See in Reader
82 lines
11 KiB
Plaintext
82 lines
11 KiB
Plaintext
\id 2PE
|
||
\ide UTF-8
|
||
\h 2 Petro
|
||
\toc1 2 Petro
|
||
\toc2 2 Petro
|
||
\toc3 2pe
|
||
\mt 2 Petro
|
||
\c 1
|
||
\cl Ebwayit 1
|
||
\p
|
||
\v 1 Tho Simone Petro, ohoigyemani karik ohifak lo Yesu Kristo D’Ohothing honya esarahini eruhon nabolo ayiji nanyong iring nahothai th’atehan thon’Ojok lohothai karik ohoithalwahani Yesu Kristo.
|
||
\p
|
||
\v 2 Alwahio karik elik thoiwona nathai ara nefut tholo Yesu Kristo, Ohobu lohothai.
|
||
\v 3 Athuk akolon n’elajok n’Ojok esarahina ohothai asang bukulung hewak dimanyarik esu n’ohoile th’atehan thanahothai le, lonya ilongo ohothai dingara abolori karik ayiji nanyong.
|
||
\v 4 Th’oyihoi tholya, athuk esarahina ohothai esorio nahittok karik nabolo ayiji nanyong dikarak ithai etharohoja namonyong nawon dihap karik defunu ingara esuka nelajok.
|
||
\v 5 Th’ahu than’arami hune, othemye afonihina ayiji d’eruhon nathai; d’ayiji nathai, ofonihina ateha;
|
||
\v 6 d’atehan nathai ofonihina endafaitho ahwandek haithai tuhudik; dindafaitho ahwandek hathai tuhudik, ofonihina agnongio; d’angongio, ofonihina elajok;
|
||
\v 7 d’elajok nathai, ofonihina amuno n’elakrityani; karik d’amuno nelakrityani nathai, ofonihina amuno.
|
||
\v 8 Isong hulya oisukaitha hoyyu hoiwak ithai. Ara iwon ithai hosong olwarai, isarahini de ithai thohongo karik thomijye tuhudik ditha h’atehan nathai Ohobu lohothai Yesu Kristo.
|
||
\v 9 Ti, ohothing haang owoni hosong, osuk atehuna nasong olamarai, aang otehuni karik athuhi akworo hijan athi isong ethaliboryo th’eyatha hasong ho benrien.
|
||
\v 10 Inyong na, olarok, ahanerok, othemyethek juk thanako, disarahina elongo n’Ojok karik anyimuna nanyong ithai ara oisuket lomanya; ara ihandyo ithai ahani, aang ithai de kwong idehi eruhon nathai.
|
||
\v 11 Th’oyihoi tholya, ohorihini de ithai ajingara ditha Ohobye lo mak l’Ohobu karik Ohoithalwahani lohothai Yesu Kristo.
|
||
\p
|
||
\v 12 Iring na, ethayuhi nang de ithai arami hune juui, juk ethuk ithai atehan isong karik ethawonik ithai ahwandek tuhudik ditha h’arami hadiri hanya ifothu ithai.
|
||
\v 13 Egigilo nang obis donang dithayuhina ithai arami hune hamijyo nsng.
|
||
\v 14 Atek nang esarak nang de adi koko ahwan naye na, iring nathuk nang Ohobu lohothai Yesu Kristo anyahinerek theler.
|
||
\v 15 Iring ocohi donang, ehandyo nang de ara nayyu bebe dihuhumahinerek oyihoi loiyunerek ithai arami hune omiru fodok diholu h’aye hindang.
|
||
\v 16 Aang ohoi eyelo oyendok h’ebokwo dinyahinerek ithai ainduna nako n’Ohobu lohothai Yesu Kristo. Th’ahonde thahahothai, etehu ohothai abolori nanyong.
|
||
\v 17 Iwon ohoi nya diya, orii hesarahinerek inyong Ojok Omonye ethahuyo karik abolori, omiru hoindunerek omut th’abolori nahittok bebe, ajyo hijan, “Olonyi hindang lo loko bebe, loithamunoye nang honyong!”
|
||
\v 18 Ethaningu ohoi th’ahandek omurut lya oindu thohide orii ohoi honyong dihide h’odonge lodwa.
|
||
\v 19 Iring ahani ne, inihi ohoi ahwandek lunga d’ocame lonyahi ohocorok. Inhadyo ithai de ara nayyu, ara imijyo ithai tuhudik donyong, anyo, ojahitha inyong lo ahirya nawulo d’amaji neriok lwai Ofaning etoruna karik afangan n’ohilyep l’amoithe berien enwaha dithaja hothai.
|
||
\v 20 Tholohide h’asang fodok, hoikwothik hijan aang othulo dia athulo nacohi th’ahwan thanyong enyanyahyo ecorit ditha h’Amaninihio.
|
||
\v 21 Aang ocame lowon ara ecorit loindu th’awahan n’othulo thene, arahari ohothing howoni dihinang h’Ohoile Lodwa, iring nanyahinerek isong ocame laindu th’Ojok.
