lmv-x-levuka_reg/46-ROM.usfm

\id ROM
\ide UTF-8
\h Roma
\toc1 Roma
\toc2 Roma
\toc3 rom
\mt Roma
\c 1
\cl Wase 1
\p
\v 1 Koi au ko Paula, na talatala i Jisu Karisito, sa kacivi mei apositolo, ka lesi meu tukunia nai tukutuku vinaka ni Kalou
\v 2 ko koya sa yalatakia i liu ko koya ka ra vosatakia na nona parofita ena Vola Tabu
\v 3 ena vuku ni luvena o Jisu Karisito na noda Turaga, o koya sa sucu mai na kawa i Tevita me vaka na yagona
\v 4 ko koya sa vatakilai vakaukauwa ena tu cake voki mai na mate, ni sa Luve ni Kalou, me vaka na yagona savasava
\v 5 ko koya kitou sa rawa voki lia kinia na loloma vata na cakacaka vaka i apositolo me ra vabautia ka talairawarawa kinia ko ira na lewe ni vi vanua kece lia, ena vuku ni yacana
\v 6 dou sa kacivi oti va voki lia kinia ko ikodou mo dou nei Karisito.
\v 7 Vi ikodou kece lia sa tiko mai Roma, o ikodou sa dau lomania na Kalou, ko ikodou sa kacivi me yalosavasava: me nomudou na loloma vata na vacegu mai vua na Kalou ko Tamada, vata kei Jisu Karisito na Turaga.
\p
\v 8 Me vatekivu, ko Jisu Karisoto au sa vavinavinaka kinia vua na noqu Kalou, ena vukumudou kece lia ni sa tukunia i vuravura taucoko na nomudou vabautia.
\v 9 NI sa noqu i vadinadina na Kalou, ko koya au sa qaravia ena vu ni yaloqu enai tukutuku vinaka ni Luvena, ni sa yali ni mudu ni cavuti ikodou ena visiga ena noqu masu
\v 10 niu sa dau masu, me dua na gauna meu kalougata kinia ena lewa ni Kalou meu yaco yani vi ikodou.
\v 11 Niu sa gadrevia valevu mei raici ikodou meu solia vi ikodou nai solisoli vayalo eso mo dou vataudeitakia kinia
\v 12 me da dui vacegui ena vuku ni nomudou vabautia ki na noqu voki lia.
\v 13 Ia, ko iko dou na viwekani, au sa yali ni vinakatia mo dou guilecavia, niu sa nakitia valevu mei qai yani vi ikodou (ia au sa tarovia lia me yacovia na siga koya), me dua na noqu yaga ena ikodou maliwa, me va voki lia kinia ena kedra maliwa na matanitu tani.
\v 14 Sa dodonu vi au me'u sa talatala vi ira na kai Kirisi, vi ira voki lia na lewe ni vivanua loa, vi ira na vuku, vi ira voki lia era sa yali vuku
\v 15 sa vavoki lia kinia, me vaka au sa rawa sa yaloqu sara me'u vunautakia nai tukutuku vinaka vi ikodou voki lia mai Roma.
\p
\v 16 Niu sa yali maduatakia nai tukutuku vinaka kei Karisito ni sai koya koya kaukauwa ni Kalou me vabulai kinia o ira yadua era sa vabautia, sa liu vi ira na Jiu, vi ira voki lia sa matanitu tani.
\v 17 Ni sa vatakila kinia, ni sa vadonui ira na Kalou me ra vabautia me vaka na ka sa volai. Ena bula ena vabautia ko koya sa yalododonu.
\p
\v 18 Ni sa vatakilai mai Lomalagi na cudru ni Kalou kei na nodra i valavala ca kece lia, vata na nodra yali ni dodonu na tamata, era sa tarovia nai vavuvuli dina enai valavala yali ni dodonu.
\p
\v 19 Ni sa rairai ena kedra maliwa, na ka ni Kalou sa kilai rawa, ni varaitakia vi ira na Kalou
\v 20 ni sa laurai na ka ni Kalou e vuni tu, io, na nona kaukauwa e yali ni mudu, vata na nona tu va- Kalou, ni sa kilai oti na veika sa buli, mai na gauna sa buli kinia na vuravura, ko koya gona sa yali dua kinia na nodra ulubale.
\v 21 Io ni ra sa kila tiko na Kalou, era sa yali ni varokorokotakia me vaka ni Kalou, se vavinavinakatakia, ia sa lialia mai na nodra nanumia, a sa butobuto mai na yalodra sa lialia.
\v 22 NI ra sa tukunia tiko ni ra sa vuku, era sa lialia mai
\v 23 a ra sa vaisosomitakia na serau ni Kalou sa yali ni mate rawa, ena matakau me vaka na tamata sa ra mate loa, vata na manumanu, vata na manumanu yavai va, vata na veika qasi voli.
\p
\v 24 Ko koya sa daini ira kinia na Kalou me ra vavitaliatakia ena dodomo ni yalodra, me ra vavelavelatakia kinia na yagodra vakai ira
\v 25 era sa vaisosomitakia nai vavuvuli dina ni Kalou, ena ka lasu loa lia, a ra sa soro kinia ka qaravia na ka sa buli, ka yali ko koya sa bulia, ko koya sa nona varokoroko sa yali ni mudu. Emeni
\v 26 Ko koya sa daini ira kinia na Kalou me ra muria na dodomo vasisila, ni ra sa vaisosomitakia ko ira na nodra yalewa nai valavala ca sa lesi e duatani a yali lesi
\v 27 sa va voki lia kinia ko ira na tagane, ni ra sa dainia nai valavala. Sa lesi vata na yalewa, sa waqa na nodra vidomoni vakai ira, a ra sa caka ko ira na tagane ka velavela sara vata kei ira na tagane, sa yaco kinia vi ira nai sau dodonu ni nodra caka cala
\v 28 ra sa yali ni vinakatia mera kila tiko na Kalou, sa daini ira na Kalou me ra lomavata, me ra caka na veika e yali dodonu vi ira
\v 29 me ra sinai ena ka kece lia e ca, na yalo ca, na daukocokoco, na dauvivacacani, me ra sinai ena vuvu, na laba, na vivala, na daivivakaisini, na yalo cudrucudru, me ra dau vosa vakai lo,
\v 30 me ra daukakase, me ra catia na Kalou, me ra vosa levu, me ra viavialevu, me ra dau dokai ira, me ra dauvavunia na ca, me ra dau talaidredre vi ira na nodra matua
\v 31 me ra yali ni yalomatua, me ra yalayala ka lasu voki, ka ra sa caca viwekani, era sa yali ni yalololoma
\v 32 ia ni ra sa kila tiko na lewa ni Kalou ni sa dodonu me ra mate o ira era caka na koya, era sa yali ni caka loa lia ko ira, era sa dau vinakati ira voki lia era dau caka.
\c 2
\cl Wase 2
\p
\v 1 Ko koya gona sa yali kinia na nomu ulubale, ko iko na tamata yadua sa daulewa, ni ko sa beitaki iko ena nona lewa ni tani, ni ko sai valavala tiko vakinia ko iko sa daulewa.
\v 2 Ia eda sa kila sa dina na lewa ni Kalou vi ira sa caka na ka koya.
\v 3 Ia ko iko na tamata, sa lewai ira era sa caka na veika vakakoya ka sai valavala vakinia, ko sa nanumia beka ko na tuba rawa mai na lewa ni Kalou?
\v 4 Se ko sa becia beka na nona loloma levu, vata na nona vosotia vadede, vata na nona cudru vamalua, ko sa yali ni vakasama ni sa tuberi iko ki na veivutuni na loloma ni Kalou?
\v 5 Ia ko iko, me vaka na nomu yalo kaukauwa vata na lomamu sa yali ni vivutuni, ko sa binia tiko lia vi iko na cudru i na siga ni cudruvi, ena varaitakia kinia na lewa dodonu ni Kalou,
\v 6 ko koya na saumia na tamata yadua me vaka na nona i valavala:
\v 7 na bula yali ni mudu, vi ira era sa gumatua tiko i nai valavala vinaka ka vaqara nai ukuuku vata na varokoroko vata na yali mate rawa.
\v 8 Ia na cudru vata na lesavi vi ira era sa dauveileti, ka talaidredre ki nai vavuvuli dina, ia ka talaiwarawara ki nai vavuvuli yali dodonu.
\v 9 Na rarawa vata na yaluma, vi ira na tamata kece lia sai valavala ca tiko, sa liu vua na Jiu, vi koya voki lia sa matanitu tani.
\v 10 Ia nai ukuuku, kei na vakarokoroko, kei na vacegu, vi ira na tamata kece lia sai valavala vinaka, sa liu vua na Jiu, vi koya voki lia sa matanitu tani.
\v 11 Ni sa yali ni vinakati ira vailoa na tamata na Kalou:
\v 12 ni na rusa me vaka sa yali na vunau ko ira kece lia sai valavala ca ka yali vi ira nai vunau: ia ena lewai enai vunau ko ira kece lia sai valavala ca ka sa tu vi ira na vunau,
\v 13 ni ra sa yali ni dodonu ena mata ni Kalou ko ira era sa rogocia loa lia na vunau, ko ira lia era sa muria na vunau era na vadonui:
\v 14 ni ra sa caka vataki ira lia na ka ni vunau ko ira na vimatanitu tani, sa yali vi ira nai vunau, era sa qai nodra vunau vakai ira lia, ia sa dina sa yali vi ira nai vunau.
\v 15 Ko ira era sa vatakila sara ni sa volai ena yalodra nai valavala ni vunau, ka ni sa vadinadina tiko na nodra lewa e loma voki lia, ka ra sa dui lewa ni sa cala, se sa dodonu na nodrai valavala
\v 16 ena siga ena lesi Jisu Karisito kinia na Kalou me lewa na nodra vi ka vuni tu na tamata, me vaka na noqui tukutuku vinaka
\v 17 Ia kevaka ko sa vakatokai mo Jiu, ka ko sa vararavi ena vunau, ka sa dokadokai iko ena vuku ni Kalou,
\v 18 ia ko sa kila na lomana, ka vinakatia na veika sa vinaka sara, ni ko sa vavulici mai na vunau,
\v 19 ko sa vararavi voki lia vi iko mo yadi ira na mataboko, mo nodra rarama era sa tiko ena butobuto, mo nodra i vavuvuli era sa lialia,
\v 20 mo nodrai vavuvuli na gone lalai, ni sa nomu ena vunau nai vatakarakara ni vuku dina;
\v 21 ia ko iko, ko sa dauvatavulicia na tani, ko sa yali ni vatavulici iko? Ko iko, ko sa dauvunau me kua na butako, ko sa bau butako ko iko?
