lky_reg/63-1JN.usfm

\id 1JN
\ide UTF-8
\h 1 Yoanne
\toc1 1 Yoanne
\toc2 1 Yoanne
\toc3 1jn
\mt 1 Yoanne
\c 1
\cl Ebwayit 1
\p
\v 1 Aning nya, nanya tho culuwe, nanya ethuk ohoi ethayiruna, nethuk ohoi atehuna th'ahonde thahahoi, nethuk ohoi engengeluna, ohoi ethin th'ahas thahahoi - inyong ocame l'esu.
\v 2 Toki dang, ehandye nya esu ara natehi, ara ohoi itehu inyong, ara ohoi iwon ara ohothing hatihak inyong. Ohoi henyahi dothai esu namanya fuur, nawon nya ho Monye, esu nathuhi esarahina ohoi thoteha.
\v 3 Aning nethuk ohoi atehuna karik ethayiruna, inyong inyahi ohoi dothai diwon ithai dang h'asuduhe hohoi. Asuduhe nahothai owon h'Omonye karik h'Olonyi lonyong, Yesu Kristo.
\v 4 Igero ohoi dang asang hune dothai dothuba amuno nahothai.
\p
\v 5 Ocame lo leningu ohoi thonyong ara ohoi inyahi dothai: Ojok inyong afangan, naang thonyong omudwe kwong.
\v 6 Ara ejyo ewon h'asuduhe honyong ahibu ohothai isuka di omudwe, ohothai odwalak. Awang egoterek arami hadiri.
\v 7 Ti ara esuka ditha afangan iring nesukarik inyong, ewon h'asuduhe dihiji hohothai. Ara ahotho no Yesu Olonyi lonyong elalayo ohothai th'eyatha fodok.
\v 8 Ara ejyoo awang eyatha thohothai, ohothai hodithatumyo ahwandek. Awang arami hadiri thohothai.
\v 9 Ti, ara ewaha eyatha hahothai, oyyu inyong lo, obis omiehi eyatha hahothai, elalayo ohothai th'asang fodok h'amonyori.
\v 10 Ara ejyo kabong ohothai iyau, eduhu ohothai inyong ara odwalani. Awang ocame lonyong thothohothai.
\c 2
\cl Ebwayit 2
\p
\v 1 Nakalifinok, nang legerok dothai asang huna, daang ithai iyau. Ara eyau lobo dia nabo thothai, ewon h'oholwahani h'Omonye, Yesu Kristo, ohobisani.
\v 2 Inyong lo adumet l'eyatha hahothai, ikara hahothai hamaring, hah'ahap fodok.
\v 3 Th'arami thohune, etek hijan etek inyong, ara egoterek efahitha hanyong.
\v 4 Lya lojo, "Atek nang Ojok," ti, awang ogoterek efahitha hanyong, odwala, awang eladiri thonyong.
\v 5 Ti, othulo logoterek ocame lonyong, diri ditha honyong owon amuno n'Ojok nethayijunu tuhudik. Thoyihoi tholya etek hijan ohothai ohothai honyong.
\v 6 Lojo inyong loisuka ara loyyu, thoisuka iring nanya isukarik Yesu.
\p
\v 7 Ohothing homunoi, awang nang hegerok dothai efahit angejuk, egerok nang dothsi efahit angoroi nawon dothai hara thoculuwe. Efahit angoroi inyong ocame lethaningu ithai.
\v 8 Nang ti legeryo efahit angejuk nawon diri ditha ho Kristo karik ithai, anyo, atha athuk omudwe abongoro adi. Afangan nadiri naulo.
\v 9 Lya lojyo owon inyong h'afangan ahibu inyong ongica h'olai dia h'ahani, lohowon ditha h'omudwe.
\v 10 Ti, lya lomuno olai dia ahani orasa ditha h'afangan. Awang aning thothosong nesarak isong eboso.
