See in Reader
1750 lines
149 KiB
Plaintext
1750 lines
149 KiB
Plaintext
\id MAT
|
||
\ide UTF-8
|
||
\h Matius
|
||
\toc1 Matius
|
||
\toc2 Matius
|
||
\toc3 mat
|
||
\mt Matius
|
||
\c 1
|
||
\cl Kawukku 1
|
||
\s Kako Dadinai Yesus Kristus
|
||
\p
|
||
\v 1 Jurata kako dadinai Yesus Kristus, anai Daud, anai Abraham.
|
||
\q1
|
||
\v 2 Abraham yikna amanai Ishak, Ishak yikna amanai Yakub. Yakub yikna amanai Yehuda mono ole baina.
|
||
\q1
|
||
\v 3 Yehuda yikna amanai Peres monoi Zerah, inyada yidda yiknai Tamar. Peres yikna amanai Hezron. Hezron yikna amanai Ram.
|
||
\q1
|
||
\v 4 Ram yikna amanai Aminadab. Aminadab yikna amanai Nahason. Nahason yikna amanai Salmon.
|
||
\q1
|
||
\v 5 Salmon yikna amanai Boas, inyana yikna Rahab. Boas yikna amanai Obed, inyana yiknai Rut. Obed yikna amanai Isai.
|
||
\q1
|
||
\v 6 Isai yikna amanai Raja Daud. Daud yikna amanai Salomo, inyana yikna pa ole umma honai Uria.
|
||
\q1
|
||
\v 7 Salomo yikna manai Rehabeam. Reha beam yikna amanai Abia. Abia yikna amanai Asa.
|
||
\q1
|
||
\v 8 Asa yikna amanai Yosafat. Yosafat yikna amanai Yoram. Yoram yikna amanai Uzia.
|
||
\q1
|
||
\v 9 Uzia yikna amanai Yotam. Yotam yikna amanai Ahas. Ahas yikna amanai Hizkia.
|
||
\q1
|
||
\v 10 Hizkia yikna amanai Manasye. Manasye yikna amanai Amon. Amon yikna amanai Yosia.
|
||
\q1
|
||
\v 11 Yosia yikna amanai Yekhonya mono angu wuna, kole ba baitadi ta Babel.
|
||
\q1
|
||
\v 12 Kole ba baitadi ta Babel, Yekhonya yikna amanai Sealtiel. Sealtiel yikna amanai Zerubabel.
|
||
\q1
|
||
\v 13 Zerubabel yikna amanai Abihud. Abihud yikna amanai Elyakim. Elyakim yikna amanai Azor.
|
||
\q1
|
||
\v 14 Azor yikna amanai Zadok. Zadok yikna amanai Akhim. Akhim yikna amanai Eliud.
|
||
\q1
|
||
\v 15 Eliud yikna amanai Eleazer. Eleazer yikna amanai Matan. Matan yikna amanai Yakub.
|
||
\q1
|
||
\v 16 Yakub yikna amanai Yusuf, laina Maria. Wali tai Maria ha dadini Yesus, paha ngaradai Kristus.
|
||
\p
|
||
\v 17 Nyidawe, tangada dalarada wali Abraham kahha tai Daud da kabulu pata dadde, mono wali tai Daud kahha ba baitadi ta Babel da kabulu pata daddei, mono ba baitadi ta Babel kahhai tai Kristus da kabulu pata dadde jalayi.
|
||
\s Dadinai Yesus Kristus
|
||
\p
|
||
\v 18 Batauge, hada dadinai Kristus Yesus tauda dage hadage. Kole Maria, InyaNa bana kaduni Yusuf, yidda aida haole hona, nyi bada hatina wali ta Ngahu Katenguna.
|
||
\v 19 Tabolo, oroi Yusuf, laina, ba ata katenaiyi mono nyi Walena aukma bana ha makkeyi Maria ta ata buta, Yusuf na kabu atege pahewa kadana dangani.
|
||
\p
|
||
\v 20 Ta nyiduwe, kolei Yusuf batamrage bana hangadage hada inna, etaige, malaikatnai Mori naha dedo wikna tabarana lede naga nippi mono linage, “Yusuf anai Daud, ilam madautawu bamu ngalayi Maria ole umani oro anana nada ta tina paha tiwai Ngahu Katenguna.
|
||
\v 21 Nyi enga hadadi nani wu lakawa kabani mono yau um ha ngara dahoni Nyi Yesus oro Nyi kapa hoila mane marai ana HuhuNa wali ta jalada yidda.”
|
||
\p
|
||
\v 22 Tangage hada inna na dadi howela kana banuge pa taknai Mori lededi NabiNa,
|
||
\v 23 “Etawege, Wu lakawa bau winne enga hatina monno naha anani wu lakawa kabani. Yidda enga takki nage ngaraNa Imanuel,” ka ngihi dana: “Allah na oleda yitta.”
|
||
\v 24 Kolei Yusuf bana kadde wali ta durana, nyi na rayige dokuge paharehana Malaikat nai Mori tabarana, mono nyi na ngalayi ole ummanai, Maria,
|
||
\v 25 tabolo walena dura dangak mani Maria kahha nyi bana ha anani lakawa kabani. Monoi, Yusuf nahha ngarani Nyi Yesus.
|
||
\c 2
|
||
\cl Kawukku 2
|
||
\s Ata Majus Da Kawajoni Yesus
|
||
\p
|
||
\v 1 Batauge, kolei Yesus bana dadi ta Betlehem, ta Yudea, ta kabu kaha rehai Herodes, dadige, ata Majus wali ta lado koka mai ta Yerusalem.
|
||
\v 2 Yidda da kanukawe, “Ngikanduni Nyi, dau ha dadini, Raja ata Yahudi nada? Oro, nami ma eta beyi maduNa ta lado kokamono nami mai mage kawojoni.”
|
||
\v 3 Kole Raja Herodes rangewe inna, marabehawe atena nyi mono tangage Yerusalem tauda jalage.
|
||
\v 4 Nyidawe, nyi nakahhayi tangada bai rato mono ahli-ahli Taurat kabihu ata rada. Nyi na kanukayi tabarada yidda, hadau dadi nai Kristus.
|
||
\v 5 Yidda lidage tabarana, “Ta Betlehem, kalaigora Yudea, oro taudage hatolhada Nabi:
|
||
\v 6 ‘Mono, yau Betlehem, ta tana Yehuda, yau wale kahada marahakmau ta jonga tangada ka dauge hareha ta Yehda, oro wali tabaramu na hudda wu ka kodo ngimi, ka pa hagadi ana huhuGu, Israel.”’ \rq Mikha 5:2 \rq*
|
||
\p
|
||
\v 7 Bege, Herodes na kamaika mehadi ata Majus rada, nakaraiwe wali tabarada ba pira takkawe bana hudda maduyo nada.
|
||
\v 8 Lohho, nyi na halwawi yidda ta Betlehem mono linage, “Kakomi mono mayega hadahani tutuna lakawa nada. Mono, mi bamu taboka beduyi Nyi, hadiki gage liyo tabaragu dajalage nauwa kana dadiwe bagu kawojoNi.”
|
||
\p
|
||
\v 9 Kole bada rangewe wali ta raja, yidda kako dage. Mono, da etayige, maduyo ha etada ta lado koka nada kakododi yidda kahha bada dikki mono na ngahu tahha hadauna lakawa nada dau dani.
|
||
\v 10 Kole bada etayi maduyo nada, yidda da lagahara waige lagahara ai ka anana.
|
||
\p
|
||
\v 11 Kole bada tama neda lari ta umma, yidda da dikini Lawaka nada oleni inya, Maria. Lohho, yidda da kabukku mono kawojo tabaraNa. Bege, yidda da bugeradi hadau ngawuda mono da yiyi marakada lohho dummu paha ganada tubana Nyi, ba amaha rarai, kemenyan, mono mur.
|
||
\v 12 Oro bada haapedi ta naganippi iina yidda ilda hagga tai Herodes, yidda hagga taha dauda lida ta lara heka.
|
||
\s Harena Kada Malai Ta Mesir
|
||
\p
|
||
\v 13 Kole ata Majus rada bada kako, eteige, malaikatnai Mori na dedo tabarai Yusuf lede naganippi mono linage, “Kadewuge, ngidiyi Lakawa nada lohho inyaNa mono malaimi ta Mesir. Engana neda balila kahha Nauwa bagu takgimige tabarami oroi Herodes nakabu atege mayegani Lakwa nada kagu hamateYi linage.”
|
||
\p
|
||
\v 14 Bege, Yusuf kade nage mono na ngidiyi Lakawa nada lohho inyaNa bana gadige kako taha dau kama marau ta Mesir,
|
||
\v 15 mono engana neda bali kahhai Herodes mate dajalge kana banuge linai Mori lededi Nabi: “Wali ta Mesir Ug kamaikani AnaGu.” \rq Hosea 11:1 \rq*
|
||
\s Hamteyi Tangada Lakawa Maraha Kabani Ta Betlehem
|
||
\p
|
||
\v 16 Bege, kolei Herodes bana tadawe nyi bada hawiniyi ata Majus, nyi na bani mono naha rehawe hamateyi tangada lakawa kabani kamarraha ta Betlehem mono tangage kalingorage, wali ka ai kaduda dau hona kahha kaduda dauna, dokuge mahiggo nyi paha yana bena wali ta ata Majus.
|
||
\v 17 Nyiwe, bannuge tangage paha dikkina Nabi Yermia:
|
||
\v 18 “Wu liyo rangewe ta Rama, hoyo mono kalallu kahada maropo ate. Rahel da hodi anana, mono walena aukma ba agu ateyi oro yidda ai hilu dadi.” \rq Yermia 31:15 \rq*
|
||
\s Pareha Kada Hagga Ta Israel
|
||
\p
|
||
\v 19 Ta nyiduwe kolei Hderodes mate, etaige Malaikatnai Mori hadedala wikkina lari ta naga nippi tai Yusuf ta Mesir,
|
||
\v 20 mono linage, “Kadewuge, lakawa nada oleni inyaNa ata tana Israel oro ata ka kabu atege hamateyi lakawa nada na matebe.”
|
||
\p
|
||
\v 21 Lohho, nyi na kadde mono na ngidiyi Lakawa nada lohho inyaNa hagga ta tana Israel.
|
||
\v 22 Ta nyiduwe, kole nyi bana rangewe nadai Arkhelaus bana hareha ta Yudea jeluyi Herodes, amana, Yusuf na madauta hagga neda bali. Kole ba apeni lari ta naga Nippi, nyi nakako ta kalingora Galilea.
|
||
\v 23 Yusuf na dikki mono na engana ta wuha harona ka nagrana Nazaret dajalage kana banuge paha dikida Nabi, “Nyi enga lidani ‘Ata Nazaret.”
|
||
\c 3
|
||
\cl Kawukku 3
|
||
\s Khotbah Nai Yohanes Pembaptis
|
||
\p
|
||
\v 1 Ta lado inna, na hudai Yohanes Pembaptis, bana hotbah ta manrada gilra Yudea.
|
||
\v 2 Nyi linage, “Jarramige oro Kalingora parehai Allah daheka nage.”
|
||
\v 3 Oro, nyiknala hataknai Nabi Yesaya kole balinage, “Lina wu ata ka wula ta marada gilra, ‘Ha inyakani lara tubanai Mori, rayinani laraNa ka lurha.’” \rq Yesaya 40:3 \rq*
|
||
\p
|
||
\v 4 Mono, Yohanes wiki dau na waina kalabe wali ta wullu unta mono kalari bagge kalita kakilora nage baggena. Ha yana kabala mono kanena ramma.
|
||
\v 5 Bege, ata Yerusalem amidi tabrana, mono tangage Yudea, mono tangagekalingorage Yordan.
|
||
\v 6 Lohho, yidda naha rihayi Yohanes ta Yordan, hagapege mangakudi jalada yidda.
|
||
\p
|
||
\v 7 Tabolo, kolei Yohanes etayi butayi ata Farisi mono Saduki amaidi taha rihana, nyi linage tabrada yidda, “Mi, ana huhu kaboko japata, iyayi kaha namu gimige mamu malaimi wali ta but ateNa nimi ka amina?
|
||
\v 8 Nyi bataudage inna, kamu hadadige wuge jarrami,
|
||
\v 9 mono ilam hangadege tutu bamu takkiwe tuba taumi, ‘Nami dani Abraham, ama weda waikama nami, ‘oro nauwa lugu gimige tabrami inna wali ta watu rade Allah na dadiwe bana hakadeyi anai Abraham!
|
||
\v 10 Lohho, inna batauge, pogo, ijalabewe ta kalarta pu yayu, mono tangadi pu yayu ai ka wu dahha katoda hoyi mono baita hodi talatti.
|
||
\p
|
||
\v 11 Nauwa tau takka nage ug waigimi we bagu harihami bamu jarra, tabolo Nyi ka ammina kole badaga na bikta dahowe harehana wali ta nauwa, kopa leduna nauwa walegu marak kak mawa ngidi nadi. Nyi naha rihami mi waini Waddi Bihha mono latti.
|
||
\v 12 Tapi nyura talima benaNi, mono Nyi naha murahadi hadau karabaNa, mono enga kahha nadi gandum lari tagalu. Tabolo, Nyi enga tunu nadi ta alati kuwa ai hilu angta padda.”
|
||
\s Yesus Nahairayi I Yohanes Pembaptis
|
||
\p
|
||
\v 13 Bege, Yesus amini ta Galilea ta Yordan tabarai Yohanes kapiku hariha nani Yohanes.
|
||
\v 14 Tabolo, Yohanes na baige hikalani Nyi mono linage, “Nauwa dahho pahha rihaMu, ta nyiduwe Yau um mai dawaliwu tabaragu?”
|
||
\p
|
||
\v 15 Lodoge, Yesus na balehawe tabarana, “Batauge. Pahaige oro batauda dahoge dadige ta yitta kana banuge tangage katena.” Mono, Yohanes dumo na pahaini Nyi.
|
||
\p
|
||
\v 16 Ba kole harihaYi, Yesus wing hunage wali ta weyo, mono etawege, surga na mabugerawe mono Nyi naetayi Waddi nai Allah burru katujai takuku maupa taka takkuNa.
|
||
\v 17 Mono, rangewe li wali ta surga kahha newe, “Nadde nyi anaGu tabaraNa ge Nauwa Ug kabu ateNi.”
|
||
\c 4
|
||
\cl Kawukku 4
|
||
\s Yesus Na Kabani Kabalka
|
||
\p
|
||
\v 1 Bege, Yesus na kodoni Waddi ta marada gilra bana kabani kabalka.
|
||
\v 2 Mono, Nyi natari pata kabulu lado mono pata kabulu gaddi, be inna Nyi naka laba.
|
||
\v 3 Nyi namai, kabani, mono linage tabarai Yesus, “Nyi Yau ba ana Allah duwu, pareha holai rada watu kana dadi kababa.”
|
||
\p
|
||
\v 4 Tanyiduwe, Nyi nabalehawe mono linage, “Dage kama tolha, ‘Wale kababa kelma kadadai ata Morha, tabolo wali tangadi lina kahuna wali ta banai Allah.” \rq Ulangan 8:3 \rq*
|
||
\p
|
||
\v 5 Bewalge, kabalka na ngidiYi ta toko Uma Allah,
|
||
\v 6 mono linage tabaraNa, “Nyi Yau ba ana Allah duwu, Dolu wikhomu inna lari oro dage kama tolha: ‘Tutum Yau, Allah enga harha nadi malaikatNa mono keketawu Yau ta pnu limada yidda dajalage leduMu ilna widadi rada watu.’” \rq Mazmur 91:11-12 \rq*
|
||
\p
|
||
\v 7 Yesue linage tabarana, “Hadakka piguge, dage kama tolha, ‘Yau ilam kabani Mori Allahmu.”’ \rq Ulangan 6:16 \rq*
|
||
\p
|
||
\v 8 Hadakka piwal Kabalka na ngidiyi Yesus ta panu letena kahada madehta mono naha tingo nage tabarana tangage parehage panu tana lohho ewetage,
|
||
\v 9 mono linage tabaraNa, “Tangadi rade ug yigudi tabraMu, nyi Yau bamu katabawu mono kawojoga.”
|
||
\p
|
||
\v 10 Bege, Yesus linage tabarana, “Yelana ge, Kabalka! Dage kama tolha, ‘Mi um kawojo dahhoni Mori Allahmu mono tabraNa hena yau bamu kangotena.”’ \rq Ulangan 6:13 \rq*
|
||
\p
|
||
\v 11 Kolei, kabalka ijakani Nyi, mono etawege, malaikat-malaikat ammidi ha nukkuyi Nyi.
|
||
\s Yesus Halege Nagr Ha Ulana Ta Galilea
|
||
\p
|
||
\v 12 Lohho, kole Yesus rangewe nadai Yohanes yapayi, Nyi napahili kina ta Galilea.
|
||
\v 13 Nyi natanage Nazaret mono na dikki lohho na engana ta Kapernaum, ta hupu Hoba, dirri Zebelon mono Naftali,
|
||
\v 14 kana banuge agawe agawe hatakki ledeni Nabi Yesaya:
|
||
\v 15 “Tanah Zebelon mono tanah Naftali, lara ta Hoba, ta gabala Yordan, Galilea, kalingora ata aika Yahudina,
|
||
\v 16 kabihu ata ka engana lari taka pagtana etawe magakaha kama dakka, mono tubada yidda ka engana taha dau mono mawo kamate, Magakaha inna na huda bewe. \rq Yesaya 9:1-2 \rq*
|
||
\p
|
||
\v 17 Wali nedage, Yesue halege nage bana hotbah mono linage, “Jarramige oro kalingora pareha Sorga na dahekawe!”
|
||
\s Nakamaikafi Pata Aanahakodona
|
||
\p
|
||
\v 18 Kolei Yesus kako ta hupu hoba Galilea, Nyi na etayi duda kaha angu wuna, Simon paha ngarai Petrus, monoi Anderias anguwuna, batamrada wewuwe jalada ta hoba oro yidda ba kamajala kabokoyi.
|
||
\v 19 Mono, Nyi linage tabrada yidda, “Mai dokuga Nauwa mono Nauwa enga hadadu gumi mi kama jala ata.”
|
||
\v 20 Yidda wing tana dadi jalada mono dokuni Nyi.
|
||
\p
|
||
\v 21 Mono, kole bada kako wali neda bali, Nyi na etayi duda wali kahha angu wuna, Yakobus anai Zebedeus monoi Yohanes, angu wuna. Yidda lariyi ta wu tena oleni Zebedeus, amada yidda, tamra illo dadi jalada. Mono, Nyi naka maikadi yidda.
|
||
\v 22 Mono, yidda wing tanadadi tenada mono amada yidda, dokuni Yesus.
|
||
\s YESUS Naha Nua Mono Nahatagaha Ata Buta
|
||
\p
|
||
\v 23 Bege, Yesus kilorage tangage kalingora Galilea, hanuana ata ta sinagoge-sinagogeda yidda, talarage li ege ate Kalingora pareha, mono hatagaha tanga ngara kapore, mono tanga ngara kalawara ta jonga ata buta.
|
||
\v 24 Mono, li tutuNa matalarawe kahha ta tangage Siria. Mono, yidda da ngodiyi tabaranNa tangadi ata kalawara ka oja wali tanga ngara kapore mono kapakhada, mono hatamanai kabalka, kaparaka, mono kalikku, mono Nyi nahatagahayi yidda.
|
||
\v 25 Maubla ata kabuta wali ta Galilea, Dekapolis, Yerusalem, Yudea, mono wali ta gabala Yordan dokuni Nyi.
|
||
\c 5
|
||
\cl Kawukku 5
|
||
\s Khotbah Yesus Ta Pau Letenahanewe Kanyurru
|
||
\p
|
||
\v 1 Kole ba etayi ata buta rada, Yesus panne ta panu letena. Mono, ana hakodo haloleNa ammidi tabaraNa.
|
||
\v 2 Mono, Nyi na bugerage baNa mono naha nuadi yidda, linaGe,
|
||
\v 3 “Kanyuru nage ata ka milla lar ta waddi oro yidda ka dauge Kalingora Surga.
|
||
\q1
|
||
\v 4 Kanyuruda yidda kamayilla atena oro yidda enga ha agu ateyi.
|
||
\q1
|
||
\v 5 Naka nyurru ho ata malujja atena oro yidda enga dau dage panu tana.
|
||
\q1
|
||
\v 6 Daka nyurru ho yidda ka labba mono marige ka tenguna oro yidda enga haboktayi.
|
||
\q1
|
||
\v 7 Daka nyurru ho yidda ka manawara atena oro yidda enga kolena manawara ate.
|
||
\q1
|
||
\v 8 Daka nyurru ho yidda kamurha atena oro yidda enga eta dani Allah.
|
||
\q1
|
||
\v 9 Daka nyurru ho yidda ka ngidi moli oro yidda enga da takkiyi ana nadi allah.
|
||
\q1
|
||
\v 10 Daka nyurru ho yidda kamayilla oro ketena oro yidda ka dauge Kalingora Surga.
|
||
\p
|
||
\v 11 Um ka nyurru hom miyo ba daka ata kaha melo gimi mono kaha mayilla mi, mono ka takki gimige tanga ngara hanewe kajapata tabaramu waige bada langu lirami orogu Nauwa.
|
||
\v 12 Laga harami mono ege atemila oro madaka lawe hige ta surga tauda dage yidda bada hama yillayi tangada Nabi ai diki hogimi miyo.”
|
||
\s Mahhi Mono Magakaha Panu Tana
|
||
\p
|
||
\v 13 “Mik nala mahhi panu tana, tabolo inna mahhi bana dadi kabbawe, aga lina dahowe ba hamah haggage? Nyi la hing mana gauge duka dahege ba baitage mono ba dekege kadadi ata.”
|
||
\p
|
||
\v 14 “Mik nala magakaha panu tana. Harona ka panu letena wale na dadik mawe bana kabunyiwe.
|
||
\v 15 Ata walena dadik mawe bana kadakena latti we mono ijalawe ta kabu haburra, ta nyiduwe ta hariyo hadau latti we, mono kana hama gaka hadi tangadi ka dana lari ta umma.
|
||
\v 16 Pahai jalage inna maga kahamu waige hada kaha tujja dajalge ata kana eta gimige harayimi ka dahha mono kahha manadani Amamu ta surga.”
|
||
\s Pannuyi Ukku Pareha Mono Jurata Nabi
|
||
\p
|
||
\v 17 “Ilam hangada dage inna Nauwa bagu maiwa waleg pungak madi li ukku pareha waleka jurata tangada Nabi. Bagu maiwa wale pngak ma gudi ta nyiduwe mai panu da gudi.
|
||
\v 18 Nauwa takki guge katau takkana tabarami, kahha langta mono tana ai hilu dage, wale lakma wuak kama dutla waleka kama tikki kabunga wali ta Ukku Pareha kahha tangadi bana banuge.
|
||
\p
|
||
\v 19 Oro batau dage, iyayi kapungadi wuak wali ta pareha kahada maraha rade mono hanuani ata wadeka kapiku rayi nage hada kaha mera, nyikna kahada maraha lari ta Kalingora Surga. Tabolo, iyayi ka rayidi pareha rada mono naha nuadi yika kama dakka lari ta kalingora Surga.
|
||
\v 20 Oro, nauwa luguge tabarami inna katenamu wale na rehi dahak mawe wali ta katena ahli-ahli Taurat mono ata Farisi, mi ruruge bamu tamami lari ta kalingora Surga.
|
||
\s Tubana Ata Kabanini Angu Wuna
|
||
\p
|
||
\v 21 Mi um range bewe ha tak be ta weda waikada yitta, ‘Ilam ha matewu ole atamu, ‘mono'ba iya kayi kaha mate ole atana na dadi mema dawe ngidiyi taha dau yiwe li hokuna.’
|
||
\v 22 Ta nyiduwe, Lugu dage tabaramu iya hing kayi ka bani tabara ole baina na marakka mema dawe ba hokuni, mono iya hing kayi kaha newe ta ole baina, ‘Yau kabangawu,’ nam rakka dahowe ba dani ta aro Pa ama hadau deye Agama, mono iya hing kayi kaha newe, ‘Yau kabangawu, ‘namaraka dahowe badani lari neraka latti.
|
||
\p
|
||
\v 23 Oro bataudage, nyi mi bamu yika manuta manutami tapanu natara, mono neda bali mi um apeyi ole baimi badage wuak tabaramu,
|
||
\v 24 tanadi rada manutamu rada ta aro natara mono kakowu kam dame danga uluni ole baimi, beyo ubum hagami mono ubum yiyi manutami.
|
||
\p
|
||
\v 25 Geha memam, dame dangani ata kaha waugu batamra homu kako dangani daja lage ilna hawau wali gu inna nayiwu tabara katibawe, mono katibawe nada nayiwu ta hagawena, mono yau naha tamagu ta gallu.
|
||
\v 26 Nauwa ug takki guge katau takkana tabaramu, yau wale na hilu dadik mawe bamu huna wali neda bali kahha yau bamu be bayarana sen ha duka waiwe.”
|
||
\s Ata Kajala Dangana Olena
|
||
\p
|
||
\v 27 “Mi um range bewe inna hatakki, Ilam jalami ta olemi.’
|
||
\v 28 Ta nyiduwe, Nauwa luguge tabaramu tangana ata kaha matara hinguni wu lawai mono naka madige ta atena, nyi na jala danga beni ta barana lawai nada lari ta atena.
|
||
\v 29 Nyi mata kawanamu na rayi kagu harayi dangam jala, lakke matamu nada mono baitani. Oro, atna hadaha dahoge yau ai dani wu matamu wali ta ta taumu wali tangage taumu ba baita dali guge ta naraka.
|
||
\v 30 Mono, nyi lima kawanamu banyika harayi dangamu jala, katuplayi mono baitan limam nada rehi daha dahoge bana bunga wu limam wali ta taumu wali tangage taumu ba baita dali guge ta naraka.
|
||
\s Nukku Tutu Pahewa
|
||
\p
|
||
\v 31 Inna takki bewe: Iyayi kaha hewa dangani ole ummana na yidaho jurata pahewa ta bara ole ummana nada.
|
||
\v 32 Ta nyiduwe, Nauwa ug tak guge tabaramu ba iyayi kapa hewa dangani ole ummana, duka dahege oro jala dangana olena, nyi na rayini jala olen ole ummana. Mono, iyayi kaha umma dangani lawai kapa hewa danga bena laina nada, nyi jala danga olena.
|
||
\s Tutuge Haura
|
||
\p
|
||
\v 33 Hadakka piguge, mi um range bewe hatak beda ta weda waikamu, ‘Ilam haura palekawu, tabolo panu kewe hauramu inna ta arona Morimu.’
|
||
\v 34 Ta nyiduwe, Nauwa luguge tabaramu: ilda hinguge yau bamu haurawu, langka tutu Surgawe oro Surga yodakna dau ngodo nai Allah,
|
||
\v 35 wale ka dumo tana oro tana nyiwe hadau ijala nadi leduNa, waleka dumo tutu Yerusalem oro inna ba nyiwe harona Sang Raja kama dakka.
|
||
\v 36 Ilam haura jala kawu tutu katak kumu oro yau aina dadi mowe bamu rayige gayu ro wumu, kaka waleka mattige.
|
||
\v 37 Ta nyiduwe, enga dage hanewem, ngoge bana tenawe, walekma nyi aina tenawe, oro ta bali tangage inna wali ge tai kajapata.
|
||
\s Tutu Tau Gabage
|
||
\p
|
||
\v 38 Mi um range bewe agawe inna hatak kibena, ‘Mata na hepadi mata mono nguddu na pahepadi ngudu.’
|
||
\v 39 Ta nyiduwe, Nauwa luguge tabaramu ilam gabage kajapata, tabolo iyayi kapakko kaguge papai kawanamu, horo jala nage papi wadeka.
