lmv-x-levuka_reg/53-1TH.usfm

\id 1TH
\ide UTF-8
\h 1  Cesalonaika.
\toc1 1  Cesalonaika.
\toc2 1  Cesalonaika.
\toc3 1th
\mt 1  Cesalonaika.
\c 1
\cl Wase 1
\p
\v 1 Koi kitou ko Paula, kei Silivenuse, kei Timoci ki na nodrai soqosoqo lewe ni lotu na kai Cesalonaika, o ira sa tu vua na Kalou ko Tamada kei na Turaga ko Jisu Karisito: me nomu dou na loloma, kei na vacegu, mai vua na Kalou ko Tamada, kei na Turaga ko Jisu Karisito.
\p
\v 2 Kitou sa vavinavinaka tiko lia vua na Kalou ena vukumudou kece lia ni kitou sa cavuti ikodou ena nitou masu;
\v 3 kitou sa yali ni mudu ni nanumia na nomudou cakacaka ena vabautia, kei na nomudou oca ena loloma, kei na nomudou vosotia enai nuinui vua na noda Turaga ko Jisu Karisito na mata ni Kalou ko Tamada;
\v 4 ni kitou sa kila na nomudou digitaki oi ikodou na viwekani ka daulomani ikodou na Kalou;
\v 5 ni sa yali ni yaco vi ikodou na nitou tukutuku vinaka ena vosa loa lia, ena kaukauwa voki lia, kei na Yalo Tabu, ka ni sa vadinadinatakia valevu; ni dou sa kila na nitou valavala ena vukumudou ni kitou a tiko vata kei ikodou.
\v 6 Ia dou a vadamurimuri kitou, kei na Turaga, ni dou a vabautia na vosa ena vivarawarawataki levu, kei na marau ena Yalo Tabu;
\v 7 dou a yaco kinia mo dou nodrai varau kece lia era sa vabautia mai Masitonia kei Akaia.
\v 8 Ni sa rogovaki yani mai vi ikodou na vosa ni Turaga ki Masitonia kei Akaia sa yali ni koya loa lia sa yaco voki lia yani nai rogorogo ni nomudou vabautia na Kalou ki na viyasana kece lia, a sa yali kinia ni yaga me kitou kaya e dua na ka.
\v 9 Ni ra sa tukunia lia ko ira ena vukui kitou nai valavala ni nitou qai ka tiko vi ikodou, ni dou sa saumaki mai na vimatakau vua na Kalou, mo dou qaravia na Kalou bula ka dina,
\v 10 io mo dou warakia voki lia na Luvena mai lomalagi, sa vaturia cake voki ko koya mai na mate, ko Jisu, o koya sa vabulai ita mai na cudru sa bera mai.
\c 2
\cl Wase 2
\p
\v 1 Ni dou sa kila na viwekani, na nitou qai ka tiko vi ikodou, ni sa yali ni ka loa lia:
\v 2 ia kitou a vararawataki mada e liu, ka vacacani sara mai FIlipai, me vaka dou sa kila, kitou sa qai doudou lia ena vuku ni nitou Kalou me tukunia sara vi ikodou nai tukutuku vinaka ni Kalou, a sa ka levu na vivorati.
\v 3 Ni sa yali sara ni caka na nitou i varo ena vivacalai, se na yalo yali ni savasava se na vivakaisini:
\v 4 ia ni sa vinakati kitou na Kalou me kitou lesi me vunautakia nai tukutuku vinaka, kitou sa vosa vakinia, sa yali lia ni kitou valoma vinakataki ira na tamata, ia me valoma vinakatakia lia na Kalou, o koya sa lewa na yalo i kitou
\v 5 Ni dou sa kila kitou sa yali ni vosa vavicavilaki, se ia na kocokoco enai lawaki rairai vinaka; ka sai vadinadina na Kalou:
\v 6 kitou yali voki lia ni qara me ra dokai kitou ko ira na tamata, se ko ikodou, se ko ira na tamata tani, ka dina lia ni kitou sa vivacolati beka ena vuku ni kitou sai apositolo i Karisito.
\v 7 Ia kitou a yalovinaka ena kemudou maliwa me vaka na dau meimei ni sa susugi ira na luvena;
\v 8 ia sa vaka kinia, ni kitou sa yalo loloma sara vi ikodou, kitou sa vinakatia me solia vi ikodou na tukutuku vinaka ni Kalou, ia ka yali ni o koya loa lia, a nitou bula voki lia, ni kitou sa lomani iko dou valevu.
