lky_reg/46-ROM.usfm

\id ROM
\ide UTF-8
\h Roma
\toc1 Roma
\toc2 Roma
\toc3 rom
\mt Roma
\c 1
\cl Ebwayit 1
\p
\v 1 Paulo, ohoigyemani lo Yesu Kristo, ilongoi diwonan ara ohifak, esarahini arakang d’evanjelio n’Ojok
\v 2 neruhok inyong berien thohocorok dith’amaninihio hadwa
\v 3 H’Olonyi lonyong lofuhu tho Davide ara othulo.
\v 4 Th’akolon thon’Ohoile l’adwaran, inyong lonya ilolongohini ara Olonyi ‘Ojok th’ebuhuna th’ohoyak, Yesu Kristo Ohobu lohothai.
\v 5 Tholonyong, ethuk ohothai efothuna alwahio karik awonan ara l’ohoifahak d’eruhohina neruhon dihiji h’ohothing h’amisok, th’arami thoh’ofure lonyong.
\v 6 Dihiji h’amisok hune, elongoi ithai nya diwonan ara ho Yesu Kristo.
\p
\v 7 D’ohothing fodok howoni di Roma, homuno Ojok, karik elongoi diwonan ara ohothing honyong hodwa: alwahio dothai karik elik nahap th’Ojok, Omonye lohothai karik Ohobu Yesu Kristo.
\p
\v 8 Oboithe, afurak nang Ojok hindang ahinwarang tholo Yesu Kristo thoithai bukulung, anyo, athuhi eitek eruhon nathai di hap fodok.
\v 9 Aca, Ojok ohoingengelani hindang, legyema nang donyong ditha ohoile hindang ditha evanjelio n’olonyi lonyong, ditha hainyong elececyo nang ithai juui.
\v 10 Ejiyecyo nang juui ditha homojitha hundang hijan, th’oyihothic fodok, edwong nang de dothai diya th’alwahio thon’Ojok.
\v 11 Aca, awak nang atehuna ithai, desarahinerek nang ithai esorio n’ohole, dithakolyo ithai.
\v 12 Ahani ne, nang lodithifeyo engangara dihiji hothai, thal’eruhon thanahothai abok abok, nathai karik hindang.
\v 13 Thenene, aang nang awak ethaninguna, olarok, hijan, operok olwarai awak nang kodien ainduna dothai, ti, ekohye nang, lwai hongorna, dirimahinerek ahayocong dihiji hothai dang, iring nanya arimahinerek nang dihiji h’ohothing hoikela th’Ojudei.
\v 14 Awon nang h’amari d’Ogriki karik d’ohodahak, hoilofioro karik honanga.
\v 15 Inyong na, iring donang, athuk nang ethuthuna dinyahina evanjelio dothai ohothing ho Roma.
\p
\v 16 Aca, aang nang ahu hojwu d’evanjelio, aca, inyong na akolon n’Ojok dithalwahuna ohthing bukulung hoiruk, dodo ahithemi, d’Ojudei karik d’Ogriki.
\v 17 Aca, ditha honyong ithalyehini abisan n’Ojok th’eruhon d’eruhon, iring nathuhorik egerohinrek inyong, “Omanya de ohobisani th’eruhon.”
\p
\v 18 Aca engere n’Ojok nethalyehini tho paradiso. d’ohothing haang owoni ara h’Ojok karik haang obis, ohothing hoida arami hadiri thaangan than’abisan.
\v 19 Owon ahani, anyo, otehu isong atehan nateharik Ojok. Aca, athuk Ojok ethaithahina isong.
\v 20 Aca gee thayeuna n’ahap, oisukaitha honyong haang otehunu, iring akolon nyanyong no mak karik elajok nanyong, atehuni nune oleyoroi, athuhon nehahauna isong th’asang fodok hanya athuhi ayeuna. Iring na, aang oyihoi ledehinerek isong thoisukai iring owahi inyong.
\v 21 Owoni ahani, aca, juk otehi Ojok, kabong ithahuye inyong iring Ojok, kabong dang ofurahini inyong ahinwarang. Kombwo, anangai ditha egigilitha hasong karik etharyohohini othaja hosong haang otehu aning nayyu.
\v 22 Ithahijiye ahwandek hijan ilofioro isong, ti, awoni ara ohonangak.
\v 23 Eloyicye abolori n’Ojok laang ingohunu ditha ehyelaru n’arijori n’othulo lengohunu, l’ahwen, l’ecangi hara ahejeha arangwan karik l’asang haryetha.
\p
\v 24 Inyong hathi, nesarak Ojok isong ahure n’asang hothohop, aca, iloyicyo angorwo hasong oisukaitha hoyeunerek isong thohomok hoikela, disarahina ahwandek hasong thaang obangi dihiji hosong.
\v 25 Isong iloyicyo arami hadiri h’Ojok ara h’adwala, karik amojyo karik egyemai d’ahap nayeuni, dimaji h’Ohoyani, lomuno mak. Amen.
\p
\v 26 Th’arami thohune, esarak isong Ojok d’awahan asang hothohop hamonyong heyanu ajwuon h’ahu, aca, eloyicyo angorwo hasong oisukaitha hoyeunerek isong thohomok thohoikela.
\v 27 Th’oyihoi tholya aboithe, edehini dang obusuha oyihothik hoisukarik isong h’angorwo honya oyisunerek isong karik amudai ditha h’ahure nawahan asang hothohop dihiji hosong. Abusuha hulya haang ahosi ojwu diyauna h’obusuha iring isong, efothuni ditha h’ahwandek hasong asario nacohi hosong th’obafu tholosong.
\p
\v 28 Iring naang isong owahi eruhohina atehan nasong Ojok, athuk esarahina isong dith’ahu namuyak, disarahina isong thoihandye asang haang irahi ihandyo.
\v 29 Athuhi isong ethfuthahina thaanga than’abisan, th’agagangu karik th’angica. Efuthi th’ahayini, th’attohio, th’angalafa, th’ethatumio karik egigilitha h’eyau. Isong huna olodok,
\v 30 amorio, ohomanak h’Ojok, aang ohwadu aning nabo, ethadara, anduhio n’asuhe, atahitha oyihothik hoihandyerek asang hamonyong, aang iruhi arami h’omonye dia h’ahathingi.
\v 31 Aang ateha, eruhon, aang othaja karik. Aang otehi aning naboling, aang othaja karik aang omiehinai.
\v 32 Otehi isong hulo efahit n’Ojok, hijan oihandyo asang hune hule, ocohi dosong diyye. Ti, ikara hijan asang hune hamaring ihandye, iruhi dang hohomok hoihandyo isong.
\c 2
\cl Ebwayit 2
\p
\v 1 Inyong na, aang iye idehini, iye othulo, iye ohokanyani, aca, dith’asang hehandyo iye hune, ida iye arami hahoi hamaring.
\v 2 Ti, etek hijan akanyo n’Ojok owon ara nadiri, ara odohi d’ohothing hoihandyo asang hune.
\v 3 Ti, idoro dini, iye othulo loikanyo asang hehandyo ohothing hulya hune, juk iye ihandyo inyong aning ne aboithe. Ingero iye de adi th’akanyo n’Ojok?
\v 4 Dia igigilo iye tiibai th’ebarithi ‘hayiji nanyong. asario nanyong netharahini, karik angongohina nanyong? Aang iye itek hijan ayiji nayong iyaru iye diburunu?
\v 5 Ti, inyong na th’othaji tholohoi tholoko karik leda aburunu, inyong isarak iye ethuhyo di koro d’ahwan nahoi holefeng, engere d’ofaning l’engere, nanyahi hijan, ofaning l’ethalyehini akanyo n’Ojok nabis.
\v 6 Oindu de iduma d’othulo lowon iring nehadyerek inyong,
\v 7 hofwo ahithemi dirimahina egyemathik hayyu, arimahina abolori, ethahuyo karik aangan namuyahi, isarak de dosong amanya no mak.
\v 8 Ti, d’ohothing hohuro ahuthuhye hasong, aang hoithaningye arami hadiri, ti, eruhi aangan nabisan, oindu de engere, engere nako bebe.
\v 9 Oindu de Ojok iyanu ethathaciana karik amiehunu d’ohoile l’othulo, lathuk ehandye imonyoroi, d’othulo l’Ojudei dodo, karik hathi d’Ogriki.
\v 10 Ti, abolori, ethahabuyo karik elik n’ahap d’ohothing bukulung hoihandyo ara anayyu, d’Ojudei, ahithemi karik d’Ogriki diholu.
\v 11 Aca, awang ekekela th’Ojok.
\v 12 Aring athuhi ohothing holwai eyauna kwong oyalu, ingohunai de dang kwong oyalu, karik iring neyaunerek holwa d’oyalu, ofuni de dang ikanyo isong th’oyalu.
\v 13 Aca, ikara ohoithairak h’oyalu howoni ara obisak dihithemi h’Ojok, ti, ohothing ohoihandak h’oyalu isong de ithabisunu.
\v 14 Aca, ara ohothing hoikela th’Ojudei, ohothing haang owoni h’oyalu, hehandyo arami h’oyalu iring nayeunerek isong, owoni h’oyalu dihandek hosong, juk aang howoni h’oyalu.
\v 15 Th’arami thohune, ithaithak isong egyemathik hawak oyalu egeroi di thaja. Onyahini dang arami hotho thaji, ohothing hoingengelak, ara arami hawoni di hosi hosong anyahi dia ekayo isong d’ofaning,
\v 16 D’ofaning loindunerek Ojok, ikanyerek arami h’edima hothulo, iring evajelio hundang.
