123 lines
12 KiB
Plaintext
123 lines
12 KiB
Plaintext
\id 1TH
|
||
\ide UTF-8
|
||
\h 1 Tess
|
||
\toc1 1 Tess
|
||
\toc2 1 Tess
|
||
\toc3 1th
|
||
\mt 1 Tess
|
||
\c 1
|
||
\cl Ebwait I
|
||
\p
|
||
\v 1 Nang Paulo, Silas ho Timoteo, emanda nahoi ne dothai karik ohodting hule hosuduha di Tessalonika ara ekklesia n’Ojok Omonye karik n’Ohobu Yesu Kristo. Imandayo ohoi ithai hijan, alwahio, alibori karik elik n’ahwandek thoiwona hothai.
|
||
\p
|
||
\v 2 Ifurak ohoi Ojok juui ahinwarang thoithai bukulung, karik ohoi ilecyo ithai juui ditha homojitha hohoi.
|
||
\v 3 Aca iyihi ohoi dihithemi h’Ojok karik Omonye lohoi angai igyemarik ithai eruhon nathai, angai isarak ithai amuno egyema bebe karik angai oko eyihina nathai d’Ohobu lohothai Yesu Kristo.
|
||
\v 4 Olarok, ahanerok hahoi, itek ohoi hijan omuno ithai Ojok, karik athuk anyimuna ithai ara honyong alefeng
|
||
\v 5 aca eyahak ohoi ithai Arami Angejuho Hayyu, Ikara thocamitha ija, karik dang ti th’akolon thon’Ohoile Lodwa, karik th’atehan fodok tuhudik eladiri nanyong, ithai itek dang angai isuka ohoi, nanya esukarik ohoi hothai na. Isuka ohoi nya ara nayyu thoithai.
|
||
\v 6 Emiru ithai nya thohoi karik th’Ohobu, karik juk emorwa nya ithai bebe, efothu ithai th’amuno ocame loyyu loindu th’Ohoile Lodwa. Inyong na ewon ithai fodok ara ariamara d’ohoiruhok fodok di Macedonia karik Acaia.
|
||
\v 7 Ikara hijan aindu ocame l’Ohobu tho Macedonia karik tho Acaia hamaring, athuloro dang assayo h’eruhon nathai d’Ojok d’amasok fodok.
|
||
\v 8 Aang aning nabo hathi do de necama ohoi,
|
||
\v 9 Ocama ohothing hule fodok angai ifothu ithai ohoi orii lefwarik ohoi ithai idoryerek, karik angai iloitho ithai adi th’ajohi d’Ojok, digyema d’Ojok lomijo
|
||
\v 10 karik dithilayo Olonyi lonyong Yesu diinduna tho paradise -Olonyi Lonyong lethabuhu inyong thoye karik lolwahu ohothai th’engere n’Ojok naindu.
|
||
\c 2
|
||
\cl Ebwait 2
|
||
\p
|
||
\v 1 Olarok, ahanerok hahoi, ithai th’ahwandek thahathai, itek ithai hijan aang afwan nahoi ditihyo ithai okar.
|
||
\v 2 Itek ithai hijan nyana ehandye ohoi ara namonyong di Filippi. Amorye ohoi kabong ohoi idwong ditha ho Tessalonika. Karik juk nya obolo edara efothuna ohoi, esarak ohoi Ojok lohoi akolon dinyahina ithai Arami Angejuho Hayyu hafuni thonyong;
|
||
\v 3 oililyet lohoi dothai ikara l’amonyori dia lehongorik ohoi ithai.
|
||
\v 4 Kombwo, icamaitho ohoi juui iring nawaharik ohoi Ojok thocamai. Aca, inyong okanyo hijan isiru ohoi dindafaitho Arami Angejuho Hayyu. Aang ohoi iwak ethamunoyo n’ohothing; iwak ohoi ethamunoyo Ojok, lothemyo, atek ainyong iwak ohoi.
|
||
\v 5 itek ithai tuhudik hijan aang ohoi ifunu dothai dilulubutha dia dicama ocamitha hoimuhok engaru – Ojok inyong ohotihani lohoi!
|
||
\v 6 Kabong ohoi ithemyo awahan arimahina efufura thothai dia th’ohothing homok,
|
||
\v 7 Juk dwo ira ohoi, iring ohoifahak ho Kristo, iwahan efiyo thothai. Ti, oyyu nya esuka nahoi hothai, iring nendafaitherek ahathingi akalifinok hanyong.
|
||
\v 8 Aca, thamuno thanahoi ithai, engara ohothai ikara ti Arami Angejuho Hayyu h’Ojok hama, karik dang omanyitha karik oisukaitha hohoi hoyyu.
