lmv-x-levuka_reg/62-2PE.usfm

\id 2PE
\ide UTF-8
\h Karua Ni Pita
\toc1 Karua Ni Pita
\toc2 Karua Ni Pita
\toc3 2pe
\mt Karua Ni Pita
\c 1
\cl Wase 1
\p
\v 1 Oi au ko Saimoni Pita, ai talatala kei nai apositolo i Jisu Karisito, vi ira era rawatia na vabautia talei sa tautauvata kei na nitou e na yalododonu ni noda Kalou ko Jisu Karisito nai Vabula:
\v 2 Me valevutakia vi ikodou na loloma kei na vacegu ni dou sa qai kila na Kalou, kei Jisu na noda Turaga.
\p
\v 3 Ni sa solia mai vi ita ko koya e na nona kaukauwa Vakalou na ka kece lia sa yaga e na noda bula kei na lotu voki lia, ni da kilai koya sa kacivi ita ki na vanua vaiukuuku kei nai valavala vinaka:
\v 4 o koya koya sa soli kinia vi ita na vosa ni yalayala e levu sara ka talei: mo dou rawatia kinia na ka sa Vakalou, ni dou sa tuba tani mai na dukadukali sa tu e vuravura e na vuku ni daugagadre ca.
\p
\v 5 Ia, e na vuku ni ka koya, dou gumatua valevu sara lia kinia, mo dou vaikuritakia na nomudou vabautia e nai valavala vinaka; kei nai valavala vinaka e na vuku;
\v 6 kei na vuku e nai valavala malua; kei nai valavala malua e na vosotia; kei na vosotia e na daulotu;
\v 7 kei na daulotu e na vilomani vavitacini; kei na vilomani vavitacini e na yalololoma.
\v 8 Ia kevaka sa tu lia e na lomamudou na veika koya, ka sa tubu cake me levu, era sa uqeti ikodou mo dou kakua ni vucesa se yali ni vua e na nomudou kila na noda Turaga ko Jisu Karisito.
\v 9 Ia ko koya sa yali vua na veika koya sa mataboko, a sa matabuawa, a sa guilecavia ni sa vasavasavataki tu mai na nonai valavala ca eliu.
\v 10 Ia koi ikodou na viwekani, dou gumatua cake kinia, mo dou vataudeitakia sara lia na nomudou kacivi kei na nomudou digitaki; ni dou na yali sara lia ni bale, kevaka dou sa caka na veika koya:
\v 11 ni na soli vayauyau vakinia me rawarawa vi ikodou me curu ki na matanitu yali ni mudu ni noda Turaga kei nai Vabula ko Jisu Karisito.
\p
\v 12 O koya koya kau na yali ni guce kinia niu sa vananumi ikodou tiko e na veika koya, ia sa dina lia dou sa kila, ka dou sa vataudeitakia e nai vavuvuli dina koya.
\v 13 Ia kau sa vakasama, ni sa dodonu, e na visiga kau sa tiko kinia e na vale vacevaceva koya, meu vauqetia na lomamudou mo dou nanumia;
\v 14 niu sa kila kau sa voleka ni dainia tani na noqu vale vacevaceva, me vaka sa tukunia mai vi au na noda Turaga ko Jisu Karisito.
\v 15 Ia kau na gumatua mada mo dou nanumia tiko lia na veika koya, niu sa mate.
\p
\v 16 Ni kitou a yali ni muria nai tukuni sa caka vavuku, ni kitou a tukunia vi ikodou na nona kaukauwa kei na nona qai mai na noda Turaga ko Jisu Karisito, ia kitou a raicia dina lia na nonai valavala vaturaga.
\v 17 Ni sa yaco vi koya mai vua na Kalou ko Tamana na varokoroko kei na vadokadokai, ni sa rogo sara lia vua na domo ko ya mai nai ukuuku dina sara lia va koya, O koya koya na noqu Gone ni toko, au sa dauvinakatia valevu.
\v 18 Ia na domo koya mai lomalagi kitou sa rogocia, ni kitou a tiko kaya e na ulu-ni-vanua tabu.
\v 19 A sa tu voki lia vi ita na vosa sa vadinadinatakia valevu cake, a parofisai; ia dou na caka vinaka, kevaka dou sa vananumia kinia, me vaka ki na cina sa serau e na vanua sa butobuto, ka malua me kida mai na mataka, ka cabe mai ki na lomamudou na kalokalo i vola siga;
\v 20 ni dou sa kila taumada na ka koya, ni sa yali na parofisai e nai Vola Tabu, sa vu e na kena kilai eliu na kenai balebale;
\v 21 ni sa yali ni vu na parofisai e na gauna eliu e na lewa ni tamata: sa vosa lia na tamata yalosavasava ni Kalou me vaka sa vayadi ira na Yalo Tabu.