\v 22 Ko iko, ko sa dau kaya me kakua na dauyalewa, ko sa bau dauyalewa ko iko? Ko iko, ko sa daucatia na vimatakau, ko sa bau butako mai na valenisoro?
\v 23 Ko iko, ko sa dokadokai iko ena vuku ni vunau, ko sa bau valialiai koya na Kalou ni sa talaidredre ki nai vunau gona?
\v 24 Ni sa dau vosavacacataki na yaca ni Kalou vi ira na vimatanitu ena vukumudou, me vaka sa volai.
\p
\v 25 Ni sa dina sa yaga na vicili, kevaka ko sa talairawarawa ki nai vunau, ia kevaka ko sa talaidredre ki nai vunau, sa yaco kinia na nomu cili me yali cili.
\v 26 Ia kevaka e dua sa yali ni cili, ka sa muria nai valavala dodonu ni vunau, ena yali li ni wili na nona yali cili me cili?
\v 27 Ia ko koya sa yali cili vayago, kevaka sa muria nai vunau, ena yali lewai iko, ko iko sa talaidredre ki nai vunau, ka sa tu vi iko nai vola ni vicili?
\v 28 Ni sa yali ni Jiu koya sa vakinia varairai loa lia, ia sa yali ni veicili na ka sa rairai loa lia ena yago:
\v 29 ia sa Jiu o koya sa vakinia i loma, a sa vayalo na veicili, sa ka ni yalo, ka sa yali ni ka ni vosa loa lia, o koya sa yali ni doka o ira na tamata, sa doka lia o koya na Kalou.
\c 3
\cl Wase 3
\p
\v 1 A cava na ka sa vinaka cake kinia, na Jiu? Se cava na betena na vicili?
\v 2 E levu e na ka kece; e levu sara, ni sa lesi vi ira mera maroroya na Vosa ni Kalou.
\v 3 Ia ka vaevei, kevaka sa yali ni vabautia o ira eso? Me vatawayagatakia li na nona dina na Kalou na nodra yali ni vabautia?
\v 4 E yali sara, me dina lia na Kalou, ka me lasu na tamata kece lia; me vaka na ka sa volai, Mo vadonui ni ko sa vosa, Ka gumatua ni o sa veileti.
\p
\v 5 Ia kevaka sa vadinadinataki nai valavala dodonu ni Kalou ena noda i valavala tawa- dodonu, a cava me da tukunia? Sa yali beka ni dodonu na Kalou, ni sa saumia? (Au sa vosa me vaka lia na tamata.)
\v 6 E yali sara, kevaka sa vakakoya, e na qai lewai vuravura vaevei na Kalou?
\v 7 Io, kevaka sai koya na noqu lasu sa uasivi cake kinia na nona dina na Kalou, me varokorokotakia ko koya, e na cava au sa cudruvi tiko kinia me vaka na tamata ca?
\v 8 Ia ena yali beka li ni vaka (ni kitou sa lasutaki, ka sa tukuni ni kitou sa vosa vakane,) Me da caka nai valavala ca, me yaco kinia na ka vinaka? Ia ko ira koya, era na cudruvi vadodonu.
\p
\v 9 Ia ka vaevei? Eda sa uasivi cake beka? E yali sara e na dua na ka: ni kitou sa vadinadinatakia e liu ni ra sa cala kece lia, ko ira na Jiu, kei ira sa matanitu tani;
\v 10 me vaka sa volai, Sa yali ni dua sai valavala dodonu, sa yali sara ni dua:
\v 11 Sa yali e dua sa kila, Sa yali e dua sa vaqara na Kalou.
\p
\v 12 Era sa lesu tani kece lia, era sa yaco vata me yali ni yaga; Sa yali ni dua sai valavala vinaka, sa yali sara ni dua.
\q
\v 13 Ai bulubulu sa dola tu na nodrai tilotilo; Era sa dauvivakaisini ena gusudra; Sa tu e ruku ni tebe ni gusudra na weli gaga ni gata:
\v 14 Sa sinai na gusudra ena ruru kei na vosa daugaga:
\v 15 Sa kusarawa yavadra me vadavea na dra:
\v 16 Sa tu ena nodra sala na rusa kei na rarawa:
\v 17 Ia era sa yali ni kila na sala ni vivacegui;
\v 18 Sa yali vi ira na rerevakia na Kalou.
\p
\v 19 E da sa kila na ka kece lia sa tukunia na vunau, sa tukunia vi ira sa tu vi ira nai vunau, me vagalui kinia na gusudra kece lia, ka me beitakia ena mata ni Kalou na kai vuravura kece lia.
\v 20 Ena yali ni vadonui vua e dua na tamata enai valavala ni vunau: ni sai koya na vunau sa kilai kinia nai valavala ca.
\p
\v 21 Ia ka sa qai vatakilai mai ena gauna koya na ka veivadonui kinia na Kalou, ka ni sa yali ni yaco ena vuku ni vunau, ia sa vadinadina kinia na vunau kei ira na parofita;
\v 22 io, sa caka na vivadonui na Kalou ena vuku ni vabauti Jisu Karisito, vi ira kece lia era sa vabautia; ni da sa tautauvata kece lia:
\v 23 ni sai valavala ca ko ira kece lia na tamata, ka ra sa yali ni yacovia na ka e varokorokotaki kinia na Kalou:
\v 24 a ra sa vadonui loa lia ena nona loloma ni sa volia na bula ko Jisu Karisito:
\v 25 o koya sa lesi na Kalou mei bulubulu vei ira sa vabautia, e na nona dra, me vatakila na nonai valavala dodonu ni sa yali saumia nai valavala ca sa caka oti, ka ni sa vosotia na Kalou;
\v 26 io, me vatakila e na gauna koya na nona yalododonu: me sa dodonu ko koya, ka vadonui koya sa vabauti Jisu.
\p
\v 27 Sa qai ivei beka na ka ni vidokadokai? Sa takali sara. Ena vuku ni vunau cava? Na vunau ni cakacaka beka? E yali; ena vuku lia ni vunau ni vabautia.
\v 28 Ko koya kitou sa vaka sa vadonui na tamata ena vabautia, ia ka yali lia ena vuku ni cakacaka ni vunau.
\v 29 Sa nodra dua loa lia na Jiu ko koya na Kalou? Sa yali beka ni nodra voki lia na vimatanitu tani? Io, sa nodra voki lia na vimatanitu tani:
\v 30 kevaka sa dua bau lia na Kalou, ka na vadonui ira sa cili, ena vuku ni vabautia, kei ira voki lia sa yali ni cili, ena nodra vabauta.
\v 31 Kitou sa qai vatawayagatakia na vunau ena vabautia, se yali? E yali sara: kitou sa vataudeitakia lia nai vunau.
\c 4
\cl Wase 4
\p
\v 1 A cava me da qai tukunia sa rawatia ko Eparaama na tamada, enai valavala vayago?
\v 2 Kevaka sa vadonui ko Eparaama ena vuku ni cakacaka, sa qai dua na ka vua me dokai koya kinia, ia ka yali lia ena mata ni Kalou.
\v 3 A cava e tukunia na Vola Tabu? Sa vabautia na Kalou ko Eparaama, a sa okati vua mei valavala dodonu
\v 4 Ia na kenai sau vua na tamata dau cakacaka, sa yali okatia me loloma, sa kenai voli lia.
\v 5 Ia ko koya sa yali ni cakacaka, a sa vabauti koya sa vadonuya na tamata i valavala ca, sa okati vua na nona vabautia mei valavala dodonu.
\v 6 Sa vaka voki lia kinia ko Tevita ni sa tukunia na kena kalougata na tamata, sa okatia vua na Kalou nai valavala dodonu, ia ka yali ena vuku ni cakacaka:
\v 7 Sa kalougata ko ira sa bokoci na nodrai valacala ca, A sa buluti na nodra caka cala;
\v 8 Sa kalougata na tamata sa yali beitakia vua nai valavala ca ko Jiova.
\p
\v 9 Era sa kalougata beka vakakoya ko ira lia era sa cili, se ra vaka voki lia kinia ko ira sa yali cili? Ni sa da tukunia ni sa wili vi Eparaama na nona vabauta me valavala dodonu.
\v 10 Sa qai okati beka ni sa vaevei? Ni sa cili oti ko koya, se ni sa yali cili? Sa yali lia ni sa cili oti, ni sa yali lia ni cili.
\v 11 A sa soli vua na vicili mei vatakilakila, me vadinadinatakia ni sa vadonui ko koya ena vuku ni nona vabautia, ni sa yali ni cili tu, me yaco kinia ko koya me tamadra kece lia era sa vabautia, ia ka ra yali tu ni cili; me okati vi ira voki lia nai valavala dodonu:
\v 12 me tamadra voki lia ira sa cili, vi ira era sa yali ni cili loa lia, era sa muria voki lia nai varau ni vabautia koya sa nei Eparaama, na tamada ni se bera ni cili.
\p
\v 13 Ni sa yali ni yalatakia vi Eparaama, se vi ira na nona kawa, mei taukei ni vuravura, ena vuku ni vunau, ena vuku lia ni vivadonui sa yaco ena vabautia:
\v 14 ni sa mai vatawayataki na vabautia, ia sa ka loa voki lia na vosa ni yalayala, kevaka era sa taukenia ko ira sa muria nai vunau:
\v 15 ni sa vavunia na cudruvi nai vunau: ni sa yali nai valavala ca, kevaka sa yali nai vunau.
\v 16 Ena vuku ni ka koya sa ka ni vabautia, me sa rawa kinia me ka ni loloma: me ra tu dei kinia na vosa ni yalayala vi ira kece lia na kawa; e yali vi koya loa lia sa tu vua nai vunau, vi koya voki lia sa tu vua na vabautia i Eparaama: koya sa tamada kece lia,
\v 17 (me vaka sa volai, Au sa qisi iko mo tamadra na vivanua e levu,) ena matana sa vabautia ko koya, io, na Kalou, ko koya sa bulai ira voki lia na mate, a sa kacivia na veika sa yali me vaka sa tu:
\v 18 ia ni sa yali na ka me nuinui kinia, sa vabautia ko koya, ka vanuinui, me yaco me tamadra na vivanua e levu, me vaka sa tukuni, Ena vakinia na nomu kawa.
