See in Reader
194 lines
19 KiB
Plaintext
194 lines
19 KiB
Plaintext
\id GAL
|
|
\ide UTF-8
|
|
\h Galasian
|
|
\toc1 Galasian
|
|
\toc2 Galasian
|
|
\toc3 gal
|
|
\mt Galasian
|
|
\c 1
|
|
\cl Ebwayit 1
|
|
\p
|
|
\v 1 Paulo, ohifak - ikara ohifak th'ohothing, ikara th'asuduhe n'ohothing, ti, tholo Yesu Kristo karik Ojok Omonye, lethabuhu inyong th'ohoyak.
|
|
\v 2 Karik olarok fodok howoni ho nang, karik d'ekklesiahio ho Galasia.
|
|
\p
|
|
\v 3 Alwahio n'Ojok thoiwona dothai karik elik n'ahwandek th'Ojok Omonye lohothai, karik th'Ohobu Yesu Kristo,
|
|
\v 4 loilahi ahwan nanyong th'eyatha thahahothai diduhuna ohothai adi th'oper l'ahanana lomonyong, iring nawahari Ojok karik Omonye lohothai,
|
|
\v 5 ethahabuyo thoiwona donyong mak. Amen.
|
|
\p
|
|
\v 6 Afalanga nang, ithai hengero kwak adi th'othulo lelongo ithai th'alwahio thono Kristo. Afalanga nang, ithai heloyithoro d'evanjelio nekela.
|
|
\v 7 Awang nang ajyo owon nabo evanjelio, ti, owoni ohothing homok howak adyahuna obafu. Owahi eloyicyo evanjelio no Kristo.
|
|
\v 8 Ti, juk dia ohothai dia anjelo loindu thohide onyahi dothai evanjelio nekela tha nethuk ohoi anyahina, inyong thofyethak.
|
|
\v 9 Iring nadwo ajarik nang na, nang ikoti thoyinyorye ajaran, "Ara inyahi ithai othulo lobo evanjelio nekela thethuk ithai efothuna ne, inyong thofyethahini."
|
|
\v 10 Ainyong atahitha nang eruhohina n'othulo dia n'Ojok? Awak nang ethamunoyo ohothing? Ara nang lowak ethamunoyo ohothing, awang nang hawon ara ohoigyemani lo Kristo.
|
|
\p
|
|
\v 11 Awak nang ithai thoteha, olarok, evanjelio nathuk nang elolongohina ikara evanjelio n'othulo.
|
|
\v 12 Ikara th'othulo loboling efothu nang. Kabong nang dang hoityenie inyong. Kombwo, Yesu Kristo nya ithalyehi do nang.
|
|
\v 13 Ethairu ithai omanyitha hundang ohoithemok h'Elajudei. Ethaningu ithai angai awak nang aryehina ahu n'ekklesia n'Ojok dihap. Itek ithai hijan ajahitha nang nya othulo lowak ethalithohina ekklesia n'Ojok adi.
|
|
\v 14 Ethalangyo nya Elajudei hindang n'aper hindang fodok ditha h'ohothing hundang holefeng. Oyihoi lya nya lamunorik nang bebe egyemathik h'omanyitha thohonya halalamonye.
|
|
\v 15 Ti, ajara nya Ojok, lonya isarak nang arakang hara thohohie hananahathingi, karik lonya ilongo nang th'alwahio thananyong,
|
|
\v 16 amuno, ethalyehina oitho lonyong donang, d'elolongok nang inyong d'ohothing hoikela th'Ojudei, Kabong nang idwong difiyo elathulo.
|
|
\v 17 Kabong nang alo di Yerusalem d'ohotto honya icyak awonan ara ohifak dihithemi honang hulo. Kombwo alo nang d'Arabiya karik thiya nang anyahu di Damaskus.
|
|
\p
|
|
\v 18 Thiya, diholu h'oyingathik aunihoi nang alo di Yerusalem. Nang arimak Cefas diya. Ara ohoi isuka honyong diya operok tomon namiyet.
|
|
\v 19 Ti, kabong nang atehu lobo th'ohifak arahari Yakobo lolai Ohobu.
|
|
\v 20 Ditha h'arami h'egero nang dothai, otehatha hijan owon Ojok dihthemi hothai. Awang adwala.