|
||
\v 40 Mono, nyi wu ata bana karuhhu kawu mono ngala guge kalabe mu, yi jala nage kalabe madakkamu tabrana.
|
||
\v 41 Mono, iyayi kaduhhawu yau kako dihha mil, kakowu marangani ka duda milna.
|
||
\v 42 Yikini ata karaiyi tabaramu mono ilam tularani ata ka kabu atege karaiyi tudu wali ta yau.”
|
||
\s Manawaradi Muhumu
|
||
\p
|
||
\v 43 “Mi um ranhge bewe inna liNa, ‘Manawara kini olem, ‘mono'butuni ate muhumu.’
|
||
\v 44 Ta nyiduwe, Nauwa luguge tabaramu, manawara kidi muhumu mono sembanyang nala tubada ata kaha mayillawu yau,
|
||
\v 45 waige batau dage yau inna dadiwe bana anai Amawu ta Surga oro Nyi kapa hudani mata ladoNa tubada ata kajapata mono kadahha, mono kaha buruni urra tubada katena mono aika tena.
|
||
\v 46 Oro, inna mi ba duka dahege bamu manwarani ata kama nawaragu, agak we hakolemi? Walem tadak mawe ata ka kahha wali takku rayi jalage kataudana?
|
||
\v 47 Mono, nyi mi bamu hanau wuyi ba dukka hena ole baimu, agawe rehige harayimu? Walem tadak mawe ata ai katadayi Allah rayi jalage katujawe inna?
|
||
\v 48 Oro batau dage, mi um dadi bannu dahona, tujai Amamu ta surga kabanuna.”
|
||
\c 6
|
||
\cl Kawukku 6
|
||
\s Ha Akka Tutu Ba Yiyo
|
||
\p
|
||
\v 1 “Hamatara gela bamu pahada we tutu parayim ta agamamu ta aro ole atamu, ilam kabu ate dagela kada etawe yidda. Nyi batau dage, mi walem hibak mawe hige wali ta Amamu ta surga.
|
||
\p
|
||
\v 2 Oroge inna, kole mi bami yi hodi kami, ilam ha punyikan talalu ta aromu kataujana ata kadahha dete harayida ta sinagoge-sinagoge mono ta lara dajalage yidda ka dayo daikayi ata wadeka. Nauwa ug talkkiwe katau takkana tabarami inna yidda da hiba bewe higela.
|
||
\v 3 Ta nyiduwe, kole mi bami yi hodika, ilam paghai kani limma kalimu bana tadayi agawe harayina limma wanamu,
|
||
\v 4 dajalge ha yi hodimu rada kana kabunyiyi mono Amamu ka etayi kabunyi rada enga na yigimi hidi.”
|
||
\s Ha Akka Tutu Sembayang
|
||
\p
|
||
\v 5 “Mono, kole mi bamu sembayangna, ilam tujayi ata kadahha dete oro yidda da baige dede mono sembayangna ta sinagoge-sinagoge mono ta hupu lara kapiku eta dadi ata wadeka. Nauwa ug takki gimige katau takkana tabarami, yidda da hiba bewe hige.
|
||
\v 6 Ta nyiduwe, kole mi bamu sembayangna, tamamik lari ta koromi mono toniwe binnami, mono sembayangna ta Amami kadana taha dau kabunyi, yiwe Amami na etawe kabunyi inna enga na yigimige hige tabarami.
|
||
\p
|
||
\v 7 Mono, kole yau bamu sembayangna, ilam waikana hanewe ai kamangu gauna katujana ha rayina ata ai katadayi Allah, oro paha ngadada waidi hanewe kabuta, yida enga narangeyi.
|
||
\v 8 Nyi batau dage, ilam tujai yidda oro Amamu natadawe agawe ha kabu atemu aim karai howe tabaraNa.
|
||
\v 9 Sembayang tau damu inna, ‘Ama nami ta surga, Paha tengu howela ngaraMu.
|
||
\q1
|
||
\v 10 Kana mai kawe kalingora parehaMu, dadi kawe hakabu ateMu ta panu tana lohho ta surga.
|
||
\q1
|
||
\v 11 Yikima nami, lado inne, ha yama katutuki.
|
||
\q1
|
||
\v 12 Mono, ha wali kimadi jalama nami katuja dumuwe nami bam walidi jalana ole atama tabarama nami.
|
||
\q1
|
||
\v 13 Mono, ilam ngidi kama nami lar kama kaba, tabolo palohta kima nami wali kajapata. Oro ba Yau kadauge Kalingora Pareha, mono bikta pareha, mono manadana kahha ana murri. Amin.’
|
||
\v 14 Oro batauda dagege nyi mi bamu hawali ka nadi jalana ata wadeka, Ama sorgawi mu naha wali jalagimi.
|
||
\v 15 Ta nyiduwe, nyi mi aim hawali kani jalana ata wadeka, Ama dumomu enga wale naha walik magudi jalamu.”
|
||
\s Hadamu Bamu Kabuktawu
|
||
\p
|
||
\v 16 “Mono, kole mi bamu kabuktami, ilam buju kami tujayi ata daha dete oro yidda na dadiwe hajelu ge matada kapiku etama bama kabukta rada ata wadeka. Nauwa lugu gimige katau takkana tabarami inna yidda da hiba bewe higela.
|
||
\v 17 Ta nyiduwe, mi, kole bamu kabuktami, lewuwe katakkumi mono bahawe matami
|
||
\v 18 daja lage kabuktami ka ilna eta mige ata, tabolo Amamu ka dana taha dau kabunyi. Mono, Amamu na eta guge harayimu ka bunyi inna enga naha gaba guge la tabaramu.”
|
||
\s Ha Inya Kayi Ngawu Ta Surga
|
||
\p
|
||
\v 19 “Ilam kanguti kage tutu tau daumi ngawu ta panu tana, hadaudi wana mono tai rara kaha mabbodi, mono hadau ata kedu kahegaradi lohho kedudi.
|
||
\v 20 Ta nyiduwe, kangutige tutu tau daumu ngawu ta surga, hadau wana mono tai rara walena ha mabbok madi mono hadau ata kedu walena hegarak madi loho wale na keduk madi.
|
||
\v 21 Oro hadau nagwumu dadi, yoda jalawe atemu.”
|
||
\p
|
||
\v 22 “Matamu yikna lati we taumu, Yiwe, rada matamu bana dahhayi, tangage taumu enga na magaka hege.
|
||
\v 23 Ta nyiduwe, nyi matamu japatayi, tangage taumu enga banuge kapagtana. Nyiwe nyi magakaha kadada hona tabaramu yikwe kapagtana, hada kik kage kapagtana inna.”
|
||
\p
|
||
\v 24 “Wale ladakma ata kahha mori ta duda morna oro nyi enga butu nani ate nada morna wu mono na manawarani wu, waleka enga mikkuna ta morna wu mono na tau taipayi wu wali. Mi walena dadik mawe hanukku nage ha ulla nai Allah mono amaha.”
|
||
\s Miyo Ilam Gela Gagami
|
||
\p
|
||
\v 25 “Oro batau dagege Nauwa lugugu tabramu, ilam gela gagage tutu morhamu, ba agana ha yamu wa; leka agana ha enumu. Tau dajala nage taumu, ba agana hataumu. Walena rehi banning kak hoge morha wali taha yayo, mono taumu wali taka labe?
|
||
\v 26 Torroyi kawurruna ta langta ai kahabarana, ai kamangatti, mono ai ai ka kahha ka galuna, tabolo Ama Sugawimu na yidi yida ha yayo. Mi walem rehi mang hikak homi wali ta yidda?
|
||
\v 27 Iyayi ta jongamu oro gela gagana dadiwe bana tabawe dal ak morhana?
|
||
\p
|
||
\v 28 Mono, tutu kalabe, ahha mi mamu gela gaggami? Hamataradi wala ruta bakung tama rada, aga liana dawe yidda bada tummu, yidda wale da ullak mana mono wale da kamode takma,
|
||
\v 29 tabolo Nauwa luguge tabaramu nadai Salomo kama nadana hali dumona wale na tau ma kalabe katujana wuyo wale ta wala ruta nada.
|
||
\v 30 Nyiwe, nada ruta tama rada, kadana nehe lado mono koka baitani lari ta latti, Allah napa hada tauda dani, wale narehi dal kak hoge mi, ta mi kadabo hatenana?
|
||
\p
|
||
\v 31 Nyidawege, ilam gela gaggami waige ba limimi, ‘Agak na hayama?, ‘Waleka agakna ha enuma?, ‘Wale dumoka', Agak na hatauma?’
|
||
\v 32 Oro, ata wadeka da mayegadi tangadi rada mono Ama surgawimu na tadawe inna mi bamu kabu atedi tangadi rada.
|
||
\v 33 Ta nyiduwe mayega ullu toge Kalingora parehaNa mono tenaNa, mono tangadi rada enga taba nagudi.
|
||
\v 34 Nyiwe, ilam gela gaggage tutu tanga kokage oro koka tanga wiki dauge dadyo. Hatutuwe dihha lado waige mayilla na dauna.”
|
||
\c 7
|
||
\cl Kawukku 7
|
||
\s Ilam Nyi Kani Rakkana Olem Ata
|
||
\p
|
||
\v 1 “Ilam yikani rakana olem ata daja lage mi ila yigimi rakkami.
|
||
\v 2 Oro waige rakkana ha yimi tutu rakkana, mi enga hiba mige rakkage, mono waige ukra ha waimi tutu ukra ha ukram enga ukra jala mige tabarami.
|
||
\p
|
||
\v 3 Mono, ahha mi mamu etayi karabka yayu ta mata ta angu wumu, tabolo yau walem tada dau mayi kadibka yayu ka dana ta mata daumu?
|
||
\v 4 Waleka, aga linak kawe bana dadiwe mi ba limige ta ole baimi, ‘Haiga nauwa kagu pahu gini karabka yayu nada wali tamatamu, ‘tabolo etawe, dani kadibka yayu tamata daumu?
|
||
\v 5 Ta, aa dahha dete, pahuyo ultoni kadibka yayu nada wali tamatamu, mono bege yau enga eta hadahha muni bamu pahu nani karabka yayu wali ta mata ole baimi.
|
||
\p
|
||
\v 6 Ilam yikayi ngawu katenguna ta bagga, ilam baita jalani watu mangu hiyo nada ta ta arona wayi daja lage yidda ilda deke pipini waini leduna mono na hagga waligu hirrawu yau.”
|
||
\s Karaimila, Mayeganala, Mono Kaladinala
|
||
\p
|
||
\v 7 “Karayimila, mono ta hada inna enga yinagimi tabarami. Mayeganala, mono mi enga kolemi. Kaladinala, mono hada inna enga na bugera gimige tubami.
|
||
\v 8 Oro, tangana ata ka rai, nyi na hibaho, mono ata kamayega enga na kolena, mono iyayi kaladina enga bugerani.
|
||
\p
|
||
\v 9 Waleka, iyayi ta jongami, nyi nada anana bana karaika kababa nyi bana yidalini watu nada anana?
|
||
\v 10 Waleka, Nyi anana bana karaika kaboko, nyi enga wale na yimanni kaboko ana nada, to?
|
||
\v 11 Nyiwe, nyi mi kajapata tadawe agalina dawe bamu nyini anamu kadahaki, at wik hona Amamu ta surga, Nyi enga yina gimi kadahha tabrada yidda karai tabaraNa.”
|
||
\s Ukku Pareha Kabanningna
|
||
\p
|
||
\v 12 “Oroge inna tangadi mi hakabu atemi kana rayi gimidi ata tabarami, tauda jala nage mi um rayidi tabarada yidda oro rade ydayi ngihidi Ukku Pareha mono jurata Nabi.”
|
||
\s Lara Ka Ara Ta Morha
|
||
\p
|
||
\v 13 “Tamami ta binna kahikna oro lurawe binna mono lura lara ka aro ta liloko, mono dadi kabuta ata kalida tama.
|
||
\v 14 Oro, kahikge binna mono kahna lara ka aro ha morha danga, mono hodik ka tomani.”
|
||
\s Hanamu Tutu Nabi-Nabi Paleka
|
||
\p
|
||
\v 15 “Ta nyiduwe, hamataradila tabarada nabi-nabi paleka ka amina tabrami ka waina kalabe bebbe, tabolo dok dage yidda serigalai kabani.
|
||
\v 16 Wali ta wuna mi enga tada midi yidda. Dak kakwe ata kahhayi wu anggur wali tara warri mono wu kapulota wali ta yayu tara warri?
|
||
\v 17 Tauda jala nage, tangadi pu yayu kadahha na wuyo wuna kadahha, tabolo pu yayu aika dahha da wuna wu aika dahha.
|
||
\v 18 Pu yayu kadahha walena dadik mawe wu dalna aika dahha, mono pu yayu ai kadahha ruruge bana wudalna wu yayu kadahha.
|
||
\v 19 Tangana yayu aika wu dahha ha toda hoyi mono baitani lari ta latti.
|
||
\v 20 Nyiwe, wali ta wunala mi enga tada midi yidda.
|
||
\p
|
||
\v 21 Wale tangak mana ata kaha newe tabraGu, ‘Mori, ‘tama lari ta kalingora surga, tabolo nyi karayidi tangadi hakabu atena AmaGu ta surga.
|
||
\v 22 Ta lado neda, buta ata kaha newe tabaraGu'Mori. Mori, ba nami kakna takki guge ngaraMu mono ka wugayi wadi japata lari ta ngaraMu, mono karayidi tangadi mujizat waige ngaraMu?’
|
||
\v 23 Lohho, Nauwa enga tak guge tabarada yidda, ‘Nauwa waligu kal tadak mami miyo! Um yelana wali tabaraGu, mi um ulladi tangage kajala!’”
|
||
\s Ranggewe Mono Rayidi
|
||
\p
|
||
\v 24 “Oroge inna, tangana ata karange gage ha takkiGu rade mono karayi gadi enga natujayi ata kama niwola paha ngadana kahha kadde umana tapanu watu.
|
||
\v 25 Nyi, bana burruka urra mono ammini lai weyo, mono rereha liwe umma inna, mono umma inna enga wale na tabuhtak mawe oro bahha dedewe ta panu watu.
|
||
\p
|
||
\v 26 Mono, tangana ata karange gage hatakkiGu rade mono ai karayidi na tujayi ata kabanga kahha kadde umana ta paha lai.
|
||
\v 27 Lodoge, burru urra mono ammini lai we, mono rereha liwe inna umma, mono umma inna enga ta buhta ge, mono na manyegara hingwe.”
|
||
\p
|
||
\v 28 Kolei Yesus bana be hatakkiwe tangage hada inna, ata buta da hangatara dangage hanuwaNa,
|
||
\v 29 oro Nyi hanuwadi yidda ba wuyi ata bikta parehana, mono wale tujak mayi ahli-ahli Taurat yidda.
|
||
\c 8
|
||
\cl Kawukku 8
|
||
\s Yesus Naha Tagahawi Ata Ka Katobi
|
||
\p
|
||
\v 1 Kolei Yesus bana burru wali tapanu letena inna, buta ata ka dokuni Nyi.
|
||
\v 2 Mono, etayi, wu ata ka katobi ammini tabaraNa, mono naka kawojo ta aroNa, moo liage, “Mori, bamu au Kakkiwu, Yau kamu hatagaha kiwa nauwa.”
|
||
\p
|
||
\v 3 Mono, Yesus naha jolani limanNa lohho na narroni, linaNi, “Nauwag auwa, tagahawuge.” Neda mema dummo, na tagahayi ka tobina ata nada.
|
||
\v 4 Mono, Yesus linage tabrana, “Hamatarage, yau illa dahing kana aga ana hatakkimu ta ata iyang hing kai, tabolo kakola, hatingoge taumu tabarada rato, yiwu manuta aga marakayi paha rehanai Musa ba wuwe paha delaka tutuda yidda.”
|
||
\s Aatana Wu Pewira Romawi Hatagahayi
|
||
\p
|
||
\v 5 Kolei Yesus tama ta Kapernaum, wu perwira ammini tabaraNa, rainoge tabaraNa,
|
||
\v 6 mono linage, “Mori, atagu tamarana baika kalikku ta umma, hada mayillayi.”
|
||
\p
|
||
\v 7 Mono, Yesus linage tabarana, “Nauwa enga ammiga mono ug hatagahayi nyi.”
|
||
\p
|
||
\v 8 Ta nyiduwe, perwira nada na balehawe mono linage, “Mori, nauwa waligu marakkak mawa taubamu Yau bamu tamagage ummagu, tak kagage langka hodi kawe hanewemu mono atagu nada enga tagahana.
|
||
\v 9 Oro, nauwa dumo ata ta kabu kaha rehagu, dadi tentara-tentara ta kabugu. Mono, balugu kage tabarana wuyo, ‘kakowuge,’ nyi dummo na kako, mono tabrada wadeka, ‘Maimge,’ mono yida dummo da mai, mono tabrana atagu,’ rayige inne,’ mono nyi dummo narayi hoge.”
|
||
\p
|
||
\v 10 Kolei Yesus bana rangewe inna, Nyi naha ngatara mono linaGe abrada ata kadokuni Nyi, “Nauwa luguge katau takkana tabaramu, Waleg kali tabokak mawe hatena kamadakka kala tajonga ata Israel.
|
||
\v 11 Nauwa luguge tabramu buta ka enga ammina wali ta lado koka mono lado mali, mono yayo ole dangani Abraham, Ishak, monoi Yakub lari ta ka lingora Pareha ta Surga,
|
||
\v 12 tabola ana kalingora inna enga baitadi lari ta kalingora kapagtana kahada kapagtana. Neda bali enga dagela hoyo mono hangaktadi nguddu.”
|
||
\p
|
||
\v 13 Mono, Yesus linage tabra perwira nada, “Kakowuge, yamage kana dadiwe tabaramu katauna paha tenamu.” Mono, ta mahiggo neda, atana natagaha.
|
||
\s Yera Lawai Nai Petrus Mono Ata Buta Hatagahayi
|
||
\p
|
||
\v 14 Kolei Yesus bana dikki ta umanai Petrus, nyi na etayi yera lawaina Petrus tamra baikana mono kalikana nage.
|
||
\v 15 Nyiwe, Yesus na narro nani limmana nada mono kalikana na bungawe. Bege, nyi na kadde mono naha nukkuyi Yesus.
|
||
\p
|
||
\v 16 Kole ba manari gaddi nage, yidda da ngidyo tabaraNa ata buta hatamana wadi japata, mono Nyi na wugayi waddi rada wu hewe hatakkiNa, mono tagaha dage tangada ata ka kalawara,
|
||
\v 17 dajalage kana banuge agawe hatak nai Nabi Yesaya: “Nyila kangala dadi loja mawalada yitta mono katagu dadai kalawarada yitta.” \rq Yesaya 53:4 \rq*
|
||
\s Dadiwu Ata Kadokuni Yesus
|
||
\p
|
||
\v 18 Batauge, kolei Yesus bana etay ata buta ka kilorani Nyi, Nyi naha lewayi kako pala neda bali.
|
||
\v 19 Bege, wu ahli Taurat ammini mono linage tabraNa, “Guru, nauwa kagu dokuni lugugu ba langka giyo dau kakommu.”
|
||
\p
|
||
\v 20 Mono, Yesus linage tabarana, “Ranga bani daho rowa kana mono kawuruna dete ta langta daho hakna. Ta nyiduwe Anana Kadadi atawale lakma hadu ijala nage katakNa.”
|
||
\p
|
||
\v 21 Wu wali ta ana hakodona linna ge tabaraNa, “Mori, Oahai toga hodige nauwa kagu tani ulu toni amagu.”
|
||
\v 22 Ta nyiduwe, Yesus linage tabrana, “Doku daga Nauwa, mono nyamadi ata kamate katanini ole ata matena wiki dauda.”
|
||
\s Yesus Naha Ngahuyi Warata
|
||
\p
|
||
\v 23 Mono, kolei Yesus panne ta tena, ana hakodo haloleNa dokuni Nyi.
|
||
\v 24 Mono, etage, nadadi warata kalla ta hoba inna daja lage tena nada natoniyi ngalung. Ta nyiduwe, Yesus dura nage.
|
||
\v 25 Mono, ana hakodo halolena dikini Yesus mono ha kadeyi Nyi, lidage, “Mori, pahoila kimage! Yitta enga li lokoda!”
|
||
\p
|
||
\v 26 Mono, Nyi linage tabarada yidda, “Ahha mi mamu madautami, ta mi aika hatena dahha?” Lohho, Nyi na dede mono na kayakani rereha lohho inna hoba, mono na dadiwe kadanna.
|
||
\p
|
||
\v 27 Nyiwe, ata rada hangatara mono lidage, “Aga ata memayi Nyi nade, ahha rereha mono hoba madda doku kani?”
|
||
\s Duda Ata Kadara Kamangu Katau Japatana
|
||
\p
|
||
\v 28 Kolei Yesus dikki neda bali hobage, taha dau neda duda ata gadara kamangu katau tanana kajapata nda tabokayi Nyi. Yidda huna wali ta rate waige banida dajalage wale lakma ata kapalaka neda.
|
||
\v 29 Mono, etayige, yidda da kawula, lidage, “Agawe ha orhamu yau mo tanami, ta Anai Allah? Appa yau mai hamayilla mugama nami ai dikki hoge rahige?”
|
||
\p
|
||
\v 30 Mono, marau hodiki wali ta yidda dadi wayi buta katamrana mayegana hayana.
|
||
\v 31 Mortana rada naka raiwe tabaraNa mono lidage, “Nyi ya bamu bai kage wugama nami, halwama ge dikki ta wayi buta rada.”
|
||
\p
|
||
\v 32 Mono, Yesus linage tabarada yidda, “Kakomige!” lohho, yidda da huna mono tama lari tawayi rada. Bege, tangada wayi rada leju dage ta lirra hupu hoba mono da mate lari ta weyo.
|
||
\v 33 Ata kajawayi rada wayi da malai, mono tama lari taha rona, mono da dulka kahhawe tanhgage, gauge agawe kadadi ta ata kamangu katau mori tanana rada.
|
||
\v 34 Mono, etawege, tangada ata ta harona huna tutu tabo kayi Yesus. Kole bada etayi Yesus, yidda daka raiyi Nyi kana yelana wali taha dauda yidda.
|
||
\c 9
|
||
\cl Kawukku 9
|
||
\s Yesus Naha Walidi Mono Na Hayagaha Wu Ata Kalikku
|
||
\p
|
||
\v 1 Kole bana tama ta tena, Yesus na palage hoba mono na dikki taha rona dauNa.
|
||
\v 2 Mono, etewe, yidda da ngidyi tabaraNa wu ata kalikku ka baika ta pinya. Kole bana etawe hatena yidda, Yesus linage tabarana ata kalikku nada.”Hamaddoge atemu, anaGu, jalamu hawali begudi.”
|
||
\p
|
||
\v 3 Bege, kapirana ahli Taurat lidade ta ateda, “Ata nade bai nage rehiyi Allah!”
|
||
\p
|
||
\v 4 Ta nyiduwe, Yesus na tadawe paha ngadada yidda, linage, “ahha mi bamu hangadage ka japata ta atemu?
|
||
\p
|
||
\v 5 Gi dahoge karehi lewara, balida, ‘Jalamu ha walidi, ‘Kaddewu mono kakowula?
|
||
\v 6 Ta nyiduwe, daja lage mi kamu tadawe inna ta panu tana Anana Kadadi ata na kawahage ha wali na jala.” Bege, Yesus linage ta ata kalikku nada, “Kadewuge, keke tawe hadau duramu'mono haggau ge!”
|
||
\p
|
||
\v 7 Nyiwe, nyi na kade mono hagga.
|
||
\v 8 Tabolo, kole ata buta etawe kama hada inna, yidda da bangara mono hamanadai Allah ka yiwe kawaha katau dana inna ta barana kadadi ata.
|
||
\s Matius Ka Kahha Wali Katakku Dokuni Yesus
|
||
\p
|
||
\v 9 Kole Yesus bana kako wali taha dau neda, Nyi na etayi wu ata ka nagaranai Matius katamrana ngodo tahha dau kahha wallu katakku. Lohho, Yesus linage tabarana, “Dokuga Nauwa.” Mono, Matius dede mono dokuni Yesus.
|
||
\p
|
||
\v 10 Ta mahiggo Yesus ngodo bana yayo lari ta umma inna, etawe, buta ka kahha wallu katakku mono ata doku mai, lhho ngodo ya ole dangani Yesus mono ana hakodo Na.
|
||
\v 11 Mono, kole ata Farisi etawe hada inna, yidda lidage ta bara ana hakodoNa, “Ahha Gurumu ya ole dangadi tangada ata ka kahha wallu katakku mono ata doku?”
|
||
\p
|
||
\v 12 Ta nyiduwe, kolei Yesus bana rangewe inna, Nyi linage, “Yidda ai kalawara waleda kabu atek mana mata riyo, tabolo yidda kalawara.
|
||
\p
|
||
\v 13 Ta nyiduwe, kakola mono hamatarage ngihige inni, ‘Nauwa ug kamadige marada atemu, wale marakak ma, ‘oro Nauwa bagu maiwa wale kamailka dakma guge katena, tabolo ata ka jala.”
|
||
\s Kanukka Tutu Kabukta
|
||
\p
|
||
\v 14 Bewalge, ana hakodanai Yohanes amidi tabarai Yesus mono naka ka nukawe, “Ahha nami mono ata farisi rayige kabukta, tabolo ana hakodoMu aida kabuktaka?”
|
||
\p
|
||
\v 15 Mono, Yesus linage tabarada yidda, “Dak kakwe ata kadokudi kaha ummana bana maropoyi ateda aina diki ho kabani kapaha lawaiyo ba dayo ole danga hodi yidda? Ta nyiduwe, enga dikige rahige kole kabani ka mai paha lawai nada ba anagala dani wali tabarada yidda, mono bege yidda enga kabuktada.”
|
||
\p
|
||
\v 16 Wale lakma wuak ata kadabara waina kaba beru ta kalabe ka tiyo, oro ha dabara wai inna na hirrawe kalabe tiyo mono kiki mada nage majira kage.
|
||
\v 17 Dumo, wale lakma ata ka biyo anggur beru ta ta kaleku kaba kalita ka tiyo. Nyi bataudage, kaleku kaba inna enga mahirrage, mono anggurge enga majokuge, mono kaleku kaba kalitana enga wetarage, Ta nyiduwe, yidda da ijala anggur kaberu ta kaleku kaba kalita kaberu jala dajalage ka duda kana kana engadi beru.”
|
||
\s Yesus Naha Kadde Mono Naha Tagaha
|
||
\p
|
||
\v 18 Tamrana Yesus balinna ge inna tabarada yidda, eteyi, wu pa ama umma dau kangote ammini kawojoni Nyi, mono linage, “Ana lawaiyigu abu mate dahingkina. Ta nyiduwe, mai kiwu kamu hajola kini limaMu ta katakuna, nyi enga morhana.”
|
||
\p
|
||
\v 19 Lohho, Yesus kadde mono dokuni ata nada, tau dajala nage anaha kodoNa.
|
||
\p
|
||
\v 20 Mono, etayige, wu lawai kamoja bena rayo ngihina kabulu duda dau dahekayi Yesus wali ta lira mono narro nage hupu kalabbeNa,
|
||
\v 21 oro lawai nada linage ta tau dauna, “Nyi nauwa bagu joja nage kalabeNa, nauwa enga tagahagu.”
|
||
\p
|
||
\v 22 Ta nyiduwe, Yesus na gillaka monlo na torroyi lawai nada, lohho linage, “Ha didarawe atemu, ta anaGu, hatenamu nyi kahha tagahawu.” Nedda memage, tagahha lawai nada.
|
||
\p
|
||
\v 23 Kolei Yesus bana dikki ta ummana kapala umma dau kangote inna mono na etayi kaha uppu ta lalu mono ka ngote ata ka wihhakka danga,
|
||
\v 24 Nyi linage tabarada ata rada, “Kakowuge, oro lakawa lawai nada walena matekma tabolo dura nage.” Mono, yidda da malhani Yesus.