\v 19 Ia ni yali malumalumu na nona vabauta, sa yali ni vakasama kinia na kena mate na yagona ka ni sa dua beka na drau na nona yabaki, se na kena mate na ketei Sera:
\v 20 a sa yali voki lia ni lomalomarua me yali ni vabautia na vosa ni yalayala ni Kalou; sa kaukauwa lia na nona vabautia, a sa varokorokotakia kinia na Kalou;
\v 21 a sa vadinatia sara, ni sa rawarawa vei koya, me vayacoria na ka sa yalatakia.
\v 22 Ko koya gona sa okati kinia vua mei valavala dodonu.
\p
\v 23 Ia sa yali ena vukuna dua loa lia sa volai kinia vua ni sa okati vua;
\v 24 ena vukuda voki lia, ni na okatia vaka voki lia kinia vi ita, kevaka eda sa vabauti koya sa vaturia cake voki mai na noda Turaga ko Jisu mai na mate;
\v 25 ko koya ka soli yani ena vuku ni nodai valavala ca, a sa vaturi cake voki me da vadonui kinia.
\c 5
\cl Wase 5
\p
\v 1 Ko koya koya, ni da sa vadonui ena vabauta, me da sa qai veivinakati ki na Kalou ena vuku ni noda Turaga ko Jisu Karisito:
\v 2 ena vukuna voki lia eda sa torovia rawa kinia, ena vabautia na loloma koya eda sa qai tu kinia; me da sa reki voki lia ni da nuitakia na vivakalougataki ni Kalou.
\v 3 A sa yali ni koya loa lia gona, me da sa daureki voki lia ena vuku ni veika rarawa: ni da kila ni sa dau tubu na dauvosotia mai na veika rarawa;
\v 4 ia na dauvivatovolei mai na dauvosotia; ia nai nuinui mai na dauvivatovolei.
\v 5 Ia sa yali na madua ena vuku ni nuinui; ni sa sovarakia kinia na yaloda na loloma ni Kalou ni sa solia vi ita na Yalo Tabu.
\p
\v 6 Ni sa mate na Karisito me kedrai sosomi ni tamata i valavala ca ena gauna sa lokuci eliu, ni da sa malumalumu tiko.
\v 7 Ni sa yali beka e dua me mate mei sosomi ni tamata yalododonu; ia ka sa dua beka sa doudou me mate mei sosomi ni tamata dauloloma.
\v 8 Ia na Kalou sa vatakila na loloma vi ita ni sa mate na Karisito me noda i sosomi ni da sa tamata ca.
\v 9 Ia ni da sa qai vadonui ena vuku ni nona dra, ena qai rawarawa cake meda vabulai mai na cudru ena vukuna.
\v 10 Io, kevaka eda sa vivinakati kei na Kalou e na vuku ni nona mate na Luvena, ni da sa vimecaki, ena qai rawarawa cake, ni da sa vivinakati tu, me da vabulai tiko ena vuku ni nona bula.
\v 11 A sa yali ni koya loa lia, ia eda sa daureki voki lia ena Kalou e na vuku ni noda Turaga ko Jisu Karisito, ko koya eda sa yaco kinia me da vivinakati tu.
\p
\v 12 Ia me vaka sa curu i vuravura nai valavala ca ena vuku ni tamata e lewe dua, vata na mate ena vuku ni valavala ca, a sa yaco vakinia na mate ki na tamata kece lia, ni sa cala na tamata kece lia.
\v 13 Sa tu iliu i vuravura nai valavala ca, sa yaco i muri na vunau: a sa yali okati nai valavala ca, ni sa yali na vunau.
\v 14 Ia mai na gauna i Atama ka yacovia na gauna i Mosese sa dau vitalia ko mate vi ira voki lia era sa yali valavala ca me vaka na talaidredre i Atama, ko koya sa nona i vatakarakara sa qai mai emuri.
\v 15 Ia erau sa yali ni tautauvata sara na talaidredre, vata nai solisoli loa lia. Ia kevaka sa mate na lewe levu ena vuku ni nona talaidredre na lewe dua, sa qai rawarawa cake sara me yaco valevu vi ira na lewe levu na loloma ni Kalou, vata nai solisoli ni loloma, ena vukuna lia na tamata e lewe dua ko Jisu Karisito.
\v 16 E rau sa yali ni tautauvata na ka sa yaco ena vuku ni nona cala e dua bau lia, kei nai solisoli: ni sa dua loa lia sa yaco kinia na lewa me da cala, ia nai solisoli loa lia sa yaco vei ira na lewe levu na nodrai valavala ca me ra vadonui kinia.
\v 17 Ia kevaka sa gumatua na mate ena vukuna na lewe dua; ena talaidredre ni le dua; ena qai rawarawa valevu cake vei ira sa yacovi ira na loloma levu kei nai solisoli ni veivadonui, me ra gumatua e na bula ena vukuna na le dua ko Jisu Karisito.
\p
\v 18 O koya koya, me vaka sa lewai me cudruvi kece lia na tamata ena vuku ni dua loa lia na cala; sa vaka voki lia kinia ena vuku ni dua loa lia nai valavala dodonu sa rawa me ra vadonui kece kinia na tamata me ra bula:
\v 19 ka me vaka sa vacalai na lewe levu ena vuku ni nona talaidredre e dua loa lia na tamata, sa vadonui vaka voki lia kinia na tamata ena vuku ni nona talairawarawa na le dua.
\v 20 Sa qai yadi mai na vunau, me uasivi kinia nai valavala ca. Ia ni sa uasivi cake mai na valavala ca sa uasivi cake valevu sa ra na loloma:
\v 21 me vaka ni sa gumatua nai valavala ca ki na mate, me gumatua voki lia kinia na loloma, e na vadonui, ki na bula tawa mudu, e na vuku i Jisu Karisito na noda Turaga.
\c 6
\cl Wase 6
\p
\v 1 A cava me da qai tukunia? Me da valavala ca tiko lia me qai tubu valevu kinia na loloma?
\v 2 E yali sara. O ita sa mate ki nai valavala ca, eda na caka tiko vaevei nai valavala ca?
\v 3 Dou sa yali beka ni kila, oi ita sa papitaiso vi Jisu Karisito, eda sa papitaiso ki na nona mate?
\v 4 O koya eda sa bulu vata kinia, ni da sa papitaisotaki ena nona mate: me vaka sa vaturi cake voki mai na mate na Karisito ena kaukauwa ni Tamana, me da sa valavala vaka voki lia kinia ena bula vou.
\v 5 Ia kevaka e da duavata meda vaka taki koya ena na nona mate, eda na vaka voki lia kinia ena nona tucake voki mai na mate:
\v 6 ni da kila koya, ni rau sa lauvako vata kaya i na kauveilatai na noda tamata makawa, me takali kinia na yago ni valavala ca, me da kakua voki ni bobula ki nai valavala ca.
\v 7 Ni sa sereki mai nai valavala ca o koya sa mate tu.
\v 8 Ia kevaka eda sa mate vata ki Karisito, eda na vadinatia ni da na bula vata voki lia:
\v 9 ni da sa kila ni sa vaturi cake voki mai na mate na Karisito, e na yali ni na mate voki, sa yali voki ni rawai koya na mate.
\v 10 Ni sa mate ko koya, sa mate vadua ena vuku ni valavala ca; ia ni sa bula sa bula vua na Kalou.
\v 11 Mo dou vavoki lia kinia ni dou sa vakasami ikodou mo dou sa mate sara ki nai valavala ca ka bula vua na Kalou ena vukui Jisu Karisito.
\v 12 O koya me qai kua ni gumatua nai valavala ca ena yagomudou sa mate rawa, mo dou muria na kena gagadre ca.
\v 13 Kua voki lia ni soli na vi tikimudou ki nai valavala ca me caka kinia na ka ca: dou soli ikodou lia vua na Kalou, me vaka dou sa bula mai na mate, kei na veitikimudou vua na Kalou me caka kinia na ka e dodonu.
\v 14 Ni na yali vitaliataki ikodou nai valavala ca: ni dou sa yali lewai ena vunau, ena loloma lia.
\p
\v 15 Ia ka vaevei? Meda sai valavala tiko li, ni da sa yali ni lewai ena vunau, ka e na loloma lia? E yali sara.
\v 16 Dou yali tiko ni kila, o koya yadua dou sa soli ikodou vua mo dou nona tamata mo dou talairawarawa vua, dou sa nona tamata lia dou sa talairawarawa kinia; se ki na caka cala mo dou mate kinia, se ki na caka dodonu mo dou vadonui kinia?
\v 17 Ia me ia na vavinavinaka vua na Kalou, ni dou sa muria, mai na vu ni yalomudou, koi ikodou ka bobula ki nai valavala ca, nai varau ni vavuvuli dou sa vavulici kinia.
\v 18 `Ia ni dou sa qai sereki mai nai valavala ca, dou sa qai qaravia nai valavala dodonu.
\v 19 Au sa vosa lia vatamata, ni sa malumalumu na yagomudou: ia me vaka dou a solia eliu na veitikimudou me ra qaravia na ka dukadukali, kei nai valavala ca me levu kinia na ca; mo dou qai solia vaka kinia na vitikimudou me ra qaravia na ka dodonu me caka kinia na ka savasava.
\v 20 Ni dou a bobula tiko kinai valavala ca, dou sa yawa tu ki nai valavala dodonu.
\v 21 Ia ka cava na vuana dou sa rawatia, e na gauna ko ya, mai na veika dou sa qai madua kinia? Ni sa kenai otioti ni veika koya na mate.
\v 22 Ia dou sa qai sereki mai nai valavala ca, ka yacovia me tamata ni Kalou, dou sa qai rawatia na vuana enai valavala savasava, kei nai otioti na bula tawa mudu.
\v 23 Ni sa kenai sau ni valavala ca na mate: ia sai solisoli loa lia ni Kalou na bula tawamudu, e na vukui Jisu Karisito na noda Turaga.
\c 7
\cl Wase 7
\p
\v 1 Dou sa yali beka ni kila, ikodou na veiwekani, (ni'u sa vosa vei ira lia era sa kila na vunau,) ni sa vaucia na tamata na vunau ena visiga ni nona bula?
\v 2 Ia na yalewa sa vawati, sa vauci koya na vunau vua na watina, ni sa bula tiko ko koya; ia kevaka sa mate na watina; sa qai sereki kinia na yalewa mai na vunau ni viwatini.
