lky_reg/65-3JN.usfm

\id 3JN
\ide UTF-8
\h 3 Yoanne
\toc1 3 Yoanne
\toc2 3 Yoanne
\toc3 3jn
\mt 3 Yoanne
\c 1
\cl Ebwayit 1
\p
\v 1 . Lahong lo Gayo lomunoi, othulo lamuno nang diladiri.
\p
\v 2 Ohothing homunoi, amojo nang dofwo asang fodok hathai ara hayyu, doyiji ahwandek hathai karik dang doyyu ohoile lothai..
\v 3 Amuno nang nya bebe afuna n'olarok ingengelahina eladiri nahoi, iring nedaharik ithai ditha heladiri.
\v 4 Aang amuno hindang nabo nakalu ne, dithaninguna hijan okalifinok hundang hodaha ditha heladiri. Ohothing homunoi, iyeyena ithai eruhon th'egyema th'olarok thohothai karik th'ohodahak..
\p
\v 5 
\v 6 hofuni itihahina amuno nahoi dihithemi h'ekklesia. Eyinik ithai efahahina isong iring nawaharik Ojok,
\v 7 anyo, ofure nyana isarak isong afwan kwong eyaru aning nabolo th'ohothing haang owoni ara Ojudei.
\v 8 Iring na, ifothu ohoi ara nayyu asang hajak ahani defunu iwonan ara asuduhe n'ohoigyemak heladiri..
\p
\v 9 Egerio nang aning nabo d'elulung n'ekklesia, ti, Diotrefes, lomuno awonan dihithemi hosong, aang hoifothu ohoi.
\v 10 Th'arami thohune, ara aindu nang, eyuu nang de egyemathik hanyong, angai ocama inyong dohoi asang haang hoyyu th'ocamitha thohomonyong. Ara aang hoifong arami hune, awang inyong th'ahwan ifothu olarok, ti, olwo homok efothuna isong tuhudik karik angaterek isong adi th'Ekklesia.
\v 11 Ithai ohothing homunoi, hoimiru aning namonyong, omiru aning nayyu. Othulo lehandyo aning nayyu, l'Ojk. Lehandyo asang hamonyong, kabong hotehu Ojok.
\v 12 Efothu Demetreio ethamijani nayyu th'ohothing fodok karik theladiri thahwan. Etihak ohoi dang inyong, karik itek ithai dang hijan engengelahina nahoi nadiri.
\p
\v 13 Olwari asang hawak egeryo do hoi, ti, aang nang awak egerohina dohoi thoigerik karik h'ahari theh'egeryerek.
\v 14 awak nang ainduna itihyo ithai, defwo icama amaji aboithe..
\v 15 Elik n'ahap karik nahwandek thoiwona thothai. Ithamandayo ithai omorot. Ithamandahina omorot hohoi diya th'ofure.