|
||
\v 25 Tabolo, kole ata buta rada ba wugayi huna, Yesus tama nage lohho na naroni limana lakawa nada, mono lakawa lawai nada dummo na kadde.
|
||
\v 26 Li inna na dikkiwe ta tangage hdau inna.
|
||
\s Yesus Naha Tagahi Duda Ata Kamoro
|
||
\p
|
||
\v 27 Kole Yesus kako wali taha hadau neda, duda ata moro dokuni Nyi ha gapege bada kawula, “Manawarak gama nami, Anai Daud.”
|
||
\p
|
||
\v 28 Kole Nyi bana tamage umma inna, kadudana ata moro da dikkini Nyi mono da kanukayi tabarada yida, “Apa mi um hatenakwe Nyi nauwa bagu pahada guge inna?” Yidda lidage tabaraNa, “O, Mori!”
|
||
\p
|
||
\v 29 Begge, Yesus naha jama nadi matada yidda, linaGe, “Na dadiwe tabaramu dokuge hatenamu.”
|
||
\v 30 Mono, nama bugerayi matada yidda. Yesus naha ape dage yidda, “Hamataragela, ila dahing kana wu aka ata katada waige lama hada inna.”
|
||
\v 31 Ta nyiduwe, yidda da huna mono da habarage li inna tutui Yesus ta tangage hadau inna.
|
||
\s Yesus Naha Tagaha Ata Kabanga
|
||
\p
|
||
\v 32 Kole kadudana ata rada huna, ata da ngidiyi wu ata kabanga ha tamana waddi japata tabrai Yesus.
|
||
\v 33 Kole wadi japata nada ba wugayi, ata kabanga naha newe hagga. Ata buta rada da hangatara mono lidage, “Katauda dana wale na kallli etak mawe ta Israel.”
|
||
\p
|
||
\v 34 Ta nyiduwe. Ata Farisi lidage, “Nyi na wugayi tangadi wadi japata waige kawahana wadi japata jala.”
|
||
\s Butai Hama Ngatti Hodiki Kaullana
|
||
\p
|
||
\v 35 Yesus na kako kilo rage tangage harona mono deha hagapege hanuadi ta Sinagoge-sinagoge da yidda, mono talarage li ege ate kalingora parehaNa, lohho ha tagahayi tangage kapore mono kaka lawara.
|
||
\v 36 Kolei Yesus etayi ata buta, Nyi na marabehawe atena tabarada yidda oro yidda da joli mono jalora tujai bebbe aiha jawa.
|
||
\v 37 Bege Nyi linage tabara ana ha kodoNa, “Tau takka nage, butayi hamangatti, tabolo kaulana hodikki.”
|
||
\v 38 Oro batau dage, karai tabaranai Mori kadaudi hama ngatti, kapiku ha ngidina ka ullana ba ma ngattini Nyi.”
|
||
\c 10
|
||
\cl Kawukku 10
|
||
\s Yesus Naha Lewayi Ana Hakodona
|
||
\p
|
||
\v 1 Mono, Yesus naka mai kadi kabulu dudana ana hakodaNa mono na yiyi yidda bikta pareha ta waddi otorakapiku wuga dadi waddi rada mono ka pata gahayi tanga mgara kapore lohho tanga ngara kalawara.
|
||
\v 2 Rade yidayi ngara kabulu duda rasul rada: Ka dihhana, Simion paha ngarai Petrus, mono Anderias angu wuna, mono Yakobus anai Zebedeus, monoi Yihanes angu wuna,
|
||
\v 3 Filipus, mono Bartolomeus, Tomas, monoi Matius kataguna kahha walu katakku, Yakobus anai Alfeus, monoi Tadeus,
|
||
\v 4 Simon ata Zelot, monoi Yudas Iskariot ka kahokuni Yesus.
|
||
\p
|
||
\v 5 Yesus naha lewayi kabulu duda rasul rada mono harehayi yidda, “Ilam kakoka ta lara ata wadeka waleka tama lari ta harona ata Samaria,
|
||
\v 6 tabolo kako dami ta bebbe ka jalora wali ta jonga ana huhu Israel.
|
||
\v 7 Mono, ba tamrami kako, talara gela waige balimimi, ‘Kaligora parehage Sura dahhebewe.’
|
||
\v 8 Ha tagahayila ata kalawara, hamor hayi ata ka mate, hamurahadi ata katobi, mono wugayila waddi japata. Mi um hiba wali atege, yiyo wali ate jalage.
|
||
\v 9 Ilam ngidi kami mi amaha rara, waleka amaha kaka, waleka taburraka lari ta kalari baggemu,
|
||
\v 10 waleka tas pa ngidmu ta lara, waleka duda balla kalabe, waleka kopa ledu, waleka takko oro wu ata ka ullana marakka dawe bana yayo.
|
||
\p
|
||
\v 11 Mono, ta harona waleka deha gi hingkana hatama mi, hamtara honi pa iyayi ka tuba neda lari mono engana neda bali kahha mi bamu kakomi.
|
||
\v 12 Kole mi bamu tamami ta umma inna, olle limiki.
|
||
\v 13 Mono, nyi mori umma nada bana tubakna, inna moli kam ringimi na burruwe tabrana, ta bolo ba waleka, yammage moli kamaringimi hagawe tabarami.
|
||
\v 14 Mono, iya hing kayi aika hibami waleka ai ka awu range gimige hatakkimi, kole mi bamu huna wali ta umma waleka harona inna, kaba hawe kabka taledumu.
|
||
\v 15 Nauwa takki guge katau takka na tabramu ta lado rahi hokuge, tanah Sodom mono Gomora atna rehi bikta hoge pa taguna wali ta harona inna.”
|
||
\s Kasah Dabana Enga Pa Arohoda Ana Hakodona
|
||
\p
|
||
\v 16 “Etawe, Nauwa ug halewami kamu tujayi bebbe ta tilu seri gala. Oroge inna, um dadi kalikka tujai kaboko mono murraha ate tujai tagukku maupa.
|
||
\v 17 Ta nyiduwe, um hamatara kidi ata oro yidda enga da yimi mi ta Sanhedrin mono enga palu dagimi ta Sinagoge-sinagogeda yidda.
|
||
\v 18 Mono, mi enga da ngidimi ta aroda kaha reha mono ta raja oroGu Nauwa, ba wuwe hada padelaka tubada yidda mono ata heka.
|
||
\v 19 Ta nyiduwe, kole yidda bada yimi, ilam gela gaga wu tutu aga linawe waleka agana mi hatakkimi oro mahiggo neda la enga yigimige tabarami agawe ha takki dahomi.
|
||
\v 20 Oro, wale mikma kahha newe, tabolo inna wali ta waddi Amami kahha newe ta barami.
|
||
\p
|
||
\v 21 Kahha ole baina na yiyi ole baina neda tamate, mono ha ama tabara anana. Mono, ha ana enga gaba dadi ata katuda mono dahha mateyi yidda.
|
||
\v 22 Mi da butu gimi ate tangada oro ngaraGu, tabolo ata katahna kahha ta kapodigi enga pahoilayi.
|
||
\v 23 Kole yidda bada hama yillami lari ta wuha harona, malaimi ta dihha harona wadeka. Nauwa ug takki gimige ka tau takkana tabaramu inna mi aim layi dal kahoyi tangadi harona Israel kahha Anana Kadadi Ata ban mai.
|
||
\p
|
||
\v 24 Wu lakawa hakola wale na rehi dak mayi guruna, tauda jala nage wu atana ole ata wale na rehi dak mayi morna.
|
||
\v 25 Nyi yidda bada takkai mori umma nada Beelzebul, rehi aina daha howe tabarada tangada ata ta umma.”
|
||
\s Ma Dauta Dani Tabaranai Allah Wale Tabara Dak Mana Kadadi Ata
|
||
\p
|
||
\v 26 “Oroge inna, mi ilam madautadi yidda oro wale lakma aga ada kama toni ai ha dadi bugera, waleka kabunyi ai kadadi ba tadawe.
|
||
\v 27 Agawe hatakkiGu tabarami lari ta kapagtana, tak dawe innala ta kamaga kaha. Mono, agawe harangemi kamam ha dage ta katillumi, talaragela ta panu toko ummami.
|
||
\p
|
||
\v 28 Ilam madautadi tabarada yidda kahha mate mige taumi, tabolo wale da hamatek ma mige ngahumu, tabolo rehi madauta dani Nyi ka pudaha gimini dewam lohho taumi ta neraka.
|
||
\v 29 Walem madam mukmage duda manguyo ba malajadi walla aru pi? Mono, la hing mana wali ta yidda ka monu ta tana aina tada wai kage Amami.
|
||
\v 30 Lohho dummo, wumu ta ka takkumu tangadi na yapu gimidi.
|
||
\v 31 Oroge inna, ilam madautami, mi na rehi dahowe himi wali ta manguyo.”
|
||
\s Manga Kuni Yeusu Ta Aro Ata Wadeka
|
||
\p
|
||
\v 32 “Nyiwe, tangana ata kamagakuga Nauwa ta aro ole atana, Nauwa dummo enga mangaku guni ta aro AmaGu k adana ta Surga.
|
||
\v 33 Ta nyiduwe, iya ka balluga Nauwa ta aro ole atana, Nauwa dummo enga kabllu guni dinna ta aro AmaGu kadana ta Surga.”
|
||
\s Kappege Ma Ammini Yesus
|
||
\p
|
||
\v 34 “Ilam hangada dage ina Nauwa maiGu ngidi guge kamoli ta panu tana. Nauwa bagu maiwa wale ngidi dak maguge moli, ta nyiduwe katpo dawe.
|
||
\v 35 Oro, Nauwa maiGu mai watte gudi kabani wali ta amada, lakawa lawai wali ta inyada, we yana wali ta maduyo lawaina,
|
||
\v 36 mono muhhuna wali nada wu ata yikna wali ole ta ummana.
|
||
\p
|
||
\v 37 Iyayi ka rehi manwaradi amana mono inyana wali ta baraGu, walena marakka dakma tubaGu. Mono, iyayi karehimanawaradi anana kabani waleka anana lawaiyo wali ta Nauwa, walena marakkakma tubaGu.
|
||
\v 38 Mono, iyayi ai ka dita gani kadai lona mono dokuga Nauwa, walena marakkakma tubaGu.
|
||
\v 39 Iyayi ka heri ngahuna enga na bunga dahowe ngahuna, mono iayayi kabunga ngahuna oroGu Nauwa enga na kolenala.”
|
||
\s Hige Wali Tai Allah
|
||
\p
|
||
\v 40 “Iyayi ka hibami, Nauwa pa hibbana. Mono, iyayi ka hibawa Nauwa, nyi nahibayi Nyi kahha lewawa Nauwa.
|
||
\v 41 Iyayi kahibayi Nabi lari tangarana Nabi enga hiba nage hige wali ta Nabi. Mono, iyayi kahibayi ata katena lari ta ngara ata katena enga hiba nage hige wali ta ata katena.
|
||
\v 42 Mono, iyayi ka yini we ha enu tabarana wali ta wu ata kamarraha nade langka wu kakki bekeru we mayagala lari ta ngara ana hakodoGu, Nauwa lugu gimige katau takkana tabarami, nyi wale na bungak mayi hige.”
|
||
\c 11
|
||
\cl Kawukku 11
|
||
\p
|
||
\v 1 Olei Yesus ban be pareha kabulu dudana ana hakodoNa, Nyi na kako wali neda bali hanuadi mono ban hotbah ta haronada yidda.
|
||
\s Yesus Monoi Yohanes Pembaptis
|
||
\p
|
||
\v 2 Batauge, kolei Yohanes, ka ta galluna, rangewe ha ulanai Kristus, nyi naha ngidina liyo lededi anaha kodona,
|
||
\v 3 mono naka nukawe tabaraNa, “Appa Yauna ka amina nada, waleka nami bama harema dal kahoni nami ka hekana?”
|
||
\p
|
||
\v 4 Yesus nabale hawe mono linage tabarada yidda, “Kakom mono takki nage tabara nai Yohnes agawe yau ha rangemu mono etamu,
|
||
\v 5 kamoro na eta, kalikku na kako, katobi na tagaha, la tillu na range, kamate na kadde, mono tabarada kamilla takkiwe li ege ate.
|
||
\v 6 Mono, kanyurru kana ata ai kawidda oroGu.”
|
||
\p
|
||
\v 7 Mono, kole yidda kako, Yesus halege nage hanewe ta ata buta tutui Yohanes, “Agawe mi hakabu atemi etawe ta marada gilra? Gayu kaito ha kedona rereha?
|
||
\v 8 Mi um kakomi agayi ha etami? Wu ata ka waina kalabe talujana? Yidda kawaina kalabe talujana inna dadi taha hadau Raja.
|
||
\v 9 Kapiku etami apa mi um kakomi? Wu Nabi? No, Nauwa luguge tabarami, nyi rehi madakaho wali ta wu Nabi.
|
||
\v 10 Oro, nyilah ata tutuna hatolhabe: ‘Etayige! Nauwa ug ha ngidi beni paha lrwaGu ulluni laraMu. Nyi kaha iyakayi lara tubaMu ta raoMu.’ \rq Maleakhi 3:1 \rq*
|
||
\p
|
||
\v 11 Nauwa luguge katau takkana tabarami, ta jongada yidda paha dadina lawai, wale na kali huddakma ata karehi madaka wali tai Yohanes Pembaptis. Ta nyiduwe, ka had maraha lari kalingora Pareha Surga, rehi madaka ho wali ta nyi.
|
||
\v 12 Wali tai Yohanes Pembaptis kahha batauge, Kalingora Pareha Surga na mayillawe oro ha ojada, mono ata kabani atena nada na rayige waige aiha wali ate.
|
||
\v 13 Oro, tangada Nabi mono Ukku Taurat ga huru bale kahha tai Yohanes.
|
||
\v 14 Mono, nyi mi bamu aukami hibawe, yiknai Elia ka amina nada.
|
||
\v 15 Iyayi kadayo katiluna tutu range, pahaini nyi kana rangewe!
|
||
\p
|
||
\v 16 Tabolo, aga lina da howe bamu hameradi dalara rade? Yidda rada tujai lakawa maraha ka ngodo taha dau ata buta, kamaikana olena,
|
||
\v 17 mono lidage, ‘Nami maha upuyi talaluma tubamu, tabolo mi walem negok mami. Nami ma manyanyi lawait baddu, tabolo mi walem badduk mami.’
|
||
\v 18 Oroi Yohanes ammini walena na yakma, lohho walena enu jalakma, mono linage, ‘Nyi tama nani wadi japata.’
|
||
\v 19 Ta nyiduwe, okle Anana Kadadi ataamini lohho na yayo mono enu, mono linage, ‘Etayi ge, wu ata kadadara mono kalango enu, oleda ka kahha walu katakku mono ata jala. ‘Ta nyiduwe, tada na tenawe oro harayina.”
|
||
\s Hanamu Tutu Ata Ai Ka Awu Hatena
|
||
\p
|
||
\v 20 Bege Yesus kapu nage bana palekayi harona hadau Nyi hadau rayi nani tangadi Mujizat kabuta oro yidda aida jarra.
|
||
\v 21 “Loko nagege mi, Khorazim! Loko nagege mi, Betsaida! Oro, nyyi mujizat kadadibe ta jongami na dadi jalai ta Tirus mono Sidon, yidda moja bena bada jarra waina kalabe kalallu mono kabka.
|
||
\v 22 Ta nyiduwe, Nauwa luguge tabarami inna ta lado hokugela, Tirus mono Sidon enga rehi dadi dahoge taguge wali ta miyo.
|
||
\p
|
||
\v 23 Mono, yau, Kapernaum, dadi kak mi bah madehta gimi kahha ta langta? Walekma, mi ha burru gimi ta kalingora ata mate, oro nyi mujizat kadadibe ta jongami inna bana dadi kawe ta Sodom, harona inna engak ge ba dage kahha laddo nehe.
|
||
\v 24 Ta nyiduwe, Nauwa luguge tabrami inna ta lado hokuge, tanah Sodom rehi na dahha dahowe ha taguna wali ta miyo.”
|
||
\s Maloga Tutuna Ata Kamai Tai Yesus
|
||
\p
|
||
\v 25 Ta ma higgo neda Yesus linage, “Nauwa ug hamanadawu Yau, Ama, Mori ta langta mono tana, inna Yau bamu kabunyige tangage wali ta ata maniwola mono tada, mono da dul kawe ta anada kamaraha.
|
||
\v 26 Ngo, Ama, oro batauda dahogela ka tuba ta aroMu.
|
||
\v 27 Tangage yibe gage tabraGu AmaGu. Mpno, wale lakma wuak ata katadai Anana, ai nyikai Ama; Wale wukma ata katadai Ama ai nyikai Ana mono tangana ata hakabu atenai Ana dau dul ka nage.
|
||
\p
|
||
\v 28 Mai tabaraGu, tangami kajoli mono mabela mono bikta ngidina, mono Nauwa enga halewara Gumi.
|
||
\v 29 Ditai koga paha inyakaGu, mono kam hanua tabaraGu oro Nauwa kama luja atena mono li bawa ate, mono mi enga kolem kama inyaka ta dewami.
|
||
\v 30 Oro, koga ha inyakaGu nada lewaraki mono bikta ngidiGu nalewayi.”
|
||
\c 12
|
||
\cl Kawukku 12
|
||
\s Yesus Nyiknai Mori Ta Lado Ngahu
|
||
\p
|
||
\v 1 Ta mahiggo neda, Yesus na kako na lida ta oma Gandum ta lado rahi ngahu, mono ana hakodoNa kalabba, mono yidda halege dage mangatti lu gandum, mono da yadi.
|
||
\v 2 Ta nyiduwe, kole ata Farisi bada etayi, yidda liadage tabaraNa, “Etawe, ana hakodoMu rayi dage agawe ai katena tutu harayi ta lado rahi ngahu.”
|
||
\p
|
||
\v 3 Ta nyiduwe, Yesus linage tabarada yidda, “Walem kalli bahhak mawe agawe harayi nai Daud kole nyi mono ka dokuni bada kalabba,
|
||
\v 4 aga linawe bana tama lari ta Uma Allah mono yadi kababa maraka ai ka tena tubaNa tutu ba yadi, tauda jala nage ata ha olena, likkege ta ngada Rato?
|
||
\v 5 Waleka, walem kalli bahhak mawe lari ta Ukku Pareha Taurat inna ta lado ngahu, tangada rato ta umma Allah bada layiyi mono aida jala?
|
||
\v 6 Ta nyiduwe, Nauwa luguge tabarami inna karehina madakka wali ta Ummanai Allah dage taha dau inne.
|
||
\v 7 Ta bolo, nyi mi bamu tadakwe ngihege inna: ‘Nauwa ha kabu ateGu marada ate mono wale maraka dakma, mi walem kali hokuk mani nada ai kajala.
|
||
\p
|
||
\v 8 Oro, Anana kadadi Ata yiknai Mori ta lado ngahu.”
|
||
\s Yesus Nahha Tagaha Ata Ta Lado Ngahu
|
||
\p
|
||
\v 9 Kole bada kako wali bali, Yesus na dikki ta sina goge da yidda.
|
||
\v 10 Etayi, dani wu ata kabani ka mate gabba limana. Mono, yiddada kanukka ta baraNa, lidage yidda.” Na tenakwe ba hatagahaka ata ta lado Ngahu?” dajalage yidda kana dadiwe ha jalayi Yesus.
|
||
\p
|
||
\v 11 Mono, Nyi linage tabrada yidda, “Iyayi ta jongami kadayo wu bebbe na, mono nada bebbena bana monu ka lari ta rowaka lado rahi Ngahu, nyi walena na ngala duyi bana pahuni?
|
||
\v 12 Hadda rehi mang hi dahona wali ta wu bebbe! Oro inna, na tenawerayina kadahha ta lado Ngahu.”
|
||
\p
|
||
\v 13 Bege, Yesus linage tabara ata nada, “Ata nada naha jolani limana mono naha tagahyi katujayi limma wu.
|
||
\v 14 Ta nyiduwe, ata Farisi kako wali ta hadau neda mono da woroge gabbani Nyi, aga lina dawe hadage bada hama yillayi Nyi.
|
||
\s Yesus Ha Pede Nani Allah
|
||
\p
|
||
\v 15 Tabolo, Yesus, kole tadawe hada inna, na pahilpa wikiNa wali neda bali. Buta kadokuni Nyi mono Nyi naha tagahaNyi ata tangada,
|
||
\v 16 mono naha namudi yidda ilda pahadawe tauna Nyi kada tadawe.
|
||
\v 17 Hada inna na dadiwe kan banuge agawe hadikna ledeni Nabi Yesaya:
|
||
\v 18 ‘Etayi ge, ataGu ha pede beGu, ha manawaGu tabaraNa dewaGu natuba. Nauwa enga tau guni wadiGu tabraNa, mono Nyi enga pa dela nage katijana ta kabihhu ata wadeka.
|
||
\q1
|
||
\v 19 Nyi walena hagabba ma, waleka kawula, mono wale lakma wuak ata karange nage liNa inna ta lara.
|
||
\q1
|
||
\v 20 Kaita kabata Nyi wale na pohtak mayi mono doka latti we kama nari badda nyi walena paddak mayi, kahha Nyi bana rayige katijana tailo,
|
||
\v 21 mono lari ta ngaraNa, kabihhu ata wadeka enga manne dage.” \rq Yesaya 2:1-4 \rq*
|
||
\s Kawahai Yesus Walige Waddi Nai Allah
|
||
\p
|
||
\v 22 Begge wu ata hatama na waddi japata, kamoro mono kabanga, na ngidiyi tabara nai Yesus. Mono, Yesus nahha tagahayi daja lage ata kamoro mono kabanga nada hanewe mono eta.
|
||
\v 23 Ta ngada ata da hangatar mono daka nukka “Wale yikak na nade Anai Daud?”
|
||
\p
|
||
\v 24 Ta nyiduwe, kole ata Farisi rangeyi yidda lidage, “Ata nade wale na dadik mawe wugayi waddi japata nyi aina ole ni Beelzebul, rato waddi japata.”
|
||
\p
|
||
\v 25 Yesus na tadawe paha ngada da yidda mono linage tabarada yidda, “Tangada pareha raja ka bahha gaba wiki dau nage tauna, ha tanayi. Mono, tangadi harona waleka umma ka bahha gabage tau dauna, wale da tahhi mana.
|
||
\v 26 Mono, nada kabalka wugayi kabalka, nyi na bahha gabage tau dauna. Nyi batau dage ge, aga linak kawe kalinogra parehana bana tahhige?
|
||
\v 27 Mono, nyi Nauwa, wugayi wadi japata waini Beelzebul, nyi aga dahona anamu ha waida bada wugayi yidda? Oroge inna, yidda enga dadi hakimum.
|
||
\v 28 Ta nyiduwe, nyi waini Wadnai Allah, Nauwa wugayi waddi japata, Kaligora nai Allah ammi bege tabrami.
|
||
\v 29 Waleka, aga linawe wu ata dadiwe tama ta umma ata ka kulha mono karamadi ngawuna nyi aina katti ullu kani ata kulha nada? Bege, nyi ubbu na rammpok ku nage umma na inna.
|
||
\v 30 Iya dahing kayi ai ka olega Nauwa, gabaga Nauwa. Mono, iya dahing kayi aika kahha hagau ga Nauwa, ug hega hagara hodi.
|
||
\p
|
||
\v 31 Oro batauge ge, Nauwa luguge tabarami inna tangadi jala mono padda kadadi ata enga hawalidi, tabolo paddai Waddi Bihha enga wale hawalik mani.
|
||
\v 32 Mono, iya hing kayi ka takkiwe hodik gabanai kadadi Anana kadadi Ata enga ha walini, ta bolo iya hing kayi ka ha newe gabani Waddi Bihha enga wale ha walini, inna batauge lohho ta ma higgo ka ammina.”
|
||
\s Pu Yayu Tadai Wali Ta Wuna
|
||
\p
|
||
\v 33 “Nyi pu yayu nada dahhaka, wu jalana enga dahhana. Waleka, nyi pu yayu nada aina dahhaka, wu dumona walena dahhak ma. Oro, pu yayu tadayi wali ta wuna,
|
||
\v 34 Ta, ana huhu kaboko japata, aga linak kawae mi kajapata hanewege hada ka dahha? Oro wali ta atemi, bami hanewewe.
|
||
\v 35 Ata ka dahha na pahuge hada kadahha wali ta hapotena kadahha, mono ata japata na pahuge hada kajapata wali taha potena.
|
||
\v 36 Tabolo, Nauwa lugu gimige tabarami inna tangadi hanewe ka liloko hatakda ata, yidda enga da tagu hodi balehai ta lado rahi hokuge.
|
||
\v 37 Oro waige hanewemi, mi enga um tenami, mono waige ha takkimi, mi enga hoku gimi.
|
||
\s Ata Farisi Mono Ahli Taurat Da Karai Tadka
|
||
\p
|
||
\v 38 Bege, kapirana ahli taurat mono ata Farisi linage tai Yesus, “Guru, nami ma baige eta tadka wali atabraMu.”
|
||
\p
|
||
\v 39 Tabolo, Yesus na baleha mono linage tabarada yidda, “Dalara ka japata mono kajala dangana olena da karuhhuwe wu tadka. Mono, enga wale lakma tadka ha yiyo tabarada yidda, ai tadka Nabi Yunus kawe.
|
||
\v 40 Oro, taunai Yunus ka nedana ta ti kaboko madaka katauda laddo mono tauda gakna, tauda jalage Anana kadai Ata enga dani tauda laddo mono tauda gaddi lari ta tana.
|
||
\v 41 Ata Ninewe enga dede hamera danga dadi dalara ata rade ta rahi hokuge mono enga da hokudi oro yidda da jarra kole bada rangewe khotbah Yunus. Mono, etayi, karehi madaka wali tai Yunus ba dani nehhe.
|
||
\p
|
||
\v 42 Ratu wali ta selatan enga hudda na hamera dangadi dalara radde ta lado rahi hokuna mono enga hoku dadi oro nyi ammini wali ta huppu tana tutu ba rangewe angta nai Salomo. Mono. Etewe, karehi madakka wali tai Salomo dani nehhe.
|
||
\s Mayillage Wali Ta Aika Kadana
|
||
\p
|
||
\v 43 “Kole waddi japata huna wali ta ata, nyi na palakayi hadau aika dayo wena bana mayegana hadau tuduns, ysbolo walena kolek mana.
|
||
\v 44 Lohho, nyi linage, ‘Nauwa ug hagawa ta umma gu, hadau hubegu. ‘Mono. Kole bana dikki, nyi na dikkige umma inna lakma aga agge, bebewe ha habowe, mono mapahawe.
|
||
\v 45 Bege, waddi japata nada yelana mono na ngidiyi pittu wadi japata heka wali ta nyi, mono yidda da tama lohho engana neda bali. Dajalage, hadana ata nada rehi ai tidage wali ai tauda hoge. Tauda jalage enga ddige ta dalara ata kajapata radde.”
|
||
\s Ole Bainai Yesus Ka Tetakka Na
|
||
\p
|
||
\v 46 Batamrana Yesus hanewe dangadi ata buta, etayi, inuana mono ole baiNa dede ta bali haddu, baige ha newe dangani Nyi.
|
||
\v 47 Wu ata naha newe tabara Na, “Torroyi ge, inyam mono anguwu Mu dede ta bali haddu, baige hanewe dangak Yau.”
|
||
\p
|
||
\v 48 Tabolo, Yesus balehayi ata katak Nage nada mono linage, “Iyayi inyaGu mono iyayi angu wu Gu?”
|
||
\v 49 Mono, hagapege wala hadi limma Na ta aroda ana hakodoNa, Yesus linage, “Rade yidakna inyaGu mono angu wuGu!