\v 3 O koya na vayacani kinia me dautagane, kevaka sa lai vawati ki na dua na tagane tani, ni se bula tiko na watina: ia kevaka sa mate na watina, sa qai sereki lia mai na vunau ko ya; ka na yali kinia ni dautagane, kevaka ena lai vawati ki na dua na tagane tani.
\v 4 Dou sa vakinia, na viwekani ni dou sa sereki mai na vunau e na vukui ni yago i Karisito; me dua tani mo dou viwatini kaya, io ko koya sa vaturi cake voki mai na mate me da vua kinia vua na Kalou.
\v 5 Ni da sa tiko vayago lia, sa dau tubu vakaukauwa ena vitikida na gagadre ca, sa tubu mai na vunau, me vuataki kinia na mate.
\v 6 Ia eda sa qai sereki mai na vunau, ni da sa qai mate ki na ka sa vauci ita; me da ia na veiqaravi e nai tovo vou ni yalo, ka yali e nai tovo makawa ni vunau.
\p
\v 7 A cava me da qai tukunia? Sa ca li na vunau? E yali sara. Au a yali dina ni kila se cava nai valavala ca, ka'u yali kila nai vunau: ni'u sa yali kila se cava na daukocokoco, kevaka sa yali tukunia nai vunau, Kakua ni kocokoco.
\v 8 Ia na ca, ni sa kaukauwa ena vuku ni vunau, sa vatuburia e lomaqu na gagadre ca kece lia. Ni sa mate ca ni sa yali na vunau.
\v 9 Ia ka'u a bula lia e liu ni sa yali na vunau; ia ni sa qai mai na vosa ni vunau, sa bula voki na ca, ka'u sa qai mate kinia.
\v 10 Ia na vosa ni vunau, o koya ka yaco rawa kinia na bula, ka'u sa kunea sa yaco kinia na mate.
\v 11 Ni sa kaukauwa na ca, e na vuku ni vosa ni vunau, a sa temaki au kinia, ka vamatei au.
\v 12 Ia sa savasava na vunau, sa savasava voki lia nai varo, sa dodonu voki lia ka vinaka.
\p
\v 13 Sa qai yaco beka na ka vinaka me ka me'u mate kinia? E yali sara. A ca lia, me rairai kinia ni sa ca, sa tauria na ka vinaka me'u caka kinia me'u mate; me rairai kinia na ca me ca dina sara e na vuku ni vosa ni vunau.
\p
\v 14 Ni da sa kila sa ka vayalo na vunau: ia koi au, au sa vayago loa lia, ka'u sa volitaki ki na ca.
\v 15 A ka ka'u sa caka tiko, au sa yali vinakatia, ia na ka ka'u sa vinakatia, au sa yali caka; ia na ka au sa catia, au sa caka tiko.
\v 16 Ia kevaka ka'u sa caka na ka au sa yali ni vinakatia, au sa tukunia kinia ni sa vinaka nai vunau.
\v 17 A sa yali ni o au dina sa caka, na ca lia sa tiko vi au.
\v 18 Ni'u sa kila ni sa yali sara ni tiko vei au e na noqu tovo vayago e dua na ka vinaka; ni sa tiko lia vi au na vinakatia na ka vinaka; ia na kaukauwa me'u caka kinia, ka'u sa yali ni kunea.
\v 19 Ia na ka vinaka au sa vinakatia, au sa yali caka; ia na ca au sa yali vinakatia, au sa caka lia.
\v 20 Ia kevaka au sa caka na ka au sa yali vinakatia, sa qai yali dina ni koi au dina sa caka, na ca lia sa tiko vi au.
\v 21 Ia ka'u sa kunea kinia e dua na vunau, sa tiko kinia vei au na ca ni'u sa via caka na vinaka.
\v 22 Ni'u sa vinakatia na vunau ni Kalou e na lomaqu dina:
\v 23 ia ka'u sa kunea e dua tani na vunau e na veitikiqu, a rau sa vivala ki na vunau sa tu e na lomaqu, a sa vabobulataki au ki na vunau ni ca, o koya sa tiko e na veitikiqu.
\v 24 A tamata valoloma koi au! O cei ena sereki au mai na yago ni mate koya?
\v 25 Au sa vavinavinaka vua na Kalou e na vuku ni noda Turaga ko Jisu Karisito. Ia sa qai vakakoya, au sa qaravia na vunau ni Kalou e na lomaqu dina, ia na vunau ni valavala ca e na noqui tovo vayago.
\c 8
\cl Wase 8
\p
\v 1 O koya koya era sa yali kinia ni lewai me cudruvi ko ira era sa tu vata ki Karisito Jisu, era sa yali ni muria tiko nai tovo vayago, era sa muria lia na Yalo Tabu.
\v 2 Ni sa sereki au mai na vunau ni ca kei na mate, na vunau ni Yalo ni bula vei Karisito Jisu.
\v 3 Ia ni sa yali rawarawa ki na vunau, ni sa malumalumu ena vuku ni tovo vayago, sa qai lewa na Kalou me mate na ca e na yago, ni sa tala na luvena ena i tovo ni yago sa tu kinia na ca, ka mei soro ni valavala ca:
\v 4 me caka rawa kinia nai valavala dodonu ni vunau, ni da sa yali ni muria tiko nai tovo vayago eda sa muria lia na Yalo:
\v 5 ni ra sa gadrevia na veika vayago ko ira era sai tovo vayago; ia na veika vayalo ko ira era sai tovo vayalo.
\v 6 Ni sa vuni mate na gadrevia nai tovo vayago; ia sa vu ni bula kei na vacegu na gadrevia na tovo vayalo.
\v 7 Ni sa veimecaki kei Kalou nai tovo vayago: ni sa yali ni varogocia na vunau ni Kalou, ia sa dredre sara me vakinia.
\v 8 Ia ko ira sai tovo vayago, era sa yali ni caka rawa na ka e vinaka vua na Kalou.
\v 9 Ia sa yali ni vayago na nomudou i tovo, sa vayalo lia, kevaka sa dina ni tiko e na lomamudou na Yalo ni Kalou. Ia kevaka sa dua na tamata sa yali ni tiko e lomana na Yalo i Karisito, sa yali ni nona o koya koya.
\v 10 Ia kevaka sa tiko e na lomamudou na Karisito, sa dina lia sa mate na yago e na vuku ni valavala ca; ia na yalo sa bula e na vuku ni veivadonui.
\v 11 Ia kevaka sa tiko vadua e lomamudou na Yalo i koya sa vaturi Jisu cake voki mai na mate, o koya sa vaturi Karisito voki mai na mate, ena vabula voki na yagomudou sa mate rawa, e na Yalona sa tiko vadua e na lomamudou.
\p
\v 12 O koya, ikodou na veiwekani, eda sa yali kinia ni vauci ki nai tovo vayago, me da muria nai tovo vayago:
\v 13 ni dou na mate kevaka dou sa muria nai tovo vayago; ia kevaka sa veivuke ki ikodou na Yalo Tabu me vaotia nai valavala vayago, dou na bula kinia.
\p
\v 14 Ia ko ira lia sa tuberi ira na Yalo ni Kalou era sa luve ni Kalou.
\v 15 Ni dou sa yali rawatia voki na Yalo ni bobula mo dou rere; ia dou sa rawatia na Yalo Tabu dou sa vabauti kinia me gone, o koya eda sa kaci kinia, Apa, Tamada.
\v 16 A Yalo koya sa tukunia mai ki na yaloda, ni da sa luve ni Kalou:
\v 17 ia kevaka eda sa gone, eda na qai taukei; eda na taukenia na veika ni Kalou, eda sai taukei vata kei Karisito; kevaka eda sa vosotia vata kaya na ca, eda na vakalougatataki vata kaya voki lia.
\p
\v 18 Ni'u sa vaka sa yali ni yaga me rau vatautauvatanitakia na ka ca sa vosotia e na bula koya kei na kalougata ena varairaitakia vei ita e muri.
\v 19 Ni sa gadrevia valevu o vuravura ka wawa tiko lia me ra varairaitaki ko ira na luve ni Kalou.
\v 20 Ni sa vamalumalumutaki ko vuravura me ca, a sa yali ni vinakatia, e na vuku i koya lia sa vamalumalumutakia, ni sa vanuinui tiko,
\v 21 ni na serekia voki lia ko vuravura mai na kena vabobulataki ki na rusa, ka me lalaga tu ka vaiukuukutaki vata kei ira na luveni Kalou.
\v 22 Ni da sa kila, sa vutugu vata ko vuravura taucoko, ka sa yaluma e na rarawa, ka yacovia na siga koya.
\v 23 A sa yali ni koya lowa lia, o ita voki lia, eda sa rawatia nai sevu ni Yalo Tabu, e da sa vutugu tiko e lomada ni sa warakia meda vabautia me gone, ni na vabulai na yagoda.
\v 24 Ni da sa bula e na nuinui: ia nai nuinui sa bale ki na ka sa qai raicia sa yali ni nuinui dina: ni sa nuitakia vacava na tamata na ka sa qai raicia?
\v 25 Ia kevaka eda sa nuitakia na ka eda sa yali ni raicia, eda sa vosotia lia me warakia tiko.
\p
\v 26 Ia na Yalo Tabu voki lia sa vukea na noda malumalumu: ni da sa yali ni kila na ka e kilikili kei ita me da kerea: a sa masulaki ita na Yalo Tabu e na vutugu e yali ni cavuti rawa.
\v 27 Ia ko koya sa dau dikevia na yaloda sa kila na loma ni Yalo Tabu, ni sa masulaki ira na tamata lotu me vaka na loma ni Kalou.
\p
\v 28 Ni da sa kila sa veivuke na ka kece lia me ra vinaka kinia era sa lomania na Kalou, ko ira sa kacivi me vaka na ka sa nakiti oti.
\v 29 Ia ko ira kece sa kilai ira e liu ko koya, sa lesi ira eliu me ra tautauvata kei na luvena, me ulumatua kinia ko koya vei ira na tacina era lewe vuqa:
\v 30 ia ko ira sa lesi ira eliu ko koya, sa qai kacivi ira ko koya, sa vadonui ira: ia ko ira sa vadonui ira ko koya, sa vaiukuukutaki ira.
\p
\v 31 A cava me da qai tukunia ena veika koya? Kevaka sa totaki ita na Kalou, o cei me noda meca?