|
|
\v 21 Thiya nang alo d'abothok ho Syria karik ho Cecilia.
|
|
\v 22 Kabong nang nya th'ahwan hatehu d'ekklesiahio ho Judea hawoni ara ho Kristo.
|
|
\v 23 Ithaningu isong ocame lya ahibu inyong ocama hijan, ocame lo, lo: "Ojo othulo lonya owak aryehina ohothai dihap dolitho ekklesia adi lo lelolongok eruk nanya owak inyong ethalicyo na lya?"
|
|
\v 24 Thiya ohothing ethahuyo Ojok thonang.
|
|
\c 2
|
|
\cl Ebwayit 2
|
|
\p
|
|
\v 1 Thiya, diholu h'opeok tomom larangwan, alo nang di Yerusalem, ohoi ho Barnaba, nang eyaru ho Tito.
|
|
\v 2 Alo nang diya, th'arami thah'ethalyehina karik disarahina dihithemi hosong evanjelio nanya elolongok nang d'ohothing hekela th'Ojudei. Acama nang arakang d'ohothing honya ojahithi hoko, Awak nang atehan tuhudi egyema hindang thaang holo ija.
|
|
\v 3 Ti, ikara juk Tito hamaring, Ogrikthanani lonya owon ho nang, irignahini thongocye.
|
|
\v 4 Ekuku olarok omonyorok dingengelaru karik dithayiraru oisuket lohoi loyyu ho Kristo Yesu. Owahi esuka nahoi ara ongacyani,
|
|
\v 5 Ti, kabong ohoi iruhu arami hasong juk orii tiibai, d'odulo eladiri n'evanjelio hothai.
|
|
\v 6 Ti, ohothing hojak hobolo hulya (dia isong nya ara hongai, awang ihandyo ainyong do nang, awang Ojok ithaithak ekela) - ohothing hule, ajo nang, kabong hofonihini aning nabo do nang.
|
|
\v 7 Kombwo, atehuni athuhi nang esarahini amijo arami h'evanjelio th'ohothing thoho kabong hongocye.
|
|
\v 8 Ara thol'Ojok, legyema ho Petro thefahaitho thon'ohifak d'ohothing hangacye, egyema dang inyong ho nang th'ohothing thoh'ekela th'Ojudei.
|
|
\v 9 Atehan nya na Yakobo, Cefas karik Yoanne, honya atehi ara ohoduhok h'ekklesia, hijan esarahini nang alwahio, endafaitho isong hulo Barnaba karik nang dith'asuduhe n'ohifak. Ihandye isong hulo ahanya, difwo ohoi d'ohothing hekela th'Ojudei, hibu isong ofwo d'ohothing hangocye.
|
|
\v 10 Owahi isong ohoi thawang hokworo ohoicanak, aning nanya awak nang ehandyo bebe.
|
|
\p
|
|
\v 11 Ti, ainduna nya no Cefas di Antioko, eda nang dihithemi oisukaitha honyong anyo, owon ocame lojo inyong lo epal bebe.
|
|
\v 12 Dihithemi hafuna nya n'ohothing homok tho Yakobo, onyo nya Cefas h'ohothing hoikela th'Ojudei. Ti, afuna nya n'ohothing hulya, awang Cefas onyo karik esuka inyong lo olamarai th'ohothing hoikela th'Ojudei.
|
|
\v 13 Karik dang, apwahahunu nya Ojudei d'ethatumio najak ahani. Juk Barnaba athiforo hosong oyihoi lepal l'adwala.
|
|
\v 14 Ti, atehuna hindang nya oisukaitha hosong homonyo haang othifoitho eladiri n'evanjelio, acama nang do Cefas dihithemi honyong hijan, "ara iye l'Ojudei, ara iye isuka iring othulo lekela th'Ojudei, ikara l'Ojudei, angai iringak iye ohothing hekela th'Ojudei thoisukai ara Ojudei?"