|
||
\v 50 Oro iya hing kayi karay gadi hakabu atena AmaGu ka dana ta surga, yikna angu wuGu kabani, wattoGu lawai, mono inyaGu.”
|
||
\c 13
|
||
\cl Kawukku 13
|
||
\s li Hatujja Habarana Winni
|
||
\p
|
||
\v 1 Ta lado nedda, Yesus huna wali ta umma mono ngodo ta huppu hoba.
|
||
\v 2 Mono, ata buta kama kahha tabaradaNa. Oroge inna, Nyi na panne ta tena mono ngodo, mono tanhada ata buta rada da dede ta hupu hoba.
|
||
\v 3 Mono, Nyi na buta layi hatakna tabarada yidda lede wu hatujja, linage Nyi, “Dani wu ata ka kao habarana winni,
|
||
\v 4 mono bana habarana winni, kapirana winni monuyi ta hupu lara, kawurruna amidi mono da bewe tut kawe.
|
||
\v 5 Wnni wadeka monuwe ta hadau kahha watuna, ai lkabuta tanana, mono geha tummuwe oro aina ma kak lawe tana.
|
||
\v 6 Ta nyiduwe, kole mata lado bana hudda, winni katummu inna na yannawe ka hadda ngangaha, Mono, ai da kalarta ge, winni inna dadi marakkotawe.
|
||
\v 7 Winni wadeka na monuwe ta jonga tara warri, mono tara warri inna na tummu jalawe, mono na kapik hawe.
|
||
\v 8 Tabolo, winni wadeka na monuwe ta tana kadahha mono dadiwe bana wuwe, dadi ka ngahu laptana, dadi ka anni kabulu laptana, mono dadi ka tallu kabulu laptana.
|
||
\v 9 Iyayi kamangu katilluna, pahaidi nyi kana range.”
|
||
\s Yesus Naha Akka Waina Hatujja
|
||
\p
|
||
\v 10 Mono, ana hakodonai Yesus ammidi mono kanukka tabaraNa, “Ahha Yau mamu takki dage tabarada waina hatujja?”
|
||
\p
|
||
\v 11 Na balehayi yidda, “Ta baramu ug yi beguge kapiku tada muge kabailana ta Kalingora pareha ta Surga, ta bolo tabarada yidda wale da kolek mage.
|
||
\v 12 Oro, ata kamangu manguna, tabarana enga yini mono nyi enga majabolana. Tabolo, iayayi aika kamangu manguna enga ngala nadi wali tabarana.
|
||
\v 13 Oro batauda dage, Nauwa ug takki dage tabarada yidda waina liha tujja oro kola bada etawe, yidda waleda etak mawe, mono kole bada rangewe, yidda wale da rangek mawe, lohho dummo wale da yapak mawe.
|
||
\v 14 Tutu da yidda, banuk nagege huru balei Yesaya kalinna, ‘Waige ha range, tabolo ai kali yappa. Mono, waige eta, mi enga walem etak mawe, tabolo walem yapak jalak mawe.’
|
||
\q1
|
||
\v 15 Oro ateda ata rade ma kabla bewe, katilluda yidda mayau tutu range, mono natoniyi matada yidda. Nyi waleka, doku dage yidda dadi dahowe bada eta waidi matada yidda, ranhge waina katillu da yidda, mono dadiwe bada yappawe waige ateda yidda, lohho da gilla ka tabraGu mono hatagahayi.’ \rq Yesaya 6:9-10 \rq*
|
||
\v 16 Ta nyidawe, kanyurru kana matamu oro bana etayi mono katilumu bana rangeyi.
|
||
\v 17 Nauwa takki guge katau takkana ta barami innala butayi nabi mon ata katena ka kabu atege agayi mi ha etami, tabolo waleda etak mayi, mono agawe ha range mi, tabolo aim rangewe.”
|
||
\s Halarawe Tutu Ha Tujja Kaha Barana Winni
|
||
\p
|
||
\v 18 “Oro batau dage inna, rangewe ngihige tutu hatujja kahabarana winni.
|
||
\p
|
||
\v 19 Kole ata bada rangewe linai Mori mn wale da yapak mawe, i kajapata na karamege agawe inna pahaba rabe lari ta ate ata nada. Yikna nada ata kama habara winni na ta hupu lara.
|
||
\p
|
||
\v 20 Da jala ge ka habara taha dau kamangu watuna, yikna ata karangewe liyo mono wing hibba waige ege ate,
|
||
\v 21 tabolo nyi walena kalar tak mawe lari ta tauna mono walena tahhik mage. Mono, kole amige kama yilla dadiwe oro liyo inna, nyi wingi bukka nage.
|
||
\p
|
||
\v 22 Winni ka monu ta tillu tara warri yikna ata karangewe liyo inna, bege gele gagga panu tana mono matipuge pote kahaherage liyo inna dajalage wale na wuk mawe.
|
||
\p
|
||
\v 23 Ta nyiduwe, ata kayanna winni na ta tana kadahha, yikna ata karangewe liyo inna mono ka yapawe. Nyiknala katau takka-takkana na wuyo mono da hige, ngahu malapta ge, wadeka anni kabulu laptage, mono wadeka jala tallu kabullu laptage.”
|
||
\s Hatujja Tutu Ruta Rate Mono Gandum
|
||
\p
|
||
\v 24 Yesus naha diki ge ha tujja wadeka tabarada yidda, linaGe, “Kalingora Surga inna dadiwe baha tujage katujana ata kahabarana winni kadahha ta omana.
|
||
\v 25 Ta nyiduwe, tamrada ata dura, muhhuna ammini mono na hamarana winni gaingo ta jonga winni gandum, mono kako nage.
|
||
\v 26 Kole hamulla rada kalungayi moo luyi, bewalge tummu jala nadi ngaingo rada ma eta jalayi.
|
||
\v 27 Nyiwe, ata paha lewana mori oma nada amidi mono naka nuka tabarana, ‘Mori, wale winni dahha duyi pahaba ramu ta oma? Nyidawe gi wali gi dal kadi rada ngaingo?’
|
||
\p
|
||
\v 28 Nyi linage tabrada yidda, ‘Da muhhu karayige. ‘Nyiwe, ata paha lewana rada lidage tabrana, ‘Appa yau baige nami kama kako mono kahhayi?
|
||
\p
|
||
\v 29 Ta nyiduwe, morda nada linage, ‘Walekma! Oro, kole mi bamu kahhayi ngaingo rada, inna dadi dala wela bamu batu ha oledi rada gandum.
|
||
\v 30 Nyammadi kadudana tummu hamera kaha dikige rahi mangatti. Mono, ta rahi mangatti, nauwa enga takki guge ta ata kahabarana winni, “Kawungana, kahha toyi ngaingo rada mono kattidi ha wotodi kapikudi tunnuyi. Tabollo, kahha jalayi gandum ta galugu.”
|
||
\s Kalingora Parehai Allah Tujawe Watu Sesawi Mono Ragi
|
||
\p
|
||
\v 31 Bege Yesus na takwalwe hatujja wadeka tabarada yidda, lainaGe, “Kalingira pareha Surga inna tujawe watu sesawi ha ngalana ata mono pahabara ta omana.
|
||
\v 32 Watud rada hada marahayi wali ta tangadi winni, tabolo kaole bana tummu, nyi rehina madakka wali ta tangadi rubba, lohho ndadi pu yayu dajalage kawurruna ta langta ammidihaddu ta hangana.”
|
||
\p
|
||
\v 33 Bege Yesus na takki waliyi wuwalli hatujja heka tabarada yidda, “Kaligora pareha Surga inna tujawe ragi, nada wu lawai na ngalawe mono naha hatamage lari ta kamabbu tarigu ha kawirro butage tauda sukat kahha tangage ha wirro inna bana hakilage ragi.
|
||
\p
|
||
\v 34 Tangadi hada rada na takkiyi Yesus tabarada ata buta lari ta tangadi hatujja, mono Nyi walena naha newekma tabarada aina wai kage hatujja.
|
||
\v 35 Waige katau danage, bannu nagege agawe paha dikkoda lededi nabi, “Nauwag enga bugera guge bagu lari ta li hatujja, Nauwag ug hanewedi hada kabunyi wali panu tana ba hadadige.” \rq Mazmur 78:2 \rq*
|
||
\s Hsatujja Tutu Ruta Heka Ta Oma
|
||
\p
|
||
\v 36 Bege, Yesus na ijakadi ata buta rada lohho na tama ta umma. Mono, anaha kodoNa ammidi tabraNa mono lidage, “Halara mage tabarama nami hatujja tutu ngaingo ta oma.”
|
||
\p
|
||
\v 37 Mono, balehanaGe, “Ata kahabarana winni kadahha yikna Anana kadadi Ata,
|
||
\v 38 mono oma inna yikwe inne panu tana. Winni kadahha yidakna ana Kalingora pareha, mono ngaingo yikdakna ananai kajapata,
|
||
\v 39 mono muhhu kahabarana yikna kabalka, mono rahi mangatti yikwe hadukka Mahiggo, monp tangada kama ngatti rada yidakna tangada malaikat.
|
||
\p
|
||
\v 40 Nyiwe, katauna ngaingo pa kahha mono tunuyi lar ta latti, tauda dagela kadadi nimmi tahha dukka mahiggo.
|
||
\v 41 Anana Kadadi ata enga halewa nadi malaikatNa, mono yidda enga kahha nadi tangadi watu widda lohho ata karayina japata wali ta kalingoraNa,
|
||
\v 42 mono enga baita nadi lari ta tulra latti. Tahha dau neda enga dage hoyo mono ha ngaktana ngudu.
|
||
\v 43 Bege, ata katena enga ma gakahada tujai mata laddo lari ta Kalingora Pareha Amada yidda. Iyayi kamangu katilluna, haini nyi kana range.”
|
||
\s Kalingora Surga Tujai Ngawu Kama Tani Mono Mutiara
|
||
\p
|
||
\v 44 “Kalingora ta Surga natuja dawe ngawu hatani ta oma, ha tabokan ata, bana kabunyi wali ni. Mono oro lagaharana, nyi kako nage, malajadi tangadi kadana tabarana, mono hiwe oma inna.
|
||
\p
|
||
\v 45 Hadaka pi guge, Kalingora Surga natuja dawe wu kadagana kama yegana mutiara kadahha ki.
|
||
\v 46 Kole nyi bana tabo kayi wu mutiara ka hada mangu hina, nyi na kako mono na malajadi kadana tabarana, bege mana hiyi mutiara nada.”
|
||
\s Kalingora Ta Sura Tujawe Jala Kabanuna Kaboko
|
||
\p
|
||
\v 47 “Tauda dumoge. Kalingora Surga na tujawe jala pa tubba lari ta banu, mono ka kahayi tangadi kaboko.
|
||
\v 48 Kole jala inna banuge kaboko, yidda da tingiwe ta huppuna mono ngodo, lohho na kahhayi kaboko kadahha lari ta kawukata kamadaka, tabolo baitadi ai kadahha.
|
||
\v 49 Nyiwe, enga nyiwe inna kadadi taha dukka rahi. Tangada malaikat enga huda mono daha wattedi kajapata wali ta ata katena,
|
||
\v 50 mono baitadi ata japata rada ta tulra latti. Taha dau nedda enga dage hoyo mono hangaktana nguddu.
|
||
\p
|
||
\v 51 Um yapa bekwe tangage inna?” Yidda ka linna tabaraNa, “Ngo.”
|
||
\p
|
||
\v 52 Mono, Yesus linage tabarada yidda, “Oroge inna. Tangada Ahli Taurat kadadi ana hakodobe ta Kalingora Surga, nyi natujai mori umma kap hudi ngawuna kaberu mono katiyo wali ta potena.”
|
||
\s Yesus Da Tularani Taha Rona Dau Walina
|
||
\p
|
||
\v 53 Kolei Yesus bana beyi li hatujja tangadi rada, Nyi na kako wali neda.
|
||
\v 54 Mono, kole Nyi dikki taha rona dau waliNa, Nyi naha larawe ta sina goge-sina goge da yidda daja lage yidda da bangara mono lidage, “Gi dau walina ata nadde mana kolege maniwola paha ngadda mono mujizat-mujizat rade?
|
||
\v 55 Nyi nade wale anak nani ata ka ulana yayu? Nada inyana walei Maria duyi, mono angu wuNa ba yidaknai Yakobus, Yusuf, Simon, monoi Yudas?
|
||
\v 56 Rade kadana tabarada lawai wale wattok nadi? Lohho, gi dau walige bana kolege tan gage inna kama hada?
|
||
\v 57 Mono, yidda butudi areda oroNa. Tabolo, Yesus linage tabarada yidda, “Wu Nabi wale oro ai hik madani, duka dahege taha dau walina mono umma dauna.”
|
||
\p
|
||
\v 58 Mono, Nyi wale butak mayi harayina mujizat neda bali oro aida hatenawe yidda.
|
||
\c 14
|
||
\cl Kawukku 14
|
||
\s herodes Na Ranggewe Li Tutnai Yesus
|
||
\p
|
||
\v 1 Ta ma higgo neda, Herodes, Raja kalingora, rangewe liyo tutnai Yesus.
|
||
\v 2 Mono, nyi linage tabara ata paha lewana, “Mono, nyi linage ta ata paha lewana, “Yiknai Yohanes Pem baptis, Nyi na kade be wali ta jonga ata mate oro batau dage inna la mujizat-mujizat inna rayi ullai tabaraNa.” 4Kadadi Tutu Matenai Yohanes Pembaptis
|
||
\v 3 Oro, Herodes na yappa beyi Yohanes, na kattini, mono nahha tamani ta gallu oroi Herodias, ole ummai Filipus, angu wunai Herodes.
|
||
\v 4 Oroi Yohanes dage ba linage tabarana, “Wale na tena dak mawe tutumu bamu dauni Hero dias.”
|
||
\v 5 Mono, lokko Herodes baige hamateyi Yohanes, nyi madautadi ata buta oro yidda da yapu gauni Yohanes ba Nabi yi.
|
||
\p
|
||
\v 6 Ta nyiduwe, kole laddo rahi dadi nai Herodes dikki we, ana lawaina Herodies nego nage ta aroda yidda, monno dahha we atenai Herodes,
|
||
\v 7 daja lage nyi na haura yini aga hingkana bau winne nada.
|
||
\v 8 Nyiwe, kole bana karuhhu inyana, bau winne nada linage, “Yi gage tabaragu inna batauge, katakku nai Yohanes Pembaptis ta panu tapi.”
|
||
\p
|
||
\v 9 Loko raja ban hoduwe atena, tabolo oro haurana mono oro ata ka ya ole dangani, nyi dumo naha rehayi kayinage dokuge hatakna.
|
||
\v 10 Nyi naha lewayi lai nage katakku nai Yohanes ta gallu.
|
||
\v 11 Mono, katakkui Yohanes da ngidiwe ta panu tapi, ma yinage tabarana bau winne nada mono nyi na ngidiwe ta inyana.
|
||
\v 12 Bege, ana hakodoi Yohanes ammidi, ngala nage karogona, mono tani nage. Lohho, yidda da takkiwe tai Yesus.
|
||
\s Limma Kababa Mono Duda Kaboko Da Yadi Lima Rata Ata
|
||
\p
|
||
\v 13 Kolei Yesus rangewe inna, Nyi na tingi hagga wikina wali neda bali waina tena, taha hadau kahika bana meha. Mono, kole ata bada rangewe inna, yidda da dokuni Nyi kako tana wali taharona inna.
|
||
\v 14 Kolei Yesus huna, Nyi na etayi ata buta kama kahha, mono ma rabehawe ateNa tabarada yidda, mono naha tagahayi kalawara.
|
||
\p
|
||
\v 15 Kole manari gak nage, ana hakodoNa ammidi tabaranai Yesus mono lidage, “Hadau inne kahikawe mono manari gak nage. Ha lewayi ata buta rada kako ta deha mono kada hiyo ha yayo yidda kada yayo.”
|
||
\p
|
||
\v 16 Ta nyiduwe, Yesus linage tabarada yidda, “Yidda ilda kako ka. Mi, um yi dahodi yidda ha yayo.”
|
||
\p
|
||
\v 17 Yidda lidage tabaraNa, “Tah gau inne la hing mana ka dana aga ana, duka dahege limma kababa mono duda kaboko.”
|
||
\p
|
||
\v 18 Mono, Nyi linage, “Ngidiyi rammige, tabaraGu.”
|
||
\v 19 Bewalge, Nyi naha lewayi ata buta rada ngodo ta ruta, mono Nyi na ngalayi limma kababa mono duda kaboko rada, lohho nata ngara ta langta, Nyi wai linage mono na hibiyi kababa rada. Kole innage, Nyi na yiyi ta anaha kodoNa, mono ana ha kodoNa ta ata buta.
|
||
\v 20 Mono, yidda tangada da yayo mono da bokta. Lohho, yidda da kahhayi kajibbidi karehi, kabulu dudayi ka wukkata kabanuna.
|
||
\v 21 Mono, yidda ka yayo ba tau kadi katutu limma ratayi kabani, wale gauk mahodi lawai mono lakawa.
|
||
\s Yesus Na Kako Tapanu Weyo
|
||
\p
|
||
\v 22 Yesus na ha gehadi ana hakodoNa tama ta tena mono kako ullu wali ta Nyi pala neda bali, tamrana Nyi bana halewayi ata buta rada hagga dage.
|
||
\v 23 Mono, kolei Yesus bana halewayi ata buta hagga, Nyi panne meha ta panu letena mono sembayangna. Kole ba aroge bana gaddige, Nyi meha kina neda bali.
|
||
\v 24 Ta nyiduwe, tena nada na maraube wali ta tana yara, na kedoni ngalung oro hugara dani rereha.
|
||
\p
|
||
\v 25 Mono, ta jam pata gakdi neda, Nyi ammini tabarada yidda, kako ta panu weyo.
|
||
\v 26 Kole tangada anaha kodoNa etayi bana kako ta panu weyo, yidda da madauta mono da kawula “Nadala mori tana!” Lohho, yidda da kawihhaka oro madauta.
|
||
\p
|
||
\v 27 Ta nyiduwe, Yesus wing hanewe nage tabarada yidda, linaGe, “Hakul hage atemi! Inne Nauwak na, ilam madautami.”
|
||
\p
|
||
\v 28 Mono, Petrus linage tabaraNa, “Mori, nyi inna Yau, halewawa nauwa kako tabraMu ta panu weyo.”
|
||
\p
|
||
\v 29 Yesus linage, “Maiyu ge!” Nyiwe, Petrus hunage wali ta tena, mono kako ta panu weyo, mono kako ta baranai Yesus.
|
||
\v 30 Tabolo, kole bana etayi rereha, nyi na madauta mono atuni tabullo. Nyi na kawula, “Mori, pahoila kiwa nauwa!”
|
||
\p
|
||
\v 31 Yesus naha gehani pajokatani limaNa, naroni Petrus, mono linage, “Yau dabbo nage hatenamu, ahha mamu gela gaga wu?”
|
||
\p
|
||
\v 32 Kole yidda bata tama lari ta tena, rereha nada na ngahu.
|
||
\v 33 Bege, yidda ka dana ta tena da kawojono Yesus mono lidage, “Tau takka nage, Yauna ananai Allah!”
|
||
\s Yesus Naha Tagaha Ata Kalawara
|
||
\p
|
||
\v 34 Kole bada pala, yidda da dikki ta Genesaret.
|
||
\v 35 Kole ata taha dau neda da tadai Nyi, yidda da takkiwe ta tangada ata taha dau neda mono da ngidyi ata kalawara tai Yesus.
|
||
\v 36 Yidda da rainoge tabaranai Yesus dajalage bana dadi kakwe ka joja kinage hupu kalabeNa, mono tangadi ata ka joja nage nadadiwe bada tagaha.
|
||
\c 15
|
||
\cl Kawukku 15
|
||
\s Ukku Parehai Allah Mono Ka Kalli Damma Kadadi Ata
|
||
\p
|
||
\v 1 Bege, kapirana ata Farisi mono Ahli taurat wali ta Yerusalem mai ta baranai Yesus mono lidage,
|
||
\v 2 “Ahha ana hakodoMu layaiwe ka kali damma wali weda waika? Oro, yidda wale da bahak mayi limmada bada yayo kababa!”
|
||
\p
|
||
\v 3 Mono, Yesus na balehawe mono linage tabarada yidda, “Mono, ahha dumo mi mami layaiyi parehanai Allah oro ka kalli damma tabarami?
|
||
\v 4 Oroi Allah na yiwe lina, ‘Hikiyi amami mono inyami, ‘mono, ‘Iya kahaorani amana waleka inyana, pa hoku mate dahoni.’
|
||
\v 5 Ta bolo mi limige, “Iya hing kayi kah newe ta amana waleka inyana, ‘Aga hing kayi ha yiyo tutuna pa maraka beyi tai Allah,”
|
||
\v 6 nyi langka aina pa aka kani amana waleka inyana. Waige katau dana, mi pade mige linai Allah oro ka kalli damma.
|
||
\v 7 Mi, ata kadahha detimi, nyi tau takka dage ha huru balenai Yesaya tutumi:
|
||
\v 8 Ata rade da hiwa Nauwa waige bada yidda, tabolo ateda yidda marau wali tabaraGu.
|
||
\q1
|
||
\v 9 Mono, lilokowe yidda bada ka wojoGa waige bada hanuadi pareha kadadi ata.”
|
||
\p
|
||
\v 10 Mono, Yesus na ka mai kadi ata buta mono liage, “Rangewe mono yappawela!
|
||
\v 11 Wale yida dakma katama ta bayo kaha otoradi ata, tabolo agyi ka huna wali ta bana, yidai kaha otoradi ata.”
|
||
\p
|
||
\v 12 Bege, ana hakodoi Yesus ammidi mono kanukawe tabarana, “Tadakwe yau rada ata Farisi butudi ateda kole bada rangewe hanewe inna?”
|
||
\p
|
||
\v 13 Tabolo, Yesus na bale hawe mono linage, “Tangadi ha taddo wale ha tado dak madi AmaGu kata surga enga batudi kahha ta kalartana.
|
||
\v 14 Pahaidi yidda. Yidala yidakna kaha madi moro ata moro. Mono, nyi bana hama di moroka ata moro, kadudana enga monu da taka gobakana.”
|
||
\p
|
||
\v 15 Petrus linage tabaraNa “Halara holayi li hatujja nade tabarama nami.”
|
||
\p
|
||
\v 16 Yesus linage, “Appa mi walem yappa jalak mahowe?
|
||
\v 17 Appa mi walem yappa jala mahowe inna tangage katama lari ta bayo ka enga burru ta tiyo mono baitadi ta jambanu?
|
||
\v 18 Ta nyiduwe, aga we kahuna wali tabayo huddawe wali ta ate, mono yidakna kahha otora ata.
|
||
\v 19 Oro wali ta ate hudawe paha ngada ka japata, hamate wiki na, jala dangana ole ata, jala ma nyarha, kedu, takkiwe kapaleka, mono hamelona ole ata.
|
||
\v 20 Hada katauda dana kahha oto radi ata, tabolo yayo ai baha limma walena naha otora dak madi ata.”
|
||
\s Tulluni Lawai Kanaan
|
||
\p
|
||
\v 21 Bewalge, Yesus na kako wali neda bali mono na pahili wikina ta Tirus mono Sidon.
|
||
\v 22 Mono, wu lawai Kanaan ka wai ta hadau neda ammini mono na kawula, “Manawara kiga Nauwa, Mori, Anai Daud! Ana lawai kigu tama nani waddi japata aika anana.”
|
||
\p
|
||
\v 23 Ta nyiduwe, Yesus walena balehak mayi lawai nada, langka wu ka hanewe na. Mono, ana hakodoNa ammini mono da karuhhuyi Nyi, lidage yidda, “Halewayi nyi kako oro nyo nahangata-ngatana bana kawula ta lirada yitta.”
|
||
\p
|
||
\v 24 Lohho, Nyi na balehawe mono linage, “Nauwa paha lewa hewa ta ta bebbe ka bunga wali ta ana huhu Israel.”
|
||
\p
|
||
\v 25 Bege, laai nada na dikini mono kawojo ta aronai Yesus, linage, “Mori, tullu kiga nauwa!”
|
||
\p
|
||
\v 26 Tabolo, Yesus na balehawe mono linage, “Walena dahhak mawe ngalai kababa dauda lakawa mono baitadi ta bagga.”
|
||
\p
|
||
\v 27 Lawai nada na baleha, “Tenawe, Mori, tabolo bagga rada da yadi karab kadi kamonu wali ta meja morina.”
|
||
\p
|
||
\v 28 Bewalge, Yesus linage ta barana, “Ta lawai, hatenamu madaka lawe! Kana dadiwe tabramu katauna hakabu atemu.” Neda memage, ana lawaina hatagahayi.
|
||
\s Yesus Na Hatagaha Ata Buta
|
||
\p
|
||
\v 29 Yesus na kako wali neda bali na lida ta huppu hoba Galilea. Mono, kole bana panne ta letena, Nyi na ngodo neda bali.
|
||
\p
|
||
\v 30 Bege katau kalna butana ata kamai tabaraNa, ngidiyi ata kalikku, karenga, moro, kabanga, mono ata buta wadeka. Lohho, yidda daha baikayi ata rada ta ledunai Yesus mono Nyi naha tagahayi yidda,
|
||
\v 31 dajalage ata buta rada hangatara kole yidda bada etayi kabanga bana hanewe, karenga bana tagaha, kalikku bana kako mono kamoro bana eta. Mono, yidda daha manadai Allah Israel.
|
||
\s Yesus Na Yidi Hayada Ata Kapata Ratana
|
||
\p
|
||
\v 32 Lohho, Yesus na kamai kadi ana hakodoNa mono, “linage, “Nauwa marabehawe ateGu tabarada ata rade oro yidda da ole bega Nauwa katauda ladona mono lakma hayada. Mono, Nauwa walegu aumawa halewayi hagga kalabba yidda daja lage ilda badda ta lara.”
|
||
\p
|
||
\v 33 Bege, anaha kodoNa lidage tabaraNa, “Gikka hadau koleda kababa kabuta hadau inne kahikawe ha bokta dangada yidda ata katauna butana inna.”
|
||
\p
|
||
\v 34 Yesus nakanukayi yidda, “Piradi kababa ka dana tabrami?” Yidda da balehawe, “Pittudi. Mono kapira kina kaboko marraha.”
|
||
\v 35 Nyiwe Yesus nahalewai rada ata buta ngodo ne tana.
|
||
\v 36 Bege, Nyi nagalayi kapittuna kababa lohho kaboko rada. Mono, ha gapege wai balinna, Nyi na hibiyi, mono0 nayiyi ta ana hakodoNa, mono anaha kodoNa yiyi ta ata buta rada.
|
||
\v 37 Yidda tangada yayo mono bokta. Lohho, yidda da kahhayi kadibka kababa karehi, pittu kawuka tayi ka bannuna.
|
||
\v 38 Yidda da yayo pata ratada kabani, wale gauk mahodi lawai mono lakawa.
|
||
\v 39 Kole bana halewayi ata buta hagga, Yesus na tama ta tena mono kako ta harona Magadan.
|
||
\c 16
|
||
\cl Kawukku 16
|
||
\s Ata Farisi Mono Ata Saduki Kabani Yesus
|
||
\p
|
||
\v 1 Bewage, ata Farisi mono Saduki ammidi kabani Yesus. Yidda da karaiwe Yesus patingdi tabarada yidda wu tadka wali ta Surga.
|
||
\p
|
||
\v 2 Ta nyiduwe, bale hawe Yesus, “Manari gaknage, mi limige. ‘Na hira kinage nehhe lado oro langta bana rarawe.’
|
||
\v 3 Mono, ta koko kaki, ‘Lado nehhe enga dani rereha waddi oro langta rarawe mono kapangtage, ‘Mi um tadawe aga linawe paheka ge hadage langta, tabolo walem mukkak mage palikkege tadka-tadka rahi.
