lky_reg/47-1CO.usfm

\id 1CO
\ide UTF-8
\h 1 Korincia
\toc1 1 Korincia
\toc2 1 Korincia
\toc3 1co
\mt 1 Korincia
\c 1
\cl Ebwayit 1
\p
\v 1 Paulo, ilongu Yesu Kristo ara ohetienani iring nawak Ojok-ho olai lohothai Sosthenes,
\p
\v 2 de elulung no Ojo k di Korinth, hathuk Yesu Kristo ethaliborio, hethaliborie iring osantohen, ha hemamajo ofure lo Lamolo Yesu Kristo di masik bokolong, Lamolo losong hohothai.
\p
\v 3 Agraciat he emora tho Ojok Omonye lohothai karik Lamolo Yesu Kristo.
\p
\v 4 Esak humo do Ojok hindand thoithai, acha tha agracia no Ojok nesak Yesu Kristo do thai.
\v 5 Etha baraa nang tho oyihothik bokolong, the titoyetha bokolong ha atehan bokolong.
\v 6 Esak itha abara, iring najararik ijan athuk Kristo eruhohina diri di hiji ho thai.
\v 7 Thia wang itha awang he won he esoritha ho Ohoile, di thilayerek da aleyori no Lamolo Yesu Kristo.
\v 8 Esak ithai de akolon man etohe, di libo ie do ofaning lo Lamolo Yesu Kristo.
\v 9 Obolo eruk no Ojok, ilongo inyong ie di suka ho oitho lonyong, Yesu Kristo Lamolo lo hothai.
\p
\v 10 Esusuyo nang ithai, olarok kari ahanerok, tho ofure tho lo Lamolo Yesu Kristo, le eruk itha bokolong, ongida ebua bua owang the hiji hothai. Esusuyo nang asuduha nathai di gigilo he esuka aboite.
\v 11 Ti nyahi ohothing ho Chloe do nang ijan ebuabua na dotho dihiji hothai.
\v 12 The ajo nang ahana: Ijo ithai abok abok, "Nang ho Paulo," kuya "Nang ho Apollos," kuya "Nang ho Cephas," kuya "Nang ho Yesu."
\v 13 Ibuabua Krist? Obehohini Paulo di cruche thoiye? Ebaptisie ie tho ofure tho lo Paulo?
\v 14 I jo nang humo do Ojok da awangan hindang ebaptisio juk aboite tho thai harihari Crispus karik Gaius.
\v 15 Ara ahani da awang lobo lojo ebaptisie ithai tho ofure tho hindang.
\v 16 (Ebaptisio nang ahang no Stephanas. Harihari hune, awang nang atek ara ebaptisio nang homok)
\v 17 Acha kaang Kristo ifahu nang di sahina abaptismo ti di titoyo evangelio, ike tho ochamitha ho hongitha ho othulo, da awang acruche no Yesu isuka ijaa kuong ohobie.
\p
\v 18 Acha arami ha chama acruche inyong ebuyang do ho yaak, ti di hiji ho ohothing ha ahou Ojok, owon ara ohobie lo Ojok.
\v 19 Acha egero, "Ethorohojo nang olofioro ho olafiorojok; esak nang de ohothing hotek arami tha awang ho oteha."
\p
\v 20 Loja othulo lo owon ho olofrioro? Loja othulo le elafere la ahap ne? Kaang Ojok he loicho ofereho ha ahap ara ebuyang?
\v 21 Acha awang ahap do fereho honyong ho otek Ojok, Omuno Ojok tho otitoitha he buyang di ihouna hullo he eruk.
\v 22 Efiyo Ojude ethamijatha ha ako ara Ogrik efiyo ofereho.
\v 23 Ti ititoyo ohoi Yesu lo obehohini di cruche, ohibose lo Ojude karik ebuyang do Ogrik.
\v 24 Ti hullo helongu Ojok, bokolong Ojude ho Ogrik, itittoyo ohoi Kristo ara ohobie ha olofioro ho Ojok.
\v 25 Ti Ebuyang no Ojok okalaru elafioro ho ohothing, karik ajonan no Ojok okalak akolon no ohothing.
\p
\v 26 Otiha elongo no Ojok ie, olarok ha ahanerok. Elafioro no holwa hotha awang ho oindu tho othulo; awang ohokolok holwa thothai; holwa hothai awang ho oyisuni di hangithek ho ohobuore.
\v 27 Ti onyimu Ojok aning ne buyang di hap di sa hinere ariri do olafiorojok. Onyimu Ojok aning najon di tha ahap do onyierek ariri aning nako.
\v 28 Onyimu Ojok aning nati nalauni thi tha ahap, asang ha awang ho ojori asang hamok, di yanerek da wangan ne ethahuyo asang ha koli bebe.
\v 29 Ihandio inyong ahani da awang othulo lobo le thadara di hithemi honyong.
\v 30 The egemitha tho ho Ojok, ie lo tho Yesu Kristo lo owon do ohoi ara olofioro ho Ojok- abisan nahoi, alibori, ha ahohina,
\v 31 Iring najo ochame lo Ojok, "Othulo le thadara the thadarai tho Lamolo."
\c 2
\cl Ebwayit 2
\p
\v 1 Da ainduna hinda do thai, olarok ha ahanerok, awang nang aindu ara othulo loinik achame he etitoyo kuya olafiorojoni iring na lolongoi arami diri ho Ojok.
\v 2 Awak nang awangan atehan aning nabo ha won nang hoitha harihari Yesu Kristo, inyong lo obehohini.
\v 3 Nang ho thai di jonan, karik di bangan, karik di hihira bebe.
\v 4 Ochame hindang he elolongo hindang ike dirimahinere elafioro, ti onyahini ohoile ha akolon,
\v 5 do ara eruk nahoi awang ho owon tho olofereko tho ho othulo, ti di tha akolon no Ojok.
\p
\v 6 Dene echame ofereho di hiji ho ohothing ha abolo, ti ike olofereho ho tha ahap ne, kuya ho ohendefak ho oper lia, ho olitho dene hullo.
\v 7 Ti ichama ohoi ofereho ho Ojok da tha arami ha awang oleyori-ofereho he idima hesarak Ojok kaang operi di ithahuyerek ohothai.
\v 8 Awang tho ohedefak ha ahap ho oper lia oteh ofere lia, ara kodien otehi isong do omiru lee, awang isong heruk ibehohina Lamolo lo ohu.
\v 9 Ti iring negerorik inyong, 'Asang ha kabong ahonyek otehu, ha kabong eyoha he thairu, ha kabong ahu negigilorik, asang he huhumio Ojok do ho omuno inyong."
\p
\v 10 Isong asing hune hathuk Ojok ethaliehi do hothai tho lo Ohoile. Acha othifeyo ohoile asang bokolong, juk asang ho Ojok hedima.
\v 11 Ngai otek ogigilitha ho othulo lobo harihari ohoile lo othulo ditha ho nyong? Dang, awang lobo lo otek asang ho Ojok hedima harihari Ohoile lo Ojok.
\v 12 Ti kaang ohoi ifothu ohoile la ahap, ti Ohoile tho Ojok, di isak ohoi atehan ijaa asang hesarak ohoi Ojok.
\v 13 Ichama ohoi tha asang tho hune tho ochame la awang ofereho ho othulo itienio, ti le tienio ohoi Ohoile, Ohoile le inyanyahio ochame lo Ohoile tho Ohoile lo ofereho.
\v 14 Othulo la awng ho ohoile awang he duhu asang hawon ara ho Ohoile lo Ojok, acaha awang isong howon ara aring nabo do nyong. Awang inyong ho otek isong acha athuk ohoile angocho isong ara ha awang oyu.
\v 15 Inyong lo owon ho ohoile ongocho asang bokolong, ti awang inyong ongocho homok.
\q
\v 16 "Acha othulo la awang otek ahu no Ojok awang he ringak inyong?" Ti iwon ohoi ha ahu no Kristo.
\c 3
\cl Ebwayit 3
\p
\v 1 Karik nang olarok, awang nang achama do thai iring ohothing ho ohoilejin, ti ara ohothing ha ahuan ne, iring da akalifinok do Kristo.
\v 2 Ethanahio nang ithai alee ikara ahiringo, acha kabong ithai ichohi da ahiringo. Juk do omiru lia kaang ithai he chohi.
\v 3 Acha he won itha iring ahuan ijaa. Acha ara owong ohaine ha ahoro di hiji ho thai, oke omanyitha ha ahuan hulia, awak itha ithifotho odahitha iring na wak ohothing?
\v 4 Acha ara ojo lobo "Athiforo nang Paulo," ara lobo ajo, "Athiforo nang Apollos," awang ithai isuka iring ohothing ho tho hop?
\v 5 Ngai inyong Paulo? Ongachiani he sak ithai eruhon, hesak Lamolo egema abok abok.