|
|
\v 15 Ohothai th'ahwandek, oisuni ohothai ara Ojudei. ikara ohothai ohothing ohoiyak ohothing hekela th'Ojudei;
|
|
\v 16 Ti, etek hijan awang othulo lobis arami hanyong th'egyemathik thoh'oyalu hama, owak bebe th'eruk do Yesu Kristo. Efunu ohothai dang d'eruk do Kristo Yesu dobis arami hahothai th'eruk do Kristo, ikara th'egyemathik thoh'oyano. Ara th'egyemathik thoh'oyano hamaring, awang othulo lothohop lobis arami hanyong.
|
|
\v 17 Ti, ara, orimak ohothai ithifeyo abisan do Kristo, ohothai dang arimahini ara ohoiyak, ohorik Kristo eyau thoilo adihithemi? Awang kwong!
|
|
\v 18 Ara aduho nang asang hanya athuk nang ethorohojo, arwang nang iring othulo laang othifoitho oyalu.
|
|
\v 19 Inyong nara inyong thol'oyalu aye nang d'oyalu, damanya nang ara l'Ojok.
|
|
\v 20 Athuhi nang nya abehohina ho Kristo di kruce. Awang hara nang lesuka lya. Kristo lomanya ditha ho nang lya. Esu nesarak nang ara othulo ne, esuka nang th'eruk ditha h'Olonyi l'Ojok, lomuno nang esarak ahwan nayong thotohori tho nang.
|
|
\v 21 Awang nang awak esarahina alwahio n'Ojok arakang, ara kudien orimahini abisan thol'oyano, ira Kristo iye ija!?
|
|
\c 3
|
|
\cl Ebwayit 3
|
|
\p
|
|
\v 1 Adudufo no Galasians! Ngai elecyo ithai? Dihithemi hothai, ahibu ithai imijo ithaithahini Yesu Kristo iring labiho di kruce.
|
|
\v 2 Aning ne aboithe hawak nang eyeyna thothai.: Efothu ithai Ohoile Lodwa th'egyemathik thoh'oyano dia th'eruhon arami thehethairu ithai?
|
|
\v 3 Idudufo ithai dia ainyong onyo ithai? Athuhon aculuyo th'Ohoile tholodwa, inyaha ithai ikoti d'ingohina esuka nathai th'eruhon asang hothohop?
|
|
\v 4 Olo ethathaciana, nanya, eleng ithai ethathacanarik na ija - ara nya diri ija?
|
|
\v 5 Ihandyo le, lonya isarak ithai Ohoile le karik ehandyo egyemathik hafalangai, ihandyo th'egyemathik thoh'oyano dia thethairio then'eruk?
|
|
\v 6 Iring nanya "iruhohinerek Abramo ara ohobisani, th'eruhon thananyong d'Ojok,"
|
|
\v 7 ahani de dang, ithai thoteha d'orii le, ofuni ohothing h'eruk owoni ara okalifinok, akalifinok ho Abramo.
|
|
\v 8 Amaninihio hadwa, dimijo ahithemi ojori hijan oindu de Ojok ithasiruna ohothing hekela th'Ojudei th'eruk, ecak anyahina Abramo th'ajaran, "Ditha hohoi ofuni de amisok imuno."
|
|
\v 9 Iring na, omuno ohothing h'eruk h'Abramo, othulo l'eruk.
|
|
\v 10 Ohothing fodok hoinihi ahwandek d'oyano ojahithi hafietha; inyong negerohinerek hijan, "Laang othifoitho asang fodok hathath'amaninihio h'oyano, awang hoihandyo, athuk afietha."
|
|
\v 11 Oleyo th'arami huwne hijan awang othulo lobo lobis dihithemi h'Ojok th'oyano, anyo, omanya de ohobisak th'eruk.
|
|
\v 12 Ti, oyalu ikara l'eruk, inyong lo, "Ohyani inyong lo hijan othulo lehandyo egyemathik h'oyalu thomanyai thosong."
|
|
\v 13 Ithahoru ohothai Kristo th'ahafiethu n'oyalu th'ainduna thananyong ara ahafiethu dohothai - atha athuhi egeryo hijan, "Athuk ahafietha othulo loyihahini dihide h'ohiyani"
|
|
\v 14 doindu kodien amuno n'Abramo d'ohothing hoikela th'Ojudei do Kristo Yesu, dara th'eruk era ifothuna kodien ecoritha h'Ohoile Lodwa.
