo naha dedala wikina tabara kabulu dihana ana hakoda halole-Na ba tamrada yida ngodo yayo mono Nyiyo naha daha apeyi oroge yida aidaha tenawe mono katobi yida. Oroge, yida waldaha tenamayi tabarada ata ka etabeYi bana kade haga.
\p
\v 15 Mono, Nyiyo linage bana hanewe tabarada Yida, kakomge tahagala panu tana mono tarage lii ege ate tabara tangada haraGu.
\v 16 Iyai kaha tenabe mono kamu harihayi kana hoila, tabolo iyai aikaha tena enga hokuni.
\v 17 Mono tadka rade nge dokudadi Yida kaha tena: lar ta ngaraGu Yida nadadiwe bada wugayi waddi japata; Yida enga hanewe da lar tangnga ngara hanewe beru;
\v 18 Yida enga naroda nipe waidi limada Yida; mono nyidawe Yida da enu we kaddi hamate danga, tabolo tangage ine wale hama nyila danga mage yida lodoge da ijalayi limada Yida tabarada ata kalawara, mono ata radala da tagaha.”
\s Yesus Pannenagge ta Sorga
\p
\v 19 Kole, bana beyo Morda Yesus bana hanewe tabarada Yida, Nyi makeketa ta Surga mono ngodo tabara lima wana Allah.
\v 20 Nyidawege Yida kako mono talarage diha padauwu- diha padau, mono tamra morda bana ulla dangadi yida mono bana hadidarayi ta liNa ledege tadka ka oledi.