|
||
\v 4 Wu dalara ata ka japata mono kajala ta olena rade karuhhu wu tadka, tabolo wu tadka dumu wale hatingok madi tabarada, likkege tadka Nabi yunus.” Lohho, Nyi ija kadi yidda mono kako.
|
||
\s Palarawe Tutu Ragi Ata Farisi Mono Saduki
|
||
\p
|
||
\v 5 Kole ana hakodo dikki ta bali hoba, yidda da dangana ngidi kababa.
|
||
\v 6 Mono, Yesus linage tabarada yidda, “Hamatara gela mono yapu kigela tabarada ragida ata Faris mono tangada Saduki.”
|
||
\p
|
||
\v 7 Mono, yidda kapu dage dulkawe hada inna ta jonga dauda yidda mono liadge, “Inna oro yitta aida ngidi kababa,”
|
||
\v 8 Ta nyiduwe, Yesus na tadawe hada inna mono linage, “Ta, ata ka dabbo hatenana, ahha mi mam dul kawe ta jonga dau daumi tutu ai da roti?
|
||
\v 9 Apa mi walem yappa jalak mahowe mono dummo walem apek mawe limma kababa tangada limma rata ata, mono pirrayi kawukata karehi pa kahha mi?
|
||
\v 10 Waleka, pittu kababa tangada pata rata ata, mono pirrayi kawukata karehi mi hakamami?
|
||
\v 11 Aga lina dawe mi aim yapawe inna Nauwa wale tamara takkik maguge tabarami tutu kababa? Ta nyiduwe, yapu kige la ta ragi da ata Farisi mono tangada Saduki.”
|
||
\p
|
||
\v 12 Bege, yidda da yappawe inna Nyi aina takkiwe tutu yapuge ta ragi kababa, tabolo tabara hanuada ata Farisi mono Sadukui.
|
||
\s Yesus Nyiknai Mesias
|
||
\p
|
||
\v 13 Kolei Yesus dikki ta harona Kaisarea Filipi, Nyi naka nukayi ana hakodoNa “Dokuge hatakki da ata iyayi Anana Kadadi Ata nada?”
|
||
\p
|
||
\v 14 Yidda da bale hawe, “Kapirana lida dage Yohanes Pembapti, wadeka lida dage Elia, mono wadeka lida walige Yeremia, waleka wuyo wali tabrada Nabi.”
|
||
\p
|
||
\v 15 Lohho, Yesus naka nuka tabrada yidda, “Ta nyiduwe, doku dage miyo, iyawa Nauwa inne?”
|
||
\p
|
||
\v 16 Simon Petrus balehawe,” Yau Mesias Ana Allah ka morha!”
|
||
\p
|
||
\v 17 Yesus lidage tabarada, “Kanyurru kamu yau Simon anai Yunus, oro wale kanayo mono rakmawe katakkiguge inna tabaramu, tabolo AmaGu ka Surga.
|
||
\v 18 Mono, Nauwa luguge tabaramu inna yau Petrus. Mono, ta panu watu inne, Nauwa ha dedewe JemaaatuGu mono binna kalla Hades walena kawahak mage.
|
||
\v 19 Nauwa enga yiguGe kuhi Kalingora Surga. Mono, aga hing kawe mi ha kattimi ta panu tana enga makattige ta Surga. Mono, aga hing kayi mi pa laddami ta panu tana enga maladda ge ta surga.”
|
||
\v 20 Lohho, Yesus na hanamu dage anaha kodoNa ilda takkiwe langka ta iya hingkana inna Nyi bai Mesias suyi.
|
||
\s Yesus Natakkiwe Tutu Matena
|
||
\p
|
||
\v 21 Wali neda ge, Yesus kapu nage hatingoge tabara ana hakodoNa inna Nyi bana kako dahho ta Yerusalem mono bana buatwe mayillaNa wali ta tangada bai ata, bai ata, lohho ahli-ahli taurat, lodoge hamateyi mono kadde hagga ta lado katauna.
|
||
\v 22 Begge, Petrus na tingiyi Yesus ta tibina, ha apeni Nyi, mono linage, “Mori, ka nyurru kage Allah kana hamarauge hada inna wali ta Yau! Hada inna ruruge bana dadiwe tabraMu.”
|
||
\p
|
||
\v 23 Ta nyiduwe, Yesus na Gilaka mono linage tabarai Petrus, “Yelana Yau wali ta aro mataGu, ta kabalka! Yau watu widawu tubaGu oro yau ai paha iyaka mowe paha ngadamu ta hada wali tai Allah, tabolo wali ta kadadi ata.”
|
||
\p
|
||
\v 24 Bege Yesus linage ta anaha kodoNa, “Nyi ba daka ka dokuga Nauwa, nyi na kabal dahoge tau dauna, ditayi yayu hadailona, mono dokuga Nauwa.
|
||
\v 25 Oro ba iyayi kapa hoilawe ngahuna enga bungage ngahuna. Ta nyiduwe, iyayi kabunga ngahuna orogu Nauwa, nyi na kole haggage.
|
||
\v 26 Agawe utuge nyi wu ata kole kahhage panu tana, tabolo bunga dalwe ngahuna? Waleka, na dadik kawe wu ata bana yiwe ngahuna jeluge?
|
||
\v 27 Oro, Anana Kadadi ata enga ammini lari ta manadai AmaNa oledi tangadi malaikatNa mono bege nahagaba nage tangana ata dokuge harayina.
|
||
\v 28 Nauwa takki guge kaha tau takkana tabarami, dani kadede taha dau inne ai kapaddage mate kahha yidda bada etayi Anana Kadadi ata ammini lari ta kalingora parehaNa.”
|
||
\c 17
|
||
\cl Kawukku 17
|
||
\s Yesus Naha Dedala Wikkina Oledi Musa Mono Elia
|
||
\p
|
||
\v 1 Anni lado jongage, Yesus na lekoyi Petrus, Yakobus, lohho Yohanes angu wunai Yakobus, mono na ngidiyi yidda panne meha ta letena kama dehta.
|
||
\v 2 Lohho, Yesus naha jeluge hadaNa ta aroda yidda. HadaNa na rewowe tujayi mata laddo mono kalabeNa nadadi kaka tujai magakaha.
|
||
\v 3 Mono, etayige, da dedala tabarada yidda Musa mono Elia, katamrana hanewe dangani Yesus.
|
||
\p
|
||
\v 4 Petrus linage tabarai Yesus, “Mori, atna daha dahoge tutu da yidda ba dada tahha dau inne, nauwa kagu haddewa tallu bu kareka taha dau inne, wu tubaMu, wu tubanai Musa, mono wu wali tubanai Elia.”
|
||
\p
|
||
\v 5 Kole tamranai Petrus hanewe, amige karabba kama gakahana tuniyi yidda, mono etayi, dange li wali ta karabba inna kalinana, “Nadde AnaGu hamanawaraGu, tabaraNa Nauwa natuba. Rangeyila Nyi.”
|
||
\p
|
||
\v 6 Kole anaha kodona rangewe inna, yidda daka wojo waige matada kahha ta tana mono tilli madautayi.
|
||
\v 7 Tabolo, yesus ammini mono jojayi yidda, linaGe, “Kademila mono ilam madautami.”
|
||
\v 8 Kole yidda keketayi matada, yidda wale la hing mana ha etada, dukkai Yesus nyihe.
|
||
\p
|
||
\v 9 Dikige yidda bada burru wali ta letena, Yesus naha rehayi yidda, linaGe, “Ilam dul kawe ha etami inna tabarada langka iya hing kayi kahha Anana kadadi ata bana kadde wali ta jonga ata mate.”
|
||
\p
|
||
\v 10 Mono, ana hakodo daka nukawe tabaraNa “Lohho, ahha ahli-ahli aturat ma liadage Elia na mai ulu dahho?
|
||
\p
|
||
\v 11 Yesus na balehawe, “Elia na mai ullu takka mono enga hatagaha nani tangadi.
|
||
\v 12 Tabolo, Nauwa luguge tabaramu nadai Elia bana maibe, tabolo yidda wale da tadak mayi mono da rayini dokuge hakabu ateda yidda. Tauda jalage Anana Kadadi ata enga pada hoge mayilla ta limma da yidda.”
|
||
\v 13 Bege, ana ha kodoNa da yapawe inna Nyi hanewe tabarada yidda tutu Yohanes Pembaptis.
|
||
\s Wu Lakawa Pa Lohotayi Wali Ta Wadi Japata
|
||
\p
|
||
\v 14 Kolei Yesus mono ana hakodoNa hagga ta ata buta, wu lakawa kabani ammini tai Yesus takkodi kuddo na ta aroNa ha gapege ba linage,
|
||
\v 15 “Mori, manawara kigani anagu oro nyi kapara kanage mono na oja hingna. Nyi na bukka juwa ta latti mono ta weyo.
|
||
\v 16 Nauwa ug ngidi beyi tabarada ana hakodoMu, tabolo yidda walena dadik mawe bada hataga hayi nyi.”
|
||
\p
|
||
\v 17 Yesus na balehawe, “Ta, mi dalara ai kaha tena tetakka mono jalora! Pirra hoge madige bagu Enga danga dingimi? Pirra hoge madige Nauwa bagu maloyawa tabaram miyo? Ngidiyi lakwa nada tabaraGu.”
|
||
\v 18 Nyiwe Yesus nahha gagtayi wadi japata nada daja lage huna wali ta lakawa nada, mono lakawa nada tagaha mema.
|
||
\p
|
||
\v 19 Bege ana hakodoNa mai tai Yesus, kole yidda meha dangani Nyi mono kanukayi, “Ahha mi walena dadiwe wugayi wadi japata nada?”
|
||
\p
|
||
\v 20 LinaGe tabarada yidda, “Oro hatenamu kamarraha. Nauwa ug takki guge katau takkana tabarami, inna mi ba mangu hatena hemi ka wu wiha wattina, nyiwe mi dadiwe bamu hadik kige inna letena, ‘Dikkiwu wali taha dau inne neda bali! ‘Mono letena inna enga dikkige. Wale lakma aika dadi tubami.
|
||
\v 21 [Ta nyiduwe, waddi japata katauda dana dukka dahege ma wugayi waini sembayang mono kabukta.”]
|
||
\s Yesus Na Takkiwe Matena
|
||
\p
|
||
\v 22 Kolei Yesus mono anaha kodoNa tamrada ma kahha ta Galilea, Nyi linage tabarada yidda, “Anana Kadadi ata enga yiyi ta limana kadadi ata,
|
||
\v 23 mono yidda enga hamate dani Nyi, mono Nyi enga kade haggaNa ta lado katauna.”Mono, ana hakodoNa dadi haraopoyi ate.
|
||
\s Ha Nua Tutu Bayarana Walli Katakku
|
||
\p
|
||
\v 24 Kole yidda dikki ta Kapernaum, ka kahhayi wali katakku duda dirham amidi tabarai Petrus mono kanukkayi, “Appa nada gurumu walena bayara dak mana walli katakku?”
|
||
\p
|
||
\v 25 Petrus balehawe, “Ngo.” Kole nyi tama ta umma, Yesus ha ullu hanewe tabarana, “Aga lina dawe paha ngadda mu, Simon? Wali ta gige raja panu tana rade bada tagi walli katakku? Wali ta anada waleka ta ata wadeka?”
|
||
\p
|
||
\v 26 Kolei Petrus balehawe, “Wali ta ata wadeka,” Yesus linage tabarada'Nyi batau dage, anana hilpa.
|
||
\v 27 Ta nyiduwe, yitta ilda joja dadi but ateda yidda, kakomi ta hoba mono tubana kawuyo. Ngalayi kaboko ha wunga hakolemi kahuna mono kole mi bamu bugera nage bana, mi enga eta mini wu amaha. Ngalayi amaha nada mono yiyi tabarada yidda, tubaGu mono tubami.”
|
||
\c 18
|
||
\cl Kawukku 18
|
||
\s Iyayi Karehi Madaka Ta Surga?
|
||
\p
|
||
\v 1 Ta mahiggo neda, anaha kodoNa amidi tabarai Yesus mono kanukawe, “Iyayai kahada madaka lari Ka; ingora Surga?”
|
||
\p
|
||
\v 2 Nyiwe, Yesus na kamaikani wu lakawa marraha tabaraNa, mono na hangodoyi ta jongada yidda,
|
||
\v 3 mono linage, “Nauwa luguge katau takkana tabarami, duka dahege bami jarrami mono bamu tuja duyi lakawa marraha, mi enga walem tamak mami lari ta kalingora Surga.
|
||
\v 4 Iyayi kaha li bawa wikkina tujayi lakawa nade yikna kahada madaka lari ta Kalingora Surga.
|
||
\p
|
||
\v 5 Mono, iyayi kahibbayia lakawa marraha katujana nade wu lari ta ngaraGu, nyi na hibawa Nauwa.”
|
||
\s Ha Ape Tutu Puge Ha Jala Danga
|
||
\p
|
||
\v 6 “Ta nyiduwe, iyayi kaha jalorayi wali wu nade lakawa marraha kahha tena tabraGu, atna ha dahha dahoge tubana nyi bana katini watu ta kokona mono ba tubani tabannu kaha hadda kiddi.
|
||
\v 7 Li lokowela panu tana oro kaha jalora dadi neda laria! Oro, kahha jalora na dadi mema dahoyi, tabolo liloko wela ata kahha dukkege.
|
||
\p
|
||
\v 8 Nyi limamamu waleka ledumu na rayigu hajala dangamu, katuplai mono baitani. Atna hadahha dahoge yau bamu tamamu lari ta morha gayu kalimmana waleka bamu kabeko dahewu nyi tma ka duda gayu limmana mono leduna, tabolo baita daligu lari ta latti aika badda.
|
||
\v 9 Nyi matamu ba nyika kaha jalawu, kilo kayi mono baitani. Atna ha dahha dahoge yau tama neda lari ta morha waini wu matamu, wali ba dudalli matamu tabolo bataggu lari ta naraka.”
|
||
\p
|
||
\v 10 “Hamtara gela, ilam tau tai payia wuyo wali ta lakawa marraha rade. Oro, Nauwa ba luguge tabramu oro malaikat-malaikat yidda ta surga da torro hangata ge mataNa AmaGu ta surga.
|
||
\v 11 [Oro, Anana Kaddi Ata ammi beni pahoilayi ata kabunga.]
|
||
\s Hatujja Tutu Bebbe Kajalora
|
||
\p
|
||
\v 12 Aga linawe yau? Nyi wu ata kamangu bebbena ngahu, tabolo wu wali ta bebbena jalora, nyi walena tanadudi ka bani dihha bulu kabani dihhana ta panu letena mono bana mayegano nada wuyo bebena kajalora?
|
||
\v 13 Mono, nyi bana nyammu kayi, tau takka nage Nauwa luguge tabramu, nyi na rehi dahhawe atena wali nada wu bebbena ba da hagani wale kabani kabulu bani dihhana aika jalora.
|
||
\v 14 Tauda dummo nage hakabu atena Amamu ka ta Surgana nyi wuyo wali ta lakawa marraha rade li loko.”
|
||
\s Hanuadi Ata Kajala
|
||
\p
|
||
\v 15 “Nyi ole baimu jalaka, kakowu mono takki nage jalana, dukka yau mono nyi hikki. Nyi bana rangewu. Yau kole hagga mudi ole baimu.
|
||
\v 16 Ta nyiduwe, nyi aina rangewu, kamaika walini wu waleka duda ata walli kana olegu daja lage waige bana wali ta duda waleka tauda ata ka tada danga guge, tangadi hatakki pahha inyaka.
|
||
\v 17 Nyi bana tulara gu bada rangeyi yidda, takki nage inna ta kangote. Mono, nyi bana tullarage bana rangewe kangote, nyammani nyi katujayi ata wadeka mono ka kahha wali katakku.
|
||
\p
|
||
\v 18 Mauwa liguge tabramu katau takkana inna agawe ha kattimu ta panu tana enga makatti ge ta surga. Mono, agawe paladdamu ta panu tana ta surga na malada jalawe.”
|
||
\v 19 Hadakka pi guge, Nauwa luguge tabaramu inna ka dudana ata mi bamu makatti kami ta pan tana tutu ba gawe haraida yidda, inna enga dadige tubada yidda wali ta AmaGu ta surga.
|
||
\v 20 Oro, taha dau duda waleka tauda ata kama ubla tutu ngaraGu, Nauwa daga ta jongada yidda.
|
||
\s Hatujja Tutu Hawalina
|
||
\p
|
||
\v 21 Bege, Petrus ammini tabarai Yesus mono naka nukawe, “Mori, hapira wuda dahona nauwa bagu ha walini ole baigu tabaragu? Kahha pitu wuddana?”
|
||
\p
|
||
\v 22 Yesus linage tabarana, “Nauwa walegu takkik mawae tabaramu kahha pitu wuddana tabolo kahha pitu kabulu wuda hapittu wudda na.
|
||
\p
|
||
\v 23 Oroge innala Kalingora pareha Surga natujjawe wu raja karayige utta ata paha lewana.
|
||
\v 24 Kole nyi bada kapuge yapudi wuttana, ata karayi wutta, ata kawuttani kabulu rata talentayi ngidiyi tabarana.
|
||
\v 25 Oroge inna walena mukkak madi bayaradi, morina nada naha rehawe nyi kapiku malajani, lohho ole ummana mono anana, lohho tangadi kadana tabarana, mono waige katauda dana kana beyi wutana.
|
||
\p
|
||
\v 26 Nyiwe, ata paha lewana nada naka wojta morina, linage, ‘Hadiki hodi toge tabaragu mono nauwa enga bayara gudi tangadi tabaramu.’
|
||
\v 27 Bege, mori wali ta ata paha lewa nada maropowe atena, mono na palohtadi, mono naha walini wali ta wuttana rada.
|
||
\p
|
||
\v 28 Ta nyiduwe, kole ata paha lewa nada huna mono tabo kayi ole ata paha lewana wadeka kadayo wuttana ngahu dinar tabarana, nyi na yapayi lohho pahela nani bukkuna, mono lenage, ‘Bayara haggadi amaha harai wali tabaragu!’
|
||
\p
|
||
\v 29 Nyiwe ata paha lewa nada karai wutta kawojo mono na rainoge tabrana, linage, ‘Pahai hodi toge tabragu mono nauwa enga bayara gudi tangadi tabaramu.’
|
||
\p
|
||
\v 30 Ta nyiduwe, nyi wale na aukma mono hatamani ta gallu kahha nyi bana beyi wuttana tangadi.
|
||
\p
|
||
\v 31 Kole ata paha lewa wadeka etawe kadadi inna, yidda na marpoyi ateda lohho amini mai takkiwe ta morina tutu tangage ka dadi.
|
||
\v 32 Bege, morna kamai kani ata paha lewana kawungana nada mono linage tabarana, ‘Yau ata paha lewa kajapata. Nauwa ug hopi gudi tangadi wuttamu oro bamu marainowu tabaragu.
|
||
\v 33 Doku dage yau um kole bege marada ate tabra ole ata paha lewamu, katauna duggu bagu ha tingo bege marada ategu tabaramu?’
|
||
\v 34 Mono, morna, bani tetakka, na yiyi ta ata kahha mayillayi kahha nyi dadiwe bayara hagadi tangadi pa karai tudu bena tabrana.
|
||
\p
|
||
\v 35 AmaGu ta surga dummo na rayige hada kaha tujja ta baramu, nyi yau aim ha wali kani ole baimu wali kaliki atemu.”
|
||
\c 19
|
||
\cl Kawukku 19
|
||
\s Ajara Tutu Pahewa
|
||
\p
|
||
\v 1 Kolei Yesus bana bewe hatak na inna, Nyi na kako wali ta Galilea mono dikki ta kalingora Yudea, ta bali lai we Yordan.
|
||
\v 2 Mono, ata buta ka ma ubla ata kadokuni Nyi, mono Nyi naha tagahayi yidda neda bali.
|
||
\v 3 Kapirana ata Farisi amidi tabarai Yesus kabani Nyi mono da kanukawe, “Appa na tenakwe wu kabani pahewa dangani ole ummana waige taboleha hanewena?”
|
||
\p
|
||
\v 4 Lodoge, Yesus na balehawe mono linage, “Walem bahhak mawe inna Nyi, kahha dadidi yidda wali puge, hadadi yidda kabani mono lawai,
|
||
\v 5 mono Nyi na yiwe lina, ‘Oroge inna, kabani na tana dahodi amana mono iyana, mono ha wu dangani ole ummana, mono kaduda kana wuwe tauda?
|
||
\v 6 Nyiwe, yidda wale hil dudak mada, tabolo wuyi tauda. Oroge inna, agawe paha wunai Allah, kadadi ata ilna hewa dal kawe.”
|
||
\p
|
||
\v 7 Yidda lidage tai Yesus, “Lohho, ahai Musa mana harehawe yiyo jurata pahewa mono pahewa dangani ole ummana?”
|
||
\p
|
||
\v 8 Yesus linage tabarada yidda, “Oro kawtoge atemu, Musa mana pahaigimi mi pahewa dangani ole ummami, Ta nyiduwe, ta puge wale taudak mage.
|
||
\v 9 Mono, Nauwa luguge tabaramu iyayi kaha hewa dangani ole ummana, dukkage oro jala atana, lohho ha umma dangani lawai wadeka, nyi na jala ata nage.”
|
||
\p
|
||
\v 10 Ana hakodona lidage tabaraNya, “Nyi batauda dage hada inna kaha lai mono ole ummana ilda ha ummana.”
|
||
\p
|
||
\v 11 Tabolo, Yesus linage tabarada yidda, “Wale tangak mana ata hibawe hatakki inna, dukka dahege yidda pa yiyo angta.
|
||
\v 12 Oro, dadi ata aika ha ummana oro batauda memage hadana wali dadina loho wali ta tiyo inyana, mono dadi ata aika ha ummana oro aina dadi harayi ole atana wadeka, mono da dummodi ata aika dadi bana aiha dadi dauge tau dauna oro Kalingora Surga. Ba iyayi ka hibawe hada inna, nyamani kana hibawe.”
|
||
\s Yesus Mono Lakawa Marraha
|
||
\p
|
||
\v 13 Bege, kapirana lakawa maraha ngidiyi ta baraNa dajalage Nyi kana ijalayi limmaNa ta katakkuda lakawa rada moo kana sembayang ngudi yidda. Ta nyiduwe ana hakodoNa da bani di ata arada.
|
||
\p
|
||
\v 14 Tabolo, Yesus linage, “Pahaidi lakawa maraha rada. Ilam pade kayi yidda mai tabaraGu oro Kalingora Surga daudage ata katujana lakawa maraha rade.”
|
||
\v 15 Kolei Yesus bana ijalayi limaNa ta katakkuda lakawa rada, Nyi kako nage wali taha dau neda.
|
||
\s Aga Lina Dawe Kolege Morha Aika Dukana?
|
||
\p
|
||
\v 16 Bege, amini wu ata tabarai Yesus mono naka nukawe, “Guru, hada kadahha aga da hona ha rayi dahogu nauwa kagu kolege morha aika mangu dukkana?”
|
||
\p
|
||
\v 17 Mono, Yesus linage tabara ata nada, “Ahha yau mamu kanuka taudage tabaraGu tutu agawe kadahha? Dukka wu daheyi kadahha. Tabolo, nyi yau bamu aukawu tama lari ta morha, dokudi tangadi paha reha rada.”
|
||
\v 18 Ata nada na kanukawe tabaranai Yesus, “Gidi pareha?” Balehawe Yesus, “Ilam hamatewu ole atam, ilam rayi kana jala ta ole atamu, ilam kedu kawu, ila ngidi kawu hanewe paleka,
|
||
\v 19 ha aka kidi amamu mono inyamu, mono manawaradi olem ata tauna mbamu manawarage tau daumu.”
|
||
\v 20 Bau mane nada linage tabaraNa, ‘Tangadi rada uggu doku kahha bedi, agak hoyi kadabbo?”
|
||
\p
|
||
\v 21 Yesus linage tabrana, “Nyi yau bamu bai kage kabanuna, kakowu mono kamau malajadi tangadi hadumu. Lohho, yidadi tabarada tangada ata milla, mono yau enga kole muge ngawu ta Surga, mono um mai dokuga Nauwa.”
|
||
\p
|
||
\v 22 Tabolo, bau mane nadda rangewe hatak inna, nyi kako mayilla ate nage oro nyi ata hada poteyi.
|
||
\p
|
||
\v 23 Lohho, Yesus linage tabara ana hakodoNa, “Nauwa takki guge kaha tau takkana tabaramu, hada biktawe ata pote tama ta Kalingora Surga.
|
||
\v 24 Hadakka piguge, Nauwa luguge tabaramu na rehi na lewara dahoge wu unta tama ta kabonga kariha wali nada ata pote tama ta kalingora nai Allah.”
|
||
\p
|
||
\v 25 Kole ana hakodoNa rangewe hatakki inna, yidda na dadiwe hangatara, mono linage, “Batauda dage, iya dayi paha mane mara?”
|
||
\p
|
||
\v 26 Na torroyi yidda, Yesus linage, “Kadadi ata hada inna wale na dadik mawe, tabolo Allah tangage inna na dadiwe.”
|
||
\p
|
||
\v 27 Bege, Petrus linage tabaraNa, “Etawege nami ma tanadi tangadi mono dokugu Yau, Nyiwe, aga duyi pahibama?”
|
||
\p
|
||
\v 28 Mono, Yesus linage tabarada yidda, “Nauwa luguge kaha tau takkana tabarami inna mi, kadokuga Nauwa ta panu tana kaberu, kole Anana kadadi ata ngodo taha dau ngodo kama dakkala Nyi, mi dummo enga ngodomi ta kabulu duda hadau hpkudi kabulu dudana kabihhi Israel.
|
||
\v 29 Mono, tangada ata katanage ummana, angu wuna, wattona, amana, inyana, anana waleka omana oro ngaraGu enga hiba nadi ngahu ma lapta mono enga dau nage morha aika dukana.
|
||
\v 30 Ta nyiduwe, butayi ata ka ullu enga dadige bada murri, mono kamurri enga dadige bada ullu.”
|
||
\c 20
|
||
\cl Kawukku 20
|
||
\s Hatujja Tutu Aya Ka Ullana Ta Oma Anggur
|
||
\p
|
||
\v 1 “Oro, Kalingora Surga na tujja dawe ata kamangu omana kokokak bana kako mayegana ka ulana ta oma anggurna.
|
||
\v 2 Kole nyi bana ha wudi takda nyi mono kaulana rada wu dinar dihha lado, nyi nahha lewayi yidda ta oma anggurna.
|
||
\p
|
||
\v 3 Mono, kole ha jam taudayi nyi na kako mono etayi ata wadeka tamrada dede awa tahha dau ata buta.
|
||
\v 4 Yiwe, nyi linage ta barada yidda, ‘Mi, kako jalami ta oma anggur mono aga dahona kama rakka ha yigumi tabarami. ‘Mono. Yidda dumo kako.
|
||
\p
|
||
\v 5 Hadakka pi guge, ba jam anniyi mono jam kabani diha nyi na kako mono na rayige hada kaha tujja.
|
||
\v 6 Mono, ba jam kabulu dihha, nyi na kako mono na dikkidi wadeka ata kadede mono nyi linage tabarada yidda, ‘Ahha mi mam dede awami tara lalado?’
|
||
\p
|
||
\v 7 Yiadda lidage tabarana, ‘Oro ai dahona kahha ulla gama nami, ‘kamngu omana nada linage tabrada yidda, ‘Mi, kako jalami ta oma anggurugu.’
|
||
\p
|
||
\v 8 Kole ba manari gak nage, kamangu omana nada linage ta madorana, ‘Kamai kadi ata ka ullana mono bayaradi tabrada yidda kahewada, wali kahada murri kahha hadda ullu.’