|
||
\v 9 Itek ithai tuhudik, olarol, ahanerok hahoi, angai igyema ohoi ara ohoi imorwa! Igyema ohoi ohariee karik ofaniing, daang ohoi ithathacanio ithai ara ohoi hetyenio ithai Arama Angejuho Hayyu hafuni th’Ojok.
|
||
\v 10 Ithai ara ohotihak karik dang Ojok atehu hijan omanyit lohoi lonya ihandak ohoi ithai oheruhok lo, oyyu, obis, aang amonyori thiya.
|
||
\v 11 Itek ithai hijan ehandyo ohoi dothai abok abok iring nehandyerek omonye d’oduring honyong.
|
||
\v 12 Ethakolok ohoi ithai, ethamunoyo ohoi ithai, karik ohoi ithai imimingak thoisukai esuka nethamunoyo Ojok loilongo ithai di ngara ohobye karik ahujon nanyong.
|
||
\p
|
||
\v 13 Owon dang ahu nabo nesarak ohoi afurahina Ojok ahinwarang juui. Ara ohoi heyahak ithai ocame l’Ojok, iyahak ohoi ithai ikara iring ocame th’ohothing ti, iyahak ohoi ithai ara ocame l’Ojok, lowon diri ara l’Ojok. Aca Ojok legyema dith’ohothing hoiruk lya.
|
||
\v 14 Olarok, ahanerok hahoi, asang hafuk dothat, isong hafuk d’ekklesiahio h’Ojok di Judea, d’ohothing hothiya howon ara ho Kristo Yesu. Ithathacana ithai ethathacana naindu th’ohothing hothai hoithathacanio Ojudei
|
||
\v 15 hotoho Ohobu Yesu Kristo, ohocorok karik ethathacanie ohoi. Angai ithalongojo isong Ojok! Angai ilamerok isong d’ohothing fodok!
|
||
\v 16 Athemye dang ethawejo ohoi etyenio ahothing haang owoni ara Ojudei arami hara iyahahina isong eyahahina. Th’oyihoi tholya, ethathubahini eyatha hathuk isong eyauna. Ahani ne, athuk engere n’Ojok ainduna di hap dihide hosong.
|
||
\p
|
||
\v 17 Iring d’ohoi, olarok, ahanerok, ethuk ohothai apeha thahwandek d’omiru tiibai ija ti, ikara di thaja, alama omiru, iwon ohoi hawahan ditehuna ithai ikoti
|
||
\v 18 aca iwak ohoi anyahara dothai diya. Nang th’ahwan, athemyo nang operok olwarai, aang Sitan idehi ohoi.
|
||
\v 19 Aca, diri ithai – ithai ikalak homok – howon ara eyihina nahoi, amuno nahoi karik ainyong isarak ohoi ethadara ara ohoi iwon ara oingerejak dihithemi h’Ohobu Yesu ara laindu.
|
||
\v 20 Diri ithai ethadara karik amuno nahoi.
|
||
\c 3
|
||
\cl Ebwait 3
|
||
\p
|
||
\v 1 Di cuhit, aang ohoi ingongu. Eboco ohoi anyimuna esuka hamaring di Athens.
|
||
\v 2 Ara ohoi ifahak Timoteo, olai lohothai legyema hohothai d’Ojok di tyenio Arami Angejuho ho Kristo. Isulak ohoi inyong d’ithakolyo ithai karik d’ilwahyo eruhon nathai, tek lobo thothai anyaha adi holu th’arami thah’ethathacana ne.
|
||
\v 3 Itek ithai tuhudik th’ahwandek thahathai ijaran ethathacanitha hune owoni ara awahan n’Ojok dohothai.
|
||
\v 4 Nanya hoisukarik ohoi hothai na, enyahi ohoi ithai berien hijan ofuni de ohothai ithathacanio, karik iring itek ithai, arami hua gwo hawoni hune.
|
||
\v 5 Arami hune isarak nang asulahina Timoteo dothai, anyo, aang nang angongu eririyo. Efahak nang Timoteo ditihyo angai oyaa eruhon nathai. Diri, ikara hijan athuk ithai Sitan athemyo dia athuk esarahina aning nabo thaanga th’egyemathik hahothai.
|
||
\v 6 Iring ahana ne, anyahu Timoteo thothai thiya, dohoi dini, iyanu inyong lo asayo hayyu h’eruhon karik amuno nathai. Onyahi ohoi hijan igigilo ithai thohoi thanayyu karik iwak ithai atihyo ohoi iring newaharik ohoi ithai atihyo.