\v 6 Edulak nang, Apollos abuhio ahari dia, ti Ojok esak abolori.
\v 7 Thia dia ledulio kuya lo obuhio ahari ike aring nabo. Ti Ojok isak abolori.
\v 8 Dini ohedulani ho ohobuhoni la ahari ara isong aboite, abok abok iduhuni isong de omoiya iring na nyahi eboma nasong.
\v 9 Acha ohothai ohegema ho Ojok, ithai amana no Ojok, athua no Ojok.
\p
\v 10 Da agracia no Ojok nesahini do nang iring othulo lo oyinik aduho, ehuhumio nang ahap na athua lobo aduho dia. Ti ohothing abok abok omijo tuhudi angai oduho inyong di hide ho nyong.
\v 11 Acha awang lobo loinik ehuhumio na ahap tho nathuk Yesu Kristo ehuhumio.
\v 12 Thene ara oduho lobo da ame nathuk ehuhuma tha ayiel(gold), sufuria, omorik ho oko, ahiek, ohujithang, kuya afill-
\v 13 ithaliehini de egema nanyong, acha ithaliehi inyong de afaning. Ithaliehi de ahimang; onyahi de ahimang ayiji na asang ha aduhorik hune abok abok.
\v 14 Ara ofithoro aning naduho othulo, ifothu de ethamunitha.
\v 15 Ti ara omuda asang bokolong, okar amoru de hanyong, ti isu inyong tha huan, iring othulo lo ongero thalathatha ahimang.
\p
\v 16 Awang ithai he tek injan ithai a templo no Ojok esuka Ohoile lo Ojok di thua ho thai?
\v 17 Ara itharusuhio lobo a tamplo no Ojok, itharusuhok dang Ojok othulo le. Acha odwa atemplo no Ojok, ahanya idwa ithai dang.
\p
\v 18 Heruhotho ethatuma tha ahuandek. Ara owon lobo di hiji hothai le gigilo ijan ilafioro inyong do oper lia, inyong the wana ara le "buyang" ara owak inyong ofereho.
\v 19 Acha ofereho ha ahp ne rai ebuyang ho Ojok. Acha igero: "Indefu olafiorojo di hongitha hosong."
\v 20 Karirik ikoti, "Otek Lamolo ijan awang aning nayu do gigilitha ho olafiorojok"
\v 21 Thene awang ethadara tho ohothing!
\v 22 Dia Paulo, kuya Apollos, kuya Cephas, dia ahap, dia, esu, dia ayee, dia asang ha won, dia asang hohofuni- bokolong hathai,
\v 23 ithai ho Kristo, Kristo lo Ojok.
\c 4
\cl Ebwayit 4
\p
\v 1 Ahana iruk othulo imijo do ohoi- ohoi ongachani ho Kristo heyanu arami diri ho Ojok hedima.
\v 2 De eririha na, ongida ohothing he yanu arami ha diri hulia oyiji (eruk isong ohothing).
\v 3 Ti donang owon aning na mutha ne ngocherek ithai nang kuya tho olokiko lo ohothing. Acha nang angocho ahuan dindang.
\v 4 Awang nang atek ohipale le sahini do nang, ti awang ne ho onyahi ijan awang nang awon ho ihipale. Lamolo inyong ongocho nang.
\v 5 Thene he lecho angocho da aring nabo kaan omiru, kaang Lamolo iduong. Iyanu de da afarara asang hedima ho omudue ethaliehi aisong hawon di thua othajia. Thia efotuni abok abok ethahuyo tho Ojok.
\p
\v 6 Thene, olarok karik ahanerok, iyaru nang omanyitha hulia do nang karik Apollos tha ahuandek tha hathai, acha thohoi italimu ithai ochame lojo, "Helo thele ainyong negero,"Acha da awang lothai hesahini di muno lobo eda lobo.
\v 7 Ara otehu lobo ekela dihiji hothai ho homok? Ainyong ne won ie honyong na awang ie ifotu ija? Ara ifotu ie ija, anyo ithadara ie iring la awang hefotu ijaa?
\v 8 Ewon ie ha asing hewak ruk ie iwahan! Ethuk ie awonen iring ohobarani! Esuka ie ara ohobusik- ithai hamaring kuong ohoi! Diri awak nang ongida ithai iwon ara ohobuore, di lahobu ohoi hothai.
\v 9 Egigilo nang isak ohoi Ojok ho lefahat di loyo iring ho thoholu ho ohorit la abara karik iring ohothing ha angothohini diyee. Ewon ohoi iring ohothing hengengelie di tha ahap- da angelohen karik do ohothing.
\v 10 Ohoi obuyangak tha ahuan tho no Kristo, ti ilafioro ithai do Kristo. Ijon ohoi, ti oko ithai. Obang ithai ohothng, awang ohothing obang ohoi.
\v 11 Man do omiru lia oleng ohoi ahure karik ohibothit, awang ohoi iyovo iring nayu, obahie ohoi iring na monyo, awang ohoi iwon ha ahangithek.
\v 12 Igema ohoi bebe, igema ohoi tha ahinasik tha hahoi. Ara ohoi ha awang ohobie, ohoi ithahuyo. Ara ohoi ha amni, ohoi ingongio.
\v 13 Ara ohoi hacahamai iring na monyo, ohoi ichama tha nayu. Ethuk ohoi awonen, homijo ohothing do ohoi iring hedari di tha ahap kari asing ha anguo bebe tha asang bokolong.
\p
\v 14 Awang nang egerio asang he di sahina do thai ariri, ti di nyahina do thai oihoi loyu iring akailifinok ha amuno nang bebe.
\v 15 Juk iwon ie ha amiyaha tomon the enyahit tomon ohetienang do Kristo, awang ie iwon ho omonyehio olware, awon nang iring le monye doKristo tha evangelio.
\v 16 Thene awak nang ithai di miraruna nang.
\v 17 Inyong nefahak nang do thai Timothy, lamuno nang oitho leruk Lamolo. Ithayihi ithai de oyihothing hunda do Lamolo, juk etienio da amasik bokolong karik da amsik ha amojo.
\v 18 Thene owon homok hothai hethadara, ihandie asang iring nang la awang ha anyahu do thai,
\v 19 Ti aindu nang de koko do thai ara owak Lamolo. Da aningori nang ikara titi ochamitha ho ohethadarak, ti ha atehuna akolon na song.
\v 20 Acha ahabuore no Ojok awang ara achama ti akolon.
\v 21 Ainyong iwak ithai? Aindu nang do thai ho othelek dia amuno karik ohoile le elatuat (ayiji)?
\c 5
\cl Ebwayit 5
\p
\v 1 Ening ohoi ijan owon eleru na monyo hothai, eleru na awang ohothing homok heruk juk ho Gentiles. Ojo arami ijan owon lobo thothai ho feri ha afure no monye.
\v 2 Imuno ie (ethadara) tha athariha? Ohehandani la arami hune ongida aduhuni adi thehiji ho thai.
\v 3 Juk awang ahuan hindang thia ti awon nang tho ohoile, athuk nang angocho othulo le handio arami hune, iring na ajahithere nang la awon dia.
\v 4 Ara ithai hesuduha tho ofure tha la Lamolo lo hothai Yesu, awon ohoile hindang dia karik da akolon(ohobie) lo Lamolo lo hothai Yesu- Athuk nang angocho arami ho othulo lia,
\v 5 di tha fothohina odelia do Sitan di thorohojo ahuan, di isu ohoile di faning ho Lamolo.
\v 6 Awang oyu aminya nahaoi. Awang ie itek ijan omundo ithaije amugathi bokolong?
\v 7 ithaliboyethe ahuandek hathai tho omundu ongoro di won itha ara emuak angejuk (ajin)- ijahitha itha thene amugathi kwong omundo. Do Kristo, oker lo olangit, esorohini.
\v 8 Hamunothi eyom, ike tho omundo ongoro, omundo ho osukatha ho omonyo ha eleru, ti ha amugathi na awang omundo dgwang karik diri diri.
\p
\v 9 Egerok nang do thai di tha amanini hindang da awangan nesuka ho ohothing elerujok.
\v 10 Awang nang ohothing ho monyo ha ahap ne, dia owudorok, dia ohoholak ha abilatha, dia hullo awang oteh Ojok aboite, acha di suka ara na lama tho song awak ijan olo othulo adi tha ahap ne.
\v 11 Ti thene nang le gerio do thai da awangan nesuka ho thulo lobo le longoi olai kuya ahani do Kristo ti lomanya omanyitha he eleru, dia lowudo dia l eruk ojohi aria, dia lo onguo ochamitha, dia ohebothoni, dia ohoholani. Henyo anyari ho othulo lojak ahani.
\v 12 (Angai angocho nang arami ho ohothing ha awang ho own di thua ha amojo), Awang ie ingocho hullo owon di thua ha amojo?
