See in Reader
142 lines
13 KiB
Plaintext
142 lines
13 KiB
Plaintext
\id PHP
|
|
\ide UTF-8
|
|
\h Filippian
|
|
\toc1 Filippian
|
|
\toc2 Filippian
|
|
\toc3 php
|
|
\mt Filippian
|
|
\c 1
|
|
\cl Ebwayit 1
|
|
\p
|
|
\v 1 Nang Paulo karik Timoteo, ohoigyemak ho Kristo Yesu, d'ohothing fodok hotho Filipi hesarahini arakang ara ho Kristo Yesu, ohothing hengengelak egyemathik karik ohoigyemak dimaji h'ehuma.
|
|
\p
|
|
\v 2 Alwahio thoiwona dothai karik elik n'ahap th'Ojok Omonye lohothai karik Ohobu Yesu Kristo.
|
|
\p
|
|
\v 3 Afurak nang Ojok hindang ahinywarang diyuuhina hohoi.
|
|
\v 4 Awon nang h'amuno dimojo thoithai ditha omojitha hundang.
|
|
\v 5 Afurak nang ithai ahinywarang d'asuduhe nathai n'evanjelio th'ofaning oithabothe lwai d'ofaning l'ahanana.
|
|
\v 6 Arami hune ayenio nang dara laculuyo egyema nayyu obothok de ahani dingohina lwai d'ofaning lo Yesu Kristo.
|
|
\v 7 Obis do nang diwonan ahana thoithai anyo, awon nang hothai dithaji honang. Ewonderek ithai ara ohoingarak hundang. d'alwahio hindang difitha karik dikayo h'ethakolyo n'evanjelio.
|
|
\v 8 Ojok inyong ingengelak nang, angai awak nang kodyen ithai thoiwona h'amolye ho Kristo Yesu.
|
|
\v 9 Nang lamojo ahana: amuno nathai thoboloro dith'atehan karik athenuna.
|
|
\v 10 Amojo nang th'arami thohune diruhu ithai aning nayyu tholohide ayiji karik dinyahi ithai arami hadiri kwong omorit d'ofaning lo Kristo.
|
|
\v 11 Amojo nang dang difut ithai th'ahayo thah'abisan naindu tho Yesu Kristo d'ethabolorio karik efufurio n'Ojok.
|
|
\p
|
|
\v 12 Thenene ne, awak nang ithai thoteha, olarok, hijan aning nafuk donang isarak evanjelio thoyilo ahithemi.
|
|
\v 13 Diinduna iwonana ahani, athoritha hundang ditha ho Kristo ofuni th'afangan thalathatha ahang nekeye karik d'ohothing fodok.
|
|
\v 14 Iruhi olarok holwa d'Ohobu th'efitha thohindang, karik owoni h'akolon dicama arami kwong abangi.
|
|
\v 15 Owoni ohothing holwa hocama arami ho Kristo dindak th'ahayiini karik th'angalafa, ocama dang homok thayiji.
|
|
\v 16 Ihandyo hothoholu hulya th'amuno, otehi hijan isarahini nang dine dikayo evanjelio.
|
|
\v 17 Ti, ocama ohoithemok hulo th'arami thoho Kristo th'engaru, ikara th'arami th'ahadiri. Ojori ngona ofonik isong de ethathacana hindang, ahibu nang efitha.
|
|
\v 18 Ya ainyong ti, ne? Thoyihothik fodok owoni ahanya, dia opwang dia hadiri,. athuhi anyahina ngai Kristo. Amuno nang th'arami thohune. Aa, karik amuno nang de.
|
|
\v 19 Atek nang hijan thoyihoi tholya de ohohini nang th'omojitha thohothai karik alwahaio n'Ohoile lo Yesu Kristo.
|
|
\v 20 Owoni de iring nawaharik nang ainyong de oindu iwonan karik eyiihi nang hijan awang nang de ahu oju, karik dang owon de akolon, thenene iring no juii, ithahuye de Kristo dihwan honang, th'esu dia th'aye.