\v 9 Ni dou sa nanumia, na viwekani, na nitou daucakacaka kei na nitou oca ni kitou sa dau cakacaka tiko ena bogi kei na siga me kitou kakua sara kinia ni vabibitaki ikodou ni kitou sa vunautakia vi ikodou nai tukutuku vinaka ni Kalou.
\v 10 Dou a raicia dina kei na Kalou voki lia ni savasava ka dodonu ka yali ni cala na nitou i valavala ena ikodou maliwa, oi ikodou sa vabautia.
\v 11 NI dou sa kila kitou sa vasalatakia vi ikodou ka vadretia vi ikodou yadua, me vaka na tamana vi ira na luvena,
\v 12 mo dou caka nai valavala sa kilikili kei ira sa nona na Kalou, o koya sa kacivi ikodou kinia na nona matanitu ki na vanua vaiukuuku.
\p
\v 13 Ena vuku ni ka koya, kitou sa vavinavinaka tiko lia vua na Kalou, ni gauna dou a vabautia kinia na vosa ni Kalou dou a rogocia mai vi kitou dou sa yali ni vabautia me vaka e vosa ni tamata, me vaka lia na kena dina, na vosa ni Kalou, koya na cakacaka yaco voki lia vi ikodou sa vabautia.
\v 14 Ni dou a vadamurimuri ira na vi soqosoqo lewe ni lotu ni Kalou mai Jiutia era sa tu vata kei Karisito Jisu ko ikodou na viwekani: ni dou a vosotia na veika ca mai vi ira na wekamudou, me vaka era sa vosotia mai vi ira na ka Jiutia,
\v 15 ko ira sa vamatea na Turaga ko Jisu, kei ira voki lia na parofita a ra sa vacacani kitou, e ra sa yali vinaka vua na Kalou, a ra sa vicati voki lia kei ira na tamata,
\v 16 a ra sa tarovi kitou, ni kitou sa vosa vi ira era sa yali ni lotu me ra bula kinia, me ra sa vasinatia tiko lia na nodrai valavala ca: ia sa yaco vi ira na cudruvi ni ra sa ca sara lia.
\p
\v 17 Ia ko kitou ni kitou sa yadi tani mai vi iko dou na viwekani ena gauna lekaleka lia, sa vayago lia ka yali ni vayalo kitou sa gumatua sara kinia ka vinakatia sara valevu me da vi raici ena matana votu.
\v 18 O koya koya kitou a via qai yani kinia vi iko dou, ko au ko Paula, kau a sasaga vavica, ia ka sa vataotakia na nitou sala ko Setani.
\v 19 Ia ka cava na nitou nuinui se marau, se nitou sala ni reki? Sa yali lia ni ko ikodou ena mata ni noda Turaga ko Jisu ena nona lesu voki mai?
\v 20 Ni sai iko dou na vuni nitou lagilagi kei na vuni nitou reki.
\c 3
\cl Wase 3
\p
\v 1 O koya koya ni kitou a yali ni vosotia rawa, kirau sa vinakatia me kirau dai taudua tu lia mai Aceni,
\v 2 ia kirau sa talai Timoci na wekai kirau, kei nai talatala ni Kalou, kei na nirau tokani enai tukutuku vinaka kei Karisito me vataudeitaki ikodou, ka varoti ikodou ena vuku ni nomu dou vabautia:
\v 3 me kakua e dua me vayavalati ena vuku ni rarawa koya: ni dou sa kila sai koya eda sa lesi kinia.
\v 4 Sa dina ni keitou a tiko kei iko dou, kitou a tukunia mada e liu vei iko dou ni da na vakararawataki: a sa yaco vakakinia, ia dou sa kila lia.
\v 5 Ena vuku ni ka koya, niu a yali vosotia rawa, au a qai talatala yani meu kila na nomu dou vabautia, de sa veretaki iko dou beka ko koya na dauvere, a sa yaco kinia me ka loa lia na nitou cakacaka.
\p
\v 6 Ia ni sa qai mai vi ikodou ko Timoci vi kitou, a sa yadia mai nai rogorogo vinaka ni nomudou vabautia kei na loloma, kei na nomu daunanumi kitou vinaka tiko lia, kei na nomudou vinakatia valevu mo dou raici kitou, me vaka na nitou vinakatia voki lia me raici ikodou:
\v 7 ko koya koya kitou sa vacegui kinia ena vukumudou, na viwekani, ena vuku ni nomudou vabautia, ena nitou rarawa kece lia kei na vuturi.