\v 13 Ti ongocho Ojok ohothing ho thelenguai: "Iduhuna othulo lo ohoile lo omonyo tho thai adi."
\c 6
\cl Ebwayit 6
\p
\v 1 Ara ithethena lobo thothai ho lobo, olo inyong do olokiko lo miri do ohongothoni la awang he eruk, tho santohyen?
\v 2 Awang itek ijan osantohyen ofuni ingocho ahap? Ara ingocho ie ahap, awang ie ingohi ara hawang ho bolo bebe?
\v 3 Awang ie itek ohothai ifuni ingocho angelohyen? Angai iwang ohothai ingocho arami ha esuka ne?
\v 4 Ara engocho ie arami ho operak ha amanya, anyo isak ie arami hajak ahani di hithemi ho ohothing ha awang ho owon iring ha athua na amojo?
\v 5 Ajo nang ahani do onyo ie ariri. Awang lobo thihiji hothai holofereho di thaferihina eththena dihiji ho olarok ha ahanerok?
\v 6 Ti iring na won, aboithe leruk alo di lokiko ho lobo leruk, eahini arami di hithemi ho ohongothoni la awang heruk!
\v 7 Ara owon arami di hiji ho Christianohyen onyahi apuaharu do thai. Anyo awang ie ingongok amonyori? Anyo awang ie isak ahuan nahoi thethatumie?
\v 8 Ti eriavu ie karik ethatumio ie homok, olarok ha ahanerok ha/hohoi hulia!
\v 9 Awang ie itek ijan awang ohepalak ho oruthak ahabuore no Ojok? Heruk edualitha. Elerujok, ohomojok do ojohi aria, ho overetho ha angoruo hohothing, elerujok ho obusuha, obusuha ho oferorik obusuha,
\v 10 ohoholak, owudorok, ohebothok, ohomongak ho ohothing, ohethadimak- awang tho song leyaru ahabuoro no Ojok.
\v 11 Ahani ojak homok hothai. Ti athuhi itha amurayo, ti esahini itha alibori, ti esahini ithai abisan ho Ojok tho ofure tho la Lamolo Yesu Kristo karik tho Ohoile Ojok lo ohothai.
\p
\v 12 "Asang bokolong iring najo omanyitha do nang"- ti awang asang bokolong olobori. "Asang bokolong iring najo omanyitha do nand- ti awang nang egema iring najo isong.
\v 13 "Angiriang da ahohe, ahohe da angiriang"- ti iyaru de Ojok isong adi. Ti ahuan ike ara ne eleru, ti ahuan no Lamolo, ara Lamolo esarak da ahuan.
\v 14 Ara Ojok ethadothu bokolong arehai Lamolo karik ohothai tha akolon tha nayong.
\v 15 Awang itha itek ijan ahuandek hathai owoni ara ho Kristo? Eyaru nang ahuandek ho Kristo ethamorik ha amuahi? Awang ho ochihi.
\v 16 Awang ithaiitek ijan othulo le eharuo ha amuak awon ara aboite honyong. Iring negero da manini ho Ojok ijan, "Ara arehai awoni ara aboithe."
\v 17 Ti leharuo ho Lamolo owon ho ohoile aboithe honyong.
\v 18 Ingerotho adi tho amanyitha he lamuak! "Eyatha hamok heyau othulo awang owoni ditha ahuan opuahi di inguai"- ti othulo le leru iyau tha ahuan tha nanyong.
\v 19 Awang ie he tek ijan ahuan nahoi owon ara atemplo no Ohoile lo Olibo, le suka di tha hoi, lo oindu tho Ojok aea ahuan nahoi awang ho owon iring nahoi?.
\v 20 Inyanguni ie enyanguna. Thene imamajie Ojok tha ahuan tha nahoi.
\c 7
\cl Ebwayit 7
\p
\v 1 Thia da asang hegeru ithai do nang: Oyu omiru homok do othulo di wangan aferi ha afure nanyong.
\v 2 Ti tek akemio aindu do othulo na arami ha monyo, ongida othulo isuka ha afure nanyong, ara athulo isuka ho ondee lonyong.
\v 3 Ongida ondee oferi ha afure nanyong iring na fiyo inyong, ara dang afure ahorik ahuan nanyong do ondee lonyong iring na wak inyong.
\v 4 Ikara afure owon ha akolon di huan honyong hama, ondee lonyong lowon. Ahani dang, awang ondee howon ha akolon da ahuan nayong, ti afure anyong nawon.
\v 5 Heluothi ahuandek hathai di feri, harihari ara eruk itha bokolong karik do omiru tibai ho otehi, di isak iyee ahuan nahoi di mojo. Ithai ikoti ifunu amaji aboithe, da awang sitan okemio ie da awangan nahoi ethakolio ahuan.
\p
\v 6 Ti achama nang asang hune do thai tha amojo ikara the eringio.
\v 7 Kodien ithai bokolong iring nang. Ti ohothai abok abok isak ohothai isoritha hamahama, ne ikela tha nabo.
\v 8 Do ha kaang omuthayo ha hayee ondia ajo nang oyu do song do puahan kuong amuthayo, iring nang.
\v 9 Ti ara awang isong ho ongongu, tho muthaye. Oyu do song di muthayo tha awilitha.
\v 10 Thia do ohothing ha muthayo esak neng dothai arul- ikara nang ti Lamolo: "Afure tha awang ho opeha tho ondee lonyong."
\v 11 Ti ara opeha tho ondee lonyong, inyong esuka kuong amutha kuya inyong emora honyong. Karik, "Ondee tha wanga he ida afure nanyong."
\v 12 Ti ajo nang do bokolong (Nang, ike Lamolo) ara owon lobo olai ha afure na awang eruk amuno esuka honyong, awang ho ongaterek inyong.
\v 13 Ara owon dang athulo nagoruo ho ondee la awang eruk amuno esuka honyong, inyong tha awang ho ongaterek inyong.
\v 14 Acha ofithohini de ondee tha afure tha nayong neruk, ara dang owon athulo na awang he eruk afithohini the eruhon tho no ondee lonyong. Aduring hahoi awang ho olibori, ti afithohini isong
\v 15 Ti ara olo na awang ho own iring achristianohyen, idehin inyong thelo. Do hune, awang olai kuya ahani hedep opthitha hosong. Owak Ojok ohothai thesukai thanalik.
\v 16 Angai itek itha, angoruo, ijan ithaluahu ithai ondia hothai? Dia angai itek ithai, obusuha, kuya ilwahu ithai angoruo hathai de?
\v 17 Oyihoi aboithe isukathi haham oyihoi lathuk Lamolo esahina ithai, le longorik isong Ojok. Oyihoi hindang lo da athuahio ha amojo.
\v 18 Abongie lobo thothai de eruhon nanyong? Inyong tha awang he duhu akeritha ha abongo nanyong. Abongie lobo thothai di thifotho honyong? Inyong tha awang ho obongoi.
\v 19 Awang he handio aring nabo ebongo ie dia kabong. Aning nako bebe inyong abangan na efahitha ho Ojok.
\v 20 Ongida ithai hamahama isuka da asang hewon ithai dia he longunere itha Ojok di eruhon.
\v 21 Isuka ie ara ongacha do omiru le longorik ie Ojok? He gigilo hua. Ti ara ahohini ie ijaa, igigiloi.
\v 22 Ara le elongo Lamolo ara ongacha inyong lo Lamolo la awang owon ha arami. Iring loburahini ibu inyong owon he eruk owon ara ongacha lo Kristo.
\v 23 Iyanai ie the enyanga, he wona tha iring ongachani ho ohothing.
\v 24 Olarok ha ahanerok, dia ainyong amanya imanya ithai do omiru le longorik ohoi itha di eruk, hapuahatha ahanyia.
\p
\v 25 Do hullo ha kaang ho omuthayere, awang nang awon he efahit tho Lamolo, ti esahina nang tho nag holefeng iring lesak tha amiehunu tho no Lamolo le thanigio ohothing.
\v 26 Thene, egigilo nang tha arami tha ha abolori, oyu do othulo di isuka iring nesukarik inyong.
\v 27 Ikokolok ie da athulo na angoruo the epitha tha na amutha? Hethifeyo edadaha ija tho ne. Ahouni ie tha afure dia awangan na amuthayo? Hethifeyo afure.
\v 28 Ti ara imuthayo ie, kaang ie iyau. Karik ara omuthayo athulo na kaang omutnayo, kaang inyong iyau eyau nabo. Ti hamuthayo awoni ha aruaji di manya hosong, awak nang afithohina ithai tho song.
\v 29 Ti ajo nang ahana olarok ha ahanerok: Osuk omiru. Thene adihithemi, ohothing ho owon ha afuretho the sukai iring ha awang ho owoni ha afuretho.