|
|
\v 21 Do nang esu inyong Kristo karik aye arimahina n'esu.
|
|
\v 22 Ti, ara awon nang ara othulo, orwang iring ijan olwahu nang de egyema. Ya nani de anyimu nang? Awang nang atek.
|
|
\v 23 Atidahunu nang dihiji h'asang arehai. Awahan hindang kodyen aden karik awonan ho Kristo, nelak ayiji,
|
|
\v 24 Ya ti, apwahan ara othulo osiru th'ahwandek thahathai.
|
|
\v 25 Atehan hijan arami hune ahani, atek nang hijan arasa nang de hothai fodok d'afwan ahithemi karik amuno ditha eruk.
|
|
\v 26 Dara ditha honang, diwon ithai h'ahu nethadararik ditha ho Kristo Yesu, ara nang laindu dothai koti.
|
|
\v 27 Isukathi thoyihothik thah'evanjelio no Kristo dara ara nang laindu ithai itihyo dia awang nang, dethaningu nang thoithai hijan iwoitha ithai ara nako ditha Ohoile Aboithe, ahu aboithe diribo amaji aboithe th'eruk than'evanjelio.
|
|
\v 28 Hoibangatha ongarehio hothai. Ethamijani ne n'engohunu nasong, ti, ithamijani nalwahununa nathai - karik naindu th'Ojok.
|
|
\v 29 Atha athuhi ahorihina dothai th'ofure tholo Yesu, ikara th'eruhon donyong ti, karik dang th'ethathacana th'ofure tholonyong.
|
|
\v 30 Awonan h'angica narwang iring netehu ithai donang, ara ithai dang ithayiru ditha ho nang.
|
|
\c 2
|
|
\cl Ebwayit 2
|
|
\p
|
|
\v 1 Ara owon ewuwulahina nabo do Kristo, ara owon ayiji th'amuno nanyong, ara owon asuduhe n'Ohoile, ara owoni amehina karik awahan,
|
|
\v 2 Isarahina amuno hindang thoifutha th'egigilo ara aboithe, amuno aboithe, ara hathuk asuduha ditha h'Ohoile th'aning aboithe newak arimahina.
|
|
\v 3 Hoihandyethe aning nabo th'engaru dia thawang thanegigilo. Kombwo th'ethabuyangyo ahwandek th'egigilo ara nanyyu.
|
|
\v 4 Indafaithethe ahwandek ikara th'asang th'ehewak ithai hama karik dang th'asang th'ahawak homok.
|
|
\v 5 Igigilothi thoyihoi tholonya ho Kristo Yesu.
|
|
\q
|
|
\v 6 Owon inyong lo nya diwonit h'Ojok, ti, aang nya inyong igigilo erijaru nayong h' Ojok iring aning nayiha inyong donyong.
|
|
\q
|
|
\v 7 Kombwo, ahohi ahwan nanyong. Eduhu ahwan ara ohoigyema. Oleyo iring arijori n'ohothing. Orimahini inyong dith'arijori n'othulo.
|
|
\q2
|
|
\v 8 Ethacuru ahwan nayong dihap eruk arami lwai diye, juk aye n'akruce.
|
|
\q
|
|
\v 9 Inyong nethahuyo inyong Ojok. Esarak inyong ofure tholohide h'ofuretho fodok.
|
|
\q
|
|
\v 10 Ihandyo ahanya d'origongo ahungitho th'ofure tholo Yesu, ahungitho h'ohothing hotho Paridiso, hothohop karik hohotholohop h'ahap.
|
|
\q
|
|
\v 11 Ihandyo ahani d'onyahi ahuthuhye fodok hijan Yesu Kristo Ohobu, abolori n'Ojok Omonye.