\v 32 Ena vaevei ko koya sa yali ni bureitakia na Luvena dina, ia sa soli koya yani me sosomitaki ita kece lia, ena dredre vacava vua me solia loa lia vi ita na ka kece lia vata kaya?
\v 33 O cei me beitaki ira sa digitaki ira na Kalou? Na Kalou sa vadonuya.
\v 34 O cei ena lewa me ra cudruvi? O Karisito Jisu lia sa mate, io, sa bula cake voki, a sa tiko voki lia e na liga i matau ni Kalou, ka sa masulaki ita.
\v 35 O cei me na tawasei ita mai na loloma i Karisito? A ka rarawa li, se na yaluma, se na dauveivacacani, se na dausiga, se na televua, se na dauveivarerei, se nai selewau?
\v 36 Me vaka na ka sa volai, E na vukumunu kitou sa vamatei kinia e na siga taucoko ka bogi: Kitou sa vatauvatani kei na sipi ena vamatei.
\v 37 E yali, e na ka kece lia koya eda sa gumatua kinia, e na vuku i koya sa lomani ita.
\v 38 Ni'u sa kila vaidina, ni na yali ni rawatia na mate, se na bula, se ko ira na agilose, se ko ira na liu, se ko ira sa kaukauwa, se na veika sa yaco e daidai, se na veika ena yaco emuri,
\v 39 se na ka cecere, se na ka titobu, se dua tani na ka, me tawasei ita mai na loloma ni Kalou, sa yaco e na vuku i Karisito Jisu na noda Turaga.
\c 9
\cl Wase 9
\p
\v 1 Au sa vosa dina e na mata i Karisito, au sa yali ni vosa lasu, sa vadinadina voki lia vi au na noqu lewa-e-loma e na Yalo Tabu,
\v 2 ni'u sa rarawa valevu, a sa yaluma tiko lia na lomaqu.
\v 3 Ni ka'u sa daugadrevia me'u tawase tani vei Karisito, e na vukudra na wekaqu, o ira era sa wekaqu dina vayago:
\v 4 era sa luvei Isireli; sa nodra voki lia na vabau me ra gone, kei nai ukuuku, kei na veiyalayalati, kei na soli vunau, kei nai valavala ni soro vua na Kalou, kei na vosa ni yalayala:
\v 5 sa nodra ko ira na qase, a sa tubu mai vei ira na Karisito me vaka na yagona, o koya sa lewa na ka kece lia, na Kalou sa varokorokotaki ka tawa mudu. Emeni.
\p
\v 6 Ia sa yali ni vaka sa yaco na vosa ni Kalou. Ni ra sa yali ni Isireli dina ko ira kece sa mai vei ira na Isireli:
\v 7 era yali voki lia ni luvena ko ira kece lia na kawa i Eparaama: ia Na kawa i Aisake lia ena vatokai me nomu kawa.
\v 8 Sa kenai balebale koya, O ira na luvena vayago, era sa yali ni luve ni Kalou; ia na luve ni yalayala lia era sa vabau me kawa.
\v 9 Ni sa vakakoya na vosa ni yalayala, E na gauna vakakoya ka'u na qai mai, ka na sucu vei Sera e dua na gonetagane.
\v 10 A sa yali ni koya lowa lia; ia ko Repeka voki lia sa kunekune mai vua e dua, a tamada ko Aisake;
\v 11 ni rau sa bera ni sucu, se rau caka na ka vinaka se na ka ca, me tu dei kinia na ka sa lesia eliu ka digitakia na Kalou, sa yali lia e na vuku ni cakacaka, e na vukuna lia sa kacivia,
\v 12 sa tukuni vua na yalewa ko ya, O koya sa qase vei rau e na qaravi koya sa gone.
\v 13 Sa vakinia na ka sa volai, Au sa vinakati Jekope, ia ka'u sa cati Iso.
\p
\v 14 A cava me da qai tukunia? Sa tu beka vua na Kalou nai valavala tawa dodonu? E yali sara.
\v 15 Ni sa tukunia vei Mosese ko koya, Au na lomani koya ka'u sa lomana, ia ka'u na yalovinaka vua ka'u sa yalovinaka kinia.
\v 16 Sa qai yali ni yaco e na vukuna sa gadrevia, se na vukuna sa cici, ia e na vukuna lia na Kalou sa yalovinaka mai.
\v 17 Ni sa tukunia vei Fero nai Vola Tabu, E na vuku ni ka koya ka'u sa vaturi iko cake kinia, me'u vatakila vei iko na noqu kaukauwa, me tukuni voki lia na yacaqu ki vuravura taucoko.
\v 18 O koya koya sa yalovinaka kinia ko koya vua sa yalona kinia, a sa vadomoqataki koya sa yalona kinia.
\p
\v 19 O na qai tukunia vei au, E na vuku ni cava sa ia tiko kinia na veibeitaki ko koya? Ia ko cei sa voratia na nona lewa?
\v 20 Kakua ni vakakoya, o iko na tamata; o cei o iko mo veileti vata kei na Kalou? Ena tukunia beka na ka sa caka vei koya sa cakava, O sa cakavi au vaka koya e na vuku ni cava?
\v 21 E yali beka ni veitaliatakia na tete ko koya sa dautuli kuro, me caka kinia e na dua lowa lia na buli tete, e dua na bilo me talei, ka dua voki me yali ni talei.
\v 22 Ia ka vaevei ke sa vinakatia na Kalou, me varaitakia na nona cudru, me vatakila voki lia na nona kaukauwa, a sa vosotia vadede sara kinia na vei bilo ena cudruvi sa varau tu me rusa:
\v 23 me vatakila voki lia na kena levu ni nona vinaka ki na veibilo sa lomani, o koya sa varautakia e liu ko koya ki nai ukuuku,
\v 24 io vi ita lia, sa kacivi ita ko koya, sa yali lowa lia mai vei ira na Jiu, mai vei ira voki lia sa matanitu tani:
\v 25 me vaka voki lia na ka sa tukunia o koya enai vola i Osea, Au na vatokai ira sa yali ni noqu tamata eliu, me ra noqu tamata; Ko koya voki lia ka yali ni lomani eliu, me qai lomani:
\v 26 Ena yaco voki lia ena vanua sa kainaki kinia eliu vei ira, Sa yali ni noqu tamata koi ikodou; Era na qai vatokai kinia me ra luve ni Kalou bula.
\p
\v 27 Sa kacivaki ira na Isireli ko Aisea voki lia, kevaka sa tautauvata na kedrai wiliwili na Isireli kei na nuku ni waitui, ia ena bula lia na kena vo:
\v 28 ni na vayacoria na nona vosa ko Jiova e vuravura, ka na vaotia ka valekalekatakia.
\p
\v 29 Me vaka voki lia na ka sa tukunia eliu o Aisea, Kevaka ka yali ni dua na kawa sa vadainia vi ita o Jiova ni lewe levu, Eda sa vataki Sotoma, eda sa tautauvata voki lia kei Komora.
\p
\v 30 A cava meda qai tukunia? O ira na veimatanitu tani, ko ira era sa yali ni muria na veivadonui, era sa yaco me ra vadonui, ni ra sa vadonui e na vabauta.
\v 31 Ia ko ira lia na Isireli, o ira era sa muria na vunau me ra vadonui kinia, era sa yali ni yaco ki na vunau ko ya.
\v 32 E na vuku ni cava? Ni ra sa yali ni muria e na vabautia, e na cakacaka lia ni vunau: ni ra sa tarabe e na vatu e dauveivatarabetaki;
\v 33 me vaka na ka sa volai, Raicia au sa dainia mai Saioni na vatu e dauveivatarabetaki kei na vatu ni veivalomacataki: Ia ko koya yadua sa vabautia ena yali ni vamaduataki.
\c 10
\cl Wase 10
\p
\v 1 O ikodou na veiwekani, au sa gadrevia e na vu ni yaloqu, au sa masu voki lia vua na Kalou e na vukudra na Isireli, me ra bula.
\v 2 Ni'u sa tukuni ira ni ra sa lomakatakata vua na Kalou, ia era sa yali ni yalomatua.
\v 3 Ni ra sa yali ni kila na veivadonui sa vu mai vua na Kalou, a ra sa qara me dua na veivadonui vataki ira, a ra sa yali kinia ni vamalumalumutaki ira me ra vadonui mai vua na Kalou.
\v 4 Ni sa vayacoria na Karisito na ka sa nakitia e na vunau, me vadonui ko ira kece era sa vabautia.
\p
\v 5 Ni sa tukunia ko Mosese na veivadonui sa yaco e na vuku ni vunau, Na tamata sa caka, ena bula kinia.
\v 6 Ia na veivadonui sa yaco e na vabautia sa tukunia vakakoya, Mo kakua ni vosa e na yalomu, O cei me qai cake ki lomalagi? (Ka me yadi Karisito sobu mai:)
\v 7 se vaka ne, O cei me qai sobu ki na Yasana - vuni? (Ka me yadi Karisito cake mai na mate.)
\v 8 Ia ka cava e tukunia? Sa voleka vei iko na vosa, io e na gusumu, kei na yalomu: a vosa ni vabautia, o koya kitou sa vunautakia.
\v 9 Kevaka ko na vatusa e na gusumu na Turaga ko Jisu, ka vadinatia e na vu ni yalomu ni sa vaturi koya cake voki mai na mate na Kalou, ko na bula.
\v 10 Ni sa vadinatia na tamata e na vu ni yalona me sa vadonui kinia, ia na gusuna sa vatusa kinia me bula.
\v 11 Ni sa tukunia nai Vola Tabu, O koya yadua sa vabauti koya ena yali ni vamaduataki.
\v 12 Ni sa tautauvata na Jiu kei koya sa matanitu tani: ni sa dua lowa lia na Turaga vei ira kece lia, o koya sa vutu ni ka vinaka vei ira kece lia era sa masuti koya.
\v 13 Ni na bula ko ira vayadua lia era sa masutia na yaca i Jiova.
\p
\v 14 Era na qai masu vacava vua era sa yali ni vabautia? A ra na vabauti koya vacava era sa yali ni rogocia kinia? A ra na rogocia vacava, kevaka e yali e dua me tukunia?
\v 15 Ia era na tukunia vacava, kevaka era sa yali ni talai? Me vaka na ka sa volai, Sa lagilagi sara na yavadra era sa tukunia nai tukutuku-vinaka ni veika vinaka!
