lmv-x-levuka_reg/52-COL.usfm

\id COL
\ide UTF-8
\h Kolosa
\toc1 Kolosa
\toc2 Kolosa
\toc3 col
\mt Kolosa
\c 1
\cl Wase 1
\p
\v 1 Oi au ko Paula, nai apositolo o Jisu Karisito, ena lewa ni Kalou, vata voki lia o Timoci na taciqu,
\v 2 vi ira era sa lotu dina, ka ra sa tu vata ki Karisito, ka ra sa tiko mai Kolosa: Me nomunu na loloma, vata voki lia na vacegu mai vua na Kalou ko Tamada.
\p
\v 3 Kirau sa vavinavinakatakia vua na Kalou na Tamai Jisu Karisito na noda Turaga, ka masulaki ikonu ena visiga,
\v 4 ni kirau sa rogocia na nomunu vabauti Karisito Jisu, kei na nomunu loloma vi ira kece lia e ra sa lotu,
\v 5 ena vuku loa lia ni ka nu vanuinuitakia, o koya sa maroroi mai lomalagi me nomunu, ia dou a rogocia kinia ena vosa dina lia ni tukutuku vinaka,
\v 6 sa yaco vi ikodou, ka vaka voki lia e vuravura taucoko, a sa vuatakia na vuana, ka sa tubu tiko me vaka voki lia vei ikodou, a sa tekivu vata kei na siga dou a rogocia kinia, ka kila dina na loloma ni Kalou;
\v 7 me vaka dou sa kila mai vi Epafira, na nirau tokani lomani, ka nomunu talatala yalodina i Karisito vi ikodou:
\v 8 sa tukunia voki lia vi kirau na nomunu loloma ena Yalo Tabu.
\p
\v 9 E na vuku ni ka koya, kirau sa tekivu masulaki ikonu mai na siga kirau sa rogocia kinia ka yali ni mudu, nirau masu mo dou vasinaiti me rawa ni dou kila na lomana, ena yalomatua ki na vuku vayalo kece lia;
\v 10 mo dou caka nai valavala kilikili vata ki ira na nona na Turaga, me vinakatia kece lia ko koya, mo dou vavuana tiko ena cakacaka vinaka kece lia, ka me tubu cake voki lia na nomunu kila na Kalou.
\v 11 Mo dou kaukauwa mai ena kaukauwa kece lia, me vaka na nona kaukauwa vaidina, me tubu na vosotia kece lia ki na vosotia vadede ena marau;
\v 12 mo dou vavinavinakatakia vua na Tamada, ni sa varautaki ita me da rawatia na kedrai votavota era sa yalosavasava, ena rarama:
\v 13 o koya sa vabulai ita mai na lewa ni butobuto, a sa yadi ita ki na matanitu ni koya na nona Gone ni toko:
\v 14 o koya e da sa rawatia kinia na bula ena vuku ni nona dra, ni sa bokocia na nodai valavala ca:
\v 15 o koya nai yaloyalo ni Kalou sa yali ni laurai, ka vatuburi eliu ka qai muri na ka kece lia ka caka:
\v 16 ni sa caka na ka kece lia o koya, se ra tu mai lomalagi, se ra tu e vuravura se ra rairai se ra yali rairai, se ra tikotiko ni vaturaga, se ra vimatanitu, se ra turaga sa liu, se ra turaga kaukauwa: sa caka na ka kece lia ko koya, ka me nona voki lia.
\v 17 Sa bula iliu o koya qai muri na ka kece lia, ka sa vataudeitakia na ka kece lia o koya.
\v 18 O koya voki lia na ulu ni yago, nai soqosoqo lewe ni lotu: o koya nai vatekivu, na ulumatua mai na mate; me uasivi cake kinia o koya ena ka kece lia.
\v 19 Ni sa vinakatia me sinai o koya ena ka kece lia;
\v 20 ka me vaveivinakatitaki ira voki lia na ka kece lia ena vukuna, ni sa ia mada na ka ni vivinakati ena nona dra ni sa lauvako ki na kauveilatai; io, ena vukuna lia, se ra tu e vuravura se ra tu mai lomalagi.
\p
\v 21 Oi ikodou voki lia, dou a kai tani eliu ka meca ena vu ni yalomunu ena cakacaka ca, sa qai vavivinakati ikonu okoya,
\v 22 ena yagona valewe ni sa mate, me varaitaki ikonu kinia ni dou sa yalosavasava ka yali ni bitaki rawa ka yali ni vunauci rawa e matana;
\v 23 kevaka dou sa vabautia tiko lia ka vataudeitakia ka vakaukauwatakia, ka yali ni vukucia tani mai nai nuinui ni tukutuku-vinaka dou a rogocia, ka sa vunautakia vi ira na tamata kece lia sa tiko e rukui lomalagi; ia koi au ko Paula au sa lesi mei kenai talatala.