\p
\v 17 Ti, ara ijyo iye, iye l’Ojudei, katik ohothing fodok ara h’oyano karik ethadarai ditha Ojok,
\v 18 karik etehi awahan nanyong karik eruhohini bebe, anyo, athuhi ithai nya anyahina th’oyalu,
\v 19 karik ara itek iye th’ahwan thanahoi hijan iye iyohoitho ongodoni, afangan d’ohothing howoni ditha omudwe,
\v 20 Othulo loityenio ohothing honanga, okalifonik lottik karik ara iye iwon h’oyalu lowopn ara atehan karik l’arami hadiri, angai othin arami hune oyihoi lemanyarik iye?
\v 21 Iye letyenio ahwan nahoi, hoityenio homok. Ara iye letyenio homok hoityenio ahwan nahoi. Iye lecama aangan n’ahoholio, hoihoholyo?
\v 22 Iye lejyo hoiyau h’afure n’othulo, hoiyau h’afure n’othulo? Iye lengicya h’ajohi, hoihoroitho a Templohio?
\v 23 Iye lethadara ditha h’oyalu, omoryo iye Ojok thaangan athifoitho oyalu?
\v 24 Aca, “ofure l’Ojok lomorye dihiji h’ohthing hoikela th’Ojudei, anyo, tho iye, iring nathuhi egerohinerek,
\v 25 Olwahu iye abosyo, ara ithifoitho iye oyalu, ti, ara aang iye ithifoitho oyalu, orasa obosyo nahoi ara iring aangan nabosyo.
\v 26 Ara ti othifoitho othulo lakaang obosye oyalu, aang awangan nabosyo nanyong owon ara abosyo?
\v 27 Karik aang othulo lakaang obosye ida arami hahoi, ara othifoitho oyalu? Owon ahani anyo, oyalu loigero karik abosyo, ti, aang iye ithifoitho oyalu.
\v 28 Aca, ikara inyong l’Ojudei tholondak karik abosyo, aang dang howon tholoingwai n’othulo.
\v 29 Ti, inyong lo, l’Ojudei, tholothwa karik abosyo n’othothaji, ditha Ohoile, ikara dith’amanini. Ethahuyo n’othulo lojak ahani, ikara th’othulo oindu, ti, th’Ojok oindu.
\c 3
\cl Ebwayit 3
\p
\v 1 Inyong na, ainyong nayyu d’othulo l’Ojudei? Karik, ainhyong olwahu abosyo?
\v 2 Obolo inyong na th’oyihothik olwarai: dihithemi h’asang fodok, ethfothohini nya Ojudei ethalyehina th’Ojok.
\p
\v 3 Aca, ara owoni nya Ojudei homok kwong eruhon? Ira aangan nasong awonan h’eruhon ithalicyo eladiri n’Ojok?
\v 4 Thaang hoiwona do ti hijan odwala Ojok. Ajok thorimahini juui ara lowon diri, ara owon othulo ara odwalani. “Iring nathuhi egerohinerek. Dithaithahini hijan ibis iye dicamitha hohoi karik itelu iye de asang fodok ara iye leindu di kanyo.”
\p
\v 5 Ti, ara aangan nabisan nahothai ithaithak abisan n’Ojok. Ainyong ocohi ohothai ajaran? Ocohi d’ohothai ajaran aang Ojok obis di yanu engere nayong dohothai? (Nang lacam iring otholu.)
\v 6 Thaang hoiwona paat ahani! Aca, angai ira Ojok ikanyo ahap?
\v 7 Ti, ara th’adwala thonohindang ofonik eladiri abolori n’Ojok, ainyong ikongairk nang ara ohoyauni?
\v 8 Anyo naang ojyori, iring nathuhi ohothai amoryerek karik athuhi ohothing homok ajaran ejyo ohothai, “Hegyemathik aning namonyong, doindu ayiji, obis edara nasong arami hahothai
\p
\v 9 Ainyong hathi? Ekarak arami hune? Awang kwong. Aca, ikara ahani. aca, ethuk ohothai ajaran epali Ojudei karik Ogriki, isong bukulung hotha heyau.
\v 10 Owon ahani, iring nathuhi egerorik: “Awang othulo lobis, awang juk aboithe;
\q2
\v 11 Awang othulo aboithe lotek; aang othulo aboithe lothifeyo Ojok;
\q
\v 12 Athuhi isong eloithoro adi; amaji aboithe athuhi akaran. Awang loboling lehandyo aning nayyu, a a, aang juk aboithe.
\q
\v 13 Ogworo losong ahilame nanga. Athuk ongadyefa hosong adwala.” Ehweri n’amunuok notholohop h’obiyuha hosong.”
\q2
\v 14 “Efut ahuthuhye hasong hafecio karik adwaran.”
\q
\v 15 “Ewawatta ahejek hasong dibuhohina ahotho dindak.
\q2
\v 16 Etharohojio fodok fodok karik ethathaciana hadiyihothik hosong.
\q
\v 17 Kabong ohothing hulo otehi oyihoi l’elihan n’ahap.”
\q2
\v 18 “Awang abangi n’Ojok thohithemi h’ahonde hasong.”
\p
\v 19 Thenene, itek ohoi ainyong ojyo iyalu, ocama d’ohothing howoni tholohop h’oyalu, dodularu ahuthuhye fodok. karik difiyo Ojok ahap bukulung.
\v 20 Aca, aang othulo de lethabisa th’egyemathik thoh’oyalu hawon dihithemi honyong. Aca, thol’oyalu oindu atehan eyau.
\p
\v 21 Ti, idehi sede oyalu arakang, athuhi nya ethalyehina abisan n’Ojok, nanya eruhok oyalu karik ohocorok
\v 22 Abisan n’Ojok th’eruhon do Yesu Kristo d’ohothing fodok hoiruk aca, awang ebwayo.
\v 23 Aca, eyauni ohothing bukulung karik dang amutha abolori n’Ojok dosong,
\v 24 karik athuhi isong ethabisyo ija th’alwahio thananyong th’adumuna thanawon ditha ho Kristo Yesu.
\v 25 Aca, esarak Ojok Kristo Yesu ara ehuma nadumu th’eruhon dith’ahotho nanyong ara ethaithit n’abisan nanyong, anyo, th’amijahina thananyong eyatha ehethemok,
\v 26 ditha h’angongio nanyong. Nya nyana, ithaithahinerek abisan nanyong d’omiru hulo, dobis inyong karik awon ara ohithamisani n’othulo loiruk do Yesu.
\p
\v 27 Iring ne, najang ethadara? Athuhi eduhuna adi? Th’oyalu tholoni? L’egyemathik? Okara, ti, th’oyalu thal’eruhon
\v 28 Ara ohoi ingohi arami hune ahana, hijan ithabisye othulo th’eruhon, ikara th’egyemathik thoh’oyalu.
\v 29 Dia, owon Ojok ara Ojok l’Ojudei hamaring? Aang inyong owon dang ara Ojok l’ohothing hoikela th’Ojudei? Aa, Ojok l’ohothing hekela th’Ojudei.
\v 30 Ethalicyo oyalu th’eruhon? Thaang hoiwona dang ahani do ti! Kombwo indafaitho ohoi oyalu.
\p
\v 31 Ara ijo izai ijan isarak ohozai Ojok abisan za ahuan za nanyong acha eruk ohozai do Kristo, onyahi ijan awang omanyit igema? Zahadiri awang.
\c 4
\cl Ebwayit 4
\p
\v 1 Ainyong de hathi ejyo arimak ohohoyi lohothai Abramo ara othulo?
\v 2 Ainyong bai ojyo amanini? “Iruk Abramo d’Ojok, karik afonihini donyong ara abisan.”
\v 3 Aca ara nya ethabisahini Abramo th’egyemathik, aang ira ithadara, ara hari dihithemi h’Ojok.
\p
\v 4 Thene, donyong lododoro, aang iherye aduma nanyong ara esorio. Ti, iherye ara aning nawon ara nanyong.
\v 5 Ti, d’othulo laang igyema, ahibu inyong ti iruk ethabisio n’othulo laang otek Ojok, ofonjhini eruhon donyong ara abisan.
\v 6 Ilecyo dang Davide othulo loboroye, afonik Ojok donyong abisan kwong egyema.
\p
\v 7 Ojyo, “ohothing hamiehini egyemathik hasong haang obis karik emuhohini eyatha hasong, thomunoi.
\q
\v 8 Othulo, laang Ohobu ofonik donyong eyau, thomunoi.”
\p
\v 9 Inyong na, owon ngona agu amuno najori ne ara n’ohothing habosye dia nohokabong obosye? Aca, ijyo ohoi, “Afonihni nya eruhon d’Abramo ara abisan.”
\v 10 Angai nya ofonihini donyong? Ofonihini nya dihithemi dia diholu h’abosio? Ikara diholu, ti, dihithemi.
\v 11 Ifothu Abramo ethaithit n’abosio ara ethamijani n’abisan nanya orimak inyong th’eruhon kabong inyong obosye.
\v 12 Owoni nya arami hua ahanya, dowonerek inyong ara omonye l’ohothing bukulung hoiruk, ti, kabong inyong obosye, dofuni ifonihina dosong abisan.
\p
\v 13 Aca aang arami hanya iruhohini d’Abramo karik ohothifok honyong ara ohoindefak h’ahap ofuni th’oyalu, ti, ofuni thal’abisan n’eruhon.
