lmv-x-levuka_reg/42-MRK.usfm

\id MRK
\ide UTF-8
\h Ai Vola I Marika
\toc1 Ai Vola I Marika
\toc2 Ai Vola I Marika
\toc3 mrk
\mt Ai Vola I Marika
\c 1
\cl Wase 1
\p
\v 1 Ai vatekivu ni tukutuku vinaka kei Jisu Karisito, na Luve ni Kalou;
\v 2 me vaka sa vola na parofita: Raicia, au sa tala na noqu talai me liu e matamu, Ena caramakia ko koya na nona sala e matamu:
\v 3 A domo ni dua sa kacikaci e loma ni vikau, Dou caramakia na sala i Jiova, Caka me dodonu na nona gaunisala.
\p
\v 4 Sa qai mai ko Joni na dauvipapitaisotaki ena loma ni vikau, ka vunautakia me ra papitaiso ka vivutuni me bokocia kinia nai valavala ca.
\v 5 A sa qai yani vua na lewe ni vanua taucoko ko Jutia, ki ira na kai Jerusalemi. Sa papitaisotaki ira kece lia ko koya ena uciwai ko Joritani, ni ra sa vatusa na nodrai valavala ca.
\v 6 A sa vaisulu ko Joni enai sulu vuti ni kameli, ka sai vau ni tolona na wa kuli ni manumanu; ia sa kena tiko na vodre kei na oni ni vikau.
\v 7 A sa dauvunau, ka tukunia, E dua sa muri au mai sa levu cake vi kirau, ia na wa ni nonai vava kau sa yali ni yaga meu cuva sobu meu serekia.
\v 8 E dina kau sa papitaisotaki ikodou ena wai: ia ena papitaisotaki ikodou ko koya, ena Yalo Tabu.
\p
\v 9 A sa yaco ena gauna koya, sa qai mai Nasareci e Kalili ko Jisu, a sa papitaisotakia ko Joni ena Joritani.
\v 10 Ia ni sa cabe sara ko koya mai na wai, sa qai raicia na lomalagi ni sa wase rua, ki na Yalo Tabu ni sa qai sobu vua me vaka na ruve;
\v 11 a sa rogo mai lomalagi e dua na vosa: Ko iko na noqu Gone ni toko, au sa dauvinakati iko valevu
\v 12 A sa vayadi koya vasauri na Yalo Tabu ki vikau.
\v 13 A sa tiko e loma ni vikau ka bogi vasagavulu, a sa dauveretaki koya ko Setani; a sa tiko vata kei na manumanu kila; a sa qaravi koya ko ira na agilose.
\p
\v 14 Ia ni sa dai ki na vale ni vivesu ko Joni, sa qai mai Kalili ko Jisu, a sa dauvunautakia nai tukutuku vinaka ni matanitu ni Kalou,
\v 15 ka tukunia, Sa qai yaco na gauna, a sa voleka na matanitu ni Kalou; dou vivutuni, ka vabautia nai tukutuku vinaka.
\p
\v 16 A sa qai voli ko koya ena baravi mai Kalili, a sa raici Saimoni kei Adriu na tacina, erau sa viritakia na lawa ki wai: ni rau sa gonedau.
\v 17 A sa tukunia vi rau ko Jisu, Drau muri au mai, kau na qisi ikodrau mo drau yaco me gonedau ni tamata.
\v 18 A rau sa dainia sara na nodrau lawa, ka muri koya.
\v 19 Ia ni sa qai valailai ki liu ko koya, sa raici Jemesa na luve i Sepete, kei Joni na tacina, erau sa tiko mai waqa ka onevia na lawa.
\v 20 A sa kacivi rau sara ko koya: a rau sa dainia na tamadrau ko Sepete ena waqa, kei iratou na tamata, ka muri koya.
\p
\v 21 A ratou sa qai ki Kapenaumi; ia ena siga ni vacecegu sa curu sara ko koya ki na valenilotu, ka vatavuvuli.
\v 22 A ra sa kurabui ena nonai vavuvuli; ni sa vatavulici ira me vaka e dua sa tu vua na lewa, ka yali ni vataki ira na vunivola.
\v 23 A sa tiko ena nodra valenilotu e dua na tamata ka curumi koya e dua na yalo velavela; a sa qoqolou,
\v 24 ka tukunia, Ule! A cava vi itatou, i Jisu na kai Nasareci? Ko sa qai beka mai me rawai itatou? Au sa kilai iko, na nona Le Dua Yalosavasava na Kalou.
\p
\v 25 A sa vunauci koya ko Jisu, ka tukunia, Mo galu lia, ka qai tani mai vua.
\v 26 Ia ni sa bitalaki koya na yalo velavela, ka qoqolou ena domo levu, sa qai qai tani mai vua.
\p
\v 27 A ra sa kurabui kece lia, ka vitarogi kinia vakai ira, ka tukunia, A ka cava beka koya? A cava beka nai vavuvuli vou koya? Ka ni sa varotia vaturaga ko koya vi ira na yalo velavela, a ra sa talai rawarawa vua.
\v 28 A sa rogovakia sara na kenai rogorogo ki na viyasana kece lia sa vavolivoliti Kalili.
\p
\v 29 Ia ni ratou sa qai tani ena valenilotu, eratou sa curu sara ki na vale i Saimoni ki Adriu, ko iratou kei Jemesa kei Joni.
\v 30 A sa davo na tina ni wati i Saimoni ni sa tauvi-katakata, a ra sa tukunia koya sara vua.
\v 31 A sa qai vua ko koya ka tauria na ligana, ka vaduria cake: a sa takali vasauri na nona katakata, a sa qaravi iratou ko koya.
\p
\v 32 Ia ni sa raiyavi mai, ni sa dromu na siga, sa yadi mai vi koya ko ira kece lia sa tauvi-mate, ki ira ka curumi ira na tevoro eso.
\v 33 A ra sa soqoni vata kece lia na lewe ni koro e mata ni katuba.
\v 34 A sa vabula ko koya na lewe levu sa duidui na mate sa tauvi ira, ka vasevi ira na tevoro e lewe levu, a sa yali ni daini ira na tevoro me ra vosa, ni ra sa kilai koya.
\p
\v 35 Ia ni sa savulaci caca sa cavu tu ko koya, a sa qai ki tuba, ka qai ki na dua na yasana lala, ka masu kinia.
\v 36 A ratou sa muri koya ko Saimoni, ki iratou eratou sa tiko vata kaya.
\v 37 Ni ratou sa qai raicia, eratou sa tukunia vua, Sa vaqarai ikonu na tamata kece lia.
\p
\v 38 A sa tukunia vi iratou, Tou qai ki na vikoro sa voleka, meu vunau voki lia kinia: sa ka lia koya kau sa qai mai kinia.
\v 39 A sa dauvunau ko koya ena nodra vivale ni lotu mai Kalili taucoko, ka tovoci ira tani na tevoro.
\p
\v 40 A sa qai mai vi koya e dua na vukavuka, ka vamasutia, ka tekiduru vua, ka tukunia vua, Kevaka ko ni sa vinakatia, ko ni sa vasavasavataki au rawa.
\p
\v 41 A sa yalololoma ko Jisu, ka dodokia na ligana, ka tarai koya, ka tukunia vua, Au sa vinakatia; mo savasava mai.
\v 42 Ia ni sa vosa oti, sa takali vasauri vua na vukavuka, a sa savasava mai
\v 43 A sa varotia matua vua ko koya, ka vatala sara yani;
\v 44 a sa tukunia vua, Raicia, mo kakua ni tukunia vua e dua: ia mo qai varaitaki iko vua na bete, ka vacaboya na ka sa varotia ko Mosese me nomui vasavasavataki, mei vadinadina vi ira.
\v 45 A sa qai yani ko koya, ka vatekivu me tukunia valevu, ka vateteya, a sa dredre kinia vi Jisu me curu votu ki na koro, sa tiko lia enai bili ena viyasana lala: a ra sa qai mai na viyasana kece lia vi koya.
\c 2
\cl Wase 2
\p
\v 1 Sa bogi vica, sa qai curu voki ki Kapenaumi ko koya; a sa qai rogovaki ni sa tiko e vale.
\v 2 A ra sa lewe levu sa soqoni vata sara mai, a sa yali kinia na tikina me rauti ira, e yali ena mata ni darava: a sa vunautakia na vosa vi ira ko koya.
\v 3 A sa qai mai vi koya eso, eratou yadia mai e dua sa tauvi-paralasi, sa colati koya e lewe va.
\v 4 Ia ni ratou sa yali ni torovi koya rawa ena vukudra na lewe levu, eratou sa basukia na dela ni vale sa tiko kinia o koya: ia ni ratou sa basukia sara, eratou sa tukucia sobu nai mocemoce sa davo kinia o koya sa tauvi paralasi.
\v 5 Ia ni sa raicia o Jisu na nodratou vabautia, sa tukunia vua sa tauvi paralasi, Na luvequ, sa bokoci na nomui valavala ca.
\p
\v 6 Ia ka so na vunivola era sa tiko kinia, a ra sa vinanuyakia e lomadra, ka vakoya,
\v 7 Sa vosavacacatakia na Kalou o koya koya ena vuku ni cava? Ko cei voki sa bokocia rawa nai valavala ca, a Kalou loa lia?
\p
\v 8 Sa kila sara e yalona ko Jisu ni ra sa vinanuyakia va koya e lomadra, ka sa tukunia vi ira, A cava dou sa vinanuyakia kinia na ka koya ena lomamudou?
\v 9 A cava vi rau e rawarawa cake, me tukunia vua sa tauvi paralasi, Sa bokoci na nomui valavala ca; se me tukunia, Mo tu cake, ka yadia na nomui mocemoce, ka qai?
\v 10 Ia mo dou kila kinia ni sa rawa na Luve ni tamata e vuravura me bokocia nai valavala ca, (sa qai tukunia ko koya vua sa tauvi paralasi,)
\v 11 Au sa tukunia vi iko, Mo tu cake, ka yadia na nomui mocemoce, ka qai i na nomudou.
\p
\v 12 A sa tu cake sara o koya, ka yadia nai mocemoce, ka qai yani e na matadra kece lia; a ra sa kurabui kece lia kinia, ka varokorokotakia na Kalou, ka tukunia, Eda sa yali ni raicia eliu na ka e vakoya na kenai valavala.
\p
\v 13 A sa qai voki yani ko koya ki matasawa, a ra sa qai vi koya ko ira kece lia na lewe levu, a sa vavulici ira ko koya.
\v 14 Ia ni sa qai voli yani, sa raici Livai na luve i Alifio sa tiko ena vale ni soli vacavacava, a sa tukunia vua, Muri au. A sa cavu tu ko koya, ka muri koya.
\p
\v 15 Ia ni sa tiko ko koya ena nona vale me kana, era sa lewe levu na kumunia nai vacavacava kei na tamatai valavala ca era sa tiko me kana vata kei Jisu kei ira na nona tisaipeli: era sa lewe levu, a ra sa muri koya.
\v 16 Ia ni ra sa raicia ko ira na vunivola kei ira na Farisi ni sa kana vata ko koya kei ira sa kumunia nai va cavacava ki ira na tamatai valavala ca, era sa tukunia vi ira na nona tisaipeli. A cava sa kana vata ka somi vata kinia ko koya kei ira sa kumunia nai vacavacava kei ira na tamatai valavala ca?
\p
\v 17 Ia ni sa rogocia ko Jisu, sa tukunia vi ira, Sa yali ni yaga na vuniwai vi ira sa bula vinaka, vi ira lia sa tauvi mate: au sa yali ni qai mai meu kacivi ira sa yalododonu, ko ira lia nai valavala ca, me ra vivutuni.
\p
\v 18 A ra sa daulolo ko ira na tisaipeli i Joni ki na nodra tisaipeli na Farisi: a ra sa qai mai ka tukunia vua, A cava sa lolo kinia ko ira na tisaipeli i Joni ki na nodra tisaipeli na Farisi, ia na nomu tisaipeli era sa yali ni lolo?
\p
\v 19 A sa tukunia vi ira ko Jisu, Era sa lolo rawa li na weka ni tagane sa qai vawati, ni sa tiko vata ki ira na tagane sa qai vawati? Ni sa tiko lia ki ira na tagane sa qai vawati, era sa yali ni lolo rawa.
\v 20 Ia ena yaco mai na siga, ena yadi tani kinia vi ira na tagane sa qai vawati; ka ra na qai lolo ena gauna koya.
\p
\v 21 Ia sa yali na tamata sa cula vata na tiki ni sulu vou ki nai sulu madra: ke sa vakinia, ena dresukia na kena madra na tikinia vou sa botani kinia, a sa kadresu valevu kinia.
\v 22 Sa yali voki lia na tamata sa vatalocia na waini vou ki na tavaya kuli-ni-manumanu madra; ke sa vakinia, ena vakacabotetakia na tavaya na waini vou, ka na dave yani na waini, ka rusa na tavaya; e vinaka lia me vatalocia na waini vou ki na tavaya vou.
\p
\v 23 A sa qai ko koya e loma ni viwere ni sila ena siga ni vacecegu; ia ni ra sa qai voli na nona tisaipeli, era dolokia na visola ni sila.
\v 24 A sa tukunia vua ko ira na Farisi, Raicia, a cava era sa caka kinia ko ira ena siga ni vacecegu na ka e yali ni tara?
\p
\v 25 Sa qai tukunia vi ira ko koya, Dou sa yali beka ni wilikia na ka sa caka ko Tevita, ni sa yali na kena, ka sa viakana, ko koya kei ira sa tiko vata kaya:
\v 26 Ni sa curu ko koya ki na vale ni Kalou, ena gauna i Epaiaca na bete levu, a sa kania na madrai dauraici, koya sa yali ni tara me laukana, sa tara loa lia vi ira na bete, a sa solia voki lia vi ira era sa tiko vata kaya?
\v 27 Sa tukunia voki lia vi ira, Sa caka na siga ni vacecegu ena vukudra na tamata, e yali ni caka na tamata ena vuku ni siga ni vacecegu:
\v 28 ia sa Turaga voki lia ni siga ni vacecegu na Luve ni tamata.
\c 3
\cl Wase 3
\p
\v 1 A sa curu voki ko koya ki na valenilotu; a sa tiko kinia e dua na tamata sa malai na ligana.
\v 2 A ra sa varaici koya, se na vabulai koya ena siga ni vacecegu, se yali; me ra qai beitaki koya
\v 3 Sa qai tukunia ko koya vua na tamata sa malai na ligana, Tu cake mai.
\v 4 A sa tarogi ira, Sa tara beka me caka na ka vinaka ena siga ni vacecegu, se me caka na ka ca? Me caka na vivabulai, se na vivamatei? A ra sa galu lia.
\v 5 Ia ni sa rai voli vacudrucudru vi ira ko koya, ni sa rarawa na lomana ena vuku ni kaukauwa ni yalodra, sa tukunia vua na tamata, Dodokia mai na ligamu. A sa dodokia yani: a sa vabulai na ligana ka yaco me vaka na ligana kadua.
\v 6 A ra sa qai yani na Farisi, ka bosei koya sara ko ira vata kei ira nai tokani i Eroti, se ra na vamatei koya vaevei.
\p
\v 7 A sa qai tani ko Jisu vaka ki wai kei ira vata kaya na nona tisaipeli: a ra sa lewe levu sara sa muri koya mai Kalili, kei Jutia,
\v 8 mai Jerusalemi voki lia, ke Itumia, kei na tai kadua ni Joritani; ko ira voki lia e na viyasana i Taia kei Saitoni, era lewe levu sara, ni ra sa rogocia na levu ni veika sa caka ko koya, era sa qai mai vi koya.
\v 9 A sa tukunia ko koya vi ira na nona tisaipeli, me toka e dua na waqa lailai ko koya ena vukudra na lewe levu, de ra drigiti koya.