|
|
\p
|
|
\v 15 Olarok, nang thocama iring nacamarik othulo. Ditha heruhon nara othulo ihuhumyo, awang othulo lesarak arakang dia lofonik aning nabo dia, ara athuk oyalu ehuhumahini ahanya.
|
|
\v 16 Athuhi nya anyahina Abramo karik d'othulo loindu diholu honyong ecoritha. Awang hojo, "D'ohothing olwarai hofuni diholu honyong, ti, kombwo d'othulo aboithe loindu diholu hohoi," inyong Kristo.
|
|
\v 17 Ainyong awak nang ajaran na: Oyalu loindu diholu hoingathik 430, awang hoisarak arakang eruk nanya athuk Ojok ehuhumahina.
|
|
\v 18 Inyong nara ara aindu aruthahina th'oyalu, awang hoindu thol'ecorit. Ti, Ojok isarak d'Abramo th'ecorit.
|
|
\v 19 Ara ahani, ara lainyong nya oyalu? Ofonihini inyong lo nya, anyo, dithihyo ethatharohoja, lwai othulo aboithe loindu diholu h'Abramo, lonya ihuhumahinerek ecorit lo. Igyema nya oyano thol'anjelohio th'ohoithamorani.
|
|
\v 20 Onyahi ohoithamorani hijan owoni ohothing olwarai, ti, Ojok aboithe.
|
|
\v 21 Ara ahani, awang oyalu iruhohunu h'ecoritha h'Ojok? Ikara ahani pat! Ara nyana isarahini oyano hesarak esu, ira abisan induna th'oyano.
|
|
\v 22 Ti, athuk amaninihio hadwa emumuduthahina asang fodok ditha h'eyau. Ihandyo Ojok ahani dofuni ecoritha hethalwahu ohothai th'eruk do Yeah Kristo d'ohothing hoiruk.
|
|
\p
|
|
\v 23 Dihithemi hainduna n'eruk, ewon ohothai nya ara ohothing hoifitha th'oyalu, efitha nera ithilauna ethalyehina eruk.
|
|
\v 24 Awon nya oyalu ara ohoikiani lohothai lwai ainduna no Kristo, defuni isiruna th'eruk.
|
|
\v 25 Ti, athuk eruk nya ainduna, awang ohothai iwon dihinang h'ohoihekiani.
|
|
\v 26 Ewon ithai ara olonyirok h'Ojok th'eruk do Kristo Yesu.
|
|
\v 27 Iring nanya athuhorik holwa hothai efothunerek Batisimo ditho Kristo, ethuk ithai efothuna Kristo.
|
|
\v 28 Awang l'Ojudei dia l'Ogrik, awang ongaca, awang laang helangaca, awang nangorwo dia lobusuha. Ewon ithai fodok ara aboithe ditha ho Kristo Yesu.
|
|
\v 29 Ara ewon ithai ara ho Kristo, ewon ithai ara ohothing hofuni diholu h'Abramo karik ohoruthak honyong th'ecorit.
|
|
\c 4
|
|
\cl Ebwayit 4
|
|
\p
|
|
\v 1 Ajo nang hijan ohoruthani, ara lohowon ara okalifonit, awang hoikela th'ongaca, juk owon ara omonye lamaji nenyangarik karing nethanyangyerek.
|
|
\v 2 Ti, owon dihas h'ohothing hoikeyo karik hoyenio inyong lwai d'ofaning lathuk omonye atherohina ara lonyong.
|
|
\v 3 Orwang dang, iring nanya hewonderek ohothai ara okalifinok na, ethora nanya doisukaitha hoko h'ahap.
|
|
\v 4 Ti, ajara omiru nya acohi, Ojok asulu Olonyi, loyisuni th'athulo, th'oyano.
|
|
\v 5 Ihandyo ahanya dihoina ohothing hothora d'oyano, difunu ohothai ifothununa endafaitho ahana olonyirok.
|
|
\v 6 karik anyo iwon ithai ara olonyirok, atha athuk Ojok asulahina Ohoile Lodwa ditha h'othaja hohothai, hoilongo inyong ara, "Abba, Monye."