\v 14 Aca ara nya ohothing homanya th’oyalu ara ohoruthak, ira eruhon ithulo, karik aang arami hanya iruhohini irahi ihandyo aning nabo.
\v 15 Aca, iyanu oyalu engere, ti, amaji naangarik oyalu, aang epal thiya
\v 16 Inyong ne ahu najararik hijan, th’eruhon, dowonderek arami heruhohini h’alwahio karik dang eruhohini d’onyakwariak h’Abramo fodok, ikara howoni tholohop h’oyalu hamarik, ti, karik dang hongara eruhon n’Abramo.
\v 17 Iring negerohinerek hijan, “Athuk nang iye esarahina ara omonye l’amisok olwarai.” Owon inya Abramo dihithemi honyong, leruk inyong arami hanyong, Ojok, lesarak esu d’ohoyak karik elongu asang hawang, diwonan.
\v 18 Ditha heyihina, eyihi nya daangan n’eyihina, hijan oindu inyong de iwonan ara omonye l’amisok halwari, iring nanya athuhi inyong anyahina, “Inyong na, ahani de ofuni onyakwarya hohoi iwonan.”
\v 19 Kwong aangan elihan bii dith’eruhon, engengelyo ahwan nanyong olefeng iring naye (anyo, arahi nya oyingathik honyong 100), karik aye n’ahohye no Sarah.
\v 20 Ti, anyo, th’arami thah’eruhon n’Ojok, kabong Abramo iririu aangan n’eruhon. Kombwo, ako inyong lo diruhon, karik ethaboloryo Ojok.
\v 21 Atek inyong lo tuhudik, hijan arami hathuk Ojok eruhohina, ocohi donyong dihandyo.
\v 22 Iring na, awon nya ahana, “Afonihini donyong ara abisan.”
\v 23 Ti, ocamitha, “Athuhi afonihina donyong,” ikara thonyong hamaring igerohini.
\v 24 Igerohini nya dang thohoi, karik ofuni de dang ifonihina dohoi, hoiruk donyong lonya ithadothu Yesu Ohobu lohothai th’ohoyak.
\v 25 Inyong lya lonya ithafothohini th’eminge thanahothai karik lonya ithadothuni d’ethabisahina nahothai.
\c 5
\cl Ebwayit 5
\p
\v 1 Anyo, athuhi ohothai ethabisahina th’eruhon, ewon h’elik n’ahwandek karik n’ahap h’Ojok thol’Ohobu lohothai Yesu Kristo.
\v 2 Tholonyong, iwon ohoi h’eruhon nerumahinerek ohoi alwahio newetha ohoi diya, karik ohoi dang ithadara diyihi d’abolori n’Ojok.
\v 3 Ikara ne hamaring, ti, ithadara ohoi dang ditha ethathacianitha hahoi. Itek ohoi hijan iyanu ethathaciana afwan ahithemi.
\v 4 Iyanu afwan ahithemi othulo, karik othulo eyanu eyihina,
\v 5 karik aang eyihina iyanu ajwuon n’ahu, anyo, athuhi nanya na abuhohina amuno n’Ojok ditha h’othaja hohothai thol’Ohoile lodwa, lonya athuhi esarahina dohothai.
\v 6 Aca, hoilik ohoi nya, d’omiru hocohi, aye Kristo th’ohothing thahaang otek Ojok.
\v 7 Diri, oko de d’othulo lobo diye th’othulo tholobis, juk kodien owak othulo lobo aye th’othulo tholoyyu.
\v 8 Ti, iruhok Ojok amuno nanyong olefeng dohothai, anyo, orii lonya ewonderek ara ohoiyak, aye Kristo thohothai.
\v 9 Th’orii le ikoti, iring athuhi ohothai ethabisyo th’ahotho thananyong, ithalwahu de ohothai th’engere n’Ojok.
\v 10 Aca, ara hoiwon ohothai nya ara omerok, emora ohothai nya h’Ojok th’aye thon’Olonyi, koti, diholu hemora, oindu de ohothai ithalwahuna th’esu thananyong.
\v 11 Ikara ahani ija, ti, emuno dang ditha h’Ojok thol’Ohobu lohothai Yesu Kristo, lathuk ohothai esarahina emora na.
\p
\v 12 Inyong na, iring ojingak eyau di hap thol’othulo aboithe, th’oyihoi tholya dang ojingak eyau. Karik ireretharu eyau d’ohothing fodok, anyo, eyauni ohothing fodok.
\v 13 Aca, lwai d’oyalu, owon nya eyau dihap, ti, aang othulo lefiye d’eyau, ara awang oyalu.
\v 14 Ti, indafaitho aye ahap, hara th’Adan lwai do Musa, juk tholodihide h’ohothing hokabong nya hoiyau iring amesio n’Adam, loihyelaru le, lonya oloinduna lo.
\p
\v 15 Ti, aang esorio ojahitha eyau. Aca, ara oye ohothing holwa th’eyau thon’othulo aboithe, angai de aang ocohi tuhudik alwahio n’Ojok karik esorio n’othulo aboithe, Yesu Kristo, dilwahuna ohothing olwarai!
\v 16 Iring na, awang esorio ojahitha aning naindu th’eyau n’othulo aboithe. Akanyo n’oyalu othifunu epal karik eyanu edara neyau, ti, athifunu esorio epalitha halwa karik eyanu ethabisio.
\v 17 Aca, ara indafaitho aye ahap th’epal thon’othulo aboithe, angai de ofuni ohothing hoifothu alwahio nabolo karik esorio n’abisan indafaitho amanya ditha othulo aboithe, Yesu Kristo.
\v 18 Inyong na, iring eyanu epal aboithe edara n’ohothing fodok hoipal, iyanu de dang ehandio aboithe n’abisan naindu th’ethabisio d’amanya n’ohothing bukulung.
\v 19 Aca, iring nawonderek nya ohothing holwa ara ohoiyak th’amesio thon’othulo aboithe, ofuni de dang ohothing holwa iwonan ara ohobisak th’eruhuna thon’othulo aboithe.
\v 20 Ti, oindu oyalu difonio epal. Arahari, amaji nabolororik eyau, ithalangyo abolori nalwahio.
\v 21 Ofuhi arami hune ahani, dara, iring indafaitho eyau ahap ditha h’aye, indafaitho de dang alwahio ahap thal’abisan d’amanya mak tholo Yesu Kristo, Ohobu lohothai.
\c 6
\cl Ebwayit 6
\p
\v 1 Ainyong d bai ejyo? Eyeng esukai dithe h; eyau, dobolo alwahio?
\v 2 Thaang hoiwona de ti ahani. Ohothai heye ditha heyau, angai ikoti erasa ditha heyau, angai ecohi amanya ditha heyau?
\v 3 Aang ithai itek hijan iring abuhohini nya Batisimo d’ohothing Olwarai ditha ho Kristo Yesu, abuhohini nya dosong Batisimo ditha h’aye nanyong.
\v 4 Amuhahini nya diyan ohothai honyong tholo Batisimo dith’aye. Ofuhi arami hune ahani, dowon iring nanya ithabuhunerek Kristo Yesu, th’abolori thon’Omonye, inyong na, edaha de dang ditha h’elajok n’esu.
\v 5 Inyong na, ara ethu ohothai emorihunu dith’aye nanyong, nehielaru n’aye nanyong, emorihunu de dang ditha h’ebuhuna nanyong.
\v 6 Itek ohoi arami hune, hijan othulo lohothai ohoboloni lobehohini honyong di kruce, dithorohojye ahwan n’eyau adi. Ofuk ahani daang ikoti eyeng awonan ara ongacani h’eyau.
\v 7 Lathuk aye, awon inyong lo ara ohobisani l’eyau.
\v 8 Ti, ara ethuk ohothai aye ho Kristo, eruk hijan emanya de amaji Aboithe ditha honyong.
\v 9 Etek hijan nya, ethabuhuni Kristo thoye, aang hoye ikoti, aang imyong aye indafaitho.
\v 10 anyo, d’arami hajori aye inyong ditha h’eyau, aye inyong gelere th’ohothing fodok. Ti, esu nya inyong, amanya dith’Ojok.
\v 11 Th’oyihoi tholya Aboithe, otihatha dang th’ahwandek thahathai hijan, eye ithai ditha h’eyau, ti, ara hesu d’Ojok ditha ho Kristo Yesu.
\p
\v 12 Iring ahani ne, hoihorihini eyau thoindafithe ithai dith’ahwan nathai ahayani, diruhu ithai asnag hamonyong hawak inyong.
\v 13 Hoithafothohina okangir h’ahwandek hathai d’eyau, dowoni ara attitto harimahinerek aangan n’abisan. Ti, ithafothohina ahwandek hathai d’Ojok iring ohothing hoiyanai thoye disu, ara ithai ithafothok okangir h’ahwandek hathai d’Ojok, iring attitto hegyemarik dirimahinerek abisan.
\v 14 Hoihorihina eyau thoindafaithe ithai, anyo, aang ithai thoth’oyalu, ti, dith’alwahio.
\p
\v 15 Ara ainyong hathi? Ewon di yauna, ti, anyo, ewon tholohop h’oyalu dia dith’alwahio? Inyong thaang hoiwona do ti ahani.
\v 16 Aang ithai itek hijan ara ithafothok ithai ahwandek hathai ara ongacani, iwon ithai de ara ongacani d’othulo leruk ithai arami hanyong? Arai won ithai ara ongacani h’eyau, iyaru ithai de diye. Ara ithai ongacani hoithairyo arami, iyaru ithai de dibisan.