\v 30 He kori ongida ojihithi ha kaang he kor; ho omuno iring ha kabong ho omuno; henyangu atitoni, iring ha awang aning naboling,
\v 31 hegema ha ahap iring ha awang owon ha aning nabo nehandie honyong, acha asang ha tha ahap ne hafuni de etohe.
\v 32 Awak nang ithai the sukai kuong egigilitha halwa. Ha kaang ho omuthayo the gigiloi asang ho Lamolo, angai itha munoye inyong.
\v 33 Ti la muthayo igigiloi asang ho tho hop, angai ithamunoye afure.
\v 34 Ibua. Ahani dang do othulo la kaang omuthayo ha hakaang otek ohothing dia ahathing igigiloi asang ha Lamolo, angai ithaliborie ahuan ho ohoile. Ti athulo na muthayo ahani dang, igigilo asang ha ahap, angai ithamunoye ondee.
\v 35 Ajo nang ahani da ayiji nathai, ike di ithorohojo ithai, ti tha abisan, disak itha ahuandek do Lamolo kuong arami hamok
\v 36 Ti ara igigilo lobo awang inyong idefetho amotek tha abangan acha oko awahan bebe, tho omuthaye iring nawak inyong. Oke eyau ne.
\v 37 Ti ara athuk inyong ajaran awang inyong omuthayo, ibu aruha awang, inyong ethawejo eruhon, oyu de donyong ara idehi inyong amuthayo inyong.
\v 38 Thene othulo lo omuthayo amote ihandio nayu, ara lonyimu awangan na amuthayo ehandio nayu bebe.
\v 39 Okokolok athulo nagoruo do ondee lonyong ara amanya nasong. Ti ara oyee ondee lonyong, onyimu inyong ohomuthani lonyong iring nawak inyong, ti do Lamolo titi.
\v 40 Ti do oyirik lobo la angocho omuno inyong bebe ara isuka inyong kuong amuthayo ikoti. Egigilo nang awon nang dang ho Ohoile lo Ojok.
\c 8
\cl Ebwayit 8
\p
\v 1 Da anyari nesahini do ojohi: Itek ohothai ijan itek ohothai arami."Olitho arami ti eruhon oboboloro adihide.
\v 2 Ara ojo lobo otek inyong aning nabo, kaang ode lia ho otek iring neruk inyong itehari.
\v 3 Ti ara owon lobo he eruk do Ojok, otek Ojok inyong.
\v 4 Dinyo angiriang na thuhi esahina do ojohi: Itek ohothai awang "ojohi ho owon iring aning nabo di tha ahap ne," "awang ojok lobo tha Ojok aboithe."
\v 5 Juk alwari sang hajeti - ojohi di dou kuya di hap, iring na awondere "ojohi ha lamolojin,"
\v 6 Ti do ohoi owon Ojok Lmonye aboithe, lo ofvuni asang bokolong thonyong, karik lesukarik ohothai, karik Lamolo aboithe Yesu Kristo, thoinyong isuka asang, karik thoinyong isuka ohothai."
\p
\v 7 Ti awng ohothing bokolong ho otek arami hune. Homok inyaa omojoi do ojohi hosong homonyie, anyie anyari naja nesahini do ojohi. Othajia hosong amonyori acha ojoni.
\v 8 Ti awang anyari ithayaru ohothai do Ojok. Awang ohothai heyu ara inyo ohotha, dia ara iwang ohothia henyo.
\v 9 Ti omijie tuhudi de esuka nahio iring newak ie tha awang hesahi lobo lo ojon de eruk di boso.
\v 10 Ara otehu lobo ie, lo tek arami, di inyo angiriang da athua namojorik ojohi, okara othajia hosong ojoni da akolon na ahosi hasong di nyo angari nathuhi esarahina do ojohi"
\v 11 Thene acha atehan nathai ojohi hulia ara aisong, olai lo ojon dia ahani, lo oyerik Kristo, ethorohoja.
\v 12 Tholia, ara ie leyau do olarok ha ahanerok di iriavuna othajia hosong ho ojoni hullia, eyau ie do Kristo.
\v 13 Thene, ara isarak anyari lalalai ha nanahani aruhitha, awang nang anyo angiriang ikoti, da awang nang esak lalalai ha nanahani apuaharu.
\c 9
\cl Ebwayit 9
\p
\v 1 Awang he suka iring na awak nang? Oke nang lefahat? Kaang atehu Yesu Lamolo? Oke ohothai bokolong ho di gema egema no Lamolo?
\v 2 Ara ikara nang lefahat do homok, juk do thai hama nang lefahat. Ithai inyahi el lefahat hindang da Lamolo.
\v 3 esio hindang ne do ohothing ho okemio nang.
\v 4 Awang ohothai iwon iring homok dinyo ha amatha?
\v 5 Awang ohothai heyaru hohothai afure nawong he eruk, iring neyarik homok ho lefahat, karik olarok ho Lamolo, karik Cephas?
\v 6 Dia ike Barabas ho nang he gema?
\v 7 Ngai le gema iring ogalathanani adumaru ahuan nanyong? Nagi ledulio amana no ovine awang ho onyo ahayo hanyong? Dia ngai le thanyo obore la ahidi awang ho matha alee thia?
\v 8 Achama nang arami hune tha akolon tho no othulo? Okara omanyitha ojo ahani?
\v 9 Acha egeo do Omanyitha ho jo Mose, "Hoibahio ohisumuthu ara irariaru ohima." Owak diri Ojok Ohisum ohisum ho hitua?
\v 10 Oke ohothai diri ochama inyong? Egerohini tho ohothai, acha othulo lo oromo, ongida oromo kuong abangi, othulo le ngongocho the ngongochie kuong abangi di ngara engongocho..
\v 11 Ara iyehi ohoi asang ha alibo di hiji othai, oko bebe do hoi di ngongocho asang hothohop tho thai?
\v 12 Ara ihandio homok tho thai, awang ohothai iwon ha halwa? Ti, kaang ohothai ihandio ahani, ti ongongio ohothai asang bokolong tha awonen ara ohikohit daevangelio no Kristo.
\v 13 Awang hetek ijan ohothing ho igema di templo orumahini angiriang nasong tho templo, ara hegema di altari angaruni tha esorith he sorohini da altari?
\v 14 Ahani osarak Lamolo ijan ohothing he titoyo evangelio orumahini amanya nasong tha evangelio.
\v 15 Ti kaang nang elongo asang hune iring na awak nang. Karik awang nang hegerio ahana di handie aning nabo do nang. Oyu do nang di yee ara ithorohojo lobo aminya hindang ne.
\v 16 Acha ara etitoyo nang evangelio awang nang ethadara, acha egema hindang ne. Amonyo do nang ara awang ang etitoyo evangelio!
\v 17 Acha ara ehandio nang tha amuno, arumak nang esorio. Ti ara ike tha amuno, awon nang he egema nesahini do nang.
\v 18 Ainyong arumak nang nayu? Nara ara nang letitoyo, esarak nang evengelio kuong aduma nang awang ha arumak aning neruk nang irumahina de evangelio.
\v 19 Juk esuka nang olefeng tha asang bokolong, awon nang ara ongacha do hothing bokolong, da eyanu nang olware.
\v 20 Do Ojude nang awon ara lo Ojude, di iyanu isong bokolong. Do hothlohop ho omanyitha, nang awong tholohop ho omanyitha (Juk awang nang tha ahuan awon tholohop ho omanyitha), di iyanu hullo ho tholohop ho omanyitha.
\v 21 do hesuka tho lengua ho omanyitha, nang iring lo thelengua ho omanyitha, (juk awang nang ha awon tho lengua tho omanyitha ho Ojok nang tha ahuan, ti tho lohop omanyitha ho Kristo), de eyanu nang he suka dingua tho omanyitha.
\v 22 Do ho ojon, nang awon ara ojonani, de eyanu dang ho ojon. Awong nang ara asang bokolong do ohothing bokolong, da alwahu nang homok tho oyihothik hamahama.
\v 23 Karik ehandio nang asang da evangelio, da arumak nang ethajohitha hanyong.
\v 24 Awang ithai iteh ijan di ruatha ongero oheruathak bokolong, ti aboithe orumak aning ne ruatharik? Ingero di rumahina aning neruatharik ne.
\v 25 Ohongetani ihuhumio ahuan de thalimio. Ihandie ahani di rumahina ecorie na athuya na muyak kuak, ti engero di rumahina ecorie na athuya na awang ho omuyak.
\v 26 Di awang nang ha angetha kuong arami kuya asanduk tha bahio ahomua.
\v 27 Ti edefetho nang ahuan hindang esuka iring angacha, da ara ara athuk nang lathuk etitoyo do homok, nang tha ahuan awang he idari.