|
|
\p
|
|
\v 12 Inyong na, ohothing hamuno nang, iring heruhorik ithai juii, ikara ahibu nang awon, juk ahibu nang awang thoihiji hothai, igyemathik ethalwahuna nathai th'abangi karik th'ehihira.
|
|
\v 13 Ojok legyema ditha hothai lya diruhuna karik digyemarik th'amuno thanyong thanayyu.
|
|
\v 14 Ihandyethe asang fodok kwong elafere. Ihandyethe thoyihoi tholya dawang othulo lomoryo ithai ara odwalak, awang ebothi th'oduri h'Ojok.
|
|
\v 15 Ihandyethe ahani diwulo ithai iring afangan n'ahap dihiji h'oper lathuk etharohoja.
|
|
\v 16 Indefatha ocame l'Ojok l'esu rot, daindu nang ibolori d'ofaning lo Kristo. Th'orii le aindu nang de itehan hijan kabong egyema hindang okar.
|
|
\v 17 Ti, juk abuhoroi nang adi iring esorio nehuma n'egyema nathai n'eruk, amuno nang, nang amuno hothai fodok.
|
|
\v 18 Th'oyihoi tholya omunothi dang fodok, karik ithai dang imuno honang.
|
|
\p
|
|
\v 19 Eruk nang do Yesu Lamolo dichihina difahahina Timoteo kuak dozai. Egigilonang ara lanyahu, izakolio inyong de nang za anyahina nang aning nehandio Ojok de esuka nazai.
|
|
\v 20 Awang nang awon ho ozulo lobo iring Timoteo lomijo dozai iring nayu.
|
|
\v 21 Homok hawak nang efahahina dozai hulo hegigilo arami hosong ti. Awang igigiloi bebe aning negigilo Yesu ijan oko bebe.
|
|
\v 22 Ti, itek ithai ayiji nanyong, anyo, iring negyemarik oitho d'omonye, inyong dang negyema inyong honang d'evanjelio.
|
|
\v 23 Iring na, asulak nang de inyong operok hulya ne ara oyyu do nang.
|
|
\v 24 Ti, ayenyo nang Ohobu d'aindu nang operok hulya ne dang kwak.
|
|
\v 25 Ti, ojak donang Epafroditos thoinyahahini dothai. Inyong lo lalalai karik ohoigyemani h'ohoremoni, ohifahe karik ohoigyema l'asang hawak nang.
|
|
\v 26 Odiha nya othaji lonyong bebe, karik kwak nya esuka hothai anyo, ethaningu ithai nya hijan odiha. Odiha nya diri. Ayindek aye.
|
|
\v 27 Ti, amehinu inyong Ojok, ikara ti inyong hama, karik dang nang, tek nya orasa donang ohohie dihide h'ohohie.
|
|
\v 28 Ojak oyyu donang dinyongohina asulahina inyong dothai dara ara ithai hetehu inyong ara ithai imuno karik ahwan hindang de dang eyelehe.
|
|
\v 29 Ifothuna Epafroditos d'Ohobu th'amuno fodok. Ithahabuyethe ohothing iring inyong.
|
|
\v 30 Anyo, th'arami th'egyema nya thono Kristo oyindek inyong aye. Akworo esu nanyong digyema thonang, karik ethafuthak egyema nera ithai igyema thonang.
|
|
\c 3
|
|
\cl Ebwayit 3
|
|
\p
|
|
\v 1 Dicuhi, olarok hundang, omunothik d'Ohobu. Awang hosiru donang digerohina dothai koti arami hune, olarok. Ithasukayo ithai de asang hune ara hoibuha.
|
|
\v 2 Omijethe tuhudi ongohe. Omijethe tuhudi ohoigyemak omonyorok. Omijetheohe tuhudi engongotho n'ahwandek caa.
|
|
\v 3 Anyo ohothai abosio. Ohothai isong ohomojo h'Ojok th'Ohoile thol'Ojok. Ohothai hoithadara tho Kristo Yesu, karik awang th'ohothai awahan asang hothohop.