\v 8 Ni kitou sa qai bula, kevaka dou tudei tiko vua na Turaga.
\v 9 Ia ka vaevei na levu ni vavinavinaka me kitou caka voki vua na Kalou ena vukumudou, ena vuku ni reki kece lia kitou sa reki kinia ena vukumudou ena mata ni noda Kalou:
\v 10 ni kitou a masu valevu sara ena bogi kei na siga, me kitou raicia na matamudou, me kitou tinia vinaka voki lia na ka sa yali ena nomudou vabautia.
\p
\v 11 Ia me tuberi kitou mada vi ikodou na Kalou na Tamada, kei na noda Turaga ko Jisu.
\v 12 Ia me valevutaki ikodou na Turaga mo dou uasivi cake e na loloma vakai ikodou, ka vi ira kece lia na tamata, me vaka na nitou vi ikodou:
\v 13 me vataudeitakia kiia ko koya na yalomudou me kakua ni ca ni sa savasava ena mata ni Kalou ko Tamada, ni na qai mai na noda Turaga ko Jisu Karisito kei ira vata kaya na nona yalo savasava kece lia.
\c 4
\cl Wase 4
\p
\v 1 Sa vo lia o ikodou na viwekani, me kitou vamasuti ikodou, ka vasalataki ikodou ena vuku ni Turaga ko Jisu, mo dou uasivi cake valevu sara, me vaka dou a vavulici mai vi kitou enai valavala sa kilikili sara lia ki ikodou mo dou caka tiko, mo dou vinaka vua na Kalou.
\v 2 Ni dou sa kila nai varo kitou a tukunia vi ikodou ena vuku ni Turaga ko JIsu
\v 3 Ni sa loma ni Kalou koya, mo dou yalo savasava, mo dou kakua ni dauyalewa:
\v 4 ia dou dui kila yadua mo dou maroroya na yagomudou me vasavasavatakia me dokai;
\v 5 me kakua ni rawai koya na dodomo ca, me vakai ira na vimatanitu era sa yali ni kila na Kalou:
\v 6 me kakua e dua me la'ki lawaki ca se vacacania na kai nona ena ka koya, ni sa cudrutakia na ka kece lia koya na Turaga, me vaka voki lia ni kitou a vasalataki ikodou kinia iliu ka dau tukunia.
\v 7 Ni sa yali kacivi ita na Kalou me da dukadukali, me da yalo savasava lia.
\v 8 Ia ko koya sa becia, sa yali ni becia na tamata, sa becia na Kalou, o koya ka solia mai vi ita na nona Yalo Tabu.
\p
\v 9 Ia ena vuku ni vilomani vavitacini, sa yali ni yaga meu vola vi ikodou; ni dou sa vatavulici mai vua na Kalou mo dou vilomani tiko.
\v 10 Ka sa dina ni dou sa caka voki lia vi ira kece na viwekani mai Masitonia taucoko: ia kitou sa vamasuti ikodou, na viwekani, mo dou uasivi cake valevu sara lia;
\v 11 ka mo dou gumatua sara mo dou toka vamalua, ka dau caka tiko lia na nomudou cakacaka, ka dou cakacaka ena ligamudou, me va kitou a vasalatakia vi ikodou;
\v 12 mo dou ia tiko lia nai valavala e kilikili kivei ira e taudaku, ka mo dou kakua ni dravudravua ena dua na ka.
\p
\v 13 Ia kau sa vinakatia, oi ikodou na viwekani, mo dou kakua ni guilecavia ena vukudra era sa moce tu, mo dou kakua kinia ni yasovakia, me vataki ira na tani sa yali na nodrai nuinui.
\v 14 Ia kevaka eda sa vadinatia ni sa mate ko Jisu ka tucake voki mai, ena vaka voki lia kinia ko ira sa moce ni ra tu vata kei Jisu, ena yadi ira voki vua na Kalou.
\v 15 Ni keitou sa tukunia lia koya vi ikodou me vaka na vosa ni Turaga, ni da na yali ni liu vi ira era sa moce tu koi itaa eda sa bula tiko me ycovia na nona qai voki mai na Turaga.