\v 17 Ti, humo d’Ojok! Anyo, iwon ithai nya ara ongacani h’eyau karik ethuk ithai ethairyo karik eruhon thoth’othaji opecen l’etyenio nanya isarahini dothai.
\v 18 Athuhi ahohina ithai adi th’eyau, karik ethuk ithai awonan ara ongacani h’abisan.
\v 19 Acama nang iring othulo, anyo, th’elihan than’elathulo nahoi, iring nanyahinerek okangir h’ahwandek hathai ara ongacani d’ebothan karik thaangan thon’oyalu nabolo disarahina dang okangir h’ahwandek hathai ara ongacani d’abisan difunerek ara hodwa.
\v 20 Anyo, nanya iwonderek ithai ara ongacani h’eyau na, ilama ithai nya th’abisan.
\v 21 Th’omiru hule, ainyong nayyu nya irimak ithai th’asamg hethajwuyo ithai ahosi thenene ne? Aning naindu th’asang hua, inyong aye.
\v 22 Ti, nathuhorik ithai ahohina th’eyau ne, ara ithai iwon ara ongacani d’Ojok, ewon ithai h’aning nayyu difunerek ara hodwa. Aning nayyu thiya esu na amanya mak.
\v 23 Adumetha h’eyau isong aye. Ti, esorio n’Ojok inyong amanya mak ditha ho Kristo Yesu, Ohobu lohothai.
\c 7
\cl Ebwayit 7
\p
\v 1 Dia aang ithai itek, olarok, (aca acama nang d’ohothing hotek oyano), hijan oyano indafaitho othulo d’operok homamyarik inyong?
\v 2 Aca, athulo namuthaye, oyalu othorik d’onde, ahibu inyong homanya, ti, ara aye onde, ahibu inyong homanya, ti, ara aye onde, ohohini inyong na adi th’oyalu l’amutha.
\v 3 Inyong nara, homijyo onde, ara isuka h’othulo lobo, ilongoi inyong ara amwak. Ti, ara aye onde, ohohini inyong na adi th’oyalu, ikara inyong na amwak, ara isuka h’othulo loboling.
\v 4 Inyong na, olarok hundang, athuhi ithai nya athayeyo d’oyalu thal’ahwan no Kristo. Owon ahani, docohi enuthahina nathai holoboling, inyong na, do le, lonya ithabuhuni th’oye, defuni iyisunerek oduring d’Ojok.
\v 5 Aca, hewon ohothai nya ditha h’ahwan, asang h’eyau hawak ahwan, hethadotho th’oyalu, hadigyema nya ditha h’ahwandek hahothai dirimahinerek aning nayyu d’aye.
\v 6 Thenene ne, athuhi ohothai ahoina th‘oyalu. Rthuk ohothai aye d’aning nya othorik ohothai. Owon ahani, digyema ditha elangejuk n’Ohoile, ikara ditha elangoro n’amanini.
\p
\v 7 Ainyong de hathi ecama, awon oyalu th’ahwan ara eyau? Thaang hoiwona ahani. Ti, aang nang ira itehan eyau, ara ikara thol’oyalu. Aca, aang nag ira itehan ara kabong oyalu ojyo, “Hoiudo.”
\v 8 Ti, arimak oyalu oyihoi thol’efahi karik ayisu opeceni olwarai h’audori ditha honing. Aca, juk esarak oyalu arakang, aye nya eyau.
\v 9 Th’otii homok nya, amanya nang kwong oyalu. Ti, ajara efahi aindu, ebuhu eyau,
\v 10 karik nang aye. Rfahi nanya ara iwonan ara esu na, eloitho ara aye.
\v 11 Arimak eyau oyihoi thal’efahi karik ethalwahu nang. Thal’efahi, attohok inyong nang.
\v 12 Inyong na, odwa oyalu karik odwa efahi, obis karik oyyu.
\p
\v 13 Inyong na, aindu aning nayyu donang ara aye. Thaang hoiwona ti do ahani. Ti, eyau, dithaithahina ijaran inyong eyau, eyanu aye donang ara aning nayyu karik thl’efahi, oindu eyau de ikalahina eyau.
\v 14 Itek ohoi hijan oyalu l’Ohoile. Ti, nang l’ahwan ahayani. Athuhi nang ethanyangahina di langaca d’eyau.
\v 15 Aca, aning nehandyo nang aang nang athenu ainyong ojyo inyong diri. Aca, aning nawak ehandyo, aang nang ehandyo karik ara aning naman nang, nang ehandyo.
\v 16 Ti, ara ehandyo nang aning naang nang awak, eruk nang hijan oyyu oyalu.
\v 17 Ti, aang howon thenene ne, hijan nang lehandyo inyong lya, ti, eyau nawon ditha honing.
\v 18 Aca ateh nang hijan ditha honing, ditha h’ahwan hindang, omanya aning naang oyyu. Aca, awahan aning nayyu, owon ditha honing. Ti, aang ocohi donang dihandyo.
\v 19 Aca, ayiji nawak nang, aang nang ehandyo, ti, amonyori naang nang awak, inyong ehandyo nang.
\v 20 Ahani ne, ara ehandyo nang aning naang nang awah, ithaithak hijan ikara nang legyema lya, kombwo ithaithak hijan eyau negyema ditha honing ne.
\v 21 Iring na, arimak nang oyalu lo. Ara nang lawak ehandyo ayiji, orimak amonyori ditha honing.
\v 22 Aca, amuno nang ditha h’oyalu l’Ojok honing th’ahwan tholothwa.
\v 23 Ti, atehu nang oyalu loikela ditha h’okangir h’ahwan hindang.
\v 24 Nang othulo lomiehunu! Ngai de iduhu nang adi thath’ahwan n’aye na?
\v 25 Ti, humo d’Ojok tholo Yesu Kristo, Ohobu lohothai! Iring na, Iring na, nang olefeng igyemarik oyalu l’Ojok th’ahu thono hindang. Ti, th’ahwan thono hindang ara othulo, egyema nang oyalu l’eyau.
\c 8
\cl Ebwayit 8
\p
\v 1 Iring na, aang thenene ne edara d’ohothing howoni ditha ho Kristo Yesu.
\v 2 Aca, oyalu l’Ohoile l’esu ditha ho Kridto Yesu, athuk ohothai ahouna th’oyalu l’eyau karik l’aye.
\v 3 Aca, aning nanya aang ocohi oyalu ehandyo th’elik thana elathulo, ehandyo Ojok,. Asulu olonyi lonyong olofeng dith’arijori n’othulo leyau d’ahohina n’eyau karik eda eyau ditha h’othulo.
\v 4 Ihandyo ahani, dirimahinerek asang hawak oyalu dothai haang ara ohothing, ti, iring h”Ohoile.
\v 5 Othothing hoisuka ara ohothing, igigilo ahosi hasong ara h’ohothing, ara ohothing, hoisuka ara h’Ohoile, igigiloi ahosi hasong asang h’Ohoile.
\v 6 Aca, ahu nrgigilo asang hawon ara h’othulo, inyong aye, ti, ahu negigilo asang h’Ohoile, inyong, inyong esu karik elik n’ahap.
\v 7 Ahu negigilo elathulo ti, ilamerok h’Ojok, aca, aang iruhok oyalu l’Ojok, aang ocohi donyong dihandyo ahanya.
\v 8 Ohothing howoni di lathulo hamaring, aang ocohini ethamunoyo Ojok.
\v 9 Ti, aang ithai th’elathulo ija, ti, ditha h’ohoile, ara diri isuka ohoile l’Ojok ditha hohothai. Ti, ara laang owon h’Ohoile lo Kristo, ikara inyong l’Kristo.
\v 10 Ara owon Kristo ditha hohoi, ahwan aye ditha h’eyau, ti, omijyo ohoile d’abisan.
\v 11 Ara owon ohoile lo le, lonya ithabuhu Kristo thoye ditha hohoi, isarak de ithai esu karik dang ahwandek hathai ahayak hune thol’ohoile lonyong lomanya ditha hothai..
\p
\v 12 Iring ahani ne, olarok, ewon h’amari, ti, ikara d’othulo dimanya ara othulo.
\v 13 Ara isuka ithai ara ohothing ti, eindek ithai aye; ti, ara th’Ohoile ithayeyo ithai egyemathik h’ahwan, imanya ithai de.
\v 14 Aca, dia baya hothifoitho Ohoile l’Ojok, isong hulya olonyirok h’Ojok.
\v 15 Kabong ithai ifothu Ohoile l’elangaca, dimanya th’abangi, ti, efothu ithai ohoile l’eruhuna, ekororik, “Abba/Monye.”
\v 16 Ohoile olefeng otek hijan th’ohoile thol’othaji ewon ara okalifinok h’Ojok.
\v 17 Ara ohothai okalifinok, ohothai ohofuhok, ohofuhok h’Ojok, karik ethuna ara ohofuhok ho Kristo, ara diri ethathaciana honyong, dithahuye dang ohothai honyong.
\p
\v 18 Aca, eduhu nang ethathacianitha h’operok hulo huna, aang ocohini ditharijyo hethahabuyo de nasarahini dohothai.
\v 19 Aca, aning nesarak eririyo th’awahan n’ayeyo n’ahap, ithilayo anyahina olonyirok h’Ojok.
\v 20 Aca, ayeyo n’ahap ne, arwasahina nya ara aning naang ohwadu aning nabo, ti, anyo, ara hari inyong lonya isarak inyong ditha hayeyo.
\v 21 Ohohini de adi ayeyo th’elangaca dith’amuyahi karik afunii ihohina ditha Ethahabuyo okalifinok h’Ojok.