|
|
\v 7 Thoone, awang iye iwon ara ongaca, ti, ara olonyi, karik ara ara olonyi, ewon iye dang ara ohoruthani thol'Ojok.
|
|
\p
|
|
\v 8 Ti, th'orii le, kabong ithai item Ojok, iduhuni ithai nayana ara ongacani d'ohothing thahaang ara, th'akolon thanasong, ojohi kwong.
|
|
\v 9 Ti, thoone, ethuk ithai atehan Ojok, dia kombwo otek ithai Ojok, ya ainyong ikoti isarak ithai eloyitho d'omanyitha homonyo? Iwak ithai ikoti anyahahina de langaca?
|
|
\v 10 Ithahabuyo ithai operok, oyefathik ongejuho, oriihio h'oyinga karik oyingathik!
|
|
\v 11 Abang thoithai! Abang nang, ojak de egyema hindang hothai nalo ija.
|
|
\p
|
|
\v 12 Amojo nang ithai, olarok, ojahithethek nang, iring nathuhorik nang ajahitha ithai. Kabong ithai nang imoryo.
|
|
\v 13 Ti, itek ithai nya hijan adiha n'ahwan hindang isarak nang elolongohina dothai evanjelio ahithemi.
|
|
\v 14 Juk athemyo ithai nyana oisukaitha hundang, kabong ithai ithafaacyo dia ida nang. Kombwo, efothu ithai nang ara nayyu, ajahitherek nang anjelo l'Ojok. Ajahitherek Kristo Yesu th'ahwan.
|
|
\v 15 Naja hathi amuno nathai? Anyahi nang dothai, ara kodien ocohi, ira ithai ikolouthuna ahonde hathai adi ara ithai isarak do nang.
|
|
\v 16 Ya diri, awon nang dothai ara omerohothononi, th'anyahina ithai arami h'adiri?
|
|
\v 17 Owak isong hulo th'othaja thohosong ateluna ithai, ti, awang abo ayiji thiya. Owak isong hulo ehenohina ithai dindak, dara d'amuno nasong imijo ithai tok tok.
|
|
\v 18 Oyyu amuno n'egyema th'othaji th' arami thahayyu, ikara hijan ara nang lawon ti hothai.
|
|
\v 19 Okalifinok hundang hottik, nang ikoti lawon h'adihari n'ayiso n'okalifonit dothai lwai Kristo ayehunu ditha hothai.
|
|
\v 20 Awak nang kodien awonan dihiji hothai d'orii lya karik eloyicyo omurut hindang, anyo, ethafalangyo ithai nang.
|
|
\p
|
|
\v 21 Onyahina nang, itha howak esuka thohop h'oyalu, awang ithai ithaningyo d'oyalu?
|
|
\v 22 Igiro hijan owoni nya oduri h'Abramo arehai, aboithe th'ahodwothi angaca karik aboithe lobo lo th'athulo naang owon ara angaca.
|
|
\v 23 Ti, aboithe loyisuni th'ahodwothi angaca, oyisuni ara othulo, ahibu loyisuni th'athulo naang owon ara angaca na, oyisuni th'ecorit.
|
|
\v 24 Iduhu de ohothing homok arami hune hon'ogwe na, anyo, owethi ahathing hune d'emorathik arehai. Aboithe thosong th'odonge lo Sinai, ayisu okalifinok ongacani. Hagar ne.
|
|
\v 25 Owetha Hagar th'odonge tholo Sinai di miji h'Arabia; Ara inyong na awetha tho Yerusalem. Isuka inyong na h'oduri honyong dith'elangaca.
|
|
\v 26 Ti, Yerusalem nothohide, ikara angaca.. Inyong na ahathingi nahothai.
|
|
\v 27 Athuk egero, "Omunoi, iye eholofijoni naang oyiso, Ikoro dindak karik ara iye iuluho th'amuno, awang iye ithathacana adihari n'ayiso n'oduri. Anyo, okalifinok h'angorwo hathuhi edehina olwari th'athuhi amuthayo."
|
|
\p
|
|
\v 28 Ti, ithai, olarok, iring Isako, ithai oduri h'ecorit.
|
|
\v 29 Th'orii le, ethathacanio nya loyisuni ara othulo lo, loyisun th'adwara thon'Ohoile lo. Orijoro dang theene.