|
||
\p
|
||
\v 9 Kole yidda paha ulla ta jam kabulu dihha, ammidi, dihha-dihha ata hibba wuyo dinar.
|
||
\v 10 Kole yidda paha ulla ullu. Ammidi, paha ngadada yidda enga rehi hodi pahibada, Ta nyiduwe, yidda dihha-dihha dumo hibba wuyo dinar.
|
||
\v 11 Kole bada hibayi, yidda da ka ngurka ta mori oma.
|
||
\v 12 Yidda lidage, ‘Ata katama murri dihha jam heda ullana, mono yau um rayige hamera danga gama nami, ka bikta ha ullana mono ngangaha tara laladdo.’
|
||
\p
|
||
\v 13 Ta nyiduwe, mori oma nada na balehawe mono linage tabarada wu wali ta yidda, ‘Ole bai, nauwa walegu jalak mawa tabaramu. Walem damuk mage bada taka bewe mi mo nauwa dihha dinaru?
|
||
\v 14 Ngala dayi hadaumu mono kakowu, tabolo nauwa hakabu ategu yini nada ata kamurri, tujjawe dimmi tabarami.
|
||
\v 15 Appa nauwa walena tenak mawe harayi gu ba aga hingkayi ta dau wiki daugu? Waleka, apa matamu japata nadi oro nauwa bagu dahhawa?’
|
||
\p
|
||
\v 16 Nyiwe, kamurri enga uluna, mono kaullu enga murrina.”
|
||
\s Yesus Na Takki Pi Walwe Tutu Matena
|
||
\p
|
||
\v 17 Kolei Yesus bana kao ta Yerusalem, Nyi na ngidiyi kabulu duda ana hakodoNa baba hawattena. Ta tillu lara, Nyi linage tabarada yidda,
|
||
\v 18 “Etawela, yitta aro dage ta Yerusalem mono Anana Kadadi Ata enga a yiyi ta rato-rato kapala mono ahli-ahli Taurat. Yida da hokuni Nyi wage hamateyi.
|
||
\v 19 Lohho, yidda enga yidani Nyi tabara ata wadeka kapiku tere kayi, paluyi, mono kadailoni Nyi. Mono ta lado katauna, Nyi enga kaddena.”
|
||
\s Maraino Wali Ta Inya Anai Zebedeus
|
||
\p
|
||
\v 20 Bege, inya wali ta anai Zebedeus oledi anana mai tabrai Yesus mono kawojo bana karai tabarai Yesus.
|
||
\p
|
||
\v 21 Mono, Yesus linage tabarana, “Agawe ha maddimu? “Ha inya nada nabalehae, “Pareha kiwela dajalage kadudana anagu kada ngodo ta kalingora ParehaMu, wu ata tabara wanaMu mono tabara kalimu.”
|
||
\v 22 Ta nyiduwe, Yesus bale hawe, “Yau walem yapak mawe agawe yau harayimu. Agawe ka dadi haenumu wali ta koba weha enu ha enu dahoGu?” Yidda liadage tabrai Yesus, “Ngo, nami ma mukkage.”
|
||
\p
|
||
\v 23 Yesus linage tabarada yidda, “Mi enga enu takka mige wali ta koba wha enuGu, tabolo ta kawanaGu mono ta kaliGu, walegu daudak maGe yiwe, tabolo tutuda yidda paha inyaka bena AmaGu.”
|
||
\p
|
||
\v 24 Kole bada rangewe kabuluna ana hakodoNa wadeka, yidda da bani tabarada kadudana ole baida rada.
|
||
\v 25 Tabolo, Yesus naka maikadi yidda mono linage, “Mi um tadawe tangada kadau kawaha ata wadeka kapa rehayi tabarada yidda, mono ata madakada yidda da ha kakowe taguda tabarada yidda.
|
||
\v 26 Doku dage wale tauda dak mage ta jongam miyo, tabolo iyayi ka baige madaka ta jongami, nyi bai dahoge hanukku yau.
|
||
\v 27 Mono, iya hing kayi kabaige ullu ta jongami, nyi na dadi ata halewa dahomuni,
|
||
\v 28 katujjana Anana Kadadi Ata bana mai wale paha nukku dak mayi, tabolo Nyi daho kaha nukkuwe mono ka yiwe ngahuNa kajelu nage halina tangana ata.”
|
||
\s Duda Ata Moro Hatagahayi
|
||
\p
|
||
\v 29 Mono, kole bana tanage ayerikho, buta ata ka dokuni Nyi.
|
||
\v 30 Mono, duda ata moro ka ngodo ta nirri lara, kole bada rangeyi Yesus palaka, yidda da kawula, “Mori, Anai Daud, manawara kigama nami!”
|
||
\v 31 Ata buta banidi yidda kada kadanna. Ta nyiduwe, yidda kiki kawula dage, “Mori Anai daud, manawara kima nami!”
|
||
\v 32 Nyiwe, Yesus ngahu nage mono na kamai kadi Yidda. Linage, “Agawe hakabu atemi Nauwa kagu rayi gimige?”
|
||
\p
|
||
\v 33 Yidda lidage tabraNa, “Mori, nami ma kabu atege kana mabugerayi matama.”
|
||
\v 34 Yesus na marabehawe atena tabarada yidda, mono naha jame dadi matada yidda, neda memage da eta hagga, mono dokuni Yesus.
|
||
\c 21
|
||
\cl Kawukku 21
|
||
\s Yesus Da Tabo Kayi Tujjai Wu Raja
|
||
\p
|
||
\v 1 Kole yidda bada dahe kawe Yerusalem mono diki Betfage, ta lete Zaitunna, Yesus naha lewayi duda anaha kodoNa;
|
||
\v 2 Linage Nyi tabrada yidda, “Kakomla ta deha kadana inna ta aro bali, mono mi enga wing tabo mini wu keledai hakatti mono wu ana keledai olena. Lada nage hakattida yidda mono ngidila kaduda kana tabaraGu.
|
||
\v 3 Nyi badaka ata kanukkami tabarami, mi limmi dahoge, ‘Mori kaha lewama ngalayi, ‘mono Nyi enga geha pahagani.”
|
||
\p
|
||
\v 4 Inna nadadiwe kana banuge agawe hatak beda nabi:
|
||
\v 5 “Tak nage tabarana Bau winne Sion, ‘Etayige, Rajamu aammini tabaramu, li bawa ate, mono na leteyi wu keledai, waini wu keledai bodi, anana wali keledai bikta ngidi. \rq Zakaria 9:9 \rq*
|
||
\p
|
||
\v 6 Ana hakodona kako mono dokuge katauna paha rehanai Yesus tabarada yidda.
|
||
\v 7 Yidda da ngidiyi keledai nada, lohho ana keledai nadda, mono ijalayi kalabeda yidda ta panu kabedo keledai-keledai rada, mono Yesus ngodo ta panu kabedona.
|
||
\v 8 Wadeka wali ta ata buta rada da lakarayi kalabeda yidda ta lara, mono wadeka da pogo kaha yayu, lohho da talaradi ta lara.
|
||
\v 9 B uta ata ka kako ta aroNa mono yidda ka dokuni Nyi da kawula, “Hosanna tubana Anai Daud!’ Ka nyurruna Nyila ka mai lari ka ngaranai Mori.’ Hosana taha dau kama dehta!” \rq Mazmur 118:25-26 \rq*
|
||
\p
|
||
\v 10 Kole Yesus bana tama ta Yerusalem, tangage harona na gegerawe. Yidda da kanukka, “Iyayi Nyi nade?”
|
||
\p
|
||
\v 11 Mono, ata buta rada bale hawe, “Nyi yiknai Nabi Yesus, wali ta Nazaret ta Galilea.”
|
||
\s Yesus Naha Languge Umanai Allah
|
||
\p
|
||
\v 12 Lohho, Yesus na tama ta Umanai Allah mono wugayi ata katamrana malajana ta Umma Allah, lohho na kabli gubbudi meja dau tukarada amaha mono bangkuda yidda kama lajana ta gukku maupa.
|
||
\p
|
||
\v 13 Nyi linage tabarada yidda, “Na matolha bewe, ‘UmmaGu enga hangara dage umma dau sembayangna, ‘tabolo mi um hadadige haddu ata karebo.”
|
||
\p
|
||
\v 14 Mono, ata kamoro lohho kalikku mai tabaraNa ta Umma Allah, lohho Nyi na hatagayi yidda.
|
||
\v 15 Ta nyiduwe, kole rato kapala mono ahli taurat etayi mujizat pa rayi benai Yesus mono etayi lakawa kawula ta Ummanai Allah, “Hosana tuba anai Daud, “yidda da bani dangage.
|
||
\p
|
||
\v 16 Lohho, yidda da kanukka tabarai Yesus, “Appa Yau um rangeyi hatakda lakawa rada?” Mono, Yesus na balehayi yidda, “Ngo. Walem kali bahhak mawe mi, ‘Wali ta bada lakawa bila mono lakawa huhu, Yau um ha inya kadi mahadi tuba tauMu daum?”
|
||
\v 17 Bege, Yesus na ijakadi yida mono huna wali ta harona inna ta Batania mono dau dage neda bali.
|
||
\s Yesus Naha Tingoge Kawaha Hatena
|
||
\p
|
||
\v 18 Batauge, ta kokokak, kolei Yesus hagga ta harona, Nyi na kalabba.
|
||
\v 19 Mono, kole bana etayi pu kapulota ta huppu lara, Nyi na barani mono wale la hing mana wuna, duka dahedi rona. Mono, Nyi linage ta pu yayu nada, “Walem hillu wuk mawu lage wali ta baramu kahha ana murri!” Neda mema dummo, pu kapulota nada mate.
|
||
\p
|
||
\v 20 Kole ana hakodoNa etawe hada inna, tangada hangatara mono kanukawe, “Aga linada pu kapullota nada mate mema dummo?”
|
||
\p
|
||
\v 21 Mono, Yesus balehayi yidda, “Tau takka nage nauwa luguge tabarami, nyi mi badaka hatenami mono aim gela gagga dumi, mi wale nyi kel mawe ba rayige ta puka pullota nade, lohho dummo mi balimikage ta letena inna dikiwu lari ta bannu, ‘hada inna enga dadige.
|
||
\v 22 Mono, tangadi ha raiyimi lar ta sembayangna, hatena wela enga hiba midi.”
|
||
\s Pa Ama Yahudi Wale Hatenak Mawe Kawaha Nai Yesus
|
||
\p
|
||
\v 23 Kolei Yesus tamage Umma nai Allah, tangada rato kapala mono bai ata Yahudi amidi tabaraNa tamrana Nyi bana talarage mono da kanukayi, “Aga kawaha we Yau bamu raige tangage inna? Mono, iya ka yiguGe kawaha inna?”
|
||
\p
|
||
\v 24 Yesus na balehayi yidda, “Nauwa dummo ug kanukka dahomi tabrami, nyi bamu baleha duyi, Nauwa ug takki jala mige aga kawahawe nNauwa ha waigo bagu rayidi tangadi.
|
||
\v 25 Gi walige hariha nai Yohanes? Wali ta Surgage waleka wali ta kadadi atawe?” Mono, yida halege dage bada hanewe dauge, lidage, “Nyi balida ge, ‘Wali ta Surgawe, ‘Nyi enga linadage, ‘Batauda ge, ahha mi walem hatena kami tabarai Yohanes?’
|
||
\v 26 Ta nyiduwe, nyi yitta bada balehawe, ‘Walige ta kadadi ata. ‘Yitta da madautadi ata buta oro yidda tangada datadawe nadai Yohanes ba Nabiyi.”
|
||
\p
|
||
\v 27 Nyiwe yidda balehayi Yesus “Nami wale matadak mawe.” Mono, Yesus linage, “Bataudage, Nauwa dummo walegu takkik mamigge aga kawahawe Nauwa magu rayidi tangadi rada.” Hatujja Tutu Duda Lakawa
|
||
\v 28 “Tabolo, aga lima dawe pangadamu? Dani wu ata ka dudana ana kabanina, mono nyi na mai ta ana bodi mono linage, ‘Anagu, kakowu mono ullanala lado nehe ta oma anggur.’
|
||
\p
|
||
\v 29 Mono, nyi na balehawe, ‘ngo, ama, ‘tabole kole bataudage inna nyi walena kakokma.
|
||
\p
|
||
\v 30 Bege amana nada kako tabarana ana ha duda kawai mono na takki jalawe kataudana. Lakawa nada na balehawe, ‘Walena auma, ‘tabolo nyi nahha ngadage mono na kako.
|
||
\p
|
||
\v 31 Iyayi wali kadudana lakawa rada kadokuge hatakki amana?” Yidda lidage, “Nada kamurri.” Yesus linage tabarada yidda, “Tau takka nage, nauwa ha takkigu tabaramu rada kakahha walu katakku mono lawai malamura enga tamada ta Kalingoranai Allah ullu wali ta miyo.
|
||
\v 32 Oro, Yohanes mai tabarami ta lara katenguna mono mi walem hatenak mayi, tabolo, ata kahha walu katakku mono lawai malamura daha hatenawe. Mono, mi, kole bamu etawe inna lohho wale na pak hak mawe atena ba bewe innadaja lage mi dadiwe hatenawe.”
|
||
\s Hatujja Tutu Kamangu Oma Anggur Mono Ata Paha Hewana
|
||
\p
|
||
\v 33 “Rangela hayujja wadeka. Dani kamangu omana ha taddo angguru, mono na tauge gallu kalingorage, mono na koja hadau pahlana anggur, mono naha dede toko umma kama dehta. Bege, nyi na kahewawe oma anggurna ta kapirana ata ka ullana, mono nyi nakako ta dihha hadau.
|
||
\v 34 Kole rahi wudi manari dilkige, nyi naha lewayi atana ta ka ullana rada kapiku hiba nadi wudi.
|
||
\v 35 Mono, rada ka ullana yappa yi rada ata halewana mono paluyi wu ata, mono hamateyi wuwali, mono wadeka tukkuyi watu.
|
||
\v 36 Hadakka piwali, mori oma nada ha lewaliyi ata na wadeka, karehi buta wali rada ka ullu. Mono, tangada ka ullana rada rayi jalage kataudana tabarada yidda.
|
||
\v 37 Dajalage, mori oma nada halewayi anana tabrada yidda, linage, ‘Yidda enga hida gani anagu.’
|
||
\p
|
||
\v 38 Ta nyiduwe, kole ata ka ullana rada bada etayi anana, yidda lidage bada hanewe dau, ‘Nyi kadauge, maida yitta kada hamateyi nyi mono kada karamadi haduna,’
|
||
\v 39 Lohho, yidda da yapayi anana mori oma nada, baitani tabali oma anggur, mono dahha mateyi.
|
||
\v 40 Oroge inna, kole mori oma anggur nada mai, agawe ha rayina tabarada ata kaullana rada?”
|
||
\v 41 Yidda lidage tabaraNa, “Nyi naha lilokodi ata japata rada karehi japata, mono enga kahewa nage oma anggurna ta ata ka ullana wadeka, enga yinadi tabarana wudi ta rahi wudi.”
|
||
\p
|
||
\v 42 Yesus linage tabarada yidda, “Appa mi walem kali bahhak mawe Jurata Bihha: ‘Watu ha tularana karayina umma na dadi watu hadda. Hada inna nadadiwe wali tai Mori, mono hada inna aikakali dadiwe wali ta matada yitta’? \rq Mazmur 118:22-23 \rq*
|
||
\p
|
||
\v 43 Oroge inna, Nauwa luguge tabrami, Kalingorai Allah enga ngalawe wali tabaramu mono enga yiwe ta ata kawalla wuyo wali tabarana.
|
||
\v 44 Mono, iyayi kamunu wali ta watu inna nyi enga pahha hama wutkani; mono iya hing kayi ha bira kana watu nada enga muk kana.”
|
||
\p
|
||
\v 45 Kole rato kapala mono ata Farisi rangeyi li ha tujjaNa, yidda na yappawe nadai Yesus takki nadi yidda.
|
||
\v 46 Ta nyiduwe, kole yidda bada kabu atege yappayi Yesus, yidda madauta ta ata buta rada da hawauge ba Nabiyi.
|
||
\c 22
|
||
\cl Kawukku 22
|
||
\s Hatujja Tutu Ata Paha Lehu Ta Ha Ummana
|
||
\p
|
||
\v 1 Yesus naha newe piwalge tabarada yidda lari ta wu hatujja, linaGe,
|
||
\v 2 “Kalingora Surga dadiwe baha tujjage tujana wu raja karayige ha ulla ha umma aana kabanina.
|
||
\v 3 Mono, nyi naha lewayi ata paha lewana kamai kadi ata pa halehu be ta haulla inna, tabolo yidda wale da auma mai.
|
||
\v 4 Nyiwe, raja naha lewa waliyi ata paha lewana wadeka, linage, ‘Takki dage ata paha lehu, Etayige, nauwa ug ha iyaka beyi hayayo. Hapu mane mono ranga kamarha tangadi ropo beyi, mono tangadi na ha iya beyi. Maim ge ta ha ulla yayo dabba ha ummana inna.’
|
||
\p
|
||
\v 5 Ta nyiduwe, yidda da bai halawe mono kako, wuyo ata kako nage ta omana, wadeka ta ha ulla hekada,
|
||
\v 6 mono wadeka yappa dadi ata paha lewana raja nada, hamayillayi, mono hamateyi yidda.
|
||
\v 7 Nyiwe, nada raja bani nage, mono naha ngididi tentarana, puda hayi kaha mateyi rada, mono tunu dage harona da yidda.
|
||
\p
|
||
\v 8 Bege, nyi linage tabara ata paha lewana, ‘Ha ulla ha ummana ha iya bewe, tabolo ata paha lehu rada wale da tubak ma.
|
||
\v 9 Nyi batauda gege, kakom ge ta ngali tana madaka mono kalehudi langka piradi ata ha dikkimi ta ha ulla ha ummana inne.’
|
||
\v 10 Nyiwe, ata paha lewa rada kako ta kangali tana mono kahha yi tangadi ata yidda ha tabo kada, ka dahha mono kajapata. Mono, hadau ha ummana inna da panuwe kulla.
|
||
\p
|
||
\v 11 Ta nyiduwe, kole raja bana tama bana tabo kayi kullana, nyi na etayi wuyo ata neda bali, aika waina kalabe ha ulla haummana.
|
||
\v 12 Nyi linage tabarana, ‘Ole bai, ahha yau mana dadi kawe tama taha dau inne aim wai mona kalabe ha ulla haummana?” Mono, ata nada kadanna.
|
||
\v 13 Bege raja nada linage ta ata paha lewana, ‘Katti nadi limmana mono leduna, bai tani nyi lari ka pagtana kahada huna. Neda bali, enga dage hoyo mono ha ngaktana nguddu,’
|
||
\v 14 Oro, buta ha maika, tabolo hodiki ha pede.”
|
||
\s Harayida Pa Ama Yahudi Kapiku Rayini Jiwa Tanai Yesus
|
||
\p
|
||
\v 15 Bege, ata Farisi kako mono da wuna daja lage yidda dadiwe rayini jiwatana Yesus waige haneweNa.
|
||
\v 16 Mono, yidda ha lewayi anaha kododa yidda tabarai Yesus, oledi ata Herodian, Yidda lidage, “Guru, nami matadawu Yau lurhawu monom halarayi laranai Allah lari katena. Yau walem madautak mani langka iya hing kayi oro Yau walem etak maw hada hedda.
|
||
\v 17 Nyi bataudage, tak holawe ha kabu ateMu tabarama nami. Appa na tenakwe bayarana walu katakku ta Kaisar mono aina dai kawe?”
|
||
\p
|
||
\v 18 Ta nyiduwe, Yesus na tadawe japata da yidda mono linage, “Ahha mi mam kaba ga Nauwa, ta ata dahha dete?
|
||
\v 19 Ha tingo hola gani tabaraGu amaha tanga ge bayarana wallu katakku inna. Nyiwe yidda da yiyi walla dinar tabaraNa.
|
||
\v 20 Mono, Nyi linage tabarada yidda.” Hada mono iya nadi hatolha rade?”
|
||
\v 21 Yidda da bale hawe, “Kaisar.” Bege, Yesus linage tabarada yidda, “Nyi oroge innage, bayaradi tabarana kaisar hadauna kaisar, mono hadu nai Allah tai Allah.”
|
||
\p
|
||
\v 22 Kole bada rangewe, yidda dahha ngatara, mono da tanani Nyi mono kako dage.
|
||
\s Harayi Ata Saduki Bada Rayini Jiwatanai Yesus
|
||
\p
|
||
\v 23 Ta lado neda mema, ata Saduki, ka yakki wale lakmage kadde hagga, ammidi tai Yesus mono da kanukawe tabraNa.
|
||
\v 24 Yidda lidage, “Guru, Musa linage nada wu kabani mateka mono ai daka anana, angu wuna na diki dahoni ole ummana mono kana hakitage ana huhuna angu wuna kamate be nada.
|
||
\v 25 Batauge, pituma kaha angu wuna nami. Ana bodi haha umma bena, mono mate lakma anana, mono tanani ole ummana tutu angu wuna.
|
||
\v 26 Tauda dum nage ha duda wai, ha tauda wai, kahha ha pitu wai.
|
||
\v 27 Duka ge tangage, lawai nada mate.
|
||
\v 28 Ta lado rahi kadde, lawai nada iya ole umma nani wali ka pituna kaha ole baina rada? Oro, yidda tangada da ole umma beni.”
|
||
\p
|
||
\v 29 Ta nyiduwe, Yesus na bale hawe tabarada yidda, “Miyo jalorami, walem yapak mawe hatakki jurata bihha waleka dummu kawaha nai Allah.
|
||
\v 30 Oro, ta lado rahi kadde, yidda wale dahha ole umma mana, tabolo malaikay-malaijat ta surga.
|
||
\v 31 Tabolo, tutu kadde hagga ata kamate, walem bahhak mahowe miyo agawe hatakna tabarami Allah,
|
||
\v 32 ‘Nauwak nala Allah Abraham, Allah Ishak, mono Allah Yakub? Nyi walei Allah ata matek mayi, tabolo Allah ata ka morhayi.”
|
||
\p
|
||
\v 33 Kole ata buta rangewe inna, yidda daha ngatara dangage inna hanuana Nyi.
|
||
\s Gidi Ukku Pareha Ka Hada Banningna?
|
||
\p
|
||
\v 34 Tabolo, kole ata Farisi rangewe inna rayidi ata Saduki kadanna, ma ubbla dage yidda.
|
||
\v 35 Bege, wu ata wali ta yidda, ahli Ukku Taurat, kanukka tabranai Yesus bana kabani Nyi,
|
||
\v 36 “Guru, aga pareha dahoyi kahada banningna lari ta Ukku Pareha Taurat?”
|
||
\p
|
||
\v 37 Mono, Yesus linage tabarana, “Yau um manawara dahoni Mori Allamu waige kalaki atemu, mono waige urra dewamu, mono paha ndamu ka bannuna.
|
||
\v 38 Inne nyiwe pareha kahadda madakka mono ka wungana
|
||
\v 39 Ha duda ka wai katujalana rade, ‘Yau um manawara dahoni ole atamu katujana tau daumu.’
|
||
\v 40 Kadudana pareha rada, na gau bedi tangadi Ukku pareha Taurat mono jurata Nabi.”
|
||
\s Kanukkawe Tutu Nai Mesias
|
||
\p
|
||
\v 41 Batauge, tamrada ata Farisi makahha, Yesus naka nukkayi yidda,
|
||
\v 42 “Aga linawe paha ngadamu tutui Kristus? Iya anani Nyi?” Yidda lidage tabaraNa, “Anai Daud.”
|
||
\p
|
||
\v 43 Nyi linage tabarada yidda, “Bataudage, aga lina dai Daud, lari ta Waddi, na kamai kani Nyi'mori, ‘linage,
|
||
\v 44 ‘Mori naha newe tabara morigu, “Ngodowu tabbara lima kawanaGu, kahha Nauwa bagu ha yannadi muhuMu ta kabu leduMu.’? \rq Mazmur 110:1 \rq*
|
||
\v 45 Nyi Daud bana kamai kani Kristus ba ‘Mori nani, ‘aga lina dawe Nyi ba ana nani Daud?”
|
||
\v 46 Wale lakma wuak ata kabaleha langka wuka hanewe tabaraNa. Mono, wali laddo inna, lakma wu ata kabattona hilu kanukka waliyi tabaraNa.
|
||
\c 23
|
||
\cl Kawukku 23
|
||
\s Yesus Na Banidi Pa Ama Agama
|
||
\p
|
||
\v 1 Bege, Yesus naha newe ta ata buta mono anaha kodoNa,
|
||
\v 2 “Tangada ahli Taurat mono ata Farisi ngodo ta kursi Musa.
|
||
\v 3 Oro batau dage inna, tangadi hada, katujjana butana hatakda yidda tabarami, rayidila mono hamataradi. Ta nyiduwe, ilam rayi kadadi harayida oro yidda hatakda, tabolo wale da rayik madi.
|
||
\v 4 Yidda da katidi ngidi kabikta mono da tauyi ta bale ata wadeka. Ta nyiduwe, yidda dau wale da auma hadikkidi waidi karaki limma dauda yidda.
|
||
\v 5 Yidda da rayidi tangadi harayida yidda dajalage kada etayi ata. Yidda naha hamalaudi kalarri mono hama dakkadi rewa huppu kalabe madaka yidda.
|
||
\v 6 Yidda da baige hadau ka ha ngora lari tahha kulla, hadu ngodo ta aro lari ta sinagoge-sinagoge,
|
||
\v 7 maring pahina lari taha dau jabara, mono paha ngarada Rabi ata.
|
||
\p
|
||
\v 8 Ta nyiduwe, mi illa hangara kagagimi rabi oro dukka wuheyi Gurumi, mono mi tangami kaha angu wu nagimi.
|
||
\v 9 Ilam takki kawe langka iya hingkayi ba amamuni ta panu tana oro wu heyi Amamu, nadda Nyi ta surga.
|
||
\v 10 Ilam dangage mi bamu hangarani pa amaoro wuheyi Pa amami, nadai Kristus.
|
||
\v 11 Tabolo, kahada madakka ta jongami mi, nyi nadadi ata kaha inya ka dahomi.
|
||
\v 12 Iyayi kaha madehta wikina enga habawa dahoyi mono iyayi kahha li bawa wikkina nyi ena hamadehtani.
|
||
\p
|
||
\v 13 Lilokowela mi, ahli-ahli Taurat mono ata Farisi, ata dahha dete! Miyo toni mige binna Kalingora Surga ta aro ata oro mi dau aim tama moge monlo wale pahai madi yidda katamrana tama bada tamage.
|
||
\v 14 Lilokowela mi, ta ahli-ahli Taurat mono ta Farisi, ata dahha dete! Mi um lamra dage ummada lawai balu mono mera katau takka nage mi bamu rayige sembayang kamalau. Oroge inna, mi enga hibba mige rakkage karehi bikta.
|
||
\p
|
||
\v 15 Lilokowela mi, ta Ah; i-ahli Taurat mono ata Farisi, ata dahha dete! Mi um liptawe bannu mono tana yara bamu ngidiyi wu ata tama lari ta hatenamu. Mono, yapu gau dalini ba wuyi ana neraka, haduyo malaptage wali ta bara wikki daumi.
|
||
\p
|
||
\v 16 Li llokowela mi, ta paama kamoro, kalinada, ‘Iyayi ka haura tutu Ummanai Allah, hada inna lakma hige, Ta nyiduwe, iyayi kahaura tutu amah rara Umma Allah, nyi na katti dauni haurana inna.’
|
||
\v 17 Mi, ka banga mono kamoro! Gige karehi madaka, amaha rara waleka Ummanai Allah ka hatengudi amaha rara nada?