\v 10 Ni ra sa lewe levu sa vabula ko koya; a ra sa drigiti koya kinia me ra tarai koya, ko ira kece lia era sa tauvi mate.
\v 11 Ko ira voki lia na yalo velavela, ni ra sa raici koya, era sa cuva sobu e matana, a ra sa qoqolou, ka tukunia, O iko na Luve ni Kalou.
\v 12 A sa varotia matua vi ira ko koya, me ra kakua ni tukuni koya.
\p
\v 13 A sa cabe ki na ulu-ni-vanua, ka kacivi ira mai sa digitakia: a ra sa qai mai vua.
\v 14 A ra sa lewe tinikarua sa lesia ko koya, me ra tiko vata kaya, ka me vatalai ira ko koya me ra vunau,
\v 15 me tu voki lia vi ira na kaukauwa me ra tovoci ira na tevoro:
\v 16 A sa vayacani Saimoni ko koya me ko Pita.
\v 17 Kei Jemesa na luve i Sepete, kei Joni na taci i Jemesa, a sa vayacani rau ko koya mei Poanaji, e kenai balebale, A luve ni kurukuru:
\v 18 kei Adriu, kei Filipi, kei Pacolomiu, kei Maciu, kei Tomasi, kei Jemesa na luve i Alifio, kei Cateo, kei Saimoni e dua vi ira sa vatokai Na gumatua,
\v 19 kei Jutasa Isikarioti, ko koya sa soli koya yani. A sa curu ko koya ki na dua na vale.
\p
\v 20 A ra sa lewe levu sa soqoni vata voki, a ra sa yali kinia ni kania rawa na kedra.
\v 21 Ia ni ratou sa rogocia ko iratou na wekana, eratou sa qai mai me ratou tauri koya: ni ratou sa tukunia, Sa lialia ko koya.
\p
\v 22 Ia ko ira na vunivola ka qai sobu mai Jerusalemi, era sa tukunia, Sa tiko vua ko Pielisipupi, a sa tovoci ira na tevoro ena kaukauwa ni nodra turaga na tevoro.
\p
\v 23 A sa kacivi ira mai ko koya, ka tukunia vi ira e na vosa vatautauvata, E rawatia vacava ko Setani me tovocii Setani?
\v 24 Ia kevaka sa dua na matanitu sa vivala vakai koya, ena yali ni tu dei rawa na matanitu koya:
\v 25 ia kevaka sa dua na vale sa vivala vakai koya, ena yali voki lia ni tu dei rawa na vale koya.
\v 26 Ia kevaka sa caka ko Setani me vivala vakai koya, ka tovoci, ena yali ni tu dei rawa, ena oti lia.
\v 27 Sa yali na tamata me curumia rawa na vale ni qaqa, ka kovea na nonai yaya, kevaka sa yali mada ni vesukia na qaqa, ena qai kovea emuri na nonai yau.
\v 28 Au sa tukunia vaidina vi ikodou, Sa rawa me bokocia laivi na nodrai valavala ca kece lia na luve ni tamata, kei na nodra vosa ca kece lia era sa vosavacacatakia kinia na Kalou:
\v 29 ia ko koya sa vosavacacatakia na Yalo Tabu ena yali tiko lia ni bokoci na nonai valavala ca, ia sa tu vua na nona cala ka yali ni mudu:
\v 30 ni ra tukunia, Sa dua na yalo velavela sa tu vua.
\p
\v 31 Sa qai qai mai ko iratou na tinana, kei na tacina, a ratou sa tu e tuba, ka talaki vua me qai mai.
\v 32 Ia era sa lewe levu sa tiko vavolivolitia; ka ra sa tukunia vua, Raicia, na tinamu kei iratou na tacimu eratou sa tu e tuba, eratou mai qarai iko.
\p
\v 33 A sa vosa vi ira, ka tukunia, Ko cei na tinaqu se ko iratou na taciqu?
\v 34 A sa varaici ira era sa tiko vavolivoliti koya, ka tukunia, Raicia na tinaqu kei ira na taciqu!
\v 35 Ko koya yadua ena muria na loma ni Kalou, sai koya koya na taciqu, se na ganequ, se na tinaqu.
\c 4
\cl Wase 4
\p
\v 1 A sa caka voki ko koya me vatavuvuli e matasawa: a sa lewe levu sara era sa soqoni vata vua, a sa vodokia kinia na waqa ko koya, ka tiko sobu kinia mai wai; a ra sa tu kece lia na lewe levu mai matasawa.
\v 2 A sa levu na ka sa vavulici ira kinia ko koya ena vosa vatautauvata, ka tukunia vi ira ena nonai vavuvuli:
\v 3 Dou rogocia; Sa dua na dauvikaburaki sa qai kabukaburaki:
\v 4 a sa yaco, ni sa kabukaburaki qai, sa lutu eso ena tutu ni sala, a sa qai mai na manumanu vuka ka kania.
\v 5 A sa lutu eso ki na vanua vivatu, sa yali ni levu kinia na qele; a sa tubu cake vatotolo sara, ni sa yali ni vavaku na kena qele;
\v 6 ia ni sa cabe na siga, sa malai; ia ni sa yali na wakana, sa raqosa sara.
\v 7 A sa lutu eso ki na viwa-vavotona, a sa tubu cake na viwa-vavotona, ka varugutia, a sa yali kinia ni vua.
\v 8 A sa lutu eso ki na vanua vinaka, a sa vuavuai vinaka ka tubu cake me levu; a sa vuai tolusagavulu eso, ka onosagavulu eso, ka drau eso.
\v 9 A sa tukunia vi ira ko koya, O koya sa vadaligana me rogocia, me mani rogocia sara.
\p
\v 10 Ia ni sa tiko loa lia ko koya, era sa tarogi koya ena vosa vatautauvata ko ira na lewe tinikarua, kei ira era sa dautiko vata kaya.
\v 11 A sa tukunia vi ira ko koya, Sa soli vi ikodou mo dou kila na ka vuni ni matanitu ni Kalou: ia vi ira lia etaudaku, sa tukunia na ka kece lia ena vosa vatautauvata;
\v 12 me ra raicia tiko, ka yali ni kila; ka me ra rogocia tiko, ka guilecavia tu; de dua na siga era saumaki mai kinia, ka me bokoci na nodrai valavala ca.
\p
\v 13 Sa tukunia voki vi ira, Dou sa yali li ni kila na vosa vatautauvata koya? Ia dou na kila rawa vaevei na vosa vatautauvata kece lia?
\v 14 Sa kaburakia na vosa na dauvikaburaki.
\v 15 Ia ko ira koya era vaka na tutu ni sala, sa kaburaki kinia na vosa; ia ni ra sa rogocia oti, sa qai qai sara mai ko Setani, a sa yadia tani na vosa sa kaburaki e lomadra.
\v 16 Ko ira voki lia sa koya kaburaki i na vanua vivatu: era rogocia na vosa, ka vabautia sara ena reki;
\v 17 ia ka yali lia na wakana e lomadra, a ra sa tu dede valailai lia: ia ni sa tubu emuri na rarawa se na vivacacani ena vuku ni vosa, era sa tarabe sara.
\v 18 Ia ko ira koya sa kaburaki i na viwa-vavotona: ko ira koya era sa rogocia na vosa;
\v 19 ia na lomaocaoca ena vuku ni vuravura koya, ki nai yau e dauvivakaisini, ki na daugadrevia na ka tani eso sa curu kinia ka varugutia na vosa, a sa yali kinia ni vua.
\v 20 Ia ko ira koya sa kaburaki ki na vanua vinaka: era sa rogocia na vosa, ka vabautia, ka vua, sa vuai tolusagavulu eso, ka onosagavulu eso, ka drau sara lia eso.
\p
\v 21 Sa tukunia voki vi ira ko koya, Sa dua beka na cina sa yadi mai, me viritoka e ruku ni varau ni sila, se ruku ni mocemoce? E yali beka ni viritoka ena kenai tutu lia?
\v 22 Ni sa yali na ka e tabogo, me na yali ni varairaitaki mai; se na ka sa vuni, me na yali ni vavotui.
\v 23 Kevaka e dua e vadaligana me rogocia, me mani rogocia sara.
\p
\v 24 Sa tukunia voki lia vi ira, Dou qarauni ikodou e na ka dou rogocia; ai varau dou na varautakia, ena varautaki voki vi ikodou: ena soli valevu voki lia vi ikodou.
\v 25 Ni sa tu vua na tamata e dua na ka, ena qai soli vua; ia kevaka sa yali ni tu vua na tamata e dua na ka, ena qai yadi tani mai vua na ka sa tu vua.
\p
\v 26 Sa tukunia voki lia o koya, Sa tautauvata na matanitu ni Kalou, kei na tamata sa qai kaburakia na sila ki na qele;
\v 27 a sa moce ka tu cake, ena bogi kei na siga, a sa rovu na sila ka tubu cake, a sa yali ni kila ko koya na kenai valavala.
\v 28 Ni sa vua vakai koya lia na qele; sa liu mada na buroro, sa taravia na sola, a sa qai muri na vuana e matua ena sola.
\v 29 Ia ni sa matua mai na vuana, sa qai vacurumia ko koya nai sele takelo, ni sa cava na yabaki.
\p
\v 30 A sa tukunia ko koya, Tou na vatautauvatatakia na matanitu ni Kalou kei na cava? Se cava na ka vaibalebale me da vatautauvatatakia kinia?
\v 31 Sa vaka e dua na sore ni mosita, o koya ni sa tei ena qele, sa lailai sobu vi ira kece lia na sore ni kau ena qele:
\v 32 ia ni sa tei, sa tubu cake, a sa yaco me levu cake vi ira kece lia na kau lalai, a sa vatabana vaidina, a sa ro rawa na manumanu vuka ena kena rurugu.
\p
\v 33 A sa levu na vosa vatautauvata vakoya sa tukunia kinia o koya na vosa vi ira, me vaka era sa rogocia rawa.
\v 34 A sa yali ni vosa loa lia vi ira, sa vosa vatautauvata tiko lia; a sa vatakila nai balebale ni ka kece lia vi ira na nona tisaipeli, ni ra sa tiko vakai ira.
\p
\v 35 Ia ena siga ko ya, ni sa raiyavi mai, sa tukunia vi ira ko koya, Me da qai yani ki tai kadua.
\v 36 Ia ni ra sa daini ira mada na lewe levu, era sa qai yadi koya sara vaka lia vakoya ena waqa. Ka so voki lia na waqa lalai era sa qai vata kaya.
\v 37 A sa tubu e dua na cagi levu sara, a sa seva na waqa na biau, a sa qai luvu kinia.
\v 38 A sa tiko ko koya ena mua emuri, a sa moce e nai lokoloko; a ra sa vayadra, ka tukuna vua, Vavuvuli, ko sa wele beka lia ni da sa voleka ni mate?
\p
\v 39 A sa tu cake ko koya, ka vunaucia na cagi, a sa varotia ki na wasawasa, Mo cegu, mo maravu mai. A sa ruru na cagi, a sa maravu levu mai.
\v 40 A sa tukunia vi ira ko koya, Dou sa rere ena vuku ni cava? E vaevei ni sa yali na nomudou vabautia?
\p
\v 41 A ra sa rere valevu, a ra sa vivosaki vakai ira, O cei beka koya, ni sa talairawarawa vua na cagi kei na wasawasa?
\c 5
\cl Wase 5
\p
\v 1 A ra sa yaco ki tai kadua, ki na nodra vanua na kai Katara.
\v 2 Ia ni sa sobu mai waqa ko koya, sa sota sara e dua na tamata mai na vibulubulu, sa curumi koya e dua na yalo velavela;
\v 3 a sa dautiko ena vibulubulu ko koya; a sa yali e dua na tamata sa vesukia rawa, sa yali lia ena sinucodo:
\v 4 ni sa vesu valevu enai vesu ki na sinucodo, a sa musulakia tani na sinucodo, a sa drutilakia nai vesu: a sa yali e dua sa vamanoatakia rawa.
\v 5 A sa tiko vadua, ena bogi ki na siga, ena viulunivanua, ki na vibulubulu, a sa dauqoqolou, ka dautava na yagona ena vivatu.
\v 6 A ni sa raici Jisu ni sa vayawa tu, sa cici yani ka cuva vua,
\v 7 a sa kaci ena domo levu, ka tukunia, A cava vi kedaru, i Jisu na Luve ni Kalou cecere sara? Au varotia vi iko ena yaca ni Kalou, mo kakua ni vararawataki au.
\v 8 Ni sa tukunia oti vua o koya, Ko iko na yalo velavela, mo qai tani vua na tamata:
\v 9 sa tarogi koya voki lia, Ko cei na yacamu? A sa vosa ko koya, ka tukunia, A yacaqu ko Vavakoso, ni kimamu sa lewe levu.
\v 10 A sa masuti koya valevu ko koya, me kakua ni vatalai ira tani ena vanua koya.
\v 11 A sa tiko mai na vanua koya na qele ni vuaka levu sa kana voli e baba ni ulu ni vanua.
\v 12 A ra sa masuti koya ko ira kece lia na tevoro, ka tukunia, Vatalai kimamu kivei ira na vuaka, me kimamu curumi ira.
\v 13 A sa vatara o Jisu. A ra sa qai tani na yalo velavela, ka curumi ira na vuaka: a ra sa cici sara na qele ni vuaka ena baba ki na wasawasa, era sa rua beka na udolu; a ra sa ora kinia.
\p
\v 14 Ia ko ira sa vakani ira na vuaka era sa tuba, ka qai tukunia ena koro ki na viyasana ki vanua. A ra sa qai yani me ra raicia na ka sa caka.
\v 15 A ra sa yaco vi Jisu, ka raici koya ka curumia ko ira na tevoro, ko koya ka tu vua nai Vavakoso, ni sa qai tiko, ka vaisulu, ka yalomatua: a ra sa rere.
\v 16 Ia ko ira era raicia, era sa tukunia vi ira na ka sa yaco vua ka curumi koya ko ira na tevoro, vi ira voki lia na vuaka.
\v 17 A ra sa vamasuti koya me qai tani e nodra vanua.
\p
\v 18 Ia ni sa vodo ki waqa ko koya, sa masuti koya o koya ka curumia eliu ko ira na tevoro me mai tiko kaya.
\p
\v 19 A sa yali ni vinakatia ko Jisu, ka sa tukunia lia vua, Mo qai ki na nomudou, vi ira na wekamu, ka tukunia vi ira na levu ni veika sa caka vi iko na Turaga, ka ni sa lomani iko.
\v 20 A sa qai ka sa tukunia voli mai Tikapoli na kena levu ni veika sa caka vua ko Jisu: a ra sa kurabui kece lia.
\p
\v 21 Ia ni sa lesu voki o Jisu ena waqa ki tai kadua, era sa lewe levu sara sa soqoni vata vi koya: a sa tiko e matasawa ko koya.
\v 22 Ka raicia, sa qai mai e dua na turaga ni valenilotu, ko Jairo na yacana; ia ni sa raici koya, sa cuva sobu ki na yavana,
\v 23 a sa vamasutia valevu, ka tukunia, Na luvequ yalewa lailai sa voleka sara lia ni mate: mo ni qai mai mo ni tabaki koya ena ligamuni, me vabulai kinia; ena qai bula o koya.
\v 24 A sa qai vata kaya ko koya, a ra sa lewe levu sara sa muri koya, ka drigitia.
\p
\v 25 A sa dua na yalewa, sa turuvidrabalavu ka yabaki tinikarua,
\v 26 a sa levu na ka sa vosotia vi ira na vuniwai era lewe levu, a sa vayalia kinia na nonai yau kece lia, a sa yali ni bula, ia sa levu cake tiko na nona mate,
\v 27 ni sa rogocia nai tukutuku ki Jisu, sa qai vata mai kei ira na lewe levu, ki dakuna, ka tara na nonai sulu.