\v 22 Aca, itek ohoi hijan ayeyo bukulung, inyong emalanga karik egyema thanako dith’adihari amaji Aboithe thenene ne.
\v 23 Ikara ahani ija, juk ohoi th’ahwandek hoirimak aning nabo ehethemoni nalwahu n’ohoile, imalanga ohoi dang tholothwa ahibu ohoi iririyo bebe th’awahan bebe eruhuna n’ethalwahuna nahwan nahoi.
\v 24 Aca, ditha hayenio ne, ethalwahuni nya ohoi. Thoone ne, ayenio natehuni, ikara ayenio. Aca, angai oyenio inyong aning nacohi inyong atehuna?
\v 25 Ti, ara ayenio aning naang etehu, ethilayo inyong na th’angongio.
\p
\v 26 Th’oyihoi tholya Aboithe, olwahu dang ohoile ditha h’elik nahothai. Aang ohothai itek angai era imojyo. Ti, ohoile th’ahwan thanyong omojyo thohothai th’adihari thanaang oleyo.
\v 27 Lottahitha atha n’othaja, otek ahu n’ohoile, anyo, omojyo inyong th’ahwandek thoh’ohothiong hodwa h’Ojok.
\v 28 Itek ohoi hijan d’ohothing homuno Ojok, igyema asang bukulung amaji aboithe d’ayiji, d’ohothing hoilongoi d’arami hawak inyong ehandyo.
\v 29 Anyo, ohothing hotek inyong berien, ikeluni isong hulo ara hoisarahini d’arijori n’Olonyi lonyong, dowon inyong ara ohoithemoni ditha h’olarok holwari.
\v 30 Ohothing honya athuk inyong ekeluna, isong aang nya ilongu. Hoilongo inyong th’oyalu, ithahuyo isong dang.
\p
\v 31 Ainyong hathi de isarak ohothai ajaran arami hune? Ara owon Ojok ara lohothai, ngai de ngona ida ohothai?
\v 32 le, lokabong ofithok olonyi le, esarak adi thohothai bukulung, angai de aang ocohi donyong disarahina dohothai asang bukulung ija?
\v 33 Ngai de oindu imangahina epal d’ohothing hanyimunu h’Ojok? Ojok de Aboithe ithabisak.
\v 34 Nngai de loindu lya? Kristo Yesu Aboithe nya oye – tholohide hohune, ngai nya ithabuhuni, inyong lowoni dinget h’Ojok karik lomojyo thohothai.
\v 35 Ngai de ibwayo ohothai th’amuno no Kristo? Ethathaciana, ethor n’ahu, ethagyemio, ahure, adaha ija kwong eyofo, amonyori, odemi?
\v 36 Iring negerorik inyong: “Aca, d’arimahina nathai ayiji, ohoi nya hattohori ofaning taak. Eduhuni nya ohoi ara okero hongocye.”
\p
\v 37 Th’arami thohune fodok, ekalu ohoi omerok thol’othulo aboithe lomuno ohothai.
\v 38 Isarahini nang arami hune diruhon hijan, ikara aye, esu, anjelohio, endafaitho karik epapahyo asang hawon, asang h’afuni
\v 39 ahodori, audori, aning nayeuni, inyong de ocohi ekeluna ohothai th’amuno n’Ojok nawon ditha ho Kristo Yesu, Ohobu lohothai.
\c 9
\cl Ebwayit 9
\p
\v 1 Anyahi nang arami hadiri ditho Kristo. Aang nang adwala; onyahi nang othaji hindang dihithemi h’Ohoile Lodwa
\v 2 hijan owon donang elongojitha nabolo h’adihari n’othaji hindang naang ecuhi.
\v 3 Era nang ijyan nang thoicyenahini, ekeluni adi tho Kristo th’arami thoh’olarok hundang harwanga nang hosong th’ohofule.
\v 4 Isong hulo Oisraele. Owoni isong hulo h’endafaitho, ethahuyo, asuduhe n’emora, oyano, abangi n’Ojok h’asang hayyu homwai.
\v 5 Ohohonyo hosong hofuhunerek Kristo th’ohofule; inyong lo Ojok tholohide asang fodok. Inyong lo tho imamajye mak. Amen.
\p
\v 6 Ikara hijan aangi asang h’Ojok homwai hayyu. Ikara hijan ohothing fodok hotho Israele ho Israele.
\v 7 Ikara dang hijan anyakwaryak fodok h’Abramo oduring honyong. Ti, “Tholo Isakko ilongoi isong onyakwarya hohoi.”
\v 8 Ithaithak hijan oduring h’ohofule, ikara oduring h’Ojok. Ti, oduring h’eruhon nomwai, orwangi iring onyakwarya.
\v 9 Ocame l’eruhon arami ho mwai hayyu: “D’orii lya aindu nang de; owon de Sara h’oitho.”
\v 10 Ikara lya ti. Di holu h’ocame lya orimak ahibu Rebeka awon h’ahohye n’othulo aboithe, omonye lohothai Isakko.
\v 11 Juk kabong hoyisuni oduring, dia juk kabong hoihandye asang hayyu hahamonyong, dowoni ara arami hathuk Ojok acama, ikara th’ehandyo; ti tholonyong le longo.
\v 12 ojyori donyong, “Olwahyo mwai ohoboloni ottwathi.”
\v 13 Ojyahitha nathuhi egeryerek nya berien, “Amuno nang Yakobo, ti aman nang Esau.”
\p
\v 14 Ainyong de ecama? Ipal Ojok? Ikara ahani.
\v 15 Ojyo I nyong lo do Musa, “amehi nang de othulo l’amehi nang; nang afithok othulo l’afithok nang.”
\p
\v 16 Iring nang, ikara th’othulo lowak, h’othulo longero; th’Ojok ti, lo ithaithak amehina.
\v 17 Ojyori aramo hanya athuhi egerohina do Farao, “Th’arami tho hune, ithadothu nang iye ethaithahinerek do hoi akolon hindang dotehi ofure hindang dihap fodok.”
\v 18 Otiha, owon Ojok h’amehina d’othulo lowak inyong, esarak d’othulo lowak inyong eminge.
\p
\v 19 Ijyo iye de do nang, “Anyo othifeyo inyong epal? Ngai de othifoitho arami hawak inyong?”
\v 20 Okara ahani. Iye othulo. Iye ngai dithapalyo Ojok? Ocohi d’othulo l’oyeuni ajyaran d’ohoyani lonyong, “anyo iyeu iye nang ahani?”
\v 21 Aang ohoyani l’amoco oyeyo th’amotong attitto h’egyemarik inyong iring owak inyong?
\v 22 Angai bai, ainyong ira iwonan ara kabong Ojok lera ithaithahina engere karik akolon nanyong thotehi, angongok edehina arakang amothing nengere nayong nathuhi ehuhumyo ara nethaohojyerek?
\v 23 Ojyahitha angai ara ihandyo ahani dithaithahina abara h’ahujon nanyong th’attitto thah’amehi, hathuk inyong ehuhumyo ara h’ahujon?
\v 24 Ojyahitha angai ara ihandyo d’ohothai h’athuk inyong elonguna, ikara th’Ojudei, th’ohothing homok hamaring?
\v 25 Iring najyarik inyong d’ocame l’Osya: “Aindu nang di longo ohothing hundang karik ohothing h’omuno inyong, karik ohothing h’aang inyong omuno.
\q
\v 26 Karik inyong nya alo d’amiji nanya ojyarik do song, “Ikara ithai ohothing hundang; diya ofuni de ilongo isong ‘oduring h’Ojok lomijo.’
\p
\v 27 Ekor Isayiya th’arami thoho Israele, “Ara dwo ara okalifinok ho Israele iring akujo h’owor lohittok, irahi ofithono hosong ifuna ithalwahunu.”
\q
\v 28 Oindu de Ohobu iyanu ocame lonyong dihap thenene koko, fodok.
\p
\v 29 Karik iring nadwo ocamarik Isayiya, “Ara kabong ohobu l’ohoiriryak hoidehi dohothai onyakwarya, era ifuna ijahitha Sodom, eloyitho ara Gomoro.”
\p
\v 30 Angai de efunu ijyaran? Ofuni de ijaran ohothing hoikela th’Ojudei, ohothing hawang otahitha abisan, arimahina abisan th’eruk.
\v 31 Ti, Israele nathifoitho oyano habisan kabong hoidwong diya.
\v 32 Anyo othifoitho Israele oyano h’abisan th’egyamathik, ikara th’eruk? Ebosoi d’omorwong lo ibosorik.
\v 33 Iring nathuhi egerohinerek, “Ingengela, nang lethahi di Zione omorwong loibosorik, omorwong lohittok l’omorit. Othulo l’eruk do nyong, aang de ahu hojwu.
\c 10
\cl Ebwayit 10
\p
\v 1 1 Olarok, awahan n’othaji karik efio hindang Ojok thosong, inyong ethalwahuna nasong.
\v 2 Acama nang iring nateharik nang owoni h’awahan n’Ojok, ikara th’atehan.
\v 3 Aang isong otek abisan n’Ojok. Othifeyo isong ehuhumyo abisan nasong.
\v 4 Aang ohoiruhi abisan n’Ojok.
\v 5 Egero Musa arami h’abisan n’aindu th’oyano, “Othulo lobis th’oyano, isuka de th’abisan thon’oyano.”
\v 6 Ti, abisan naindu th’eruk, ajyo, “Hoijo di thaji hohoi, ngai de olo dihide diyanu Kristo di hap?”