\v 11 Ti, loman olai dia ahani, loditha omudwe karik lodaha diker h'omudwe; awang otek dingai olo inyong, anyo athuk omudwe ethangodoyo ahonde hanyong.
\p
\v 12 Nang legero dothai, okalifinok, anyo athuhi ahohina eyatha hathai th'ofure tholonyong.
\v 13 Nang legero dothai, omonye, anyo itek ithai le lonya owon hara thoculwe. Nang legero dothai ottwat, anyo ethuk ithai ateluna omonyoroni. Athuk nang egerohina dothai, okalifinok hotik, anyo itek ithai Omonye.
\p
\v 14 Athuk nang egerohina dothai, omonye, anyo, itek ithai lonya owon hara thoculwe le. Athuk nang egero dothai, ottwat, anyo iko ithai, owon arami h'Ojok ditha hothai karik ethuk ithai ateluna omonyoroni lo.
\v 15 Hemunothik ahap, hemunothik dang asang hothohop. Ara omuno lobo ahap, awang amuno n'Omonye thonyong.
\v 16 Anyo, asang fodok hawon dihap - iring eleru, afijan n'ahonde karik ethadara - awang hofuni th'Omonye, ofuni thohop.
\v 17 Ahap h'asang hawahi ditha honyong, hafwo dilitho. Ti, lehandyo ainyong owak Ojok omanya de mak.
\p
\v 18 Okalifinok hotik, awangi omiru. Iring nethuk ithai ethayiruna hijan omerok ho Kristo hofuni, athuhi omerok ho Kristo holwa afuna. Thone, ethuk ohothai aitek edwong ohothai d'omiru hoth'ecuhit.
\v 19 Afwoi adi th'ohothai ti, ikara isong thohothai. Ara dwo isong thohothai irahi isuka th'ohothai. Ti, athuhon nasong afwan adi ithaithak hijan ikara isong thohothai.
\v 20 Ti, ethuk ithai athiino elethang no Lodwa, karik itek ithai eladiri.
\v 21 Awang nang egerok nya dothai th'awang thanathai atehan arami hadiri, ti, th'atehan thanathai hijan awang adwala naindu th'eladiri.
\v 22 Ngai ohodwalani arahari othulo lojo Yesu ikara Kristo? Othulo dia athulo najo ahani ne amerohothononi no Kristo, anyo orisa Omonye karik Olonyi.
\v 23 Awang locohi hajan awang olonyi lowon h'omonye. Lotek hijan owon olonyi, otek dang hijan owon Omonye.
\v 24 Iring dothai, arami hethuk ithai ethairuna huna thoiwona hothai. Ara iwon ithai h'arami hethairu ithai thoculwe, iwon ithai de dang d'Olonyi karik d'Omonye.
\v 25 Arami hune hasarak inyong d'ohothai: esu nawang ecuhit.
\v 26 Athuk nang egerohina dothai asang hune th'ohothing thohofuni isarahanina ithai athifoitho oyihothik hoipal.
\v 27 Iring dothai, elethang nefothu ithai thonyong ne thoiwona hothai. Awang ithai iwak othulo lobo thoityenie ithai. Ti, iring ajan ityenio ithai de elethang nanyong asang fodok, owon ahani diri. Awang adwala thiya. Iring nathuk inyong ithai etyenierek, iwonatha ditha honyong.
\p
\v 28 Iring na, okalifinok hundang, isukathik ditha honyong, dara ara inyong laindu ileyori, defunu iwonan h'engere kwong ariri dihithemi honyong d'ainduna nanyong.
\v 29 Ara itek ithai hijan obis inyong, itek ithai hijan othulo dia athulo nehandyo aning nabis thonyong oyisuni.