\v 28 Ni sa tukunia ko koya, Kevaka kau na tara lia na nonai sulu, au na vabulai.
\v 29 A sa mudu vasauri nai davedave ni nona dra; a sa kila ena yagona sa bula mai na mate ca ko ya.
\p
\v 30 A sa kila sara ko Jisu e lomania ni sa qai tani vua na kaukauwa, a sa vuki ena maliwa ni lewe levu, ka tukunia, O cei sa tara na noqui sulu?
\p
\v 31 A ra sa tukunia vua ko ira na nona tisaipeli, Ko ni sa raicia era sa drigiti ikonu na lewe levu, ia ko ni sa tarogia, O cei sa tarai au?
\v 32 Sa qai rai voli yani ko koya, me koya raici ka caka na ka koya.
\p
\v 33 A sa rere na yalewa, ka sautaninini, ni sa kila na ka sa caka vua, a sa qai mai ka cuva sobu e matana, ka tukunia kece lia vua na kena dina.
\v 34 A sa tukunia vua ko koya, Na luvequ yalewa, sa vabulai iko na nomu vabautia; mo qai ena vacegu, ka mo bula mai na nomu mate ca.
\p
\v 35 Ni sa vosa tiko ko koya, sa qai mai eso mai na vale nei koya na turaga ni valenilotu, era tukunia, Sa mate na luvemu yalewa, ko sa vaoca voki nai Vavuvuli ena vuku ni cava?
\p
\v 36 Ia ni sa rogocia ko Jisu na vosa era tukunia, sa tukunia sara vua na turaga ni valenilotu, Kakua ni yalo lailai, vadinatia lia.
\v 37 A sa yali ni dainia e dua me muri koya, ko iratou lia ko Pita, kei Jemesa, kei Joni na taci i Jemesa.
\v 38 A sa yaco ko koya ki na vale ni turaga ni vale ni lotu, a sa raicia na nodra tagiyaso, era sa tagi ka qoqolou valevu.
\v 39 Ia ni sa curu ko koya, sa tukunia vi ira, Dou sa tagiyaso ka tagi ena vuku ni cava? Sa yali ni ciba na goneyalewa, sa moce lia.
\v 40 A ra sa dredrevaki koya. Ia ni sa vatalai ira kece i tautuba, sa yadi rau na tama ni goneyalewa kei na tinana, kei iratou sa tiko vata kaya, ka curu ki na tikinia sa davo kinia na goneyalewa.
\v 41 A sa tara na liga ni goneyalewa ko koya, ka tukunia vua, Talica kumi; a kenai balebale, Goneyalewa, au sa tukunia vi iko, tucake mai.
\v 42 A sa tucake sara na goneyalewa, ka qai voli; ni sa tinikarua na nona yabaki. A ra sa kurabui valevu sara.
\v 43 A sa varotia matua vi ira ko koya, me kakua ni kila na ka koya e dua na tamata: a sa tukunia me soli vua na goneyalewa e dua na kena.
\c 6
\cl Wase 6
\p
\v 1 Sa qai qai tani mai vanua koya ko koya, ka qai ki na nona vanua; a sa muri koya ko ira na nona tisaipeli.
\v 2 Ia ni sa yaco na siga ni vacecegu, sa vatekivu ko koya me vatavuvuli ena valenilotu: a ra lewe levu ni ra sa rogocia era sa kurabui, ka tukunia, Sa rawatia mai vi ko koya koya na veika koya? Se na vuku cava koya sa soli vua, me sa caka kinia ena ligana na veika-mana vakoya?
\v 3 Sa yali li ni matai ko koya koya, a luve i Meri, kei na tuaka i Jemesa, kei Josese, kei Juta, kei Saimoni? Kei na ganena, eratou sa yali li ni tiko vata kei ita? A ra sa tarabe ena vukuna.
\p
\v 4 A sa tukunia vi ira ko Jisu, Sa varokorokotakia na parofita ena vanua tani, ena nona vanua loa e yali, se vi ira na kai nona, se ena nona vale.
\p
\v 5 A sa yali ni caka rawa mai vanua koya e dua na cakacaka mana, sa tabaki ira loa ena ligana e lewe vica sa tauvi-mate, ka vabula.
\v 6 A sa kurabui ko koya ena vuku ni nodra yali ni vabautia. A sa qai voli ki na vikoro lalai, ka vatavuvuli.
\p
\v 7 A sa kacivi ira mai na lewe tinikarua ko koya, ka vatekivu me talai ira me ra qai yarua; a sa solia vi ira na kaukauwa me ra rawai ira na yalo velavela.
\v 8 A sa varotia vi ira me ra kakua ni yadia e dua na ka e na gaunisala, ai titoko loa lia; me kakua na taga ni vaqa, se na madrai, se nai lavo ena taga:
\v 9 ia me ra vaivava enai vava vatakele lia; ka me ra kakua ni vaisulu enai curucuru e rua.
\v 10 A sa tukunia vi ira ko koya, Ni dou sa curu ki na dua na vale ena dua na yasana, dou tiko lia kinia ka yacovia na nomudou qai tani mai na tikinia ko ya.
\v 11 Ia ko ira kece lia sa yali ni vacegui ikodou, se rogoci ikodou, ni dou sa qai tani ena yasana ko ya, dou tavirakia tani na kuvu ni soso mai na yavamudou, mei vatakilakila vi ira. Au sa tukunia vaidina vi ikodou, Ena ca valailai ko Sotoma kei Komora ena siga ni lewa, ena ca valevu na koro ko ya.
\v 12 A ra sa qai yani, ka dauvunau me vivutuni na tamata.
\v 13 A sa lewe levu na tevoro era sa tovocia tani; a ra sa lewe levu sa tauvi-mate era sa walia ena waiwai, ka vabula.
\p
\v 14 A sa rogocia ko Eroti na tui; ni sa kuruvakia na yacana: a sa tukunia, Sa tu cake voki mai na mate ko Joni na dauvipapitaisotaki; o koya lia sa caka kinia ko koya na kaukauwa mana koya.
\v 15 Era sa tukunia eso tani, koya ko Ilaija. A ra sa tukunia eso tani, Sa dua na parofita, se sa vaka e dua vi ira na parofita.
\p
\v 16 Ia ni sa rogocia ko Eroti, sa tukunia, Ko Joni lia koya, ko koya kau a musukia na uluna; sa tu cake voki mai na mate ko koya.
\p
\v 17 Ni sa talaki eliu ko Eroti, ka tauri Joni, ka vesukia ena vale ni veivesu, e na vuku i Erotiasa na wati i Filipi na tacina; ni rau sa veiwatini kaya.
\v 18 Ni sa tukunia vi Eroti ko Joni, Sa yali ni tara mo drau viwatini kei na wati ni tacimu.
\v 19 A sa cati koya kinia ko Erotiasa, a sa vinakatia me vamatea; ia ka yali ni rawatia:
\v 20 ni sa rerevaki Joni ko Eroti, ni sa kila sa tamata yalododonu ka yalosavasava ka sa varurugi koya; Ia ni sa rogoci koya, sa levu na ka sa caka ko koya, a sa vinakatia me rogoci koya.
\p
\v 21 Ia ni sa yaco e dua na siga sa yaga kinia, a siga ni sucu i Eroti, sa caka ko koya na kedra magiti na turaga ni vanua, kei na turaga ni valu, kei ira na qase ni Kalili;
\v 22 ia ni sa curu na yalewa na luve i Erotiasa, ka meke, a sa vinakatia ko Eroti kei ira era sa kana vata kaya, sa qai tukunia na tui vua na goneyalewa, Kerea vi au na ka ko sa vinakatia, kau na solia vi iko.
\v 23 A sa bubului vua, A ka ko na kerea vi au, au na solia vi iko, kevaka kau na wasea rua kinia na noqu matanitu.
\p
\v 24 A sa curu yani ko koya, ka tarogi tinana, A cava meu kerea? A sa tukunia ko koya, Na ulu i Joni na dauvipapitaisotaki.
\p
\v 25 A sa curu kusarawa voki vua na tui ko koya, ka masutia, ka tukunia, Au sa vinakatia mo ni solia mada mai vi au na ulu i Joni na dauvipapitaisotaki ena dua na dari.
\v 26 A sa rarawa valevu sara na tui; ia ena vuku ni nona bubului, kei na vukudra voki lia era sa tiko kaya, sa yali ni via bureitakia vua.
\v 27 A sa tala sara na tui e dua vi ira na sotia i vatawa, a sa tukunia me yadi mai na uluna: a sa qai ka musukia na uluna ena vale ni vivesu,
\v 28 ka yadia mai na uluna ena dua na dari, ka solia vua na goneyalewa: a sa solia na goneyalewa vi tinana.
\v 29 Ia ni ra sa rogocia ko iratou na nona tisaipeli, eratou sa qai mai ka yadia na yagona, ka bulutia.
\p
\v 30 A ra sa soqoni vata vi Jisu ko ira nai apositolo, ka tukunia vua na ka kece lia, a ka era sa caka, ki na ka voki lia era sa vavuvulitakia.
\v 31 A sa tukunia vi ira ko koya, Dou qai mai ka vatikitiki ki na dua na vanua lala, ka mo dou vacegu mada valailai: ni ra sa lewe levu era qai mai ka qai yani, a ra sa yali kina ni lalaga me ra kana.
\v 32 A ra sa vodo na waqa, ka qai vatikitiki tani ki na dua na vanua lala.
\v 33 Ia ko ira na lewe levu era sa raicia ni ra sa qai yani, a ra sa lewe levu sa kilai ira, a ra sa cici e vanua mai na vikoro kece, ka siviti ira.
\v 34 A sa qai mai ko Jisu, ka raici ira era sa lewe levu sara, a sa lomani ira, ni ra sa vaka na sipi sa yali na nodrai vatawa: a sa vatekivu me vatavulici ira ena ka e levu.
\p
\v 35 Ia ni sa kala na siga, sa qai mai vi koya ko ira na nona tisaipeli, ka tukunia, koya na vanua lala, a sa kala na siga:
\v 36 mo vatalai ira mada yani, me ra qai ki na viyasana ki na vikoro lalai, sa vavolivoliti ita, me ra volia na kedra madrai: ni sa yali na ka vi ira me ra kania.
\p
\v 37 A sa vosa ko koya, ka tukunia vi ira, Dou solia vi ira me ra kana. Era sa qai tukunia vua, Me kitou qai volia beka na madrai, ena pene e rua na drau, ka solia vi ira me ra kania?
\p
\v 38 A sa tukunia vi ira ko koya, E vica nai buli madrai sa tu vi ikodou? Dou qai raicia. Ia ni ra kila, era sa tukunia, E lima, ka rua na ika.
\v 39 A sa tukunia ko koya me ra tiko sobu kece lia vaivavakoso, ena co drokadroka.
\v 40 A ra sa tiko sobu, era sa yatuni, sa yayadrau se yayalimasagavulu.
\v 41 Ia ni sa tara ko koya nai buli madrai e lima ki na ika e rua, sa ta cake ki lomalagi, ka lotutakia, ka dovia na vibuli madrai, ka solia vi ira na nona tisaipeli me ra taucia e matadra na tamata; a sa vota ko koya na ika e rua vi ira kece lia
\v 42 A ra sa kana kece lia, a ra sa mamau.
\v 43 A ra sa tomitomikia vata na madrai sa vo, ki na ika voki lia, a sa tinikarua nai su sa sinai kinia.
\v 44 Ia ko ira era sa kania na vibuli madrai era lewe lima beka na udolu na tagane.
\p
\v 45 Sa qai varotia sara ko koya vi ira na nona tisaipeli me ra vodo na waqa, ka me ra liu ki tai kadua ki Peciseita, me sa vatalai ira mada yani na lewe levu ko koya.
\v 46 Ia ni sa vatalai ira oti, sa qai ko koya ki na ulu-ni-vanua, me masu.
\v 47 Ia ni sa raiyavi mai, sa tiko na waqa e loma ni wai, a sa tiko loa lia ko koya e vanua.
\v 48 A sa raici ira ni ra sa oca ena voce; ni sa cagi ca: ia ni sa yaco mada nai kava ni wase ni bogi, sa qai qai vi ira ko koya, sa qai voli e dela ni wai; a sa qai ka vaka me sivi ira.
\v 49 Ia ni ra sa raicia ni sa qai voli ko koya e dela ni wai, era sa nanumia sa dua na yalo, a ra sa qoqolou:
\v 50 ni ra sa raici koya kece lia, a ra sa kidroa. A sa vosa sara vi ira ko koya, ka tukunia vi ira, Dou vacegu: sai au lia; dou kakua ni rere.
\v 51 A sa cabe vi ira ki waqa, a sa ruru na cagi: a ra sa kidacala valevu sara e lomadra, ka kurabui:
\v 52 ni ra sa yali ni vakasamatakia na vibuli madrai; ni sa kaukauwa na lomadra
\v 53 Ia ni ra sa qai ki tai kadua, era sa yaco ki na nodra vanua na kai Kenisareti, a ra sa udu ki matasawa.
\v 54 Ia ni ra sa sobu mai waqa, era sa kilai koya sara,
\v 55 ka cici ki na viyasana kece sa vavolivolitia, a ra sa vatekivu me colati ira enai mocemoce era sa tauvi-mate, ki na yasana era rogocia sa tiko kinia ko koya.
\v 56 Ia na yasana kece sa qai kinia ko koya, se na vikoro lalai, se na vikoro lelevu, se vanua, era sa vakotori ira sa tauvimate ena visala, ka masuti koya me ra bau tara loa lia na tutu ni nonai sulu: ia ko ira kece lia sa tara, era sa vabulai.
\c 7
\cl Wase 7
\p
\v 1 Sa qai soqoni vata vua ko ira na Farisi, kei na vunivola eso, era sa qai mai Jerusalemi.
\v 2 Ia ni ra sa raicia na nona tisaipeli eso era kana ni sa dukadukali na ligadra, ka ni sa yali ni vuluvulu mada, era sa vakaucacatakia.
\v 3 Ia ko ira na Farisi, kei ira kece lia na kai Jutia, era sa yali ni kana ni ra sa yali ni vuluvulu vavinaka mada, ni ra sa vabautia na nodrai vavuvuli na qase.
\v 4 Ia ni ra sa lesu mai na vivoli, era sa vuluvulu mada, a ra sa qai kana. A sa vuqa voki na ka tani era sa vabautia me ra muria, na sava bilo ni somi, ki na bilo i varau, ki na bilo parasa, ki nai tikotiko.
\p
\v 5 Sa qai tarogi koya ko ira na Farisi, kei ira na vunivola, Ena cava era sa yali ni muria na nodrai vavuvuli na qase ko ira na nomu tisaipeli, ni ra sa kana ka yali mada ni vuluvulu?
\p
\v 6 A sa vosa ko koya, ka tukunia vi ira, Sa tukuni ikodou vinaka eliu ko Aisea, koi ikodou na dauvivakaisini, me vaka sa volai, Ko ira na tamata koya, era sa varokorokotaki au ena tebenigusudra, Ia na yalodra sa yawa tani vi au;
\v 7 A sa yali ni yaga na nodra masuti au, Ni ra sa vatavuvulitakia na vunau ni tamata mei vavuvuli.
\p
\v 8 Ni dou sa dainia tani na vunau ni Kalou, ka vabautia nai vavuvuli ni tamata.
\v 9 A sa tukunia vi ira ko koya, Sa dina sara ni dou dainia na vunau ni Kalou, mo dou vabautia na nomudoui vavuvuli.
\v 10 Ni sa tukunia ko Mosese, Varokoroko vi rau na tamamu kei na tinamu; ia, Ko koya sa vosavacacatakia na tamana se na tinana, me sa vamatei.