\v 7 Karik hoijyo, “Ngai de olo tholohop haboro diyanu Kristo th’ohoyak?”
\v 8 Ti, ngai ojyo ocame lo?, “Oindek ocame dohoi, dihuthuk karik dithaji hohoi.” Ocame l’eruk lya lenyahi ohoi dindak.
\v 9 Ara ijyo iye th’ahuthuk thana hoi Yesu Ohobu lethabuhu Ojok th’ohoyak, ithalwahunu iye de.
\v 10 Othulo leruk d’abisan th’othaji, ocama ethalwahuna th’ahuthuk.
\v 11 Ojyo amanini n’arami h’Ojok hegero, “Aang ahu n’othulo leruk do nyong hoju.”
\v 12 Aang Ojudei karik Ogrik hoikela. Ohobu aboithe lya. Ohobu losong fodok. Inyong lo l’ohothing fodok hoithalwaha donyong.
\v 13 Lolwaha th’ofure thol’ohobu, ithalwahunu de.
\v 14 Angai de ti ithalwaha isong donyong ara kabong hoiruhi? Angai de iruk isong donyong, ara kabong isong hoithairu? Ngai ithairu isong ara aang ohoithayeyenani?
\v 15 Angai ethayeyenie isong, ara kabong isong ifahahini dithayeyenio? Iring nathuhi egeryerek, “Angai berien olibori ahejek h’ohothing h’arami angejuho h’amuno n’asang hayyu.”
\p
\v 16 Ti, kabong isong fodok hoithaningu arami angejuho hayyu. Ojyo Isayiya, “Hobu, ngai iruk ocame lohoi?”
\v 17 Oindu eruk th’ethaningio; oindu ethaningio th’ocame lo Kristo.
\v 18 Ti, ajyo nang, “Kabong isong hoithairu? Aa kabong. “Ethaninguni isong dihap fodok. Karik ewas ocame losong dicuhi h’ahap fodok.”
\p
\v 19 Ngonyena ajyo nang, “Aang Israele otek?” Ajyo Musa dodo, “Edodolyo nang iye de d’ohaine th’arami thah’aangan n’amaji; th’arami thah’amaji thanawang otehu arami hamok, dingere iye.
\p
\v 20 Isayiya, l’aang obang, ajyo, “Arimak nang ohothing h’aang nang othifeyo, Nang aleyo d’ohothing ho kabong nang ifiyo.”
\p
\v 21 Ti, Isayiya ajyo do Israele, “Ofaning fodok, ewas ahas hundang d’ohothing homesyo edari ethairyo.”
\c 11
\cl Ebwayit 11
\p
\v 1 Nang hathi ajyo, “Eda Ojok ohothing honyong?” Thawang ara ahani. Nang lo lo Israele, ohohonyi lohoi aboithe, Abramo, l’elulung no Benjeminio.
\v 2 Kabong Ojok hoida ohothing honyong hathuk inyong aitek berien. Awang iye itek aisong arami h’Elija hacama amanini n’arami h’Ojok. Angai ithasahak Elija Israele d’Ojok?
\v 3 “Hobu, attohori ohothing ho Israele ohocorok h’arami hahoi, aborye awanghathi. Afithoro nang hamaring. Hodi ithifeyo attohoro nang.”
\v 4 Angai ojo etharang n’Ojok do nang? “Athuk nang esarahina arakang ohothing 7,000 ho kabong origongo dihithemi ho Baal.”
\v 5 Dihide h’ocame lya, owoni ofithono h’ohothing thoyihoi thal’alwahio.
\v 6 Anyo hathi? Kabong Israele orimak ainyong owak inyong;
\v 7 Ohothing hanyimuni karik arimahini. Ofithono hulo afaja.
\v 8 Ihyelaru arami hune, arami hathuk egero, “Athuk Ojok esarahina othaji l’adufo, ahonde hawang isong otehunererk eyoha hawang isong ithairunerek teng ahanana.”
\p
\v 9 Karik Davide ajo, “obele lothohithemi hosong thoiwona ara abwoi, amolohe, omorwong le bosorik, h’oyihoi lorofunerek isong.”
\q
\v 10 Ahonde hasong thoiryoho d’awang otehuni; Ohorongithe hosong thorasai ara adula.”
\p
\v 11 nang hathi ajo, “Eboso isong apwaharai?” Pwanga, thaang hoiwona ahani. Kombwo, awangan nasong arimahina, isarak ohothing haang owoni ara Ojudei arimahina ethalwahuna disarak do song ahaini.
\v 12 Ara abara nothohop isarak isong epal halitho nasong asaman n’ohothing hoikela th’Ojudei, angai de obolo engohunu nasong?
\v 13 Nang lacama dothai ohothing haang ara Ojudei; Awonan hindang dothai ara ohifak, isarak nang ethadara di gyema honang.
\v 14 Dia iyanu de ohoyini d’ohothing hundang; dia olwahu dithalwahuna dohoi homok thosong.
\v 15 Ara edara no hule inyong emora n’eruk, ainyong de efothuna nasong, ara ahani esu nasong thon’ohoyak?
\v 16 Ara omije tuhudik d’amat hecak angidari, anyari nagoterek ne; ara omije tuhudik d’ohade h’oyani, athandak dang h’agotherek hune.
\v 17 Ara auruni athandak hamok th’ohiyani, ara iye, athani n’ohiyani, eculahini d’athani naboling, are iye ingaru ohade.
\v 18 Hethadara. Ikara iye ithakolyo ohade. Ohade ithakolyo iye.
\v 19 Iye de ijo, “Athuhi auruhana athandak hamok adi dithandefahinerek nang diya.”
\v 20 Obisi arami hune; auruni athandak hamok adi thawangan than’eruk nasong. Owoitha ara loko d’eruk nahoi. Hoigigilo hijan ibolo iye bebe. Obanga.
\v 21 Ara kabong Ojok hofithok athandak h’ohiyani, awang de dang hoindu ifithohina iye.
\v 22 Idoro sede egyemitha h’engere n’Ojok. Thol’oyirik lobo, oindu amonyori d’Ojudei hathuk apwaharu. Thol’oyirik loboling koti, oindu ayiji n’Ojok d’ohoi, ara irasa iye ditha’ayiji nanyong. Ara ikara ahani, obonguni iye de dang adi.
\v 23 Ara awang dang isong orasa dith’awangan n’eruk nasong, inyahi de isong ithadefahina diya; owon Ojok h’akolon nethadefahinerek isong diya koti.
\v 24 Ara oyyu abonguna n’athani n’hiyani, ethandefahini d’ohiyani loyyu, ainyong de amonyori di ithunahina Ojudei howon ara ohothing hulo, d’ohothing hoyyu.
\p
\v 25 Awang nang awak ithai thoithabuyangaru, olarok, d’arami hako hune, ojahitherek de egigilo nathai awang. Arami hako huna, ojahitha owon ajwiyijo d’Israele nahorik asuduha n’ohothing hoikela th’Ojudei engohunu.
\v 26 Ithalwahunu de Israele iring nathuhi egerorik, “Thotha ho Zione, oindu de ohohoni, Oindu de iduhuna adi tho Yakobo awangan n’eruk d’Ojok.
\q
\v 27 Emora mwai nahoi hosong, ara athuk nang ahouna eyatha hasong adi.”
\p
\v 28 Thol’oyirik lobo, d’arami angejuho hayyu, awoni isong ara omerok th’ofure tholohoi. Koti, thol’oker lobo, iring d’anyimuna n’Ojok, omuno isong thol’ohohonyo.
\v 29 Esoritha ha elongo n’Ojok, awang hoiloithoi.
\v 30 Ara emesyo iye nya Ojok, efothu iye amehina th’amesyo thanahoi.
\v 31 Irijaru d’Ojudei honya athuk amesyo. Th’amehina thana ithaithahini dothai, ifothuni de dang amehina.
\v 32 Ihyenok Ojok ohothing fodok ditha h’amesyo dithaithahinerek inyong do song fodok amehina.
\q
\v 33 Otihatha! Ethalangio n’olofyoro karik atehan n’Ojok! Angai oko atahitha akanyo nanyong arami karik thol’oyihothik horimahinerek asang angejuho!
\q
\v 34 Ngai diri otek ahu n’Ohobu? Karik, ngai lowon ara osarani lonyong?
\q
\v 35 karik, ngai icak esarahina aning nabo d’Ojok? Ofuni mwai inyahahina, adumahini do nyong?”
\p
\v 36 Tho nyong, tholo nyong, do nyong, asang fodok. Abolori thoiwona do nyong mak. Amen.
\c 12
\cl Ebwayit 12
\p
\v 1 Ajo nang dothai, olarok, th’amehina thon’Ojok, isarahina ahwandek hathai d’Ojok ara ehuma namijo, nadwa han’efothu Ojok. Ingengelunu egyema nahoi.
\v 2 Hoithahijihi ahwan ara nahap; iloyice ahwan th’ethalengejuhyo ahu nahoi. Ihandye ahani th’atehan ainyong oyyu, ainyong neruhuni, abis iring nawaharik Ojok.
\p
\v 3 Acama nang ahani th’alwahyo than’athuhi esarahina do nang, dawang lobo thothai igigilo bebe th’ahwan thana nyong iring neraharik isong igigilorik. Kombwo, isong tho igigiloi th’ahongon iring n’athuhorik Ojok esarahinerek do song eruk iring nya.
\v 4 Okelethoi ahwan aboith olwarai. Awang egyemathik h’okeri h’ahwan abok abok horijoro.
\v 5 Orijoro iring ohothai olwarai dihwan ho Kristo aboithe; etihahunu; esuka amaji aboithe.