|
||
\v 18 Mono, ‘Iyayi kahaura tuba natara, haura inna wale lakma hige, Ta nyiduwe, iyayi ka haura tutu maraka ta panu natara inna, nyi na makatti ta haura dauna.’
|
||
\v 19 Ta mi ata moro! Gige ka reho madakka, maraka waleka natara kaha tenguyi maraka rada?
|
||
\v 20 Oroge inna, iyayi ka haura tutu natara, haura tutu natara mono tangadi kadana ta panuna.
|
||
\v 21 Mono, iyayi ka haura tutu umanai Allah, haura tutu umanai Allah mono oro Nyi kadana neda lari.
|
||
\v 22 Mono, iyayi ka haura tutu surga, haura tutu hadaunai Allah, mono tutu Nyi ka ngodo ta panuna.
|
||
\p
|
||
\v 23 Li lokowela mi, ta ahli-ahli Taurat mono ata Farisi, ata dahha dete! Mi um yiyo manutami weali ta ro madawa, adas magallo, mono jintan, tabolo um tau taipayi hada ka bikta wali li Ukku Pareha Taurat, ha linawe katijana, marada ate, mono hatena. Hada katauda danala ha rayi dahomi ohho ila tau taipayi haa wadeka.
|
||
\v 24 Mi pa ama kamoro, kanedena karagta mono kaballona unta!
|
||
\p
|
||
\v 25 Li lokowela mi, ta ahli-ahli Taurat mono ata Farisi, ata dahha dete! Oro, mi um hamurahage bali hadduge koma weha enu mono tabomu, tabolo tabara larige banuge karebo mono dadara.
|
||
\v 26 Mi, ata Farisi kamoro! Ha muraha toge tabara lari koba weha enumu mono tabbomu, nyiwe ta bali haduge dadiwe na murrahawe.
|
||
\p
|
||
\v 27 Li lokowela mi, ahli-ahli Taurat mono ata Farisi, ata dahha dete! Oro, mi mera nagimi rate ha hatauda ka kaka, ta bali hadduge ba etawe dahha dahingge, tabolo tabara lari banuge riyo ata kamate mono tangadi oto rayi.
|
||
\v 28 Tauda dummo nage miyo, ta bali haddu etami um tenami ta ole atami. Ta nyiduwe, tabara lari mi bannu gimi dahha dete mono japata.
|
||
\p
|
||
\v 29 Li lokowe la mi ahli-ahli Taurat mono ata Farisi, ata dahha dete! Oro, mi um hadedemi rateda nabi mono um ha dahhayi rateda ata tenguna,
|
||
\v 30 mono limige, ‘Nyi mi bamu morhami ta mahiggo weda waikama nami, nami enga walema ngalak mahiggo ole di yidda lari ta rada nabi.’
|
||
\v 31 Waige katauda dana, mi hadelage ta tau wiki daumu inna mi ba ana dagimi yidda kaha mateyi tangada nabi.
|
||
\v 32 Nyiwe, bannu nage ukkrada weda waikamu.
|
||
\v 33 Mi, kabokomi, ana huhun kaboko matipu, aga limimi bamu palohotawe taumu wali ta hoku neraka?
|
||
\v 34 Oro bataudage, um etawe, Nauwa ug halewayi nabi-nabi, ata maniwola paha ngada, mono ahli-ahli Taurat tabarami. Kapirana wali ta yidda enga hamate midi mono kadailodi, kapirana enga palu midi ta sina goge-sinagogemi, mono mi um hamayillayi taharona-taharona,
|
||
\v 35 dajalage tangada rada ata katena kama joku ta tana enga amige tabarami, wali ta ranai Habel, ata katena nada, kahha ta ranai Zakaria, anai Berekhya, paha matemi ta jonga Ummai Allah mono ta natarage.
|
||
\v 36 Tau takka nage nauwa luguge tabarami inna tangadi hada rada enga ammige ta dalara ata rade.”
|
||
\s Hokuge Tuba Yerusalem
|
||
\p
|
||
\v 37 ‘Oh Yerusalem, kaha mateyi tangada nabi mono ka tukkuyi watu yidda pahha lewa tabarana. Ug kalige Nauwa kabu atege kahhayi anamu tangada, katujawe bai manu ka kahhayi anana ta kabu kapana, tabolo mi wa; lem aumami.
|
||
\v 38 Etawege, ummamu tanage tubamu mono nadadi kahokawe.
|
||
\v 39 Oro, Nauwag takkiguge tabaramu inna wali batauge, mi walem hilu etak mawa Nauwa kahha ba limige miyo, ‘Ka nyuru kana Nyi kamai tangaranai Mori.’”
|
||
\c 24
|
||
\cl Kawukku 24
|
||
\s Khotbah Nai Yesus Tutu Hadukka Rahiummanai Allah Enga Pahatabohta Howe
|
||
\p
|
||
\v 1 Yesus na huna wali ta Umma nai Allah lohho kako kole ana hakodoNa ammidi ha tingonage paha kadde Umma nai Allah tabraNa.
|
||
\v 2 Mono, Nyi naka nukka tabarada yidda, “Walem tadak mawe mi etawe tangage kama hada inna? Nauwa luguge katau takkana tabarami wale wu hing mana watu taha dau inne patanna ta panu watu wadeka, ai ha tabohta.”
|
||
\s Kapuge Mayiila
|
||
\p
|
||
\v 3 Mono, kole Yesus ngodo ta pannu lete Zaitun, ana hakodo ammidi tabaraNa da dikki mehani lidage, “Takki mage tabarama nami, pirrage hada inna bana dadiwe mono agawe tadkage bamu mai Yau mono bana hadukkawe inna?”
|
||
\p
|
||
\v 4 Yesus baleha yidda, “Hamataragela daja lage illa dadalli ata kaha jalorami miyo.
|
||
\v 5 Oro, buta ata ka ammina weaige ngaraGu mono linage, ‘Nauwag nai Kristus,’ mono yidda dahha jalorayi ata buta.
|
||
\v 6 Miyo enga range mige hatauyo mono li tutu hatau. Hamataragela dajalage mi ilam madautami oro kama hada inna dadiwe, tabolo inna wale na hadukkak mahowela.
|
||
\v 7 Oro, Kalibo ata enga kadeda gabadi kalibo ata, mono raja enga gabani raja, mono ta diha padau na dadiwe kareba mono epu.
|
||
\v 8 Tangadi radda yabu kapu nage inne kama yilla ba ha ana.
|
||
\p
|
||
\v 9 Bege, yidda enga yida gimi mi ta kaha mayillami, mono enga hamate dagimi, mono mi enga buttu da gimi ate tangada kalibo ata oro ngaraGu.
|
||
\v 10 Ta mahiggo neda, butayi kawidda, mono enga payiyi wikda, mono habuttu ate wikna dihha-dihha.
|
||
\v 11 Buta nabi palleka kahudda mono kaha jalora ata buta.
|
||
\v 12 Oro, layiyi pa latta kiki buta nadi, manawara wadeka ata mayaggala nage.
|
||
\v 13 Ta nyiduwe, ata ka tahnala kahha taha dukkage enga paha mane marayi.
|
||
\v 14 Mono, Li ege ate Parehana inna enga talarage ta hagala panu tana ba wuwe hada padelaka tubada tangana ma ubla ata, mono bege ha dukkage ammige.
|
||
\s Mayilla Madakka Monoi Kristus Paleka
|
||
\p
|
||
\v 15 “Nyiwe, kole mi etayi bokala ma puddaha, tau ha takkinai nabi Daniel, dede taha dau langna, nyidawe tanga ka bahhawe kamu yappawe,
|
||
\v 16 nyiwe yidda kadana ta Yudea da malai dahho ta panu letena.
|
||
\v 17 Iyayi kadana ta toko umma, ilna hilu burruka bana ngala aga hingkana lari ta ummana.
|
||
\v 18 Iyayi ka dana ta oma, ilna hagga ka ngalayi kalabbena.
|
||
\v 19 Tabolo. Li lokowela yidda kaha tiyo mono yidda katamrana pahuhu anana ta laddo inna.
|
||
\v 20 Sembayangna la dajalage bamu malai ilna yanna dawe rah mayaggala waleka ta lado ngahu.
|
||
\v 21 Oro murrige enga dadige rahi mayilla madakka, katauna ai kali dadiho wali ulluge ta panu tana kahha batauge, mono walena hillu dadik mawe lage.
|
||
\v 22 Mono, nyi laddo inna ai ha dubhani, wale lakma morha aiha paha mane mara. Tabolo, oro yidda ha pede, laddo inna enga ha kadubhani.
|
||
\v 23 Bege, Nyi wu ata ba linage tabaramu, ‘Etayi, Kristus dani taha dau inne,’ waleka ‘Nyi dani neda bali,’ Ilam hatenayi tabarana.
|
||
\v 24 Oroi, kristus-kristus paleka mono nabi-nabi paleka enga huddadi mono enga dadidi tadka kamadakka mono mujizat-mujizat kaha jalora ba nyi dadi kage, lohho yidda ha pedebe.
|
||
\v 25 Hamata ragela, Nauwa ug takki beguge tabarami ulluge.
|
||
\v 26 Nyiwe, nyi yidda balidage tabarami, ‘Etawe, Nyi dani tama radda gilra, ‘ilam kakomi neda bali, waleka'Etayi, Nyi dani ta koro neda, ‘ilam hatenawe.
|
||
\v 27 Oro, tujjawe kamillaka ka wattara wali ta lado koka mono kawagara kahha ta lado mali, tauda dummoge maina Anana Kadadi ata enga dadige.
|
||
\v 28 Taha dau kadana karogo, nedala yodai kawurru gaka bada maubla.”
|
||
\s Maina Anana Kadadi Ata
|
||
\p
|
||
\v 29 “Gehha, ba bewe rahi mayilla inna, ‘Mata laddo enga dadi kapagtana, mono wulla enga walena hilu magaka hakmana, Maduyoenga monudi wali ta langta, mono kawaha ta langta enga gedodi.’ \rq Yesaya 13:10; 34:4 \rq*
|
||
\p
|
||
\v 30 Lohho, tadka Anana Kadadi ata enga hudadi ta langta mono kabihhu-kabihhu ta panu tana enga hoda. Yidda enga eta dani Anana Kadadi ata ammini wali ta karabba ta langta, waige kawaha mono manadana kama dakka.
|
||
\v 31 Mono, Nyi enga halewa nadi malaikat-malaikatNa waige li trompwet ka mawangta, mono yidda enga kahha dadi ana huhu ha pedeNa wali ta huppu tana, wali layi langta wuyo ta layna wadeka.
|
||
\p
|
||
\v 32 Batauge, hakola da kila hatujja wali ta puyo kapullota kole kahangana na dadi mawu mono rona kalungayi, mi um tadawe ba rahi ngangaha dahhe nage.
|
||
\v 33 Tauda dummo nage kole mi bamu etawe tangage hada inna, mi um tadawe ba manari daheka nage, ta bau binnawe.
|
||
\v 34 Tau takka nage, Nauwa luguge tabarami dalara ata radde walle layik mayi kahha bana dadiyi tangadi rade.
|
||
\v 35 Langta mono tana enga bungage, tabolo tangadi liGu walena bungak mayi.”
|
||
\s Rahi Maina Anana Kadadi Ata
|
||
\p
|
||
\v 36 “Ta nyiduwe, tutu laddo mono rahige, wale lak hing mana wu ata ka tadawe, malaikat ta surga dummo wale tadak mawe, Ha Ana dummo wale tadak mawe tabolo dukka dahenai Ama.
|
||
\v 37 Katauna kadadi tai Nuh, tauda dummoge maina Anana Kadadi ata enga dadige.
|
||
\v 38 Oro, katujjana ta lado aina dikki howe weyo kalla, yidda da yayo mono enu, ha ummana mono pahha ummayi, kahha ta ladonai Nuh tama lari ta tena.
|
||
\v 39 Mono, yidda wale da yapak mawe kahha we kalla inna ammige mono bana pudda hayi yidda tangada; tauda dummo gela ba ammini Anana Kadadi ata enga dadige.
|
||
\v 40 Bege, enga dadi duda ata ta oma; nada wuyo enga ngalayi mono nada wuyo enga tanani.
|
||
\v 41 Duda lawai enga hama niki nani watu ma nikki, nada wuyo enga ngala nani mono nada wuyo tannani.
|
||
\p
|
||
\v 42 Oroge inna, hamatara wikkimi oro miyo walem tadak mawe ta laddo giyo Morimi bana mai.
|
||
\v 43 Tabolo, kam tada wela nyi mori umma bana tadawe ba pirawe, bana gaddige, ata kedu bana mai, nyi enga ha inyakana mono wale na pahai mage ummana ba hegara nage.
|
||
\v 44 Oro batau nage inna, mi dummo ha inya howu oro Anana Kadadi ata ammini ta rahi aiha hawau mi.
|
||
\s Ata Paha Lewa Kama Mikku Mono Ata Paha Lewa Kajapata
|
||
\p
|
||
\v 45 “Lodoge, Iyayi ata paha lewa kamikku mono maniwola paha ngada, nada morina ha keketana ta ummana kapikku yinadi yidda ha yayo ta rahi ka tuba?
|
||
\v 46 Naka nyuru dahonala ata paha lewa nada, kole ba ammini morina, morina nada bana dikini nyi tamrana ullana tetakkana.
|
||
\v 47 Tau takka nage, Nauwa luguge tabaramu nada morina enga keketanani ata paha lewana nada ta tangadi haduna.
|
||
\v 48 Tabolo, nyi ata paha lewana nad japata nada linage ta atena, ‘Morigu na dikiwe maina,’
|
||
\v 49 lodoge nyi halege nage paluyi ata paha lewa wadeka, lohho yayo mo enu ole dangadi kalango oro enu;
|
||
\v 50 mori nada enga ammini ta laddo aiha wauna mono ta rahi aiha tadana,
|
||
\v 51 mono enga katebo nage katakkuna, mono ha ngodoyi nyi oledi ata kadahha dete. Taha dau neda, dage hoyo mono ha ngaktana nguddu.
|
||
\c 25
|
||
\cl Kawukku 25
|
||
\s Bau Winne Kabanga Mono Kama Niwola Paha Ngada
|
||
\p
|
||
\v 1 “Bewalge Kalingora Surga na tujja dawe kabulu bau winne kangidi lat wena mono kako tabo kayi kabani kaha ummana.
|
||
\v 2 Limma ta jongada yidda kabanga, mono limma wadeka maniwola paha ngadda.
|
||
\v 3 Kole kabanga rada ngidiyi latti weda, yidda wale da ha gannak mana we latti heka.
|
||
\v 4 Tabolo, kama niwola paha ngadana da ngidi we latti ta gori marraha paha inyakana yidda.
|
||
\v 5 Batauge, kole kabani kahha ummana dikki hodiwe ammini, yidda tangada dura ngodo dage mono dura.
|
||
\p
|
||
\v 6 Tabolo, tillu gaddi hewe dadi kawula, ‘Kabani kaha ummana ammini! Hunage kam tabokayi!’
|
||
\p
|
||
\v 7 Bege, tangada bau winne radda kadde dage mono hamap pahadi latti weda yidda.
|
||
\v 8 Mono, kabanga lidage tabarada kama niwola paha ngada, ‘Yiki gama hodi we latimi oro latti wema hodi moyi badda nadi.’
|
||
\p
|
||
\v 9 Ta nyiduwe, kama niwola paha ngadana bale hawe, ‘Walekma, walna tutuk mawe nami mono miyo. Rehi naha dahha dahoge, kakomge ta kama lajana we latti mono kam hiyo tangami.’
|
||
\p
|
||
\v 10 Tamrada yidda kako hiyo we latti, kabani kaha ummana nada ammini, mono yidda kahha iyaka, tama ole dangani nyi taha kulla ha ummana, mono binna toniyi.
|
||
\p
|
||
\v 11 Kole innage, ammi jaladi bau winne wadeka mono liadage, ‘Mori-mori! Bugerak gama binna dimma.’
|
||
\p
|
||
\v 12 Ta nyiduwe, nyi na bale hawe, ‘Tau takka nage, nauwa lugugimi tabrami, nauwa wale gu tadak mami.’
|
||
\p
|
||
\v 13 Nyi oro bataudage inna, pa inya kami la oro aim tada mowe ladoge waleka rahige.”
|
||
\s Hatujja Tutu Tauda Kahha Nukku Ha Ulla
|
||
\p
|
||
\v 14 “Oro, Kalingora Surga tuajwe wu ata ka kako ta bali bannu, kamai kadi ata paha lewana mono bana yiyi hadauna tabarada yidda.
|
||
\v 15 Tabarana wu ata, nyi na yini limma ammaha. Tabarana wu wali, duda ammaha tabarana wu walli, wuyo ammaha. Dihha-dihha dokuge kulahada. Bege, nyi kako nage.
|
||
\v 16 Ata kahibba limma ammaha nada wing kako nage, mono na bungayi limma ammaha wali.
|
||
\v 17 Tauda dummo nage ka hibba duda ammaha, nyi na bungayi duda ammaha wali.
|
||
\v 18 Ta nyiduwe, ata ka hibba wuyo ammaha nada kako nage kojani tana, mono kabunyini ammaha morina nada.
|
||
\p
|
||
\v 19 Moja hege innage, mori da rada ata paha lewa ammini mono kamai kadi yidda.
|
||
\v 20 Ata kahibba limma ammaha nada ammini ngidyi limma wali ammaha, linage, ‘mori, yau um yigadi ammaha limma tabaragu. Etayige, nauwa ug bunga beyi limma ammaha wali.’
|
||
\p
|
||
\v 21 Morina nada linage tabrana, ‘Dahha dahingge, ata halewagu ka dahha atena mono ka mikku. Yau um mikkuwu ta hada kamarrahaki, nauwa ug keke tawu yau kabutala kama hada, tamawula lari ta laga hara morimu.’
|
||
\p
|
||
\v 22 Mono, ata kahibba duda ammaha dummo ammini mono lonage, ‘Mori, yau um yigadi duda ammaha tabaragu. Etawege, nauwa ug bunga beyi duda ammaha wali.’
|
||
\p
|
||
\v 23 Morina na bale hawe, ‘Dahha da hingge, ata paha lewagu kadahha moono kamikku. Yau um mikkuwu ta hada kamarraha, nauwa ug keketawu yau kabuta hada, tamawuge lari ta lagahar morimu.’
|
||
\p
|
||
\v 24 Bege, ata ka hibba wu ammaha ammi jalani ta morina mono linage, ‘mori, nauwa ug tadawu ba ada kabokalawu, kamangatti taha dau ai dau habbaramu, mono bamu kahhawu ta hadau ai dau habaramu winni.
|
||
\v 25 Oroge inna, nauwa ug madautawa, mono ug kakowa kabunyini ammaha nada lari ta tana. Etayige, yau um dauni aiha daumu.’
|
||
\p
|
||
\v 26 Tabolo, morina bale hawe mono linage tabrana, ‘Yau ata paha lewa ka japata mono ma yau kahoki! Yau tadawe inna nauwa bagu mangattiwa taha dau ai habaragu mono bagu kahha wa taha dau ai habaragu winni.
|
||
\v 27 Oroge inna, doku dage yau um ijala dahoyi ama hagu ta dau ijala amaha mono kole bagu haggawa enga hiba guni amma hagu lohho bungana.
|
||
\p
|
||
\v 28 Ngalayi wuyo ammaha nada tabarana mono yinani tabarana nyi, kabuluna amma hana nada.
|
||
\v 29 Oro, tangana ata kamanguna enga yiwalidi, mono nyi enga majabolana. Ta nyiduwe, wali ta ata ai kamanguna, lohho dummo agayi hadauna nyi enga ngala nadi.
|
||
\v 30 Baitani ata paha lewa nade ai ka mangu gauna lari taka pagtana kahada kikka. Taha dau nedda dage hoyo mono hangaktana ngudu.”’
|
||
\s Yige Rakage Anana Kadadi Ata
|
||
\p
|
||
\v 31 “Kole Anana Kadadi ata ammini tama nadaNya, mono tangada malaikat bana oledi Nyi, lohho Nyi enga ngodona ta hadau manadaNa.
|
||
\v 32 Tangadi ata enga makahada ta aroNa, mono Nyi enga ha watte nadi yidda wali ta oleda, katujjana kajawayi kaha wattedi bebbe wali taka meme.
|
||
\v 33 Mono, Nyi enga na tauyi bebbe ta bara limma wanaNa, mono kameme ta limma kali.
|
||
\p
|
||
\v 34 Bege Raja enga lidage tabarada yidda tabbarra kawanaNa, ‘Maimge, mi paha nyurruna AmaGu, dau gege Kalingora parehana paha inyaka tutumi wali kawungage panu tana.
|
||
\v 35 Oro kole Nauwa kalabawa, mi yiga Nauwa hayayo. Nauwa ug mariwa mono yau um yiga ha enu. Nauwa, ba ata li palakawa, mono yau um kamai kaga Nauwa tama.
|
||
\v 36 Nauwa bagu kaloluwa mono yau um tauga kalabbe. Nauwa kalawarawa mono mi um elowa Nauwa. Nauwa ba ta galluwa mono yau um mai dikkiGa.
|
||
\p
|
||
\v 37 Lohho, ata katena rada da balehayi Nyi, ‘Mori, pirra nami bama etawu Yau kalabba mono yigu Yau hayayo, waleka mariyo mono bama yigu Yau ha wenu?
|
||
\v 38 Pirra nami bama etawu Yau ba ata li pala kaWu mono bama kamai kagu Yau tama, waleka kalolu mono bama taugu Yau kalabbe?
|
||
\v 39 Pirra nami etawu Yau kalawara waleka bata galluwu mono mai tabaraMu?’
|
||
\p
|
||
\v 40 Raja nada na balehawe, ‘Nauwa tau guge katau takkana tabaramu, tau miyo bamu rayige tabarada wu wali ta ole baiGu kahadda marraha nade, miyo rayikmige tabraGu.
|
||
\p
|
||
\v 41 Bege, Nyi linna jalage tabarada yidda tabara kaliNa, ‘Yelana wali tabaraGu, miyo ha haurabe, lari ta latti aika badda paha iyabe tutunai Kabalka mono malaikatna.
|
||
\v 42 Oro, Nauwa kalabawa mono mi walem yikmaGa hayayo. Nauwa bagu mariwa mono Nauwa walem yik maga Nauwa weha enu.
|
||
\v 43 Nauwa ata li palakawa mono yau walem kamaikak maga Nauwa tama; kalolu mono mi walem tauk maga kalabbe Nauwa; kalawara mono ta gallu, mono mi walem elok mawa Nauwa.
|
||
\p
|
||
\v 44 Bege, yidda dummo da bale hawe, ‘Mori, pirrawe nami bama etawu Yau kalabba waleka mariyo, waleka wu a ata li palaka, waleka kalawara, waleka kalolu, waleka tagallu, mono aima hanukkuwu Yau?’
|
||
\p
|
||
\v 45 Bewalge, Nyi na belehayi yidda, “Nauwa ug takki gimige katau takkana tabarami, katauna miyo bamu rayige ta wu wali ta yidda kahadda marraha nade, mi walem rayig mage tabaraGu.
|
||
\p
|
||
\v 46 Mono, yida radde enga kakoda lari ta dau hokuyi aika dukka, tabolo ata katena lari ta morha ai kadukkana.”
|
||
\c 26
|
||
\cl Kawukku 26
|
||
\s Ha Inyakawe Tutu Hamateyi Yesus
|
||
\p
|
||
\v 1 Kolei Yesus kole bana bewe hatakkiwe tangage haneweNa inna, Nyi linage tabara ana hakodoNa.
|
||
\v 2 “Mi um tadawe duda laddo moge lado madakka Paskah diki dage, mono Anana Kadadi ata enga yidani ba kadailoni.”
|
||
\p
|
||
\v 3 Bewalge, tangada rato kapala mono tua-tua kabihhu ata rada kahhayi tangada ta Hadau Rato Madakka, ka ngaranai Kayafas.
|
||
\v 4 Mono, yidda da woroge ka yappayi Yesus waige ma tipuda mono hamateyi Nyi.
|
||
\v 5 Ta nyiduwe yidda lidage, “Illa dakage kawih haka batamrage kakoge lado madakka dajalage illa dage kawihhaka ta jonga ata buta.”
|
||
\s Yesus Da Lewuyi Lawai
|
||
\p
|
||
\v 6 Batauge, kolei Yesus ba dani ta Betania, ta ummanai Simon katobi,
|
||
\v 7 wu lawai ammini tabaraNa wu gori kadehi kamarraha ngihina we bau mumra hada bikta hina, mono lawai nada na burru nage ta ka takku nai Yesus kole Nyi ba tamrana yayo.
|
||
\v 8 Kole anaha kodoNa etawe, yidda da bani mon lidage, “Ahha ma wala waige inna?
|
||
\v 9 Oro, we bau mumra inna dadiwe ba malajage oro hige bikta lawe mono kayiki dage tabarada ata milla.”
|
||
\p
|
||
\v 10 Tabolo, Yesus, na tadawe hadada inna, linage tabarada yidda, “Ahha mamu hama yillayi lawai nadde? Oro, nyi rayi nage wu harayi kadahha tabaraGu.
|
||
\v 11 Oro, mi dau midi ata milla ka olegimi, tabolo mi walem ole hangattak maga Nauwa.
|
||
\v 12 Kole lawai nada bana buru gage we bau mumra inna ta tauGu, nyi na rayige tutu ha iyaka ba taniga Nauwa.
|
||
\v 13 Nauwa luguge katau takkana tabarami ba langka gika li ege ate inne ba talarage ta hagala panu tana, agawe harayi bena nadde lawai enga dulka dummo dage kawuwe li hanamu tubana nyi.”
|
||
\s Ha Iyaka Tutu Kobo Ateni
|
||
\p
|
||
\v 14 Bewalge, wuyo wali kabulu dudana ana hakodoNa, ka ngaranai Yudas Iskariot, kako ta rato-rato kapala,
|
||
\v 15 mono linage, “Mi enga agana ha yimuga bago yikagimini Nyi tabarami?” Mono, yidda da pohtawe tallu kabulu arpiyo amaha kaka tutuna.
|
||
\v 16 Mono, wale neda, nyi na mayegage mahiggo kadahha ki bana yiyi Yesus.
|
||
\s Ha Inyaka Tutu Paskah
|
||
\p
|
||
\v 17 Batauge, ta laddo ka wungana Kababa kabba, ana hakodo amamidi tabaranai Yesus mono naka nukka, “Giyo hadau kabu atemu hadau ha inya kamage khakulla Paskah tubaMu?”
|
||
\p
|
||
\v 18 Yesus na balehawe, “Tamami taha rona, tabarana wu ata, mono taknage tabaraNa, ‘Guru linage, “Rahigge na dahhe kawe. Nauwa ug raya ramege Paskah ta ummamu oledi anaha kodoG.”
|
||
\v 19 Anaha kodo da rayige katauna Yesus paha nauna ta barada yidda, mono paha inyaka Paskah inna.
|
||
\p
|
||
\v 20 Batauge, kole manari gak nage, Yesus ngodo yayo ole dangadi kabulu duda ana hakodo.
|
||
\v 21 Mono, yidda tamrada yayo Nyi linage, “Nauwa ug takkiwe katau takkana tabrami inna wu wali ta jongami dani kama lajaga Nauwa.”
|
||
\v 22 Yidda nama ropoyi ateda mono dihha-dihha kapudage hanewe tabaraNa, “wale nauwag na Mori?”
|
||
\p
|
||
\v 23 Mono, “Nyi, ka yaklani limmana lari ta koba weha enu olega Nauwa, yikna kama lajaga Nauwa.
|
||
\v 24 Anana Kadadi ata enga kakoNa tujjawe kama tolha tutuna Nyi. Tabolo, li lokowela halina ata nada, orona nyi Anana Kadadi ata ba malajani! Atna rehi dahha hoge ata nada nyi aina dadi memahe.”