\c 10
\cl Ebwayit 10
\p
\v 1 Awak nang ongida ithai itek, olarok ha ahanerok, ijan esuka omonyehio ho ohothai tholohop ha eramuho karik avuoi tha la ahari nahito.
\v 2 Ebaptisie isong ditha Mose di tha eramuho karik di tha ahari nahito,
\v 3 anyi angiriang aboithe no ohoile,
\v 4 amathai, amatha no ohoile. Acha amathai amorong no ohoile na athiforo isong, amorong nya inyong Kristo
\v 5 Ti awang Ojok omuno ha aria ho song. Ahuan hasong amuyak di tha ohidiefo.
\v 6 Ethamijani ne do ohothai, tek ohothai iyeyo asang ha monyo iring nedandio isong.
\v 7 He thahabuyethe ojohi iring nanya ho song na - iring negero," Awoni ohothing dihap dinyo ha amatha, adothoi disur di ferorik ahuandek."
\v 8 Ongida ohothai awang he yau the eleru, iring ne handierek isong, ara esiha athomone ahehai ha ahunihoi enyahit tomon ayeethi do ofaning aboithe thoinyong.
\v 9 Ongida ohothai awang hesak Kristo di kemio, iring ne handio holwa hosong ara amunu atoho isong bokolong.
\v 10 Irorongoi, iring ne handio holwa hosong, atohori isong tho angelohyen la ayee.
\v 11 Ofuk asang hune dosong ara ethamijani do ohothai, egeroi di talimierek ohothai - do ohothai he chuhorik operi.
\v 12 Thene othulo lowak esuka tho mije tuhudik tek inyong apuaharu.
\v 13 Awang akemio do hoi no ohothing bokolong di tha ahap; ti othifotho Ojok arami hanyong: Awang isak ie da akemio na kalaru akolon na hoi, ti tha akemio nathuk inyong esahina oyihoi la buraru di ingongu ie inyong.
\p
\v 14 Thene, hamuno nang, engerotho adi tho ojohi hoyeyo ohothing.
\v 15 Achama nang do thai ara ohothing he gigilo, di bongiere itha anyong ajo nang.
\v 16 Ohutie la ajohio le johio ohoi, ike angara di hotho no Kristo? Apane ne wurio ohothai, ike angara di huan ho Kristo?
\v 17 Acha owon amugathi aboite, juk ilwa ohothai ahuan aboithe, ohothai ingara ara aboithe amugathi.
\v 18 Omijethe do ohothing ho Israele: Ike isong ho nyo esoritha angarai da altari?
\v 19 Ainyong ajo nang? ojok le huhumie iring aning nabo? Dia angiriang ne soriere ojok owon ara aning nabo?
\v 20 Ti ajo nang, da asang he sorio apagani ha Gentile, isorie sang hune do Ohoilehio ho omonyo ikara do Ojok. awang nang awak ithai di ngara ho ohoilehio ho omonyo!
\v 21 Awang ie imatha tho ohutie lo Lamolo karik tho ohutie lo Ohoile lo omnyo. Awang ie he suka iring othulo le suka di bele ho Lamolo karik di bele ho ohoile lo omonyo.
\v 22 Dia iwak ohothai eyanu ohaine da Lamolo? Ikol ohothai bebe tho nyong?
\p
\v 23 "Asang dang ara omanyitha," ti awang ho oyu asang bokolong. "Asang dang ara omanyitha," ti ike asang bokolong ihuhumio ohothing.
\v 24 Awang lobo lo thifeyo ayiji nanyong, Oyu do othulo dithifeyo ayiji no othulo lo onyiha honyong.
\v 25 Onyie asang bokolong he thanyangie da amaisok he thanyangierek kuong egigilitha tho thaji.
\v 26 Ahap ne no Lamolo, fodok nayong."
\v 27 Ara ilongo ie lawang heruk da angiriang, ie iwak aden, onyie kuong ethithifa tho thaji aning ne sahini di hithemi hohoi
\v 28 Ti ara ojo lobo do hoi, "Angiriang ne tha esoritha ha apagani," hoinyo. Tha ahuan tho no othulo lo nayahi do hoi, karik tha egigilitha.
\v 29 Awang ajo egigilitha ha hoi, ti egigilitha ho ohothing homok. Angai ongocho homok aning na awak nang the egigilo tho no homko?
\v 30 Ara angara nang anyari tha amuno, anyo omorie nang da aning esank nang do nyong humo.
\v 31 Thene, ja inyo ie dia imatha ie, kuya ainyong ihandio ie, ihandie di ithahuyere Ojok.
\v 32 He thamor Ojude, Ogrik dia ahang na amojo no Ojok,
\v 33 iring na awahari nang ethamunoyo ohothing bokolong tha asing bokolong, ike dethayijerek na ahuan hindang, ti ayiji no ohothing bokolong, di esu isong.
\c 11
\cl Ebwayit 11
\p
\v 1 Omiruna nang, iring na amirunere nang Kristo.
\p
\v 2 Ethahuyo nang ithai acha eyu ithai nang da asang bokolong ithai idep iring nayu omanyitha honya oberien iring nesahinerek nang dothai.
\v 3 Dini awak ithai tho oteha ijan Kristo di hu no ohothing bokolong, ara othulo awon di hu ha athula nangoruo, ara Ojok awon di hu ho Kristo.
\v 4 Othulo lo omojo kuya epropheta ibu ahu nanyong emuho olau ahu nanyong.
\v 5 Ti angoruothi na mojo kuya epropheta ibu ahu nanyong awang hemuho olau ahu nanyong. Acha aning narijoro aboithe na arijoro ha ahu nayong na kitha.
\v 6 Ara awang athulo na angoruo he imuhok ahu nanyong, ongida inyong ongerio ohofir iring ho osuk. Ara omonyo da athulo nangoruo di ngerio ohofir kuya di kicho ahu, inyong themuhok ahu.
\v 7 Awang ahu no othulo imuhie, acha inyong arijori karik ethahuo no Ojok. Ti athulo inyong ethahuo no othulo.
\v 8 Acha ike tha athulo ihuhumuni othulo, ti athula tho othulo.
\v 9 Acha awang ho oyeuni othulo da athulo, ti oyeuni athulo do othulo.
\v 10 Inyong nesarak athulo ethamijani ne lahabuore dihu honyong tha angelohyen
\v 11 Ti, da Lamolo, awang athulo he suka iring na awak inyong tho othulo dia isuka othulo iring nawak inyong tha athulo.
\v 12 Iring naindunerek athulo tho othulo, oindu dang othulo tha athulo. Ara asang bokolong avuni tho Ojok.
\v 13 Ongochethe tha ahuandek tha hathai: Oyu da athulo di mojo do Ojok ibu ahu nanyong awang he muho?
\v 14 Awang itha itehu tha ahuandek tha hathai ijaran ara ohodo ohofir ho othulo, iyanu amonyori donyong,
\v 15 ti ara own athulo ho ohofir hohodori, iyanu ethahuo donyong? Acho ohofir hullo isahini donyong ara emuhit.
\v 16 Ti ara owon lobo lowak ethafereyo hune, awang ohoi he won ho homok omanyitha, juk athuahio ha amojo ho Ojok.
\p
\v 17 Do otienitha ho vuni hulya, awang nang ethahuyo ithai, acah ara itha ara itha he suduha, ikere tha nayu, tha an monyo.
\v 18 Di eterio, aningu nang ijan ara ithai hesuduha dithua ha mojo, awon ebuabua di hiji hothai, eruk nang tibai.
\v 19 Kuya owon de obotok dihiji hothai, da ara heruhi atehi dihiji hothai.
\v 20 Acha ara ithai hesuduha, ike Eucharasia no Lamolo ne nyo ithai.
\v 21 Ara itha henyo, inyo ithai omonyie angiriasik hathai kaang homok honyo angiriasik hasong. Oleng ahure lobo, ara lobo ebozo obalu.
\v 22 Awang ithai he won ha ahangithek henyo ithai karik itha imatha dia? Ilau ithai athua na mojorik Ojok ara ithai isak ariri do ho awang ha aning nabo? Ainyong ngona achama nang dothai? Amuno nang ithai? Awang nang amuno ithai tho hune!
\v 23 Ethafothu nang tho Lamolo ainyong ethafothok nang do thai, Lamolo Yesu do oharie le thanyangahinerek inyong, eduhu apane,
\v 24 ajara athuk esahina humo, apinyo ajo,"Ahuan hindang na, do thai; ihandietha ahani di iyunerek nang."
\v 25 Athuhon an anyo iring ne edudu ohutie, ajo, "Ohutie lo emora angejuk dihotho honang. Ihandiethe ahani ara itha he matha inyong, di iyunerek nang."
\v 26 Do omiru bokolong henyerek ithai apane itha imatha tho ohutie lo, ochamai bebe ayee no Lamolo man anyahuna nayong.