|
|
\v 4 Juk ahani ne, nang th'ahwan era nang iwahan asang hothohop. Ara igigilo othulo lobo hijan owak inyong asang hothohop, era nang iwaha okalak inyong.
|
|
\v 5 Abosye nang nya operok tises diholu h'athamana hindang, Ara othulo lo Israele, l'amukok no Benjemino, Ohebrei l'ohebrei, dirijaru h'oyalu, l'Ofarisi.
|
|
\v 6 Iring d'ayulon, ethagyemyo nang ekklesia; iring abisan th'oyano, kabong nang epal.
|
|
\v 7 Ti, asang nya hayyu donang, thono hindang alithoi th'arami thoho Kristo.
|
|
\v 8 D'arami hadiri, eheryo nang asang ara halitho th'abolori bebe than'ateha thono Kristo Yesu Ohobu hindang. Tholonyong, alitho asang fodok donang. Eduhu nang asang hune fodok ara aharanya dirimahinerek Kristo
|
|
\v 9 karik arimahini nang ditha honyong. Awang nang awon habisan nawon ara hindang th'oyano. Kombwo awon nang habisan th'eruhon do Kristo, abisan th'Ojok naindu th'eruk.
|
|
\v 10 Thenene ne, awak nang atehan inyong karik akolon nanyong nebuhuna karik ethathacanitha hanyong.
|
|
\v 11 Awak nang eloyitho ara arijori n'aye nanyong. Thoyiho tholobo atek nang de ainyong ebuhuna th'ohoyak.
|
|
\v 12 Awang hobis dijaran athuk nang efothuna asang hune dia hijan awon nang ara othulo lathuba tuhudi. Ti, enginyo nang d'athenu ainyong othenunerek nang Kristo Yesu.
|
|
\v 13 Olarok, awang nang egigilo hijan athuk nang th'ahwan thohindang athenuna inyong. Ti, owon aning aboithe: Akworo nang ainyong nadiholu karik ainyong nadihithemi nethakolyo.
|
|
\v 14 Eringak nang ahwan adihithemi d'arimak nang aning nawak nang nabolo d'elongo n'Ojok ditha ho Kristo Yesu.
|
|
\v 15 Ohothai fodok habi hulya, hegigilothi thoyihoi tholo; karik ara igigilo ithai thoyihoi tholo ikela th'aning thanabo, ithaithak Ojok de dang dothai.
|
|
\v 16 Ti, aning nedwong ohothai diya, hendefatha th'akolon.
|
|
\p
|
|
\v 17 Othifoithethe nang, olarok. Omijethe tuhudi ohothing hodaha odahitha howon ditha hohothai. Odaha holwa -
|
|
\v 18 ohotto hathuk nang ithai anyahini, karik anyahi nang ithai toki th'ehiyo - iring omerok h'akruce no Kristo.
|
|
\v 19 Aning nawak isong etharohoja. Ojok losong ahohe nasong, karik ethadara nasong ajwon n'ahosi hasong. Igigiloi th'asang thohothohop ti.
|
|
\v 20 Ti, ohothai ohothing h'abore no Paradiso, amaji nethilaunerek ohoithalwahani, Hobu, Yesu Kristo.
|
|
\v 21 Iloicyo de ahwandek hahothai hotholohop ditha ahwandek hathuhi ehuhumahina iring ahwan nanyong nabolo, nehuhumunu th'akolon thananyong, nesarak asang fodok tholohop honyong.
|
|
\c 4
|
|
\cl Ebwayit 4
|
|
\p
|
|
\v 1 Iring na, olarok hamuno nang, nang awak, amuno h'alohuluk hindang nelahobu, thoyihoi tholya, awoitha nang h'Ohobu, omorot hamuno nang.
|
|
\p
|
|
\v 2 Amojo nang Euodia, karik amojo nang Syntyc, egigilo nahothai thoiwona a oboithe ditha Ohobu.