\c 3
\cl Ebwayit 3
\p
\v 1 Otiatha, ainyong opecen l'amuno nathuk ohothai Omonye esarahina dohothai dilongorik ohothai olonyirok h'Ojok, diri ohothai olonyirok honyong. Th'ahu thone, awang ahap otek ohothai, anyo, kabong ahap hotek inyong. Ohothing hamuno nang, ewon ohothai ara oduring h'Ojok, ti, kabong hoithalyehini ara ainyong de efunu iwonan. Etek hijan ara Kristo laleyo, efunu mwai ijahitha inyong. Efunu
\v 2 de ingengeluna inyong, iring nawondere inyong.
\v 3 ahwan do mwai nathuhi arodonyohina donyong, ithaliboryo de ahwan nanyong iring nalibororik inyong.
\v 4 Othulo leyau, lehandyo oyalu lokulo, aca eyau awangan n'oyalu.
\v 5 Itek ithai hijan ithalyehini nya Kristo dihouna eyatha. Ditha honyong awang eyau.
\v 6 Awang lobo lowon ditha honyong lorasa ara eyauna. Awang othulo lorasa eyauna lathuk atehuna dia atehan inyong.
\v 7 Oduring, hoihorihina othulo loboling thaang hoithathacangye ithai. Othulo lehandyo abisan, obis.
\v 8 Othulo leyau, oindu tho Sitan. Atha athuk nya Sitan eyauna thoculwe. Th'ahu thone nanya ithalyehinerek Olonyi l'Ojok ditharohojerek egyamathik ho Sitan.
\v 9 Awang othulo loyisuni th'Ojok lorasa eyauna, anyo ohinyomothi l'Ojok loditha honyong. Awang ocohi d'othulo loyisuni th'Ojok arasa ara eyauna.
\v 10 Th'arami thohune naleyororik oduring h'Ojok karik ho Sitan. Lawang ihandyo aning nabis ikara th'Ojok oindu; othulo lawang omuno olai ikara dang th'Ojok oindu.
\v 11 Oilonge lo lonya ithanignu ithai thoculwe: ohothai thomunoi ahwandek,
\v 12 ikara iring Kaino, lonya owon doker l'onde omonyoroni lo, atoho olai, Abele. Anyo otoho inyong lolai? Anyo omonyori nya egyemathik hanyong, ahibu h'olai obisi.
\p
\v 13 Hoifalangathik olarok, ara oman ithai ahap.
\v 14 Etek hijan ethuk ohothai alangan th'aye d'esu. Atha emuno olarok. Othulo lawang omuno, owon ditha aye.
\v 15 Loman olai dia ahani inyong lo ohotohoni. Itek ithai hijan awang ohotohoni owon h'esu namanya mak.
\v 16 Th'arami thohune etek amuno, inyong nanya oyerik Kristo th'ohothai. Osiru dang dohothai diye th'olarok dia ahanerok thahahothai.
\v 17 Ti, lowon h'asang h'ahap, atehu othulo lowak alwaha, ehyenok othaji lonyong l'amiehunu inyong, angai owon amuno n'Ojok ditha honyong?
\v 18 Okalifinok hundang hoko, ohothai thaang homunoi th'ocamitha karik th'ahuthuk ija, ti, th'ehandyo karik th'eladiri.
\v 19 Th'arami thohune, etek hijan ohothai th'eladiri. Ohothai thoihuhumak othaja hohothai dihithemi hanyong.
\v 20 Ara idari othaja hohothai arami hamonyo h'ehandyo, ithaithak hijan obolo Ojok th'othaja hohothai karik otek inyong lo asang fodok.
\v 21 Omorot hundang, ara awang othaja hohothai idari arami hamonyong, hawonatha h'enihina d'Ojok.
\v 22 Aning nefiyo, efothu de thonyong, anyo, atha endafaitho efahitha hanyong karik ehandyo asang hethamunoyo inyong.
\v 23 Efahi nanyong na: Ohothai theruho th'ofure thololonyi lonyong Yesu Kristo karik emuno ahwandek, iring nathuk inyong ohothai esarahinerek efahi ne.