\v 27 Thene, othulo lonyo apane dia amatha tho ohutie lo Lamolo tho oyihoi tho lo omonyo, ipal da ahuan karik ahotho na Lamolo.
\v 28 Ongid othulo ingengelio ahuan kaang he handio aning nabo, ahani tho onyie apane karik tho omathai ohutie.
\v 29 Othulo lo onyo amaza kuong atehan ahuan, onyo karik omaza angotho dihuan honyong.
\v 30 Inyong na muai holwa hothai, athuk homok hothai ayeetha.
\v 31 Ti ara ingengelio ohotha ahuandek hahothai awang ho ongochie ohothai.
\v 32 Ti ara Lamolo langocho ohothai, esuka ohothai ara ho oyu, da awang ohothai otohori ha ahap.
\v 33 Thene, ha lalalai ha hanahani, ara ithai hefunu ara aboithe dinyo, ithilayethek ahuandek.
\v 34 Ara othulo lo oleng ahure, thonyie di hang, dara ara itha hefunu aboithe ikara iring hofuni di ngocho. Karik da asang hegerok ithai, esak nang de oyihoi ara nang lanyahu.
\c 12
\cl Ebwayit 12
\p
\v 1 Da esoritha ho ohoile, olarok ha ahanerok, awang nang edehi itha ara ha awang ho oteh arami.
\v 2 Itek itha do omiru honya iwonarik itha ara apagani, ithaliche ithai do ojohi ha awang obucho ahuthuhie, ara ithai eruk isong di thalicho ithai.
\v 3 Thene awak nang ithai atehan ijan awang lobo lochama tho Ohoile tho lo Ojok ajo, "Yesu inyong elama," karik awang lobo lojo, "Yesu inyong Lamolo," harihari tho Ohoile lo Olibo.
\p
\v 4 Dia owon esoritha hamahama, ti ohoile aboithe.
\v 5 Karik owon elongitha hamahama, ti inyong Lamolo aboithe.
\v 6 Karik owon egemathihiet hamahama, ti inyong Ojok aboithe loyeu egemathihietndo othing bokolong.
\v 7 Dia isahini da abok abok aleyori no tho lengua no ohoile da ayiji no ohothing bokolong.
\v 8 Esahini do lobo ohoile ochame le elfioro, do lobo atehan tho inyong ohoile lia aboithe.
\v 9 Do lobo esarak eruk tho ohoile lia aboithe, karik do lobo esorio nethaijo no ohomuak tho ohoile aboithe lia,
\v 10 Karik do lobo egema na akolon, karik do lobo prophetas, do lobo akolon ne ebuayo ohoilehio, do lobo achama ohuthuhie holwa, karik do lobo enyanyahio no ohuthuhie.
\v 11 Ti inyong ohoile lia boithe igema da asang hune, isarahinda esoritha da aboithe aboithe hamahama, inring nawak inyong.
\p
\v 12 Acha iring nawondere ahuan aboithe awon ha apehitha ara isong awon ara apehitha ha ahuan aboithe ne, ahani dang do Kristo.
\v 13 Acha do ohoile aboithe ibaptisie ohothai da ahuan aboithe, jia Ojude kuya Ogrik, ongacha dia lesuka iring nawak inyong, ehuhumie bokolong di matha ohoile aboithe.
\v 14 Ike ahuan issuka tok aboithe, ti olware.
\v 15 Ara ojo aheju, "Ikara nang ahine, ikara nang da ahuan," Awang ho own ara ahuan.
\v 16 Karik ara ojo ehiok, "Acha ikara nang ahonyek, awang nang tha ahuan," Awang ho owon ara ahuan.
\v 17 Ara owon ahuan bokolong ara ahonyek, dingai iruk ehiok isuka? Ara owon ahuan bokolong ara ehiok, dingai iruk ohimok isuka?
\v 18 Ti ofethak Ojok asang ha ahuan iring nawak inyong.
\v 19 Karik ara isong ara aboithe, dingai iruk ahuan iwonen?
\v 20 Dia olwari apehitha, ti ahuan aboithe.
\v 21 Awang ahonyek ojo da ahinang, "Awang nang awak ie."
\v 22 Ti apehitha ha ahuan ha awang ho oleyo iring hayu owoni he egema nabolo bebe.
\v 23 Da apehatha ha ahuan ha ajak egeme nasong holeyo, he sahina do song abangan nabolo, ara ahuandek hahothai hawang ho oleyo ara hayu awoni ha ayiji.
\v 24 Dia ahuandek hahothai haleyo awang ho otihie iring hayu, ahca owoni honyong, ti athuk Ojok emorihina apehatha aboithe, esak abolori do do ha awang hosong.
\v 25 Ihandio inyong ahani da awang dihuan, ti apehatha omijie ihuandek hosong amuno aboithe.
\v 26 Ara omuai nabo apehatha, bokolong amuai isong. Dia ara ithahuye nabo, amuno hamok huna honyong aboithe.
\v 27 Dia ithai ahuan no Kristo ara abok abok apehatha hanyong.
\v 28 Ara Ojok anyimok di thua ha amojo helefahat ara ohethemok, opropheta ara ho othifok, ohetienak ara ethahunihi, dia ohegemak ha asang hahitua, karik esoritha halwahierek ohmuak, hesak alwaha, hullo hegema iring hedafetho ohothing bokolong, karik ho chama ohuthuhie holwa.
\v 29 Ara ohothai dang helefahat? Igema ohothai asang habolo bebe?
\v 30 Iwon ohothai ha esoritha hethayijerek ohomuak? Ichama ohothaimohuthuhie holwa?
\v 31 Tha amuno othifeyethe esoritha ha bolo. Ethayithak nang oyihoi lo oyu bebe.
\c 13
\cl Ebwayit 13
\p
\v 1 Ara achama nang tho ohuthuk tho lo ohothing karik lo angelohyen, ti ara awang amuno, awon nang ara ongong kuya ara ehathir.
\v 2 Karik ara awon nang ha esorit na prophetas nang atek arami ha diri ha awang ho oleyori ha arami bokolong, karik ara awon nang ha eruk di idohotherek odongiok, ti ara awang nang awon ha amuno, okara nang ara aning naboling.
\v 3 Karik ara esarak nang asang ha awon nang hosong ditha nyerek ha awang ha asing hamok, karik ara esak nang ahuan hindang tho omudie, ti ara awang nang ha awon ha amuno, ikara nang aning nabo.
\v 4 Amuno inyong ethalihina no othaji; awang amuno ohain kuya ithadara, ikara aminya
\v 5 kuya engere. Awang ho omijo da ahuan nanyong awang he izuhio epalitha ho ohthing.
\v 6 Awang ho omuno do ohothing ha awang oyu, ti omuno da arami ha diri.
\v 7 Ongongio iyaru asang bokolong, eruk asang bokolong, awang ho bang da asang bokolong, omanya mak tha asang bokolong.
\v 8 Awang amuno ho owon he echuhon. Ara owon oprphetas; ovuo de adi; ara owon ohuthuhie, owethai de; ara owon atehan, olithoi de adi.
\v 9 Acha itek ohothai tibai ohothai dang ipropheta tibai,
\v 10 Ti ara lo olibo laindu, lakabong othuho alo adi.
\v 11 Do omiru la awondere nang ara okalifonit, egigilo nang iring okalifonit, achama nang irirng okalifonit. Aja nang awon ara othulo la abolo, nang esak adi asang he elakalifinok.
\v 12 Dia etihio di miraya, iring ditha arijori neriok, ti da ahomong ha ahomong. Thene atek nang tibai, ti atek de nang fodok iring na ateharik nang.
\v 13 Ti do ne owon asang ahunihoi hohofithoro: Eruk, awangan na abangi, karik amuno; ti na abolo tho song bebe inyong amuno.
\c 14
\cl Ebwayit 14
\p
\v 1 Othifeye amuno karik egemai bebe di rumahaina esoritha ho ohile, okalaru di rumahina elaprophetas.
\v 2 Acha lo owon ho ohuthuk awang ho ochama do ohothing ti do Ojok., acha awang lobo lo otek ainyong ochama inyong acha ochama inyong asang he dima do ohoile.
\v 3 Ti lonyahi arami ho muai, ochama do ohothing di huhumio isong, ithanerejo isong, karik di ithaliborio othajia hosong.
\v 4 Lo ochama ohuthk ithaijo ahuan nanyong, ti lonyahi arami ho muai ihuhumio athua no Ojok.
\v 5 Awak nang kodien ithai di chama ohuthuk, ti nakalaru fodok, Awak ithai di nyahina arami ho muai. Lonyahi arami ho muai obolo tho lo ochama ohuthuk(harihari ara owon lobo le loicho tha ahuthuk tha na atehi), do obobolororo Athua no Ojok.