|
|
\v 3 Diri bebe amojo nang iye, omotte hindang laming: olwahatha angorwo huna. Igyema honang dithathurohina evanjelio tholo Klementino karik ohoigyemak homok hohoi, howon ofuretho dithatha h'amanini n'esu.
|
|
\p
|
|
\v 4 Omunothik ditha h'Ohobu. Enyoryo koti, omunothik. Ohothing fodok thoteha ayiji nathai. Ayindek Ohobu.
|
|
\v 5 Hoigigilothik ara namonyo th'asang thahamok. Kombwo ditha asang fodok ihandyethe thamojo karik
|
|
\v 6 Ojok thoteha efiyo nahoi.
|
|
\v 7 Karik elik n'Ojok, nethalangyo olofioro, iyohotho de othaja h'egigilitha hathai ditha Kristo Yesu.
|
|
\p
|
|
\v 8 Dingohina arami hune, olarok, asang hawon ara h'adiri, asang h'ethaboloryo, asang fodok h'oyalu, asang fodok halibo, asang fodok hamuno, asang fodok hanyahini ara nayyu, ara owon aning nayyu bebe tholohide hayiji. ara owon aning nabo nafurye, igigilothi th'asang thohune.
|
|
\v 9 Asang heyeyena ithai, asang hefothu ithai ara ithai itehu donang, ehandyethe. Owon de Ojok l'elik hothai.
|
|
\p
|
|
\v 10 Amuno nang bebe d'Ohobu, anyo ethuk ithai ethalengejuhyo abangi nathai donang. Diri ebang ithai nya bebe thonang, ti, awang nya oyihoi lelwahyerek ithai nang.
|
|
\v 11 awang nang acama ahani hijan awaharik nang alwahio. Athuk nang eyeyena amuno d'oriihio fodok.
|
|
\v 12 Atek nang ainyong awonan ara ohoicanani, karik dang atek nang ainyong asoman. Thoiyihothik karik d'asang fodok athuk nang eyeyena asang hedima h'endafaitherek ahwan ara nayyu dia h'ahure, angai obarai dia angai omojoi ara awang aning nabo thohoi.
|
|
\v 13 Ocahi donang dihandyo asang fodok tholonyong lethakolyo nang.
|
|
\v 14 Ti, ehandyo ithai tuhudi dingara honang ethathacanitha hundang.
|
|
\v 15 Itek ithai Ofilipians hijan diculwe h'evanjelio, edehina nya hindang Macedonia awang ekklesia nya nengarak nang disaryo karik difothuna, arahari ithai hamaring.
|
|
\v 16 Juk nanya awonderek nang di Tessalonia, esulak ithai nang alwahio n'asang hawak nang operok holwa.
|
|
\v 17 Ikara hijan nang lodithifeyo esoritha. Kombwo, nang lodithifeyo ahayocong nethaboloryo ahujon nathai.
|
|
\v 18 Athuk nang efothuna asang fodok, karik awon nang h'asang olwarai. Athuhi nang ethafuthahina. Efothu nang asang tho Epafroditos thothai. Isong huna asang hangwo kudaar, aning nesarahini ethamunoyo Ojok.
|
|
\v 19 Ithafuthak de Ojok hindang asang hewak ithai iring ebarithi h'ohobye tholo Kristo Yesu.
|
|
\v 20 Th'orii lya, ahujon thoiwona d'Ojok karik Omonye lohothai mak. Amen.
|
|
\p
|
|
\v 21 Ithamandahina ohoiruhoni do Kristo Yesu. Ithamdayo ithai olarok hoisuka honang.
|
|
\v 22 Ohoiruhok dini fodok ithamandaye ithai, kereki ahang no Cesare.
|
|
\p
|
|
\v 23 Alwahio n'Ohobu Yesu Kristo thoiwona h'ohoile lothai.
|