|
||
\v 7 Ahana ne, olarok, ahanerok athuk eruhon nathai ethamunoyo ohoi dihide h’ethathacana karik angongio nahoi. Aca eruhon nathai nyana ithakolyo ohoi.
|
||
\v 8 anyo isuka ohoi diri ne, ara ohoi iwetha ara hoko disuka hohoi disuduhe h’Ohobu.
|
||
\v 9 ahani ne, ocohi d’ohoi difurahina Ojok ahinywarang thothai. Ifurak ohoi inyong ahinywarang th’amuno thana iwon ohoi honyong dihithemi honyong thoithai.
|
||
\v 10 Th’afaning karik th’aharie ifiyo ohoi inyong, th’othaja thohohoi bukulung d’itehu ohoi ithai th’ahwandek karik disarahina aning nawahi d’eruhon nathai.
|
||
\p
|
||
\v 11 Ojok karik Omonye lohothai thahwan karik Ohobu l’ohothai Yesu, thoihuhumye oyihoi difunerek ohoi dothai.
|
||
\v 12 Ohobu thesarak amuno nathai ahwandek karik d’ohothing thoboloro karik abolo ikoti iring nabolororik amuno nahoi dothai.
|
||
\v 13 Th’oyihoi tholya ithakolyo de inyong ithai karik ara ithai de ibis karik idwa dihithemi h’Ojok karik Omonye lohothai ara Ohobu lohothai Yesu laindu h’ohothing fodok howoni ara honyong.
|
||
\c 4
|
||
\cl Ebwait 4
|
||
\p
|
||
\v 1 Olarok, ahanerok, eyeyena ithai thohoi angai kodien isuka ithai d’ithamunoyerek Ojok, aca, ahani ne kodien ira ithai imanya. Iring na imojo ohoi, ara ohoi imimingak ithai, ehandio nayyu nathai thoboloro.
|
||
\v 2 Aca, itek ithai osaritha honya inyahi ohoi dothai hulo th’akolon thon’Ohobu Yesu.
|
||
\v 3 owak Ojok hijan idwa ithai, ara ithai ilama bebe th’eleru.
|
||
\v 4 Obusuha fodok thoteha tuhudik anagai isuka isong h’angorwo hasong ara nayyu.
|
||
\v 5 ikara th’ayulon iring ohothing haang otek Ojok.
|
||
\v 6 Th’arami thohune, aang othulo lobo ihandyo ara namonyo d’olai lonyong Okristiani dia ethatumyo inyong. Enyahi ohoi ithai nyana arami hune, ohoi ikokolok ithai hijan oindu de Ohobu ibahyo isong hoihandyo ahani hulya.
|
||
\v 7 Aang Ojok ilongu ohoi di manya mak, ti, didwaran karik di libori.
|
||
\v 8 Iring ahana ne, othulo leda etyenio ne, aang hoida othulo, ida Ojok lesarakk ithai Ohoile lonyong Lodwa.
|
||
\p
|
||
\v 9 Inyong naang ayiji d’igerohina dothai arami hamuno n’olarok heruk hulya, aca, athuk Ojok etyenio ithai amuno ahwandek
|
||
\v 10 ara ithai diri imuno olarok h’ahanerok fodok hawoni di Macedonia. Inyong na, imojo ohoi ithai, olarok karik ahanerok hahoi, ehandio nathai nayyu toboloro.
|
||
\v 11 Owonatha ara ohothing howak esuka nayyu: amijo tuhudik d’egyema nathai, karik amijo dindafaitho ahwandek hathai, iring nadwo ethuk ohoi ithai anyahinerek dwona.
|
||
\v 12 Ahani ne, obangi karik amunoi ithai de ohothing haang hoiruk. karik aang ithai de iyangarik eririyo alwaha th’othulo loboling.
|
||
\p
|
||
\v 13 Olarok karik ahanerok hahoi, iwak ohoi atehan tuhudik arami hadiri h’ohoyak, tek ithai othaja adihari, iring h’ohothing haang eyihina.
|
||
\v 14 Iruk ohoi hijan aye Yesu, ebuhu ikoti. Ohoi ikoti iruk hijan inyaharu de Ojok Yesu h’ohothing haye ahibu isong iruk donyong.
|
||
\v 15 Arami hetyenio ohoi ithai hune, etyenio n’Ohobu ne: ohothai hohomijo hulya, ofaning loindunerek Ohobu, aang de efwo ahithemi n’ohothing hathuk aye.