|
||
\c 2
|
||
\cl Ebwayit 2
|
||
\p
|
||
\v 1 Aleyori nya ohocorok haang owoni ara ohocorok hadiri dihji h’ohothing; ahana, owoni de ohoityenak haang owoni ara ohoityemak hadiri dihiji hothai. Iyanai de dithwa etyenitha hetharohojyo karik haang owoni ara hadiri, karik orisai de Ohoindefani, loinyangu isong, karik ahani ne, iyanai de kwak dihwandek hosong etharohoja.
|
||
\v 2 Juk ahani ne, othiforo de ohothing holwa oyihothik hosong hoibot hulya; karik anyo, th’arami thahehandyo isong, ocamai de ohothing arami hamonyori h’Oyihoi l’eladiri.
|
||
\v 3 Ditha h’audori nasong ne, aang ohoityenak haang owoni ara hadiri de orimahini ayiji nafona th’arami hayeye ayeyeyo. Aca d’omiru hohodo theene, eririyo ohokanyani losong eriryo. karik athuk Ohoitharohojani losong ahenyana tuhudik berien!
|
||
\v 4 Kabong Ojok hofithok anjelohio heyau, ti, amirok isong ditha h’ahimang nefitharik isong ditha omudwe, lwai d’Ofaning l’Akanyo.
|
||
\v 5 Kabong nya Ojok ofithok ahap angoroi, ti eyanu ahari hebulyo ahap n’ohothing haang otehi Ojok; honya olwahu inyong ti, isong ho Noah, lonyahi abisan, karik ohothing homok cofa.
|
||
\v 6 Eda Ojok abothok ho Sodomo karik Gomorrah, edwehi isong th’ahimang; esarak dosong ara ethamijani n’ainyong oindu ifuhon d’ohothing haang otehi Ojok.
|
||
\v 7 Ethalwahu Lot, othulo loyyu, lonya adihari donyong oisukaitha homonyori h’ohothing haang otehi oyano.
|
||
\v 8 Othulo loyyu le, dihiji hosong omanya; ethathaciana naya, ofaning karik oharie, anyo, atehu karik ethairu asang hamonyong hehandyo isong.
|
||
\v 9 Ahani ne, otek Ohobu angai ithahoruni ohothing hotek Ojok th’ethemitha hasong karik angai ifithahini isong d’asario nasong d’Ofaning l‘Akanyo,
|
||
\v 10 kereki ohothing hothifoitho awahan n’ahwan namuyak karik holau akolon n’Ojok nabolo. Ohoityenak haang owoni ara ohoityenak hulya, okoli ahasi, idadarai karik aang obangi asang habolo hodohide; Kombwo, omorye isong.
|
||
\v 11 Juk anjelohio, hoko abolori thosang, aang ithalyehini amonyori n’Ohoityenak haang owoni ara ohoityenak dihithemi h’Ohobu th’omoritha.
|
||
\v 12 Ti, igyema ohothing hulya th’egigilo than’ecangi, hayisoi dindefuna attohori; ithangalafye thomoritha d’aning naang isong otek. Ofuni de isong ithalicyo iring ecangi h’afara.
|
||
\v 13 karik ofuni de isong iduma th’ethathaciana thanathuk isong ehandyo. Alengan dosong amuno, inyong ehandyo aning nabo th’afaning nethafongio awahan nasong nahwandek; isong hulo ajwuo n’ahu ara hawoniari hothai d’anyari nathai, ahibu isong oleng oyihothik hosong h’anyobio.
|
||
\v 14 Awang isong owahi engengeluna aning naboling arahari angorwo heleru; awang ahure nasong d’eyau ifong. Ithaitharu isong ohothing hoilik dith’amolohe. Ethethemahini isong othaja hosong engaru. Hoditha h’afecio n’Ojok.
|
||
\v 15 Athuhi edehina oyihoi lobis, alithoi oyihoi losong; athuhi athiforo oyihoi leyaru lolonyi ho Balaam lo Beor, lomuno enyahwo ira inyong irimahina theyauna.
|
||
\v 16 Acama akaine nanyong th’omurut thol’othulo karik ethawejyo egyema n’ohocoroni nepal.
|
||
\v 17 Ojahitha ohothing hulo ologugudihio hayoho, iring adikolo hewaharu ekawur; athuk ojok atherohina amaji dosong ditha h’omudwe lowudo.
|
||
\v 18 Ocamai ocamitha h’ethdara karik h’ananga, karik egyemarik ahwandek h’eleru diloharik ohothing hohoculuyo angeroro adi th’ohothing homanya th’epalan.
|
||
\v 19 Athuhi eruhohina isong thoisukai iring owahi isong, ahibu isong th’ahwandek howoni ara ohothing hoisukaitha hoitharohojyo - aca othulo berien ongaca l’aning nathuk inyong atheluna.
|
||
\v 20 Ara athuk ohothing angeroro adi th’akolon n’ahap nethamuyahyo, th’atehan thanasong Ohobu karik ohoithalwahani llohothai Yesu Kirsto, thiya ikoti endefuni karik ateluni thosong, ohothing hulya hadamaji namonyong dicuhit thananya owonderek isong diculwe.