\v 6 Ewon h’esoritha h’ekela thoho loboling th’alwahyo thana isarahini d’ohothai. Ara esoryo nolobo acoryo n’arami, thegyamarik esoryo ne ring eruk nanyong.
\v 7 Ara owon alwahyo ara esoryo noloboling, tholwahye; ara ethayeyenio esoryo nolobo, thoithayeyenie.
\v 8 Ara ethakolyo n’ohoigyemak esoryo noloboling, thoithakolye; ara esoryo nolobo esoryo, thoisory th’othaji tho lonyong fodok; ara esoryo nolobo endafaitho n’ohothing, thoindafathe tuhudi; ara esoryo nolobo amehina, thomehi th’amuno.
\p
\v 9 Amuno nahwandek thoiwona kwong adwala; Idai amonyori; indefa ayyiji th’enget.
\v 10 D’amuno n’olarok, iruhotho ahwandek; d’arami h’ethahuyo, obangatha ahwandek.
\v 11 D’atehan egyema ara nayyu, hoiririhitha. Th’othaji, owaha. D’Ohobu, igyemai.
\v 12 Omunoi d’ayenio nahoi no mwai. Ongongye ethahthacanitha hahoi. Omojoi juii.
\v 13 Ingarak alwahyo ohoiruhok; orimak oyihothik olwarai ho ithaithahinerek do homok.
\v 14 Oboroye ohothing hoithasahyo iye; hoifyethak ohothing homan iye.
\v 15 Omunoi h’ohothing homuno; ikoro h’ohothing hoikor.
\v 16 Ahu nahoi thorijoro ara nayyu d’ohothing fodok. Hoithadara. Ifothu ohorathak; hoigigilo th’ahu thanahoi hijan ihong iye.
\v 17 Hoirofu othulo loboling th’amonyori. Ihandye asang hahoi ahibu ohothing fodok ingengelyo.
\v 18 Ara ocohi dohoi, iwona h’ohothing fodok h’elik n’othaji.
\v 19 Hoiryafuna hwandek hathai, ohothing hamuno nanga; ti, idehina ahwandek d’enegre n’Ojok. Atha ingere hijan: “Arofuna hindang, aduma nang de,” ojo Ohobu.
\q
\v 20 “Ti, ara oleng ahure omerohothononi lohoi, isarak anyari donyong. Ara ibotho ahibothit, isarak donyong ahari; Ara ihandyo iye ahani, iye lecofak ahinang dihide hananyong.”
\p
\v 21 Amonyori thawang hotehu iye; otehu amonyori th’ayiji.
\c 13
\cl Ebwayit 13
\p
\v 1 Othaja fodok thoiruho d’ohoindefak h’ohothing h’ahap. Oindu abolori nasong, ikara th’amaji naboling; oindu th’Ojok. Ohoindefak h’ohothing hah’ahap, Ojok isarak d’amaji ne.
\v 2 Loida ohoindefak h’ahap karik h’ohothing, ida ohifahe l’Ojok. Hoida hulya, okanye de arami hasong.
\v 3 Awang ohoindefani l’ohothing hal’ahap ho monyo d’asang h’arami hayyu; omonyori d’asang hamonyo. Ara iwak iye awangan abangi ohoindefani l’ahap, ihandye asang hayyu; ifufuryo de inyong iye.
\v 4 Inyong lo ongaca l’Ojok d’ayiji nahoi; ara ihandyo iye asang hamonyo, obanga; awang hodaha h’odemi kwong arami; inyong lo ongaca l’Ojok; ohorofani l’engere d’othulo lehandyo namonyo.
\v 5 Ithaningye arami hanyong, ikara th’abangi then’engere nanyong karik dang th’arami thoh’othaji.
\v 6 Th’ahosi thah’arami hune, inyong neduma iye enyahwo donyong. Ohoindefak h’ohothing hah’ahap ongacani h’Ojok kwong ayiri.
\v 7 Odumai ohothing fodok howon hohoi h’ahorosi: ohoindefani la’amiji, ohoithanyangani, ohoibobolok h’ohoithadahak; obanga othulo lowon h’aning nabangi; ifufurye ohothing howak efufura.
\p
\v 8 Hoiwon holobo h’ahoros, arahari amuno n’ahwandek donyong loindafaitho oyano tuhudi.
\v 9 Iring na, “hoyau h’athulo n’oloboling, hoitoho, hoihoholyo, hoiyul asang halifa,” karik owon efahi nabo nanyahi ocame lo, “Imuno iye de othulo loindek dohoi, iring nemunorik iye ahwan nahoi.”
\v 10 Inyong na, othubu amuno akolon n’oyano.
\p
\v 11 Th’arami thohune, itek iye omiru hehenyunerek iye th’ajoo. Aindek ethalwahuna nahothai ahithemi th’omiru heruhori.
\v 12 Abolo aharye; aindek ofaning ainduna. Hesarahina egyemathik h’omudwe arakang; hehuhumyethek ahwandek d’afangan.
\v 13 Hadahathik iring ohothing hodaha th’afaning; ikara iring adaha n’ebotho. Hothai thawang hodahai th’eleru h’ahayini.
\v 14 Kombwo, heyofohina Hobu Yesu Kristo, edehi eleru dihap.
\c 14
\cl Ebwayit 14
\p
\v 1 Ifothu othulo lelik eruhon nanyong kwong ofere.
\v 2 Iruk lobo, anyo asang fodok; loboling eruk anyo ojasi hamaring.
\v 3 Othulo lonyo asang fodok th’awang homorye othulo lonyo ojasi hamaring. Othulo lonyo ojasi hamaring th’awang homorye othulo lonyo asang fodok.
\v 4 Iye ngai dijaran oyyu dia omonyo ngadi thongadi larara ahana? Owoitha dia opwaharu inyong lo dihithemi ho lahong thonyong; ti, ithawejihini de inyong; isarak de inyong ohobu akolon n’awetha.
\v 5 Do lobo, okalu ofaning lobo lobo th’ayiji. Do lobo ayiji operok fodok see. Ohothing fodok thoiruho iring negigilorik isong.
\v 6 Lethahuyo ofaning, ithahuyo th’ofure thol’Ohobu. Lonyo, onyo th’ofure thol’Ohobu. Afurak Ojok ahinywarang. L’awang onyo, ida anyo th’Ohobu. Afurak nang dang Ojok ahinwarang.
\v 7 Awang lobo lohothai lesuka th’ahwan thana nyong. Awang loye th’ahwan thana nyong.
\v 8 Ara esuka, esuka d’Ohobu; ara eye, eye d’Ohobu; Inyong anara dia esuka dia eye ohothai h’Ohobu.
\v 9 Th’arami tho hune, aye, ebuhu Kristo dowon inyong ara Ohobu l’ohoyak karik l’ohoiswok.
\v 10 Ara iye, ainyong isarak iye ajaran oyyu dia onmonyo lelai? Anyo imoryo iye lelai? Efunu mwai fon iwetha dihithemi h’Ojok ara lawoni di kara di kanyo arami h’ohothing.
\v 11 Igero: “Iring esuka nang,” ojo Ohobu, “Oduhutho de ahungitho do nang.”
\p
\v 12 Ifunu ohothai fodok mwai inyahina Ojok ainyong ehandyo ohothai.
\p
\v 13 Inyong na, ohothai th’awang hokanyaru ahwandek. Kombwo, ohothai thoihandyethek ahana ohothai th’awang holohai ahwandek.
\v 14 Atek nang iring natehari nang th’Ohobu, Yesu. Awang aning nebot th’ahwan thanyong. D’othulo lojo ibot fodok, donyong ibot aning nawon.
\v 15 Ara eryafu iye lelai th’anyari thanahoi, awang amuno thohoi. Hetharohojo th’anyari thanahoi othulo laye Kristo thonyong.
\v 16 Hoisarak oisukaitha hohoi iye tholauni.
\v 17 Ikara ohobye l’Ojok l’anyari hal’amatha. Ohobye l’Ojok inyong abisan, elik n’othaji karik amuno ditha h’Ohoile Lodwa.
\v 18 Loigyema do Kristo thoyihoi tholya, iruhu Ojok, and ohothing dang eruhuni.
\v 19 Iring na, hathifothethek elik n’othaji h’asang haduho ohothai fodok.
\v 20 Hoitharohojo egyema n’Ojok th’anyari; amonyori nawon d’othulo lonyo, isarak inyong thoipala.
\v 21 Oyyu awangan n’anyo n’ahiringo; oyyu awangan amatha obalu, oyyu awangan n’anyo aning nabo kwong, ara awang hoiyanu omorit do lelai.
\v 22 Eruhon nahoi asang olwarai, thoiwona dihiji hohoi h’Ojok. Othulo lawang hoiruhu epal nanyong th’asang thaheruhu inyong, thomunoi.
\v 23 Othulo l’awang otek tuhudi, eruhu anyo aning nawang inyong otek tuhudi, ipal. Othulo l’awang onyo th’eruk, iyau.
\c 15
\cl Ebwayit 15
\p
\v 1 Hangongohina. Ohothai th’awang homunoi elihan no homok th’ohothai.
\v 2 Hethamunoyethe othulo l’oindu d’ohothai th’ayiji, doyyu.
\v 3 Itek ithai, juk Kristo, kabong nya ithamunoyo ahwan nanyong. Kombwo, iring arami hegero: “Omoritha h’ohomorok hothai, odouni do nanga.”
\v 4 Arami hanya egero ityenie ohothai eyeyena th’akolon, ethahuhini dang ohothai hijan elwahu.
