See in Reader
28 lines
1.8 KiB
Plaintext
28 lines
1.8 KiB
Plaintext
\id 2JN
|
|
\ide UTF-8
|
|
\h 2 Yoanne
|
|
\toc1 2 Yoanne
|
|
\toc2 2 Yoanne
|
|
\toc3 2jn
|
|
\mt 2 Yoanne
|
|
\c 1
|
|
\cl Ebwayit 1
|
|
\p
|
|
\v 1 Th'ohoboloni, d'atwathi nanyimuni karik d'okalifinok honyong, hamuno nang ditha eladiri, - ti, ikara nang hamaring, nang karik ohothing dang bukulung hathuk atehan arami hadiri -
|
|
\v 2 anyo, th'arami thah'adiri thahapwak ditha hohothai, isukai de ditha hohothai mak,
|
|
\p
|
|
\v 3 alwahio, amiehina karik elik n'ahap owoni de hohothai th'Ojok, Omonye karik tho Yesu Kristo, Olonyi l'Omnye ditha eladiri karik amuno.
|
|
\p
|
|
\v 4 Amuno nang bebe dirimahina homok th'okalifinok hohothai hodaha ditha eladirii, iring nethuk ohoi efothunerek efahit na th'Omonye.
|
|
\v 5 Thenene, amelyo nang iye, naba - ikara iring nera nang igerohinerek dohoi efahit angejuk, ti, aboithe nethuk ohothai arimahin tho culwe - hijaran ohothai thomunoi ahwandek.
|
|
\v 6 Amuno inyong na, hijan disuka ohothai th'efahitha thahanyong. Inyong ne efahit, iring nethuk ithai ethaningunerek thoculwe, hijan ithai thodahai thonyong.
|
|
\v 7 Anyo, athuk ohodwalak karik hohotumak holwa ajingahina di hap, karik orisai hijan aindu Yesu Kristo ara othulo. Ohotumani lya karik omerohothononi lo Kristo.
|
|
\v 8 Omijethe dihwandek hothai, d'aang ithai ithalithok asang hethuk ohothai egyemuna, ti, karik dang defothu esorio nahittok.
|
|
\v 9 Lolo ahithemi awang hoisuka ditha h'etyenio no Kristo, aang howon h'Ojok. Lowon ditha h'etyenio no Kristo, owon h'Omonye karik Olonyi.
|
|
\v 10 Ara oindu othulo lobo dohoi; ara awang heyanu dohoi etyenion ne, hoifothu inyong dihang hohoi. Hoimandayo dang inyong.
|
|
\v 11 Lemandayo inyong ongara honyong egyemathik hamonyong..
|
|
\p
|
|
\v 12 Owoni asang olwarai. Aang nang awak egerohina dothai th'amanini karik th'ahari thah'egerorik. Ti, eyuhi nang, aindu nang de dohoi, defunu icama amaji aboithe, difut, acohi amuno nahothai.
|
|
\p
|
|
\v 13 Okalifinok h'enehani nanyimunu na, imandaye iye.
|