|
|
\v 30 Ti, angai ojori amaninihio hadwa? "Ongaterethek adi ahodwothi angaca karik oitho lonyong. Awang olonyi l'angaca hongara aruthahina hoitho l'athulo naang owon ara angaca."
|
|
\v 31 Th'arami thohune, olarok, ikara ohothai oduri h'angaca. Ohothai oduri h'athulo naang owon ara angaca.
|
|
\c 5
|
|
\cl Ebwayit 5
|
|
\p
|
|
\v 1 D'awangan n'eriringa ahohi ohothai Kristo. Owethathik ara hoko. Hoinyahara ikoti d'eriringa l'elangaca.
|
|
\p
|
|
\v 2 Otihatha, nang Paulo lacama dothai hijan, ara ihorik ithai ahwandek hathai thongocye, awang oyihoi lerimahinerek ithai ayiji nabo tho Kristo.
|
|
\v 3 Enyoryo nang ikoti anyahina d'ohothing abok abok hijan loisarak ahwan nanyong thongocye, thaang hoijara iringahini inyong dithifoitho oyalu.
|
|
\v 4 Atufuni ithai adi tho Kristo, Ithai hoira oyano ithabisahina, atufunu ithai adi tho Kristo; awang ithai ipil alwahio n'Ojok.
|
|
\v 5 Inyong nara, thol'Ohoile Lodwa karik th'eruk, hethilauna th'amuno eyiihina n'abisan.
|
|
\v 6 Ditha ho Kristo Yesu, awang dia angotho dia awangan n'angotho ohwadu aning nabo, ti, eruk hamaring igyema th'amuno.
|
|
\v 7 Ithai hoingeta tuhudi. Ngai olwo ithai eruhon arami hadiri?
|
|
\v 8 Awang ewuwulahina ne hoindu thonyong, inyong lelongo ithai lo!
|
|
\v 9 Omundo tiibai iring hulya, ihadocye anyari nelolonga.
|
|
\v 10 Awon nang hayenio d'Ohobu hijan awang ithai de iwon hegigilitha hekela. Othulo lethathacanio ithai, oduma de obafu lonyong, dia inyong ngai.
|
|
\v 11 Olarok, ara diri hawak nang angotho, anyo bai hoithathacyanie nang? Ara ahani, athuhi eduhuna adi ahibose nakara dihithemi h'akruce na.
|
|
\v 12 Iring d'ohothing hoithathacyanio ithai hulya, ara thono hindang, ajo nang kodien irahi isahyo ahwandek hasong!
|
|
\p
|
|
\v 13 Ahohini ithai adi thoifitha, olarok. Ti, hoiduhuna oisuket lawang eriringa thiya lya ara leyaunerek; kombwo, th'amuno olwahathik ahwandek.
|
|
\v 14 Anyo, oyalu fodok lothifoithe ditha hefahit aboithe: ditha "Omunoi othulo loindek hohoi, iring nemunorik iye ahwan nahoi."
|
|
\v 15 Ti, ara ihonya ithai, ithai idilyo ahwandek, omijethe tuhudi hijan kabong ithai ingohi ahwandek th'anyo.
|
|
\p
|
|
\v 16 Ti ajo nang, odahathik ditha h'Ohoile Lodwa, dang ithai imanya ditha eyatha.
|
|
\v 17 Awang omanyitha ditha h'eyatha hofwo h'Ohoile Lodwa, awahan n'Ohoile Lodwa dang awang holo homanyitha h' eyau. Ongicya isong huna, d'aang ithai ihandyo asang hewak ithai.
|
|
\v 18 Ti, Ara ithifoitho ithai Ohoile Lodwa, awang ithai lolohop h'oyalu.
|
|
\v 19 Inyong na, oleyori beriena omanyitha h'eyauna: arwanga n'obusuha h'angorwo nawang obis, ebothan n'esukaitha, elamwak,
|
|
\v 20 eruhon d'ojohothihio karik oibwana, ahayini, engere kwong arami, antica dia elangare, amukuta, ebwabwa,
|
|
\v 21 akolyohunu, ebotho n'obalu, elulung n'engere karik asang fodok haya ahani. Ethahongok nang ithai, iring nathuhorik nang ithai ethahongohina berien, hijan ohothing homanya th'oyihothik thohulya awang horuthuni ohobye l'Ojok.