\v 5 Ojok l’angongyo hal’engarahina, thoisarak ithai ahu ne tholo Kristo Yesu.
\v 6 Inyong tholwaha demamajo th’ahuthuk aboithe Ojok, Omonye l’Ohobu lohothai Yesu Kristo.
\p
\v 7 Inyong na, iruhuna ahwandek, iring neruhori ithai Kristo th’emamajo thon’Ojok.
\v 8 Awak izai di iyiuna ijan alwak Kristo ohozai Ojude ditehan hadiri ho Ojok. Aindu disahina zewona ara hadiri asing bokolong hajo Ojok ihandio inyong do ohohonyok hohozai.
\v 9 Ti aindu dang inyong diluahio ha awang owon ara Ojude, dini izahuyo de isong Ojok da amiehunu nayong isong. Azuk amiehunu no Ojok ohozing eyanu aning nanyia igero diza amaninihio ijan ajo Davide do Ojok: "Dini emamajo nang iye de dihiji ho ohozing ha awang owon ara Ojude; edolo nang karik nang ezahuyo iye."
\p
\v 10 Teki ajo, “Omunothi Ohobu Ithai fodok hoikela th’Ojudei. Ohothing fodok th’ethahuye inyong.”
\p
\v 11 Karik teki ajo: “Ithahuyethe Ohobu, ithai fodok ohothing hoikela th’Ojudei, Ohothing fodok thethahuye inyong.”
\p
\v 12 Teki Isayiya ajo: “Owon de ohade lo Jesse. Oindu de idotho dindafaitho ohothing hoikela th’Ojudei, Ofuni de ohothing hoikela th’Ojudei iyenio inyong.”
\p
\v 13 Ojok l’ayenio thoithafuthak ithai th’amuno h’elik n’othaja, diwon ithai h’ayenio th’akolon thon’Ohoile Lodwa.
\p
\v 14 Atek nang, olarok, hijan iwon ithai h’ayiji karik atehan. Atek nang hijan ilwaha ithai ahwandek.
\v 15 Egero nang do thai kwong abangi, dithayuhinere ithai asang hamok h’esoryo thananya athuk nang Ojok esarahina.
\v 16 Esoryo nesarak nang awonan ara ongaca lo Kristo Yesu losulahini dityenio ohothing hoikela th’Ojudei arami angejuho hayyu h’Ojok. Ehandyo nang ahani diruhuni esoritha h’ohothing hoikela th’Ojudei ara hathuk ethadwara th’Ohoile Lodwa.
\v 17 Amuno hindang ditha ho Kristo Yesu karik ditha h’asang fodok h’Ojok.
\v 18 Awang nang de acama arami caa, arahari arami hathuk Kristo egyema tholo nang th’eruhon thon’ohothing hoikela th’Ojudei. Asang hune h’egyema th’ocame karik ehandyo.
\v 19 Th’akolon than’ethamijanitha karik aduho n’amaji n’othulo lobo ija ahani.
\v 20 Iring nathuhi egerori: “Hakabong horimak arami hanyong hayyu, otehuni de inyong. Hokabong hoithairu, ofuni de itimuna.”
\v 21 Oko nya do nang dinduna dothai.
\p
\v 22 Ti, awang nang awon h’amaji d’amaji nya. Oyingathik hulya olwarai awak nang nya ainduna dothai.
\v 23 Ara nang lalo di Spain, alo nang de ithai itiharu. Ara hibu ththai thiya ofwoi nang isulahina, alo nang de inden ahibu nang athuk esukauna hothai.
\v 24 Nang ti lalo thenene di Yerusalem di digyema th’ohoiruhok.
\v 25 Oyiji nya arami ho Macidonia karik h’Achaya dilwahyo ohicanak howon ditha h’oiheruhok ho Yerusalem.
\v 26 Aa, oyyu naya dosong bebe, anyo, owoni dosong iring ohothing h’ahoros.
\v 27 Ara ongara ohothing h’awang owon ara Ojudei asang h’Ohoile, isong dang thongara asang h’ahwan.
\v 28 Ara nang lathuk arami hune, nang atehu iyanu dosong ayiji, alo nang de di Spain tholothai.
\v 29 atek nang lo, ara nang laindu dothai aindu nang de lunga tuhudik h’aboroio no Kristo.
\p
\v 30 Anyahi nang ithai, olarok, th’ofure thol’Ohobu lohothai Yesu Kristo, omojothi tho nang bebe d’Ojok.
\v 31 Omojothi tho nang di kau nang th’ohothing hoida arami ho Kristo di Judea; esarak egyema hindang d’ohoiruhok di Yerusalem.
\v 32 Omojothi, d’aindu nang tholothai th’amuno than’awahan Ojok, dirimak ohothai fodok ayiri.
\v 33 Ojok l’elik n’othaja thoiwona hothai fodok. Amen.
\c 16
\cl Ebwayit 16
\p
\v 1 Anyahi nang dohoi ahani nahothai Febe negyema di hang n’Ojok di Cenkrya.
\v 2 Difothu ithai inyong na th’ofure thol’Ohobu, iring nehandyere ohoiruhok d’Ojok. Olwahyethe ara ithai isarak do nyong aning nawak inyong thothai; inyong na nya ahalwahani nayyu d’ohothing olwarai karik do nang.
\p
\v 3 Asulak nang emanda hindang do Prisilla karik Akwilla, ohoigyemak ho nang d’egyema no Kristo Yesu.
\v 4 Aindehi isong eryafuna dilwahuna, ikara nang hamaring. Alwahuni dang ahangithek h’Ojok h’ohothing hoikela th’Ojudei.
\p
\v 5 Emanda hindang dang d’ahang n’Ojok nasuduha di hang ho song. Emanda hindang d’omotte hindang loko, Epeyeto, othulo l’amiji no Asiya, lonya iyak eruho do Kristo.
\p
\v 6 Emanda hindang do Maria, athulo negyema bebe thoithai.
\p
\v 7 Emanda hindang dang do Androniko karik do Yuniya, Ojudei iring nang, honya ifithahini ho nang. Otehi nya isong ohoifahak; isong ecak awonan ara okristyani thonang.
\p
\v 8 Emanda hindang do Amplyato, omotte hindang d’elulung n’Ohobu.
\p
\v 9 Emanda hindang do Urbano, ohoigyemani ho nang d’egyema no Kristo; emanda hindang dang do Stakio, omotte hindang.
\p
\v 10 Emanda hindang do Apelle, lonya athemunu eruhon nanyong do Kristo. Emanda hiding d’ahang no Aristobulo.
\p
\v 11 Emanda do Herodyon, l’Ojudei iring nang, karik d’olarok okristyiano di hang ho Narciso.
\p
\v 12 Emanda hindang do Trufana karik Trifosa, ohoigyemak d’Ohobu, karik omotte hindang Persis, laleng egyema d’Ohobu.
\p
\v 13 Asulak nang emanda do Rufus, ohoigyemani lohitto d’Ohobu, karik d’ahathingi nanya indafaitho nang iring olonyi.
\p
\v 14 Emanda hindang do Assenkristus, Flegon, Hermes, Patrobas, Hermas karik d’okristiano fodok olarok dosong.
\p
\v 15 Emanda do Philologus, do Julya, do Nereo, ahani, do Olympas karik d’ohothing fodok h’Ojok howoni hosong. Imandathi emanda n’olarok.
\p
\v 16 Ahangithek fodok h’Ojok ho Kristo, asulak nang dothai emanda.
\p
\v 17 Ajo nang dothai, olarok, omijethe tuhudi d’ohothing heyanu ebwa, etharohoje etyenio nethuk ithai efothuna. Isukathi olomarai thosong.
\v 18 Ohothing hulya ikara ohoigyemak ho Kristo Hobu; ohoigyemak hulya h’ahohya hasong. Th’ocamitha thohosong thohojak hoyyu, hoditumyo ohothing hoyyu.
\v 19 Ethaninguni ohothing fodok eruhon nathai arami angejuho hayyu. Th’arami tho hune, amuno nang bebe thoithai. Awak nang ithai thohongo d’arami hayyu. Oyijotho disuka olamarai th’arami hamonyo.
\v 20 Owon Ojok loindu th’elik thon’othaja karik n’ahap; thonyong, oryehi de Sitan tholohop h’ahejek hathai. Alwahyo n’Ohobu lohothai Yesu Kristo, thoiwona hothai.
\p
\v 21 Timoteo, ohigyemani honang, ithamandayo ithai, Luco, Jason karik Sosipater, Ojudei iring nang.
\v 22 Nang, Tertius, ohoigeroni l’amanini ne, asulak nang dothai emanda n’okristiano.
\v 23 Othulo lesuka nang di hang honyong, ahang n’Ojok. Owoni ocamitha diya. Ithamandayo ithai Gayus; Erasius, ohoendefani l’enyahwo h’abore karik lalalai, Kwartus, ithamandye ithai.
\v 24 Awang.
\q
\v 25 Hethaboloryethe Ojok! Inyong ithakolyo ithai d’eruhon nathai arami angejuho hayyu hetyenio nang dothai tho Yesu Kristo, karik thanyahina arami hadiri hanya idima nya berien.
\q
\v 26 Ti, arami hadiri hanya hwa ethalyehini egeritha h’ohocorok. Atehi dang amisok fodok thefahi thon’Ojok, diruk ohothing fodok, ethaningye.
\q
\v 27 D’Ojok hama, ohongoni, ahujon thoiwona tholo Yesu Kristo mak, Amen.