\v 6 To do ne olarok ha ahanerok ara aindu nang do thai nang achama to ohuthk la awang itha itek, ainyong irumak ithai nayu de, harihari ara achama nang do tha anyahina, dia tha atehan, kuya tha anyahina arami ho muai?
\v 7 Ara asang ha ahuthai kuya ha abahie iring asakile, dia ahadori awang he iyane omurut lo le kela, angai de oteh lobo ijan nani ehidong nabahie nya?
\v 8 Ara ohuthai oburuji kuong omurut lo oyu, angai de otek lobo ijan awon omiru lo ovuarik di fere?
\v 9 Dia owon hohoi: ara eramu ie ochme la awang ho ojinga di hosi ho ohothing, angai otek homok ainyong ichama ie? Ichama ie ti awang lobo lo oteh inyong ichama ie.
\v 10 Owon ohuthuhie alware ho otek ohothing di tha ahap, bokolong oyiji do ho otek.
\v 11 Ti ara awang nang atek ainyong ojo inyong ohuthuk, awon de ara laindu ainduna do ohochamani, ara ohochamani awon ara loindu ainduna do nang.
\v 12 Iring dothai: Da awahan nathai aleyori no ohoile, igemathi bebe iring na akalaru di ihuhumio athua na amojo.
\v 13 Lo ochama ohuthuk tho omojoi ijan di iloicho inyong ohuthuk tho lobo.
\v 14 Acha ara amojo nang tho ohuthuk, omojo ohoile hindang, ti awang ahu dindang orumak aning nabo.
\v 15 . Ainyong ehandio nang? Amojo nang ho ohoile hindang, ti amojo nang dang ha ahu hindang. Edolo nang ho ohoile hindang, nang edolo dang ha ahu hindang.
\v 16 Ainyong ayiji, ara ithahuye ie Ojok ho ohoile, angai de ojo lothengua "Amen" ara isarak ie humo, ara awang inyong otek ainyong ijo ie?
\v 17 Esak ie humo iring nayu ve, ti awang othulo lobo le he huhuma iring nayu.
\v 18 Ajo nang humo do Ojok di chama honang ohuthuhie holwa tho thai,
\v 19 ti di mojo oyu do nang di ichama ochamitha miet ha atek nang de etieniere nang homok, di chama ochamitha amiyaha esihi tomon tho ohuthuk tho lo oko.
\p
\v 20 Olarok ha ahanerok, he gigilothi iring akalifinok hoho mutha, Ara, da arami ho sitan, isukathi iring aduru hatik, ti igigilothi iring ha abolo.
\v 21 Di osukatha ha amanya egero, "Tho othulo tho loko ohuthuk karik tho obiuha tho hekela Achama nang do ohothing hulia; juk awang isong ho oning nang," ojo Lamolo.
\p
\v 22 Thia ohuthuhie owoni ara anyahina, ike do he eruk, ti do ha awang eruk. Ti anyahina arami ho tho hithemi ara anyahina, ike do ha awang he eruk, ti do he eruk.
\v 23 Ara, osuduha athua no Ojok aboithe achama ohuthuk aboithe, ara ohothing hothodak ha ohothing ha awang eruk avunidithua, awang isong de hojo inananga ie?
\v 24 Ti ara ithai ara honyahi arami ho muai ara ha awang eruk kuya hothenguai avuni di thua, ongochie de inyong tha arami bokolong ha ning inyong, Angochie inyong tha arami tha hachamai bokolong,
\v 25 karik anyahini asang hedima dithaji honyong, do opuaharu inyong tha ahomok, di mojori Ojok anyahi ijan owon Ojok diri dihiji hothai.
\p
\v 26 Ara ainyong koti, olarok ha ahanerok? Ara ithai hevunu ara aboithe, ithai abok abok iwon ithai ho oyele, etienio, anyahina, ohuthuk kuya ohothaloithoni. Egemathi asing bokolong di ithabolorierek athua no Ojok.
\v 27 Ara ochama lobo tho ohuthuk, isong thewana ahehai omonyo omonyo ahunihoi, ethalefoi ethalefo; ara lobo eloicho ochamitha ho ochamai.
\v 28 Ti ara owang ohethaloithoni lo ochamitha, isong abok abok tho odularu di thua ho Ojk ara inyong achama da ahuan nayong ho Ojk.
\v 29 Oprophetan arehai tho ochamai, ara homok ethanigio tuhudik da arami ha achamai.
\v 30 Ti ara esahini atehan do lo woni da amaji negema othulo le ithabuho achama tho odularu.
\v 31 Acha ithai abok abok ipropheta di elimo aboithe aboithe karik ara ithai idhu akolon,
\v 32 Acha ohoile lo prophetas owon di hinang ho oprophetas.
\v 33 Acha Ojok lo okara ara Ojok le thorohojo ohothing, ti le emora.
\v 34 Iring na wonderek inyong da athuahio ha amojo ho santohyen, athulo na angoruo tho odularu di thuahio ha amojothihien. Acha awang isahini isong di chama, ti ongida isong iruhi, iring najo omanya.
\v 35 Ara owon aning nawak isong ethalimo, isong thefiye ondia hosong di hang. Awang ho oyu da athulo nangoruo dichama da amaji na amojo.
\v 36 Oyindu ochame lo Ojk thohoi? Do hoi hamaring oindu inyong?
\p
\v 37 Ara igigilo lobo ijan inyong opropheta dia ohoile, ongida inyong otek ijan asang he gerok nang do thai ofuni ara esingitha tho Lamolo.
\v 38 Ti ara owang lobo omijo isong iring hayu, awang de dang otehi inyong.
\p
\v 39 Thene. olarok ha ahanerok, omijethe di iwonan ela propheta, karik heluothi lobo di chama tho ohuthuhe holwa.
\v 40 Ti the handie iring nayu tho oyihoi tho olibo.
\c 15
\cl Ebwayit 15
\p
\v 1 Thene ethayihi nang ithai, olarok ha ahanerok, evangelio ne etitoyo nang do thai, ne ethuk itha efothuna karik newetharik ithai,
\v 2 ne ethasuyerek ithai, ara idefetho ithai ochame lo Ojok la athuk nang ithai etitoyo iring nako - harihari ara eruk ithai ija.
\v 3 Acha esak nang do thai aning nako bebe aning nefothu nang dang: Ijan oyee Kristo tha eyatha tha hahothai iring najo ochame lo Ojok,
\v 4 anuhahini, athadothuni inyong do ofaning ethahunihie iring najo ochame lo Ojk.
\v 5 Aleyo do Cephas, thia do tomon lo arehai.
\v 6 Thia aleyo do do olorok ho okalaru amiyaha enyahitha miet ha ahanerok aboithe, homijo holwa hosong ahanana, ti athuk homok aferi.
\v 7 Thia aleyo do Yakobo, thia da ho lefahat bokolong.
\v 8 Di holu bokolong, aleyo do nang, iring da akalifonit na ayisunido omiru ho omonyo.
\v 9 Acha nang aholu na helefahat, la awang hoyu di ilongo lefahat, acha atohio nang athua na amojo no Ojok.
\v 10 Ti tha agaracia tho no Ojok awong iring na awonderek nang ne, awang agracia nanyong do nang ho okar. Ti egema nang bebe nakalaru nasong. Ti ikara nang, ti agracia no Ojok nawon do nang.
\v 11 Thene dia nang kuya isong, ahani ititoyo ohoi karik ohoi eruk ahani.
\p
\v 12 Thene ara Kristo le titoye iring lo odohuni tho yee, angai ojo homok hothai awang ebuhuna tho ohoyak?
\v 13 Ti ara awang ebuhuna no ohoyak, thene juk Kristo kaang ho ethadothuni.
\v 14 Ara kaang ho ithadothuni Kristo, thia etitoyo nahoi alo ija, ara eruk nathai daang alo ija.
\v 15 Arumahini ohoi ara ohomijak ho oduala do Ojok; acha echama ethadualio do Ojok, ijan etha dothok Kristo, kaang inyong he ihandio.
\v 16 Acha ara awang ohoyak ho odotho, juk Kristo kabong hethadothuni.
\v 17 Ara kaang hethadothuni Kristo, eruk nathai alo ija ithai irasak de eyau na thai.
\v 18 Thia hullo ho oyee do Kristo athuhi dang amuyahi.
\v 19 Ara iwon ohothai da amanya ne ingere amanya naindu do Kristo, tho ohothing bokolong, omiehini de ohothai.
\p
\v 20 Ti nathuhu adohunerek Kristo tho yee, ahayo he eteri ho ohothing hayee.
\v 21 Acha ara oindu ayee tho othulo, tho thulo dang oindu ebuhuna no ohoyak.
\v 22 Acha iring na ayerik bokolong da Adam, do Kristo dang omijo ohothing.
\v 23 Ti aboko abok tho oyihoi tho lonyong: Kristo, ahayo he eteri, thia ho owon ara ho Kristo omije de da ainduna anyong.