|
||
\p
|
||
\v 25 Bege Yudas, kama lajanai Yesus, linage tabaraNa “Walle nauwagna, Rabi?” Yesus linage tabarana, “Yau um takki wikki dauwe.”
|
||
\s Liha Namu Tutu Tauna Mono Ranai Kristus
|
||
\p
|
||
\v 26 Kole yidda tamrada yayo, Yesus na ngalayi kababa. Mono, kole bana hamaringiyi, Yesus na hibiyi mono na yiyi ta anaha kodo lohho linage, “Ngala yila mono yagela, inne tau Guge.”
|
||
\p
|
||
\v 27 Bewalge, Nyi na ngalayi koba weha enu, na takki lima waina, mono na yidi tabarada yidda linage Nyi, “Tangama, enumla wali tabarna.
|
||
\v 28 Oro, inne raguGe, ra hajaji, kama joku tutu ata buta ka pawalidi jalana.
|
||
\v 29 Nauwa luguge tabaramu inna Nauwa walegu hilu enu magela wu puyo anggur nadde, wali batauge kahha laddo nimmi, kole Nauwa bagu enu anggur ka beru bagu ole gimi ta Kalingora AmaGu.”
|
||
\p
|
||
\v 30 Kole manyanyini wu manyanyi, yidda kako dage ta lete Zaitunna.
|
||
\s Petrus Na Kabaluni Yesus
|
||
\p
|
||
\v 31 Bege Yesus linage tabarada ana hakodoNa, “Mi tangamienga widdami gaddi nehhe orogu Nauwa. Oro dage kama tolha, ‘Nauwag ug paluyi kajawa bebbe, mono bebbe rada hai-hai da wali ta oleda.’ \rq Zakaria 13:7 \rq*
|
||
\v 32 Ta nyiduwe, kole Nauwa kaddewa, Nauwa enga ulugimi mi ta Galilea.”
|
||
\p
|
||
\v 33 Petrus linage, “lokko tangada bada widdakna oroMu, nauwa enga walegu widak mawa.”
|
||
\p
|
||
\v 34 Linagei Yesus tabarana, “Nauwa luguge katau takkana tabarami tagadi inne mema, manu aina kuku hoyi, yau um kabaluga Nauwa hadallu wudana.”
|
||
\p
|
||
\v 35 Petrus linage tabaraNa, “Lokko nauwa bagu mate dangaGu, nauwa walegu kaballuk magu Yau!” Tangada ana hakodo wadeka lida kahha jalage.
|
||
\s Yesus Na Sembayangna Ta Getsemani
|
||
\p
|
||
\v 36 Bege Yesus dikki oledi ana hakodoNa tahha dau ka ngarana Getsemani mono Nyi linage ta ana hakodoNa, “Ngodomila inne, tamaragu Nauwa banedaga bali bagu sembayangna.”
|
||
\v 37 Mono, Nyi nangidiyi Petrus mono kadudana anai Zebedeus oleni Nyi, mono Nyi kapu nage maropowe atena.
|
||
\v 38 Bege, Nyi linage tabarada yidda, “AteGu marabeha hinguwe, bagu padage mera nage mate. Engamila inne mono engamila ha inyaka bamu olega Nauwa.”
|
||
\p
|
||
\v 39 Mono, Nyi na marau hodi, lohho na kawojo mataNa jojawe tana mono sembayang, linage Nyi, “AmaGu, palele gani koba wepa enu nade wali tabaraGu. Ta nyiduwe, illa hakabu ate dagu kadadi, tabolo hakabu ateMu.”
|
||
\v 40 Bewalge, Nyi na hagga ta ana hakodoNa mono na dikkidi yidda tamrada dura. Nyiwe, Nyi linage tabrai Petrus, “Nyi mi walem tah hing mage pa inyajka ole dangaga Nauwa ka dihha Jam kina?
|
||
\v 41 Inyamge mono sembayangnala dajalage mi ilam monumi lari ta kama kaba. Waddi naha doku tabolo kanada na lojawe.”
|
||
\p
|
||
\v 42 Yesus kakol nage hadu waina mono sembayan gna, linaGe, “AmaGu, nyi nade koba weha enu aina lelega dukka dahege Nauwa bagu enuni, hakabu ateMu kana dadi kawe.”
|
||
\p
|
||
\v 43 Hadakka pinage, Nyi ammini dikidi yidda dura oro matada bikta hinguyi.
|
||
\v 44 Nyiwe, Nyi na tanadi yidda, mono Nyi kakol nage, lohho na sembayangna hadallu wuda waina, na takkiyi hannewe kaha tujja.
|
||
\p
|
||
\v 45 Begge Yesus hagga nage ta ana ha kodoNa mono linage, “Duramige batauge mono ngahumila. Etawege, rahige kiki dahe kanage mono Anana Kadadi Ata ba yiyi ta limada ata kajala.
|
||
\v 46 Kademge, maida yitta kada kako. Etaige, ata ka yiwa Nauwa na dahekabe.”
|
||
\s Yapayi Yesus
|
||
\p
|
||
\v 47 Batamranai Yesus bana hanewe, Yudas, wu wali ta kabulu dudana ana hakodo nada ammini. Ka oleni nyi, butala ata kawaina katopo mono palu todo, wali rato-rato kapala mono bai ata kabihu ata rada.
|
||
\v 48 Batauge, nyi ka yiyi Yesus na yidi tadka yidda, linage, “Iya dahingkayi nauwa ha ngak hagu Nyiknala, yappayi Nyi.”
|
||
\v 49 Yudas geha nage daheka tabarai Yesus mono linage, “Maringina Rabi!” Monoi, Yudas ngakhanani Nyi.
|
||
\p
|
||
\v 50 Yesus linage tabarana, “ole, rayigege hakabu atemu bamu mai.” Bege ata buta rada dahe kadage, narroni Yesus, mono yappayi Nyi.
|
||
\v 51 Mono, etawe, wu ata wali ta yidda olenai Yesus naha joladi limmana, na lahhuwe katopona, na kadukani ata paha lewana rato madakka nada, mono lakatani katilluna.
|
||
\p
|
||
\v 52 Begge, Yesus linage tabarana, “Hope haggawe katopomu, oro tangana ata ka waina katopo enga lilokona oro katopo.
|
||
\v 53 Waleka, yau bamu hangadage nauwa walena dadik mawe bagu karaiwa wali ta amaGu, mono Nyi, batauge dummoge rehi wali kabulu duda ditra malaikat bada tulga Nauwa?
|
||
\v 54 Tabolo, aga lian dawe Jurata Bihha enga pannu howe katakkiwe inna bana dadi howe?
|
||
\p
|
||
\v 55 Ta mahiggo neda Yesus linage tabarada ata buta, “Appa natujawe gabana parampok mi mamu ngidmi katopo mono palu todo bamu yapawa Nauwa? Diha lado-dihha lado, Nauwa ug ngodowa ta Umma Allah mono mi walem yapak mawa Nauwa.
|
||
\v 56 Ta nyiduwe, tangage inna na dadiwe kana banuge hatakki ta jurata nabi.” Bewalge, tangada ana hakodo tanani Nyi mono malai dage.
|
||
\s Tangada Pa Ama Yahudi Da Hokuni Yesus
|
||
\p
|
||
\v 57 Yidda ka yappayi Yesus da ngidiyi Nyi tai Kayafas, ka Rato Madakkana, hadauda ahli-ahli Taurat mono tangada bai ata da makahha.
|
||
\v 58 Lohho, Petrus dokuni Yesus wali kamarau kahha ta aro ummana Rato Madakka. Mono, Petrus tama, ngodo ole dangadi tangada ka irruyi kapiku etawe dukkage.
|
||
\p
|
||
\v 59 Batauge, tangada rato kapala mono tangada Samhedrin mayegana hanewe paleka tabarai Yesus dajalage kana dadiwe ba hoku mateni Nyi.
|
||
\v 60 Ta nyiduwe, yidda wale dadik mawe taboka loko buta duyi kabaige hanewe paleka ka maiyo. Bege, dadi duda ata ka hudda,
|
||
\v 61 mono lidage, “Ata nade linage, ‘Nauwa dadiwe bagu ha bohtage Ummanai Allah mono hakadde haggawe katauda laddona.”’
|
||
\p
|
||
\v 62 Bewalge, Rato Madakka na dede mono linage tabarai Yesus, “Appa wale lakma balehamu Yau? Agawe rade ata pa takkida tabaraMu?”
|
||
\v 63 Tabolo, Yesus enga kadanna. Mono, Rato Madakka nada linage tabarai Yesus, “Nauwa ug hauragu Yau waige ngarai Allah ka morha inna yau kamu takkiwe tabarama nami, appa Yau Mesiasuwu, Anai Allah?”
|
||
\p
|
||
\v 64 Yesus linage tabarana Nyi, “Yau um takki daubewe. Ta nyiduwe, Nauwa luguge tabaramu wali inna batauge mi enga etamini anana Kadadi Ata ngodo tabara limma kawanana Ka hada bikta parehana, mono ammini ta panu karabba ta langta.”
|
||
\p
|
||
\v 65 Bewalge, Rato Madakka hirrawe kalabbena mono linage, “Nyi naha palle bewe! Agak hoyi hama yega dangada saksi? Etawe, mi um range dau bewe hanewe pallekana Nyi.
|
||
\v 66 Aga linawe paha ngadmu?” Tangada pa ama Yahudi rada da balehawe, “Nyi na marakawe ba hoku mateni.”
|
||
\p
|
||
\v 67 Begge, yidda da tarum nage mataNa mono da jurrayi Nyi. Mono, wadeka da kapokayi Nyi.
|
||
\v 68 Yidda lidage, “Hurru balewuge tabarama nami, ta Mesias; iyayi ka paluwu Yau?”
|
||
\s Petrus Na Kaballuni Yesus
|
||
\p
|
||
\v 69 Batauge, Petrus ngodo ta bali haddu aro umma mono wu lawai amini tabarana linage, “Yau jala ole muni Yesus, ata Galilea nada.”
|
||
\v 70 Tabolo, Petrus naka balluni ta aro matada yidda tangada, linage, “Nauwa walegu tadak mayi iyayi ha takkimu.”
|
||
\p
|
||
\v 71 Kolei Petrus huna ta binna kalla, dani lawai wadeka etayi nyi mono linage tabrada ata kadana taha dau neda, “Ata nadde ole nani Yesus wali ta Nazaret.”
|
||
\p
|
||
\v 72 Mono, hadakka piwalnage Petrus kaballuni bana haura, “Nauwa waleg tadak mayi ata nada.”
|
||
\v 73 Walena mojage, ata kadede taha dau neda dahekayi Petrus mono linage, “Yau jala dummu wu wali ta jongada yidda oro hada hanewemu na hirawe.”
|
||
\p
|
||
\v 74 Bege, Petrus halege nage katukku mono haura linage, “Nauwa waleg tadak mayi ata nada.” Mono, kadadaka ngidiwe, manu kuku nadi.
|
||
\v 75 Mono, Petrus apewe hataknai Yesus. ‘Aina kuku hoyi manu, yau bada hadallu wudamu kaballuga Nauwa.”
|
||
\c 27
|
||
\cl Kawukku 27
|
||
\s Yesus Ta Arona Gubernur Pilatus
|
||
\p
|
||
\v 1 Batauge, kole kokokawe, tanngada rato kapala mono bai ata kabihhu ata rada ngalawe pohtada tutu nai Yesus kapiku hoku mateni Nyi.
|
||
\v 2 Mono, yidda da kattini Yesus, lohho dangidiyi mono yiyi Nyi tabaranai Gubernur Pilatus.
|
||
\s Yudas Hamate Wikki Nage
|
||
\p
|
||
\v 3 Kolei Yudas, kama lajani Yesus, etawe Yesus ba hokuni, nyi pah haweatena mono na pahaggadi tallu kabullu amaha kaka tabarada Rato-rato kapala mono tangada bai ata,
|
||
\v 4 linage, “Nauwa ug rayige jala oro bagu yiwe rayo aika jala.” Ta nyiduwe, yidda lidage, “Lakma pa orhama nami? Inna ha orhamuge!”
|
||
\p
|
||
\v 5 Mono, Yudas na baitadi amaha rada lari ta Umma allah mono na tanadi. Lohho, nyi na kako mono dairo wikina.
|
||
\p
|
||
\v 6 Ta nyiduwe, rato-rato kapala da ngalayi amaha rada mono lidage, “Walena dahha hak maw ba ijalayi lari hadau amaha oro rade hiyo rayi.”
|
||
\v 7 Nyiwe, yidda da ngalawe pohta mono waidi amaha rada, yidda da hiyo tana pepe yarro hadau rate ata li pallaka.
|
||
\v 8 Nyiwe oroge, tanah inna ha ngarage ‘Tanah rayo’ kahha lado nehhe.
|
||
\v 9 Waige bataudage, bannu nage agawe hatakna Nabi Yermia: “Bewalge, yidda da ngalayi tallu kabullu amaha kaka. Yiwe hige tauna Nyi pa yappada ata Israel.
|
||
\v 10 Yidda da waidi tallu kabullu amaha kaka bad hiw tana pepe yarro, katauna pahareha benai Mori tabaragu.”
|
||
\s Yesus Mono Gubernur Pilatus
|
||
\p
|
||
\v 11 Batauge, Yesus na dede ta arona Gubernur mono Gubernur nakanuka tabaraNa, “Apa Yaukna Raja ata Yahudi?” bale hawe Yesus, “Ngo, katauna hatakki daumu.”
|
||
\p
|
||
\v 12 Ta nyiduwe, kole Nyi bada tutrayi rato-rato kapala mono tangada bai ata, Nyi walena bale hakma hodi ak.
|
||
\p
|
||
\v 13 Begge, Pilatus linage tabrana Nyi, “Apa Yau walem rangek mawe ba hadda butayi yidda pa hawau dagu Yau?”
|
||
\p
|
||
\v 14 Tabolo, Yesus walena bale hakmayi Pilatus, lohho dummo tutu wuyo ha wau dani dajalge Gubernur nada naha ngatara.
|
||
\s Pilatus Wale Na Dadik Mawe Pahilpani Yesus
|
||
\p
|
||
\v 15 Batauge, nahiyi laddo madakka, Gubernur na dadiwe pahudi tubada ata buta, wu ata ta gallu ha kabu ateda yidda.
|
||
\v 16 Ta mahiggo neda, yidda dani ata hatama ta gallu kaha ngarana, ka ngaranai Barabas.
|
||
\v 17 Nyiwe, kole ata buta makahha, Pilatus nakanukayi yidda, “Iyayi ha baimu papahalagu, Barabas walekai Yesus, pahha ngarai Kristus?”
|
||
\v 18 Oro, Pilatus tadawe oro kawida, yida mada ngidiyi Yesus tabarana.
|
||
\p
|
||
\v 19 Kole Pilatus ngodo ta kursi dau matijana, ole ummana naha nau tabarana, “Ilam rayi kage aga ka hingna tabara ata katena nada. Oro, nauwa buta bewe bagu mayillawa tanga ngara hada laddo nehe ta naga nippi orona Nyi.”
|
||
\p
|
||
\v 20 Ta nyiduwe, rato-rato kapala mono bai ata da rayidi pahatena dangada ata buta kapikku karayi dani Barabas mono hamateyi Yesus.
|
||
\p
|
||
\v 21 Gubernur naka nukka tabarada yidda, “Gidi walikadudana ata ha labu atemi pa pahalagu tubami? Mono, yidda lidage, “Barabas!”
|
||
\p
|
||
\v 22 Pilatus linage tabarada yidda, “Batau dage, aga dahona harayi guni Yesus, pa hangarai Kristus?” Yidda tangada liadge, “Kadiloni Nyi!”
|
||
\p
|
||
\v 23 Mono, Pilatus naka nukayi, “Ahha? Nyi japata agawe haryina?” Ta nyiduwe, kiki wangta dage kawula wali, “Kadailoni Nyi!”
|
||
\p
|
||
\v 24 Kolei Pilatus etawe ba aina mukkage pohtawe, tabolo kawihha dawe kadadi, nyi ngala nage weyo baha yi limmana ta aro ata buta rada mono lidage, “Nauwa walegu jalak mawa rana nadde ata. Inna ha orha dau mige!”
|
||
\p
|
||
\v 25 Mono, tangada ata rada, “Rana Nyi dage tabarama nami mono anama nami!”
|
||
\p
|
||
\v 26 Begge, Pilatus pahallayi Barabas tubada yidda mono paluyi Yesus, Pilatus na pahalayi Nyi kapiku kadailoni.
|
||
\s Tentara Pilatus Tere Kayi Yesus
|
||
\p
|
||
\v 27 Bewalge, tangada tentara gubernur ngidiyi Yesus ta tahha dauna gubernur mono kahhayi tangada tentara Romawi kilorani Nyi.
|
||
\v 28 Yidda da lai dadi kalabenai Yesus mono da tauni kalbbe madakka malli melo tabaraNa.
|
||
\v 29 Mono, kole bada mayanana wu kataupa tara warri tangada, yidda da taunage ta katakkunai Yesus, gayu kadogi ta limma wanana Nyi, mono kawojo ta aroNa, mono ter kayi Nyi, lidage yidda, “Maringna, Raja ata Yahudi!”
|
||
\p
|
||
\v 30 Yidda da tarummiyi Nyi, da ngalayi kadogi nadda, lohho palu nani ta katakku Na.
|
||
\v 31 Kole yidda tere kayi Nyi, yidda da lainage kalabe madakka malli melona wali tai Yesus, mono da tau hagga nadi kalabbe dauna Nyi, monno da Ngidiyi Nyi kako ba kadiloni Nyi.
|
||
\s Yesus Kadailoni
|
||
\p
|
||
\v 32 Kole tangada tentara rada huna, yidda da tabo kayi wu kabani wali ta Kirene ka ngaranai simon. Yidda da karuhhuyi Simon kada ditayi kadailonai Yesus.
|
||
\v 33 Mono, kole yidda dikki ta wuha dau ka ngarana Golgota, ngara wadekage “Hadau Katakku,”
|
||
\v 34 yidda da yini Nyi anggur bana enu paha kahha wai kapddu, mono kole bada hajola nage Nyi walena auma enuge.
|
||
\v 35 Kole yidda kadailoni Yesus, yidda daha bawe nadi kalabbeNa ta jongada yidda waidi mowala.
|
||
\v 36 Begge, yidda ngode dage mono torroyi wali neda.
|
||
\v 37 Mono, ta panu katakkuNa, yidda da tauni hatolha tabaraNa, “Nadde Yesus, Raja Ata Yahudi.”
|
||
\v 38 Ta mahiggo neda, dadi duda ata japata pahha dailo ole dangani Yesus. Wuyo tabara kawanana mono wu wali tabara kalina.
|
||
\v 39 Mono, ata kapalaka da tere kayi Nyi hagapege kikkage katakkuda,
|
||
\v 40 mono lidage, “Yau kaha tabohtage umanai Allah mono hakadde hagawe katuda laddona, pahoilage tau dauMu! Nyi Yau Ana Allahwu, burru holawu wali taka dailo nada!”
|
||
\p
|
||
\v 41 Tauda dummo nage rato-rato kapala, oledi ahli-ahli Taurat, mono bai ata terekayi Yesus, lidage yidda,
|
||
\v 42 “Nyi pahoilayi ata wadeka, tabolo Nyi wale na dadik mawe pahoilage tau dauNa. Nyi Nyiyo ba Raja Israel, pahai holani Nyi kana burru wali taka dailo inna batauge mono yitta kada hatenayi tabaraNa.
|
||
\v 43 Nyi naha tena tabaranai Allah, nyi pahai kani Allah pahoilayi Nyi batauge, nyi Allah bana kabu ateni Nyi. Oro Nyi wiki dau linage, ‘Nauwa anai Allah.”’
|
||
\v 44 Rada ata japata pahha dailo ole dangani Nyi na tereka jalayi.
|
||
\s Matenai Yesus
|
||
\p
|
||
\v 45 Batauge, wali jam anni, kapagtage ktangage hadau inna, kahha ja bani dihha.
|
||
\v 46 Ba katutu kawe, ta jam kabani dihha, Yesus na kawula waige liNa kama wangta, linaGe, “Eli, eli, lama sabakhtani?” ka ngihi dana, “AllahGu, AllahGu, ahha Yau mamu tanaga Nauwa?”
|
||
\p
|
||
\v 47 Mono, kapirana wali ta yidda kadede neda bali, kole yidda bada rangewe inna, yidda liadage, “Ata nadde kamaika nani Elia.”
|
||
\p
|
||
\v 48 Hayaddawe, wu wali tajongada yidda malai, mono ngalayi lumta watu, ha maglage waige anggur mayege, mono katige ta wu kaito, mono yiwe tabaranai Yesus kana enuge.
|
||
\v 49 Ta nyiduwe, wadeka lidage, “Maida kada etayi, appai Elia enga ammini bana pahoilayi Nyi.”
|
||
\p
|
||
\v 50 Mono, Yesus na kawulla hadaka piwali waige lina kama wangta mono na yiwe NgahuNa.
|
||
\p
|
||
\v 51 Mono, etawe, kaba lari ta umma Allah majiraka dadi dudawe wali dete kahha bawa, mono panu tana gedowe, mono watu wakkayi.
|
||
\v 52 Tangadi rate ma bugerayi, mono butayi tau ata langna ka matebe kadde hagga.
|
||
\v 53 Mono, kole bada huna wali ta rateda, ba beyo kadde haggai yesus, yidda tama ta harona langna mono da hatingo wikina ta ata buta.
|
||
\p
|
||
\v 54 Batauge, kapala tentara, mono yidda kaoleni hamatarani Yesus, kole bada etawe yidda epu mono tangage ka dadi inna, da madauta mono liadage, “Tenawe, Nyi Ananani Allah!”
|
||
\p
|
||
\v 55 Neda bali, butayi lawai katorro marauyi, kadokuni Yesus wali ta Galilea bada hanukkuyi Nyi.
|
||
\v 56 Ta jongada yidda dani Maria Magdalena, Maria inyai Yakobus monoi yusuf, lohho inyada wali ananai Zebedeus.
|
||
\s Yesus Tanini
|
||
\p
|
||
\v 57 Kole mata laddo manari gaknage, ammini wu ata pote wali ta Arimatea ka ngaranai Yusuf, nyi dummo na dadi ana hakodo beni Yesus.
|
||
\v 58 Nyi na kako tai Pilatus karayiwe karaogonai Yesus. Lohho, Pilatus nahalewayi kana haburruge karogonai Yesus mo yiwe tabaranai Yusuf.
|
||
\v 59 Mono, Yusuf na ngalawe karogonai Yesus, mono kaboroNi Nyi waini kaba talujjana kamurraha,
|
||
\v 60 mono naha baikani Nyi tarate kaberu, rate dauna, pa koja bena ta lete watuna. Lohho, Yusuf na koglani wu watu madakka ta binna rate nada mono kako.
|
||
\v 61 Mono, neda bali, dadi Maria Magdalena mono Maria wadeka ka ngodo ta aro rate inna.
|
||
\s Ratenai Yesus Da Jawawe
|
||
\p
|
||
\v 62 Damma hege tana, ta laddo ha inyaka ngahu, rato-rato kapala mono ata Farisi da kahhayi ta aronai Pilatus.
|
||
\v 63 Yidda lidda ge, “Mori, nami ma apewe kole ka palekka nadda badda morhaho, Nyi linna mema, ‘Kole tauda laddoge, Nauwa enga kadde haggaGu.
|
||
\v 64 Oro inna, parehayi kadda jawayi rate kahha tauda laddo, ba ragga ammi kadi ana hakodoNa bad kedu kani karogoNa, mono lidage ta ata buta, ‘Nyi na kaddebe wali at ata mate.’ Mono, matipu kamurri inna enga na rehi ai tidda hoge wali ka ullu.”
|
||
\p
|
||
\v 65 Pilatus linage tabrada yidda, “Yau dadi kajaga. Kakowu, jawayi tauna hatada bemu.”
|
||
\v 66 Lohho, ydda da kako mono da jawayi rate nada oledi kalibbo jaga, lohho da kuhiyi toni watu nada.
|
||
\c 28
|
||
\cl Kawukku 28
|
||
\s Kaddae Hagganai Yesus
|
||
\p
|
||
\v 1 Batauge, kole laddo ngahuyi, ba manari huddana laddo, ta laddo ka dihhana minngu neda, Maria Magdalena mono Maria wadeka kako ta ratenai Yesus.
|
||
\p
|
||
\v 2 Mono, nadadi epu kalla oro malaikatnai Mori burru wali ta surga, ammini mai koglani watu nadda, bege ngodo ta panuna.
|
||
\v 3 Hadana na tujjayi kamillaka mono kalabbena kakayi tujjai salju.
|
||
\v 4 Oro madauta tabarana yidda kajawawe rate gedo mono mera nadi ata kamate.
|
||
\p
|
||
\v 5 Mono, malaikat nadda linage ta lawai radda, “Ilam madautami oro nauwa ug tadawe inna mi ba mayega mini Yesus paha kadailobe.
|
||
\v 6 Nyi wale lakmani tah dau inne oro Nyi na kaddebe tauna ha takki bena Nyi. Mai, torrowe Nyi hadau habai kayi.
|
||
\v 7 Gehami kako mono takki dage ana hakodoNa inna Nyi bana Kaddebe wali ta jonga ata kamate, mono etayi, Nyi ullu gimi miyo ta Galilea. Neda bali, mi enga eta mini Nyi. Ape kiwela nauwa ug takki begimige tabrami.”
|
||
\p
|
||
\v 8 Mono, yidda geha dage ija kage rate inna ta tillu madauta mono lagahara ai ka anana; Mono malai lo takkiwe inna ta ana hakodoNa.
|
||
\v 9 Mono, etayi, Yesus na tabo kayi yidda mono lidage, “Maringna!” Lohho, yidda ammidi tabarai Yesus, narro nadi leduNa, mono kawojoni Nyi.
|
||
\v 10 Bege, Yesus linage tabarada yidda, Ilam madautami; Kako mono takki dage ole baiGu kada kako ta Galilea, mono neda bali, yidda enga eta daga Nauwa.”
|
||
\s Kajawai Rate Dabayaradi Kada Kawohoka
|
||
\p
|
||
\v 11 Tamrada yidda kako, kapirana ata jawa rate kako ta harona mono takki dage rato-rato kapala tangage inna kadadi.
|
||
\v 12 Mono, kole yidda bada makahha bai ata. Bada woroge, lohho da yidi yidda amaha buta tabarada ata jawa rate rada,
|
||
\v 13 mono lidage, “Tak dage, ‘Ana hakodonai Yesus ammidi bana gaddige mono keduge karogona Nyi bama dura.’
|
||
\v 14 Mono, nyi inna bad rangewe Gubernur, nami enga rayi mani paha tena danga nage mono rayige aiha karinga dangan.”
|
||
\v 15 Nyiwe, yidda da hibayi ammaha rada mono rayige tujawe paha nua dadi tabarada yidda; Mono hanewe inna nama talarawe ta ata Yahudi kahha laddo nehhe.
|
||
\s Parehanai Yesus
|
||
\p
|
||
\v 16 Bege, kabulu dihhana anaha kodo kako ta Galilea, ta letena pah tingo benai Yesus tabrada yidda.
|
||
\v 17 Kole yidda bada etayi Nyi, yidda da kawojoni Nyi. Ta nyiduwe, kapirana da gela gagga ho.
|
||
\v 18 Lohho, Yesus ammini mono linage tabarada yidda, “Tangage kawaha da yibe gage tabraGu, ta surga mono ta panu tana.
|
||
\v 19 Oroge inna, kakomge mono talarage ta tangada ata, ha rihayi yidda lari ata ngarai Ama, mono Ana, mono Waddi Bihha,
|
||
\v 20 hanuadi yidda kada dokudi tangadi Nauwa paha nua gimi tabarami; mono torrowe, Nauwa ug ole gimi kahha taha dukka rahi.”
|