\v 16 A ra sa yali ni vabautia kece lia nai tukutuku-vinaka; ni sa tukunia ko Aisea. I Jiova, ko cei sa vabautia na nitou i tukutuku?
\v 17 Ita sa kila kinia ni sa rawa na vabauta e na varorogo, kei na varorogo e na vosa i Karisito.
\p
\v 18 Ia ka'u sa tarogia, Era sa yali li ni rogocia? E dina sa vakinia, Sa qai na kedrai rogorogo ki vuravura taucoko, Kei na nodra vosa ki nai yalayala kei vuravura.
\p
\v 19 Ia ka'u sa tarogia, Sa yali beka ni kila ko ira na Isireli? Sa tukunia eliu ko Mosese, Au na vavuvutaki ikodou e na vukudra era yali ni noqu tamata: Au na vacudrui ikodou e na matanitu sesewa.
\p
\v 20 A sa doudou sara ko Aisea, ka sa tukunia, Era sa kunei au ko ira era a yali ni qarai au: Au sa varairaitakia vei ira era a yali ni tarogi au.
\p
\v 21 Ia ka sa tukunia vei ira na Isireli, E na veisiga kece lia ka'u sa dodokia yani na ligaqu kivei ira na tamata dautalaidredre ka dauvatitiqa.
\c 11
\cl Wase 11
\p
\v 1 Au sa qai tarogia, Sa dainia tani na nona tamata na Kalou, se yali? E yali sara. Oi au na luve i Isireli, a kawa i Eparaama, mai na yavusa i Penijamini.
\v 2 Sa yali ni dainia na nona tamata na Kalou, o ira sa kila eliu ko koya. Dou sa yali li ni kila na ka sa tukunia nai Vola Tabu ni sa tukuni Ilaija? Ni sa beitaki ira na Isireli ko koya vua na Kalou, a sa tukunia,
\v 3 I Jiova, era sa vamatei ira na nomuni parofita, a ra sa keli rukuta sobu na nomuni veicabocabo-ni-soro; ia koi au dua loa lia, au sa bula, ka ra sa qarai au me'u mate?
\v 4 Ia ka cava sa tukunia vua na vosa ni Kalou? Au sa maroroya me noqu e lewe vitu na udolu na tamata, era sa yali ni tekiduru vei Peali.
\v 5 Sa va voki lia kinia e na gauna koya, sa tu lia na kena vo era sa digitaki e na loloma.
\v 6 Ia kevaka sa ka-ni-loloma, sa qai yali ni ka-ni-cakacaka: ke sa yali ni vakakoya, sa yali ni loloma na loloma.
\p
\v 7 Sa qai vaevei? Sa yali ni rawatia na ka era sa vasaqara ko ira na Isireli; ia ko ira na digitaki era sa rawatia; a sa vadomoqatakia na kena vo,
\v 8 me vaka na ka sa volai, Sa solia vei ira na Kalou na yalo sa daumoce, na mata sa yali ni rai rawa, kei na daliga sa yali ni rogo rawa; ka yacovia na siga koya.
\v 9 Sa tukunia voki lia ko Tevita, Me yaco na nodra tepeli me kedrai cori, ki na tudai, Kei na ka me ra tarabe kinia, me kedrai sau voki lia ni ca.
\q
\v 10 Me vabutobutotaki na matadra, me ra kakua ni rai rawa, Ka mo vakalairorotakia tiko lia na dakudra.
\p
\v 11 Au sa qai tarogia, Era sa tarabe me ra bale sara, se yali? E yali sara: ia e na nodra bale, sa rawa na bula vei ira na veimatanitu tani, me vavuvutaki ira.
\v 12 Ia kevaka sa vutuniyau mai ko vuravura e na vuku ni nodra bale, a sa vutuniyau mai na veimatanitu tani ni sa valailaitaki ko ira koya; ena qai vatanievei ni ra sa valevui mai?
\p
\v 13 Ni'u sa qai vosa vei ikodou sa matanitu tani; ni'u sa nodra i apositolo na veimatanitu tani, au sa doka na cakacaka ka'u sa lesi kinia:
\v 14 de ka'u vavuvutaki ira na wekaqu vayago, ka me'u vabulai ira kinia eso.
\v 15 Ia kevaka sa vinakatia mai ko vuravura ni sa dai tani ko ira koya, ena yali li ni vaka na bula mai na mate na nodra lomani voki?
\v 16 Ia kevaka sa savasava nai sevu, ena va voki lia kinia na kena taucoko; ia kevaka sa savasava na vuna, ena va voki lia kinia na veitabana.
\p
\v 17 Ia kevaka sa musuki dai eso na tabana ia ko iko, na taba ni olive ni veikau, sa mai sema vata kei ira, mo bula vata kei ira e na vu ni olive sa uro;
\v 18 mo kakua ni valevulevui iko cake vei ira na tabana dina. Ia kevaka ko sa valevulevui iko, sa yali ni bula na vuna e na vukumu, o iko lia sa bula e na vuku ni vuna.
\v 19 O na qai tukunia, Sa musuki dai na veitabana dina, me'u sema kinia.
\v 20 E dina; sa musukia dai ko ira ni ra sa yali ni vabautia, ia ko iko ko sa tu dei lia ni ko sa vabautia. Kakua ni yalolevu, mo rere lia.
\v 21 Kevaka sa yali ni vosotia na veitabana dina na Kalou, de qai yali voki lia ni vosoti iko.
\p
\v 22 O koya mo qai raicia ruarua, na loloma, kei na cudru, ni Kalou: a cudru vei ira sa bale: kei na loloma vei iko, kevaka ko sa tu dei e na nona loloma: ia kevaka e yali ko na musuki dai voki lia ko iko.
\v 23 O ira voki lia, kevaka era sa yali ni tawa vabautia tiko, era na sema vata: ni sa rawarawa vua na Kalou me vasemai ira vata voki.
\v 24 Ia kevaka ko sa musukia mai na olive sa ka lia ni veikau, ia ko sa sema vata kei na olive vinaka drau sa yali ni tovo vata kaya: ena qai rawarawa cake, me sema vata ki na nodra vu ni olive dina ko ira sai tovo vata kaya.
\p
\v 25 Ni'u sa yali ni vinakatia, na veiwekani, mo dou lecavia na ka vuni koya, de dou vakasami ikodou ni dou sa vuku; ni ra sa yaco na Isireli eso me ra domoqa, ka malua me curu mada na lewe levu maivei ira na veimatanitu tani.
\v 26 Ia sa vaka koya, era na vabulai ko ira kece lia na Isireli: me vaka na ka sa volai, Ena qai mai Saioni ko koya nai Vakabula, Ka na yadia tani nai valavala ca maivei ira na Jekope;
\v 27 Ia sa noqu veiyalayalati koya vei ira, Ni'u sa yadia tani na nodra i valavala ca.
\p
\v 28 E nai tukutuku-vinaka, era sa veimecaki ko ira e na vukumudou: ia e nai lesilesi lia, era sa vinakati e na vukudra na qase.
\v 29 Ni sa yali ni veivutuni voki na Kalou e na vuku ni nonai solisoli se nona kacivi ira.
\v 30 Me vaka ni dou a yali ni vabautia na Kalou eliu, a sa qai yaco vei ikodou na loloma e na vuku ni nodra vatitiqa:
\v 31 sa na va voki lia kinia ko ira era sa yali ni vabautia e na vuku ni sa yaco vei ikodou na loloma me yaco kinia vei ira voki lia na loloma.
\v 32 Ni sa sogolati ira vata na Kalou e na vatitiqa, me lomani ira kece lia ko koya.
\p
\v 33 A ka vaidina na kena titobu ni nona vutu ni vuku kei na nona yalomatua na Kalou! Sa yali ni kilai rawa na nona lewa, a sa yali ni kune na nonai valavala!
\v 34 O cei sa kila na loma ni Turaga? Se ko cei me nonai vavuvuli?
\v 35 Se ko cei sa solia mada vua, me na qai saumi voki vua?
\p
\v 36 Ni sa vu mai vua na ka kece lia, e na vukuna voki lia, ka me nona voki lia; me varokorokotaki ko koya ka yali ni mudu. Emeni.
\c 12
\cl Wase 12
\p
\v 1 O koya koya, au sa vamamasu vei ikodou, na veiwekani, e na vuku ni loloma valevu ni Kalou, mo dou solia na yagomudou mei madrali bula, me savasava, me vinaka vua na Kalou, me nomudou i soro vayalo.
\v 2 Ia dou kakua ni vatauvatani ikodou kei ira era sa vavuravura: ia dou mataliataki lia ni sa vavoui na yalomudou, mo dou kila rawa kinia na loma ni Kalou, sa yaga, ka vinaka, ka dodonu sara.
\p
\v 3 Ia e na loloma sa soli mai vei au, au sa tukunia vei ira na tamata yadua vei ikodou, me kakua e dua me dokai koya me vaka sa yali ni dodonu me dokai koya; me yalomatua lia na nona nanuma, me vaka nai varau ni vabauta sa vota na Kalou vei ira yadua.
\v 4 Me vaka sa dua loa lia na yagoda, ka levu na tikida, ia ka sa yali ni vaitavi vata na tikida kece lia;
\v 5 sa vakinia ko ita, na lewe levu, eda sa yago vata ni da tu vata kei Karisito, eda sa veitikina vaka voki lia vai ita.
\v 6 Ni da sa rawatia na veisolisoli sa duidui me vaka na loloma sa soli vei ita: kevaka sa parofisai, me da parofisai me vaka nai varau ni noda vabauta;
\v 7 se na dauveivota, me da ia na veivota; se ko koya sa dauvatavuvuli, me vavuvuli tiko;
\v 8 se ko koya sa dauvunau, me vunau tiko; o koya sa ia na dausolisoli, me dina na lomana; o koya sa daulewa, me gumatua kinia; o koya sa dauloloma, me ia e na reki.
\p
\v 9 Me kakua ni vaikalasu na loloma. Mo dou catia sara na ka ca; mo dou kabitia sara na ka vinaka.
\v 10 Dou veilomani sara e na veilomani ni veitacini; dou veiuasiviti e na veivarokorokotaki;
\v 11 e na gumatua mo dou kakua ni vucesa mai: me katakata na yalomudou; mo dou qaravia na Turaga;
\v 12 dou reki e nai nuinui; vosotia na ka rarawa; ia tiko lia na masu:
\v 13 veivotayaka vei ira na dravudravua era sa lotu; dauvacegui ira na vulagi.