\p
\v 24 Au sa qai marau niu sa vararawataki ena vukumunu, ka vayacoria ena yagoqu na vo ni rarawa ena vukui Karisito, ena vuku ni yagona, sai koya na soqosoqo lotu:
\v 25 au sa lesi kinia meu kenai talatala, me vaka voki lia nai lesilesi ni Kalou, au sa lesi kinia ena vukumudou meu vayacoria na vosa ni Kalou:
\v 26 na ka vuni ka vunitakia mai vi ira na tabatamata ena gauna iliu, sa qai varaitaki mai vi ira na nona tamata yalosavasava:
\v 27 ni sa vinakatia na Kalou me vatakila vi ira na kena vaidina ki na kena talei ni ka vuni koya ena kedra maliwa na vimatanitu, o koya gona na Karisito ena lomamunu, na vu ni kena nuitakia na kalougata:
\v 28 O koya kitou sa vunautakia ni kitou sa vasalatakia tiko na tamata yadua, ka vavulicia na tamata yadua ena vuku kece lia; me kitou varaitakia kinia ki na tamata yadua ni sa vinaka sara ena vukui Karisito:
\v 29 koya na kau sa daucakacaka tiko kinia, kau sa gumatua voki lia kinia me vaka na nona cakacaka sa mana sara lia ena lomaqu.
\c 2
\cl Wase 2
\p
\v 1 Ni'u sa vinakatia mo dou kila na levu ni noqu lomaocaoca ena vukumunu, ena vukudra voki lia mai Leotisea, ki na vukudra kece lia era sa yali raici au vayago.
\v 2 Me vacegui na yalodra, me ra vaduavatatakia e na loloma, me nodra nai yau kece lia ni vuku era na kila dina sara kinia na ka vuni ni Kalou, io na Karisito;
\v 3 o koya sa bini tu vua nai yau kece lia ni vuku ki na yalomatua.
\v 4 Ia na ka koya kau sa tukunia, de dua e temaki ikonu ena vosa vicavilaki.
\v 5 E dina lia au sa tiko tani vayago, ia au sa tiko lia vayalo vi ikonu, ka marau ka raici ikodou ni dou sa duavata ka tu dei ena vabauti Karisito.
\p
\v 6 Ia ni dou vabauti Jisu Karisito Jisu na Turaga, mo dou ia tiko nai valavala sa vinaka vua:
\v 7 dou tauyavutaki ka tara cake vua, ka vataudeitakia ena nomunu vabautia, me vaka dou sa vatavulici, mo dou uasivi cake kinia ka vavinavinaka.
\p
\v 8 Dou raicia vinaka de dua sa vacacani ikodou ena vuku vavuravura, sa yali ni yaga ka lasu voki lia, e vaka nai tukuni vatamata, e vaka nai vavuvuli vavuravura, ka sa yali vaka nai vavuvuli va-Karisito.
\v 9 Ni sa tiko ena yagona na ka kece lia sa sinai kinia na Kalou.
\v 10 Ia dou sa vutu ni ka kece lia vi koya; sa liutaki ira kece lia sa liu vata ki ira sa kaukauwa ko koya:
\v 11 ia dou sa cilivi voki lia ena vicilivi sa yali caka ena liga, ni dou sa luvatia nai valavala ca ena vicili sa caka ena vukui Karisito.
\v 12 Niu dou a bulu vata kaya e na papitaiso: o koya voki lia dou sa tu cake voki ni dou sa vabautia na kaukauwa ni Kalou, o koya sa vaturi koya cake voki mai na mate.
\v 13 Ia koi ikodou, dou a mate tu enai valavala ca, ena vuku voki lia ni yagomudou sa yali ni cili, sa qai vabulai ikodou vata kaya ko koya, ni sa yali ni cudruvi ita ena vuku ni noda valavala ca;
\v 14 ni sa qusia nai vola liga ni vivakaro sa bitaki ita, sa noda meca tiko, sa yadia tani sara, ni sa vakotia ki na kauveilatai;
\v 15 ia ni sa vacacani ira sa liu, vata ki ira sa kaukauwa, sa vasesei ira, ni sa rawai ira sara e na ka koya.
\p
\v 16 O koya koya, me kua sara ni dua me lewai ikodou ena vuku ni kakana, se na ka me lausomi, se na siga ni solevu, se na vula vou, se na siga tabu:
\v 17 qori sara lia na vatakarakara ni vi ka ena yaco mai muri; ia sa ni Karisito na yago.