\v 11 Ia dou sa tukunia, Kevaka sa dua na tamata ena tukunia vi tamana se tinana, Sa Koripani a kenai balebale, Sa tabu me nei koya na Kalou na noqu ka sa yaga vi iko;
\v 12 dou sa qai tarovi me kakua ni caka e dua na ka me yaga vua na tamana se na tinana:
\v 13 dou sa vatawayagatakia kinia na vunau ni Kalou ena nomudoui vavuvuli dou sa dauvatavulicia: a sa levu na ka vaka koya dou sa caka.
\p
\v 14 Ia ni sa kacivi ira kece lia mai na lewe levu ko koya, sa tukunia vi ira, Dou rogoci au koi ikodou kece lia, ka mo dou kila:
\v 15 Sa yali na ka e taudaku ni tamata, ni sa curumia sa vadukadukalitakia rawa; ia na veika sa curu yani mai vua, koya lia sa vadukadukalitakia na tamata.
\v 16 Kevaka e dua na tamata sa vadaligana me rogocia, me mani rogocia sara.
\p
\v 17 Ia ni sa daini ira na lewe levu ko koya, ka curu ki vale, sa tarogi koya ko ira na nona tisaipeli ena vuku ni vosa vatautauvata.
\v 18 A sa tukunia vi ira ko koya, Oi ikodou voki lia, dou sa yali ni kila rawa koya, ne? Dou sa yali beka ni kila, na ka kece lia etaudaku sa curumia na tamata, sa yali ni vadukadukalitakia rawa;
\v 19 ni sa yali ni curu dina ki na yalona, ki ketena loa lia, a sa qai qai tani ki nai benubenu, a sa caka kinia me savasava na kakana kece lia?
\v 20 Sa tukunia voki lia ko koya, A ka sa curu yani mai na tamata, koya lia sa vadukadukalitakia na tamata.
\v 21 Ni sa curu yani mai loma, mai na yalodra na tamata, na nanumia ca, na dauyalewa, na daudara, na daulaba,
\v 22 na daubutako, na daukocokoco, nai valavala ca, na dauvivakaisini, na daugagano, na mata ca, na vosa vacaca, na viavialevu, na lialia:
\v 23 a ka ca kece lia koya sa curu yani mai loma, a sa vadukadukalitakia na tamata.
\p
\v 24 Sa qai cavu tu ko koya, ka qai tani mai na vanua koya vaka ki na viyasana i Taia kei Saitoni, a sa curu ki na dua na vale, ka yali ni vinakatia me dua na tamata me kila: ia sa yali ni vuni rawa ko koya.
\v 25 Ni sa dua na yalewa ka curumia na luvena sa goneyalewa e dua na yalo velavela, sa rogocia na kenai tukutuku, a sa qai mai ka cuva ki na yavana:
\v 26 a yalewa mai na dua na matanitu tani, a yalewa ni Sairo-finisia; a sa masuti koya me tovocia tani na tevoro mai na luvena yalewa.
\v 27 A sa tukunia vua ko Jisu, Me ra mamau mada ko ira na gone; ni sa yali ni vinaka me yadi na kedra na gone, ka dai vi ira na koli.
\p
\v 28 A sa vosa na yalewa, ka tukunia vua, E dina lia, Turaga; ia ko ira na koli e ruku ni tepeli era kania na meme ni kedra na gone.
\p
\v 29 Sa qai tukunia vua ko koya, Ena vuku ni vosa koya, mo qai lia; sa qai tani mai na luvemu yalewa na tevoro.
\v 30 Ia ni sa yaco ki nona vale, sa raicia ni sa qai tani na tevoro, a sa davo enai mocemoce na luvena yalewa.
\p
\v 31 A sa lesu voki ko koya mai na viyasana i Taia kei Saitoni, a sa qai e loma ni vanua va-Tikapoli, ki na wai mai Kalili.
\v 32 A ra sa yadia mai vi koya e dua sa didivara, a sa kaka; a ra sa masuti koya me tabakia ena ligana.
\v 33 A sa yadi koya vatikitiki mai vi ira na lewe levu, a sa daramakia na nonai qaqalo ki na daligana ruarua ni tamata, ka kasuvia, ka tara na yamena;
\v 34 sa qai ta cake ki lomalagi, ka vutugu, ka tukunia vua, Efaca, a kenai balebale, Mo rogo mada.
\v 35 A sa qai rogo na daligana ruarua, a sa sereki na wa ni yamena, ka sa vosa macala mai.
\p
\v 36 Sa qai varotia vi ira ko koya, me ra kakua ni tukunia vua e dua na tamata: ia ni sa varotia valevu vi ira ko koya, era sa dautukunia valevu sara kinia;
\v 37 ka sa kurabui valevu sara ko ira, ka tukunia, Sa caka vavinaka na ka kece lia ko koya; sa caka vi ira na didivara me ra rogo, ki ira voki lia na galu me ra vosa.
\c 8
\cl Wase 8
\p
\v 1 Ena gauna koya ni ra sa lewe levu sara, ka yali na kedra, sa kacivi ira mai na nona tisaipeli ko Jisu, ka tukunia vi ira,
\v 2 Au sa lomani ira na lewe levu, ni sa qai bogi tolu era sa tiko lia vi au, a sa yali na kedra;
\v 3 ia kevaka kau vatalai ira tani ki na nodra vivale ka ra yali mada ni kana, era na malumalumu e gaunisala; ni sa so vi ira era sa qai vayawa mai.
\p
\v 4 Sa qai tukunia vua ko ira na nona tisaipeli, Ena rawa mai vi na madrai me ra mamau kinia ko ira ena lekutu koya
\v 5 A sa tarogia vi ira ko koya, E vica nai buli madrai sa tu vi ikodou? A ra sa tukunia, E vitu.
\p
\v 6 A sa tukunia ko koya vi ira na lewe levu me ra tiko sobu ena qele; a sa tauria nai buli madrai e vitu, ka vavinavinaka, ka dovia, ka solia vi ira na tisaipeli me ra taucia e matadra; a ra sa taucia e matadra na lewe levu.
\v 7 E vica voki lia na ika lalai sa tu vi ira; a sa lotutakia ko koya, ka tukunia me ra taucia e matadra.
\v 8 A ra sa kana, a ra sa mamau; a ra sa tomitomikia na vo ni ka sa dovi, a sa vitu na sova sa sinai kinia.
\v 9 Ia ko ira era sa kana era sa lewe va beka na udolu: a sa qai vatalai ira yani ko koya.
\v 10 A sa vodokia sara na waqa ko koya kei ira vata kaya na nona tisaipeli, ka qai ki na yasayasa va-Talimanuca.
\p
\v 11 A ra sa qai mai ko ira na Farisi, ka vatekivu me ra vileti kaya, a ra sa tarogia vua e dua nai vatakilakila mai lomalagi, era vatovolei koya.
\v 12 A sa vutugu sara ko koya ena vu ni yalona, ka tukunia, A cava era sa vaqara kinia e dua nai vatakilakila ko ira nai tabatamata koya? Au sa tukunia vaidina vi ikodou, Ena yali sara ni soli e dua nai vaatakilakila ki nai tabatamata koya.
\v 13 A sa daini ira, ka vodokia voki na waqa, ka qai yani ki tai kadua.
\v 14 Ia era sa guilecavia me ra yadia na madrai, a sa yali lia ni tu vi ira ena waqa, e dua loa lia nai buli.
\v 15 A sa varotia vi ira ko koya, ka tukunia, Dou raicia, dou qarauni ikodou mai na nodra leveni na Farisi, ki na leveni ni Eroti.
\p
\v 16 A ra sa qai vivosakitakia vakai ira, ka tukunia, Sa ka beka ni sa yali vi ita na madrai.
\p
\v 17 Ia ni sa kila ko Jisu, sa tukunia vi ira, A cava dou sa vivosaki kinia, ni sa yali vi ikodou na madrai? Dou sa yali beka ni kila rawa, se vakasama? Sa kaukauwa tiko beka na yalomudou?
\v 18 Dou sa vamatana, ka yali beka ni rai rawa? Ka vadaligana, ka yali beka ni rogocia rawa? Se dou sa yali beka ni nanumia?
\v 19 Niu sa dovia nai buli madrai e lima vi ira na lewe lima na udolu, e vica nai su dou a vatawa ena kena vo? A ra sa tukunia, E tinikarua.
\p
\v 20 Ia ni sa vitu vi ira na lewe va na udolu, e vica na sova dou a vatawa ena kena vo? A ra sa tukunia, E vitu.
\v 21 A sa tukunia vi ira ko koya, E vaevei ni dou sa yali ni kila rawa?
\p
\v 22 A ra sa yaco ki Peciseita. A ra sa yadia mai vi koya e dua na mataboko, a ra sa masuti koya me tara.
\v 23 A sa tauria na liga ni mataboko ko koya, ka tuberia ki nai bili ni koro; ia ni sa qai kasuvia na matana ruarua, ka tabakia ena ligana, sa tarogia se sa raicia e dua na ka se yali.
\p
\v 24 A sa rai cake, ka tukunia, Au sa raicia na tamata era vaka na kau, ka ra sa qai voli.
\v 25 A sa tabakia voki na matana ko koya ena ligana, ka tukunia, me rai cake: a sa qai vabulai sara, a sa raicia vavinaka na ka kece lia.
\p
\v 26 A sa vatalai koya ko koya ki na nona vale, ka tukunia, Kakua ni ko qai voki ki na koro.
\p
\v 27 A sa qai yani ko Jisu, kei ira na nona tisaipeli, ki na vikoro ki Sisaria-Filipai: a sa tarogi ira na nona tisaipeli ena gaunisala, ka tukunia vi ira, Era sa tukunia na tamata se ko cei koi au?
\v 28 A ra sa tukunia, Ko Joni na dauvipapitaisotaki: ia ka so, Ko Ilaija: ia ka so voki, E dua vi ira na parofita.
\p
\v 29 A sa tukunia vi ira, Ia dou sa tukunia se ko cei koi au? Sa qai vosa ko Pita, ka tukunia vua, Koi ikonu na Karisito.
\p
\v 30 A sa varoti ira matua sara lia me ra kakua ni tukuni koya vua e dua.
\p
\v 31 A sa vatekivu me vavulici ira, ni sa kilikili kaya na Luve ni tamata me vosotia na ka e levu, me ra daini koya voki lia ko ira na matua, kei ira na bete levu, kei ira na vunivola, ka me vamatei, ka qai tucake-voki ena i katolu ni siga.
\v 32 A sa tukunia vamacala na vosa koya ko koya. A sa yadi koya ko Pita, ka vatekivu me vunaucia.
\v 33 Ia ni sa vuki mai ko koya, ka varaici ira na nona tisaipeli, sa vunauci Pita, ka tukunia, Qai tani ki dakuqu, Setani; ni ko sa yali ni vananumia na ka ni Kalou, na ka lia ni tamata.
\p
\v 34 Ia ni sa qai kacivi ira mai na lewe levu ki ira voki lia na nona tisaipeli, sa tukunia vi ira, O koya yadua sa via muri au, me kakua ni muria na lomana, me colatia lia na nona kauveilatai, ka muri au.
\v 35 Ia ko koya yadua sa via maroroya na nona bula, ena vayalia; ia ko koya yadua ena vayalia na nona bula ena vukuqu ki nai tukutuku-vinaka, ena maroroya.
\v 36 Ia ka cava na kena yaga vua na tamata, kevaka e rawati vuravura kece, ka vayalia na yalona?
\v 37 Se cava ena solia na tamata mei sau ni yalona?
\v 38 Ia ko koya ena maduataki au ki na noqu vosa enai tabatamata koya e dauyalewa ka ca; ena maduataki koya na Luve ni tamata, ni sa qai mai ko koya enai ukuuku ni Tamana kei ira vata kaya na agilose yalosavasava.
\c 9
\cl Wase 9
\p
\v 1 Sa tukunia voki lia vi ira ko koya, Au sa tukunia vaidina vi ikodou, Sa tu koya eso, era na yali sara ni mate, era na raicia mada na matanitu ni Kalou ni sa yaco vakaukauwa mai.
\p
\v 2 Sa bogi ono, sa qai yadi Pita, kei Jemesa, kei Joni, ko Jisu, a sa yadi iratou vatikitiki ki na dua na ulunivanua cecere, ko iratou vai iratou lia; a sa matalia na yagona e matadratou.
\v 3 A sa lumilumisa mai na nonai sulu, sa vulavula sara me vaka na uca vulavula; sa yali na dausavai sulu e vuravura e vavulavulatakia rawa me vakinia.
\v 4 A sa rairai vi iratou ko Ilaija kei Mosese: a ratou sa vivosaki kei Jisu.
\v 5 A sa vosa ko Pita, ka tukunia vi Jisu, Vavuvuli, sa vinaka na nodatou tiko koya; ia me kitou tara mada na vale vacevaceva e tolu: e dua me nomuni, ka dua me nei Mosese, ka dua me nei Ilaija.
\v 6 Ni sa yali ni kila na ka me tukunia; ni ratou sa rere valevu.
\p
\v 7 A sa dua na o sa varurugi iratou: a sa dua na vosa sa rogo mai na o, sa tukunia, Koya na noqu Gone ni toko: dou rogoci koya.
\v 8 A ratou sa viraiyaki vasauri, a sa yali na tamata tani eratou sa raicia, ko Jisu dua loa lia.
\p
\v 9 Ia ni ratou sa qai sobu tiko mai na ulunivanua, sa varotia ko koya vi iratou me ratou kakua ni tukunia vua e dua na ka eratou a raicia, ka malua me tu cake voki lia mai na mate na Luve ni tamata.
\v 10 A ratou sa vunia na vosa ko ya me tu lia vi iratou, a ratou sa vitarogi, se cava beka na tu cake voki mai na mate.
\p
\v 11 A ratou sa tarogi koya, ka tukunia, Era tukunia e na cava ko ira na vunivola ni sa dodonu me qai mada mai ko Ilaija?
\p
\v 12 A sa vosa ko koya, ka tukunia vi iratou, Sa qai dina mai ko Ilaija, me vukicia na ka kece me vinaka voki; ia ka vaevei na ka sa volai kinia na Luve ni tamata, ni sa dodonu me vosotia ko koya na ka e levu, ka me valialiai?
\v 13 Ia kau sa tukunia vi ikodou, Sa tadu dina mai ko Ilaija, a ra sa caka vua na ka kece lia era sa vinakatia, me vaka na ka sa volai ena vukunia.
\p
\v 14 Ia ni sa yaco ko koya vi iratou na tisaipeli, sa raicia era sa lewe levu sara sa voliti iratou, ki na vunivola eso era sa vileti ki iratou.
\v 15 Ia ko ira kece na lewe levu, ni ra sa raici koya, era sa kurabui sara, a ra sa cici mai ka vikidavaki kaya.
\v 16 A sa tarogi ira na vunivola ko koya, A cava dou vileti kinia ki iratou?
\p
\v 17 Ka dua vi ira na lewe levu sa vosa, ka tukunia, Vavuvuli, au sa yadia mai vi ikonu na luvequ tagane, sa curumi koya e dua na yalo galu;
\v 18 ia ena yasana kece lia sa tauvia kinia, sa waburakia: a sa qai busebuse kasu ko koya, ka vasequruquru bati, ka ciba yani: ia kau a vosa vi iratou na nomu tisaipeli me ratou tovocia tani; a ratou sa yali ni rawatia.
\p
\v 19 Sa qai vosa ko koya, ka tukunia, Ai tabatamata yali ni vabautia! A cava na kena dede meu tiko ki ikodou? A cava na kena dede meu vosoti ikodou? Yadi koya mai vi au.
\v 20 A ra sa yadia mai vi koya: ia ni sa raici koya ko koya, sa bitabitalakia sara na yalo; a sa bale ki na soso ko koya, ka vatatoqitoqi ka tuburaki vuso.