\v 14 Dou vosavakalougatataki ira era sa vacacani ikodou: vosavakalougatatakia lia, ka kakua ni rukaka.
\v 15 Dou reki vata kei ira era sa reki, ka tagi vata kei ira era sa tagi.
\v 16 Dou lomavata tiko vakai ikodou. Kakua ni nanumia na veika vaturaga, ia mo dou veiriti kei ira na tamata lalai. Dou kakua ni vakasami ikodou ni dou sa vuku.
\v 17 Kakua ni veisausaumitakia na nona ca e dua. Nakitia eliu na veika sa dodonu e na matadra na tamata kece lia.
\v 18 Kevaka sa rawa, mo dou vatovolea me veilomani kei ira na tamata kece lia.
\p
\v 19 Oi ikodou sa lomani dou kakua ni saumia na ca sa caka vei ikodou, ia mo dou dainia vua na Kalou me saumia; ni sa volai; A noqu i tavi me'u cudruvakia; au na saumia koi au, sa tukunia na Turaga.
\v 20 O koya mo qai vakania na nomu meca, kevaka sa viakana; kevaka sa viasomi, mo vasomi koya: ko na binia kinia ki na uluna na qilaiso sa waqa tu ni ko sa caka vakoya.
\v 21 Me kakua ni rawai iko na ca, mo rawa lia na ca e na vinaka.
\c 13
\cl Wase 13
\p
\v 1 Me ra talairawarawa vei ira na turaga levu ko ira na tamata kece lia. Ni sa yali na turaga sa tubu loa, mai vua lia na Kalou: ko ira era sa turaga tu, sa lesi ira na Kalou.
\v 2 Ia ko koya sa voratia na turaga, sa voratia nai lesilesi ni Kalou: ia ena cudruvi ko ira era sa voratia.
\v 3 Ko ira na turaga era sa yali ni vu ni rere vei ira sa caka vinaka, vei ira lia sa caka ca: o sa qai gadrevia li mo yali ni rerevakia na turaga? Mo caka na ka e vinaka, ena qai dokai iko kinia ko koya:
\v 4 ni sa nona talai na Kalou ko koya vei iko mo vinaka kinia. Ia kevaka ko sa caka ca, mo rere lia; ni sa yali ni tauria lowa lia nai seleiwau ko koya: ni sa nona talai na Kalou, me cudruvi koya sa caka ca.
\v 5 O koya koya e dodonu kinia mo dou talairawarawa, e yali lowa lia e na vuku ni cudru, e na vuku ni lewa-eloma voki lia.
\v 6 O koya mo dou qai ia voki lia na soli: ni ra sa nona talai na Kalou, era sa qaravia tiko na ka koya.
\v 7 O koya mo dou qai solia vei ira kece lia na ka e dodonu: na soli vei ira sa nodra nai solisoli; ai sigana vei ira sa nodra nai sigana; dou rerevaki ira e dodonu me ra rerevaki: varokorokotaki ira e dodonu me ra varokorokotaki.
\p
\v 8 Me kakua na nona ka e dua ko sa yali ni saumia, na dauveilomani lia me caka tiko; ni sa muria na vunau taucoko ko koya sa daulomania na tani.
\v 9 Io, koya: Mo kakua ni ia na veibutakoci, Mo kakua ni laba, Mo kakua ni butako, Mo kakua ni kocokoco; ia kevaka sa dua voki nai vakaro, sa tu vata kece lia e na vosa koya, Mo lomania na kai nomu me vaka ko sa lomani iko.
\v 10 O koya sa dauloloma sa yali ni caka ca vua na kai nona: o koya koya sa caka kinia na vunau taucoko ko koya sa dauloloma.
\p
\v 11 Ia koya, ni da kila na gauna, ni sa gauna koya mo dou yadra kinia mai na moce; ni sa qai voleka na noda bula, ka yawa e na gauna ni noda vabauta.
\v 12 Sa varau oti na bogi, a sa voleka na siga: o koya me da qai dainia tani nai valavala ni butobuto, ka me da vaiyaragi tu e na rarama.
\v 13 Me da qai voli me vaka e kilikili, me vaka e na siga; me kakua nai soqosoqo lialia, se na mateni, me kakua na daudara se nai valavala velavela, me kakua na veileti se na vuvu.
\v 14 Ia dou vaisulu e na Turaga ko Jisu Karisito, ka kakua ni ia me varau ki na gagadre ca ni yago.
\c 14
\cl Wase 14
\p
\v 1 O koya sa malumalumu na nona vabautia dou yadia vei ikodou, ia me kakua lia me sa lewai tiko na veika e dauveiletitaki.
\v 2 E dua sa doudou me kania lowa na ka kece lia: ia ko koya sa malumalumu, sa daukania lia na rourou.
\v 3 Me kakua ni beci koya sa yali ni kana ko koya sa kana: ia me kakua ni lewai koya sa kana ko koya sa yali ni kana: ni sa vinakati koya na Kalou.
\v 4 O cei ko iko mo lewa na tamata ni turaga tani? Ena tu ko koya, se bale, vua na nona turaga. Io, ena tu dei lia: ni sa rawarawa vua na Kalou me vataudeitakia koya.
\p
\v 5 E dua sa doka e dua na siga ka yali nai kadua: ka dua tani sa doka na siga kece lia. Me dui lewa deivakia na tamata yadua e na lomana.
\v 6 O koya sa nanumia na siga, sa ka lia vua na Turaga na nona nanumia; ia ko koya sa kana, sa ka lia vua na Turaga na nona kana, ni sa vavinavinaka ko koya vua na Kalou; ia ko koya sa yali ni kana, sa ka voki lia vua na Turaga na nona yali ni kana, a sa vavinavinaka ko koya vua na Kalou.
\v 7 Ni sa yali e dua vi ita sa bula e na vukuna lia, se dua sa mate e na vukuna lia.
\v 8 Io, kevaka eda sa bula, eda sa bula e na vuku ni Turaga; se da mate, eda sa mate e na vuku ni Turaga: o koya koya eda sa nona kinia na Turaga, se da bula se da mate.
\v 9 O koya koya sa mate kinia na Karisito, ka sa bula voki, me nodra Turaga era sa mate kei ira era sa bula.
\p
\v 10 Ia ko iko, ko sa lewai koya na wekamu e na vuku ni cava? Se ko iko voki, ko sa beci koya na wekamu e na vuku ni cava? Ni da na tu kece lia e na mata ni tikotiko ni veilewai ni Kalou.
\v 11 Ni sa volai, Sa tukunia na Turaga, me vaka ka'u sa bula, ena tekiduru vei au ko ira na tamata kece lia, Ia ena vatusa vua na Kalou na yame kece lia.
\p
\v 12 O koya koya eda na dui vatusai ita kece lia vua na Kalou.
\p
\v 13 O koya me da qai kakua voki ni dauveivalewai tiko; koya lia, mo dou lewa, me kakua e dua me caka e dua na ka me tarabe kinia se bale kinia na wekana.
\v 14 Au sa kila, ka sa vadinadinatakia vei au na Turaga ko Jisu, ni sa yali na ka e dukadukali vakai koya lia; ia vua sa nanumia sa dukadukali na ka, sa qai dukadukali vei koya.
\v 15 Ia kevaka sa rarawa na lomana na wekamu e na vuku ni kakana, o sa qai yali ni valavala me vaka na loloma. Kakua ni varusai koya e na kemu kakana, o koya sa mate e na vukuna na Karisito.
\v 16 O koya me kakua kinia ni vosavacacatakia na nomudou ka vinaka:
\v 17 ni sa yali ni kakana se ka-ni-gunu na matanitu ni Kalou; na yalododonu lia, kei na vacegu, kei na reki e na Yalo Tabu.
\v 18 Ni sai koya sa qaravi Karisito e na veika koya, sa vinaka vua na Kalou, a sa vinakati koya voki lia ko ira na tamata.
\p
\v 19 O koya koya me da muria kinia na veika ni veivinakati, kei na veika eda na dui veivatavulici kinia.
\v 20 Kakua ni varusa na cakacaka ni Kalou e na vuku ni kakana. E dina lia sa savasava na ka kece lia; ia sa ca vua na tamata sa kana ka sa tarabe kinia eso.
\v 21 E vinaka mo kakua ni kania na lewe ni manumanu, se somi waini, se caka e dua na ka sa bale kinia na wekamu.
\v 22 Na vabautia sa tu vi iko, me tu vi iko lia ena mata ni Kalou. Sa kalougata na tamata sa yali ni beitaki koya ena ka sa vatara ko koya.
\v 23 Ia ko koya sa yali ni dinatia ni sa tara vua, sa lewai me cudruvi kevaka sa kana, ena vuku ni sa kana ka yali ni dinatia: ia na ka kece lia eda sa yali ni dinatia ni tara vi ita, sai valavala ca koya.
\c 15
\cl Wase 15
\p
\v 1 Sa kilikili voki lia kei ita, o ita sa kaukauwa, me da vosotia na nodra malumalumu era sa yali ni kaukauwa, me da kakua voki lia ni caka na ka sa vinaka vi ita lia.
\v 2 Me da caka yadua na ka e vinaka vua na kai noda, na ka e yaga me vatavulici kinia ko koya.
\v 3 Ia na Karisito voki lia sa yali ni caka na ka sa vinakatia lia ko koya; ia me vaka lia sa volai, Sa tau vi au na nodra vosa ca era sa vosavacacataki iko.
\v 4 Io, na ka kece lia sa volai eliu sa volai me da vatavulici kinia, me noda na vosotia kei na vacegui sa vu mai nai Vola Tabu, me rawa kinia nai nuinui.
\p
\v 5 Ia me solia mada vi ikodou na Kalou, o koya na vu ni vosotia kei na vivacegui, mo dou lomavata va i ikodou me vataki Karisito Jisu:
\v 6 mo dou lomavata ka domovata ni dou sa varokorokotakia na Kalou, o koya na Tama i Jisu Karisito na noda Turaga.
\p
\v 7 O koya mo dou qai vivacegui va ikodou, me vaka sa vacegui ikodou na Karisito, me varokorokotaki na Kalou.
\v 8 Ia ka'u sa tukunia ni sai talatala ko Jisu Karisito vi ira era sa cili, me vatakila ni sa dina na Kalou, me vadinadinatakia na vosa ni yalayala vi ira na qase:
\v 9 me ra varokorokotakia na Kalou ko ira vokia na vimatanitu tani ena vuku ni nona loloma; me vaka sa volai, Ena vuku ni ka koya, ka'u na vatusai iko kinia ena kedra maliwa na vimatanitu tani, Ka sere ki na yacamuni.