\v 18 Me kua ni tarovi ikodou e dua mai na ikodoui sau, ni sa viavia yalomalumalumu ka daumasu vi ira na agilosi, ni sa doudou ena vi ka sa raicia ko koya, a sa dokai koya ena vuku ni yalona sa valewe,
\v 19 sa yali tauria matua na Uluda, o koya sa dau tokonia kinia na yago kece, sa vikabiti vata, ena vuku ni visema ki na viwa, sa tubu ena tubu ni Kalou.
\p
\v 20 Ia kevaka dou sa mate vata ki Karisito mai nai vavuvuli vavuravura, a cava dou sa muria tiko kinia na vivaro me vaka dou sa bula tiko vavuravura:
\v 21 Kua ni tara; kua ni tovolea; kua ni qumia;
\v 22 ena oti kece lia koya, ni sa tauria tiko; ni ra sa vaka na vunau ki nai vavuvuli ni tamata?
\v 23 Ia e dina lia sa rairai me vuku na vi ka koya; ena viavia masu vata ki na yalomalumalumu ki na vararawatakia na yago; ka yali ni yaga, sa vamamautaki lia kinia na yago.
\c 3
\cl Wase 3
\p
\v 1 Ia kevaka dou sa vaturi vata ki Karisito, varaicia na vi ka sa mai cake, sa dabe tiko ena liga matau ni Kalou.
\v 2 Dou dau vananumia na vi ka mai colo, kakua lia na vika e vuravura.
\v 3 Ni dou sa mate lia, ia na nomudou bula sa vuni vata ki Karisito ena Kalou.
\v 4 Ni na rairai mai na Karisito na noda vuni bula, ka na dou qai rairai vata enai ukuuku.
\p
\v 5 O koya mo dou qai vamatea na vitikimudou vavuravura, na dauyalewa, na valavala yali savasava, na garogaro ca, na dodomo ca, vata ki na kocokoco, kei na dauqaravia na Kalou lasu:
\v 6 na vi ka koya sa yaco kinia na cudru ni Kalou, vi ira sa dau talaidredre:
\v 7 ia koi ikodou voki lia, dou a ia e liu nai valavala vakinia, ni dou a bula voli vakinia.
\v 8 Ia koya, mo dou luvatia na ka kece lia koya, a daucudru, na daulesa, na lomaca, na vosa ca, na vosa dukadukali mai na gusumudou.
\v 9 Kakua ni dauvilasuyaki, ni dou sa luvatia tu na tamata makawa ki na nonai valavala;
\v 10 ka dou sa vasulumia koya sa vou, o koya sa vavoui tiko ena vuku me vaka na yaloyalona ka buli koya:
\v 11 sa yali kinia ni nanumia ni kai Jutia se kai tani, se cili se yali cili, na yali vuku, na kai lekutu, na bobula, nai taukei: ia sa uasivi ena ka kece lia na Karisito.
\p
\v 12 O koya mo dou qai vaisulu me vaka ni dou na nona digitaki na Kalou, oi ikodou sa yalosavasava ka daulomani, e na yalo dauloloma, e na yalovinaka, e na yalomalumalumu, e na yalomalua, e na dauvosotia vadede:
\v 13 dou vivosoti vai ikodou, ka kakua ni vicudruvi, kevaka e dua na ka sa rarawa kinia e dua: me vaka sa yali ni cudruvi ikodou na Karisito, mo dou vaka voki lia kinia.
\v 14 Ia me liu ena ka kece lia koya na dauloloma, ni sai vau vinaka sara.
\p
\v 15 Ia me lewa sara e na lomamudou na vacegu i Karisito, ni dou sa kacivi ki na ka koya, ni dou sa yago e dua loa lia: ia mo dou caka tiko na vavinavinaka.
\v 16 Me tiko valevu e lomamunu na vosa i Karisito e na vuku kece lia; dou vivatavulici ka vivunauci vakai ikodou ena same ki na sere ki na meke vayalo, dou sere tiko vua na Kalou ni sa tiko ena yalomunu na loloma.
\p
\v 17 Ia na ka kece lia dou sa caka, se dou vosa se dou cakacaka, me caka kece lia ena yaca ni Turaga ko Jisu, ko koya dou caka tiko kinia na vavinavinaka vua na Kalou na Tamada.
\p
\v 18 Oi ikodou na yalewa vawati, mo dou talairawarawa vi ira na watimudou, me vaka ni sa dodonu vua na Turaga.
\v 19 Oi ikodou na tagane vawati, mo dou lomani ira na watimudou, ka kakua ni yaloca vi ira.