\c 2
\cl Wase 2
\p
\v 1 Ia sa tiko vi ira na kai noda eliu na parofita vailasu eso, me vaka ni na tiko voki lia vi ikodou nai vavuvuli vailasu eso, era na yadia vuni mai na visei e vivarusai, ni ra sa cakitakia na Turaga sa voli ira, a ra sa vayacoria vasauri mai na nodra rusa.
\v 2 Era na lewe levuvo ki lia era na muria na nodra i valavala e dauvasisila: ena vosavacacatakia voki lia nai vavuvuli dina e na vukudra.
\v 3 Ia ni ra sa daukocokoco era na vaiyau voli e na vukumudou e na vosa e dauvivakaisini: ia na lewa makawa me ra ca sa yali so ni berabera, a sa yali ni moce na nodra rusa.
\p
\v 4 Io, kevaka sa yali ni lomani ira na agilose kai valavala ca na Kalou, ka sa daini ira sobu ki eli, a sa vesuki ira e na sinucodo ni butobuto, me ra tauria tiko me yaco mada na siga ni lewa;
\v 5 a sa yali voki lia ni lomani ira tiko na kai vuravura makawa, a sa vabulai Noa ka lewe vitu voki lia, o koya ka dauvunautakia nai valavala dodonu, ka sa luvuci ira na kai vuravura era sa yali ni lotu:
\v 6 a sa vakamai rau na koro ko Sotoma kei Komora me dravusa, ka sa vaqeavutakia ni sa cudruvia, a sa qisia me kedrai varau na yali ni lotu e na gauna emuri;
\v 7 a sa vabulai Loti na tamata yalododonu, o koya sa rarawa na lomana e na vuku ni nodra i valavala vasisila na tamatai valavala ca;
\v 8 (io, sa tiko na tamata yalododonu ko ya e na kedra maliwa, ia ni sa raicia ka rogocia, sa vararawatakia na yalona sa dodonu e na visiga e na nodra i valavala ca;)
\v 9 sa kila kinia na Turaga me vabulai ira era sa daulotu mai na vivatovolei, me maroroi ira voki lia na yali ni yalododonu me yaco mada na siga ni lewa me ra qai cudruvi:
\v 10 ia ka valevu sara lia ko ira era sa daumuria na yagodra e na gagadre ca e dukadukali, a ra sa beci ira era sa turaga. Era sa daubole, era sa yalokaukauwa, era sa yali ni rere ni ra vosavacacataki ira na turaga.
\v 11 Ia ko ira na agilose, era sa uasivi cake e na kaukauwa kei na qaqa, era sa yali ni vosavacacataki ira ka beitaki ira e na mata ni Turaga.
\v 12 Ia ko ira koya me vaka na manumanu yali ni vuku, sa muria na lomadra, sa caka me vesuki ka varusai, era sa vosavacacatakia na veika era sa yali ni kila; ia era na rusa sara lia e na nodra i valavala e vivarusai;
\v 13 ka na rawatia nai sau ni valavala yali ni dodonu: ni ra sa vakasama me ka ni reki nai valavala mamarau e na siga: era sa dukadukali ka velavela! A ra sa daucaka na ka era marau kinia ni ra dauvivakaisini, a ra sa dau caka na kana vilomani kei ikodou:
\v 14 a sa sinai na matadra e na dauyalewa, ka sa yali ni mudu rawa ni valavala ca; a ra sa dauvacalai ira na tamata era sa yalowai: a yalodra sa dau caka na kocokoco: era sa luve ni vivarusai:
\v 15 era sa lesu tani mai na sala dodonu, a ra sa sese, ni ra sa muria nai valavala i Pelami na luve i Piori, o koya sa vinakatia nai voli ni valavala yali ni dodonu;
\v 16 ia sa vunaucia e na nonai valavala ca: sa vosa na asa galu e na domo ni tamata a sa tarovia na lialia ni parofita.
\p
\v 17 Koya na mata-ni-wai sa yali ni to, a o sa viyadiyaki e na cava; sa tu lia me nodra na butobuto loaloa sa yali ni mudu.
\v 18 Ni ra sa vosatakia na vosa sa tubu cake loa lia e na lialia, era sa lawakitaki ira sa qai bula loa lia mai vi ira era sa dau caka na caka cala, e na vuku ni gagadre ca ni yago, e nai valavala vasisila.
\v 19 Era sa yalatakia vi ira na lalaga, ia ko ira era sa vabobulataki e na ca; ni sa vabobulatakia na tamata e na ka sa rawai koya.
\v 20 Ia kevaka era sa tuba tani mada mai na dukadukali ni vuravura koya ni ra sa kila na Turaga nai Vabula ko Jisu Karisito, ka sa tao voli lia kinia, ka rawai, era sa qai ca valevu e na gauna emuri, era ca valailai lia e nai vatekivu.