\v 24 Othulo lendafaitho efahitha h'Ojok, owon ditha Ojok, Ojok ditha honyong. Th'arami thohune, etek hijaran inyong lo ditha hohothai, th'adwaran thon'Ohoile lathuk inyong ohothai esarahina.
\c 4
\cl Ebwayit 4
\p
\v 1 Ohothing hodiha donang bebe, hoiruhotho d'ohoilehio fodok. Kombwo, otihatha tuhudik ara ofuni th'Ojok, anyo, athuk ohocorok olwarai odwalak ajingahina dihap.
\v 2 Itek ithai de Ohoile l'Ojok, ara ohoile lotek eruk hijan th'Ojok oindu Yesu Kristo dihap ara othulo,
\v 3 ohoile laang otek, karik aang eruk Yesu, ikara th'Ojok oindu. Ohoile omerohothononi lya lo Kristo, lethuk ithai ethaninguna hijan loindu, esuka esuka ti dihap.
\v 4 Th'Ojok ifunu ithai, oduring hundang, ethuk ithai ateluna isong, anyo, onde lowon ditha hothai lya obolo th'onde lowon dihap.
\v 5 Isong hulo thohop; inyong nara aning najyo isong n'ahap, karik ithaningyo ahap isong.
\v 6 Th'Ojok efunu. Lotek Ojok, ithaningyo arami h'ahothai. Laang oindu th'Ojok, awang ithaningyo ohothai. Th'oyihoi tholya etek ohoile l'eladiri, th'ohoile l'epal.
\p
\v 7 Ohothing hamuno nang, hamunothik ahwandek. Th'Ojok oindu amuno. Othulo lomuno, th'Ojok oyisuni karik otek Ojok.
\v 8 Othulo laang omuno, awang otek Ojok. Awang otek hijan Ojok amuno.
\v 9 Th'arami thohune nya ithalyehinerek dohothai amuno n'Ojok, hijan athuk Ojok asuluna Olonyi dihap, defunu iwonan h'esu thonyong.
\v 10 Tholya, owon amuno, ikara hijan emuno nya Ojok, ti, hijan inyong nya omuno ohothai, inyong nanya osulunerek inyong Olonyi dihounerek eyatha h'ahothai.
\v 11 Ohothing hundang, ara omuno ohothai Ojok ahani, hamunothik dang ahwandek.
\v 12 Kabong othulo latehu Ojok kwong. Ara emuno ahwandek, isuka de Ojok hohothai, ara amuno nanyong athenunu ditha hohothai.
\v 13 Tholya, etek ewon ditha honyong, inyong ditha hohothai. anyo, athuk inyong lo ebwahina ohothai ohoile lonyong lobo.
\v 14 Karik dang, ethuk ohothai atehuna, ohothai itihak hijan athuk ohothai Omonye asulahina Olonyi ara Ohoithalwahani l'ahap.
\v 15 Lotek, eruk hijan Yesu Olonyi l'Ojok, isuka de Ojok ditha honyong, inyong ditha Ojok.
\v 16 Karik dang, ethuk ohothai eitek eruk amuno n'Ojok ohothai. Ojok inyong amuno. Lowon ditha hamuno ne, owon ditha Ojok, Ojok ditha honyong.
\v 17 Th'arami thohune, athenunu amuno ne thohothai, doindu ayenio iwonan d'ofaning longocerek arami, anyo, iring nawonderek inyong, ohothai dang thoiwona dihap.
\v 18 Awang abangi th'amuno. Kombwo, ocohoro amuno abangi adi, anyo, owon abangi ara asario. Ti, othulo lobang, kabong ihuhumunu tuhudik dith'amuno.
\v 19 Emuno, anyo Ojok icak amuno ohothai.