\v 21 A sa tarogia na tamana ko koya, Sa vaevei na kena dede ni sa tauvi koya na ka koya? A sa tukunia, Ni sa gone lia:
\v 22 a sa daini koya valevu ki na bukawaqa, ki na wai voki lia, me vamatea; ia kevaka ko ni sa rawatia e dua na ka, mo ni lomani kirau mai, ka vukei kirau.
\p
\v 23 Sa qai tukunia vua ko Jisu, Kevaka ko sa vabautia rawa, sa rawarawa na ka kece lia vua sa vabautia.
\p
\v 24 Sa qai tabalakia vasauri na domona na tama ni gone, ka tukunia, ia ka sa vawai sara lia na matana, Ikonu na Turaga, au sa vabautia; vukea na noqu yali ni vabautia.
\p
\v 25 Ia ni sa raicia ko Jisu era sa cici vata mai na lewe levu, sa vunaucia na yalo velavela, ka tukunia vua, Na yalo galu ka didivara, au sa varotia vi iko, mo qai tani mai vua, ka mo kakua ni curumia voki.
\p
\v 26 A sa qoqolou, ka bitabitalakia valevu, a sa qai qai tani; a sa vaka e dua sa mate ko koya; a ra sa tukunia kinia e lewe levu, Sa mate ko koya.
\v 27 A sa tauria na ligana ko Jisu, ka vaduria cake; a sa qai tu cake mai.
\p
\v 28 Ia ni sa curu ki vale ko koya, sa tarogi koya lo ko ira na nona tisaipeli, Ena vuku ni cava kitou sa yali ni vasevi koya tani rawa kinia?
\p
\v 29 A sa tukunia vi ira ko koya, Ko ira va koya era sa yali ni tovocia tani loa, sa rawa lia ena daumasu.
\p
\v 30 A ra sa qai tani mai koya, ka qai voli e Kalili; a sa yali ni vinakatia ko koya me dua na tamata me kila.
\v 31 Ni sa vavulici ira na nona tisaipeli ko koya, ka tukunia vi ira, Sa voleka na nona soli yani na Luve ni tamata ki na ligadra na tamata, ka ra na vamatea; ia ni sa vamatei, ena qai tu cake voki mai enai katolu ni siga.
\v 32 A ra sa yali ni kila nai balebale ni vosa ko ya, a ra sa rere ni tarogi koya voki.
\p
\v 33 Era sa qai yaco ki Kapenaumi; ia ni sa curu ki vale sa tarogi ira, A cava dou sa vileti kinia ena gaunisala?
\v 34 A ra sa vagagalu lia: ni ra a vileti vakai ira ena gaunisala, se ko cei sa levu cake vi ira.
\v 35 A sa tiko sobu ko koya, ka kacivi ira na lewe tinikarua, ka tukunia vi ira, Kevaka e dua sa via liu, ena muri sara, ka na qaravi ikodou voki lia.
\v 36 A sa yadia e dua na gone lailai, ka vaturia ena kedra maliwa: ia ni sa kevetia, sa tukunia vi ira,
\v 37 O koya yadua ena vinakatia e dua na gone lailai vakoya e na vuku ni yacaqu, sa vinakati au; ia ko koya yadua sa vinakati au, sa yali ni vinakati au lia, sa vinakati koya voki lia sa talai au mai.
\p
\v 38 Sa qai vosa vua ko Joni, ka tukunia, Vavuvuli, kitou a raicia e dua sa tovocia tani na tevoro eso ena yacamuni, ia ka yali ni muri ita ko koya: ka kitou sa tarovia, ni sa yali ni muri ita.
\p
\v 39 A sa tukunia ko Jisu, Kakua ni tarovia, ni sa yali e dua sa caka e dua na cakacaka mana ena yacaqu, me qai vosacataki au rawa.
\v 40 Ni sa nodai to ko koya sa yali ni noda meca.
\v 41 Ia ko koya yadua ena solia vi ikodou e dua na bilo wai mo dou somia, ni dou sai tokani i Karisito, au sa tukunia vaidina vi ikodou, ena yali ni yali vi koya na kenai sau.
\p
\v 42 Ia ko koya yadua ena vacala e dua vi ira na lalai koya era sa vabauti au, sa vinaka cake vua kevaka sa varubeci e domona e dua na vatu i qaqi, ka qai dai ki loma ni wasaliwa.
\v 43 Ia kevaka sa vacalai iko na ligamu, mudukia tani: sa vinaka vi iko mo curu ki na bula ka liga dua, ka ca me rua na ligamu ka mo qai ki eli, ki na bukawaqa e yali ni bokocia rawa:
\v 44 sa yali ni mate kinia na nodra baca, a sa yali ni bokocia kinia na bukawaqa.
\v 45 Ia kevaka sa vacalai iko na yavamu, mudukia tani: sa vinaka vi iko mo curu ki na bula ka yava dua, ka ca me rua na yavamu ka mo dai ki eli, ki na bukawaqa e yali ni bokocia rawa:
\v 46 sa yali ni mate kinia na nodra baca, a sa yali ni bokocia kinia na bukawaqa.
\v 47 Ia kevaka sa vacalai iko na matamu, vecuka tani: sa vinaka vi iko mo curu ki na matanitu ni Kalou ka dua loa lia na matamu, ka ca me rua na matamu ka mo dai ki eli sa waqa kinia na buka:
\v 48 sa yali ni mate kinia na nodra baca, a sa yali ni bokocia kinia na bukawaqa.
\p
\v 49 Ni na vamasimatakia ko koya yadua e na bukawaqa, ka na vamasimatakia nai madrali kece ena masima.
\v 50 A ka vinaka na masima: ia kevaka sa takali mai na masima na kena tuituina, ena vatuituinataki voki ena cava? Me tu lia ena lomamudou na masima, dou vilomani voki lia vai ikodou.
\c 10
\cl Wase 10
\p
\v 1 A sa cavu tu mai vanua koya ko koya, ka qai ki na yasayasa va-Jutia mai na tai kadua ni Joritani: a ra sa lewe levu sa soqoni vata voki vua; a sa vavulici ira voki ko koya, me vaka na nonai valavala.
\v 2 A sa qai mai vi koya ko ira na Farisi, ka tarogia, E tara vua na tagane me dainia na watina, se yali? Ka ni ra sa vatovolei koya.
\p
\v 3 A sa vosa ko koya, ka tukunia vi ira, A cava sa varotia vi ikodou ko Mosese?
\p
\v 4 A ra sa tukunia, Sa vosotia lia ko Mosese me vola nai vola ni vidai, ka qai dainia tani.
\p
\v 5 Sa qai vosa ko Jisu, ka tukunia vi ira, Ena vuku ni nomudou lomakaukauwa sa vola vi ikodou ko koya na vunau koya.
\v 6 Ia e nai vatekivu ni ka sa buli, sa buli rau na Kalou me dua na tagane ka dua na yalewa.
\v 7 Ena vuku ni ka koya ena daini tamana kei tinana na tagane, ka kabitia na watina;
\v 8 ia koi rau erau na lewe dua: erau sa yali ni lewe rua tiko, erau lewe dua lia.
\v 9 Ia na ka sa vaucia vata na Kalou, me kakua ni tawasea na tamata.
\p
\v 10 Ia mai vale era tarogi koya voki na nona tisaipeli e na ka koya.
\v 11 A sa tukunia vi ira ko koya, O koya yadua sa dainia na watina, ka qai viwatini kei na dua tani, sa dauyalewa.
\v 12 Ia kevaka sa dainia na watina na yalewa, ka qai viwatini kei na dua tani, sa dautagane.
\p
\v 13 A ra sa yadia mai vua eso na gone lalai, me tarai ira ko koya: a sa vunauci ira era a yadia mai ko ira na tisaipeli.
\v 14 Ia ni sa raicia ko Jisu, sa cudru sara, a sa tukunia vi ira, Dou daini ira na gone lalai me ra qai mai vi au, ka mo dou kakua ni tarovi ira: ni sa vataki ira na lewe ni matanitu ni Kalou:
\v 15 au sa tukunia vaidina vi ikodou, O koya ena yali ni vabautia na matanitu ni Kalou me vaka na gone lailai, ena yali sara ni curu kinia.
\v 16 A sa keveti ira, ka tabaki ira ena ligana, ka vosavakalougatataki ira.
\p
\v 17 Ia ni sa qai yani ko koya e gaunisala, sa cici mai e dua, ka tekiduru vua, ka tarogi koya, Vavuvuli vinaka, a cava meu caka meu rawatia kinia na bula yali ni mudu?
\p
\v 18 A sa tukunia vua ko Jisu, Ko sa vatokai au meu vinaka ena vuku ni cava? Sa yali e dua tani e vinaka, na Kalou loa lia.
\v 19 Ko sa kila na vunau, Kakua ni caka na vibutakoci, Kakua ni laba, Kakua ni butako, Kakua ni vibeitaki vailasu, Kakua ni kovekove, Varokoroko vi rau na tamamu kei na tinamu.
\p
\v 20 Sa qai vosa ko koya, ka tukunia vua, Vavuvuli, a ka kece lia koya kau sa vabautia ni kau a gone ka yacovia na siga koya.
\p
\v 21 A sa varaici koya ko Jisu, a sa lomania, a sa tukunia vua, E dua na ka sa yali vi iko: mo qai, mo volitakia na ka kece lia sa tu vi iko, ka solia vi ira sa dravudravua, ko na qai vaiyau mai lomalagi: ia mo qai mai, ka muri au.
\v 22 A sa vaveveku mata ena vuku ni vosa ko ya, a sa qai tani a sa rarawa na lomana; ni sa levu na nonai yau.
\v 23 A sa viraiyaki ko Jisu, a sa tukunia vi ira na nona tisaipeli, E dredre sara vi ira sa vutuniyau me curu ki na matanitu ni Kalou!
\v 24 A ra sa kidacala ko ira na tisaipeli ena nona vosa. Sa qai vosa voki ko Jisu, ka tukunia vi ira, Ragone, e dredre sara vi ira era sa vararavi ki nai yau me curu ki na matanitu ni Kalou!
\v 25 Sa rawarawa me curumia na mata ni cula na kameli, ka dredre vua na tamata vutuniyau me curu ki na matanitu ni Kalou.
\p
\v 26 A ra sa kidacala valevu sara lia, ka tukunia vua, Ko cei ena qai vabulai rawa?
\p
\v 27 A sa varaici ira ko Jisu, ka tukunia, Sa dredre sara vi ira na tamata, ia ka yali lia vua na Kalou; ni sa rawarawa vua na Kalou na ka kece lia.
\p
\v 28 Sa qai vatekivu ko Pita me tukunia vua, Nu raicia, itatou sa dainia na ka kece, ka muri ikonu.
\p
\v 29 Sa qai vosa ko Jisu, ka tukunia, Au sa tukunia vaidina vi ikodou, Sa yali e dua na tamata sa dainia na vale, se na vitacini, se na ganena, se na tamana, se na tinana, se na luvena, se na vanua, ena vukuqu, ki na vuku ni tukutuku-vinaka,
\v 30 me qai yali ni saumi, ena rawatia yadrau ena bula koya, na vivale, kei na vitacini, kei na ganena, kei na tinana, kei na luvena, kei na vanua, kei na vivacacani voki lia; ia e na gauna mai muri, na bula yali ni mudu.
\v 31 Ia era lewe levu sa liu era na muri; kei ira voki lia sa muri era na liu.
\p
\v 32 A ra sa qai lia e na salatu ni ra sa qai ki Jerusalemi; a sa liutaki ira ko Jisu: a ra sa kidacala, ka ni ra sa muri voli, era sa rere. A sa yadi ira voki na le tinikarua, ka vatekivu me tukunia vi ira na ka ena yaco vua,
\v 33 ka tukunia, Raicia, eda sa qai cake ki Jerusalemi; ka na soli yani na Luve ni tamata vi ira na bete levu, ki ira na vunivola; ka ra na lewai koya me mate, a ra na soli koya vi ira na vimatanitu tani:
\v 34 a ra na valialiai koya, ka vakanakuitataki koya, ka kasuvia, ka vamatea: ena qai tu cake voki mai ko koya enai katolu ni siga.
\p
\v 35 A sa qai mai vua ko Jemesa kei Joni, koi rau na luve i Sepete, ka tukunia, Vavuvuli, kirau sa vinakatia mo ni caka vi kirau na ka kirau na kerea.
\p
\v 36 A sa tukunia vi rau ko koya, A cava drau sa vinakatia meu caka vi ikodrau?
\p
\v 37 A rau sa tukunia vua, Ni solia vi kirau, me kirau tiko e na nomuni ukuuku, e dua ena ligamuni matau, ka dua e na ligamuni mawi.
\p
\v 38 Sa qai tukunia vi rau ko Jisu, Drau sa yali ni kila na ka drau sa kerea: drau sa rawatia beka mo drau somia na bilo kau na somia? Ka mo drau papitaisotaki e na paitaiso kau na papitaisotaki kinia?
\p
\v 39 A rau sa tukunia vua, Kirau sa rawatia. Sa qai tukunia vi rau ko Jisu, Drau na somia dina na bilo kau na somia; drau na papitaisotaki voki lia ena papitaiso kau na papitaisotaki kinia:
\v 40 ia me tiko ena ligaqu i matau kei na ligaqu i mawi sa yali ni noqu meu solia vailoa, vi ira ga sa varautaki me nodra.
\p
\v 41 Ia ni sa rogocia ko ira na lewe tini, era sa cudru sara lia vi Jemesa kei Joni.
\v 42 A sa kacivi ira mai ko Jisu, ka tukunia vi ira, Dou sa kila, ni ra sa lewai ira na vimatanitu ko ira era sa kainaki me nodra turaga; a sa vitalia vi ira ko ira na nodra qaqa.
\v 43 Ia sa yali ni vakinia vi ikodou; ia ena nomudou tamata lia ko koya vi ikodou sa viavialevu;
\v 44 ka na nomudou tamata lia ko koya vi ikodou sa viaviaturaga.
\v 45 Ni sa yali ni qai mai na Luve ni tamata me qaravi, me dauviqaravi lia, ka me solia na nona bula me kedrai voli na lewe levu.
\p
\v 46 A ra sa yaco ki Jeriko: ia ni ra sa qai tani e Jeriko ko koya kei ira na nona tisaipeli kei ira e lewe levu sara, sa tiko ena tutu-ni-sala me kerekere ko Patimeo na mataboko, na luve i Timeo.
\v 47 Ia ni sa rogocia ko koya ni sai Jisu na kai Nasareci, sa vatekivu me kaci, ka tukunia, I Jisu, na Luve i Tevita, ni lomani au mai.
\v 48 A ra sa lewe levu era vunauci koya me tikolo: a sa qai kaci valevu cake kinia ko koya, Na Luve i Tevita, ni lomani au mai.
\p
\v 49 Sa qai tu vadua ko Jisu, ka sa tukunia me kacivi mai. A ra sa qai kacivia na tamata mataboko, a ra sa tukunia vua, Mo vacegu, tu cake; sa kacivi iko ko koya.
\v 50 A sa dainia na nonai tutuvi ko koya, ka tu cake, ka qai vi Jisu.
\p
\v 51 A sa vosa ko Jisu, ka tukunia vua, A cava ko sa vinakatia meu caka vi iko? A sa tukunia vua na tamata mataboko, ikonu na Turaga, meu rai rawa.
\p
\v 52 A sa tukunia vua ko Jisu, Mo qai lia; sa vabulai iko na nomu vabautia. A sa rai rawa sara ko koya, ka sa muri Jisu ena gaunisala.