|
|
\v 22 Ti, ahayocong n'Ohoile inyong amuno, elik n'othaji karik ahohe, angongio, amujan, ayiji, eruk,
|
|
\v 23 anyofodia karik eyohuna n' ahwan; awang oyalu loliwarik asang hune.
|
|
\v 24 Athuk ohothing howon ara ho Kristo Yesu abehohina di kruce omanyit l'eyatha h'asang hawak omanyitha h'eyauna.
|
|
\p
|
|
\v 25 Ara emanya th'Ohoile, hadahathi dang th'Ohoile.
|
|
\v 26 Ohothai thaang h'eloyitho, edodolyo karik ehayiin amonye.
|
|
\c 6
|
|
\cl Ebwayit 6
|
|
\p
|
|
\v 1 Olarok, ara indefuni othulo diyauna, ira ithai homok h'Ohoile hulya inyahahina inyong dinyofodia h'ayiji. Ithai thobanga ahwandek hathai, tek ithai dang athemye.
|
|
\v 2 Ongarathik emorwa nathai. Inyong oyihoi lya lethifoitherek ithai Kristo.
|
|
\v 3 Inyong nara, ara igigilo othulo loboling hijan inyong aning nabo ahibu inyong awang hara aning nabo, loditumyo ahwan ahwan nanyong.
|
|
\v 4 Lobo th'otiha tuhudi egyema nanyong, dowon ahu n'ethadara nanyong donyong hamaring, ikara d'othulo tholobo.
|
|
\v 5 Odohoitho de lobo othulo abafu lonyong holefeng.
|
|
\p
|
|
\v 6 Othulo letyenie ocame thongarai asang hayyu h'ohoityenani.
|
|
\v 7 Hoisarahina ahwandek thoithadwalye. Awang Ojok hoithalubangahunu. Aning nedulak othulo, inyong de dang oindu ingongothuna.
|
|
\v 8 Inyong nara othulo ledula ohinyomo d'oisukaitha honyong hoiyauerek oindu de ingongocyo ethorohoja. Loidula ohinyomo honyong d'Ohoile, oindu de irimahina esu n'amanya mak th'Ohoile.
|
|
\v 9 Ahwandek hahothai th'aang hodihara ehandyo nayyu, anyo, th'omiru hocohi efunu mwai ingongoco, ara awang ohothai itela.
|
|
\v 10 Inyong nara, hewon ohothai h'omiru, hehandyethe nayyu d'ohothing fodok, kereki d'ohothing h'ahang n'eruk.
|
|
\p
|
|
\v 11 Ingengelyethe aisong amaninhio hahitwa hegero nang dothai th'ahinang thohindang.
|
|
\v 12 Ohothing howak anyahina isong hongai dihap dine isong howak ithai eringahina th'ongocye. Ihandye ahani, ikarahinerek ethathacana th'arami thah'akruce no Kristo.
|
|
\v 13 Anyo, juk isong dang hathuk angotho hulya awang ogoterek oyalu, ti, owahi ithai thongocye donduhyo isong asuhena hijan ithai Ojudei.
|
|
\v 14 Ti, awang nang kwong hayifyo ahwan arahari th'akruce thon'Ohobu Yesu Kristo. Thal'akruce than'athuhi abehohinerek ahap do nang, nang d'ahap.
|
|
\v 15 Dia angoco dia awangan n'angotho, awang hoihandyo aning nabo, ti, ainyong nako bebe ayeuna angejuk.
|
|
\v 16 D'ohothing fodok hoisuka th'oyihothik thohotek karik ohothing awak fodok, elik n'ahap karik n'ahwandek h'amehina thoiwona. Thoiwona dang do Israele n'Ojok.
|
|
\p
|
|
\v 17 Th'ahanana adihithemi, lobo othulo th'awang hoithathacanie nang, anyo, eyetho nang th'ahwan tho hindang ohoforo ho Yesu.
|
|
\p
|
|
\v 18 Alwahio n'Ohobu Lohothai Yesu Kristo thoiwona h'ohoile lothai, olarok. Amen.
|