\p
\v 20 Oi ikodou na gone, mo dou talairawarawa vi ira na nomunu qase ena ka kece lia: ni sa vinaka sara koya vua na Turaga.
\v 21 Oi ikodou na qase, mo dou kakua ni vacudrui ira na luvemudou, de ra datuvu kinia.
\p
\v 22 Oi ikodou na tamata, mo dou talairawarawa vi ira na nomudou turaga vayago ena ka kece lia; kakua ni caka loa lia e na matanavotu, me vinakati ikodou kinia ko ira na tamata; dou caka lia e na loma dina, ni dou sa rerevakia na Kalou:
\v 23 ia na ka kece lia dou sa caka, caka mai na vu ni yalomudou me vaka vua na Turaga, me kakua vaka vi ira loa lia na tamata;
\v 24 ni dou kila ni dou na rawatia mai vua na Turaga nai votavota me kenai i sau: dou sa qaravia na Turaga ko Karisito.
\v 25 Ia ko koya sa caka ca ena rawatia na kenai sau ni ca sa caka; ka sa yali ni vinakatia vailoa e dua na tamata.
\c 4
\cl Wase 4
\p
\v 1 Oi ikodou na Turaga, dou solia vi ira na tamata na ka e dodonu ka tautauvata; ni dou sa kila sa dua voki lia na nomudou Turaga mai lomalagi.
\p
\v 2 Mo dou dau masu tiko lia, ka cikevia tiko ka vavinavinakatakia;
\v 3 ka masulaki kitou voki lia, me dolavia vi kitou na Kalou na katuba ni vosa, me kitou tukunia na vi ka sa vuni ki Karisito, o koya ka'u sa vesu tu kinia:
\v 4 me'u varaitakia koya, me vaka sa dodonu ki au me'u tukunia.
\p
\v 5 Dou caka tiko lia nai valavala vuku vi ira e taudaku, ka volia me nomudou na gauna.
\v 6 Me caka tiko lia na nomudou vosa ena yalovinaka, ka vatuituinatakia ena masima, mo dou kila kinia se cava sa dodonu mo dou tukunia voki lia vi ira na tamata yadua.
\p
\v 7 E na tukunia vi ikodou na ka kece lia e baleti au o Tikiko, a wekaqu ka'u sa lomania, ki nai talatala yalodina, ki na noqui tokani e na Turaga:
\v 8 ia ka'u sa talai koya vi ikodou ena vuku ni ka koya, mo dou kila na nitou tiko, ka me vaceguya na yalomudou ko koya;
\v 9 oi rau ki Onesimo, na wekaqu sa yalodina ka'u sa lomani, o koya sa dua vi ikodou. Erau na vatakila vi ikodou na ka kece lia sa caka gona.
\p
\v 10 Sa loloma yani vi ikodou ko Arisitako kirau sa vesuki vata tiko, ki Marika na luve ni gane i Panapasa, (o koya dou sa varotia oti kinia: kevaka sa qai vi ikodou, dou vacegui koya;)
\v 11 ki Jisu, a yacana voki lia ko Jusito, eratou sa cili. O iratou lia koya eratou sa daucakacaka vata ki au ena ka ni matanitu ni Kalou, a ratou sa dauvacegui au.
\v 12 Sa loloma yani vi ikodou ko Epafira, sa dua vi ikodou, ai talatala i Karisito Jisu, sa dau gumatua tiko lia ni dau masulaki ikodou, mo dou tudei ka vinaka sara ka vasinaiti tu ena kece sa loma ni Kalou.
\v 13 Ni'u sa vadinadina vua, ni sa lomakatakata sara ena vukumudou voki lia mai Leotisea, ki na vukudra mai Aiarapoli.
\v 14 Sa loloma yani vi ikodou ko Luke, na vu-ni-wai lomani, ki Timasa.
\p
\v 15 Au sa loloma yani vi ira na viwekani mai Leotisea, mo dou wilikia voki lia na ivola vi ira i Leotisea vi Nimifa voki lia, vi ira voki lia nai soqosoqo lewe ni lotu mai nona vale.
\v 16 Ia ni sa wili oti nai vola koya vi ikodou, dou lewa me wili voki lia vi ira nai soqosoqo lewe ni lotu mai Leotisea; mo dou wilikia voki lia nai vola vi ira ki Leotisea.
\v 17 Tukunia voki lia vi Akipo, Mo varaicia na cakacaka ko sa rawatia mai vua na Turaga, mo vayacoria sara.
\p
\v 18 Au sa loloma yani ka vola e na ligaqu dina, koi au ko Paula. Dou nanumi au ni'u sa vesu tiko. Me nomudou na loloma. Emeni