|
||
\v 21 Ira nya iyiji dosong daangan atehan kedien kwong oyihoi labisan, th’atehan inyong, karik ikoti adi th’efahit nadwa, nanya esarahini dosong.
|
||
\v 22 Ainyong ofuk dosong, ithaithak hijan owoni ethaitha hune ara hadiri.”Onyaha oingok d’asye hanyong,” karik, “Abathak nathuk elala, onyaha difodwa ditha h’amodoha.”
|
||
\c 3
|
||
\cl Ebwayit 3
|
||
\p
|
||
\v 1 Omotehio hundang hoko, amanini ne ethareh nathuk nang negerohina dothai. Dith’amaninihio hune arehai, athemyo nang ethadocyo di hosi hothai egigi; itha halibo, thethayuhina ithai asang huna.
|
||
\v 2 Awak nang ithai thoiyu ocamitha honya ocama ohocorok hodwa berien, karik efahit th’Ohobu karik Ohoithalwahani, nanya isarak ohoifahak hothai dothai.
|
||
\v 3 Dihithemi hasang fodong, “Otehatha tuhudik hijan, ditha operok hothoicuhit hulya, oleyori de ohothing homok hoindafaitho ahure n’asang hamonyong oisukaitha hosong. Ohendaitherek ithai de,
|
||
\v 4 karik efiye, “Athuk eruhohina ainduna, dia kabong? Inyong loja? Athuk ohohonyo hohoi aye, ti, asang hohowoni iring gee thayeyeyo n’ahap!”
|
||
\v 5 Aang owahi arami hadiri hajyo hijan, efahak nya Ojok, ara ahide karik ahap ayeye. Oyeunu nya ahap thath’ahari karik th’ahari.
|
||
\v 6 karik nya dang thahari, ahari hebulyo, hanya itharohojyo fodok adi ahap angoroi.
|
||
\v 7 Ti, ahide karik ahap hawoni hune, hendafaitho Ojok thefahi thanabo, ara hanyo ahimang. Hakanahine ara h’ofaning lofuni ikanyerek karik ethalithohini adi ohothing haang otehi Ojok.
|
||
\p
|
||
\v 8 Ti, hoikwothik aning aboithe, omorote hundang hoko. Aang aning nekela dihonde h’Ohobu dihiji h’ofaning aboithe karik oyingathi alif aboithe. Donyong, arehai hulya, orijoroi ara aboithe.
|
||
\v 9 Awang Ohobu okarahi dihnadyo aning nathuk inyong eruhohina ehandyo, iring, igiglo homok. Kombwo, longongyo hohoi, anyo aang owak lobo othulo thoithalicye adi., owak ohothing bukulung thoiloithoi adi th’eyatha hasong.
|
||
\v 10 Ti, oindu de Ofaning l’Ohobu iring ohoholani. D’ofaning le, oindu de ahide ilitho th’ekor thon’opilo, ofuni de ahwandek hothohide imuda karik etharohojai adi. Karik oinde de dang ahap ilitho karik asang hothothonyong fodok adi.
|
||
\v 11 Anyo asang hune hafuni ilitho. Anyo, asang hune hafuni itharohoja fodok adi thoyihoi tholoya, ara opecen l’ohothing hojahitha angai ira ithai iwonan? Ira omanyitha hothai idwaran karik esrahini d’Ojok.
|
||
\v 12 Iring ithilayo ithai Ofaning l’Ojok, ara ithai igyema ara nayyu, doindu kwak - Ofaning oindunerek ahide idya karik etharohoja fodok adi, ara ahwandek hothohide abulo th’anohon.
|
||
\v 13 Ti, hethilauna aning nathuk Ojok eruhohina: ahide karik ahap angejuho, amaji nafuberek ohobisak isukarik ara ahang.
|
||
\p
|
||
\v 14 Inyong na, omorot hundang, iring ithilayo ithai ofaning le, isukathik ara nayyu, dilibo ithai dihithemi h’Ojok karik ara ithai iwon honyong h’elik n’ahwandek karik n’ahap honyong.
|
||
\v 15 Omijyethek d’angongio n’Ohobu, esarak ithai omiru dithalwahunu, iring negerorik olai lohothao loko Paulo, th’olofioro thhisarak inyong Ojok.
|
||
\v 16 Huna arami hacama inyong ditha h’amaninihion hanyong fodok, ara legero d’ohonde h’arami hulya. Owon asang hamok hakoli ditha h’amaninihio hanyong, hesarak aangan natehan ohothing homok thoinyanyahye th’epal, iring nehandyerek isong d’amasok hamok ditha h’amaninihio hadwa. Inyong na iyanai dihwandek etharohoja.
|
||
\v 17 Ti, ithai, omorot hundang, etek ithai arami hune. Imijyethek tuhudik, do ti, daang ithai ithatangarai adi th’oyihoi thol’ohothing hoipal d’oyalu, karik tek ithai ipwaharu th’amasok hathai hethalwahuna.
|
||
\v 18 Ti, obolorotho d’alwahio karik ateha n’Ohobu lkarik ohoithalwahani lohothai Yesu Kristo. Abolori thoiwona donyong, thenene karik man! Amen.
|