\c 11
\cl Wase 11
\p
\v 1 Ia ni ra sa toro voleka ki Jerusalemi, kei Pecifaki kei Pecani, ena ulunivanua ni violive, sa tala ko koya e lewe rua na nona tisaipeli,
\v 2 a sa tukunia vi rau, Drau qai ki na koro lailai sa donui ikodrau: ia ni drau sa curu kinia, drau na raicia sara e dua na luve ni asa sa noka tu, sa yali ni vodokia e dua na tamata; drau serekia, ka yadia mai.
\v 3 Ia kevaka sa dua e tukunia vi ikodrau, Drau sa caka koya ena vuku ni cava? Drau tukunia sa yaga vua na Turaga; ena qai talai koya sara mai vanua koya.
\p
\v 4 A rau sa qai, ka raicia na luve ni asa, sa noka tu ena mata ni katuba ena tikinia sa sota vata kinia e rua na sala; a rau sa serekia.
\v 5 Ia ka so vi ira era sa tu kinia, era sa tukunia vi rau, A cava drau sa serekia kinia na luve ni asa?
\v 6 A rau sa tukunia vi ira me vaka ka varotia ko Jisu: a ra sa qai daini rau me qai.
\p
\v 7 A rau sa yadia na luve ni asa vei Jisu, ka tevukia kinia na nodraui sulu, a sa vodokia ko koya,
\v 8 A ra sa lewe levu era sa tevukia na nodrai sulu ena gaunisala: ka so voki era musukia eso na taba ni kau, ka dainia ena gaunisala.
\v 9 Ia ko ira sa liu, ki ira sa muri, era sa kaci, ka tukunia, Osana! Sa kalougata ko koya sa qai mai ena yaca ni Turaga!
\v 10 Sa kalougata na matanitu ni Tevita na noda matua, ko koya sa yaco mai! Osana ki cake sara!
\p
\v 11 A sa curu ko koya ki Jerusalemi, ki na valenisoro voki lia: ia ni sa varaicia voli na ka kece lia, a sa qai raiyavi mai, sa qai yani ko koya ki Pecani, kei ira na lewe tinikarua.
\p
\v 12 Ia ena savulaci caca, ni ra sa qai mai Pecani, sa viakana ko koya:
\v 13 ia ni sa raicia vayawa e dua na vu ni lolo sa vadrauna, sa qai, de raicia kinia e dua na ka: ia ni sa yaco kinia, sa yali ni raicia e dua na ka, a drauna loa lia; ni sa yali ni yaco na vula i lolo.
\v 14 A sa vosa ko Jisu, ka tukunia kinia, Me kakua na vuamu e kani emuri ka yali ni mudu. A ra sa rogocia na nona tisaipeli.
\p
\v 15 A ra sa yaco ki Jerusalemi: a sa curu ki na valenisoro ko Jisu, ka vatekivu me tovoci ira tani kinia era sa vivoli ena valenisoro; sa vukicia voki lia na nodra tepeli era sa visau i lavo, ki na nodra vitikotiko era volitaki ruve kinia;
\v 16 a sa yali ni dainia e dua me cola e dua na ka e loma ni valenisoro.
\v 17 A sa vavulici ira, ka tukunia, Sa yali ni volai, A noqu vale ena vatokai me nodra vale ni masu, na vimatanitu kece lia? Ia dou sa caka me nodra qara na daubutako.
\v 18 A ra sa rogocia ko ira na vunivola kei ira na bete levu, a ra sa segatia me ra vamatei koya: ni ra sa rerevakia, ni ra sa kurabui ko ira kece lia na lewe levu ena nonai vavuvuli.
\v 19 Ia ena vi raiyavi, sa qai tani ena koro ko koya.
\p
\v 20 Ia ena savulaci, ni ra sa qai voli, era sa raicia sa malai sara mai na wakana na vu ni lolo.
\v 21 Ia ni sa nanumia ko Pita, sa tukunia vi koya, Vavuvuli, raicia, na lolo ko sa lewa me ca sa malai sara.
\p
\v 22 A sa tukunia vi ira ko Jisu, Dou va dinatia na Kalou.
\v 23 Niu sa tukunia vaidina vi ikodou, Kevaka sa dua e tukunia ki na ulunivanua koya, Mo cavu tani, ka dai ki na wasaliwa, ia ka yali ni vatitiqa na yalona, a sa vadinatia lia ni na yaco na ka sa tukunia; ena rawatia na ka kece lia sa tukunia ko koya.
\v 24 Ko koya koya kau sa tukunia kinia vi ikodou, A ka kece lia dou sa kerea, ni dou sa masu, dou vadinatia ni dou sa rawatia, ena qai nomudou lia.
\v 25 Ia ni dou sa tu me masu, kakua ni cudruvi koya sa cala vi ikodou; me kakua voki lia ni cudruvi ikodou ena vuku ni nomudoui valavala ca na Tamamudou sa tiko mai lomalagi.
\v 26 Ia kevaka dou sa cudruvia lia, ena yali voki ni bokocia na nomudoui valavala ca na Tamamudou sa tiko mai lomalagi.
\p
\v 27 A ra sa qai voki mai ki Jerusalemi: ia ni sa qai voli ko koya ena valenisoro, sa qai mai vua ko ira na bete levu, kei ira na vunivola, kei ira na qase,
\v 28 a ra sa tukunia vua, Ko sa lesi mai vi mo caka na veika koya? Ia ko cei sa solia vi iko nai lesilesi koya mo caka kinia na veika koya?
\p
\v 29 A sa vosa ko Jisu, ka tukunia vi ira, Au na tarogi ikodou voki lia ena dua na ka, ia dou tukunia vi au; au na qai tukunia voki vi ikodou se kau sa lesi mai vi meu caka na veika koya:
\v 30 A papitaiso i Joni, sa ka mai lomalagi, se ka mai na tamata? Tukunia mai vi au
\v 31 A ra sa vivosakitakia vakai ira, ka tukunia, Kevaka eda na tukunia, Sa vu mai lomalagi; ena qai tukunia ko koya, Ia dou a yali ni vadinati koya ena vuku ni cava?
\v 32 Ia kevaka eda na tukunia, sa vu mai na tamata; era sa rerevaki ira na tamata; ni ra sa vasama kece lia sa parofita dina ko Joni.
\v 33 A ra sa vosa, ka tukunia vi Jisu, Kitou sa yali ni kila. Sa qai vosa ko Jisu, ka tukunia vi ira, Au na yali voki lia ni tukunia vi ikodou se kau sa lesi mai vi meu caka na veika koya.
\c 12
\cl Wase 12
\p
\v 1 A sa vatekivu ko koya me tukunia vi ira ena vosa vatautauvata, Sa dua na tamata sa tea e dua na were ni vaini, a sa viribaitia vavolivolitia, a sa kelia na keli ni waini, a sa tara na nodra vale nai vatawa, a sa lisitakia vi ira eso nai vatau ni were, a sa qai qai ki na vanua tani.
\v 2 Ia ni sa yaco na kena gauna sa tala ko koya e dua na tamata vi ira nai vatau ni were, me yadia mai vi ira nai vatau ni were eso na vua ni were ni vaini.
\v 3 A ra sa tauria, ka yaviti koya, ka tovocia tani loa lia.
\v 4 Sa qai tala voki vi ira ko koya e dua na tamata tani; a ra sa vamavoatakia na uluna, ka vacacania valevu.
\v 5 A sa tala voki ko koya e dua tani; a ra sa vamatei koya, kei ira na lewe levu tani; eso era sa yavitia, ka so era sa vamatea.
\v 6 A sa vo lia e dua loa lia na luvena, na nona gone ni toko, a sa talai koya voki lia emuri vi ira, ka tukunia, Era na varokorokotakia na luvequ.
\v 7 Ko ira nai vatau ni were koya era sa tukunia vakai ira, O koya koya nai taukei emuri; tou mai vamatea, ena qai noda lia na were ni vaini.
\v 8 A ra sa tara, ka vamatea, ka dainia ki taudaku ni were ni vaini.
\v 9 A cava beka ena qai caka na turaga ni were ni vaini? Ena qai lia mai vamatei ira nai vatau ni were, ka solia na were ni vaini vi ira na tani.
\v 10 Dou sa yali beka ni wilikia na tiki ni Vola Tabu koya? A vatu era sa besetakia ko ira na matai ni vale, sa yaco me kenai vadei ena tutu ni vale:
\v 11 koya na cakacaka i Jiova, A sa ka e vivakurabuitaki vi ita?
\p
\v 12 A ra sa via tauri koya, ka ra sa rerevaki ira na lewe levu; ni ra sa kila sa vosataki ira ko koya ena vosa vatautauvata ko ya; a ra sa qai daini koya, ka qai yani.
\p
\v 13 A ra sa tala vua eso na Farisi, kei nai tokani i Eroti, me ra coriti koya ena nona vosa.
\v 14 Ia ni ra sa yaco mai, era sa tukunia vua, Vavuvuli, kitou sa kila ko sa dina lia, ka sa yali ni rerevakia e dua; ni ko sa yali ni doka na matadra na tamata, ia ko sa vatavuvulitakia vaidina lia nai valavala sa vinaka vua na Kalou: sa tara me da soli ka ni matanitu vi Sisa, se yali?
\p
\v 15 Me da solia, se me da kakua ni solia? Ia sa kila ko koya na nodrai lawaki, a sa tukunia vi ira, Dou sa dauveretaki au ena vuku ni cava? Yadia mai vi au e dua na pene, meu raicia.
\v 16 A ra sa yadia mai. A sa tarogi ira ko koya, A mata i cei koya, kei na yaca i cei sa volai tu? A ra tukunia vua, A nei Sisa.
\p
\v 17 Sa qai tukunia vei ira ko Jisu, Mo dou solia vei Sisa na ka sa nei Sisa, vei koya voki lia na Kalou na ka sa nona na Kalou. A ra sa kurabuitaki koya.
\p
\v 18 Era sa qai qai mai vei koya eso nai tokani i Setoki, ko ira era sa daukaya ena yali ni tu cake voki na mate: a ra sa tarogia, ka tukunia,
\v 19 Vakavuvuli, sa vola vei ita ko Mosese, Kevaka sa dua na tamata sa mate na tuakana se tacina, ka dainia na watina, ka yali na luvena, me rau qai viwatini kei na nona yada na tacina se tuakana, me vaivakawa kinia vua na tuakana se tacina.
\v 20 Sa tiko na matavitacini eratou lewe vitu: a sa vawati ko koya sa matua, a sa mate, ka yali na luvena:
\v 21 erau sa qai viwatini kaya nai karua, a sa mate lia, ka yali na luvena: sa va voki lia kinia nai katolu:
\v 22 ia eratou sa viwatini kaya ko iratou na lewe vitu, ka yali na luvedratou: sa qai mate voki lia emuri na yalewa:
\v 23 ia ni sa tu cake voki na mate, ena wati i cei vi iratou ko koya? Ni ratou sa curumia ko iratou na lewe vitu.
\p
\v 24 A sa vosa ko Jisu, ka tukunia vi ira, Sa yali ni vu ni nomudou sese koya, ni dou sa yali ni kila nai Vola Tabu, se na kaukauwa ni Kalou?
\v 25 Ni ra na tu cake voki mai na mate, era na yali ni vawati, se vimusumusukitaki me ra vawati; era na vataki ira na agilose mai lomalagi
\v 26 Ia ni ra na tu cake voki na mate, dou sa yali ni wilikia enai vola i Mosese, ni sa vosa na Kalou vi koya, mai na kau, ka tukunia, Koi au na Kalou i Eparaama, kei na Kalou i Aisake, kei na Kalou i Jekope?
\v 27 Ia sa yali ni nodra Kalou na mate ko koya, a nodra Kalou lia era sa bula tiko: dou sa sese valevu kinia.
\p
\v 28 Ka sa dua na vunivola, ni sa rogocia na nodra vileti, a sa raicia ni sa vosa vavuku vi ira ko koya, sa qai qai mai ka tarogi koya, Ai varo cava sa kenai matai e nai varo kece lia?
\p
\v 29 A sa tukunia vua ko Jisu, Sai matai ni varo kece lia, Mo rogocia, na Isireli: O Jiova na noda Kalou Ko Jiova sa dua bau:
\v 30 ia mo lomani Jiova na nomu Kalou e na lomamu taucoko, kei na yalomu taucoko, kei na nomu nanumia kece lia, kei na nomu kaukauwa kece.
\v 31 Na kenai karua koya, Mo lomania na kai nomu me vaka ko sa lomani iko. Sa yali e dua nai varo sa uasivi enai varo ruarua koya.
\p
\v 32 A sa tukunia vi koya na vunivola, E vinaka, Vavuvuli, ko sa tukunia dina ni sa dua bau lia na Kalou; a sa yali voki e dua me rau lewe rua kaya;
\v 33 ia me da lomani koya ena lomada taucoko, kei na noda vakasama kece, kei na yaloda taucoko, kei na noda kaukauwa kece, ka me lomania na kai noda me vaka eda lomani ita, koya na ka levu, ia na ka lailai nai soro kama kece lia, kei nai soro kece lia.
\p
\v 34 Ia ni sa raicia ko Jisu ni sa vosa vavuku ko koya, sa tukunia vua, O sa yali ni yawa ki na matanitu ni Kalou. A sa yali e dua sa doudou emuri me vatarogi koya.
\p
\v 35 A sa vosa ko Jisu ni sa vatavuvuli tiko ena valenisoro, ka tukunia, Sa vaevei ni ra tukunia ko ira na vunivola sa luve i Tevita na Karisito?
\v 36 Ni sa tukunia ko Tevita, ka sa vuna na Yalo Tabu, Sa tukunia ko Jiova vua na noqu Turaga, Mo tiko ena ligaqu i matau, Meu vamalumalumutaki ira mada na nomu meca me ra sai tutu ni yavamu.
\v 37 Sa vatokai koya ko Tevita me Turaga; sa qai luvena vaevei? A ra sa lewe levu vi ira na tamata, sa vinakatia me ra rogoci koya.
\p
\v 38 A sa tukunia vi ira ena nonai vavuvuli, Dou qarauni ikodou mai vi ira na vunivola, era sa vinakatia me ra qai voli enai sulu balabalavu, kei na vikidavaki ena rara ni vivoli,
\v 39 ki nai tikotiko ni matua ena vivalenilotu, kei nai tikotiko vaturaga e na kana magiti;
\v 40 era sa kovea na nodrai yau na yada, a ra masu vabalavu tiko me vivakaisini; ko ira koya era na cudruvi valevu.
\p
\v 41 A sa tiko ko Jisu ena yasana sa donuya na kato ni lavo, a sa raici ira na lewe levu ni ra sa dainia nai lavo kei na kato ni lavo: ka lewe levu era sa vutuniyau era sa dainia valevu.
\v 42 A sa qai mai e dua na yada dravudravua, a sa dainia kinia e rua nai lavo lalai sara, sa rautia e dua na facigi.
\v 43 A sa kacivi ira na nona tisaipeli ko koya, ka tukunia vi ira, Au sa tukunia sara lia vaidina vi ikodou, Na yada dravudravua koya sa dainia valevu ki na kato ni lavo, ko ira kece lia era sa dainia valailai lia:
\v 44 ni ra sa dainia kinia eso ko ira kece lia mai na nodra ka e levu: ia ko koya koya, sa dravudravua, ka sa dainia na nona ka kece lia, io na nona ka kece e bula kinia.
\c 13
\cl Wase 13
\p
\v 1 Ia ni sa qai tani ko koya e na vale ni soro, sa tukunia vua e dua vi ira na nona tisaipeli, “Vavuvuli, raicia, na kenai rairai ni vivatu, ki na vivale koya!”
\v 2 A sa vosa ko Jisu, ka tukunia vua, “O sa raicia na vivale lelevu koya, ne? Ena yali ni vo e dua na vatu me vitaqataqai, ena talaraki sobu kece lia.”