\v 10 A sa tukunia voki, Dou reki vata na vimatanitu tani, kei ira na nona tamata.
\v 11 Sa dua voki. Dou varokorokotaki Jiova, na vimatanitu kece lia: Ia dou varokorokotaki koya valevu, oi ikodou na vivanua kece lia.
\v 12 Ko Aisea voki lia sa tukunia, Ena tubu na waka i Jese, kei koya ena tu cake me lewa na vimatanitu tani; Era na vararavi vi koya ko ira na vimatanitu tani.
\p
\v 13 Ia me vasinaiti ikodou mada na Kalou, o koya na vu ni nuinui, ena reki kece lia kei na vacegu ni dou sa vabautIa, me levu sara na nomudou i nuinui ena vuku ni nona kaukauwa na Yalo Tabu.
\p
\v 14 Ia koi au voki lia, au sa vakasami ikodou, na wekaqu, ni dou sa sinai ena yalololoma, ni dou sa sinai ena vuku kece lia, ni dou sa rawatia voki lia me dui vivatavulici va ikodou.
\v 15 Ia ka'u sa doudou lia, me'u volavola valailai yani vi ikodou, na viwekani, me'u vananumi ikodou voki ena vuku ni loloma sa solia mai vi au na Kalou,
\v 16 me'u yaco mei talatala i Jisu Karisito vi ira na vimatanitu tani, me'u caka na cakacaka enai tukutuku-vinaka ni Kalou, me vinakati nai cabocabo ni vimatanitu tani, ni sa vasavasavataki ira na Yalo Tabu.
\p
\v 17 Ko koya sa tu kinia vi au na ka me'u valevulevui au kinia ena vuku i Jisu Karisito ena veika ni Kalou.
\v 18 Ni'u na yali ni doudou loa lia me'u cavutia na ka tani; na ka lia sa vayagataki au kinia na Karisito, me vatalairawarawataki ira na vimatanitu tani, ena vosa kei nai valavala,
\v 19 ena vuku ni sa kaukauwa na veika-mana kei na veika e vivakurabuitaki, sa caka ena kaukauwa ni Yalo Tabu, ia ka'u a vatekivu kinia mai Jerusalemi, ka qai voli ka yaco ki Iliriko, ni'u sa vunautakia kece nai tukutuku-vinaka kei Karisito.
\v 20 Ia ka'u sa gumatua sara vakinia, me'u vunautakia nai tukutuku-vinaka, ia ka yali lia ena vanua sa tukuni oti kinia na yaca i Karisito de'u tara loa lia na ka e dela ni yavu ni tamata tani:
\v 21 ia me vaka lia sa volai, ko ira sa yali ni tukunia mada vi ira ko koya, era na raicia: Ia ko ira era sa yali ni rogocia, era na kila,
\v 22 Ko koya koya sa tarovi valevu kinia na noqu qai vi ikodou.
\v 23 Ia ni sa qai yali na ka me'u tiko kinia ena yasana koya, ka sa levu na yabaki ka'u a gadrevia kinia me'u qai vi ikodou;
\v 24 ni na yaco na noqu qai ki Sipeini: ni'u sa nanumia me'u raici ikodou ena noqu qai, ka mo dou yadi au ena noqu i qaiqai kinia, ni sa oti mada na nomudou vacegui au valailai ni da tiko vata.
\v 25 Ia ka'u sa qai qai ki Jerusalemi, me'u yadia na soli vi ira era sa lotu.
\v 26 Ni ra sa vinakatia ko ira na kai Masitonia kei Akaia, me ra caka e dua nai solisoli loloma me nodra na dravudravua era sa lotu mai Jerusalemi:
\v 27 io, era sa vinakatia; a sa dodonu me ra soli ka vi ira. Io, kevaka era sa rawatia mai vi ira na nodra veika vayalo ko ira na vimatanitu tani, sa qai dodonu kinia vi ira me ra solia vi ira na veika vayago.
\v 28 Ia ni'u sa caka oti mada na ka koya, ka solia vi ira na ka ni loloma koya me ra tauria, au na qai taka vi ikodou ka qai yani ki Sipeini.
\v 29 Ia ka'u sa kila, ni'u na qai yani vi ikodou, au na qai ki na vivakalougatataki taucoko kei Karisito.
\p
\v 30 Ia ka'u sa vamasuti ikodou, na viwekani, ena vuku ni noda Turaga ko Jisu Karisito, ena vuku voki lia ni loloma ni Yalo Tabu, me da gumatua vata ena masu vua na Kalou ena vukuqu;
\v 31 me'u vabulai mai vi ira mai Jutia era sa yali ni talairawarawa; me ra vinakatia voki lia ko ira era sa lotu na noqu cakacaka ena caka mai Jerusalemi;
\v 32 me'u qai kinia vi ikodou ena reki ena lewa ni Kalou, ka me'u vacegui vata kei ikodou.
\v 33 Ia me tiko vata kei ikodou kece lia na Kalou ni vivacegui. Emeni.
\c 16
\cl Wase 16
\p
\v 1 Ia ka'u sa tataunaki Fipi yani vi ikodou, o koya na wekada, o koya sa dauqaravia nai soqosoqo lewe ni lotu mai Kenikiria:
\v 2 mo dou vacegui koya ena vuku ni Turaga, me vaka sa kilikili kei ira era sa lotu, ka mo dou vukei koya ena cakacaka kece lia dou na yaga kinia vua: ni sa dau vukei ira na lewe levu ko koya, kei au voki lia.
\p
\v 3 Me tukunia yani na noqu loloma vi rau ko Pirisila kei Akuila, koi rau sa cakacaka vata kei au e na veika i Karisito Jisu:
\v 4 ka rau sa bolea na mate me'u bula kinia: kitou sa vavinavinaka kinia vi rau, kitou kei ira kece na visoqosoqo lewe ni lotu vi ira na vimatanitu tani:
\v 5 Au loloma voki lia vi ira nai soqosoqo lewe ni lotu ena nodrau vale. Au sa loloma vi Epinito, na tamata ka'u sa daulomana, o koya nai sevu vi Karisito mai Esia.
\v 6 Au sa loloma vi Meri, o koya sa daucakacaka valevu ena vukumudou.
\v 7 Au sa loloma vi Adroniko kei Junia, na wekaqu, kitou a vesu vata kei rau, a rau sa rogo vi iratou nai apositolo, erau sa ni Karisito eliu, au sa muri koi au.
\v 8 Au sa loloma vi Abilia, o koya ka'u sa daulomana ena vuku ni Turaga.
\v 9 Au sa loloma vi Uripenu, o koya sa dauvukei kitou ena cakacaka i Karisito, kei Siteki, o koya ka'u sa daulomania.
\v 10 Au sa loloma vi Apeli sa dauvinakati ena veika i Karisito. Au sa loloma vi ira na lewe ni vale i Arisitopulo.
\v 11 Au sa loloma vi Irotioni na wekaqu. Au sa loloma vi ira na lewe ni vale i Narikiso, era sa nona lia na Turaga.
\v 12 Au sa loloma vi Taraifina kei Taraifosa, erau daucakacaka ena veika ni Turaga. Au sa loloma vi Perisi sa daulomani, o koya sa daucakacaka valevu e na veika ni Turaga.
\v 13 Au sa loloma vi Rufu o koya sa digitakia me nona na Turaga, kei na tinana o koya sa tinaqu voki lia.
\v 14 Au sa loloma vi Asinikirito, kei Filekoni, kei Erima, kei Patiropa, kei Erimi, kei ira na viwekani sa tiko vata kei iratou.
\v 15 Au sa loloma vi Filoloko, kei Julia, kei Niriu, kei na ganena, kei Olimipa, kei ira kece lia era sa lotu, era sa tiko vata kei iratou.
\v 16 Dou caka na loloma vakai ikodou ena vireguci ena yalosavasava. Sa loloma yani vi ikodou na visoqosoqo lewe ni lotu kece lia ni Karisito.
\p
\v 17 A ka'u sa vamasuti ikodou, na viwekani, mo dou kilai ira era sa vatekivunia na visei ki na veika e dauvivatarabetaki, sa yali ni vaka nai vavuvuli dou sa vatavulici kinia; ia kakua ni viriti kei ira.
\v 18 Ko ira era sa va koya, era sa yali ni qaravia na noda Turaga na Karisito, na ketedra lia; ia ena vosa vinaka ka kamikamica, era sa lawakitakia na lomadra era sa wele.
\v 19 Ni sa kuruvaki ki na tamata kece lia na nomudou talairawarawa. Ko koya koya ka'u sa rekitaki ikodou kinia: ia sa yaloqu lia mo dou vuku ena ka vinaka, mo dou kakua voki lia ni cala ena ka ca.
\v 20 Ia na Kalou ni vivacegui ena butuki Setani vakusarawa e ruku ni yavamudou. Me tiko vi ikodou na loloma ni noda Turaga ko Jisu Karisito. Emeni.
\p
\v 21 Sa loloma yani vi ikodou ko Timoci na noqu i tokani, kei Lusiu, kei Jesoni, kei Sosipeta, ko iratou na wekaqu.
\v 22 Koi au ko Teritiu, ka vola nai vola koya, au sa loloma yani vi ikodou ena Turaga.
\v 23 Sa loloma yani vi ikodou ko Keio, ko koya ka'u sa dautiko e nona vale, kei ira kece lia nai soqosoqo lewe ni lotu. Ko Erasito na dauniyau ni koro koya sa loloma yani vi ikodou, kei Kuaritu na wekada.
\v 24 Me tiko vi ikodou kece lia na loloma ni noda Turaga ko Jisu Karisito. Emeni.
\p
\v 25 Ia vi koya sa kaukauwa me vataudeitaki ikodou me vaka na noqu i tukutuku vinaka, kei na kena vunautaki Jisu Karisito, me vaka ni sa qai vatakilai mai na ka vuni, sa vuni tu mai na gauna makawa sara,
\v 26 ia ka sa qai varaitakia mai, ka sa vatakilai ena nodra i vola na parofita, me vaka na vosa ni Kalou yali ni mudu, kei na vivanua kece lia me ra vabautia ka talairawarawa kinia:
\v 27 io, vua na Kalou sa vuku dua loa lia, me caka na varokoroko ena vuku i Jisu Karisito, ka yali ni mudu. Emeni.