\v 16 Ni na qai sobu mai lomalagi ko koya na Turaga ena kaila, kei na domo ni agilosi turaga, kei na davui ni Kalou: ena qai tucake mada iliu ko ira na mate era sa tu vata kei Karisito:
\v 17 e muri ko ita, eda sa bula tiko lia, eda na yadi cake vata kei ira e na o, me da vitata kei na Turaga ena macawa: ia ena vaka kinia eda na qai tiko vata kaya na Turaga ka yali ni mudu.
\v 18 O koya mo dou qai ia na vivacegui vataki ikodou ena vosa koya.
\c 5
\cl Wase 5
\p
\v 1 Ia sa yali ni yaga meu volavola vi ikodou, na viwekani me'u tukunia na vigauna kei na viyabaki.
\v 2 Ni dou sa kila dina sara vataki ikodou na na yaco mai na siga ni Turaga, me vaka na daubutako ena bogi.
\v 3 Ni ra tukunia tiko, sa mai vacegu ka tiko vinaka, ena qai yaco vakidacala vi ira na rusa, me vaka na yaluma vuana yalewa sa bukete; a ra na yali ni dro tani.
\v 4 Io ko ikodou na viwekani, dou sa yali ni tiko ena butobuto me yacovi ikodou kinia na siga koya me vaka na daubutako.
\v 5 Oi ikodou kece lia na gone ni rarama, kei na gone ni siga: eda sa yali ni gone ni bogi, se gone ni butobuto,
\v 6 O koya gona me da qai kakua ni moce, me vataki ira na tani; me da vatawa lia ka yalomatua.
\v 7 Ia ko ira era daumoce era sa daumce ena bogi, kei ira era daumateni era sa mateni ena bogi.
\v 8 Ia koi ita, eda sa gone ni siga, me da yalomatua, me da vaucia na vabautia kei na loloma mei sasabai ni lomasereda: kei na vanuinuitakia na bula, mei varuru ni uluda.
\p
\v 9 Ni sa yali ni lesi ita na Kalou me da rusa me da rawa lia na bula ena vuku ni noda Turaga ko Jisu Karisito,
\v 10 ni sa mate o koya ena vukuda, me da bula vata kaya, se da yadra se da moce.
\v 11 O koya gona mo dou qai caka na vivacegui vakai iko dou, ka vivatataki cake vakai iko dou me vaka dou sa caka tiko.
\p
\v 12 Ia keitou sa vakamasuti ikodou, na veiwekani, mo dou kilai ira era sa daucakacaka vei ikodou, ka lewai ikodou ena Turaga ka vakavulici ikodou.
\v 13 Ia mo dou vakarokorokotaki ira, ka lomani ira vakalevu sara ena vuku ni nodra cakacaka. Ka mo dou veivinakati vakai ikodou.
\p
\v 14 Ia keitou sa vakasala vei ikodou na veiwekani: modou vunauci ira e ra sa talaidredre, vakacegui ira era sa yalo lailai, vukei ira era sa malumalumu, dau vosoti ira kece lia na tamata.
\v 15 Raicia me kakua ni dua me veisausaumitakia na ca vua e dua; ko mo dou caka tiko lia na ka e vinaka vi ikodou yadua, vei ira voki lia na tamata kece lia.
\p
\v 16 Dou reki tiko lia.
\v 17 Dou masu tiko lia kakua ni mudu.
\v 18 Dou ia na vakavinavinaka ena vuku ni ka kece lia kakua ni mudu.
\p
\v 19 Dou kakua ni tarovia na cakacaka ni Yalo Tabu.
\v 20 Dou kakua ni becia na vosa ni parofisai.
\v 21 Vakatovolea na ka kece lia, tauria matua na ka e vinaka.
\v 22 Qarauni ikodou mai nai valavala kece lia sa ca.
\p
\v 23 Ia me vakasavasavataki ikodou sara na Kalou ni veivakacegui, ka me sa maroroi taucoko, me kakua sara ni cala, na yalomudou kei na lomamudou kei na yagomudou, ka yacovia na siga ena qai mai kinia na noda Turaga ko Jisu Karisito.
\v 24 Sa yalodina ko koya sa kacivi ikodou, ka na caka vakakoya ko koya.
\p
\v 25 Oi ikodou na veiwekani, dou masulaki keitou.
\v 26 Sa loloma yani vei ira kece lia na veiwekani ka dou veireguci ena yalo savasava.
\v 27 Au sa varoti ikodou ena yaca ni Turaga, me wili nai vola koya vei ira kece lia na veiwekani yalo savasava.
\v 28 Me nomudou na loloma ni noda Turaga ko Jisu Karisito. Emeni.