\v 21 Ni sa vinaka cake vi ira me ra kakua ni kila nai valavala dodonu, ka ca sara lia me ra kila mada, ka qai lesu voki mai nai vunau tabu sa soli vi ira.
\v 22 Ia sa yaco lia vi ira na ka sa vosatakia na vosa vaibalebale dina, Sa lesu voki lia na koli ki na nona lua, kei na vuaka sa vasilimi oti me boroboro voki e na lolobo.
\c 3
\cl Wase 3
\p
\v 1 Ai karua ni vola koya, oi ikodou sa lomani, au sa qai vola sara lia vi ikodou, au sa vauqetia kinia na yalomudou e savasava mo dou nanumia kinia:
\v 2 mo dou vananumia sara lia na vosa era sa vosatakia eliu na parofita yalosavasava, kei na nitou vunau nai apositolo ni Turaga nai Vabula
\v 3 ni dou sa kila mada koya, ni na qai mai e na gauna emuri sara eso na dauvivasewasewani, era na dau vadamurimuria na nodra gagadre ca,
\v 4 ka tukunia sara lia, Evei na vosa ni yalayala ni na qai voki mai ko koya? Ni ra sa moce lia na matua, a sa tu dei tiko vakinia na ka kece lia me vaka ni sa buli e nai vatekivu.
\v 5 Ia na ka koya era sa vinakatia me ra lecavia, ni sa vosa ni Kalou ka tu kinia na lomalagi eliu, kei na vuravura sa wase mai na wai, a sa tu e na vuku ni wai;
\v 6 a sa varusai kinia na vuravura sa tu e na gauna ko ya, e na waluvu:
\v 7 ia na lomalagi kei na vuravura sa tu ni kua, sa maroroi lia e na vosa voki lia ko ya, sa maroroi ki na bukawaqa me yaco mada na siga ni lewa kei na vivarusai ni tamata yali ni lotu.
\v 8 Ia koi ikodou sa lomani, mo dou kakua ni lecavia na ka koya, ni sa tautauvata vua na Turaga e dua na siga kei na yabaki e dua na udolu, kei na yabaki e dua na udolu kei na siga e dua.
\v 9 Sa yali ni berabera na Turaga ni vayacoria na nona vosa ni yalayala, me vaka era sa nanumia na tamata eso sa berabera: sa vosoti ita lia vadede, ni sa yali ni vinakatia me rusa e dua, me yacovia lia na vivutuni ko ira kece lia na tamata.
\v 10 Ia na siga ni Turaga ena qai mai me vaka na daubutako e na bogi, ena qai tani kinia ko lomalagi e na rorogo tatamosamosa, ena waicala voki lia na veivu ni ka ni sa vakamai, ena kamayavu voki lia ko vuravura kei na ka kece lia sa tu kinia.
\p
\v 11 Ia ni na takali yani na ka kece lia koya, a cava nai valavala sa kilikili ki ikodou, e nai valavala savasava kei na daulotu,
\v 12 ni dou sa dauwarakia ka daugadrevia sara na kena yaco mai na siga ni Kalou, ena takali kinia ko lomalagi ni sa kama, ena waicala voki lia na veivu ni ka ni sa vakamai?
\v 13 Ia koi ita, me vaka na nona vosa ni yalayala, eda sa warakia na lomalagi vou kei na vuravura vou, sa tiko kinia nai valavala dodonu.
\p
\v 14 O koya koya, ikodou sa lomani, ni dou sa warakia na veika vakoya, dou gumatua kinia me raici ikodou ko koya e na vacegu, ni dou sa yali ni tauvi-duka, ka yali ni cala.
\v 15 Ka mo dou dinatia na vosotia vadede ni noda Turaga me ka eda sa bula kinia; me vaka sa vola voki lia vi ikodou na wekada lomani ko Paula me vaka na vuku sa soli vua;
\v 16 me vaka voki lia e na nonai vola kece lia, ni sa tukunia na veika koya; a sa tu kinia na ka eso e dredre me kilai, ia ko ira era sa yali ni vuku ka yali ni lomadei, era sa yadia vatani, me vaka voki lia kinia nai Vola Tabu kece, me ra rusa kinia.
\v 17 Ia koi ikodou sa lomani, ni dou sa kila eliu, dou varaici ikodou voki lia, de dou yadi vatani e na nodra dauvivacalai na tamatai valavala ca, dou na qai bale kinia mai na nomudou tu dei.
\v 18 Ia dou tubu cake e na loloma, kei na kila na noda Turaga ko Jisu Karisito nai Vabula. Me caka vua na varokoroko e na gauna koya ka yali ni mudu. Emeni.