\v 24 Etohon nya, ara Kristo le thafothok ahabuore do Ojok Lamonye, ara lethawejo omanyitha karik ohobie ha akolon.
\v 25 Acha ongida inyong idefetho ahabuore man inyong esahini omerok honyong tho lohop ahejek hanyong.
\v 26 Omethononi lo otohori aholu inyong ayee.
\v 27 Acha, "athuk inyong esahina. asang bokolong tho lohop ha ahejek hanyong." Ti ara ajo "athuk esahini asang bokolong," oleyo theleer ijan awang he isak ho lesak asang bokolong tho lohop honyong.
\v 28 Ara asang hawon tholohop honyong, thia ara onlonyi tha ahuan awon tholohop ho le sak asang bokolong do nyong, ara Ojok la Monye awon bokolong do bokolong.
\p
\v 29 Dia ainyong de ohandio hathuhi ebaptisio do ho oyee? Arabawng hethabuhuni ohoyak de, anyo ebaptisie isong dosong?
\v 30 Anyo isuka ohothai tha abangi omiru daang?
\v 31 Olarok ha ahanerok, tha tha ethadara tho hindang do thai, na awon nang do Kristo Yesu Lamolo lo ohothai, elolongok huna: Iyee nang juui.
\v 32 Ainyong arumak nang nayu, iring othulo, ara ethangafio nang echani hamonyo di Ephesus, ara awong he ethadothuni ohoyaak? "Hanyethe ohothai imatha, acha moithe ohothai iyee."
\p
\v 33 Heruhotho ethatuma: "Esuka ho ohothing ha awang ho oyu ithorohojo omanyitha ho oyu."
\v 34 Hebothothi! Isukathi nayu! Herasathi eyauna. Acha homok hothai awang ho otehi Ojok. Ajo nang ahani di sahinere ithai ariri.
\p
\v 35 Ti ara de lobo ajo, "Angai ithabuhuni hathuk ayee? Ahuandek hajak angai ofunerek isong?"
\v 36 Awang ithai itek arami sei! Awang aning nedulak ie heterio abuluna ara awang ho oyee.
\v 37 Ikara aning nedulak ie inyong owon ara ahuan de, ti ohinyomo- kuya aindu ara ohimai dia ara aning nabo nekela.
\v 38 Ti isak de Ojok ahuan donyong iring nanyimu inyong, do ohinyomothi aboithe, ahuan nayong hamaring.
\v 39 Awang ahuandek orijoro, ti owon ahuan aboithe no ohothing, nabo ahuan ne echangi, nabo ahuan na ahuen, nabo no ohom.
\v 40 Owon asang hotho hide karik asang hothohop. Ti ethahuo la asang hotho hide owon ara nabo karik ethahuo no thohop ara nabo.
\v 41 Owon ethahuo no oholong, owon ethahuo no oyefa, nabo ethahuo no ohiliefi, acha ikela ohiliep tho lobo ohiliep de ethahuo.
\v 42 Ahani dang de ebuhuna no ohoyak. omuyak aning nedulahini, aning nabulu awang ho muyak.
\v 43 Awang idulahini tha nayu, ethadothuni di thahuyo. Idulahini tha ajonan, ethadothuni do ohobie.
\v 44 Idulahini iring ahuan ahani, ethadothuni iring ahuan no ohoile. Ara owon ahuan ahani, owon dang ahuan no ohoile.
\v 45 Egero dang, "Othulo lechak aleyori Adam awon ara ohoile le suka." Adam la aholu awon ara ohoile le sario esu.
\v 46 Ti kaang ohoile oyindu ahithemi ti aning ne tehu ithai, dia hathi asang hawon ara ohoile.
\v 47 Othulole eteri inyong ara la ahap, le huhumie tha aboro. Othulo eterehe oindu tho hide.
\v 48 Iring le huhumie tha aboro, own dang homok hehuhumie tha aboro, Karik iring no othulo lo tho hide, owon dang homok tho hide.
\v 49 Iring na yisunerek ohothai da arijori no othulo le huhumuni tha aboro, iwon ohothai de dang ha arijori no othulo lo tho hide.
\p
\v 50 Thene ajo nang ahana, olarok ha ahanerok, ahuan ha ahothing awang ho oruthahini ahabuore no Ojk; dia orutha aning nawang ho omuyak aning namuyak.
\v 51 Otiha! Anyahi nang dothai hadiri: Awang ohothai iyee bokolong, ti iloitho ohothai de bokolong.
\v 52 Iloitho ohothai de do omiru lomutha, da amuthahina na ahonyek tibai do oburuji la aholu. Acha ohutha de oburuji, ara ohoyak ethadothuni iring ha kabong omuyak, ara ohothai eloitho.
\v 53 Acha hamuyak hune thesak awangan na amuyahi, ara ahuandek hayee hune esarahini dihuan awangan na ayee.
\v 54 Ti ara hamuyak hune hesak hawang ho omuyak, ara hayee esahini hawang ho oyee, arijoro do ochame legero, athuhi adiloro ayee tha abahio thono ometononi."
\q
\v 55 "Ayee, naja engere nahoi? Ayee, nanja angorio nahoi?"
\p
\v 56 Angorio na aye inyong eyau, araakolon ne eyau inyong omanyitha.
\v 57 Ti humo do Ojok, lesak ohothai di ngatere omerok tho lo Lamolo Yesu Kristo!
\v 58 Ahani ithai halalalai ha nanahani, isukazi ara nako, ha awang heruk ehuthohina, juui egemathi egema no Lamolo, acha ithai ijan egema nathai da Lamolo awang ho okar.
\c 16
\cl Ebwayit 16
\p
\v 1 Thene da arami ha eduduhio no santohyen, iring na anyahinere nang athua na amojo no Galatia, ongida ithai ihandio ahania.
\v 2 Do ofaning oithaboithe lo olahat, ithai abok abok thesak aning nabo orobokang ithai ikanak dihide, iring nechohi ie, da awang eduduhion ara nang laindu.
\v 3 Ara nang leduong, nang efahak othulo le nyimu ithai ha amanini di ithafothohini esoritha hathai di Yerusalem.
\v 4 Ara oyu do nang di inden, avuo ho nang.
\v 5 Ti ayindu nang dothai, ara alo nang tholo Macedonia- aindu nang tholo Macedonia,
\v 6 Kuya nang esuka hothai dia hibu nang engohi ohiribo, do luahio ithai nang da adahathihien hundang da ame na adere nang.
\v 7 Awang awak atehuna ithai thene omiru lomutha, acha awak nang esuka hothia omiru lobolo, ara iruk Lamolo.
\v 8 Ti esuka nang di Ephesus man ofaning lo Pentecoste,
\v 9 acha anga oyihet do nang ara lobolo, karik alwari omerok.
\p
\v 10 Thene ara Timoteo laindu, otihiethe ijan ongida inyong isuka hothai ara la awang ho obang, acha inyong legema egema no Lamolo, iring nang.
\v 11 Awang lobo olau inyong. Olwahiethe inyong do oyihoi lonyong le emora, do oyindu do nang, acha nang lethilayo inyong diyinduna ho olarok.
\v 12 Thene ara olai lohothai Apollos: Ewiwilio nang inyong di iyinduna ithio ithai ho olarok, ti ojo awang inyong oindu thenene, ti oindu de ara owon inyong ho omiru.
\p
\v 13 Omijethe tuhudi, idefethethe eruk iring nayu, ijahithathi nang, okolotho.
\v 14 Ahandiethe asang bokolong hehandio ithai tha amuno.
\p
\v 15 Itek ithai ahang no Stephanas, isong ichak eloitho da Akaya, athuhi esahina ahuandek hasong de egema no santohyen. Thene awak nang ithai, olarok ha ahanerok,
\v 16 di iruk arami ho ohothing hojak ahania, karik do ohothing bokolong ho olwahio de egema hohoi.
\v 17 Amuno nang da ainduna no Stephenos, Fortunatas, karik Akaikus; alwahuni nang ibu itha iwang.
\v 18 Enyahuni ohoile hindang ho lothai. Otehatha ohothing hojak ahani.
\p
\v 19 Athua na amojo no tho Asia ithaparuni emanda dothai. Aquila karik Prisca ithamandaye do Lamolo, ha athua na amojo nawon di hang hosong.
\v 20 Ethamandayo ie olarok ha ahanerok. Ithamandahina abok abok the ajuna tha nadwa.
\p
\v 21 Nang Paulo, igerio za ahinang zohindang holefeng.
\v 22 Ara owang lobo omuno Lamolo, ilamahini inyong adi. Lamolo lohozai oindu!
\v 23 Agracia no Lamolo Yesu Kristo owon dozai.
\v 24 Amuno hindang zewona dozai bokolong zo Yesu Krist.