\p
\v 3 Ia ni sa tiko ko koya mai na ulu ni vanua ni violive sa donuya na valenisoro, eratou sa tarogi koya lo ko Pita, kei Jemesa, kei Joni kei Adriu,
\v 4 “Mo ni tukunia mai vi kitou, se na yaco ni naica na veika koya; ia ka cava na kenai vatakilakila ni sa voleka ni yaco na ka kece lia koya.”
\p
\v 5 Sa qai vosa vi iratou ko Jisu, ka tukunia, “Raicia vinaka de vacalai ikodou e dua:
\v 6 Era lewe levu ena qai mai ka vacavutaki au, ka tukunia, ‘Sai au,’ ia ka lewe levu era na vacala.
\v 7 Ia ni dou na rogocia nai valu, kei nai rogorogo ni valu, dou kakua ni kidroa; ni sa kilikili me yaco; ia sa bera lia nai vataotioti.
\v 8 Ni ra na vibolebolei na vivanua eso, ki na vimatanitu eso; ia ena tavuki na vanua ena viyasana e levu, ena yaco voki lia na dausiga: koya nai vatekivu lia ni ka rarawa.
\p
\v 9 Ia dou qarauni ikodou vinaka: ni dou na soli yani ki na matavilewai, dou na vakanakuitatakia e na vivalenilotu: dou na kau voki lia ki na matadra na kovana, kei na tui, ena vukuqu, mei vadinadina vi ira.
\v 10 Ia ena vunautaki dina mada eliu nai tukutuku vinaka ena vivanua kece lia.
\v 11 Ia ni dou sa kau yani, ka soli me lewai, dou kakua mada ni lomaocaoca se cava mo dou tukunia, dou kakua voki lia ni vanananu ki liu; ia na ka kece lia ena soli vi ikodou ena tiki ni siga ko ya, sai koya lia mo dou vosatakia: ni dou sa yali ni vosa koi ikodou, sa vosa lia na Yalo Tabu.
\v 12 Ia era na dui soli ira yani na vitacini me vamatei, kei na tama ni gone ena solia na luvena; ia era na tu cake na gone vi ira na nodra qase, ka vavunia na nodra mate.
\v 13 Ia era na cati ikodou ko ira na tamata kece lia ena vuku ni yacaqu; ia ko koya ena vosotia me yacovia nai vataotioti, ena vabulai ko koya.
\p
\v 14 Ia ni dou sa raicia ena yasana sa tabu ni tu kinia na ka vasisila sa dauvivarusai, o koya sa vosa kinia ko Taniela na parofita, (me kila ko koya sa wilikia,) me qai dro ki na viulu ni vanua ko ira era sa tiko e Jutia;
\v 15 ia me kakua ni qai sobu ki vale ko koya sa tiko e delana, se curu kinia, me yadia tani e dua na ka mai na nona vale;
\v 16 ia me kakua ni lesu voki ko koya sa tiko ena were, me yadia na nonai sulu.
\v 17 Ka na ca vi ira sa bukete, kei ira era sa vasucumia na gone, ena gauna ko ya!
\v 18 Ia dou masu me kakua ni yaco na nomudou tuba ena vula i liliwa.
\v 19 Ni na yaco na ka rarawa ena gauna ko ya; sa yali ni vakinia mai nai vatekivu ni nona buli ka na Kalou ka yacovia na siga koya, ka na yali voki lia emuri.
\v 20 Ia kevaka sa yali ni valekalekatakia na gauna ko ya na Turaga, sa yali na tamata me bula rawa: ia ena vukudra na digitaki, ko ira sa digitakia ko koya, sa valekalekatakia ko koya na gauna ko ya.
\v 21 Kevaka ena qai tukunia vi ikodou e dua, ‘Raicia, gona na Karisito!’ se, ‘Raicia, mai na vanua koya!’ kakua ni vabautia:
\v 22 ni na tubu mai na Karisito vailasu eso, ki na parofita vailasu eso, a ra na vatakila mai na vivatakilakila ki na veika e vivakurabuitaki, me vacalai ira kinia na digitaki, kevaka e rawa.
\v 23 Ia dou qarauni ikodou vinaka: raicia, au sa tukunia eliu vi ikodou na ka kece lia.
\p
\v 24 Ia ena gauna ko ya, ni sa oti mada na ka rarawa ko ya, ena qai vabutobutotakia na matanisiga; ena yali voki lia ni cila na rarama ni vula;
\v 25 ka na lutu mai na vikalokalo ni lomalagi, ka na vitosoyaki na veika kaukauwa ni lomalagi:
\v 26 ia era na qai raicia na Luve ni tamata ni sa qai mai e na vi o, ena kaukauwa levu ki nai ukuuku.
\v 27 Ena qai talai ira na nona agilose ko koya, ka vasoqoni ira vata na nona digitaki mai na mata ni cagi e va, mai nai yalayala ki vuravura ki nai yalayala ki lomalagi.
\p
\v 28 Mo dou kila mada na vosa vatautauvata ni lolo; Ni sa qai lavovou na tabana, a sa tubu na drauna, dou sa kila sa voleka na vula i katakata:
\v 29 me vaka voki lia kinia koi ikodou, ni dou sa raicia sa yaco na veika koya, dou kila sa voleka ko koya, io mai darava.
\v 30 Au sa tukunia vaidina vi ikodou, Ena yali ni takali nai tabatamata koya, ena yaco mada eliu na ka kece lia koya.
\v 31 Ena takali ko lomalagi ki vuravura; ia na noqu vosa ena yali ni takali.
\v 32 Ia na siga ko ya ki na tiki-ni-siga ko ya sa yali e dua e kila, ko ira na agilose mai lomalagi e yali, se na Luvena, a Tamaqu dua loa lia.
\v 33 Dou qarauni ikodou vinaka; dou vatawa, ka masu: ni dou sa yali ni kila na kena siga.
\v 34 Sa vaka e dua na tamata e qai ki na vanua tani, ko koya sa dainia na nona vale, a sa lesia vi ira na nona tamata me ra lewa, ka lesia vi ira yadua na nodra cakacaka, a sa tukunia voki lia vua nai vatawa me vatawa tiko.
\v 35 O koya mo dou qai vatawa: ni dou sa yali ni kila na tiki-ni-siga ena qai mai kinia nai taukei ni vale; se ni sa raiyavi, se ni sa lomaloma-ni-bogi, se ni sa tagi na toa, se ni savulaci;
\v 36 de qai vasauri mai, ka kunei ikodou ni dou sa moce lia:
\v 37 ia na ka kau sa tukunia vi ikodou, kau sa tukunia vi ira kece lia, Dou vatawa.
\c 14
\cl Wase 14
\p
\v 1 Ia sa vo e rua na bogi me qai ia na kana vata ni qai-sivia ki na kana madrai sa yali ni valeveni: a ra sa vasaqara ko ira na bete levu ki ira na vunivola me ra lawakitaki koya me ra tauria, ka vamatea.
\v 2 A ra sa tukunia, Me kakua e na gauna ni kana vata, de ra ue kinia na tamata.
\p
\v 3 Ia ni sa tiko ko koya mai Pecani e na vale i Saimoni na vukavuka, ni sa kana tiko, sa qai mai e dua na yalewa sa tauria e dua na tavaya alapasita waiwai, na narita dina, sa talei sara; a sa vorokia na tavaya, ka livia ki na uluna.
\v 4 A sa cudru sara eso vakai ira, ka tukunia, Sa dai lowa lia na waiwai koya e na vuku ni cava?
\v 5 Sa rawarawa me volitaki koya e na pene e tolu na drau ka vacaca, ka soli vi ira na dravudravua. A ra sa vosa kudrukudru vua na yalewa.
\p
\v 6 A sa tukunia ko Jisu, Daini koya lia; dou sa saga e na vuku ni cava? Sa caka vi au e dua na cakacaka vinaka:
\v 7 sa tiko vadua ki ikodou ko ira na dravudravua; ia ni dou sa via caka na ka sa yaga vi ira, sa rawarawa lia: ia koi au, kau na yali ni tiko vadua ki ikodou.
\v 8 Sa caka ko koya na ka sa rawatia: sa qai mai eliu ko koya me lumutia na yagoqu me bulu.
\v 9 Au sa tukunia vaidina vi ikodou, E na viyasana kece lia e vuravura taucoko ena vunautakia kinia nai tukutuku-vinaka koya, ena bau tukunia voki lia kinia na ka sa caka na yalewa koya, me kenai divi.
\p
\v 10 Ia ko Jutasa Isikarioti, e dua vi ira na lewe tinikarua, sa qai vi ira na bete levu, me soli koya vi ira.
\v 11 Ia ni ra sa rogocia, era sa reki, a ra sa yalayala me ra soli lavo vua. Sa qai vasaqara ko koya na gauna e rawarawa me soli koya kinia.
\p
\v 12 Ia e nai matai ni siga ni kana madrai sa yali ni valeveni, ni ra sa vamatea na lami ni qai-sivia, sa tukunia vua ko ira na nona tisaipeli, Evei na tikinia ko sa vinakatia me kitou qai kinia me varautakia mo caka kinia na kana vata ni qai-sivia?
\p
\v 13 A sa tala ko koya e lewe rua vi ira na nona tisaipeli, ka tukunia vi rau, Drau qai ki na koro, drau na qai sota kaya e dua na tamata sa colatia e dua na saqa wai: muri koya;
\v 14 ia na vale ena curu kinia ko koya, drau tukunia vua na kenai taukei, Sa tarogia nai Vavuvuli, Evei na tiki-ni-vale meu caka kinia na kana vata ni qai-sivia ki ira na noqu tisaipeli?
\v 15 Ena qai vatakila vi ikodrau e dua na tikinia levu ecake e na vale sa varautakia tu na kenai yaya: drau varautakia kinia na keda.
\v 16 A rau sa qai yani na nona tisaipeli, ka yaco ki na koro; a rau sa kunea me vaka ka tukunia vi rau ko koya: a rau sa varautakia na kakana ni qai-sivia.
\v 17 Ia ni sa raiyavi mai, sa qai mai ko koya ki ira na lewe tinikarua.
\p
\v 18 Ia ni ra sa tiko ka kana, sa tukunia ko Jisu, Au sa tukunia vaidina vi ikodou, ena soli au yani e dua vi ikodou, io ko koya sa kana vata ki au.
\p
\v 19 Sa qai rarawa na lomadra, ka ra dui tukunia yadua vi koya, Oi au beka? Ka dua voki, Oi au beka?
\p
\v 20 A sa tukunia vi ira ko koya, E dua vi ikodou na lewe tinikarua, ko koya sa tokocia vata ki au na kena e na bilo.
\v 21 Sa qai na Luve ni tamata, me vaka sa volai e na vukuna: ia ka ca vua na tamata ko ya sa solia yani na Luve ni tamata! Ke sa yali ni sucu na tamata ko ya ke sa vinaka vua.
\p
\v 22 Ia ni ra sa kana tiko, sa tauria na madrai ko Jisu, ka lotutakia, ka dovia, ka solia vi ira, ka tukunia, Dou tauria, kania: koya na yagoqu.
\v 23 Sa qai tauria na bilo ko koya, ia ni sa vavinavinaka oti, sa solia vi ira; a ra sa gunu kece kinia.
\v 24 A sa tukunia vi ira, Sa noqu dra koya ni viyalayalati vou, sa livirakia e na vukudra e lewe levu.
\v 25 Au sa tukunia vaidina vi ikodou, Au na yali ni somia voki na vua ni vaini, ka malua me yaco mada na siga kau na somia vou kinia e na matanitu ni Kalou.
\v 26 Ia ni ra sa sere oti, era sa qai yani ki na ulu-ni-vanua ni violive.
\p
\v 27 A sa tukunia vi ira ko Jisu, Dou na tarabe kece lia e na vukuqu e na bogi ni kua; ni sa volai, Au na yavitia nai vatawa ni sipi, ka ra na dui vasesei na qele ni sipi.
\v 28 Ia ni kau sa tu cake voki, au na qai liutaki ikodou ki Kalili.
\p
\v 29 Sa qai tukunia vua ko Pita, Kevaka ena tarabe ko ira kece lia, koi au, kau na yali.
\p
\v 30 A sa tukunia vua ko Jisu, Au sa tukunia vaidina vi iko, E na siga koya, e na bogi lia ni kua, ni sa yali ni tagi mada varua na toa, ko na cakitaki au vatolu.
\p
\v 31 Sa qai tukunia vayalokatakata mai ko koya, Kevaka edrau na mate vata, au na yali sara ni cakitaki ikoni. Sa tukunia vaka voki lia kinia ko ira kece lia.
\p
\v 32 A ra sa qai ki na dua na yasana na yacana ko Kecisemani: a sa tukunia ko koya vi ira na nona tisaipeli, Dou tiko lia koya, meu masu mada.
\v 33 A sa yadi Pita vata kaya ko koya, ki Jemesa ki Joni, a sa vatekivu me kidacala sara, ka yaluma sara.
\v 34 A sa tukunia vi ira ko koya, Sa rarawa valevu na yaloqu, me vaka kau na mate; dou tiko lia koya, ka vatawa.
\v 35 A sa qai valailai kiliu ko koya, a sa cuva ki na soso, a sa masu, kevaka e rawarawa, me qai tani na gauna ko ya vi koya.
\v 36 A sa tukunia; Apa, Tamaqu, sa rawarawa vi ikonu na ka kece lia; ni yadia tani vi au na bilo koya; ia me kakua lia ni vaka na lomaqu, me vaka lia na lomamunu.
\v 37 A sa baci qai voki mai, ka kunei ira ni ra sa moce tu, a sa tukunia vi Pita, I Saimoni, ko sa moce, ne? Ko sa yali ni rawatia mo vatawa ka dua bau lia na aua, ne?
\v 38 Dou vatawa ka masu, me kakua ni rawai ikodou na vere: e dina lia sa gu na yalo, ia na yago sa malumalumu.
\v 39 A sa qai tani voki ko koya, ka masu, ka sa cavutia voki na vosa ko ya
\v 40 Ia ni sa lesu voki mai, sa kunei ira ni ra sa moce tiko, ni sa bibi na matadra, a ra sa yali ni kila e dua na ka me ra tukunia vua.
\v 41 Sa qai vatolu mai, a sa tukunia vi ira, Dou qai moce lia, ka dou vacegu; sa levu lia, sa yaco na gauna; raicia, sa soli yani na Luve ni tamata ki na ligadra na tamata ca:
\v 42 tu cake, me da qai; raicia, sa voleka mai ko koya sa soli au yani.
\p
\v 43 Ia ni sa vosa tiko ko koya, sa qai sara mai ko Jutasa, e dua vi ira na lewe tinikarua, ki ira vata kaya e lewe levu sara era sa vaiseleiwau ka vaiwau, mai vi ira na bete levu ki ira na vunivola ki ira na qase.
\v 44 Ia ko koya sa soli koya yani sa tukunia oti vi ira e dua nai vatakilakila, ka tukunia, O koya kau na regucia, sai koya; tauria, ka yadia vavinaka yani.
\v 45 Ia ni sa tadu ko koya, sa qai sara vua, a sa tukunia, Vavuvuli: a sa regucia.
\v 46 A ra sa qai tauri koya ka yadia yani.
\v 47 A sa dua vi ira sa tu voleka sa ucuna na nonai seleiwau, a sa yavitia na nona tamata na bete levu, ka sa takia dai na daligana.
\p
\v 48 A sa tarogi ira ko Jisu, ka tukunia, Dou sa qaiva beka mai e dua na daubutako, ni dou sa vaseleiwau ka vaiwau, mo dou tauri au?
\v 49 Au a tiko vata ki ikodou ena visiga ena valenisoro ka vatavuvuli, ia dou a yali ni tauri au: ia nai Vola Tabu ena vayacori lia.
\p
\v 50 Sa qai daini koya ko ira kece lia, ka tuba.