\v 20 Ara ojyo othulo lobo, "Amuno nang Ojok" ahibu inyong oman olai, odwala. D'othulo loman olai dia ahani natehu inyong, awang omuno Ojok, lokabong inyong otehu.
\v 21 Karik dang, efahi ne nanyong dohothai: Lomuno Ojok, thomunoi dang olai karik ahani.
\c 5
\cl Ebwayit 5
\p
\v 1 Othulo loiruk hijan Yesu inyong Kristo, th'Ojok oyisuni, karik lomuno Omonye, omuno dang olonyi loyisuni thonyong.
\v 2 Th'arami thohune, eteh hijan emuno oduring h'Ojok: ara emuno Ojok egoterek efahitha hanyong.
\v 3 Amuno ne namunorik Ojok: endafaitho nahothai efahitha hanyong. Awangi efahitha hanyong ouhi bebe.
\v 4 Othulo loyisuni th'Ojok, otelu ahap. Inyong ne akolon natelu ahap na: eruk nahothai.
\v 5 Ngai lotelu ahap lya? Othulo leruk hijan Yesu Olonyi l'Ojok.
\v 6 Inyong lya loindu th'ahari karik dang ahotho: Yesu Kristo. Oindu inyong ikara th'ahari hamaring, ti, th'ahari karik dang ahotho.
\v 7 Owoni asang aunihoi hatihak arami hune:
\v 8 Ohoile, ahari karik ahotho. Asang huna aunihoi iruhohunai ahwandek.
\v 9 Ara efothu atihahina n'ohothing, obolo de atihahina n'Ojok. Anyahina n'Ojok hijan otek inyong na: athuk inyong aisuna ohotihani l'Olonyi.
\v 10 Othulo loiruk d'Olonyi l'Ojok, athuk awonan ara ohotihani l'ahwan nanyong olefeng. Laang hoiruk d'Ojok, athuk eduhuna ahwan ara odwalani, anyo, kabong hoiruk d'atihahina nathuk Ojok erasarahina th'arami thoh'Olonyi.
\v 11 Atihahina na, inyong na: esarak ohothai Ojok esu naang ecuhit, esu ne naditha h'Olonyi.
\v 12 Lowon h'Olonyi, owon h'esu. Laang howon h'Olonyi l'Ojok, awang owon h'esu.
\p
\v 13 Egero nang dothai asang hune, ditek ithai hijan iwon ithai h'esu naang ecuhit - dothai hoiruk th'ofure thol'Olonyi l'Ojok.
\v 14 Karik dang, enihina n'ahwan ne nathuhi ohothai esarahina dihithemi honyong, ara efiyo aning nabo nayyu donyong, ithayiryo ohothai.
\v 15 Karik dang, ara etek hijan ethayiryo inyong ohothai - aning nefiyo inyong - etek hijan ewon de h'aning nefiyo ohothai donyong.
\v 16 Ara otehu lobo othulo olai lonyong iyau, eyau naang ithayeyo, thomojyoi, disarak inyong Ojok esu. Acama nang arami h'eyau naang ithayeyo. Owon eyau neyanu aye. Awang nang ajyo thomojoi thone.
\v 17 Epalan fodok eyau. Owon ti eyau naang iyanu aye.
\p
\v 18 Aitek hijan othulo loyisuni th'Ojok, awang hoiyau. Ti, othulo loisuni th'Ojok, ikaunu, awang omomnyoroni lehan inyong angai.
\v 19 Etek hijan ohothai th'Ojok, etek dang hijan ahap fodok nahinang homonyoroni lo.
\v 20 Ti, etek hijan aindu Olonyi l'Ojok disarahina ohothai atehan karik athenununa ngai ocama arami hadiri. Karik dang ewon holocama arami hadiri lo: ditha h'Olonyi lonyong Yesu Kristo. Inyong lo Ojok Ladiri karik esu naang ecuhit.
\v 21 Oduring hundang, isukathik olamarai th'ajohi.