|
||
\v 16 Owon de orii l’acama th’akolon – omurut l’Arkanjelo, amoo n’Ojok karik Ohobu thahwan, ofuni de dihap thohide. Ohothing hoye ahibu isong iruk do Kristo de icak ebuhuna,
|
||
\v 17 ara ohothai hoimijo th’orii le asuduha amaji aboithe hosong didikolo dirwanga h’Ohobu. Th’omiru hule, efwo ohothai isuka amaji aboithe h’Ohobu ara amanya mak.
|
||
\v 18 Ahana ne, imamajyethek, ara ithai ithakolyo ahwandek th’arami thohune.
|
||
\c 5
|
||
\cl Ebwait 5
|
||
\p
|
||
\v 1 Awangi arami hakko hegerorik nang dothai, olarok, ahanerok, omiru karik asang hehandye hawon, ara asang hune hafuni ifuhon.
|
||
\v 2 Anyo, itek ithai thahwandek thahathai tuhudik hijan ofaning l’Ohobu de loindu iring ohoholani th’aharie.
|
||
\v 3 Ara ohothing hajo, “Oyiji asang fodok, aang amonyori,” thiya kwak ahani etharohoja namonyong fodok eriafu isong! Oindu de ofaning le induna kwak iring adihari n’othomone, karik aangi de ohothing hofuni iburaru.
|
||
\v 4 Ti, ithai, olarok, ahanerok, aang ithai th’omudwe karik aang ithai ofaning le oindu itumuna iring ohoholani.
|
||
\v 5 Ithai fodok ohothing h’afangan. Ikara ohothai h’aharie, dia ewon ara h’omudwe
|
||
\v 6 Inyong na, ohothai thaang hojothoro iring ohothing homok; ohothai thomijye, aang ebotho.
|
||
\v 7 Th’aharie ira ohothing iferi; th’aharie ibothoi.
|
||
\v 8 Ti, ewon ara h’ofaning; aang era ibotho. Ohothai thoiyofoi eruhon karik amuno iring anyahwo hothomurut karik iring eyihina n’ethalwahuna, iring alohuluk.
|
||
\v 9 Kabong nya Ojok onyimu ohothai dithathacanarik engere nayong, ti, diwonan h’ethalwahuna tholo Ohobu Lohothai Yesu Kristo,
|
||
\v 10 loye thohothai demanyarik honyong ara aboithe dia ara ohoiswok dia ara ohoyak ara inyong laindu.
|
||
\v 11 Inyong na, ithakolyethek ara ithai ilwaha ahwandek, iring nehandyerek ithai ne.
|
||
\p
|
||
\v 12 Imojo ohoi ithai, olarok karik ahanerok, obangatha tuhudik ohothing hoigyema hothai, ohothing hoithaithak, anyahini ithai amanya n’Elakristiani.
|
||
\v 13 Isukathik hosong th’abangi karik th’amuno thanabolo th’egyema than’ehandyo isong. Isukathik th’elik thon’othaja.
|
||
\v 14 Ikokolok ohoi dothai, olarok karik ahanerok hahoi, thoimimingye ofathak, thoithakolye obangak, tholwahye ohorathak, thongongok ethathacana n’elathulo.
|
||
\v 15 Omijethek tuhudik, omonyong arofuna, ti ehandyo nayyu dihwandek hothai karik d’ohothing fodok thoiwona ara ohosulak lothai.
|
||
\v 16 Isukathik juui ara homuno.
|
||
\v 17 Omojothik d’oriihio fodok,
|
||
\v 18 ijaratha d’omiru fodok humo, ihum. Arami hune hawak Ojok thothai dimanya hothai dith’asuduhe ho Kristo Yesu.
|
||
\v 19 Hoikohyethek Ohoile Lodwa,
|
||
\v 20 hoilauna ocamitha honyahi inyong dothai.
|
||
\v 21 othemyethek asang fodok athemyo: indefatha asang hayyu
|
||
\v 22 idehina hamonyong
|
||
\p
|
||
\v 23 Ojok lesarak ohothai elik n’ahwandek, thoisarak ithai adwaran thoyihothik fodok, endafaitho esuka nathai – ohoile, othaji h’ahwan – tholamarai th’epal fodok,
|
||
\v 24 inyong lelongo ithai lya, ihandyo de, aca owon h’eladiri.
|
||
\p
|
||
\v 25 Omojothik dang thohoi, olarok, ahanerok.
|
||
\p
|
||
\v 26 Ithamandahina ohoiruhok th’emanda thanalibo, thanadwa.
|
||
\v 27 Emimingak nang ithai, th’akolon thon’Ohobu, thoihenie amanini na d’ohoiruhok bukulung.
|
||
\p
|
||
\v 28 Ayiji karik alibori n’Ohobu lohothai Yesu Kristo thoiwona hothai.
|