\v 51 A sa muri koya e dua na cauravou, a sa vaitutuvi loa na yagona enai tutuvi lineni; a ra sa tauri koya:
\v 52 a sa dainia nai tutuvi lineni ko koya, ka tuba televua tani.
\p
\v 53 A ra sa yadi Jisu vua na bete levu: a ra sa soqoni vata kaya ko ira kece lia na bete levu kei ira na matua kei ira na vunivola.
\v 54 A sa muri koya vayawa ko Pita, ka yaco sara ki na vale ni bete levu; a sa tiko sobu vata ki ira na ovisa, ka tatalai e na buka.
\v 55 Ia ko ira na bete levu, kei ira kece lia na matavilewai, era vaqara eso me ra beitaki Jisu, me mate kinia ko koya; a ra sa yali ni raicia:
\v 56 ni ra sa lewe levu sa beitaka vailasu, ia sa yali ni qai vata na nodra i tukutuku.
\v 57 Sa qai tu eso, a ratou sa beitakia vailasu, ka tukunia,
\v 58 Kitou sa rogoci koya ni sa tukunia, Au na basukia na valenisoro koya sa caka ena liga, ia kau na tara e dua voki sa yali ni caka ena liga, ena bogi e tolu.
\v 59 A sa yali voki lia ni qai vata na nodratou i tukutuku.
\p
\v 60 Sa qai tu cake na bete levu ena kedra maliwa, ka tarogi Jisu, ka tukunia, Sa yali na ka ko kaya mai? A cava koya eratou sa beitaki iko kinia ko iratou koya?
\v 61 A sa galu tu lia ko koya, ka sa yali na ka sa tukunia. Sa tarogi koya voki na bete levu, ka tukunia vua, Ko iko beka na Karisito, na Luve i Koya sa nona na varokoroko, se yali?
\p
\v 62 A sa tukunia ko Jisu, Koi au lia: ia dou na raicia na Luve ni tamata ni sa tiko ena liga i matau i Koya sa kaukauwa, ni sa qai voki lia mai ena vi o ni lomalagi.
\p
\v 63 Sa qai dresulakia na nonai sulu na bete levu, ka tukunia, Sa yaga vacava me so voki nai vadinadina?
\v 64 Dou sa rogocia lia ni vosavacacatakia na Kalou; a cava dou lewa? A ra sa lewai koya kece lia, ni sa dodonu me vamatei.
\p
\v 65 A ra sa qai ia eso me kasuvia, ka tabonakia na matana, ka vaculakia, ka tukunia vua, Tukunia mai se ko cei; a ra sa sabicia ko ira na ovisa.
\p
\v 66 Ia sa tiko e ra ko Pita e na rara ni vale, a sa qai mai e dua na vada ni bete levu;
\v 67 ia ni sa kunei Pita ni sa tatalai, sa varaici koya, ka tukunia, Ko iko voki lia sa tiko vata ki Jisu na kai Nasareci.
\p
\v 68 A sa cakitakia ko koya, ka tukunia, Au sa yali ni kila, au sa lecava tu na ka ko sa tukunia. A sa qai qai yani vaka ki na darava; a sa tagi na toa.
\p
\v 69 A sa raici koya voki na vada, a sa tukunia vi ira sa tu voleka, Sa dua vi ira ko koya koya.
\p
\v 70 A sa cakitakia voki ko koya. A sa dede valailai lia, a ra sa tukunia vi Pita ko ira sa tu voleka, Sa dina lia sa dua vi ira ko iko; ni ko sa kai Kalili.
\p
\v 71 Sa qai vatekivu ko koya me ruru ka bubului, ka vaka, Au sa yali ni kila na tamata koya dou sa vosa kinia.
\p
\v 72 Sa qai tagi varua na toa. Sa qai nanumia ko Pita na vosa ka tukunia vua ko Jisu, Ni sa yali ni tagi mada varua na toa, ko na cakitaki au vatolu. Ia ni sa vasama, sa tagi.
\c 15
\cl Wase 15
\p
\v 1 Ia ena mataka era sa qai bose vata ko ira na bete levu kei ira na matua kei ira na vunivola kei ira kece na matavilewai, ka vesuki Jisu, ka yadia tani, ka solia vi Pailato.
\v 2 A sa tarogi koya ko Pailato, Ko sa nodra Tui na kai Jutia, se yali? A sa vosa ko koya, ka tukunia vua, Ko sa tukunia dina mai.
\v 3 A sa levu na ka era sa beitaki koya kinia ko ira na bete levu.
\v 4 Sa qai tarogi koya voki ko Pailato, ka tukunia, Ko sa yali ni tukunia e dua na ka ne? Raicia na kena levu ni ka era sa bitakia vi iko.
\v 5 A sa yali na ka sa tukunia ko Jisu; a sa kurabui kinia ko Pailato.
\p
\v 6 A sa dau nonai valavala ena solevu ko ya me serekia vi ira e dua na tamata vesu, ko koya era sa digitakia.
\v 7 A sa tiko e dua, na yacana ko Parapa, sa vesuki vata ki ira eso na tamata era sa ue, ka laba kinia.
\v 8 A ra sa kaci tiko na lewe levu, ka vamasutia me caka vi ira me vaka sa dau nonai valavala.
\v 9 A sa vosa vi ira ko Pailato, ka tukunia, Dou sa vinakatia meu serekia vi ikodou na nodra Tui na kai Jutia, se yali?
\v 10 Ni sa kila ko koya era sa soli koya yani ko ira na bete levu ni ra sa vuvutakia.
\v 11 A ra sa vauqeti ira na lewe levu ko ira na bete levu, me sereki Parapa lia vi ira ko koya.
\v 12 Sa qai vosa ko Pailato, ka tukunia voki vi ira, A cava dou sa qai vinakatia meu caka vua dou sa vatoka me nodra Tui na kai Jutia?
\p
\v 13 A ra sa qoqolou voki, Vakotia ki na kauveilatai.
\p
\v 14 Sa qai tukunia vi ira ko Pailato, A cava na ka ca sa caka ko koya? A ra sa qai qoqolou valevu cake, Vakotia ki na kauveilatai.
\v 15 Ia ni sa vinakatia ko Pailato me valomavinakataki ira na lewe levu, sa sereki Parapa vi ira, a sa soli Jisu yani, ni sa vakanakuitatakia mada eliu, me vakotia ki na kauveilatai.
\p
\v 16 A ra sa yadia tani ko ira na sotia ki na yasana ni vale ni turaga, ka vasoqoni ira vata na mata sotia taucoko.
\v 17 A ra sa vasulumi koya enai sulu lokaloka, a ra sa talia e dua nai sala ena viwa-vavotona, ka vaisalataki koya kinia.
\v 18 A ra sa vatekivu me kidavakia, Sa loloma, na nodra Tui na kai Jutia!
\v 19 A ra sa warolakia na uluna ena dua na gasau, a ra sa kasuvia, ka tekiduru ka varokoroko vua.
\v 20 Ia ni ra sa valialia oti, era sa luvatia vua nai sulu lokaloka, ka vasuluma ena nonai sulu dina, ka yadia yani me ra vakotia ki na kauveilatai.
\p
\v 21 A sa dua na kai Kirini, ko Saimoni, a tamadrau ko Alekisada kei Rufo, ko koya sa qai tu, ni sa qai tiko mai vanua, a ra sa vasaurarataki koya me colatia na nona kauveilatai.
\v 22 A ra sa yadi koya ki na dua na yasana, ko Kolikoca, a kenai balebale, A vanua ni qavokavoka.
\v 23 A ra sa solia vua na waini sa viwaki vata kei na mura me somia; a sa yali ni somia ko koya.
\v 24 Ia ni ra vakotia ki na kauveilatai, era sa qai vota na nonai sulu, ni ra vawiri madigi, me ra dui kila nodrai votavota.
\p
\v 25 Ia sa kenai katolu ni aua, ni ra sa vakotia ki na kauveilatai.
\v 26 A sa volai icolo na ka sa beitakai vua: A NODRA TUI NA KAI JUTIA.
\v 27 A ra sa vakotia vata kaya ki na kauveilatai e lewe rua na daubutako; e dua ena ligana i matau, ka dua ena ligana i mawi.
\v 28 A sa vayacori kinia nai Vola Tabu, sa tukunia, Sa wili vata kei ira na tamatai valavala ca ko koya.
\v 29 Ia ko ira sa qai voli, era sa vosavacacataki koya, ni ra sa kuretakia na uludra, ka tukunia, Drasa, ko iko sa basukia na valenisoro, ka tara ena bogi e tolu,
\v 30 vabulai iko mada, ka siro sobu mai na kauveilatai.
\p
\v 31 Sa vakinia ko ira na bete levu, era sa valialia vakai ira, kei ira voki lia na vunivola, ka tukunia, ko koya sa dauvabulai ira na tani; ia sa yali ni vabulai koya rawa:
\v 32 me siro sobu ni kua mai na kauveilatai na Karisito na nodra Tui na Isireli, me kimamu raicia ka vabautia. Koi rau voki lia eratou a vakotia vata kaya ki na kauveilatai, erau sa valialiai koya.
\p
\v 33 Ia ni sa yaco nai kaono ni aua, sa butobuto na vanua taucoko, ka yacovia nai kaciwa ni aua.
\v 34 Ia enai kaciwa ni aua sa kaci ko Jisu ena domo levu, ka tukunia, Ilai, Ilai, lama sapakicani? A kenai balebale, Noqu Kalou, noqu Kalou, ko sa daini au ena vuku ni cava?
\p
\v 35 Ia ka so vi ira sa tu voleka, ni ra sa rogocia, era sa tukunia, Raicia, sa kacivi Ilaija ko koya.
\p
\v 36 A sa cici e dua, ka tonisua e dua na vutovuto e na wai wiwi, ka vivia ki na dua na gasau, a sa vasomi koya, ka tukunia, Dainia mada; me da raicia se na qai mai ko Ilaija me yadi koya sobu mai, se yali.
\v 37 Ia ko Jisu, ni sa kaci ena domo levu, sa qai ciba yani.
\v 38 A sa tawase rua nai lati ni vale ni soro mai na tikinia icolo ka yadia sobu ki ra.
\p
\v 39 Ia ni sa raicia na turaga ni valu, ko koya sa tu voleka ka donui koya, ni sa kaci vakoya ko koya, ka qai ciba yani, sa tukunia, E dina lia sa Luve ni Kalou na tamata koya.
\v 40 Eso voki lia na yalewa era sa varaicia vayawa; e dua vi ira ko Meri na yalewa ni Makitala, kei Meri na tinadrau ko Jemesa ka gone kei Josese, ko Salomi voki lia;
\v 41 eratou a daumuria, ka dauqaravia, ni sa tiko mai Kalili ko koya; kei ira voki lia na yalewa e lewe levu era a qai vata kaya kei Jerusalemi.
\p
\v 42 Ia ni sa raiyavi mai, ni sa siga varau, na siga sa taravia na Siga ni Vacecegu,
\v 43 sa qai mai ko Josefa, na kai Arimacea, a matanivanua, a sa dua vi ira na matavilewai, a sa warakia na kena yaco na matanitu ni Kalou, a sa qai doudou vi Pailato, ka kerea na yago i Jisu.
\v 44 A sa kidacala ko Pailato ni sa mate ko koya; a sa kacivia na turaga ni valu, ka tarogia se sa mate vadede ko koya, se yali?
\v 45 Ia ni sa kila vua na turaga ni valu, sa solia na yagona vi Josefa:
\v 46 a sa volia ko koya e dua nai sole lineni, a sa siro sobu ko koya, ka solegia kinia, a sa vakotoria ena dua nai bulubulu sa ta ena vatu; a sa vaqiqicia e dua na vatu ki na darava ni bulubulu.
\v 47 A rau sa raicia na yasana sa vakotoria kinia ko koya, koi rau ko Meri na yalewa ni Makitala ki Meri na tina i Josese.
\c 16
\cl Wase 16
\p
\v 1 Ia ni sa oti na siga ni vacecegu, ko iratou ko Meri na yalewa ni Makitala, kei Meri na tina i Jemesa, kei Salomi, eratou sa volia na waiwai vaisaluaki, me ratou qai ki lumuti koya.
\v 2 Ia e na savulaci caca enai matai ni siga ni wiki, eratou sa qai mai ki nai bulubulu ni sa qai cabe na siga.
\v 3 A ratou sa tukunia vakai iratou, Ko cei ena vaqiqicia tani na vatu ena vukuda mai na darava ni bulubulu?
\v 4 Ia ni ratou sa raicia, eratou sa raicia ni sa vaqiqici tani na vatu: ni sa vatu levu sara.
\p
\v 5 Ia ni ratou sa curu ki nai bulubulu, eratou sa raicia e dua na cauravou sa tiko ena tikinia i matau, sa vaisulu enai sulu balavu ka vulavula; a ratou sa rere.
\v 6 A sa tukunia vi iratou ko koya, Dou kakua ni rere: dou sa vaqarai Jisu na kai Nasareci, ko koya ka lauvako ki na kauveilatai: sa tu cake voki ko koya: sa yali koya: raicia na tikinia era a vakotoria kinia!
\v 7 Ia dou qai, tukunia vi ira na nona tisaipeli, vi Pita voki lia, ni sa liutaki ikodou ko koya ki Kalili; dou na raici koya kinia, me vaka na nona vosa vi ikodou.
\v 8 A ratou sa qai kusarawa yani, ka tuba mai nai bulubulu; ia eratou sa sautaninini ka kidroa; eratou sa yali voki lia ni tukunia e dua na ka vua e dua; ni ratou sa rere.
\p
\v 9 Ia ni sa tu cake voki ko koya ena savulaci caca enai matai ni siga ni wiki, sa rairai eliu ko koya vi Meri na yalewa ni Makitala, ko koya ka tovocia tani vua ko koya e lewe vitu na tevoro.
\v 10 Sa qai qai ko koya ka tukunia vi ira era dautiko vata kaya eliu, ni ra sa rarawa ka tagi.
\v 11 Ia ko ira, ni ra sa rogocia sa bula ko koya ka sa rairai vi koya, era sa yali ni vadinatia.
\v 12 Sa qai rairai ko koya ia sa dua tani na yagona ki na lewe rua vi ira, ni rau sa qai tiko ki na dua na yasana ki vanua:
\v 13 a rau sa qai ka tukunia vi ira sa vo; a ra sa yali voki lia ni vadinati rau.
\v 14 Sa oti, sa rairai ko koya vi ira na lewe tinikadua ni ra sa kana tiko, a sa vunauci ira ena vuku ni nodra yali ni vabautia ki na nodra loma kaukauwa, ni ra sa yali ni vadinati iratou eratou sa raici koya ni sa tu cake voki.
\p
\v 15 A sa tukunia vi ira, Dou qai yani ki vuravura taucoko, ka vunautakia nai tukutuku-vinaka kivei ira na tamata kece lia.
\v 16 O koya sa vabautia ka sa papitaisotakia ena bula: ia ena cudruvi lia ko koya sa yali ni vabautia.
\v 17 Ia na vivatakilakila koya era na caka ko ira sa vabautia: Era na tovocia tani na tevoro eso ena yacaqu; era na vosatakia na vosa ni vivanua tani;
\v 18 era na tomikia na gata eso; ia kevaka era somia na ka e gaga sara, era na yali ni ca kinia; era na tabaki ira voki lia sa tauvi-mate ena ligadra, a ra na bula kinia.
\p
\v 19 Ia ni sa vosa oti vi ira na Turaga ko Jisu, sa yadi cake ki lomalagi, ka sa tiko sobu ena liga i matau ni Kalou.
\v 20 Ia ko ira, era sa qai yani, ka vunau ena viyasana kece lia, a sa cakacaka vata kei ira na Turaga, a sa vadinadinatakia na vosa ena vivatakilakila sa muri. Emeni.